14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >19^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 19^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

തുറമുഖ മോഡേണൈസേഷന്‍

3602.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം സംസ്ഥാനത്തെ തുറമുഖങ്ങളുമായി ബന്ധപ്പെട്ട് നടത്തിയിട്ടുള്ള മോഡേണൈസേഷന്‍ നടപടികള്‍ എന്തെല്ലാമാണ്; വിശദവിവരം നല്‍കുമോ;

(ബി)	വിഴിഞ്ഞം തുറമുഖം എന്നു മുതല്‍ കമ്മീഷന്‍ ചെയ്യുവാനാണ് സര്‍ക്കാര്‍ ഉദ്ദേശിക്കുന്നത്;

(സി)	വിഴിഞ്ഞം തുറമുഖത്തിന്റെ പൂര്‍ത്തീകരണ കാലാവധി വീണ്ടും നീട്ടി നല്‍കിയിട്ടുണ്ടോ; വിശദമാക്കുമോ?

വിഴിഞ്ഞം തുറമുഖ കവാടത്തില്‍ വന്നടിഞ്ഞ മണല്‍

3603.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം തുറമുഖ കവാടത്തിലടക്കം മണല്‍ വന്നടിഞ്ഞത് നീക്കം ചെയ്യാത്തത് കാരണം ചെറുകപ്പലുകള്‍ക്ക് പോലും വാര്‍ഫിനുള്ളില്‍ കടക്കാന്‍ കഴിയാത്ത സാഹചര്യമുണ്ടോ;

(ബി)	ഇതു കാരണം വിദേശ വിനോദസഞ്ചാരികളുമായി എത്തിയിരുന്ന ആഡംബരകപ്പലുകൾ വിഴിഞ്ഞത്തെ കൈയ്യൊഴിയുകയുണ്ടായോ;

(സി)	ഓരോ സീസണിലും നാലോ അഞ്ചോ ആഡംബരകപ്പലുകള്‍ സഞ്ചാരികളുമായി എത്തിയിരുന്ന വിഴിഞ്ഞത്ത് കഴിഞ്ഞ വര്‍ഷം ഒന്നുപോലുമെത്തിയില്ലെന്ന റിപ്പോര്‍ട്ടുകള്‍ പരിശോധിക്കകയുണ്ടായോ;

(ഡി)

വകുപ്പുകള്‍ തമ്മിലുള്ള ഏകോപനമില്ലാത്തതാണോ മണല്‍ നീക്കം ചെയ്യാൻ കഴിയാത്തതിനുള്ള കാരണം; എങ്കില്‍ സര്‍ക്കാര്‍ ഇക്കാര്യത്തില്‍ ഇടപെട്ട് മണല്‍ നീക്കം ചെയ്ത് കപ്പല്‍ ഗതാഗതം സാധാരണ ഗതിയിലാക്കുന്നതിനും തുറമുഖത്തെ നാശത്തിന്റെ വക്കില്‍ നിന്നും രക്ഷിക്കുന്നതിനും എന്തൊക്ക നടപടികള്‍ സ്വീകരിക്കുമെന്ന് അറിയിക്കാമോ?

കൊല്ലം തുറമുഖം പാസഞ്ചർഷിപ്പ് സർവ്വീസ്

3604.

ശ്രീ.എം. മുകേഷ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കൊല്ലം തുറമുഖത്ത് പാസഞ്ചർ ഷിപ്പ് ടെർമിനലിന്റെ നിർമ്മാണം പൂർത്തികരിച്ചിട്ടുള്ള ഘട്ടത്തില്‍ തുറമുഖത്ത് നിന്നും പാസഞ്ചർ ഷിപ്പ് സർവ്വീസ് ആരംഭിക്കുന്നതിനായി കേരളാ മാരിടൈം ബോർഡ് നാളിതുവരെ നടത്തിയിട്ടുള്ള പ്രവർത്തനങ്ങള്‍ എന്തെല്ലാമാണ്; വിശദാംശം ലഭ്യമാക്കാമോ;

(ബി)

പാസഞ്ചർ ഷിപ്പ്സർവ്വീസ് ആരംഭിക്കുന്നതിന് മുമ്പ് ഇമിഗ്രേഷൻ സൗകര്യമുള്ള എൻട്രി-എക്സിറ്റ് പോയിന്റായി കൊല്ലം തുറമുഖത്തെ പ്രഖ്യാപിക്കുന്നതിനുള്ള കേന്ദ്ര ആഭ്യന്തര മന്ത്രാലയത്തിന്റെ വിജ്ഞാപനത്തിനായി എന്തെല്ലാം കാര്യങ്ങള്‍ ഉള്‍പ്പെട്ട പ്രൊപ്പോസലാണ് കേന്ദ്ര ആഭ്യന്തര മന്ത്രാലയം ആവശ്യപ്പെട്ട പ്രകാരം സംസ്ഥാന സർക്കാർ സമർപ്പിച്ചിട്ടുള്ളത്; ഇക്കാര്യം സർക്കാർ ഏത് ഫയലിലാണ് പരിശോധിച്ച് വരുന്നത്; ഫയല്‍ നമ്പർ സഹിതം വിശദാംശം ലഭ്യമാക്കുമോ?

ബേപ്പൂര്‍ തുറമുഖ വികസന പ്രവര്‍ത്തനങ്ങള്‍

3605.

ശ്രീ.വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം കോഴിക്കോട് ജില്ലയിലെ ബേപ്പൂര്‍ തുറമുഖ വികസനത്തിനായി ഇതുവരെ ഏറ്റെടുത്ത് നടത്തിയ പ്രധാന പദ്ധതികളും പ്രവര്‍ത്തനങ്ങളും സംബന്ധിച്ച വിശദവിവരങ്ങള്‍ നല്കാമോ;

(ബി)	പ്രസ്തുത പ്രവര്‍ത്തനങ്ങളുടെ ഭാഗമായി എന്തൊക്കെ സൗകര്യങ്ങളാണ് വര്‍ദ്ധിച്ചത്;

(സി)	തുറമുഖത്തിന്റെ വികസനത്തിനായി കോവിലകം ഭൂമി ഏറ്റെടുക്കുന്നതിനുളള നടപടികള്‍ പൂര്‍ത്തീകരിച്ചിട്ടുണ്ടോ എന്നറിയിക്കാമോ?

മാന്വല്‍ ഡ്രഡ്ജിംഗ്

3606.

ശ്രീ.പി.കെ.അബ്ദു റബ്ബ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ തുറമുഖ മണല്‍ ഖനനത്തിനായുള്ള മാന്വല്‍ ഡ്രഡ്ജിംഗ് സംബന്ധിച്ച വ്യവസ്ഥകള്‍ ഈ സര്‍ക്കാര്‍ അധികാരമേറ്റതിനുശേഷം പുതുക്കി നിശ്ചയിച്ചിട്ടുണ്ടോ; ആയതു പ്രകാരമുള്ള വ്യവസ്ഥകള്‍ നടപ്പിലാക്കിയിട്ടുണ്ടോ എന്ന് വിശദമാക്കാമോ; ഇല്ലെങ്കില്‍ കാരണം വ്യക്തമാക്കാമോ;

(ബി)	ഇപ്രകാരമുള്ള വ്യവസ്ഥകള്‍ നടപ്പിലാക്കിയതു വഴി ഈ ജോലിയില്‍ ഏര്‍പ്പെട്ടിരുന്നവര്‍ക്ക് തൊഴില്‍ നഷ്ടമായ സാഹചര്യമുണ്ടായിട്ടുണ്ടോ എന്ന് പരിശോധിച്ചോ; എങ്കില്‍ അത് പരിഹരിക്കുവാന്‍ എന്ത് നടപടിയാണ് ഈ സര്‍ക്കാര്‍ കൈക്കൊണ്ടതെന്ന് വ്യക്തമാക്കുമോ?

തുറമുഖങ്ങളിലെ മാന്വല്‍ ഡ്രഡ്ജിംഗ് സംബന്ധിച്ച വ്യവസ്ഥകള്‍

3607.

ശ്രീ.കെ.എന്‍.എ ഖാദര്‍
,, ടി.എ.അഹമ്മദ് കബീര്‍
,, വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ തുറമുഖങ്ങളിലെ മണല്‍ ഖനനത്തിനായുള്ള മാന്വല്‍ ഡ്രഡ്ജിംഗ് സംബന്ധിച്ച വ്യവസ്ഥകള്‍ ഈ സര്‍ക്കാര്‍ അധികാരമേറ്റതിനുശേഷം പുതുക്കി നിശ്ചയിച്ചിട്ടുണ്ടോ;

(ബി)	ആയതു പ്രകാരമുള്ള വ്യവസ്ഥകള്‍ നടപ്പിലാക്കിയിട്ടുണ്ടോ എന്ന് വിശദമാക്കാമോ;ഇല്ലെങ്കില്‍ കാരണം വ്യക്തമാക്കുമോ;

(സി)	ഇപ്രകാരമുള്ള വ്യവസ്ഥകള്‍ നടപ്പിലാക്കിയതുവഴി ഈ ജോലിയില്‍ ഏര്‍പ്പെട്ടിരുന്നവര്‍ക്ക് തൊഴില്‍ നഷ്ടമായ സാഹചര്യമുണ്ടായിട്ടുണ്ടോ എന്ന് പരിശോധിച്ചിരുന്നോ; എങ്കില്‍ അത് പരിഹരിക്കുവാന്‍ എന്ത് നടപടിയാണ് കൈക്കൊണ്ടത് എന്ന് വിശദമാക്കുമോ?

തുറമുഖ വകുപ്പില്‍ അസിസ്റ്റന്റ് എക്സിക്യൂട്ടീവ് എഞ്ചിനീയര്‍മാരുടെ ഒഴിവുകള്‍

3608.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	തുറമുഖ വകുപ്പില്‍ അസിസ്റ്റന്റ് എക്സിക്യൂട്ടീവ് എഞ്ചിനീയര്‍മാരുടെ എത്ര തസ്തികകള്‍ നിലവിലുണ്ടെന്ന് വ്യക്തമാക്കാമോ;

(ബി)	ഈ തസ്തികകളില്‍ എത്രയെണ്ണം ഒഴിഞ്ഞു കിടക്കുന്നുണ്ടെന്നും എന്ന് മുതലാണ് ഈ തസ്തികകള്‍ ഒഴിഞ്ഞു കിടക്കുന്നതെന്നും അറിയിക്കാമോ;

(സി)	ഇവ നികത്തുന്നതിന് എന്തെങ്കിലും നടപടികള്‍ സ്വീകരിച്ചിട്ടുണ്ടോ; ഇല്ലെങ്കില്‍ ആയതിനുള്ള കാരണം വിശദമാക്കാമോ?

മ്യൂസിയങ്ങളുടെ നവീകരണം

3609.

ശ്രീ.ചിറ്റയം ഗോപകുമാര്‍
,, കെ. രാജന്‍
ശ്രീമതി ഗീതാ ഗോപി
ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ മ്യൂസിയങ്ങളെ അന്താരാഷ്ട്ര തലത്തിലുള്ള ആധുനിക മ്യൂസിയം സങ്കല്പങ്ങള്‍ക്കനുസരിച്ച് പരിവര്‍ത്തനപ്പെടുത്തുന്നതിന് നടപടി സ്വീകരിക്കുമോ; വ്യക്തമാക്കുമോ;

(ബി)	മ്യൂസിയങ്ങളെ തീമാറ്റിക് അഥവാ കഥപറയുന്ന മ്യൂസിയങ്ങളാക്കി മാറ്റുമോ; വിശദമാക്കുമോ; ഏതെല്ലാം മ്യൂസിയങ്ങളെ ഇത്തരത്തിൽ പരിവര്‍ത്തനപ്പെടുത്തി എന്നറിയിക്കുമോ;

(സി)	മ്യൂസിയങ്ങളെ ഭിന്നശേഷി സൗഹൃദമാക്കുന്നതിന് നടപടി സ്വീകരിക്കുമോ; വ്യക്തമാക്കുമോ;

(ഡി)	തിരുവനന്തപുരത്തെ നാച്വറൽ ഹിസ്റ്ററി മ്യൂസിയം നവീകരിക്കുന്നതിന് സ്വീകരിച്ച നടപടികള്‍ വ്യക്തമാക്കുമോ;

(ഇ)	വയനാട് കുങ്കിച്ചിറ മ്യൂസിയത്തിന്റെ സവിശേഷതകളും നിര്‍മ്മാണ പുരോഗതിയും അറിയിക്കുമോ;

(എഫ്)

മ്യൂസിയം സജ്ജീകരണത്തിന് ഏത് ഏജൻസിയെയാണ് ചുമതലപ്പെടുത്തിയിരിക്കുന്നത് എന്നറിയിക്കുമോ?

മ്യൂസിയങ്ങളുടെ വികസനവും നവീകരണവും

3610.

ശ്രീ.വി.കെ.പ്രശാന്ത്
ശ്രീമതി യു. പ്രതിഭ
പ്രൊഫ.കെ.യു. അരുണന്‍
ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ മ്യൂസിയങ്ങളുടെ വികസനത്തിനും നവീകരണത്തിനുമായി ഈ സര്‍ക്കാര്‍ എന്തെല്ലാം പദ്ധതികളാണ് ആവിഷ്ക്കരിച്ചിട്ടുള്ളതെന്ന് വ്യക്തമാക്കാമോ;

(ബി)	മ്യൂസിയങ്ങളില്‍ ആധുനിക രീതിയിലുള്ള ഡിസ്‍പ്ലേ സംവിധാനം ഏര്‍പ്പെടുത്തിയിട്ടുണ്ടോ; വിശദാംശം നല്‍കുമോ;

(സി)	മ്യൂസിയങ്ങളുടെ നവീകരണത്തിനായി നടപ്പ് സാമ്പത്തിക വര്‍ഷം എത്ര തുക ബജറ്റില്‍ വകയിരുത്തിയിട്ടുണ്ടെന്ന് അറിയിക്കാമോ;

(ഡി)	എല്ലാ ജില്ലകളിലും പൈതൃക മ്യൂസിയങ്ങള്‍ സ്ഥാപിക്കുന്നതിനുള്ള നടപടികള്‍ ഏത് ഘട്ടത്തിലാണെന്ന് അറിയിക്കാമോ;

(ഇ)	സംസ്ഥാനത്തെ മ്യൂസിയങ്ങള്‍ ഭിന്നശേഷി സൗഹൃദമാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

ടിപ്പു കോട്ടയുടെ അവശിഷ്ടങ്ങള്‍ സംരക്ഷിക്കുവാന്‍ പദ്ധതി

3611.

(എ)	കോഴിക്കോട് ജില്ലയിലെ ഫറോക്കിലുള്ള ടിപ്പു കോട്ടയുടെ അവശിഷ്ടങ്ങള്‍ ഏറ്റെടുത്ത് സംരക്ഷിക്കുന്നതിനായി മ്യൂസിയം-പുരാവസ്തു വകുപ്പ് എന്തെങ്കിലും പദ്ധതി തയ്യാറാക്കിയിട്ടുണ്ടോ; എങ്കില്‍ വിശദവിവരങ്ങള്‍ നല്കാമോ;

(ബി)	ഇത് സംരക്ഷിക്കുന്നതിനുള്ള നടപടികള്‍ സ്വീകരിക്കുന്നതിന്റെ ഭാഗമായി വകുപ്പിലെ ഏതെങ്കിലും ഉദ്യോഗസ്ഥര്‍ സ്ഥലം സന്ദര്‍ശിക്കുകയോ പരിശോധന നടത്തുകയോ ചെയ്തിട്ടുണ്ടോ; ഇല്ലെങ്കില്‍ അതിനുള്ള നിര്‍ദ്ദേശം നല്‍കുമോ എന്നറിയിക്കാമോ?

പുകയില പണ്ടകശാലയുടെ സംരക്ഷണം

3612.

(എ)	കൊല്ലം നഗരത്തിന്റെ വ്യാപാര-വാണിജ്യ ചരിത്രവുമായി ബന്ധപ്പെട്ടതും വാസ്തുശില്‍പ ഭംഗിയുളളതുമായ പുകയില പണ്ടകശാലയുടെ ശോചനീയാവസ്ഥ ശ്രദ്ധയില്‍പെട്ടിട്ടുണ്ടോ;

(ബി)	സംസ്ഥാന വെയര്‍ഹൗസിംഗ് കോര്‍പ്പറേഷന്റെ ഗോഡൗണായി പ്രവര്‍ത്തിച്ചുവരുന്ന നൂറ് വര്‍ഷത്തിലേറെ പഴക്കമുളള ഇൗ സ്മാരകത്തിന്റെ സംരക്ഷണത്തിനായി പുരാവസ്തു വകുപ്പ് അടിയന്തര നടപടി സ്വീകരിക്കുമോ?

സംരക്ഷിത-ചരിത്ര സ്മാരകങ്ങള്‍ സംബന്ധിച്ച വിവരങ്ങള്‍

3613.

(എ)	കേരളത്തിലെ സംരക്ഷിത-ചരിത്ര സ്മാരകങ്ങള്‍ സംബന്ധിച്ച വിവരങ്ങള്‍ ഓണ്‍ലൈന്‍ ആയി ലഭ്യമാക്കിയിട്ടുണ്ടോ; ഇല്ലെങ്കില്‍ അതിനുള്ള നടപടികള്‍ സ്വീകരിക്കുമോ;

(ബി)	ഇത്തരത്തിലുള്ള സ്മാരകങ്ങളുടെ ജില്ല തിരിച്ചുള്ള ഒരു ലിസ്റ്റ് ലഭ്യമാക്കാമോ?

പുരാവസ്തു വകുപ്പിന്റെ കീഴിലെ ഗവേഷണ പ്രവര്‍ത്തനങ്ങള്‍

3614.

ശ്രീ.കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ കാലത്ത് പുരാവസ്തു വകുപ്പിന്റെ കീഴില്‍ കേരള ചരിത്ര രൂപീകരണത്തിന് കാര്യമായ സംഭാവനകള്‍ നല്‍കുന്ന വിധത്തിലുള്ള ഏതൊക്കെ ഗവേഷണ പ്രവര്‍ത്തനങ്ങള്‍ നടന്നിട്ടുണ്ട്; വിശദാംശങ്ങള്‍ നല്‍കാമോ;

(ബി)	ഇപ്രകാരമുള്ള ഗവേഷണ പ്രവര്‍ത്തനങ്ങള്‍ക്ക് ചെലവഴിച്ച ഫണ്ടിന്റെ വിവരങ്ങള്‍ നല്‍കാമോ?

വള്ളിക്കുന്ന് നെറുങ്കൈതകോട്ട ക്ഷേത്രംപുരാവസ്തു വകുപ്പ് ഏറ്റെടുക്കുവാൻ നടപടി

3615.

ശ്രീ.അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	മലപ്പുറം ജില്ലയിലെ വള്ളിക്കുന്ന് നെറുങ്കൈതകോട്ട ക്ഷേത്രം പുരാവസ്തു വകുപ്പ് ഏറ്റെടുക്കുന്നതിനായി സര്‍ക്കാരിന് ലഭിച്ച പ്രൊപ്പോസലില്‍ നാളിതുവരെ സ്വീകരിച്ച നടപടികള്‍ വ്യക്തമാക്കാമോ;

(ബി)	ഇത് സംബന്ധിച്ച് പുരാവസ്തു ഡയറക്ടര്‍ കാര്യാലയത്തിലെ എ2-1458/2018/ഡി എ നമ്പര്‍ ഫയല്‍ പ്രകാരം മലപ്പുറം ജില്ലാ കലക്ടറോട് റവന്യൂ വിവരം ആവശ്യപ്പെട്ട് കൊണ്ട് അയച്ച കത്തിന് മറുപടി ലഭ്യമായിട്ടുണ്ടോ; ഉണ്ടെങ്കില്‍ അതിന്മേല്‍ എന്ത് നടപടി സ്വീകരിച്ചു എന്ന് വ്യക്തമാക്കാമോ;

(സി)	ഇത് സംബന്ധിച്ച് ഗവണ്‍മെന്റ് സെക്രട്ടേറിയറ്റിലെ ഫയല്‍ നമ്പര്‍ വ്യക്തമാക്കാമോ?

Website maintained by Information System Section, Kerala Legislative Assembly, Thiruvananthapuram.