14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >19^th Session>starred Questions and Answers

Answer Provided

Answer Not Yet Provided

FOURTEENTH KLA - 19^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

കയറുല്പന്നങ്ങളുടെ വിപണനം

*331.

ശ്രീമതി യു. പ്രതിഭ
ശ്രീ.ജോണ്‍ ഫെര്‍ണാണ്ടസ്
,, ബി.സത്യന്‍
,, കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ അശ്രാന്ത പരിശ്രമഫലമായി കയറുല്പാദനത്തില്‍ ഉണ്ടായ വര്‍ദ്ധനവിനനുസൃതമായി ഉല്പന്നങ്ങള്‍ കെട്ടിക്കിടക്കാതെ വിറ്റഴിക്കാന്‍ നടത്തിയ പ്രധാന പ്രവര്‍ത്തനങ്ങള്‍ എന്തൊക്കെയെന്ന് വിശദമാക്കാമോ;

(ബി)	യന്ത്രവല്‍ക്കരണത്തിലൂടെ ഉല്പാദനക്ഷമത ഉയര്‍ത്തി വിപണിയില്‍ ഉല്പന്നങ്ങളുടെ മത്സരക്ഷമത ഉയര്‍ത്താനായിട്ടുണ്ടോ;

(സി)	ഉല്പാദനം ഒരു ലക്ഷം ടണ്‍ എന്ന ലക്ഷ്യത്തോടെ നടത്തുന്ന പ്രവര്‍ത്തനങ്ങളുടെ പുരോഗതി അറിയിക്കാമോ; ഉല്പന്ന വൈവിധ്യവല്‍ക്കരണത്തിന്റെ സാധ്യത പ്രാവര്‍ത്തികമാക്കിയിട്ടുണ്ടോ;

(ഡി)	കയര്‍ഫെഡിന്റെ പ്രവര്‍ത്തനത്തില്‍ കാര്യക്ഷമത വര്‍ദ്ധിപ്പിക്കാനായിട്ടുണ്ടോ; വിശദാംശം നല്‍കുമോ?

കിഫ്ബിയിൽ സര്‍ക്കാരിനുള്ള അധികാരാവകാശങ്ങള്‍

*332.

ശ്രീ.സി.മമ്മൂട്ടി
,, എം. സി. കമറുദ്ദീന്‍
,, കെ.എം.ഷാജി
,, എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സ്റ്റാറ്റ്യൂട്ടറി ബോഡി കോര്‍പ്പറേറ്റ് വിഭാഗത്തിൽപ്പെടുന്ന കിഫ്ബിയിൽ സര്‍ക്കാരിന് നിലവിലുള്ള അധികാരാവകാശങ്ങള്‍ വിശദമാക്കുമോ;

(ബി)	സംസ്ഥാനത്തെ പദ്ധതികള്‍ക്ക് കിഫ്ബി മുടക്കുന്ന പണത്തിന് നൽകിവരുന്ന ഗ്യാരന്റി ഏതുവിധത്തിലുള്ളതാണെന്ന് വ്യക്തമാക്കുമോ; റീപേയ്മെന്റ് വ്യവസ്ഥകള്‍ എന്തൊക്കയാണെന്ന് അറിയിക്കാമോ;

(സി)	സംസ്ഥാന പദ്ധതികള്‍ക്ക് കിഫ്ബി മുഖേന 2019 ഡിസംബര്‍ 31 വരെയുള്ള മൊത്തം മുതൽ മുടക്ക് എത്രയാണെന്നും പൂര്‍ത്തീകരിച്ച് കമ്മീഷൻ ചെയ്ത പദ്ധതികള്‍ ഏതൊക്കെയാണെന്നും അറിയിക്കാമോ?

വിനോദസഞ്ചാര വ്യവസായത്തിനായി കിഫ്ബി പദ്ധതികള്‍

*333.

ശ്രീ.കെ.കുഞ്ഞിരാമന്‍
,, ഒ. ആര്‍. കേളു
ശ്രീമതിപി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	വിനോദസഞ്ചാര വ്യവസായത്തിന്റെ സാധ്യത കണക്കിലെടുത്ത് ടൂറിസം വികസനത്തിനായി കിഫ്ബി വഴി ആവിഷ്ക്കരിച്ചിട്ടുള്ള പദ്ധതികള്‍ ഏതെല്ലാമാണ്;

(ബി)	കൊച്ചിന്‍ ബിനാലെ കൊണ്ട് ടൂറിസം മേഖലയ്ക്കുണ്ടാകുന്ന നേട്ടം വിലയിരുത്തിയിട്ടുണ്ടോ; ബിനാലെക്ക് സ്ഥിരം വേദി ഒരുക്കാൻ ഉദ്ദേശിക്കുന്നുണ്ടോ;

(സി)	അഡ്വഞ്ചര്‍ ടൂറിസം വികസിപ്പിക്കുന്നതിനുള്ള പദ്ധതിയെക്കുറിച്ച് അറിയിക്കാമോ; സാഹസിക വിനോദസഞ്ചാര രംഗത്ത് സുരക്ഷ ഉറപ്പാക്കാൻ ചട്ടങ്ങള്‍ തയ്യാറായിട്ടുണ്ടോയെന്ന് അറിയിക്കുമോ?

കൊറോണ വൈറസ് ബാധയും സംസ്ഥാനത്തിന്റെ സമ്പദ് വ്യവസ്ഥയും

*334.

ശ്രീ.ജി.എസ്.ജയലാല്‍
,, മുല്ലക്കര രത്നാകരന്‍
ശ്രീമതി ഗീതാ ഗോപി
,, സി.കെ. ആശ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കൊറോണ വൈറസ് ബാധ (കോവിഡ് - 19) ലോകമാകമാനം ഭീതി വിതച്ചുകൊണ്ടിരിക്കുന്ന ഈ ഘട്ടത്തില്‍ അത് ലോകസാമ്പത്തിക വ്യവസ്ഥയെയും അതുമായി പലവിധത്തില്‍ ബന്ധപ്പെടുന്ന കേരളത്തിലെ സമ്പദ് വ്യവസ്ഥയെയും ബാധിക്കുമോ എന്ന് പരിശോധിച്ചിട്ടുണ്ടോ; വ്യക്തമാക്കുമോ;

(ബി)	കേരളത്തില്‍ നിന്ന് ലോക കമ്പോളത്തിലേക്ക് കയറ്റുമതി ചെയ്യുന്ന പല ഉല്പന്നങ്ങളെയും ഇത് എപ്രകാരം ബാധിക്കുമെന്നറിയിക്കുമോ;

(സി)	ഇറക്കുമതിയെ ധാരാളമായി ആശ്രയിക്കുന്ന സംസ്ഥാനമാകയാല്‍ കേരളത്തിലേക്കുള്ള ഇറക്കുമതിയെ ഇത് എപ്രകാരം ബാധിക്കുമെന്ന് അറിയിക്കുമോ;

(ഡി)	മനുഷ്യ വിഭവശേഷി ഏറ്റവും കൂടുതല്‍ മറ്റ് രാജ്യങ്ങളിലേക്ക് കയറ്റുമതി ചെയ്യുന്ന സംസ്ഥാനമെന്ന നിലയില്‍ വിദേശ രാജ്യങ്ങളിലേക്ക് തൊഴില്‍ തേടി പോകുന്ന മലയാളികളെ ഇത് ഏതുവിധത്തില്‍ ബാധിക്കുമെന്ന് വ്യക്തമാക്കുമോ?

വനിതകള്‍ക്ക് പ്രാമുഖ്യം നല്‍കിയുള്ള ഉത്തരവാദിത്ത ടൂറിസം യൂണിറ്റുകള്‍

*335.

ശ്രീമതിവീണാ ജോര്‍ജ്ജ്
ശ്രീ.സി. കെ. ശശീന്ദ്രന്‍
,, കെ.ഡി. പ്രസേനന്‍
,, എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	വിനോദസഞ്ചാരത്തിന്റെ സദ്ഫലങ്ങള്‍ സ്ത്രീകളിലേയ്ക്ക് കൂടി എത്തിക്കുകയെന്ന ലക്ഷ്യത്തോടെ ആരംഭിച്ചിട്ടുള്ള എത്‍നിക് കുസിന്‍ എക്സ്പീരിയന്‍സ് പ്രാവര്‍ത്തികമായിട്ടുണ്ടോ;

(ബി)	ഒന്നേകാല്‍ ലക്ഷത്തിലധികം പേര്‍ക്ക് കൂടി പ്രയോജനം ലഭിക്കത്തക്ക വിധം പുതിയ ഇരുപതിനായിരം ഉത്തരവാദിത്ത ടൂറിസം യൂണിറ്റുകള്‍ രൂപീകരിക്കുന്നത് വനിതകള്‍ക്ക് അവസരം ലഭ്യമാക്കുന്നതിന് പ്രാമുഖ്യം നല്‍കിക്കൊണ്ടാണോയെന്ന് അറിയിക്കുമോ;

(സി)	വിനോദസഞ്ചാര രംഗത്തെ വികസനം സുസ്ഥിരമാക്കുന്നതിന് നടത്തിവരുന്ന പ്രധാന അടിസ്ഥാന സൗകര്യ വികസന പ്രവര്‍ത്തനങ്ങള്‍ എന്തെല്ലാമെന്ന് അറിയിക്കാമോ?

കെ.എസ്.എഫ്.ഇ.യുടെ വിപുലീകരണ പ്രവര്‍ത്തനങ്ങള്‍

*336.

ശ്രീ.കാരാട്ട് റസാഖ്
,, എ. എന്‍. ഷംസീര്‍
,, പി.കെ. ശശി
,, പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കെ.എസ്.എഫ്. ഇ.യെ പ്രധാന നിക്ഷേപ പ്രോത്സാഹന സ്ഥാപനമെന്ന സ്ഥിതിയിലേക്ക് മാറ്റിത്തീര്‍ക്കുന്നതിന് വേണ്ടി നടത്തുന്ന വിപുലീകരണ-ശക്തീകരണ പ്രവര്‍ത്തനങ്ങള്‍ എന്തെല്ലാമെന്ന് അറിയിക്കാമോ;

(ബി)	എണ്ണത്തില്‍ കുറവുണ്ടാകുമ്പോഴും പ്രവാസികളുടെ ധനവരവില്‍ ഉണ്ടാകുന്ന ഗുണപരമായ മാറ്റം നിശ്ചല സമ്പാദ്യം എന്ന നിലയില്‍ നിന്ന് സംസ്ഥാനത്തെ വികസന പദ്ധതികള്‍ക്ക് ചാലകശക്തിയാകുന്ന തരത്തില്‍ വഴിതിരിച്ച് വിടാന്‍ പ്രവര്‍ത്തനം നടത്തുന്നുണ്ടോ;

(സി)	വിദേശത്ത് നിന്ന് പണമയയ്ക്കുന്നതിന്റെ ചെലവ് കൂടുതലാണെന്ന് മൈഗ്രേഷന്‍ സര്‍വ്വേ ചൂണ്ടിക്കാണിച്ചതിന്റെ അടിസ്ഥാനത്തില്‍ പ്രവാസികളില്‍ നിന്നുള്ള ധനവരവ് ചെലവ് കുറച്ച് സുഗമമാക്കുന്നതിന് കെ.എസ്.എഫ്. ഇ. മുഖേനയോ അല്ലാതെയോ സര്‍ക്കാരിന് ഇടപെടാന്‍ സാധ്യമാകുമോ എന്ന് പരിശോധിക്കുമോ?

ഫിലമെന്റ് രഹിത കേരളം പദ്ധതി

*337.

ശ്രീമതി ഇ.എസ്.ബിജിമോള്‍
ശ്രീ.സി. ദിവാകരന്‍
,, ആര്‍. രാമചന്ദ്രന്‍
,, വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	ഫിലമെന്റ് രഹിത കേരളം പദ്ധതി സംബന്ധിച്ച വിശദവിവരങ്ങള്‍ അറിയിക്കുമോ;

(ബി)	എല്ലാ വീടുകളിലെയും ബള്‍ബുകള്‍ മാറ്റി കാര്യക്ഷമതയുള്ള എല്‍.ഇ.ഡി. ബള്‍ബുകളും ട്യൂബുകളും സ്ഥാപിക്കുമോ; പ്രസ്തുത പ്രവര്‍ത്തനങ്ങളുടെ പുരോഗതി വ്യക്തമാക്കുമോ;

(സി)	ഇത്തരത്തില്‍ ബള്‍ബുകള്‍ മാറ്റുന്നതിന് ഉപഭോക്താവ് എന്തൊക്കെ നടപടികള്‍ സ്വീകരിക്കണം എന്നറിയിക്കാമോ;

(ഡി)	ഫിലമെന്റ് രഹിത പദ്ധതി പീക്ക് ലോഡ് കുറയ്ക്കുന്നതിന് സഹായകരമാകുമോ; വ്യക്തമാക്കുമോ;

(ഇ)	ഈ പദ്ധതി നടപ്പിലാക്കുന്നത് മൂലമുള്ള പാരിസ്ഥിതിക നേട്ടങ്ങള്‍ എന്തൊക്കെയെന്നറിയിക്കുമോ?

ഗ്രോത്ത് കോറിഡോര്‍ പദ്ധതി

*338.

ശ്രീ.ആന്റണി ജോണ്‍
,, എസ്.ശർമ്മ
,, വി.കെ.പ്രശാന്ത്
,, പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പു മന്ത്രി സദയം മറുപടി നല്‍കുമോ:

(എ)	പൊതുമേഖലയെ സംരക്ഷിക്കുകയും സ്വകാര്യ നിക്ഷേപം പ്രോത്സാഹിപ്പിക്കുകയുമെന്ന പ്രഖ്യാപിത നിലപാടിനനുസൃതമായി നടത്തുന്ന പ്രവര്‍ത്തനങ്ങള്‍ എന്തെല്ലാമാണ് എന്ന് വെളിപ്പെടുത്താമോ;

(ബി)	ഭൂമിയുടെ ലഭ്യതയില്‍ നേരിടുന്ന പ്രശ്നങ്ങള്‍ പരിഹരിക്കുന്നതിന് കുടിയൊഴിപ്പിക്കലുകള്‍ ഒഴിവാക്കിക്കൊണ്ട് കൃഷിക്കുപയുക്തമല്ലാത്തതോ തരിശായിട്ടുള്ളതോ ആയ ഭൂമി വാങ്ങിയെടുക്കുകയെന്ന ലക്ഷ്യത്തോടെ പ്രവര്‍ത്തനം ആരംഭിച്ചിട്ടുണ്ടോ;

(സി)	വിഴിഞ്ഞം അന്താരാഷ്ട്ര തുറമുഖത്തിന്റെ സാധ്യതകള്‍ അവസരമാക്കിക്കൊണ്ട് ഗ്രോത്ത് കോറിഡോര്‍ സ്ഥാപിക്കാന്‍ പരിപാടിയുണ്ടോ എന്ന് അറിയിക്കുമോ?

വെെദ്യുതിയുടെ ആഭ്യന്തരോല്പാദന വര്‍ദ്ധനവ്

*339.

ശ്രീ.വി. ജോയി
,, എ. പ്രദീപ്കുമാര്‍
,, ആര്‍. രാജേഷ്
,, എം. മുകേഷ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തിലെത്തിയതിനുശേഷം വെെദ്യുതിയുടെ ആഭ്യന്തരോല്പാദനം വര്‍ദ്ധിപ്പിക്കാന്‍ നടത്തിയ പ്രവര്‍ത്തനങ്ങളുടെ ഫലമായി കെെവരിക്കാന്‍ കഴിഞ്ഞ നേട്ടം അറിയിക്കാമോ; കഴിഞ്ഞ സര്‍ക്കാരിന്റെ കാലത്തെ ഉല്പാദന വര്‍ദ്ധനവ് എത്രയായിരുന്നുവെന്ന് വ്യക്തമാക്കുമോ;

(ബി)	മുടങ്ങിക്കിടന്നിരുന്ന ജലവെെദ്യുത പദ്ധതികള്‍ ഉള്‍പ്പെടെയുളളവ സമയബന്ധിതമായി പൂര്‍ത്തീകരിക്കാന്‍ നടപടിയെടുത്തിട്ടുണ്ടോ; പുതുതായി നിര്‍മ്മാണം തുടങ്ങാനുദ്ദേശിക്കുന്ന ജലവെെദ്യുത പദ്ധതികള്‍ ഏതെല്ലാമാണെന്ന് വ്യക്തമാക്കുമോ;

(സി)	നിലവിലുളള ജലവെെദ്യുത പദ്ധതികളുടെ പഴക്കം കണക്കിലെടുത്ത് അവയുടെ നവീകരണത്തിനും ശേഷി വര്‍ദ്ധനവിനും പരിപാടിയുണ്ടോയെന്ന് അറിയിക്കുമോ?

അഗതികള്‍ക്കുള്ള ക്ഷേമപെന്‍ഷനുകളില്‍ നിയന്ത്രണം

*340.

ശ്രീ.സി.എഫ്.തോമസ്
,, മോന്‍സ്‌ ജോസഫ്
,, പി.ജെ.ജോസഫ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് അഗതികള്‍ക്ക് നല്‍കുന്ന ക്ഷേമപെന്‍ഷനുകള്‍ക്ക് നിയന്ത്രണം ഏര്‍പ്പെടുത്തിയിട്ടുണ്ടോ എന്ന് വ്യക്തമാക്കാമോ;

(ബി)	പ്രസ്തുത പെന്‍ഷന് ഈ സര്‍ക്കാര്‍ പുതിയ മാനദണ്ഡം ഏര്‍പ്പെടുത്തിയിട്ടുണ്ടോ എന്നറിയിക്കാമോ; എങ്കില്‍ എന്തെല്ലാമെന്ന് വ്യക്തമാക്കാമോ;

(സി)	സംസ്ഥാനത്ത് മസ്റ്ററിംഗ് നടത്താന്‍ കഴിയാത്ത കിടപ്പ് രോഗികള്‍ക്കും മറ്റ് അഗതി പെന്‍ഷന്‍കാര്‍ക്കും മസ്റ്ററിംഗ് നടത്തുവാന്‍ ഇനിയും അവസരം അനുവദിക്കുമോ എന്നറിയിക്കാമോ?

കൈത്തറി മേഖലയുടെ പുനരുദ്ധാരണം

*341.

ശ്രീ.പി. ഉണ്ണി
,, സി.കൃഷ്ണന്‍
പ്രൊഫ.കെ.യു. അരുണന്‍
ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പു മന്ത്രി സദയം മറുപടി നല്‍കുമോ:

(എ)	വൈദഗ്ദ്ധ്യം കൈമുതലായുള്ള അരലക്ഷത്തോളം കുടുംബങ്ങള്‍ ഉപജീവനത്തിനായി ആശ്രയിക്കുന്ന കൈത്തറി മേഖലയുടെ പുനരുദ്ധാരണത്തിന് ഈ സര്‍ക്കാര്‍ നടത്തിയ ഇടപെടലുകളുടെ ഫലമായുണ്ടായ നേട്ടം വിലയിരുത്തിയിട്ടുണ്ടോ;

(ബി)	ഈ മേഖലയില്‍ കൈവരിക്കാന്‍ കഴിഞ്ഞ നേട്ടം, ഉല്പന്നങ്ങളുടെ ഗുണനിലവാരം ഉയര്‍ത്തി ബ്രാന്‍ഡിംഗ് ഏര്‍പ്പെടുത്തി അന്താരാഷ്ട്ര തലത്തിലുള്‍പ്പെടെ വിപണി വിപുലീകരിച്ച് സുസ്ഥിരമാക്കുന്നതിന് പരിപാടിയുണ്ടോ എന്നറിയിക്കാമോ?

മാലിന്യത്തില്‍ നിന്നും വൈദ്യുതി ഉല്‍പ്പാദിപ്പിക്കുവാനുള്ള പദ്ധതികള്‍

*342.

ശ്രീ.പി.കെ.അബ്ദു റബ്ബ്
,, ടി. വി. ഇബ്രാഹിം
,, എന്‍. ഷംസുദ്ദീന്‍
,, എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പു മന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം മാലിന്യത്തില്‍ നിന്നും വൈദ്യുതി ഉല്‍പ്പാദിപ്പിക്കുന്ന പദ്ധതികളുടെ കാര്യത്തില്‍ കൈവരിക്കാനായ നേട്ടങ്ങള്‍ വിശദമാക്കുമോ;

(ബി)	ഇത്തരത്തിലുള്ള എത്ര പദ്ധതികളാണ് വിഭാവനം ചെയ്തതെന്ന് വെളിപ്പെടുത്താമോ;

(സി)	ഇവയില്‍ 2016-ല്‍ കരാറില്‍ ഏര്‍പ്പെട്ട പദ്ധതികളിലേതെങ്കിലും പൂര്‍ത്തിയായിട്ടുണ്ടോ; ഇല്ലെങ്കില്‍ അവ എത്ര കാലത്തിനകം പൂര്‍ത്തിയാക്കാനാണ് ഉദ്ദേശിച്ചിട്ടുള്ളത്;

(ഡി)	പദ്ധതികള്‍ സമയബന്ധിതമായി പൂര്‍ത്തിയാക്കാന്‍ നടപടി സ്വീകരിക്കുമോയെന്ന് അറിയിക്കാമോ?

സാമ്പത്തിക സ്ഥിതി മെച്ചപ്പെടുത്തുവാന്‍ ആവിഷ്കരിച്ച പദ്ധതികള്‍

*343.

ശ്രീ.റോജി എം. ജോണ്‍
,, കെ.സി.ജോസഫ്
,, ഷാഫി പറമ്പില്‍
,, വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തിന്റെ സാമ്പത്തിക സ്ഥിതി മെച്ചപ്പെടുത്തുവാന്‍ ഇൗ സര്‍ക്കാര്‍ ആവിഷ്ക്കരിച്ച പദ്ധതികള്‍ ഫലപ്രദമാകാതെ പോയത് ഏത് സാഹചര്യത്തിലാണ്; വിശദമാക്കുമോ;

(ബി)	നികുതി കുടിശ്ശിക പിരിച്ചെടുക്കുവാന്‍ ആവിഷ്ക്കരിച്ച ആംനസ്റ്റി സ്കീമുകള്‍ വിജയപ്രദമായിരുന്നോ; ഇതില്‍ നിന്നും പ്രതീക്ഷിച്ച വരുമാനം ലഭിച്ചിട്ടുണ്ടോ; ഇല്ലെങ്കില്‍ എന്തുകൊണ്ട് എന്ന് വ്യക്തമാക്കുമോ;

(സി)	നികുതി ചോര്‍ച്ച തടയുന്നതിന് സ്വീകരിച്ച നടപടികള്‍ എന്തൊക്കെയാണെന്ന് അറിയിക്കാമോ;

(ഡി)	വരുമാനം വര്‍ദ്ധിപ്പിക്കുവാന്‍ ജി.എസ്.ടി സംവിധാനത്തില്‍ കൊണ്ടുവന്നിട്ടുളള പരിഷ്ക്കാരങ്ങള്‍ എന്തൊക്കെയാണ് എന്ന് വിശദമാക്കുമോ?

വൈദ്യുതി ബോര്‍ഡ് എന്‍.ടി.പി.സി.യ്ക്ക് നല്‍കേണ്ട ഫിക്സഡ് ചാര്‍ജ്

*344.

ശ്രീ.വി.എസ്.ശിവകുമാര്‍
,, ടി.ജെ. വിനോദ്
,, എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	എന്‍.ടി.പി.സി. കായംകുളം താപവൈദ്യുതനിലയത്തിന് അന്യായമായ ഫിക്സഡ് ചാര്‍ജ്ജ് നല്‍കുന്നതിനെതിരെ വൈദ്യുതി റെഗുലേറ്ററി കമ്മീഷന്‍ വൈദ്യുതി ബോര്‍ഡിന് കത്ത് നല്‍കിയിട്ടുണ്ടോ; പ്രസ്തുത കത്തിലെ നിര്‍ദ്ദേശം എന്താണ്; വിശദമാക്കുമോ;

(ബി)	എന്‍.ടി.പി.സി.യുമായി വിലപേശി ഫിക്സഡ് ചാര്‍ജ്ജ് പുന:പരിശോധിക്കുവാന്‍ ബോര്‍ഡ് നടപടി സ്വീകരിച്ചിട്ടുണ്ടോ; വിശദമാക്കുമോ?

സ്പിന്നിംഗ് വ്യവസായ വികസന പ്രവർത്തനങ്ങള്‍

*345.

ശ്രീ.എല്‍ദോ എബ്രഹാം
,, മുല്ലക്കര രത്നാകരന്‍
,, ചിറ്റയം ഗോപകുമാര്‍
ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പു മന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സ്പിന്നിംഗ് മില്ലുകളുടെ പ്രവർത്തനം വിലയിരുത്തിയിട്ടുണ്ടോ; വിശദമാക്കുമോ; സ്പിന്നിംഗ് വ്യവസായം നേരിടുന്ന പ്രതിസന്ധികള്‍ എന്തൊക്കെയെന്ന് അറിയിക്കുമോ;

(ബി)	മുന്‍ സർക്കാരിന്റെ കാലത്ത് പൂട്ടിക്കിടന്നിരുന്ന ഏതെല്ലാം സ്പിന്നിംഗ് മില്ലുകള്‍ തുറന്ന് പ്രവർത്തിപ്പിക്കുന്നതിന് ഈ സർക്കാരിന് സാധിച്ചെന്ന് വ്യക്തമാക്കുമോ; പ്രസ്തുത മില്ലുകള്‍ പൂട്ടുന്നതിനുണ്ടായ കാരണങ്ങള്‍ വെളിപ്പെടുത്തുമോ;

(സി)	സ്പിന്നിംഗ് മില്ലുകളിലെ ഉല്പാദനശേഷി വർദ്ധിപ്പിക്കുന്നതിന് ഈ സർക്കാർ സ്വീകരിച്ച നടപടികള്‍ വ്യക്തമാക്കുമോ;

(ഡി)	സ്പിന്നിംഗ് മില്ലുകളിലെ നൂല്‍ വിദേശ രാജ്യങ്ങളിലേക്ക് കയറ്റുമതി ചെയ്യുന്നതിന് നടപടി സ്വീകരിക്കുമോ;

(ഇ)	നൂല്‍ സംഭരിക്കുന്നതിനാരംഭിച്ച യാൺ ബാങ്കുകളുടെ പ്രവർത്തനം വ്യക്തമാക്കുമോ; ഇവയുടെ സവിശേഷതകളും ഇവ മൂലമുള്ള നേട്ടങ്ങളും വിശദമാക്കുമോ;

(എഫ്)

ഈ സർക്കാർ നടപ്പാക്കിയ സൗജന്യ സ്കൂള്‍ യൂണിഫോം പദ്ധതി കേരളത്തിലെ സ്പിന്നിംഗ് മില്ലുകള്‍ക്ക് ജീവവായു നല്‍കിയോയെന്ന് വിശദമാക്കുമോ?

സഹകരണ പ്രവര്‍ത്തനങ്ങളില്‍ പുതുതലമുറയുടെ പങ്കാളിത്തം

*346.

പ്രൊഫ.കെ.യു. അരുണന്‍
ശ്രീ.കെ.സുരേഷ് കുറുപ്പ്
,, വി.കെ.പ്രശാന്ത്
ശ്രീമതിവീണാ ജോര്‍ജ്ജ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സഹകരണമേഖലയില്‍ പുതുതലമുറയുടെ പങ്കാളിത്തം വര്‍ദ്ധിപ്പിക്കുന്നതിന് എന്തെല്ലാം നൂതന പദ്ധതികളാണ് ഈ സര്‍ക്കാര്‍ ആവിഷ്ക്കരിച്ചിട്ടുളളതെന്ന് അറിയിക്കാമോ;

(ബി)	യുവാക്കളുടെ വിവിധ സംരംഭങ്ങള്‍ക്ക് സഹായം നല്‍കുന്നതിനും അവര്‍ക്കായി സ്പെഷ്യല്‍ എന്‍റോള്‍മെന്റ് ഡ്രെെവ് ആരംഭിക്കുന്നതിനും എന്തെല്ലാം നടപടികളാണ് സ്വീകരിച്ചിട്ടുളളത്;

(സി)	സഹകരണ രംഗത്തെ പ്രവര്‍ത്തനങ്ങള്‍ കൂടുതല്‍ ജനസൗഹൃദമാക്കി മാറ്റുവാന്‍ എന്തെല്ലാം ഇടപെടലുകളാണ് നടത്തിയിട്ടുളളതെന്ന് വ്യക്തമാക്കാമോ;

(ഡി)	ഇതിന്റെ ഭാഗമായി സഹകരണ ബാങ്കിംഗ് രംഗത്ത് നടപ്പിലാക്കിയിട്ടുളള ആധുനികവല്‍ക്കരണ പ്രവര്‍ത്തനങ്ങള്‍ എന്തെല്ലാമാണെന്ന് വിശദമാക്കാമോ?

കയര്‍ സംഘങ്ങളുടെ പുന:സംഘടന

*347.

ശ്രീ.എ.പി. അനില്‍ കുമാര്‍
,, സണ്ണി ജോസഫ്
,, അനൂപ് ജേക്കബ്
,, അനില്‍ അക്കര : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	രണ്ടാം കയര്‍ പുന:സംഘടന സ്കീമിന് രൂപം നല്‍കുമെന്ന പ്രഖ്യാപനം പ്രാവര്‍ത്തികമാക്കാന്‍ സാധിച്ചിട്ടുണ്ടോ; വിശദാംശങ്ങള്‍ നല്‍കാമോ;

(ബി)	കയര്‍ സംഘങ്ങളുടെയും നാളികേര ഉല്‍പാദന കമ്പനികളുടെയും ആഭിമുഖ്യത്തില്‍ മുപ്പത് ശതമാനം തൊണ്ടെങ്കിലും സംഭരിച്ച് ചകിരി ഉല്പാദിപ്പിക്കുമെന്നും ഇതിന് ആവശ്യമായ സബ്സിഡി നല്‍കുമെന്നുമുള്ള പ്രഖ്യാപനത്തിന്റെ പുരോഗതി വിശദമാക്കാമോ;

(സി)	കയര്‍പിരി സംഘങ്ങളുടെ പ്രവര്‍ത്തനം സമൂലമായ മാറ്റം വരേണ്ടുന്ന മേഖല ആയതിനാൽ നിലവിലുള്ള സംഘങ്ങളെ പരിശോധിച്ച് പുനരുജ്ജീവിപ്പിക്കാനും സാധ്യമല്ലാത്തവ നിര്‍ത്തലാക്കാനും നടപടികള്‍ സ്വീകരിച്ചിട്ടുണ്ടോ?

വൈദ്യുതി നിരക്ക് വര്‍ദ്ധന

*348.

ശ്രീ.മഞ്ഞളാംകുഴി അലി
,, എം.ഉമ്മര്‍
,, പി.ഉബൈദുള്ള
,, ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്ന ശേഷം എത്ര പ്രാവശ്യമാണ് വൈദ്യുതി നിരക്ക് വര്‍ദ്ധിപ്പിച്ചത്; വര്‍ദ്ധനയുടെ നിരക്ക് എത്രയെന്ന് അറിയിക്കാമോ;

(ബി)	കേന്ദ്ര പൂളിൽ നിന്നും ഇപ്പോള്‍ ലഭിക്കുന്ന വൈദ്യുതിയുടെ വിവരങ്ങള്‍ വെളിപ്പെടുത്തുമോ;

(സി)	സംസ്ഥാനത്തെ പ്രതിവര്‍ഷ വൈദ്യുതി ഉല്പാദനം എത്രയാണ്; അതില്‍ ഉപഭോഗം, മറ്റ് സംസ്ഥാനങ്ങള്‍ക്ക് വില്‍പ്പന നടത്തുന്നത് എന്നിവ എത്രയാണെന്ന് അറിയിക്കാമോ;

(ഡി)	നിലവിലുള്ള വൈദ്യുതി നിരക്ക് വര്‍ദ്ധിപ്പിക്കാതിരിക്കാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വെളിപ്പെടുത്തുമോ?

ടൂറിസം മേഖലയിലെ വരുമാന വര്‍ദ്ധന

*349.

ശ്രീ.അനൂപ് ജേക്കബ്
,, അനില്‍ അക്കര
,, എല്‍ദോസ് പി. കുന്നപ്പിള്ളില്‍
,, വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ദേശീയ തലത്തില്‍ വിനോദ സഞ്ചാര മേഖല വെല്ലുവിളികള്‍ നേരിടുമ്പോള്‍ സംസ്ഥാനത്തെ ടൂറിസം മേഖലയ്ക്ക് അതിനെ അതിജീവിച്ച് മുന്നേറുന്നതിന് സാധിച്ചിട്ടുണ്ടോ; വിശദമാക്കുമോ;

(ബി)	ടൂറിസം മേഖലയിലെ വരുമാന വര്‍ദ്ധനയ്ക്ക് ഇടയാക്കിയ കാര്യങ്ങള്‍ എന്തൊക്കെയാണെന്ന് വിശദമാക്കുമോ;

(സി)	സംസ്ഥാനത്തെ അഞ്ഞൂറ്റി തൊണ്ണൂറില്‍പ്പരം ഹോട്ടലുകള്‍ക്ക് എഫ്.എല്‍ 3 ലെെസന്‍സ് പുതുക്കി നല്‍കിയത് സംസ്ഥാനത്തെ ടൂറിസം മേഖലയ്ക്ക് സഹായകമായി എന്ന് വിലയിരുത്തുന്നുണ്ടോ; വിശദമാക്കുമോ?

സ്വകാര്യ കായിക വിനോദകേന്ദ്രങ്ങള്‍

*350.

ശ്രീ.പി.കെ.ബഷീര്‍
,, അബ്ദുല്‍ ഹമീദ് പി.
,, വി.കെ.ഇബ്രാഹിം കുഞ്ഞ്
,, പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പു മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സ്വകാര്യ മുതലാളിമാരുടെ ഉടമസ്ഥതയിലുള്ള കായിക വിനോദകേന്ദ്രങ്ങള്‍ വര്‍ദ്ധിച്ചുവരുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി)	ഗ്രാമീണ മേഖലകളില്‍പോലും അത്യാധുനിക സ്വകാര്യ ടര്‍ഫ് കോര്‍ട്ടുകളും മിനി സ്റ്റേഡിയങ്ങളും വ്യാപകമാകുന്നതായി ശ്രദ്ധയില്‍പ്പെട്ടിട്ടുണ്ടോ;

(സി)	ഇത്തരം വിനോദകേന്ദ്രങ്ങളില്‍ ഉപഭോക്താക്കളില്‍ നിന്ന് വാടക ഈടാക്കുന്നതിന് എന്തെങ്കിലും വ്യവസ്ഥകള്‍ നിലവിലുണ്ടോ;

(ഡി)	ഇത്തരം വിനോദകേന്ദ്രങ്ങള്‍ക്ക് അനുമതി നല്‍കുന്നതിനും അവിടങ്ങളിലെ വാടകയ്ക്ക് പരിധി നിശ്ചയിക്കുന്നതിനും നിലവില്‍ എന്തെങ്കിലും സര്‍ക്കാര്‍ സംവിധാനങ്ങളുണ്ടോ; വിശദമാക്കാമോ?

ട്രാൻസ് ഗ്രിഡിന്റെ രണ്ടാംഘട്ട പദ്ധതി

*351.

ശ്രീ.ജോണ്‍ ഫെര്‍ണാണ്ടസ്
,, എം. സ്വരാജ്
,, രാജു എബ്രഹാം
,, സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വൈദ്യുത പ്രസരണ മേഖലയിലെ ദീര്‍ഘകാല പദ്ധതിയായ ട്രാൻസ് ഗ്രിഡിന്റെ രണ്ടാംഘട്ട പദ്ധതി പ്രവര്‍ത്തനങ്ങള്‍ ഏതുഘട്ടത്തിലാണെന്ന് വ്യക്തമാക്കാമോ;

(ബി)	രണ്ടാംഘട്ടത്തിന്റെ ആദ്യ പ്രവൃത്തിയായ ശബരി സബ് സ്റ്റേഷൻ പാക്കേജിൽ എന്തെല്ലാം പ്രവൃത്തികളാണ് ഉള്‍പ്പെടുത്തിയിരിക്കുന്നതെന്ന് അറിയിക്കാമോ;

(സി)	ട്രാൻസ് ഗ്രിഡ് 2.0 പദ്ധതിയ്ക്കായി ആകെ എത്ര തുക ചെലവ് വരുമെന്നാണ് പ്രതീക്ഷിക്കുന്നതെന്നും പദ്ധതിയുടെ പൂര്‍ത്തീകരണത്തോടെ എന്തെല്ലാം നേട്ടങ്ങളാണ് കൈവരിക്കാൻ സാധിക്കുന്നതെന്നും വ്യക്തമാക്കാമോ?

ട്രാന്‍സ്‍ ഗ്രിഡിന്റെ രണ്ടാംഘട്ടം

*352.

ശ്രീ.മുരളി പെരുനെല്ലി
,, എം. രാജഗോപാലന്‍
,, വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	വനാന്തരങ്ങളിലെ ഒറ്റപ്പെട്ട വീടുകളില്‍ ഉള്‍പ്പെടെ വൈദ്യുതി എത്തിച്ചുകൊണ്ട് രാജ്യത്തിന് മാതൃകയായി സമ്പൂര്‍ണ്ണ വൈദ്യുതീകരണം അഭിമാനാര്‍ഹമായി പൂര്‍ത്തിയാക്കിയതിനെ തുടര്‍ന്ന് വൈദ്യുതി മേഖലയെ ആഗോള നിലവാരത്തിലെത്തിക്കാന്‍ നടത്തിവരുന്ന പ്രവര്‍ത്തനങ്ങള്‍ എന്തെല്ലാമെന്ന് അറിയിക്കാമോ;

(ബി)	സംസ്ഥാനത്തിന്റെ പ്രസരണ ശേഷി ഇരട്ടിപ്പിക്കുകയെന്ന ലക്ഷ്യത്തോടെയുള്ള ട്രാന്‍സ്‍ഗ്രിഡിന്റെ രണ്ടാംഘട്ടം ആരംഭിച്ചിട്ടുണ്ടോ; പദ്ധതിയില്‍ ഉള്‍പ്പെടുത്തിയിട്ടുള്ള ഘടകങ്ങള്‍ എന്തെല്ലാമാണ്?

സഹകരണ ബാങ്കുകള്‍ക്ക് റിസര്‍വ് ബാങ്കിന്റെ നിയന്ത്രണം

*353.

ശ്രീ.പി.ഉബൈദുള്ള
,, പാറക്കല്‍ അബ്ദുല്ല
,, പി.കെ.ബഷീര്‍
,, അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സഹകരണ ബാങ്കുകളുടെ നിയന്ത്രണം റിസര്‍വ് ബാങ്കിന്റെ പരിധിയില്‍ കൊണ്ടുവരാനുള്ള കേന്ദ്രസര്‍ക്കാരിന്റെ നീക്കം ശ്രദ്ധയില്‍പ്പെട്ടിട്ടുണ്ടോ;

(ബി)	ഈ നീക്കം സംസ്ഥാനത്തെ സഹകരണ സ്ഥാപനങ്ങളെ എങ്ങനെ ബാധിക്കുമെന്ന് വിലയിരുത്തിയിട്ടുണ്ടോ; വിശദാംശം നല്‍കുമോ?

പൊതുമേഖലാ സ്ഥാപനങ്ങളുടെ ശക്തീകരണം

*354.

ശ്രീ.എം. സ്വരാജ്
,, കെ.വി.വിജയദാസ്
,, എം. നൗഷാദ്
,, സജി ചെറിയാന്‍ : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പു മന്ത്രി സദയം മറുപടി നല്‍കുമോ:

(എ)	പൊതുമേഖലാ സ്ഥാപനങ്ങളെ ശക്തീകരിക്കുന്നതിന്റെ ഭാഗമായി ഇൗ സര്‍ക്കാര്‍ അധികാരത്തിലെത്തിയ കാലത്ത് തകര്‍ച്ച നേരിട്ടിരുന്ന കെ.എസ്.ഡി.പി.യെ വിപുലീകരണ നവീകരണ പ്രവര്‍ത്തനങ്ങളിലൂടെ ലാഭത്തിലാക്കാന്‍ സാധിച്ചിട്ടുണ്ടോ; ഇൗ സര്‍ക്കാര്‍ കാലയളവില്‍ നടത്തിയ നവീകരണ പ്രവര്‍ത്തനങ്ങള്‍ അറിയിക്കാമോ;

(ബി)	ആയിരം കോടിയോളം രൂപ ചെലവിട്ട് കേരള മിനറല്‍സ് ആന്റ് മെറ്റല്‍സിന്റെ ഉല്പാദനശേഷി വര്‍ദ്ധനവിന് നടത്തുന്ന പ്രവര്‍ത്തനത്തിന്റെ പുരോഗതി അറിയിക്കാമോ;

(സി)	സംസ്ഥാനത്തെ ധാതുനിക്ഷേപം ഫലപ്രദമായി വിനിയോഗിക്കുന്നതിന് ടൈറ്റാനിയം മൂല്യവര്‍ദ്ധിതോല്പന്നങ്ങളുടെ ഇന്‍ഡസ്ട്രിയല്‍ കോംപ്ലക്സ് സ്ഥാപിക്കാനുദ്ദേശിക്കുന്നുണ്ടോ; ഇതിന്റെ വിശദാംശം ലഭ്യമാക്കാമോ?

ബയോ ഡീഗ്രേഡബിള്‍ ഉല്‍പ്പന്നങ്ങളുടെ നിർമ്മാണം

*355.

ശ്രീ. എന്‍ .എ.നെല്ലിക്കുന്ന്
,, കെ.എന്‍.എ ഖാദര്‍
,, മഞ്ഞളാംകുഴി അലി
,, പി.കെ.അബ്ദു റബ്ബ് : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പു മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പ്ലാസ്റ്റിക് ഉല്‍പ്പന്നങ്ങളുടെ നിരോധനം ഏര്‍പ്പെടുത്തിയശേഷം ഇത്തരത്തിലുള്ള ഉല്‍പ്പന്നങ്ങള്‍ നിര്‍മ്മിച്ചിരുന്ന എഴുന്നൂറിലേറെ യൂണിറ്റുകള്‍ക്ക് ബയോ ഡീഗ്രേഡബിള്‍ ഉല്‍പ്പന്നങ്ങള്‍ നിര്‍മ്മിച്ച് വിതരണം ചെയ്യുന്നതിന് സഹായങ്ങള്‍ നല്‍കിയിട്ടുണ്ടോ;

(ബി)	ഇത്തരത്തിലുള്ള ബയോ ഡീഗ്രേഡബിള്‍ ഉല്‍പ്പന്നങ്ങള്‍, കംപോസ്റ്റബിള്‍ പ്ലാസ്റ്റിക് ഉല്‍പ്പന്നങ്ങള്‍ എന്നിവ നിര്‍മ്മിക്കുന്നതിനുള്ള ലൈസന്‍സ് ലഭിക്കുന്നതിനുള്ള നടപടിക്രമങ്ങള്‍ എന്തൊക്കെയെന്ന് അറിയിക്കുമോ;

(സി)	ഇപ്രകാരം ലൈസന്‍സ് ലഭിക്കുന്നതിന് വളരെ കാലതാമസം ഉള്ളതിനാല്‍ സംസ്ഥാനത്തെ വ്യവസായ യൂണിറ്റുകള്‍ പൂട്ടിപ്പോകുന്നതും അതേസമയം ഇതര സംസ്ഥാന ബയോ ഡീഗ്രേഡബിള്‍ വ്യവസായ ലോബി സംസ്ഥാനത്ത് ആധിപത്യം സ്ഥാപിക്കുന്നതും ശ്രദ്ധയില്‍പ്പെട്ടിട്ടുണ്ടോ;

(ഡി)	ഇത് മറികടക്കുവാന്‍ എന്ത് നയമാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ?

സഹകരണ നയം

*356.

ശ്രീ.പി.ടി.എ. റഹീം
,, മുരളി പെരുനെല്ലി
,, പി. ഉണ്ണി
,, ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)

സംസ്ഥാനത്തെ സഹകരണ പ്രസ്ഥാനത്തെ ഏകോപിപ്പിച്ച് ശക്തവും ഊര്‍ജ്ജസ്വലവും സുസ്ഥിരവുമായി കെട്ടിപ്പടുക്കുന്നതിനും അതുവഴി തുല്യതയാര്‍ന്ന സാമൂഹിക സാമ്പത്തിക വികസനം ഉറപ്പാക്കി സമൂഹത്തെ കൂടുതല്‍ ഉയരങ്ങളിലേയ്ക്ക് എത്തിക്കുന്നതിന് പ്രാപ്തമാക്കുന്നതിനുമായി എന്തെല്ലാം കാര്യങ്ങളാണ് സഹകരണ നയത്തില്‍ ഉള്‍പ്പെടുത്തിയിരിക്കുന്നത്;

(ബി)	സഹകരണ മേഖലയില്‍ നടപ്പാക്കുന്ന വിവിധ പദ്ധതികളുടെ ഭരണ നിര്‍വ്വഹണത്തില്‍ പരമാവധി ജനപങ്കാളിത്തം ഉറപ്പ് വരുത്തുന്നതിനും പ്രസ്തുത പദ്ധതികളുടെ ആസൂത്രണത്തിലും സംഘാടനത്തിലും നടത്തിപ്പിലും ജനങ്ങളെ ഉള്‍ച്ചേര്‍ക്കുന്നതിനുമായി സഹകരണ നയത്തില്‍ ഉള്‍പ്പെടുത്തിയിട്ടുള്ള സുപ്രധാന കാര്യങ്ങള്‍ വിശദമാക്കാമോ;

(സി)	സഹകരണ സ്ഥാപനങ്ങളുടെ ഭരണ നിര്‍വ്വഹണം സുതാര്യവും കാര്യക്ഷമവുമാക്കാന്‍ എന്തെല്ലാം നിര്‍ദ്ദേശങ്ങളാണ് നല്‍കിയിട്ടുള്ളതെന്ന് വ്യക്തമാക്കാമോ?

വേനല്‍ക്കാലത്തെ വൈദ്യുതി ഉപഭോഗം

*357.

ശ്രീ.സണ്ണി ജോസഫ്
,, വി.ഡി.സതീശന്‍
,, തിരുവഞ്ചൂര്‍ രാധാകൃഷ്ണന്‍
,, കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വേനല്‍ക്കാലം കടുത്തതോടുകൂടി വൈദ്യുതി ഉപയോഗത്തില്‍ വന്‍ വര്‍ദ്ധന ഉണ്ടാകുന്നുണ്ടോ;

(ബി)	ഫെബ്രുവരി മാസം സംസ്ഥാനത്ത് റിക്കാര്‍ഡ് വൈദ്യുതി ഉപഭോഗം രേഖപ്പെടുത്തിയിട്ടുണ്ടോ; എങ്കിൽ എന്നാണ് ഇതെന്നും എത്രയെന്നും വ്യക്തമാക്കാമോ; ഇതില്‍ ആഭ്യന്തര ഉല്പാദനത്തിന്റെ പങ്ക് എത്രയായിരുന്നു;

(സി)	പുറമേ നിന്ന് വാങ്ങുന്ന വൈദ്യുതിക്ക് യൂണിറ്റിന് എന്ത് വിലയാണ് നല്‍കേണ്ടത്;

(ഡി)	കഴിഞ്ഞ വര്‍ഷത്തെ അപേക്ഷിച്ച് വൈദ്യുതി ഉപഭോഗത്തില്‍ വന്‍ വര്‍ദ്ധനവ് ഉണ്ടാകുന്നതിനുളള കാരണം എന്താണെന്ന് കണ്ടെത്തിയിട്ടുണ്ടോ;

(ഇ)	എല്‍.ഇ.ഡി. ലാമ്പുകള്‍ വ്യാപകമായി വിതരണം ചെയ്തിട്ടും വൈദ്യുതി ഉപഭോഗത്തില്‍ കുറവ് ഉണ്ടാകാത്തത് എന്തുകൊണ്ടാണെന്ന് വിശദമാക്കുമോ?

നികുതി പിരിവ് കാര്യക്ഷമമാക്കാന്‍ നടപടി

*358.

ശ്രീ.കെ.സുരേഷ് കുറുപ്പ്
,, എസ്.ശർമ്മ
,, സി.കെ. ഹരീന്ദ്രന്‍
,, വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന സമ്പദ് വ്യവസ്ഥ കെെവരിച്ച വളര്‍ച്ചക്കനുസൃതമായി നികുതി വരുമാനത്തില്‍ വര്‍ദ്ധനവ് കെെവരിക്കാന്‍ കഴിയാതെ പോയതിന്റെ കാരണങ്ങള്‍ വിശകലനം ചെയ്തിരുന്നോ;

(ബി)	വ്യാപാരി സൗഹൃ‌ദ നയമെന്ന പ്രഖ്യാപിത നിലപാട് കെെക്കൊള്ളുമ്പോള്‍ത്തന്നെ ഉപഭോക്താക്കളില്‍ നിന്നും സമാഹരിക്കുന്ന നികുതി പൂര്‍ണ്ണമായും സര്‍ക്കാരിന് ലഭിക്കുന്നുവെന്നുറപ്പ് വരുത്താന്‍ സ്വീകരിച്ചുവരുന്ന നടപടികളെക്കുറിച്ച് അറിയിക്കാമോ;

(സി)	ഉപഭോക്തൃ പ്രധാന സംസ്ഥാനമെന്ന നിലയ്ക്ക് അന്തര്‍ സംസ്ഥാന വ്യാപാരത്തിന്റെ വിവരശേഖരണത്തിനും താരതമ്യ പരിശോധനയ്ക്കും കാര്യക്ഷമമായ കമ്പ്യൂട്ടര്‍ അധിഷ്ഠിത സംവിധാനം ഏര്‍പ്പെടുത്തിയിട്ടുണ്ടോ;

(ഡി)	ചരക്ക് സേവന നികുതി വകുപ്പ് അഴിമതിമുക്തമാക്കുന്നതിന് കെെക്കൊണ്ടിട്ടുള്ള നടപടികള്‍ എന്തെല്ലാമാണെന്ന് വെളിപ്പെടുത്താമോ?

സൂക്ഷ്മ-ചെറുകിട-ഇടത്തരം വ്യവസായങ്ങളുടെ പ്രോത്സാഹനം

*359.

ശ്രീ.ഇ.ടി. ടൈസണ്‍ മാസ്റ്റര്‍
,, കെ. രാജന്‍
ശ്രീമതി ഗീതാ ഗോപി
ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പു മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സൂക്ഷ്മ-ചെറുകിട-ഇടത്തരം വ്യവസായങ്ങളെ പ്രോത്സാഹിപ്പിക്കുന്നതിന് ഈ സര്‍ക്കാര്‍ സ്വീകരിക്കുന്ന നടപടികള്‍ വിശദമാക്കുമോ;

(ബി)	എം.എസ്.എം.ഇ. വ്യവസായങ്ങള്‍ തുടങ്ങി മൂന്ന് വര്‍ഷത്തിനകം വിവിധ അനുമതികള്‍ നേടിയാല്‍ മതിയെന്ന വ്യവസ്ഥ ഉള്‍പ്പെടുന്ന 2019ലെ കേരള സൂക്ഷ്മ-ചെറുകിട-ഇടത്തരം വ്യവസായങ്ങള്‍ സുഗമമാക്കല്‍ നിയമത്തിന്റെ പ്രധാന സവിശേഷതകള്‍ വിശദമാക്കുമോ;

(സി)	പ്രസ്തുത നിയമം നടപ്പാക്കുന്നതിനുളള ചട്ടങ്ങള്‍ രൂപീകരിച്ചിട്ടുണ്ടോ; എങ്കില്‍ എന്ന് മുതല്‍ പ്രാബല്യത്തില്‍ വന്നെന്നറിയിക്കുമോ;

(ഡി)	പുതിയ നിയമപ്രകാരം പത്ത് കോടി രൂപ മുതല്‍മുടക്കുളള എം.എസ്.എം.ഇ. വ്യവസായ സ്ഥാപനങ്ങള്‍ തുടങ്ങുന്നതിനുളള അപേക്ഷ നോഡല്‍ ഏജന്‍സി സ്വീകരിച്ച് തുടങ്ങിയിട്ടുണ്ടോ; വിവരങ്ങള്‍ അറിയിക്കുമോ;

(ഇ)	വ്യവസായം ആരംഭിക്കുന്നതിന് വിവിധ ക്ലിയറന്‍സുകള്‍ ലഭ്യമാക്കുന്നതിനുളള ഓണ്‍ലൈന്‍ സംവിധാനമായ കെ-സ്വിഫ്റ്റ് പുതിയ നിയമം അനുസരിച്ചുളള മാറ്റങ്ങള്‍ ഉള്‍പ്പെടുത്തി പരിഷ്ക്കരിച്ചിട്ടുണ്ടോ; വ്യക്തമാക്കുമോ?

പാരമ്പര്യ വ്യവസായങ്ങള്‍ക്ക് പ്രത്യേക പദ്ധതി

*360.

ശ്രീ.കെ.എസ്.ശബരീനാഥന്‍
ശ്രീമതിഷാനിമോള്‍ ഉസ്മാന്‍
ശ്രീ.പി.ടി. തോമസ്
,, റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പു മന്ത്രി സദയം മറുപടി നല്‍കുമോ:

(എ)	യുവാക്കളെ തൊഴില്‍ അന്വേഷകരില്‍ നിന്നും തൊഴില്‍ ദാതാക്കളാക്കി മാറ്റുമെന്ന ലക്ഷ്യത്തോടെ പ്രാവര്‍ത്തികമാക്കുന്ന നടപടികള്‍ എന്തൊക്കെയാണ്;

(ബി)	പാരമ്പര്യ വ്യവസായങ്ങള്‍ക്ക് പ്രത്യേക പദ്ധതി രൂപപ്പെടുത്തുമെന്ന പ്രഖ്യാപനം പ്രാവര്‍ത്തികമാക്കുവാന്‍ കഴിഞ്ഞിട്ടുണ്ടോ; അതിലൂടെ പ്രസ്തുത മേഖലയിലുണ്ടായ ഉണര്‍വ് വിശദമാക്കുമോ;

(സി)	വ്യവസായ പാര്‍ക്കുകളില്‍ ഭൂമി അനുവദിക്കുന്നതിലുള്ള അലോട്ട്‍മെന്റ് പോളിസി തയ്യാറാക്കിയിട്ടുണ്ടോ; വിശദാംശം നല്‍കുമോ?

Website maintained by Information System Section, Kerala Legislative Assembly, Thiruvananthapuram.