FOURTEENTH   KLA - 22^nd SESSION 
 UNSTARRED QUESTIONS AND ANSWERS 
(To read Questions  please enable  Unicode-Malayalam in your system)
(To read answers Please CLICK on the Title of the Questions)

                                                                          Questions  and Answers

കോവിഡ് തടയുന്നതിനുള്ള നടപടികൾ

1879.

ശ്രീ. പി കെ അബ്ദു റബ്ബ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

കോവിഡ് തടയുന്നതിന്റെ ഭാഗമായി മാസ്ക് ധരിക്കാത്തവരിൽനിന്ന് 30 .12.2020 വരെ എന്ത് തുക പിരിച്ചെടുത്തു;

( ബി )

അതേ മാതൃകയില്‍ സാമൂഹ്യ അകലം പാലിക്കാതെ യാത്ര ചെയ്തവരില്‍ നിന്ന് എന്തെങ്കിലും തുക ഈടാക്കിയിരുന്നോ; എങ്കില്‍ 30.12.2020 വരെ എന്ത് തുക പിരിച്ചെടുത്തു;

( സി )

കെ.എസ്.ആർ.ടി.സി ബസ്സില്‍ മാത്രം യാത്രക്കാര്‍ സാമൂഹ്യ അകലം പാലിക്കുന്നതില്‍ കോവിഡ് പ്രോട്ടോക്കോളിൽ ഇളവ് അനുവദിച്ചിട്ടുണ്ടോ; ഇല്ലെങ്കില്‍ കെ.എസ്.ആർ.ടി.സി ബസ്സുകളില്‍ മാത്രം എപ്രകാരമാണ് യാത്രക്കാരെ ചേര്‍ത്തിരുത്തിയുള്ള യാത്ര കോവിഡ് പ്രോട്ടോക്കോളിന് വിധേയമായിട്ടെന്ന് വ്യക്തമാക്കുമോ?

അടിസ്ഥാന മേഖലകളിലെ വികസനം

1880.

ശ്രീ. തിരുവഞ്ചൂർ രാധാകൃഷ്ണൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

അടിസ്ഥാന മേഖലകളില്‍ വികസനം ഉണ്ടാക്കുന്നതിന് സംസ്ഥാനം ഇനിയും ഏറെ മുന്നോട്ടു പോകേണ്ടതുണ്ടെന്ന് സര്‍ക്കാര്‍ വിലയിരുത്തുന്നുണ്ടോ;

( ബി )

ഉല്‍പാദന മേഖലകളുടെ വളര്‍ച്ച ത്വരിതപ്പെടുത്തുന്നതിനും നമുക്ക് അനുയോജ്യമായ പുതിയ വ്യവസായ മേഖലകളിലേക്ക് കൂടുതല്‍ ശ്രദ്ധ നല്‍കുന്നതിനും ഈ സര്‍ക്കാരിന് കഴിഞ്ഞിട്ടുണ്ടോ; വിശദാംശം നല്‍കുമോ ;

( സി )

മാറുന്ന സാഹചര്യത്തില്‍ സംസ്ഥാനം കൂടുതല്‍ ശ്രദ്ധ പതിപ്പിക്കേണ്ട വളര്‍ച്ചാ മേഖലകള്‍ ഏതൊക്കെയെന്ന് കണ്ടെത്തിയിട്ടുണ്ടോ ; വിശദമാക്കുമോ ;

( ഡി )

ആയതിന്റെ അടിസ്ഥാനത്തിലാണോ സര്‍ക്കാര്‍ കഴിഞ്ഞ നാലര വര്‍ഷവും പ്രവര്‍ത്തിച്ചത്; അതിന്റെ ഗുണഫലം സംസ്ഥാനത്ത് ദൃശ്യമാണോ; വിശദമാക്കുമോ?

പങ്കാളിത്ത പെന്‍ഷന്‍ പദ്ധതി

1881.

ശ്രീ. വി.ജോയി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

പങ്കാളിത്ത പെന്‍ഷന്‍ പദ്ധതി ഏര്‍പ്പെടുത്തിയതിനുശേഷം എത്ര സര്‍വ്വീസ് സംഘടനകള്‍ പുതുതായി രജിസ്റ്റര്‍ ചെയ്തു പ്രവര്‍ത്തിക്കുന്നുവെന്ന് വ്യക്തമാക്കാമോ;

( ബി )

അത്തരത്തില്‍ രജിസ്റ്റര്‍ ചെയ്തിട്ടുള്ള സംഘടനകളുടെ പേരുവിവരങ്ങള്‍ വ്യക്തമാക്കാമോ?

വിധവാ പെന്‍ഷന്‍

1882.

ശ്രീ . ടി. വി. ഇബ്രാഹിം : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സംസ്ഥാനത്ത് വിധവാ പെന്‍ഷന്‍ വാങ്ങുന്ന സ്ത്രീകള്‍ വര്‍ഷാവര്‍ഷം പുനര്‍വിവാഹിതരല്ല എന്ന് അറിയിക്കുന്ന സാക്ഷ്യപത്രം ഗസറ്റഡ് ഓഫീസര്‍ സാക്ഷ്യപ്പെടുത്തി നല്‍കേണ്ടതുണ്ടോ - വിശദാംശങ്ങള്‍ അറിയിക്കാമോ;

( ബി )

60 വയസ്സ് കഴിഞ്ഞ,വിധവാ പെന്‍ഷന്‍ വാങ്ങുന്നവർക്ക് വാര്‍ദ്ധക്യകാല പെന്‍ഷൻ സ്കീമിലേക്കു മാറാൻ അവസരം നല്‍കുകയാണെങ്കില്‍ ഈ പ്രശ്നം പരിഹരിക്കാന്‍ സാധിക്കുമെന്ന കാര്യം പരിശോധിച്ചിട്ടുണ്ടോ;

( സി )

പ്രസ്തുത സാക്ഷ്യപത്രം ഗസറ്റഡ് ഓഫീസര്‍ സാക്ഷ്യപ്പെടുത്തുന്നതിന് പകരം ജനപ്രതിനിധികള്‍ക്ക് സാക്ഷ്യപ്പെടുത്തുവാന്‍ ഉത്തരവാദിത്വം നല്‍കുന്ന കാര്യം പരിഗണിക്കുകയാണെങ്കില്‍ അത് ജനങ്ങള്‍ക്ക് ഏറെ ഉപകാരപ്പെടുമെന്നതിനാല്‍ സര്‍ക്കാരിന് ഇക്കാര്യത്തില്‍ തീരുാമാനമെടുക്കാന്‍ സാധിക്കുമോ - വിശദമാക്കാമോ?

സാമ്പത്തിക സംവരണം

1883.

ശ്രീമതി ഇ. എസ്. ബിജിമോൾ

ശ്രീ. കെ. രാജൻ

ശ്രീമതി സി. കെ. ആശ

ശ്രീ . മുഹമ്മദ് മുഹസിൻ പി . : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

മുന്നോക്ക സമുദായങ്ങളിലെ സാമ്പത്തികമായി പിന്നോക്കം നില്‍ക്കുന്നവര്‍ക്ക് ഏര്‍പ്പെടുത്തിയ 10% സംവരണം നടപ്പിലാക്കിത്തുടങ്ങിയോ; വ്യക്തമാക്കുമോ;

( ബി )

ഇതുവരെ ഏതെല്ലാം മേഖലകളിലാണ് സാമ്പത്തിക സംവരണം നടപ്പിലാക്കിയത് എന്നറിയിക്കുമോ;

( സി )

മൊത്തം ഒഴിവുകളില്‍ 10% സംവരണമാണോ അതോ മറ്റ് സംവരണ ആനുകൂല്യം കഴിച്ചുള്ള ഒഴിവുകളിലെ 10% ആണോ സാമ്പത്തികമായി പിന്നാക്കം നില്ക്കുന്നവര്‍ക്ക് ലഭ്യമാക്കുന്നത് എന്ന് വ്യക്തമാക്കുമോ;

( ഡി )

ഇതുവരെ ഏതൊക്കെ തസ്തികകളിലേക്കുള്ള നിയമനത്തിനാണ് പ്രസ്തുത സംവരണം നടപ്പിലാക്കിയതെന്ന് അറിയിക്കുമോ;

( ഇ )

വിദ്യാഭ്യാസ രംഗത്ത് അഡ്‌മിഷനുകള്‍ക്ക് മുന്നോക്ക സംവരണം നടപ്പിലാക്കിത്തുടങ്ങിയോ എന്നും ഏതൊക്കെ മേഖലയിലുള്ള അഡ്‌മിഷനുകള്‍ക്ക് എന്നു മുതലാണ് നടപ്പിലാക്കിയതെന്നും അറിയിക്കാമോ?

അങ്കമാലി-ശബരി റെയില്‍വേ ലൈന്‍ പദ്ധതി

1884.

ശ്രീ. രാജു എബ്രഹാം : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ശബരിമല തീര്‍ത്ഥാടകര്‍ക്കുകൂടി പ്രയോജനം ചെയ്യുന്ന അങ്കമാലി-ശബരി റെയില്‍വേ ലൈന്‍ പദ്ധതി നടപ്പാക്കുന്നതിന് എന്തൊക്കെ നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് വിശദമാക്കാമോ;

( ബി )

നിര്‍ദ്ദിഷ്ട ശബരിമല ഗ്രീന്‍ഫീല്‍ഡ് എയര്‍പോര്‍ട്ടിനുകൂടി പ്രയോജനം ചെയ്യുന്ന ഈ പദ്ധതി മലയോര മേഖലയിലെ ജനങ്ങള്‍ക്കുകൂടി പ്രയോജനം ചെയ്യുംവിധം എരുമേലിയില്‍ നിന്നും പുനലൂര്‍ വരെ നീട്ടുന്നതിന് സാദ്ധ്യതാപഠനം നടത്താന്‍ സര്‍ക്കാര്‍ എന്തൊക്കെ നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് വിശദമാക്കാമോ?

സാമ്പത്തിക പിന്നോക്കാവസ്ഥ തെളിയിക്കുന്ന സാക്ഷ്യപത്രം

1885.

ശ്രീ . ജി .എസ് .ജയലാൽ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സാമ്പത്തികമായി പിന്നോക്കം നിൽക്കുന്ന മുന്നോക്ക വിഭാഗങ്ങൾക്ക് സംസ്ഥാന സർക്കാർ നിയമനങ്ങളിൽ സംവരണം ലഭിക്കുന്നതിന് സാമ്പത്തിക പിന്നോക്കാവസ്ഥ തെളിയിക്കുന്ന സർട്ടിഫിക്കറ്റ് ലഭിക്കുന്നതിനുള്ള അർഹതാമാനദണ്ഡങ്ങൾ എന്തെല്ലാമെന്ന് വിശദമാക്കാമോ?

ലെെഫ് ഭവന പദ്ധതി

1886.

ശ്രീ. എസ്. ശർമ്മ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

വെെപ്പിന്‍ നിയോജക മണ്ഡലത്തില്‍ ലെെഫ് ഭവന പദ്ധതി പ്രകാരം എത്രപേര്‍ക്ക് സുരക്ഷിതഭവനം ഒരുക്കുന്നതിന് കഴിഞ്ഞുവെന്ന് വിശദമാക്കാമോ;

( ബി )

ഗുണഭോക്താക്കളുടെ പഞ്ചായത്ത് തിരിച്ചുളള കണക്ക് ലഭ്യമാക്കാമോ?

സ്പ്രിംക്ലര്‍ കമ്പനിയുമായുള്ള കരാര്‍

1887.

ശ്രീ .പി. കെ. ബഷീർ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സംസ്ഥാന സര്‍ക്കാര്‍ കോവിഡ് പ്രതിരോധത്തിന്റെ ഭാഗമായി സ്പ്രിംഗ്ളര്‍ എന്ന അമേരിക്കന്‍ കമ്പനിയുമായി ഉണ്ടാക്കിയ കരാർ പ്രകാരം എത്ര കോവിഡ് രോഗികളുടെ എന്തെല്ലാം വ്യക്തി വിവരങ്ങളാണ് കൈമാറിയത്;

( ബി )

എങ്കില്‍ ഇത് സംബന്ധിച്ച് അന്വേഷണം നടത്താന്‍ തീരുമാനിക്കുകയോ പരിശോധന നടത്താന്‍ കമ്മീഷനെ നിയോഗിക്കുകയോ ചെയ്തിട്ടുണ്ടോ; വെളിപ്പെടുത്താമോ;

( സി )

ഒരു വിദേശ കമ്പനിയുമായി കരാര്‍ ഉണ്ടാക്കുമ്പോള്‍ പാലിക്കേണ്ട അടിസ്ഥാന നിയമങ്ങളും ചട്ടങ്ങളും പാലിക്കുന്നതില്‍ വീഴ്ച വരുത്തിയതായി കണ്ടെത്തിയിട്ടുണ്ടോ; വിശദാംശം ലഭ്യമാക്കാമോ?

ജനസാന്ത്വനം പദ്ധതി

1888.

ശ്രീ . മഞ്ഞളാംകുഴി അലി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

മുഖ്യമന്ത്രിയുടെ ജനസാന്ത്വനം പദ്ധതി സംസ്ഥാനത്ത് നടപ്പിലാക്കിയിട്ടുണ്ടോ; എങ്കില്‍ ഓരോ വര്‍ഷവും എത്ര തുക ഇതിനായി വകയിരുത്തിയിട്ടുണ്ട്; എത്ര തുക ചെലവഴിച്ചിട്ടുണ്ട്; വിശദമാക്കാമോ;

( ബി )

ഈ പദ്ധതിയിലേയ്ക്ക് ആകെ എത്ര അപേക്ഷകള്‍ ലഭിച്ചു; അപേക്ഷകള്‍ തീര്‍പ്പാക്കുന്നതിന് എന്ത് നടപടിയാണ് സര്‍ക്കാര്‍ സ്വീകരിച്ചത്; വ്യക്തമാക്കാമോ?

ഈ സര്‍ക്കാർ നടപ്പിലാക്കിയ പദ്ധതികൾ

1889.

ശ്രീ .പി. കെ. ബഷീർ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നശേഷം ഉദ്ഘാടനം ചെയ്തതും എന്നാല്‍ മുന്‍സര്‍ക്കാരിന്റെ കാലത്ത് ആരംഭിച്ചതുമായ വന്‍കിട പദ്ധതികള്‍ ഏതെല്ലാമാണ്; വിശദാംശം ലഭ്യമാക്കുമോ;

( ബി )

ഈ സര്‍ക്കാരിന്റെ കാലത്ത് ആരംഭിച്ച് ഉദ്ഘാടനം ചെയ്ത വന്‍കിട പദ്ധതികള്‍ ഏതെല്ലാമാണ്; ഇനിയും ഉദ്ഘാടനം ചെയ്യാത്തതും പുരോഗമിച്ചുകൊണ്ടിരിക്കുന്നതുമായ പദ്ധതികള്‍ ഏതെല്ലാമാണ്; വിശദാംശം ലഭ്യമാക്കുമോ;

( സി )

ഈ സര്‍ക്കാരിന്റെ കാലത്ത് ആരംഭിച്ച വന്‍കിട പദ്ധതികള്‍ക്കായി ആകെ എത്ര തുക ഇതിനകം വിനിയോഗിച്ചിട്ടുണ്ട്; ഇനി എത്ര തുക ഇതിനായി മാറ്റിവച്ചിട്ടുണ്ട്; വിശദാംശം ലഭ്യമാക്കുമോ;

( ഡി )

ഇത്തരം പദ്ധതികളുടെ നടത്തിപ്പിനോ അല്ലെങ്കില്‍ പ്രോജക്റ്റ് തയാറാക്കുന്നതിനോ കണ്‍സള്‍ട്ടന്‍സികളെ നിയമിച്ചിരുന്നോ; എങ്കില്‍ ഏതെല്ലാം കണ്‍സള്‍ട്ടന്‍സികളായിരുന്നുവെന്നും ഓരോ പദ്ധതിക്കുമായി കണ്‍സള്‍ട്ടന്‍സി ഫീസ് ഇനത്തില്‍ എത്ര തുക നല്‍കിയെന്നും വെളിപ്പെടുത്തുമോ?

കൊല്ലംജില്ലയിലെ എല്‍.ഡി.വി. ഡ്രെെവര്‍ ഗ്രേഡ് II തസ്തികയിലെ നിയമനം

1890.

ശ്രീമതി പി. അയിഷാ പോറ്റി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

എല്‍.ഡി.വി. ഡ്രെെവര്‍ ഗ്രേഡ് II തസ്തികയില്‍ കൊല്ലം ജില്ലയില്‍ നിലവില്‍ എത്ര ഒഴിവുകള്‍ നിലവിലുണ്ടെന്ന് അറിയിക്കുമോ;

( ബി )

പ്രസ്തുത ഒഴിവുകള്‍ പി.എസ്.സി- ക്ക് റിപ്പോര്‍ട്ട് ചെയ്തിട്ടുണ്ടോ; ഇല്ലെങ്കില്‍ ഒഴിവുകള്‍ റിപ്പോര്‍ട്ട് ചെയ്യുവാൻ നടപടികള്‍ സ്വീകരിക്കുമോ;

( സി )

കൊല്ലം ജില്ലയിലെ ഗ്രാമപഞ്ചായത്തുകള്‍ക്ക് സ്ഥിരം ഡ്രെെവര്‍ തസ്തിക അവസാനമായി അനുവദിച്ചത് എന്നാണെന്ന് അറിയിക്കുമോ; സ്ഥിരം ഡ്രെെവര്‍ തസ്തിക അനുവദിക്കുന്നതിന് നടപടികള്‍ സ്വീകരിക്കുമോ?

പുതിയ തസ്തികകള്‍

1891.

ശ്രീ . കെ . വി . വിജയദാസ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നശേഷം 2020 ഡിസംബര്‍ 31 വരെയുള്ള കാലയളവില്‍ സര്‍ക്കാര്‍ സര്‍വ്വീസില്‍ പുതിയതായി എത്ര തസ്തികകള്‍ സൃഷ്ടിച്ചിട്ടുണ്ടെന്ന് കാറ്റഗറി തിരിച്ചുള്ള വിവരം നല്‍കുമോ?

സിവില്‍ പോലീസ് ഓഫീസര്‍

1892.

ശ്രീമതി പി. അയിഷാ പോറ്റി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സിവില്‍ പോലീസ് ഓഫീസര്‍ റാങ്ക് ലിസ്റ്റിലെ (കാറ്റഗറി നമ്പര്‍ 657/2017) ഉദ്യോഗാര്‍ത്ഥികള്‍ക്ക് നിയമനം നല്‍കുന്നതിനായി ഉത്തരവാക്കിയ ടെമ്പററി ട്രെയിനിങ് പർപ്പസ് വേക്കന്‍സികള്‍ എത്രയാണെന്നറിയിക്കാമോ;

( ബി )

പ്രസ്തുത വേക്കന്‍സികള്‍ പി.എസ്.സിക്ക് റിപ്പോര്‍ട്ട് ചെയ്തിട്ടുണ്ടോ; ഇല്ലാത്ത പക്ഷം പ്രസ്തുത ഒഴിവുകള്‍ പി.എസ്.സിക്ക് റിപ്പോര്‍ട്ടു ചെയ്യാന്‍ നടപടികള്‍ സ്വീകരിക്കുമോ?

പി.എസ്.സി യിലെ തസ്തിക സൃഷ്ടിക്കല്‍

1893.

ശ്രീ . സി. മമ്മൂട്ടി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

കേരളത്തിലെ അഭ്യസ്തവിദ്യരായ ലക്ഷോപലക്ഷം യുവജനങ്ങളുടെ ജോലിയെന്ന സ്വപ്നം സാക്ഷാത്കരിക്കുവാന്‍ സഹായിക്കുന്ന ഭരണഘടനാ സ്ഥാപനമായ പി.എസ്.സി.ക്ക് ജോലിഭാരത്തിനനുസൃതമായി ജീവനക്കാരില്ലെന്ന വിഷയം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

( ബി )

കോവിഡ് പ്രതിസന്ധി നേരിട്ട കാലയളവില്‍ ആരോഗ്യമേഖലയില്‍ ഡോക്ടര്‍മാര്‍, നേഴ്സ് ഉള്‍പ്പെടെയുള്ള പാരാമെ‍ഡിക്കല്‍ ജീവനക്കാര്‍ എന്നിവരെ യുദ്ധകാലാടിസ്ഥാനത്തില്‍ സെലക്ഷന്‍ നടപടികള്‍ പൂര്‍ത്തിയാക്കി നിയമിക്കുവാന്‍ പരിശ്രമിച്ച പി.എസ്.സി.ക്ക് സുഗമമായ പ്രവര്‍ത്തനത്തിനാവശ്യമായ തസ്തികകള്‍ അനുവദിച്ച് നല്‍കുവാന്‍ സര്‍ക്കാര്‍ തയ്യാറാകുമോ;

( സി )

കേരള പബ്ലിക് സര്‍വീസ് കമ്മീഷനില്‍ നിന്നും തസ്തികകള്‍ അനുവദിച്ച് നല്‍കണമെന്നാവശ്യപ്പെട്ടുള്ള ഏതെങ്കിലും പ്രൊപ്പോസല്‍ നിലവില്‍ സര്‍ക്കാരിന്റെ പരിഗണനയിലുണ്ടോ?

ഗ്രാമപഞ്ചായത്തുകളിലെ ടൈപ്പിസ്റ്റ് തസ്തിക

1894.

ശ്രീ . ഷാഫി പറമ്പിൽ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

കേരളത്തിലെ ഗ്രാമപഞ്ചായത്ത് കാര്യാലയങ്ങളില്‍ നാളിതുവരെ ടൈപ്പിസ്റ്റ് തസ്തിക അനുവദിച്ചിട്ടില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ; ഗ്രാമപഞ്ചായത്തുകളില്‍ ഡാറ്റാ എന്‍ട്രി ഓപ്പറേറ്റര്‍ തുടങ്ങിയ പേരുകളില്‍ താല്‍ക്കാലിക/ദിവസ വേതനാടിസ്ഥാനത്തില്‍ നിയമനങ്ങള്‍ നടത്തിവരുന്നുണ്ടെങ്കിലും പല ഗ്രാമപഞ്ചായത്തുകളും ടൈപ്പിസ്റ്റ് തസ്തിക അനുവദിക്കണമെന്ന തീരുമാനമെടുത്ത് സര്‍ക്കാരിനെ അറിയിച്ചിട്ടുണ്ടോ;

( ബി )

പ്രസ്തുത വിവരം പഞ്ചായത്ത് ഡയറക്ടറുടെ 14.05.2018-ലെ ഇ10-21788/2014 നമ്പറായി അഡീഷണല്‍ ചീഫ് സെക്രട്ടറിക്ക് അയച്ച കത്തില്‍ വിശദമായി പരാമര്‍ശിച്ചിട്ടുളള സാഹചര്യത്തില്‍ ഗ്രാമപഞ്ചായത്ത് കാര്യാലയങ്ങളില്‍ ടൈപ്പിസ്റ്റ് തസ്തിക സൃഷ്ടിക്കുന്ന കാര്യം പരിഗണനയിലുണ്ടോ; വിശദാംശങ്ങള്‍ ലഭ്യമാക്കാമോ;

( സി )

ടൈപ്പിസ്റ്റ് തസ്തികയില്‍ നിലവില്‍ എത്ര ഒഴിവുകള്‍ പി.എസ്.സിക്ക് റിപ്പോര്‍ട്ട് ചെയ്തിട്ടുണ്ടെന്ന് അറിയിക്കുമോ; ആയതിന്റെ ജില്ല തിരിച്ചുള്ള പട്ടിക ലഭ്യമാക്കാമോ;

( ഡി )

ടൈപ്പിസ്റ്റ് തസ്തിക സൃഷ്ടിക്കുന്നത് സംബന്ധിച്ച 120/ഇപിഎ1/15/തസ്വഭവ തീയ്യതി 21.12.2012. 14.05.2018 ലെ 3941931/2019-EPA/LSGDനമ്പര്‍ ഫയലുകളിന്മേലുളള തീരുമാനം ലഭ്യമാക്കാമോ?

ഹെഡ്ക്വാര്‍ട്ടേഴ്സ് തസ്തികകളില്‍ സ്ഥലംമാറ്റ നിയമനം

1895.

പ്രൊഫ . കെ. യു. അരുണൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ജില്ലാ തലത്തില്‍ ഓഫീസുകളില്ലാത്ത വകുപ്പുകളിലെ ക്ലാര്‍ക്ക് തസ്തികകളിലെ ഒഴിവുകള്‍ ഹെഡ്ക്വാര്‍ട്ടേഴ്സ് തസ്തികകളായി പരിഗണിക്കുന്നത് ശ്രദ്ധയില്‍പ്പെട്ടിട്ടുണ്ടോ;

( ബി )

ഹെഡ്ക്വാര്‍ട്ടേഴ്സ് നിയമനം മാത്രമുള്ള ഇത്തരം വകുപ്പുകളില്‍ അന്തര്‍ വകുപ്പ് സ്ഥലംമാറ്റം, ജില്ലാ തല സ്ഥലംമാറ്റം എന്നിവ ലഭിക്കാത്തത് ശ്രദ്ധയില്‍പ്പെട്ടിട്ടുണ്ടോ;

( സി )

ഉണ്ടെങ്കില്‍ പ്രസ്തുത വകുപ്പുകളിലേക്ക് സ്ഥലംമാറ്റം ലഭിക്കുന്നതിന് ഉത്തരവുകളില്‍ ആവശ്യമായ ഇളവുകള്‍ വരുത്തുന്നതിന് നടപടി സ്വീകരിക്കുമോ?

പൊതുഭരണ വകുപ്പില്‍ എന്‍ട്രി കേഡര്‍ അസിസ്റ്റന്റ് തസ്തികകളുടെ എണ്ണം

1896.

ശ്രീ . ടി . എ . അഹമ്മദ് കബീർ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

പൊതുഭരണ വകുപ്പില്‍ എന്‍ട്രി കേഡര്‍ അസിസ്റ്റന്റ് വിഭാഗത്തിലെ അംഗീകരിക്കപ്പെട്ട തസ്തികകളുടെ എണ്ണം (കേഡര്‍ സ്ട്രെങ്ത്) എത്രയാണ്;

( ബി )

നിലവില്‍ പൊതുഭരണ വകുപ്പില്‍ എന്‍ട്രി കേഡര്‍ അസിസ്റ്റന്റ് വിഭാഗത്തില്‍ എത്ര പേര്‍ ജോലി ചെയ്യുന്നുണ്ട്; ലീവ്, ഡെപ്യൂട്ടേഷന്‍ എന്നിവ തിരിച്ചുളള കണക്ക് ഉള്‍പ്പെടെ നല്‍കാമോ;

( സി )

നിലവില്‍ പൊതുഭരണ വകുപ്പിലെ എന്‍ട്രി കേഡര്‍ അസിസ്റ്റന്റ് വിഭാഗത്തില്‍ കേഡര്‍ സ്ട്രെങ്ത് പ്രകാരമുളള ജീവനക്കാരുണ്ടോ; ഇല്ലെങ്കില്‍ ഈ ഒഴിവുകള്‍ പി.എസ്.സി.യ്ക്ക് റിപ്പോര്‍ട്ട് ചെയ്തിട്ടുണ്ടോയെന്ന് അറിയിക്കാമോ?

ഇ ഓഫീസ്

1897.

ശ്രീ .കെ .എൻ .എ. ഖാദർ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സംസ്ഥാനത്തെ എല്ലാ സര്‍ക്കാര്‍ ഓഫീസുകളിലെയും ഫയല്‍ നീക്കം 'ഇ ഓഫീസ്' അധിഷ്ഠിതമായ ഓണ്‍ലെെന്‍ സംവിധാനത്തിലേക്ക് കൊണ്ടുവന്നിട്ടുണ്ടോ; ഇല്ലെങ്കില്‍ ഏതൊക്കെ വകുപ്പുകളിലാണ് ഇത്തരത്തില്‍ ഓണ്‍ലെെന്‍ അധിഷ്ഠിത ഫയല്‍നീക്കം ഇനി നടപ്പിലാക്കാനുളളത്; വിശദാംശങ്ങള്‍ നല്‍കുമോ;

( ബി )

ഇത്തരത്തില്‍ ഓണ്‍ലെെന്‍ അധിഷ്ഠിത ഫയല്‍നീക്കം നടപ്പിലാക്കിയ വകുപ്പുകളിലെല്ലാം ഓഫീസുകളിലെ ഫയലുകളുടെ സ്ഥിതി പൊതുജനങ്ങള്‍ക്ക് ഓണ്‍ലെെനായി പരിശോധിക്കാനാവുമോ; ഇല്ലെങ്കില്‍ ഏതൊക്കെ വകുപ്പുകളിലാണ് ഇത്തരം സംവിധാനം ഇനി ഏര്‍പ്പെടുത്താനുളളത്;

( സി )

പൊതുജനങ്ങള്‍ വളരെയധികം ആശ്രയിക്കുന്ന പ്രധാനപ്പെട്ട എല്ലാ ഓഫീസികളിലെയും ഫയല്‍ നീക്കം ഓണ്‍ലെെനായി തിരയുന്നതിന് സംവിധാനം ഏര്‍പ്പെടുത്താന്‍ ഉടന്‍ നിര്‍ദ്ദേശം നല്‍കാമോ?

എക്സൈസ് ഡ്രൈവര്‍ തസ്തികയിലെ നിയമനം

1898.

ശ്രീ. എൽദോ എബ്രഹാം : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സംസ്ഥാന എക്സൈസ് വകുപ്പില്‍ ഡ്രൈവര്‍ നിയമനം നടത്തുന്നതിനുള്ള കാറ്റഗറി നമ്പര്‍ 659/17 ലിസ്റ്റിന്റെ കാലാവധി എന്നുവരെയാണെന്നും പ്രസ്തുത ലിസ്റ്റില്‍ നിന്നും എത്ര പേര്‍ക്ക് നിയമനം നല്‍കി എന്നും അറിയിക്കാമോ ;

( ബി )

എക്സൈസ് ഡ്രൈവര്‍ തസ്തികയില്‍ എത്ര ഒഴിവുകളാണ് നിലവിലുള്ളതെന്നും എത്ര ഒഴിവുകള്‍ പി.എസ്.സി യ്ക്ക് റിപ്പോര്‍ട്ട് ചെയ്തിട്ടുണ്ടെന്നും വിശദമാക്കാമോ?

സര്‍ക്കാര്‍ ജീവനക്കാരുടെ ഡി.എ. കുടിശ്ശിക

1899.

ശ്രീ . ടി. വി. ഇബ്രാഹിം : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സംസ്ഥാന സര്‍ക്കാര്‍ ജീവനക്കാര്‍ക്ക് അവസാനമായി ഡി.എ. അനുവദിച്ചത് എന്നാണെന്നറിയിക്കുമോ;

( ബി )

ജീവനക്കാര്‍ക്ക് കുടിശ്ശികയുള്ള ഡി.എ. നല്‍കാന്‍ ഉദ്ദേശിക്കുന്നുണ്ടോ; ഉണ്ടെങ്കില്‍ എന്ന്; എത്ര ശതമാനമെന്ന് അറിയിക്കുമോ;

( സി )

ജീവനക്കാര്‍ക്ക് യഥാസമയം ഡി.എ. അനുവദിക്കാത്ത മറ്റൊരു കാലഘട്ടം സമീപകാലത്ത് കേരളത്തിലുണ്ടായിട്ടുണ്ടോ; യഥാസമയം ഡി.എ. വര്‍ദ്ധിപ്പിച്ചു നല്‍കാന്‍ സാധിക്കാത്തതിന്റെ കാരണം വ്യക്തമാക്കാമോ;

( ഡി )

ഈ സര്‍ക്കാരിന്റെ കാലത്ത് സംസ്ഥാന സര്‍ക്കാര്‍ ജീവനക്കാര്‍ക്ക് ശമ്പളപരിഷ്കരണം നടപ്പിലാക്കാന്‍ സാധിക്കുമോ; ഇതിന് വേണ്ടി സര്‍ക്കാര്‍ ചെയ്ത കാര്യങ്ങള്‍ അറിയിക്കാമോ?

പി.എസ്.സി. നിയമന തസ്തികകളുടെ സ്വയംഭരണ സ്ഥാപനങ്ങളിലേക്കുള്ള കൈമാറ്റം

1900.

ശ്രീ. റോജി എം. ജോൺ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

കേരള പബ്ലിക് സര്‍വ്വീസ് കമ്മീഷന്‍ വഴി നിയമനം നടത്തിക്കൊണ്ടിരിക്കുന്ന ഏതെങ്കിലും തസ്തികകള്‍ സ്വയംഭരണ സ്ഥാപനത്തിന് കൈമാറുന്നതിന് സര്‍ക്കാര്‍ തീരുമാനിച്ചിട്ടുണ്ടോ; വിശദാംശം ലഭ്യമാക്കാമോ;

( ബി )

നേരിട്ട് നിയമനം നടത്തുന്ന സ്വയംഭരണ സ്ഥാപനങ്ങളിലേക്ക്, പി.എസ്.സി.വഴി നിയമനം നടന്നുവരുന്ന സര്‍ക്കാര്‍ വകുപ്പിലെ ജീവനക്കാരെയും തസ്തികകളെയും കൈമാറുന്ന കാര്യത്തില്‍ സര്‍ക്കാര്‍ നിലപാട് എന്താണെന്ന് വ്യക്തമാക്കാമോ;

( സി )

പ്രസ്തുത നിലപാടില്‍ നിന്നും സര്‍ക്കാര്‍ പിന്തിരിയാനുള്ള നടപടി സ്വീകരിക്കുമോ; അറിയിക്കാമോ?

പൂര്‍ണ്ണമായ ദിവസങ്ങളില്‍ ജോലി ചെയ്യാനാവാത്ത ജീവനക്കാരുടെ ശമ്പളം

1901.

ശ്രീ. കെ എം ഷാജി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ഗവഃ/ബോര്‍ഡ്/കോര്‍പ്പറേഷന്‍ എന്നിവടങ്ങളില്‍ ജോലി എടുക്കുന്ന നിരവധി ആരോഗ്യ പ്രശ്നങ്ങളാല്‍ ഓരോ മാസവും പൂര്‍ണ്ണമായ ദിവസങ്ങളില്‍ ജോലി ചെയ്യാനാവാത്ത ജീവനക്കാരുടെ ശമ്പളം, കൃത്യമായ ദിവസം ജോലി നോക്കുന്ന മറ്റുളളവര്‍ക്കൊപ്പം പ്രതിമാസശമ്പളം നല്‍കുന്നതില്‍ എന്താണ് തടസ്സമെന്നു വ്യക്തമാക്കുമോ;

( ബി )

ഇത്തരത്തില്‍ ജോലി എടുക്കുന്ന തന്റേതായ കാരണങ്ങളല്ലാത്ത വിവിധ രോഗത്തിന് അടിമപ്പെട്ട് കഴിയുന്ന ഇക്കൂട്ടർക്ക് ജോലി എടുത്ത പ്രതിമാസ ശമ്പളം വിതരണം ചെയ്യുന്നതില്‍ സര്‍ക്കാരിന് നയംമാറ്റം ഉണ്ടായിട്ടുണ്ടോ;

( സി )

ഇല്ലെങ്കില്‍ കഴിഞ്ഞ സർക്കാരിന്റെ കാലംവരെ ഇത്തരക്കാരുടെ ശമ്പളം പൂര്‍ണ്ണമായും മാസ ജോലി നോക്കുന്നവരുടേതിനനുബന്ധമായി (സപ്ലിമെന്ററി ബില്‍) തയ്യാറാക്കി നല്‍കി വന്ന രീതിയില്‍ വരുത്തിയ മാറ്റം സ്വകാര്യ മേഖലയെപ്പോലും വെല്ലുവിളിക്കുന്നതാണെന്ന് അറിവുള്ളതാണോ;

( ഡി )

സർക്കാർ തീരുമാനത്തിനെതിരെ ഉദ്യോഗസ്ഥ തീരുമാനമാണ് നടപ്പിലാക്കുന്നതെങ്കില്‍ കെ.എസ്.ആർ.ടി.സി.യിലെ ഇത്തരം തീരുമാനം സ്വമേധയാ നടപ്പിലാക്കുന്ന ഉദ്യോഗസ്ഥ വൃന്ദത്തെ സർക്കാർ തീരുമാനം ലംഘിക്കുന്നില്ലെന്ന് ഉറപ്പാക്കാന്‍ വകുപ്പ് മേധാവിക്ക് കനത്ത ജാഗ്രതാ നിര്‍ദ്ദേശം നല്കുമോ; എങ്കില്‍ വിശദവിവരം ലഭ്യമാക്കുമോ?

സാമൂഹിക സന്നദ്ധസേന വകുപ്പ്

1902.

ശ്രീ . സി. മമ്മൂട്ടി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സാമൂഹിക സന്നദ്ധസേന എന്ന വകുപ്പ് സ്ഥാപിതമായതിന്റെ ലക്ഷ്യങ്ങള്‍ എന്തൊക്കെ; പ്രസ്തുത വകുപ്പിന് സ്വന്തമായി ഓഫീസും സംവിധാനവുമുണ്ടോ; എത്ര പേര്‍ ഈ വകുപ്പില്‍ ജോലി നോക്കുന്നു; ഡെപ്യൂട്ടേഷനില്‍ എത്ര പേര്‍; കോണ്‍ട്രാക്ട് വ്യവസ്ഥയിലെത്ര; ഇവരുടെ സേവനവേതനവ്യവസ്ഥകള്‍; എന്നിവ വിവരിക്കുമോ;

( ബി )

പ്രസ്തുത വകുപ്പില്‍ നിയോഗിച്ചിട്ടുള്ളവര്‍ക്ക് ഒരു വര്‍ഷത്തോളമായി ശമ്പളം ലഭ്യമാക്കിയിട്ടില്ല എന്ന കാര്യം ശ്രദ്ധയില്‍ വന്നിട്ടുണ്ടോ;

( സി )

പ്രസ്തുത വകുപ്പിലെ സ്റ്റാഫുകള്‍ക്ക് ശമ്പളം നല്‍കുന്നത് ഏത് ഫണ്ടില്‍ നിന്നാണ് എന്ന് വ്യക്തമാക്കുമോ?

സര്‍ക്കാര്‍ ജീവനക്കാരുടെ ശുന്യവേതനാവധി

1903.

ശ്രീ . അബ്ദുൽ ഹമീദ് .പി . : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സര്‍ക്കാര്‍ ഉദ്യോഗസ്ഥര്‍ക്ക് വിദേശത്തോ സ്വദേശത്തോ മെച്ചപ്പെട്ട ജോലിയില്‍ ഏര്‍പ്പെടുന്നതിനോ വിദേശത്തുള്ള പങ്കാളിയോടൊപ്പം താമസിക്കുന്നതിനോ അനുവദിച്ചു വന്നിരുന്ന ശൂന്യവേതനാവധി പരമാവധി അഞ്ച് വര്‍ഷം മാത്രമായി ചുരുക്കിക്കൊണ്ടു 5.11.2020 ന് സര്‍ക്കാര്‍ ഉത്തരവ് ഇറക്കിയിട്ടുണ്ടോ;

( ബി )

നിലവില്‍ അഞ്ചു വര്‍ഷത്തിലധികമായി ശൂന്യവേതനാവധിയില്‍ തുടരുന്ന ജീവനക്കാര്‍ക്ക് ഇതിനകം അനുവദിച്ച കാലയളവ് വരെ അവധിയില്‍ തുടരുന്നതിനു അനുമതിയുണ്ടാകുമോ എന്നറിയിക്കുമോ;

( സി )

ഇതു സംബന്ധിച്ച് 30.12.2020 ന് ഇറങ്ങിയ സര്‍ക്കുലറിലെ മാര്‍ഗ്ഗനിര്‍ദ്ദേശങ്ങള്‍ പ്രവാസികള്‍ക്ക് പ്രയാസങ്ങള്‍ സൃഷ്ടിക്കുന്നതായി ശ്രദ്ധയില്‍പ്പെട്ടിട്ടുണ്ടോ;

( ഡി )

സര്‍ക്കാര്‍ അവധി അനുവദിക്കുമെന്ന പ്രതീക്ഷയില്‍ അവധി നീട്ടാന്‍ വേണ്ടി കാത്തിരിക്കുന്ന പ്രവാസികളായ സര്‍ക്കാര്‍ ജീവനക്കാര്‍ക്ക് പെട്ടെന്നുണ്ടായ തീരുമാനം പ്രയാസം ഉണ്ടാകുമെന്നതിനാല്‍ അര്‍ഹമായ കേസുകളില്‍ ശുന്യവേതനാവധി നീട്ടി നല്‍കുന്നതിന് നടപടി സ്വീകരിക്കുമോ; വിശദമാക്കാമോ?

സെക്രട്ടേറിയേറ്റില്‍ തീര്‍പ്പാക്കുവാനുള്ള ഫയലുകള്‍

1904.

ശ്രീ. അൻവർ സാദത്ത് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ആദ്യമായി മുഖ്യമന്ത്രി സെക്രട്ടേറിയേറ്റ് ജീവനക്കാരെ അഭിസംബോധന ചെയ്തപ്പോള്‍ ഓരോ ഫയലും ഓരോ ജീവിതമാണെന്ന് അവരെ ഉല്‍ബോധിപ്പിച്ചുവെങ്കിലും തദനുസൃതമായി ഫയല്‍ തീര്‍പ്പാക്കുന്നതിന് ഒരു വിഭാഗം ജീവനക്കാര്‍ ശുഷ്കാന്തി കാണിക്കുന്നില്ലായെന്നത് ശ്രദ്ധയിൽ പെട്ടിട്ടുണ്ടോ;

( ബി )

31.12.2020 ലെ കണക്കനുസരിച്ച് സെക്രട്ടേറിയേറ്റില്‍ എത്ര ഫയലുകളാണ് തീര്‍പ്പാക്കുവാനുള്ളത് ; വകുപ്പ് തിരിച്ചുള്ള വിശദാംശം നല്‍കുമോ ?

തീരദേശ പരിപാലന പ്ലാന്‍

1905.

ശ്രീ. എസ്. ശർമ്മ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

2019 - ലെ തീരദേശ വിജ്ഞാപനപ്രകാരമുള്ള തീരദേശ പരിപാലന പ്ലാന്‍ സമയബന്ധിതമായി തയ്യാറാക്കി സമര്‍പ്പിക്കുന്നതിനായി കേന്ദ്രഭൗമശാസ്ത്ര പഠന കേന്ദ്രത്തെ സര്‍ക്കാര്‍ ചുമതലപ്പെടുത്തിയിരുന്നുവോയെന്ന് വ്യക്തമാക്കാമോ ;

( ബി )

1:25000, 1:4000 എന്നീ സ്കെയിലുകളിലുള്ള കരട് തീരദേശപരിപാലന പ്ലാനുകള്‍ സര്‍ക്കാര്‍ നിര്‍ദ്ദേശിച്ച സമയപരിധിക്കകം തന്നെ ലഭിച്ചിട്ടുണ്ടോയെന്ന് വ്യക്തമാക്കാമോ ;

( സി )

എങ്കില്‍, ഇക്കാര്യത്തില്‍ സര്‍ക്കാര്‍ സ്വീകരിച്ച തുടര്‍ നടപടികള്‍ വിശദമാക്കാമോ ?

കല്‍പ്പറ്റ മണ്ഡലത്തിലെ നൂറുദിന കര്‍മ്മപരിപാടി

1906.

ശ്രീ .സി .കെ .ശശീന്ദ്രൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

നൂറുദിന കര്‍മ്മ പരിപാടികളുടെ ഭാഗമായി കല്‍പ്പറ്റ നിയോജക മണ്ഡലത്തില്‍ എന്തെല്ലാം കാര്യങ്ങള്‍ നടപ്പിലാക്കി ; വിശദമാക്കാമോ ?

വര്‍ക്കല മണ്ഡലത്തില്‍ ലൈഫ് പദ്ധതി

1907.

ശ്രീ. വി.ജോയി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

വര്‍ക്കല മണ്ഡലത്തിലെ വര്‍ക്കല മുനിസിപ്പാലിറ്റിയിലും വെട്ടൂര്‍, ചെമ്മരുതി, ഇലകമണ്‍, നാവായിക്കുളം, ഇടവ, പള്ളിക്കല്‍, മടവൂര്‍ ഗ്രാമപഞ്ചായത്തുകളിലും ലൈഫ് പദ്ധതിയില്‍ ഉള്‍പ്പെടുത്തി എത്ര വീടുകള്‍ അനുവദിച്ചിട്ടുണ്ടെന്ന് വ്യക്തമാക്കാമോ ;

( ബി )

അവയില്‍ പൂര്‍ത്തിയായവ എത്രയെന്ന് തദ്ദേശ സ്ഥാപനങ്ങള്‍ വേര്‍തിരിച്ച് വ്യക്തമാക്കാമോ;

( സി )

വര്‍ക്കല മണ്ഡലത്തില്‍ ലൈഫ് പദ്ധതി മുഖേന വീട് ലഭിക്കുന്നതിന് എത്ര അപേക്ഷകള്‍ ലഭിച്ചിട്ടുണ്ടെന്ന് വ്യക്തമാക്കാമോ?

പൊതുമേഖലാ സ്ഥാപനങ്ങളിലെ സ്പെഷ്യല്‍ റൂള്‍ രൂപീകരണം

1908.

ശ്രീ . അബ്ദുൽ ഹമീദ് .പി . : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സര്‍ക്കാരിന്റെ നൂറുദിന കര്‍മ്മപരിപാടിയില്‍ ഉള്‍പ്പെട്ട വിവിധ പൊതുമേഖല സ്ഥാപനങ്ങളില്‍ സ്പെഷ്യല്‍ റൂള്‍ രൂപീകരണം പൂര്‍ത്തിയായോ എന്നറിയിക്കാമോ;

( ബി )

പി.എസ്.സി. വഴി നിയമനം നടത്താന്‍ ഉത്തരവായിട്ടുള്ള മുഴുവന്‍ സ്ഥാപനങ്ങളിലേയും ഒഴിവുകള്‍ പി.എസ്.സി.ക്ക് റിപ്പോര്‍ട്ട് ചെയ്യാന്‍ നടപടി സ്വീകരിക്കുമോ;

( സി )

ഏതെങ്കിലും പൊതുമേഖല സ്ഥാപനത്തില്‍ സ്റ്റാഫ് പാറ്റേണ്‍ നിലവില്‍ വരുത്തുന്നതിന് എന്തെങ്കിലും സാങ്കേതിക തടസ്സങ്ങള്‍ നിലവിലുണ്ടോ; എങ്കില്‍ ഇത് പരിഹരിക്കാന്‍ നടപടി സ്വീകരിക്കുമോ?

റീബില്‍ഡ് കേരള

1909.

ശ്രീ. എസ്. രാജേന്ദ്രൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

റീബില്‍ഡ് കേരളയില്‍ ഉള്‍പ്പെട്ടിട്ടുള്ള ദേവികുളം നിയോജക മണ്ഡലത്തിലെ റോഡ്, പാലം തുടങ്ങിയ നിര്‍മ്മാണ പദ്ധതികള്‍ ഏതൊക്കെയാണെന്ന് വ്യക്തമാക്കാമോ ;

( ബി )

പ്രസ്തുത പദ്ധതികള്‍ ഓരോന്നും നിലവില്‍ ഏത് ഘട്ടത്തില്‍ ആണെന്ന് വ്യക്തമാക്കാമോ ?

ആശ്രിത നിയമനം

1910.

പ്രൊഫ . കെ. യു. അരുണൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സര്‍വ്വീസിലിരിക്കെ മരണപ്പെടുന്ന സര്‍ക്കാര്‍ ജീവനക്കാരുടെ ആശ്രിതര്‍ക്ക് ലഭിക്കേണ്ട ആനുകൂല്യങ്ങള്‍ ലഭിക്കുന്നതില്‍ കാലതാമസം നേരിടുന്നത് ശ്രദ്ധയില്‍പെട്ടിട്ടുണ്ടോ;

( ബി )

പ്രസ്തുത താമസം ഒഴിവാക്കുന്നതിനാവശ്യമായ നടപടി സ്വീകരിക്കുമോ;

( സി )

ആശ്രിത നിയമനവുമായി ബന്ധപ്പെട്ട കാലതാമസം ഒഴിവാക്കുന്നതിന് സ്വീകരിച്ച നടപടികളെ കുറിച്ച് വിശദമാക്കാമോ?

സ്റ്റാര്‍ട്ടപ്പുകള്‍ക്ക് പ്രോത്സാഹനം നല്‍കുന്നതിന് സ്വീകരിച്ച നടപടികള്‍

1911.

ശ്രീ. വി .ഡി. സതീശൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സംസ്ഥാനത്ത് സ്റ്റാര്‍ട്ടപ്പുകള്‍ക്ക് പ്രോത്സാഹനം നല്‍കുന്നതിന് സ്വീകരിച്ച നടപടികള്‍ എന്തൊക്കെയാണ്; ഇതുമൂലം സംസ്ഥാനത്ത് ഇതിനകം എത്ര സ്റ്റാര്‍ട്ടപ്പുകള്‍ ഈ സര്‍ക്കാരിന്റെ കാലത്ത് രജിസ്റ്റര്‍ ചെയ്തു;

( ബി )

മൂലധനത്തിന്റെ അഭാവമാണ് സ്റ്റാര്‍ട്ടപ്പുകള്‍ നേരിടുന്ന പ്രധാന വെല്ലുവിളി എന്നതിനാല്‍ അത് പരിഹരിക്കുന്നതിന് എന്തൊക്കെ ഇടപെടലുകളാണ് സര്‍ക്കാര്‍ തലത്തില്‍ നടത്തുന്നത്;

( സി )

സ്റ്റാര്‍ട്ടപ്പുകള്‍ക്ക് കെ.എഫ്.സി. യും, കെ.എസ്.ഐ.ഡി.സി. യും കൊളാറ്ററല്‍ സെക്യൂരിറ്റി ഇല്ലാതെ പണം നല്‍കുമെന്ന പ്രഖ്യാപനം പ്രാവര്‍ത്തികമാക്കിയിട്ടുണ്ടോ; എങ്കില്‍ എത്ര പേര്‍ക്ക് ഇതിനകം ധനസഹായം നല്‍കി എന്ന് വെളിപ്പെടുത്താമോ;

( ഡി )

വന്‍കിട കമ്പനികള്‍ സ്റ്റാര്‍ട്ടപ്പുകള്‍ക്ക് ലഭിക്കുന്ന ആനുകൂല്യങ്ങള്‍ നേടുന്നതിനായി സ്റ്റാര്‍ട്ടപ്പുകള്‍ രൂപീകരിക്കുന്ന പ്രവണത ശ്രദ്ധയില്‍പ്പെട്ടിട്ടുണ്ടോ; ഇക്കാര്യത്തില്‍ എന്ത് നടപടിയാണ് സ്വീകരിച്ചിട്ടുള്ളത് എന്നറിയിക്കാമോ?

ഭിന്നശേഷിക്കാരായ സര്‍ക്കാര്‍ ജീവനക്കാരുടെ ഉദ്യോഗക്കയറ്റം

1912.

ശ്രീ. വി.ജോയി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

ഭിന്നശേഷിക്കാരായ സര്‍ക്കാര്‍ ജീവനക്കാര്‍ക്ക് ഉദ്യോഗക്കയറ്റം നല്കുന്നതില്‍ സംവരണം ഏര്‍പ്പെടുത്തണമെന്ന് കോടതി ഉത്തരവ് പുറപ്പെടുവിച്ചിട്ടുള്ളതായി ശ്രദ്ധയില്‍പ്പെട്ടിട്ടുണ്ടോ;

( ബി )

അത്തരത്തില്‍ കോടതി ഉത്തരവ് ലഭിച്ചിട്ടുണ്ടെങ്കില്‍ ആയതിന്‍മേല്‍ എന്തെങ്കിലും നടപടി സ്വീകരിച്ചിട്ടുണ്ടോയെന്ന് വ്യക്തമാക്കാമോ?

ഹയര്‍സെക്കന്ററി അധ്യാപകരുടെ പി.എസ്.സി. നിയമനം

1913.

ശ്രീ . പി . ഉബൈദുള്ള : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

2020 ജനുവരി മുതല്‍ നാളിതുവരെ പി.എസ്.സി. നിയമന ശുപാര്‍ശ ലഭിച്ച എത്ര ഹയര്‍ സെക്കന്ററി അധ്യാപകര്‍ക്കാണ് നിയമന ഉത്തരവ് നല്‍കിയിട്ടുള്ളതെന്നറിയിക്കാമോ;

( ബി )

നൂറുദിന കര്‍മ്മപരിപാടിയില്‍ ഉള്‍പ്പെടുത്തി നിയമനം നല്‍കി എന്ന് ഔദ്യോഗിക വെബ് സൈറ്റില്‍ പ്രസിദ്ധീകരിച്ചിട്ടും ഉദ്യോഗാര്‍ത്ഥിക്ക് നിയമന ഉത്തരവ് കിട്ടിയിട്ടില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ; ഇക്കാര്യം പരിശോധിക്കുവാന്‍ തയ്യാറാകുമോ;

( സി )

10.12.2020-ലെ സര്‍ക്കാര്‍ ഉത്തരവ് പ്രകാരം എല്‍.പി.എസ്.എ/യു. പി.എസ്.എ/എച്ച്.എസ്.എ അധ്യാപക തസ്തികകളില്‍ നിബന്ധനകള്‍ക്ക് വിധേയമായി നിയമന ഉത്തരവ് നല്‍കിയപ്പോള്‍ ഹയര്‍ സെക്കന്ററി അധ്യാപകര്‍ക്ക് നിയമന ഉത്തരവ് നല്‍കിയിട്ടുണ്ടോ; ഇല്ലെങ്കില്‍ അതിന്റെ കാരണം വ്യക്തമാക്കുമോ?

പി.എസ്.സി-യുടെ എല്‍.ഡി. ക്ലാര്‍ക്ക് (വിവിധ വകുപ്പ്) റാങ്ക് ലിസ്റ്റ്

1914.

ശ്രീ . ഷാഫി പറമ്പിൽ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

വിവിധ വകുപ്പുകളില്‍ നിന്നും പി.എസ്.സി.യില്‍ എത്തുന്ന ഒഴിവുകളില്‍ യഥാസമയം നിയമന ശുപാര്‍ശ ചെയ്യുന്നതില്‍ കാലതാമസമുണ്ടാകുന്ന കാര്യം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇതുമായി ബന്ധപ്പെട്ട് സ്വീകരിച്ച തുടര്‍ നടപടികളുടെ വിശദാംശങ്ങള്‍ ലഭ്യമാക്കാമോ;

( ബി )

ആശ്രിത നിയമനങ്ങള്‍ക്കുള്ള മാനദണ്ഡങ്ങള്‍ക്ക് വിരുദ്ധമായി പല വകുപ്പുകളിലും ഒഴിവുകള്‍ നീക്കിവെയ്ക്കുന്നതായുള്ള എല്‍.ഡി.ക്ലാര്‍ക്ക് റാങ്ക് ലിസ്റ്റില്‍ ഉള്‍പ്പെട്ട ഉദ്യോഗാര്‍ത്ഥികളുടെ പരാതി ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇക്കാര്യം സംബന്ധിച്ച വിശദാംശങ്ങള്‍ ലഭ്യമാക്കാമോ?

വിവിധ വകുപ്പുകളുടെ പരസ്യം

1915.

ശ്രീ . കെ. സി . ജോസഫ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

2019-20, 2020-21 വര്‍ഷങ്ങളില്‍ ഇതുവരെ സർക്കാരിന്റെ വിവിധ വകുപ്പുകളുടെ പരസ്യത്തിനായി എത്രകോടി രൂപയുടെ സാമ്പത്തിക ബാധ്യതയാണ് ഉണ്ടാക്കിയിട്ടുളളതെന്ന് വെളിപ്പെടുത്തുമോ;

( ബി )

പരസ്യം നല്‍കുന്ന ചുമതല പി.ആർ.ഡി. യില്‍ നിന്നും സ്വകാര്യ ഏജന്‍സികള്‍ക്ക് കെെമാറിയിട്ടുണ്ടോ; ഉണ്ടെങ്കില്‍ കാരണം എന്താണ്?

മുഖ്യമന്ത്രിയുടെ ഉപദേഷ്ടാക്കള്‍

1916.

ശ്രീ . ഐ .സി .ബാലകൃഷ്ണൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

മുഖ്യമന്ത്രിക്ക് നിലവില്‍ എത്ര ഉപദേഷ്ടാക്കളുണ്ട്; അവര്‍ ആരൊക്കെയാണ്;

( ബി )

ഉപദേഷ്ടാക്കളില്‍ ശമ്പളം കൈപ്പറ്റുന്നവര്‍ ആരൊക്കെ; അവര്‍ ഓരോരുത്തര്‍ക്കും ശമ്പളവും മറ്റാനുകൂല്യ ഇനത്തിലും ഇതിനകം എന്ത് തുക ചെലവഴിച്ചു;

( സി )

ശമ്പളം പറ്റാത്ത ഉപദേഷ്ടാക്കള്‍ ആരൊക്കെ; അവര്‍ ഓരോരുത്തര്‍ക്കും എന്തൊക്കെ ആനുകൂല്യങ്ങളാണ് നല്‍കുന്നത്; വിശദമാക്കുമോ;

( ഡി )

ഉപദേഷ്ടാക്കാള്‍ ഓരോരുത്തരുടെയും വാഹനത്തിന് പെട്രോള്‍/ഡീസല്‍ ഇനത്തില്‍ നാളിതുവരെ എന്ത് തുക ചെലവഴിച്ചു ?

റീബിൽഡ് കേരളയ്ക്കുളള വിദേശ വായ്പ

1917.

ശ്രീ. പി. സി. ജോർജ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

റീബിൽഡ് കേരളയ്ക്ക് എത്ര വിദേശരാഷ്ട്രങ്ങളിൽ നിന്ന് വായ്പ ലഭിച്ചിട്ടുണ്ടെന്ന് അറിയിക്കാമോ;

( ബി )

ഇത്തരം വിദേശവായ്പകളിലൂടെ നാളിതുവരെ എത്ര കോടി രൂപ സമാഹരിക്കാൻ കഴിഞ്ഞിട്ടുണ്ട്;

( സി )

പുതിയതായി എന്തെങ്കിലും പദ്ധതി കൂട്ടിച്ചേർക്കാൻ സർക്കാർ ഉദ്ദേശിക്കുന്നുണ്ടോ; വിശദമാക്കാമോ?

കൊച്ചി മണ്ഡലം - റീബിൽഡ്‌ കേരള പദ്ധതി

1918.

ശ്രീ. കെ. ജെ. മാക്സി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

റീബിൽഡ്‌ കേരള പദ്ധതിയുമായി ബന്ധപ്പെട്ട് കൊച്ചി നിയോജക മണ്ഡലത്തില്‍ എത്ര കോടിയുടെ ഏതൊക്കെ പദ്ധതികളാണ് അനുവദിച്ചിട്ടുള്ളത്;

( ബി )

ഇതില്‍ ഏതൊക്കെ പദ്ധതികള്‍ പൂര്‍ത്തീകരിച്ചു; വ്യക്തമാക്കുമോ;

( സി )

പൂര്‍ത്തീകരിക്കാത്ത പദ്ധതികളുടെ പ്രവര്‍ത്തന പുരോഗതി വിലയിരുത്തിയിട്ടുണ്ടോ; വിശദാംശം വ്യക്തമാക്കുമോ?

ദുരിതാശ്വാസക്യാമ്പുകളിലേക്ക് ഇന്ധനം നല്‍കിയ വകയിലെ തുക

1919.

ശ്രീ. റോജി എം. ജോൺ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

2018-ലെ മഹാപ്രളയത്തില്‍ ദുരന്തനിവാരണത്തിന് എറണാകുളം ജില്ലയിലെ വിവിധ ക്യാമ്പുകളിലേക്ക് ഇന്ധനം നല്‍കിയ വകയിലെ തുക അനുവദിച്ചു കിട്ടുന്നതിന് എറണാകുളം ജില്ല കളക്ടര്‍ മുമ്പാകെ മെസ്സേർസ് പ്രിയാസ്, അഡ്‌ഹോക് ഡീലര്‍, ഇന്ത്യന്‍ ഓയില്‍ കമ്പനി ലിമിറ്റഡ്, പൊങ്ങം സമര്‍പ്പിച്ച അപേക്ഷ ശ്രദ്ധയിൽപ്പെട്ടിട്ടുണ്ടോ; എങ്കിൽ 25 മാസം പിന്നിട്ടിട്ടും പ്രസ്തുത തുക അനുവദിക്കാത്തതിന്റെ കാരണം വിശദമാക്കാമോ;

( ബി )

മുൻ‌കൂർ അനുവാദമില്ലാതെയും കീഴ്വഴക്കം ഇല്ലാതെയും ഒരു ദുരന്തം നേരിടുന്നതിന് സര്‍ക്കാരിന്റെയും ഉത്തരവാദപ്പെട്ട ജനപ്രതിനിധികളുടേയും ആവശ്യപ്രകാരവും പ്രളയബാധിതരെ സഹായിക്കുവാന്‍ മുന്നോട്ടുവന്ന ഇത്തരം സ്ഥാപനങ്ങളെ ബാലിശമായ കാരണം പറഞ്ഞ് ബില്ല് വെെകിപ്പിക്കുന്നതിന്റെ കാരണം സര്‍ക്കാര്‍ വിശദമായി പരിശോധിച്ച് പരിഹാരനടപടി സ്വീകരിക്കുമോ;

( സി )

എറണാകുളം ജില്ലയിലെ പ്രളയദുരിതാശ്വാസ തട്ടിപ്പുമായി ഇതിന് ബന്ധമുണ്ടോ എന്നും ഇവരുടെ അപേക്ഷയിൽ മറ്റാരെങ്കിലും പണം കൈപ്പറ്റിയിട്ടുണ്ടോയെന്നും പരിശോധിക്കുമോ; വിശദാംശം ലഭ്യമാക്കാമോ;

( ഡി )

പ്രസ്തുത വിഷയത്തില്‍ അപേക്ഷകന് പണം നല്‍കുന്നതിന് നേരിടുന്ന തടസ്സം എന്താണെന്ന് വ്യക്തമാക്കാമോ;

( ഇ )

പ്രകൃതിദുരന്ത സമയത്ത് കേരളം പകച്ചുനിന്നപ്പോള്‍ പ്രളയബാധിതരെ സഹായിക്കാന്‍ മുമ്പോട്ടുവന്ന ഇവരുടെ മനോവീര്യം തകര്‍ക്കുന്നതരത്തിലുള്ള ഉദ്യോഗസ്ഥനടപടി പുനഃപരിശോധിച്ച് മാനുഷികപരിഗണന നല്‍കി വിഷയം തീര്‍പ്പാക്കുന്നതിനും സര്‍ക്കാര്‍ നടപടി സ്വീകരിക്കുമോ; വിശദാംശം ലഭ്യമാക്കാമോ?