Questions

കാര്യക്ഷമമായ പഞ്ചായത്ത് ഭരണം

ശ്രീ. തോമസ് ഉണ്ണിയാടന്‍

,, മോന്‍സ് ജോസഫ്

,, റ്റി.യു. കുരുവിള

,, സി.എഫ്. തോമസ്

താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ) പഞ്ചായത്തുകളുടെ വര്‍ദ്ധിച്ചുവരുന്ന ജോലിഭാരം കണക്കിലെടുത്ത് ത്രിതല പഞ്ചായത്തുകളിലെ ഭരണം കൂടുതല്‍ കാര്യക്ഷമമാക്കാന്‍ എന്തെല്ലാം നടപടികളാണ് സ്വീകരിച്ചിട്ടുള്ളത് ;

(ബി) പഞ്ചായത്തില്‍ ഫണ്ടുകള്‍ വിനിയോഗിക്കുന്നതിന് കൃത്യതയുള്ളതും, സുതാര്യവുമായ നടപടികള്‍ സ്വീകരിക്കുമോ;

(സി) പഞ്ചായത്തുകളുടെ പ്രവര്‍ത്തനക്ഷമത വര്‍ദ്ധിപ്പിക്കുന്നതിനാവശ്യമായ ഓഫീസ് സംവിധാനം ഏര്‍പ്പെടുത്തുന്നതിനുള്ള നടപടികള്‍ സ്വീകരിക്കുമോ?

തദ്ദേശസ്വയംഭരണസ്ഥാപനങ്ങളുടെ പദ്ധതിച്ചെലവ് അവലോകനം

ശ്രീ. ബി. സത്യന്‍

,, എം. എ. ബേബി

'' എ. പ്രദിപ്കുമാര്‍

ഡോ. കെ. ടി. ജലീല്‍

താഴെ കാണുന്ന ചോദ്യങ്ങള്‍ക്ക് ഗ്രാമവികസനവും ആസൂത്രണവും സാംസ്കാരികവും നോര്‍ക്കയും വകുപ്പുമന്ത്രി സദയം മറുപടി നല്‍കുമോ:

(എ) 2011-12 -ല്‍ തദ്ദേശസ്വയംഭരണസ്ഥാപനങ്ങളുടെ പദ്ധതിച്ചെലവ് സംബന്ധിച്ച അവലോകനം നടത്തിയിട്ടുണ്ടോ ; വിശദാംശം നല്‍കാമോ ;

(ബി) സാമ്പത്തികവര്‍ഷം അവസാനിക്കാറായപ്പോഴും പദ്ധതിച്ചെലവ് എങ്ങുമെത്താത്തതിനെത്തുടര്‍ന്ന് പദ്ധതി തുക വിനിയോഗ

കാലാവധി മൂന്നുമാസത്തേക്ക് കൂടി നീട്ടണമെന്ന് തദ്ദേശസ്വയംഭരണസ്ഥാപനങ്ങളുടെ ഭാഗത്ത് നിന്നും ആവശ്യമുയര്‍ന്നിരുന്നോ ;

(സി) ഈ ആവശ്യം സംബന്ധിച്ച് എന്ത് തീരുമാനം കൈക്കൊണ്ടു ; അതിനുള്ള കാരണമെന്തെന്ന് വ്യക്തമാക്കാമോ ;

(ഡി) പദ്ധതി വിനിയോഗത്തില്‍ കുറവ് വരുത്തിയ തദ്ദേശസ്വയംഭരണസ്ഥപാനങ്ങള്‍ക്ക് അടുത്ത സാമ്പത്തികവര്‍ഷത്തില്‍ വിഹിതം കുറയ്ക്കാന്‍ ഉദ്ദേശിക്കുന്നുണ്ടോ ; വിശദമാക്കാമോ ?

മലയോര വികസന അതോറിറ്റി

ശ്രീ. കോടിയേരി ബാലകൃഷ്ണന്‍

,, കെ. കെ. ജയചന്ദ്രന്‍

,, രാജു എബ്രഹാം

,, എസ്. രാജേന്ദ്രന്‍

താഴെ കാണുന്ന ചോദ്യങ്ങള്‍ക്ക് ഗ്രാമവികസനവും ആസൂത്രണവും സാംസ്കാരികവും നോര്‍ക്കയും വകുപ്പുമന്ത്രി സദയം മറുപടി നല്‍കുമോ:

(എ) 2011-12 ബജറ്റില്‍ (പുതുക്കിയത്) പ്രഖ്യാപിക്കപ്പെട്ട മലയോര വികസന അതോറിറ്റി രൂപീകരിക്കപ്പെട്ടിട്ടുണ്ടോ;

(ബി) ഏതെല്ലാം താലൂക്കുകളെയാണ് ഈ അതോറിറ്റിയുടെ കീഴില്‍ ഉള്‍പ്പെടുത്തിയിരിക്കുന്നത്;

(സി) മലയോര പ്രദേശങ്ങളുടെ വികസനത്തിനായുള്ള മാസ്റര്‍ പ്ളാനുകള്‍ അതോറിറ്റി തയ്യാറാക്കിയിട്ടുണ്ടോ; എങ്കില്‍ അതിന്റെ വിശദാംശങ്ങള്‍ നല്‍കുമോ;

(ഡി) അതോറിറ്റിക്കായി 2011-12 ബജറ്റില്‍ എത്ര തുകയാണ് നീക്കിവയ്ക്കപ്പെട്ടത്; അതില്‍ എത്ര തുക ചെലവഴിച്ചു?

ബി.പി.എല്‍ പട്ടിക

ശ്രീ. കോലിയക്കോട് എന്‍. കൃഷ്ണന്‍ നായര്‍

,, എസ്. ശര്‍മ്മ

,, കെ. വി. അബ്ദുള്‍ ഖാദര്‍

,, സി. കൃഷ്ണന്‍

താഴെ കാണുന്ന ചോദ്യങ്ങള്‍ക്ക് ഗ്രാമവികസനവും ആസൂത്രണവും സാംസ്കാരികവും നോര്‍ക്കയും വകുപ്പുമന്ത്രി സദയം മറുപടി നല്‍കുമോ:

(എ) സംസ്ഥാനത്ത് ഏതുവര്‍ഷം പ്രസിദ്ധീകരിക്കപ്പെട്ട ബി.പി.എല്‍ പട്ടികയാണ് നിലവിലുളളത് ;

(ബി) ഈ ലിസ്റ് തയ്യാറാക്കുന്നതിനുളള സര്‍വ്വേ നടത്തിയത് ഏതു വര്‍ഷമാണ് ;

(സി) ഈ പട്ടികയില്‍ ഉള്‍പ്പെടുത്തുന്നതിനായി പുതുതായി അപേക്ഷകള്‍ ലഭിച്ചിട്ടുണ്ടോ ;

(ഡി) ഈ അപേക്ഷകളും പട്ടികയിന്മേലുളള പരാതികളും പരിശോധിക്കുന്നതിനുളള നടപടികള്‍ ആരംഭിച്ചുവോ ; പരിശോധനാ മാനദണ്ഡങ്ങള്‍ എന്തൊക്കെയാണെന്ന് വ്യക്തമാക്കാമോ ?

വെജിറ്റബിള്‍ ആന്‍ഡ് ഫ്രൂട്ട് പ്രൊമോഷന്‍ കൌണ്‍സിലിന്റെ പ്രവര്‍ത്തനം

ശ്രീ. പി. സി. ജോര്‍ജ്

ഡോ. എന്‍. ജയരാജ്

ശ്രീ. റോഷി അഗസ്റിന്‍

താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ) വെജിറ്റബിള്‍ ആന്‍ഡ് ഫ്രൂട്ട് പ്രൊമോഷന്‍ കൌണ്‍സിലിന്റെ പ്രവര്‍ത്തനം വിലയിരുത്തിയിട്ടുണ്ടോ ; ഇതിന്റെ പ്രവര്‍ത്തനം ഏറ്റവും ഫലപ്രദമായി നടക്കുന്ന ജില്ല ഏതാണ് ;

(ബി) പ്രസ്തുത സ്ഥാപനത്തിനു കീഴില്‍ എത്ര രജിസ്റേര്‍ഡ് കൃഷിക്കാരും സ്വയം സഹായസംഘങ്ങളും ഉണ്ടെന്നും പഴം, പച്ചക്കറി ഉല്പാദനകാര്യത്തില്‍ മുന്‍വര്‍ഷങ്ങളെ അപേക്ഷിച്ച് ഇവര്‍ക്ക് എത്രത്തോളം മുന്നേറ്റം ഉണ്ടായിട്ടുണ്ടെന്നും അറിയിക്കുമോ ;

(സി) സംസ്ഥാനത്ത് കര്‍ഷകര്‍ ഉല്പാദിപ്പിക്കുന്ന പഴം, പച്ചക്കറി കാര്‍ഷിക ഉല്പന്നങ്ങള്‍ എന്നിവ വിറ്റഴിയ്ക്കുന്നതിനും കേടുകൂടാതെ സംഭരിക്കുന്നതിനും ഉതകുന്ന തരത്തിലുള്ള സംവിധാനങ്ങള്‍ കൂടുതലായി ഏര്‍പ്പെടുത്താന്‍ നടപടി സ്വീകരിക്കുമോ ?

ക്ഷീരോല്പാദന കേന്ദ്രങ്ങള്‍ക്ക് ധനകാര്യ സ്ഥാപനം

ശ്രീ. വി.റ്റി. ബല്‍റാം

,, എ. പി. അബ്ദുളളക്കുട്ടി

,, ഡൊമിനിക് പ്രസന്റേഷന്‍

,, ജോസഫ് വാഴക്കന്‍

താഴെ കാണുന്ന ചോദ്യങ്ങള്‍ക്ക് ഗ്രാമവികസവും ആസൂത്രണവൂം സാംസ്കാരികവും നോര്‍ക്കയും വകുപ്പുമന്ത്രി സദയം മറുപടി നല്‍കുമോ:

(എ) ക്ഷീരോല്പാദന കേന്ദ്രങ്ങളുടെ പ്രവര്‍ത്തനങ്ങള്‍ ശക്തിപ്പെടുത്തുന്നതിന് സ്വീകരിച്ചിട്ടുളള നടപടികള്‍ എന്തെല്ലാം;

(ബി) ഇതിനായി ഒരു പുതിയ ധനകാര്യ സ്ഥാപനം രൂപീകരിക്കുന്ന കാര്യം പരിഗണിക്കുമോ;

(സി) ക്ഷീര സഹകരണ സംഘങ്ങളില്‍ നിന്ന് ഇതിന് ആവശ്യമായ ഫണ്ട് സ്വരൂപിക്കുന്ന കാര്യം ആലോചിക്കുമോ?

മഴക്കാലപൂര്‍വ്വ ശുചീകരണ പ്രവര്‍ത്തനങ്ങള്‍

ശ്രീ. എസ്. ശര്‍മ്മ

,, എളമരം കരീം

,, പി. ശ്രീരാമകൃഷ്ണന്‍

,, എ. എം. ആരീഫ്

താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ) മഴക്കാലപൂര്‍വ്വ ശുചീകരണം സംബന്ധിച്ച് ശുചിത്വമിഷന്‍ മുന്നോട്ടുവച്ച നിര്‍ദ്ദേശങ്ങള്‍ എന്തൊക്കെയായിരുന്നു;

(ബി) മഴക്കാലപൂര്‍വ്വ ശുചീകരണ പ്രവര്‍ത്തനങ്ങള്‍ ഏകോപിപ്പിക്കുന്നതില്‍ തദ്ദേശ സ്വയംഭരണ വകുപ്പ് സ്വീകരിച്ച നടപടികള്‍ എന്തൊക്കെയായിരുന്നു എന്ന് വ്യക്തമാക്കാമോ;

(സി) ഈ വിഷയത്തില്‍ മന്ത്രിതലത്തില്‍ എത്ര യോഗങ്ങള്‍ നടത്തുകയുണ്ടായി; യോഗതീരുമാനങ്ങള്‍ എന്തൊക്കെയായിരുന്നു;

(ഡി) വേനല്‍മഴ ആരംഭിക്കുന്നതിനു മുന്‍പായി പ്രവര്‍ത്തനങ്ങള്‍ നടപ്പിലാക്കുന്നതിനുള്ള സംവിധാനങ്ങള്‍ വിശദമാക്കുമോ?

തന്റേടം ജന്‍ഡര്‍ പാര്‍ക്ക് പദ്ധതി

ശ്രീ. എ. റ്റി. ജോര്‍ജ്

'' തേറമ്പില്‍ രാമകൃഷ്ണന്‍

'' വി. ഡി. സതീശന്‍

'' റ്റി. എന്‍. പ്രതാപന്‍

താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ) തന്റേടം ജന്‍ഡര്‍ പാര്‍ക്ക് പദ്ധതിക്ക് തുടക്കമിട്ടിട്ടുണ്ടോ, വിശദമാക്കുമോ ;

(ബി) ഈ പദ്ധതിയുടെ ഉദ്ദേശ്യലക്ഷ്യങ്ങള്‍ വിശദമാക്കാമോ ;

(സി) ഈ പദ്ധതി വിജയിപ്പിക്കുന്നതിനായി എന്തെല്ലാം നടപടി സ്വീകരിക്കുവാന്‍ ഉദ്ദേശിക്കുന്നു ;

(ഡി) പദ്ധതിക്ക് വേണ്ടത്ര പ്രചരണം നല്‍കുന്ന കാര്യം പരിഗണിക്കുമോ ?

കര്‍ഷക ആത്മഹത്യ

ഡോ. ടി. എം. തോമസ് ഐസക്

ശ്രീ. എളമരം കരീം

,, വി. ചെന്താമരാക്ഷന്‍

,, ബാബു എം. പാലിശ്ശേരി

താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ) കര്‍ഷക ആത്മഹത്യയ്ക്ക് പരിഹാര നടപടികളുടെ പ്രഖ്യാപനമുണ്ടായിട്ടും ആത്മഹത്യകള്‍ തുടരുന്നത് ശ്രദ്ധയില്‍പ്പെട്ടിട്ടുണ്ടോ;

(ബി) 2012 മാര്‍ച്ച് 21 ന് ശേഷമുള്ള കാലയളവില്‍ എത്ര കര്‍ഷകര്‍ ആത്മഹത്യ ചെയ്തിട്ടുണ്ടെന്ന കണക്ക് ലഭ്യമാക്കുമോ;

(സി) സര്‍ക്കാര്‍ പ്രഖ്യാപിച്ച പരിഹാര നടപടികളെ സംബന്ധിച്ച് വിലയിരുത്തല്‍ നടത്തിയിട്ടുണ്ടോ; എങ്കില്‍ വിശദാംശങ്ങള്‍ നല്‍കാമോ;

(ഡി) പരിഹാര നടപടികളിലെ പോരായ്മകള്‍ എന്തെങ്കിലും ശ്രദ്ധയില്‍പ്പെട്ടിട്ടുണ്ടോ; ഇവ എന്തെല്ലാമാണെന്ന് വ്യക്തമാക്കുമോ;

(ഇ) കഴിഞ്ഞ സര്‍ക്കാര്‍ നടത്തിയ ഇടപെടലുകളിലൂടെ ഇല്ലാതാക്കിയ കര്‍ഷക ആത്മഹത്യ സംസ്ഥാനത്ത് ഇപ്പോഴും ഉണ്ടാകുന്നത് സംബന്ധിച്ച് പഠനം നടത്താന്‍ തയ്യാറാകുമോ ?

മാലിന്യസംസ്കരണത്തിനായി ഫ്ളാറ്റുകള്‍ക്ക് സഹായം

ശ്രീ. തേറമ്പില്‍ രാമകൃഷ്ണന്‍

,, ബെന്നി ബെഹനാന്‍

,, ഐ.സി. ബാലകൃഷ്ണന്‍

,, പി.എ. മാധവന്‍

താഴെ കാണുന്ന ചോദ്യങ്ങള്‍ക്ക് മുനിസിപ്പാലിറ്റികളും കോര്‍പ്പറേഷനുകളും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ) മാലിന്യസംസ്കരണത്തിനായി നഗരങ്ങളിലെ ഫ്ളാറ്റ് സമുച്ചയങ്ങള്‍ക്ക് എന്തൊക്കെ സഹായങ്ങളാണ് നല്‍കാന്‍ ഉദ്ദേശിക്കുന്നത്;

(ബി) ഫ്ളാറ്റുകളില്‍ ബയോഗ്യാസ് പ്ളാന്റുകള്‍ സ്ഥാപിക്കാന്‍ ധനസഹായം നല്‍കുന്ന കാര്യം പരിഗണിക്കുമോ; വിശദമാക്കുമോ;

(സി) ധനസഹായം നല്‍കാനുദ്ദേശിക്കുന്ന ഫ്ളാറ്റ് സമുച്ചയങ്ങള്‍ക്ക് അനുവദിക്കുന്ന പ്ളാന്റുകളുടെ എണ്ണം എത്രയാണെന്ന് നിജപ്പെടുത്തിയിട്ടുണ്ടോ?

ഖരമാലിന്യ സംസ്കരണ പ്ളാന്റുകള്‍

ശ്രീ. വി. ഡി. സതീശന്‍

,, അന്‍വര്‍ സാദത്ത്

,, ബെന്നി ബെഹനാന്‍

,, കെ. അച്ചുതന്‍

താഴെ കാണുന്ന ചോദ്യങ്ങള്‍ക്ക് മുനിസിപ്പാലിറ്റികളും കോര്‍പ്പറേഷനുകളും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ) നഗരങ്ങളില്‍ ഖരമാലിന്യങ്ങള്‍ സംസ്ക്കരിക്കുന്നതിന് എന്തെല്ലാം നടപടികളാണ് കൈക്കൊണ്ടിരിക്കുന്നത്;

(ബി) ഇതിനുളള വന്‍കിട പ്ളാന്റുകള്‍ എവിടെയൊക്കെയാണ് സ്ഥാപിക്കാനുദ്ദേശിക്കുന്നത്;

(സി) പ്ളാന്റുകള്‍ സ്ഥാപിക്കുമ്പോള്‍ പരിസ്ഥിതി പ്രശ്നം സൃഷ്ടിക്കാത്തവിധം പുതിയ സാങ്കേതിക വിദ്യകള്‍ ഉപയോഗിക്കുന്ന കാര്യം പരിഗണിക്കുമോ ?

ഇടുക്കി, കുട്ടനാട് പാക്കേജുകളുടെ പ്രവര്‍ത്തനം

ശ്രീ. റോഷി അഗസ്റിന്‍

,, പി.സി.ജോര്‍ജ്

ഡോ. എന്‍ ജയരാജ്

താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ) ഇടുക്കി, കുട്ടനാട് പാക്കേജുകളുടെ പ്രവര്‍ത്തനം ഏതുഘട്ടത്തിലാണെന്ന് അറിയിക്കുമോ;

(ബി) പ്രസ്തുത പാക്കേജുകളില്‍ ഉള്‍പ്പെടുത്തി നടപ്പാക്കാനുദ്ദേശിക്കുന്ന എത്ര പ്രോജക്ടുകള്‍ക്ക് നാളിതുവരെ കേന്ദ്രത്തിന്റെ അംഗീകാരം ലഭിച്ചുവെന്നും എത്ര തുക അനുവദിച്ചു;

(സി) ഈ മേഖലയില്‍ കര്‍ഷകര്‍ അഭിമുഖീകരിക്കുന്ന പ്രശ്നങ്ങള്‍ക്ക് ഒരു പരിധിവരെ പരിഹാരമാകുന്ന പ്രസ്തുത പാക്കേജുകള്‍ താമസംവിനാ പൂര്‍ണ്ണ അര്‍ത്ഥത്തില്‍ യാഥാര്‍ത്ഥ്യമാക്കാന്‍ അടിയന്തിര നടപടി സ്വീകരിക്കുമോ?

ന്യൂനപക്ഷ വിഭാഗത്തിലെ സ്ത്രീകളുടെ ക്ഷേമത്തിന് പദ്ധതി

ശ്രീ. എം. പി. അബ്ദുസ്സമദ് സമദാനി

,, എന്‍. എ. നെല്ലിക്കുന്ന്

,, സി. മോയിന്‍കുട്ടി

,, വി. എം. ഉമ്മര്‍ മാസ്റര്‍

താഴെ കാണുന്ന ചോദ്യങ്ങള്‍ക്ക് മുനിസിപ്പാലിറ്റികളും കോര്‍പ്പറേഷനുകളും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ) ന്യൂനപക്ഷ ക്ഷേമ വകുപ്പിന്റെ ആഭിമുഖ്യത്തില്‍ ന്യൂനപക്ഷ വിഭാഗത്തിലെ വനിതകളുടെ ക്ഷേമത്തിനായി നടപ്പാക്കാന്‍ ഉദ്ദേശിക്കുന്ന പദ്ധതികള്‍ എന്തെല്ലാമെന്ന് വിശദമാക്കുമോ ;

(ബി) പ്രസ്തുത വിഭാഗത്തിലെ വനിതകളുടെ ശാക്തീകരണം ലക്ഷ്യമിട്ട് കുടുംബശ്രീ മാതൃകയില്‍ സ്വയംസഹായ സംഘങ്ങള്‍ ആരംഭിക്കുന്നതിനുളള നടപടി സ്വീകരിക്കുമോ ;

(സി) സാമ്പത്തിക പിന്നോക്കാവസ്ഥ നേരിടുന്ന ന്യൂനപക്ഷ മതവിഭാഗങ്ങളിലെ വനിതകള്‍ക്ക് സൌജന്യ തൊഴില്‍ പരിശീലനവും സാമ്പത്തിക സഹായവും ലഭ്യമാക്കുന്ന കാര്യം പരിഗണിക്കുമോ ;

(ഡി) പുനര്‍ വിവാഹം കഴിക്കാത്ത, മൊഴി ചൊല്ലപ്പെട്ട പാവപ്പെട്ട ന്യൂനപക്ഷ വിഭാഗത്തില്‍പ്പെട്ട വനിതകളുടെ പുനരധിവാസത്തിനുളള എന്തെങ്കിലും പദ്ധതി പരിഗണനയിലുണ്ടോ ; എങ്കില്‍ വിശദമാക്കുമോ ?

എന്‍ഡോസള്‍ഫാന്‍ പഠന റിപ്പോര്‍ട്ട്

ശ്രീ. ഇ.ചന്ദ്രശേഖരന്‍

,, മുല്ലക്കര രത്നാകരന്‍

,, ചിറ്റയം ഗോപകുമാര്‍

,, ഇ.കെ.വിജയന്‍

താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ) എന്‍ഡോസള്‍ഫാന്‍ ഉപയോഗത്തെക്കുറിച്ചും എന്‍ഡോസള്‍ഫാന്‍ ഇരകളെക്കുറിച്ചും സംസ്ഥാനത്ത് ഏതെല്ലാം രീതിയിലുളള എത്ര പഠനങ്ങള്‍ നടന്നിട്ടുണ്ട്; ഈ പഠന റിപ്പോര്‍ട്ടുകളിലെ പ്രധാന ശുപാര്‍ശകള്‍ എന്തെല്ലാമാണെന്ന് വെളിപ്പെടുത്തുമോ;

(ബി) ഈ പഠന റിപ്പോര്‍ട്ടുകളുടെ വെളിച്ചത്തില്‍ ഇതുവരെ സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കുമോ;

(സി) എന്‍ഡോസള്‍ഫാന്‍ ഉപയോഗത്തെക്കുറിച്ചുളള അഭിപ്രായം എന്താണെന്ന് വ്യക്തമാക്കുമോ?

കാര്‍ഷികമേഖലയില്‍ ആവിഷ്ക്കരിച്ചിട്ടുളള പദ്ധതികള്‍

ശ്രീ. എന്‍. ഷംസുദ്ദീന്‍

,, പി.കെ. ബഷീര്‍

,, പി. ഉബൈദുളള

,, കെ.എന്‍.എ.ഖാദര്‍

താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ) നടപ്പുവര്‍ഷത്തെ പദ്ധതിയില്‍ കാര്‍ഷിക മേഖലയ്ക്ക് അനുവദിച്ച തുകയും സംസ്ഥാനത്തിന്റെ കാര്‍ഷിക മേഖലയില്‍ പരമാവധി പ്രയോജനപ്പെടുത്താന്‍ ആവിഷ്ക്കരിച്ചിട്ടുളള പദ്ധതികളും വിശദമാക്കുമോ;

(ബി) മുന്‍വര്‍ഷം കാര്‍ഷിക മേഖലയ്ക്ക് വകയിരുത്തിയ തുകയില്‍ എത്ര ശതമാനം ചെലവഴിച്ചു എന്നും എന്തൊക്കെ നേട്ടങ്ങള്‍ കൈവരിച്ചു എന്നും വിശദമാക്കുമോ;

(സി) നടപ്പുവര്‍ഷം ഏതൊക്കെ കൃഷിക്കാണ് പ്രാമുഖ്യം നല്കിയിട്ടുളളത്; അതിനായി പദ്ധതികള്‍ തയ്യാറാക്കി കഴിഞ്ഞിട്ടുണ്ടോ; അവയുടെ വിശദവിവരം നല്കാമോ;

(ഡി) ചെറുകിട കര്‍ഷകരുടെ കൃഷി ഭൂമികളില്‍ വ്യത്യസ്ത കാര്‍ഷിക വിഭവങ്ങളുടെ പരാമവധി ഉല്പാദനം ലക്ഷ്യമിട്ട് നടപ്പാക്കുന്ന പദ്ധതികളുടെ വിശദാംശം നല്കാമോ?

ബഹുനില കെട്ടിട നിര്‍മ്മാണം - പുതിയ മാര്‍ഗ്ഗരേഖകള്‍

ശ്രീ. കെ. വി. അബ്ദുള്‍ ഖാദര്‍

,, കോടിയേരി ബാലകൃഷ്ണന്‍

,, കെ. കെ. നാരായണന്‍

,, സാജു പോള്‍

താഴെ കാണുന്ന ചോദ്യങ്ങള്‍ക്ക് മുനിസിപ്പാലിറ്റികളും കോര്‍പ്പറേഷനുകളും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ) ബഹുനില കെട്ടിട നിര്‍മ്മാണവുമായി ബന്ധപ്പെട്ട് കേന്ദ്ര സര്‍ക്കാര്‍ പുതിയ മാര്‍ഗ്ഗരേഖകള്‍ പുറപ്പെടുവിച്ച കാര്യം ശ്രദ്ധയില്‍പ്പെട്ടിട്ടുണ്ടോ ;

(ബി) മാര്‍ഗ്ഗനിര്‍ദ്ദേശങ്ങള്‍ സംബന്ധിച്ച വിശദവിവരങ്ങള്‍ നല്‍കാമോ ;

(സി) പ്രസ്തുത മാര്‍ഗ്ഗനിര്‍ദ്ദേശങ്ങളെ തുടര്‍ന്ന് അതുമായി ബന്ധപ്പെട്ട് ആക്ഷേപം ഉന്നയിച്ചുകൊണ്ട് സംസ്ഥാനത്തെ വന്‍കിട കെട്ടിട നിര്‍മ്മാതാക്കള്‍ പരാതി നല്‍കിയിട്ടുണ്ടോ ; ഇക്കാര്യത്തില്‍ എന്തെങ്കിലും ഉറപ്പ് ബന്ധപ്പെട്ടവര്‍ക്ക് നല്‍കിയിട്ടുണ്ടോ ; വിശദാംശം വെളിപ്പെടുത്തുമോ ;

(ഡി) മേല്പറഞ്ഞ മാര്‍ഗ്ഗനിര്‍ദ്ദേശങ്ങള്‍ക്ക് വിരുദ്ധമായി സംസ്ഥാനത്ത് അനധികൃതമായി ബഹുനില കെട്ടിടനിര്‍മ്മാണം നടക്കുന്നുണ്ടോയെന്ന് പരിശോധിക്കാന്‍ തീരുമാനിച്ചിട്ടുണ്ടോ ; വിശദമാക്കാമോ ?

പ്ളാസ്റിക് മാലിന്യ സംസ്കരണം

ശ്രീ. ഹൈബി ഈഡന്‍

,, റ്റി.എന്‍. പ്രതാപന്‍

,, ഐ.സി. ബാലകൃഷ്ണന്‍

,, എം.പി. വിന്‍സെന്റ്

താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ) പഞ്ചായത്തുകളില്‍ പ്ളാസ്റിക് മാലിന്യം സംസ്ക്കരിക്കുന്നതിന് എന്തെല്ലാം സംവിധാനങ്ങള്‍ ഏര്‍പ്പെടുത്തിയിട്ടുണ്ട് ;

(ബി) മാലിന്യ സംസ്കരണ യൂണിറ്റുകള്‍ സ്ഥാപിക്കുന്ന കാര്യം പരിഗണിക്കുമോ ; എങ്കില്‍ ഇതിനായി എന്തെല്ലാം സഹായങ്ങളാണ് പഞ്ചായത്തുകള്‍ക്ക് നല്‍കാനുദ്ദേശിക്കുന്നത്

(സി) ഇതു നടപ്പാക്കുന്നതിന് എന്തെല്ലാം നടപടികള്‍ സ്വീകരിക്കുവാന്‍ ഉദ്ദേശിക്കുന്നണ്ടെന്ന് വിശദമാക്കുമോ ?

കാലിത്തീറ്റ ലഭ്യത

ശ്രീ. സി. കൃഷ്ണന്‍

,, കെ. രാധാകൃഷ്ണന്‍

,, റ്റി.വി. രാജേഷ്

,, കെ. കുഞ്ഞിരാമന്‍(ഉദുമ)

താഴെ കാണുന്ന ചോദ്യങ്ങള്‍ക്ക് ഗ്രാമവികസവും ആസൂത്രണവും സാംസ്കാരികവും നോര്‍ക്കയും വകുപ്പുമന്ത്രി സദയം മറുപടി നല്‍കുമോ:

(എ) കാലിത്തീറ്റയുടെ വരവ് കുറഞ്ഞതോടെ ക്ഷീരകര്‍ഷകര്‍ പ്രതിസന്ധി നേരിടുകയാണെന്ന വിവരം ശ്രദ്ധയില്‍പ്പെട്ടിട്ടുണ്ടോ;

(ബി) കാലിത്തീറ്റ ലഭ്യത ഉറപ്പുവരുത്തുവാന്‍ സര്‍ക്കാര്‍ തലത്തില്‍ എന്ത് ചെയ്യാന്‍ കഴിയുമെന്ന് വിശദമാക്കാമോ;

(സി) കന്നുകുട്ടി പരിപാലനം, പശുവളര്‍ത്തല്‍ തുടങ്ങിയ മേഖലകളില്‍ പ്രവര്‍ത്തിക്കുന്നവര്‍ക്ക് കാലിത്തീറ്റ ലഭ്യത ഉറപ്പുവരുത്തുവാന്‍ തദ്ദേശസ്വയംഭരണസ്ഥാപനങ്ങള്‍ക്ക് കഴിയുന്നുണ്ടോ;

(ഡി) ക്ഷീര കര്‍ഷകരെ ഈ പ്രതിസന്ധിയില്‍ നിന്നും രക്ഷപ്പെടുത്താന്‍ എന്തൊക്കെ ചെയ്യുമെന്ന് വ്യക്തമാക്കാമോ?

മാലിന്യ സംസ്കരണം

ശ്രീ. റ്റി.എ. അഹമ്മദ് കബീര്‍

,, പി.ബി. അബ്ദുള്‍ റസാക്ക്

,, കെ.എം. ഷാജി

,, കെ. മുഹമ്മദുണ്ണി ഹാജി

താഴെ കാണുന്ന ചോദ്യങ്ങള്‍ക്ക് മുനിസിപ്പാലിറ്റികളും കോര്‍പ്പറേഷനുകളും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ) സസ്ഥാനത്തെ നഗരങ്ങളിലെ മാലിന്യം സംസ്കരിക്കുന്നതിനും പുനരുപയോഗിക്കുന്നതിനും സര്‍ക്കാര്‍ തലത്തില്‍ ആവിഷ്ക്കരിച്ചിട്ടുള്ള പദ്ധതികളുടെ വിശദവിവരം നല്‍കാമോ;

(ബി) മാലിന്യസംസ്ക്കരണ കാര്യത്തില്‍ മുന്‍സിപ്പാലിറ്റികള്‍, കോര്‍പ്പറേഷനുകള്‍ എന്നിവയുടെ പങ്ക് എന്താണെന്ന് വിശദമാക്കുമോ; പ്രസ്തുത ആവശ്യത്തിനായി മുനിസിപ്പാലിറ്റികള്‍ക്കും കോര്‍പ്പറേഷനുകള്‍ക്കും കേന്ദ്ര-സംസ്ഥാന സര്‍ക്കാരുകള്‍ ധനസഹായം നല്‍കാറുണ്ടോ; എങ്കില്‍ കഴിഞ്ഞ അഞ്ചു വര്‍ഷം ഓരോ സ്ഥാപനത്തിനും നല്‍കിയ തുകയുടെ വിശദവിവരം നല്‍കാമോ;

(സി) മാലിന്യം ഉറവിടത്തില്‍ത്തന്നെ സംസ്കരിക്കുന്ന കാര്യത്തില്‍ മുന്‍സിപ്പാലിറ്റികളും, നഗരസഭകളും ഇതുവരെ സ്വീകരിച്ച നടപടികള്‍ വിശദമാക്കുമോ;

(ഡി) ഇക്കാര്യത്തില്‍ ശുചിത്വ മിഷന്റെ പങ്കെന്താണ്; ശുചിത്വ മിഷന്‍ ഏറ്റെടുത്തു നടപ്പാക്കിയ പദ്ധതികളുടെയും ചെലവഴിച്ച തുകയുടെയും വിശദവിവരം നല്‍കാമോ?

നഗരവികസത്തിന് മാസ്റര്‍പ്ളാന്‍

ശ്രീ. റ്റി. എന്‍. പ്രതാപന്‍

,, തേറമ്പില്‍ രാമകൃഷ്ണന്‍

,, ഹൈബി ഈഡന്‍

,, സണ്ണി ജോസഫ്

താഴെ കാണുന്ന ചോദ്യങ്ങള്‍ക്ക് മുനിസിപ്പാലിറ്റികളും കോര്‍പ്പറേഷനുകളും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ) സംസ്ഥാനത്ത് നഗര വികസന പദ്ധതികള്‍ കാര്യക്ഷമമായി നടപ്പാക്കുന്നതിന് സ്വീകരിച്ചിട്ടുള്ള നടപടികള്‍ എന്തെല്ലാം എന്ന് അറിയിക്കുമോ;

(ബി) കോര്‍പ്പറേഷനുകളുടേയും നഗരസഭകളുടേയും വികസന പ്രവര്‍ത്തനങ്ങള്‍ക്കായി മാസ്റര്‍ പ്ളാന്‍ തയ്യാറാക്കാന്‍ തീരുമാനിച്ചിട്ടുണ്ടോ;

(സി) ആയതിനായി എന്തെല്ലാം നടപടികള്‍ എടുത്തിട്ടുണ്ട് എന്ന് വിശദമാക്കാമോ?

ശിശുക്ഷേമപ്രവര്‍ത്തനങ്ങളുടെ ഏകോപനം

ശ്രീ. സി.മമ്മൂട്ടി

,, എം.ഉമ്മര്‍

,, അബ്ദുറഹിമാന്‍ രണ്ടത്താണി

താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ) കുട്ടികളുടെ ശാരീരിക മാനസിക വികാസം, അവരുടെ അവകാശ സംരക്ഷണം തുടങ്ങിയ ശിശുക്ഷേമ പ്രവര്‍ത്തനങ്ങളുടെ ഏകോപനത്തിന് പുതിയ സംവിധാനം ഏര്‍പ്പെടുത്താന്‍ ഉദ്ദേശിക്കുന്നുണ്ടോ;

(ബി) വിവിധ വകുപ്പുകള്‍ ഏകോപനമില്ലാതെ പ്രവര്‍ത്തിക്കുന്നതുകൊണ്ട് ഈ രംഗത്ത് ഉദ്ദേശിച്ച ഫലമുണ്ടാകുന്നില്ലെന്ന കാര്യം ശ്രദ്ധയില്‍പെട്ടിട്ടുണ്ടോ;

(സി) ഇതിനായി തദ്ദേശ സ്വയംഭരണ സ്ഥാപനങ്ങള്‍ മുഖേന എന്തെങ്കിലും പദ്ധതി ആസൂത്രണം ചെയ്യാന്‍ ഉദ്ദേശിക്കുന്നുണ്ടോ; എങ്കില്‍ അത് സംബന്ധിച്ച വിശദവിവരം ലഭ്യമാക്കുമോ;

(ഡി) സ്ഥിരം മദ്യപാനികളായ കുടുംബനാഥന്മാരുടെ കുടുംബങ്ങളിലെ കുട്ടികള്‍ നേരിടേണ്ടിവരുന്ന ശാരീരിക, മാനസിക പീഡനങ്ങള്‍ സംബന്ധിച്ച പ്രശ്നം ശ്രദ്ധയില്‍ വന്നിട്ടുണ്ടോ;

(ഇ) എങ്കില്‍ അത്തരം പ്രശ്നങ്ങളുടെ പരിഹാരത്തിനായി എന്തൊക്കെ നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ?

ഗ്രാമസഭകളുടെ പ്രവര്‍ത്തനം

ശ്രീ. പി. സി. വിഷ്ണുനാഥ്

,, എം. പി. വിന്‍സെന്റ്

,, വി. പി. സജീന്ദ്രന്‍

താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ) ഗ്രാമസഭകളുടെ പ്രവര്‍ത്തനം കാര്യക്ഷമമാക്കുന്നതിന് എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നത് ;

(ബി) നിയമപരമായി ചേരേണ്ട ഗ്രാമസഭകളുടെ എണ്ണത്തില്‍ എന്തെല്ലാം മാറ്റങ്ങളാണ് വരുത്താനുദ്ദേശിക്കുന്നത്;

(സി) അടിയന്തിര സാഹചര്യത്തിലും പ്രത്യേക വിഷയങ്ങള്‍ക്കായും വിശേഷാല്‍ ഗ്രാമസഭകള്‍ ചേരുന്നതിനുളള നടപടിക്രമങ്ങളെ ക്കുറിച്ച് ആലോചിക്കുമോ ?

വെളിച്ചെണ്ണയുടെ വിലയിടിവ്

ശ്രീമതി പി. അയിഷാ പോറ്റി

ശ്രീ. എം. ചന്ദ്രന്‍

,, ബി.ഡി ദേവസ്സി

,, കെ. ദാസന്‍

താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ) പൊതുവിപണിയില്‍ വെളിച്ചെണ്ണയുടെ വിലയിടിയുന്നത് ശ്രദ്ധയില്‍പ്പെട്ടിട്ടുണ്ടോ;

(ബി) സംസ്ഥാന ബഡ്ജറ്റില്‍ മറ്റു ഭക്ഷ്യ എണ്ണകളുടെ നികുതി നാല് ശതമാനത്തില്‍ നിന്നും ഒരു ശതമാനമായി കുറച്ചതു മൂലം അവയുടെ വിലയിലുണ്ടായ മാറ്റം വെളിച്ചെണ്ണ വിലയെ എങ്ങനെ ബാധിച്ചുവെന്ന് വിലയിരുത്തിയിട്ടുണ്ടോ; വിശദാംശം വെളിപ്പെടുത്തുമോ;

(സി) വിലയിടിവ് തടയുന്നതിനായി സംസ്ഥാനത്തെ തുറമുഖങ്ങളിലൂടെയുള്ള പാമോയില്‍ ഇറക്കുമതി നിരോധിക്കാന്‍ ശ്രമം നടത്തുമോ;

(ഡി) കേര കര്‍ഷകരുടെ സംരക്ഷണം ഉറപ്പാക്കുന്ന തരത്തില്‍ വെളിച്ചെണ്ണയ്ക്ക് ന്യായവില ലഭ്യമാക്കുന്നതിന് നടപടികള്‍ സ്വീകരിക്കുമോ; വിശദാംശങ്ങള്‍ നല്‍കുമോ?

പ്രധാനമന്ത്രിയുടെ ഗ്രാമീണ സഡക് യോജന

ശ്രീ. എം. പി. വിന്‍സെന്റ്

,, സണ്ണി ജോസഫ്

,, വി.ഡി. സതീശന്‍

,, ബെന്നി ബെഹനാന്‍

താഴെ കാണുന്ന ചോദ്യങ്ങള്‍ക്ക് ഗ്രാമവികസനവും ആസൂത്രണവും സാംസ്കാരികവും നോര്‍ക്കയും വകുപ്പുമന്ത്രി സദയം മറുപടി നല്‍കുമോ:

(എ) പ്രധാനമന്ത്രിയുടെ ഗ്രാമീണ സഡക് യോജനയില്‍ ഉള്‍പ്പെടുത്തിയ റോഡുകളുടെ നവീകരണ ജോലികള്‍ മുടങ്ങുന്നതായി ശ്രദ്ധയില്‍പ്പെട്ടിട്ടുണ്ടോ ;

(ബി) ഇക്കാര്യത്തില്‍ കേരളത്തിന്റെ പ്രത്യേക സാഹചര്യം പരിഗണിച്ച് റോഡ് പണി ത്വരിതപ്പെടുത്തുന്നതിനും പൂര്‍ത്തീകരിക്കുന്നതിനും നടപടി സ്വീകരിക്കുമോ ;

(സി) പദ്ധതിയുടെ മാനദണ്ഡങ്ങള്‍ അടുത്ത കാലത്ത് പരിഷ്ക്കരിച്ചിട്ടുണ്ടോ; വിശദാംശം നല്‍കുമോ ?

സാമൂഹ്യക്ഷേമ പെന്‍ഷനുകള്‍

ശ്രീ. എ. പി. അബ്ദുള്ളക്കുട്ടി

,, സി. പി. മുഹമ്മദ്

'' വര്‍ക്കല കഹാര്‍

'' ലൂഡി ലൂയിസ്

താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ) ഈ സര്‍ക്കാര്‍ അധികാരമേറ്റശേഷം സാമൂഹ്യക്ഷേമപെന്‍ഷനുകള്‍ വര്‍ദ്ധിപ്പിക്കാനും, വിപൂലീകരിക്കാനും എന്തെല്ലാം നടപടികള്‍ സ്വീകരിച്ചിട്ടുണ്ട് ; വിശദമാക്കുമോ ;

(ബി) ഏതെല്ലാം പെന്‍ഷനുകളാണ് വര്‍ദ്ധിപ്പിച്ചിട്ടുള്ളത്, വിശദാംശങ്ങള്‍ നല്‍കാമോ ;

(സി) ഏതെല്ലാം വിഭാഗത്തിനാണ് പുതുതായി പ്രതിമാസധനസഹായം ഏര്‍പ്പെടുത്തിയിട്ടുള്ളതെന്നറിയിക്കുമോ ?

അനാഥരുടെ പുനരധിവാസം

ശ്രീ. കെ. മുഹമ്മദുണ്ണി ഹാജി

,, പി.ബി. അബ്ദുള്‍ റസാക്

,, കെ.എം. ഷാജി

,, റ്റി.എ. അഹമ്മദ് കബീര്‍

താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ) സംസ്ഥാനത്ത് ഒറ്റപ്പെട്ടുകഴിയുന്ന വൃദ്ധര്‍, മനോനില തെറ്റിയവര്‍, സ്ത്രീകള്‍, കുട്ടികള്‍, തെരുവില്‍ അലയുന്നവര്‍, നടക്കാനാകാത്ത വിധം ശരീരം തളര്‍ന്നവര്‍ എന്നിവരെ സംബന്ധിച്ച വിവരശേഖരണം ഏതെങ്കിലും ഏജന്‍സി മുഖേന നടത്തിയിട്ടുണ്ടോ; എങ്കില്‍ അത് സംബന്ധിച്ച വിശദവിവരം ലഭ്യമാക്കുമോ;

(ബി) പ്രസ്തുത വിഭാഗങ്ങളുടെ സംരക്ഷണം, ശുശ്രൂഷ, പുനരധിവാസം എന്നിവ സംബന്ധിച്ച് നടപ്പാക്കിവരുന്ന പദ്ധതികളെക്കുറിച്ച് വിശദമാക്കുമോ;

(സി) ഇവരെ സംബന്ധിച്ച വാര്‍ഡുതല വിവരങ്ങള്‍ ശേഖരിക്കാതെ അവര്‍ക്കുവേണ്ടി ആസൂത്രണം ചെയ്തുനടപ്പാക്കുന്ന പദ്ധതികള്‍ ഉദ്ദേശിക്കുന്ന ഫലം നല്‍കുമെന്ന് പ്രതീക്ഷിക്കുന്നുണ്ടോ;

(ഡി) ഈ വിഭാഗത്തില്‍പ്പെടുന്നവരുടെ സമ്പൂര്‍ണ്ണ വിവരങ്ങള്‍ വാര്‍ഡുതലത്തില്‍ ശേഖരിച്ച്, അതിനനുസൃതമായി പദ്ധതികള്‍ ആസൂതണം ചെയ്ത് നടപ്പിലാക്കാന്‍ നടപടികള്‍ സ്വീകരിക്കുമോ?

സമഗ്ര കാര്‍ഷിക ഇന്‍ഷ്വറന്‍സ് പദ്ധതി

ശ്രീ. സി. പി. മുഹമ്മദ്

,, കെ. മുരളീധരന്‍

,, എ. റ്റി. ജോര്‍ജ്

,, എം. എ. വാഹീദ്

താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ) സര്‍ക്കാര്‍ പ്രഖ്യാപിച്ച സമഗ്ര കാര്‍ഷിക ഇന്‍ഷ്വറന്‍സ് പദ്ധതി നടപ്പിലാക്കിയിട്ടുണ്ടോ; പദ്ധതിയുടെ വിശദാംശങ്ങള്‍ വെളിപ്പെടുത്തുമോ;

(ബി) കര്‍ഷകര്‍ക്കായി നിലവിലുള്ള ഏതെങ്കിലും പദ്ധതികളെ പുതിയ ഇന്‍ഷ്വറന്‍സ് പദ്ധതിയുമായി സംയോജിപ്പിച്ചിട്ടുണ്ടോ; വിശദമാക്കുമോ;

(സി) പുതിയ പദ്ധതിയില്‍ കര്‍ഷകരുടേയും സര്‍ക്കാരിന്റേയും വിഹിതം എത്രവീതമാണ്;

(ഡി) പദ്ധതി പ്രഖ്യാപിച്ച തീയതി മുതല്‍ മുന്‍കാല പ്രാബല്യം നല്‍കി നടപ്പാക്കുമോ?

മൊബൈല്‍ ഇന്‍സിനറേറ്റര്‍

ശ്രീ. ഐ. സി. ബാലകൃഷ്ണന്‍

,, പി. എ. മാധവന്‍

താഴെ കാണുന്ന ചോദ്യങ്ങള്‍ക്ക് മുനിസിപ്പാലിറ്റികളും കോര്‍പ്പറേഷനുകളും ന്യൂനപക്ഷ ക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ) സംസ്ഥാനത്തെ നഗരങ്ങളില്‍ രൂക്ഷമായിക്കൊണ്ടിരിക്കുന്ന മാലിന്യ പ്രശ്നത്തിന് ശാശ്വതപരിഹാരം കാണുന്നതിന് എന്തെല്ലാം മാര്‍ഗ്ഗങ്ങളാണ് സ്വീകരിച്ചിട്ടുള്ളത്;

(ബി) ഇതിനായി ആധുനിക സാങ്കേതിക വിദ്യകള്‍ ഉപയോഗിക്കുന്ന കാര്യം പരിഗണിക്കുമോ;

(സി) നഗരങ്ങള്‍ക്കായി മൊബൈല്‍ ഇന്‍സിനറേറ്റര്‍ വാങ്ങാന്‍ ഉദ്ദേശിക്കുന്നുണ്ടോ; ഇതിനു വേണ്ടി എന്തെല്ലാം നടപടികളാണ് സ്വീകരിച്ചിട്ടുള്ളത് എന്ന് വിശദമാക്കുമോ?

നിര്‍ഭയ പദ്ധതി

ശ്രീ. സണ്ണി ജോസഫ്

,, ഹൈബി ഈഡന്‍

താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ) നിര്‍ഭയ പദ്ധതിക്ക് തുടക്കമിട്ടിട്ടുണ്ടോ; ഇതിന്റെ ഉദ്ദേശ്യലക്ഷ്യങ്ങള്‍ എന്തെല്ലാം;

(ബി) ഇതിന്റെ നടത്തിപ്പിനായി പ്രത്യേക കോടതിയും അതിവേഗ കോടതികളും തുടങ്ങുന്ന കാര്യം പരിഗണിക്കുമോ;

(സി) എല്ലാ ജില്ലകളിലും ഷെല്‍ട്ടര്‍ ഹോമുകള്‍ തുടങ്ങുന്ന കാര്യം ആലോചിക്കുമോ;

(ഡി) പ്രസ്തുത പദ്ധതിയുടെ നടത്തിപ്പിനായി ജില്ലാതല കമ്മിറ്റികള്‍ രൂപീകരിക്കുമോ;

(ഇ) ഈ പദ്ധതിക്കുള്ള കോര്‍പ്പസ്സ് ഫണ്ട് എങ്ങനെ സ്വരൂപിക്കാനാണ് ഉദ്ദേശിക്കുന്നത് എന്ന് വ്യക്തമാക്കുമോ?

ക്ഷീരമേഖലയില്‍ സ്വയംതൊഴില്‍ പദ്ധതി

ശ്രീ. വര്‍ക്കല കഹാര്‍

,, അന്‍വര്‍ സാദത്ത്

,, കെ. ശിവദാസന്‍ നായര്‍

,, ഡൊമിനിക് പ്രസന്റേഷന്‍

താഴെ കാണുന്ന ചോദ്യങ്ങള്‍ക്ക് ഗ്രാമവികസനവും ആസൂത്രണവും സാംസ്കാരികവും നോര്‍ക്കയും വകുപ്പുമന്ത്രി സദയം മറുപടി നല്‍കുമോ:

(എ) ക്ഷീരമേഖലയില്‍ സ്വയംതൊഴില്‍ കണ്ടെത്തുന്നതിന് എന്തെല്ലാം കര്‍മ്മപദ്ധതികളാണ് ആവിഷ്ക്കരിച്ചിരിക്കുന്നത്;

(ബി) ആയതിന് തയ്യാറാകുന്ന സംരംഭകര്‍ക്ക് എന്തെല്ലാം സഹായങ്ങളാണ് നല്‍കാന്‍ ഉദ്ദേശിക്കുന്നത്;

(സി) സംരംഭകര്‍ക്ക് തീവ്ര പരിശീലനം നല്‍കുന്ന കാര്യം പരിഗണിക്കുമോ; ആയതിനായി എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കാമോ?