14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >19^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 19^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

കൊറോണ വൈറസ് ബോധവല്‍ക്കരണം

3434.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	കൊറോണ രോഗത്തിനെതിരെ സര്‍ക്കാര്‍ സ്വീകരിച്ചുവരുന്ന പ്രതിരോധ നടപടികള്‍ വിശദമാക്കാമോ;

(ബി)	സംസ്ഥാനത്ത് കൊറോണ ബാധിതരായി ഇതുവരെ എത്ര പേരെയാണ് കണ്ടെത്തിയിട്ടുള്ളത്; ഇവരില്‍ നിന്നും രോഗം പടരാതിരിക്കാന്‍ എന്തൊക്കെ മുന്‍കരുതലുകളാണ് സ്വീകരിച്ചിട്ടുള്ളത്;

(സി)	കൊറോണ വൈറസ് പടരുമെന്ന ഭീതി തുടരുന്ന സാഹചര്യത്തിൽ പൊതു ജനങ്ങള്‍ സ്വീകരിക്കേണ്ട മുന്‍കരുതലുകള്‍ സംബന്ധിച്ച് ബോധവല്‍ക്കരണം നടത്തുന്നുണ്ടോ;വിശദമാക്കാമോ?

കൊറോണ വൈറസ് പ്രതിരോധത്തിനായുള്ള നിയന്ത്രണങ്ങള്‍

3435.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ലോകമാകെ കൊറോണ വൈറസ് ഭീതിപരക്കുകയും നമ്മുടെ രാജ്യത്തും നിരവധിപേര്‍ക്ക് രോഗം റിപ്പോര്‍ട്ട് ചെയ്യുകയും ചെയ്ത സാഹചര്യത്തില്‍ സംസ്ഥാന ആരോഗ്യവകുപ്പ് പൊതുജനങ്ങള്‍ക്കായി നല്‍കിയിട്ടുള്ള മുന്‍ കരുതല്‍ നിര്‍ദ്ദേശങ്ങള്‍ എന്തെല്ലാമാണ്; വിശദാംശം അറിയിക്കാമോ;

(ബി)	ഉത്സവങ്ങളും ആഘോഷങ്ങളും ഉള്‍പ്പെടെ ജനങ്ങള്‍ വലിയ തോതില്‍ ഒത്തു കൂടുന്നതിന് എന്തെങ്കിലും പ്രത്യേക നിര്‍ദ്ദേശമോ നിയന്ത്രണങ്ങളോ ആരോഗ്യവകുപ്പ് പൊതുജനങ്ങള്‍ക്കായി നല്‍കിയിട്ടുണ്ടോ; വിശദാംശം അറിയിക്കാമോ?

വിഷാദ രോഗത്തിന്റെ കാരണങ്ങള്‍ സംബന്ധിച്ച് പഠനം

3436.

(എ)	സംസ്ഥാനത്ത് വിഷാദ രോഗത്തിനടിമപ്പെടുന്നവരുടെ എണ്ണം വര്‍ദ്ധിച്ചു വരുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതിനുളള കാരണങ്ങള്‍ സംബന്ധിച്ച് പഠനം നടത്തിയിട്ടുണ്ടോ;

(ബി)	വിഷാദ രോഗത്തിനടിമപ്പെടുന്നവരില്‍ ആത്മഹത്യാ പ്രവണത വളരെ കൂടുതലാണെന്നത് പരിഗണിച്ച് പരിഹാര മാര്‍ഗ്ഗങ്ങളെക്കുറിച്ച് സര്‍ക്കാര്‍ തലത്തില്‍ എന്തെങ്കിലും ആലോചന നടക്കുന്നുണ്ടോ;

(സി)	വിഷാദ രോഗം വേഗത്തില്‍ കണ്ടെത്താനും ചികിത്സ ലഭ്യമാക്കാനും അവബോധം വളര്‍ത്താനുമുളള പരിശീലന-ബോധവല്‍ക്കരണ പരിപാടികള്‍ നടത്താന്‍ നടപടി സ്വീകരിക്കുമോ?

എച്ച്.ഐ.വി/എയിഡ്സ് പ്രതിരോധ പ്രവർത്തനങ്ങള്‍

3437.

ശ്രീ.കെ.സുരേഷ് കുറുപ്പ്
,, വി. ജോയി
,, എം. രാജഗോപാലന്‍
,, കെ. ദാസന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് എച്ച്.ഐ.വി./എയിഡ്സ് ബാധിതരുടെ എണ്ണം ഗണ്യമായി കുറഞ്ഞുവരുന്നതായ റിപ്പോർട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	ഈ രംഗത്ത് പ്രതിരോധ പ്രവർത്തനങ്ങള്‍ക്ക് നേതൃത്വം നല്‍കുന്നതിനും ശക്തമായ ബോധവത്ക്കരണ പ്രവർത്തനങ്ങള്‍ നടത്തുന്നതിനും കേരള സംസ്ഥാന എയിഡ്സ് കൺട്രോള്‍ സൊസൈറ്റി നടത്തിവരുന്ന പ്രവർത്തനങ്ങള്‍ എന്തെല്ലാമാണെന്ന് അറിയിക്കുമോ;

(സി)	എച്ച്.ഐ.വി. പരിശോധന സൗജന്യമായി നല്‍കുന്നതിനും ആവശ്യമായ കൗൺസിലിംഗ് ലഭ്യമാക്കുന്നതിനും ജ്യോതിസ് കേന്ദ്രങ്ങള്‍ പ്രവർത്തിക്കുന്നുണ്ടോ;

(ഡി)	എച്ച്.ഐ.വി. അണുബാധിതർക്ക് ആവശ്യമായ ആന്റി റിട്രോവൈറല്‍ ചികിത്സ സൗജന്യമായി നല്‍കുന്നതിന് ഉഷസ് കേന്ദ്രങ്ങള്‍ പ്രവർത്തിക്കുന്നുണ്ടോ; വിശദാംശം നല്‍കുമോ?

ആരോഗ്യ മേഖല ശക്തിപ്പെടുത്തുന്നതിനായി മെച്ചപ്പെട്ട ശുചിത്വ സൗകര്യം

3438.

ശ്രീ.മഞ്ഞളാംകുഴി അലി
,, പി.കെ.ബഷീര്‍
,, അബ്ദുല്‍ ഹമീദ് പി.
,, പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നഗരപ്രദേശങ്ങളെ അപേക്ഷിച്ച് ഗ്രാമങ്ങളില്‍ അധിവസിക്കുന്ന കുടുംബങ്ങളില്‍ മെച്ചപ്പെട്ട ശുചിത്വ സൗകര്യം ഉപയോഗിക്കുന്നവരുടെ എണ്ണം കുറവാണെന്ന കണക്കുകള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	പ്രാഥമിക ആരോഗ്യ മേഖല കൂടുതല്‍ ശക്തിപ്പെടുത്തേണ്ടതും താഴേത്തട്ടിലുള്ള രോഗപ്രതിരോധത്തില്‍ കൂടുതല്‍ ശ്രദ്ധ ആവശ്യമായി വരുന്നതും ആരോഗ്യ രംഗത്ത് പുതിയ നയം രൂപീകരിക്കുന്നതിനെ സ്വാധീനിക്കുന്ന ഘടകമായി വിലയിരുത്തിയിട്ടുണ്ടോ;

(സി)	എങ്കില്‍ ഗ്രാമപ്രദേശങ്ങളില്‍ നിലവിലുള്ള ശുചിത്വ സൗകര്യങ്ങളുടെ അപര്യാപ്തത പരിഹരിക്കുന്ന രീതിയിലുള്ള നടപടികള്‍ സ്വീകരിക്കുമോ?

സർക്കാർ മെഡിക്കല്‍ കോളേജുകളിലെ അനുബന്ധ പരിശോധന കേന്ദ്രങ്ങള്‍

3439.

ശ്രീമതിപി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)

സംസ്ഥാന സർക്കാർ മെഡിക്കല്‍ കോളേജുകളില്‍ റഫറല്‍ ഒ.പി (സ്പെഷ്യാലിറ്റി) വിഭാഗത്തിനോടു കഴിവതും അടുത്തായോ അല്ലാത്തപക്ഷം അതേ കെട്ടിടത്തിലെങ്കിലും അനുബന്ധ പരിശോധന കേന്ദ്രങ്ങള്‍ (ലബോറട്ടറി, എക്സ്-റേ, ഇ സി ജി, സ്കാന്‍ തുടങ്ങിയവ) സജ്ജമാക്കാൻ കഴിയാത്തതുവഴി രോഗികള്‍ നേരിടുന്ന പ്രയാസങ്ങള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	ആയത് പരിഹരിക്കുന്നതിന് ഓരോ സർക്കാർ മെഡിക്കല്‍ കോളേജിലും എന്തെല്ലാം നടപടികള്‍ സ്വീകരിക്കുമെന്ന് അറിയിക്കുമോ?

മരുന്ന് കമ്പനികള്‍ക്കെതിരെ നടപടി

3440.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം ഡ്രഗ്സ് കണ്‍ട്രോള്‍ വകുപ്പിന്റെ വ്യക്തമായ അനുമതിയോടുകൂടിയല്ലാതെ പരസ്യം മുഖേന മാര്‍ക്കറ്റ് ചെയ്യുന്ന മരുന്ന് കമ്പനികള്‍ക്കെതിരെ നടപടി സ്വീകരിച്ചിട്ടുണ്ടോ; എങ്കില്‍ ഏത് വകുപ്പ് പ്രകാരമാണ് നടപടി സ്വീകരിച്ചിട്ടുള്ളതെന്ന് വിശദമാക്കുമോ;

(ബി)	ഏതെല്ലാം കമ്പനികള്‍ക്കെതിരെയാണ് നടപടി സ്വീകരിച്ചിട്ടുള്ളത് എന്നതിന്റെ വിശദവിവരം നല്‍കുമോ?

കാന്‍സര്‍ കെയര്‍ യൂണിറ്റുകള്‍

3441.

ശ്രീ.കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കാന്‍സര്‍ കെയര്‍ യൂണിറ്റുകള്‍ എത്ര ആശുപത്രികളില്‍ ആണ് പ്രവര്‍ത്തിക്കുന്നത് എന്ന് വ്യക്തമാക്കാമോ; ആശുപത്രികളുടെ പേരുവിവരം വിശദമാക്കാമോ;

(ബി)	സംസ്ഥാനത്ത് പ്രവര്‍ത്തിക്കുന്ന കാന്‍സര്‍ കെയര്‍ യൂണിറ്റുകളില്‍ ഓരോ സ്ഥലത്തും എത്ര ഓങ്കോളജി ഡോക്ടര്‍മാരെ നിയമിച്ചിട്ടുണ്ട് എന്ന് വ്യക്തമാക്കാമോ;

(സി)	സി.എം.ഒ.തസ്തികയിലും മറ്റ് വിഭാഗങ്ങളിലുമായി എത്ര ഓങ്കോളജി ഡോക്ടര്‍മാര്‍ ആണ് സംസ്ഥാനത്തിന്റെ വിവിധ ആശുപത്രികളില്‍ ജോലി നോക്കുന്നത് എന്ന് വിശദമാക്കാമോ;

(ഡി)	സംസ്ഥാനത്തിലെ വിവിധ ആശുപത്രികളില്‍ ജോലി നോക്കുന്ന ഓങ്കോളജി ഡോക്ടര്‍മാരെ ജില്ല/ജനറല്‍ ആശുപത്രികളില്‍ ഓങ്കോളജി വിഭാഗം ആരംഭിച്ച് അവിടേക്കു മാറ്റി നിയമിക്കുന്നതിന് നടപടി സ്വീകരിക്കുമോ എന്ന് വ്യക്തമാക്കാമോ?

കാന്‍സര്‍ കെയര്‍ ബോര്‍ഡുകളുടെ പ്രവര്‍ത്തനം

3442.

ശ്രീ.തിരുവഞ്ചൂര്‍ രാധാകൃഷ്ണന്‍
,, ടി.ജെ. വിനോദ്
,, അനൂപ് ജേക്കബ്
,, വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കാന്‍സര്‍ രോഗികളുടെ എണ്ണത്തില്‍ ക്രമാതീതമായ വര്‍ദ്ധനവ് ഉണ്ടാകുന്ന സാഹചര്യം ഗൗരവമായി പരിഗണിച്ചിട്ടുണ്ടോ; എങ്കില്‍ ഇതിനുള്ള കാരണമെന്താണെന്ന് അറിയിക്കാമോ;

(ബി)	കാന്‍സര്‍ പ്രതിരോധ ചികിത്സ പ്രവര്‍ത്തനം ഏകോപിപ്പിക്കുവാന്‍ കാന്‍സര്‍ കെയര്‍ ബോര്‍ഡുകള്‍ രൂപീകരിച്ചിട്ടുണ്ടോ; പ്രസ്തുത ബോര്‍ഡിന്റെ പ്രധാന ചുമതലകള്‍ എന്തൊക്കെയാണ്;

(സി)	സംസ്ഥാനത്തെ സ്വകാര്യ ആശുപത്രികള്‍ക്കും സ്ഥാപനങ്ങള്‍ക്കും പ്രസ്തുത ബോര്‍ഡില്‍ പ്രാതിനിധ്യം നല്‍കുവാന്‍ ഉദ്ദേശിക്കുന്നുണ്ടോ; വിശദാംശം നല്‍കാമോ?

മസ്‍കുലര്‍ അട്രോഫി, ഹീമോഫീലിയ രോഗങ്ങള്‍ക്കുള്ള ചികിത്സ ധനസഹായം

3443.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ഭാരിച്ച ചികിത്സാ ചെലവ് വരുന്ന ഹീമോഫീലിയ, താലസീമിയ, അരിവാള്‍ രോഗം, മസ്‍കുലര്‍ അട്രോഫി എന്നിവ സംബന്ധിച്ച് ദേശീയ കരട് നയം കേന്ദ്ര ആരോഗ്യ കുടുംബ മന്ത്രാലയം പുറത്തിറക്കിയിട്ടുണ്ടോ;

(ബി)	പ്രസ്തുത രോഗങ്ങള്‍ ബാധിച്ചവര്‍ക്ക് എന്തൊക്കെ ധനസഹായം നൽകണമെന്നാണ് കരട് രേഖ നിര്‍ദ്ദേശിച്ചിരിക്കുന്നത്;

(സി)	കരട് നയത്തെ സംബന്ധിച്ച സംസ്ഥാന സര്‍ക്കാരിന്റെ അഭിപ്രായം കേന്ദ്രസര്‍ക്കാരിനെ അറിയിച്ചിട്ടുണ്ടോ; വിശദമാക്കുമോ;

(ഡി)	മസ്‍കുലര്‍ അട്രോഫി, ഹീമോഫീലിയ മുതലായ രോഗങ്ങള്‍ക്കുള്ള ചികിത്സാ ചെലവ് ഭാരിച്ചതാകയാൽ ധനസഹായത്തിന്റെ തോത് വര്‍ദ്ധിപ്പിക്കണമെന്ന് കേന്ദ്ര സര്‍ക്കാരിനോട് ആവശ്യപ്പെടുമോ?

മെഡിക്കല്‍ കോളേജുകളില്‍ അന്യത്രസേവന വ്യവസ്ഥയിലുള്ള ഡോക്ടര്‍മാര്‍

3444.

ശ്രീ.എ. പ്രദീപ്കുമാര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിലെ വിവിധ സര്‍ക്കാര്‍ മെഡിക്കല്‍ കോളേജുകളില്‍ കമ്മ്യൂണിറ്റി മെഡിസിന്‍, ഫാര്‍മക്കോളജി, ഫിസിയോളജി എന്നീ വിഭാഗങ്ങളില്‍ കരാര്‍ വ്യവസ്ഥയിലും അന്യത്രസേവന വ്യവസ്ഥയിലുമായി എത്ര ഡോക്ടര്‍മാര്‍ ജോലി ചെയ്യുന്നുണ്ടെന്ന് വിശദമാക്കാമോ;

(ബി)	പ്രസ്തുത ഡോക്ടര്‍മാരുടെ പേരും അവര്‍ ജോലി ചെയ്യുന്ന മെഡിക്കല്‍ കോളേജിന്റെ പേരും വ്യക്തമാക്കാമോ;

(സി)	അവര്‍ ജോലി ചെയ്യുന്ന തസ്തികകള്‍ പി.എസ്.സി.ക്ക് റിപ്പോര്‍ട്ട് ചെയ്തിട്ടുണ്ടോ; അറിയിക്കാമോ;

(ഡി)	ഉണ്ടെങ്കില്‍ ഓരോ തസ്തികയും എന്നാണ് പി.എസ്.സി.ക്ക് റിപ്പോര്‍ട്ട് ചെയ്തതെന്ന് വ്യക്തമാക്കാമോ;

(ഇ)	റിപ്പോര്‍ട്ട് ചെയ്തിട്ടില്ലെങ്കില്‍ എന്ത് കാരണത്താലാണ് റിപ്പോര്‍ട്ട് ചെയ്യാത്തതെന്ന് വിശദമാക്കാമോ?

മസ്ക്കുലര്‍ ഡിസ്ട്രോഫി രോഗബാധിതര്‍ക്ക് സഹായം

3445.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	'മസ്ക്കുലര്‍ ഡിസ്ട്രോഫി' എന്ന മാരകരോഗത്താല്‍ വലയുന്ന നിരവധി കുട്ടികള്‍ സംസ്ഥാനത്ത് ചികിത്സ തേടുന്നുവെങ്കിലും ആരോഗ്യ വകുപ്പിലോ അനുബന്ധ സ്ഥാപനങ്ങളിലോ നിന്ന് ഇവര്‍ക്ക് യാതൊരുവിധ സഹായവും ലഭ്യമാകാത്ത കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	ഇക്കാര്യത്തില്‍ അടിയന്തര ഇടപെടലുകള്‍ നടത്തി രോഗികളെ സംരക്ഷിക്കാന്‍ നടപടികള്‍ സ്വീകരിക്കുമോ?

വയനാട്ടില്‍ വ്യാപകമാകുന്ന കുരങ്ങ് പനി

3446.

ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	വയനാട് ജില്ലയില്‍ കുരങ്ങ് പനി വീണ്ടും വ്യാപകമാകുന്ന സാഹചര്യമുണ്ടോ;

(ബി)	2019-ല്‍ ഈ രോഗം എത്രപേരെ ബാധിച്ചുവെന്നും അതിലെത്ര പേര്‍ മരണപ്പെട്ടുവെന്നും വ്യക്തമാക്കുമോ;

(സി)	രോഗബാധിത മേഖലയെ അതില്‍ നിന്നും കരകയറ്റുന്നതിന് സത്വര നടപടി സ്വീകരിക്കുമോ?

സര്‍ക്കാര്‍ ആശുപത്രികളിലെ മരുന്നുക്ഷാമം

3447.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	മരുന്ന് കമ്പനികള്‍ക്ക് സര്‍ക്കാര്‍ നൽകാനുള്ള കുടിശ്ശികയായ നൂറ് കോടിയോളം രൂപ നൽകാത്തത് കാരണം സര്‍ക്കാര്‍ ആശുപത്രികളിൽ കടുത്ത മരുന്നുക്ഷാമം നേരിടുന്ന കാര്യം ശ്രദ്ധയിൽപ്പെട്ടിട്ടുണ്ടോ;

(ബി)	കാൻസറിനും ഹൃദ്‍രോഗത്തിനുമുള്ള മരുന്നുകള്‍ മുതൽ മുറിവിന് വെച്ചുകെട്ടുന്ന പഞ്ഞിക്കുവരെ ആശുപത്രികളിൽ കടുത്ത ക്ഷാമം നേരിടുന്ന കാര്യം പരിശോധിക്കുകയുണ്ടായോ;

(സി)	സാമ്പത്തിക വര്‍ഷത്തിന്റെ അവസാനപാദത്തിൽ നൽകേണ്ട ഇരുപത്തഞ്ച് ശതമാനം സ്റ്റോക്ക് പോലും എത്തിക്കാൻ കമ്പനികള്‍ വിസമ്മതിക്കുകയുണ്ടായോ;

(ഡി)	എങ്കിൽ കുടിശ്ശിക അടിയന്തരമായി നൽകി മരുന്ന് വിതരണം സുഗമമാക്കാൻ എന്തൊക്കെ നടപടികള്‍ കൈക്കൊള്ളുമെന്ന് അറിയിക്കാമോ?

അര്‍ബുദരോഗം വ്യാപകമാവുന്നത് തടയാന്‍ നടപടി

3448.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ഒരു കുടുംബത്തിന്റെ സാമ്പത്തിക ഭദ്രതയും മാനസിക ആരോഗ്യവും ഇല്ലാതാക്കുന്ന തരത്തില്‍ അര്‍ബുദരോഗം കേരളത്തില്‍ വ്യാപകമാവുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	അര്‍ബുദരോഗം വര്‍ദ്ധിച്ച് വരുന്നതിന്റെ കാരണങ്ങളെക്കുറിച്ച് പഠനം നടത്തിയിട്ടുണ്ടോ; വിശദാംശങ്ങള്‍ ലഭ്യമാക്കാമോ;

(സി)	കാന്‍സര്‍ രോഗം വര്‍ദ്ധിച്ച് വരുന്നത് തടയുന്നതിനായി വ്യക്തികള്‍ പാലിക്കേണ്ട ജീവിതക്രമം, ഭക്ഷണരീതി തുടങ്ങിയവയുടെ ബോധവല്‍ക്കരണം കുടുംബാരോഗ്യ കേന്ദ്രങ്ങളിലൂടെയും പാലീയേറ്റീവ് സംഘങ്ങളിലൂടെയും വ്യാപകമായി നടത്തുന്നതിനുള്ള പദ്ധതി തയ്യാറാക്കുമോ?

കുട്ടികള്‍ക്ക് അടിയന്തര ചികിത്സക്കുള്ള സൗകര്യം

3449.

(എ)	സംസ്ഥാനത്ത് അടിയന്തര സാഹചര്യത്തില്‍ കുട്ടികള്‍ക്ക് ജില്ല, താലൂക്ക്, ജനറല്‍ ആശുപത്രികളില്‍ അടിയന്തര ചികിത്സക്കുള്ള സൗകര്യം ഒരുക്കിയിട്ടുണ്ടോ; ഉണ്ടെങ്കില്‍ എന്തൊക്കെ തരത്തിലുള്ള സൗകര്യങ്ങളാണ് ഒരുക്കിയിട്ടുള്ളത്;

(ബി)	വയനാട് ജില്ലയില്‍ ഇത്തരം സൗകര്യങ്ങള്‍ ജില്ല, താലൂക്ക് ആശുപത്രികളില്‍ ഒരുക്കിയിട്ടുണ്ടോ;

(സി)	ബത്തേരി സര്‍വ്വജന സ്കൂളിലെ വിദ്യാര്‍ത്ഥിനി ഷഹ്‍ല ഷെറിന്‍ ക്ലാസ്സ് മുറിയില്‍ പാമ്പ് കടിയേറ്റ് അടിയന്തര ചികിത്സ ലഭിക്കാതെ മരണപ്പെട്ട സംഭവം സര്‍ക്കാര്‍ ആശുപത്രികളിലെ സംവിധാനങ്ങളുടെ അപര്യാപ്തതയെ സൂചിപ്പിക്കുന്നതല്ലെയെന്ന് വ്യക്തമാക്കുമോ;

(ഡി)	ഇത് സംബന്ധിച്ച് സത്യവാങ്മൂലം നല്‍കുവാന്‍ കേരള ഹൈക്കോടതി ആവശ്യപ്പെട്ടിരുന്നോ; വിശദാംശം നല്‍കുമോ?

അമൃതം-ആരോഗ്യം പദ്ധതി

3450.

ശ്രീ.സി. ദിവാകരന്‍ : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

ആരോഗ്യവകുപ്പ് മുഖാന്തിരം നടപ്പിലാക്കുന്ന അമൃതം-ആരോഗ്യം പദ്ധതിയുടെ വിശദാംശം നല്‍കുമോ; പദ്ധതിയുടെ ഉദ്ദേശലക്ഷ്യങ്ങള്‍ എന്തെല്ലാം എന്ന് വ്യക്തമാക്കുമോ?

ഹൃദ്യം പദ്ധതി പ്രകാരമുള്ള ചികിത്സ

3451.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

ഹൃദ്യം പദ്ധതിയില്‍ ഉള്‍പ്പെടുത്തി നാളിതുവരെ എത്ര പേര്‍ക്ക് ചികിത്സ ലഭ്യമാക്കിയിട്ടുണ്ട്; എത്ര രൂപ ഇതിനായി ചെലവഴിച്ചിട്ടുണ്ട്; വിശദാംശം ലഭ്യമാക്കുമോ?

കാരുണ്യ ആരോഗ്യ സുരക്ഷാ പദ്ധതി

T 3452.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	കാരുണ്യ ആരോഗ്യ സുരക്ഷാ പദ്ധതിയില്‍ അംഗമല്ലാത്തവര്‍ക്കും കാരുണ്യ ബെനവലന്റ് ഫണ്ടില്‍ നിന്ന് സഹായം ലഭ്യമാക്കുമോ;

(ബി)	കാരുണ്യ ചികിത്സാ സഹായപദ്ധതിയുടെ വരുമാനപരിധി എത്രയാണ്; ആയത് പുതുക്കി നിശ്ചയിക്കുവാന്‍ ഉദ്ദേശിച്ചിട്ടുണ്ടോ;

(സി)	മാരക രോഗങ്ങള്‍ക്കും കിടപ്പുരോഗികള്‍ക്കുമുള്ള ചികിത്സാ ധനസഹായം വര്‍ദ്ധിപ്പിക്കാന്‍ നടപടി സ്വീകരിക്കുമോ;

(ഡി)	കാരുണ്യ ആരോഗ്യ സുരക്ഷാ പദ്ധതിയില്‍ (കാസ്പ്) അംഗമാകുന്നതിന് അക്ഷയ കേന്ദ്രങ്ങളില്‍ രജിസ്ട്രേഷന്‍ നടപടികള്‍ ആരംഭിക്കുമോ; വിശദാംശങ്ങള്‍ അറിയിക്കുമോ?

കാരുണ്യ ആരോഗ്യ സുരക്ഷാ പദ്ധതി

T 3453.

ശ്രീ.പി.ജെ.ജോസഫ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	കാരുണ്യ ആരോഗ്യ സുരക്ഷാ പദ്ധതിയില്‍ സ്വകാര്യ ആശുപത്രികളെ ഉള്‍പ്പെടുത്തിയിട്ടുണ്ടോ;

(ബി)	ക്യാന്‍സര്‍, ഹൃദ്രോഗം, ഡയാലിസിസ് എന്നീ ചികിത്സകള്‍ക്ക് സ്വകാര്യ ആശുപത്രികളെ സമീപിക്കുന്നവര്‍ക്ക് കാരുണ്യ ആരോഗ്യ സുരക്ഷാ പദ്ധതിയുടെ ആനുകൂല്യം ലഭിക്കുമോ;

(സി)	2020 മാര്‍ച്ച് 31 നുശേഷം കാരുണ്യ ചികിത്സ ധനസഹായ പദ്ധതിയുടെ ആനുകൂല്യം തുടരുമോ; വിശദമാക്കുമോ?

ആരോഗ്യ വകുപ്പ് മുഖേന ആനുകൂല്യങ്ങള്‍ ലഭിക്കുന്ന ചികിത്സാ പദ്ധതികള്‍

3454.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ആരോഗ്യ വകുപ്പ് മുഖേന ആനുകൂല്യങ്ങള്‍ ലഭിക്കുന്ന വിവിധ ചികിത്സാ പദ്ധതികള്‍ ഏതെല്ലാമാണെന്ന് അറിയിക്കുമോ;

(ബി)	ഈ പദ്ധതികളില്‍ ഉള്‍പ്പെടുത്തി ആനുകൂല്യം ലഭിക്കുന്നതിനുളള മാനദണ്ഡങ്ങള്‍ എന്തെല്ലാമാണെന്ന് വ്യക്തമാക്കാമോ?

താഴ്ന്ന വരുമാനക്കാര്‍ക്കായുള്ള ആരോഗ്യ ഇന്‍ഷുറന്‍സ് പദ്ധതി

3455.

ശ്രീ.കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ തൊഴിലാളികള്‍ക്കും താഴ്ന്ന വരുമാനക്കാര്‍ക്കുമായുള്ള ആരോഗ്യ ഇന്‍ഷുറന്‍സ് പദ്ധതി നടത്തുന്നുണ്ടോ; ഇതില്‍‌ അംഗമാകുന്നതിന് സ്വീകരിക്കേണ്ട നടപടിക്രമങ്ങളും അര്‍ഹരെ ഉള്‍പ്പെടുത്തുന്നതിന് അടിസ്ഥാനമാക്കുന്ന മാനദണ്ഡങ്ങളും വിശദമാക്കുമോ;

(ബി)	ഈ ഇന്‍ഷുറന്‍സ് പ്രകാരമുള്ള ക്ലെയിമുകളുടെ തീര്‍പ്പാക്കല്‍ എപ്രകാരമാണെന്നും ഇതിലേക്കായി ചുമതലപ്പെടുത്തിയിട്ടുള്ള സര്‍ക്കാര്‍ സംവിധാനങ്ങള്‍ എന്തൊക്കെയാണെന്നും വ്യക്തമാക്കുമോ;

(സി)	ക്ലെയിമുകള്‍ തീര്‍പ്പാക്കുന്നതിനായി സര്‍ക്കാര്‍ പുതിയ ഏജന്‍സി രൂപീകരിച്ചിട്ടുണ്ടോ; ആയതിന്റെ ഘടനയും ഇതിലേക്കുള്ള തസ്തികകളും എപ്രകാരമാണ്; ഈ ഏജന്‍സി എന്നുമുതല്‍ പ്രവര്‍ത്തനമാരംഭിച്ചിട്ടുണ്ട്; വ്യക്തമാക്കുമോ?

പാലക്കാട് ജില്ലയില്‍ ഹൃദ്യം പദ്ധതി പ്രകാരമുള്ള ചികിത്സ ആനുകൂല്യങ്ങള്‍

3456.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

പാലക്കാട് ജില്ലയില്‍ ഏതെല്ലാം ആശുപത്രികളിലാണ് ഹൃദ്യം പദ്ധതി പ്രകാരമുള്ള ചികിത്സ ആനുകൂല്യങ്ങള്‍ ലഭിക്കുന്നതെന്ന് വ്യക്തമാക്കുമോ?

ഇതരസംസ്ഥാന തൊഴിലാളികളുടെ ആരോഗ്യ പ്രശ്നങ്ങള്‍

3457.

ശ്രീ.മോന്‍സ്‌ ജോസഫ്
,, പി.ജെ.ജോസഫ്
,, സി.എഫ്.തോമസ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് എത്തുന്ന ഇതരസംസ്ഥാന തൊഴിലാളികളുടെ ആരോഗ്യ പ്രശ്നങ്ങള്‍ പരിഹരിക്കുന്നതിന് ആരോഗ്യ വകുപ്പ് സ്വീകരിച്ചിരിക്കുന്ന നടപടികള്‍ വ്യക്തമാക്കാമോ;

(ബി)	പകര്‍ച്ചവ്യാധികള്‍ ഉള്‍പ്പെടെയുള്ള ആരോഗ്യ പ്രശ്നങ്ങളുമായി എത്തുന്ന ഇതരസംസ്ഥാന തൊഴിലാളികളെ തടയുന്നതിന് അവര്‍ക്ക് ജോബ്കാര്‍ഡും ഹെല്‍ത്ത് കാര്‍ഡും ഏര്‍പ്പെടുത്താന്‍ നടപടി സ്വീകരിക്കുമോ;

(സി)	ഇതരസംസ്ഥാന തൊഴിലാളികള്‍ക്ക് ആരോഗ്യ ഇന്‍ഷുറന്‍‌സ് സേവനങ്ങള്‍ ലഭ്യമാക്കുവാൻ നടപടി സ്വീകരിക്കുമോ?

മലപ്പുറം ജില്ലയില്‍ 108 ആംബുലൻസിന്റെ സേവനം

3458.

ശ്രീ.മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	മലപ്പുറം ജില്ലയില്‍ 108 ആംബുലൻസിന്റെ സേവനം എവിടെയൊക്കെ ലഭ്യമാണെന്നും അവയുടെ പ്രവര്‍ത്തന സമയം സംബന്ധിച്ച വിശദാംശങ്ങളും ലഭ്യമാക്കുമോ;

(ബി)	ജില്ലയില്‍ പ്രവര്‍ത്തന രഹിതമായ ആംബുലന്‍സുകള്‍ ഏതെങ്കിലും നിലവിലുണ്ടോ; എങ്കില്‍ എത്ര കാലമായി ഓരോന്നും പ്രവര്‍ത്തന രഹിതമാണ്;

(സി)	ഇവ അടിയന്തരമായി പ്രവര്‍ത്തന സജ്ജമാക്കുന്നതിന് നടപടി സ്വീകരിക്കുമോ?

ആർദ്രം മിഷന്റെ ഭാഗമായി ആരോഗ്യ ജാഗ്രത

3459.

ശ്രീ.തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ആർദ്രം മിഷന്റെ ഭാഗമായി പകര്‍ച്ചവ്യാധി പ്രതിരോധനത്തിനും നിയന്ത്രണത്തിനുമായി ആരോഗ്യ ജാഗ്രത 2020 ആവിഷ്ക്കരിച്ചിട്ടുണ്ടോ; വിശദമാക്കുമോ;

(ബി)	എന്തൊക്കെ പരിപാടികളാണ് ഇതിന്റെ ഭാഗമായി സംഘടിപ്പിക്കുന്നത്;

(സി)	ആരോഗ്യ മേഖല പുതിയ പദ്ധതികള്‍ പ്രാവര്‍ത്തികമാക്കുമ്പോഴും പുതിയ തരം രോഗങ്ങളും വൈറസ് ബാധയും സംസ്ഥാനത്തെ ബാധിക്കുന്നത് ആശങ്ക ഉളവാക്കുന്ന വസ്തുതയല്ലേ;

(ഡി)	കൊറോണ വൈറസ് ബാധ വ്യാപകമാകാതെ തടയുന്നതിന് ആരോഗ്യ വകുപ്പ് സ്വീകരിച്ച നടപടികള്‍ എന്തൊക്കെയാണ്; പ്രസ്തുത നടപടികള്‍ കൂടുതല്‍ കാര്യക്ഷമമാക്കുന്നതിന് ഉദ്ദേശിക്കുന്നുണ്ടോ;

(ഇ)	മാലിന്യ നിര്‍മ്മാര്‍ജ്ജനത്തില്‍ വീഴ്ച വരുത്തുന്ന തദ്ദേശഭരണ സ്ഥാപനങ്ങള്‍ക്ക് പിഴ ചുമത്തുന്ന കാര്യം പരിഗണിക്കുമോ?

ആര്‍ദ്രം പദ്ധതി പ്രകാരമുള്ള മണ്ണാര്‍ക്കാട്ടെ ആരോഗ്യ സ്ഥാപനങ്ങള്‍

3460.

(എ)	മണ്ണാര്‍ക്കാട് നിയോജകമണ്ഡലത്തിലെ ഏതെല്ലാം ആരോഗ്യ സ്ഥാപനങ്ങളെയാണ് ആര്‍ദ്രം പദ്ധതിയുടെ രണ്ട് ഘട്ടങ്ങളിലുമായി കുടുംബാരോഗ്യ കേന്ദ്രങ്ങളായി ഉയര്‍ത്തുവാന്‍ തീരുമാനിച്ചിട്ടുള്ളത്; വിശദാംശം നല്‍കുമോ;

(ബി)	പ്രസ്തുത പദ്ധതിയുടെ രണ്ട് ഘട്ടങ്ങളിലും ഉള്‍പ്പെടുത്താത്ത സ്ഥാപനങ്ങളെ എന്‍.എച്ച്.എം. പി.ഐ.പി. യില്‍ ഉള്‍പ്പെടുത്തി കുടുംബാരോഗ്യ കേന്ദ്രമായി ഉയര്‍ത്തുന്നതിന് നടപടി സ്വീകരിക്കുമോ; വിശദവിവരം നല്‍കുമോ?

കോങ്ങാട് മണ്ഡലത്തിലെ ആര്‍ദ്രം പദ്ധതി

3461.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ആര്‍ദ്രം പദ്ധതിയുടെ ഭാഗമായി കോങ്ങാട് മണ്ഡലത്തില്‍ നടപ്പാക്കുവാന്‍ ഉദ്ദേശിക്കുന്ന പദ്ധതികളുടെ വിശദവിവരം നല്‍കുമോ;

(ബി)	കോങ്ങാട് സി.എച്ച്.സി.യില്‍ കിടത്തി ചികിത്സ ആരംഭിക്കുന്നതിനുള്ള നടപടികളുടെ പുരോഗതി സംബന്ധിച്ച വിവരം ലഭ്യമാക്കുമോ?

കായംകുളം മണ്ഡലത്തിലെ ആര്‍ദ്രം പദ്ധതി പ്രവൃത്തികള്‍

3462.

ശ്രീമതി യു. പ്രതിഭ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ആര്‍ദ്രം പദ്ധതിയില്‍ ഉള്‍പ്പെടുത്തി കായംകുളം മണ്ഡലത്തിലെ വിവിധ ആരോഗ്യ കേന്ദ്രങ്ങളില്‍ നടപ്പാക്കുന്ന പ്രവൃത്തികളുടെ പുരോഗതി വിശദമാക്കാമോ;

(ബി)	പ്രസ്തുത പ്രവൃത്തികള്‍ സമയബന്ധിതമായി പൂര്‍ത്തീകരിക്കുന്നതിന് എന്തെങ്കിലും തടസ്സങ്ങള്‍ നിലവിലുണ്ടോ;

(സി)	എങ്കില്‍ പ്രവൃത്തികള്‍ കാലതാമസം കൂടാതെ പൂര്‍ത്തീകരിക്കുന്നതിന് സത്വര നടപടി സ്വീകരിക്കുമോയെന്ന് വ്യക്തമാക്കാമോ?

ഇരവിപുരം മണ്ഡലത്തില്‍ ആര്‍ദ്രം പദ്ധതി

3463.

ശ്രീ.എം. നൗഷാദ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ഇരവിപുരം നിയോജക മണ്ഡലത്തില്‍ ആര്‍ദ്രം പദ്ധതിയുടെ ഭാഗമായി നടപ്പിലാക്കിവരുന്ന പ്രവൃത്തികളുടെ പുരോഗതി സംബന്ധിച്ച വിശദാംശം വ്യക്തമാക്കാമോ;

(ബി)	പ്രസ്തുത മണ്ഡലത്തിനുവേണ്ടി ആര്‍ദ്രം പദ്ധതിയുടെ ഭാഗമായി പുതിയ പ്രവൃത്തികള്‍ പരിഗണനയിലുണ്ടോ; എങ്കില്‍ വിശദമാക്കാമോ?

ആലത്തൂര്‍ മണ്ഡലത്തിലെ ആര്‍ദ്രം പദ്ധതി

3464.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ആലത്തൂര്‍ മണ്ഡലത്തില്‍ നിന്നും ആര്‍ദ്രം പദ്ധതിയുടെ ഭാഗമായി ഒന്നും രണ്ടും ഘട്ടങ്ങളിലായി തെരഞ്ഞെടുത്ത ആരോഗ്യസ്ഥാപനങ്ങള്‍ ഏതെല്ലാമെന്ന് അറിയിക്കാമോ;

(ബി)	പ്രസ്തുത ആരോഗ്യ കേന്ദ്രങ്ങളില്‍ എന്തെല്ലാം പ്രവൃത്തികള്‍ നടപ്പിലാക്കി എന്നും എന്തെല്ലാം നടപ്പിലാക്കാന്‍ ബാക്കിയുണ്ട് എന്നുമുളള വിശദാംശങ്ങള്‍ നല്‍കാമോ?

കുന്നത്തുനാട് മണ്ഡലത്തിലെ ആര്‍ദ്രം പദ്ധതി

3465.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	കുന്നത്തുനാട് നിയോജകമണ്ഡലത്തിലെ ഏതെല്ലാം ആശുപത്രികളെ ആര്‍ദ്രം പദ്ധതിയില്‍ ഉള്‍പ്പെടുത്തിയിട്ടുണ്ടെന്ന് വ്യക്തമാക്കാമോ;

(ബി)	പ്രസ്തുത ആശുപത്രികള്‍ക്ക് അടിസ്ഥാന സൗകര്യ വികസന പ്രവര്‍ത്തനങ്ങളുടെ ഫലമായി എന്തെല്ലാം സൗകര്യങ്ങള്‍ ലഭ്യമായിട്ടുണ്ടെന്ന് വ്യക്തമാക്കാമോ; ആയതിലേക്ക് എത്ര തുക വിനിയോഗിച്ചു എന്നത് പട്ടിക തിരിച്ച് നല്‍കാമോ;

(സി)	ആര്‍ദ്രം പദ്ധതിയുടെ ഭാഗമായി പ്രസ്തുത ആശുപത്രികളില്‍ അധികമായി അനുവദിച്ച തസ്തികകളുടെ വിവരം പട്ടിക തിരിച്ച് നല്‍കാമോ?

ആര്‍.സി.സി ജീവനക്കാരുടെ ആനുകൂല്യങ്ങള്‍

3466.

ശ്രീ.ടി.ജെ. വിനോദ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	റീജിയണല്‍ കാന്‍സര്‍ സെന്ററിലെ ജീവനക്കാര്‍ക്ക് മെഡിക്കല്‍ റീ-ഇംപേഴ്സ്മെന്റ് നല്‍കാതായിട്ട് എത്ര നാളായി; ആയത് അനുവദിക്കാത്തതിന്റെ കാരണം എന്ത്; റീ-ഇംപേഴ്സ്മെന്റ് ഉടന്‍ അനുവദിക്കുവാന്‍ ഉദ്ദേശിക്കുന്നുണ്ടോ; വ്യക്തമാക്കുമോ;

(ബി)	വിരമിച്ച ജീവനക്കാരുടെ പെന്‍ഷന്‍, ഗ്രാറ്റുവിറ്റി, ലീവ് സറണ്ടര്‍ തുടങ്ങിയ ആനുകൂല്യങ്ങള്‍ തടഞ്ഞിട്ടുണ്ടോ; ഉണ്ടെങ്കില്‍ എന്തുകൊണ്ട്;

(സി)	2013ന് ശേഷം ആര്‍.സി.സി.യില്‍ ജോലി ലഭിച്ചവരെ ആര്‍.സി.സി.പെന്‍ഷന്‍ സ്കീമില്‍ ചേര്‍ത്തിട്ടുണ്ടോ; ഇല്ലെങ്കില്‍ എന്തുകൊണ്ടെന്ന് അറിയിക്കാമോ?

തൃശൂര്‍ മെഡിക്കല്‍ കോളേജിലെ കാന്‍സര്‍ ചികിത്സ

3467.

ശ്രീ.കെ. രാജന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിന് ശേഷം തൃശൂര്‍ മെഡിക്കല്‍ കോളേജില്‍ കാന്‍സര്‍ രോഗചികിത്സക്ക് മാത്രമായി ഏര്‍പ്പെടുത്തിയ പുതിയ സൗകര്യങ്ങള്‍ എന്തെല്ലാമെന്ന് വിശദമാക്കാമോ;

(ബി)	കാന്‍സര്‍ രോഗചികിത്സാ വിഭാഗത്തിലേക്ക് മാത്രമായി പുതിയ തസ്തികകള്‍ സൃഷ്ടിച്ചിട്ടുണ്ടോ; ഉണ്ടെങ്കില്‍ വിശദാംശങ്ങള്‍ ലഭ്യമാക്കാമോ?

സീനിയര്‍ സയന്റിഫിക് ഓഫീസര്‍ തസ്തികയിലെ നിയമനം

3468.

(എ)	കോഴിക്കോട് മെഡിക്കൽ കോളേജ് ആശുപത്രിയിലെ ക്ലിനിക്കൽ ബയോകെമിസ്ട്രി ലാബിലെ സീനിയര്‍ സയന്റിഫിക് ഓഫീസര്‍ തസ്തിക എന്നുമുതലാണ് ഒഴിഞ്ഞുകിടക്കുന്നതെന്ന് വ്യക്തമാക്കാമോ;

(ബി)	ഈ തസ്തികയിലേക്ക് ഇതുവരെയും നിയമനം നടത്താത്തതിന്റെ കാരണം വിശദമാക്കുമോ;

(സി)	ഈ തസ്തികയിലേക്ക് നിയമനം നടത്തണമെന്ന് ആവശ്യപ്പെട്ടുകൊണ്ട് കോഴിക്കോട് മെഡിക്കൽ കോളേജ് അധികൃതരിൽ നിന്നും മെഡിക്കൽ വിദ്യാഭ്യാസ ഡയറക്ടര്‍ക്ക് അപേക്ഷ ലഭിച്ചിട്ടുണ്ടോ;

(ഡി)	എങ്കില്‍ അപേക്ഷ ലഭിച്ച തീയതിയും തുടര്‍നടപടികളും വിശദമാക്കുമോ?

കോഴിക്കോട് ഹോമിയോ മെഡിക്കല്‍ കോളേജ് ലേഡീസ് ഹോസ്റ്റലില്‍ ശുദ്ധജലം

3469.

(എ)	കോഴിക്കോട് സര്‍ക്കാര്‍ ഹോമിയോപ്പതി മെഡിക്കല്‍ കോളേജ് ലേഡീസ് ഹോസ്റ്റലില്‍ ശുദ്ധജലം ലഭിക്കുന്നില്ലെന്ന കാര്യം ശ്രദ്ധയില്‍പെട്ടിട്ടുണ്ടോ;

(ബി)	ഉണ്ടെങ്കില്‍ ആയത് പരിഹരിക്കുന്നതിനാവശ്യമായ എന്തെല്ലാം നടപടികളാണ് സ്വീകരിച്ചതെന്ന് വ്യക്തമാക്കാമോ?

മെഡിക്കല്‍ കോളേജുകളെ മികവിന്റെ കേന്ദ്രമാക്കുവാന്‍ പദ്ധതി

3470.

(എ)	തിരുവനന്തപുരം മെഡിക്കല്‍ കോളേജ് ഉള്‍പ്പെടെയുള്ള അഞ്ച് സര്‍ക്കാര്‍ മെഡിക്കല്‍ കോളേജുകളെ മികവിന്റെ കേന്ദ്രമായി മാറ്റുന്നതിനുള്ള പദ്ധതി ആവിഷ്ക്കരിച്ചിട്ടുണ്ടോ; എങ്കില്‍ വിശദാംശം നല്‍കുമോ;

(ബി)	തിരുവനന്തപുരം മെഡിക്കല്‍ കോളേജിന്റെ സമഗ്ര വികസനത്തിന് അംഗീകരിച്ച മാസ്റ്റര്‍ പ്ലാന്‍ പദ്ധതിയുടെ ഭാഗമായി ഇതിനകം നടപ്പിലാക്കിയ കാര്യങ്ങള്‍ എന്തൊക്കെയാണെന്നും അശേഷിക്കുന്നവ ഏതൊക്കെയാണെന്നും അറിയിക്കാമോ;

(സി)	മാസ്റ്റര്‍ പ്ലാന്‍ പ്രകാരമുള്ള പദ്ധതികള്‍ സമയബന്ധിതമായി നടപ്പിലാക്കുന്നതില്‍ എന്തെങ്കിലും പ്രതിബന്ധം ഉണ്ടായിട്ടുണ്ടോ; എങ്കില്‍ അവ തരണം ചെയ്യുന്നതിന് അടിയന്തര ഇടപെടല്‍ ഉണ്ടാകുമോയെന്ന് വ്യക്തമാക്കാമോ?

കോഴിക്കോട് മെഡിക്കല്‍ കോളേജിലെ സയന്റിസ്റ്റ് തസ്തികയിലെ ഒഴിവ്

3471.

(എ)	കോഴിക്കോട് സര്‍ക്കാര്‍ മെഡിക്കല്‍ കോളേജ് ആശുപത്രിയിലെ യൂറോളജി/ജനീറ്റോ യൂറിനറി വകുപ്പില്‍ സീനിയര്‍ സയന്റിസ്റ്റ് തസ്തിക എന്ന് മുതലാണ് അനുവദിച്ചതെന്ന് വ്യക്തമാക്കുമോ;

(ബി)	ഈ തസ്തിക ഇപ്പോഴും ഒഴിഞ്ഞുകിടക്കുകയാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(സി)	ഈ തസ്തികയില്‍ ഇതുവരെ ആളെ നിയമിക്കാത്തതിന്റെ കാരണം വിശദമാക്കുമോ;

(ഡി)	ഈ തസ്തികയില്‍ സീനിയര്‍ സയന്റിസ്റ്റിനെ നിയമിക്കുന്നതിനാവശ്യമായ അടിയന്തര നടപടികള്‍ സ്വീകരിക്കുമോ?

മെഡിക്കല്‍ വിദ്യാഭ്യാസ വകുപ്പിലെ ജീവനക്കാരുടെ ശമ്പള പരിഷ്കരണം

3472.

ശ്രീ.പി.കെ.അബ്ദു റബ്ബ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	മെഡിക്കല്‍ വിദ്യാഭ്യാസ വകുപ്പിലെ ഡോക്ടര്‍മാരുടെയും മറ്റ് അദ്ധ്യാപക വിഭാഗം ജീവനക്കാരുടെയും ശമ്പള പരിഷ്കരണ നടപടികള്‍ വെെകിപ്പിക്കുന്നതിന്റെ കാരണമെന്ത്; വ്യക്തമാക്കുമോ;

(ബി)	ആ.കു.വ/ S2/61/2018 നമ്പര്‍ ഫയലില്‍ എന്ത് നടപടികളാണ് സ്വീകരിച്ചിട്ടുള്ളതെന്ന് അറിയിക്കുമോ?

മെഡിക്കല്‍കോളേജുകള്‍ റഫറലാക്കിയ നടപടി

3473.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ മെഡിക്കല്‍കോളേജുകള്‍ പൂര്‍ണമായും റഫറല്‍ ആക്കുന്നതിന് തീരുമാനിച്ചിട്ടുണ്ടോ; ഉണ്ടെങ്കില്‍ നിലവില്‍ അതിന്റെ സ്ഥിതി വിശദമാക്കാമോ;

(ബി)	മെഡിക്കല്‍ കോളേജുകള്‍ റഫറലായി ഉയര്‍ത്തുമ്പോള്‍ സാധാരണ രോഗികള്‍ക്ക് അവശ്യം വേണ്ട ചികില്‍സാ സൗകര്യം ലഭ്യമാകാത്ത സാഹചര്യം വിലയിരുത്തിയിട്ടുണ്ടോ; വിശദമാക്കാമോ;

(സി)	എങ്കില്‍ സാധാരണ രോഗികള്‍ക്കായി ജനറല്‍/ജില്ലാ ആശുപത്രിയിലെ സൗകര്യങ്ങള്‍ മതിയായ രീതിയില്‍ ലഭിക്കുന്നുവെന്ന് ഉറപ്പാക്കാന്‍ എന്തെല്ലാം നടപടികളാണ് സ്വീകരിച്ചിരിക്കുന്നത്; വിശദമാക്കാമോ;

(ഡി)	മഞ്ചേരിയില്‍ സാധാരണ രോഗികള്‍ക്ക് ചികില്‍സ ലഭ്യമാക്കുന്ന കാര്യത്തില്‍ ജനറല്‍ ആശുപത്രി സ്ഥാപിക്കുന്നതിന് വേണ്ടത്ര പരിഗണന സര്‍ക്കാര്‍ നല്‍കുന്നില്ല എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(ഇ)	ഇല്ലെങ്കില്‍ ജനറല്‍ ആശുപത്രി സ്ഥാപിക്കാന്‍ മുന്‍ സര്‍ക്കാര്‍ തീരുമാനിച്ചത് റദ്ദാക്കാന്‍ ഇടയായ സാഹചര്യം വിശദമാക്കാമോ;

(എഫ്)

ആശുപത്രി സ്ഥാപിക്കുന്ന കാര്യത്തില്‍ നിലവിലുള്ള ഭരണപരമോ സാങ്കേതികമോ രാഷ്ട്രീയമോ ആയ കാരണങ്ങള്‍ എന്തെല്ലാമെന്ന് വിശദമാക്കാമോ;

(ജി)	എന്തുകാരണം കൊണ്ടാണ് മഞ്ചേരിയില്‍ ജനറല്‍ ആശുപത്രി ആരംഭിക്കാന്‍ കഴിയാത്തതെന്ന് അറിയിക്കാമോ?

ഗവ. രാമറാവു മെമ്മോറിയല്‍ താലൂക്ക് ആശുപത്രിയിലെ ഡയാലിസിസ് സെന്റര്‍

3474.

ശ്രീ.ജി.എസ്.ജയലാല്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ചാത്തന്നൂര്‍ നിയോജക മണ്ഡലത്തില്‍ ഉള്‍പ്പെട്ട നെടുങ്ങോലം ഗവ. രാമറാവു മെമ്മോറിയല്‍ താലൂക്ക് ആശുപത്രിയിലെ നിര്‍ദ്ദിഷ്ട ഡയാലിസിസ് സെന്റര്‍ സംബന്ധിച്ച നിലവിലെ സ്ഥിതി വ്യക്തമാക്കാമോ;

(ബി)	എല്ലാ സജ്ജീകരണങ്ങളും പൂര്‍ത്തിയാക്കി ഡയാലിസിസ് സെന്റര്‍ എന്ന് പ്രവര്‍ത്തനം ആരംഭിയ്ക്കുവാന്‍ കഴിയും എന്ന് വ്യക്തമാക്കാമോ;

(സി)	ഡയാലിസിസ് സെന്റര്‍ ആരംഭിക്കുന്നതിന് ഇനിയും പൂര്‍ത്തീകരിക്കേണ്ടതായ കാര്യങ്ങള്‍ എന്തെല്ലാമെന്ന് വിശദമാക്കാമോ?

കൊരട്ടി ഗാന്ധിഗ്രാം ത്വക്ക് രോഗാശുപത്രിയിലെ വെെദ്യുതിചാര്‍ജ്ജ് കുടിശ്ശിക

3475.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	കൊരട്ടി ഗാന്ധിഗ്രാം ത്വക്ക് രോഗാശുപത്രിയിലെ വെെദ്യുതിചാര്‍ജ്ജ് ഇനത്തില്‍ കഴിഞ്ഞ കുറെ വര്‍ഷങ്ങളായി വലിയ തുക കുടിശ്ശികയായിരിക്കുന്നത് ശ്രദ്ധയില്‍പെട്ടിട്ടുണ്ടോ;

(ബി)	ആശുപത്രിയ്ക്ക് അനുവദിയ്ക്കുന്ന വെെദ്യുതി ചാര്‍ജ്ജ് സംഖ്യ അപര്യാപ്തമായതിനാല്‍ കുടിശ്ശികയുടെ പലിശ മാത്രമാണ് ഇൗ ഇനത്തില്‍ നിന്ന് അടയ്കുവാന്‍ കഴിയുന്നത്എന്നതിനാല്‍ വെെദ്യുതി കുടിശ്ശിക അടച്ചുതീര്‍ക്കുന്നതിന് പ്രത്യേകമായി ഫണ്ട് അനുവദിക്കുന്നതിന് നടപടി സ്വീകരിക്കുമോ?

കാന്‍സര്‍ രോഗികളുടെ എണ്ണത്തില്‍ വര്‍ദ്ധനവ്

3476.

ശ്രീ.പി. ഉണ്ണി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കാന്‍സര്‍ രോഗികളുടെ എണ്ണത്തില്‍ ഉണ്ടായിട്ടുള്ള ഗണ്യമായ വര്‍ദ്ധനവ് ശ്രദ്ധയിലുണ്ടോ;

(ബി)	എങ്കില്‍ കാന്‍സര്‍ രോഗത്തിന്റെ അനിയന്ത്രിതമായ വ്യാപനം തടയുന്നതിനും രോഗം വരാതിരിക്കുവാനുമുള്ള മുന്‍കരുതലുകള്‍ സ്വീകരിക്കുന്നതിനുമായി പി.എച്ച്.സി.കളുടെ നേതൃത്വത്തില്‍ എന്തെല്ലാം സജ്ജീകരണങ്ങള്‍ ഏര്‍പ്പെടുത്തുന്നതിനാണ് ലക്ഷ്യമിടുന്നതെന്ന് വിശദീകരിക്കാമോ;

(സി)	കാന്‍സര്‍ രോഗത്തിന്റെ ആരംഭം മുന്‍കൂട്ടി അറിയുന്നതിനായി കാന്‍സര്‍ രോഗചികിത്സയില്‍ പ്രാവീണ്യം നേടിയ ഡോക്ടര്‍മാരുടെ സേവനം പി.എച്ച്.സി.കളില്‍ ഭാഗീകമായെങ്കിലും ലഭ്യമാക്കുന്നതിനായി എന്തെല്ലാം നടപടികള്‍ സ്വീകരിക്കും എന്ന് വ്യക്തമാക്കാമോ?

കൊട്ടാരക്കര താലൂക്ക് ആശുപത്രിക്ക് പുതിയ കെട്ടിടം

3477.

(എ)	കൊട്ടാരക്കര താലൂക്ക് ആശുപത്രിയില്‍ കിഫ്ബി ധനസഹായത്തോടെ നിര്‍മ്മിക്കുന്ന പുതിയ കെട്ടിട സമുച്ചയത്തില്‍ എന്തെല്ലാം സൗകര്യങ്ങള്‍ വിഭാവനം ചെയ്തിട്ടുണ്ട്;

(ബി)	പ്രസ്തുത നിര്‍മ്മാണ പ്രവൃത്തിയുടെ കരാര്‍ നല്‍കുന്നതിന് ആരെയാണ് ചുമതലപ്പെടുത്തിയിട്ടുള്ളത്; കരാര്‍ നടപടികള്‍ പൂര്‍ത്തീകരിച്ചോ;

(സി)	നിര്‍മ്മാണം ആരംഭിക്കുന്നതിന് മുന്നോടിയായി ചെയ്ത് തീര്‍ക്കാനുള്ള കാര്യങ്ങള്‍ എന്തെല്ലാമാണ്; ആയതിന് സ്വീകരിച്ചുവരുന്ന നടപടിക്രമങ്ങള്‍ എന്തെല്ലാമാണ്; വ്യക്തമാക്കുമോ?

കൊണ്ടോട്ടി ബ്ലോക്ക് പഞ്ചായത്തില്‍ കമ്മ്യൂണിറ്റി ഹെല്‍ത്ത് സെന്റര്‍

3478.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ബ്ലോക്ക് പഞ്ചായത്തിന്റെ കീഴില്‍/പരിധിയില്‍ കമ്മ്യൂണിറ്റി ഹെല്‍ത്ത് സെന്റര്‍ നിലവിലില്ലാത്തത് എവിടെയെല്ലാം എന്നറിയിക്കാമോ;

(ബി)	കൊണ്ടോട്ടി ബ്ലോക്ക് പഞ്ചായത്തിന് കീഴില്‍ നിലവില്‍ ഒരു കമ്മ്യൂണിറ്റി ഹെല്‍ത്ത് സെന്റര്‍ പോലും ഇല്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇത് പരിഹരിക്കുന്നതിന് സ്വീകരിക്കുന്ന കാര്യങ്ങള്‍ അറിയിക്കാമോ;

(സി)	പുളിക്കല്‍ പ്രാഥമികാരോഗ്യ കേന്ദ്രം കമ്മ്യൂണിറ്റി ഹെല്‍ത്ത് സെന്ററായി ഉയര്‍ത്തണമെന്ന് കാണിച്ച് പുളിക്കല്‍ ഗ്രാമപഞ്ചായത്ത് ഭരണസമിതി നല്‍കിയ പ്രമേയം സര്‍ക്കാരിന്റെ പരിഗണനയിലുണ്ടോ; ഇതില്‍ സര്‍ക്കാര്‍ ചെയ്ത കാര്യങ്ങള്‍ അറിയിക്കാമോ?

ആശുപത്രികളിലെ ടോക്കണ്‍ സംവിധാനം

3479.

ശ്രീ.ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പി.എച്ച്.സി.,സി.എച്ച്.സി.,താലൂക്ക് ആശുപത്രി അടക്കമുള്ള പൊതുജനാരോഗ്യ കേന്ദ്രങ്ങളില്‍ ഒ.പി., ലാബ് സ്കാനിംഗ്, ബില്ലിംഗ് തുടങ്ങിയ സേവനങ്ങള്‍ പൊതുജനങ്ങള്‍ക്ക് സൗകര്യപ്രദമായി ലഭ്യമാക്കാന്‍ ടോക്കണ്‍ സംവിധാനം നിലവിലുണ്ടോ;

(ബി)	ഉണ്ടെങ്കില്‍ പ്രസ്തുത സംവിധാനം പൊതുജനാരോഗ്യമേഖലയില്‍ എങ്ങനെയാണ് നടപ്പിലാക്കി വരുന്നതെന്ന് വിശദമാക്കാമോ;

(സി)	ഇല്ലെങ്കില്‍ പ്രസ്തുത പൊതുജനാരോഗ്യ കേന്ദ്രങ്ങളില്‍ മേല്‍ സൂചിപ്പിച്ച ആവശ്യങ്ങള്‍ക്കും ഡോക്ടറെ കാണുന്നതിനും മറ്റ് ഇതര പരിശോധനകള്‍ക്കും ടോക്കണ്‍ സംവിധാനം നടപ്പിലാക്കുന്ന കാര്യം പരിശോധിക്കുമോ?

മഹാരോഗങ്ങളുടെ പ്രതിരോധത്തിനായി താല്‍ക്കാലിക സേവനമനുഷ്ഠിച്ചവര്‍

3480.

(എ)	സംസ്ഥാനത്ത് നിപ, കൊറോണ എന്നീ വൈറസുകള്‍ മൂലമുള്ള പകര്‍ച്ചവ്യാധികള്‍ റിപ്പോര്‍ട്ട് ചെയ്ത എത്ര കേസുകളാണ് ആകെ നിലവിലുളളത്; ഈ രോഗങ്ങള്‍ ബാധിച്ച് മരണമടഞ്ഞവര്‍ എത്രയാണ്; വിശദാംശങ്ങള്‍ ലഭ്യമാക്കാമോ;

(ബി)	ഇത്തരം പകര്‍ച്ചവ്യാധികള്‍ പിടിപെടുന്നവര്‍ക്കും മരണമടയുന്നവരുടെ ബന്ധുക്കള്‍ക്കും എന്തെല്ലാം സഹായങ്ങളാണ് നല്‍കിയിട്ടുള്ളത്;

(സി)	രാജ്യാന്തര തലത്തില്‍ തന്നെ വ്യാപിക്കുന്ന ഇത്തരം മഹാരോഗങ്ങളുടെ പ്രതിരോധത്തിനായി സ്വജീവന്‍ പോലും അവഗണിച്ച് താല്‍ക്കാലിക ജോലിക്കാരായി സേവനമനുഷ്ഠിച്ചവര്‍ക്ക് സര്‍ക്കാര്‍ വാഗ്ദാനം ചെയ്ത പ്രകാരമുളള എന്തെങ്കിലും സഹായങ്ങള്‍ നല്‍കാതിരുന്നിട്ടുണ്ടോ;

(ഡി)	എങ്കില്‍ എന്തെല്ലാം വാഗ്ദാനങ്ങളാണ് ഇവരുടെ കാര്യത്തില്‍ പാലിക്കാനുളളത്; അടിയന്തരമായി വാഗ്ദാനം ചെയ്ത സഹായങ്ങള്‍ നല്‍കുന്നതിന് നടപടി സ്വീകരിക്കുമോ?

കല്ലൂര്‍ക്കാട് പി.എച്ച്.സിയെ കുടുംബാരോഗ്യ കേന്ദ്രമായി ഉയര്‍ത്തുന്നതിന് നടപടി

3481.

ശ്രീ.എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	പ്രാഥമിക ആരോഗ്യ കേന്ദ്രങ്ങളെ കുടുംബാരോഗ്യ കേന്ദ്രങ്ങളായി ഉയര്‍ത്തുമ്പോള്‍ എന്തെല്ലാം അധിക സേവനങ്ങളാണ് ലഭ്യമാകുന്നതെന്ന് വ്യക്തമാക്കാമോ;

(ബി)	മൂവാറ്റുപുഴ നിയോജകമണ്ഡ‍ലത്തിലെ കല്ലൂര്‍ക്കാട് പി.എച്ച്.സി.യെ കുടുംബാരോഗ്യ കേന്ദ്രമായി ഉയര്‍ത്തണമെന്ന ആവശ്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(സി)	എങ്കില്‍ ഇതിനായി എന്തൊക്കെ നടപടികളാണ് സ്വീകരിച്ചതെന്ന് അറിയിക്കാമോ?

കരുന്നാഗപ്പള്ളി മണ്ഡലത്തിലെ കുടുംബാരോഗ്യ കേന്ദ്രങ്ങള്‍

3482.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	കരുന്നാഗപ്പള്ളി മണ്ഡലത്തില്‍ എത്ര കുടുംബാരോഗ്യ കേന്ദ്രങ്ങള്‍ പ്രവര്‍ത്തിക്കുന്നുവെന്ന് അറിയിക്കാമോ;

(ബി)	ഇവിടെ എന്തെല്ലാം സൗകര്യങ്ങളാണ് നിലവില്‍ ഏര്‍പ്പെടുത്തിയിട്ടുള്ളതെന്ന് വിശദീകരിക്കുമോ;

(സി)	വയോജനങ്ങള്‍ക്ക് പ്രത്യേക ചികിത്സാ സൗകര്യങ്ങള്‍ ഇവിടെ ഏര്‍പ്പെടുത്തിയിട്ടുണ്ടോ; എങ്കില്‍ എന്തെല്ലാം സൗകര്യങ്ങളാണുള്ളതെന്ന് വിശദമാക്കുമോ;

(ഡി)	സംസ്ഥാനത്ത് കൂടുതല്‍ പ്രാഥമികാരോഗ്യ കേന്ദ്രങ്ങളെ കുടുംബാരോഗ്യ കേന്ദ്രങ്ങളായി ഉയര്‍ത്തുന്നതിന് ഉദ്ദേശിക്കുന്നുണ്ടോ; എങ്കില്‍ പരിഗണനാ ലിസ്റ്റ് ലഭ്യമാക്കുമോ; വിശദീകരിക്കുമോ?

ഒറ്റപ്പാലം താലൂക്ക് ആശുപത്രിയിലെ അടിസ്ഥാന വികസന പദ്ധതികള്‍

3483.

(എ)	ഈ സര്‍ക്കാര്‍ അധികാരത്തില്‍ വന്നശേഷം ഒറ്റപ്പാലം താലൂക്ക് ആശുപത്രിയില്‍ നടപ്പിലാക്കിയ അടിസ്ഥാന വികസന പദ്ധതികള്‍ എന്തെല്ലാം; വിശദാംശം നല്‍കാമോ;

(ബി)	എത്ര തുകയുടെ പ്രവര്‍ത്തനങ്ങള്‍ നടപ്പിലാക്കി ; 1.6.2016 മുതല്‍ 31.03.2019 വരെയുള്ള കണക്ക് വ്യക്തമാക്കാമോ?

മരുന്നുകള്‍ യഥാസമയം ലഭ്യമാക്കാന്‍ നടപടി

3484.

ശ്രീ.സജി ചെറിയാന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിലെ തദ്ദേശസ്വയംഭരണ സ്ഥാപനങ്ങള്‍ തങ്ങളുടെ ആരോഗ്യ കേന്ദ്രങ്ങള്‍ക്ക് ആവശ്യമായ മരുന്നുകള്‍ വാങ്ങുന്നതിന് കേരള മെഡിക്കല്‍ കോര്‍പ്പറേഷന് എത്ര രൂപയാണ് ഡിപ്പോസിറ്റ് ആയി 2018-19, 2019-20 വര്‍ഷം നല്‍കിയിട്ടുളളതെന്ന് വ്യക്തമാക്കാമോ;

(ബി)	ഇതില്‍ എത്ര രൂപയുടെ മരുന്നുകളാണ് വിതരണം നടത്തിയിട്ടുളളതെന്ന് അറിയിക്കാമോ;

(സി)	കാന്‍സര്‍ രോഗികള്‍ക്കും കിഡ്നി, ഹൃദയ സംബന്ധമായ രോഗമുള്ളവര്‍ക്കും ആവശ്യമായ മരുന്നുകള്‍ യഥാസമയം തന്നെ ലഭ്യമാക്കുന്നുണ്ടോ; വിവരിക്കാമോ?

സമഗ്ര മാനസികാരോഗ്യ പരിപാടി

3485.

ശ്രീ.കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	മലപ്പുറം ജില്ലാ മാനസികാരോഗ്യ പരിപാടിക്ക് 900 ലക്ഷം രൂപയും സമഗ്ര മാനസികാരോഗ്യ പരിപാടിക്ക് 950 ലക്ഷം രൂപയും ബജറ്റില്‍ വകയിരുത്തിയിരുന്നതില്‍ എത്ര രൂപ ഏതെല്ലാം വകയില്‍ ചെലവഴിച്ചിട്ടുണ്ട്;

(ബി)	മാനസികാരോഗ്യ പരിപാടിയെ ട്രഷറി നിയന്ത്രണത്തില്‍ നിന്ന് ഒഴിവാക്കി ഉത്തരവായിട്ടുണ്ടോയെന്ന് അറിയിക്കുമോ?

റാന്നി താലൂക്ക് ആശുപത്രിയില്‍ ബ്ലഡ് ബാങ്ക് സൗകര്യം

3486.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	പത്തനംതിട്ട ജില്ലയില്‍ ഏതൊക്കെ സര്‍ക്കാര്‍ ആശുപത്രികളിലാണ് ബ്ലഡ് ബാങ്ക് സൗകര്യമുള്ളതെന്ന് അറിയിക്കുമോ;

(ബി)	റാന്നി താലൂക്ക് ആശുപത്രിയില്‍ ബ്ലഡ് ബാങ്ക് സ്ഥാപിക്കുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; ഇല്ലെങ്കില്‍ അടിയന്തരമായി ഇവിടെ ബ്ലഡ‍് ബാങ്ക് അനുവദിക്കാന്‍ നടപടി സ്വീകരിക്കുമോ?

ജില്ലാ ആശുപത്രിയിലെ സ്റ്റാഫ് പാറ്റേണ്‍

3487.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഒരു ജില്ലാ ആശുപത്രി പ്രവര്‍ത്തിക്കുന്നതിന് ആവശ്യമായ സ്റ്റാഫ് പാറ്റേണ്‍ എത്രയെന്ന് കാറ്റഗറി തിരിച്ച് വ്യക്തമാക്കുമോ;

(ബി)	നെടുമങ്ങാട് ജില്ലാ ആശുപത്രിയില്‍ സ്റ്റാഫ് പാറ്റേണ്‍ അനുസരിച്ചുള്ള തസ്തികകള്‍ സൃഷ്ടിച്ചിട്ടുണ്ടോയെന്ന് വ്യക്തമാക്കുമോ; വിശദാംശം നല്‍കുമോ;

(സി)	ഈ സര്‍ക്കാര്‍ അധികാരത്തില്‍ വന്നശേഷം നെടുമങ്ങാട് ജില്ലാ ആശുപത്രിയില്‍ എത്ര തസ്തിക സൃഷ്ടിച്ചുവെന്നും അവ ഏതെല്ലാമെന്നും വ്യക്തമാക്കുമോ?

കൊല്ലം ജില്ലാ ആശുപത്രിയിലെ കിഫ്ബി പദ്ധതിക്ക് അനുമതി

3488.

ശ്രീ.എം. മുകേഷ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	കൊല്ലം ജില്ലാ ആശുപത്രിയില്‍ കിഫ്ബി മുഖേന നടപ്പിലാക്കുന്ന അടിസ്ഥാന സൗകര്യ വികസന പദ്ധതിക്ക് പരിസ്ഥിതി ആഘാത നിര്‍ണ്ണയ സമിതിയില്‍ നിന്നുളള അനുമതി ലഭ്യമായിട്ടുണ്ടോ;

(ബി)	ഇല്ലെങ്കില്‍ ഇക്കാര്യത്തില്‍ നേരിടുന്ന കാലതാമസത്തിന്റെ കാരണം എന്താണ്; വിശദാംശം ലഭ്യമാക്കുമോ?

കൊരട്ടി ഗാന്ധിഗ്രാം ത്വക്ക് രോഗാശുപത്രിയുടെ ഡയറ്റ് ഫണ്ട്

3489.

(എ)	കൊരട്ടി ഗാന്ധിഗ്രാം ത്വക്ക് രോഗാശുപത്രിയില്‍ പേഷ്യന്റ്സ് എംപ്ലോയീസ് സര്‍വ്വീസ് പ്രകാരം തെരഞ്ഞെടുക്കപ്പെട്ടവരുടെ ലിസ്റ്റ് അംഗീകാരത്തിനായി സമര്‍പ്പിച്ചിട്ട് മാസങ്ങള്‍ പിന്നിട്ടിട്ടും അംഗീകാരം ലഭിക്കാത്തത് ശ്രദ്ധയില്‍പ്പെട്ടിട്ടുണ്ടോ; പ്രസ്തത ലിസ്റ്റിന് അംഗീകാരം നല്‍കാന്‍ നടപടി സ്വീകരിക്കുമോ;

(ബി)	അന്തേവാസികള്‍ക്കുള്ള ഡയറ്റ് ഫണ്ട് ലഭിക്കുന്നതിനുള്ള സാങ്കേതിക കാരണങ്ങള്‍ പരിഹരിച്ച് ഡയറ്റ് ഫണ്ട് യഥാസമയം അനുവദിക്കുന്നതിന് ആവശ്യമായ നടപടി സ്വീകരിക്കുമോ?

ഇരവിപുരം നിയോജക മണ്ഡലത്തിലെ ആശുപത്രികള്‍

3490.

ശ്രീ.എം. നൗഷാദ് : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

ഈ സർക്കാർ അധികാരത്തില്‍ വന്നതിനുശേഷം ഇരവിപുരം നിയോജക മണ്ഡലത്തിലെ ആശുപത്രികളിലെ ഭൗതികസാഹചര്യം മെച്ചപ്പെടുത്തുന്നതിന് ഭരണാനുമതി നല്‍കിയ തുകയുടെ വിശദാംശം വ്യക്തമാക്കാമോ?

പീരുമേട് താലൂക്ക് ആശുപത്രിയിൽ അനസ്തെറ്റിക് തസ്തിക

3491.

ശ്രീമതി ഇ.എസ്.ബിജിമോള്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	പീരുമേട് താലൂക്ക് ആശുപത്രിയിൽ നിരവധി വർഷങ്ങളായി അനസ്തെറ്റിക് സേവനം ലഭിക്കാത്തതിനാൽ ഓപ്പറേഷൻ തീയറ്ററും മെറ്റേണിറ്റി യൂണിറ്റും സുസജ്ജമാക്കുവാൻ കഴിയുന്നില്ല എന്ന കാര്യം ശ്രദ്ധയിൽപ്പെട്ടിട്ടുണ്ടോ;

(ബി)	ഈ ആശുപത്രിയിൽ അനസ്തെറ്റിക് സേവനം താൽക്കാലികമായെങ്കിലും ലഭ്യമാക്കുന്നതിന് വകുപ്പ് സ്വീകരിച്ചിട്ടുള്ള നടപടികൾ വിശദമാക്കുമോ;

(സി)	തോട്ടം തൊഴിലാളികളും കർഷകരും ഉൾപ്പെടെയുള്ള സാധാരണക്കാരായ ജനങ്ങൾ ഏറ്റവുമധികം ആശ്രയിക്കുന്ന പീരുമേട് താലൂക്ക് ആശുപത്രിയിൽ അനസ്തെറ്റിക്കിന്റെ സ്ഥിരമായ തസ്തിക അനുവദിക്കുന്നതിന് വകുപ്പ് നടപടി സ്വീകരിക്കുമോ?

കോതമംഗലം താലൂക്ക് ആശുപത്രിയില്‍ ഡയാലിസിസ് സെന്റര്‍

3492.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	2019-20 വര്‍ഷത്തെ ആസ്തി വികസന ഫണ്ടില്‍ നിന്നും രണ്ട് കോടി രൂപ അനുവദിച്ച് കോതമംഗലം താലൂക്ക് ആശുപത്രിയില്‍ ഡയാലിസിസ് സെന്റര്‍ ആരംഭിക്കുന്നതിനുവേണ്ടി ഭരണാനുമതി ലഭ്യമായിട്ടുള്ളത് ശ്രദ്ധയില്‍പ്പെട്ടിട്ടുണ്ടോ; ഇതുമായി ബന്ധപ്പെട്ട് സ്വീകരിച്ച തുടര്‍നടപടി വിശദമാക്കാമോ;

(ബി)	ഡയാലിസിസ് സെന്ററിന്റെ നിര്‍മ്മാണവുമായി ബന്ധപ്പെട്ട് നിലവില്‍ ആശുപത്രി പരിസരത്തെ കെട്ടിടത്തിന്റെ ഒരു ഭാഗം പൊളിച്ചു മാറ്റുന്നതിനു വേണ്ടി ഡി.എച്ച്.എസ്.ല്‍ നിന്നും അനുമതി നല്‍കിയിട്ടുള്ളത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; അറിയിക്കാമോ;

(സി)	പ്രസ്തുത ഉത്തരവ് ഡി.എച്ച്.എസ്.ല്‍ നിന്നും ലഭിച്ചിട്ടും എന്തുകൊണ്ടാണ് കെട്ടിടം പൊളിച്ച് മാറ്റുവാന്‍ താമസിക്കുന്നതെന്ന് വ്യക്തമാക്കാമോ;

(ഡി)	കാലതാമസം ഒഴിവാക്കി, കെട്ടിടം പൊളിക്കല്‍ നടപടികള്‍ വേഗത്തിലാക്കി പ്രസ്തുത ഡയാലിസിസ് സെന്ററിന്റെ നിര്‍മ്മാണം അടിയന്തരമായി ആരംഭിക്കുന്നതിനുവേണ്ട നടപടി സ്വീകരിക്കുമോ; വിശദമാക്കാമോ?

കായംകുളം താലൂക്കാശുപത്രി വികസന പദ്ധതികള്‍

3493.

(എ)

കായംകുളം താലൂക്കാശുപത്രിയുടെ ഭൗതിക സാഹചര്യങ്ങള്‍ മെച്ചപ്പെടുത്തുന്നതിന് വേണ്ടി കേരള ഹൗസിംഗ് ബോര്‍ഡ് കോര്‍പ്പറേഷനെ 07/03/2018-ല്‍ എസ്.പി.വി. ആയി നിയമിക്കുകയും ആരോഗ്യക്ഷേമ വകുപ്പില്‍ നിന്നും 24.08.2019-ല്‍ ഭരണാനുമതി ലഭിക്കുകയും ചെയ്തിട്ടും കിഫ്ബിയുടെ അംഗീകാരത്തിനായി പദ്ധതികള്‍ സമര്‍പ്പിക്കുന്നതിനുള്ള കാലതാമസം ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഇതിന്റെ കാരണമെന്താണെന്നും നടപടിക്രമങ്ങള്‍ ത്വരിതപ്പെടുത്തുവാന്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്നും വിശദമാക്കാമോ?

തൃശ്ശൂര്‍ ജില്ല ആശുപത്രിയിലെ അടിസ്ഥാനസൗകര്യ വികസന പദ്ധതികള്‍

3494.

ശ്രീ.കെ. രാജന്‍ : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ അധികാരത്തില്‍ വന്നതിന് ശേഷം തൃശ്ശൂര്‍ ജില്ല ആശുപത്രിയില്‍ എന്തെല്ലാം അടിസ്ഥാനസൗകര്യ വികസന പദ്ധതികള്‍ നടപ്പിലാക്കിയെന്ന് അറിയിക്കാമോ; ഇവയുടെ വിശദാംശങ്ങള്‍ ലഭ്യമാക്കുമോ?

പാലക്കാട് ജില്ലാ ആശുപത്രിയിലെ വികസന പ്രവര്‍ത്തനങ്ങള്‍

3495.

ശ്രീ.ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	പാലക്കാട് ജില്ലാ ആശുപത്രിയെ കിഫ്ബിയിൽ ഉള്‍പ്പെടുത്തി മാസ്റ്റര്‍ പ്ലാൻ തയ്യാറാക്കുന്ന കാര്യം പരിഗണനയിലുണ്ടോ; എങ്കിൽ വിശദാംശങ്ങള്‍ ലഭ്യമാക്കാമോ;

(ബി)	പ്രസ്തുത ആശുപത്രിയില്‍ ക്യാൻസര്‍ കെയര്‍ യൂണിറ്റ് സജ്ജീകരിച്ചിട്ടുണ്ടോ; ഇല്ലെങ്കില്‍ പ്രസ്തുത യൂണിറ്റ് സജ്ജീകരിക്കുന്നതിനുള്ള പ്രവര്‍ത്തനങ്ങളുടെ പുരോഗതി സംബന്ധിച്ച വിശദാംശങ്ങള്‍ ലഭ്യമാക്കാമോ?

ചാലക്കുടി മണ്ഡലത്തില്‍ ആര്‍ദ്രം പദ്ധതി

3496.

ശ്രീ.ബി.ഡി. ദേവസ്സി : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

ചാലക്കുടി മണ്ഡലത്തില്‍പ്പെട്ട ചാലക്കുടി താലൂക്ക് ആശുപത്രി, വിവിധ പി.എച്ച്.സി.കള്‍, സി.എച്ച്.സി.കള്‍ എന്നിവയില്‍ ആര്‍ദ്രം പദ്ധതിയുടെ ഭാഗമായി ഏതെല്ലാം തസ്തികകളാണ് കൂടുതലായി അനുവദിച്ചിട്ടുളളതെന്നും എന്തെല്ലാം സൗകര്യങ്ങളാണ് ഏര്‍പ്പെടുത്തിയിട്ടുളളതെന്നും അറിയിക്കാമോ?

ഒറ്റപ്പാലം താലൂക്ക് ആശുപത്രിയില്‍ ബ്ളഡ് ബാങ്ക്

3497.

(എ)	എം.എല്‍.എ. യുടെ 2019-20 വര്‍ഷത്തെ പ്രത്യേക വികസന ഫണ്ടില്‍ നിന്നും അമ്പത് ലക്ഷം രൂപ അനുവദിച്ച് ഒറ്റപ്പാലം താലൂക്ക് ആശുപത്രിയില്‍ ബ്ളഡ് ബാങ്ക് സ്ഥാപിക്കുന്നതിനായിട്ടുള്ള നിര്‍ദ്ദേശം എന്നാണ് പാലക്കാട് ഡി.എം.ഒ. യ്ക്ക് ലഭിച്ചതെന്ന് വിശദമാക്കാമോ;

(ബി)	അതിന്മേല്‍ നാളിതുവരെ സ്വീകരിച്ച നടപടികള്‍ എന്തെല്ലാമെന്ന് വിശദീകരിക്കാമോ?

കൊയിലാണ്ടി താലൂക്ക് ഹെഡ്ക്വാര്‍ട്ടേഴ്സ് ആശുപത്രിയിലെ പ്രസവ ശുശ്രൂഷ കേന്ദ്രം

3498.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	നാഷണല്‍ ഹെല്‍ത്ത് മിഷന്‍ വഴി കൊയിലാണ്ടി താലൂക്ക് ഹെഡ്ക്വാര്‍ട്ടേഴ്സ് ആശുപത്രിയില്‍ നിര്‍മ്മാണം നടത്തുന്ന പ്രസവ ശുശ്രൂഷ കേന്ദ്രത്തിന്റെ നിര്‍മ്മാണം ഏല്‍പ്പിച്ചത് ഏത് വിഭാഗത്തെയാണെന്ന് വ്യക്തമാക്കാമോ;

(ബി)	പ്രസ്തുത കമ്പനിയുടെ പ്രവൃത്തികള്‍ വേഗം കുറഞ്ഞത് എന്‍. എച്ച്.എം.-ന്റെ ശ്രദ്ധയില്‍പെട്ടിട്ടുണ്ടോ;

(സി)	പ്രവൃത്തികള്‍ സമയബന്ധിതമായി പൂര്‍ത്തീകരിക്കാന്‍ എന്തെല്ലാം നടപടിക്രമങ്ങള്‍ ആണ് എന്‍. എച്ച്.എം. സ്വീകരിക്കാന്‍ പോകുന്നതെന്ന് വിശദമാക്കാമോ;

(ഡി)	ഏകദേശം ഏതുമാസം പ്രവൃത്തി പൂര്‍ത്തീകരിക്കാന്‍ കഴിയുമെന്നാണ് കരുതുന്നതെന്ന് വിശദമാക്കാമോ?

ഒറ്റപ്പാലം മണ്ഡലത്തിലെ പി.എച്ച്.സി. കള്‍ക്ക് കെട്ടിടം

3499.

(എ)	ഈ സര്‍ക്കാര്‍ അധികാരത്തില്‍ വന്നശേഷം ഒറ്റപ്പാലം അസംബ്ലി മണ്ഡലത്തിലെ ഏതെല്ലാം പി.എച്ച്.സി. കള്‍ക്ക് കെട്ടിടം നിര്‍മ്മിക്കുകയുണ്ടായി; വിശദാംശം ലഭ്യമാക്കാമോ;

(ബി)	പി.എച്ച്.സി. കളുടെ ഭൗതിക സാഹചര്യം മെച്ചപ്പെടുത്തുന്നതിനായി സ്വീകരിക്കുവാനുദ്ദേശിക്കുന്ന നടപടികള്‍ വിശദീകരിക്കാമോ?

നിലമ്പൂര്‍ ജില്ലാശുപത്രിയില്‍ മെഡിക്കല്‍ ഓഫീസര്‍മാരുടെ ഒഴിവ്

3500.

ശ്രീ.പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	നിലമ്പൂര്‍ ജില്ലാശുപത്രിയില്‍ കാഷ്വാലിറ്റി മെഡിക്കല്‍ ഓഫീസര്‍മാരുടെ എത്ര തസ്തികകളാണ് അനുവദിച്ചിട്ടുളളതെന്നും എത്രയെണ്ണം ഒഴിഞ്ഞു കിടക്കുന്നുവെന്നും അറിയിക്കാമോ; ഒഴിവ് ഉണ്ടെങ്കില്‍ ആയത് നികത്തുന്നതിന് നടപടി സ്വീകരിക്കുമോ; വിശദമാക്കാമോ;

(ബി)	നിലമ്പൂര്‍ ജില്ലാശുപത്രിയില്‍ റെസിഡന്‍റ് മെഡിക്കല്‍ ഓഫീസര്‍ പോസ്റ്റ് നിലവില്‍ ഒഴിഞ്ഞ് കിടക്കുന്നുണ്ടോ; ഉണ്ടെങ്കില്‍ ആയത് നികത്തുന്നതിന് നടപടി സ്വീകരിക്കുമോ; വിശദമാക്കാമോ;

(സി)	ജൂനിയര്‍ കണ്‍സള്‍ട്ടന്റ്, കണ്‍സള്‍ട്ടന്റ് എന്നീ തസ്തികകളില്‍ ഏതെങ്കിലും ഒഴിവുകള്‍ നിലവിലുണ്ടോ; ഉണ്ടെങ്കില്‍ ഏതെല്ലാം വിഭാഗങ്ങളിലാണെന്ന് വിശദമാക്കാമോ; ഒഴിവ് നികത്തുന്നതിന് നടപടി സ്വീകരിക്കുമോ;

(ഡി)	മെഡിക്കല്‍ കൗണ്‍സില്‍ ഓഫ് ഇന്ത്യയുടെ മാനദണ്ഡപ്രകാരം ഇന്റേണ്‍ഷിപ്പ് ചെയ്യുന്നതിന് നിലമ്പൂര്‍ ജില്ലാശുപത്രിയെ തെരഞ്ഞെടുത്തിട്ടുണ്ടോ;

(ഇ)	ഇന്റേണ്‍ഷിപ്പ് ചെയ്യുന്നതിന് ഇന്‍സ്പെക്ഷന്‍ നടത്തിയിട്ടുണ്ടോ; ഇതുവരെയും ജില്ലാശുപത്രിയില്‍ ഇന്റേണ്‍ഷിപ്പ് അനുവദിക്കാതിരിക്കുന്നതിന്റെ കാരണം വിശദമാക്കാമോ;

(എഫ്)

ഇന്റേണ്‍ഷിപ്പിന് അനുവാദം നല്‍കുന്നുവെങ്കില്‍ എത്ര മെഡിക്കല്‍ വിദ്യാര്‍ത്ഥികള്‍ക്കാണ് അവസരം ലഭിക്കുക എന്ന് വിശദമാക്കാമോ?

കല്ലടിക്കോട് സി.എച്ച്.സി.യിൽ ട്രോമാകെയര്‍

3501.

(എ)	കല്ലടിക്കോട് കുടുംബാരോഗ്യകേന്ദ്രത്തിൽ ട്രോമാകെയര്‍ ആരംഭിക്കുന്നതിനുള്ള പ്രൊപ്പോസൽ പരിഗണനയിലുണ്ടോ; എങ്കിൽ ആയതിന്റെ പുരോഗതി വിവരം ലഭ്യമാക്കുമോ;

(ബി)	ഇക്കാര്യം പരിഗണനയിലില്ലെങ്കിൽ പ്രസ്തുത സി.എച്ച്.സി.യിൽ ട്രോമാകെയര്‍ ആരംഭിക്കുന്നതിനുള്ള നടപടി സ്വീകരിക്കുമോയെന്ന് വ്യക്തമാക്കാമോ?

നെയ്യാറ്റിന്‍കര ജനറല്‍ ആശുപത്രിയിലെ ബ്ലഡ് ബാങ്ക് മെഡിക്കല്‍ ഓഫീസര്‍

3502.

(എ)	നെയ്യാറ്റിന്‍കര ജനറല്‍ ആശുപത്രിയില്‍ ബ്ലഡ് ബാങ്ക് മെഡിക്കല്‍ ഓഫീസറെ നിയമിക്കുന്നതിന് എന്ത് നടപടി സ്വീകരിച്ചു എന്ന് വ്യക്തമാക്കാമോ;

(ബി)	മെഡിക്കല്‍ ഓഫീസര്‍ ഇല്ലാത്തതു കാരണം ബ്ലഡ് ബാങ്ക് പ്രവര്‍ത്തനം തടസ്സപ്പെട്ടത് ശ്രദ്ധയില്‍പ്പെട്ടിട്ടുണ്ടോ;

(സി)	ബ്ലഡ് ബാങ്ക് പ്രവര്‍ത്തിപ്പിക്കുവാന്‍ അടിയന്തരമായി എന്ത് നടപടി ആണ് സ്വീകരിക്കുന്നത് എന്ന് വ്യക്തമാക്കുമോ?

ഇന്‍സ്റ്റിറ്റ്യൂട്ട് ഫോര്‍ ഫാമിലി മെഡിസിന്‍

3503.

(എ)	ജീവിത ശൈലീ രോഗങ്ങള്‍ വര്‍ദ്ധിച്ചുവരുന്ന സാഹചര്യത്തില്‍ ആശുപത്രികളില്‍ ഫാമിലി മെഡിസിന്‍ വിഭാഗം പ്രത്യേകമായി ആരംഭിക്കുന്നത് സംബന്ധിച്ച ആശയത്തെക്കുറിച്ച് സര്‍ക്കാര്‍ തലത്തില്‍ ആലോചന നടക്കുന്നുണ്ടോയെന്ന് അറിയിക്കാമോ;

(ബി)	കോഴിക്കോട് മെഡിക്കല്‍ കോളേജിലെ ഫാമിലി മെഡിസിന്‍ വിഭാഗത്തിന് കീഴില്‍ കുന്ദമംഗലം കുടുംബാരോഗ്യ കേന്ദ്രത്തില്‍ ഇന്‍സ്റ്റിറ്റ്യൂട്ട് ഫോര്‍ ഫാമിലി മെഡിസിന്‍ സ്ഥാപിക്കാന്‍ നടപടി സ്വീകരിക്കുമോ?

ഇരിക്കൂര്‍ ആശുപത്രിയിലെ ജീവനക്കാരുടെ നിയമനം

3504.

ശ്രീ.കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	മുന്‍സര്‍ക്കാരിന്റെ കാലത്ത് താലൂക്ക് ആശുപത്രിയായി ഉയര്‍ത്തിയ ഇരിക്കൂര്‍ ആശുപത്രിയില്‍ താലൂക്കാശുപത്രിക്കാവശ്യമായ ജീവനക്കാരെ നിയമിച്ചിട്ടുണ്ടോ; ഇല്ലെങ്കില്‍ ആയതിനുള്ള നടപടികള്‍ സ്വീകരിക്കുമോ;

(ബി)	ഇരിക്കൂര്‍ നിയോജകമണ്ഡലത്തിലെ ഏതെല്ലാം പി.എച്ച്.സി.കളെ എഫ്.എച്ച്.സി.കളായി ഉയര്‍ത്തിയിട്ടുണ്ടെന്നും അവശേഷിക്കുന്നവ എഫ്.എച്ച്.സി.കളായി ഉയര്‍ത്താന്‍ നടപടി സ്വീകരിക്കുമോയെന്നും അറിയിക്കുമോ;

(സി)	എഫ്.എച്ച്.സി.കളായി ഉയര്‍ത്തിയിട്ടുള്ള ആശുപത്രികളില്‍ ഡോക്ടര്‍മാര്‍ ഉള്‍പ്പെടെയുള്ള ജീവനക്കാരെ നിയമിച്ചിട്ടുണ്ടോ എന്നും ഇല്ലെങ്കില്‍ അതിനുള്ള നടപടികള്‍ സ്വീകരിക്കുമോ എന്നും വ്യക്തമാക്കാമോ?

മെഡിക്കല്‍ ഓഫീസർമാര്‍ക്ക് തുല്യശമ്പളത്തിന് നടപടി

3505.

(എ)	ആയുർവ്വേദ, ഹോമിയോ വിഭാഗങ്ങളിലെ മെഡിക്കല്‍ ഓഫീസർമാരുടേയും അലോപ്പതി വിഭാഗത്തിലെ മെഡിക്കല്‍ ഓഫീസർമാരുടെയും ശമ്പള സ്കെയിലിലുള്ള വ്യത്യാസം ശ്രദ്ധയില്‍പ്പെട്ടിട്ടുണ്ടോ;

(ബി)	ഇവര്‍ക്ക് ശമ്പളതുല്യത വരുത്തുന്ന കാര്യം പരിഗണനയിലുണ്ടോ; എങ്കില്‍ വിശദാംശങ്ങള്‍ ലഭ്യമാക്കാമോ?

ജൂനിയര്‍ ഹെല്‍ത്ത് ഇന്‍സ്പെക്ടര്‍ ഗ്രേഡ് II തസ്തികയുടെ യോഗ്യത

3506.

ശ്രീ.വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ജൂനിയര്‍ ഹെല്‍ത്ത് ഇന്‍സ്പെക്ടര്‍ ഗ്രേഡ് II തസ്തികയുടെ അടിസ്ഥാന യോഗ്യത എന്താണ്;

(ബി)	2017ലെ സ്പെഷ്യല്‍ റൂള്‍ പ്രകാരം പ്ലസ് ടുവിന് സയൻസ് വിഷയം എടുത്ത് പാസ്സായവര്‍ക്ക് മാത്രമായി ഈ തസ്തികയുടെ നിയമനം നിജപ്പെടുത്തിയിട്ടുണ്ടോ;

(സി)	പ്രസ്തുത നിബന്ധന ഭേദഗതി ചെയ്യണമെന്ന് 2018-ല്‍ ഹെൽത്ത് ഡയറക്ടര്‍ ആരോഗ്യവകുപ്പ് സെക്രട്ടറിക്ക് കത്ത് നൽകുിയിട്ടുണ്ടോ;

(ഡി)	2012-ന് ശേഷം പ്രസ്തുത തസ്തികയിലേക്ക് പി.എസ്.സി. നിയമനം നടത്താത്ത സാഹചര്യത്തിൽ 2012-ന് ശേഷം പ്ലസ് ടു സയൻസ് ഇതര വിഷയങ്ങള്‍ എടുത്ത് പഠിച്ച് ഹെൽത്ത് ഇൻസ്പെക്ടര്‍ ഡിപ്ലോമ പരിക്ഷ പാസ്സായ ഉദ്യോഗാര്‍ത്ഥികള്‍ക്ക് അവസരം നഷ്ടപ്പെടുമെന്നതിനാൽ സ്പെഷ്യൽ റൂളിൽ ഭേദഗതി വരുത്തുന്ന കാര്യം പരിഗണിക്കുമോ?

ഹൗസ് സര്‍ജന്‍മാരുടെ നിയമനം

3507.

(എ)	നെയ്യാറ്റിന്‍കര ജനറല്‍ ആശുപത്രിയില്‍ ഹൗസ് സര്‍ജന്‍മാരെ നിയമിക്കുന്നതിന് സ്ഥലം എം.എല്‍.എ. നല്‍കിയ നിവേദനത്തിന്മേല്‍ എന്തു നടപടി സ്വീകരിച്ചു എന്ന് വ്യക്തമാക്കുമോ;

(ബി)	ഹൗസ് സര്‍ജന്‍മാരെ അനുവദിക്കുന്നതിന് നിലവിലെ വ്യവസ്ഥകള്‍ ഏതെല്ലാം എന്ന് വിശദമാക്കാമോ;

(സി)	ഇൗ സര്‍ക്കാര്‍ അധികാരത്തില്‍ വന്നതിനുശേഷം സംസ്ഥാനത്ത് പുതിയതായി ഏതൊക്കെ ആശുപത്രികളില്‍ ആണ് ഹൗസ് സര്‍ജന്‍മാരെ അനുവദിച്ചത് എന്ന് വിശദമാക്കാമോ?

വയനാട് ജില്ലയിലെ ആരോഗ്യ വകുപ്പില്‍ ഒഴിവുള്ള തസ്തികകള്‍

3508.

ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	മുന്‍സര്‍ക്കാരിന്റെ കാലത്ത് വയനാട് ജില്ലയില്‍ ആരോഗ്യ വകുപ്പില്‍ പുതുതായി സൃഷ്ടിച്ച തസ്തികകള്‍ ഏതെല്ലാമാണെന്ന് സ്ഥാപനം തിരിച്ച് ലഭ്യമാക്കാമോ;

(ബി)	ഈ സര്‍ക്കാര്‍ അധികാരത്തില്‍ വന്നതിനുശേഷം വയനാട് ജില്ലയില്‍ ആരോഗ്യ വകുപ്പില്‍ പുതുതായി സൃഷ്ടിച്ച തസ്തികകള്‍ ഏതെല്ലാമാണെന്ന് സ്ഥാപനം തിരിച്ച് ലഭ്യമാക്കാമോ;

(സി)	പ്രസ്തുത ജില്ലയില്‍ ആരോഗ്യ വകുപ്പില്‍ ഒഴിവുള്ള തസ്തികകള്‍ ഏതെല്ലാമെന്നും ഒഴിവുകള്‍ നികത്താന്‍ സ്വീകരിച്ച നടപടികളും വ്യക്തമാക്കാമോ?

ചൂണ്ടല്‍ ഗ്രാമപഞ്ചായത്തിലെ ആയുർവേദ ഡിസ്പെൻസറി

3509.

ശ്രീ.മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ചൂണ്ടല്‍ ഗ്രാമപഞ്ചായത്തിലെ ഗവ:ആയുർവേദ ഡിസ്പെൻസറിയില്‍ ഔഷധവിതരണത്തിന് യോഗ്യതയുള്ള ഫാർമസിസ്റ്റ് നിലവിലുണ്ടോയെന്ന് വ്യക്തമാക്കുമോ;

(ബി)	നാല്പത്തഞ്ച് വർഷമായി പ്രവർത്തിച്ചുവരുന്ന ഈ ഡിസ്പെൻസറി ആയുഷ്മാൻ ഭാരത് പദ്ധതിയില്‍ ഉള്‍പ്പെടുത്തിയിട്ടുണ്ടോ;

(സി)	ഈ പദ്ധതി പ്രകാരം ഫാർമസിസ്റ്റിനെ നിയമിക്കാൻ നടപടി എടുത്തിട്ടുണ്ടോ; എങ്കില്‍ വിശദാംശങ്ങള്‍ വ്യക്തമാക്കുമോ?

സര്‍ക്കാര്‍ ആശുപത്രികളിലെ ദിവസവേതന/കരാര്‍ തൊഴിലാളികള്‍

3510.

(എ)	തിരുവനന്തപുരം ജില്ലയിലെ സര്‍ക്കാര്‍ ആശുപത്രികളില്‍ ദിവസവേതന അടിസ്ഥാനത്തിലും കരാര്‍ അടിസ്ഥാനത്തിലും ആശുപത്രി വികസന സമിതി, തദ്ദേശസ്വയംഭരണ സ്ഥാപനങ്ങള്‍ എന്നിവ വഴി താത്കാലികമായി എത്ര ജീവനക്കാര്‍ ജോലി ചെയ്യുന്നു എന്നതിന്റെ തസ്തിക തിരിച്ചുള്ള വിവരം ലഭ്യമാക്കാമോ;

(ബി)	പ്രസ്തുത ജീവനക്കാര്‍ക്ക് സര്‍ക്കാര്‍ അംഗീകൃത മിനിമം വേതനം ലഭിക്കുന്നുണ്ടോ; ഇല്ലെങ്കില്‍ ആയത് ലഭ്യമാക്കാന്‍ വേണ്ട നടപടി സ്വീകരിക്കുമോ; വ്യക്തമാക്കാമോ;

(സി)	പതിനഞ്ച് വര്‍ഷം റഗുലര്‍ സര്‍വ്വീസ് പൂര്‍ത്തിയാക്കിയതിനുശേഷവും പ്രൊമോഷന്‍ ലഭിക്കാത്ത ഏതെല്ലാം കാറ്റഗറികളാണ് ഹെല്‍ത്ത് ഡിപ്പാര്‍ട്ടുമെന്റില്‍ നിലവിലുള്ളത് എന്ന് വ്യക്തമാക്കാമോ?

നെയ്യാറ്റിന്‍കര ജനറല്‍ ആശുപത്രിയില്‍ പോലീസ്/ഫോറന്‍സിക് സര്‍ജന്‍ നിയമനം

3511.

(എ)	നെയ്യാറ്റിന്‍കര ജനറല്‍ ആശുപത്രിയില്‍ പോലീസ്/ഫോറന്‍സിക് സര്‍ജനെ നിയമിക്കുന്നതിന് നടപടി സ്വീകരിച്ചിട്ടുണ്ടോ എന്ന് വിശദമാക്കാമോ;

(ബി)	തിരുവനന്തപുരം ജില്ലയില്‍ ഏതൊക്കെ ആശുപത്രികളില്‍ പോലീസ്/ഫോറന്‍സിക് സര്‍ജനെ നിയമിച്ചിരിക്കുന്നുവെന്നും ഓരോ ആശുപത്രിയിലും എ്രത പേരെ എന്നും വ്യക്തമാക്കാമോ;

(സി)	നെയ്യാറ്റിന്‍കര ജനറല്‍ ആശുപത്രിയില്‍ ഫോറന്‍സിക് സര്‍ജനെ നിയമിക്കുന്നതിന് സര്‍ക്കാര്‍ തലത്തില്‍ ഏതൊക്കെ തരത്തില്‍ ഉള്ള നടപടിക്രമങ്ങള്‍ ആണ് പൂര്‍ത്തീകരിക്കേണ്ടത് എന്ന് വിശദമാക്കാമോ?

ഫാര്‍മസിസ്റ്റ് ഗ്രേഡ് II തസ്തികയിലേക്കുള്ള നിമയനം

3512.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	കോട്ടയം ജില്ലയില്‍ ഫാര്‍മസിസ്റ്റ് ഗ്രേഡ് II തസ്തികയിലേക്കുള്ള നിമയനത്തിന് റാങ്ക് ലിസ്റ്റ് നിലവിലുണ്ടോ;

(ബി)	പ്രസ്തുത ജില്ലയില്‍ ഫാര്‍മസിസ്റ്റ് ഗ്രേഡ് II തസ്തികയില്‍ ഒഴിവുകള്‍ നിലവിലുണ്ടോ; എങ്കില്‍ പ്രസ്തുത ഒഴിവുകള്‍ പി.എസ്.സി.ക്ക് റിപ്പോര്‍ട്ട് ചെയ്തിട്ടുണ്ടോ;

(സി)	ജില്ലയില്‍ സ്റ്റോര്‍ കീപ്പര്‍ തസ്തികയില്‍ ഒഴിവുകള്‍ നിലവിലുണ്ടോ; എങ്കില്‍ സ്ഥാനക്കയറ്റം മുഖേന ഈ ഒഴിവുകള്‍ നികത്താത്തതുമൂലം എന്‍ട്രി കേഡറില്‍ ഒഴിവുകള്‍ വരാത്ത സാഹചര്യം ശ്രദ്ധയില്‍പ്പെട്ടിട്ടുണ്ടോ;

(ഡി)	സ്ഥാനക്കയറ്റം വഴി സ്റ്റോര്‍ കീപ്പര്‍ തസ്തികയിലെ ഒഴിവുകള്‍ നികത്തുന്നതിനും ഫാര്‍മസിസ്റ്റ് ഗ്രേഡ് II തസ്തികയിലെ ഒഴിവുകള്‍ പി.എസ്.സി.ക്ക് റിപ്പോര്‍ട്ട് ചെയ്യുന്നതിനും നടപടി സ്വീകരിക്കാമോ?

കാത്ത് ലാബ് ആശുപത്രികളില്‍ കാര്‍ഡിയോളജിസ്റ്റുകളുടെ സേവനം

3513.

ഡോ.എം. കെ. മുനീര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം എത്ര ആശുപത്രികളില്‍ കാത്ത് ലാബുകള്‍ സ്ഥാപിച്ചിട്ടുണ്ട്; ഉണ്ടെങ്കില്‍ സ്ഥാപിച്ച തീയതി വ്യക്തമാക്കാമോ;

(ബി)	പ്രസ്തുത ലാബുകള്‍ സ്ഥാപിച്ചിട്ടുള്ള ആശുപത്രികളില്‍ കാര്‍ഡിയോളജിസ്റ്റുകളുടെ സേവനം ലഭ്യമാണോ;

(സി)	എങ്കില്‍ ഈ ആശുപത്രികളിലെ കാര്‍ഡിയോളജിസ്റ്റുകളുടെ സ്റ്റാഫ് സ്ട്രെങ്ത് ലഭ്യമാക്കുമോ;

(ഡി)	കാത്ത് ലാബുകള്‍ സ്ഥാപിതമായിട്ടുള്ള ആശുപത്രികളില്‍ കാര്‍ഡിയോളജിസ്റ്റുകളുടെ തസ്തിക എവിടെയെല്ലാമാണ് ഒഴിഞ്ഞു കിടക്കുന്നതെന്ന് അറിയിക്കുമോ;

(ഇ)	ഈ ലാബുകള്‍ സ്ഥാപിക്കപ്പെട്ട ആശുപത്രികളില്‍ എത്ര വീതം ആന്‍ജിയോ പ്ലാസ്റ്റി ശസ്ത്രക്രിയകള്‍ നാളിതുവരെ നടത്തിയിട്ടുണ്ടെന്ന് വ്യക്തമാക്കാമോ;

(എഫ്)

സംസ്ഥാനത്തെ വിവിധ ആശുപത്രികള്‍ കാത്ത് ലാബുകള്‍ സ്ഥാപിക്കാന്‍ ‍കിഫ്ബി വഴി എത്ര തുകയാണ് വകയിരുത്തിയിരിക്കുന്നത്;

(ജി)	ഓരോ ആശുപത്രിയിലും എത്ര തുക ചെലവഴിച്ചാണ് കാത്ത് ലാബുകള്‍ സ്ഥാപിച്ചത് എന്ന് വ്യക്തമാക്കാമോ?

ക്ലിനിക്കല്‍ സ്ഥാപനങ്ങളുടെ ഗ്രേഡിംഗ്

3514.

ശ്രീ.വി.എസ്.ശിവകുമാര്‍
,, വി.ഡി.സതീശന്‍
,, ഐ.സി.ബാലകൃഷ്ണന്‍
,, അനില്‍ അക്കര : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ക്ലിനിക്കല്‍ എസ്റ്റാബ്ലിഷ്മെന്റ് ആക്ട് അനുസരിച്ചുള്ള രജിസ്ട്രേഷൻ സംവിധാനം ഏതൊക്കെ ജില്ലകളില്‍ ഇതിനകം നിലവില്‍ വന്നിട്ടുണ്ട്; പ്രസ്തുത ജില്ലകളില്‍ താല്‍ക്കാലിക രജിസ്ട്രേഷൻ നടപടികള്‍ പൂർത്തിയായിട്ടുണ്ടോ;

(ബി)	താത്ക്കാലിക രജിസ്ട്രേഷന് അപേക്ഷ സമർപ്പിക്കാത്ത സ്ഥാപനങ്ങളുടെ പ്രവർത്തനം തടഞ്ഞിട്ടുണ്ടോ; എങ്കില്‍ എത്ര സ്ഥാപനങ്ങളുടെ പ്രവർത്തനം തടഞ്ഞിട്ടുണ്ട്;

(സി)	ക്ലിനിക്കല്‍ സ്ഥാപനങ്ങളെ ഇനം തിരിക്കാനും തരം തിരിക്കാനും അവയുടെ സേവന നിലവാരം നിശ്ചയിക്കുന്നതിനുമുള്ള നടപടികള്‍ ആരംഭിച്ചിട്ടുണ്ടോ; വിശദാംശം നല്‍കുമോ;

(ഡി)	താത്ക്കാലിക രജിസ്ട്രേഷൻ വേളയില്‍ തന്നെ ഓരോ ക്ലിനിക്കല്‍ സ്ഥാപനവും പ്രസ്തുത സ്ഥാപനത്തിലുള്ള സേവനങ്ങളുടെയും സംവിധാനങ്ങളുടെയും വിശദാംശവും ജീവനക്കാരുടെ യോഗ്യതയും സംബന്ധിച്ച വിവരങ്ങള്‍ സമർപ്പിക്കേണ്ടതുണ്ടോ; അത് പരിശോധിക്കുന്നതിന് നിലവിലുള്ള സംവിധാനം എന്താണ്;

(ഇ)	പ്രസ്തുത നിയമം നല്ല രീതിയില്‍ നടപ്പിലാക്കുന്നതിനും ചികിത്സാ രംഗത്ത് നിലനില്‍ക്കുന്ന ചൂഷണം അവസാനിപ്പിക്കുന്നതിനും ആവശ്യമായ നടപടി സ്വീകരിക്കുമോ?

എന്‍ഡോസള്‍ഫാന്‍ ബാധിതര്‍ക്കുള്ള സഹായം

3515.

ശ്രീ.എം. സി. കമറുദ്ദീന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	2017-ല്‍ നടന്ന മെഡിക്കല്‍ ക്യാമ്പില്‍ കണ്ടെത്തിയ എന്‍ഡോസള്‍ഫാന്‍ ബാധിതരായവര്‍ക്ക് ഇതുവരെ ചികിത്സാസഹായങ്ങളോ മറ്റ് ആനുകൂല്യങ്ങളോ നല്‍കിയിട്ടുണ്ടോ എന്ന് വ്യക്തമാക്കാമോ;

(ബി)	മെഡിക്കല്‍ റെക്കോര്‍ഡ് പരിശോധിച്ച് എന്‍ഡോസള്‍ഫാന്‍ ബാധിതരെ ലിസ്റ്റില്‍ ഉള്‍പ്പെടുത്തേണ്ട നടപടി ഏത് ഘട്ടത്തിലാണെന്ന് വ്യക്തമാക്കാമോ;

(സി)	2017 ജനുവരി 12 ലെ സുപ്രീംകോടതി വിധി അനുസരിച്ച് അഞ്ച് ലക്ഷം രൂപ നല്‍കുന്നതിന് സ്വീകരിച്ച നടപടികള്‍ വ്യക്തമാക്കാമോ;

(ഡി)	എന്‍ഡോസള്‍ഫാന്‍ ബാധിതര്‍ക്ക് പുനരധിവാസ കേന്ദ്രം സര്‍ക്കാരിന്റെ പരിഗണനയിലുണ്ടോ; പ്രസ്തുത കേന്ദ്രം എപ്പോള്‍ സ്ഥാപിക്കുമെന്ന് വ്യക്തമാക്കാമോ;

(ഇ)	എന്‍ഡോസള്‍ഫാന്‍ ബാധിതര്‍ക്കുളള പെന്‍ഷന്‍ വര്‍ദ്ധിപ്പിക്കുന്ന കാര്യം സര്‍ക്കാരിന്റെ പരിഗണനയിലുണ്ടോ?

മായം ചേര്‍ത്ത ഭക്ഷ്യവസ്തുക്കള്‍

3516.

(എ)	മത്സ്യത്തില്‍ ഫോര്‍മാലിന്‍ പോലെയുള്ള വിഷവസ്തുക്കള്‍ ചേര്‍ത്ത ഐസ് കട്ടകള്‍ ഇട്ടു സൂക്ഷിക്കുന്നത് ശ്രദ്ധയില്‍പെട്ടിട്ടുണ്ടോ; 2019 ജനുവരി 1-ന് ശേഷം ഇത്തരത്തില്‍ എത്ര കേസുകള്‍ സംസ്ഥാനത്ത് റിപ്പോര്‍ട്ട് ചെയ്യപ്പെട്ടിട്ടുണ്ടെന്ന് വിശദീകരിക്കുമോ;

(ബി)	ഇത്തരം മായം ചേര്‍ത്ത ഭക്ഷ്യവസ്തുക്കള്‍ പരിശോധിക്കുന്നതിന് സംസ്ഥാനത്ത് എന്തെല്ലാം സംവിധാനങ്ങളാണ് നിലവിലുള്ളതെന്ന് വിശദീകരിക്കുമോ;

(സി)	പച്ചക്കറികളിലും പഴങ്ങളിലും അമിതമായ അളവില്‍ കീടനാശിനികള്‍ പുരട്ടി വില്പന നടത്തുന്നത് കണ്ടുപിടിക്കുന്നതിന് എന്തെല്ലാം സംവിധാനങ്ങള്‍ നിലവിലുണ്ടെന്ന് വിശദീകരിക്കുമോ?

മായം ചേര്‍ക്കല്‍ തടയാന്‍ കര്‍മ്മ പരിപാടി

3517.

(എ)	ഭക്ഷ്യവസ്തുക്കളില്‍ മായം ചേര്‍ക്കല്‍, വിഷാംശമടങ്ങിയ ഭക്ഷ്യപദാര്‍ത്ഥങ്ങള്‍, പച്ചക്കറികളിലും മറ്റ് ഭക്ഷ്യ പദാര്‍ത്ഥങ്ങളിലും വിഷാംശങ്ങളുടെ ഉപയോഗം എന്നിവ വര്‍ദ്ധിച്ച് വരുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി)	ഇത് തിരിച്ചറിഞ്ഞ് ഭക്ഷ്യപദാര്‍ത്ഥങ്ങളില്‍ മായം ചേര്‍ക്കുന്നത് തടയുന്നതിനും വിഷാംശമില്ലാത്ത ആഹാര സാധനങ്ങള്‍ ലഭ്യമാക്കുന്നതിനുമായി ഒരു കര്‍മ്മ പരിപാടി രൂപീകരിക്കുന്ന കാര്യം സര്‍ക്കാര്‍ പരിഗണിക്കുമോ; ഇതിനുവേണ്ട നടപടികള്‍ സംബന്ധിച്ച വിശദാംശങ്ങള്‍ ലഭ്യമാക്കാമോ?

വിഷമില്ലാത്ത ഭക്ഷണം ഉറപ്പാക്കാന്‍ നടപടി

3518.

ശ്രീ.വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	വിഷമില്ലാത്ത ഭക്ഷണം ജനങ്ങള്‍ക്ക് ഉറപ്പുവരുത്താന്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ;

(ബി)	2006-ലെ ഭക്ഷ്യസുരക്ഷ നിയമം കര്‍ശനമായി പാലിക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കുമോ?

വ്യാജ വൈദ്യന്മാരുടെ ചികിത്സ

3519.

ശ്രീ.എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വ്യാജ വൈദ്യന്മാരുടെ ചികിത്സ മൂലം നിരവധിപേര്‍ക്ക് വൃക്ക, കരള്‍ രോഗം ബാധിക്കുന്നുവെന്ന റിപ്പോര്‍ട്ട് ശ്രദ്ധയില്‍പെട്ടിട്ടുണ്ടോ;

(ബി)	അഞ്ചലിനടുത്ത് ഏരൂരില്‍ തെലുങ്കാന സ്വദേശി ലക്ഷ്മണ്‍രാജ് എന്ന വ്യാജവൈദ്യന്റെ ചികിത്സ മൂലം നൂറോളം പേര്‍ക്ക് വൃക്ക, കരള്‍ രോഗം ബാധിച്ച സാഹചര്യം ഗൗരവമായി പരിഗണിച്ചിട്ടുണ്ടോ;

(സി)	മെര്‍ക്കുറി അടങ്ങിയ മരുന്നുകളാണ് വ്യാജവൈദ്യന്മാര്‍ രോഗികള്‍ക്ക് നല്‍കുന്നതെന്ന് പരിശോധനയില്‍ കണ്ടെത്തിയിട്ടുണ്ടോ;

(ഡി)	ഇത്തരം വ്യാജവൈദ്യന്മാരുടെ ചികിത്സ മൂലമുളള അപകടത്തെക്കുറിച്ച് ജനങ്ങളെ ബോധവല്‍ക്കരിക്കുന്നതിനും വ്യാജവൈദ്യന്മാരെ നിയമത്തിന് മുന്നില്‍ കൊണ്ടുവരുന്നതിനും നടപടി സ്വീകരിക്കുമോ?

കോവളം നിയോജകമണ്ഡലത്തിലെ ആരോഗ്യ വകുപ്പ് പദ്ധതികള്‍

3520.

ശ്രീ.എം. വിന്‍സെന്റ് : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

കോവളം നിയോജകമണ്ഡലത്തില്‍ 2016 മെയ് മുതല്‍ നാളിതുവരെ ഏതെല്ലാം പദ്ധതികള്‍ക്ക് ആരോഗ്യ വകുപ്പ് അംഗീകാരം നല്‍കിയിട്ടുണ്ട്; പ്രവൃത്തികള്‍ ഏതൊക്കെ; പ്രവൃത്തികളുടെ പേരും തുകയും വ്യക്തമാക്കാമോ?

കാരുണ്യ ആരോഗ്യ സുരക്ഷാ പദ്ധതി

3521.

ശ്രീ.ജോണ്‍ ഫെര്‍ണാണ്ടസ്
,, കെ.വി.വിജയദാസ്
ശ്രീമതിവീണാ ജോര്‍ജ്ജ്
ശ്രീ.കാരാട്ട് റസാഖ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	കാരുണ്യ ആരോഗ്യ സുരക്ഷ പദ്ധതിയില്‍ സംസ്ഥാനത്ത് എത്ര കുടുംബങ്ങളാണുള്ളതെന്നും എത്ര കുടുംബങ്ങള്‍ക്കാണ് കേന്ദ്രസര്‍ക്കാര്‍ മാനദണ്ഡപ്രകാരം വിഹിതം ലഭിക്കുന്നതെന്നത് എന്നതിന്റെയും കണക്ക് ലഭ്യമാണോ;

(ബി)	ഈ പദ്ധതി പൂര്‍ണ്ണമായും കേന്ദ്രസര്‍ക്കാര്‍ സഹായത്തോടെയുള്ളതാണെന്ന ദുഷ്പ്രചരണത്തിന്റെ പശ്ചാത്തലത്തില്‍ ഈ പദ്ധതിക്കായി ആകെ മതിപ്പു ചെലവെത്രയെന്നും അതില്‍ കേന്ദ്ര വിഹിതമായി നല്‍കുന്ന തുകയെത്രയെന്നും അറിയിക്കാമോ;

(സി)	'കാസ്പ്' ആനുകൂല്യം ലഭിക്കാത്ത അര്‍ഹര്‍ക്ക് കാരുണ്യ പദ്ധതി തുടരുന്നുണ്ടോ?

കാരുണ്യ ആരോഗ്യ സുരക്ഷാ പദ്ധതിയുടെ നടത്തിപ്പ്

3522.

(എ)	കാരുണ്യ ആരോഗ്യസുരക്ഷാ (കാസ്പ്) പദ്ധതിയുടെ നടത്തിപ്പിന് നിലവില്‍ ഏത് ഇന്‍ഷുറന്‍സ് കമ്പനിയുമായാണ് സര്‍ക്കാര്‍ കരാറിലേര്‍പ്പെട്ടിരിക്കുന്നത്; ഈ കരാര്‍ കാലാവധി എന്നു വരെയാണ്; കരാര്‍ കാലാവധി പുതുക്കുന്നതിന് നടപടികള്‍ സ്വീകരിച്ചിട്ടുണ്ടോ; വിശദമാക്കുമോ;

(ബി)	പതിനൊന്ന് വര്‍ഷമായി പ്രവര്‍ത്തിച്ചുവരുന്ന സി.എച്ച്.എെ.എ.സി. (കോംപ്രിഹെന്‍സീവ് ഹെല്‍ത്ത് ഇന്‍ഷുറന്‍സ് ഏജന്‍സി കേരള) എന്ന സ്ഥാപനത്തിന്റെ സേവനം അവസാനിപ്പിക്കുന്നതിന് തീരുമാനിച്ചിട്ടുണ്ടോ; ഇതിന്റെ കാരണം വ്യക്തമാക്കുമോ?

കോതമംഗലം താലൂക്കിലെ കാന്‍സര്‍ രോഗികള്‍

3523.

(എ)	കോതമംഗലം താലൂക്കില്‍ കാന്‍സര്‍ രോഗികളുടെ എണ്ണം വര്‍ദ്ധിച്ചുവരുന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)	താലൂക്കിലെ കാന്‍സര്‍ രോഗബാധിതരുടെ കണക്ക് വകുപ്പ് ശേഖരിച്ചിട്ടുണ്ടോ; ഇല്ലെങ്കില്‍ ആയത് ശേഖരിക്കുന്നതിന് നടപടി സ്വീകരിക്കുമോ;

(സി)	കോതമംഗലം താലൂക്കില്‍ കാന്‍സര്‍ ബാധിതരുടെ എണ്ണം വര്‍ദ്ധിച്ചുവരുന്ന സാഹചര്യത്തില്‍ ആരോഗ്യവകുപ്പിന്റെ നേതൃത്വത്തില്‍ ഒരു വിദഗ്ദ്ധ പഠനം നടത്തുവാന്‍ നടപടി സ്വീകരിക്കുമോ?

പീരുമേട് മണ്ഡലത്തിൽ സ്പെഷ്യാലിറ്റി ആശുപത്രികൾ സ്ഥാപിക്കുവാന്‍ നടപടി

3524.

(എ)	പീരുമേട് നിയോജക മണ്ഡലത്തിൽ സർക്കാർ മേഖലയിലോ സ്വകാര്യ മേഖലയിലോ സ്പെഷ്യാലിറ്റി ആശുപത്രികൾ നിലവിലില്ല എന്ന കാര്യം വകുപ്പിന്റെ ശ്രദ്ധയിൽപ്പെട്ടിട്ടുണ്ടോ;

(ബി)	പിന്നോക്കക്കാരായ തോട്ടം തൊഴിലാളികളും കർഷകരും ഉള്‍പ്പെടുന്ന പീരുമേട് നിയോജക മണ്ഡലത്തിലെ താലൂക്ക് ആശുപത്രിയെയും സാമൂഹ്യ ആരോഗ്യ കേന്ദ്രങ്ങളെയും പ്രത്യേക പരിഗണന നൽകി സ്പെഷ്യാലിറ്റി സൗകര്യങ്ങളോടെ ശക്തിപ്പെടുത്തുന്നതിനുള്ള നടപടികൾ സ്വീകരിക്കുമോ; വിശദാംശങ്ങൾ വ്യക്തമാക്കുമോ?

ആയുഷ്മാന്‍ ഭാരത്-കാരുണ്യ ആരോഗ്യ ഇന്‍ഷുറന്‍സ് പദ്ധതി അംഗത്വം

3525.

(എ)

ആയുഷ്മാന്‍ ഭാരത്-കാരുണ്യ ആരോഗ്യ ഇന്‍ഷുറന്‍സ് പദ്ധതി മുഖേന അംഗങ്ങളാകാനോ ഇന്‍ഷുറന്‍സ് കാര്‍ഡ് എടുക്കാനോ കഴിയാത്ത പാവപ്പെട്ട കുടുംബങ്ങളിലെ അംഗങ്ങളില്‍ ആരെങ്കിലും രോഗാതുരരായി ശസ്ത്രക്രിയയടക്കം വേണ്ടിവരുന്ന അടിയന്തര സാഹചര്യങ്ങളില്‍ അവര്‍ക്ക് ഇന്‍ഷുറന്‍സ് ആനുകൂല്യം ലഭ്യമാക്കുന്നതിന് എന്തെങ്കിലും സംവിധാനങ്ങള്‍ ഏര്‍പ്പെടുത്തിയിട്ടുണ്ടോ എന്ന് വ്യക്തമാക്കാമോ;

(ബി)	ഈ ആരോഗ്യ ഇന്‍ഷുറന്‍സ് പദ്ധതിയില്‍ പുതിയ അംഗങ്ങളെ ചേര്‍ക്കുന്നതിന് സര്‍ക്കാര്‍ തീരുമാനിച്ചിട്ടുണ്ടോയെന്നും ഉണ്ടെങ്കില്‍ പ്രസ്തുത പ്രക്രിയ എന്നുമുതല്‍ ആരംഭിക്കുമെന്നും അറിയിക്കാമോ?

ദന്താരോഗ്യ മേഖലയിലെ പദ്ധതികള്‍

3526.

ശ്രീ.വി.ഡി.സതീശന്‍
,, അനൂപ് ജേക്കബ്
,, പി.ടി. തോമസ്
ശ്രീമതിഷാനിമോള്‍ ഉസ്മാന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം ദന്താരോഗ്യ മേഖലയില്‍ നടപ്പിലാക്കിയ പദ്ധതികള്‍ എന്തൊക്കെയാണെന്ന് അറിയിക്കാമോ;

(ബി)	ദന്തല്‍ മേഖല അഭിമുഖീകരിക്കുന്ന പ്രശ്നങ്ങള്‍ പരിഹരിക്കുന്നതിന് ആവശ്യമായ രൂപരേഖ തയ്യാറാക്കിയിട്ടുണ്ടോ; വിശദാംശം നല്‍കുമോ;

(സി)	സംസ്ഥാനത്തെ എല്ലാ താലൂക്ക് ആശുപത്രികളിലും പ്രധാനപ്പെട്ട സാമൂഹികാരോഗ്യ കേന്ദ്രങ്ങളിലും ദന്ത ചികിത്സക്ക് സൗകര്യം ഒരുക്കുന്ന കാര്യം പരിഗണിക്കുമോ;

(ഡി)	സംസ്ഥാനത്ത് മൊബൈല്‍ ദന്തല്‍ ക്ലിനിക് ആരംഭിക്കുവാന്‍ ഉദ്ദേശിക്കുന്നുണ്ടോ; വിശദാംശം നല്‍കുമോ?

മെഡിക്കല്‍ സര്‍വീസസ് കോര്‍പ്പറേഷനിലെ താല്‍ക്കാലിക ജീവനക്കാര്‍

3527.

(എ)	കേരള മെഡിക്കല്‍ സര്‍വീസസ് കോര്‍പ്പറേഷന്‍ എന്നാണ് രൂപീകരിച്ചിട്ടുളളത്; കോര്‍പ്പറേഷനില്‍ നിലവില്‍ എത്ര പേര്‍ ജോലി ചെയ്യുന്നു; ഇവരില്‍ എത്ര പേര്‍ താല്‍ക്കാലിക ജീവനക്കാര്‍ ആണ്; വെളിപ്പെടുത്താമോ;

(ബി)	സംസ്ഥാനത്തെ മറ്റ് സമാന സ്ഥാപനങ്ങളില്‍ പത്ത് വര്‍ഷത്തില്‍ കൂടുതല്‍ ജോലി ചെയ്യുന്നവരെ സ്ഥിരപ്പെടുത്തിയതിന്റെ അടിസ്ഥാനത്തില്‍ മെഡിക്കല്‍ സര്‍വീസസ് കോര്‍പ്പറേഷനിലെ താല്‍ക്കാലിക ജീവനക്കാരെ സ്ഥിരപ്പെടുത്താന്‍ നടപടി സ്വീകരിക്കുമോ;

(സി)	കേരള മെഡിക്കല്‍ സര്‍വീസസ് കോര്‍പ്പറേഷനിലെ ഡ്രൈവര്‍ തസ്തികയിലുള്ള താല്‍ക്കാലികക്കാര്‍ക്ക് മറ്റ് സമാന സ്ഥാപനങ്ങളിലെ ഡ്രൈവര്‍മാരുടെ ശമ്പള തുല്യത നല്‍കിയിട്ടുണ്ടോ;

(ഡി)	ഇല്ലെങ്കില്‍ ഇരുപത്തിനാല് മണിക്കൂറും ജോലി ചെയ്യുന്ന ഈ ഡ്രൈവര്‍മാര്‍ക്ക് ശമ്പളവര്‍ധന നല്‍കുന്നതിനുള്ള നടപടി സ്വീകരിക്കുമോ?

മൂവാറ്റുപുഴ നിയോജക മണ്ഡലത്തില്‍ ചികിത്സാ ധനസഹായം

3528.

ശ്രീ.എല്‍ദോ എബ്രഹാം : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ അധികാരത്തില്‍ വന്നതിനുശേഷം മൂവാറ്റുപുഴ നിയോജക മണ്ഡലത്തില്‍ എത്ര പേര്‍ക്ക് എത്ര തുക വീതം ചികിത്സാ ധനസഹായം അനുവദിച്ചിട്ടുണ്ടെന്ന് വര്‍ഷം തിരിച്ച് അറിയിക്കാമോ?

നെടുമങ്ങാട് ജില്ലാ ആശുപത്രിയില്‍ ചികിത്സയിലുണ്ടായ പിഴവ്

3529.

(എ)

പനവൂര്‍ വില്ലേജില്‍ പേരയം, ചെല്ലഞ്ചി, കിഴക്കുംകര വീട്ടില്‍ പ്രദീപ് എല്‍., തന്റെ ഭാര്യ മിനിമോള്‍ക്ക് നെടുമങ്ങാട് ജില്ലാ ആശുപത്രിയില്‍ നിന്നുണ്ടായ ചികിത്സാ പിഴവ് അന്വേഷിക്കണമെന്ന് ആവശ്യപ്പെട്ട് തിരുവനന്തപുരം ജില്ലാ മെഡിക്കല്‍ ഓഫീസര്‍ക്ക് നല്‍കിയ പരാതിയില്‍ എന്ത് നടപടി സ്വീകരിച്ചുവെന്ന് വ്യക്തമാക്കുമോ;

(ബി)	നെടുമങ്ങാട് ജില്ലാ ആശുപത്രിയിലെ ഗൈനക്കോളജിസ്റ്റ് ഡോ.പ്രിയയുടെ ഭാഗത്തു നിന്നുമുണ്ടായ ഗുരുതരമായ ചികിത്സാ പിഴവും ഇക്കാര്യത്തില്‍ ആശുപത്രി സൂപ്രണ്ട് ഡോ.പ്രിയയെ സംരക്ഷിച്ചതുമായ പരാതിയിന്മേല്‍ കുറ്റക്കാരെ ആരെയെങ്കിലും കണ്ടെത്തിയിട്ടുണ്ടോ;

(സി)	പ്രദീപ്. എല്‍. നല്‍കിയ പരാതിയിലെ അന്വേഷണ പുരോഗതി എന്താണെന്ന് വ്യക്തമാക്കാമോ?

മാവേലിക്കര ജില്ലാ ആശുപത്രിയില്‍ 108 ആംബുലന്‍സിന്റെ സേവനം

3530.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	മാവേലിക്കര ജില്ലാ ആശുപത്രിയില്‍ അനുവദിച്ച 108 ആംബുലന്‍സിന്റെ സേവനം ഇരുപത്തിനാല് മണിക്കൂര്‍ ആക്കുന്നതിനുള്ള നടപടികള്‍ സ്വീകരിക്കുമോ;

(ബി)	ആശുപത്രിയിലെ മറ്റ് ആംബുലന്‍സുകളുടെ പ്രവര്‍ത്തനം ഇരുപത്തിനാല് മണിക്കൂര്‍ ആക്കുന്നതിനുള്ള നടപടികള്‍ സ്വീകരിക്കുമോ; വിശദമാക്കുമോ?

108 ആംബുലന്‍സുകള്‍

3531.

(എ)	108 ആംബുലന്‍സുകള്‍ അനുവദിക്കുന്നതിന്റെ മാനദണ്ഡങ്ങള്‍ എന്തൊക്കെയാണെന്ന് വ്യക്തമാക്കാമോ;

(ബി)	ഓരോ നിയോജക മണ്ഡലത്തിലും ഇതുവരെയായി നല്‍കിയ ആംബുലന്‍സുകള്‍ എത്ര വീതമാണെന്ന് വിശദമാക്കാമോ?

ഡോക്ടര്‍മാരുടെ ശമ്പള പരിഷ്കരണം

3532.

പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ആരോഗ്യവകുപ്പിന് കീഴിലുള്ള മെഡിക്കല്‍ എഡ്യൂക്കേഷന്‍ വിഭാഗത്തിലെ ഡോക്ടര്‍മാരുടെ ശമ്പള പരിഷ്കരണം സംബന്ധിച്ച് സര്‍ക്കാര്‍ സ്വീകരിച്ച നടപടികളറിയിക്കുമോ;

(ബി)	ശമ്പള പരിഷ്കരണത്തിനായി പ്രത്യേക സമിതിയെ ചുമതലപ്പെടുത്തിയിട്ടുണ്ടോ; വ്യക്തമാക്കുമോ;

(സി)	മെഡിക്കല്‍ എഡ്യൂക്കേഷന്‍ വിഭാഗത്തില്‍ അവസാനമായി എന്നാണ് ഡോക്ടര്‍മാരുടെ ശമ്പളം പരിഷ്കരിച്ചത്; വ്യക്തമാക്കുമോ?

‍ധർമ്മഗിരി സെന്റ് ജോസഫ്സ് ഹോസ്പിറ്റലിലെ ബി.എസ്.സി. എം.എല്‍.ടി കോഴ്സ്

3533.

(എ)	കോതമംഗലം ധർമ്മഗിരി സെന്റ് ജോസഫ്സ് ഹോസ്പിറ്റല്‍ ബി.എസ്.സി. എം.എല്‍.ടി കോഴ്സ് ആരംഭിക്കുന്നതിനുവേണ്ടി നല്‍കിയ അപേക്ഷ ശ്രദ്ധയില്‍പ്പെട്ടിട്ടുണ്ടോ; ;

(ബി)	നഴ്സിംഗ് കോളേജ്, നഴ്സിംഗ് സ്കൂള്‍, ഡി.എന്‍.എം, ബി.എസ്.സി. നഴ്സിംഗ്, പോസ്റ്റ് ബി.എസ്.സി. നഴ്സിംഗ്, ബി.എസ്.എസ് (ലാബ്) ഡിപ്ലോമ കോഴ്സ് എന്നിവ നടത്തുന്ന ഇവിടെ ബി.എസ്.സി. എം.എല്‍.ടി കോഴ്സ് അനുവദിക്കുന്നതുമായി ബന്ധപ്പെട്ട് കോടതി ഉത്തരവ് ലഭ്യമായിട്ടുണ്ടോ; വിധിന്യായത്തിന്റെ വിശദാംശം നല്‍കാമോ;

(സി)	പ്രസ്തുത കോടതി ഉത്തരവിന്റെ അടിസ്ഥാനത്തില്‍ സ്വീകരിച്ചിട്ടുള്ള തുടർ നടപടി വിശദമാക്കാമോ;

(ഡി)	കോതമംഗലം മണ്ഡലത്തിലെ പ്രസ്തുത ആശുപത്രിയില്‍ ബി.എസ്.സി. എം.എല്‍.ടി കോഴ്സ് ആരംഭിക്കുന്ന കാര്യം പരിഗണിക്കുമോ; വിശദമാക്കാമോ?

വിളവൂര്‍ക്കല്‍ ഹോമിയോ ഡിസ്പെന്‍സറിയെ താലൂക്ക് ആശുപത്രിയായി ഉയര്‍ത്താന്‍ നടപടി

3534.

ശ്രീ.ഐ.ബി. സതീഷ് : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

വിളവൂര്‍ക്കല്‍ സര്‍ക്കാര്‍ മാതൃകാ ഹോമിയോ ഡിസ്പെന്‍സറിയെ താലൂക്ക് ഹോമിയോ ആശുപത്രിയായി ഉയര്‍ത്തുന്നത് സംബന്ധിച്ച നിര്‍ദ്ദേശം പരിഗണനയിലുണ്ടോ; ആയത് സംബന്ധിച്ച അപേക്ഷയിന്മേല്‍ സ്വീകരിച്ച തുടര്‍നടപടികള്‍ വിശദമാക്കാമോ?

യോഗ പ്രകൃതി ചികിത്സ നഴ്സുമാരുടെ നിയമനം

3535.

(എ)	യോഗ പ്രകൃതി ചികിത്സ ആശുപത്രികളില്‍ ജോലി നോക്കുന്നതിനായി കേന്ദ്ര സര്‍ക്കാരിന്റെ ആയുഷ് വിഭാഗം നടത്തുന്ന കോഴ്സ് പാസായ ഉദ്യോഗാര്‍ത്ഥികള്‍ ഉണ്ടെങ്കിലും ഇവിടെ ആയുര്‍വേദ നഴ്സുമാരാണ് ജോലി ചെയ്യുന്നത് എന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	വര്‍ക്കല യോഗ പ്രകൃതി ചികിത്സ ആശുപത്രിയില്‍ പ്രകൃതി ചികിത്സ നഴ്സുമാരായി എത്ര പേര്‍ ജോലി നോക്കുന്നുണ്ട്;

(സി)	ഇവരുടെ നിയമനത്തിന് അംഗീകാരം നല്കുന്ന കാര്യം പരിഗണനയിലുണ്ടോ?

മുണ്ടേരി ഗവണ്‍മെന്റ് ആയുര്‍വേദ ഡിസ്പെന്‍സറി പുനരുദ്ധാരണം

3536.

ശ്രീ.പി.വി. അന്‍വര്‍ : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

മുണ്ടേരി ഗവണ്‍മെന്റ് ആയുര്‍വേദ ഡിസ്പെന്‍സറി പുനരുദ്ധരിച്ച് ആവശ്യമായ ജീവനക്കാരെ നിയമിച്ച് കിടത്തി ചികിത്സക്ക് വേണ്ട നടപടി കൈക്കൊള്ളുന്നതിന് എം.എല്‍.എ.യും പോത്തുകല്ല് പഞ്ചായത്ത് പ്രസിഡന്റും മുണ്ടേരി ജി.സി.സി. പ്രവാസി ചാരിറ്റി കൂട്ടായ്മയും നല്‍കിയ നിവേദനത്തിന്‍മേല്‍ സ്വീകരിച്ച നടപടി വിശദമാക്കാമോ; അടിയന്തര പരിഗണനയോടെ ഇക്കാര്യം പരിഗണിക്കുമോ; വിശദമാക്കാമോ?

മാവേലിക്കര ആയുര്‍വേദാശുപത്രി പ്രവൃത്തികള്‍

3537.

(എ)	മാവേലിക്കര ആയുര്‍വേദാശുപത്രിക്ക് ബജറ്റില്‍ തുക വകയിരുത്തിയത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത ആയുര്‍വേദാശുപത്രി പ്രവൃത്തിയുമായി ബന്ധപ്പെട്ട് ആയുഷ് വകുപ്പ് സ്വീകരിച്ചിട്ടുള്ള നടപടികളും ഫയല്‍ നമ്പരും വ്യക്തമാക്കുമോ?

മുല്ലശ്ശേരി ആയുർവേദ ആശുപത്രി കെട്ടിട നിർമ്മാണം

3538.

(എ)	2017-18ലെ ബഡ്ജറ്റില്‍ മുല്ലശ്ശേരി സര്‍ക്കാര്‍ ആയുർവേദ ആശുപത്രിക്ക് കെട്ടിട നിർമ്മാണത്തിനായി അനുവദിച്ച പദ്ധതി പ്രകാരം എസ്റ്റിമേറ്റ് തയ്യാറാക്കിയിട്ടുണ്ടോ;

(ബി)	പ്രസ്തുത എസ്റ്റിമേറ്റ് പ്രകാരം നിർമ്മാണത്തിനാവശ്യമായ തുക എത്രയാണെന്ന് വ്യക്തമാക്കുമോ;

(സി)	പ്രസ്തുത പദ്ധതിക്ക് ഭരണാനുമതി ലഭിച്ചിട്ടുണ്ടോ; വിശദാംശം നല്‍കാമോ?

വിളവൂര്‍ക്കല്‍ ആയുര്‍വേദ ആശുപത്രി കെട്ടിടം

3539.

ശ്രീ.ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	വിളവൂര്‍ക്കല്‍ ആയുര്‍വേദ ആശുപത്രിയ്ക്ക് പുതിയ കെട്ടിടം നിര്‍മ്മിക്കുന്നത് സംബന്ധിച്ച നിര്‍ദ്ദേശം പരിഗണനയിലുണ്ടോ;

(ബി)	ഇതിനായുള്ള എസ്റ്റിമേറ്റ് ആരോഗ്യ വകുപ്പില്‍ സമര്‍പ്പിക്കപ്പെട്ടിട്ടുണ്ടോ; ആയതിന്റെ നിലവിലെ സ്ഥിതി വിശദമാക്കാമോ?

കാരുണ്യ ഇന്‍ഷുറന്‍സ് പദ്ധതി

3540.

(എ)	സംസ്ഥാനത്ത് നിലവില്‍ വന്ന കാരുണ്യ ഇന്‍ഷുറന്‍സ് പദ്ധതിയില്‍ ഏതെല്ലാം വിഭാഗത്തിലുള്ള ആളുകള്‍ക്കാണ് ഇന്‍ഷുറന്‍സ് പരിരക്ഷ നല്‍കി വരുന്നത്; വ്യക്തമാക്കാമോ;

(ബി)	നിലവില്‍ ആര്‍.എസ്.ബി.വൈ/ചിസ് കാര്‍ഡ് പുതുക്കാത്തവര്‍ക്ക് ആയത് പുതുക്കുന്നതിലേക്കുള്ള നടപടി എന്നത്തേയ്ക്ക് ആരംഭിക്കുമെന്ന് വിശദമാക്കാമോ;

(സി)	നിലവില്‍ ആര്‍.എസ്.ബി.വൈ/ചിസ് കാര്‍ഡ് ഇല്ലാത്തവര്‍ക്ക് പുതുതായി കാര്‍ഡ് എടുക്കുന്നതിനുള്ള നടപടി എന്നത്തേക്ക് ആരംഭിക്കുമെന്ന് വ്യക്തമാക്കാമോ?

ദേശീയ കുടുംബക്ഷേമ പദ്ധതി പ്രകാരമുള്ള ധനസഹായം

T 3541.

ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ദേശീയ കുടുംബക്ഷേമ പദ്ധതി പ്രകാരം മുഖ്യ അന്നദാതാവ് മരണപ്പെട്ടാല്‍ ലഭിക്കേണ്ട അടിയന്തര ധനസഹായം വര്‍ഷങ്ങളായി ലഭിക്കുന്നില്ലെന്നത് ശ്രദ്ധയില്‍പ്പെട്ടിട്ടുണ്ടോ; ഈ കാലതാമസം എന്തുകൊണ്ടാണെന്ന് വ്യക്തമാക്കാമോ;

(ബി)	ഈ സഹായധനം എത്രയും പെട്ടെന്ന് തന്നെ അര്‍ഹതപ്പെട്ടവര്‍ക്ക് ലഭിക്കുന്നതിനുള്ള നടപടികള്‍ സ്വീകരിക്കുമോയെന്ന് അറിയിക്കുമോ;

(സി)

എന്‍.എഫ്.ബി.എസ് പദ്ധതിയില്‍ നിന്നും ധനസഹായം ലഭിക്കുന്നതിന് നിഷ്കര്‍ഷിച്ചിട്ടുള്ള വരുമാന പരിധി എത്രയാണെന്ന് വ്യക്തമാക്കാമോ; കുറഞ്ഞ വരുമാന പരിധി കാരണം ധനസഹായം ലഭിക്കുവാന്‍ അര്‍ഹതയുള്ളവരുടെ എണ്ണം തുലോം കുറവാണെന്നുള്ളത് ശ്രദ്ധയില്‍പ്പെട്ടിട്ടുണ്ടോ; ഇത് പരിഹരിക്കുന്നതിനുള്ള നടപടികള്‍ സ്വീകരിക്കുമോയെന്ന് വ്യക്തമാക്കാമോ;

(ഡി)	ഈ പദ്ധതിയില്‍ ധനസഹായത്തിന് അപേക്ഷിക്കുന്നതിനുള്ള സമയപരിധി എത്രയാണെന്ന് വ്യക്തമാക്കാമോ; ധനസഹായത്തിന് അപേക്ഷിക്കുന്നതിന് ഇപ്പോള്‍ നിശ്ചയിച്ചിട്ടുള്ള സമയ പരിധി വര്‍ദ്ധിപ്പിച്ച് കൃത്യമായ ഒരു സമയപരിധി നിശ്ചയിക്കുവാന്‍ സാധിക്കുമോയെന്ന് അറിയിക്കുമോ;

(ഇ)	പട്ടാമ്പി താലൂക്കില്‍ ഈ പദ്ധതി പ്രകാരം ധനസഹായത്തിന് അപേക്ഷിച്ചിട്ടും ധനസഹായം ലഭിക്കാത്ത എത്ര അപേക്ഷകര്‍ ഉണ്ടെന്ന് വ്യക്തമാക്കാമോ? അവര്‍ക്ക് എന്ന് ഈ ആനുകൂല്യം നല്‍കുവാന്‍ സാധിക്കുമെന്ന് അറിയിക്കാമോ?

കാപ്സില്‍ (കാരുണ്യ ആരോഗ്യ സുരക്ഷാ പദ്ധതി) പുതിയ അംഗങ്ങളെ ചേര്‍ക്കുന്നതിനുള്ള നടപടികള്‍

3542.

(എ)	നേരത്തെ നിലവില്‍ ഉണ്ടായ വിവിധ ഇൻഷുറൻസ് പദ്ധതികളില്‍ അംഗമായവരുടെ അംഗത്വം പുതുക്കിയാണോ കാപ്സില്‍ അംഗങ്ങളെ ചേര്‍ത്തത്; എങ്കില്‍ പ്രസ്തുത പദ്ധതിയില്‍ പുതിയ അംഗങ്ങളെ ചേര്‍ക്കുന്നതിനുള്ള നടപടികള്‍ പരിഗണനയില്‍ ഉണ്ടോ;

(ബി)	ഉണ്ടെങ്കില്‍ അതിനുള്ള നടപടികള്‍ ഏതുവരെ ആയെന്ന് വിശദമാക്കാമോ;

(സി)	പുതുതായി അംഗങ്ങളെ ചേര്‍ക്കുമ്പോള്‍ ആയതിനുള്ള മാനദണ്ഡങ്ങള്‍ നിശ്ചയിച്ചിട്ടുണ്ടോ; അവ എന്തൊക്കെയാണെന്ന് അറിയിക്കാമോ?

വിദ്യാഭ്യാസ ധനസഹായം

3543.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

സ്ത്രീകള്‍ ഗൃഹനാഥരായ കുടുംബങ്ങളിലെ കുട്ടികളുടെ പഠനത്തിന് ആവശ്യമായ വിദ്യാഭ്യാസ ധനസഹായം നല്‍കുന്ന പദ്ധതി നിലവിലുണ്ടോ; ഉണ്ടെങ്കില്‍ ആയത് ലഭിക്കുന്നതിന് ആവശ്യമായ നടപടിക്രമങ്ങള്‍ എന്തെല്ലാമാണെന്ന് വ്യക്തമാക്കാമോ?

അനാഥാലയങ്ങളും ധര്‍മ്മസ്ഥാപനങ്ങളും നേരിടുന്ന പ്രശ്നങ്ങള്‍

3544.

ശ്രീ.എം.ഉമ്മര്‍
,, എം. സി. കമറുദ്ദീന്‍
,, വി.കെ.ഇബ്രാഹിം കുഞ്ഞ്
,, മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ അനാഥാലയങ്ങളും ധര്‍മ്മസ്ഥാപനങ്ങളും നേരിടുന്ന പ്രശ്നങ്ങള്‍ സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇവ പരിഹരിക്കുന്നതിന് സ്വീകരിച്ച നടപടികള്‍ വിശദമാക്കാമോ;

(ബി)	അന്തേവാസികളുടെ പ്രതിമാസ ഗ്രാന്റും ഓര്‍ഫനേജ് ഫെസ്റ്റിന് അനുവദിക്കുന്ന ഗ്രാന്റും വര്‍ദ്ധിപ്പിക്കാന്‍ ഉദ്ദേശിക്കുന്നുണ്ടോ; വിശദമാക്കാമോ;

(സി)	വിദ്യാഭ്യാസവും സാങ്കേതിക പരിശീലനവും നേടി അനാഥാലയങ്ങളില്‍ നിന്നും പുറത്ത് പോകുന്നവരുടെ പുനരധിവാസം സാധ്യമാക്കുന്നതിനാവശ്യമായ പദ്ധതികള്‍ക്ക് രൂപം നല്‍കുന്നതിന് നടപടികള്‍ സ്വീകരിക്കുമോ; വിശദമാക്കാമോ?

വയോജനങ്ങള്‍ക്കായുള്ള പദ്ധതികള്‍

3545.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വയോജനങ്ങളുടെ മാനസികമായ ഉല്ലാസത്തിനായി എന്തെല്ലാം പദ്ധതികള്‍ നടപ്പിലാക്കി വരുന്നു എന്ന് അറിയിക്കുമോ;

(ബി)	ഇതിന്റെ ഭാഗമായുള്ള പകല്‍വീടുകള്‍ കൂടുതല്‍ സ്ഥലങ്ങളില്‍ ആരംഭിക്കുന്നതിനും അവിടെ ആവശ്യമായ സംവിധാനങ്ങള്‍ ഒരുക്കുന്നതിനും തദ്ദേശസ്വയംഭരണ സ്ഥാപങ്ങളുമായി സഹകരിച്ച് പദ്ധതികള്‍ നടപ്പിലാക്കുമോ; എങ്കില്‍ വിശദാംശം അറിയിക്കുമോ?

ശിശുക്ഷേമ സമിതിയുടെ പ്രവര്‍ത്തനങ്ങള്‍

3546.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന,ജില്ലാതല ശിശുക്ഷേമ സമിതികള്‍ നടത്തിക്കൊണ്ടിരിക്കുന്ന പ്രവര്‍ത്തനങ്ങള്‍ എന്തൊക്കെയാണെന്ന് വിശദീകരിക്കാമോ;

(ബി)	ഈ സമിതിയുടെ ഭരണ നിര്‍വ്വഹണത്തിന് ജില്ല, സംസ്ഥാന തലങ്ങളില്‍ ഏര്‍പ്പെടുത്തിയിട്ടുള്ള സംവിധാനങ്ങള്‍ എന്തൊക്കെയാണെന്ന് വിശദമാക്കാമോ;

(സി)	പ്രസ്തുത സമിതികളില്‍ സ്ഥിരം തസ്തികയിലും കരാര്‍, ദിവസ വേതന അടിസ്ഥാനത്തിലും ജോലി ചെയ്യുന്ന ജീവനക്കാരുടെ എണ്ണം തസ്തികയും ജില്ലയും തിരിച്ച് പ്രത്യേകം പ്രത്യേകം ലഭ്യമാക്കാമോ;

(ഡി)	2019 വര്‍ഷത്തില്‍ ശിശുക്ഷേമ സമിതികളുടെ പ്രവര്‍ത്തനത്തിനായി എത്ര സര്‍ക്കാര്‍ ഫണ്ട് ഏതൊക്കെ പദ്ധതികള്‍ക്കായി ചെലവഴിച്ചിട്ടുണ്ടെന്ന് ജില്ല തിരിച്ച് വ്യക്തമാക്കാമോ;

(ഇ)	ശിശുക്ഷേമ സമിതിയുടെ സംരക്ഷണയില്‍ സംസ്ഥാനത്താകെ എത്ര കുട്ടികള്‍ കഴിയുന്നുണ്ടെന്ന കണക്ക് ജില്ല തിരിച്ച് ലഭ്യമാക്കാമോ?

അനാഥാലയങ്ങളില്‍ കഴിയുന്ന കുട്ടികളുടെ സാമൂഹിക ഉന്നമനം

3547.

ശ്രീ.വി. ജോയി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	മാതാപിതാക്കള്‍ നഷ്ടപ്പെട്ട എത്ര കുട്ടികള്‍ സംസ്ഥാനത്ത് അനാഥാലയങ്ങളില്‍ കഴിയുന്നുവെന്ന് വ്യക്തമാക്കാമോ;

(ബി)	ഇത്തരത്തിലുള്ള കുട്ടികളുടെ സാമൂഹിക ഉന്നമനത്തിനായി സര്‍ക്കാര്‍ എന്തെല്ലാം സഹായങ്ങളാണ് ചെയ്തുവരുന്നതെന്ന് വ്യക്തമാക്കാമോ?

ആയമാരുടെ പ്രതിമാസ വേതനം

T 3548.

(എ)	ഈ സര്‍ക്കാര്‍ അധികാരത്തില്‍ വരുന്നതിന് മുമ്പ് സംസ്ഥാനത്ത് പ്രവര്‍ത്തിച്ചുവന്നിരുന്ന ആയമാര്‍ക്ക് എത്ര രൂപയാണ് പ്രതിമാസം വേതനമായി കിട്ടിയിരുന്നതെന്ന് വ്യക്തമാക്കാമോ;

(ബി)	ഇപ്പോള്‍ ഇവര്‍ക്ക് എത്ര രൂപയാണ് പ്രതിമാസം വേതനമായി നല്‍കുന്നതെന്ന് അറിയിക്കാമോ?

അംഗനവാടികളുടെ നവീകരണവും കുട്ടികളുടെ ക്ഷേമവും

3549.

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം അംഗനവാടികളുടെ നവീകരണത്തിനും കുട്ടികളുടെ ക്ഷേമത്തിനും വേണ്ടി എന്തെല്ലാം പദ്ധതികള്‍ നടപ്പിലാക്കി വരുന്നുണ്ട്;

(ബി)	ഇവ കൂടുതല്‍ വിപുലമാക്കുവാന്‍ ആലോചിക്കുന്നുണ്ടോ; ഉണ്ടെങ്കില്‍ വിശദാംശം അറിയിക്കുമോ?

ഹൈ-ടെക്, സ്മാര്‍ട്ട് അങ്കണവാടികള്‍

3550.

(എ)	വര്‍ക്കല മണ്ഡലത്തിൽ ഹൈടെക് അംഗന്‍വാടികളായി ഉയര്‍ത്തുന്നതിന് തെരഞ്ഞെടുത്തിട്ടുള്ള അംഗന്‍വാടികള്‍ ഏതെല്ലാമെന്ന് വ്യക്തമാക്കാമോ;

(ബി)	ഹൈ-ടെക് അങ്കണവാടികള്‍ നിര്‍മ്മിക്കുന്നതിനുള്ള മാനദണ്ഡങ്ങള്‍ വ്യക്തമാക്കാമോ;

(സി)	തിരുവനന്തപുരം ജില്ലയിൽ ഇതിനകം എത്ര സ്മാര്‍ട്ട് അംഗന്‍വാടികള്‍ നിര്‍മ്മിച്ചിട്ടുണ്ടെന്നും അവ ഏതെല്ലാമെന്നും വ്യക്തമാക്കാമോ?

പള്ളിച്ചല്‍ 108-ാം നമ്പര്‍ അംഗന്‍വാടിക്ക് കെട്ടിട നിര്‍മ്മാണം-തുടര്‍നടപടി

3551.

കാട്ടാക്കട നിയോജക മണ്ഡലത്തിലെ പള്ളിച്ചല്‍ 108-ാം നമ്പര്‍ അംഗന്‍വാടിക്ക് പുതിയ കെട്ടിടം നിര്‍മ്മിക്കുന്നത് സംബന്ധിച്ച നിര്‍ദ്ദേശത്തിന്മേല്‍ സ്വീകരിച്ച നടപടികളും തുടര്‍ നടപടിയും വിശദമാക്കാമോ?

വയനാട് ജില്ലയില്‍ ഭിന്നശേഷിക്കാരായ കുട്ടികള്‍ക്ക് വേണ്ടി നടപ്പാക്കുന്ന പദ്ധതികള്‍

3552.

(എ)	വയനാട് ജില്ലയില്‍ ഭിന്നശേഷിക്കാരായ കുട്ടികള്‍ക്ക് വേണ്ടി നടപ്പാക്കുന്ന വിവിധ പദ്ധതികള്‍ വിശദമാക്കാമോ;

(ബി)	പ്രസ്തുത ജില്ലയിലെ ഭിന്നശേഷിക്കാരായ കുട്ടികളുടെ കണക്ക് ലഭ്യമാണോ; എങ്കില്‍ പഞ്ചായത്ത്/മുനിസിപ്പാലിറ്റി തിരിച്ച് ലഭ്യമാക്കാമോ?

വികലാംഗ ക്ഷേമ കോര്‍പ്പറേഷന്‍ നടപ്പിലാക്കുന്ന പദ്ധതികള്‍

3553.

ശ്രീ.കെ. ബാബു : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന വികലാംഗ ക്ഷേമ കോര്‍പ്പറേഷന്‍ മുഖേന നടപ്പിലാക്കുന്ന പദ്ധതികള്‍ എന്തെല്ലാമെന്ന് വിശദമാക്കുമോ;

(ബി)	ഈ സര്‍ക്കാര്‍ അധികാരത്തില്‍ വന്നശേഷം സംസ്ഥാന വികലാംഗ ക്ഷേമ കോര്‍പ്പറേഷന്‍ മുഖേന ഭിന്നശേഷിക്കാര്‍ക്കായി നടത്തിയ ക്ഷേമ പ്രവര്‍ത്തനങ്ങള്‍ എന്തെല്ലാമെന്ന് വിശദമാക്കുമോ?

ജെന്‍ഡര്‍ പാര്‍ക്ക് മുഖേനയുള്ള പ്രവര്‍ത്തനങ്ങള്‍

3554.

ശ്രീ.സി.കൃഷ്ണന്‍
ശ്രീമതിവീണാ ജോര്‍ജ്ജ്
ശ്രീ.പി. ഉണ്ണി
,, കെ.യു. ജനീഷ് കുമാര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വനിതാ ശാക്തീകരണം പ്രോത്സാഹിപ്പിക്കുന്നതിനും ലിംഗസമത്വം ഉറപ്പാക്കുന്നതിനും വേണ്ടി ജെന്‍ഡര്‍ പാര്‍ക്ക് എന്ന പേരില്‍ നൂതന സംരംഭം ആരംഭിച്ചിട്ടുണ്ടോ;

(ബി)	ഭിന്നലിംഗക്കാര്‍ ഉള്‍പ്പെടെയുള്ളവരുടെ സാമൂഹിക സുരക്ഷിതത്വം ഉറപ്പുവരുത്തുന്നതിനാവശ്യമായ എന്തെല്ലാം പഠന, ഗവേഷണ പ്രവര്‍ത്തനങ്ങളാണ് ‍‍‍‍‌ജെന്‍ഡര്‍ പാര്‍ക്ക് മുഖേന നടത്തി വരുന്നത്;

(സി)	വനിതകളുടെ സംരംഭകത്വശേഷി വര്‍ദ്ധിപ്പിക്കുന്നതിനും സ്വന്തമായി ബിസിനസ്സുകള്‍ ആരംഭിക്കുന്നതിനും വിപുലപ്പെടുത്തുന്നതിനും അവരുടെ ഉല്പന്നങ്ങള്‍ക്ക് അന്താരാഷ്ട്ര തലത്തില്‍ വിപണി ഒരുക്കുന്നതിനും ജെന്‍ഡര്‍ പാര്‍ക്കില്‍ അന്താരാഷ്ട്ര വനിതാ വ്യാപാര കേന്ദ്രം ആരംഭിച്ചിട്ടുണ്ടോ; വിശദാംശം നല്‍കുമോ;

(ഡി)	ലിംഗസമത്വം എന്ന ആശയം മുന്‍നിര്‍ത്തി ജെന്‍ഡര്‍ പാര്‍ക്കിന്റെ ആഭിമുഖ്യത്തില്‍ വിദേശ രാജ്യങ്ങളിലെ പ്രതിനിധികളെ പങ്കെടുപ്പിച്ചുകൊണ്ട് അന്താരാഷ്ട്ര സമ്മേളനം നടത്തിയിരുന്നോ; വിശദാംശം നല്‍കുമോ?

ഭിന്നശേഷിക്കാരായ ഉദ്യോഗാര്‍ത്ഥികള്‍ക്ക് സ്ഥിരനിയമനം നല്‍കുന്നത് സംബന്ധിച്ച്

3555.

(എ)	2003 നും 2019 നും ഇടയില്‍ എംപ്ലോയ്മെന്റ് എക്സ്ചേഞ്ച് മുഖേന ജോലി നിര്‍വഹിച്ചിരുന്ന ഭിന്നശേഷിക്കാരായ ഉദ്യോഗാര്‍ത്ഥികള്‍ക്ക് സ്ഥിരനിയമനം നല്‍കുന്നതിന് നടപടി സ്വീകരിച്ചിട്ടുണ്ടോ; ഇതുമായി ബന്ധപ്പെട്ട് വ്യക്തികളോ സംഘടനകളോ അപേക്ഷ സമര്‍പ്പിച്ചിട്ടുണ്ടോ എന്ന് അറിയിക്കുമോ;

(ബി)	ഈ കാലയളവില്‍ ജോലി നിര്‍വ്വഹിച്ചിരുന്നവരില്‍ എത്ര പേര്‍ നാല്‍പത് വയസിന് മുകളില്‍ പ്രായമുള്ളവരായിരുന്നു എന്നതിന്റെ കണക്ക് ശേഖരിച്ചിട്ടുണ്ടോ; വ്യക്തമാക്കുമോ;

(സി)	ഈ കാലയളവില്‍ എത്ര ഭിന്നശേഷിക്കാര്‍ സര്‍ക്കാര്‍/അര്‍ദ്ധ സര്‍ക്കാര്‍ സര്‍വ്വീസില്‍ എംപ്ലോയ്മെന്റ് എക്സ്ചേഞ്ച് മുഖേന താല്‍ക്കാലികമായി ജോലി ചെയ്തിട്ടുണ്ടെന്ന് അറിയിക്കുമോ;

(ഡി)	പ്രസ്തുത ഉദ്യോഗാര്‍ത്ഥികളില്‍ എത്ര പേര്‍ക്ക് സ്ഥിരനിയമനം ലഭിച്ചിട്ടുണ്ടെന്ന് വ്യക്തമാക്കുമോ; പ്രായക്കൂടുതല്‍ കാരണം ഇനി ജോലി ലഭിക്കുവാന്‍ സാധ്യതയില്ലാത്ത ഈ ഉദ്യോഗാര്‍ത്ഥികള്‍ക്ക് താല്‍ക്കാലികമായെങ്കിലും നിയമനം നല്‍കുന്നതിന് നടപടി സ്വീകരിക്കുമോ;

(ഇ)	എംപ്ലോയ്മെന്റ് എക്സ്ചേഞ്ച് മുഖേന ജോലി ചെയ്തിരുന്ന എല്ലാ ഭിന്നശേഷിക്കാര്‍ക്കും സ്ഥിര നിയമനം നല്‍കുന്നതിന് നടപടി സ്വീകരിക്കുമോ എന്ന് വ്യക്തമാക്കുമോ?

ഭിന്നശേഷിയുള്ളവര്‍ക്ക് സംവരണം ചെയ്ത ഒഴിവുകളിലെ നിയമനം

3556.

ഈ സര്‍ക്കാര്‍ അധികാരത്തില്‍ വന്നതിനുശേഷം ഭിന്നശേഷിയുള്ളവര്‍ക്കായി സംവരണം ചെയ്ത ഗസറ്റഡ്/നോണ്‍ ഗസറ്റഡ് തസ്തികകളില്‍ എത്ര പേര്‍ക്ക് നിയമനം നല്‍കിയിട്ടുണ്ട് എന്നതിന്‍െറ വിശദാംശം നല്കാമോ?

ഭിന്നശേഷിക്കാര്‍ക്കായി നല്‍കി വരുന്ന ധനസഹായ പദ്ധതികള്‍

3557.

ശ്രീ.അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സാമൂഹ്യനീതി വകുപ്പ് ഭിന്നശേഷിക്കാര്‍ക്കായി നടപ്പിലാക്കി വരുന്ന ധനസഹായ പദ്ധതികള്‍ ഏതെല്ലാമാണെന്ന് വിശദമാക്കുമോ;

(ബി)	ഈ പദ്ധതികള്‍ പ്രകാരം ആനുകൂല്യം ലഭിക്കുന്നതിന് പ്രതിവര്‍ഷം വരുമാന പരിധി നിശ്ചയിച്ചിട്ടുണ്ടോ; വിശദമാക്കാമോ;

(സി)	ലുക്കീമിയ, തലാസീമിയ തുടങ്ങിയ രക്ത വൈകല്യം ബാധിച്ചവര്‍ക്ക് കൂടി ഭിന്നശേഷിക്കാര്‍ക്ക് നല്‍കുന്ന ധനസഹായ ആനുകൂല്യങ്ങള്‍ നൽകുവാൻ നിലവിൽ വ്യവസ്ഥയുണ്ടോ; ഇല്ലെങ്കില്‍ പ്രസ്തുത വിഭാഗത്തിൽപ്പെട്ടവര്‍ക്ക് കൂടി ധനസഹായ ആനുകൂല്യം ലഭിക്കുന്നതിന് സാമൂഹ്യനീതി വകുപ്പ് നടപടി സ്വീകരിക്കുമോ?

ഭിന്നശേഷിക്കാര്‍ക്കായുള്ള ക്ഷേമ പദ്ധതികള്‍

3558.

ശ്രീ.എം. സ്വരാജ്
പ്രൊഫ.കെ.യു. അരുണന്‍
ശ്രീ.സി.കെ. ഹരീന്ദ്രന്‍
,, കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ദേശീയ ഭിന്നശേഷി പുരസ്കാരം സംസ്ഥാനത്തിന് ലഭിച്ചിട്ടുണ്ടോ;

(ബി)	സംസ്ഥാനത്ത് ശാരീരിക മാനസിക വെല്ലുവിളികള്‍ നേരിടുന്നവരായി കണക്കാക്കുന്ന എട്ട് ലക്ഷത്തോളം പേരുടെ പരിചരണത്തിനും സംരക്ഷണത്തിനും ആവിഷ്കരിച്ചിട്ടുളള പദ്ധതികളെക്കുറിച്ച് അറിയിക്കാമോ; 'അനുയാത്ര' പദ്ധതിയുടെ വിശദാംശം ലഭ്യമാക്കാമോ;

(സി)	വിദ്യാഭ്യാസപരമായി പിന്തളളപ്പെടാതെ ഇവരെ വികസന മുഖ്യധാരയില്‍ എത്തിക്കുന്നതിന് പ്രത്യേക പരിഗണന നല്‍കിയിട്ടുണ്ടോ; ഇവരുടെ വികസന-ക്ഷേമ പ്രവര്‍ത്തനങ്ങള്‍ക്കായി സര്‍ക്കാര്‍ നിയന്ത്രണത്തിലുളള വിവിധ സ്ഥാപനങ്ങള്‍ നടത്തുന്ന പ്രവര്‍ത്തനം അറിയിക്കാമോ;

(ഡി)	ശെെശവദശയില്‍ തന്നെ വെെകല്യം തിരിച്ചറിഞ്ഞ് സാധാരണ ജീവിതം നയിക്കാനുളള കുട്ടികളുടെ അവകാശം ഉറപ്പാക്കാന്‍ നടത്തുന്ന പ്രവര്‍ത്തനങ്ങള്‍ അറിയിക്കാമോ?

നേര്‍വഴി പദ്ധതി

3559.

(എ)	സംസ്ഥാന സര്‍ക്കാര്‍ നടപ്പിലാക്കുന്ന നേര്‍വഴി പദ്ധതിയുടെ വിശദാംശങ്ങള്‍ അറിയിക്കാമോ;

(ബി)	നേര്‍വഴി പദ്ധതി കൊണ്ട് സംസ്ഥാന സാമൂഹ്യക്ഷേമ വകുപ്പ് എന്തെല്ലാം മാറ്റങ്ങളാണ് കുറ്റവാളികളില്‍ ഉണ്ടാക്കാന്‍ ശ്രമിക്കുന്നത് എന്നറിയിക്കാമോ;

(സി)	കുറ്റവാളികളുടെ സാമൂഹിക-മാനസിക സേവനം, തൊഴില്‍ പരിശീലനം എന്നിവ ലക്ഷ്യമാക്കി ജയില്‍ വകുപ്പും സാമൂഹ്യക്ഷേമ വകുപ്പും ഉന്നം വയ്ക്കുന്ന ലക്ഷ്യങ്ങള്‍ എന്തെല്ലാമെന്ന് അറിയിക്കുമോ?

കാപ്സിലെ അംഗങ്ങള്‍ക്ക് ലഭിക്കുന്ന കേന്ദ്രവിഹിതം

3560.

(എ)	കേരളത്തില്‍ കാപ്സില്‍ എത്ര ലക്ഷം അംഗങ്ങളാണ് ഉളളതെന്നും അതില്‍ എത്ര ലക്ഷം പേര്‍ക്കാണ് കേന്ദ്ര വിഹിതം ലഭിക്കുന്നതെന്നും വെളിപ്പെടുത്താമോ;

(ബി)	ഒരാള്‍ക്ക് ലഭിക്കുന്ന കേന്ദ്ര വിഹിതം എത്രയാണ്; ഇന്‍ഷുറന്‍സ് പ്രീമിയമായി ആകെ എത്ര രൂപയാണ് സംസ്ഥാന സര്‍ക്കാര്‍ അടക്കേണ്ടത് എന്നറിയിക്കാമോ?

സര്‍ക്കാര്‍ മേഖലയില്‍ പാലിയേറ്റീവ് കെയര്‍ സംവിധാനങ്ങള്‍

3561.

(എ)	സംസ്ഥാനത്ത് സര്‍ക്കാര്‍ മേഖലയിലെ പാലിയേറ്റീവ് കെയര്‍ സംവിധാനങ്ങള്‍ എന്തെല്ലാമാണെന്ന് വിശദാംശം സഹിതം അറിയിക്കുമോ;

(ബി)	ചില സന്നദ്ധസംഘടനകള്‍ നടത്തുന്ന പാലിയേറ്റീവ് കെയര്‍ പ്രവര്‍ത്തനങ്ങളെ സര്‍ക്കാര്‍ സംവിധാനങ്ങളുമായി ഏകോപിപ്പിക്കുന്നതിന് നിലവില്‍ നടപടി സ്വീകരിച്ചിട്ടുണ്ടോ; ഉണ്ടെങ്കില്‍ വിശദാംശം അറിയിക്കുമോ;

(സി)	ഇല്ലെങ്കില്‍ ആയതിനായി നടപടികള്‍ സ്വീകരിക്കുമോയെന്ന് വ്യക്തമാക്കാമോ;

(ഡി)	പാലിയേറ്റീവ് കെയര്‍ സംവിധാനങ്ങള്‍ കൂടുതല്‍ വിപുലീകരിക്കുന്നതിനുള്ള നടപടികള്‍ സ്വീകരിക്കുമോ; വിശദാംശം അറിയിക്കുമോ?

Website maintained by Information System Section, Kerala Legislative Assembly, Thiruvananthapuram.