സഹകരണ സ്ഥാപനങ്ങളില്‍ സംസ്ഥാന സര്‍ക്കാരിന്റെ ഷെയര്‍
6184.	ശ്രീ.കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) സംസ്ഥാന തലത്തില്‍ പ്രവര്‍ത്തിക്കുന്ന സ്റ്റേറ്റ് കോ-ഓപ്പറേറ്റീവ് ബാങ്ക്, റെയ്ഡ്കോ, റെബ്കോ എന്നീ സഹകരണ സ്ഥാപനങ്ങളില്‍ ഓരോന്നിലും സംസ്ഥാന സര്‍ക്കാരിന്റെ എത്ര ശതമാനം ഷെയറാണ് ഉള്ളതെന്ന് വ്യക്തമാക്കാമോ; (ബി) സ്റ്റേറ്റ് കോ-ഓപ്പറേറ്റീവ് ബാങ്ക്, റെയ്ഡ്കോ, റെബ്കോ എന്നീ സഹകരണ സ്ഥാപനങ്ങളില്‍ ഏതെല്ലാം വര്‍ഷത്തിലാണ് ഷെയര്‍ വര്‍ദ്ധിപ്പിച്ചതെന്ന് വ്യക്തമാക്കാമോ; (സി) 75% കൂടുതല്‍ സര്‍ക്കാര്‍ ഷെയര്‍ ഉള്ള സംസ്ഥാനതലത്തില്‍ പ്രവര്‍ത്തിക്കുന്ന എത്ര സഹകരണ സ്ഥാപനങ്ങള്‍ ഉണ്ടെന്ന് വ്യക്തമാക്കാമോ; അതിന്റെ പേരുവിവരം വ്യക്തമാക്കാമോ?
പ്രാഥമിക സഹകരണ സംഘങ്ങളുടെ ഡാറ്റ
6185.	ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) സംസ്ഥാനത്തെ പ്രാഥമിക സഹകരണ സംഘങ്ങള്‍ ഡാറ്റ സൂക്ഷിക്കുന്നത് സ്വന്തം സെര്‍വറില്‍ ആണോ എന്ന് വ്യക്തമാക്കാമോ; (ബി) പ്രാഥമിക സഹകരണ സംഘങ്ങള്‍ ഡാറ്റ സൂക്ഷിക്കുന്നത് ക്ലൗഡിലേക്കു മാറ്റാന്‍ ഉദ്ദേശിച്ചിട്ടുണ്ടോയെന്ന് വ്യക്തമാക്കുമോ?
കേരള ബാങ്ക് രൂപീകരണം
6186.	ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
കേരള ബാങ്ക് രൂപീകരിക്കുന്നതിനായി ആര്‍.ബി.ഐ., നബാര്‍ഡ് തുടങ്ങിയ സ്ഥാപനങ്ങളില്‍ സര്‍ക്കാര്‍ അപേക്ഷ നല്‍കിയിരുന്നോ?
ജില്ലാ ബാങ്കുകള്‍ സംസ്ഥാന സഹകരണ ബാങ്കില്‍ ലയിപ്പിക്കല്‍ നടപടി
6187.	ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) ജില്ലാ ബാങ്കുകള്‍ സംസ്ഥാന സഹകരണ ബാങ്കില്‍ ലയിപ്പിക്കാന്‍ നിലവിലെ സഹകരണ നിയമത്തിലെ ചില വ്യവസ്ഥകള്‍ തടസ്സമാണെന്ന റിപ്പോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ; (ബി) എങ്കില്‍ ഇവ ഭേദഗതി ചെയ്യുന്നതിന് ഉദ്ദേശിക്കുന്നുണ്ടോ; (സി) സഹകരണ നിയമത്തിലെ വ്യവസ്ഥകള്‍ പ്രകാരം ലയനത്തിന് റിസര്‍വ് ബാങ്കിന്റെ മുന്‍കൂര്‍ അനുമതി വാങ്ങണം എന്ന വ്യവസ്ഥയുണ്ടോ; (ഡി) ജില്ലാ ബാങ്കുകള്‍ ലയിപ്പിക്കുന്നതിനെതിരെ ഹൈക്കോടതിയില്‍ നിലവില്‍ എത്ര ഹര്‍ജികള്‍ ഉണ്ട്; ഇതിലുണ്ടാകുന്ന തീര്‍പ്പ് ബാങ്ക് ലയന കാര്യത്തില്‍ നിര്‍ണായകമാവുമോ ; എന്ന് വ്യക്തമാക്കുമോ?
ജില്ലാസഹകരണ ബാങ്കുകള്‍ സംസ്ഥാനസഹകരണ ബാങ്കില്‍ ലയിപ്പിക്കുന്ന നടപടി
6188.	ശ്രീ.പി.ഉബൈദുള്ള ,, കെ.എം.ഷാജി ,, പി.ബി. അബ്ദുല്‍ റസ്സാക്ക് ,, അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) ജില്ലാസഹകരണ ബാങ്കുകള്‍ സംസ്ഥാനസഹകരണ ബാങ്കില്‍ ലയിപ്പിക്കുന്നതിന് എന്തെങ്കിലും നിയമ തടസ്സം നിലവിലുണ്ടോയെന്ന് വ്യക്തമാക്കുമോ; (ബി) ഇക്കാര്യത്തില്‍ റിസര്‍വ് ബാങ്കിന്റെ മുന്‍കൂര്‍ അനുമതി ആവശ്യമാണോ; എങ്കില്‍ സര്‍ക്കാര്‍ സ്വീകരിച്ച നടപടികള്‍ വിശദീകരിക്കുമോ?
സഹകരണ ബാങ്ക് ജീവനക്കാര്‍ നടത്തിയ ക്രമക്കേടുകള്‍
6189.	ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) ഈ സര്‍ക്കാര്‍ അധികാരത്തില്‍ വന്നതിനു ശേഷം പണാപഹരണവും ക്രമക്കേടുകളും നടത്തിയതുമായി ബന്ധപ്പെട്ട്സഹകരണ ബാങ്കുകളിലെ എത്ര ജീവനക്കാര്‍ക്കെതിരെ നടപടി എടുത്തിട്ടുണ്ട്; വിശദാംശം വ്യക്തമാക്കുമോ; (ബി) സഹകരണ ബാങ്കുകളുടെ പ്രവര്‍ത്തനം കൂടുതല്‍ ജനോപകാരമാക്കി തീര്‍ക്കുന്നതിന് എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നത്; വിശദാംശം വ്യക്തമാക്കുമോ?
സഹകരണ വകുപ്പിന്റെ കുടിശ്ശിക നിവാരണ പദ്ധതി
6190.	ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) സംസ്ഥാനത്ത് സഹകരണ വകുപ്പ് കുടിശ്ശിക നിവാരണ പദ്ധതി പ്രഖ്യാപിച്ചിട്ടുണ്ടോ; (ബി) തിരിച്ചടവ് മുടങ്ങിയവര്‍ക്ക് കുടിശ്ശിക തീര്‍ക്കാന്‍ എന്തെല്ലാം ആനുകൂല്യങ്ങളാണ് നല്‍കിവരുന്നതെന്ന് വിശദമാക്കാമോ; (സി) ലോണ്‍ എടുത്ത വ്യക്തി മരണപ്പെടുന്നപക്ഷം റിസ്ക് ഫണ്ടില്‍ നിന്ന് സഹായം ലഭിക്കുന്നതിന് നിഷ്കര്‍ഷിക്കുന്ന മാനദണ്ഡങ്ങള്‍ വിശദമാക്കാമോ; (ഡി) ലോണ്‍ എടുത്ത വ്യക്തി മരണപ്പെട്ട തീയതിക്കുശേഷം ലോണിന്മേല്‍ പലിശ ഇൗടാക്കുന്നുണ്ടോ; (ഇ) റിസ്ക് ഫണ്ടില്‍ നിന്നും ധനസഹായത്തിന് അപേക്ഷ നല്‍കിയാല്‍ ആയതിന്മേല്‍ തീരുമാനമുണ്ടാവുന്നതിന് കാലപരിധി നിശ്ചയിച്ചിട്ടുണ്ടോ; റിസ്ക് ഫണ്ടില്‍ നിന്ന് ധനസഹായം ലഭിക്കാന്‍ കാലതാമസം വരുന്നതായ പരാതി സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കാന്‍ സ്വീകരിച്ചുവരുന്ന നടപടികള്‍ വിശദമാക്കാമോ?
സഹകരണ ബാങ്കുകളില്‍ സോഫ്റ്റ് വെയര്‍ ലഭ്യമാക്കുന്നതിന് ഇഫ്താസ് കമ്പനി
6191.	ശ്രീ.വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) സംസ്ഥാനത്തെ സഹകരണ ബാങ്കുകളില്‍ സോഫ്റ്റ് വെയര്‍ ലഭ്യമാക്കുന്നതിന് സര്‍ക്കാരിനെ സമീപിച്ചിട്ടുളള ഇഫ്താസ് കമ്പനി ഏത് ഫ്രണ്ട്എന്‍ഡ്/ബാക്ക് എന്‍ഡ് സോഫ്റ്റ് വെയറുകള്‍ ഉപയോഗപ്പെടുത്താനാണ് തീരുമാനിച്ചിരിക്കുന്നത്; (ബി) ഇഫ്താസ് കമ്പനി ഉപയോഗിക്കാന്‍ തീരുമാനിച്ചിരിക്കുന്ന സോഫ്റ്റ് വെയര്‍, ഫ്രീ സോഫ്റ്റ് വെയര്‍ ആണോയെന്ന് വെളിപ്പെടുത്താമോ; (സി) അല്ലെങ്കില്‍ സോഫ്റ്റ് വെയര്‍ ലെെസന്‍സ് ഫീസ് സര്‍ക്കാര്‍ വഹിക്കുമോയെന്ന് വെളിപ്പെടുത്താമോ?
പ്രാഥമിക കാര്‍ഷിക സഹകരണ സംഘങ്ങളില്‍ കോര്‍ ബാങ്കിംഗ് സിസ്റ്റം
6192.	ശ്രീ.വി.ഡി.സതീശന്‍ ,, സണ്ണി ജോസഫ് ,, വി.ടി.ബല്‍റാം ,, തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) സഹകരണ സ്ഥാപനങ്ങളുടെ കീഴിലെ പ്രാഥമിക കാര്‍ഷിക സഹകരണ സംഘങ്ങളില്‍ കോര്‍ ബാങ്കിംഗ് സിസ്റ്റം നടപ്പിലാക്കുവാന്‍ IFTAS (ഇന്‍ഡ്യന്‍ ഫിനാന്‍ഷ്യല്‍ ടെക്നോളജി & അലൈഡ് സര്‍വ്വീസ്) നെ ചുമതലപ്പെടുത്തിയിട്ടുണ്ടോ; (ബി) എങ്കില്‍ ഇൗ സ്ഥാപനം റിസര്‍വ് ബാങ്കിന്റെ സബ്സിഡിയറി സ്ഥാപനമാണോയെന്ന് വ്യക്തമാക്കാമോ; (സി) പ്രസ്തുത സ്ഥാപനം സ്വന്തമായി ഇൗ ആവശ്യത്തിലേയ്ക്കായി സോഫ്റ്റ് വെയര്‍ രൂപപ്പെടുത്തിയിട്ടുണ്ടോ; എങ്കില്‍ അതിന്റെ പേര് വെളിപ്പെടുത്തുമോ; (ഡി) ഇതിന് മുമ്പ് ഇൗ സ്ഥാപനം സംസ്ഥാനത്ത് ഏതെങ്കിലും സഹകരണ സ്ഥാപനങ്ങളില്‍ പ്രസ്തുത സോഫ്റ്റ് വെയര്‍ ഇന്‍സ്റ്റാള്‍ ചെയ്തിട്ടുണ്ടോയെന്നറിയിക്കാമോ; (ഇ) പ്രസ്തുത സ്ഥാപനങ്ങളില്‍ ഇന്‍സ്റ്റാള്‍ ചെയ്ത സോഫ്റ്റ് വെയറിന്റെ കാര്യക്ഷമത പരിശോധിച്ചിട്ടുണ്ടോ; ഇല്ലെങ്കില്‍ എന്തുകൊണ്ടെന്ന് വ്യക്തമാക്കാമോ?
കേരളബാങ്ക് രൂപീകരണം
6193.	ശ്രീ.അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) ജില്ലാ സഹകരണ ബാങ്കുകളെ സംസ്ഥാന സഹകരണ ബാങ്കുമായി ലയിപ്പിക്കാനുള്ള അപേക്ഷ ആര്‍.ബി.എെ. മുമ്പാകെ നല്‍കിയിട്ടുണ്ടോ; (ബി) എങ്കില്‍ ഈ അപേക്ഷയില്‍ പുതിയ കേരള ബാങ്ക് രൂപീകരണത്തിനായുള്ള നിര്‍ദ്ദേശവും ഉള്‍പ്പെടുത്തിയിട്ടുണ്ടോ; (സി) പ്രസ്തുത അപേക്ഷയുടെ പകര്‍പ്പ് ലഭ്യമാക്കാമോ?
ജില്ലാസഹകരണ ബാങ്കുകളിലെ ഭവനവായ്പയുടെ പലിശ നിരക്ക്
6194.	ശ്രീ.മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) സംസ്ഥാനത്തെ ജില്ലാ സഹകരണ ബാങ്കുകളില്‍ ഭവനവായ്പയുടെ പലിശ നിരക്ക് വളരെ കൂടുതലാണെന്ന കാര്യം ശ്രദ്ധിയില്‍പ്പെട്ടിട്ടുണ്ടോ; (ബി) ഉയര്‍ന്ന പലിശ നിരക്ക് സാധാരണക്കാരായ സഹകാരികള്‍ക്ക് വളരെയേറെ ബുദ്ധിമുട്ട് സൃഷ്ടിക്കുന്നുണ്ടെന്ന കാര്യം ഗൗരവമായി കാണുന്നുണ്ടോ; (സി) ജില്ലാ സഹകരണ ബാങ്കുകളിലെ പലിശ നിരക്കുകള്‍ സഹകാരികള്‍ക്ക് ആകര്‍ഷകമാകുന്ന തരത്തിലും സാധാരണക്കാര്‍ക്ക് താങ്ങാനാവുന്ന തരത്തിലും മാറ്റം വരുത്തുന്ന കാര്യത്തില്‍ തീരുമാനം കൈക്കൊള്ളുമോ?
കോര്‍ ബാങ്കിംഗ് നടപ്പാക്കാനായി തിരഞ്ഞെടുത്ത കമ്പനി
6195.	ശ്രീ.എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) സംസ്ഥാനത്തെ പ്രാഥമിക കാര്‍ഷിക സഹകരണ ബാങ്കുകളില്‍ കോര്‍ ബാങ്കിംഗ് നടപ്പിലാക്കുന്നതിന് ടെന്‍ഡര്‍ നടപടികള്‍ സ്വീകരിച്ചിരുന്നോ; (ബി) എങ്കില്‍ ഏതൊക്കെ കമ്പനികളാണ് ടെന്‍ഡര്‍ നടപടികളില്‍ പങ്കെടുത്തത് എന്ന് വിശദമാക്കാമോ; (സി) ഈ പദ്ധതിയുടെ നടത്തിപ്പിനായി തെരഞ്ഞെടുത്ത കമ്പനിയെ ടെന്‍ഡര്‍ നടപടികളിലൂടെയാണോ തെരഞ്ഞെടുത്തതെന്ന് വെളിപ്പെടുത്തുമോ?
സഹകരണ ബാങ്കുകളില്‍ കോര്‍ ബാങ്കിങ് നടപ്പിലാക്കുന്ന കമ്പനി
6196.	ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) പ്രാഥമിക കാര്‍ഷിക സഹകരണ ബാങ്കുകളില്‍ കോര്‍ ബാങ്കിങ് നടപ്പിലാക്കുന്നതിന് ഇഫ്താസ് കമ്പനിയുമായി ബന്ധപ്പെട്ടിട്ടുണ്ടോ; (ബി) സഹകരണ ബാങ്കുകളില്‍ കോര്‍ ബാങ്കിങ് ഏര്‍പ്പെടുത്താനുള്ള സോഫ്റ്റ് വെയര്‍ ഇഫ്താസ് കമ്പനി വികസിപ്പിച്ചെടുത്തിട്ടുണ്ടോ; (സി) ഇല്ലെങ്കില്‍ പ്രസ്തുത കമ്പനി ഏതൊക്കെ കമ്പനികളില്‍ നിന്നാണ് സോഫ്റ്റ് വെയര്‍ ലഭ്യമാക്കുന്നത് എന്ന് വിശദീകരിക്കാമോ?
സഹകരണ ബാങ്ക് രജിസ്റ്റര്‍ നടപടികള്‍
6197.	ശ്രീ.ഇ.കെ.വിജയന്‍ : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
സഹകരണ ബാങ്ക് രജിസ്ട്രേഷന്‍ നടപടികള്‍ വിശദമാക്കാമോ;പ്രസ്തുത ബാങ്കുകള്‍ അനുവദിക്കുന്നതിന് എന്തെങ്കിലും നിയന്ത്രണങ്ങള്‍ നിലവിലുണ്ടോയെന്ന് വ്യക്തമാക്കാമോ?
സഹകരണ ബാങ്കുകളിലെ റിസ്ക് ഫണ്ട്
6198.	ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) സഹകരണ ബാങ്കുകളിലെ റിസ്ക് ഫണ്ട് ആനുകൂല്യം വളരെ കുറവാണെന്ന് ആക്ഷേപം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ റിസ്ക് ഫണ്ട് വര്‍ദ്ധിപ്പിക്കുന്ന കാര്യം പരിഗണനയിലുണ്ടോയെന്ന് വ്യക്തമാക്കുമോ; (ബി) സഹകരണ ബാങ്കുകളില്‍ വായ്പ കുടിശ്ശികയുള്ളവര്‍ക്ക് വായ്പ തിരിച്ചടവില്‍ എന്തെല്ലാം ഇളവുകള്‍ അനുവദിക്കാന്‍ വ്യവസ്ഥയുണ്ട് എന്ന് വ്യക്തമാക്കുമോ?
കാര്‍ഷിക സഹകരണ സംഘങ്ങളില്‍ കോര്‍ ബാങ്കിംഗ് സിസ്റ്റം
6199.	ശ്രീ.ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) സംസ്ഥാനത്തെ പ്രാഥമിക കാര്‍ഷിക സഹകരണ സംഘങ്ങളില്‍ കോര്‍ ബാങ്കിംഗ് സിസ്റ്റം ഏര്‍പ്പെടുത്തുന്നതിന് തീരുമാനിച്ചിട്ടുണ്ടോ; (ബി) എങ്കില്‍ ആരുടെ നേതൃത്വത്തില്‍ നടത്തിയ യോഗത്തിന്റെ അടിസ്ഥാനത്തിലാണ് ഇത്തരമൊരു തീരുമാനം എടുത്തതെന്ന് വ്യക്തമാക്കാമോ; പ്രസ്തുത യോഗത്തിന്റെ മിനിട്ട്സിന്റെ പകര്‍പ്പ് ലഭ്യമാക്കുമോ?
പ്രാഥമിക കാര്‍ഷിക സഹകരണ ബാങ്കുകളില്‍ കോര്‍ ബാങ്കിംഗ് പദ്ധതി
6200.	ശ്രീ.എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) സംസ്ഥാനത്തെ പ്രാഥമിക കാര്‍ഷിക സഹകരണ ബാങ്കുകളില്‍ കോര്‍ ബാങ്കിംഗ് പദ്ധതിയെക്കുറിച്ച് പഠിക്കാന്‍ ഐ.ടി. വിദഗ്ധനെ സര്‍ക്കാര്‍ നിയോഗിച്ചിരുന്നോ; (ബി) പ്രസ്തുത വിദഗ്ധന്‍ റിപ്പോര്‍ട്ട് സമര്‍പ്പിച്ചിട്ടുണ്ടോ; എങ്കില്‍ റിപ്പോര്‍ട്ടിന്റെ പകര്‍പ്പ് ലഭ്യമാക്കുമോ?
പ്രാഥമിക കാര്‍ഷിക സഹകരണ ബാങ്കുകളില്‍ കോര്‍ ബാങ്കിംഗ്
6201.	ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) സംസ്ഥാനത്തെ പ്രാഥമിക കാര്‍ഷിക സഹകരണ ബാങ്കുകളില്‍ കോര്‍ ബാങ്കിംഗ് പരീക്ഷണാടിസ്ഥാനത്തില്‍ നടപ്പിലാക്കിയിരുന്നോ; (ബി) ഏത് കമ്പനിയെയാണ് ഇതിലേയ്ക്കായി ചുമതലപ്പെടുത്തിയതെന്ന് വിശദമാക്കാമോ; (സി) പരീക്ഷണാടിസ്ഥാനത്തില്‍ നടപ്പിലാക്കിയ കോര്‍ ബാങ്കിംഗ് സോഫ്റ്റ് വെയര്‍ പരാജയമായിരുന്നുവെന്ന് കണ്ടെത്തിയിട്ടുണ്ടോ?
സഹകരണ സംഘങ്ങളിലെ ബാങ്കിങ് സോഫ്റ്റ് വെയര്‍
6202.	ശ്രീ.ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) സംസ്ഥാനത്തെ ഏതെങ്കിലും പ്രാഥമിക കാര്‍ഷിക സഹകരണ സംഘങ്ങള്‍ ' ഇഫ്താസ് '- ല്‍ (ഇന്ത്യന്‍ ഫിനാന്‍ഷ്യല്‍ ടെക്നോളജി ആന്‍ഡ് അലൈഡ് സര്‍വീസസ്) നിന്നും നേരിട്ട് ബാങ്കിങ് സോഫ്റ്റ് വെയര്‍ സേവനം ലഭ്യമാക്കിയിട്ടുണ്ടോ; (ബി) പ്രസ്തുത കമ്പനി ബാങ്കിങ് സോഫ്റ്റ് വെയര്‍ സോഴ്സ് കോഡ് നിര്‍മ്മിക്കാറുണ്ടോ എന്ന് അറിയാമോ; (സി) പ്രസ്തുത കമ്പനിയെ കുറിച്ച് പരാതികള്‍ ഉയര്‍ന്നതായി ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ ?
പ്രാഥമിക കാര്‍ഷിക സഹകരണ സംഘങ്ങളിലെ സോഫ്റ്റ്‍വെയര്‍
6203.	ശ്രീ.അടൂര്‍ പ്രകാശ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) സംസ്ഥാനത്ത് ഏതെങ്കിലും പ്രാഥമിക കാര്‍ഷിക സഹകരണ സംഘങ്ങളില്‍ ഇൻസ്റ്റിറ്റ്യൂട്ട് ഫോർ ഡെവലപ്മെന്റ് ആൻഡ് റിസർച്ച് ഇൻ ബാങ്ക് ടെക്നോളജി വഴി ഏതെങ്കിലും ഐ.ടി കമ്പനിയുടെ സോഫ്റ്റ്‍വെയര്‍ ലഭ്യമാക്കിയിട്ടുണ്ടോ; എങ്കില്‍ ഏതു കമ്പനിയില്‍ നിന്ന് എന്ന് വ്യക്തമാക്കാമോ; (ബി) പ്രസ്തുത സോഫ്റ്റ്‍വെയര്‍ ലഭ്യമാക്കുന്നതില്‍ ഇഫ്താസിന്റെ സഹായം ലഭ്യമാക്കിയിട്ടുണ്ടോ;വ്യക്തമാക്കുമോ?
കാര്‍ഷികസഹകരണസംഘങ്ങള്‍ക്ക് നബാഡിന്റെ സഹായം
6204.	ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) സംസ്ഥാനത്തെ പ്രാഥമിക കാര്‍ഷിക സഹകരണസംഘങ്ങള്‍ക്ക് നബാഡിന്റെ സഹായം ലഭിക്കുന്നുണ്ടോ; ഇല്ലെങ്കില്‍ എന്തുകൊണ്ടെന്ന് വ്യക്തമാക്കുമോ; (ബി) ഈ സര്‍ക്കാര്‍ അധികാരത്തില്‍ വന്നശേഷം എത്ര കോടി രൂപയാണ് വിവിധ പദ്ധതികളിലായി ലഭിച്ചിട്ടുള്ളത്; അറിയിക്കുമോ; (സി) ഈ സര്‍ക്കാര്‍ അധികാരത്തില്‍ വന്ന ശേഷം സംസ്ഥാന കാര്‍ഷിക വികസന ബാങ്ക് എത്ര കോടി രൂപയുടെ കാര്‍ഷികവായ്പ നല്‍കിയിട്ടുണ്ട്; എത്ര ശതമാനം പലിശയ്ക്കാണ് വിവിധ വായ്പകള്‍ നല്‍കിവരുന്നത്; വ്യക്തമാക്കുമോ?
കണ്‍സ്യൂമര്‍ ഫെഡിലെ ഭരണ സമിതിയുടെ കാലാവധി
6205.	ശ്രീ.കെ.എം.ഷാജി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) കണ്‍സ്യൂമര്‍ ഫെഡിലെ നിലവിലെ ഭരണ സമിതിയുടെ കാലാവധി എത്ര തവണ ദീര്‍ഘിപ്പിച്ച് നല്‍കിയിട്ടുണ്ട്; (ബി) കണ്‍സ്യൂമര്‍ ഫെഡില്‍ സര്‍ക്കാര്‍ സസ്പെന്‍സ് ചെയ്ത ഭരണസമിതിയ്ക് ചുമതല തിരികെ നല്‍കുന്നതിന് എന്താണ് നിയമതടസ്സമെന്ന് വ്യക്തമാക്കാമോ; (സി) ഭരണസമിതി തിരഞ്ഞെടുപ്പ് നടത്തുന്നത് സംബന്ധിച്ച് കോടതി വിധികളെന്തെങ്കിലും ഉണ്ടെങ്കില്‍ ആയത് വ്യക്തമാക്കാമോ?
കണ്‍സ്യൂമര്‍ ഫെഡിലെ ജീവനക്കാരുടെ ശമ്പള പരിഷ്ക്കരണം
6206.	ശ്രീ.കെ.എം.ഷാജി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) കണ്‍സ്യൂമര്‍ഫെഡിലെ ജീവനക്കാരുടെ ശമ്പളം പരിഷ്ക്കരിക്കുന്നതിന് നിയമിച്ച കമ്മീഷന്റെ കാലാവധി കഴിഞ്ഞോ;റിപ്പോര്‍ട്ട് ലഭിച്ചിട്ടുണ്ടോ;വ്യക്തമാക്കാമോ; (ബി) ജീവനക്കാരുടെ പ്രതിനിധികളുമായി കമ്മീഷന്‍ ചര്‍ച്ച നടത്തിയിട്ടുണ്ടോ; എങ്കില്‍ എത്ര തവണ; (സി) ശമ്പള പരിഷ്ക്കരണം എന്നത്തേയ്ക്ക് നടത്താനാണ് ഉദ്ദേശിക്കുന്നതെന്ന് വ്യക്തമാക്കാമോ; (ഡി) കണ്‍സോളിഡേറ്റഡ്/ദിവസവേതന/താല്‍ക്കാലിക ജീവനക്കാരുടെ ശമ്പള പരിഷ്കരണവും ഈ കമ്മീഷന്റെ പരിഗണനയിലുണ്ടോയെന്ന് വ്യക്തമാക്കാമോ?
കണ്‍സ്യൂമര്‍ ഫെഡിന്റെ ശാക്തീകരണം
6207.	ശ്രീ.ചിറ്റയം ഗോപകുമാര്‍ ,, ആര്‍. രാമചന്ദ്രന്‍ ,, കെ. രാജന്‍ ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) ഈ സര്‍ക്കാര്‍ അധികാരത്തില്‍ വന്നശേഷം കണ്‍സ്യൂമര്‍ ഫെഡിന്റെ പ്രവര്‍ത്തനം സുതാര്യമാക്കുന്നതിന് നടപടികള്‍ സ്വീകരിച്ചിട്ടുണ്ടോ; വ്യക്തമാക്കുമോ; (ബി) കണ്‍സ്യൂമര്‍ ഫെഡിന്റെ ബിസിനസ്സ് വര്‍ദ്ധിപ്പിക്കുന്നതിനാവശ്യമായ ഏതൊക്കെ ഇടപെടലുകളാണ് നടത്തിയതെന്ന് വിശദമാക്കുമോ? (സി) ത്രിവേണി സ്റ്റോറുകള്‍ ഓണ്‍ലൈന്‍ ട്രേഡിംഗ് ആരംഭിച്ചിട്ടുണ്ടോ; വിശദമാക്കുമോ; (ഡി) മുന്‍ സര്‍ക്കാരിന്റെ കാലത്ത് കണ്‍സ്യൂമര്‍ ഫെഡില്‍ നടന്ന അഴിമതി കേസുകളിന്‍മേല്‍ സ്വീകരിച്ച നടപടി വ്യക്തമാക്കുമോ; (ഇ) കണ്‍സ്യൂമര്‍ ഫെഡിന്റെ ശാക്തീകരണത്തിന് സ്വീകരിക്കുന്ന നടപടികള്‍ വിശദമാക്കുമോ; (എഫ്) പ്രാഥമിക സഹകരണസംഘങ്ങളുടെ നേതൃത്വത്തില്‍ നീതി സ്റ്റോറുകള്‍ ആരംഭിക്കുന്നുണ്ടോ; വ്യക്തമാക്കുമോ; (ജി) നന്മ സ്റ്റോറുകള്‍ നിറുത്തലാക്കിയ സാഹചര്യം അറിയിക്കുമോ; പ്രസ്തുത സ്റ്റോറുകളിലെ ജീവനക്കാരെ പുനര്‍വിന്യസിച്ചിട്ടുണ്ടോ; വ്യക്തമാക്കുമോ?
കണ്‍സ്യൂമര്‍ ഫെഡിന്റെ നേതൃത്വത്തില്‍ നടപടികള്‍
6208.	ശ്രീ.എ. എന്‍. ഷംസീര്‍ : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
സംസ്ഥാനത്തെ അരിയുടെ ക്ഷാമം പരിഹരിക്കുന്നതിനും പൊതുവിപണിയിലെ വില്‍പ്പന വില പിടിച്ച് നിര്‍ത്തുന്നതിനും കണ്‍സ്യൂമര്‍ ഫെഡിന്റെ നേതൃത്വത്തില്‍ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?
കണ്‍സ്യൂമര്‍ഫെഡില്‍ കണ്‍സോളിഡേറ്റഡ് പേയില്‍ ജോലി ചെയ്യുന്ന ജീവനക്കാര്‍
6209.	ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) കണ്‍സ്യൂമര്‍ഫെഡില്‍ കണ്‍സോളിഡേറ്റഡ് പേയില്‍ ജോലി ചെയ്യുന്ന ജീവനക്കാരെ സ്ഥിരപ്പെടുത്തുന്നതിനോ, ശമ്പള സ്കെയില്‍ അനുവദിയ്ക്കുന്നതിനോ ആലോചനയുണ്ടോ; ഉണ്ടെങ്കില്‍ എത്ര പേര്‍ക്കാണ് ഇതിന്റെ പ്രയോജനം ലഭിക്കുന്നത്; ഇതുസംബന്ധമായി ഹൈക്കോടതിയില്‍ കേസുകള്‍ നിലവിലുണ്ടോ; ഉണ്ടെങ്കില്‍ എത്ര; ഹൈക്കോടതിയിലെ കേസുകള്‍ക്ക് വിധേയമായിട്ടാണോ ഇത് നടപ്പിലാക്കുന്നത്; വിശദമാക്കുമോ; (ബി) കണ്‍സ്യൂമര്‍ഫെഡില്‍ 2011 -ല്‍ എത്ര പേര്‍ക്കാണ് സെയില്‍സ് അസിസ്റ്റന്റ് ഗ്രേഡ് I, ഗ്രേഡ് II തസ്തികകളിലേക്ക് പ്രൊമോഷന്‍ നല്‍കിയിട്ടുള്ളത്; മാനദണ്ഡം വിശദമാക്കുമോ; പ്രൊമോഷന്‍ ലഭിക്കാത്ത ജീവനക്കാര്‍ എത്രപേരാണ്; പ്രൊമോഷന്‍ നല്‍കാത്തതിനുള്ള കാരണം വിശദമാക്കുമോ; (സി) പ്രൊമോഷന്‍ ലഭിക്കുന്നതുമായി ബന്ധപ്പെട്ട് എത്രകേസുകള്‍ ഹൈക്കോടതിയില്‍ നിലവിലുണ്ട്; ഇപ്പോള്‍ ആര്‍ക്കെങ്കിലും പ്രൊമോഷന്‍ നല്‍കാന്‍ ആലോചനയുണ്ടോ; എങ്കില്‍ എത്ര പേര്‍ക്ക്; വിശദമാക്കുമോ; (ഡി) ഈ സര്‍ക്കാര്‍ അധികാരത്തില്‍ വന്നശേഷം ദിവസവേതന ജീവനക്കാരെ പിരിച്ചുവിട്ടിട്ടുണ്ടോ; എങ്കില്‍ എത്ര പേരെ; പകരം ദിവസവേതന അടിസ്ഥാനത്തില്‍ ആര്‍ക്കെങ്കിലും നിയമനം നല്‍കിയിട്ടുണ്ടോ; വിശദമാക്കുമോ; (ഇ) ഹൈക്കോടതിവിധിയനുസരിച്ച് കണ്‍സ്യൂമര്‍ഫെഡില്‍ പുതിയ ഭരണസമിതി രൂപീകരിക്കാന്‍ നടപടി സ്വീകരിച്ചിട്ടുണ്ടോ?
കോ-ഓപ്പറേറ്റീവ് അക്കാദമി ഓഫ് പ്രൊഫഷണല്‍ എഡ്യൂക്കേഷന്‍ (CAPE) - ന്റെ സ്ഥാപനങ്ങള്‍
6210.	ശ്രീമതി.പി. അയിഷാ പോറ്റി ശ്രീ.വി. ജോയി ,, പുരുഷന്‍ കടലുണ്ടി ,, റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) സംസ്ഥാനത്തെ സഹകരണ വകുപ്പിന്റെ കീഴിലുള്ളതും നിയന്ത്രണത്തിലുള്ളതുമായ വിദ്യാഭ്യാസ സ്ഥാപനങ്ങളുടെയും ആരോഗ്യ സ്ഥാപനങ്ങളുടെയും പ്രവര്‍ത്തനങ്ങള്‍ വിലയിരുത്തിയിട്ടുണ്ടോ;വിശദമാക്കുമോ; (ബി) കോ-ഓപ്പറേറ്റീവ് അക്കാദമി ഓഫ് പ്രൊഫഷണല്‍ എഡ്യൂക്കേഷന്‍ (CAPE)- ന്റെ സ്ഥാപനങ്ങളെ കാലാനുസൃതമായി നവീകരിക്കുന്നതിനും, മികവിന്റെ കേന്ദ്രങ്ങളാക്കി മാറ്റുന്നതിനും എന്തെല്ലാം നടപടികളാണ് സ്വീകരിച്ചു വരുന്നതെന്ന് വ്യക്തമാക്കാമോ; (സി) പുന്നപ്ര-സാഗര സഹകരണ ആശുപത്രിയുടെ വികസനത്തിനായി എന്തെല്ലാം പദ്ധതികളാണ് നടപ്പാക്കാന്‍ തീരുമാനിച്ചിട്ടുള്ളത്; വ്യക്തമാക്കാമോ?
കേപ്പ്(CAPE)ന് കീഴിലുള്ള കോളേജുകള്‍
6211.	ശ്രീ.അടൂര്‍ പ്രകാശ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) കേപ്പിന് കീഴിലുള്ള കോളേജുകളെ സെന്റര്‍ ഓഫ് എക്സലന്‍സ് ആക്കി മാറ്റുന്നതിന് സ്വീകരിച്ച നടപടികള്‍ എന്തൊക്കെയാണ്; (ബി) കേപ്പിന് കീഴിലുള്ള കോളേജുകള്‍ക്ക് നാക്ക് അക്രഡിറ്റേഷന്‍ ലഭിക്കുന്നതിന് സ്വീകരിച്ചിട്ടുള്ള നടപടി വിശദമാക്കുമോ; ഇതിനകം എത്ര സ്ഥാപനങ്ങള്‍ക്ക് നാക്ക് അക്രഡിറ്റേഷന്‍ ലഭിച്ചു; (സി) കേപ്പിന്റെ സാമ്പത്തിക നില മെച്ചപ്പെടുത്തുന്നതിന് സ്വീകരിച്ച നടപടികള്‍ വിജ‍യപ്രദമായിട്ടുണ്ടോ; ചെലവ് ചുരുക്കലിന്റെ ഭാഗമായി എന്തൊക്കെ കാര്യങ്ങളാണ് നടപ്പിലാക്കിയത്; (ഡി) കേപ്പിന് സര്‍ക്കാര്‍ നല്‍കുന്ന ഫണ്ട് വര്‍ദ്ധിപ്പിച്ചിട്ടുണ്ടോ; ഇല്ലെങ്കില്‍ ആയത് പരിഗണിക്കുമോ?
തലപ്പിള്ളി സഹകരണ കാര്‍ഷിക വികസന ബാങ്ക്
6212.	ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) തൃശൂര്‍ ജില്ലയിലെ തലപ്പിള്ളി സഹകരണ കാര്‍ഷിക വികസന ബാങ്കില്‍ നിലവില്‍ എത്ര പേര്‍ക്ക് വായ്പാ കുടിശ്ശികയുണ്ടെന്നറിയിക്കാമോ; (ബി) ആകെ വായ്പാകുടിശ്ശിക എത്ര കോടി രൂപ വരുമെന്ന് വ്യക്തമാക്കുമോ; (സി) വായ്പാ കുടിശ്ശികയുടെ ഭാഗമായി നിലവില്‍ എത്ര പേരുടെ പുരയിടം ഉള്‍പ്പെടെയുള്ള പണയവസ്തു ലേല പരസ്യം ചെയ്തിട്ടുണ്ട്; (ഡി) എത്ര വായ്പാ കുടിശ്ശികക്കാരുടെ പുരയിടം ഉള്‍പ്പെടുന്ന സ്ഥലം ബാങ്ക് ലേലത്തിലൂടെ സ്വന്തമാക്കിയിട്ടുണ്ട്; (ഇ) വായ്പാ കുടിശ്ശിക അടച്ചു തീര്‍ക്കുന്നതിന് നല്‍കുന്ന ഇളവുകള്‍ എന്തൊക്കെയാണെന്നുളള വിശദാംശം വ്യക്തമാക്കുമോ; (എഫ്) 2016-17, 2017-18 സാമ്പത്തിക വര്‍ഷങ്ങളില്‍ ഒറ്റതവണ തീര്‍പ്പാക്കലിലൂടെ ഇളവുകള്‍ നല്‍കിയത് എത്ര പേര്‍ക്കാണെന്നറിയിക്കാമോ; (ജി) ഒാരോരുത്തരുടെയും കുടിശ്ശിക തുകയും, നല്‍കിയ ഇളവുകളും പ്രത്യേകം വ്യക്തമാക്കുമോ?
സഹകരണ സംഘം ജീവനക്കാര്‍ക്കുള്ള ചികിത്സാ ധനസഹായവും പെന്‍ഷനും
6213.	ശ്രീ.സി. ദിവാകരന്‍ ,, ഇ.കെ.വിജയന്‍ ,, ഇ.ടി. ടൈസണ്‍ മാസ്റ്റര്‍ ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) ഇൗ സര്‍ക്കാര്‍ സഹകരണ സംഘം ജീവനക്കാര്‍ക്കുള്ള ചികിത്സാ ധന സഹായവും സഹകരണ ബാങ്ക് ജീവനക്കാരുടെ പെന്‍ഷനും വര്‍ദ്ധിപ്പിച്ചിട്ടുണ്ടോ; വ്യക്തമാക്കുമോ; (ബി) പ്രസ്തുത ചികിത്സാ ധന സഹായം ഏതൊക്കെ രോഗങ്ങള്‍ക്കാണ് ലഭ്യമാകുകയെന്നും ധന സഹായത്തിന്റെ നിരക്കും വ്യക്തമാക്കുമോ; (സി) ഡെങ്കിപ്പനി, എച്ച്1 എന്‍1, എലിപ്പനി എന്നീ ചികിത്സകള്‍ക്കും വെരിക്കോസ് വെയിന്‍ ശസ്ത്രക്രിയക്കും ചികിത്സാ ആനുകൂല്യം ലഭ്യമാണോ; (ഡി) ജീവനക്കാരുടെ ആശ്രിതര്‍ക്ക് നല്കി വരുന്ന ചികിത്സാ ധന സഹായം വര്‍ദ്ധിപ്പിച്ചിട്ടുണ്ടോയെന്ന് അറിയിക്കുമോ; (ഇ) പെന്‍ഷനര്‍ മരിച്ചാല്‍ ആശ്രിതര്‍ക്ക് മുഴുവന്‍ പെന്‍ഷനും നല്‍കുന്നതിന്റെ വ്യവസ്ഥകള്‍ അറിയിക്കുമോ; (എഫ്) പെന്‍ഷന്‍ നിര്‍ണ്ണയത്തിനുള്ള സേവന കാലാവധി കണക്കാക്കുമ്പോള്‍ പ്രൊബേഷന്‍ കാലയളവ് സേവന കാലയളവായി പരിഗണിക്കുമോ; വ്യക്തമാക്കുമോ; (ജി) കായിക രംഗത്ത് മികച്ച വിജയം നേടുന്ന സഹകരണ സംഘം ജീവനക്കാരുടെ മക്കള്‍ക്ക് എന്തൊക്കെ പ്രോത്സാഹനങ്ങളാണ് നല്‍കി വരുന്നത്?
സഹകരണ ബാങ്കുകളിലെ ക്ലറിക്കല്‍ തസ്തികയിലേക്കുളള സ്ഥാനകയറ്റം
6214.	ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) സഹകരണ ബാങ്കുകളിലെ ക്ലറിക്കല്‍ തസ്തികയിലേക്ക് നിലവിലുളള ജീവനക്കാര്‍ക്ക് സ്ഥാനകയറ്റം നല്‍കുന്നതിന് നിലവിലുളള നിയമനവ്യവസ്ഥ എന്താണെന്ന് വിശദമാക്കുമോ; (ബി) സ്ഥാനകയറ്റത്തിന് 4:1 എന്ന അനുപാതം നടപ്പില്‍ വരുത്തിയോ; എങ്കില്‍ എന്ന് മുതലാണ് ഈ അനുപാതം നിലവില്‍ വന്നത് എന്ന് വ്യക്തമാക്കുമോ?
ജില്ലാ സഹകരണ ബാങ്കുകളിലെ ക്ലാര്‍ക്ക് നിയമനം
6215.	ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) ജില്ലാ സഹകരണ ബാങ്കുകളിലെ ക്ലാര്‍ക്ക് നിയമനത്തിനായി പി.എസ്.സി.പ്രസിദ്ധീകരിച്ച റാങ്ക് ലിസ്റ്റില്‍ നിന്നും (കാറ്റഗറി 20 /2014 ,21 /2014) എത്ര നിയമനം നടന്നിട്ടുണ്ടെന്ന് വിശദമാക്കുമോ; (ബി) 2018 ചിങ്ങം ഒന്നിന് ആരംഭിക്കുന്ന കേരള ബാങ്കില്‍ ജില്ലാ സഹകരണ ബാങ്കുകളെ ലയിപ്പിക്കുന്നത് മൂലം പ്രസ്തുത പട്ടികയില്‍ നിന്നുമുള്ള നിയമനം തടസ്സമാകുമോ; (സി) ജില്ലാ സഹകരണ ബാങ്കുകളുടെ ക്ലാസിഫിക്കേഷന്‍ പരിഷ്കരിച്ച് പ്രസ്തുത ലിസ്റ്റില്‍ നിന്നും പരമാവധി നിയമനം നടത്താന്‍ നടപടി സ്വീകരിക്കുമോ?
സഹകരണ ബാങ്കിങ് മേഖലയില്‍ ആധുനികവത്ക്കരണം
6216.	ശ്രീ.അനില്‍ അക്കര : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) സംസ്ഥാനത്ത് സഹകരണ ബാങ്കിങ് മേഖലയില്‍ ആധുനികവത്ക്കരണം കൊണ്ടുവരാന്‍ കമ്മിറ്റി രൂപീകരിച്ചിട്ടുണ്ടോ; (ബി) പ്രസ്തുത കമ്മിറ്റിയിലെ അംഗങ്ങളുടെ വിവരങ്ങള്‍ നല്‍കാമോ; (സി) സംസ്ഥാനത്തെ പ്രാഥമിക കാര്‍ഷിക സഹകരണ ബാങ്കുകളില്‍ കോര്‍ ബാങ്കിങ് ഇഫ്താസിന് നല്കാന്‍ പ്രസ്തുത കമ്മിറ്റി ശുപാര്‍ശ ചെയ്തിട്ടുണ്ടോ?
സഹകരണ ബാങ്കുകള്‍ വഴി കെ.എസ്.ആര്‍.ടി.സി. പെന്‍ഷന്‍ വിതരണം
6217.	ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) കെ.എസ്.ആര്‍.ടി.സി.യില്‍ പെന്‍ഷന്‍ വിതരണം ചെയ്യുന്നതിനായി ആലത്തൂര്‍ നിയോജകമണ്ഡലത്തിലെ ഏതെല്ലാം സഹകരണ ബാങ്കുകളെയാണ് ചുമതലപ്പെടുത്തിയിരുന്നതെന്ന് അറിയിക്കാമോ; (ബി) ഓരോ ബാങ്കും എത്ര പെന്‍ഷന്‍കാര്‍ക്ക് പെന്‍ഷന്‍ നല്‍കുകയുണ്ടായി എന്നും എത്ര തുക നല്‍കി എന്നുമുള്ള വിശദാംശം നല്‍കാമോ?
സഹകരണ ബാങ്കുകളിലെ സ്വര്‍ണ്ണപണയ വായ്പ തട്ടിപ്പുകള്‍
6218.	ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) ഈ സര്‍ക്കാര്‍ വന്നതിനു ശേഷം എത്ര സഹകരണ ബാങ്കുകളില്‍ സ്വര്‍ണ്ണപണയ വായ്പ തട്ടിപ്പുകളും, ക്രമക്കേടുകളും കണ്ടെത്തിയിട്ടുണ്ട് ; സ്വര്‍ണ്ണ പണയ വായ്പ ക്രമക്കേടുകള്‍ കണ്ടെത്തിയ സഹകരണ ബാങ്കുകളുടെ പേരുവിവരം വ്യക്തമാക്കുമോ; (ബി) ബാങ്കുകളില്‍ പണയവസ്തുവായി സൂക്ഷിച്ചിട്ടുള്ള സ്വര്‍ണ്ണ ഉരുപ്പടികള്‍ യഥാര്‍ത്ഥ സ്വര്‍ണ്ണമാണെന്ന് ഉറപ്പു വരുത്തുന്നതിനായി പരിശോധനകള്‍ നടത്തുന്നതിന് നടപടി സ്വീകരിക്കുവാന്‍ ഉദ്ദേശ്യമുണ്ടോ;എങ്കില്‍ അതിന്റെ വിശദാംശം വ്യക്തമാക്കുമോ?
സഹകരണ ബാങ്കുകളില്‍ കോര്‍ ബാങ്കിംഗ് സിസ്റ്റം
6219.	ശ്രീ.സണ്ണി ജോസഫ് ,, വി.പി.സജീന്ദ്രന്‍ ,, കെ.മുരളീധരന്‍ ,, എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) സംസ്ഥാനത്ത് സഹകരണ ബാങ്കുകളില്‍ കോര്‍ ബാങ്കിംഗ് സിസ്റ്റം നിലവില്‍ വന്നിട്ടുണ്ടോ; വ്യക്തമാക്കുമോ; (ബി) കോര്‍ ബാങ്കിംഗ് സംവിധാനം ആരംഭിച്ചത്എന്നാണെന്നും, നിലവില്‍ ഏതെല്ലാം സഹകരണ സ്ഥാപനങ്ങളിലാണ് ഇത് നടപ്പിലാക്കേണ്ടതെന്നും വ്യക്തമാക്കുമോ; (സി) ഈ ആവശ്യത്തിലേക്കായി മുഖ്യമന്ത്രിയോ സഹകരണമന്ത്രിയോ ബന്ധപ്പെട്ടവരുടെ യോഗം വിളിച്ച് ചേര്‍ത്തിട്ടുണ്ടോ; (ഡി) കോര്‍ ബാങ്കിംഗ് സംബന്ധിച്ച് ഏതെങ്കിലും ഏജന്‍സികള്‍ സര്‍ക്കാരിന് പദ്ധതി നിര്‍ദ്ദേശം സമര്‍പ്പിച്ചിട്ടുണ്ടോ; ഉണ്ടെങ്കില്‍ ഏത് ഏജന്‍സിയില്‍ നിന്ന് സമര്‍പ്പിച്ച പദ്ധതിപ്രകാരമാണ് നടപ്പാക്കുന്നതെന്നും ആകെ എത്ര കോടി രൂപ ചെലവ് വരുമെന്നും അറിയിക്കാമോ?
സോഫ്റ്റ് വെയര്‍ സുരക്ഷാ മാനദണ്ഡങ്ങള്‍
6220.	ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
സംസ്ഥാനത്തെ സഹകരണ ബാങ്കകളില്‍ സോഫ്റ്റ് വെയര്‍ ലഭ്യമാക്കുന്നതിനായി സര്‍ക്കാരിനെ സമീപിച്ചിട്ടുളള ഇഫ്താസ് കമ്പനി സോഫ്റ്റ് വെയര്‍ സുരക്ഷാ മാനദണ്ഡങ്ങള്‍ പാലിക്കുന്നതായി ഉറപ്പുവരുത്തിയിട്ടുണ്ടോ എന്ന് വെളിപ്പെടുത്താമോ?
കാരമുക്ക് സര്‍വ്വീസ് സഹകരണ ബാങ്കിന് ധനസഹായം
6221.	ശ്രീ.മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) 2017-18 സാമ്പത്തിക വര്‍ഷത്തെ പദ്ധതി വിഹിതത്തില്‍ ഉള്‍പ്പെടുത്തി പുനരുദ്ധാരണത്തിനും വികസനത്തിനുമുള്ള ധനസഹായ പദ്ധതി പ്രകാരം മണലൂര്‍ മണ്ഡലത്തിലെ കാരമുക്ക് സര്‍വ്വീസ് സഹകരണ ബാങ്ക് ക്ലിപ്തം നമ്പര്‍ 16- ന്റെ ധനസഹായത്തിനായി അപേക്ഷ ലഭിച്ചിരുന്നോ; പ്രസ്തുത അപേക്ഷ പ്രകാരം ധനസഹായം അനുവദിച്ചിട്ടുണ്ടോ എന്ന് അറിയിക്കാമോ; (ബി) ഈ പദ്ധതി പ്രകാരം എന്തെല്ലാം പ്രവൃത്തികള്‍ക്കാണ് ധനസഹായം അനുവദിച്ചിട്ടുള്ളത്; (സി) ഇവ പൂര്‍ത്തീകരിക്കുന്നതിന് സമയപരിധി നിശ്ചയിച്ചിട്ടുണ്ടോ; പ്രവൃത്തികള്‍ എന്ന് പൂര്‍ത്തീകരിക്കാനാകുമെന്നാണ് പ്രതീക്ഷിക്കുന്നത്; വിശദാംശങ്ങള്‍ നല്‍കാമോ?
ടൂറിസം കോഴ്സുകള്‍
6222.	ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) കേന്ദ്ര സര്‍ക്കാരിന്റെ അംഗീകാരമുളളതും സംസ്ഥാനത്ത് വിവിധ സ്ഥാപനങ്ങള്‍ നടത്തുന്നതുമായ ടൂറിസം കോഴ്സുകള്‍ എന്തെല്ലാമാണെന്ന് വ്യക്തമാക്കുമോ; (ബി) പ്രസ്തുത കോഴ്സുകള്‍ ഏറ്റെടുത്ത് നടത്തുന്നതിന് എന്തെല്ലാം മാനദണ്ഡങ്ങള്‍ ബാധകമാണെന്ന് അറിയിക്കുമോ; (സി) ഇത്തരം കോഴ്സുകള്‍ നടത്തുന്ന സ്വകാര്യ,സഹകരണ സ്ഥാപനങ്ങള്‍ക്ക് സര്‍ക്കാര്‍ എന്തെല്ലാം സഹായമാണ് നല്കിവരുന്നതെന്ന് വെളിപ്പെടുത്തുമോ?
ടൂറിസം റെഗുലേറ്ററി അതോറിറ്റി
6223.	ശ്രീ.കെ.മുരളീധരന്‍ : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
ടൂറിസം റെഗുലേറ്ററി അതോറിറ്റി രൂപീകരണത്തിലൂടെ ടൂറിസം രംഗത്ത് എന്തൊക്കെ മാറ്റങ്ങള്‍ കൊണ്ടുവരാനാണ് ഉദ്ദേശിക്കുന്നത് എന്ന് വ്യക്തമാക്കുമോ?
സുസ്ഥിര ടൂറിസം വികസനം
6224.	ശ്രീ.എ.പി. അനില്‍ കുമാര്‍ ,, അടൂര്‍ പ്രകാശ് ,, കെ.എസ്.ശബരീനാഥന്‍ ,, റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) സുസ്ഥിര ടൂറിസം വികസനത്തിന് എന്തൊക്കെ കര്‍മ്മപദ്ധതികളാണ് ആവിഷ്ക്കരിച്ചിട്ടുളളത്; (ബി) മാനവശേഷി വികസനവും ടൂറിസം സാക്ഷരതയും പാഠ്യപദ്ധതിയില്‍ ഉള്‍പ്പെടുത്തുന്നതിന് വിദ്യാഭ്യാസ വകുപ്പുമായി ബന്ധപ്പെട്ടിട്ടുണ്ടോ; വിശദാംശം നല്‍കുമോ?
മാലിന്യ രഹിതമായ വിനോദസഞ്ചാര കേന്ദ്രങ്ങള്‍
6225.	ശ്രീ.രാജു എബ്രഹാം ,, എ. എന്‍. ഷംസീര്‍ ,, സി. കെ. ശശീന്ദ്രന്‍ ,, വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) നിലവില്‍ ഏതെല്ലാം ടൂറിസം കേന്ദ്രങ്ങളെയാണ് ഉത്തരവാദിത്ത ടൂറിസം മിഷന്‍ മാലിന്യ രഹിത ടൂറിസം കേന്ദ്രങ്ങളായി പ്രഖ്യാപിച്ചിട്ടുള്ളത്; (ബി) വിവിധ ടൂറിസം സംരംഭകരുമായി ചേര്‍ന്ന് മാലിന്യ സംസ്കരണത്തിനായി സംയുക്ത പരിപാടികള്‍ സംഘടിപ്പിക്കാന്‍ നടപടി സ്വീകരിച്ചിട്ടുണ്ടോ; വിശദമാക്കുമോ; (സി) ടൂറിസം മേഖലയില്‍ പ്രകൃതി സൗഹൃദ നിര്‍മ്മാണ പ്രവര്‍ത്തനങ്ങള്‍ പ്രോത്സാഹിപ്പിക്കാന്‍ എന്തെല്ലാം പദ്ധതികളാണ് ആവിഷ്ക്കരിക്കാനുദ്ദേശിക്കുന്നതെന്ന് വ്യക്തമാക്കാമോ?
ആഭ്യന്തര / വിദേശ വിനോദ സഞ്ചാരികള്‍
6226.	ശ്രീ.പി.കെ. ശശി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) ടൂറിസം മേഖലാവളര്‍ച്ചക്കായി ടൂറിസം വകുപ്പ് നടത്തിവരുന്ന പ്രധാന പ്രവര്‍ത്തനങ്ങള്‍ എന്തെല്ലാം എന്നും ആയതിനായി 2016-17, 2017-18 വര്‍ഷങ്ങളില്‍ എത്ര തുകയുടെ പ്രവര്‍ത്തനങ്ങളാണ് നടത്തിയതെന്നും വ്യക്തമാക്കുമോ; (ബി) പ്രസ്തുത വര്‍ഷങ്ങളില്‍ കേരളത്തിലെത്തിയ ആഭ്യന്തര സഞ്ചാരികള്‍ എത്ര എന്നും വിനോദസഞ്ചാരികള്‍ എത്ര എന്നും വ്യക്തമാക്കുമോ; (സി) ആഭ്യന്തര/വിദേശ സഞ്ചാരികളെ ആകര്‍ഷിക്കാനും അവരുടെ എണ്ണം വര്‍ദ്ധിപ്പിക്കാനും അതിലൂടെ സംസ്ഥാന ടൂറിസം മേഖലാ വളര്‍ച്ചയ്ക്കായി വകുപ്പ് നടത്താനുദ്ദേശിക്കുന്ന തുടര്‍ പ്രവര്‍ത്തനങ്ങള്‍ എന്തെല്ലാമെന്നും വ്യക്തമാക്കുമോ? (ഡി) 2016-17, 2017-18 വര്‍ഷങ്ങളില്‍ കേരളത്തിലെത്തിയ ആഭ്യന്തര/വിദേശ സഞ്ചാരികളില്‍ നിന്നും സംസ്ഥാന സര്‍ക്കാരിന് ലഭിച്ച തുക എത്ര എന്ന് തരംതിരിച്ച് വ്യക്തമാക്കുമോ?
ടൂറിസ്റ്റ് കേന്ദ്രങ്ങള്‍ കച്ചവട ലോബിയുടെ പിടിയില്‍പെടുന്ന സാഹചര്യം
6227.	ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) കേരളത്തിലെ പ്രധാന ടൂറിസ്റ്റ് കേന്ദ്രങ്ങള്‍ കച്ചവട ലോബിയുടെ പിടിയില്‍പെടുന്ന സാഹചര്യം സര്‍ക്കാരിന്റെ ശ്രദ്ധയില്‍പെട്ടിട്ടുണ്ടോ; (ബി) ടൂറിസം കേന്ദ്രങ്ങളില്‍ ഭക്ഷണത്തിന്റെയും മറ്റ് കച്ചവട സാധനങ്ങളുടെയും വില്‍പ്പനയില്‍ സഞ്ചാരികളെ ചൂഷണം ചെയ്യുന്നത് തടയാന്‍ എന്തെല്ലാം നടപടികള്‍ സ്വീകരിക്കും; വിശദമാക്കുമോ; (സി) ടൂറിസം കേന്ദ്രങ്ങളില്‍ സഞ്ചാരികളെ അലോസരപ്പെടുത്തുന്ന തരത്തിലുളള കച്ചവട രീതികള്‍ അവസാനിപ്പിക്കാന്‍ എന്തെല്ലാം നടപടികള്‍ സ്വീകരിക്കും എന്ന് വ്യക്തമാക്കാമോ?
തീര്‍ത്ഥാടന ടൂറിസം പദ്ധതി
6228.	ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) കേരളത്തിലെ വിവിധ മതസ്ഥരുടെ തീര്‍ത്ഥാടന കേന്ദ്രങ്ങളെയും സമീപമുള്ള വിനോദ സഞ്ചാര കേന്ദ്രങ്ങളെയും ബന്ധപ്പെടുത്തി തീര്‍ത്ഥാടന ടൂറിസം പദ്ധതി നടപ്പിലാക്കുന്നതിന് പദ്ധതി തയ്യാറാക്കുമോ; വിശദീകരിക്കുമോ; (ബി) ഇതര സംസ്ഥാനക്കാരെ ആകര്‍ഷിക്കുന്നതിനുവേണ്ടി ഇപ്രകാരമുള്ള ടൂറിസ്റ്റ് പാക്കേജുകള്‍ വെബ് സൈറ്റില്‍ പ്രസിദ്ധീകരിക്കുന്നതിന് നടപടി സ്വീകരിക്കുമോ; (സി) ജില്ലാ ടൂറിസം പ്രൊമോഷന്‍ കൗണ്‍സിലുകള്‍ ഓരോ ജില്ലയിലെയും ഇത്തരം പാക്കേജുകള്‍ രാജ്യാന്തര ശ്രദ്ധയില്‍ കൊണ്ടുവരുന്നതിന് മുന്‍കൈയെടുക്കാന്‍ നടപടി സ്വീകരിക്കുമോ?
ഉത്തരവാദിത്ത ടൂറിസം മിഷന്‍
6229.	ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) സംസ്ഥാനത്ത് ഉത്തരവാദിത്ത ടൂറിസം മിഷന്റെ നേതൃത്തില്‍ നടപ്പിലാക്കുന്ന പ്രവര്‍ത്തനങ്ങള്‍ എന്തെല്ലാമെന്ന് വ്യക്തമാക്കുമോ; (ബി) ഈ സര്‍ക്കാര്‍ അധികാരത്തില്‍ വന്നശേഷം പ്രസ്തുത മിഷന്റെ പ്രവര്‍ത്തനങ്ങള്‍ക്കായി എത്ര തുക ചെലവഴിച്ചുവെന്ന് വ്യക്തമാക്കുമോ?
ഉത്തരവാദിത്ത ടൂറിസം മേഖലയില്‍ വിദഗ്ദ്ധ തൊഴില്‍ പരിശീലനം
6230.	ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
ഉത്തരവാദിത്ത ടൂറിസം മേഖലയില്‍ വിദഗ്ദ്ധ തൊഴില്‍ പരിശീലനം നല്‍കുന്നതിന് ടൂറിസം വകുപ്പ് ഉദ്ദേശിക്കുന്നുണ്ടോ; വിശദാംശം നല്‍കുമോ?
ടൂറിസം സാധ്യതകളെക്കുറിച്ച് പഠിക്കുന്നതിന് നടത്തിയ സന്ദര്‍ശനങ്ങള്‍
6231.	ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) ഇൗ സര്‍ക്കാര്‍ വന്നതിനുശേഷം ടൂറിസം സാധ്യതകളെക്കുറിച്ച് പഠിക്കുന്നതിനും നിലവിലുളള ടൂറിസം വികസിപ്പിക്കുന്നതിനുമായി ഏതെല്ലാം ഉദ്യോഗസ്ഥര്‍,ഏതെല്ലാം ജില്ലകളില്‍ സന്ദര്‍ശനം നടത്തിയിട്ടുണ്ടെന്ന് വ്യക്തമാക്കാമോ; (ബി) പ്രസ്തുത സന്ദര്‍ശനങ്ങള്‍ മൂലം ഉണ്ടായ മാറ്റങ്ങളും പ്രവര്‍ത്തനങ്ങളും എന്തെല്ലാമെന്ന് വ്യക്തമാക്കാമോ; (സി) സന്ദര്‍ശനങ്ങള്‍ക്കായി എത്ര തുക ചെലവായി ; വ്യക്തമാക്കാമോ; (ഡി) പ്രസ്തുത സന്ദര്‍ശനങ്ങളെത്തുടര്‍ന്ന് നടപ്പാക്കാന്‍ പോകുന്ന പുതിയ ടൂറിസം പദ്ധതികള്‍ ഏതെല്ലാമെന്ന് വ്യക്തമാക്കാമോ?
ആരോഗ്യ വിനോദ സഞ്ചാര മേഖലയില്‍ പദ്ധതികള്‍
6232.	ശ്രീ.എ. എന്‍. ഷംസീര്‍ : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
ആരോഗ്യ വിനോദ സഞ്ചാര മേഖലയില്‍ കേരളത്തെ മുന്‍ നിരയിലെത്തിക്കാന്‍ എന്തെങ്കിലും പദ്ധതികള്‍ ആവിഷ്കരിച്ചിട്ടുണ്ടോ;എങ്കില്‍ ആയത് എന്താണെന്ന് വ്യക്തമാക്കാമോ?
മലബാര്‍ മേഖലയിലെ ടൂറിസം വ്യവസായം
6233.	ശ്രീ. എന്‍ .എ.നെല്ലിക്കുന്ന് പ്രൊഫ.ആബിദ് ഹുസൈന്‍ തങ്ങള്‍ ശ്രീ.മഞ്ഞളാംകുഴി അലി ,, പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) മലബാര്‍ മേഖലയിലെ ടൂറിസം വ്യവസായം ശക്തിപ്പെടുത്തുവാനും കൂടുതല്‍ വിനോദസഞ്ചാരികളെ ആകര്‍ഷിക്കുവാനും നടപ്പിലാക്കിവരുന്ന പദ്ധതികള്‍ എന്തെല്ലാമാണ്; വിശദാംശം നല്‍കുമോ; (ബി) ബേക്കലിന്റെയും സമീപപ്രദേശങ്ങളിലേയും വിനോദസഞ്ചാര കേന്ദ്രങ്ങള്‍ വികസിപ്പിക്കുവാന്‍ ആവിഷ്ക്കരിച്ചു് നടപ്പിലാക്കുന്ന പദ്ധതികളുടെ വിശദാംശം വെളിപ്പെടുത്തുമോ?
ക്ലീന്‍ ഡെസ്റ്റിനേഷന്‍ കാമ്പയിന്‍
6234.	ശ്രീ.റ്റി.വി.രാജേഷ് ശ്രീമതി.വീണാ ജോര്‍ജ്ജ് ശ്രീ.കാരാട്ട് റസാഖ് ,, സി. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) സംസ്ഥാനത്ത് നിലവില്‍ എത്ര ടൂറിസം ഡെസ്റ്റിനേഷനുകളാണ് ഉളളതെന്നും ഒരു പ്രദേശത്തെ ടൂറിസം ഡെസ്റ്റിനേഷനായി പ്രഖ്യാപിക്കുന്നതിനുളള മാനദണ്ഡങ്ങള്‍ എന്തൊക്കെയാണെന്നും വ്യക്തമാക്കാമോ; (ബി) ടൂറിസം ഡെസ്റ്റിനേഷനുകളുടെ മേല്‍നോട്ടത്തിനും നടത്തിപ്പിനുമായി ഡെസ്റ്റിനേഷന്‍ മാനേജ്‍മെന്റ് കൗണ്‍സില്‍ രൂപീകരിച്ചിട്ടുണ്ടോ; എങ്കില്‍ ഇതിന്റെ ചുമതലകള്‍ എന്തെല്ലാമാണെന്ന് വ്യക്തമാക്കാമോ; (സി) ടൂറിസം കേന്ദ്രങ്ങളിലെ മാലിന്യ നിവാരണത്തിനും ശുചിത്വത്തിനുമായി ക്ലീന്‍ ഡെസ്റ്റിനേഷന്‍ കാമ്പയിന്‍ എന്ന പദ്ധതി നടപ്പാക്കിയിട്ടുണ്ടോ;വിശദാംശം നല്‍കുമോ?
ഇക്കോടൂറിസം പദ്ധതികള്‍
T 6235.	ശ്രീ.കെ.സി.ജോസഫ് ,, ഹൈബി ഈഡന്‍ ,, വി.ടി.ബല്‍റാം ,, അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) വനമേഖലയിലെ ഇക്കോടൂറിസം പദ്ധതികള്‍ക്കായി ഈ സര്‍ക്കാര്‍ നടപ്പിലാക്കുന്ന പദ്ധതികള്‍ എന്തൊക്കെയാണെന്ന് വ്യക്തമാക്കാമോ; (ബി) പരിസ്ഥിതി വിദ്യാഭ്യാസത്തിനും, സന്ദര്‍ശകരുടെ സുരക്ഷയ്ക്കും പ്രത്യേക ഊന്നല്‍ നല്‍കി പദ്ധതികള്‍ ആവിഷ്ക്കരിക്കുമോ;വിശദാംശം നല്‍കുമോ; (സി) വനാശ്രിത സമുദായങ്ങളെ പ്രത്യേകിച്ച് ആദി‍വാസി യുവാക്കളെ ഇക്കോടൂറിസം ഗൈഡുകളായി പരിശീലിപ്പിക്കുന്ന പദ്ധതിയുടെ നിലവിലെ അവസ്ഥ വിശദീകരിക്കുമോ; (ഡി) ഇക്കോ ടൂറിസത്തിന്റെ ഭാഗമായി വനമേഖലയിലെ നിർമ്മാണ പുനരുദ്ധാരണ പ്രവർത്തനങ്ങൾ കൊണ്ട് പരിസ്ഥിതിക്കുണ്ടാകുന്ന ആഘാതത്തെക്കുറിച്ച് ശാസ്ത്രീയ പഠനം നടത്തിയിട്ടുണ്ടോ;എങ്കില്‍ പ്രസ്തുത പഠനത്തിലെ കണ്ടെത്തലുകള്‍ എന്തൊക്കെയായിരുന്നു; പ്രസ്തുത കണ്ടെത്തലുകളുടെ അടിസ്ഥാനത്തില്‍ സ്വീകരിച്ച നടപടികള്‍ എന്തൊക്കെയാണ്;വിശദമാക്കാമോ?
അതിരപ്പിള്ളി-വാഴച്ചാല്‍ ഇക്കോടൂറിസം ഗൈഡുകളുടെ വേതന വര്‍ദ്ധനവ്
T 6236.	ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) അതിരപ്പിള്ളി-വാഴച്ചാല്‍ ഇക്കോ ടൂറിസം ഗൈഡുകളുടെ വേതന വര്‍ദ്ധനവിന് നടപടി സ്വീകരിച്ചിട്ടുണ്ടോ; (ബി) ഉണ്ടെങ്കില്‍ വര്‍ദ്ധിപ്പിച്ച വേതനം എത്രയാണെന്നും വര്‍ദ്ധനവ് എന്ന് മുതലാണ് പ്രാബല്യത്തില്‍ വരുന്നതെന്നും അറിയിക്കുമോ; (സി) ഇക്കോ ടൂറിസം ഗൈഡുകളുടെ വേതന വര്‍ദ്ധനവ് സംബന്ധിച്ച കൃത്യമായ മാര്‍ഗ്ഗനിര്‍ദ്ദേശം സംസ്ഥാനതലത്തില്‍ നടപ്പാക്കുന്നതിന് നടപടി സ്വീകരിക്കുമോ; (ഡി) പ്രസ്തുത മേഖലയില്‍ ജി.എസ്.ടി. നടപ്പിലാക്കുന്നതിന് കേന്ദ്രീകൃത നിര്‍ദ്ദേശം നല്‍കിയിട്ടുണ്ടോ എന്നറിയിക്കാമോ?
കെ.ടി.ഡി.സി. ഹോട്ടലുകളില്‍നിന്ന് പിരിഞ്ഞുകിട്ടാനുള്ള കുടിശ്ശിക തുക
6237.	ശ്രീമതി ഇ.എസ്.ബിജിമോള്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) കെ.ടി.ഡി.സി. ഹോട്ടലുകള്‍ക്ക് പിരിഞ്ഞുകിട്ടാനുള്ള കുടിശ്ശിക തുക എത്രയെന്ന് വ്യക്തമാക്കുമോ; (ബി) മസ്ക്കറ്റ് ഹോട്ടലിന് ലഭിക്കാനുള്ള കുടിശ്ശികയായ 19637623 രൂപ പിരിച്ചെടുക്കുന്നതിന് എന്തെങ്കിലും നടപടികള്‍ സ്വീകരിച്ചിട്ടുണ്ടോ ; വ്യക്തമാക്കുമോ; ഇതിൽ പിരിഞ്ഞുകിട്ടിയ തുക എത്രയെന്ന് വ്യക്തമാക്കുമോ; (സി) മാനദണ്ഡവിരുദ്ധമായ ഇടപെടലുകളിലൂടെ കെ.ടി.ഡി.സി.യുടെ കുടിശ്ശിക തുക വര്‍ദ്ധിക്കുന്നതിന് കാരണക്കാരാകുന്ന ഉദ്യാേഗസ്ഥര്‍ക്കെതിരെ നടപടി സ്വീകരിക്കുവാന്‍ വകുപ്പ് തയ്യാറാകുമോ? (ഡി) കെ.ടി.ഡി.സി.യുടെ കുടിശ്ശിക തുക വര്‍ദ്ധിക്കുന്നത് തടയുവാന്‍ പ്രത്യേകം മാര്‍ഗ്ഗ നിര്‍ദ്ദേശം നല്‍കിയിട്ടുണ്ടോ; വിശദമാക്കുമോ?
വയനാട് ജില്ലയ്ക്ക് മാത്രമായി വിനോദ സഞ്ചാര മാസ്റ്റര്‍പ്ലാന്‍
6238.	ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) വയനാട് ജില്ലയ്ക്ക് മാത്രമായി വിനോദ സഞ്ചാര മാസ്റ്റര്‍പ്ലാന്‍ തയ്യാറാക്കുമോയെന്നറിയിക്കാമോ; (ബി) ആദിവാസികള്‍ പെെതൃകമായി ആരാധിച്ചുവരുന്ന കാവുകള്‍, പെെതൃക ഭവനങ്ങള്‍ എന്നിവ ടൂറിസത്തിന്റെ ഫണ്ട് ഉപയോഗിച്ച് സംരക്ഷിക്കാന്‍ തയ്യാറാക്കുമോ; (സി) ഡി.റ്റി.പി.സി -യുടെ നേതൃത്വത്തില്‍ പത്ത് വര്‍ഷത്തില്‍ കൂടുതല്‍ ദിവസക്കൂലിയടിസ്ഥാനത്തില്‍ ടൂറിസം സെന്ററുകളില്‍ ജോലി ചെയ്യുന്ന പട്ടികവര്‍ഗ്ഗക്കാരെ സ്ഥിരപ്പെടുത്താനുള്ള നടപടി സ്വീകരിക്കുമോ എന്നറിയിക്കാമോ?
നെന്മാറ മണ്ഡലത്തില്‍ ഇക്കോ ടൂറിസം പദ്ധതി
6239.	ശ്രീ.കെ. ബാബു : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) നെന്മാറ നിയോജക മണ്ഡലത്തിലെ ഇക്കോ ടൂറിസം പദ്ധതിയുടെ പ്രവര്‍ത്തനം വിലയിരുത്തിയിട്ടുണ്ടോ; (ബി) പ്രസ്തുത പദ്ധതിയുടെ ഭാഗമായി എന്തെല്ലാം കാര്യങ്ങളാണ് നടപ്പിലാക്കാന്‍ തീരുമാനിച്ചിട്ടുള്ളത് എന്ന് വിശദമാക്കാമോ; (സി) പ്രസ്തുത പദ്ധതിയുമായി ബന്ധപ്പെട്ട് നിലവില്‍ എന്തെല്ലാം പ്രവര്‍ത്തനങ്ങളാണ് നടത്തിയിട്ടുള്ളത് എന്ന് വിശദമാക്കാമോ?
ആലപ്പുഴ കനാല്‍ക്കരകളിലെ ഹട്ടുകളും കടമുറികളും
6240.	ശ്രീ.എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) ‍ഡി.ടി.പി.സി യുടെ നിയന്ത്രണത്തിലുള്ളതും ആലപ്പുഴ കനാല്‍ക്കരകളില്‍ നിര്‍മ്മിച്ചിട്ടുള്ളതുമായ ഹട്ടുകളുടെയും കടമുറികളുടെയും നിലവിലുള്ള കരാര്‍ കാലാവധി എന്ന് അവസാനിക്കുമെന്നും ഓരോ സ്ഥാപനത്തിന്റെ നിലവിലെ വാടകയും അഡ്വാന്‍സ് തുകയും എത്ര വീതമെന്നും പ്രത്യേകം ലഭ്യമാക്കുമോ; (ബി) ജില്ലയിലെ ടൂറിസം സംഘങ്ങള്‍ക്ക് പ്രസ്തുത സ്ഥാപനങ്ങള്‍ നല്‍കുന്നതിന് എന്തെല്ലാം ഇളവുകളാണ് അനുവദിക്കുന്നതെന്ന് അറിയിക്കുമോ; (സി) നിര്‍മ്മാണം പൂര്‍ത്തീകരിച്ചതും വര്‍ഷങ്ങളായി അടച്ചിട്ടിരിക്കുന്നതുമായ മുറി ആവശ്യപ്പെട്ട് ടൂറിസം സഹകരണ സംഘം നല്‍കിയ അപേക്ഷയില്‍ (08-VIP (Co-op TSM & DEV) 2016) എന്തു തീരുമാനം കൈക്കൊണ്ടെന്ന് വ്യക്തമാക്കുമോ; (ഡി) ടൂറിസം മേഖലയില്‍ പ്രവര്‍ത്തിക്കുന്ന സഹകരണ സംഘങ്ങള്‍ക്ക് ഡി.ടി.പി.സി യുടെ സ്ഥാപനങ്ങള്‍ സുതാര്യമായ നിലയില്‍ ഇളവുകളോടുകൂടി നല്‍കുന്നതിന് സര്‍ക്കാര്‍ നിര്‍ദ്ദേശം നല്‍കുമോ എന്നറിയിക്കാമോ?
വളന്തുകാട് ദ്വീപിന്റെ പരിസ്ഥിതി സൗഹൃദ വിനോദ സഞ്ചാര സാധ്യതകള്‍
6241.	ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) തൃപ്പൂണിത്തുറ മണ്ഡലത്തിലെ വളന്തുകാട് ദ്വീപിന്റെ പരിസ്ഥിതി സൗഹൃദ വിനോദ സഞ്ചാര സാധ്യതകള്‍ ശ്രദ്ധയില്‍പ്പെട്ടിട്ടുണ്ടോ; (ബി) പ്രസ്തുത ദ്വീപിനെ ഒരു വിനോദസഞ്ചാര കേന്ദ്രമാക്കി മാറ്റുന്നതിന് പദ്ധതി നടപ്പിലാക്കുമോ; എങ്കില്‍ അതിന്റെ വിശദാംശം അറിയിക്കുമോ?
ആറാട്ടുപുഴ പഞ്ചായത്തിലെ നാലുമണിക്കാറ്റ് പ്രോജക്ട്
6242.	ശ്രീ.അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) ഹരിപ്പാട് മണ്ഡലത്തിലെ ആറാട്ടുപുഴ പഞ്ചായത്തില്‍ ടൂറിസം വകുപ്പിന്റെ ആഭിമുഖ്യത്തില്‍ നാലുമണിക്കാറ്റ് എന്ന പ്രോജക്ട് നടപ്പിലാക്കുന്നതിന് നടപടി സ്വീകരിച്ചിട്ടുണ്ടോ; (ബി) എങ്കില്‍ ഇതു സംബന്ധിച്ച് എന്തെങ്കിലും ശിപാര്‍ശ/പ്രൊപ്പോസല്‍ ലഭിച്ചിട്ടുണ്ടോ; ഉണ്ടെങ്കില്‍ പ്രസ്തുത പ്രൊപ്പോസലിന്റെ നിലവിലെ അവസ്ഥ എന്താണെന്ന് വ്യക്തമാക്കുമോ?
അതിരപ്പിള്ളി-വാഴച്ചാല്‍-തുമ്പൂര്‍മുഴി ടൂറിസം ഡെസ്റ്റിനേഷന്‍ മാനേജ്മെന്റ് കമ്മറ്റി
6243.	ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) ചാലക്കുടി മണ്ഡലത്തിലെ അതിരപ്പിള്ളി-വാഴച്ചാല്‍-തുമ്പൂര്‍മുഴി ടൂറിസം ഡെസ്റ്റിനേഷന്‍ മാനേജ്മെന്റ് കമ്മറ്റി പുതുക്കി നിശ്ചയിച്ചിട്ടുണ്ടോ; (ബി) ഇതിനായി സമര്‍പ്പിച്ചിട്ടുള്ള നിര്‍ദ്ദേശത്തിന് അനുമതി നല്‍കുന്നതിനാവശ്യമായ അടിയന്തര നടപടികള്‍ സ്വീകരിക്കുമോ?
കാവുകളും കുളങ്ങളും സംരക്ഷിക്കുന്നതിനുളള പദ്ധതി
6244.	ശ്രീ.അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) ദേവസ്വം വകുപ്പിന് കാവുകളും കുളങ്ങളും സംരക്ഷിക്കുന്നതിന് പദ്ധതികള്‍ നിലവിലുണ്ടോ; എങ്കില്‍ വിശദമാക്കാമോ; (ബി) ക്ഷേത്ര കുളങ്ങള്‍ സംരക്ഷിക്കുന്നതിന് വേണ്ടി 2017 ജനുവരി മുതല്‍ ചെലവഴിച്ച ഫണ്ടുകള്‍ ജില്ലതിരിച്ച് വിശദീകരിക്കാമോ; (സി) ഒരു ക്ഷേത്രക്കുളം സംരക്ഷിക്കുന്നതിന് പരമാവധി എത്ര രൂപ ചെലവഴിക്കാനാകുമെന്ന് വെളിപ്പെടുത്തുമോ?
കുളങ്ങളും,കാവുകളും സംരക്ഷിക്കുന്നതിന് ദേവസ്വം വകുപ്പ് മുഖേന പദ്ധതി
6245.	ശ്രീ.സി.കൃഷ്ണന്‍ : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
ദേവസ്വം ബോര്‍ഡിന് കീഴില്‍ വരുന്ന അമ്പലങ്ങളിലെ കുളങ്ങളും കാവുകളും സംരക്ഷിക്കുന്നതിനും നവീകരിക്കുന്നതിനും ദേവസ്വം വകുപ്പ് മുഖേന എന്തെങ്കിലും പദ്ധതികള്‍ നടപ്പിലാക്കുന്നുണ്ടോ; ഉണ്ടെങ്കില്‍ അതിന്റെ വിശദാംശങ്ങള്‍ വ്യക്തമാക്കാമോ?
ആചാരസ്ഥാനികര്‍ക്കും കോലധാരികള്‍ക്കും നല്‍കുന്ന സാമ്പത്തികസഹായം
6246.	ശ്രീ.കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) ഉത്തരമലബാറിലെ ക്ഷേത്രങ്ങളിലെ ആചാരസ്ഥാനികര്‍ക്കും കോലധാരികള്‍ക്കും നല്‍കുന്ന പ്രതിമാസ സാമ്പത്തികസഹായം വിശദമാക്കാമോ; (ബി) സംസ്ഥാനത്തെ മറ്റ് ക്ഷേമപെന്‍ഷനുകള്‍ വര്‍ദ്ധിപ്പിച്ച സാഹചര്യത്തില്‍ ഇവർക്കുള്ള സാമ്പത്തികസഹായവും വര്‍ദ്ധിപ്പിച്ച് നല്‍കിയിട്ടുണ്ടോ; വിശദാംശങ്ങള്‍ അറിയിക്കാമോ; (സി) ആചാര പ്രകാരം മറ്റ് തൊഴിലുകള്‍ക്ക് പോകാന്‍ സാധിക്കാത്ത ഈ വിഭാഗത്തിലുളളവര്‍ക്ക് നല്‍കി വരുന്ന സാമ്പത്തിക സഹായം മറ്റ് ക്ഷേമ പെന്‍ഷനുകളെപ്പോലെ വര്‍ദ്ധിപ്പിച്ചുനല്‍കുന്ന കാര്യം പരിഗണിക്കുമോ; വിശദാംശങ്ങള്‍ അറിയിക്കാമോ?
ശബരിമലയെ ദേശീയ തീര്‍ത്ഥാടന കേന്ദ്രമാക്കാന്‍ നടപടി
6247.	ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) ശബരിമല ദേശീയ തീര്‍ത്ഥാടന കേന്ദ്രമായി പ്രഖ്യാപിക്കണമെന്ന് മുന്‍ സര്‍ക്കാരിന്റെ കാലത്ത് കേന്ദ്രസര്‍ക്കാരിനോട്ആവശ്യപ്പെട്ടിട്ടുണ്ടോ; എങ്കില്‍ അതിന്മേലുള്ള കേന്ദ്ര പ്രതികരണം എന്തായിരുന്നു; (ബി) ദേശീയ തീര്‍ത്ഥാടന കേന്ദ്രമായി പ്രഖ്യാപിച്ചാല്‍ ഉണ്ടാകുന്ന നേട്ടങ്ങള്‍ എന്തൊക്കെയാണ് എന്ന് വ്യക്തമാക്കാമോ; (സി) ശബരിമലയില്‍ അന്തര്‍ദ്ദേശീയ നിലവാരത്തിലുള്ള എന്തൊക്കെ സൗകര്യങ്ങളാണ് ഏര്‍പ്പെടുത്തുവാന്‍ ഉദ്ദേശിക്കുന്നത്; (ഡി) വര്‍ഷം തോറും സംസ്ഥാനത്തിന് പുറത്ത് നിന്നും ലക്ഷക്കണക്കിന് തീര്‍ത്ഥാടകര്‍ എത്തുന്ന മണ്ഡല - മകരവിളക്ക് കാലത്ത് അവര്‍ക്ക് ആവശ്യമായ സഹായം നല്‍കുന്നതിന് സംസ്ഥാനാതിര്‍ത്തിയില്‍ ഇന്‍ഫര്‍മേഷന്‍ കം ഫെസിലിറ്റേഷന്‍ സെന്ററുകള്‍ തുറക്കുന്ന കാര്യം പരിഗണിക്കുമോ എന്നറിയിക്കാമോ?
മേജര്‍ പിരപ്പന്‍കോട് ശ്രീകൃഷ്ണസ്വാമി ക്ഷേത്രത്തില്‍ ക്ഷേത്രകലാപീഠത്തിന്റെ സബ് സെന്റര്‍
6248.	ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) തിരുവിതാംകൂര്‍ ദേവസ്വം ബോര്‍ഡിനുകീഴിലെ മേജര്‍ പിരപ്പന്‍കോട് ശ്രീകൃഷ്ണസ്വാമി ക്ഷേത്രത്തില്‍ ക്ഷേത്രകലാപീഠത്തിന്റെ സബ് സെന്റര്‍ പ്രവര്‍ത്തിച്ചിരുന്നുവോയെന്നറിയിക്കുമോ; വിശദവിവരങ്ങള്‍ നല്‍കാമോ; (ബി) നിലവില്‍ ഈ സബ് സെന്റര്‍ ക്ഷേത്രത്തില്‍ നിന്ന് ഒഴിവാക്കാനുള്ള കാരണം വിശദീകരിക്കാമോ; (സി) ഈ സബ് സെന്റര്‍ ക്ഷേത്രത്തില്‍ പുനഃസ്ഥാപിക്കാന്‍ നടപടികൾ സ്വീകരിക്കുമോ?
ഗുരുവായൂര്‍ ദേവസ്വത്തിന് കീഴിലുളള ക്ഷേത്രങ്ങളുടെ പുനരുദ്ധാരണം
6249.	ശ്രീ.മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) ഗുരുവായൂര്‍ ദേവസ്വത്തിന് കീഴിലുളള ക്ഷേത്രങ്ങളുടെ പുനരുദ്ധാരണത്തിനും അറ്റകുറ്റപ്പണികള്‍ക്കും ധനസഹായം ലഭിക്കുന്നതിനുളള മാനദണ്ഡങ്ങള്‍ എന്തൊക്കെയാണ്; (ബി) മണലൂര്‍ മണ്ഡലത്തിലെ ക്ഷേത്രങ്ങള്‍ക്ക് 2017-18 വര്‍ഷം ഇതുവരെ എത്ര ധനസഹായം നല്‍കി; ഓരോ ക്ഷേത്രത്തിനും അനുവദിച്ച തുക എത്രയെന്ന് ക്ഷേത്രങ്ങളുടെ പേര് സഹിതം അറിയിക്കാമോ; (സി) പ്രസ്തുത ക്ഷേത്രങ്ങളില്‍ എന്തെല്ലാം പ്രവൃത്തികള്‍ ചെയ്തിട്ടുണ്ടെന്ന് വിശദമാക്കാമോ?
ദേവസ്വം റിക്രൂട്ട്മെന്റ് ബോര്‍ഡിന്റെ പ്രവര്‍ത്തനം
6250.	ശ്രീ.എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) ദേവസ്വം റിക്രൂട്ട്മെന്റ് ബോര്‍ഡിന്റെ പ്രവര്‍ത്തനം അവലോകനം ചെയ്തിട്ടുണ്ടോ; (ബി) പ്രസ്തുത ബോര്‍ഡ് രൂപീകരിച്ചതിനുശേഷം ദേവസ്വം ബോര്‍ഡില്‍ നടത്തിയ നിയമനങ്ങളുടെ വിശദാംശം നല്‍കുമോ; (സി) പ്രസ്തുത റിക്രൂട്ട്മെന്റ് ബോര്‍ഡിനെ അഴിമതി മുക്തമാക്കുന്നതിന് എന്തെങ്കിലും മോണിട്ടറിംഗ് സംവിധാനം ഏര്‍പ്പെടുത്തിയിട്ടുണ്ടോ; വിശദാംശം നല്‍കുമോ?
പൂജാരിമാരായ അബ്രാഹ്മണര്‍
6251.	ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
തിരുവിതാംകൂര്‍ ദേവസ്വം ബോര്‍ഡിന് കീഴിലുള്ള ക്ഷേത്രങ്ങളില്‍ എത്ര അബ്രാഹ്മണര്‍ പൂജാരിമാരായി സേവനം അനുഷ്ഠിക്കുന്നുണ്ട്; വിശദാംശങ്ങള്‍ വെളിപ്പെടുത്താമോ?
ആലത്തൂര്‍ മണ്ഡലത്തിലെ ക്ഷേത്രങ്ങള്‍ക്ക് ധനസഹായം
6252.	ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) പാലക്കാട് ജില്ലയില്‍ എതെല്ലാം ക്ഷേത്രങ്ങള്‍ക്കാണ് ദേവസ്വം ബോര്‍ഡ് മുഖേന ഈ സർക്കാർ ധനസഹായം അനുവദിച്ചിട്ടുളളതെന്ന് അറിയിക്കാമോ; (ബി) ആലത്തൂര്‍ മണ്ഡലത്തിലെ ക്ഷേത്രങ്ങള്‍ ഇതില്‍ ഉള്‍പ്പെടുന്നുണ്ടോ; ഉണ്ടെങ്കില്‍ ഏതെല്ലാം പ്രവ‍ൃത്തികള്‍ക്കാണ് ധനസഹായം അനുവദിച്ചിട്ടുളളതെന്ന്അറിയിക്കാമോ?
കാപ്പില്‍ ക്ഷേത്രത്തിന്റെ നീരാട്ടുകടവ്
6253.	ശ്രീ.വി. ജോയി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) തിരുവിതാംകൂര്‍ ദേവസ്വത്തിന് കീഴില്‍ വര്‍ക്കല ഗ്രൂപ്പില്‍പ്പെട്ട കാപ്പില്‍ ശിവക്ഷേത്രത്തിന്റെയും ഭഗവതി ക്ഷേത്രത്തിന്റെയും നീരാട്ടുകടവ് ഇടിഞ്ഞ് കിടക്കുന്ന വിവരം ശ്രദ്ധയില്‍പ്പെട്ടിട്ടുണ്ടോ; പ്രസ്തുത കടവിന്റെ പടികള്‍ കെട്ടി സുരക്ഷിതമാക്കുന്നതിന് നടപടി സ്വീകരിക്കുമോ എന്ന് വ്യക്തമാക്കാമോ; (ബി) ശിവക്ഷേത്രത്തിന്റെ പടിഞ്ഞാറും വടക്കും യഥാക്രമം 40, 41 മീറ്റര്‍ നീളത്തിലും വീതിയിലും ചുമര് നിര്‍മ്മിക്കുവാന്‍ 9.11.2006-ല്‍ റ്റി.173/06-07 പ്രകാരം ടെണ്ടര്‍ നടപടി സ്വീകരിച്ചിട്ടുണ്ടോ; എങ്കില്‍ ആയത് പൂര്‍ത്തിയാക്കിയിട്ടുണ്ടോയെന്ന് വിശദമാക്കാമോ? (സി) ദേവസ്വം കുളവും കാവും സംരക്ഷിക്കുന്ന പദ്ധതിയില്‍ ഉള്‍പ്പെടുത്തി കാപ്പില്‍ ക്ഷേത്രക്കുളവും കാവും സംരക്ഷിക്കുന്നതിനുള്ള നടപടി സ്വീകരിക്കുമോ ; (ഡി) ക്ഷേത്രത്തിന്റെ വടക്കുഭാഗം തുറസ്സായതിനാല്‍ മതില്‍ നിര്‍മ്മിക്കുന്നതിന് എന്തെങ്കിലും കോടതി നിര്‍ദ്ദേശം ലഭിച്ചിട്ടുണ്ടോയെന്ന് വ്യക്തമാക്കാമോ ; (ഇ) തിരുവിതാംകൂര്‍ ദേവസ്വം ബോര്‍ഡിലെ ROC 2526/01/എം തീയതി 14.06.11 നമ്പര്‍ പ്രകാരം സെക്രട്ടറി ചീഫ് എഞ്ചീനിയര്‍ക്ക് നല്കിയ കത്തിന്‍മേല്‍ സ്വീകരിച്ചിട്ടുള്ള നടപടികള്‍ വ്യക്തമാക്കാമോ?
ക്ഷേത്രങ്ങളിലെ ആനകളുടെ ക്ഷേമത്തിനും പരിപാലനത്തിനും നടപടി
6254.	ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) തിരുവിതാംകൂര്‍ ദേവസ്വം ബോര്‍ഡ്, കൊച്ചിന്‍ ദേവസ്വം ബോര്‍ഡ്, മലബാര്‍ ദേവസ്വം ബോര്‍ഡ് എന്നിവയ്ക്ക് കീഴില്‍ ഉള്ള ക്ഷേത്രങ്ങളില്‍ ആകെ എത്ര ആനകള്‍ ഉണ്ട് എന്ന് വ്യക്തമാക്കാമോ; (ബി) ഗുരുവായൂര്‍ ദേവസ്വം ബോര്‍ഡിന് കീഴിൽ എത്ര ആനകള്‍ ഉണ്ടെന്ന് വ്യക്തമാക്കാമോ; (സി) ക്ഷേത്രങ്ങളിലെ ആനകളുടെ ക്ഷേമത്തിനും പരിപാലനത്തിനും മതിയായ സൗകര്യങ്ങള്‍ ലഭ്യമാണോ എന്നത് പരിശോധിച്ചിട്ടുണ്ടോ; അതിന് എന്തെല്ലാം സൗകര്യങ്ങളാണ് ദേവസ്വം വകുപ്പിലുള്ളത്; വിശദാംശം വ്യക്തമാക്കുമോ?
പട്ടികജാതി വിഭാഗത്തില്‍പ്പെട്ട ശാന്തിക്കാര്‍
6255.	ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:
(എ) സംസ്ഥാനത്തെ തിരുവിതാംകൂര്‍ ദേവസ്വം ബോര്‍ഡ്, കൊച്ചിന്‍ ദേവസ്വം ബോര്‍ഡ്, മലബാര്‍ ദേവസ്വം ബോര്‍ഡ് എന്നിവക്ക് കീഴിലുള്ള ക്ഷേത്രങ്ങളില്‍ പട്ടികജാതി വിഭാഗത്തില്‍പ്പെട്ട ശാന്തിക്കാര്‍ ആകെ എത്രപേരുണ്ട് എന്ന് വ്യക്തമാക്കാമോ; (ബി) ക്ഷേത്രങ്ങളുടെ പേരും പട്ടികജാതി വിഭാഗത്തില്‍പ്പെട്ട ശാന്തിക്കാരുടെ പേരും പ്രത്യേകം വ്യക്തമാക്കാമോ?