14KLA-unstarred questions










	STARRED
	QUESTIONS
	AND
	ANSWERS

You are here: Business >14^th KLA >15^th Session>starred Questions and Answers

Answer Provided

Answer Not Yet Provided

FOURTEENTH KLA - 15^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

ഹരിത കേരളം മിഷന്‍

*571.

ശ്രീ.എസ്.ശർമ്മ
,, എ. പ്രദീപ്കുമാര്‍
,, കെ.ജെ. മാക്സി
,, ബി.സത്യന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	വൃത്തിയും ജലസമൃദ്ധിയും കാര്‍ഷിക സംസ്കാരവും വീണ്ടെടുക്കുന്നതിന് ആരംഭിച്ച ഹരിത കേരളം മിഷന്‍ ഫലപ്രാപ്തിയിലെത്തിക്കുന്നതിന് തദ്ദേശസ്വയംഭരണ സ്ഥാപനങ്ങള്‍ നടത്തുന്ന പ്രവര്‍ത്തനം വിശദമാക്കാമോ;

(ബി)	പ്രകൃതി വിഭവ പരിപാലനത്തിനായുള്ള പദ്ധതികള്‍ ശാസ്ത്രീയമായ ആസൂത്രണത്തോടെ തൊഴിലുറപ്പ് അധ്വാനശക്തിയുപയോഗിച്ച് കാര്യക്ഷമമായി നടപ്പാക്കി വരുന്നുണ്ടോയെന്നറിയിക്കുമോ;

(സി)	തരിശുനിലങ്ങള്‍ ഉള്‍പ്പെടെ കൃഷിയോഗ്യമാക്കികൊണ്ട് കൃഷി വ്യാപനത്തിനായി നടത്തുന്ന പ്രവര്‍ത്തനം അറിയിക്കാമോ;

(ഡി)	മാലിന്യത്തില്‍ നിന്ന് സ്വാതന്ത്ര്യം പ്രചരണപരിപാടിയിലൂടെ ശുചിത്വ മാലിന്യ സംസ്കരണ പ്രവര്‍ത്തനങ്ങള്‍ക്ക് ശക്തമായ അടിത്തറ ഒരുക്കാന്‍ ആവിഷ്ക്കരിച്ചിട്ടുള്ള തുടര്‍നടപടികള്‍ അറിയിക്കാമോ?

ഉന്നത വിദ്യാഭ്യാസമേഖലയിലെ ഗവേഷണ സ്ഥാപനങ്ങള്‍

*572.

ശ്രീ.സി. ദിവാകരന്‍
,, ആര്‍. രാമചന്ദ്രന്‍
,, കെ. രാജന്‍
ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീര്‍ത്ഥാടനവും വകുപ്പുമന്ത്രി സദയം മറുപടി നല്‍കുമോ:

(എ)	ഉന്നത വിദ്യാഭ്യാസമേഖലയിലെ ഗവേഷണ സ്ഥാപനങ്ങള്‍, ഇവിടങ്ങളിലെ ഗവേഷണ പ്രവര്‍ത്തനങ്ങള്‍, ഇവ മൂലം സമൂഹത്തിനുണ്ടാകുന്ന പ്രയോജനങ്ങള്‍ എന്നിവ സംബന്ധിച്ച് അവലോകനം നടത്തിയിട്ടുണ്ടോ;

(ബി)	സംസ്ഥാനത്തിന്റെ വികസന പ്രശ്നങ്ങളെ അഭിസംബോധന ചെയ്യുന്നതരത്തിലുള്ള ഗവേഷണ പ്രവര്‍ത്തനങ്ങള്‍ നടക്കുന്നുണ്ടോയെന്ന് അറിയിക്കുമോ;

(സി)	വികസന പ്രശ്നങ്ങള്‍ക്ക് പരിഹാരം ലഭ്യമാക്കുന്ന തരത്തിലുള്ള ഗവേഷണ പ്രവര്‍ത്തനങ്ങള്‍ക്ക് ഊന്നല്‍ നല്കുന്ന വിധത്തില്‍ ഗവേഷണ സ്ഥാപനങ്ങളെ പരിവര്‍ത്തനപ്പെടുത്തുമോ;

(ഡി)	ഗവേഷണ സ്ഥാപനങ്ങളുടെ പ്രവര്‍ത്തനം കാര്യക്ഷമമാക്കുന്നതിന് സ്വീകരിക്കുന്ന നടപടികള്‍ വ്യക്തമാക്കുമോ;

(ഇ)	പ്രാദേശിക ആവശ്യങ്ങള്‍ക്ക് മുന്‍തൂക്കം കൊടുത്തുകൊണ്ടുള്ള പങ്കാളിത്ത ഗവേഷണവും തുടര്‍പ്രവര്‍ത്തനങ്ങളും നടത്തുന്നതിന് സര്‍വ്വകലാശാലകള്‍ക്ക് നിര്‍ദ്ദേശം നല്‍കുമോ; വ്യക്തമാക്കുമോ?

കാര്‍ഷികമേഖലയിലെ പ്രതിസന്ധി നേരിടുവാന്‍ പുനര്‍ജനി പദ്ധതി

*573.

ശ്രീ.വി.എസ്.ശിവകുമാര്‍
,, എം. വിന്‍സെന്റ്
,, വി.പി.സജീന്ദ്രന്‍
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	പ്രളയത്തില്‍ കാര്‍ഷികമേഖലയ്ക്ക് ഉണ്ടായ പ്രതിസന്ധി നേരിടുവാന്‍ പുനര്‍ജനി എന്ന പദ്ധതി പ്രാവര്‍ത്തികമാക്കിയിട്ടുണ്ടോ; വിശദാംശം നല്‍കുമോ;

(ബി)	സംസ്ഥാന വിള ഇന്‍ഷ്വറന്‍സ് പദ്ധതിയില്‍ അംഗങ്ങളായ കര്‍ഷകര്‍ക്ക് നഷ്ടപരിഹാര തുക അനുവദിക്കുന്നതിനുവേണ്ട നടപടി സ്വീകരിച്ചിട്ടുണ്ടോ; എത്ര തുക നഷ്ടപരിഹാരം നൽകിയെന്ന വിവരം ലഭ്യമാണോ; എങ്കില്‍ വിശദമാക്കാമോ;

(സി)	പുനര്‍ജനി പദ്ധതിയിലേക്കുള്ള ഗുണഭോക്താക്കളുടെ തെരഞ്ഞെടുപ്പ് എപ്രകാരമായിരുന്നു; ഇത് സംബന്ധിച്ച് എന്തെങ്കിലും ആക്ഷേപം ഉണ്ടായിട്ടുണ്ടോ; എങ്കില്‍ ആയത് പരിഹരിക്കുന്നതിന് സ്വീകരിച്ച നടപടികള്‍ എന്തെല്ലാമാണെന്ന് വ്യക്തമാക്കാമോ?

പ്രളയാനന്തര പുന:സൃഷ്ടിക്കായി കുടുംബശ്രീ പ്രവര്‍ത്തനങ്ങള്‍

*574.

ശ്രീമതി.വീണാ ജോര്‍ജ്ജ്
ശ്രീ.എം. സ്വരാജ്
,, പുരുഷന്‍ കടലുണ്ടി
പ്രൊഫ.കെ.യു. അരുണന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)

പ്രളയം കവര്‍ന്നെടുത്ത ജീവനോപാധികള്‍ പുന:സൃഷ്ടിക്കുന്നതിനായി കുടുംബശ്രീ അയല്‍ക്കൂട്ടങ്ങള്‍ വഴി മൂവായിരത്തി അഞ്ഞൂറ് കോടി രൂപയുടെ വായ്പ ലഭ്യമാക്കി ആശ്വാസമേകിയതിന്റെ തുടര്‍ച്ചയായി കാര്‍ഷിക രംഗത്തും മൃഗപരിപാലന രംഗത്തും നിര്‍മ്മാണ മേഖലയിലും കുടുംബശ്രീ അയല്‍ക്കൂട്ടങ്ങള്‍ വഴി ഫലപ്രദമായി ഇടപെടാന്‍ പദ്ധതിയുണ്ടോ;

(ബി)	പ്രളയദുരന്തത്തില്‍ ഉപജീവനമാര്‍ഗം നഷ്ടപ്പെട്ടവരുടെ അതിജീവനത്തിനായി നൈപുണ്യ പരിശീലനത്തിനും സംരംഭങ്ങള്‍ ആരംഭിക്കുന്നതിനും കുടുംബശ്രീ നടത്തിയ എറൈസ് നൈപുണ്യ പരിശീലന പരിപാടി എത്ര പേര്‍ക്ക് പ്രയോജനമേകിയെന്ന് പരിശോധിച്ചിട്ടുണ്ടോ;

(സി)	കുടുംബശ്രീ പ്രവര്‍ത്തനമേഖല കൂടുതല്‍ വിപുലീകരിക്കുന്നതിന്റെ ഭാഗമായി സുസ്ഥിര സംയോജിത കൃഷിരീതി വ്യാപിപ്പിക്കുന്നതിനായി എല്ലാ ജില്ലകളിലും മാതൃകാ കാര്‍ഷിക ഗ്രാമങ്ങള്‍ ഒരുക്കുന്ന പദ്ധതിയുടെ വിശദാംശം അറിയിക്കാമോ?

ഗ്രാമീണ അടിസ്ഥാന സൗകര്യ വികസനം

*575.

ശ്രീ.എസ്.രാജേന്ദ്രന്‍
,, വി. കെ. സി. മമ്മത് കോയ
,, കെ.വി.വിജയദാസ്
,, സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	ഗ്രാമപ്രദേശങ്ങളുടെ വികസനത്തിനായി ഗുണനിലവാരമുള്ള റോഡുകള്‍ നിര്‍മ്മിക്കുകയെന്ന ലക്ഷ്യം നേടുന്നതിന് എല്‍.എസ്.ജി.ഡി.എഞ്ചിനീയറിംഗ് വകുപ്പിനെ ശാക്തീകരിച്ച്, മന്ദഗതിയിലായിരുന്ന നിര്‍മ്മാണപ്രവര്‍ത്തനങ്ങളുടെ വേഗത വര്‍ദ്ധിപ്പിക്കാന്‍ സാധ്യമായിട്ടുണ്ടോ;

(ബി)	പി.എം.ജി.എസ്.വൈ. പ്രകാരമുള്ള റോഡ് നിര്‍മ്മാണത്തിന്റെ പുരോഗതി അറിയിക്കുമോ;

(സി)	ഗ്രാമറോഡ് വികസനത്തിന് കേരള സംസ്ഥാന ഗ്രാമറോഡ് വികസന ഏജന്‍സി നടത്തിവരുന്ന പ്രവ്ര‍ത്തനത്തിന്റെ കാര്യക്ഷമത വിലയിരുത്തിയിട്ടുണ്ടോ;

(ഡി)	ഗ്രാമപ്രദേശങ്ങളുടെ അടിസ്ഥാന സൗകര്യങ്ങള്‍ മെച്ചപ്പെടുത്തുന്നതിനും സാമ്പത്തിക വികസനം ത്വരിതപ്പെടുത്തുന്നതിനും നാഷണൽ റര്‍ബന്‍ മിഷന്‍ വഴി നടത്തിവരുന്ന പ്രവര്‍ത്തനം അറിയിക്കുമോ?

അന്തര്‍ സംസ്ഥാന ബസ് യാത്രക്കാരുടെ സുരക്ഷിതത്വം

*576.

ശ്രീ.റോജി എം. ജോണ്‍
,, ഷാഫി പറമ്പില്‍
,, വി.പി.സജീന്ദ്രന്‍
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	അന്തര്‍ സംസ്ഥാന ബസ് യാത്രക്കാരുടെ സുരക്ഷിതത്വത്തിനും സൗകര്യത്തിനും മുന്‍തൂക്കം നല്‍കുന്ന എന്തൊക്കെ നടപടികളാണ് സര്‍ക്കാര്‍ കൈക്കൊണ്ടിട്ടുള്ളത്; വ്യക്തമാക്കാമോ;

(ബി)	ഈ നടപടികള്‍ സ്വീകരിച്ചിട്ടും സംസ്ഥാനത്ത് നിന്നും സര്‍വ്വീസ് നടത്തുന്ന അന്തര്‍ സംസ്ഥാന ബസുകളില്‍ യാത്രക്കാര്‍ക്ക് പീഡനം ഏല്‍ക്കുന്ന സംഭവങ്ങള്‍ വര്‍ദ്ധിച്ച് വരുന്നത് ഗൗരവമായി പരിഗണിച്ചിട്ടുണ്ടോ;

(സി)

യാത്രക്കാരനെ മര്‍ദ്ദിച്ചതിന്റെ പേരില്‍ കല്ലട ട്രാവല്‍സിലെ ചില ജീവനക്കാര്‍ അന്വേഷണം നേരിടുന്ന സാഹചര്യത്തിൽ മറ്റൊരു ജീവനക്കാരന്‍ ഒരു യുവതിയെ ബസിനുള്ളില്‍ വച്ച് പീഡിപ്പിക്കുവാന്‍ ശ്രമിച്ചുവെന്നത് ഇത്തരം ക്രമവിരുദ്ധ നടപടികള്‍ക്ക് നേരെ മുഖം നോക്കാതെ നടപടി സ്വീകരിക്കാത്തത് മൂലമാണെന്ന ആക്ഷേപം പരിശോധിച്ചിട്ടുണ്ടോ;

(ഡി)	ജീവനക്കാരന്‍ യുവതിയെ പീഡിപ്പിക്കുവാന്‍ ശ്രമിച്ച സംഭവം നടന്ന ബസിന്റെ പെര്‍മിറ്റ് റദ്ദാക്കിയിട്ടുണ്ടോ; ഇല്ലെങ്കില്‍ എന്തുകൊണ്ടെന്ന് വ്യക്തമാക്കാമോ;

(ഇ)	എല്‍.എ.പി.റ്റി. നല്‍കുമ്പോള്‍ പുതുതായി കൊണ്ടുവന്ന വ്യവസ്ഥകള്‍ കര്‍ശനമായി പാലിക്കപ്പെടുന്നുവെന്നും ക്രിമിനല്‍ പശ്ചാത്തലമുള്ള ജീവനക്കാരെ ജോലിക്ക് നിയോഗിക്കുന്നില്ലെന്നും ഉറപ്പുവരുത്തുന്നതിന് നടപടി സ്വീകരിക്കുമോ?

കാര്‍ഷിക വായ്പകളുടെ മൊറട്ടോറിയത്തിന് ആര്‍.ബി.ഐ.അംഗീകാരം

*577.

ശ്രീ.തിരുവഞ്ചൂര്‍ രാധാകൃഷ്ണന്‍
,, വി.ഡി.സതീശന്‍
,, പി.ടി. തോമസ്
,, കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	പൊതുമേഖല ബാങ്കുകള്‍, സഹകരണ ബാങ്കുകള്‍ എന്നിവിടങ്ങളില്‍ നിന്നും കര്‍ഷകര്‍ എടുത്തിട്ടുള്ള കാര്‍ഷിക വായ്പകളുടെ മൊറട്ടോറിയം 2019 ഡിസംബര്‍ 31 വരെ ദീര്‍ഘിപ്പിച്ച തീരുമാനത്തിന് ആര്‍.ബി.ഐ.യുടെ അംഗീകാരം ലഭിച്ചിട്ടുണ്ടോ; ഇല്ലെങ്കില്‍ എന്തുകൊണ്ടെന്ന് അറിയിക്കുമോ;

(ബി)	മൊറട്ടോറിയത്തിന് ആര്‍.ബി.ഐ.യുടെ അംഗീകാരം ലഭിക്കാത്ത സാഹചര്യത്തില്‍ ബാങ്കുകള്‍ കര്‍ഷകര്‍ക്ക് എതിരെ സര്‍ഫാസി ആക്ട് പ്രകാരമുള്ള ജപ്തി നടപടികള്‍ പുനരാരംഭിക്കുവാന്‍ സാധ്യതയില്ലേയെന്ന് അറിയിക്കാമോ;

(സി)	എങ്കില്‍ ഇക്കാര്യത്തില്‍ എന്ത് ഇടപെടല്‍ നടത്തുവാനാണ് ഉദ്ദേശിക്കുന്നത്;

(ഡി)	സാമ്പത്തിക തകര്‍ച്ച നേരിടുന്ന കര്‍ഷക സമൂഹത്തിന് ആര്‍.ബി.ഐ. യുടെ നിലപാട് മൂലം ഉണ്ടായിട്ടുള്ള ആശങ്ക അകറ്റുന്നതിന് അടിയന്തര നടപടി സ്വീകരിക്കുമോ; വ്യക്തമാക്കാമോ?

മാളുകളിലെയും വ്യാപാരസ്ഥാപനങ്ങളിലെയും പാര്‍ക്കിംഗ് ഫീസ്

*578.

ശ്രീ.പി.കെ.അബ്ദു റബ്ബ്
പ്രൊഫ.ആബിദ് ഹുസൈന്‍ തങ്ങള്‍
ശ്രീ.കെ.എന്‍.എ ഖാദര്‍
,, പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ മാളുകളിലും വ്യാപാരസ്ഥാപനങ്ങളിലും മതിയായ പാര്‍ക്കിംഗ് സൗകര്യങ്ങള്‍ ലഭ്യമല്ലെന്നകാര്യം ശ്രദ്ധയില്‍പെട്ടിട്ടുണ്ടോ; എങ്കില്‍ ഇതുമൂലം ഉണ്ടാകുന്ന ബുദ്ധിമുട്ടുകള്‍ പരിഹരിക്കുന്നതിന് സ്ഥാപനങ്ങള്‍ക്ക് എന്തെല്ലാം നിര്‍ദ്ദേശങ്ങളാണ് നല്‍കിയിട്ടുള്ളത്;

(ബി)	ഉപഭോക്താക്കളില്‍നിന്നും പല സ്ഥാപനങ്ങളും പാര്‍ക്കിംഗ് ഫീസ് ഈടാക്കിവരുന്നുണ്ടെന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഈ സ്ഥാപനങ്ങള്‍ക്ക് പാര്‍ക്കിംഗ് ഫീസ് ഈടാക്കാന്‍ വ്യവസ്ഥയുണ്ടോ; ഇല്ലെങ്കില്‍ ഇത്തരത്തില്‍ ഫീസ് ഈടാക്കുന്ന പ്രവണത അവസാനിപ്പിക്കുന്നതിന് നടപടി സ്വീകരിക്കുമോ?

ഓയില്‍ പാം ഇന്ത്യ

*579.

ശ്രീ.മുല്ലക്കര രത്നാകരന്‍
,, ചിറ്റയം ഗോപകുമാര്‍
,, മുഹമ്മദ് മുഹസിന്‍ പി.
ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	ഓയില്‍ പാം ഇന്ത്യയുടെ പ്രവര്‍ത്തനം അവലോകനം ചെയ്തിട്ടുണ്ടോ; വിശദമാക്കുമോ;

(ബി)	ഇതിന്റെ പ്രധാന പ്രവര്‍ത്തനമേഖലകള്‍ സംബന്ധിച്ചും കമ്പനിയുടെ സാമ്പത്തികനിലയെക്കുറിച്ചുമുള്ള വിവരങ്ങള്‍ ലഭ്യമാക്കുമോ;

(സി)	ഓയില്‍ പാം ഇന്ത്യയുടെ നേതൃത്വത്തിലുള്ള നെല്ല് സംഭരണം സംബന്ധിച്ച വിവരങ്ങള്‍ ലഭ്യമാക്കുമോ;

(ഡി)	ഈ സ്ഥാപനത്തിന്റെ നേതൃത്വത്തിലുള്ള എണ്ണപ്പന കൃഷി കൂടുതല്‍ മേഖലകളിലേക്ക് വ്യാപിപ്പിക്കുമോ; വ്യക്തമാക്കുമോ;

(ഇ)	കമ്പനിയുടെ ഉടമസ്ഥതയില്‍ തരിശായികിടക്കുന്ന ഭൂമി പ്രയോജനപ്പെടുത്തുന്നതിന് സ്വീകരിക്കുന്ന നടപടികള്‍ വിശദമാക്കുമോ?

സ്വാശ്രയ കോളേജുകളിലെ അടിസ്ഥാനസൗകര്യങ്ങള്‍

*580.

ശ്രീ.എല്‍ദോ എബ്രഹാം
,, ഇ.കെ.വിജയന്‍
,, ജി.എസ്.ജയലാല്‍
,, വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീര്‍ത്ഥാടനവും വകുപ്പുമന്ത്രി സദയം മറുപടി നല്‍കുമോ:

(എ)	സ്വാശ്രയ സ്ഥാപനങ്ങളില്‍ വിദ്യാര്‍ത്ഥികളുടെയും അദ്ധ്യാപകരുടെയും അനദ്ധ്യാപകരുടെയും ജനാധിപത്യ അവകാശങ്ങളും സംഘടനാ സ്വാതന്ത്ര്യവും സംരക്ഷിക്കുന്നതിന് സ്വീകരിക്കുന്ന നടപടികള്‍ വ്യക്തമാക്കുമോ;

(ബി)	സ്വാശ്രയ കോളേജുകളില്‍ മിനിമം അടിസ്ഥാനസൗകര്യങ്ങള്‍ ഉണ്ടെന്ന് പരിശോധിച്ച് ഉറപ്പുവരുത്തുന്നതിന് നിലവിലുള്ള സംവിധാനം എന്താണെന്നും ആയത് കാര്യക്ഷമമാണോയെന്നും പരിശോധിച്ചിട്ടുണ്ടോ;

(സി)	ഉന്നത വിദ്യാഭ്യാസ രംഗത്തെ കേന്ദ്രഏജന്‍സികളും സര്‍വ്വകലാശാലകളും നിര്‍ദ്ദേശിക്കുന്ന യോഗ്യതയുള്ളവരെയാണോ സ്വാശ്രയ സ്ഥാപനങ്ങളില്‍ അദ്ധ്യാപകരായി നിയമിക്കുന്നതെന്ന് ഉറപ്പുവരുത്തുമോ; വ്യക്തമാക്കുമോ;

(ഡി)	സ്വാശ്രയ സ്ഥാപനങ്ങളിലെ അദ്ധ്യാപകരുടെ സേവന-വേതന വ്യവസ്ഥകള്‍ നിയമാനുസൃതമാക്കുന്നതിന് സ്വീകരിക്കുന്ന നടപടികള്‍ വിശദമാക്കുമോ;

(ഇ)	സ്വാശ്രയ സ്ഥാപനങ്ങളിലെ അദ്ധ്യാപക-അനദ്ധ്യാപക ജീവനക്കാരുടെ യോഗ്യതയും സേവന-വേതന വ്യവസ്ഥകളും ഉറപ്പുവരുത്തുന്നതിനുള്ള നിയമനിര്‍മ്മാണം പരിഗണനയിലുണ്ടോ; വ്യക്തമാക്കുമോ?

അന്തര്‍ സംസ്ഥാന ബസുകളുടെ നിയമലംഘനം

*581.

ശ്രീ.കെ.സി.ജോസഫ്
,, എല്‍ദോസ് പി. കുന്നപ്പിള്ളില്‍
,, ഐ.സി.ബാലകൃഷ്ണന്‍
,, എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	അന്തര്‍ സംസ്ഥാന ബസുകള്‍ നിയമലംഘനങ്ങള്‍ നടത്തുന്ന കാര്യം വ്യക്തമായിട്ടും അവര്‍ക്കെതിരെ നടപടി സ്വീകരിക്കുന്നതിനും പിഴ ഈടാക്കുന്നതിനും വകുപ്പ് വിമുഖത കാണിച്ചിരുന്നത് ഏത് സാഹചര്യത്തിലായിരുന്നുവെന്ന് വിശദമാക്കാമോ;

(ബി)	2019 ഏപ്രിലില്‍ കല്ലട ബസിലെ യാത്രക്കാരനെ മര്‍ദ്ദിച്ച സംഭവത്തിന് ശേഷമല്ലേ അന്തര്‍ സംസ്ഥാന ബസുകള്‍ക്കെതിരെ നിയമലംഘനത്തിന്റെ പേരില്‍ കര്‍ശന നടപടി സ്വീകരിച്ച് തുടങ്ങിയത് എന്ന് വ്യക്തമാക്കാമോ;

(സി)	കല്ലട ബസിൽ യാത്രക്കാരനെ ക്രൂരമായി മര്‍ദ്ദിച്ച സംഭവത്തില്‍ ബസിന്റെ പെര്‍മിറ്റ് റദ്ദാക്കുന്നതിന് വകുപ്പ് നടപടി സ്വീകരിച്ചിട്ടുണ്ടോ; വിശദമാക്കുമോ;

(ഡി)	മറ്റ് സംസ്ഥാനത്ത് രജിസ്റ്റര്‍ ചെയ്ത ബസാണെങ്കിൽ പെര്‍മിറ്റ് റദ്ദാക്കുന്നതിന് ആവശ്യപ്പെട്ടുകൊണ്ട് കത്ത് അയച്ചിട്ടുണ്ടോ എന്ന് വെളിപ്പെടുത്താമോ?

തദ്ദേശ ഭരണ പൊതുസര്‍വ്വീസ്

*582.

ശ്രീമതി.പി. അയിഷാ പോറ്റി
ശ്രീ.വി. ജോയി
,, സി.കൃഷ്ണന്‍
,, പി.കെ. ശശി : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	അധികാര വികേന്ദ്രീകരണ പ്രക്രിയ ഫലവത്താകാന്‍ തദ്ദേശ സ്വയംഭരണ സ്ഥാപനങ്ങളുടെ ഭരണ നിര്‍വഹണശേഷി വര്‍ദ്ധിപ്പിക്കുന്നതിന് തദ്ദേശ ഭരണ പൊതുസര്‍വ്വീസ് എത്രമാത്രം പ്രയോജനപ്രദമാകാനിടയുണ്ടെന്ന് വിലയിരുത്തിയിട്ടുണ്ടോ; വിശദമാക്കുമോ;

(ബി)	തദ്ദേശ സ്വയംഭരണ സ്ഥാപനങ്ങളുടെ ഭരണ നിര്‍വ്വഹണം ശാക്തീകരിക്കുന്നതിന് പുതുതായി തസ്തികകള്‍ സൃഷ്ടിച്ചിട്ടുണ്ടോ; വ്യക്തമാക്കുമോ;

(സി)	എല്ലാ തദ്ദേശ സ്വയംഭരണ സ്ഥാപനങ്ങള്‍ക്കും ഐ.എസ്.ഒ അംഗീകാരം നേടിയെടുക്കുകയെന്ന ലക്ഷ്യത്തിന്റെ പുരോഗതി അറിയിക്കാമോ;

(ഡി)	കെട്ടിട നിര്‍മ്മാണ അനുമതി നല്‍കുന്നതില്‍ ഉള്‍പ്പെടെയുണ്ടായിരുന്ന അഴിമതി അവസാനിപ്പിക്കാനായി നടത്തിയ ഇടപെടലുകള്‍ അറിയിക്കാമോ; സമ്പൂര്‍ണ്ണ ഇ-ഭരണം ഈ ലക്ഷ്യപ്രാപ്തിക്ക് എത്രമാത്രം അനുഗുണമാകുമെന്നറിയിക്കാമോ?

ട്രൈബല്‍ യൂണിവേഴ്സിറ്റി ആരംഭിക്കുന്നതിന് നടപടി

*583.

ശ്രീ.കെ.വി.വിജയദാസ്
,, ഒ. ആര്‍. കേളു
,, ജോര്‍ജ് എം. തോമസ്
,, എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീര്‍ത്ഥാടനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നാല്‍പ്പതോളം വിഭാഗങ്ങളിലായി ഒന്നേകാല്‍ ലക്ഷത്തോളം ആദിവാസി കുടുംബങ്ങളില്‍ എസ്‌.എസ്‌.എൽ.സി.പാസ്സായവര്‍ പത്തുശതമാനവും ബിരുദധാരികളായി 1.2 ശതമാനം പേരും മാത്രമേ ഉള്ളൂവെന്ന ഉന്നത വിദ്യാഭ്യാസ കൗണ്‍സിലിന്റെ പഠന റിപ്പോര്‍ട്ട് പരിശോധിച്ചിട്ടുണ്ടോ; എങ്കില്‍ വിശദമാക്കുമോ;

(ബി)	വിദ്യാഭ്യാസ മേഖലയിലെ ആദിവാസികളുടെ കൊഴിഞ്ഞുപോക്ക് ഒഴിവാക്കുന്നതിനും നഴ്സറി മുതല്‍ ബിരുദാനന്തര ബിരുദവും ഗവേഷണവും വരെ നടത്തുന്നതിനുമായി ട്രൈബല്‍ യൂണിവേഴ്സിറ്റി ആരംഭിക്കുന്നതിനുള്ള നടപടിയുടെ പുരോഗതി വ്യക്തമാക്കുമോ;

(സി)	പ്രസ്തുത യൂണിവേഴ്സിറ്റി സ്ഥാപിക്കുന്നതിനായി ഉന്നത വിദ്യാഭ്യാസ കൗണ്‍സില്‍ നല്‍കിയിട്ടുള്ള ശിപാര്‍ശയുടെ അടിസ്ഥാനത്തില്‍ സൗകര്യപ്രദമായ സ്ഥലം കണ്ടെത്തിയിട്ടുണ്ടോ; ഉണ്ടെങ്കില്‍ വിശദമാക്കുമോ;

(ഡി)	ട്രൈബല്‍ യൂണിവേഴ്സിറ്റി സമയബന്ധിതമായി ആരംഭിക്കുന്നതിനുള്ള അടിയന്തര നടപടി സ്വീകരിക്കുമോ?

അന്താരാഷ്ട്ര കരാറുകളും കേരകര്‍ഷകരും

*584.

ശ്രീ.ജെയിംസ് മാത്യു
,, ആര്‍. രാജേഷ്
,, പി.ടി.എ. റഹീം
,, കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	വിവിധ അന്താരാഷ്ട്ര കരാറുകളുടെ ഫലമായി വെളിച്ചെണ്ണയും പാമോയിലും അനിയന്ത്രിതമായി ഇറക്കുമതി ചെയ്യാവുന്ന സ്ഥിതി സംസ്ഥാനത്തെ കേരകര്‍ഷകര്‍ക്ക് ഉല്പാദനച്ചെലവിന് അനുസൃതമായ വില ലഭിക്കാത്ത സാഹചര്യം സൃഷ്ടിച്ചത് പരിഹരിക്കാനായി എത്തരത്തില്‍ ഇടപെടാന്‍ സാധിക്കുമെന്ന് അറിയിക്കാമോ;

(ബി)	ആര്‍.സി.ഇ.പി. പോലുളള പുതിയ അന്താരാഷ്ട്ര കരാറുകള്‍ സംസ്ഥാനത്തെ കര്‍ഷകതാല്പര്യത്തെ ഹനിക്കാത്ത വിധത്തിലായിരിക്കണമെന്ന് കേന്ദ്ര സര്‍ക്കാരിനോട് ആവശ്യപ്പെടുമോ;

(സി)	നാളികേര കര്‍ഷകരെ സംരക്ഷിക്കുന്നതിനായി തകര്‍ച്ച നേരിടുന്ന നീര വ്യവസായവും മറ്റ് മൂല്യവര്‍ദ്ധിതോല്പന്നങ്ങളുടെ നിര്‍മ്മാണവും പ്രോത്സാഹിപ്പിക്കുന്നതിന് നടപടിയെടുക്കുമോ?

സമഗ്ര പച്ചക്കറി കൃഷി വികസനപദ്ധതി

*585.

ശ്രീ.അനൂപ് ജേക്കബ്
,, എ.പി. അനില്‍ കുമാര്‍
,, അന്‍വര്‍ സാദത്ത്
,, അനില്‍ അക്കര : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	പച്ചക്കറി കൃഷി വ്യാപകമാക്കുന്നതിനും ഉല്പാദനം വര്‍ദ്ധിപ്പിക്കുന്നതിനുമായി സമഗ്ര പച്ചക്കറി കൃഷി വികസനപദ്ധതി നടപ്പിലാക്കിയിട്ടുണ്ടോ; വിശദമാക്കുമോ;

(ബി)	ഇതിന്റെ ഭാഗമായി സംസ്ഥാനത്തെ വിദ്യാലയങ്ങളില്‍ പച്ചക്കറി കൃഷി നടപ്പിലാക്കുവാന്‍ പ്രത്യേക പദ്ധതി ആവിഷ്ക്കരിച്ചിട്ടുണ്ടോയെന്ന് വ്യക്തമാക്കാമോ;

(സി)	ഇതിനായി എന്തൊക്കെ സഹായങ്ങളാണ് കൃഷിവകുപ്പ് നല്‍കുന്നത്; ഈ പദ്ധതിക്ക് കേന്ദ്ര സര്‍ക്കാരിന്റെ എന്തെങ്കിലും സഹായം ലഭ്യമാണോ; വിശദമാക്കുമോ;

(ഡി)	പദ്ധതി കൂടുതല്‍ സ്ക്കൂളുകളിലേക്ക് വ്യാപിപ്പിക്കുന്നതിന് ഉദ്ദേശ്യമുണ്ടോയെന്ന് അറിയിക്കാമോ?

ഉന്നത വിദ്യാഭ്യാസമേഖലയിലെ പ്രവര്‍ത്തനങ്ങള്‍

*586.

ശ്രീ.കെ. ബാബു
,, റ്റി.വി.രാജേഷ്
,, ആന്റണി ജോണ്‍
,, ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീര്‍ത്ഥാടനവും വകുപ്പുമന്ത്രി സദയം മറുപടി നല്‍കുമോ:

(എ)

സ്വാശ്രയ കാേളേജുകളും സ്വയംഭരണ കാേളേജുകളും വ്യാപകമായി അനുവദിച്ചുകാെണ്ട് ഉന്നത വിദ്യാഭ്യാസ രംഗം വരേണ്യവല്‍ക്കരിക്കാന്‍ ശ്രമം നടത്തിയ മുന്‍ സര്‍ക്കാരില്‍ നിന്ന് വ്യത്യസ്തമായി ഗുണമേന്മയുള്ള ഉന്നത വിദ്യാഭ്യാസം സാധാരണക്കാരുടെ കുട്ടികള്‍ക്ക് ലഭ്യമാക്കുകയെന്ന ലക്ഷ്യത്താേടെ ഇൗ സര്‍ക്കാര്‍ നടത്തിവരുന്ന പ്രവര്‍ത്തനം വിശദമാക്കാമാേ;

(ബി)	ഉന്നത വിദ്യാഭ്യാസ മേഖലയിലെ അടിസ്ഥാന സൗകര്യ വികസന പരിപാടിയുടെ വിശദാംശവും അതിനായി അനുവദിച്ചിട്ടുള്ള തുകയും അറിയിക്കാമാേ;

(സി)	ബിരുദ പഠനം പൂര്‍ത്തിയാക്കിയിറങ്ങുന്നവരെ കാലാനുസൃതമായ അറിവും കര്‍മ്മശേഷിയും ഉള്ളവരാക്കിത്തീര്‍ക്കുന്നതിനുള്ള പരിപാടിയുടെ വിശദാംശം നല്‍കാമാേ;

(ഡി)	താല്പര്യമുള്ള വിദ്യാര്‍ത്ഥികള്‍ക്ക് നെെപുണ്യശേഷി ആര്‍ജ്ജിക്കുന്നതിന് സ്കില്‍ ഡെവലപ്മെന്റ് സെന്ററുകള്‍, അഡ്വാന്‍സ്ഡ് സ്കില്‍ ഡെവലപ്മെന്റ് സെന്ററുകള്‍, കമ്മ്യൂണിറ്റി സ്കില്‍ പാര്‍ക്കുകള്‍ എന്നിവയുടെ പ്രവര്‍ത്തനം കാര്യക്ഷമമാക്കുന്നതിന് പദ്ധതിയുണ്ടാേ എന്നറിയിക്കാമോ?

കുടുംബശ്രീ ശാക്തീകരണത്തിന് നടപടി

*587.

ശ്രീ.വി.ആര്‍. സുനില്‍ കുമാര്‍
,, ജി.എസ്.ജയലാല്‍
ശ്രീമതി ഇ.എസ്.ബിജിമോള്‍
ശ്രീ.ഇ.ടി. ടൈസണ്‍ മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാരിന്റെ പിന്തുണയുള്ള സ്ത്രീകളുടെ അയല്‍ക്കൂട്ട സംവിധാനം എന്ന നിലയില്‍ കുടുംബശ്രീ സംഘടനാ സംവിധാനത്തെ ശാക്തീകരിക്കുന്നതിന് സ്വീകരിച്ച നടപടികള്‍ വിശദമാക്കുമോ;

(ബി)	കേന്ദ്ര, സംസ്ഥാന, പ്രാദേശിക സര്‍ക്കാരുകളുടെ വനിതാശാക്തീകരണ ദാരിദ്ര്യനിര്‍മ്മാര്‍ജ്ജന പരിപാടികളുടെ പൊതുവേദിയായി കുടുംബശ്രീ പ്രവ്ര‍ത്തിക്കുന്നതിന്റെ വിവരങ്ങള്‍ ലഭ്യമാക്കുമോ;

(സി)	കുടുംബശ്രീക്ക് നല്‍കുന്ന റിവോള്‍വിംഗ് ഫണ്ട്, സംഘ കൃഷി സബ്സിഡി, ആശ്രയ ധനസഹായം, സൂക്ഷ്മതൊഴില്‍സംരംഭങ്ങള്‍ക്കുള്ള സഹായം എന്നിവ സംബന്ധിച്ച് കൂടുതല്‍ വിവരങ്ങളും ഈയിനങ്ങളില്‍ കുടിശ്ശിക നല്‍കാനുണ്ടോയെന്നും വ്യക്തമാക്കുമോ;

(ഡി)	കുടുംബശ്രീക്ക് നല്‍കുന്ന വായ്പയുടെ വിശദാംശങ്ങളും അവയുടെ പലിശ നിരക്കും പലിശ സബ്സിഡിയും സംബന്ധിച്ച വിവരങ്ങള്‍ ലഭ്യമാക്കുമോ;

(ഇ)	കുടുംബശ്രീക്ക് നാല് ശതമാനം പലിശനിരക്കില്‍ ബാങ്കുകളില്‍ നിന്ന് വായ്പ ഉറപ്പാക്കുമോയെന്നും പലിശ സബ്സിഡി ബാങ്കുകള്‍ക്ക് നേരിട്ട് നല്‍കുമോയെന്നും വെളിപ്പെടുത്താമോ;

(എഫ്)

അര്‍ഹരായ മുഴുവന്‍ പേരെയും ഉള്‍പ്പെടുത്തി കുടുംബശ്രീയുടെ അംഗസംഖ്യ വ്ര‍ദ്ധിപ്പിക്കുന്നതിന് സ്വീകരിക്കുന്ന നടപടികള്‍ വ്യക്തമാക്കുമോ?

മണ്ണിനെക്കുറിച്ചുള്ള ഡിജിറ്റല്‍ വിവരശേഖരണം

*588.

ശ്രീ.ആര്‍. രാമചന്ദ്രന്‍
ശ്രീമതി ഗീതാ ഗോപി : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	മണ്ണ് പര്യവേഷണവും സംരക്ഷണവും വകുപ്പിന്റെ പ്രവര്‍ത്തനങ്ങള്‍ അവലാേകനം ചെയ്തിട്ടുണ്ടാേ; വിശദമാക്കുമാേ;

(ബി)	മാറിയ കാലാവസ്ഥ, ഭൂപ്രകൃതി, പ്രളയം എന്നിവയുടെ അടിസ്ഥാനത്തില്‍ മണ്ണിന് സംഭവിച്ചിട്ടുള്ള മാറ്റങ്ങള്‍ പഠനവിധേയമാക്കിയിട്ടുണ്ടാേ; എങ്കില്‍ പഠനഫലങ്ങള്‍ അറിയിക്കുമാേ;

(സി)	മെെക്രാേലെവല്‍ ഇന്‍ഫര്‍മേഷന്‍ സിസ്റ്റം ഓണ്‍ സാേയില്‍സ് ഓഫ് കേരള സംബന്ധിച്ച കൂടുതല്‍ വിവരങ്ങള്‍ ലഭ്യമാക്കുമാേ;

(ഡി)	കര്‍ഷകരുടെ ഭൂമിയുടെ സര്‍വ്വേ നമ്പര്‍ തലത്തിലുള്ള ഭൂവിഭവ വിവരങ്ങള്‍ ലഭ്യമാക്കുന്നതിന് നടപടി സ്വീകരിക്കുമാേ;

(ഇ)	സംസ്ഥാനത്തെ മണ്ണിനെക്കുറിച്ചുള്ള ഡിജിറ്റല്‍ വിവരശേഖരണം തയ്യാറാക്കിയിട്ടുണ്ടാേ; വ്യക്തമാക്കുമാേ;

(എഫ്)

സാേയില്‍ മ്യൂസിയം അന്താരാഷ്ട്രനിലവാരത്തിലേക്ക് ഉയര്‍ത്തുന്നതിന് സ്വീകരിച്ച നടപടികള്‍ അറിയിക്കുമാേ?

വാഹനാപകടം കുറയ്ക്കുന്നതിന് സ്വീകരിച്ച നടപടികള്‍

*589.

ശ്രീ.വി. അബ്ദുറഹിമാന്‍
,, എന്‍. വിജയന്‍ പിള്ള
,, ഐ.ബി. സതീഷ്
,, ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)

പ്രതിവര്‍ഷം പുതുതായി പത്ത് ലക്ഷത്തോളം വാഹനങ്ങള്‍ രജിസ്റ്റര്‍ ചെയ്യപ്പെടുന്ന സംസ്ഥാനത്ത് ചരക്കുവാഹനങ്ങളിലും യാത്രാവാഹനങ്ങളിലും ജി.പി.എസ്. സംവിധാനം നിര്‍ബന്ധമാക്കിക്കൊണ്ട് വര്‍ദ്ധിച്ചുവരുന്ന വാഹനാപകടം കുറയ്ക്കുന്നതിനും യഥാസമയം രക്ഷാപ്രവര്‍ത്തനം സാധ്യമാക്കുന്നതിനും നടപടി സ്വീകരിച്ചിട്ടുണ്ടോയെന്ന് വ്യക്തമാക്കുമോ;

(ബി)	സ്പീഡ് ഗവര്‍ണര്‍ നിര്‍ബന്ധമാക്കിയത് മറികടന്നുകൊണ്ട് ചരക്കുവാഹനങ്ങളും അന്തര്‍ സംസ്ഥാന യാത്രാവാഹനങ്ങളും അമിത വേഗതയില്‍ പോകുന്നത് തടയാന്‍ കര്‍ശന നടപടി ഉണ്ടാകുമോ;

(സി)	അശ്രദ്ധവും നിയമവിരുദ്ധവുമായ രീതിയില്‍ വാഹനം ഓടിക്കുന്നവര്‍ക്കെതിരെ കര്‍ശന നടപടി സ്വീകരിച്ചു വരുന്നുണ്ടോ; ഈ വര്‍ഷം ഇതിനകം എത്ര പേരുടെ ലൈസന്‍സ് റദ്ദാക്കി; നിയമലംഘനം ആവര്‍ത്തിക്കുന്നവര്‍ക്കെതിരെ പ്രോസിക്യൂഷന്‍ ഉള്‍പ്പെടെയുള്ള കര്‍ശന നടപടി സ്വീകരിക്കാന്‍ സാധിക്കുമോ എന്ന് വ്യക്തമാക്കാമോ;

(ഡി)

അന്തര്‍സംസ്ഥാനവും അല്ലാത്തതുമായ കോണ്‍ട്രാക്ട് കാരിയേജുകള്‍ നിയമലംഘനം ആവര്‍ത്തിക്കുന്ന സാഹചര്യത്തില്‍ ഇത്തരക്കാരെ കര്‍ശനമായി നിയന്ത്രിക്കാന്‍ നടപടിയുണ്ടാകുമോ; ഇവയുടെ ഓണ്‍ലൈന്‍ ടിക്കറ്റ് വില്പന തടയാന്‍ ഉദ്ദേശിക്കുന്നുണ്ടോ; വാഹനങ്ങള്‍ പിന്‍വലിച്ച് സമ്മര്‍ദ്ദതന്ത്രത്തിലൂടെ സര്‍ക്കാരിനെ വരുതിയിലാക്കാന്‍ വാഹന ഉടമകള്‍ നടത്തുന്ന ശ്രമം ബദല്‍ സംവിധാനം ഏര്‍പ്പെടുത്തി നേരിടാന്‍ വേണ്ട സത്വര നടപടിയുണ്ടാകുമോ എന്നറിയിക്കാമോ?

പ്രളയബാധിതരായ കര്‍ഷകരെ രക്ഷിക്കുന്നതിന് നടപടി

*590.

ശ്രീ.അനില്‍ അക്കര
,, അന്‍വര്‍ സാദത്ത്
,, ഐ.സി.ബാലകൃഷ്ണന്‍
,, എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	പ്രളയം വിളകള്‍ക്കും കാര്‍ഷിക മേഖലയിലെ ആസ്തികള്‍ക്കും ഉല്പാദനാേപാധികള്‍ക്കും ഉണ്ടാക്കിയ നഷ്ടം മൂലം ആകെ തകര്‍ന്ന കര്‍ഷകരെ രക്ഷിക്കുന്നതിന് സര്‍ക്കാര്‍ ഇതിനകം സ്വീകരിച്ച നടപടികള്‍ എന്താെക്കെയാണ്;

(ബി)	പ്രസ്തുത നടപടികള്‍ കര്‍ഷകരെ കാര്‍ഷിക വൃത്തിയില്‍ പിടിച്ചുനിര്‍ത്തുന്നതിനും അവരുടെ പ്രതിസന്ധി ലഘൂകരിക്കുന്നതിനും ഇടയാക്കിയിട്ടുണ്ടാേ; വിശദമാക്കുമാേ;

(സി)	സര്‍ക്കാര്‍ കര്‍ഷകര്‍ക്ക് സഹായം നല്‍കിയെന്ന് പ്രഖ്യാപിക്കുമ്പാേഴും വയനാട്ടിലും ഇടുക്കിയിലും കര്‍ഷകര്‍ ആത്മഹത്യചെയ്യുന്നതും പല കര്‍ഷകരും കൃഷി തന്നെ ഉപേക്ഷിക്കുന്നതും എന്തുകാെണ്ടാണെന്ന് പരിശാേധിച്ചിട്ടുണ്ടാേ;

(ഡി)	സര്‍ക്കാര്‍ പ്രഖ്യാപിച്ച മൊറട്ടാേറിയത്തിന് റിസർവ്വ് ബാങ്ക് അനുമതി നിഷേധിച്ചത് കര്‍ഷകരെ കൂടുതല്‍ പ്രതിസന്ധിയിലാക്കിയിട്ടുള്ളതിനാല്‍ ഇക്കാര്യത്തില്‍ അടിയന്തരമായി ഇടപെട്ട് കര്‍ഷകരെ സഹായിക്കുന്നതിന് നടപടി സ്വീകരിക്കുമാേ; വ്യക്തമാക്കുമോ?

കാര്‍ഷിക കര്‍മ്മസേന രൂപീകരണവും യന്ത്രവല്‍ക്കരണവും

*591.

ശ്രീ.കെ.ഡി. പ്രസേനന്‍
,, സി. കെ. ശശീന്ദ്രന്‍
,, എം. മുകേഷ്
,, യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കാര്‍ഷികമേഖല നേരിടുന്ന പ്രധാന പ്രശ്നങ്ങളിലൊന്ന് യഥാസമയം ആവശ്യത്തിന് കര്‍ഷകത്തൊഴിലാളികളെ ലഭിക്കാത്തതായതിനാല്‍ കാര്‍ഷികമേഖലയില്‍ ഉചിതമായ യന്ത്രവല്‍ക്കരണത്തിനും കാര്‍ഷികകര്‍മ്മസേനകള്‍ രൂപീകരിക്കാനും നടപടി സ്വീകരിച്ചിട്ടുണ്ടോ;

(ബി)	കാര്‍ഷികവൃത്തിയിലേക്ക് വരാന്‍ ആഗ്രഹിക്കുന്ന യുവാക്കള്‍ക്ക് താല്പര്യാനുസരണം പരിശീലനം ലഭ്യമാക്കുന്നതിന് പദ്ധതിയുണ്ടോ; കര്‍ഷകര്‍ക്ക് പെന്‍ഷനും മറ്റ് സാമ്പത്തികസഹായങ്ങളും ലഭ്യമാക്കി കാര്‍ഷികവൃത്തി ആകര്‍ഷകമാക്കുന്നതിന് കര്‍ഷകക്ഷേമനിധി ബോര്‍ഡ് നടത്തുന്ന പ്രവര്‍ത്തനം അറിയിക്കാമോ;

(സി)	കാര്‍ഷികമേഖലയില്‍ കേന്ദ്രസര്‍ക്കാര്‍ സഹായത്തോടെ നടപ്പാക്കുന്ന സംയോജിത പദ്ധതിയുടെ വിശദാംശം ലഭ്യമാക്കാമോ;

(ഡി)	പ്രാദേശിക പ്രാധാന്യമുള്ള വിളകളുടെ കൃഷി വ്യാപിപ്പിക്കുന്നതിനും മൊത്തവ്യാപാര വിപണികളും ജില്ലാ സംഭരണകേന്ദ്രങ്ങളും ശാക്തീകരിച്ച് വിപണനം ശക്തിപ്പെടുത്തുന്നതിനും നടത്തുന്ന പ്രവര്‍ത്തനം അറിയിക്കാമോ?

അന്തര്‍ സംസ്ഥാന ബസ് ഓപ്പറേറ്റർമാരുടെ നിയമലംഘനങ്ങള്‍

*592.

ശ്രീ.അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	അന്തര്‍ സംസ്ഥാന സ്വകാര്യ ബസ് ഓപ്പറേറ്റർമാരുടെ നിയമലംഘനങ്ങളുടെ പേരില്‍ ഈ വര്‍ഷം ഇതിനകം എത്ര പേര്‍ക്കെതിരെ കേസെടുത്തുവെന്നും എന്ത് തുക ഫൈനായി ഈടാക്കിയെന്നും അറിയിക്കുമോ;

(ബി)	നിയമലംഘനങ്ങളുടെ പേരില്‍ ഫൈന്‍ ഈടാക്കിയതിനെത്തുടര്‍ന്ന് അന്തര്‍സംസ്ഥാന സ്വകാര്യ ബസ്സ് ഓപ്പറേറ്റര്‍മാര്‍ യാത്രക്കാരില്‍ നിന്നും കൂടുതല്‍ തുക ഈടാക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(സി)	ഉണ്ടെങ്കില്‍ ഇപ്രകാരമുള്ള നിരക്ക് കൊള്ള അവസാനിപ്പിക്കുന്നതിനും ഓരോ റൂട്ടിലും ഈടാക്കാവുന്ന പരമാവധി തുക എത്രയെന്ന് മുന്‍കൂട്ടി നിര്‍ണ്ണയിക്കുന്നതിനും നടപടി സ്വീകരിക്കുമോ; വ്യക്തമാക്കാമോ?

ഗവേഷണ പ്രവര്‍ത്തനങ്ങളുടെ നിലവാരം

*593.

ശ്രീ.ഡി.കെ. മുരളി
,, കെ.വി.അബ്ദുള്‍ ഖാദര്‍
,, ജോര്‍ജ് എം. തോമസ്
,, പി. ഉണ്ണി : താഴെ കാണുന്ന ചോദ്യങ്ങള്‍ക്ക് ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീര്‍ത്ഥാടനവും വകുപ്പുമന്ത്രി സദയം മറുപടി നല്‍കുമോ:

(എ)

സംസ്ഥാനത്തെ സര്‍വകലാശാലകളില്‍ പ്രവേശനപ്രക്രിയ പൂര്‍ത്തിയാക്കി ക്ലാസുകള്‍ ആരംഭിക്കാന്‍ വൈകുന്നതും പരീക്ഷകള്‍ നടത്തുന്നതിലും പരീക്ഷാഫലം പ്രഖ്യാപിക്കുന്നതിലും ഉണ്ടായിരുന്ന കാലവിളംബം അവസാനിപ്പിക്കുന്നതിനുമായി സര്‍വകലാശാലകള്‍ ഏകീകൃത അക്കാദമിക് കലണ്ടര്‍ രൂപീകരിച്ച് തദനുസൃതം പ്രവര്‍ത്തനം ക്രമീകരിക്കുന്നുവെന്ന് ഉറപ്പുവരുത്താന്‍ സര്‍ക്കാര്‍ നടത്തുന്ന ഇടപെടല്‍ അറിയിക്കാമോ;

(ബി)	സംസ്ഥാനത്തെ സര്‍വകലാശാലകളിലെ ബിരുദ-ബിരുദാനന്തരബിരുദ പ്രോഗ്രാമുകള്‍ അന്തര്‍വൈജ്ഞാനിക പാഠ്യവിഷയങ്ങള്‍ ഉള്‍ക്കൊള്ളുന്നതിനും കാലാകാലങ്ങളിലെ വിജ്ഞാന വികാസം ഉള്‍ക്കൊണ്ട് ജ്ഞാനോല്പാദനത്തിന് ശേഷിയുള്ള പഠിതാക്കളെ രൂപപ്പെടുത്തുന്നതിനുമായി ആവിഷ്കരിച്ചിട്ടുള്ള പരിപാടിയെക്കുറിച്ച് അറിയിക്കാമോ;

(സി)	ഗവേഷണ പ്രവര്‍ത്തനങ്ങള്‍ നിലവില്‍ ജ്ഞാനോല്പാദനത്തിന് വേണ്ടത്ര ഫലപ്രദമാകുന്നുണ്ടോയെന്ന് വിലയിരുത്തിയിട്ടുണ്ടോ; ഗവേഷണപ്രവര്‍ത്തനങ്ങളുടെ നിലവാരം ഉറപ്പുവരുത്തുന്നതിന് പരിപാടിയുണ്ടോ; വ്യക്തമാക്കുമോ?

കമ്പ്യൂട്ടര്‍വല്‍കൃത വാഹന പരിശോധന കേന്ദ്രങ്ങൾ

*594.

ശ്രീ.കെ.ജെ. മാക്സി
,, ജെയിംസ് മാത്യു
,, എം. നൗഷാദ് : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സുതാര്യവും ഏകീകൃതവുമായ വാഹന പരിശോധന ലക്ഷ്യമാക്കി എല്ലാ താലൂക്ക് കേന്ദ്രങ്ങളിലും കമ്പ്യൂട്ടര്‍വല്‍കൃത വാഹന പരിശോധന കേന്ദ്രവും ടെസ്റ്റിംഗ് ട്രാക്കും സ്ഥാപിക്കുവാൻ ഉദ്ദേശിക്കുന്നുണ്ടോ; വിശദമാക്കുമോ;

(ബി)	വകുപ്പിന് സ്വന്തമായി സ്ഥലം ലഭ്യമല്ലാത്ത സ്ഥലങ്ങളില്‍ സ്വകാര്യ പങ്കാളിത്തത്തോടെ പ്രസ്തുത പദ്ധതി നടപ്പിലാക്കുവാൻ തീരുമാനിച്ചിട്ടുണ്ടോ;

(സി)	വാഹന പരിശോധനയ്ക്കും സര്‍ട്ടിഫിക്കേഷനുമായി മോട്ടോര്‍ വാഹന വകുപ്പിന്റെ കീഴില്‍ മാതൃകാകേന്ദ്രങ്ങള്‍ സ്ഥാപിക്കുന്നുണ്ടോ;

(ഡി)	റോഡ് സുരക്ഷ ഉറപ്പാക്കുവാനും റവന്യൂ വരുമാനം വര്‍ദ്ധിപ്പിക്കുവാനുമായി മോട്ടോര്‍ വാഹന ചെക്ക് പോസ്റ്റുകളില്‍ വെയിംഗ് ബ്രിഡ്ജുകള്‍ സ്ഥാപിക്കുവാൻ പദ്ധതിയുണ്ടോ; വിശദാംശം നല്‍കുമോ?

കെട്ടിട നിര്‍മ്മാണത്തിനുള്ള ഓണ്‍ലൈന്‍ അപേക്ഷ

*595.

ശ്രീ.കെ.എസ്.ശബരീനാഥന്‍
,, എം. വിന്‍സെന്റ്
,, വി.ടി.ബല്‍റാം
,, റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശ സ്വയംഭരണ സ്ഥാപനങ്ങളില്‍ കെട്ടിട നിര്‍മ്മാണത്തിനുള്ള ഓണ്‍ലൈന്‍ അപേക്ഷ സമര്‍പ്പിക്കുവാന്‍ ഉണ്ടായിരുന്ന സങ്കേതം സോഫ്റ്റ് വെയര്‍ ഒഴിവാക്കിയിട്ടുണ്ടോ; എങ്കില്‍ അതിന്റെ കാരണമെന്താണെന്ന് വെളിപ്പെടുത്താമോ;

(ബി)	നിലവില്‍ ഉപയോഗിക്കുന്ന ഐ.ബി.പി.എം.എസ്. എന്ന സോഫ്റ്റ് വെയര്‍ ഡെവലപ് ചെയ്തത് ഏത് കമ്പനിയാണ്; അതിനായി പ്രസ്തുത കമ്പനിയ്ക്ക് എന്ത് തുക നല്‍കി;

(സി)	സങ്കേതത്തില്‍ ഇല്ലാത്ത ഏതൊക്കെ മേന്മകളാണ് പുതിയ സോഫ്റ്റ് വെയറില്‍ ഉള്‍പ്പെടുത്തിയിട്ടുള്ളത്;

(ഡി)	ഐ.ബി.പി.എം.എസില്‍ ഓട്ടോകാഡില്‍ വരച്ച ബില്‍ഡിംഗ് പ്ലാന്‍ മാത്രമേ സമര്‍പ്പിക്കുവാന്‍ സാധിക്കുകയുള്ളൂവെന്നതിനാൽ ഉണ്ടാകുന്ന ബുദ്ധിമുട്ടുകളും അധിക ചെലവും ശ്രദ്ധയില്‍പ്പെട്ടിട്ടുണ്ടോ;

(ഇ)	എങ്കില്‍ ഇക്കാര്യത്തില്‍ എന്ത് നടപടിയാണ് സ്വീകരിക്കുവാന്‍ ഉദ്ദേശിക്കുന്നതെന്ന് അറിയിക്കാമോ?

ഹോട്ടലുകളെയും റെസ്റ്റോറന്റുകളെയും നിയന്ത്രിക്കാന്‍ നടപടി

*596.

ശ്രീ.ജോണ്‍ ഫെര്‍ണാണ്ടസ്
,, എ. പ്രദീപ്കുമാര്‍
ശ്രീമതി.വീണാ ജോര്‍ജ്ജ്
ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ഹോട്ടലുകളുടെയും റെസ്റ്റോറന്റുകളുടെയും ഗുണ-വില നിലവാരത്തെക്കുറിച്ച് പരാതികള്‍ ഉയരുന്ന സാഹചര്യത്തില്‍ വില ഏകീകരിക്കുന്നതിനായി നിയമ നിര്‍മ്മാണം ആവശ്യമാണെന്ന് കരുതുന്നുണ്ടോ;

(ബി)	ഒരേ അളവിലും ഗുണനിലവാരത്തിലുമുള്ള ഭക്ഷണപാനീയങ്ങള്‍ക്ക് വിവിധ സ്ഥാപനങ്ങളില്‍ വ്യത്യസ്ത വില ഈടാക്കി ജനങ്ങളെ ചൂഷണം ചെയ്യുന്ന സ്ഥിതി ഒഴിവാക്കി ഏകീകൃത മാനദണ്ഡത്തിനനുസരിച്ച് നിയന്ത്രണങ്ങള്‍ കൊണ്ടുവരുന്നതിന് ആലോചിക്കുന്നുണ്ടോ;

(സി)	സ്ഥാപനങ്ങളുടെ പശ്ചാത്തല സൗകര്യങ്ങള്‍, വ്യാപ്തി, നിലവാരം, ഭക്ഷണ പാനീയങ്ങളുടെ അളവിലും ഗുണനിലവാരത്തിലുമുള്ള കൃത്യത, സേവനം എന്നിവയുടെ അടിസ്ഥാനത്തില്‍ ക്ലാസ്സുകള്‍ തിരിക്കുന്നതിനും അവയെ സ്ഥിരമായി നിരീക്ഷിക്കുന്നതിനുമുള്ള സംവിധാനം ഏര്‍പ്പെടുത്തുവാന്‍ ആവശ്യമായ നടപടി സ്വീകരിക്കുമോ; വ്യക്തമാക്കുമോ?

കെ.എസ്.ആര്‍.ടി.സി.യെ ലാഭകരമാക്കുന്നതിനുള്ള നടപടികള്‍

*597.

ശ്രീ.എന്‍. വിജയന്‍ പിള്ള
,, കെ. ദാസന്‍
,, വി. അബ്ദുറഹിമാന്‍
,, വി. ജോയി : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	അന്തര്‍സംസ്ഥാന ഗതാഗത കരാറിന്റെ ഭാഗമായി, സംസ്ഥാനത്തെ വിവിധ കേന്ദ്രങ്ങളില്‍ നിന്നും മറ്റ് സംസ്ഥാനങ്ങളിലെ പ്രധാന നഗരങ്ങളിലേയ്ക്ക് കെ.എസ്.ആര്‍.ടി.സി. പുതിയ അന്തര്‍സംസ്ഥാന സര്‍വ്വീസുകള്‍ ആരംഭിച്ചിട്ടുണ്ടോ; വിശദമാക്കാമോ;

(ബി)	കെ.എസ്.ആര്‍.ടി.സി. യെ ലാഭകരമാക്കുന്നതിനുള്ള നടപടികളുടെ ഭാഗമായി സമാന്തര സര്‍വ്വീസുകള്‍ നിയന്ത്രിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്;

(സി)	സ്വകാര്യ വാഹനങ്ങളുടെ അമിത വേഗത കൊണ്ടുണ്ടാകുന്ന അപകടങ്ങളും അവയുടെ പെരുപ്പം കൊണ്ടുണ്ടാകുന്ന ഗതാഗതക്കുരുക്കും ഒഴിവാക്കുന്നതിന് സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വിശദമാക്കാമോ?

കോളേജ് ഓഫ് ഫൈന്‍ ആര്‍ട്സ് കേരളയുടെ പ്രവര്‍ത്തനങ്ങള്‍

*598.

ശ്രീ.കെ.വി.അബ്ദുള്‍ ഖാദര്‍
,, പുരുഷന്‍ കടലുണ്ടി
,, ആര്‍. രാജേഷ്
,, എം. മുകേഷ് : താഴെ കാണുന്ന ചോദ്യങ്ങള്‍ക്ക് ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീര്‍ത്ഥാടനവും വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരം, മാവേലിക്കര, തൃശ്ശൂര്‍ എന്നിവിടങ്ങളിലെ കോളേജ് ഓഫ് ഫൈന്‍ ആര്‍ട്സ് കേരളയുടെ പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; വിശദമാക്കുമോ;

(ബി)	സര്‍ഗ്ഗാത്മക യൗവ്വനത്തിന്റെ പ്രതീക്ഷകള്‍ക്കനുസരിച്ച് പ്രസ്തുത സ്ഥാപനങ്ങളില്‍ അവസരമൊരുക്കുന്നതിന് കോളേജുകളുടെയും കോഴ്സുകളുടെയും സീറ്റുകളുടെയും പരിമിതി മൂലം കഴിയാതെ വരുന്ന സാഹചര്യം ശ്രദ്ധയില്‍പ്പെട്ടിട്ടുണ്ടോ;

(സി)	ഓരോ കോളേജിലും നിലവിലുളള കോഴ്സുകള്‍ കൂടുതല്‍ നിലവാരത്തിലെത്തിക്കുന്നതിനും സാധ്യതയ്ക്കനുസരിച്ച് കോഴ്സുകളും സീറ്റുകളും വര്‍ദ്ധിപ്പിക്കുന്നതിനും നടപടി സ്വീകരിക്കുമോ;

(ഡി)

സര്‍ഗ്ഗവാസനയുളള വിദ്യാര്‍ത്ഥികള്‍ക്ക് കൂടുതല്‍ അവസരമൊരുക്കുന്നതിനും കലാകേരളത്തിന് മുതല്‍ കൂട്ടാനും കഴിയുന്നതരത്തില്‍ കോളേജുകള്‍ ആരംഭിക്കാന്‍ മുന്നോട്ടുവരുന്ന കലാകേന്ദ്രങ്ങള്‍, സഹകരണ-സ്വകാര്യസ്ഥാപനങ്ങള്‍ എന്നിവയെ പ്രോത്സാഹിപ്പിക്കുന്നതിനും അനുമതി നല്‍കുന്നതിനും ആവശ്യമായ തീരുമാനം കൈക്കൊളളുമോയെന്ന് അറിയിക്കാമോ?

ഉന്നതവിദ്യാഭ്യാസത്തിന്റെ നിലവാരം ഉയര്‍ത്താന്‍ നടപടി

*599.

ശ്രീ.കെ. ആന്‍സലന്‍
,, എ. എന്‍. ഷംസീര്‍
,, എം. രാജഗോപാലന്‍
,, സജി ചെറിയാന്‍ : താഴെ കാണുന്ന ചോദ്യങ്ങള്‍ക്ക് ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീര്‍ത്ഥാടനവും വകുപ്പുമന്ത്രി സദയം മറുപടി നല്‍കുമോ:

(എ)

ഉന്നതവിദ്യാഭ്യാസത്തിന്റെ സാമൂഹികവല്‍ക്കരണ പ്രക്രിയയുടെ ഫലമായി എന്‍റോള്‍മെന്റ് നിരക്ക് ഉയര്‍ത്താനായിട്ടുണ്ടോ; സംസ്ഥാനത്തിന്റെ സാമൂഹിക- സാമ്പത്തിക വികസനത്തിന് ഉത്തേജനം നല്‍കുന്ന തരത്തിലുളള ഗവേഷണ പ്രവര്‍ത്തനങ്ങളെ പ്രോത്സാഹിപ്പിക്കാന്‍ പദ്ധതിയുണ്ടോ; അക്കാദമിക് സ്റ്റാഫ് കോളേജുകള്‍ ശക്തിപ്പെടുത്തി അധ്യാപക പരിശീലന പരിപാടി കാര്യക്ഷമമാക്കാന്‍ നടപടിയെടുത്തിട്ടുണ്ടോ;

(ബി)	സാങ്കേതികശാസ്ത്ര വിദ്യാഭ്യാസത്തിന്റെ നിലവാരം ഉയര്‍ത്തുകയെന്ന ലക്ഷ്യത്തോടെ തെരഞ്ഞെടുക്കപ്പെട്ട എഞ്ചിനീയറിംഗ് കോളേജുകളില്‍ അന്താരാഷ്ട്ര നിലവാരത്തിലുളള അടിസ്ഥാന സൗകര്യങ്ങള്‍ ഏര്‍പ്പെടുത്തി അവയെ ഉല്‍കൃഷ്ട സ്ഥാപനങ്ങള്‍ ആക്കി ഉയര്‍ത്താന്‍ ഉദ്ദേശിക്കുന്നുണ്ടോ;

(സി)	പോളിടെക്നിക് കോളേജുകളുടെ പ്രവര്‍ത്തനം മെച്ചപ്പെടുത്തുന്നതിനായി ചെയ്ത കാര്യങ്ങള്‍ അറിയിക്കാമോ?

ഗ്രാമ തൊഴിലുറപ്പ് പദ്ധതി

*600.

ശ്രീ.മുരളി പെരുനെല്ലി
,, കെ. ദാസന്‍
ശ്രീമതി യു. പ്രതിഭ
ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ ഇടപെടലിന്റെ ഫലമായി 9.75 കോടി തൊഴില്‍ ദിനങ്ങള്‍ സൃഷ്ടിച്ച് മുന്‍വര്‍ഷങ്ങളെക്കാള്‍ മികവ് കൈവരിച്ചത് നിലനിര്‍ത്തുന്നതിന്, സംസ്ഥാനത്തിന് കാലാനുസൃതമായ കൂലി വര്‍ദ്ധന അനുവദിക്കാത്ത കേന്ദ്ര നടപടി ഗ്രാമ തൊഴിലുറപ്പ് പദ്ധതിയില്‍ വിഘാതം സൃഷ്ടിക്കാനിടയുണ്ടോ;

(ബി)	വ്യവസ്ഥപ്രകാരം രണ്ടാഴ്ചക്കകം നല്‍കേണ്ട കൂലി മാസങ്ങള്‍ വൈകുന്നത് തൊഴിലാളികള്‍ക്ക് ഏറെ ബുദ്ധിമുട്ടുണ്ടാക്കുന്നതിനാല്‍ തുക കൃത്യസമയത്ത് ലഭ്യമാക്കാന്‍ കേന്ദ്ര സര്‍ക്കാരിനോട് ആവശ്യപ്പെട്ടിരുന്നോ;

(സി)	പ്രളയത്തില്‍ തകര്‍ന്ന ജീവനോപാധി വീണ്ടെടുക്കുന്നതിന് തൊഴിലുറപ്പ് പദ്ധതി പ്രയോജനപ്പെടുത്താന്‍ ഉദ്ദേശിക്കുന്നുണ്ടോ;

(ഡി)	നഗരപ്രദേശങ്ങളിലെ പാവപ്പെട്ടവര്‍ക്ക് തൊഴില്‍ ലഭ്യമാക്കുകയെന്ന ലക്ഷ്യത്തോടെയുള്ള സംസ്ഥാന സര്‍ക്കാരിന്റെ തനതു പദ്ധതിയായ അയ്യന്‍കാളി നഗര തൊഴിലുറപ്പ് പദ്ധതി വിപുലീകരിച്ചിട്ടുണ്ടോ;

(ഇ)	കേന്ദ്ര സര്‍ക്കാരിനോട് ഈ പദ്ധതി ഏറ്റെടുക്കാന്‍ ആവശ്യപ്പെടുന്ന കാര്യം പരിശോധിക്കുമോ എന്ന് അറിയിക്കാമോ?

Website maintained by Information System Section, Kerala Legislative Assembly, Thiruvananthapuram.