14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >19^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 19^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

തീരദേശ വികസന കോര്‍പ്പറേഷന്റെ പദ്ധതികള്‍

4521.

ശ്രീ.എം. സി. കമറുദ്ദീന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ കാലത്ത് തീരദേശ വികസന കോര്‍പ്പറേഷന്‍ മുഖേന കാസര്‍കോട് ജില്ലയില്‍ നടപ്പിലാക്കിയ പദ്ധതികളുടെ വിശദവിവരം നിയോജകമണ്ഡലം തിരിച്ച് ലഭ്യമാക്കാമോ;

(ബി)	കോര്‍പ്പറേഷന്‍ മുഖേന സംസ്ഥാനത്ത് നടപ്പിലാക്കാന്‍ ഉദ്ദേശിക്കുന്ന പദ്ധതികളുടെ വിശദാംശം അറിയിക്കുമോ?

സമ്പാദ്യ സമാശ്വാസ പദ്ധതി

4522.

ശ്രീ.എ. എന്‍. ഷംസീര്‍
,, കെ. ദാസന്‍
,, വി. ജോയി
,, കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ മത്സ്യത്തൊഴിലാളികള്‍ക്കായി ദേശീയ മത്സ്യത്തൊഴിലാളി ക്ഷേമനിധിയുടെ സഹായത്തോടെ സമ്പാദ്യ സമാശ്വാസ പദ്ധതി ആവിഷ്ക്കരിച്ചിട്ടുണ്ടോ;

(ബി)	പഞ്ഞമാസക്കാലയളവില്‍ എന്തെല്ലാം ധനസഹായങ്ങളാണ് ഈ പദ്ധതി പ്രകാരം മത്സ്യത്തൊഴിലാളികള്‍ക്ക് ലഭ്യമാകുന്നതെന്ന് വ്യക്തമാക്കാമോ;

(സി)	ഈ പദ്ധതിയ്ക്കായുള്ള കേന്ദ്ര-സംസ്ഥാന വിഹിതം എപ്രകാരമാണെന്നും നടപ്പു സാമ്പത്തിക വര്‍ഷത്തെ ബജറ്റില്‍ ഇതിനായി എത്ര തുക സംസ്ഥാന സര്‍ക്കാര്‍ വകയിരുത്തിയിട്ടുണ്ടെന്നും അറിയിക്കാമോ;

(ഡി)	കൂടുതല്‍ മത്സ്യത്തൊഴിലാളികള്‍ക്ക് പ്രസ്തുത പദ്ധതിയുടെ ആനുകൂല്യം ലഭ്യമാകും വിധം വിപുലീകരിക്കാന്‍ നടപടി സ്വീകരിക്കുമോ?

സൊസൈറ്റി ഫോര്‍ അസിസ്റ്റൻസ് ടു ഫിഷര്‍ വിമെന്‍

4523.

ശ്രീ.കെ. രാജന്‍
,, ജി.എസ്.ജയലാല്‍
ശ്രീമതി സി.കെ. ആശ
ശ്രീ.എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	മത്സ്യത്തൊഴിലാളികളായ സ്ത്രീകളുടെ ശാക്തീകരണത്തിനും സമഗ്രവികസനത്തിനുമായി രൂപീകരിച്ച സൊസൈറ്റി ഫോര്‍ അസിസ്റ്റൻസ് ടു ഫിഷര്‍ വിമെന്റെ (സാഫ്) പ്രവര്‍ത്തനം വിലയിരുത്തിയിട്ടുണ്ടോ;

(ബി)	മത്സ്യത്തൊഴിലാളികളായ വനിതകള്‍ക്ക് സൂക്ഷ്മ തൊഴിൽ സംരംഭങ്ങള്‍ തുടങ്ങുന്നതിന് സാഫ് ധനസഹായം നൽകുന്നുണ്ടോ;

(സി)	മത്സ്യത്തൊഴിലാളികളുടെ സംരംഭങ്ങള്‍ മികച്ച രീതിയിൽ നടത്തുന്നതിനുള്ള പരിശീലന പരിപാടികള്‍ സാഫ് മുഖേന നടത്തുന്നുണ്ടോ; വ്യക്തമാക്കുമോ;

(ഡി)	മത്സ്യത്തൊഴിലാളികളായ വനിതകളെ കൊള്ളപ്പലിശക്കാരുടെ ചൂഷണത്തിൽ നിന്ന് മുക്തമാക്കുന്നതിന് സാഫ് ഏതൊക്ക തരത്തിലുള്ള ഇടപെടലുകളാണ് നടത്തുന്നതെന്ന് അറിയിക്കുമോ;

(ഇ)	മത്സ്യത്തൊഴിലാളികളായ വനിതകളുടെ ഉന്നമനത്തിനും ഉദ്ധാരണത്തിനുമായി മറ്റെന്തെല്ലാം പരിപാടികളാണ് സാഫ് നടത്തി വരുന്നത് എന്നറിയിക്കുമോ?

മത്സ്യത്തൊഴിലാളി ക്ഷേമനിധി ബോര്‍ഡ് നടപ്പാക്കുന്ന പദ്ധതികള്‍

4524.

ശ്രീ.മുല്ലക്കര രത്നാകരന്‍
,, ഇ.കെ.വിജയന്‍
,, ഇ.ടി. ടൈസണ്‍ മാസ്റ്റര്‍
,, വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കേരള മത്സ്യത്തൊഴിലാളി ക്ഷേമനിധി ബോര്‍ഡ് നടപ്പിലാക്കുന്ന സാമൂഹ്യ സുരക്ഷാ പദ്ധതികള്‍ എന്തൊക്കെയെന്ന് വിശദമാക്കാമോ;

(ബി)	മത്സ്യത്തൊഴിലാളി ക്ഷേമനിധിയുടെ പെന്‍ഷന്‍ വിതരണം കാര്യക്ഷമമായി നടക്കുന്നുണ്ടോ; വ്യക്തമാക്കുമോ;

(സി)	മത്സ്യത്തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്തിട്ടുള്ള എല്ലാ തൊഴിലാളികളെയും ഗ്രൂപ്പ് ആക്സി‍ഡന്റ് ഇന്‍ഷ്വറന്‍സ് കവറേജില്‍ ഉള്‍പ്പെടുത്തിയിട്ടുണ്ടോ;

(ഡി)	പ്രസ്തുത പദ്ധതി പ്രകാരം മത്സ്യബന്ധനത്തിനിടയില്‍ മരണപ്പെടുന്ന മത്സ്യത്തൊഴിലാളികള്‍ക്ക് ലഭ്യമാകുന്ന ആനുകൂല്യങ്ങള്‍ എന്തൊക്കെയെന്ന് അറിയിക്കുമോ?

മത്സ്യത്തൊഴിലാളികള്‍ക്ക് നല്‍കുന്ന പഞ്ഞമാസ ആനുകൂല്യം

4525.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ നിലവില്‍ വരുമ്പോള്‍ കേരളത്തിലെ മത്സ്യത്തൊഴിലാളികളില്‍ ക്ഷേമനിധി അംഗത്വമുള്ളവര്‍ക്കും അല്ലാത്തവര്‍ക്കും നല്‍കി വന്നിരുന്ന പഞ്ഞമാസ ആനുകൂല്യം എത്ര രൂപയായിരുന്നുവെന്ന് വേര്‍തിരിച്ച് വ്യക്തമാക്കാമോ;

(ബി)	മുന്‍ സര്‍ക്കാരിന്റെ അവസാന കാലത്ത് ഈ തുക കുടിശ്ശിക ഉണ്ടായിരുന്നോ; ഉണ്ടെങ്കില്‍ എത്ര രൂപയായിരുന്നു;

(സി)	ഈ സര്‍ക്കാര്‍ അധികാരമേറ്റ ശേഷം ഈ ആനുകൂല്യം വര്‍ദ്ധിപ്പിച്ച് എത്ര രൂപയായാണ് ഇപ്പോള്‍ നല്‍കി വരുന്നത്; വിശദമാക്കാമോ;

(ഡി)	പ്രസ്തുത തുകയില്‍ കേന്ദ്രസര്‍ക്കാര്‍ വിഹിതമുണ്ടോ; ഉണ്ടെങ്കില്‍ എത്രയാണെന്ന് വിശദമാക്കാമോ;

(ഇ)	കേന്ദ്രസര്‍ക്കാര്‍ വിഹിതത്തില്‍ ഇപ്പോള്‍ കുടിശ്ശിക ഉണ്ടോ; വിശദമാക്കാമോ?

കടലില്‍ അപകടത്തില്‍പ്പെടുന്ന വള്ളങ്ങള്‍ കണ്ടെത്തുന്നതിനുള്ള ഉപകരണങ്ങള്‍

4526.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കടലില്‍ അപകടത്തില്‍പ്പെടുന്ന വള്ളങ്ങളും അപകടത്തില്‍പ്പെട്ട സ്ഥലവും വേഗത്തില്‍ കണ്ടെത്താനായി ഐ.എസ്.ആര്‍.ഒ. യുടെ സാങ്കേതിക സഹായത്താല്‍ നിർമ്മിച്ച ബീക്കണുകള്‍ ഫിഷറീസ് വകുപ്പ് നേരത്തെ നല്‍കിയിരുന്നെങ്കിലും പല വള്ളങ്ങളിലും ഇത് ഉപയോഗിക്കാത്ത സാഹചര്യമുണ്ടോ;

(ബി)	ഇതു കാരണം അപകടങ്ങള്‍ സംഭവിച്ചാല്‍ കോസ്റ്റ് ഗാർഡിന് അറിയാൻ കഴിയാത്ത അവസ്ഥയുണ്ടോ;

(സി)	ബീക്കണുകള്‍ ഉപയോഗിക്കുകയാണെങ്കില്‍ കൈവരുന്ന സൗകര്യങ്ങള്‍ എന്തൊക്കെയാണെന്ന് വിശദമാക്കാമോ;

(ഡി)	ബീക്കണുകള്‍ക്കു പുറമെ എന്തെല്ലാം ഉപകരണങ്ങളും സാമഗ്രികളുമാണ് ഫിഷറീസ് വകുപ്പ് മത്സ്യത്തൊഴിലാളികള്‍ക്ക് നല്‍കിയത്;

(ഇ)	ഉപകരണങ്ങള്‍ സ്വീകരിക്കാത്തതിന്റെ കാരണമായി മത്സ്യത്തൊഴിലാളികള്‍ പറയുന്ന കാരണങ്ങള്‍ എന്തൊക്കെയാണെന്ന് വ്യക്തമാക്കുമോ?

മത്സ്യത്തൊഴിലാളികള്‍ക്കുള്ള ഫ്ലാറ്റിന്റെ നിര്‍മ്മാണ പ്രവൃത്തികള്‍

4527.

ശ്രീ.കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	പൊഴിയൂരില്‍ മത്സ്യത്തൊഴിലാളികള്‍ക്കായി നിര്‍മ്മിക്കുന്ന ഫ്ലാറ്റിന്റെ നിര്‍മ്മാണ പ്രവൃത്തിയുടെ നിലവിലെ അവസ്ഥ എന്തെന്ന് വിശദമാക്കാമോ;

(ബി)	ഫ്ലാറ്റിന്റെ നിര്‍മ്മാണ പ്രവൃത്തികള്‍ 2020 സെപ്റ്റംബര്‍ മാസത്തിന് മുമ്പ് പൂര്‍ത്തീകരിക്കാന്‍ കഴിയുമോ എന്ന് വ്യക്തമാക്കാമോ;

(സി)	ഫ്ലാറ്റില്‍ എന്തെല്ലാം അടിസ്ഥാന സൗകര്യങ്ങളാണ് ഒരുക്കുന്നതെന്ന് വിശദീകരിക്കാമോ?

തീരദേശമേഖലയിലെ സ്കൂളുകളുടെ ഗുണനിലവാരം മെച്ചപ്പെടുത്തുന്നതിന് നടപടി

4528.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യത്തിന് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

കിഫ്ബിയിൽ ഉള്‍പ്പെടുത്തി തീരദേശ വികസന കോര്‍പ്പറേഷൻ മുഖാന്തിരം സംസ്ഥാനത്തെ തീരദേശമേഖലയിലെ സ്കൂളുകളുടെ ഗുണനിലവാരം മെച്ചപ്പെടുത്തുന്നതിനായി സംസ്ഥാനത്തെ ഏതൊക്കെ സ്കൂളുകളെയാണ് ഉള്‍പ്പെടുത്തിയതെന്നും ആയതിന്റെ പ്രവൃത്തി പൂര്‍ത്തീകരണത്തിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്നും വ്യക്തമാക്കാമോ?

ഓഖി പുനരധിവാസ പദ്ധതികളുടെ പൂര്‍ത്തീകരണം

4529.

ശ്രീ.കെ.വി.വിജയദാസ് : താഴെ കാണുന്ന ചോദ്യത്തിന് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

ഓഖി പുനരധിവാസ പദ്ധതികള്‍ പൂര്‍ത്തീകരിക്കുവാന്‍ കഴിഞ്ഞിട്ടുണ്ടോ; ഇനി എന്തെല്ലാം പദ്ധതികളാണ് അവശേഷിക്കുന്നത്; പ്രസ്തുത പദ്ധതികള്‍ സമയബന്ധിതമായി പൂര്‍ത്തീകരിക്കുന്നതിന് നടപടി സ്വീകരിക്കുമോ എന്നറിയിക്കാമോ?

പ്രളയ ബാധിതരായ മത്സ്യത്തൊഴിലാളികള്‍ക്ക് വള്ളവും വലയും

4530.

ശ്രീ.സജി ചെറിയാന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയ ബാധിതരായ മത്സ്യത്തൊഴിലാളികള്‍ക്ക് വള്ളവും വലയും നല്‍കിയ ഇനത്തില്‍ സർക്കാർ നാളിതുവരെ എത്ര രൂപ ചെലവഴിച്ചെന്നും എത്ര പേർക്ക് സഹായം ലഭിച്ചുവെന്നും വ്യക്തമാക്കാമോ;

(ബി)	ചെങ്ങന്നൂർ മണ്ഡലത്തിലെ ചെന്നിത്തല, പാണ്ടനാട്, ഇരമല്ലിക്കര എന്നീ പ്രദേശങ്ങളില്‍ താമസിക്കുന്ന എത്ര അപേക്ഷകർക്ക് സഹായം നല്‍കുവാനുണ്ടെന്ന് വ്യക്തമാക്കാമോ?

ഉദുമ നിയോജക മണ്ഡലത്തില്‍ പുനര്‍ഗേഹം പദ്ധതി

4531.

ശ്രീ.കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഉദുമ നിയോജക മണ്ഡലത്തില്‍ കോട്ടിക്കുളം, പള്ളിക്കര മത്സ്യ വില്ലേജുകളിലായി വേലിയേറ്റ മേഖലയില്‍ നിന്ന് അന്‍പത് മീറ്ററിനുള്ളില്‍ താമസിക്കുന്ന എത്ര കുടുംബങ്ങളുണ്ട്;

(ബി)	ഇവര്‍ക്ക് ഫിഷറീസ് വകുപ്പിന്റെ പുനര്‍ഗേഹം പദ്ധതിയില്‍ വീട് നല്‍കാന്‍ പദ്ധതി ആവിഷ്ക്കരിച്ചിട്ടുണ്ടോ; വിശദാംശങ്ങള്‍ അറിയിക്കാമോ;

(സി)	ഈ പ്രദേശത്തെ ബേക്കല്‍ കുറുംബ ഭഗവതി ക്ഷേത്രം ഭരണസമിതി അവരുടെ കൈവശമുള്ള ഒന്നര ഏക്കര്‍ സ്ഥലം വീടില്ലാത്ത മത്സ്യത്തൊഴിലാളികള്‍ക്ക് വീട് നിര്‍മ്മിക്കാന്‍ സൗജന്യമായി നല്‍കാമെന്ന് അറിയിച്ചിട്ടും വകുപ്പ് താല്പര്യം കാണിക്കാത്തത് ശ്രദ്ധയില്‍പ്പെട്ടിട്ടുണ്ടോ;

(ഡി)	കോട്ടിക്കുളം, പള്ളിക്കര മത്സ്യ വില്ലേജുകളിലെ കുടുംബങ്ങളെ പുനര്‍ഗേഹം പദ്ധതിയില്‍ ഉള്‍പ്പെടുത്തിയും ബേക്കല്‍ കുറുംബ ഭഗവതി ക്ഷേത്രം ഭരണസമിതി സൗജന്യമായി നല്‍കാമെന്ന് അറിയിച്ച ഭൂമി പ്രയോജനപ്പെടുത്തിയും വീടുകള്‍ നിര്‍മ്മിക്കുന്നതിന് അനുമതി നല്‍കുന്ന കാര്യം പരിഗണിക്കുമോ; വിശദാംശങ്ങള്‍ അറിയിക്കാമോ?

മണലൂര്‍ മണ്ഡലത്തിലെ തീരദേശ റോഡുകളുടെ പുനരുദ്ധാരണം

4532.

ശ്രീ.മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	മണലൂര്‍ മണ്ഡലത്തിലെ ഏതെല്ലാം തീരദേശ റോഡുകളുടെ പുനരുദ്ധാരണത്തിന് ഈ സര്‍ക്കാര്‍ ഭരണാനുമതി നല്‍കുകയുണ്ടായി എന്ന് അറിയിക്കുമോ;

(ബി)	ഭരണാനുമതി ലഭിച്ച ഏതെല്ലാം പ്രവൃത്തികള്‍ ഇതുവരെ പൂര്‍ത്തീകരിച്ചു എന്ന് അറിയിക്കാമോ;

(സി)	പൂര്‍ത്തീകരിക്കാനുള്ള പ്രവൃത്തികളുടെ നിലവിലെ സ്ഥിതി എന്താണെന്ന് വ്യക്തമാക്കുമോ?

നിലമ്പൂര്‍ ആസ്ഥാനമായി ഉള്‍നാടന്‍ മത്സ്യഭവന്‍

4533.

ശ്രീ.പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	നിലമ്പൂര്‍ ആസ്ഥാനമായി ഉള്‍നാടന്‍ മത്സ്യഭവന്‍ ആരംഭിക്കുന്നതിന് വാടക കെട്ടിടമോ താല്‍ക്കാലിക സംവിധാനങ്ങളോ കണ്ടെത്തിയിട്ടുണ്ടോ എന്ന് അറിയിക്കുമോ;

(ബി)	കണ്ടെത്തിയ വാടക കെട്ടിടം ഓഫീസ് ആവശ്യത്തിന് ഉപയോഗയോഗ്യമാണെന്ന് സാക്ഷ്യപ്പെടുത്തേണ്ടതും പ്രതിമാസ വാടക നിശ്ചയിക്കേണ്ടതും ആരാണെന്നും അതിന് വേണ്ടിയുള്ള നടപടിക്രമങ്ങള്‍ ഏതുവരെയായെന്നും വിശദമാക്കാമോ;

(സി)	നടപടിക്രമങ്ങള്‍ പൂര്‍ത്തീകരിച്ച് എന്നത്തേക്ക് നിലമ്പൂരില്‍ ഉള്‍നാടന്‍ മത്സ്യബന്ധന ഓഫീസ് പ്രവര്‍ത്തനം തുടങ്ങാന്‍ കഴിയുമെന്നാണ് കരുതുന്നത്; വിശദമാക്കാമോ?

വള്ളിക്കുന്ന് മണ്ഡലത്തില്‍ തീരദേശ വികസന കോര്‍പ്പറേഷന്‍ നടപ്പിലാക്കിയ പദ്ധതികള്‍

4534.

ശ്രീ.അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ നിലവില്‍ വന്നതിനുശേഷം വള്ളിക്കുന്ന് മണ്ഡലത്തില്‍ തീരദേശ വികസന കോര്‍പ്പറേഷന്‍ വഴി നടപ്പിലാക്കിയ പദ്ധതികളുടെ വിശദാംശങ്ങള്‍ ലഭ്യമാക്കാമോ;

(ബി)	വള്ളിക്കുന്ന് പ‍ഞ്ചായത്തിലെ അരിയല്ലൂര്‍ മിനിസ്റ്റേഡിയത്തിന്റെ പുനരുദ്ധാരണത്തിന് ഫണ്ട് അനുവദിക്കുന്നതിനു വേണ്ടി സര്‍ക്കാരിന് ലഭിച്ച നിവേദനത്തിന്മേല്‍ സ്വീകരിച്ച നടപടികള്‍ എന്തെല്ലാമാണെന്ന് അറിയിക്കുമോ;

(സി)	നിലവില്‍ പ്രസ്തുത പദ്ധതിക്കായി സാങ്കേതിക വിഭാഗം തയ്യാറാക്കിയ എസ്റ്റിമേറ്റ് തുക എത്രയാണെന്ന് അറിയിക്കാമോ?

പരവൂര്‍ തെക്കുംഭാഗത്ത് മിനി ഫിഷിംഗ് ഹാര്‍ബര്‍ നിര്‍മ്മാണം

4535.

ശ്രീ.ജി.എസ്.ജയലാല്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ചാത്തന്നൂര്‍ നിയോജകമണ്ഡലത്തിലെ പരവൂര്‍ തെക്കുംഭാഗത്ത് മിനി ഫിഷിംഗ് ഹാര്‍ബര്‍ സ്ഥാപിക്കുന്നതിനായി സെന്‍ട്രല്‍ വാട്ടര്‍ ആന്റ് പവര്‍ റിസര്‍ച്ച് സ്റ്റേഷന്റെ (സി.ഡബ്യു.പി.ആര്‍. എസ്) പഠനം പൂര്‍ത്തിയാക്കി റിപ്പോര്‍ട്ട് സമര്‍പ്പിച്ചിട്ടുണ്ടോ; വിശദമാക്കാമോ;

(ബി)	ഹാര്‍ബറിനായുള്ള പരിസ്ഥിതി പഠനം ഇതിനകം ആരംഭിച്ചിട്ടുണ്ടോ എന്ന് വ്യക്തമാക്കാമോ;

(സി)	ഹാര്‍ബറിന്റെ നിര്‍മ്മാണം തുടങ്ങുന്നതിനായി ഇനി എന്തെല്ലാം നടപടിക്രമങ്ങള്‍ പൂര്‍ത്തിയാക്കാനുണ്ടെന്ന് അറിയിക്കാമോ;

(ഡി)	പരവൂരിലെ നിര്‍ദ്ദിഷ്ട മിനി ഫിഷിംഗ് ഹാര്‍ബറിനായുള്ള പഠനങ്ങള്‍ എന്നത്തേക്ക് പൂര്‍ത്തിയാകുമെന്ന് വ്യക്തമാക്കാമോ?

മാവേലിക്കര മണ്ഡലത്തില്‍ ഹാര്‍ബര്‍ എഞ്ചിനീയറിംഗ് വകുപ്പ് ഭരണാനുമതി നല്കിയ പ്രവൃത്തികള്‍

4536.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	മാവേലിക്കര നിയോജകമണ്ഡലത്തില്‍ 2018-19, 2019-20 വര്‍ഷങ്ങളില്‍ ഹാര്‍ബര്‍ എഞ്ചിനീയറിംഗ് വകുപ്പ് തുക അനുവദിച്ച് ഭരണാനുമതി നല്കിയ പ്രവൃത്തികള്‍ ആരംഭിച്ചിട്ടില്ല എന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	സാങ്കേതികാനുമതി ലഭ്യമാക്കി ടെന്‍ഡര്‍ നടപടികള്‍ പൂര്‍ത്തീകരിച്ച് പ്രസ്തുത പ്രവൃത്തികള്‍ ആരംഭിക്കുന്നതിനുള്ള നടപടികള്‍ അടിയന്തരമായി സ്വീകരിക്കുമോയെന്ന് വ്യക്തമാക്കുമോ?

കശുവണ്ടി മേഖലയെ പുനരുജ്ജീവിപ്പിക്കുന്നതിന് നടപടി

4537.

ശ്രീ.മുല്ലക്കര രത്നാകരന്‍
ശ്രീമതി സി.കെ. ആശ
,, ഗീതാ ഗോപി
ശ്രീ.വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ കശുവണ്ടി മേഖലയില്‍ വിശേഷിച്ചും സ്വകാര്യ കശുവണ്ടി ഫാക്ടറികളുടെ കാര്യത്തില്‍ നിലവിലുളള മന്ദത നീക്കി മേഖലയെ പുനരുജ്ജീവിപ്പിക്കുന്നതിന് സര്‍ക്കാര്‍ നടത്തുന്ന ശ്രമങ്ങള്‍ വിശദമാക്കുമോ;

(ബി)	സ്വകാര്യ കശുവണ്ടി വ്യവസായികള്‍ക്ക് വ്യവസായത്തിനായി നല്കുന്ന വായ്പയുടെ പലിശ ഏകീകരിക്കുന്നത് സര്‍ക്കാര്‍ മുന്‍കയ്യെടുത്ത് ബാങ്കുകളെക്കൊണ്ട് അംഗീകരിപ്പിച്ചിട്ടുണ്ടോ; വ്യക്തമാക്കുമോ;

(സി)	സ്വകാര്യ വ്യവസായികളുടെ നിലവിലുളള വായ്പ പുന:ക്രമീകരിക്കുന്നതിനും പിഴപ്പലിശ പൂര്‍ണ്ണമായും ഒഴിവാക്കുന്നതിനും ബാങ്കുകള്‍ സമ്മതിച്ചിട്ടുണ്ടോ; വ്യക്തമാക്കുമോ;

(ഡി)	പ്രവര്‍ത്തന മൂലധനത്തിനായി ബാങ്കുകള്‍ നല്കുന്ന വായ്പയുടെ പലിശ ഒരു വര്‍ഷത്തേക്ക് സര്‍ക്കാര്‍ ഏറ്റെടുക്കുമോ; വ്യക്തമാക്കുമോ;

(ഇ)	കശുവണ്ടി മേഖലയിലെ പുനരുദ്ധാരണ പാക്കേജില്‍പ്പെട്ട വ്യവസായികള്‍ സംസ്ഥാന സര്‍ക്കാരിലേക്ക് അടക്കേണ്ട നികുതി ബാദ്ധ്യതയ്ക്ക് മോറട്ടോറിയം പ്രഖ്യാപിച്ചിട്ടുണ്ടോ; വ്യക്തമാക്കുമോ;

(എഫ്)

പുനരുദ്ധാരണ പാക്കേജിലെ മറ്റ് പ്രധാനപ്പെട്ട വിവരങ്ങള്‍ എന്തൊക്കെയെന്നറിയിക്കുമോ?

Website maintained by Information System Section, Kerala Legislative Assembly, Thiruvananthapuram.