14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >19^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 19^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

റോഡുകളുടെ വശങ്ങളില്‍ പോസ്റ്റുകള്‍ സ്ഥാപിക്കാൻ അനുമതി

4216.

ശ്രീ.കെ.എന്‍.എ ഖാദര്‍
,, ടി.എ.അഹമ്മദ് കബീര്‍
പ്രൊഫ.ആബിദ് ഹുസൈന്‍ തങ്ങള്‍
ശ്രീ.വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	എഫ്.ടി.ടി.എച്ച്. (ഫൈബര്‍ ടു ദി ഹോം) പ്രോജക്ടുകള്‍ നടപ്പിലാക്കുന്നതിനായി വിവിധ ടെലിക്കമ്മ്യൂണിക്കേഷൻ കമ്പനികള്‍ പൊതുമരാമത്ത് റോഡുകളുടെ വശങ്ങളില്‍ പോസ്റ്റുകള്‍ സ്ഥാപിക്കുന്നതിനായി അനുമതി ആവശ്യപ്പെട്ടിരുന്നോ; ഏതൊക്കെ കമ്പനികളാണ് ഇപ്രകാരം അനുമതി തേടിയത് എന്നറിയിക്കുമോ;

(ബി)	ഇപ്രകാരം പോസ്റ്റുകള്‍ സ്ഥാപിക്കാൻ അനുമതി നല്‍കുമ്പോള്‍ പാലിക്കപ്പെടേണ്ട പ്രധാന വ്യവസ്ഥകള്‍ ഏതൊക്കെയാണ്; ഇതിനായി നിശ്ചയിച്ച പ്രതിവർഷ വാടക എത്രയാണ് എന്ന് വ്യക്തമാക്കാമോ;

(സി)	നിലവില്‍ പൊതുമരാമത്ത് റോഡുകളുടെ വശങ്ങളില്‍ ഇപ്രകാരമുള്ള പോസ്റ്റുകള്‍ സ്ഥാപിക്കപ്പെട്ടിട്ടുണ്ടോ; ഈയിനത്തില്‍ ഈ സര്‍ക്കാരിന്റെ കാലയളവില്‍ പൊതുമരാമത്ത് വകുപ്പിന് ലഭിച്ച തുകയുടെ കണക്ക് വിശദമാക്കാമോ?

കേരളാ സ്റ്റേറ്റ് ട്രാൻസ്‌പോർട്ട് പ്രൊജക്ട്

4217.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കേരളാ സ്റ്റേറ്റ് ട്രാൻസ്‌പോർട്ട് പ്രൊജക്ടില്‍ നിലവിലുളള പ്രവൃത്തികളുടെ ഇപ്പോഴത്തെ അവസ്ഥ വ്യക്തമാക്കുമോ;

(ബി)	പ്രസ്തുത പ്രവൃത്തികളുടെ ഗുണനിലവാരം സംബന്ധിച്ച് ഉയര്‍ന്ന് വന്നിട്ടുളള പരാതികളുടെ അടിസ്ഥാനത്തില്‍ അവയ്ക്ക് പരിഹാരം കാണാന്‍ എന്തെല്ലാം നടപടികളാണ് കെെക്കൊണ്ടിട്ടുളളത് എന്ന് വെളിപ്പെടുത്താമോ?

ആശ്വാസ് പബ്ലിക് അമിനിറ്റീസ് കേരളാ ലിമിറ്റഡ്

4218.

ശ്രീ.എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ആശ്വാസ് പബ്ലിക് അമിനിറ്റീസ് കേരളാ ലിമിറ്റഡ് എന്ന കമ്പനിയുടെ പ്രവര്‍ത്തനം വിശദീകരിക്കുമോ;

(ബി)	പ്രസ്തുത കമ്പനിയുടെ ആഭിമുഖ്യത്തില്‍ പൊതുജനങ്ങള്‍ക്ക് ഹൈവേ യാത്രകളില്‍ കൃത്യമായി പരിപാലനം ഉറപ്പുവരുത്തിയിട്ടുള്ള ടോയ് ലെറ്റ് സൗകര്യം ഒരുക്കിയിട്ടുണ്ടോ; എങ്കില്‍ എത്ര സ്ഥലങ്ങളിലാണെന്ന് അറിയിക്കുമോ?

പൊതുമരാമത്ത് കരാറുകാരുടെ സമരം

4219.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പ് പ്രവൃത്തികള്‍ ഏറ്റെടുത്തു നടത്തുന്ന കരാറുകാര്‍ ടെണ്ടറുകള്‍ ബഹിഷ്ക്കരിക്കുന്നത് മൂലം വികസന രംഗത്ത് പ്രതിസന്ധി നേരിടുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഇത് പരിഹരിക്കുന്നതിനായി സ്വീകരിച്ച നടപടികള്‍ അറിയിക്കാമോ;

(സി)	കരാറുകാരുടെ കുടിശ്ശിക കൊടുത്തു തീര്‍ക്കാന്‍ എന്തെങ്കിലും നടപടി സ്വീകരിച്ചിട്ടുണ്ടോ; വിശദമാക്കാമോ;

(ഡി)	കരാറുകാരുടെ സമരം അവസാനിപ്പിക്കുന്നതിന് വേണ്ടി അവരുടെ പ്രതിനിധികളുമായി ഏതെങ്കിലും തരത്തിലുള്ള ചര്‍ച്ചകള്‍ നടന്നിട്ടുണ്ടോ; വിശദാംശങ്ങള്‍ അറിയിക്കാമോ?

പൊതുമരാമത്ത് പ്രവൃത്തികള്‍ വഴിയുണ്ടാകുന്ന മാലിന്യം

4220.

ശ്രീ.കെ.എന്‍.എ ഖാദര്‍
ഡോ.എം. കെ. മുനീര്‍
ശ്രീ.പി.കെ.അബ്ദു റബ്ബ്
,, എം. സി. കമറുദ്ദീന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് പ്രവൃത്തികള്‍ ഏറ്റെടുക്കുന്ന കരാറുകാർ പ്രസ്തുത പ്രവൃത്തികള്‍ ചെയ്യുന്നത് മൂലമുണ്ടാകുന്ന മാലിന്യം നീക്കം ചെയ്യുന്നത് സംബന്ധിച്ച് നിലവിലുള്ള വ്യവസ്ഥകള്‍ ഏതൊക്കെയെന്ന് വിശദമാക്കുമോ;

(ബി)	ഇത് പാലിക്കപ്പെട്ടില്ലെന്ന് കാണുന്ന പക്ഷം പിഴ ചുമത്തുന്നതിന് സാധിക്കുമോ; ഇതിലേക്കുള്ള പിഴ എപ്രകാരമാണ് നിശ്ചയിക്കുക; പിഴയുടെ നിരക്ക് പുതുക്കി നിശ്ചയിച്ചിട്ടുണ്ടോ;

(സി)	ഈയിനത്തില്‍ ഈ സർക്കാരിന്റെ കാലത്ത് പൊതുമരാമത്ത് വകുപ്പ് ഈടാക്കിയ പിഴയുടെ വിശദാംശങ്ങൾ ലഭ്യമാണോ; എങ്കിൽ വിശദമാക്കാമോ?

സമയബന്ധിതമായി പണി പൂര്‍ത്തിയാക്കാത്ത കരാറുകാര്‍ക്കെതിരെ നടപടി

4221.

ശ്രീ.ടി.ജെ. വിനോദ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം പൊതുമരാമത്ത് വകുപ്പിൽ സമയബന്ധിതമായി പണി പൂര്‍ത്തിയാക്കാത്ത കരാറുകാര്‍ക്കെതിരെ എന്തെങ്കിലും നടപടി സ്വീകരിച്ചിട്ടുണ്ടോ; ഉണ്ടെങ്കിൽ എന്താണെന്ന് വെളിപ്പെടുത്തുമോ;

(ബി)	പ്രസ്തുത കാലയളവില്‍ സമയബന്ധിതമായി പണി പൂര്‍ത്തിയാക്കാത്ത കരാറുകാരിൽ നിന്നും ഫൈൻ ആയി എത്ര രൂപ ഈടാക്കിയിട്ടുണ്ടെന്ന് വ്യക്തമാക്കുമോ?

പരാതിപരിഹാരസെല്‍

4222.

ശ്രീ.മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പ് മന്ത്രിയുടെ പരാതിപരിഹാരസെല്‍ പ്രവര്‍ത്തിയ്ക്കുന്നുണ്ടോ; എങ്കില്‍ എന്നു മുതല്‍ പ്രവര്‍ത്തനമാരംഭിച്ചിട്ടുണ്ട്;

(ബി)	നാളിതുവരെ എത്ര പരാതി ഇൗ സെല്ലില്‍ ലഭിച്ചിട്ടുണ്ട്; എത്ര പരാതികളിന്മേല്‍ തീര്‍പ്പ് കല്‍പ്പിച്ചിട്ടുണ്ട്; ഇനി എത്ര പരാതികളാണ് തീര്‍പ്പ് കല്‍പ്പിക്കാന്‍ ബാക്കിയുളളത്; വിശദാംശം ലഭ്യമാക്കുമോ?

പൊതുമരാമത്തുമായി ബന്ധപ്പെട്ട നിര്‍മ്മാണ മേഖലയിലുണ്ടായ മാന്ദ്യം

4223.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നിര്‍മ്മാണ വസ്തുക്കള്‍ക്ക് ഏര്‍പ്പെടുത്തിയിരിക്കുന്ന ഉയര്‍ന്ന ജി.എസ്.ടി. നിരക്കും സാമ്പത്തിക പ്രതിസന്ധിയും കമ്പി-സിമന്റ് എന്നിവയുടെ വിലയിലുണ്ടായ വര്‍ദ്ധനവും പൊതുമരാമത്തുമായി ബന്ധപ്പെട്ട നിര്‍മ്മാണ മേഖലയിലുണ്ടാക്കിയിട്ടുള്ള മാന്ദ്യം പരിശോധിക്കുകയുണ്ടായോ;

(ബി)	പൂര്‍ത്തിയാക്കിയ പ്രവൃത്തികളുടെ ബില്ലുകള്‍ മാറിക്കിട്ടാത്ത സാഹചര്യത്തില്‍ പ്രസ്തുത തുക ബാങ്കില്‍ നിന്ന് കടമെടുക്കുവാന്‍ കരാറുകാരോട് നിര്‍ദ്ദേശിക്കുകയുണ്ടായോ;

(സി)	ടാറിന്റെ അധിക വിലയില്‍ ഇരുപത്തിയേഴ് ശതമാനം കരാറുകാര്‍ക്ക് നല്‍കുമെന്ന് സര്‍ക്കാര്‍ നല്‍കിയ ഉറപ്പ് ഒരു വര്‍ഷമായിട്ടും പാലിക്കപ്പെടാത്ത സാഹചര്യമുണ്ടോ; വിശദാംശങ്ങള്‍ നല്‍കുമോ?

പൊതുമരാമത്ത് റോഡുനിര്‍മ്മാണ പ്രവൃത്തികളുടെ ഗുണനിലവാരം

4224.

ശ്രീ.തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് റോഡുനിര്‍മ്മാണ പ്രവൃത്തികളുടെ ഗുണനിലവാരം പരിശോധിക്കുന്നതിന് എന്തെല്ലാം സംവിധാനമാണ് നിലവിലുള്ളതെന്ന് വ്യക്തമാക്കുമോ;

(ബി)	നിര്‍മ്മാണത്തിലെ അപാകതകള്‍ മൂലം നിശ്ചിത കാലയളവിനുള്ളില്‍ റോ‍ഡുകള്‍ക്ക് നാശനഷ്ടമുണ്ടായ സാഹചര്യങ്ങളില്‍ കരാറുകാര്‍, ബന്ധപ്പെട്ട ഉദ്യോഗസ്ഥന്മാര്‍ എന്നിവര്‍ക്കെതിരെ കര്‍ശനമായ നടപടികള്‍ സ്വീകരിച്ചിട്ടുണ്ടോ; വെളിപ്പെടുത്തുമോ;

(സി)	വകുപ്പ് നടത്തുന്ന റോഡ് വികസന പദ്ധതികള്‍ സുതാര്യവും അഴിമതി രഹിതവുമാക്കുന്നതിന് എന്തെല്ലാം നടപടികളാണ് സ്വീകരിച്ചു വരുന്നതെന്ന് വിശദീകരിക്കുമോ?

ക്രമക്കേടുകള്‍ നടത്തിയ എഞ്ചിനീയര്‍മാര്‍ക്കെതിരെ നടപടി

4225.

ശ്രീ.യു. ആര്‍. പ്രദീപ് : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

മുൻ സർക്കാരിന്റെ കാലയളവില്‍ പൊതുമരാമത്ത് വകുപ്പില്‍ നടന്നതായി പറയപ്പെടുന്ന ക്രമക്കേടുകള്‍ സംബന്ധിച്ച് വകുപ്പുതല അന്വേഷണം നടത്തി തയ്യാറാക്കിയ റിപ്പോര്‍ട്ടിന്റെ അടിസ്ഥാനത്തില്‍ എത്ര എഞ്ചിനീയര്‍മാര്‍ക്കെതിരെ നടപടി എടുത്തിട്ടുണ്ട്; അവരുടെ പേരു വിവരവും വഹിച്ചിരുന്ന സ്ഥാനവും പ്രത്യേകം വ്യക്തമാക്കുമോ?

മാതൃകാ സുരക്ഷാ റോഡ് പദ്ധതി

4226.

ശ്രീ.വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് മാതൃകാ സുരക്ഷാ റോഡ് പദ്ധതി ആരംഭിച്ചിട്ടുണ്ടോ; വിശദമാക്കുമോ;

(ബി)	ഈ പദ്ധതിയനുസരിച്ച് റോഡുകളില്‍ എന്തെല്ലാം സുരക്ഷാ ക്രമീകരണങ്ങളാണ് വരുത്തിയിട്ടുള്ളതെന്ന് വെളിപ്പെടുത്തുമോ;

(സി)	സംസ്ഥാനത്തെ കൂടുതല്‍ റോഡുകളില്‍ പ്രസ്തുത പദ്ധതി വ്യാപിപ്പിക്കുമോ; വിശദമാക്കുമോ?

പൊതുമരാമത്ത് വകുപ്പ് റോഡുകളുടെ നിലവാരം

4227.

ശ്രീ.അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ നിലവില്‍ വന്ന ശേഷം പൊതുമരാമത്ത് റോഡുകളുടെ നിലവാരം ഉയര്‍ത്തുന്നതിന് എന്തെല്ലാം നടപടികളാണ് ഇതേവരെ സ്വീകരിച്ചിട്ടുള്ളതെന്ന് വിശദമാക്കുമോ;

(ബി)	സ്വാഭാവിക റബ്ബര്‍, കയര്‍ ജിയോ ടെക്സ്റ്റയില്‍സ്, പ്ലാസ്റ്റിക് വേസ്റ്റ് എന്നിവ ഉപയോഗിച്ച് റോഡ് നിര്‍മ്മാണം നടത്തിയിട്ടുണ്ടെങ്കില്‍ അവ എവിടെയൊക്കെയാണെന്ന് അറിയിക്കാമോ;

(സി)	പ്രധാന ജില്ലാ റോഡുകള്‍, സംസ്ഥാന പാതകളുടെ നിലവാരത്തില്‍ ഉയര്‍ത്തുമെന്ന പ്രഖ്യാപനത്തിന്റെ അടിസ്ഥാനത്തില്‍ ഇതിനകം സ്വീകരിച്ച നടപടികള്‍ എന്തൊക്കെയാണെന്ന് വ്യക്തമാക്കുമോ?

സി.ആര്‍.എഫ്. പദ്ധതികള്‍

4228.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സി.ആര്‍.എഫ് ൽ ഉള്‍പ്പെടുത്തി പദ്ധതികള്‍ അനുവദിക്കുന്നതിനുള്ള മാനദണ്ഡങ്ങളും നടപടിക്രമങ്ങളും വ്യക്തമാക്കുമോ;

(ബി)	ഈ സര്‍ക്കാര്‍ അധികാരത്തിൽ വന്നശേഷം നെടുമങ്ങാട് നിയോജകമണ്ഡലത്തിൽ സി.ആര്‍.എഫ്.ഉപയോഗിച്ച് നടപ്പിലാക്കിയ പ്രവൃത്തികളുടെ വിശദാംശം നൽകുമോ?

ഹൈവേ പ്രൊട്ടക്ഷന്‍ ആക്ട് പ്രകാരം കയ്യേറ്റങ്ങള്‍ ഒഴിപ്പിക്കൽ

4229.

ശ്രീ.എന്‍. ഷംസുദ്ദീന്‍
,, കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പി.ഡബ്ല്യൂ.ഡി. റോഡുകള്‍ സംരക്ഷിക്കുന്നതിനും, കാല്‍നടക്കാര്‍ക്കും വാഹനയാത്രക്കാര്‍ക്കും സുരക്ഷിതമായ യാത്ര സാധ്യമാക്കുന്നതിനും കേരള ഹൈവേ പ്രൊട്ടക്ഷന്‍ ആക്ട് ബാധകമാക്കിയിട്ടുണ്ടോ; എങ്കില്‍ ഇതനുസരിച്ച് സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വിശദീകരിക്കുമോ;

(ബി)	നാഷണൽ ഹൈവേയിൽ ഉണ്ടായിട്ടുള്ള കയ്യേറ്റങ്ങള്‍ ഒഴിപ്പിക്കുവാന്‍ സര്‍ക്കാര്‍ സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വിശദമാക്കുമോ?

റോഡ് നിര്‍മ്മാണത്തിന് ആധുനിക ശാസ്ത്രീയ മാര്‍ഗ്ഗങ്ങള്‍

4230.

ശ്രീ.എന്‍. ഷംസുദ്ദീന്‍
പ്രൊഫ.ആബിദ് ഹുസൈന്‍ തങ്ങള്‍
ശ്രീ.സി.മമ്മൂട്ടി
,, കെ.എം.ഷാജി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	റോഡ് നിര്‍മ്മാണത്തിന് ആധുനിക ശാസ്ത്രീയ മാര്‍ഗ്ഗങ്ങള്‍ അവലംബിക്കുന്നതിനും റോഡുകളുടെ ഡ്യൂറബിലിറ്റി ഉറപ്പുവരുത്തുന്നതിനും പൊതുമരാമത്ത് വകുപ്പ് സ്വീകരിച്ചിട്ടുളള നടപടികള്‍ എന്തെല്ലാമാണെന്ന് വിശദമാക്കുമോ;

(ബി)	കേരളത്തിന്റെ കാലാവസ്ഥയ്ക്ക് അനുയോജ്യമായ റോഡ് നിര്‍മ്മാണ രീതികള്‍ സംബന്ധിച്ച് എന്തെങ്കിലും പഠനം നടത്തിയിട്ടുണ്ടോ; എങ്കില്‍ ഇതിന്റെ വിശദാംശം ലഭ്യമാക്കുമോ?

റോഡ് നിര്‍മ്മാണത്തില്‍ പ്ലാസ്റ്റിക്, കയര്‍ ഭൂവസ്ത്രം, റബ്ബര്‍ എന്നിവയുടെ ഉപയോഗം

4231.

ശ്രീ.റ്റി.വി.രാജേഷ്
,, സി.കെ. ഹരീന്ദ്രന്‍
,, കാരാട്ട് റസാഖ്
,, പി. ഉണ്ണി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	റോഡുകളുടെ പുനരുദ്ധാരണ പ്രവര്‍ത്തനങ്ങളില്‍ മൊത്തം റോഡിന്റെ അന്‍പത് ശതമാനം പൊടിച്ച പ്ലാസ്റ്റിക് ഉപയോഗിച്ച് നിര്‍ബന്ധമായും ചെയ്യണമെന്ന് നിര്‍ദ്ദേശം നല്‍കിയിട്ടുണ്ടോ; വിശദാംശം നല്‍കുമോ;

(ബി)	റോഡ് നിര്‍മ്മാണത്തില്‍ ഏതളവ് വരെ പ്ലാസ്റ്റിക് ചേര്‍ക്കാമെന്നാണ് ശാസ്ത്രീയ പഠനങ്ങള്‍ വ്യക്തമാക്കുന്നതെന്ന് അറിയിക്കാമോ;

(സി)	റോഡ് നിര്‍മ്മാണത്തിന് കയര്‍ ഭൂവസ്ത്രം, റബ്ബര്‍ മുതലായവ വ്യാപകമായി ഉപയോഗിക്കുന്നതിന് നിര്‍ദ്ദേശം നല്‍കിയിട്ടുണ്ടോ; വിശദാംശം നല്‍കുമോ?

മലയോര ഹെെവേയുടെ നിര്‍മ്മാണം

4232.

ശ്രീ.കെ.എം.ഷാജി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് മലയോര ഹെെവേയുടെ നിര്‍മ്മാണം പല സ്ഥലങ്ങളിലും മുടങ്ങിക്കിടക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഏതെല്ലാം ഭാഗങ്ങളിലാണ് നിര്‍മ്മാണം മുടങ്ങിക്കിടക്കുന്നത് എന്നും ഇത് മുടങ്ങുവാനുണ്ടായ കാരണം എന്താണെന്നതിന്റെ വിശദാംശവും ലഭ്യമാക്കുമോ?

മലയോര ഹെെവേയില്‍ ഉള്‍പ്പെട്ട റോഡുകളുടെ അറ്റകുറ്റപ്പണി

4233.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)

കിഫ്ബി പദ്ധതിയില്‍ ഉള്‍പ്പെട്ടിട്ടുളള മലയോര ഹെെവേ നിര്‍മ്മാണം പൂര്‍ത്തീകരിക്കുന്നതിന് സ്ഥലമേറ്റെടുക്കല്‍ അടക്കമുളള നടപടികള്‍ മൂലം കാലതാമസം നേരിടുമെന്നുളളതിനാല്‍, പ്രസ്തുത റോഡില്‍ ഉള്‍പ്പെട്ടിട്ടുളള പി.ഡബ്ള്യു.ഡി റോഡുകളുടെയടക്കമുള്ളവയുടെ അടിയന്തര അറ്റകുറ്റപ്പണികള്‍ക്കായി അനുമതിയും ഫണ്ടും ലഭ്യമാക്കാന്‍ ആവശ്യമായ നടപടികള്‍ സ്വീകരിക്കുമോയെന്ന് വ്യക്തമാക്കുമോ;

(ബി)	ചാലക്കുടി മണ്ഡലത്തില്‍പ്പെട്ട മലയോര ഹെെവേയില്‍ ഉള്‍പ്പെട്ട റോഡുകളുടെ അടിയന്തര അറ്റകുറ്റപ്പണികള്‍ നടത്തി ഗതാഗതയോഗ്യമാക്കുന്നതിനായി സമര്‍പ്പിച്ചിട്ടുളള എസ്റ്റിമേറ്റിന് അനുമതി നല്‍കുമോയെന്ന് അറിയിക്കുമോ?

മലയോരഹൈവേ പദ്ധതിയുടെ പുരോഗതി

4234.

ശ്രീ.രാജു എബ്രഹാം
,, എസ്.രാജേന്ദ്രന്‍
,, ബി.ഡി. ദേവസ്സി
,, പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കിഫ്ബി മുഖേന മൂവായിരത്തി അഞ്ഞൂറ് കോടി രൂപ ചെലവില്‍ നിര്‍മ്മിക്കുന്ന മലയോര ഹൈവേയ്ക്ക് സാമ്പത്തിക അനുമതി ലഭ്യമായിട്ടുണ്ടോ;

(ബി)	പദ്ധതിക്ക് വേണ്ട സ്ഥലം സൗജന്യമായാണോ ലഭ്യമാക്കുന്നതെന്നും എത്ര ദൂരം ഭൂമി ഇനിയും വിട്ടു കിട്ടുവാനുണ്ടെന്നും അറിയിക്കാമോ; വനഭൂമിയിലൂടെ കടന്ന് പോകുന്ന മലയോരഹൈവെയുടെ സ്ഥലം വനംവകുപ്പില്‍ നിന്ന് വിട്ടുകിട്ടിയിട്ടുണ്ടോ;

(സി)	പ്രളയത്തെ തുടര്‍ന്ന് റോഡിന്റെ അലൈന്‍മെന്റില്‍ മാറ്റം ആവശ്യമായി വന്നിട്ടുണ്ടോ;

(ഡി)	കഴി‍ഞ്ഞ സര്‍ക്കാരിന്റെ കാലത്ത് മലയോരഹൈവെയുടെ എത്ര ദൂരം പൂര്‍ത്തിയായിരുന്നുവെന്ന് അറിയിക്കാമോ?

റോഡുകളുടെ നിര്‍മ്മാണത്തില്‍ പുതിയ രീതി

4235.

ശ്രീ.പി.ടി. തോമസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ റോഡുകളുടെ അറ്റകുറ്റപ്പണികള്‍ക്ക് വേണ്ടിവരുന്ന ചെലവ് കുറയ്ക്കാന്‍ എന്തെല്ലാം പദ്ധതികളാണ് നടപ്പിലാക്കുന്നതെന്ന് വിശദമാക്കുമോ;

(ബി)	ഇതിനായി എന്തെല്ലാം പുതിയ രീതികളാണ് റോഡുകളുടെ നിര്‍മ്മാണങ്ങളില്‍ പരീക്ഷിച്ചു വരുന്നതെന്ന് വെളിപ്പെടുത്തുമോ?

റോഡുകളിലെ കയ്യേറ്റങ്ങള്‍

4236.

ശ്രീ.സജി ചെറിയാന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് ഉദ്യോഗസ്ഥര്‍ റോഡുകളിലെ പ്രവൃത്തികള്‍ ആരംഭിക്കുന്ന ഘട്ടത്തിലാണ് ഇവയിലെ കയ്യേറ്റങ്ങള്‍ ശ്രദ്ധയില്‍പ്പെടുന്നത് എന്നതിനാല്‍ ചില സ്ഥലങ്ങളില്‍ പൊതുമരാമത്ത് റോഡിന് ആവശ്യമായ വീതി ലഭിക്കാത്ത സ്ഥിതിവിശേഷം സംജാതമായിട്ടുള്ളത് ശ്രദ്ധയില്‍പ്പെട്ടിട്ടുണ്ടോ;

(ബി)	റോഡുകള്‍ സമയബന്ധിതമായി അളന്ന് തിട്ടപ്പെടുത്തുന്നതിന് റവന്യൂ വകുപ്പിലെ ഉദ്യോഗസ്ഥരുടെ സേവനം ലഭ്യമല്ലാത്ത സാഹചര്യവുമുണ്ടാകുന്നുണ്ടോ;

(സി)	എങ്കില്‍ മേല്‍പ്പറഞ്ഞ കാര്യങ്ങള്‍ക്ക് പരിഹാരം കണ്ടെത്തുമോ എന്നറിയിക്കാമോ?

പ്രളയത്തില്‍ തകര്‍ന്ന റോഡുകളുടെ പുനര്‍ നിര്‍മ്മാണം

4237.

ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയത്തില്‍ തകര്‍ന്ന സംസ്ഥാനത്തെ റോഡുകളില്‍ എത്ര ശതമാനം റോഡുകള്‍ ഇതിനകം പുനര്‍ നിര്‍മ്മിച്ചുവെന്ന് വെളിപ്പെടുത്തുമോ;

(ബി)	കേന്ദ്ര സര്‍ക്കാരില്‍ നിന്നും ഇക്കാര്യത്തിനായി ലഭിച്ച സഹായങ്ങള്‍ വിശദമാക്കുമോ?

മലയോരമേഖലകളിലെ റോഡുകൾ

4238.

ശ്രീമതി ഇ.എസ്.ബിജിമോള്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മലയോരമേഖലയിലെ റോഡുകളിലൂടെ മഴക്കാലങ്ങളിൽ ഉണ്ടാകുന്ന വെള്ളമൊഴുക്ക് മൂലം വളരെ വേഗം ടാറിംഗ് ഇളകി കുഴികൾ രൂപപ്പെട്ട്‌ റോഡുകൾ ഉപയോഗയോഗ്യമല്ലാതായി മാറുന്നത് ശ്രദ്ധയിൽപ്പെട്ടിട്ടുണ്ടോ;

(ബി)	ഇതിന് പരിഹാരമായി യഥാസ്ഥലങ്ങളിൽ കലുങ്കുകളും ഓടകളും നിർമ്മിക്കുന്നതിനും നിലവിലുണ്ടായിരുന്നതും മൂടപ്പെട്ടു പോയതുമായവ ഉപയോഗപ്രദമാക്കുന്നതിനും നടപടി സ്വീകരിക്കുമോയെന്ന് അറിയിക്കുമോ;

(സി)	ശക്തമായ വെള്ളമൊഴുക്കിലും ഈടുനിൽക്കുവാൻ കഴിയുന്ന വൈറ്റ് ടോപ്പിംഗ് രീതിയിലുള്ള കോൺക്രീറ്റിംഗ് മലയോര മേഖലകളിലെ റോഡ് നിർമ്മാണത്തിൽ ഉപയോഗിക്കുവാൻ നടപടികൾ സ്വീകരിക്കുമോ; വിശദാംശങ്ങൾ ലഭ്യമാക്കുമോ?

പ്രളയക്കെടുതിയില്‍ തകര്‍ന്ന റോഡുകള്‍ പുനര്‍നിര്‍മ്മിക്കാന്‍ അനുവദിച്ച ഫണ്ട്

4239.

(എ)	പ്രളയക്കെടുതിയില്‍ തകര്‍ന്ന പി.ഡബ്ള്യൂ.ഡി റോഡുകള്‍ പുനര്‍നിര്‍മ്മിക്കാന്‍ പ്രത്യേകമായ ഏതെങ്കിലും ഫണ്ട് അനുവദിച്ച് ഉത്തരവായിട്ടുണ്ടോ;

(ബി)	പ്രസ്തുത ഫണ്ടിന്റെ വിനിയോഗം സംബന്ധിച്ച് മാനദണ്ഡങ്ങള്‍ ഉണ്ടോ; എങ്കില്‍ പ്രസ്തുത മാനദണ്ഡങ്ങള്‍ അനുസരിച്ചാണോ റോഡുകള്‍ പുനര്‍നിര്‍മ്മിക്കുന്നത് എന്ന് വിശദമാക്കുമോ?

സ്റ്റീല്‍ ലാറ്റിസ് പാലങ്ങളും തൂക്കുപാലങ്ങളും

4240.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പൊതുമരാമത്ത് പാലങ്ങള്‍ വിഭാഗം മുഖേന സ്റ്റീല്‍ ലാറ്റിസ് പാലങ്ങള്‍, തൂക്കുപാലങ്ങള്‍ തുടങ്ങിയവ നിര്‍മ്മിച്ചു വരുന്നുണ്ടോ എന്ന് അറിയിക്കുമോ;

(ബി)	ഇല്ലെങ്കില്‍ ഇവ നിര്‍മ്മിക്കുന്നതിനുളള തടസ്സങ്ങള്‍ എന്തെന്ന് അറിയിക്കുമോ;

(സി)	ഇത്തരം പാലങ്ങള്‍ പൊതുമരാമത്ത് വകുപ്പ് മുഖേന നിര്‍മ്മിക്കുന്നതിന് നടപടി സ്വീകരിക്കുമോ; വിശദാംശം അറിയിക്കുമോ?

പാലങ്ങളുടെ പുനര്‍നിര്‍മ്മാണം

4241.

ശ്രീ.അനില്‍ അക്കര : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്തിന്റെ കീഴിലുള്ള അപകടാവസ്ഥയിലായ പാലങ്ങള്‍ പുനര്‍നിര്‍മ്മിക്കുന്നതിനും അറ്റകുറ്റപ്പണികള്‍ നടത്തുന്നതിനും ഏന്തെല്ലാം നടപടികളാണ് ഇതേ വരെ സ്വീകരിച്ചിട്ടുള്ളതെന്ന് അറിയിക്കാമോ;

(ബി)	സംസ്ഥാനത്ത് കഴിഞ്ഞ പ്രളയത്തില്‍ നാശനഷ്ടം സംഭവിച്ച പാലങ്ങള്‍ പുനര്‍നിര്‍മ്മിക്കുന്നതിന് കിഫ്ബിയില്‍ നിന്നും ധനസഹായം ലഭിച്ചിട്ടുണ്ടോയെന്ന് വ്യക്തമാക്കുമോ;

(സി)	ഉണ്ടെങ്കില്‍ എത്ര പാലങ്ങള്‍ പുനര്‍നിര്‍മ്മിക്കാന്‍ കഴിഞ്ഞുവെന്ന് വെളിപ്പെടുത്തുമോ?

ദേശീയപാത പദ്ധതികള്‍

4242.

ശ്രീ.ബി.സത്യന്‍
ശ്രീമതി യു. പ്രതിഭ
ശ്രീ.പി.കെ. ശശി
,, എ. എന്‍. ഷംസീര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തിലെത്തിയതിനുശേഷം പൂര്‍ത്തിയാക്കിയ ദേശീയപാത പദ്ധതികള്‍ ഏതെല്ലാമാണെന്ന് വ്യക്തമാക്കുമോ;

(ബി)	ദീര്‍ഘകാലമായി പണി പൂര്‍ത്തീകരിക്കാതെ കിടക്കുന്ന ബൈപ്പാസുകളുടെയും റെയിൽവേ മേൽപ്പാലങ്ങളുടെയും പണി പൂര്‍ത്തീകരിക്കാനായിട്ടുണ്ടോ;

(സി)	മുൻ സര്‍ക്കാരിന്റെ കാലത്ത് കാര്യമായ പുരോഗതി കൈവരിക്കാനായില്ലെന്ന് ആക്ഷേപമുള്ള കരമന-കളിയിക്കാവിള റോഡ് നിര്‍മ്മാണത്തിന്റ പുരോഗതിയെക്കുറിച്ച് അറിയിക്കാമോ;

(ഡി)	ദേശീയപാതയിൽ ഏറ്റവും കുരുക്കുണ്ടാകുന്ന ആറ്റിങ്ങൽ, ആലപ്പുഴ എന്നിവിടങ്ങളിലെ ഗതാഗതക്കുരുക്ക് ഒഴിവാക്കാനുള്ള ബൈപ്പാസുകളുടെ നിര്‍മ്മാണത്തിൽ പുരോഗതി കൈവരിക്കാനായിട്ടുണ്ടോയെന്ന് അറിയിക്കുമോ?

ഭിന്നശേഷിക്കാരായ ജീവനക്കാര്‍ക്ക് ക്വാര്‍ട്ടേഴ്സുകള്‍

4243.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഭിന്നശേഷിക്കാരായ ജീവനക്കാര്‍ക്ക് സര്‍ക്കാര്‍ ക്വാര്‍ട്ടേഴ്സുകള്‍ അനുവദിക്കുന്നതിനുളള മാനദണ്ഡങ്ങള്‍ വിശദീകരിക്കാമോ;

(ബി)	28/02/2006ലെ G.O(Ms)No. 11/2006/PWD ഉത്തരവിലെ റൂൾ 4(a)(ii)പ്രകാരം ദൂരപരിധി സംബന്ധിച്ച നിബന്ധന മൂലം ഭിന്നശേഷിക്കാരായ ജീവനക്കാര്‍ക്ക് ക്വാര്‍ട്ടേഴ്സുകള്‍ക്ക് അപേക്ഷിക്കാന്‍ സാധിക്കാത്ത സാഹചര്യം ശ്രദ്ധയില്‍പ്പെട്ടിട്ടുണ്ടോ;

(സി)	എങ്കില്‍ ദൂരപരിധി സംബന്ധിച്ച നിബന്ധനകളില്‍ ഭിന്നശേഷിക്കാരായ ജീവനക്കാര്‍ക്ക് ഇളവുകള്‍ നല്‍കുന്ന കാര്യം പരിഗണിക്കുമോ?

മാതൃകാ റെസ്റ്റ് ഹൗസുകള്‍

4244.

ശ്രീ.റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പിന്റെ കീഴില്‍ ജില്ലാ കേന്ദ്രങ്ങളിലുള്ള റെസ്റ്റ് ഹൗസുകള്‍ നവീകരിച്ച് മാതൃകാ റെസ്റ്റ് ഹൗസുകള്‍ ആക്കുന്ന പദ്ധതിയുടെ പുരോഗതി വെളിപ്പെടുത്തുമോ;

(ബി)	എന്തൊക്കെ സൗകര്യങ്ങളാണ് പ്രസ്തുത മാതൃകാ റെസ്റ്റ് ഹൗസുകളില്‍ ഒരുക്കുവാന്‍ ഉദ്ദേശിക്കുന്നത് എന്ന് വ്യക്തമാക്കുമോ?

എറണാകുളം റസ്റ്റ് ഹൗസിൽ വാടക ഇനത്തിൽ കിട്ടിയ തുക

4245.

(എ)	2019 ജനുവരി 1 മുതൽ 2020 ജനുവരി 1 വരെ എറണാകുളം റസ്റ്റ് ഹൗസിൽ വാടക ഇനത്തിൽ കിട്ടിയ തുക എത്രയാണെന്ന് വെളിപ്പെടുത്താമോ;

(ബി)	ഈ കാലയളവിൽ മെയിന്റനൻസിനും ജീവനക്കാരുടെ (താല്‍ക്കാലിക ജീവനക്കാരുള്‍പ്പെടെ) വേതനത്തിനുമായി ചെലവഴിച്ച തുക എത്രയെന്ന് വ്യക്തമാക്കാമോ?

ഒറ്റപ്പാലം റസ്റ്റ് ഹൗസിന്റെ അടിസ്ഥാന സൗകര്യ വികസനം

4246.

ശ്രീ.പി. ഉണ്ണി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഒറ്റപ്പാലം റസ്റ്റ് ഹൗസിന്റെ അടിസ്ഥാന സൗകര്യങ്ങള്‍ ആധുനിക കാലഘട്ടത്തിനനുസരിച്ച് ഉയര്‍ത്തിക്കൊണ്ട് വരുന്നതിനായി എന്തെല്ലാം നടപടികളാണ് ഈ സര്‍ക്കാര്‍ അധികാരത്തില്‍ വന്നശേഷം സ്വീകരിച്ചതെന്ന് വിശദീകരിക്കാമോ;

(ബി)	അതിനായി എത്ര തുക ചെലവഴിച്ചുവെന്ന് വ്യക്തമാക്കാമോ?

വൈ.എം.എ. തെരിയാംകുഴി റോഡ്, മേക്കടമ്പ് മഴുവന്നൂര്‍ റോഡ് പ്രവൃത്തികള്‍

4247.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സി.ആര്‍.എഫ്. പ്രവൃത്തിയില്‍ ഉള്‍പ്പെടുത്തിയിട്ടുള്ള വൈ.എം.എ. തെരിയാംകുഴി റോഡ്, മേക്കടമ്പ് മഴുവന്നൂര്‍ റോഡ് എന്നീ പ്രവൃത്തികള്‍ നാളിതുവരെ ആരംഭിക്കാത്തതിന്റെ കാരണം വിശദമാക്കാമോ;

(ബി)	പ്രസ്തുത പ്രവൃത്തികള്‍ എപ്പോള്‍ പൂര്‍ത്തീകരിക്കാന്‍ ‍കഴിയും എന്നത് വ്യക്തമാക്കാമോ?

പിറവം നിയോജകമണ്ഡലത്തിലെ റോഡ് നവീകരണ പ്രവൃത്തികൾ

4248.

ശ്രീ.അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പിറവം നിയോജകമണ്ഡലത്തിൽ നബാർഡ് സഹായത്തോടെ പൊതുമരാമത്ത് വകുപ്പ് നടപ്പിലാക്കി വരുന്ന റോഡ് നവീകരണ പ്രവൃത്തികൾ ഏതൊക്കെയാണെന്ന് അറിയിക്കുമോ;

(ബി)	പ്രസ്തുത പ്രവൃത്തികളുടെ നിർമ്മാണ പുരോഗതി അറിയിക്കുമോ?

മാത്ര-പാലാഴി-കുറ്റിക്കാട്ടൂര്‍ റോഡിന്റെ സ്ഥിതി

4249.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ജില്ലയില്‍ കിഫ്ബി പദ്ധതിയില്‍ ഉള്‍പ്പെടുത്തിയ മാത്ര-പാലാഴി-കുറ്റിക്കാട്ടൂര്‍ റോഡിന്റെ നിലവിലുള്ള സ്ഥിതി വിശദമാക്കാമോ;

(ബി)	ഈ പ്രവൃത്തി തുടങ്ങുന്നതിന് എന്ത് തടസ്സമാണ് നിലനില്‍ക്കുന്നതെന്ന് വ്യക്തമാക്കാമോ;

(സി)	ദേശീയപാത വീതി കൂട്ടുന്നതുമായി ബന്ധപ്പെട്ട് ഈ പ്രവൃത്തി നടത്താന്‍ കാലതാമസമുണ്ടെങ്കില്‍ ഇതിന് പകരം മറ്റൊരു പ്രവൃത്തി നല്‍കാന്‍ സാധിക്കുമോ എന്ന് വ്യക്തമാക്കാമോ?

റാന്നി നിയോജക മണ്ഡലത്തിലെ റോഡുകളുടെ പുരുദ്ധരുദ്ധാരണം

4250.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ കാലയളവില്‍ റാന്നി നിയോജക മണ്ഡലത്തിലെ ഏതൊക്കെ റോഡുകളാണ് ബി.എം.&ബി.സി. നിലവാരത്തിൽ പുരുദ്ധരിക്കുന്നതിന് ഫണ്ട് അനുവദിച്ചത്; ഇവ ഓരോന്നിനും എത്ര രൂപ വീതം അനുവദിച്ചു എന്ന് പറയാമോ;

(ബി)	ഇവയിൽ ഏതൊക്കെ റോഡുകളുടെ നിര്‍മ്മാണമാണ് പൂര്‍ത്തീകരിച്ചത് എന്നും നിര്‍മ്മാണം നടന്നുകൊണ്ടിരിക്കുന്ന റോഡുകള്‍ ഏതൊക്കെ എന്നും വെളിപ്പെടുത്താമോ;

(സി)	അവശേഷിക്കുന്ന റോഡുകളുടെ നിര്‍മ്മാണം ആരംഭിക്കാതിരിക്കുന്നതിന് കാരണം വ്യക്തമാക്കാമോ;

(ഡി)	റോഡുകളുടെ നിര്‍മ്മാണത്തിൽ എന്തെങ്കിലും തടസ്സം നേരിടുന്നുണ്ടോ എന്നും ഉണ്ടെങ്കിൽ ഏതൊക്കെ റോഡുകള്‍ക്ക് എന്താണ് തടസ്സമെന്നും അറിയിക്കാമോ; ഇത് പരിഹരിക്കാൻ എന്തൊക്കെ നടപടികള്‍ സ്വീകരിച്ചുവെന്ന് വ്യക്തമാക്കാമോ;

(ഇ)	ഇവയുടെ നിര്‍മ്മാണം എന്നത്തേയ്ക്ക് ആരംഭിക്കാനാകുമെന്ന് അറിയിക്കാമോ?

മണലൂര്‍ പാവറട്ടി സെന്ററിലെ നവീകരണപ്രവൃത്തികള്‍

4251.

ശ്രീ.മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മണലൂര്‍ മണ്ഡലത്തിലെ പാവറട്ടി സെന്ററില്‍ കാന നിര്‍മ്മാണം, നടപ്പാത നിര്‍മ്മാണം, സിഗ്നല്‍ സംവിധാനം, റോഡ് നവീകരണം എന്നീ പ്രവൃത്തികളുമായി ബന്ധപ്പെട്ട് ഇതുവരെ സ്വീകരിച്ച നടപടികള്‍ എന്തെല്ലാമാണെന്ന് അറിയിക്കുമോ;

(ബി)	പ്രസ്തുത പ്രവ‍ൃത്തികള്‍ക്കുള്ള ടെണ്ടര്‍ നടപടികള്‍ ഏത് ഘട്ടത്തിലാണെന്ന് അറിയിക്കുമോ;

(സി)	പ്രസ്തുത പ്രവൃത്തിയുടെ ഭരണാനുമതി സംബന്ധിച്ച ഉത്തരവിന്റെ പകര്‍പ്പ് ലഭ്യമാക്കാമോ?

മഞ്ചേരി മണ്ഡലത്തിൽ പൊതുമരാമത്ത് ഏറ്റെടുത്ത ഗ്രാമീണ റോഡുകള്‍

4252.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം മഞ്ചേരി നിയോജക മണ്ഡലത്തിലെ ഏതെല്ലാം ഗ്രാമീണ റോഡുകള്‍ പൊതുമരാമത്ത് വകുപ്പ് ഏറ്റെടുത്തിട്ടുണ്ട്; വിശദാംശം ലഭ്യമാക്കുമോ;

(ബി)	പൊതുമരാമത്ത് ഏറ്റെടുക്കണം എന്ന് ആവശ്യപ്പെട്ട് സര്‍ക്കാരിലേക്ക് സമര്‍പ്പിക്കപ്പെട്ട മഞ്ചേരി മണ്ഡലത്തിലെ ഗ്രാമീണ റോഡുകള്‍ ഏതെല്ലാമെന്ന് വ്യക്തമാക്കുമോ;

(സി)	പ്രസ്തുത റോഡുകള്‍ ഏറ്റെടുക്കുന്നതിലെ പുരോഗതി വിശദമാക്കുമോ?

നെന്മാറ നിയോജകമണ്ഡലത്തിലെ പൊതുമരാമത്ത് പ്രവൃത്തികള്‍

4253.

ശ്രീ.കെ. ബാബു : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

ഇൗ സര്‍ക്കാര്‍ അധികാരത്തില്‍ വന്നതിനുശേഷം നെന്മാറ നിയോജകമണ്ഡലത്തിലെ പൊതുമരാമത്ത് പ്രവൃത്തികള്‍ക്കായി എത്ര തുകയാണ് അനുവദിച്ചിട്ടുളളതെന്ന് അറിയിക്കുമോ; അവ ഏതെല്ലാം പ്രവൃത്തികള്‍ക്കാണെന്ന് വിശദമാക്കുമോ?

വാമനപുരം മണ്ഡലത്തിലെ എസ്.എൽ.ടി.എഫ്. പ്രവൃത്തികള്‍

4254.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിന് ശേഷം വാമനപുരം നിയോജകമണ്ഡലത്തില്‍ അനുവദിച്ച സ്റ്റേറ്റ് ലെവല്‍ ടാസ്ക്ക് ഫോഴ്സ് പ്രവൃത്തികളുടെ വിശദവിവരങ്ങള്‍ നല്‍കാമോ;

(ബി)	പ്രസ്തുത പ്രവൃത്തികളുടെ പ്രവര്‍ത്തന പുരോഗതി അറിയിക്കാമോ?

കായംകുളം മണ്ഡലത്തില്‍ പൊതുമരാമത്ത് വകുപ്പിന്റെ റോഡുകള്‍

4255.

ശ്രീമതി യു. പ്രതിഭ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

കായംകുളം മണ്ഡലത്തില്‍ പൊതുമരാമത്ത് വകുപ്പിന്റെ അധീനതയിലുള്ള റോഡുകള്‍ ഏതൊക്കെയെന്നും ഓരോ റോഡുകളുടേയും ദൈര്‍ഘ്യം എത്രയെന്നും 2016 നു ശേഷം പ്രസ്തുത റോഡുകളുടെ പുനരുദ്ധാരണത്തിനായി വിനിയോഗിച്ച തുക എത്രയെന്നും വിശദമാക്കുമോ?

മാവനാല്‍ കുറ്റിമുക്ക്-വടുതലമുക്ക് റോഡിന്റെ ശോച്യാവസ്ഥ

4256.

ശ്രീമതിഷാനിമോള്‍ ഉസ്മാന്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

കായംകുളം നിയോജകമണ്ഡലത്തില്‍ ഭരണിക്കാവ് ഗ്രാമപഞ്ചായത്തിലെ പതിനാലാം വാര്‍ഡിലെ മാവനാല്‍ കുറ്റിമുക്ക്-വടുതലമുക്ക് റോഡിന്റെ ശോച്യാവസ്ഥ ശ്രദ്ധയില്‍പ്പെട്ടിട്ടുണ്ടോ; പ്രസ്തുത റോഡ് സഞ്ചാരയോഗ്യമാക്കാന്‍ വേണ്ട അടിയന്തര നടപടി സ്വീകരിക്കുമോയെന്ന് അറിയിക്കുമോ?

കല്ലടക്ക- ചെര്‍ക്കള റോഡിന്റെ എസ്റ്റിമേറ്റ്

4257.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് മണ്ഡലത്തിലെ കല്ലടക്ക-ചെര്‍ക്കള റോഡിന്റെ എസ്റ്റിമേറ്റ് തുക എത്രയാണെന്ന് അറിയിക്കാമോ;

(ബി)	എസ്റ്റിമേറ്റില്‍ റോഡിന്റെ നീളവും വീതിയും എത്രയാണെന്ന് വ്യക്തമാക്കാമോ;

(സി)	എസ്റ്റിമേറ്റിനു വിരുദ്ധമായി റോഡിന്റെ വീതികൂട്ടിയാണോ ഇപ്പോള്‍ പ്രവൃത്തി തുടങ്ങിയിട്ടുള്ളതെന്ന് വ്യക്തമാക്കാമോ;

(ഡി)	എങ്കില്‍ ഇത് എസ്റ്റിമേറ്റില്‍ പറഞ്ഞപ്രകാരം നീളത്തില്‍ റോഡ് നിര്‍മ്മിക്കാന്‍ കഴിയാതെ വരുന്നതിന് കാരണമാകില്ലേ എന്നറിയിക്കാമോ;

(ഇ)	ഫണ്ടിന്റെ അഭാവത്തില്‍ കുറച്ചുഭാഗം പ്രവൃത്തി ചെയ്യാന്‍ പറ്റാത്ത അവസ്ഥ വന്നാല്‍ ആവശ്യമായ പണം അനുവദിക്കാന്‍ സര്‍ക്കാര്‍ തയ്യാറാകുമോ എന്ന് വ്യക്തമാക്കാമോ?

മംഗലപുരം-വിഴിഞ്ഞം ആറുവരിപ്പാത

4258.

ശ്രീ.ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സി.ആര്‍.ഡി.പി. രണ്ടാംഘട്ടത്തില്‍ ഉള്‍പ്പെടുത്തി മംഗലപുരം-വിഴിഞ്ഞം ആറുവരിപ്പാത നിര്‍മ്മിക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്;

(ബി)	ഇതിന്റെ അലൈന്‍മെന്റിന് അന്തിമരൂപം ആയിട്ടുണ്ടോ; ഉണ്ടെങ്കില്‍ പ്രസ്തുത പാത കടന്ന് പോകുന്ന പഞ്ചായത്തുകള്‍ സംബന്ധിച്ചും നിര്‍മ്മാണ ഏജന്‍സിയെ സംബന്ധിച്ചുമുള്ള വിശദവിവരം ലഭ്യമാക്കാമോ?

വാമനപുരം-കളമച്ചല്‍ റോഡ് നവീകരണം

4259.

ശ്രീ.ഡി.കെ. മുരളി : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

G.O.(Rt) No.1013/2019/PWD തീയതി 14/8/2019 പ്രകാരം ഭരണാനുമതിയും പ്രത്യേകാനുമതിയും ലഭിച്ച വാമനപുരം-കളമച്ചല്‍ റോഡ് നവീകരണം എന്ന പ്രവൃത്തിയുടെ നിലവിലെ സ്ഥിതി എന്താണ് എന്നറിയിക്കാമോ; പ്രസ്തുത പ്രവ‍ൃത്തിയുടെ പുരോഗതി റിപ്പോര്‍ട്ടിന്റെ പകർപ്പ് നല്‍കാമോ?

പാലക്കാട് ജില്ലയിലെ റോഡുകളുടെ ബി.എം.ആന്റ് ബി.സി. നിലവാരം

4260.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പാലക്കാട് ജില്ലയില്‍ എത്ര റോഡുകള്‍ ബി.എം.ആന്റ് ബി.സി. നിലവാരത്തില്‍ ഉയര്‍ത്തിയിട്ടുണ്ട് എന്നറിയിക്കാമോ; അവ ഏതൊക്കെയെന്ന് വ്യക്തമാക്കുമോ;

(ബി)	ജില്ലയില്‍ ഇനി എത്ര റോഡുകള്‍ ബി.എം.ആന്റ് ബി.സി. നിലവാരത്തില്‍ ഉയര്‍ത്താനുണ്ട് എന്നറിയിക്കാമോ?

പട്ടാമ്പി വെറ്ററിനറി ഹോസ്പിറ്റൽ-ശങ്കരമംഗലം ആമയൂർ മുതുതല റോഡിന്റെ പുനർനിർമ്മാണം

4261.

ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പട്ടാമ്പി വെറ്ററിനറി ഹോസ്പിറ്റൽ-ശങ്കരമംഗലം ആമയൂർ മുതുതല റോഡിന്റെ പുനർനിർമ്മാണ പ്രവൃത്തി ഇപ്പോൾ ഏതു ഘട്ടത്തിലാണെന്ന് വ്യക്തമാക്കാമോ;

(ബി)	റോഡ് വളരെയധികം മോശമായ ഈ അവസ്ഥയിൽ പുനർനിർമ്മാണം ഏറ്റവും അടിയന്തരമായി നടത്തുന്നതിനുള്ള നടപടികൾ സ്വീകരിക്കുമോ ?

ആലത്തൂര്‍ മണ്ഡലത്തില്‍ പൊതുമരാമത്ത് വകുപ്പിന് കീഴിലുളള റോഡുകള്‍

4262.

(എ)	ആലത്തൂര്‍ മണ്ഡലത്തില്‍ പൊതുമരാമത്ത് വകുപ്പിന് കീഴിലുളള റോഡുകള്‍ ഏതെല്ലാമെന്ന് വിശദമാക്കാമോ;

(ബി)	ഏതെങ്കിലും റോഡുകള്‍ ഗതാഗതയോഗ്യമല്ലാതെ തകര്‍ന്ന് കിടക്കുന്നതായി ശ്രദ്ധയില്‍പ്പെട്ടിട്ടുണ്ടോ;

(സി)	ഉണ്ടെങ്കില്‍ അവ ഏതൊക്കെയെന്ന് വെളിപ്പെടുത്താമോ; ആയത് ഗതാഗത യോഗ്യമാക്കുന്നതിനായി നടപടികള്‍ സ്വീകരിക്കുമോ എന്ന് വ്യക്തമാക്കാമോ?

ആലത്തൂര്‍ നിയോജകമണ്ഡലത്തിലെ ബജറ്റ് വര്‍ക്കുകള്‍

4263.

(എ)	ഈ സര്‍ക്കാര്‍ അധികാരത്തില്‍ വന്നശേഷം പൊതുമരാമത്ത് റോഡ്സ് വിഭാഗം മുഖേന ആലത്തൂര്‍ നിയോജകമണ്ഡലത്തില്‍ ബജറ്റ് വര്‍ക്കുകളിലൂടെ നടത്തിയ പ്രവര്‍ത്തനങ്ങളുടെ വിശദമായ റിപ്പോര്‍ട്ട് ലഭ്യമാക്കാമോ;

(ബി)	നിലവില്‍ പുരോഗമിച്ചുവരുന്ന പ്രവൃത്തികളുടെ വിശദാംശങ്ങള്‍ നല്‍കാമോ?

എടപ്പറമ്പ-കോളിച്ചാല്‍ റീച്ചില്‍ വനം വകുപ്പിന് പകരം സ്ഥലം

4264.

ശ്രീ.കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയിലെ ഹില്‍ ഹെെവെയുടെ ഭാഗമായ എടപ്പറമ്പ-കോളിച്ചാല്‍ റീച്ചില്‍ എത്ര കിലോമീറ്റര്‍ റിസര്‍വ് വനത്തിലൂടെ കടന്നുപോകണമെന്ന് വിശദമാക്കാമോ;

(ബി)	ആയതിന് വനം വകുപ്പിന്റെ അനുമതി ലഭ്യമായിട്ടുണ്ടോ;

(സി)

വനം വകുപ്പിന്റെ അനുമതിക്കായി വകുപ്പ് ഓണ്‍ലെെന്‍ അപേക്ഷ സമര്‍പ്പിച്ചപ്പോള്‍ വനം വകുപ്പിന് നഷ്ടപ്പെടുന്ന സ്ഥലത്തിന് പകരം സ്ഥലം കണ്ടെത്തിയിട്ടുണ്ടോ എന്ന ചോദ്യത്തിന് ബന്ധപ്പെട്ട പൊതുമരാമത്ത് വകുപ്പ് ഉദ്യോഗസ്ഥര്‍ക്ക് ഉത്തരം നല്‍കാന്‍ സാധിക്കാത്തതുമൂലം അനുമതിക്കായുള്ള പ്രോസസ്സിംഗ് തടസ്സപ്പെട്ടിട്ടുള്ളതായ വിവരം ശ്രദ്ധയില്‍പ്പെട്ടിട്ടുണ്ടോ;

(ഡി)	ഉന്നതതലത്തില്‍ തീരുമാനം കെെക്കൊണ്ട് വനം വകുപ്പിന് നഷ്ടപ്പെടുന്ന സ്ഥലത്തിന് പകരം സ്ഥലം കണ്ടെത്തി നല്‍കി ഈ തടസ്സം നീക്കി നല്‍കുന്നതിന് അടിയന്തര നടപടി സ്വീകരിക്കുമോ; വിശദാംശങ്ങള്‍ അറിയിക്കുമോ?

മാവേലിക്കര മിച്ചല്‍ ജംഗ്ഷന്‍ വികസനം

4265.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മാവേലിക്കര നിയമസഭാ മണ്ഡലത്തിലെ മിച്ചല്‍ ജംഗ്ഷന്‍ വികസനവുമായി ബന്ധപ്പെട്ട് പൊതുമരാമത്ത് നിരത്ത് വിഭാഗം സ്വീകരിച്ച നടപടികള്‍ വിശദമാക്കുമോ;

(ബി)	പ്രസ്തുത പ്രവ‍ൃത്തി അടിയന്തരമായി ആരംഭിക്കുവാന്‍ നടപടി സ്വീകരിക്കുമോയെന്ന് അറിയിക്കുമോ;

(സി)	ഇതുമായി ബന്ധപ്പെട്ട് റവന്യു വകുപ്പ് സ്വീകരിച്ച നടപടികള്‍ അറിയാമോ; വ്യക്തമാക്കുമോ?

ഒറ്റപ്പാലം മണ്ഡലത്തിലെ പി.ഡബ്യൂ.ഡി റോഡുകളുടെ പുനര്‍ നിര്‍മ്മാണം

4266.

(എ)	പ്രളയത്തില്‍ തകര്‍ന്ന ഒറ്റപ്പാലം അസംബ്ലി മണ്ഡലത്തിലെ പി.ഡബ്യൂ.ഡി റോഡുകളുടെ പുനര്‍ നിര്‍മ്മാണത്തിനായി എന്തെല്ലാം നടപടികള്‍ സ്വീകരിച്ചു എന്ന് അറിയിക്കുമോ; വിശദാംശം നല്‍കാമോ;

(ബി)	ആയതില്‍ ഇനിയും പൂര്‍ത്തീകരിക്കാനുളള റോഡുകളുടെ വിശദവിവരം ലഭ്യമാക്കാമോ; പ്രവൃത്തി എന്നത്തേക്ക് പൂര്‍ത്തീകരിക്കുവാന്‍ കഴിയുമെന്ന് വ്യക്തമാക്കാമോ?

മാവേലിക്കര മണ്ഡലത്തില്‍ ബി.എം.&ബി.സി. റോഡുകൾ

4267.

(എ)	മാവേലിക്കര മണ്ഡലത്തില്‍ ഇനിയും ബി.എം.&ബി.സി. നിലവാരത്തില്‍ നിര്‍മ്മിക്കുവാനുള്ള റോഡുകളുടെ വിശദവിവരം ലഭ്യമാക്കുമോ;

(ബി)	പ്രസ്തുത റോഡുകളുടെ പേരും നീളവും ബി.എം.&ബി.സി. ചെയ്യുന്നതിന് എത്ര തുക വേണ്ടിവരും എന്നതും വിശദമാക്കുമോ;

(സി)	പ്രസ്തുത റോ‍ഡുകള്‍ ബി.എം.&ബി.സി. ടാറിംഗ് ചെയ്ത് ആധുനിക നിലവാരത്തില്‍ ഉയര്‍ത്തുന്നതിന് ആവശ്യമായ തുക അനുവദിക്കുമോ; വ്യക്തമാക്കുമോ?

കൊയിലാണ്ടി-താമരശ്ശേരി-മുക്കം-എടവണ്ണ-അരീക്കോട് റോഡ് നവീകരണം

4268.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	റീബില്‍ഡ് കേരളയില്‍ ഉള്‍പ്പെടുത്തി കൊയിലാണ്ടി- താമരശ്ശേരി- മുക്കം-എടവണ്ണ- അരീക്കോട്(കെ.ടി.എം.ഇ.എ) റോഡ് നവീകരിക്കാന്‍ തീരുമാനിച്ചിട്ടുണ്ടോ;

(ബി)	പ്രസ്തുത റോഡ് നവീകരിക്കുന്നതിനായി ഡി.പി.ആര്‍. ഏത് ഏജന്‍സിയാണ് തയ്യാറാക്കുന്നത്; ഇതിന്റെ നടപടികള്‍ ഏതുവരെയായി;

(സി)	പ്രസ്തുത റോഡ് ഏത് രീതിയില്‍ പരിഷ്കരിക്കാനാണ് സര്‍ക്കാര്‍ ഉദ്ദേശിക്കുന്നത്; വിശദാംശങ്ങള്‍ നല്‍ക്കുമോ?

കൊല്ലങ്കോട് ബൈപാസ്

4269.

ശ്രീ.കെ. ബാബു : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കൊല്ലങ്കോട് ബൈപാസ്സ് റോഡിന് എന്നാണ് ഭരണാനുമതി ലഭിച്ചതെന്ന് വിശദമാക്കുമോ;

(ബി)	എത്ര തുകയാണ് ഇതിനായി വകയിരുത്തിയതെന്ന് വിശദമാക്കാമോ;

(സി)	പ്രസ്തുത റോഡ് നിര്‍മ്മാണവുമായി ബന്ധപ്പെട്ട് എന്തെല്ലാം പ്രവര്‍ത്തനങ്ങളാണ് നാളിതുവരെ നടത്തിയിട്ടുള്ളത് എന്നും എത്ര തുകയാണ് ഇതിലേയ്ക്കായി ചെലവഴിച്ചത് എന്നും വിശദമാക്കുമോ;

(ഡി)	പ്രസ്തുത റോഡിന്റെ ആവശ്യകത മനസ്സിലാക്കി ഈ പദ്ധതി അടിയന്തരമായി തുടങ്ങാന്‍ ആവശ്യമായ നടപടി സ്വീകരിക്കുമോ?

കടുത്തുരുത്തി വലിയപാലത്തോട് ചേര്‍ന്ന് ബസ് ടെര്‍മിനൽ

4270.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കടുത്തുരുത്തി വലിയപാലത്തോട് ചേര്‍ന്ന് ബസ് ബേ/ബസ് ടെര്‍മിനൽ നിര്‍മ്മാണ പദ്ധതിയുടെ ഇതുവരെയുള്ള പുരോഗതി അറിയിക്കാമോ;

(ബി)	ഈ പദ്ധതിക്ക് ഭരണാനുമതിയും സാങ്കേതികാനുമതിയും ലഭ്യമായിട്ടുണ്ടോ; ഉണ്ടെങ്കിൽ ആയതിന്റെ പകര്‍പ്പുകള്‍ ലഭ്യമാക്കാമോ;

(സി)	ഈ പ്രവൃത്തിയുടെ ടെണ്ടര്‍ നടപടികള്‍ പൂര്‍ത്തിയായിട്ടുണ്ടോ; ഉണ്ടെങ്കിൽ ഏത് കരാറുകാരനാണ് പ്രവൃത്തി ഏറ്റെടുത്തത് എന്നും പ്രവൃത്തി എന്നത്തേക്ക് തുടക്കം കുറിക്കുവാൻ കഴിയും എന്നും വ്യക്തമാക്കാമോ?

മൂരാട് പാലം പുതുക്കി പണിയുന്ന പ്രവൃത്തി

4271.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ദേശീയ പാതാ വികസനവുമായി ബന്ധപ്പെട്ട് മൂരാട് പാലം പുതുക്കി നാല് വരിയില്‍ പണിയുന്ന പ്രവൃത്തിയുടെ ഇപ്പോഴത്തെ സ്റ്റാറ്റസ് വ്യക്തമാക്കാമോ;

(ബി)	ദേശീയപാതാ വിഭാഗം പല കാരണങ്ങള്‍ പറഞ്ഞ് ഇൗ പ്രവൃത്തി വെെകിപ്പിക്കുന്നതായി ശ്രദ്ധയില്‍ വന്നിട്ടുണ്ടോ;

(സി)	മേല്‍ പ്രവൃത്തി ടെണ്ടര്‍ ചെയ്യുന്നതിന് ഇപ്പോഴുളള താമസത്തിന് കാരണങ്ങള്‍ എന്തെല്ലാമെന്നാണ് വിലയിരുത്തിയിട്ടുളളത്; വിശദമാക്കാമോ?

അരൂര്‍-ഇടക്കൊച്ചി പാലത്തിന്റെ പുനരുദ്ധാരണം

4272.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)

എറണാകുളം ആലപ്പുഴ ജില്ലകളെ ബന്ധിപ്പിച്ച് കൊണ്ട് പഴയ ദേശീയ പാതയില്‍ സ്ഥിതി ചെയ്യുന്ന അറുപത് വര്‍ഷം പഴക്കമുള്ള അരൂര്‍-ഇടക്കൊച്ചി പാലത്തിന്റെ അപ്രോച്ച് റോഡിന്റെ കല്‍ക്കെട്ടുകളും നടപ്പാതകളും മേല്‍ത്തട്ടിലെ സ്പാനുകളെ തമ്മില്‍ ബന്ധിപ്പിക്കുന്ന പട്ടകളുമെല്ലം നാശത്തിന്റെ വക്കിലാണെന്ന് അറിയിച്ചുകൊണ്ട് നിരവധി തവണ കത്തുകള്‍ തന്നിട്ടും എസ്റ്റിമേറ്റ് സമര്‍പ്പിച്ചിട്ടും പ്രസ്തുത പാലത്തിന്റെ പുനരുദ്ധാരണത്തിനായി തുക അനുവദിക്കാത്തതിന്റെ കാരണം വിശദമാക്കാമോ;

(ബി)	ഈ പാലം പെയിന്റ് ചെയ്യുവാന്‍ മാത്രം എത്ര രൂപയാണ് ചെലവാക്കിയതെന്ന് വ്യക്തമാക്കാമോ;

(സി)	പാലത്തിന്റെ പുനരുദ്ധാരണത്തിനായി തുക എന്നത്തേക്ക് വകയിരുത്താന്‍ സാധിക്കുമെന്ന് വ്യക്തമാക്കാമോ?

ഈസ്റ്റ് ഒറ്റപ്പാലം പാലത്തിന്റെ ഭരണാനുമതി

4273.

(എ)	ഒറ്റപ്പാലം നിയോജകമണ്ഡലത്തിലെ ഈസ്റ്റ് ഒറ്റപ്പാലം പാലം നിര്‍മ്മിക്കുന്നതിന്റെ എസ്റ്റിമേറ്റ് തയ്യാറാക്കിയിട്ടുണ്ടോ; എങ്കില്‍ വിശദാംശം നല്‍കാമോ;

(ബി)	പ്രസ്തുത പാലത്തിന്റെ ഭരണാനുമതി എന്ന് നല്‍കുവാന്‍ കഴിയുമെന്ന് വ്യക്തമാക്കാമോ;

(സി)	എല്ലാ നടപടിക്രമങ്ങളും പൂര്‍ത്തീകരിച്ച് എന്ന് പാലം നിര്‍മ്മാണ നടപടികള്‍ ആരംഭിക്കുവാന്‍ കഴിയും എന്ന് വ്യക്തമാക്കാമോ?

കായംകുളം കോയിക്കല്‍ പടിക്കല്‍ പാലം

4274.

ശ്രീമതി യു. പ്രതിഭ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കായംകുളം കോയിക്കല്‍ പടിക്കല്‍ പാലം ജീര്‍ണ്ണാവസ്ഥയില്‍ ആണെന്നുളള വസ്തുത ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ പ്രസ്തുത പാലം പുനര്‍നിര്‍മ്മിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുളളത് എന്നും നടപടികളുടെ പുരോഗതി എന്തൊക്കെയാണ് എന്നും വിശദമാക്കാമോ?

മാവേലിക്കര മണ്ഡലത്തിലെ പാലങ്ങളുടെ നിര്‍മ്മാണം

4275.

(എ)	മാവേലിക്കര മണ്ഡലത്തിൽ ശോചനീയാവസ്ഥയിൽ ഉള്ളതും വിപുലീകരിക്കേണ്ടതും ആയ പാലങ്ങളുടെ വിശദാംശങ്ങള്‍ ലഭ്യമാക്കുമോ;

(ബി)	പ്രസ്തുത പാലങ്ങളുടെ നിര്‍മ്മാണത്തിന് വേണ്ടിവരുന്ന തുക എത്രയെന്നും ആവശ്യമായ തുക അനുവദിക്കുമോയെന്നും വിശദമാക്കുമോ;

(സി)	മാവേലിക്കര കണ്ടിയൂര്‍ ആറാട്ടുകടവ് പാലം നിര്‍മ്മാണം ആരംഭിക്കുന്നതിന് നടപടികള്‍ സ്വീകരിച്ചിട്ടുണ്ടോയെന്ന് അറിയിക്കുമോ; പാലം നിര്‍മ്മാണത്തിനാവശ്യമായ നടപടികള്‍ വേഗത്തിൽ സ്വീകരിക്കുമോ?

കൊണ്ടയൂര്‍-ഓങ്ങല്ലൂര്‍ പാലം നിര്‍മ്മാണം

4276.

ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2017-18-ലെ ബജറ്റില്‍ പ്രഖ്യാപിച്ചതും കിഫ്ബി പ്രവൃത്തിയുമായ ചേലക്കര നിയോജക മണ്ഡലത്തിലെ ഭാരതപുഴയ്ക്ക് കുറുകെയുള്ള കൊണ്ടയൂര്‍-ഓങ്ങല്ലൂര്‍ പാലം നിര്‍മ്മാണ പ്രവൃത്തിക്ക് പൊതുമരാമത്ത് പാലം വിഭാഗം നാളിതുവരെ സ്വീകരിച്ച നടപടികള്‍ എന്തൊക്കെയാണ് എന്ന് അറിയിക്കാമോ; വിശദാംശം നല്‍കുമോ;

(ബി)	പാലക്കാട് റെയില്‍വേ ഡിവിഷന് കീഴില്‍ വരുന്ന പട്ടാമ്പിക്കടുത്ത് കാരക്കാട് സ്റ്റേഷനോടനുബന്ധിച്ചുള്ള ഭൂമി വിട്ടുകിട്ടുന്നതിന് പൊതുമരാമത്ത് പാലം വിഭാഗം എന്ത് നടപടിയാണ് സ്വീകരിച്ചിരിക്കുന്നത്; അറിയിക്കുമോ;

(സി)	റെയില്‍വേയുടെ അനുമതി ലഭ്യമാക്കി, ഡി.പി.ആര്‍. തയ്യാറാക്കി കിഫ്ബിയില്‍ നല്‍കുന്നതിന് സമയബന്ധിതമായി നടപടി സ്വീകരിക്കുമോ;

(ഡി)	ഇതിന്റെ ഭാഗമായി എന്തെല്ലാം നടപടിക്രമങ്ങള്‍ പൂര്‍ത്തീകരിക്കുവാനുണ്ട്; വിശദാംശം വ്യക്തമാക്കുമോ?

അയനിക്കാട്-കൊയമ്പ്രത്ത്കണ്ടി പാലത്തിന്റെ ഇൻവെസ്റ്റിഗേഷൻ റിപ്പോര്‍ട്ട്

4277.

(എ)	നടുവണ്ണൂർ, ഉള്ളിയേരി പഞ്ചായത്തുകളെ ബന്ധിപ്പിക്കുന്ന അയനിക്കാട്-കൊയമ്പ്രത്ത്കണ്ടി പാലത്തിന്റെ നിലവിലുള്ള ഇൻവെസ്റ്റിഗേഷൻ റിപ്പോർട്ട് പ്രകാരം ഡിസൈൻ തയ്യാറാക്കുന്നതില്‍ തടസ്സമുണ്ടോ;

(ബി)	പ്രസ്തുത റിപ്പോർട്ട് പ്രകാരം ഡിസൈൻ തയ്യാറാക്കാൻ കഴിയാത്ത സാഹചര്യമാണെങ്കിൽ പുതിയ ഇൻവെസ്റ്റിഗേഷൻ നടത്തേണ്ടതുണ്ടോ; ഉണ്ടെങ്കില്‍ ആയതിന്റെ നടപടികള്‍ വേഗത്തിലാക്കാമോ?

കൊടപ്പറമ്പ് പള്ളിക്കടവ് പാലം പുനര്‍നിര്‍മ്മിക്കാന്‍ നടപടി

4278.

ശ്രീ.കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	എ.കെ.ആന്റണി എം.പി.യുടെ വികസന ഫണ്ടില്‍ ഉള്‍പ്പെടുത്തി അമ്പത് ലക്ഷം രൂപ അനുവദിച്ച് നിര്‍മ്മിച്ച കണ്ണൂര്‍ ജില്ലയിലെ ഉളിക്കല്‍ പഞ്ചായത്തിലെ കൊടപ്പറമ്പ് പള്ളിക്കടവ് പാലം 2019-ലെ പ്രളയത്തില്‍ തകര്‍ന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	നിര്‍മ്മാണം ഏതാണ്ട് പൂര്‍ത്തിയായ പാലത്തിന്റെ കോണ്‍ട്രാക്ടര്‍ക്ക് അര്‍ഹമായ നഷ്ടപരിഹാരമോ നിര്‍മ്മാണത്തിന് ചെലവായ തുകയോ നല്‍കാന്‍ നടപടി സ്വീകരിക്കുമോ;

(സി)	പാലം പുനര്‍നിര്‍മ്മിച്ച് യാത്രായോഗ്യമാക്കാന്‍ നടപടി സ്വീകരിക്കുമോ എന്നറിയിക്കാമോ?

കുറുങ്കോട്ട ദ്വീപിലേയ്ക്കുള്ള പാലം

4279.

(എ)

എറണാകുളം ജില്ലയിലെ ചേരാനല്ലൂര്‍ പഞ്ചായത്തിലെ എൺപത്തിനാലോളം പട്ടികജാതി കുടുംബങ്ങള്‍ താമസിക്കുന്ന കുറുങ്കോട്ട ദ്വീപിലേയ്ക്ക് പാലം നിര്‍മ്മിക്കുവാന്‍ 2016-17 ബജറ്റില്‍ 10 കോടി രൂപ വകയിരുത്തിയെങ്കിലും കിഫ്ബി മാനദണ്ഡപ്രകാരം ആവശ്യമുള്ള 10 മീറ്റര്‍ വീതിയില്‍ സ്ഥലം ലഭ്യമല്ലാത്ത സാഹചര്യത്തില്‍ ദ്വീപ് നിവാസികള്‍ക്ക് ഉപകാരപ്രദമാകുന്ന പാലം അനുയോജ്യമായ രീതിയില്‍ നിര്‍മ്മിക്കുവാന്‍ പി.ഡബ്ള്യു.ഡി. വകുപ്പ് മുന്‍കയ്യെടുക്കുമോ;

(ബി)	എങ്കില്‍ സ്വീകരിക്കുവാന്‍ ഉദ്ദേശിക്കുന്ന നടപടി എന്തെന്ന് വ്യക്തമാക്കുമോ;

(സി)	ഇതു സംബന്ധിച്ച പി.ഡബ്ള്യു.ഡി.-ഡി1/27/2020 നമ്പര്‍ ഫയലില്‍ സ്വീകരിച്ചിട്ടുള്ള നടപടി എന്തെന്ന് വ്യക്തമാക്കാമോ?

പ്രളയത്തില്‍ തകര്‍ന്ന നുച്ച്യാട് പാലം

T 4280.

(എ)	എം.പി. മാരുടെ ഫണ്ടില്‍ നിന്നും എ.കെ.ആന്റണി എം.പി. അനുവദിച്ച ഫണ്ട് ഉപയോഗിച്ച് നുച്ച്യാട് പുഴയില്‍ പണിത പാലം കഴിഞ്ഞ പ്രളയത്തില്‍ തകര്‍ന്നതുമായി ബന്ധപ്പെട്ട് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ;

(ബി)	പാലം പുനര്‍ നിര്‍മ്മിക്കാന്‍ എത്ര തുക വേണ്ടി വരുമെന്നറിയിക്കാമോ; ആയതിനുള്ള നടപടികള്‍ സ്വീകരിക്കുമോ;

(സി)	തകര്‍ന്ന പാലം പണിത കോണ്‍ട്രാക്ടര്‍ക്ക് നല്‍കാനുള്ള തുകയില്‍ എത്ര നല്‍കിയിട്ടുണ്ടെന്നും അവശേഷിക്കുന്ന തുക നല്‍കാന്‍ നടപടി സ്വീകരിക്കുമോ എന്നും വ്യക്തമാക്കാമോ?

മൂക്കൻപെട്ടി ക്രോസ്‍വേയുടെ പുനര്‍നിര്‍മ്മാണം

4281.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയക്കെടുതിയിൽ തകര്‍ന്ന പൂഞ്ഞാര്‍ നിയോജക മണ്ഡലത്തിൽപ്പെട്ട എരുമേലി ഗ്രാമപഞ്ചായത്തിലെ അഴുതയാറിന് കുറുകെയുള്ള മൂക്കൻപെട്ടി ക്രോസ്‍വേയുടെ പുനര്‍നിര്‍മ്മാണ പ്രവര്‍ത്തനങ്ങള്‍ ഏത് ഘട്ടത്തിലാണെന്ന് വിശദീകരിക്കാമോ;

(ബി)	പ്രസ്തുത പാലത്തിന് നിര്‍മ്മാണ അനുമതി നൽകിയിട്ടുണ്ടോ എന്ന് അറിയിക്കുമോ;

(സി)	എങ്കിൽ ഇതിന് എത്ര തുകയാണ് അനുവദിച്ചിട്ടുള്ളതെന്ന് അറിയിക്കുമോ;

(ഡി)	പാലത്തിന്റെ നിര്‍മ്മാണം എപ്പോള്‍ ആരംഭിക്കാൻ കഴിയുമെന്ന് വിശദമാക്കാമോ?

കോഴിപ്പിള്ളി-പാലിയത്ത്കടവ് പാലം നിര്‍മ്മാണം

4282.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കോതമംഗലം മണ്ഡലത്തിലെ കോഴിപ്പിള്ളി-പാലിയത്ത്കടവ് പാലം നിര്‍മ്മാണവുമായി ബന്ധപ്പെട്ട നിലവിലെ സ്ഥിതി വിശദമാക്കാമോ;

(ബി)	ഇതു സംബന്ധിച്ച് പൊതുമരാമത്ത് വകുപ്പില്‍ D1/350/17 നമ്പര്‍ പ്രകാരമുള്ള ഫയലില്‍ സ്വീകരിച്ച നടപടികള്‍ വിശദമാക്കുമോ;

(സി)	പ്രസ്തുത പാലം നിര്‍മ്മാണവുമായി ബന്ധപ്പെട്ട് പാലങ്ങള്‍ വിഭാഗം ചീഫ് എന്‍ജിനീയര്‍ 13-11-2019-ല്‍ ലഭ്യമാക്കിയ റിപ്പോര്‍ട്ടില്‍ സ്വീകരിച്ച തുടര്‍നടപടി വിശദമാക്കാമോ;

(ഡി)	മണ്ണ് പരിശോധന അടക്കം പൂര്‍ത്തീകരിച്ച് ഡിസൈന്‍ ലഭ്യമാക്കുവാന്‍ പൊതുമരാമത്ത് വകുപ്പ് ഡിസൈന്‍ വിഭാഗത്തോട് ആവശ്യപ്പെട്ടിട്ടുണ്ടോ; ഡിസൈന്‍ ലഭ്യമായിട്ടുണ്ടോ; വിശദമാക്കാമോ;

(ഇ)	പാലത്തിന്റെ ആവശ്യകത മുന്‍നിര്‍ത്തി പാലം നിര്‍മ്മാണം ആരംഭിക്കുന്ന നടപടി വേഗത്തിലാക്കുമോ; വിശദമാക്കാമോ?

ഇഞ്ചത്തൊട്ടി പാലം നിര്‍മ്മാണത്തിന് അനുമതി

4283.

(എ)	കോതമംഗലം മണ്ഡലത്തിലെ കുട്ടമ്പുഴ, കീരംപാറ പഞ്ചായത്തുകളെ തമ്മില്‍ ബന്ധിപ്പിക്കുന്നതും പ്രസ്തുത പ്രദേശങ്ങളിലെ ജനങ്ങള്‍ക്ക് യാത്രാസൗകര്യത്തിന് ഏറെ ഉപകാരപ്രദവുമായ ഇഞ്ചത്തൊട്ടി പാലം നിര്‍മ്മാണം പരിഗണനയിലുണ്ടോയെന്ന് അറിയിക്കുമോ;

(ബി)	ഇതു സംബന്ധിച്ച്പ്രൈസ് ഐ.ഡി നം:ആര്‍.ഡി/2018/7709 പ്രകാരം ഇന്‍വെസ്റ്റിഗേഷന്‍ എസ്റ്റിമേറ്റ് തയ്യാറാക്കിയിട്ടുളളതിന് ഭരണാനുമതി ലഭ്യമായിട്ടുണ്ടോ; വിശദമാക്കാമോ;

(സി)	ഇതുമായി ബന്ധപ്പെട്ട് സ്വീകരിച്ചിട്ടുളള തുടര്‍നടപടി വിശദമാക്കാമോ;

(ഡി)	പ്രദേശവാസികള്‍ക്ക് ഏറെ പ്രയോജനകരമായ പ്രസ്തുത പാലം നിര്‍മ്മാണത്തിന് ഇന്‍വെസ്റ്റിഗേഷന്‍ എസ്റ്റിമേറ്റിന് വേഗത്തില്‍ ഭരണാനുമതി നല്കുന്നതിനും തുടര്‍ന്ന് ഡിസെെന്‍ ലഭ്യമാക്കി വിശദമായ എസ്റ്റിമേറ്റ് തയ്യാറാക്കി പാലം നിര്‍മ്മാണം വേഗത്തിലാക്കുവാനും നടപടി സ്വീകരിക്കുമോ; വിശദമാക്കാമോ ?

പനമ്പറ്റക്കടവ് പാലത്തിന്റെ അനുബന്ധ റോഡ് നിര്‍മ്മാണം

4284.

ശ്രീ.ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മങ്കടയിലെ പനമ്പറ്റക്കടവ് പാലത്തിന്റെ അനുബന്ധ റോഡ് നിര്‍മ്മാണത്തിന് സ്ഥലം ഏറ്റെടുപ്പുമായി ബന്ധപ്പെട്ട് തുക അനുവദിച്ചിട്ടുണ്ടോയെന്ന് അറിയിക്കാമോ;

(ബി)	സ്ഥലം ഏറ്റടുക്കുന്നതിനുള്ള തുക ഭരണാനുമതി ഉത്തരവിൽ വകയിരുത്തിയിട്ടുണ്ടോ; സ്ഥലമേറ്റെടുപ്പ് നടത്തുന്നതിനുള്ള അനുമതി നൽകിയിട്ടുണ്ടോയെന്ന് വെളിപ്പെടുത്താമോ;

(സി)	സ്ഥലം ഏറ്റെടുക്കുന്നതിന് ആവശ്യമായ 67,55,459/- രൂപ അനുവദിച്ച് നൽകുന്നതിന് നടപടികള്‍ സ്വീകരിക്കുമോ?

കുതിരവഴിപ്പാലത്തിന്റെ നിര്‍മ്മാണ നടപടികള്‍

4285.

(എ)	ഒറ്റപ്പാലം നിയോജക മണ്ഡലത്തിലെ കുതിരവഴിപ്പാലം നിര്‍മ്മിക്കുന്നതിനായി ഈ സര്‍ക്കാര്‍ എന്തെല്ലാം നടപടികള്‍ സ്വീകരിച്ചു; വിശദാംശം ലഭ്യമാക്കാമോ;

(ബി)	പ്രസ്തുത പാലത്തിന് സാങ്കേതികാനുമതി നല്‍കുന്നതിനായുള്ള ഫയല്‍ എന്നാണ് ചീഫ് എഞ്ചിനീയറുടെ ഓഫീസില്‍ എത്തിയത്; അതിന്മേല്‍ സ്വീകരിച്ച നടപടികള്‍ എന്തെല്ലാമെന്ന് അറിയിക്കാമോ;

(സി)	പാലം നിര്‍മ്മാണത്തിന്റെ ടെണ്ടര്‍ എന്ന് പ്രസിദ്ധപ്പെടുത്തുവാന്‍ കഴിയുമെന്ന് വിശദമാക്കാമോ?

കരമന-കളിയിക്കാവിള പാത വികസനത്തിന്റെ മൂന്നാം ഘട്ടം

4286.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കരമന-കളിയിക്കാവിള പാത വികസനത്തിന്റെ മൂന്നാം ഘട്ടമായ വഴിമുക്ക് മുതല്‍ കളിയിക്കാവിള വരെയുള്ള റോഡിന്റെ അലൈന്‍മെന്റ് തയ്യാറാക്കിയിട്ടുണ്ടോ;

(ബി)	എത്ര മീറ്റര്‍ വീതിയിലാണ് റോഡ് നിര്‍മ്മിക്കുവാന്‍ ഉദ്ദേശിക്കുന്നത്;

(സി)	പ്രസ്തുത അലൈന്‍മെന്റ് സംബന്ധിച്ച പരാതികള്‍ കേള്‍ക്കുന്നതിന് അവസരം നല്‍കിയിട്ടുണ്ടോയെന്ന് അറിയിക്കാമോ?

കരമന-കളിയിക്കാവിള പാതയില്‍ പുനര്‍ നിര്‍മ്മാണ പണി

4287.

ശ്രീ.എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കരമന-കളിയിക്കാവിള പാതയില്‍ പുനര്‍ നിര്‍മ്മാണ പണി നടത്തുന്ന പ്രാവച്ചമ്പലം മുതല്‍ ബാലരാമപുരം വരെയുളള രണ്ടാം ഘട്ടത്തിന്റെ ടെന്‍ഡര്‍ നടപടികള്‍ ഏത് ഘട്ടത്തിലാണ് എന്നറിയിക്കാമോ;

(ബി)	ഏത് കമ്പനിക്കാണ് ഇതിന്റെ ടെന്‍ഡര്‍ നല്‍കിയിട്ടുളളത്; ടെന്‍ഡര്‍ നല്‍കിയിട്ടില്ലെങ്കില്‍ അതിനുളള കാരണമെന്താെണെന്ന് അറിയിക്കാമോ;

(സി)	ബാലരാമപുരം മുതലുളള മൂന്നാം ഘട്ടത്തിന്റെ സ്ഥലമെടുപ്പ് പൂര്‍ത്തിയായിട്ടുണ്ടോ എന്നറിയിക്കാമോ; എത്ര ഹെക്ടര്‍ സ്ഥലമാണ് ഇൗ കാര്യത്തിനായി ഏറ്റെടുക്കുവാനുളളത്; നഷ്ടപരിഹാരം സംബന്ധിച്ച് നിലവില്‍ എന്തെങ്കിലും തര്‍ക്കങ്ങളുണ്ടോ; വ്യക്തമാക്കാമോ;

(ഡി)	സ്ഥലമെടുപ്പ് അടിയന്തരമായി പൂര്‍ത്തീകരിച്ച് മൂന്നാം ഘട്ടത്തിന്റെ നിര്‍മ്മാണ പ്രവര്‍ത്തനം ത്വരിതപ്പെടുത്തുമോ എന്നറിയിക്കാമോ?

കുന്നം സര്‍ക്കാര്‍ ഹയര്‍സെക്കന്ററി സ്കൂളിന് പുതിയ കെട്ടിടം

4288.

(എ)	മാവേലിക്കര മണ്ഡലത്തില്‍ കുന്നം സര്‍ക്കാര്‍ ഹയര്‍സെക്കന്ററി സ്കൂളിലെ പുതിയ കെട്ടിടം നിര്‍മ്മിക്കുവാന്‍ മൂന്നുകോടി രൂപ അനുവദിച്ചത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത പ്രവൃത്തിയുടെ ഭരണ സാങ്കേതികാനുമതികള്‍ ലഭിച്ചിട്ടും ടെന്‍ഡര്‍ നടപടികള്‍ ആരംഭിച്ചിട്ടില്ല എന്നത് ശ്രദ്ധയില്‍പ്പെട്ടിട്ടുണ്ടോ;

(സി)	പ്രസ്തുത പ്രവൃത്തിയുടെ ടെന്‍ഡര്‍ നടപടികള്‍ പൂര്‍ത്തീകരിച്ച് നിര്‍മ്മാണം ആരംഭിക്കുന്നതിന് പൊതുമരാമത്ത് കെട്ടിട വിഭാഗത്തിന് നിര്‍ദ്ദേശം നല്‍കുമോ; വ്യക്തമാക്കുമോ?

റാന്നി മിനി സിവില്‍ സ്റ്റേഷൻ രണ്ടാം ബ്ലോക്കിന്റെ നിർമ്മാണം

4289.

(എ)	റാന്നി മിനി സിവില്‍ സ്റ്റേഷൻ രണ്ടാം ബ്ലോക്കിന്റെ നിർമ്മാണവുമായി ബന്ധപ്പെട്ട് നിലവില്‍ എത്ര തുകയാണ് അനുവദിച്ചത്; ഭരണാനുമതി നല്‍കിയ ഉത്തരവിന്റെ പകർപ്പ് ലഭ്യമാക്കാമോ; എന്നാണ് ഇതിന് ഭരണാനുമതി ലഭിച്ചത് എന്നറിയിക്കാമോ;

(ബി)

പ്രസ്തുത പ്രവൃത്തിക്ക് സാങ്കേതികാനുമതി നല്‍കുകയോ നിർമ്മാണം നടത്തുകയോ ചെയ്തിട്ടില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ; സാങ്കേതികാനുമതി ലഭ്യമാക്കാതിരുന്നതിന്റെ കാരണം വ്യക്തമാക്കാമോ; ഇത് സംബന്ധിച്ചുള്ള ഫയല്‍ എന്നാണ് പൊതുമരാമത്ത് സി. ഇ. ഓഫീസിലെത്തിയത്; ഇപ്പോള്‍ ആരുടെ കൈവശമാണ് ഇത് ഉള്ളത്; വ്യക്തമാക്കാമോ;

(സി)	ഫയലിലെ പ്രശ്നങ്ങള്‍ ഒരുമിച്ച് കണ്ടെത്തി ആയതിന് ഒരേ സമയം പരിഹാരം നിർദ്ദേശിക്കുന്നതിന് പകരം ഓരോ തവണയും ഓരോ പ്രശ്നം പറഞ്ഞ് ഫയല്‍ മടക്കി അയക്കുന്നതിന്റെ കാരണം വ്യക്തമാക്കാമോ; ആരാണ് ഇതിന് ഉത്തരവാദി എന്ന് അറിയിക്കാമോ;

(ഡി)	പ്രസ്തുത കെട്ടിടത്തിന്റെ നിർമ്മാണത്തിന് അടിയന്തരമായി സാങ്കേതികാനുമതി നല്‍കി നിർമ്മാണം ടെണ്ടർ ചെയ്യാൻ എന്തൊക്കെ നടപടികള്‍ സ്വീകരിക്കാനാണ് ഉദ്ദേശിക്കുന്നത്; വിശദാംശങ്ങള്‍ ലഭ്യമാക്കാമോ?

റാന്നി ഗവണ്‍മെന്റ് എെ.ടി.എെ.യ്ക്ക് പുതിയ കെട്ടിടം

4290.

(എ)

റാന്നി ഗവണ്‍മെന്റ് എെ.ടി.എെ.യ്ക്ക് പുതിയ കെട്ടിടം നിര്‍മ്മിക്കാന്‍ എന്നാണ് ഭരണാനുമതി ലഭിച്ചത് എന്നറിയിക്കാമോ; എത്ര രൂപയാണ് ഇതിനായി വകയിരുത്തിയിരിക്കുന്നത്; ഇൗ പ്രവൃത്തിക്ക് സാങ്കേതിക അനുമതി ലഭ്യമാക്കിയിട്ടുണ്ടോ; എങ്കില്‍ അതിന്റെ കോപ്പി ലഭ്യമാക്കുമോ; ഇല്ലെങ്കില്‍ ഇതിനായുളള ഫയല്‍ ചീഫ് എഞ്ചീനിയറുടെ ഓഫീസില്‍ എത്തിയിട്ടുണ്ടോ; എങ്കില്‍ എന്നാണ് എത്തിയത്; ഇപ്പോള്‍ ഇൗ ഫയല്‍ ആരുടെ പക്കലാണ് ഉളളതെന്ന് അറിയിക്കുമോ;

(ബി)	ഇൗ പ്രവൃത്തിക്ക് സാങ്കേതിക അനുമതി ലഭ്യമാക്കിയിട്ടില്ലെങ്കില്‍ അടിയന്തരമായി ഇത് ലഭ്യമാക്കാനും പ്രവൃത്തി ടെന്‍ഡര്‍ ചെയ്യുവാനും എന്തൊക്കെ നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ;

(സി)	എന്നത്തേക്ക് പ്രസ്തുത കെട്ടിടത്തിന്റെ നിര്‍മ്മാണം ആരംഭിക്കാന്‍ സാധിക്കും; വിശദാംശങ്ങള്‍ ലഭ്യമാക്കുമോ?

പിലാത്തറ-പാപ്പിനിശ്ശേരി കെ.എസ്.ടി.പി. റോഡിലെ വിശ്രമകേന്ദ്രവും പാര്‍ക്കും

4291.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

പിലാത്തറ-പാപ്പിനിശ്ശേരി കെ.എസ്.ടി.പി. റോഡില്‍ രാമപുരത്ത് യാത്രക്കാര്‍ക്ക് വേണ്ടി നിര്‍മ്മിക്കുന്ന വിശ്രമകേന്ദ്രത്തിന്റെയും പാര്‍ക്കിന്റെയും നിര്‍മ്മാണം പൂര്‍ത്തീകരിക്കുന്നതിനാവശ്യമായ നടപടി സ്വീകരിച്ചിട്ടുണ്ടോ; വിശദമാക്കാമോ?

ആലത്തൂര്‍ മണ്ഡലത്തില്‍ നടപ്പാക്കുന്ന കെട്ടിട പ്രവൃത്തികൾ

4292.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

പൊതുമരാമത്ത് കെട്ടിട വിഭാഗം ആലത്തൂര്‍ മണ്ഡലത്തില്‍ നടപ്പാക്കുന്ന വിവിധങ്ങളായ പ്രവൃത്തികളുടെ നിലവിലെ സ്ഥിതി അറിയിക്കുമോ?

വെച്ചൂച്ചിറ ഗവണ്‍മെന്റ് പോളിടെക്നിക് കോളേജ്, ഹോസ്റ്റല്‍ എന്നിവയുടെ കെട്ടിടങ്ങളുടെ നിര്‍മ്മാണം

4293.

(എ)	വെച്ചൂച്ചിറ ഗവണ്‍മെന്റ് പോളിടെക്നിക് കോളേജ്, ഹോസ്റ്റല്‍ എന്നിവയുടെ കെട്ടിടങ്ങളുടെ നിര്‍മ്മാണം പൂര്‍ത്തീകരിച്ചുവോ; കെട്ടിടങ്ങളുടെ നിര്‍മ്മാണം ആരംഭിച്ചത്എന്നാണെന്നും ഓരോന്നിന്‍െറയും നിര്‍മ്മാണത്തിനായി എത്ര രൂപയാണ് വകയിരുത്തിയിരിക്കുന്നതെന്നും അറിയിക്കുമോ;

(ബി)	നിര്‍മ്മാണം പൂര്‍ത്തീകരിച്ചില്ലെങ്കില്‍ ഇനി എന്തൊക്കെ പ്രവൃത്തികളാണ് പൂര്‍ത്തീകരിക്കാനുളളതെന്ന് അറിയിക്കുമോ; കെട്ടിടങ്ങളുടെ നിര്‍മ്മാണം പൂര്‍ത്തീകരിക്കാന്‍ കാലതാമസം വന്നതിനുളള കാരണം വ്യക്തമാക്കാമോ;

(സി)	ഇവയുടെ നിര്‍മ്മാണം എന്നത്തേയ്ക്ക് പൂര്‍ത്തീകരിക്കാന്‍ സാധിക്കുമെന്ന് അറിയിക്കാമോ?

കോട്ടണ്‍ഹില്‍ സ്കൂളിന് അനുവദിച്ച പുതിയ കെട്ടിടം നിര്‍മ്മിക്കാന്‍ നടപടി

4294.

(എ)

തിരുവനന്തപുരം നിയോജക മണ്ഡലത്തിലെ വഴുതയ്ക്കാട് ഗവ. കോട്ടണ്‍ഹില്‍ സ്കൂളിലെ പ്രീ പ്രെെമറി ടീച്ചേഴ്സ് ട്രെയിനിംഗ് ഇന്‍സ്റ്റിറ്റ്യൂട്ടിനും നഴ്സറി സ്കൂളിനുമായി 2015-16 സാമ്പത്തിക വര്‍ഷം ആസ്തി വികസന സ്കീമില്‍ നിന്നും നാല്‍പ്പത്തിയഞ്ച് ലക്ഷം രൂപ ചെലവഴിച്ച് ഒരു പുതിയ കെട്ടിടം നിര്‍മ്മിച്ചുനല്‍കുന്നതിന് ഭരണാനുമതി പുറപ്പെടുവിച്ചിരുന്നതിനെത്തുടര്‍ന്ന് ടെന്‍ഡര്‍ നടപടികള്‍ പൂര്‍ത്തീകരിച്ചുവെങ്കിലും നിര്‍മ്മാണ പ്രവര്‍ത്തനങ്ങള്‍ വെെകുന്നതിലെ കാരണങ്ങള്‍ വ്യക്തമാക്കുമോ;

(ബി)	തിരുവനന്തപുരം നഗരസഭയുടെ ഭാഗത്തുനിന്നുളള അലംഭാവം കൊണ്ട് മാത്രം നഗരത്തിലെ പല വികസന പ്രവര്‍ത്തനങ്ങളും പൊതുമരാമത്ത് വകുപ്പിന് നടപ്പിലാക്കാന്‍ കഴിയാതെ പോകുന്നുവെന്ന ആക്ഷേപം പരിശോധിച്ചിട്ടുണ്ടോ; ഇക്കാര്യത്തില്‍ എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നത്;

(സി)	പ്രസ്തുത പ്രവൃത്തി എത്രയുംവേഗം ആരംഭിക്കുന്നതിന് പൊതുമരാമത്ത് വകുപ്പിന് അടിയന്തര നിര്‍ദ്ദേശം നല്‍കുമോ; വിശദമാക്കുമോ?

ചാലക്കുടിയില്‍ ഫയര്‍ഫോഴ്സിന് പൊതുമരാമത്ത് വകുപ്പിന്റെ സ്ഥലം

4295.

ശ്രീ.ബി.ഡി. ദേവസ്സി : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

ചാലക്കുടിയില്‍ പൊതുമരാമത്ത് വകുപ്പിന്റെ ഉടമസ്ഥതയിലുള്ള മെക്കാനിക്കല്‍ വര്‍ക്ക്ഷോപ്പ് സ്ഥിതി ചെയ്യുന്ന കോമ്പൗണ്ടില്‍ പുറമ്പോക്ക് സ്ഥലമായി കണക്കാക്കിയിട്ടുള്ള സ്ഥലത്തു നിന്നും ഫയര്‍ഫോഴ്സിന് കെട്ടിടം പണിയുന്നതിന് ഭൂമി അനുവദിച്ചു നല്‍കുന്നതിന് നടപടി സ്വീകരിക്കുമോ?

നെയ്യാറ്റിന്‍കര സര്‍ക്കാര്‍ ഗേള്‍സ് ഹയര്‍സെക്കണ്ടറി സ്കൂളിലെ കെട്ടിട നിര്‍മ്മാണം

4296.

ശ്രീ.കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നെയ്യാറ്റിന്‍കര സര്‍ക്കാര്‍ ഗേള്‍സ് ഹയര്‍സെക്കണ്ടറി സ്കൂളിലെ ഹയര്‍സെക്കണ്ടറി വിഭാഗത്തിന് അനുവദിച്ച ഒന്നാം നിലയുടെ നിര്‍മ്മാണത്തിന്റെ ടെണ്ടര്‍ നടപടി പൂര്‍ത്തീകരിച്ചിട്ടുണ്ടോയെന്ന് വ്യക്തമാക്കുമോ;

(ബി)	ടെണ്ടര്‍ നടപടി പൂര്‍ത്തീകരിക്കുന്നതിന്റെ കാലതാമസത്തിനുള്ള കാരണം വിശദമാക്കാമോ?

പാലക്കാട് നിയോജകമണ്ഡലത്തിലെ കിഫ്ബി പദ്ധതികള്‍

4297.

ശ്രീ.ഷാഫി പറമ്പില്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

പാലക്കാട് നിയോജകമണ്ഡലത്തിൽ കിഫ്ബി മുഖാന്തരം നടത്തിവരുന്നതും നടത്താൻ ഉദ്ദേശിക്കുന്നതുമായ പൊതുമരാമത്ത് (റോഡ്, കെട്ടിട വിഭാഗം) വകുപ്പ് പദ്ധതികളുടെ തൽസ്ഥിതി വിശദാംശങ്ങള്‍ ലഭ്യമാക്കാമോ?

കോഴിക്കോട് നോര്‍ത്ത് മണ്ഡലത്തിലെ കിഫ്ബി പ്രവൃത്തികള്‍

4298.

ശ്രീ.എ. പ്രദീപ്കുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് നോര്‍ത്ത് നിയോജകമണ്ഡലത്തില്‍ കിഫ്ബി പദ്ധതിയില്‍ ഉള്‍പ്പെട്ട ഏതെല്ലാം പ്രവൃത്തികളാണ് പൊതുമരാമത്ത് വകുപ്പ് ഏറ്റെടുത്ത് നടത്തുന്നതെന്ന് വിശദമാക്കുമോ;

(ബി)	ഇതിലുള്‍പ്പെട്ട ഓരോ പ്രവൃത്തിയുടേയും വിശദാംശങ്ങളും തുകയും പ്രവൃത്തി ഇപ്പോള്‍ ഏതു ഘട്ടത്തിലാണെന്ന വിവരവും നല്‍കുമോ?

പി.ഡബ്ള്യു.ഡി എഞ്ചിനീയര്‍മാര്‍ക്കുള്ള നേര്യമംഗലത്തെ പരിശീലന കേന്ദ്രം

4299.

(എ)	കോതമംഗലം മണ്ഡലത്തില്‍ നേര്യമംഗലത്ത് പി.ഡബ്ള്യു.ഡി എഞ്ചിനീയര്‍മാര്‍ക്കുള്ള പരിശീലന കേന്ദ്രത്തിന്റെ നാലാം ഘട്ട പ്രവര്‍ത്തനങ്ങള്‍ എവിടെവരെ ആയി എന്ന് വിശദമാക്കാമോ;

(ബി)	പ്രസ്തുത കേന്ദ്രത്തില്‍ നാലാംഘട്ടമായി നിര്‍മ്മിക്കുന്ന കണ്‍വെന്‍ഷന്‍ സെന്ററിന്റേയും സ്റ്റാഫ് ക്വാര്‍ട്ടേഴ്സിന്റേയും നിലവിലെ സ്ഥിതി വ്യക്തമാക്കാമോ;

(സി)	നാലാംഘട്ട നിര്‍മ്മാണ പ്രവര്‍ത്തനങ്ങള്‍ എന്നത്തേക്ക് പൂര്‍ത്തീകരിക്കുവാന്‍ കഴിയും എന്ന് വിശദമാക്കാമോ?

കൊല്ലം ആശ്രാമത്തെ വർക്കിംഗ് വിമൺസ് ഹോസ്റ്റല്‍

4300.

ശ്രീ.എം. മുകേഷ് : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

കൊല്ലം നിയോജക മണ്ഡലത്തില്‍ ആശ്രാമത്ത് പൊതുമരാമത്തു വകുപ്പ് നിർമ്മിച്ചിട്ടുള്ള വർക്കിംഗ് വിമൺസ് ഹോസ്റ്റലിന്റെ പ്രവർത്തനം ആരംഭിക്കുന്നതിനാവശ്യമായ തസ്തികകള്‍ സൃഷ്ടിച്ചിട്ടുണ്ടോ; ഇതിനായുള്ള പ്രൊപ്പോസല്‍ പരിഗണനയിലുണ്ടോ; വിശദാംശം ലഭ്യമാക്കാമോ?

ഓവര്‍സിയര്‍/ഡ്രാഫ്റ്റ്സ്‍മാന്‍(ഗ്രേഡ് I) തസ്തികയിലെ നിയമനങ്ങള്‍

4301.

(എ)	ഈ സര്‍ക്കാര്‍ അധികാരത്തില്‍ വന്നശേഷം പൊതുമരാമത്ത് വകുപ്പില്‍ ഓവര്‍സിയര്‍/ഡ്രാഫ്റ്റ്സ്‍മാന്‍ (ഗ്രേഡ് I) തസ്തികയിലേക്ക് എത്ര നിയമനങ്ങള്‍ നടത്തിയിട്ടുണ്ടെന്ന് അറിയിക്കാമോ;

(ബി)	കാറ്റഗറി നമ്പര്‍ 007/2010 റാങ്ക് ലിസ്റ്റില്‍ ഉള്‍പ്പെട്ട എത്ര ഉദ്യോഗാര്‍ത്ഥികള്‍ക്ക് നിയമനം നല്‍കിയിട്ടുണ്ട്; 19/16/SSIV റാങ്ക് ലിസ്റ്റിന്റെ കാലാവധി ഏത് വര്‍ഷമാണ് അവസാനിക്കുന്നതെന്ന് അറിയിക്കാമോ;

(സി)

ഡ്രാഫ്റ്റ്സ്മാന്‍ (ഗ്രേഡ് I) തസ്തികയിലേക്ക് ഇലക്ട്രിക്കല്‍ സിവില്‍ എന്നീ വിഭാഗങ്ങളിലുള്ളവര്‍ക്ക് ഡിപ്പാര്‍ട്ട്മെന്റ് ക്വാട്ടയില്‍ അപേക്ഷിക്കാനാവുമ്പോള്‍ ഇതിന്റെ സമാന തസ്തികയായ എഞ്ചിനീയറിംഗ് അസിസ്റ്റന്റ് (ഇലക്ട്രോണിക്സ്) വിഭാഗത്തില്‍ യോഗ്യതയുള്ള താഴ്ന്ന തസ്തികയിലുള്ള ജീവനക്കാര്‍ക്ക് അപേക്ഷിക്കാന്‍ പര്യാപ്തമായ രീതിയില്‍ സ്പെഷ്യല്‍ റൂള്‍ (ഇലക്ട്രോണിക്സ്) ഭേദഗതി വരുത്തുന്ന കാര്യം പരിഗണനയിലുണ്ടോ; വിശദമാക്കാമോ;

(ഡി)	ഉണ്ടെങ്കില്‍ നടപടിക്രമങ്ങള്‍ പൂര്‍ത്തീകരിച്ച പ്രസ്തുത സ്പെഷ്യല്‍ റൂള്‍ എന്നത്തേക്ക് പുറപ്പെടുവിക്കാന്‍ സാധിക്കും എന്നറിയിക്കാമോ?

കൊല്ലം ജില്ലയിലെ പൊതുമരാമത്ത് കെട്ടിട വിഭാഗത്തിലെ ക്രമക്കേടുകൾ

4302.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കൊല്ലം ജില്ലയിലെ പൊതുമരാമത്ത് കെട്ടിട വിഭാഗത്തിൽ ഭവനനിര്‍മ്മാണ വായ്പ എസ്റ്റിമേറ്റ് സര്‍ട്ടിഫിക്കറ്റ് നൽകിയതിന് കൈക്കൂലി വാങ്ങിയതായുള്ള ആരോപണം ശ്രദ്ധയിൽപ്പെട്ടിട്ടുണ്ടോ;

(ബി)	ഇത് സംബന്ധമായ ഏതെങ്കിലും ഫയലുകള്‍ നഷ്ടപ്പെട്ടിട്ടുണ്ടോ; എങ്കിൽ ഇക്കാലയളവിൽ ഇതുമായി ബന്ധപ്പെട്ട ഉദ്യോഗസ്ഥര്‍ ആരെല്ലാമായിരുന്നുവെന്നും അവര്‍ക്കെതിരെ എന്തെല്ലാം നടപടികള്‍ സ്വീകരിച്ചിട്ടുണ്ട് എന്നും വ്യക്തമാക്കുമോ;

(സി)	ഈ വിഷയത്തിൽ കൈക്കൂലി ആരോപണവുമായി ബന്ധപ്പെട്ട ഉദ്യോഗസ്ഥര്‍ നിലവിൽ സേവനം ചെയ്യുന്നുണ്ടോ; ഉണ്ടെങ്കിൽ അവര്‍ ആരെല്ലാമാണെന്നും അവര്‍ക്കെതിരെ എന്ത് നടപടിയാണ് സ്വീകരിച്ചിട്ടുള്ളതെന്നും വിശദമാക്കുമോ;

(ഡി)	പ്രസ്തുത ഫയൽ കാണാതായതുമായി ബന്ധപ്പെട്ടും കൈക്കൂലി ആരോപണവുമായി ബന്ധപ്പെട്ടും വിജിലൻസ് അന്വേഷണത്തിന് ശിപാര്‍ശ ചെയ്തിട്ടുണ്ടോ;

(ഇ)	എങ്കിൽ അന്വേഷണ റിപ്പോര്‍ട്ടിന്റെ പകര്‍പ്പ് ലഭ്യമാക്കുമോ;

(എഫ്)

ഫയൽ കാണാതായതുമായി ബന്ധപ്പെട്ട് വിവരാവകാശ കമ്മീഷനിൽ നിന്നും എന്തെങ്കിലും ഉത്തരവുകള്‍ നൽകിയിട്ടുണ്ടോ; എങ്കിൽ ഇക്കാര്യത്തിൽ സ്വീകരിച്ച നടപടികള്‍ എന്തെല്ലാമാണ്; നടപടി റിപ്പോര്‍ട്ടിന്റെ പകര്‍പ്പ് ലഭ്യമാക്കുമോ?

കോങ്ങാട് മണ്ഡലത്തിലെ പ്രവൃത്തികളുടെ പുരോഗതി

4303.

ശ്രീ.കെ.വി.വിജയദാസ് : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

2019-20-ലെ ബജറ്റില്‍ കോങ്ങാട് മണ്ഡലത്തിലേയ്ക്കായി ഭരണാനുമതിയുള്ള വര്‍ക്കുകളായി പ്രഖ്യാപിച്ച പ്രവൃത്തികളുടെ പുരോഗതി വിവരം ലഭ്യമാക്കുമോ?

സ്ഥലമെടുത്ത വകയിലുള്ള നഷ്ടപരിഹാരം

4304.

(എ)

കോട്ടയം ജില്ലയില്‍ കടുത്തുരുത്തി ബൈപ്പാസിന് വേണ്ടി സ്ഥലമെടുത്ത വകയില്‍ നഷ്ടപരിഹാരം ലഭിക്കുന്നതിന് വേണ്ടി കെ. ജെ. ജോസഫ്, കുന്നശ്ശേരി ഹൗസ്, തിരുവമ്പാടി, കോട്ടയം, കേരള ഹൈക്കോടതിയില്‍ നിന്നും ഉത്തരവ് സമ്പാദിച്ചതിനുശേഷം നല്‍കിയ നിവേദനം പരിഗണിച്ച് നഷ്ടപരിഹാരം അനുവദിച്ചിട്ടുണ്ടോ; വിശദാംശങ്ങള്‍ അറിയിക്കാമോ;

(ബി)	ശ്രീ. ജോസഫിന്റെ 12/1/2020-ലെ ധനകാര്യ വകുപ്പ് മന്ത്രിക്ക് നല്‍കിയ പരാതിയിന്മേലുള്ള ഫയല്‍ നമ്പര്‍ 1452473 Fin I&PWD/20 & G1/86/2020 PWD ഫയലുകളില്‍ നാളിതുവരെ സ്വീകരിച്ച നടപടികള്‍ വ്യക്തമാക്കാമോ;

(സി)	പൊതുമരാമത്ത് വകുപ്പ് G1/86/2020 ഫയലില്‍ ഇതുവരെയുണ്ടായ കാലതാമസത്തിന് കാരണം അറിയിക്കാമോ; എത്രയും വേഗം ശ്രീ കെ.ജെ. ജോസഫിന് നഷ്ടപരിഹാരം നല്‍കുന്നതിന് സത്വര നടപടി സ്വീകരിക്കുമോ?

ഭൂമിയുടെ രജിസ്ട്രേഷൻ ഫീസ് വര്‍ദ്ധന

4305.

ശ്രീ.എം.ഉമ്മര്‍
,, കെ.എം.ഷാജി
,, പി.കെ.ബഷീര്‍
,, വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തിൽ വന്നശേഷം ഭൂമിയുടെ രജിസ്ട്രേഷൻ ഫീസ് എത്ര തവണ വര്‍ദ്ധിപ്പിച്ചിട്ടുണ്ട്; വിശദമാക്കാമോ;

(ബി)	ഫീസ് വര്‍ദ്ധിപ്പിച്ച ഉത്തരവിന്റ പകര്‍പ്പുകള്‍ ലഭ്യമാക്കാമോ;

(സി)	രജിസ്ട്രേഷൻ ഫീസ് വർദ്ധിപ്പിക്കുന്നതിന് സ്വീകരിച്ച മാനദണ്ഡങ്ങള്‍ എന്തെല്ലാമെന്ന് വിശദമാക്കാമോ?

രജിസ്ട്രേഷന്‍ വകുപ്പിലെ പുതിയ സേവനങ്ങൾ

4306.

(എ)	രജിസ്ട്രേഷന്‍ വകുപ്പില്‍ എന്തെല്ലാം പുതിയ സേവനങ്ങളാണ് ഈ സർക്കാർ ഏര്‍പ്പെടുത്തിയിട്ടുളളതെന്ന് വെളിപ്പെടുത്തുമോ;

(ബി)	വകുപ്പില്‍ കൊണ്ടുവന്നിട്ടുള്ള പുതിയ പരിഷ്ക്കാരങ്ങള്‍ മൂലം ഇടനിലക്കാരുടെ ഇടപെടലില്‍ എന്തെങ്കിലും കുറവ് വന്നിട്ടുണ്ടോ; വിശദമാക്കുമോ?

രജിസ്ട്രേഷന്‍ വകുപ്പിന്റെ കീഴിലുള്ള ഓഫീസുകളി‍ലെ സോഷ്യല്‍ ഓഡിറ്റ്

4307.

ശ്രീ.വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	രജിസ്ട്രേഷന്‍ വകുപ്പിന്റെ കീഴിലുള്ള ഓഫീസുകളി‍ല്‍ സോഷ്യല്‍ ഓഡിറ്റ് സമ്പ്രദായം നടപ്പിലാക്കിയിട്ടുണ്ടോ; എങ്കില്‍ വിശദ വിവരങ്ങള്‍ നല്‍കാമോ;

(ബി)	സോഷ്യല്‍ ഓഡിറ്റ് സമ്പ്രദായം നടപ്പിലാക്കിയിട്ടില്ലാത്ത ഓഫീസുകളില്‍ അത് നടപ്പിലാക്കാന്‍ നടപടി സ്വീകരിക്കുമോ;

(സി)	കോഴിക്കോട് ജില്ലയില്‍ നടത്തിയ സോഷ്യല്‍ ഓഡിറ്റിന്റെ വിശദവിരങ്ങള്‍ നല്‍കാമോ?

കേരള സ്റ്റാമ്പ് ആക്റ്റിലെ 45 ബി വകുപ്പ് പ്രകാരമുള്ള അണ്ടര്‍ വാല്യുവേഷന്‍ നടപടികള്‍

4308.

ശ്രീ.എം.ഉമ്മര്‍
,, കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കേരള സ്റ്റാമ്പ് ആക്റ്റിലെ 45 ബി വകുപ്പ് പ്രകാരം അണ്ടര്‍ വാല്യുവേഷന്‍ നടപടികള്‍ സ്വീകരിക്കാനുളള കാലപരിധി എത്രയായാണ് നിശ്ചയിച്ചിരിക്കുന്നത്;

(ബി)	പ്രസ്തുത ആക്ട് പ്രകാരം രൂപീകരിച്ച ചട്ടങ്ങള്‍ക്ക് അനുസൃതമായി 1986 മുതല്‍ അണ്ടര്‍ വാല്യുവേഷന്‍ നടപടികള്‍ സ്വീകരിക്കാന്‍ ഇടയായ ഭരണപരമായ കാരണങ്ങള്‍ എന്തെല്ലാമെന്ന് വിശദമാക്കാമോ;

(സി)	1986 മുതല്‍ അണ്ടര്‍ വാല്യുവേഷന്‍ നടപടികള്‍ സ്വീകരിച്ച രജിസ്ട്രേഷനുകള്‍ ഏത് നിയമപ്രകാരമാണ് രജിസ്ട്രേഷന്‍ നടത്തിയിരിക്കുന്നത്;

(ഡി)	എങ്കില്‍ അന്ന് നിലവിലുണ്ടായിരുന്ന നിയമങ്ങള്‍ക്ക് അനുസൃതമായി രജിസ്ട്രേഷന്‍ നടത്തിയ പ്രസ്തുത ആധാരങ്ങളുടെ നിയമസാധുത പരിശോധിച്ചിട്ടുണ്ടോ; വിശദമാക്കാമോ;

(ഇ)	പ്രസ്തുത ആധാരങ്ങള്‍ രജിസ്ട്രേഷന്‍ നടത്തിയ സമയത്ത് അതിന്റെ ഫെയര്‍വാല്യുവും രജിസ്ട്രേഷന്‍ ഫീസും നിശ്ചയിച്ച് നല്‍കിയ ഉദ്യോഗസ്ഥര്‍ക്കെതിരെ നടപടി സ്വീകരിക്കാന്‍ കഴിയാത്തതിന്റെ കാരണങ്ങള്‍ വിശദമാക്കാമോ;

(എഫ്)

സ്റ്റാമ്പ് ആക്റ്റിലെ 45ബി വകുപ്പ് പ്രകാരം 1986 മുതല്‍ 2008 വരെയുളള കാലയളവിലെ അണ്ടര്‍ വാല്യുവേഷന്‍ കേസുകളില്‍ പ്രസ്തുത വകുപ്പ് പ്രകാരം നോട്ടീസ് ലഭിച്ച വ്യക്തികള്‍ തുക അടച്ചില്ലെങ്കില്‍ ആക്റ്റിലെ 33എ വകുപ്പ് പ്രകാരം ഈ വ്യക്തികളുടെ ആധാരങ്ങള്‍ ബന്തവസ്സില്‍ വയ്ക്കാന്‍ കളക്ടര്‍ക്ക് അധികാരമുണ്ടോ; ഉണ്ടെങ്കില്‍ അതിന്റെ വ്യവസ്ഥകള്‍ വിശദമാക്കാമോ;

(ജി)	ആക്റ്റിലെ 45ബി വകുപ്പും 33എ വകുപ്പും തമ്മിലുളള പൊരുത്തമില്ലായ്മ നിയമ വകുപ്പിന്റെ ശ്രദ്ധയില്‍പ്പെടുത്തിയിട്ടുണ്ടോ; ഉണ്ടെങ്കില്‍ ഇക്കാര്യത്തില്‍ നിയമ വകുപ്പിന്റെ അഭിപ്രായം എന്താണെന്ന് അറിയിക്കുമോ?

വസ്തു ആധാരം സ്വയം തയ്യാറാക്കാനുള്ള അനുമതി

4309.

ശ്രീ.വി.ഡി.സതീശന്‍
,, വി.പി.സജീന്ദ്രന്‍
,, റോജി എം. ജോണ്‍
,, കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	വസ്തു ആധാരം സ്വയം തയ്യാറാക്കാന്‍ പൊതുജനങ്ങള്‍ക്ക് അനുമതി നല്‍കിയെങ്കിലും അവര്‍ അതില്‍ വേണ്ടത്ര താല്പര്യം കാണിക്കുന്നില്ല എന്നത് ശ്രദ്ധയില്‍പ്പെട്ടിട്ടുണ്ടോ; ഉത്തരവ് ഇറങ്ങിയശേഷം എത്രപേര്‍ സ്വന്തമായി ആധാരം തയ്യാറാക്കി രജിസ്റ്റര്‍ ചെയ്തുവെന്ന് അറിയിക്കാമോ;

(ബി)	ആധാരം സ്വയം തയ്യാറാക്കുമ്പോഴുണ്ടാകുന്ന സംശയങ്ങള്‍ പരിഹരിക്കുന്നതിന് വകുപ്പ് പ്രത്യേക സംവിധാനം ഏര്‍പ്പെടുത്തിയിട്ടുണ്ടോ;

(സി)	ഇതുസംബന്ധിച്ച് സബ് രജിസ്ട്രാര്‍ ഓഫീസുകളില്‍ നിന്നും പൊതുജനങ്ങള്‍ക്ക് ആവശ്യമായ ഉപദേശം നല്‍കുന്നതിനും അവരുടെ സംശയനിവാരണത്തിനുമുള്ള സംവിധാനം ഏര്‍പ്പെടുത്തിയിട്ടുണ്ടോ; വിശദമാക്കുമോ?

സ്വയം ആധാരം തയ്യാറാക്കി രജിസ്റ്റര്‍ ചെയ്തവരുടെ എണ്ണം

4310.

ശ്രീ.സി. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുജനങ്ങള്‍ക്ക് മികച്ച സേവനങ്ങള്‍ ഉറപ്പുവരുത്തുന്നതിനായി രജിസ്ട്രേഷന്‍ വകുപ്പ് ഏര്‍പ്പെടുത്തിയ ഓണ്‍ലെെന്‍ സംവിധാനങ്ങള്‍ എന്തെല്ലാമാണെന്ന് വ്യക്തമാക്കാമോ;

(ബി)	നാളിതുവരെ സംസ്ഥാനത്ത് സ്വയം ആധാരം തയ്യാറാക്കി രജിസ്റ്റര്‍ ചെയ്തവരുടെ എണ്ണം ജില്ല തിരിച്ച് അറിയിക്കാമോ;

(സി)	ഈ സ൪ക്കാ൪ അധികാരത്തില്‍ വന്നതിന്ശേഷം ആധാരങ്ങളില്‍ മുദ്രപത്രത്തിന്റെ വില കുറച്ചുകാണിച്ചതുമായി ബന്ധപ്പെട്ട കേസുകള്‍ തീര്‍പ്പാക്കിയതില്‍ രജിസ്ട്രേഷന്‍ വകുപ്പിന് ലഭിച്ച വരുമാനം വര്‍ഷം തിരിച്ച് അറിയിക്കാമോ?

സബ് രജിസ്ട്രാര്‍ ഓഫീസുകളുടെ നവീകരണം

4311.

ശ്രീ.കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പഴക്കം ചെന്ന സബ് രജിസ്ട്രാര്‍ ഓഫീസുകളുടെ നവീകരണത്തിനായി സ്വീകരിച്ചു വരുന്ന നടപടികള്‍ വിശദമാക്കുമോ;

(ബി)	ഇത്തരത്തിലുള്ള എത്ര ഓഫീസുകള്‍ നവീകരിച്ചെന്നും ഇനി നവീകരിക്കാനുള്ളവ എത്രയെന്നും വെളിപ്പെടുത്തുമോ;

(സി)	രജിസ്ട്രേഷന്‍ മേഖലയില്‍ കാലാനുസൃതമായ മാറ്റങ്ങള്‍ കൊണ്ടുവരാനും രജിസ്ട്രേഷന്‍ രേഖകള്‍ പഴയവ ഉള്‍പ്പെടെ എല്ലാം ഡിജിറ്റൈസ് ചെയ്യാനും വകുപ്പ് സ്വീകരിച്ച നടപടികള്‍ വിശദമാക്കുമോ?

പനമരം സബ് രജിസ്ട്രാര്‍ ഓഫീസിന് സ്വന്തം കെട്ടിടം

4312.

ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മാനന്തവാടി മണ്ഡലത്തിലെ പനമരം സബ് രജിസ്ട്രാര്‍ ഓഫീസിന് സ്വന്തമായി സ്ഥലം കണ്ടെത്തുന്നതിനുള്ള നടപടികള്‍ ആരംഭിച്ചിട്ടുണ്ടോ എന്ന് വ്യക്തമാക്കാമോ;

(ബി)	വാടകക്കെട്ടിടത്തിന് പകരം സ്വന്തമായി ഓഫീസ് ആരംഭിക്കുന്നതിനായി സ്വീകരിച്ച നടപടിക്രമങ്ങള്‍ അറിയിക്കാമോ?

സ്റ്റാമ്പ് ഡ്യൂട്ടി ഇളവ്

4313.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ലൈഫ് പദ്ധതിക്കായി ഭൂമി രജിസ്റ്റർ ചെയ്യുമ്പോള്‍ സ്റ്റാമ്പ് ഡ്യൂട്ടി ഒഴിവാക്കി നല്കിയ നടപടി പദ്ധതിയുടെ വിജയത്തിന് ഏറെ പ്രയോജനം ചെയ്തുവെന്ന കാര്യം ശ്രദ്ധയില്‍വന്നിട്ടുണ്ടോ;

(ബി)	നിര്‍ദ്ധനരായ ഭൂരഹിതര്‍ക്കായി തദ്ദേശസ്വയംഭരണ സ്ഥാപനങ്ങള്‍ ധനസഹായം നല്കി വാങ്ങുന്ന ഭൂമി രജിസ്റ്റർ ചെയ്യുമ്പോള്‍ സ്റ്റാമ്പ് ഡ്യൂട്ടി ഇളവ് അനുവദിക്കുന്ന കാര്യം സര്‍ക്കാര്‍ പരിഗണിക്കുമോ?

കോട്ടിക്കുളം ആ൪.ഒ.ബി നിര്‍മ്മാണം

4314.

(എ)

കാസര്‍ഗോഡ് ജില്ലയില്‍ കോട്ടിക്കുളം ആ൪.ഒ.ബി നിര്‍മ്മാണത്തിന് റെയില്‍വേ മുന്നോട്ട് വെച്ച എല്ലാ ആവശ്യങ്ങളും സംസ്ഥാന സര്‍ക്കാര്‍ അംഗീകരിച്ചിട്ടും പ്രവൃത്തി ടെന്‍ഡര്‍ ചെയ്യാനുള്ള അനുമതിക്കായി നിരവധി തവണ ആ൪.ബി.ഡി.സി.കെ റെയില്‍വേ അധികാരികള്‍ക്ക് കത്ത് നല്‍കിയിട്ടും ആയതിന് അനുമതി നല്‍കാത്ത വിഷയം ശ്രദ്ധയില്‍പ്പെട്ടിട്ടുണ്ടോ;

(ബി)	കിഫ്ബിയില്‍ അനുമതി ലഭ്യമായ മേല്‍ പ്രവൃത്തി സമയബന്ധിതമായി പൂര്‍ത്തിയാക്കേണ്ടതിനാല്‍ ഈ വിഷയത്തില്‍ കേന്ദ്ര റെയില്‍വേ മന്ത്രാലയത്തില്‍ നേരിട്ട് ബന്ധപ്പെട്ട് ആയതിന് അനുമതി ലഭ്യമാക്കുന്ന വിഷയം പരിഗണിക്കുമോ; വിശദാംശങ്ങള്‍ അറിയിക്കാമോ;

(സി)	റെയില്‍വേ പ്ലാറ്റ്ഫോം മുറിച്ചു കടക്കുന്ന സംസ്ഥാനത്തെ ഏക റെയില്‍വേ ഗേറ്റ് എന്ന നിലയില്‍ വര്‍ഷങ്ങള്‍ക്ക് മുന്‍പ് തന്നെ പണി പൂ൪ത്തീകരിക്കേണ്ടിയിരുന്ന ഈ പ്രവൃത്തിയുടെ നി൪മ്മാണപ്രവ൪ത്തനങ്ങള്‍ പഴയ അവസ്ഥയിൽത്തന്നെ തുടരുന്നത് ഒഴിവാക്കാന്‍ അടിയന്തര നടപടി സ്വീകരിക്കുമോ?

ലെെറ്റ് മെട്രോ പദ്ധതിയുടെ പുരോഗതി

T 4315.

(എ)	സംസ്ഥാനത്ത് നടപ്പാക്കാന്‍ ഉദ്ദേശിക്കുന്ന ലെെറ്റ് മെട്രോ പദ്ധതിയുടെ പുരോഗതി വ്യക്തമാക്കാമോ;

(ബി)	പദ്ധതിയുമായി ബന്ധപ്പെട്ട് പുതുക്കിയ വിശദപഠന റിപ്പോര്‍ട്ട് കേന്ദ്രത്തിന് സമര്‍പ്പിച്ചിട്ടുണ്ടോ എന്നറിയിക്കാമോ;

(സി)	2017ല്‍ കേന്ദ്രസര്‍ക്കാര്‍ പുതിയ മെട്രോനയം പ്രഖ്യാപിച്ചതോടെ ഡി.എം.ആര്‍.സി. വിശദപഠന റിപ്പോര്‍ട്ടില്‍ ഭേദഗതി വരുത്തിയിട്ടുണ്ടോ;

(ഡി)	ഡി.എം.ആര്‍.സി. പദ്ധതിയില്‍ നിന്ന് പിന്‍മാറിയിട്ടുണ്ടോയെന്ന് വ്യക്തമാക്കാമോ?

Website maintained by Information System Section, Kerala Legislative Assembly, Thiruvananthapuram.