14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >19^th Session>starred Questions and Answers

Answer Provided

Answer Not Yet Provided

FOURTEENTH KLA - 19^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

വില്ലേജ് ഓഫീസുകളെ ജനസൗഹൃദമാക്കുന്ന പ്രവര്‍ത്തനം

*391.

ശ്രീ.രാജു എബ്രഹാം
,, എം. സ്വരാജ്
,, കെ. ബാബു
,, പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സുതാര്യത ഉറപ്പാക്കിക്കൊണ്ട് റവന്യൂ ഓഫീസുകളെ അഴിമതിമുക്തമാക്കുന്നതിനും നല്‍കുന്ന സേവനങ്ങളുടെ ഗുണനിലവാരം ഉയര്‍ത്തുകയെന്ന ലക്ഷ്യത്തോടെയും നടത്തുന്ന ആധുനികീകരണ പ്രവര്‍ത്തനങ്ങള്‍ എന്തൊക്കെയെന്ന് അറിയിക്കാമോ; വില്ലേജ് ഓഫീസുകളെ ജനസൗഹൃദ ഓഫീസുകളാക്കുന്ന പ്രവര്‍ത്തനം പൂര്‍ത്തിയായോയെന്ന് അറിയിക്കുമോ;

(ബി)	ഡിജിറ്റല്‍ ഇന്‍ഡ്യ ലാന്‍ഡ് റെക്കോര്‍ഡ്സ് മോഡണൈസേഷന്‍ പ്രോഗ്രാമിന്റെ ഭാഗമായി സംസ്ഥാനത്ത് നടപ്പാക്കിയിട്ടുള്ള പ്രവര്‍ത്തനങ്ങള്‍ എന്തെല്ലാമാണ്;

(സി)	സംയോജിത ഭൂവിവര വ്യവസ്ഥ (ഇന്‍റഗ്രേറ്റഡ് ലാന്റ് ഇന്‍ഫര്‍മേഷന്‍ സിസ്റ്റം) സംസ്ഥാനത്ത് നടപ്പാക്കിയിട്ടുണ്ടോ; എങ്കില്‍ ഇതുവഴി ലക്ഷ്യമാക്കുന്ന നേട്ടം അറിയിക്കാമോ;

(ഡി)	വില്ലേജ് ഓഫീസുകള്‍ മുതലുള്ള റവന്യൂ ഓഫീസുകളില്‍ നിന്ന് ലഭിക്കേണ്ട സേവനങ്ങള്‍ സംബന്ധിച്ച് പരാതി ഓണ്‍ലൈനായി സമര്‍പ്പിക്കാനുള്ള R-MITRAM സംബന്ധിച്ച് വിശദമാക്കാമോ?

പൊതുമരാമത്ത് വകുപ്പിലെ സോഷ്യല്‍ ഓഡിറ്റിംഗ്

*392.

ശ്രീ.കെ.സി.ജോസഫ്
,, അനില്‍ അക്കര
,, വി.ടി.ബല്‍റാം
ശ്രീമതിഷാനിമോള്‍ ഉസ്മാന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പില്‍ ഏർപ്പെടുത്തിയ സോഷ്യല്‍ ഓഡിറ്റിംഗ് മുഖാന്തരം പ്രസ്തുത വകുപ്പിന്റെ പ്രവർത്തനത്തില്‍ ഉണ്ടായിട്ടുള്ള മാറ്റങ്ങള്‍ വിശദമാക്കാമോ;

(ബി)	ഇതുമൂലം വകുപ്പിലെ അഴിമതി കുറയ്ക്കുന്നതിനും പ്രവൃത്തികളുടെ ഗുണനിലവാരം ഉയർത്തുന്നതിനും നിർമ്മാണച്ചെലവില്‍ കാര്യമായ കുറവുണ്ടാക്കുന്നതിനും സാധിച്ചിട്ടുണ്ടോ;

(സി)	വകുപ്പിലെ ചില എഞ്ചിനീയര്‍മാരും കോൺട്രാക്ടർമാരും തമ്മിലുള്ള അവിശുദ്ധ ബന്ധം വകുപ്പില്‍ നടപ്പിലാക്കുന്ന പരിഷ്ക്കാരങ്ങള്‍ക്ക് വിഘാതം സൃഷ്ടിക്കുന്നതായി കണ്ടെത്തിയിട്ടുണ്ടോ; എങ്കിൽ ഇക്കാര്യത്തില്‍ സ്വീകരിച്ച നടപടികള്‍ എന്തെല്ലാമാണെന്ന് വെളിപ്പെടുത്താമോ;

(ഡി)	പൊതുമരാമത്ത് വകുപ്പിനെ ഒരു മാതൃകാ വകുപ്പാക്കുന്നതിന് ഉദ്ദേശ്യമുണ്ടോ; ഉണ്ടെങ്കില്‍ ഇക്കാര്യത്തിനായി സ്വീകരിക്കുവാൻ പോകുന്ന നടപടികള്‍ എന്തൊക്കെയാണെന്ന് അറിയിക്കാമോ?

മത്സ്യക്ഷാമം കാരണമുള്ള ബുദ്ധിമുട്ടുകള്‍

*393.

ശ്രീ.പി.കെ.അബ്ദു റബ്ബ്
,, എന്‍. ഷംസുദ്ദീന്‍
,, സി.മമ്മൂട്ടി
,, എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	മത്സ്യക്ഷാമം കാരണം മത്സ്യബന്ധന തൊഴിലാളി കുടുംബങ്ങള്‍ നിത്യവൃത്തിക്ക് വകയില്ലാതെ ബുദ്ധിമുട്ടിലാണെന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇത് ദൂരീകരിക്കാന്‍ എന്തെല്ലാം നടപടികള്‍ സ്വീകരിച്ചു;

(സി)	ഇക്കാര്യത്തിൽ ഇനിയും സ്വീകരിക്കാന്‍ ഉദ്ദേശിക്കുന്ന നടപടികള്‍ എന്തെല്ലാമാണെന്ന് വിശദമാക്കുമോ?

വിദ്യാര്‍ത്ഥികളുടെ കഴിവുകള്‍ വികസിപ്പിക്കുന്നതിനുള്ള ഇടപെടലുകള്‍

*394.

ശ്രീ.ഇ.ടി. ടൈസണ്‍ മാസ്റ്റര്‍
ശ്രീമതി ഗീതാ ഗോപി
ശ്രീ.ജി.എസ്.ജയലാല്‍
,, എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പല കാരണങ്ങളാല്‍ പഠനത്തില്‍ മികവ് പുലര്‍ത്താന്‍ കഴിയാത്ത വിദ്യാര്‍ത്ഥികളുടെ കഴിവുകള്‍ വികസിപ്പിക്കുന്നതിനുള്ള വികേന്ദ്രീകൃതവും വ്യക്ത്യധിഷ്ഠിതവുമായ ഇടപെടലുകള്‍ പൊതുവിദ്യാഭ്യാസ മേഖലയില്‍ നടക്കുന്നുണ്ടോ; വിശദമാക്കുമോ;

(ബി)	തകര്‍ന്ന കുടുംബങ്ങളില്‍ നിന്നുള്ള കുട്ടികള്‍, അനാഥരായ കുട്ടികള്‍, മാതാപിതാക്കളാല്‍ പീഡിപ്പിക്കപ്പെട്ട കുട്ടികള്‍ തുടങ്ങിയവര്‍ക്ക് പ്രത്യേക പരിഗണന നല്‍കി അവരുടെ വികാസത്തിന് പദ്ധതികള്‍ ആവിഷ്ക്കരിച്ചിട്ടുണ്ടോ; വ്യക്തമാക്കുമോ;

(സി)	ഇത്തരം കുട്ടികളുടെ സാമൂഹ്യ, സാമ്പത്തിക, വൈകാരിക പ്രശ്നങ്ങള്‍ മനസ്സിലാക്കാനുള്ള കഴിവ് നേടുന്നതിനുള്ള പ്രത്യേക പരിശീലനം അദ്ധ്യാപകര്‍ക്ക് നല്‍കുമോ; വ്യക്തമാക്കുമോ;

(ഡി)	ഗണിതശാസ്ത്രത്തില്‍ പ്രത്യേക ശ്രദ്ധ നല്‍കുന്നതിന്റെ ഭാഗമായി ഈ ശാസ്ത്രശാഖയില്‍ അടിസ്ഥാനം നേടിയിട്ടില്ലാത്ത വിദ്യാര്‍ത്ഥികളുടെ കാര്യത്തില്‍ പ്രത്യേക ഊന്നല്‍ നല്‍കുന്നുണ്ടോ; വ്യക്തമാക്കുമോ?

സര്‍ക്കാര്‍ ഭൂമി സംബന്ധിച്ച വിവരശേഖരണം

*395.

ശ്രീ.എസ്.രാജേന്ദ്രന്‍
,, പി.ടി.എ. റഹീം
,, കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഉപയോഗിക്കാതെ കിടക്കുന്ന സര്‍ക്കാര്‍ ഭൂമിയും പുറമ്പോക്കു ഭൂമിയും ഉടമസ്ഥരില്ലാത്ത ഭൂമിയും സംബന്ധിച്ച വിവരങ്ങള്‍ ക്രോഡീകരിക്കുന്നതിനും സംരക്ഷിക്കുന്നതിനും നിര്‍ദ്ദേശം നല്‍കിക്കൊണ്ടുള്ള ഉത്തരവ് പുറപ്പെടുവിച്ചിട്ടുണ്ടോ; വിശദാംശം നല്‍കുമോ;

(ബി)

സംസ്ഥാനത്തെ കേന്ദ്ര പൊതുമേഖലാ സ്ഥാപനങ്ങളുടെ കെെവശത്തിലുള്ള വസ്തുവകകളുടെ വിവരശേഖരണം നടത്തുന്നതിനും അതിന്റെ അടിസ്ഥാനത്തില്‍ വിറ്റഴിക്കാനോ അന്യാധീനപ്പെടുത്താനോ തീരുമാനിച്ച ഇത്തരം വസ്തുവകകളിന്മേല്‍ സംസ്ഥാന സര്‍ക്കാരിനുള്ള അവകാശം സംരക്ഷിക്കുന്നതിനുള്ള നടപടിക്രമങ്ങള്‍ സ്വീകരിക്കുന്നതിനും മോണിട്ടറിംഗ് സെല്‍ രൂപീകരിച്ചിട്ടുണ്ടോ; വിശദവിവരങ്ങള്‍ നല്‍കുമോ?

പാഠം ഒന്ന് പാടത്തേക്ക് പദ്ധതി

*396.

ശ്രീ.എം. രാജഗോപാലന്‍
,, സി.കൃഷ്ണന്‍
,, യു. ആര്‍. പ്രദീപ്
,, ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പഠനത്തില്‍ നാട്ടറിവുകളും കാര്‍ഷിക സംസ്കൃതിയും പകര്‍ന്ന് നല്‍കുന്നതിന്റെ ഭാഗമായി 'പാഠം ഒന്ന് പാടത്തേക്ക്' പദ്ധതി പ്രാവര്‍‌ത്തികമാക്കിയിട്ടുണ്ടോ;

(ബി)	കുട്ടികള്‍ക്ക് നേര്‍ അനുഭവങ്ങളിലൂടെ സാമൂഹ്യപ്രശ്നങ്ങളില്‍ ഇടപെടുന്നതിന് പ്രാപ്തി നേടാനും കുട്ടികളില്‍ പരിസ്ഥിതി സംരക്ഷണത്തിന്റെ പ്രാധാന്യവും ശാസ്ത്രബോധവും സൃഷ്ടിക്കുന്നതിനും പരിപാടിയുണ്ടോ;

(സി)	കണക്ക്, ഇംഗ്ലീഷ് തുടങ്ങിയ വിഷയങ്ങള്‍ ക്ലാസ് മുറിയ്ക്ക് പുറത്തുള്ള പഠന പ്രവര്‍ത്തനങ്ങളിലൂടെ രസകരമാക്കി പഠന പിന്നാക്കാവസ്ഥ പരിഹരിക്കാന്‍ കഴിയുമോ എന്നത് സംബന്ധിച്ച് പഠനം നടത്തിയിട്ടുണ്ടോ എന്നറിയിക്കാമോ?

കശുവണ്ടി വ്യവസായ പുനരുദ്ധാരണം

*397.

ശ്രീ.കെ.യു. ജനീഷ് കുമാര്‍
,, സജി ചെറിയാന്‍
ശ്രീമതിപി. അയിഷാ പോറ്റി
ശ്രീ.എം. മുകേഷ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കശുവണ്ടി വ്യവസായ പുനരുദ്ധാരണത്തിന് മുഖ്യമന്ത്രിയുടെ നേതൃത്വത്തില്‍ ബാങ്കേഴ്സ് സമിതിയുമായി നടത്തിയ ചര്‍ച്ചയില്‍ വായ്പ കുടിശികയ്ക്ക് ഒരു വര്‍ഷത്തെ മൊറട്ടോറിയം നല്‍കണമെന്ന ആവശ്യത്തോട് ബാങ്കുകള്‍ അനുകൂലമായി പ്രതികരിച്ചിട്ടുണ്ടോ; വായ്പാ പലിശക്ക് സര്‍ക്കാര്‍ സബ്സിഡി നല്‍കുന്നുണ്ടോ;

(ബി)	കശുവണ്ടി വ്യവസായ പുനരുദ്ധാരണത്തിന് പ്രഖ്യാപിച്ചിട്ടുള്ള പാക്കേജിനെക്കുറിച്ച് അറിയിക്കാമോ; ഇതിന്റെ ഫലമായി എത്ര സ്വകാര്യ ഫാക്ടറികള്‍ തുറന്നു പ്രവര്‍ത്തിക്കാനിടയായെന്ന് അറിയിക്കാമോ;

(സി)	രജിസ്റ്റര്‍ ചെയ്യാത്ത ഫാക്ടറികളുടെയും കുടിവറുപ്പുശാലകളുടെയും പ്രവര്‍ത്തനം നിയന്ത്രിക്കാനായിട്ടുണ്ടോ;

(ഡി)	തോട്ടണ്ടി ക്ഷാമത്തിന് പരിഹാരം കാണുന്നതിന് കാഷ്യുബോര്‍ഡിന്റെ പ്രവര്‍ത്തനം ശക്തീകരിക്കാന്‍ സര്‍ക്കാര്‍ നടത്തുന്ന ഇടപെടലുകള്‍ എന്തെല്ലാമാണെന്ന് അറിയിക്കാമോ?

ആരാധനാലയങ്ങള്‍ക്ക് കൈവശഭൂമി പതിച്ചു നല്‍കുന്നതിന് നടപടി

*398.

ശ്രീ.മോന്‍സ്‌ ജോസഫ്
,, പി.ജെ.ജോസഫ്
,, സി.എഫ്.തോമസ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ആരാധനാലയങ്ങളുടെ കൈവശമുള്ള രേഖയില്ലാത്ത ഭൂമി പതിച്ചു നല്‍കുന്നതിന് ആവശ്യമായ നടപടി സ്വീകരിക്കുമോ;

(ബി)	പാട്ടത്തിനോ മറ്റേതെങ്കിലും വ്യവസ്ഥകള്‍ പ്രകാരമോ ആരാധനാലയങ്ങളുടെ കൈവശ ഭൂമി അനുബന്ധ രേഖകളുടെ അടിസ്ഥാനത്തില്‍ വിവേചനാധികാരം ഉപയോഗിച്ച് പതിച്ച് നല്‍കാന്‍ നടപടി സ്വീകരിക്കുമോ;

(സി)	പ്രത്യേക നിയമ നിര്‍മ്മാണമോ ചട്ടഭേദഗതിയോ കൊണ്ടുവന്ന് ഭൂമി ആരാധനാലയങ്ങള്‍ക്ക് തന്നെ തിരിച്ചു നല്‍കുന്നതിന് ഉദ്യോഗസ്ഥരെ ചുമതലപ്പെടുത്തിയിട്ടുണ്ടോ എന്ന് വ്യക്തമാക്കാമോ;

(ഡി)	പ്രസ്തുത ഭൂമി വാണിജ്യാവശ്യത്തിനായി ഉപയോഗിക്കാന്‍ പാടില്ലായെന്നും കൈമാറ്റം ചെയ്യാന്‍ പാടില്ലായെന്നും വ്യവസ്ഥയുണ്ടോ;

(ഇ)	ഈ ഭൂമിയില്‍ ആരാധനാലയങ്ങളുമായി ബന്ധപ്പെട്ട ആവശ്യത്തിന് കെട്ടിടം പണിയുന്നതിന് തടസ്സമുണ്ടോ; വ്യക്തമാക്കുമോ;

(എഫ്)

ഇത്തരം ഭൂമി പാട്ടത്തിന് ലഭിച്ചതാണെങ്കില്‍ പുതുക്കി നല്‍കുമോയെന്ന് അറിയിക്കാമോ?

നൂതന റോഡുനിര്‍മ്മാണ രീതികൾ

*399.

ശ്രീ.ജെയിംസ് മാത്യു
,, വി. കെ. സി. മമ്മത് കോയ
,, ആര്‍. രാജേഷ്
,, ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	അതിതീവ്ര പ്രളയം സൃഷ്ടിച്ച കെടുതി അതിജീവിച്ചുകൊണ്ട് സംസ്ഥാനത്തെ റോഡ് ശൃംഖലയുടെ ദെെര്‍ഘ്യം ഗണ്യമായി വിപുലീകരിക്കുന്നതിനും ഗുണനിലവാരം മികച്ചതാക്കുന്നതിനും സാധ്യമായിട്ടുണ്ടോയെന്ന് വ്യക്തമാക്കുമോ;

(ബി)	ദീര്‍ഘകാലം ഇൗടുനില്‍ക്കുന്നതും അപകട സാധ്യത കുറഞ്ഞതും കാല്‍നടക്കാര്‍ക്കും ഇരുചക്രവാഹനങ്ങള്‍ക്കും ഉള്‍പ്പെടെ സുരക്ഷിത സഞ്ചാരപാതയൊരുക്കിക്കൊണ്ടുളളതുമായ ഡിസെെന്‍ഡ് റോഡുകളുടെ നിര്‍മ്മാണത്തിന് രൂപരേഖ ആയിട്ടുണ്ടോ;

(സി)	റബ്ബര്‍ മിശ്രിതം, പ്ലാസ്റ്റിക് വേസ്റ്റ് തുടങ്ങിയ നിര്‍മ്മാണ സാമഗ്രികളുടെ ഉപയോഗം വര്‍ദ്ധിപ്പിക്കുന്നതിനും അത്യാധുനിക നിര്‍മ്മാണരീതി പ്രായോഗികമാക്കുന്നതിനും പദ്ധതിയുണ്ടോ;

(ഡി)	ഉദ്യോഗസ്ഥര്‍ക്കും കരാറുകാര്‍ക്കും നൂതന സാങ്കേതികവിദ്യകളും നിര്‍മ്മാണ രീതികളും പരിചിതമാക്കുന്നതിന് സൗകര്യം ഏര്‍പ്പെടുത്തിയിട്ടുണ്ടോയെന്ന് അറിയിക്കുമോ?

രജിസ്ട്രേഷന്‍ വകുപ്പില്‍ ഏര്‍പ്പെടുത്തിയ സേവനങ്ങള്‍

*400.

ശ്രീ.എ.പി. അനില്‍ കുമാര്‍
,, അനില്‍ അക്കര
,, അന്‍വര്‍ സാദത്ത്
,, ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	രജിസ്ട്രേഷന്‍ വകുപ്പില്‍ എന്തെല്ലാം പുതിയ സേവനങ്ങളാണ് ഈ സര്‍ക്കാര്‍ ഏര്‍പ്പെടുത്തിയിട്ടുള്ളതെന്ന് വ്യക്തമാക്കുമോ;

(ബി)	രജിസ്ട്രേഷന്‍ വകുപ്പില്‍ വരുത്തിയ പുതിയ പരിഷ്ക്കാരങ്ങള്‍ മൂലം ഇടനിലക്കാരുടെ ഇടപെടലില്‍ കുറവ് വന്നിട്ടുണ്ടോ; എങ്കിൽ വിശദാംശങ്ങള്‍ ലഭ്യമാക്കാമോ?

മത്സ്യത്തൊഴിലാളികള്‍ക്ക് സുരക്ഷിത ഭവനം

*401.

ശ്രീ.കെ. ദാസന്‍
,, എസ്.ശർമ്മ
,, കെ. ആന്‍സലന്‍
,, എം. നൗഷാദ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)

പ്രളയകാലത്ത് കേരളീയരുടെ രക്ഷാസൈന്യമായി വര്‍ത്തിച്ച മത്സ്യത്തൊഴിലാളികളെ സംരക്ഷിക്കുമെന്ന സര്‍ക്കാര്‍ വാഗ്ദാനം പാലിച്ചുകൊണ്ട് അവര്‍ക്കായി സുരക്ഷിത ഭവനമൊരുക്കുന്ന പദ്ധതിക്ക് പ്രാരംഭം കുറിച്ചിട്ടുണ്ടോ; പദ്ധതിക്കായി എത്ര തുക മുഖ്യമന്ത്രിയുടെ ദുരിതാശ്വാസനിധിയില്‍ നിന്നുള്‍പ്പെടെ നല്‍കുമെന്ന് അറിയിക്കാമോ; എത്ര വീടുകളുടെ നിര്‍മ്മാണമാണ് ആസൂത്രണം ചെയ്തിരിക്കുന്നത്;

(ബി)	പുനര്‍ഗേഹം പദ്ധതിയോടൊപ്പം അവരുടെ തൊഴില്‍ സൗകര്യങ്ങള്‍ നവീകരിക്കുന്നതിനും വര്‍ദ്ധിപ്പിക്കുന്നതിനും പദ്ധതി ആവിഷ്കരിച്ചിട്ടുണ്ടോ;

(സി)	കടലാക്രമണത്തില്‍ ഭവനരഹിതരായ മത്സ്യത്തൊഴിലാളി കുടുംബങ്ങളെയെല്ലാം പുനരധിവസിപ്പിക്കാന്‍ നടപടിയെടുത്തിരുന്നോയെന്ന് വ്യക്തമാക്കാമോ?

കടലില്‍ കൃത്രിമ പാരുകള്‍ നിക്ഷേപിക്കുന്ന പദ്ധതി

*402.

ശ്രീ.കെ.എം.ഷാജി
,, കെ.എന്‍.എ ഖാദര്‍
,, അബ്ദുല്‍ ഹമീദ് പി.
ഡോ.എം. കെ. മുനീര്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കടലിലെ മത്സ്യസമ്പത്ത് വര്‍ദ്ധിപ്പിക്കുന്നതിനായി മത്സ്യങ്ങള്‍ക്ക് ആവാസ വ്യവസ്ഥയൊരുക്കുവാനുള്ള കൃത്രിമപാരുകള്‍ നിക്ഷേപിക്കുന്ന പദ്ധതി സംസ്ഥാനത്ത് പൂര്‍ത്തിയാക്കിയിട്ടുണ്ടോ;

(ബി)	ഇപ്രകാരം കൃത്രിമ പാര് എവിടെയൊക്കെയാണ് നിക്ഷേപിച്ചതെന്നും ഇതിനായി എത്ര തുക ഏത് ശീര്‍ഷകത്തില്‍ നിന്നാണ് ചെലവഴിച്ചതെന്നും അറിയിക്കാമോ;

(സി)	കൃത്രിമ പാരുകള്‍ നിക്ഷേപിക്കുന്നതിനായി ചുമതലപ്പെടുത്തിയത് ഏത് ഏജന്‍സിയെയാണ്; വ്യക്തമാക്കുമോ?

വരള്‍ച്ചയെ നേരിടാനുള്ള തയ്യാറെടുപ്പ്

*403.

ശ്രീ.പി. ഉണ്ണി
,, കെ.സുരേഷ് കുറുപ്പ്
,, കെ.വി.വിജയദാസ്
,, സി. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	കഴിഞ്ഞ രണ്ടു വര്‍ഷം ആവര്‍ത്തിച്ച കടുത്ത വരള്‍ച്ചയുടെ പശ്ചാത്തലത്തില്‍, ഈ വര്‍ഷം വേനല്‍ ആരംഭത്തില്‍ത്തന്നെ ശരാശരിയിലും വര്‍ദ്ധിച്ച തോതിലുള്ള താപനില കണക്കിലെടുത്ത് വരള്‍ച്ചയെ നേരിടാന്‍ തയ്യാറെടുപ്പ് നടത്തിയിട്ടുണ്ടോ;

(ബി)	വരള്‍ച്ച ദുരിതാശ്വാസ പ്രവര്‍ത്തനങ്ങള്‍ക്കായി മാര്‍ഗനിര്‍ദ്ദേശം പുറപ്പെടുവിച്ചിട്ടുണ്ടോ;

(സി)	കാലാവസ്ഥ പ്രവചനം കൂടുതല്‍ കൃത്യതയാര്‍ന്നതാക്കുന്നതിന് ആധുനികോപകരണങ്ങള്‍ ഏര്‍പ്പെടുത്തി നിരീക്ഷണ സംവിധാനം വ്യാപിപ്പിക്കാന്‍ കേന്ദ്ര കാലാവസ്ഥ വകുപ്പിനോട് ആവശ്യപ്പെട്ടിട്ടുണ്ടോ;

(ഡി)	കഴിഞ്ഞ രണ്ടു വര്‍ഷം വരള്‍ച്ചയുടെ ഫലമായുണ്ടായ വിളനാശം എത്രയായിരുന്നു; കേന്ദ്ര സര്‍ക്കാര്‍ എത്ര ധനസഹായം ലഭ്യമാക്കിയെന്ന് അറിയിക്കാമോ?

രാസവസ്തുക്കള്‍ ചേര്‍ത്ത മത്സ്യത്തിന്റെ പരിശോധന

*404.

ശ്രീ.സജി ചെറിയാന്‍
,, ജെയിംസ് മാത്യു
,, ബി.സത്യന്‍
,, എം. സ്വരാജ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)

സംസ്ഥാനത്ത് വില്‍പനയ്ക്കെത്തുന്ന മത്സ്യത്തില്‍ ഫോര്‍മാലിന്‍, അമോണിയ തുടങ്ങിയ രാസവസ്തുക്കള്‍ ചേര്‍ത്തിട്ടുണ്ടെങ്കില്‍ അവ പൊതുജനങ്ങള്‍ക്ക് പരിശോധിച്ച് മനസ്സിലാക്കുന്നതിനായി സെന്‍ട്രല്‍ ഇന്‍സ്റ്റിറ്റ്യൂട്ട് ഓഫ് ഫിഷറീസ് ടെക്നോളജി പേപ്പര്‍ സ്ട്രിപ്പ് സാങ്കേതിക വിദ്യ വികസിപ്പിച്ചെടുത്തിട്ടുണ്ടോ; അറിയിക്കാമോ;

(ബി)	പ്രസ്തുത പരിശോധനയ്ക്കായുളള ഒരു കിറ്റിന് എത്ര രൂപയാണ് നിശ്ചയിച്ചിട്ടുള്ളതെന്നും സംസ്ഥാനത്തൊട്ടാകെ ഇത് ലഭ്യമാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്നും വ്യക്തമാക്കുമോ?

പൊതു വിദ്യാഭ്യാസ സംരക്ഷണ യജ്ഞം

*405.

ശ്രീ.കോവൂര്‍ കുഞ്ഞുമോന്‍
,, കെ.ബി.ഗണേഷ് കുമാര്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി ഈ സര്‍ക്കാര്‍ നടപ്പിലാക്കിയ സമഗ്രപദ്ധതികള്‍ വിശദീകരിക്കുമോ;

(ബി)	വരുന്ന സാമ്പത്തിക വര്‍ഷത്തില്‍ ഈ മേഖലയില്‍ നടപ്പിലാക്കുവാന്‍ വിഭാവനം ചെയ്യുന്ന പ്രധാന പദ്ധതികള്‍ എന്തൊക്കെയെന്ന് വ്യക്തമാക്കുമോ?

മലയോര ഹൈവേയുടെ നിര്‍മ്മാണം

*406.

പ്രൊഫ.ആബിദ് ഹുസൈന്‍ തങ്ങള്‍
ശ്രീ.എം.ഉമ്മര്‍
,, പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് മലയോര ഹൈവേയുടെ നിര്‍മ്മാണം പല സ്ഥലങ്ങളിലും മുടങ്ങിക്കിടക്കുന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഏതെല്ലാം ഭാഗങ്ങളിലാണ് നിര്‍മ്മാണം മുടങ്ങിക്കിടക്കുന്നത്; നിര്‍മ്മാണം മുടങ്ങുവാനുണ്ടായ കാരണം എന്താണ്; വിശദാംശം ലഭ്യമാക്കുമോ?

അശാസ്ത്രീയമായ മത്സ്യബന്ധനം തടയുന്നതിന് നടപടി

*407.

ശ്രീ.കെ. ആന്‍സലന്‍
,, എസ്.ശർമ്മ
,, സി.കൃഷ്ണന്‍
,, വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	വിവിധ കാരണങ്ങളാല്‍ ആഗോളവ്യാപകമായി സമുദ്ര മത്സ്യസമ്പത്ത് കുറഞ്ഞുകൊണ്ടിരിക്കുന്നതായി റിപ്പോർട്ടുകള്‍ വന്ന സാഹചര്യത്തില്‍ സംസ്ഥാനത്ത് അശാസ്ത്രീയമായ മത്സ്യബന്ധനം തടയുന്നതിന് എന്തെല്ലാം കർശന നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(ബി)	ഇതിന്റെ ഭാഗമായി മറൈൻ എൻഫോഴ്സ്മെന്റിന്റെ നേതൃത്വത്തില്‍ പട്രോളിംഗ് കൂടുതല്‍ കാര്യക്ഷമമാക്കിയിട്ടുണ്ടോ; വിശദാംശം നല്‍കുമോ;

(സി)	പിടിച്ചെടുക്കാവുന്ന മത്സ്യയിനങ്ങളുടെ വലിപ്പം നിശ്ചയിച്ച് വിജ്ഞാപനം പുറപ്പെടുവിച്ചിട്ടുണ്ടോ; വിശദമാക്കുമോ;

(ഡി)	മത്സ്യസമ്പത്തിന്റെ സംരക്ഷണത്തിനായി ഈ സർക്കാർ സ്വീകരിച്ച ഊർജ്ജിത നടപടികളുടെ ഫലമായി സംസ്ഥാനത്തിന്റെ സമുദ്ര മത്സ്യോല്പാദനത്തില്‍ മുൻവർഷങ്ങളിലേക്കാള്‍ വർദ്ധനവ് ഉണ്ടായിട്ടുണ്ടോ എന്ന് വ്യക്തമാക്കാമോ?

പൊതുമരാമത്ത് വിഭാഗത്തിന്റെ അധീനതയിലുള്ള റോഡുകൾ

*408.

ശ്രീ.ഇ.കെ.വിജയന്‍
,, സി. ദിവാകരന്‍
,, ചിറ്റയം ഗോപകുമാര്‍
,, മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ റോഡ‍് ശൃംഖലയുടെ എത്ര ശതമാനം റോഡുകളാണ് പൊതുമരാമത്ത് (റോഡുകളും പാലങ്ങളും) വിഭാഗത്തിന്റെ കീഴില്‍ പരിപാലിച്ചുവരുന്നത് എന്നറിയിക്കാമോ;

(ബി)	സംസ്ഥാനത്തെ വാഹനഗതാഗതത്തിന്റെ സിംഹഭാഗവും പ്രസ്തുത വിഭാഗത്തിന്റെ അധീനതയിലുള്ള റോഡുകളിലൂടെയാണോ എന്നറിയിക്കുമോ;

(സി)	ഈ വിഭാഗത്തിന്റെ അധീനതയിലുള്ള റോഡുകളില്‍ സുരക്ഷിതാവസ്ഥയില്‍ അല്ലാത്ത കലുങ്കുകള്‍ ഉള്‍പ്പെട്ടിട്ടുണ്ടോ; എങ്കില്‍ ആയതിന്റെ പുനര്‍നിര്‍മ്മാണ/നവീകരണ പ്രവര്‍ത്തനങ്ങള്‍ സംബന്ധിച്ച വിവരങ്ങള്‍ ലഭ്യമാക്കുമോ;

(ഡി)	പ്രസ്തുത വിഭാഗത്തിന് കീഴില്‍ നിലവിലുള്ള പാലങ്ങളുടെ പുനര്‍നിര്‍മ്മാണത്തിനായി പ്രത്യേക വിഭാഗം ആരംഭിച്ചിട്ടുണ്ടോ; വ്യക്തമാക്കുമോ?

മത്സ്യവിത്ത് ഉല്പാദനത്തില്‍ സ്വയംപര്യാപ്തത

*409.

ശ്രീ.പി.ടി. തോമസ്
,, വി.ഡി.സതീശന്‍
,, അനൂപ് ജേക്കബ്
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് മത്സ്യവിത്ത് ഉല്പാദനത്തില്‍ സ്വയംപര്യാപ്തത കൈവരിക്കുന്നതിന് എന്തെല്ലാം പദ്ധതികളാണ് ആസൂത്രണം ചെയ്തിരിക്കുന്നതെന്ന് വിശദമാക്കാമോ;

(ബി)	നിലവിലുള്ള ഹാച്ചറികളുടെ നവീകരണത്തിനും പുതിയവയുടെ നിര്‍മ്മാണത്തിനും എന്തെല്ലാം നടപടികള്‍ ഇതേവരെ കൈക്കൊണ്ടിട്ടുണ്ടെന്ന് വ്യക്തമാക്കുമോ;

(സി)	ഈ വര്‍ഷം എത്ര കോടി മത്സ്യവിത്തുകള്‍ ഉല്പാദിപ്പിക്കാനാണ് ലക്ഷ്യമിട്ടിരിക്കുന്നതെന്ന് വെളിപ്പെടുത്തുമോ?

വിഷരഹിത മത്സ്യം ലഭ്യമാക്കുന്നതിനുള്ള പദ്ധതികള്‍

*410.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ജനങ്ങള്‍ക്ക് വിഷരഹിത മത്സ്യം ലഭ്യമാക്കുന്നതിന് സര്‍ക്കാര്‍ എന്തെങ്കിലും പദ്ധതികള്‍ ആവിഷ്ക്കരിച്ചിട്ടുണ്ടോ; ഇല്ലെങ്കില്‍ ഇക്കാര്യം പരിഗണനയിലുണ്ടോ; വിശദമാക്കാമോ;

(ബി)	കടല്‍ക്കരയില്‍ തന്നെ മത്സ്യസംസ്കരണ വിതരണ പ്ലാന്റുകള്‍ സ്ഥാപിച്ച് മത്സ്യത്തൊഴിലാളികളുടെ സഹകരണത്തോടെ, മിൽമ പാൽവിതരണം നടത്തുന്ന മാതൃകയിൽ, സര്‍ക്കാര്‍ തന്നെ നേരിട്ട് ജനങ്ങളിലേക്ക് മത്സ്യം എത്തിക്കാന്‍ പുതിയ പദ്ധതികള്‍ എന്തെങ്കിലും ആവിഷ്ക്കരിക്കാന്‍ തയ്യാറാവുമോ; അതേക്കുറിച്ച് വിശദീകരിക്കാമോ;

(സി)	സംസ്ഥാനത്ത് പുതിയ മത്സ്യബന്ധന തുറമുഖങ്ങള്‍ നിര്‍മ്മിക്കുന്നതിനോ നിലവിലുളളവയെ വികസിപ്പിക്കാനോ സര്‍ക്കാര്‍ ഉദ്ദേശിക്കുന്നുണ്ടോ; ഉണ്ടെങ്കില്‍ അവ ഏതെല്ലാം; വിശദീകരിക്കാമോ?

കെട്ടിടങ്ങളുടെയും പാലങ്ങളുടെയും ഗുണനിലവാരം

*411.

ശ്രീ.ഐ.സി.ബാലകൃഷ്ണന്‍
,, എല്‍ദോസ് പി. കുന്നപ്പിള്ളില്‍
,, അന്‍വര്‍ സാദത്ത്
,, എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പ് നിര്‍മ്മിക്കുന്ന കെട്ടിടങ്ങളുടെയും പാലങ്ങളുടെയും ഗുണനിലവാരം ഉറപ്പുവരുത്തുവാന്‍ നിലവിലുള്ള സംവിധാനം എന്താണെന്ന് അറിയിക്കാമോ;

(ബി)	സംസ്ഥാനത്തെ പാലങ്ങളുടെ ഗുണനിലവാരം സംബന്ധിച്ച റിപ്പോര്‍ട്ട് ലഭ്യമായിട്ടുണ്ടോ; വിശദാംശം നല്‍കുമോ; അപകടാവസ്ഥയിലുള്ള പാലങ്ങളില്‍ ഇരുപത്തി അഞ്ച് വര്‍ഷത്തിന് താഴെ കാലപ്പഴക്കമുള്ള പാലങ്ങള്‍ ഉള്‍പ്പെട്ടിട്ടുണ്ടോയെന്ന് വ്യക്തമാക്കുമോ;

(സി)	അപകടാവസ്ഥയിലുള്ള പാലങ്ങള്‍ പുനര്‍നിര്‍മ്മിക്കുന്നതിനും കേടുപാടുകള്‍ തീര്‍ക്കുന്നതിനും എന്ത് നടപടിയാണ് സ്വീകരിച്ചിട്ടുള്ളത്; ഇതിനുള്ള ഫണ്ട് എപ്രകാരമാണ് കണ്ടെത്തുവാന്‍ ഉദ്ദേശിക്കുന്നതെന്ന് അറിയിക്കാമോ;

(ഡി)	പൊതുമരാമത്ത് വകുപ്പിന്റെ നിര്‍മ്മിതികള്‍ക്ക് കുറഞ്ഞത് നൂറ് വര്‍ഷമെങ്കിലും കേടുപാടുണ്ടാകില്ല എന്ന് ഉറപ്പ് വരുത്തുന്നതിനും അതിന്റെ ഉത്തരവാദിത്തം ഉദ്യോഗസ്ഥരില്‍ നിക്ഷിപ്തമാക്കുന്നതിനും എന്തെങ്കിലും പുതിയ നിയമനിര്‍മ്മാണം ആലോചിക്കുന്നുണ്ടോയെന്ന് വിശദമാക്കുമോ?

കശുവണ്ടി വ്യവസായത്തിന് ആവശ്യമായ തോട്ടണ്ടി

*412.

ശ്രീ.വി.ടി.ബല്‍റാം
,, വി.പി.സജീന്ദ്രന്‍
,, കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിലെ കശുവണ്ടി വ്യവസായത്തിന് ആവശ്യമായ തോട്ടണ്ടി കണ്ടെത്തുന്നതിന് എന്തെല്ലാം നടപടികളാണ് സ്വീകരിച്ചുവരുന്നത്; വിശദമാക്കുമോ;

(ബി)	പൊതുമേഖലയിലും സ്വകാര്യ മേഖലയിലും പ്രവർത്തിക്കുന്ന കശുവണ്ടി ഫാക്ടറികള്‍ക്ക് ആവശ്യമായ തോട്ടണ്ടി കേരളത്തില്‍ത്തന്നെ ഉല്പാദിപ്പിക്കുന്നതിന് വേണ്ടി എന്തെങ്കിലും പദ്ധതി ആവിഷ്ക്കരിച്ചിട്ടുണ്ടോ; വിവരിക്കുമോ;

(സി)	കശുവണ്ടി സംഭരണത്തില്‍ സ്വയംപര്യാപ്തത നേടുന്നതിനായി കശുമാവ് കൃഷി വ്യാപിപ്പിക്കുന്നതിന് എന്തെല്ലാം പുതിയ പദ്ധതികളാണ് ആവിഷ്ക്കരിച്ചിട്ടുള്ളതെന്ന് വ്യക്തമാക്കുമോ?

കരിങ്കൽ ക്വാറികള്‍ക്ക് എൻ.ഒ.സി. നല്കുന്നതിനുളള വ്യവസ്ഥകള്‍

*413.

ശ്രീ.അബ്ദുല്‍ ഹമീദ് പി.
,, പാറക്കല്‍ അബ്ദുല്ല
,, പി.കെ.ബഷീര്‍
,, വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കരിങ്കൽ ക്വാറികള്‍ക്ക് എൻ.ഒ.സി. നൽകുന്നതിന് നിലവിലുള്ള വ്യവസ്ഥകള്‍ വിശദമാക്കാമോ;

(ബി)	കരിങ്കൽ ക്വാറികള്‍ തുടങ്ങുന്നതിന് ഒരേ പ്രദേശത്തുനിന്ന് ഒന്നിലേറെ അപേക്ഷകള്‍ ലഭിക്കുന്ന സാഹചര്യത്തില്‍ മുൻഗണനാക്രമം നിശ്ചയിക്കുന്നത് എങ്ങനെയെന്ന് വ്യക്തമാക്കാമോ;

(സി)	സ്പെഷ്യൽ റൂള്‍സ് ഫോര്‍ ഇഷ്യുയിംഗ് എൻ.ഒ.സി. ഫോര്‍ ക്വാറിയിംഗ് ആക്റ്റിവിറ്റീസ്-2020 എന്ന പേരിൽ പുതുതായി ചട്ടങ്ങള്‍ രൂപീകരിക്കാൻ ഉദ്ദേശിക്കുന്നുണ്ടോ; വിശദമാക്കാമോ?

സ്വകാര്യ മേഖലയിലെ പ്രീ പ്രൈമറി വിദ്യാഭ്യാസം

*414.

ശ്രീ.മുരളി പെരുനെല്ലി
,, ജോണ്‍ ഫെര്‍ണാണ്ടസ്
,, കാരാട്ട് റസാഖ്
,, വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)

ശിശുക്കളുടെ ആശയവിനിമയ പ്രോത്സാഹനത്തിനും സാമൂഹിക-വൈകാരിക വികാസത്തിനും ഉതകുന്ന ശാസ്ത്രീയ രീതികള്‍ അവലംബിക്കാതെ കിന്റര്‍ ഗാര്‍ട്ടന്‍, പ്രീ കിന്റര്‍ ഗാര്‍ട്ടന്‍ തുടങ്ങിയ പേരുകളില്‍ ധനാഗമത്തിന് മാത്രം പ്രാധാന്യം നല്‍കി ശിശുവികാസത്തിന് ഹാനി സൃഷ്ടിക്കുന്ന സ്വകാര്യ മേഖലയുടെ പ്രീ സ്കൂള്‍ രീതി അവസാനിപ്പിക്കാന്‍ തീരുമാനിച്ചിട്ടുണ്ടോ;

(ബി)	പ്രീ സ്കൂളുകളില്‍ എഴുത്ത്, വാചിക പരീക്ഷകള്‍ പാടില്ലെന്ന നിര്‍ദ്ദേശം പാലിക്കപ്പെടുന്നില്ലെന്നത് ശ്രദ്ധയില്‍പ്പെട്ടിട്ടുണ്ടോ;

(സി)	അങ്കണവാടികളെക്കൂടി ഉള്‍പ്പെടുത്തിക്കൊണ്ട് പ്രീ പ്രൈമറി വിദ്യാഭ്യാസം പൊതുവിദ്യാഭ്യാസത്തിന്റെ ഭാഗമാക്കാന്‍ ഉദ്ദേശിക്കുന്നുണ്ടോ;

(ഡി)	എസ്.സി.ഇ.ആര്‍.ടി. ഇത് സംബന്ധിച്ച് പഠന റിപ്പോര്‍ട്ട് സമര്‍പ്പിച്ചിട്ടുണ്ടോയെന്ന് അറിയിക്കാമോ?

അശാസ്ത്രീയ മത്സ്യബന്ധനത്തിനെതിരായ നടപടികള്‍

*415.

ശ്രീ.കെ.ജെ. മാക്സി
,, കെ.കുഞ്ഞിരാമന്‍
,, വി. ജോയി
ശ്രീമതി യു. പ്രതിഭ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കടല്‍ മത്സ്യസമ്പത്തില്‍ ഗണ്യമായ കുറവുണ്ടായിക്കൊണ്ടിരിക്കുന്ന സാഹചര്യത്തില്‍ ചെറുമീനുകളെ പിടിക്കുന്നത് അവസാനിപ്പിക്കാനായി സംസ്ഥാന സര്‍ക്കാര്‍ കടല്‍മത്സ്യബന്ധന നിയമത്തിലും ചട്ടത്തിലും ഭേദഗതി വരുത്തിയതിന്റെ അടിസ്ഥാനത്തില്‍ കര്‍ശന നടപടി ആരംഭിച്ചിട്ടുണ്ടോ;

(ബി)	അശാസ്ത്രീയ മത്സ്യബന്ധനത്തിന്റെ ഫലമായി 2017-ല്‍ ഉണ്ടായെന്ന് കണക്കാക്കപ്പെടുന്ന നഷ്ടം അഞ്ഞൂറ് കോടി രൂപയോളമായിരുന്നത് നിയമം കര്‍ക്കശമാക്കിയതിനെത്തുടര്‍ന്ന് കുറവു വരുത്താനായിട്ടുണ്ടോ; വിശദമാക്കുമോ;

(സി)	അശാസ്ത്രീയ മത്സ്യബന്ധന രീതികള്‍ അവസാനിപ്പിക്കുന്നതിനായി മത്സ്യത്തൊഴിലാളികളെ ബോധവല്‍ക്കരിക്കുന്നതിന് പരിപാടിയുണ്ടോ; വിവിധ തലങ്ങളിലുള്ള ഫിഷറീസ് മാനേജ്‌മെന്റ് കൗണ്‍സിലുകള്‍ രൂപീകരിച്ചിട്ടുണ്ടോ; പ്രസ്തുത കൗണ്‍സിലുകള്‍ വഴി ഇക്കാര്യത്തില്‍ നടത്താനുദ്ദേശിക്കുന്ന പ്രവര്‍ത്തനം അറിയിക്കാമോ?

കശുവണ്ടി ശേഖരണത്തിന് സ്വീകരിച്ച നടപടികള്‍

*416.

ശ്രീ.എം. നൗഷാദ്
,, ജോണ്‍ ഫെര്‍ണാണ്ടസ്
,, എം. രാജഗോപാലന്‍
,, ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കശുവണ്ടി വ്യവസായ മേഖല നേരിടുന്ന ഏറ്റവും പ്രധാന പ്രശ്നം തോട്ടണ്ടി ക്ഷാമമായതിനാല്‍ ആഭ്യന്തരമായി ഉല്പാദിപ്പിക്കുന്ന കശുവണ്ടി പരമാവധി ശേഖരിക്കുന്നതിന് കശുവണ്ടി വികസന കോര്‍പ്പറേഷന്‍, കാപെക്സ് എന്നിവ മുഖേന എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(ബി)	കശുവണ്ടി ഉല്പാദക രാജ്യങ്ങളില്‍ നിന്ന് നേരിട്ട് തോട്ടണ്ടി സംഭരിച്ച് സംസ്ഥാനത്തെ കശുവണ്ടി സംസ്ക്കരണ യൂണിറ്റുകള്‍ക്ക് ലഭ്യമാക്കുന്നതിന് രൂപീകരിച്ച കേരള കാഷ്യൂ ബോര്‍ഡ് നിലവില്‍ ഏതെല്ലാം വിദേശ രാജ്യങ്ങളില്‍ നിന്നാണ് കശുവണ്ടി ഇറക്കുമതി ചെയ്യുന്നത്; വിശദാംശം നല്‍കുമോ;

(സി)	കാലാവസ്ഥയിലുണ്ടാകുന്ന വ്യതിയാനം കശുമാവിന്റെ ഉല്പാദനക്ഷമതയെ പ്രതികൂലമായി ബാധിക്കുന്ന സാഹചര്യത്തില്‍ കര്‍ഷകര്‍ക്ക് ന്യായമായ വില ഉറപ്പാക്കുവാന്‍ എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കാമോ?

ഹൈടെക് ക്ലാസ് മുറികളിലെ ഫലപ്രദമായ ഡിജിറ്റൽ സാങ്കേതികവിദ്യ

*417.

ശ്രീ.എ. പ്രദീപ്കുമാര്‍
പ്രൊഫ.കെ.യു. അരുണന്‍
ശ്രീ.കെ.ഡി. പ്രസേനന്‍
,, സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ എല്ലാ സ്കൂളുകളും ഹൈടെക് ആക്കി മാറ്റിയതിനെത്തുടര്‍ന്ന് സാങ്കേതികവിദ്യാധിഷ്ഠിത ക്ലാസ് മുറികളെ അക്കാദമിക മികവിന് ഫലപ്രദമായി പ്രയോജനപ്പെടുത്താൻ അധ്യാപകര്‍ക്ക് വേണ്ട പരിശീലനം നൽകിയിട്ടുണ്ടോ;

(ബി)	അനുയോജ്യമായ ഡിജിറ്റൽ പഠനവിഭവങ്ങള്‍ സജ്ജമാക്കിയിട്ടുണ്ടോ; ഇവ അധ്യാപകര്‍ ഫലപ്രദമായി വിനിയോഗിക്കുന്നെന്ന് ഉറപ്പുവരുത്താൻ ക്രമീകരണങ്ങള്‍ ഏര്‍പ്പെടുത്തിയിട്ടുണ്ടോ;

(സി)	ഹൈടെക് വിദ്യാലയങ്ങളിലെ കുട്ടികളുടെ ഐ.ടി. കൂട്ടായ്മയായ ലിറ്റിൽ കൈറ്റ്സ് യൂണിറ്റ് എല്ലാ സ്കൂളുകളിലും സ്ഥാപിച്ചിട്ടുണ്ടോ;

(ഡി)	ലിറ്റിൽ കൈറ്റ്സിന്റെ പ്രവര്‍ത്തനവും അതുവഴി ലക്ഷ്യമാക്കുന്ന നേട്ടങ്ങളും അറിയിക്കാമോ?

റോഡ്, പാലം മേഖലകളിലെ സമഗ്ര പദ്ധതികള്‍

*418.

ശ്രീ.കെ.ബി.ഗണേഷ് കുമാര്‍
,, കോവൂര്‍ കുഞ്ഞുമോന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ റോഡുകളുടെയും പാലങ്ങളുടെയും വികസനത്തിനും നവീകരണത്തിനും ഈ സർക്കാർ ഇതിനകം നടപ്പിലാക്കിക്കഴിഞ്ഞ സമഗ്ര പദ്ധതികള്‍ വിശദീകരിക്കുമോ;

(ബി)	വരുന്ന സാമ്പത്തിക വര്‍ഷത്തില്‍ പൊതുമരാമത്ത് വകുപ്പ് നടപ്പിലാക്കുവാന്‍ വിഭാവനം ചെയ്യുന്ന സംസ്ഥാനതല പ്രാധാന്യമുള്ള പദ്ധതികളെക്കുറിച്ച് വ്യക്തമാക്കുമോ?

മത്സ്യത്തൊഴിലാളികള്‍ക്കുള്ള ആനുകൂല്യങ്ങള്‍

*419.

ശ്രീമതിഷാനിമോള്‍ ഉസ്മാന്‍
ശ്രീ.ടി.ജെ. വിനോദ്
,, എം. വിന്‍സെന്റ്
,, വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	മത്സ്യത്തൊഴിലാളി മേഖലയിലെ ജീവിത നിലവാരം മെച്ചപ്പെടുത്തുന്നതിന് എന്തെല്ലാം പദ്ധതികളാണ് ആവിഷ്കരിച്ചിരിക്കുന്നതെന്ന് വ്യക്തമാക്കുമോ;

(ബി)	ഇതിനായി എന്തെല്ലാം പദ്ധതികളാണ് ഈ സര്‍ക്കാര്‍ ആവിഷ്കരിച്ചു നടപ്പാക്കിയതെന്ന് വെളിപ്പെടുത്തുമോ;

(സി)	എന്തെല്ലാം ആനുകൂല്യങ്ങളും സാമ്പത്തിക സഹായങ്ങളുമാണ് ഈ മേഖലയിൽ അനുവദിച്ചിട്ടുള്ളത്; വിശദമാക്കുമോ?

സ്മാര്‍ട്ട് വില്ലേജ് ഓഫീസുകള്‍

*420.

ശ്രീ.ചിറ്റയം ഗോപകുമാര്‍
,, മുല്ലക്കര രത്നാകരന്‍
,, ആര്‍. രാമചന്ദ്രന്‍
,, മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സ്മാര്‍ട്ട് വില്ലേജ് ഓഫീസുകള്‍ എന്നതുകൊണ്ട് ഉദ്ദേശിക്കുന്നത് എന്തൊക്കെയെന്ന് വ്യക്തമാക്കുമോ;

(ബി)	ഈ സര്‍ക്കാര്‍ കാലയളവില്‍ എത്ര വില്ലേജുകളെ സ്മാര്‍ട്ട് വില്ലേജ് ഓഫീസ് ശൃംഖലയിലേക്ക് എത്തിച്ചുവെന്നറിയിക്കുമോ;

(സി)	എത്ര വില്ലേജ് ഓഫീസുകള്‍ സ്മാര്‍ട്ട് വില്ലേജ് ഓഫീസുകളാക്കുന്നതിനാണ് 2020-21 ബഡ്ജറ്റില്‍ തുക വകയിരുത്തിയിട്ടുള്ളത് എന്നറിയിക്കുമോ;

(ഡി)	സ്മാര്‍ട്ട് വില്ലേജ് ഓഫീസുകളില്‍ എന്തൊക്കെ സൗകര്യങ്ങളാണ് നല്‍കുന്നതെന്നും അടിസ്ഥാന സൗകര്യങ്ങളില്‍ എന്തൊക്കെ മാറ്റങ്ങളാണ് വരുത്തുന്നതെന്നും അറിയിക്കുമോ?

Website maintained by Information System Section, Kerala Legislative Assembly, Thiruvananthapuram.