14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >19^th Session>starred Questions and Answers

Answer Provided

Answer Not Yet Provided

FOURTEENTH KLA - 19^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

കേരള പ്രവാസിക്ഷേമ ബോര്‍ഡിന്റെ പ്രവര്‍ത്തനം

*301.

ശ്രീ.യു. ആര്‍. പ്രദീപ്
,, എ. എന്‍. ഷംസീര്‍
,, രാജു എബ്രഹാം
,, എം. നൗഷാദ് : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ പ്രവാസിക്ഷേമ താല്പര്യത്തിന്റെ ഫലമായി കേരള പ്രവാസിക്ഷേമ ബോര്‍ഡിന്റെ പ്രവര്‍ത്തനം ശാക്തീകരിക്കാനായിട്ടുണ്ടോ; പ്രവാസി ക്ഷേമനിധിയിലെ അംഗസംഖ്യ മൂന്നു മടങ്ങായി വര്‍ദ്ധിപ്പിക്കാനായത് ഇനിയും വിപുലീകരിക്കാനായി ക്ഷേമനിധി കൂടുതല്‍ ആകര്‍ഷകമാക്കിയിട്ടുണ്ടോ;

(ബി)	ആഗോള പ്രവാസി രജിസ്റ്റര്‍ ഏര്‍പ്പെടുത്തുന്നതിനും പ്രവാസികള്‍ക്ക് പ്രത്യേക ഇന്‍ഷുറന്‍സ് ഏര്‍പ്പെടുത്തുന്നതിനും നടപടി ആരംഭിച്ചിട്ടുണ്ടോ;

(സി)	എന്‍.ആര്‍.ഐ. ഇന്‍വെസ്റ്റ്മെന്റ് കമ്പനി ആരംഭിച്ചിട്ടുണ്ടോ; കമ്പനിയുടെ ഉദ്ദേശ്യം വ്യക്തമാക്കാമോ; പ്രവാസി ഡിവിഡന്റ് പദ്ധതിക്ക് പ്രവാസികളുടെയിടയില്‍ സ്വീകാര്യത നേടിയെടുക്കുന്നതിന് നടത്തുന്ന പ്രവര്‍ത്തനം അറിയിക്കാമോ?

അനാഥാലയങ്ങളുടെ നടത്തിപ്പ് നിയന്ത്രിക്കുവാന്‍ നടപടി

*302.

ശ്രീ.ബി.ഡി. ദേവസ്സി
ശ്രീമതിപി. അയിഷാ പോറ്റി
ശ്രീ.കെ.യു. ജനീഷ് കുമാര്‍
,, കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സ്ഥാപനാധികൃതരുടെ അനാശാസ്യപ്രവൃത്തികളെ എതിര്‍ത്തതിനും ആയുധപരിശീലനത്തിന് വിസമ്മതിച്ചതിനും അടൂര്‍ ചേന്നംപളളിയില്‍ വിവേകാനന്ദ ബാലാശ്രമത്തിലെ കുട്ടികളെ സ്ഥാപന നടത്തിപ്പുകാര്‍ ക്രൂരമായി മർദിച്ച സംഭവത്തിന്റെ പശ്ചാത്തലത്തില്‍ സംസ്ഥാനത്തെ അനാഥാലയങ്ങളുടെ നടത്തിപ്പ് കര്‍ശന പരിശോധനയ്ക്ക് വിധേയമാക്കുമോ;

(ബി)	സാമൂഹ്യ സേവന സംഘടനകളുടെ മറവില്‍ വര്‍ഗ്ഗീയ സംഘടനകള്‍ ഇത്തരം സ്ഥാപനങ്ങള്‍ നടത്തുന്നുണ്ടോയെന്നും നിസ്സഹായരായ കുട്ടികളെ മാനസിക ശാരീരിക പീഡനത്തിനും ദുര്‍വൃത്തിക്കും ഇരയാക്കുന്നുണ്ടോയെന്നും സാമൂഹ്യനീതി വകുപ്പിന്റെ പരിശോധനയോടൊപ്പം സോഷ്യല്‍ ഓഡിറ്റ് കൂടി സാധ്യമാകുമോയെന്നും പരിശോധിക്കുമോ;

(സി)	വിജിലന്‍സ് വകുപ്പ് നടത്തിയ മിന്നല്‍ പരിശോധനയില്‍ സര്‍ക്കാര്‍ അഗതി മന്ദിരങ്ങളില്‍ പോലും ക്രമക്കേട് നടക്കുന്നതായി കണ്ടെത്തിയതിനാല്‍ ഇത്തരം സ്ഥാപനങ്ങള്‍ നിയമാനുസൃതമായി പ്രവര്‍ത്തിക്കുന്നുണ്ടെന്ന് ഉറപ്പുവരുത്താന്‍ നിലവിലുളള സംവിധാനം കൂടുതല്‍ കാര്യക്ഷമമാക്കുമോ?

മദ്യപാനം മൂലമുള്ള രോഗാവസ്ഥയ്ക്ക് ചികിത്സ തേടുന്നവര്‍

*303.

ശ്രീ.കെ.എം.ഷാജി
,, ടി. വി. ഇബ്രാഹിം
,, കെ.എന്‍.എ ഖാദര്‍
,, എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സര്‍ക്കാര്‍ ആശുപത്രികളിൽ ചികിത്സ തേടുന്നവരുടെ രോഗാവസ്ഥയ്ക്ക് മദ്യപാനം, മയക്കുമരുന്നുപയോഗം എന്നിവ കാരണമാകുന്നുണ്ടോ എന്ന് പരിശോധിക്കുന്നതിനോടൊപ്പം വിവരശേഖരണം നടത്തുന്നതിനും നിലവിൽ സംവിധാനം ഏര്‍പ്പെടുത്തിയിട്ടുണ്ടോ;

(ബി)	എങ്കിൽ ഇപ്രകാരം ചികിത്സ തേടുന്നവരുടെ പ്രതിവര്‍ഷ ശരാശരി എത്രയാണെന്ന് വെളിപ്പെടുത്തുമോ;

(സി)	നിലവിൽ വിവരശേഖരണം നടത്തുന്നതിന് സംവിധാനമില്ലെങ്കിൽ അത് ഏര്‍പ്പെടുത്തുവാൻ തയ്യാറാവുമോ; അറിയിക്കാമോ;

(ഡി)	അമിത മദ്യപാനംമൂലം ആശുപത്രി ചികിത്സയ്ക്കിടെ മരണമടയുന്നവരുടെ കണക്ക് ലഭ്യമാണോ; എങ്കിൽ 2019-ൽ അതെത്രയായിരുന്നു എന്ന് വെളിപ്പെടുത്തുമോ?

തീരക്കടല്‍ യാത്രയും ചരക്കുകടത്തും

*304.

ശ്രീ.എം. രാജഗോപാലന്‍
,, എസ്.ശർമ്മ
,, എം. മുകേഷ്
,, കെ.സുരേഷ് കുറുപ്പ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ചെലവുകുറഞ്ഞതും പരിസ്ഥിതി സൗഹൃദവും സംസ്ഥാനത്തെ ഹൈവേകളിലെ അമിത വാഹന സാന്ദ്രത കുറയ്ക്കാന്‍ പ്രയോജനപ്രദമായതുമായ തീരക്കടല്‍ ചരക്കുകടത്തും യാത്രയും യാഥാര്‍ത്ഥ്യമാക്കുന്നതിന്റെ സാധ്യതയെക്കുറിച്ച് നടത്തിയ പഠനത്തില്‍ അതിന്റെ വിജയസാധ്യതയെക്കുറിച്ച് അനുകൂലമായി വിലയിരുത്തിയിട്ടുണ്ടോ;

(ബി)	അടിസ്ഥാന സൗകര്യ വികസനത്തിനായി എന്തെല്ലാം നിര്‍ദ്ദേശങ്ങളാണ് പ്രസ്തുത പഠന റിപ്പോര്‍ട്ടില്‍ നല്‍കിയിട്ടുള്ളത്; അവ പ്രാവര്‍ത്തികമാക്കുന്നതിന് പ്രവര്‍ത്തനം ആരംഭിച്ചിട്ടുണ്ടോയെന്ന് അറിയിക്കുമോ;

(സി)	നിര്‍ദ്ദേശങ്ങളുടെ പശ്ചാത്തലത്തില്‍ ആക്ഷന്‍ പ്ലാന്‍ തയ്യാറാക്കിയിട്ടുണ്ടോ; വിശദാംശം അറിയിക്കുമോ?

ആശുപത്രികളില്‍ ശിശുക്കള്‍ക്കായി ആധുനിക സൗകര്യങ്ങള്‍

*305.

ശ്രീ.ആര്‍. രാമചന്ദ്രന്‍
,, മുല്ലക്കര രത്നാകരന്‍
,, ഇ.ടി. ടൈസണ്‍ മാസ്റ്റര്‍
,, എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ശിശുമരണ നിരക്ക് കുറച്ചുകൊണ്ട് വരുന്നതിനായി ഈ സര്‍ക്കാര്‍ സ്വീകരിച്ച നടപടികള്‍ എന്തൊക്കെയെന്ന് വിശദമാക്കാമോ;

(ബി)	നവജാത ശിശുക്കളിലെ മെറ്റബോളിക് അസുഖങ്ങള്‍ കണ്ടുപിടിക്കുന്നതിനായി നടപ്പാക്കുന്ന ന്യൂ ബോണ്‍ സ്ക്രീനിംഗ് പ്രോഗ്രാം സംബന്ധിച്ച കൂടുതല്‍ വിവരങ്ങള്‍ ലഭ്യമാക്കുമോ;

(സി)	ജന്മനായുള്ള ഹൃദ്രോഗം യഥാസമയം കണ്ടെത്തുന്നതിനും ചികിത്സിക്കുന്നതിനുമുള്ള എന്തൊക്കെ സംവിധാനങ്ങളാണ് നിലവിലുള്ളതെന്ന് അറിയിക്കുമോ;

(ഡി)	ആശുപത്രികളിലെ പ്രസവമുറികളും ഓപ്പറേഷന്‍ തീയേറ്ററുകളും ആധുനികവല്‍ക്കരിക്കുന്നതിന് പദ്ധതി നടപ്പാക്കുന്നുണ്ടോ; വ്യക്തമാക്കുമോ;

(ഇ)	മെഡിക്കല്‍ കോളേജ് ആശുപത്രികളില്‍ ശിശുമരണം ജനിതക രോഗങ്ങള്‍, നേരത്തേയുള്ള പ്രസവം എന്നിവ ഒഴിവാക്കുന്നതിന് എന്തൊക്കെ ആധുനിക സൗകര്യങ്ങള്‍ ഏര്‍പ്പെടുത്തിയിട്ടുണ്ട് എന്നറിയിക്കുമോ?

കുറ്റകൃത്യങ്ങളില്‍ മദ്യത്തിനും മയക്കുമരുന്നിനുമുള്ള പങ്ക്

*306.

ശ്രീ.പി.കെ.അബ്ദു റബ്ബ്
,, പി.കെ.ബഷീര്‍
,, എന്‍. ഷംസുദ്ദീന്‍
,, ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഉണ്ടാകുന്ന റോഡപകടങ്ങള്‍, അപകടമരണങ്ങള്‍, സ്ത്രീകള്‍ക്കും കുട്ടികള്‍ക്കും എതിരെയുള്ളതുൾപ്പെടെയുള്ള കുറ്റകൃത്യങ്ങള്‍ തുടങ്ങിയവയില്‍ മദ്യത്തിനും മയക്കുമരുന്നുകള്‍ക്കുമുള്ള പങ്കിനെക്കുറിച്ച് ഏതെങ്കിലും പഠനം സമീപകാലത്തുണ്ടായിട്ടുണ്ടോ; എങ്കില്‍ അത് സംബന്ധിച്ച വിശദവിവരം വെളിപ്പെടുത്താമോ;

(ബി)	ഇല്ലെങ്കില്‍, പോലീസ്, എക്സൈസ്, ഗതാഗതം എന്നീ വകുപ്പുകളില്‍ ഉള്ള വിവരങ്ങളുടെ അടിസ്ഥാനത്തില്‍ പഠനം നടത്താൻ തയ്യാറാകുമോയന്ന് അറിയിക്കാമോ;

(സി)	കുറ്റകൃത്യങ്ങള്‍, അപകടങ്ങള്‍,ആത്മഹത്യകള്‍ എന്നിവ അന്വേഷിക്കുമ്പോൾ അവ മദ്യം, മയക്കുമരുന്ന് എന്നിവയുമായി ബന്ധപ്പെട്ടായിരുന്നോ എന്ന കാര്യം കൂടി അന്വേഷണ പരിധിയില്‍ ഉള്‍പ്പെടുത്താൻ നിർദ്ദേശം നല്‍കുമോ?

പരാതി പരിഹാര സംവിധാനം

*307.

ശ്രീ.കെ. ദാസന്‍
,, സി.കൃഷ്ണന്‍
,, പി.കെ. ശശി
,, വി. ജോയി : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	പൗരകേന്ദ്രീകൃത ഭരണ സംവിധാനം ശക്തിപ്പെടുത്തുന്നതിന്റെ ഭാഗമായി മുഖ്യമന്ത്രിക്ക് സമര്‍പ്പിക്കുന്ന പരാതി പരിഹരിക്കുന്നതിനുള്ള സംവിധാനം കാര്യക്ഷമമാക്കാൻ സാധ്യമായിട്ടുണ്ടോ;

(ബി)	2016ൽ ഈ സര്‍ക്കാര്‍ അധികാരത്തിലെത്തും മുമ്പ് മുഖ്യമന്ത്രിയുടെ ഓഫീസിൽ ലഭിക്കുന്ന ഒരു പരാതി തീര്‍പ്പാക്കാൻ ശരാശരി എത്ര സമയം എടുത്തിരുന്നു; ഇപ്പോള്‍ അത് എത്ര ദിവസമായി ചുരുങ്ങിയിട്ടുണ്ടെന്ന് അറിയിക്കുമോ;

(സി)	ദുരിതാശ്വാസ നിധിയിൽ നിന്ന് സഹായം തേടിക്കൊണ്ടുള്ള അപേക്ഷകള്‍ തീര്‍പ്പാക്കാൻ ഏര്‍പ്പെടുത്തിയിട്ടുള്ള സംവിധാനത്തെക്കുറിച്ച് അറിയിക്കാമോ; സാധുവായ അപേക്ഷ ലഭിച്ചാൽ ശരാശരി എത്ര സമയത്തിനകം സഹായം എത്തിക്കാൻ കഴിയുന്നുണ്ടെന്ന് വ്യക്തമാക്കുമോ;

(ഡി)	ഇ-ഗവേണൻസ് ശക്തീകരിക്കുന്നതിന് നടത്തുന്ന പ്രവര്‍ത്തനങ്ങളെക്കുറിച്ച് അറിയിക്കാമോ?

കൊറോണ വെെറസ് വ്യാപനത്തിനെതിരെ മുന്‍കരുതല്‍

*308.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ഇന്ത്യയില്‍ വീണ്ടും കൊറോണ വെെറസ് സ്ഥിരീകരിച്ച സാഹചര്യത്തില്‍ സംസ്ഥാനത്ത് ഇതിനെ പ്രതിരോധിക്കുന്നതിനായി എന്തെല്ലാം നടപടികളാണ് സ്വീകരിച്ചുവരുന്നതെന്ന് വ്യക്തമാക്കാമോ;

(ബി)	സംസ്ഥാനത്ത് മുന്‍പ് കൊറോണ വെെറസ് ബാധിച്ചവര്‍ക്ക് വീണ്ടും വെെറസ് ബാധയുണ്ടാകാനുളള സാഹചര്യമുണ്ടോയെന്ന് പരിശോധിച്ചിട്ടുണ്ടോ;

(സി)	ഇവരുടെ ആരോഗ്യനില സസൂക്ഷ്മം നിരീക്ഷിക്കുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; വിശദമാക്കാമോ;

(ഡി)	പൊതുസ്ഥലങ്ങളില്‍ ആളുകള്‍ കൂടുതല്‍ ഇടപഴകരുത് എന്നതടക്കമുളള ജാഗ്രത നിര്‍ദ്ദേശങ്ങള്‍ കേന്ദ്ര ആരോഗ്യ മന്ത്രാലയം മുന്നോട്ടുവച്ച സാഹചര്യത്തില്‍ സംസ്ഥാനത്ത് കൊറോണ വെെറസിന്റെ വ്യാപനം തടയുന്നതിനായി എന്തെല്ലാം മുന്‍കരുതലുകളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ?

ആന്റിബയോട്ടിക് മരുന്നുകളുടെ ഉപയോഗത്തിനായി മാര്‍ഗ്ഗനിര്‍ദ്ദേശം

*309.

ശ്രീ.പി.വി. അന്‍വര്‍
,, സി. കെ. ശശീന്ദ്രന്‍
,, വി. അബ്ദുറഹിമാന്‍
,, കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ആന്റി ബയോട്ടിക്കുകളുടെ അശാസ്ത്രീയ ഉപയോഗം ആന്റി മൈക്രോബിയൽ റസിസ്റ്റൻസ് എന്ന സ്ഥിതിയിലേക്ക് നയിക്കാനിടയുണ്ടെന്നതിനാല്‍ ആന്റിബയോട്ടിക് മരുന്നുകളുടെ ഉപയോഗം സംബന്ധിച്ച് മാര്‍ഗ്ഗനിര്‍ദ്ദേശം പുറപ്പെടുവിച്ചിട്ടുണ്ടോ;

(ബി)	മെഡിക്കല്‍ സ്റ്റോറുകള്‍ വഴിയും സ്വകാര്യ ആശുപത്രി ഫാര്‍മസികള്‍ വഴിയും വില്‍ക്കുന്ന അലോപ്പതി മരുന്നുകളുടെ ഗുണനിലവാരം ഉറപ്പുവരുത്താന്‍ സ്വീകരിച്ചുവരുന്ന നടപടികള്‍ അറിയിക്കാമോ;

(സി)	പരിശോധനക്കായി ശേഖരിക്കുന്ന മരുന്നുകള്‍ വിപണി വില നല്‍കി വാങ്ങേണ്ടി വരുന്നത് ഗുണനിലവാര പരിശോധനാ സാമ്പിളുകളുടെ എണ്ണം കുറയാന്‍ ഇടയാക്കുന്നുണ്ടോയെന്ന് പരിശോധിക്കുമോ;

(ഡി)	ആന്റിബയോട്ടിക് ഉള്‍പ്പെടെയുള്ള മരുന്നുകള്‍ അനധികൃതമായി ഓണ്‍ലൈന്‍ മുഖേന സുലഭമായി ലഭിക്കുന്നത് സൃഷ്ടിക്കുന്ന ഗുരുതര പ്രശ്നം പരിഹരിക്കാന്‍ എന്തു മാര്‍ഗ്ഗമാണ് ഉദ്ദേശിക്കുന്നതെന്ന് വ്യക്തമാക്കുമോ?

ഡല്‍ഹിയില്‍ സ്പെഷ്യല്‍ റെപ്രസെന്റേറ്റീവിന്റെ നിയമനം

*310.

ശ്രീ.എം. വിന്‍സെന്റ്
,, വി.ടി.ബല്‍റാം
,, എല്‍ദോസ് പി. കുന്നപ്പിള്ളില്‍
,, വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	മുന്‍ എം.പി. എ.സമ്പത്തിനെ ഡല്‍ഹിയില്‍ ക്യാബിനറ്റ് റാങ്കോടെ സ്പെഷ്യല്‍ റെപ്രസെന്റേറ്റീവായി നിയമിച്ചത് എന്തൊക്കെ ചുമതലകള്‍ നിര്‍വ്വഹിക്കുവാനാണെന്ന് അറിയിക്കുമോ;

(ബി)	ഡല്‍ഹിയില്‍ സംസ്ഥാനത്തിന്റെ താല്പര്യം സംരക്ഷിക്കുന്നതിനായി എെ.എ.എസ്. റാങ്കിലുള്ള റെസിഡന്റ് കമ്മീഷണറും അഡീഷണല്‍ റെസിഡന്റ് കമ്മീഷണറും ഉള്‍പ്പെടെയുള്ള ഉന്നത ഉദ്യോഗസ്ഥര്‍ നിലവിലുള്ളപ്പോള്‍ സ്പെഷ്യല്‍ റെപ്രസെന്റേറ്റീവിനെ നിയമിച്ചതിന്റെ കാരണം വ്യക്തമാക്കാമോ;

(സി)	ഇപ്രകാരം നിയമിച്ചതിലൂടെ സംസ്ഥാന സര്‍ക്കാരിന്റെ ഏതൊക്കെ ആവശ്യങ്ങള്‍ കേന്ദ്രത്തെ കൃത്യമായി ധരിപ്പിക്കുന്നതിനും അതില്‍ സമയബന്ധിതമായി നടപടിയെടുപ്പിക്കുന്നതിനും സാധിച്ചു എന്നറിയിക്കാമോ;

(ഡി)	ഏതൊക്കെ കാര്യങ്ങളാണ് അദ്ദേഹത്തിന്റെ ഇടപെടല്‍ ഉണ്ടായിട്ടും സാധിക്കാതെ പോയത്; വിശദമാക്കുമോ?

സപ്ലൈകോയുടെ ശക്തീകരണത്തിന് നടപടി

*311.

ശ്രീ.എസ്.രാജേന്ദ്രന്‍
,, മുരളി പെരുനെല്ലി
ശ്രീമതി യു. പ്രതിഭ
ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	സപ്ലൈകോയുടെ വിപണിയിടപെടല്‍, നെല്‍സംഭരണം എന്നീ പ്രവര്‍ത്തനങ്ങള്‍ ശക്തീകരിക്കുന്നതിന് സ്വീകരിച്ചുവരുന്ന നടപടികള്‍ എന്തൊക്കെയെന്ന് വിശദമാക്കാമോ;

(ബി)	നെല്ല് സംഭരണത്തിനായി കേന്ദ്ര സര്‍ക്കാരില്‍ നിന്നും ലഭിക്കേണ്ട വിഹിതമെത്രയാണ്; തുക യഥാസമയം ലഭിക്കുന്നുണ്ടോ; ഇല്ലെങ്കില്‍ കേന്ദ്രസര്‍ക്കാരില്‍ നിന്ന് ലഭിക്കേണ്ട കുടിശ്ശിക നെല്‍സംഭരണത്തെ ബാധിക്കാതിരിക്കാനായി സംസ്ഥാന സര്‍ക്കാര്‍ സ്വീകരിച്ചിട്ടുള്ള നടപടികള്‍ അറിയിക്കാമോ;

(സി)	കൊയ്ത്തുകാലത്ത് സംസ്ഥാനത്തെ സ്വകാര്യ അരിമില്ലുകള്‍ വിവിധ മാര്‍ഗങ്ങളിലൂടെ കര്‍ഷകരെ സമ്മര്‍ദ്ദത്തിലാക്കുന്നത് പതിവാക്കിയിരിക്കുന്നതിനാല്‍ നെല്‍സംഭരണം കുറ്റമറ്റതാക്കുന്നതിന് സ്വീകരിച്ചുവരുന്ന നടപടികള്‍ വിശദമാക്കുമോ?

സ്മാര്‍ട്ട് പോലീസ് സ്റ്റേഷനുകള്‍

*312.

ശ്രീ.സജി ചെറിയാന്‍
,, റ്റി.വി.രാജേഷ്
,, കെ.ഡി. പ്രസേനന്‍
,, വി.കെ.പ്രശാന്ത് : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	പോലീസ് സംവിധാനം ആധുനികീകരിക്കുന്നതിന്റെയും കൂടുതല്‍ കാര്യക്ഷമമാക്കുന്നതിന്റെയും ഭാഗമായി സ്മാര്‍ട്ട് പോലീസ് സ്റ്റേഷനുകള്‍ സ്ഥാപിക്കാന്‍ ഉദ്ദേശിക്കുന്നുണ്ടോ; ഇത്തരം പോലീസ് സ്റ്റേഷനുകള്‍ കൊണ്ട് പ്രതീക്ഷിക്കുന്ന നേട്ടം അറിയിക്കാമോ;

(ബി)	നിലവില്‍ ഓണ്‍ലൈനായി എഫ്.ഐ.ആര്‍. സമര്‍പ്പിക്കുന്നതിന് സംവിധാനം ഏര്‍പ്പെടുത്തിയിട്ടുണ്ടോ; പോലീസിന്റെ ഇടപെടലിലെ നിഷ്പക്ഷതയും കാര്യക്ഷമതയും നിരീക്ഷിക്കുന്നതിന്റെ ഭാഗമായി ഉന്നത പോലീസ് ഉദ്യോഗസ്ഥര്‍ പരാതിക്കാരെ ഫോണില്‍ വിളിച്ച് പ്രതികരണം തേടാന്‍ നിശ്ചയിച്ചിട്ടുണ്ടോ;

(സി)	ഈ സര്‍ക്കാര്‍ അധികാരത്തിലെത്തിയ ശേഷം ക്രമസമാധാനപാലനവും കുറ്റാന്വേഷണവും കുറ്റമറ്റതാക്കുന്നതിന് സ്വീകരിച്ച നടപടികള്‍ അറിയിക്കാമോ; പുതിയ പോലീസ് സ്റ്റേഷനുകള്‍ ആരംഭിച്ചിട്ടുണ്ടോ;

(ഡി)	പോലീസ് സേവനം സേവനാവകാശ നിയമത്തിന്റെ പരിധിയില്‍ കൊണ്ടുവന്നിട്ടുണ്ടോ എന്നറിയിക്കാമോ?

പ്രവാസികളുടെ ക്ഷേമത്തിനുള്ള നടപടികള്‍

*313.

ശ്രീ.പി.ജെ.ജോസഫ്
,, മോന്‍സ്‌ ജോസഫ്
,, സി.എഫ്.തോമസ് : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	പ്രവാസികളുടെ ക്ഷേമം സംബന്ധിച്ച് സര്‍ക്കാര്‍ ഇതുവരെ സ്വീകരിച്ച നടപടികള്‍ വ്യക്തമാക്കാമോ;

(ബി)	വിദേശ മലയാളികള്‍ക്ക് കേരളത്തില്‍ സുരക്ഷിതമായി നിക്ഷേപം നടത്തുന്നതിനും സര്‍ക്കാര്‍ സേവനങ്ങള്‍ എത്രയും വേഗം ലഭ്യമാക്കുന്നതിനും ഈ സര്‍ക്കാര്‍ എന്തെല്ലാം നടപടികള്‍ സ്വീകരിച്ചു എന്ന് വിശദമാക്കാമോ;

(സി)	പ്രവാസികളുടെ യാത്രാ സൗകര്യം വര്‍ദ്ധിപ്പിക്കുന്നതിനായി സ്വന്തം വിമാന കമ്പനി രൂപീകരണം സംബന്ധിച്ച് തീരുമാനം നിലവിലുണ്ടോ?

സ്റ്റാര്‍ട്ടപ്പ് മിഷന്റെ പ്രവര്‍ത്തനങ്ങള്‍

*314.

ശ്രീ.എ. പ്രദീപ്കുമാര്‍
,, ആന്റണി ജോണ്‍
,, കെ. ബാബു
,, ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)

ഐ.ടി രംഗത്ത് വൈദഗ്ദ്ധ്യം ആര്‍ജ്ജിച്ചിട്ടുള്ള യുവാക്കളെയും വിദ്യാര്‍ത്ഥികളെയും സംരംഭകത്വത്തിന് പ്രേരിപ്പിക്കുകയെന്ന കേരള സ്റ്റാര്‍ട്ടപ്പ് മിഷന്റെ ലക്ഷ്യത്തിന്റെയടിസ്ഥാനത്തില്‍ നടത്തുന്ന പ്രവര്‍ത്തനങ്ങളെക്കുറിച്ച് അറിയിക്കാമോ; സ്റ്റാര്‍ട്ടപ്പ് മിഷന്റെ പ്രവര്‍ത്തനത്തിന് അന്താരാഷ്ട്ര അംഗീകാരം നേടാന്‍ സാധ്യമായിട്ടുണ്ടോ;

(ബി)	'സീഡിംഗ് കേരള' പോലെ സ്റ്റാര്‍ട്ടപ്പുകള്‍ക്കായുള്ള നിക്ഷേപക സംഗമങ്ങള്‍ എത്ര ഫലപ്രാപ്തി കൈവരിക്കുന്നുണ്ടെന്ന് അറിയിക്കാമോ;

(സി)	സ്റ്റാര്‍ട്ടപ്പുകള്‍ നേരിടുന്ന മൂലധനത്തിന്റെ അഭാവം പരിഹരിക്കുന്നതിന് പുതുതായി പ്രഖ്യാപിച്ചിട്ടുള്ള പദ്ധതികളെക്കുറിച്ച് വിശദമാക്കാമോ?

നെല്ല് സംഭരണ പദ്ധതി

*315.

ശ്രീ.ചിറ്റയം ഗോപകുമാര്‍
ശ്രീമതി ഗീതാ ഗോപി
ശ്രീ.ഇ.ടി. ടൈസണ്‍ മാസ്റ്റര്‍
,, വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നടപ്പാക്കുന്ന നെല്ല് സംഭരണ പദ്ധതി സംബന്ധിച്ച വിശദവിവരങ്ങള്‍ ലഭ്യമാക്കുമോ;

(ബി)	സംസ്ഥാനത്ത് നെല്ല് സംഭരണം ഏതൊക്കെ ഏജന്‍സികളുടെ സഹകരണത്തോടെയാണ് നടപ്പാക്കുന്നത് എന്നറിയിക്കുമോ;

(സി)	31.03.2020 വരെ നിലനില്‍ക്കുന്ന വായ്പകളുടെ മോറട്ടോറിയം കാലാവധി പി.ആര്‍.എസ്. വായ്പക്ക് കൂടി ബാധകമാക്കുന്നതിന് നടപടി സ്വീകരിക്കുമോ; വ്യക്തമാക്കുമോ;

(ഡി)	പി.ആര്‍.എസ്. വായ്പയുടെ കാലാവധി ഒരു വര്‍ഷം ആക്കുന്നതിനായി റിസര്‍വ് ബാങ്കിന്റെ അനുമതി ലഭ്യമായിട്ടുണ്ടോ;

(ഇ)	സംസ്ഥാനത്ത് സംഭരിക്കുന്ന നെല്ല് സംസ്കരിച്ച് സംസ്ഥാനത്ത് തന്നെ വിതരണം ചെയ്യണമെന്ന് കേന്ദ്ര സര്‍ക്കാര്‍ നിബന്ധനയുണ്ടോ; ആയത് മൂലം സംസ്ഥാനത്ത് എഫ്.സി.ഐ.യുടെ പച്ചരി ലഭിക്കാത്ത സാഹചര്യം നിലനില്‍ക്കുന്നുണ്ടോ എന്നറിയിക്കാമോ?

സംസ്ഥാന സിവില്‍ സർവ്വീസിന്റെ കാര്യക്ഷമത

*316.

ശ്രീ.ബി.സത്യന്‍
,, എം. സ്വരാജ്
,, ആര്‍. രാജേഷ്
,, പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	ഈ സർക്കാർ അധികാരത്തിലെത്തിയതിന് ശേഷം സംസ്ഥാന സിവില്‍ സർവ്വീസില്‍ ജീവനക്കാരുടെ ഒഴിവുകള്‍ നികത്തി ഫയല്‍ കുടിശ്ശിക ഇല്ലാതാക്കാൻ നടപടിയെടുത്തിരുന്നോ;

(ബി)	ഇ-ഗവേണൻസ്, എം-ഗവേണൻസ് തുടങ്ങി സാങ്കേതികവിദ്യാധിഷ്ഠിത സേവനം സർവ്വീസിന്റെ കാര്യക്ഷമത വർദ്ധിപ്പിക്കാൻ ഉപകരിച്ചിട്ടുണ്ടോ എന്നറിയിക്കുമോ;

(സി)	ജാത്യാടിസ്ഥാനത്തിലുള്ള സംവരണത്തിന് അർഹതയില്ലാത്ത വിഭാഗങ്ങളില്‍പ്പെട്ട സാമ്പത്തികമായി പിന്നാക്കം നില്‍ക്കുന്നവർക്ക് സാമ്പത്തികാടിസ്ഥാനത്തില്‍ സംവരണം ഏർപ്പെടുത്തുന്നതിനുള്ള മാനദണ്ഡങ്ങള്‍ നിർണ്ണയിച്ച് തുടർനടപടി സ്വീകരിച്ചിട്ടുണ്ടോയെന്ന് വ്യക്തമാക്കുമോ?

കോവിഡ് 19 വ്യാപനം തടയാന്‍ സംവിധാനം

*317.

ശ്രീ.റോജി എം. ജോണ്‍
,, തിരുവഞ്ചൂര്‍ രാധാകൃഷ്ണന്‍
,, ടി.ജെ. വിനോദ്
,, അനില്‍ അക്കര : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	കോവിഡ് 19 വെെറസ്‍ബാധ മധ്യേഷ്യ, ആഫ്രിക്ക, വടക്കേ അമേരിക്ക, യൂറോപ്പ് എന്നിവിടങ്ങളിലെ കൂടുതല്‍ ആളുകളിലേക്ക് പടരുന്നത് മൂലമുളള സ്ഥിതിവിശേഷം സര്‍ക്കാര്‍ ഗൗരവമായി പരിഗണിച്ചിട്ടുണ്ടോ;

(ബി)	രോഗം മറ്റ് രാജ്യങ്ങളിലേയ്ക്ക് കൂടുതല്‍ വ്യാപിക്കുവാന്‍ സാധ്യതയുണ്ടെന്നും മുന്‍കരുതലുകള്‍ സ്വീകരിക്കണമെന്നും ലോകാരോഗ്യ സംഘടന ആവശ്യപ്പെട്ടതനുസരിച്ച് എന്തൊക്കെ മുന്‍കരുതലുകളാണ് സംസ്ഥാന സര്‍ക്കാര്‍ സ്വീകരിച്ചിട്ടുളളത്;

(സി)	നിലവില്‍ സംസ്ഥാനത്ത് മേല്‍പ്പറഞ്ഞ രാജ്യങ്ങളില്‍ നിന്നും എത്തുന്നവരെ നിരീക്ഷിക്കുന്നതിനും ക്വാറന്റയിന്‍ ചെയ്യുന്നതിനും പ്രത്യേക സംവിധാനം ഏര്‍പ്പെടുത്തിയിട്ടുണ്ടോ;

(ഡി)	സംസ്ഥാനത്ത് ഇത്തരം വെെറസുകളുടെ വ്യാപനം തടയുന്നതിന് എല്ലാ ജില്ലാ ആസ്ഥാനങ്ങളിലും ക്വാറന്റയിന്‍ സംവിധാനം ഏര്‍പ്പെടുത്തുന്ന കാര്യം പരിഗണിക്കുമോ?

പോലീസ് സേനയില്‍ ആധുനിക സജ്ജീകരണങ്ങള്‍

*318.

ശ്രീ.സി. ദിവാകരന്‍
,, മുല്ലക്കര രത്നാകരന്‍
,, ഇ.കെ.വിജയന്‍
,, എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	പോലീസ് സേനയെ മികവുറ്റതാക്കുന്നതിന്റെ ഭാഗമായി കുറ്റാന്വേഷണം കാര്യക്ഷമമാക്കുന്നതിനും മെച്ചപ്പെട്ട സേവനം ഉറപ്പുവരുത്തുന്നതിനും സ്വീകരിക്കുന്ന നടപടികള്‍ വ്യക്തമാക്കുമോ;

(ബി)	ഇതിനായി ട്രേസ് മൈ ട്രിപ്പ്, ട്രാഫിക് ഗുരു തുടങ്ങിയ ആപ്ലിക്കേഷനുകള്‍ നടപ്പിലാക്കിയിട്ടുണ്ടോയെന്ന് അറിയിക്കാമോ;

(സി)	മറ്റെന്തൊക്കെ ആപ്ലിക്കേഷനുകള്‍ നടപ്പില്‍ വരുത്തിയിട്ടുണ്ടെന്നും അവ സംയോജിപ്പിക്കുന്നതിന് സ്വീകരിക്കുന്ന നടപടികളും വ്യക്തമാക്കുമോ;

(ഡി)	കേസ്സന്വേഷണം എളുപ്പമാക്കുന്നതിന് ബോഡിവോണ്‍ ക്യാമറകള്‍, സി.സി.ടി.വി. ക്യാമറകള്‍, വെഹിക്കിൾ മൗണ്ടഡ് ജി.പി.എസ്. ഉള്‍പ്പെടെയുള്ള എന്തൊക്കെ ആധുനിക സജ്ജീകരണങ്ങളാണ് ലഭ്യമാക്കിയിരിക്കുന്നത് എന്നറിയിക്കുമോ;

(ഇ)	ഡിജിറ്റൽ കമ്മ്യൂണിക്കേഷൻ സിസ്റ്റം പോലീസില്‍ എല്ലായിടത്തും നടപ്പില്‍ വരുത്തിയിട്ടുണ്ടോ;

(എഫ്)

തീരദേശ സുരക്ഷയ്ക്കായി എന്തൊക്കെ ആധുനിക സജ്ജീകരണങ്ങളാണ് നിലവിലുള്ളതെന്നറിയിക്കുമോ?

അമിത മരുന്നുപയോഗം സൃഷ്ടിക്കുന്ന ആരോഗ്യപ്രശ്നങ്ങള്‍

*319.

ശ്രീ.പാറക്കല്‍ അബ്ദുല്ല
ഡോ.എം. കെ. മുനീര്‍
ശ്രീ.സി.മമ്മൂട്ടി
,, വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	അമിതമായി മരുന്നുകള്‍ ഉപയോഗിക്കുന്നതുമൂലം ഉണ്ടാകുന്ന ആരോഗ്യപ്രശ്നങ്ങള്‍ സംസ്ഥാനത്ത് വ്യാപകമാകുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ അമിത മരുന്നുപയോഗം തടയാന്‍ എന്തെങ്കിലും നടപടി സ്വീകരിച്ചിട്ടുണ്ടോ; വിശദമാക്കുമോ;

(സി)	മരുന്നു ലോബിയുടെ വ്യാജ പ്രചരണങ്ങളില്‍ കുടുങ്ങി അംഗീകൃത ചികിത്സകരുടെ നിര്‍ദ്ദേശമില്ലാതെ തന്നെ മരുന്നുകള്‍ വാങ്ങി അമിതമായി ഉപയോഗിക്കുന്നുണ്ടെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ഡി)	എങ്കില്‍ അതിനെതിരെ എന്ത് നടപടി സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ?

സ്ത്രീകള്‍ക്കും കുട്ടികള്‍ക്കുമെതിരെയുള്ള അതിക്രമങ്ങള്‍ തടയുന്നതിന് നടപടി

*320.

ശ്രീ.കെ.വി.അബ്ദുള്‍ ഖാദര്‍
,, എസ്.ശർമ്മ
ശ്രീമതിപി. അയിഷാ പോറ്റി
ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	പ്രണയനൈരാശ്യ കൊലകള്‍ ഉള്‍പ്പെടെ സ്ത്രീകള്‍ക്കും കുട്ടികള്‍ക്കുമെതിരെയുണ്ടാകുന്ന അതിക്രമങ്ങള്‍ ഫലപ്രദമായി തടയുന്നതിന് സ്വീകരിച്ചിട്ടുളള നടപടികള്‍ എന്തെല്ലാമെന്ന് വിശദമാക്കാമോ;

(ബി)	സ്വയം പ്രതിരോധ പരിശീലന സംവിധാനം കാര്യക്ഷമമാണോ എന്ന് വ്യക്തമാക്കാമോ;

(സി)	പൂര്‍ണ്ണാര്‍ത്ഥത്തില്‍ പോലീസില്‍ സ്ത്രീ തുല്യത വരുത്തുന്നതിന്റെ ഭാഗമായി വനിതാ സിവില്‍ പോലീസ് ഓഫീസര്‍ എന്ന തസ്തിക നാമം സിവില്‍ പോലീസ് ഓഫീസര്‍ എന്നാക്കി മാറ്റുന്നതിന് നടപടി എടുത്തിട്ടുണ്ടോ;

(ഡി)	സ്ത്രീത്വത്തെ അപമാനിക്കുന്ന കുറ്റകൃത്യങ്ങള്‍ക്ക് ഇരയാകുന്നവര്‍ക്ക് നല്‍കി വരുന്ന പോലീസ് സഹായങ്ങള്‍ എന്തൊക്കെയാണ്; അവരുടെ സ്വകാര്യത നിലനിര്‍ത്തുന്നതിന് മൊഴി നല്‍കുന്നതിനുപോലും സ്റ്റേഷനിലേക്ക് വിളിപ്പിക്കരുതെന്ന കര്‍ശന നിര്‍ദ്ദേശം ഉണ്ടോ എന്ന് വ്യക്തമാക്കുമോ?

വാളയാറിലെ പെണ്‍കുട്ടികളുടെ മരണം

*321.

ശ്രീ.കെ.എന്‍.എ ഖാദര്‍
,, എന്‍ .എ.നെല്ലിക്കുന്ന്
,, പാറക്കല്‍ അബ്ദുല്ല
,, എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	വാളയാറിലെ രണ്ട് പെണ്‍കുട്ടികളുടെ മരണത്തിനിടയാക്കിയ സംഭവത്തിലെ പ്രതികളെ വെറുതെ വിട്ടതില്‍ പ്രോസിക്യൂഷന് വീഴ്ച സംഭവിച്ചതായി കരുതുന്നുണ്ടോ;

(ബി)	എങ്കില്‍ കുറ്റവാളികള്‍‌ക്ക് ശിക്ഷ ഉറപ്പാക്കി മരണപ്പെട്ട പെണ്‍കുട്ടികളോടും കുടുംബത്തോടും നീതി പുലര്‍ത്താന്‍ എന്തൊക്കെ നിയമനടപടികള്‍ സ്വീകരിക്കാനാവുമെന്നത് സംബന്ധിച്ച് ആരില്‍ നിന്നെല്ലാം നിയമോപദേശം തേടിയിട്ടുണ്ട്; വിശദവിവരം വെളിപ്പെടുത്തുമോ;

(സി)	കോടതിയുടെ അനുമതിയോടെ കുറ്റമറ്റ പുനരന്വേഷണം നടത്തുന്നതിനുള്ള സാധ്യത പരിശോധിച്ചിട്ടുണ്ടോ; ആയതിന് സ്വീകരിച്ച നടപടികള്‍ വിശദമാക്കുമോ?

പി.എസ്.സി പരീക്ഷ നടത്തിപ്പ് കുറ്റമറ്റതാക്കാന്‍ നടപടി

*322.

ശ്രീ.പി.ടി. തോമസ്
,, തിരുവഞ്ചൂര്‍ രാധാകൃഷ്ണന്‍
,, കെ.സി.ജോസഫ്
,, ടി.ജെ. വിനോദ് : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	പി.എസ്.സി പരീക്ഷകള്‍ കുറ്റമറ്റ രീതിയിലും സൂക്ഷ്മതയോടും കൂടി നടത്തുവാന്‍ കര്‍ശന മാര്‍ഗ്ഗനിര്‍ദ്ദേശങ്ങള്‍ പി.എസ്.സി പുറപ്പെടുവിച്ചിട്ടുണ്ടോ എന്നും പ്രസ്തുത മാര്‍ഗ്ഗ നിര്‍ദ്ദേശങ്ങള്‍ പുറപ്പെടുവിക്കാനുണ്ടായ സാഹചര്യം എന്തായിരുന്നു എന്നും അറിയിക്കാമോ;

(ബി)	കെ.എ.പി. നാലാം ബറ്റാലിയനിലേക്ക് പി.എസ്.സി. നടത്തിയ പരീക്ഷയില്‍ ചില വിദ്യാര്‍ത്ഥി സംഘടനാ നേതാക്കള്‍ പരീക്ഷാത്തട്ടിപ്പിലൂടെ ഉയര്‍ന്ന റാങ്ക് നേടിയത് പി.എസ്.സി. യുടെ വിശ്വാസ്യതയെ എത്രമാത്രം ബാധിച്ചുവെന്ന് പരിശോധിച്ചിട്ടുണ്ടോ;

(സി)	നഷ്ടപ്പെട്ട വിശ്വാസ്യത വീണ്ടെടുക്കുന്നതിനും പി.എസ്.സി.യെ പഴയ പ്രതാപത്തിലേക്ക് തിരികെ കൊണ്ടുപോകുന്നതിനും ആവശ്യമായ തിരുത്തല്‍ നടപടികള്‍ പി.എസ്.സി.യില്‍ത്തന്നെ നടത്തിയിട്ടുണ്ടോ എന്ന് വെളിപ്പെടുത്താമോ;

(ഡി)	നാല് ലക്ഷത്തിലധികം ഉദ്യോഗാര്‍ത്ഥികള്‍ പ്രാഥമിക പരീക്ഷ എഴുതിയ കെ.എ.എസ്. പരീക്ഷയില്‍ പോലും ചോദ്യപേപ്പര്‍ തയ്യാറാക്കുന്നതില്‍ പാകപ്പിഴ വന്നതായ ആക്ഷേപം പരിശോധിച്ചിട്ടുണ്ടോ; ഇല്ലെങ്കില്‍ പരിശോധിക്കുമോ;

(ഇ)	കെ.എ.എസ്. പരീക്ഷയുടെ പാറ്റേണ്‍ തലസ്ഥാനത്തെ പല കോച്ചിംഗ് സെന്ററുകള്‍ക്കും നേരത്തേ ലഭിച്ചുവെന്നും അവര്‍ അതനുസരിച്ച് പരീക്ഷാര്‍ത്ഥികള്‍ക്ക് പരിശീലനം നല്‍കി എന്നതും വസ്തുതയാണോ എന്ന് വ്യക്തമാക്കുമോ?

സര്‍ക്കാര്‍ സേവനങ്ങള്‍ അഴിമതിരഹിതമായി നല്‍കുന്നതിന് നടപടി

*323.

ശ്രീ.വി. കെ. സി. മമ്മത് കോയ
,, ജെയിംസ് മാത്യു
,, പി. ഉണ്ണി
,, ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ സേവനങ്ങള്‍ കാര്യക്ഷമതയോടെയും അഴിമതിരഹിതമായും നല്‍കുന്നതിന് കെെക്കൊണ്ടുവരുന്ന നടപടികളെക്കുറിച്ച് അറിയിക്കാമോ;

(ബി)

അഴിമതി ഏറ്റവും കുറഞ്ഞ സംസ്ഥാനമായി തെരഞ്ഞെടുക്കപ്പെട്ടിട്ടുള്ള കേരളത്തില്‍ ഇപ്പോഴും പത്ത് ശതമാനം ആളുകള്‍ കാര്യങ്ങള്‍ സാധിച്ചുകിട്ടാന്‍ കെെക്കൂലി നല്‍കുന്നുണ്ടെന്ന നിഗമനത്തിന്റെ പശ്ചാത്തലത്തില്‍ ആഭ്യന്തര വിജിലന്‍സ് സംവിധാനത്തോടൊപ്പം വിജിലന്‍സ്&ആന്റി കറപ്ഷന്‍ ബ്യൂറോയെയും ശക്തിപ്പെടുത്തുന്നതിന് നടപടിയെടുക്കുമോ;

(സി)	കഴിഞ്ഞ സര്‍ക്കാരിന്റെ കാലത്ത് ഭരണ നേതൃത്വ തലത്തില്‍ നടന്ന അഴിമതികള്‍ സംബന്ധിച്ച അന്വേഷണത്തിന്റെ പുരോഗതി അറിയിക്കാമോ?

പകര്‍ച്ചവ്യാധി നിയന്ത്രണത്തിനായുള്ള പ്രവര്‍ത്തനങ്ങള്‍

*324.

ശ്രീ.എം. മുകേഷ്
,, കെ.വി.അബ്ദുള്‍ ഖാദര്‍
,, എസ്.രാജേന്ദ്രന്‍
,, പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പകര്‍ച്ചവ്യാധികള്‍ നിയന്ത്രിക്കുന്നതിനായി ആരോഗ്യ ജാഗ്രത എന്ന പേരില്‍ കര്‍മ്മപരിപാടി ആവിഷ്ക്കരിച്ചിട്ടുണ്ടോ;

(ബി)

പരിസര ശുചിത്വം, വ്യക്തി ശുചിത്വം, മാലിന്യ നിര്‍മ്മാര്‍ജ്ജനം, കുടിവെള്ള സുരക്ഷിതത്വം, കൊതുകുകളുടെ ഉറവിട നശീകരണം തുടങ്ങി പൊതുജന പങ്കാളിത്തം ആവശ്യമായ രോഗപ്രതിരോധ പ്രവര്‍ത്തനങ്ങള്‍ക്കും ഇത് സംബന്ധിച്ച ബോധവത്കരണ പ്രവര്‍ത്തനങ്ങള്‍ക്കും എന്തെല്ലാം കാര്യങ്ങളാണ് പ്രസ്തുത പദ്ധതിയില്‍ ഉള്‍പ്പെടുത്തിയിരിക്കുന്നതെന്ന് വ്യക്തമാക്കാമോ;

(സി)	പ്രസ്തുത പദ്ധതിയുടെ ഫലപ്രദമായ നടത്തിപ്പിനായി തദ്ദേശസ്വയംഭരണ വകുപ്പുമായി ചേര്‍ന്ന് ആരോഗ്യവകുപ്പിന്റെ ആഭിമുഖ്യത്തില്‍ എന്തെല്ലാം പ്രവര്‍ത്തനങ്ങളാണ് നടത്തി വരുന്നതെന്ന് വിശദമാക്കാമോ?

സ്മാരകങ്ങളുടെ സംരക്ഷണത്തിനുള്ള ശാസ്ത്രീയ മാര്‍ഗ്ഗങ്ങള്‍

*325.

ശ്രീ.കെ.ജെ. മാക്സി
,, ജോണ്‍ ഫെര്‍ണാണ്ടസ്
,, കെ.കുഞ്ഞിരാമന്‍
,, ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	പുരാവസ്തു വകുപ്പിന്റെ കീഴിലുള്ള സംരക്ഷിത സ്മാരകങ്ങളുടെ സംരക്ഷണത്തിനായി സ്വീകരിച്ചു വരുന്ന ശാസ്ത്രീയ മാര്‍ഗ്ഗങ്ങള്‍ എന്തൊക്കെയാണെന്ന് വിശദമാക്കാമോ;

(ബി)	കേന്ദ്രാവിഷ്കൃത പദ്ധതിയില്‍ ഉള്‍പ്പെടുത്തി സംസ്ഥാനത്തെ ഏതെല്ലാം സ്മാരകങ്ങളുടെ സംരക്ഷണ പ്രവര്‍ത്തനങ്ങളാണ് നടത്തിയിട്ടുള്ളതെന്ന് വ്യക്തമാക്കാമോ;

(സി)	ചരിത്രപഠനത്തിനും ഗവേഷണത്തിനും വിനോദസഞ്ചാരത്തിനും മറ്റുമായി ചരിത്ര സ്മാരകങ്ങള്‍ സന്ദര്‍ശിക്കുന്നതിന് എന്തെല്ലാം സൗകര്യങ്ങളാണ് ഒരുക്കിയിട്ടുള്ളതെന്ന് വ്യക്തമാക്കാമോ?

ഭക്ഷ്യോപദേശക വിജിലന്‍സ് സമിതി

*326.

ശ്രീ.കെ.ഡി. പ്രസേനന്‍
,, ആര്‍. രാജേഷ്
,, കാരാട്ട് റസാഖ്
,, റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് റേഷന്‍ സാധനങ്ങള്‍ പൊതുജനങ്ങള്‍ക്ക് യഥാക്രമം ലഭിക്കുന്നുണ്ടെന്ന് ഉറപ്പുവരുത്തുന്നതിനും റേഷന്‍ വിതരണത്തിലെ ക്രമക്കേടുകള്‍ കണ്ടുപിടിക്കുന്നതിനുമായി എന്തെല്ലാം സംവിധാനങ്ങളാണ് ഏര്‍പ്പെടുത്തിയിട്ടുളളത്;

(ബി)	ഇതിനായി ഭക്ഷ്യോപദേശക വിജിലന്‍സ് സമിതികള്‍ രൂപീകരിച്ചിട്ടുണ്ടോ; എങ്കില്‍ ഏതെല്ലാം തലത്തിലാണ് ഇവ രൂപീകരിച്ചിട്ടുളളതെന്ന് വ്യക്തമാക്കുമോ;

(സി)	പൊതുവിതരണം സംബന്ധിച്ച് ജനങ്ങള്‍ നല്‍കുന്ന പരാതികള്‍ യഥാസമയം പരിഹരിക്കുന്നതിന് ഭക്ഷ്യോപദേശക വിജിലന്‍സ് സമിതികള്‍ എന്തെല്ലാം നടപടികളാണ് സ്വീകരിച്ചു വരുന്നത്; വിശദമാക്കാമോ?

ഭക്ഷ്യവസ്തുക്കളുടെ ഗുണനിലവാര പരിശോധന

*327.

ശ്രീ.ഇ.കെ.വിജയന്‍
ശ്രീമതി ഇ.എസ്.ബിജിമോള്‍
,, ഗീതാ ഗോപി
ശ്രീ.വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വില്ക്കപ്പെടുന്ന ഭക്ഷ്യവസ്തുക്കള്‍, കുടിവെള്ളം, ജ്യൂസുകള്‍, ഡ്രിംഗ്സുകള്‍ എന്നിവയുടെ ഗുണനിലവാര പരിശോധന നടത്തുന്നതിന് എന്തെല്ലാം സംവിധാനങ്ങളാണ് നിലവിലുള്ളതെന്നറിയിക്കുമോ;

(ബി)	ഭക്ഷ്യവസ്തുക്കളിലെ മായം കണ്ടെത്തുന്നതിനുള്ള ക്വിക്ക് ഡിറ്റക്ഷന്‍ ഓഫ് അഡല്‍റ്ററേഷന്‍ ടെസ്റ്റ് നടത്തുന്നതിനുള്ള സംവിധാനങ്ങള്‍ എന്തൊക്കെയാണെന്നും ആയത് സംസ്ഥാനത്ത് എവിടെയൊക്കെ നിലവിലുണ്ടെന്നും അറിയിക്കുമോ;

(സി)	ഉത്സവ സീസണുകളിലും വേനല്‍ക്കാലത്തും പകര്‍ച്ചവ്യാധികള്‍ പടര്‍ന്ന് പിടിക്കുന്ന സന്ദര്‍ഭങ്ങളിലും പ്രത്യേക ഭക്ഷ്യസുരക്ഷ പരിശോധന നടത്തുമോ; വ്യക്തമാക്കുമോ;

(ഡി)	ഭക്ഷ്യസുരക്ഷയുമായി ബന്ധപ്പെട്ട പരാതികള്‍ ബോധിപ്പിക്കുന്നതിനും ആയതിന് ഉടനടി പരിഹാരം ലഭ്യമാക്കുന്നതിനും ആവശ്യമായ സംവിധാനങ്ങള്‍ നടപ്പിലാക്കുമോ;

(ഇ)	ഇത്തരം പരിശോധനകളില്‍ ആരോഗ്യത്തിന് ഹാനികരമാകുന്ന ഗുണനിലവാരമില്ലാത്ത ഭക്ഷണ പദാര്‍ത്ഥങ്ങള്‍ കണ്ടെത്തുന്ന അവസരങ്ങളില്‍ സ്വീകരിക്കുന്ന നടപടികള്‍ എന്തൊക്കെയാണെന്ന് അറിയിക്കുമോ?

ഭരണത്തിന്റെ കാര്യക്ഷമതയും സുതാര്യതയും വര്‍ദ്ധിപ്പിക്കാന്‍ നടപടി

*328.

ശ്രീ.ടി. വി. ഇബ്രാഹിം
,, എം.ഉമ്മര്‍
,, പി.കെ.ബഷീര്‍
ഡോ.എം. കെ. മുനീര്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം ഭരണത്തിന്റെ വേഗതയും കാര്യക്ഷമതയും സുതാര്യതയും വര്‍ദ്ധിപ്പിക്കാന്‍ സ്വീകരിച്ച നടപടികള്‍ വിശദമാക്കാമോ;

(ബി)	പ്രസ്തുത ലക്ഷ്യം നിറവേറ്റുന്നതിനായി നൂതന പദ്ധതികള്‍ നടപ്പിലാക്കാന്‍ ഉദ്ദേശിക്കുന്നുണ്ടോ; വിശദമാക്കാമോ;

(സി)	സെക്രട്ടേറിയറ്റില്‍ നിന്നും റിപ്പോര്‍ട്ട് ആവശ്യപ്പെട്ടുകൊണ്ട് സബോര്‍ഡിനേറ്റ് ഓഫീസുകളിലേക്ക് അയക്കുന്ന അന്വേഷണങ്ങള്‍ക്ക് സമയബന്ധിതമായി മറുപടി ലഭ്യമാക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കാമോ?

ഭിന്നശേഷിക്കാരുടെ സമഗ്ര പുരോഗതി

*329.

ശ്രീ.വി. അബ്ദുറഹിമാന്‍
,, എ. പ്രദീപ്കുമാര്‍
,, ബി.സത്യന്‍
,, യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഭിന്നശേഷിക്കാരുടെ സമഗ്ര പുരോഗതിയ്ക്കായി ഈ സര്‍ക്കാര്‍ ആവിഷ്കരിച്ച നൂതന പദ്ധതികള്‍ എന്തെല്ലാമാണ്;

(ബി)	ഇത്തരം പദ്ധതികള്‍ വിജയകരമായി നടപ്പിലാക്കിയതിന്റെ ഫലമായി രാജ്യത്തെ ഏറ്റവും മികച്ച ഭിന്നശേഷി സംരക്ഷണ സംസ്ഥാനത്തിനുള്ള കേന്ദ്ര സര്‍ക്കാരിന്റെ അവാര്‍ഡ് സംസ്ഥാനത്തിന് ലഭിച്ചിട്ടുണ്ടോ; വിശദാംശം നല്‍കുമോ;

(സി)	ഭിന്നശേഷിക്കാരുടെ ചികിത്സയ്ക്കും പരിചരണത്തിനുമായി നടപ്പു ബജറ്റില്‍ എത്ര തുക വകയിരുത്തിയിട്ടുണ്ടെന്ന് വ്യക്തമാക്കാമോ;

(ഡി)	സംസ്ഥാനത്തെ പൊതുസ്ഥാപനങ്ങള്‍ ഭിന്നശേഷി സൗഹൃദമാക്കുന്നതിന് പ്രത്യേക സ്കീം നടപ്പാക്കിയിട്ടുണ്ടോ; വിശദാംശം നല്‍കുമോ?

അംഗപരിമിതര്‍ക്കായുള്ള അനുയാത്ര പദ്ധതി

*330.

ശ്രീ.റ്റി.വി.രാജേഷ്
,, പി.കെ. ശശി
,, എം. നൗഷാദ്
,, സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് അംഗപരിമിതരുടെ ക്ഷേമത്തിനും ഉന്നമനത്തിനുമായി ഈ സര്‍ക്കാര്‍ ആവിഷ്ക്കരിച്ച നൂതന പദ്ധതികള്‍ എന്തെല്ലമാണ്;

(ബി)	അംഗപരിമിതര്‍ക്ക് തൊഴില്‍ പരിശീലനം നല്‍കുന്നതിന് ഈ സര്‍ക്കാര്‍ എന്തെല്ലാം നടപടികളാണ് സ്വീകരിച്ചിട്ടുളളത്;

(സി)	സംസ്ഥാനത്തെ അംഗപരിമിതസൗഹൃദമാക്കുന്നതിനും അവര്‍ക്ക് വിവിധ സേവനങ്ങള്‍ ലഭ്യമാക്കുന്നതിനുമായി അനുയാത്ര പദ്ധതി പ്രകാരം എന്തെല്ലാം നടപടികളാണ് സ്വീകരിച്ചിട്ടുളളതെന്ന് അറിയിക്കാമോ;

(ഡി)	അംഗപരിമിതര്‍ക്ക് ആവശ്യമായ വിവരങ്ങള്‍ യഥാസമയം ലഭ്യമാക്കുന്നതിനായി ഹെല്‍പ്പ് ഡെസ്ക് സംവിധാനം ഏര്‍പ്പെടുത്തിയിട്ടുണ്ടോ; വിശദാംശം നല്‍കാമോ?

Website maintained by Information System Section, Kerala Legislative Assembly, Thiruvananthapuram.