Q. No.

കേരള പൊതുവഴികള്‍ സംഘം ചേരലും ജാഥകളും (നിയന്ത്രണം) നിയമം നടപ്പില്‍വരുത്തുന്നതിന് നടപടി

ശ്രീ. പി.റ്റി.എ. റഹീം

,, എം. എ. ബേബി

,, പി. ശ്രീരാമകൃഷ്ണന്‍

,, ജെയിംസ് മാത്യൂ

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി

സദയം മറുപടി നല്‍കുമോ:

(എ) കേരള പൊതുവഴികള്‍ (സംഘം ചേരലും ജാഥകളും നിയന്ത്രണം) നിയമം നടപ്പില്‍വരുത്തുന്നതിന് ഉണ്ടായിരിക്കുന്ന തടസ്സങ്ങള്‍ എന്താണെന്ന് വിശദമാക്കുമോ;

(ബി) കേരള നിയമസഭ ഐകകണ്ഠേന പാസാക്കിയ പ്രസ്തുത നിയമം നടപ്പിലാക്കണമെന്ന സമീപനം സര്‍ക്കാരിനുണ്ടോ;

(സി)എങ്കില്‍ ഇത് സംബന്ധിച്ചുള്ള തടസ്സങ്ങള്‍ നീക്കുന്നതിന് സര്‍ക്കാര്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

(ഡി) പൊതുയോഗങ്ങളും ജാഥകളും മതപരവും ദേശീയവുമായ ഉത്സവങ്ങളും ഇപ്പോള്‍ നിയന്ത്രിക്കുന്നത് ഏത് നിയമ വ്യവസ്ഥകള്‍ വഴിയാണെന്ന് വിശദമാക്കുമോ ?

ആധാര്‍ പദ്ധതി

ശ്രീ.കെ.കെ.ജയചന്ദ്രന്‍

,, കെ. സുരേഷ് കുറുപ്പ്

,, കെ. വി. അബ്ദുള്‍ ഖാദര്‍

ശ്രീമതി പി.അയിഷാ പോറ്റി

താഴെ കാണുന്ന ചോദ്യങ്ങള്‍ക്ക്

മുഖ്യമന്ത്രി സദയം മറുപടി നല്‍കുമോ:

(എ) 'ആധാര്‍'നുവേണ്ടി യൂണീക് ഐഡന്റിഫിക്കേഷന്‍ അതോറിറ്റി നടത്തുന്ന വിവര ശേഖരണത്തിനെതിരെ സുരക്ഷാപ്രശ്നം മുന്‍നിര്‍ത്തി കേന്ദ്ര ആഭ്യന്തര മന്ത്രാലയം ഉന്നയിച്ച തടസ്സങ്ങള്‍ സംസ്ഥാന സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടേണ്ടാ ;

(ബി) ആധാര്‍ പദ്ധതി ഇപ്പോഴും സംസ്ഥാനത്ത് തുടരുന്നുണ്ടോ ;

(സി) ആധാര്‍ പദ്ധതിക്കെതിരെ സംസ്ഥാനത്ത് ഉയര്‍ന്നുവന്ന പരാതികള്‍ കേന്ദ്ര സര്‍ക്കാരിന്റെ ശ്രദ്ധയില്‍പ്പെടുത്തിയിട്ടുണ്ടോ ?

വിദേശ വായ്പകളും രൂപയുടെ മൂല്യത്തകര്‍ച്ചയും

ശ്രീ. പി. ഉബൈദുള്ള

,, പി. കെ. ബഷീര്‍

,, എന്‍. ഷംസുദ്ദീന്‍

,, അബ്ദുറഹിമാന്‍ രണ്ടത്താണി

താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ) രൂപയുടെ മൂല്യത്തിലുണ്ടാവുന്ന വ്യതിയാനം സംസ്ഥാന സമ്പദ് വ്യവസ്ഥയെ ഏതെല്ലാം വിധത്തില്‍ ബാധിക്കുന്നുണ്ടെന്ന് പരിശോധിക്കാറുണ്ടോ ; അതു സംബന്ധിച്ച വിശദവിവരം നല്കാമോ ;

(ബി) വിദേശ വായ്പകളുടെ ലഭ്യത, അവയുടെ ഉപയോഗക്ഷമത, തിരിച്ചടവ് എന്നീ കാര്യങ്ങളില്‍ രൂപയുടെ മൂല്യത്തകര്‍ച്ച ഉണ്ടാക്കുന്ന പ്രത്യാഘാതങ്ങളെക്കുറിച്ച് പഠനം നടത്തിയിട്ടുണ്ടോ ; എങ്കില്‍ വിശദമാക്കുമോ ;

(സി) വിദേശ വായ്പകളുടെ കാര്യത്തില്‍ രൂപയുടെ മുല്യത്തകര്‍ച്ച അധികബാദ്ധ്യത ഉണ്ടാക്കുമെന്നു കരുതുന്നുണ്ടോ ; എങ്കില്‍ ഏതൊക്കെ വായ്പകളിലാണ് അധികബാദ്ധ്യത പ്രതീക്ഷിക്കുന്നത് ;

(ഡി) വായ്പാ കരാര്‍ വ്യവസ്ഥ പ്രകാരം, മുല്യത്തകര്‍ച്ച മൂലം തിരിച്ചടവില്‍ ലാഭം പ്രതീക്ഷിക്കുന്ന വായ്പകളുടെ വിശദവിവരം നല്കാമോ .

മദ്യനയം

ശ്രീ. എ. പ്രദീപ്കുമാര്‍

ശ്രീ. ആര്‍. രാജേഷ്

ശ്രീ. രാജു എബ്രഹാം

ശ്രീമതി കെ. എസ്. സലീഖ

താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ) സര്‍ക്കാര്‍ പ്രഖാപിച്ച മദ്യനയം തിരുത്തേണ്ടതായി വന്നിട്ടുണ്ടോ; എങ്കില്‍ കാരണമെന്ത്;

(ബി) പ്രഖ്യാപിച്ച മദ്യനയത്തിലെ എന്തെല്ലാം

കാര്യങ്ങളിലാണ് മാറ്റം വരുത്തിയിട്ടുള്ളത്;

(സി) എന്തെല്ലാം ആശയങ്ങള്‍ അടങ്ങിയതായിരുന്നു പ്രഖ്യാപിത മദ്യനയം;

(ഡി) സര്‍ക്കാര്‍ ആദ്യം പ്രഖ്യാപിച്ച നയമനുസരിച്ച് നല്‍കപ്പെട്ട ബാര്‍ലൈസന്‍സുകളും സ്വീകരിക്കപ്പെട്ട നടപടികളും പിന്നീട് പ്രഖ്യാപിച്ച മാറ്റങ്ങള്‍ക്കനുസൃതമായി റദ്ദു ചെയ്തിട്ടുണ്ടോ?

ഇറ്റാലിയന്‍ കപ്പലില്‍ നിന്നുള്ള വെടിവെയ്പ്

ശ്രീ. സണ്ണി ജോസഫ്

,, ലൂഡി ലൂയിസ്

,, വര്‍ക്കല കഹാര്‍

താഴെ കാണുന്ന ചോദ്യങ്ങള്‍ക്ക് മുഖ്യ മന്ത്രി സദയം മറുപടി നല്‍കുമോ:

(എ) ഇറ്റാലിയന്‍ കപ്പലില്‍ നിന്നുള്ള വെടിവയ്പ്പിന്റെ പശ്ചാത്തലത്തില്‍ മത്സ്യബന്ധനത്തിന് പോകുന്ന തൊഴിലാളികളുടെ സുരക്ഷക്ക് എന്തെല്ലാം സംവിധാനങ്ങളാണ് ഏര്‍പ്പെടുത്താനുദ്ദേശിക്കുന്നത് ;

(ബി) വിദേശരാജ്യങ്ങളിലെ കപ്പലുകളുടെ ആക്രമണത്തില്‍ നിന്ന് മത്സ്യബന്ധനത്തൊഴിലാളികളുടെ സുരക്ഷ ഉറപ്പുവരുത്തുവാന്‍ സ്വീകരിക്കാനുദ്ദേശിക്കുന്ന നടപടികള്‍ എന്തെല്ലാമാണ് ;

(സി) ഇതിനായി കേന്ദ്ര ഗവണ്‍മെന്റിന്റെയും വിദേശ എംബസികളുടെയും സഹകരണം തേടുന്ന കാര്യം ആലോചിക്കുമോ ?

റാങ്ക്ലിസ്റ് നിലവിലിരിക്കെ കരാര്‍ അടിസ്ഥാനത്തില്‍ നിയമനം

ശ്രീ. റ്റി. വി. രാജേഷ്

,, രാജു എബ്രഹാം

,, കെ. കുഞ്ഞമ്മത് മാസ്റര്‍

,, ബി. സത്യന്‍

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ) പി.എസ്.സി റാങ്ക് ലിസ്റുകള്‍ നിലവിലിരിക്കെ കരാര്‍ അടിസ്ഥാനത്തിലും മറ്റും സര്‍ക്കാര്‍ വകുപ്പുകളിന്‍ കീഴില്‍ നിയമനം നടത്തിവരുന്നത് ശ്രദ്ധയില്‍പ്പെട്ടിട്ടുണ്ടോ;

(ബി) ഒഴിവുകള്‍ പി.എസ്.സിക്ക് റിപ്പോര്‍ട്ടു ചെയ്യാതെ എംപ്ളോയ്മെന്റ് എക്സ്ചേഞ്ച് വഴിയും അല്ലാതെയും ഈ സര്‍ക്കാരിന്റെ കാലത്ത് നടന്നിട്ടുളള നിയമനങ്ങള്‍ വകുപ്പടിസ്ഥാനത്തില്‍ പരിശോധിക്കാന്‍ നടപടി സ്വീകരിക്കുമോ;

(സി) പി.എസ്.സി യുടെ എത്ര റാങ്ക് ലിസ്റുകള്‍ ഇപ്പോള്‍ നിലവിലുണ്ടെന്ന് വ്യക്തമാക്കാമോ?

സ്വകാര്യ പണമിടപാട് സ്ഥാപനങ്ങള്‍

ശ്രീ. സി.മമ്മൂട്ടി

,, പി.ബി. അബ്ദുള്‍ റസാക്

,, കെ. എം. ഷാജി

,, വി.എം. ഉമ്മര്‍ മാസ്റര്‍

താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ) സംസ്ഥാനത്ത് സ്വകാര്യ പണമിടപാട് സ്ഥാപനങ്ങള്‍ സാധാരണ ജനങ്ങളുടെ അറിവില്ലായ്മ മുതലെടുത്ത് അവരെ കബളിപ്പിക്കുന്നത് തടയാന്‍ സര്‍ക്കാര്‍ തലത്തില്‍ പ്രവര്‍ത്തിക്കുന്ന സംവിധാനങ്ങളെക്കുറിച്ച് വിശദീകരിക്കാമോ ;

(ബി) സ്വകാര്യ കുറിക്കമ്പനികള്‍ ജനങ്ങളെ ആകര്‍ഷിക്കുന്നതിനായി മാധ്യമങ്ങളിലൂടെ നടത്തുന്ന പ്രലോഭനങ്ങളും, വ്യാജ വാഗ്ദാനങ്ങളും സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ ;

(സി) ടോട്ടല്‍ ഫോര്‍ യു മോഡലില്‍ വാഗ്ദാനങ്ങള്‍ നല്‍കി കോടിക്കണക്കിന് പണം സാധാരണക്കാരില്‍ നിന്നും തട്ടിയെടുത്തത് സംബന്ധിച്ച പരാതികള്‍ സര്‍ക്കാര്‍ പരിശോധിച്ചിട്ടുണ്ടോ ; എങ്കില്‍ അതു സംബന്ധിച്ച് സ്വീകരിച്ച നടപടികളുടെ വിശദാംശം നല്‍കാമോ ;

(ഡി) ഇത്തരം സ്ഥാപനങ്ങള്‍ക്ക് രജിസ്ട്രേഷന്‍ നിര്‍ബന്ധമാക്കിയിട്ടുണ്ടോ ; വിശദമാക്കുമോ ;

(ഇ) തട്ടിപ്പിന് ഇരയാകാതിരിക്കാന്‍ ജനങ്ങള്‍ക്കിടയില്‍ ബോധവല്‍ക്കരണവും ഒപ്പം കുറ്റവാളികള്‍ക്കെതിരെ കര്‍ശന നടപടിയും സ്വീകരിക്കാന്‍ നിര്‍ദ്ദേശം നല്‍കുമോ ?

ക്വട്ടേഷന്‍ സംഘങ്ങളെ നിയോഗച്ചുള്ളകടം പിരിക്കല്‍

ശ്രീമതി കെ.കെ. ലതിക

ശ്രീ. കെ. കുഞ്ഞിരാമന്‍(ഉദുമ)

,, സാജു പോള്‍

,, കെ. ദാസന്‍

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ) പുതുതലമുറയിലെ സ്വകാര്യ ബാങ്കുകളും ബ്ളേഡ്, ചിട്ടി കമ്പനികളും വായ്പ കുടിശ്ശിക തിരിച്ചു പിടിക്കാന്‍ ക്വട്ടേഷന്‍സംഘങ്ങളെ ഉപയോഗപ്പെടുത്തുന്നതായ വിവരം ശ്രദ്ധയില്‍പ്പെട്ടിട്ടുണ്ടോ;

(ബി) ചെറുകിട നാമമാത്ര കര്‍ഷകരും തൊഴിലാളികളും ഇത്തരം ക്വട്ടേഷന്‍ സംഘങ്ങളാല്‍ പീഡിപ്പിക്കപ്പെടുന്നത് തടയാന്‍ നടപടി സ്വീകരിക്കുമോ;

(സി) പ്രാദേശിക തലത്തില്‍ ഗുണ്ടകളെ നിയോഗിച്ച് ബാങ്കുകളും കമ്പനികളും കടം തിരിച്ചു പിടിക്കുന്നത് സംബന്ധിച്ച് കേസുകള്‍ രജിസ്റര്‍ ചെയ്യാന്‍ പൊതുവില്‍ പോലീസ് തയ്യാറാകാതിരിക്കുന്നത് ശ്രദ്ധയില്‍പ്പെട്ടിട്ടുണ്ടോ; എത്ര കേസുകള്‍ ഇതിനകം രജിസ്റര്‍ ചെയ്യപ്പെട്ടിട്ടുണ്ട് ?

കാരുണ്യലോട്ടറി പദ്ധതി വിപുലപ്പെടുത്തല്‍

ശ്രീ. ബാബു എം. പാലിശ്ശേരി

,, എം.എ. ബേബി

'' എ.എം. ആരിഫ്

'' വി. ചെന്താമരാക്ഷന്‍

താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ) കാരുണ്യ ലോട്ടറി പദ്ധതി വിപുലപ്പെടുത്താനുദ്ദേശിക്കുന്നുണ്ടോ ; ഈ പദ്ധതിയുടെ നാളിതുവരെയുള്ള പ്രവര്‍ത്തനം വിലയിരുത്തുകയുണ്ടായോ ; വിശദമാക്കുമോ ;

(ബി)കാരുണ്യ ലോട്ടറിയില്‍ നിന്നുള്ള ലാഭം പൂര്‍ണ്ണമായും വിതരണം ചെയ്തു കഴിഞ്ഞിട്ടുണ്ടോ ;

(സി)പ്രതിവര്‍ഷം ശരാശരി എന്തു തുക ലാഭം ലക്ഷ്യമാക്കിയിട്ടുണ്ടെന്ന് വ്യക്തമാക്കുമോ; അതനുസരിച്ച് ലോട്ടറിയുടെ എണ്ണം വര്‍ദ്ധിച്ചിട്ടുണ്ടോ ;

(ഡി)ലാഭത്തില്‍ നിന്നുള്ള ആനുകൂല്യങ്ങള്‍ നല്‍കുന്നതിന് ജില്ലകള്‍ക്ക് ഫണ്ട് അലോട്ട് ചെയ്തിട്ടുണ്ടോ ; ഇതിന്റെ മാനദണ്ഡം വിശദമാക്കുമോ ?

ഉള്‍ക്കടലില്‍ മത്സ്യത്തൊഴിലാളികളുടെ ജീവന് സംരക്ഷണം

ശ്രീ. ഇ. ചന്ദ്രശേഖരന്‍

,, സി. ദിവാകരന്‍

,, കെ. അജിത്

,, ഇ. കെ. വിജയന്‍

താഴെ കാണുന്ന ചോദ്യങ്ങള്‍ക്ക്മത്സ്യബന്ധനവും തുറമുഖവും എക്സൈസും വകുപ്പുമന്ത്രിസദയം മറുപടി നല്‍കുമോ:

(എ) കടലില്‍ പോയി നേരിട്ട് മത്സ്യബന്ധനം നടത്തുന്ന എത്ര മത്സ്യത്തൊഴിലാളികള്‍ സംസ്ഥാനത്തുണ്ടെന്ന് കണക്കാക്കിയിട്ടുള്ളത്;

(ബി) പ്രസ്തുത മത്സ്യത്തൊഴിലാളികള്‍ക്ക് കാലാവസ്ഥാ വ്യതിയാനങ്ങള്‍ മനസ്സിലാക്കുന്നതിന് എന്തെല്ലാം സൌകര്യ ങ്ങളാണ് ഏര്‍പ്പടുത്തിക്കൊടുത്തിട്ടുള്ളതെന്ന് വ്യക്തമാക്കുമോ ;

(സി) ഉള്‍ക്കടലില്‍ മത്സ്യത്തൊഴിലാളികളുടെ ജീവന് സംരക്ഷണം നല്‍കുന്നതിന് ഏര്‍പ്പെടുത്തിയിട്ടുള്ള സംവിധാനങ്ങള്‍ എന്തെല്ലാമാണെന്ന് വിശദമാക്കുമോ ?

കേന്ദ്രസര്‍ക്കാരിന് സമര്‍പ്പിച്ച നിവേദനങ്ങളിന്മേല്‍ നടപടി

ശ്രീ. എ. കെ. ബാലന്‍

'' ബി. ഡി. ദേവസ്സി

'' എസ്. രാജേന്ദ്രന്‍

'' ജെയിംസ്് മാത്യൂ

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ) മുഖ്യമന്ത്രിയുടെ നേത്യത്വത്തിലുള്ള നിവേദക സംഘം കേന്ദ്രസര്‍ക്കാരിന് സമര്‍പ്പിച്ച നിവേദങ്ങളിലെ ആവശ്യങ്ങളിന്മേല്‍ എന്തെല്ലാം കാര്യങ്ങളില്‍ അന്തിമ തീരുമാനങ്ങള്‍ ഉണ്ടായെന്ന് വെളിപ്പെടുത്താമോ; ഇതില്‍ കേന്ദ്രഗവണ്‍മെന്റ് ഇതിനകം ഉത്തരവ് ഇറക്കി സംസ്ഥാനത്തിന് പ്രത്യേകമായി അനുവദിച്ച കാര്യങ്ങള്‍ എന്തൊക്കെയാണ്;

(ബി) ഏതെങ്കിലും ആവശ്യം കേന്ദ്രം നിരാകരിക്കുകയുണ്ടായോ; അവ എന്തൊക്കെയെന്ന് വ്യക്തമാക്കുമോ;

(സി) കേന്ദ്രഗവണ്‍മെന്റ് അടുത്ത ബഡ്ജറ്റിലൂടെ എന്തൊക്കെ കാര്യങ്ങള്‍ അനുവദിക്കാമെന്ന് ഉറപ്പ് നല്കിയിട്ടുണ്ട്;

(ഡി) മുല്ലപ്പെരിയാര്‍ ഡാം, വയനാട്ടിലെ കര്‍ഷക ആത്മഹത്യ, ദേശീയപാത സ്ഥലമെടുപ്പ്, ഐഐടി., മെട്രോ റെയില്‍വേ, പുതിയ ജലവൈദ്യുത പദ്ധതി, സാമ്പത്തിക പാക്കേജ് തുടങ്ങിയ ഓരോ ആവശ്യത്തിന്മേലും കേന്ദ്രഗവണ്‍മെന്റില്‍ നിന്നും വ്യക്തമായ ഉറപ്പ് ലഭിക്കുകയുണ്ടായോ; വ്യക്തമാക്കാമോ?

ലോട്ടറി ചൂഷണം തടയുന്നതിന് നടപടി

ശ്രീ. എ.റ്റി. ജോര്‍ജ്

,, ജോസഫ് വാഴക്കന്‍

,, ഹൈബി ഈഡന്‍

,, വര്‍ക്കല കഹാര്‍

താഴെ കാണുന്ന ചോദ്യങ്ങള്‍ക്ക് ധനകാര്യവൂം നിയമവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ) ഒറ്റ നമ്പര്‍ ലോട്ടറികള്‍, അന്യസംസ്ഥാന ലോട്ടറികള്‍, വ്യാജ ലോട്ടറികള്‍ എന്നിവയുടെ ചൂഷണം തടയുന്നതിന് എന്തെല്ലാം നടപടികള്‍ കൈക്കൊള്ളാനാണ് ഉദ്ദേശിക്കുന്നത് ?

(ബി) ഇത് നിയന്ത്രിക്കുവാന്‍ വേണ്ടി നിയമനിര്‍മ്മാണം നടത്തുവാന്‍ കേന്ദ്ര ഗവണ്‍മെന്റിനോട് ആവശ്യപ്പെട്ടിട്ടുണ്ടോ;

(സി) വ്യാജ ലോട്ടറി തടയുന്നതിന് ഒരു സ്ഥിര സംവിധാനം ഏര്‍പ്പെടുത്തുമോ; ഇതിനായി സ്വീകരിക്കാന്‍ ഉദ്ദേശിക്കുന്ന നടപടികള്‍ വ്യക്തമാക്കാമോ ?

വിഴിഞ്ഞം അന്താരാഷ്ട്ര തുറമുഖം

ശ്രീ.പി.എ. മാധവന്‍

,, തേറമ്പില്‍ രാമകൃഷ്ണന്‍

,, പാലോട് രവി

,, എ. പി. അബ്ദുള്ളക്കുട്ടി

താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)വിഴിഞ്ഞം അന്താരാഷ്ട്ര തുറമുഖം യാഥാര്‍ ത്ഥ്യമാക്കുന്നതിനായി എന്തെല്ലാം നടപടികളാണ് സ്വീകരിച്ചതെന്ന് അറിയിക്കുമോ ;

(ബി) ഇതിന്റെ ടെന്‍ഡര്‍ നടപടികള്‍ ഇപ്പോള്‍ ഏത് ഘട്ടത്തിലാണെന്ന് അറിയിക്കുമോ ;

(സി)കേന്ദ്ര സര്‍ക്കാരില്‍ നിന്നും ലഭിക്കേണ്ട അനുമതികള്‍ എല്ലാം ലഭ്യമായിട്ടുണ്ടോ ;

(ഡി)തുറമുഖത്തിന്റെ അടിസ്ഥാന സൌകര്യ വികസനത്തിനായി ആവശ്യമായ ഭൂമി ഏറ്റെടുക്കല്‍ പ്രക്രിയ പൂര്‍ത്തീകരിച്ചിട്ടുണ്ടോ ;ഭൂവുടമകള്‍ക്കുള്ള നഷ്ടപരിഹാര വിതരണം പൂര്‍ത്തീകരിച്ചിട്ടുണ്ടോ ?

ബഹുജന സമ്പര്‍ക്ക പരിപാടി

ശ്രീ. കെ.വി. അബ്ദുള്‍ ഖാദര്‍

,, സി.കെ. സദാശിവന്‍

,, കെ. ദാസന്‍

,, കെ.കെ. നാരായണന്‍

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ: 

(എ)മുഖ്യമന്ത്രിയുടെ ബഹുജന സമ്പര്‍ക്ക പരിപാടിയിലൂടെ ഏതെല്ലാം കാര്യങ്ങള്‍ക്കായിരുന്നു ഹര്‍ജിക്കാര്‍ക്ക് ഉത്തരവുകള്‍ നല്‍കേണ്ടി വന്നിട്ടുള്ളതെന്ന് വിശദമാക്കാമോ;

(ബി)ഇവയില്‍ ഭൂരിഭാഗവും തദ്ദേശസ്വയംഭരണ സ്ഥാപനങ്ങളുടെയും പ്രാദേശിക തലത്തിലുള്ള വിവിധ വകുപ്പുകളുടെയും ജില്ലാ ഭരണ സംവിധാനത്തിന്റെയും ചുമതലയില്‍ നടപ്പാക്കിവരുന്ന പ്രവര്‍ത്തനങ്ങളുടെ ഭാഗമായിരുന്നുവോ;

(സി) മേല്‍പ്പറഞ്ഞ സ്ഥാപനങ്ങളുടെ കാര്യക്ഷമതയും നീതിപൂര്‍വ്വമായ ഭരണ നിര്‍വ്വഹണവും ഉറപ്പാക്കുന്നതിനും അവയുടെ പ്രവര്‍ത്തനം കാര്യക്ഷമമാക്കുന്നതിനും കൂടുതല്‍ സ്വാതന്ത്യ്രം നല്‍കി പരാതിരഹിതമാക്കുന്നതിനും നടപടി സ്വീകരിക്കുമോ ?

ഭവനനിര്‍മ്മാണബോര്‍ഡിന്റെ പ്രോജക്റ്റുകള്‍

ശ്രീ. റ്റി. യു. കുരുവിള

,, മോന്‍സ് ജോസഫ്

,, സി. എഫ്. തോമസ്

താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ) സംസ്ഥാന ഭവനനിര്‍മ്മാണബോര്‍ഡിന്റെ കീഴില്‍ മുടങ്ങിക്കിടക്കുന്ന പ്രോജക്റ്റുകള്‍ എവിടെയൊക്കെയാണ്;

(ബി) ഇവ ഏറ്റെടുത്തു നടത്തുന്നതിന് സ്വകാര്യസംരംഭകര്‍ക്ക് അനുവാദം നല്‍കുമോ; എങ്കില്‍ വിശദാംശങ്ങള്‍ വെളിപ്പെടുത്തുമോ;

(സി) സംസ്ഥാന ഭവനനിര്‍മ്മാണബോര്‍ഡ് നടപ്പിലാക്കാന്‍ ഉദ്ദേശിക്കുന്ന പുതിയ പ്രോജക്റ്റുകള്‍ എവിടെയൊക്കെയാണ്; ഇതിനായി ബോര്‍ഡിന്റെ കൈവശം എവിടെയൊക്കെ ഭൂമിയുണ്ടെന്നു വ്യക്തമാക്കുമോ;

(ഡി) ബോര്‍ഡ് പലിശയിലും പിഴപ്പലിശയിലും ഇളവു നല്‍കി ഒറ്റത്തവണ തീര്‍പ്പാക്കല്‍ നടപ്പാക്കുമോ?

ഓപ്പറേഷന്‍ സ്വീപ്പ്പദ്ധതി

ശ്രീ. ഐ.സി.ബാലകൃഷ്ണന്‍

,, ബെന്നി ബെഹനാന്‍

,, ജോസഫ് വാഴക്കന്‍

,, ഹൈബി ഈഡന്‍

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ) ഓപ്പറേഷന്‍ സ്വിപ്പ് പദ്ധതിയുടെ ഉദ്ദേശ്യ ലക്ഷ്യങ്ങള്‍ എന്തെല്ലാം;

(ബി)ഈ പദ്ധതിയുടെ സമ്പൂര്‍ണ്ണ വിജയത്തിനായി എല്ലാ ജില്ലയിലും ട്രാഫിക്ക് വിഭാഗത്തെ പരിശോധനയ്ക്കായി ചുമതലപ്പെടുത്തുന്ന കാര്യം പരിഗണിക്കുമോ;

(സി) പൊതു സ്ഥലങ്ങളില്‍ മാലിന്യം വലിച്ചെറിയുന്നവര്‍ക്കെതിരെ ഏതെല്ലാം നിയമ വ്യവസ്ഥകള്‍ക്കനുസരിച്ചാണ് കേസ്സെടുക്കുന്നത്?

കേന്ദ്രാവിഷ്കൃത പദ്ധതികള്‍

ശ്രീ. കെ. മുഹമ്മദുണ്ണി ഹാജി

താഴെ കാണുന്ന ചോദ്യങ്ങള്‍ക്ക് മുഖമന്ത്രി സദയം മറുപടി നല്‍കുമോ:

(എ) ഈ സര്‍ക്കാര്‍ അധികാരത്തില്‍ വന്നതിനു ശേഷം ഏതെല്ലാം കേന്ദ്രാവിഷ്കൃത പദ്ധതികള്‍ക്ക് അനുമതിയായിട്ടുണ്ടെന്ന് വ്യക്തമാക്കുമോ;

(ബി) കേന്ദ്ര സഹായത്തോടെ ഏതെല്ലാം പദ്ധതികള്‍ സംസ്ഥാനത്ത് ഇപ്പോള്‍ നടക്കുന്നുണ്ടെന്നും ഇവയുടെ ഫണ്ട് കാര്യക്ഷമമായി വിനിയോഗിക്കുന്നു എന്ന് ഉറപ്പ് വരുത്താന്‍ എന്തെല്ലാം നടപടികള്‍ സ്വീകരിച്ചു എന്നും വ്യക്തമാക്കുമോ ?

അടിസ്ഥാന സൌകര്യ വികസന പദ്ധതികള്‍

ശ്രീ. കെ. രാധാകൃഷ്ണന്‍

,, ഇ.പി. ജയരാജന്‍

,, ജി. സുധാകരന്‍

,, സി.കെ. സദാശിവന്‍

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)അടിസ്ഥാന സൌകര്യ വികസനരംഗം സ്വകാര്യ നിക്ഷേപകര്‍ക്ക് നല്‍കുന്നത് സംബന്ധിച്ച സര്‍ക്കാരിന്റെ നിലപാട് എന്തായിരിക്കുമെന്ന് വെളിപ്പെടുത്തുമോ;

(ബി) ഏതെല്ലാം സ്വകാര്യ നിക്ഷേപകര്‍ ഏതെല്ലാം അടിസ്ഥാന സൌകര്യ വികസന പദ്ധതികളില്‍ നിക്ഷേപിക്കാന്‍ മുന്നോട്ടു വന്നിട്ടുണ്ടെന്ന് വെളിപ്പെടുത്താമോ;

(സി)ഇത്തരം നിക്ഷേപ പദ്ധതികള്‍ക്ക് നല്‍കാനുദ്ദേശിക്കുന്ന സൌകര്യങ്ങളും സഹായങ്ങളും വിശദമാക്കാമോ;

(ഡി)അടിസ്ഥാന സൌകര്യ വികസന രംഗത്ത് സര്‍ക്കാരിന് മാത്രമായി നേരിട്ട് നിക്ഷേപം നടത്താന്‍ സാധ്യമാകാത്തതായി കണ്ടെത്തിയ മേഖലകള്‍ ഏതൊക്കെയാണ്?

വാണിജ്യ നികുതിയിനത്തില്‍ പിരിച്ചെടുക്കാന്‍ ലക്ഷ്യമിട്ടിരുന്ന തുക

ശ്രീ. വി. എസ്. സുനില്‍ കുമാര്‍

,, ജി. എസ്. ജയലാല്‍

,, ഇ. ചന്ദ്രശേഖരന്‍

ശ്രീമതി ഇ. എസ്. ബിജിമോള്‍

താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ) ഈ സാമ്പത്തിക വര്‍ഷം വാണിജ്യ നികുതിയിനത്തില്‍ പിരിച്ചെടുക്കാന്‍ ലക്ഷ്യമിട്ടിരുന്ന തുക എത്രയാണ് ; ഇതുവരെ ഈ ഇനത്തില്‍ എത്ര തുക പിരിച്ചെടുക്കാന്‍ കഴിഞ്ഞുവെന്ന് വെളിപ്പെടുത്തുമോ ;

(ബി) നികുതി വകുപ്പില്‍ കഴിഞ്ഞകാലത്ത് നടപ്പിലാക്കിയ ഇ-പേയ്മെന്റ്, ഇ-ഫയലിംഗ്, അഴിമതി രഹിത ചെക്ക് പോസ്റുകള്‍ തുടങ്ങിയ പരിഷ്ക്കാരങ്ങളുടെ ഭാഗമായി നികുതി വരുമാനത്തില്‍ ഗണ്യമായ വര്‍ദ്ധനവ് ഉണ്ടായിട്ടുണ്ടോ ; ഉണ്ടെങ്കില്‍ ഇപ്പോള്‍ നികുതി വരുമാനത്തില്‍ കുറവുണ്ടാകാന്‍ കാരണമെന്താണെന്ന് വ്യക്തമാക്കുമോ ;

(സി) നികുതി വെട്ടിപ്പ് നടത്തി സംസ്ഥാനത്തിനകത്തേയ്ക്ക് സാധനങ്ങള്‍ കടത്തുന്ന വിവരം ശ്രദ്ധയില്‍പ്പെട്ടിട്ടുണ്ടോ ; എങ്കില്‍ ഇത് തടയുന്നതിന് എന്തെല്ലാം നടപടികള്‍ സ്വീകരിച്ചുവരുന്നുണ്ടെന്ന് വിശദമാക്കുമോ ?

നദീജല കരാറുകള്‍

ശ്രീ. റ്റി.എ. അഹമ്മദ് കബീര്‍

,, എം.പി.അബ്ദുസ്സമദ് സമദാനി

,, കെ.എന്‍.എ.ഖാദര്‍

,, സി. മമ്മൂട്ടി

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ) പൂര്‍ണ്ണമായും കേരളത്തിന്റേതായ നദികളിലെ ജലം പങ്കിടുന്നതു സംബന്ധിച്ച്, കേരള സംസ്ഥാനം നിലവില്‍ വന്നശേഷം തമിഴ്നാടുമായി ഉണ്ടാക്കിയിട്ടുള്ള കരാറുകളെ സംബന്ധിച്ച വിശദവിവരം നല്‍കാമോ;

(ബി) ഏതൊക്കെ നദികളുമായി ബന്ധപ്പെട്ടാണ് ഈ കരാറുകള്‍ ഉണ്ടാക്കിയിട്ടുള്ളതെന്ന് വ്യക്തമാക്കുമോ;

(സി) ഈ കരാറുകള്‍ സംസ്ഥാന താല്‍പര്യത്തിന് പ്രാധാന്യം നല്‍കാതെ തമിഴ്നാടിന് കൂടുതല്‍ സൌകര്യപ്രദമായ വിധത്തിലായിരുന്നു എന്ന ആരോപണം ശ്രദ്ധയില്‍പ്പെട്ടിട്ടുണ്ടോ;

(ഡി) ഈ കരാര്‍ വ്യവസ്ഥകള്‍ തമിഴ്നാടധികൃതര്‍ പാലിക്കാന്‍ തയാറാകുന്നില്ലെന്ന പരാതികള്‍ ശ്രദ്ധയില്‍പ്പെട്ടിട്ടുണ്ടോ;

(ഇ) വ്യവസ്ഥാ ലംഘനത്തിനെതിരെ കരാറില്‍ ഉള്‍പ്പെടുത്തിയിട്ടുള്ള പരിഹാര നടപടികള്‍ എന്തൊക്കെയാണ്;

(എഫ്) ഇതനുസരിച്ച് കരാര്‍ ലംഘനത്തിനെതിരെ നടപടി സ്വീകരിച്ചിട്ടുണ്ടോ; നടപടി സ്വീകരിക്കാന്‍ തക്കവിധത്തിലുള്ള കരാര്‍ ലംഘനങ്ങള്‍ റിപ്പോര്‍ട്ട് ചെയ്യപ്പെട്ടിട്ടുണ്ടോ?

കള്ളനോട്ട് തടയുന്നതിന് നടപടികള്‍

ശ്രീ. എ. എം. ആരിഫ്

,, കെ. കെ. ജയചന്ദ്രന്‍

,, കെ. സുരേഷ് കുറുപ്പ്

,, ആര്‍. സെല്‍വരാജ്

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ) സംസ്ഥാനത്ത് കള്ളനോട്ട് നിര്‍മ്മാണവും വ്യാപനവും തടയുന്നതിന് സാദ്ധ്യമായിട്ടുണ്ടോ;

(ബി) കള്ളനോട്ട് നിയന്ത്രണ നടപടികള്‍ സര്‍ക്കാര്‍ വിലയിരുത്തിയിട്ടുണ്ടോ; ഇതിനായുള്ള സ്റേറ്റ് ലെവല്‍ കമ്മിറ്റിയുടെ യോഗം എപ്പോഴാണ് ചേര്‍ന്നത്;

(സി) എത്ര കേസുകളില്‍ ഇപ്പോള്‍ അന്വേഷണം നടത്തിവരുന്നുണ്ട്;

(ഡി) ഏതെല്ലാം കേസുകളില്‍ എത്ര പ്രതികളെ ഇനിയും അറസ്റ് ചെയ്യേണ്ടതായിട്ടുണ്ട്;

(ഇ) കള്ളനോട്ടുകളുടെ ഉറവിടം സംബന്ധിച്ച എന്തെങ്കിലും സൂചന ലഭിച്ചിട്ടുണ്ടോ ?

സപ്തധാരാ പദ്ധതി

ശ്രീ. എം.എ. വാഹീദ്

,, ബെന്നി ബെഹനാന്‍

,, എം. പി. വിന്‍സെന്റ്

,, വി.റ്റി. ബല്‍റാം

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ) സപ്തധാരാ പദ്ധതിയില്‍ ഉള്‍പ്പെടുത്തിയിരിക്കുന്ന കര്‍മ്മപരിപാടികളുടെ ലക്ഷ്യങ്ങള്‍ എന്തൊക്കെയാണ്;

(ബി)ഏതെല്ലാം വിഷയങ്ങളെയാണ് പ്രസ്തുത പദ്ധതിയില്‍ ഉള്‍പ്പെടുത്തിയിട്ടുള്ളത് ;

(സി) എന്തെല്ലാം കാഴ്ചപ്പാടുകളോടെയാണ് പ്രസ്തുത പദ്ധതി ആവിഷ്ക്കരിക്കാനുദ്ദേശിക്കുന്നത് ?

ചെക്ക്പോസ്റുകളുടെ പ്രവര്‍ത്തനത്തില്‍ സുതാര്യത

ശ്രീ. സി. പി. മുഹമ്മദ്

,, തേറമ്പില്‍ രാമകൃഷ്ണന്‍

,, പി. എ. മാധവന്‍

,, റ്റി. എന്‍. പ്രതാപന്‍

താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവന നിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ) സംസ്ഥാനത്തെ ചെക്ക് പോസ്റുകളുടെ പ്രവര്‍ത്തനം സുതാര്യമാക്കാന്‍ എന്തെല്ലാം നടപടികള്‍ സ്വീകരിക്കുവാനാണുദ്ദേശിക്കുന്നത് ;

(ബി) ഇതിനായി ചെക്ക് പോസ്റുകളില്‍ വെബ്ക്യാമറ സ്ഥാപിക്കുന്നകാര്യം പരിഗണനയിലുണ്ടോ ; എങ്കില്‍ ഇത് കൊണ്ടുള്ള പ്രയോജനങ്ങള്‍ എന്തെല്ലാം ; ഇതിനായി സ്വീകരിച്ചിട്ടുള്ള നടപടികള്‍ എന്തെല്ലാമാണ് ?

എല്ലാവര്‍ക്കും വീട്

ശ്രീ. കെ. കെ. നാരായണന്‍

,, കെ. കുഞ്ഞിരാമന്‍(തൃക്കരിപ്പൂര്‍)

,, കെ. വി. വിജയദാസ്

,, എസ്. രാജേന്ദ്രന്‍

താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ) സംസ്ഥാനത്തെ എല്ലാവര്‍ക്കും വീട് എന്ന ലക്ഷ്യം കൈവരിയ്ക്കാനായിട്ടുണ്ടോ ;

(ബി) ഇപ്പോള്‍ ഇതിനായി നടപ്പിലാക്കി വരുന്ന ഭവന നിര്‍മ്മാണ പദ്ധതികള്‍ ഏതൊക്കെയാണ്;

(സി) ഈ പദ്ധതികളുടെ പുരോഗതി വിലയിരുത്തിയിട്ടുണ്ടോ ;

(ഡി) ഈ പദ്ധതികളോരോന്നും പൂര്‍ത്തീകരിക്കുമ്പോള്‍ എത്ര പേര്‍ക്ക് പുതുതായി വീടുകള്‍ ലഭിക്കും ;

(ഇ) സംസ്ഥാനത്ത് ഭൂമിയും വീടും ഇല്ലാത്ത കുടുംബങ്ങള്‍ എത്രയെന്ന് കണക്കാക്കിയിട്ടുണ്ടോ ?

കൊച്ചി മെട്രോ റെയില്‍വേ നിര്‍മ്മാണ കരാര്‍

ശ്രീ. കോടിയേരി ബാലകൃഷ്ണന്‍

,, എസ്. ശര്‍മ്മ

,, ആര്‍. രാജേഷ്

,, ബാബു എം. പാലിശ്ശേരി

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ) കൊച്ചി മെട്രോ റെയില്‍വേയ്ക്ക് വിശദമായ പ്രോജക്ട് റിപ്പോര്‍ട്ട് തയ്യാറാക്കപ്പെട്ടിട്ടുണ്ടോ; ഇതിനായി മുന്‍സര്‍ക്കാര്‍ നിയോഗിച്ച കണ്‍സള്‍ട്ടന്റ് ആരായിരുന്നു;

(ബി) കണ്‍സള്‍ട്ടന്റ് തയ്യാറാക്കിയ പ്രോജക്ട് റിപ്പോര്‍ട്ട് പരിഗണിക്കാതെ സ്വകാര്യ കമ്പനിയില്‍ നിന്ന് പദ്ധതി റിപ്പോര്‍ട്ടിനുള്ള താത്പര്യപത്രം ക്ഷണിക്കുകയുണ്ടായോ; എങ്കില്‍ എപ്പോള്‍ എന്ന് വ്യക്തമാക്കുമോ;

(സി) സ്വകാര്യ കമ്പനിയെ ഏല്പിക്കാനുള്ള താത്പര്യ പത്രം റദ്ദാക്കിക്കൊണ്ട് നിര്‍മ്മാണ പ്രവര്‍ത്തനം ഡല്‍ഹി മെട്രോ റെയില്‍ കോര്‍പ്പറേഷനെ ഏല്പിക്കാനും കേന്ദ്രാനുമതി നേടിയെടുക്കാനും മുന്‍സര്‍ക്കാര്‍ മന്ത്രിസഭാ തീരുമാനം എടുത്തിരുന്നോ;

(ഡി) ഈ സര്‍ക്കാര്‍ അധികാരത്തില്‍ വന്നതിനു ശേഷം കൊച്ചി മെട്രോ റെയില്‍ പദ്ധതിയുമായി ബന്ധപ്പെട്ട് ഡി.എം.ആര്‍.സി. യ്ക്ക് എത്ര കത്തുകള്‍ അയക്കുകയുണ്ടായി; അവയുടെ പകര്‍പ്പ് സഭയുടെ മേശപ്പുറത്ത് വയ്ക്കാമോ;

(ഇ) മുഖ്യമന്ത്രി ചെയര്‍മാനായിട്ടുള്ള കൊച്ചി മെട്രോ റെയിലിന്റെ ഡയറക്ടര്‍ ബോര്‍ഡ് യോഗം മേല്പറഞ്ഞ മുന്‍തീരുമാനത്തിന് വിരുദ്ധമായി വീണ്ടും ടെന്‍ഡര്‍ വിളിക്കാനിടയായ സാഹചര്യം എന്തായിരുന്നു എന്നും ആ തീരുമാനം പിന്നീട് തിരുത്താന്‍ കാരണമെന്തായിരുന്നു എന്നും വ്യക്തമാക്കുമോ ?

പി.എസ്.സി. പരീക്ഷാ സമ്പ്രദായങ്ങളിലെ സമൂലമാറ്റം

ശ്രീ. പി.സി. വിഷ്ണുനാഥ്

,, കെ. ശിവദാസന്‍ നായര്‍

'' ജോസഫ് വാഴക്കന്‍

'' ഐ.സി. ബാലകൃഷ്ണന്‍

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ) പരീക്ഷാ സമ്പ്രദായങ്ങളില്‍ സമൂലമായ മാറ്റത്തിന് എന്തെല്ലാം തയ്യാറെടുപ്പുകളാണ് പി. എസ്.സി. നടത്തുവാനുദ്ദേശിക്കുന്നത്

(ബി) ഇതിനായി ക്വസ്റ്റ്യന്‍ബാങ്ക്-കം-ഓണ്‍ലൈന്‍ എക്സാമിനേഷന്‍ സംവിധാനം തയ്യാറാക്കുന്ന കാര്യം പരിഗണനയിലുണ്ടോ ;

(സി) ഇതിനായി ഇതുവരെ എന്തെല്ലാം നടപടികള്‍ ആരംഭിച്ചിട്ടുണ്ട്?

പെന്‍ഷന്‍ പ്രായം

ശ്രീ. എളമരം കരീം

,, കെ. രാധാകൃഷ്ണന്‍

ശ്രീമതി കെ. കെ. ലതിക

ശ്രീ. ആര്‍. രാജേഷ്

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ) സര്‍ക്കാര്‍ ജീവനക്കാരുടേയും അദ്ധ്യാപകരുടേയും പെന്‍ഷന്‍ പ്രായം വര്‍ദ്ധിപ്പിക്കാന്‍ ഉദ്ദേശിക്കുന്നുണ്ടോ ; സര്‍ക്കാരിന്റെ നയം വിശദമാക്കാമോ ;

(ബി) മന്ത്രിസഭാ ഉപസമിതി ഇക്കാര്യത്തില്‍ എത്ര തവണ യോഗം ചേരുകയുണ്ടായി; ഉപസമിതിയുടെ ശുപാര്‍ശ എന്തെല്ലാമായിരുന്നു ?

മുന്നോക്ക വിഭാഗ കോര്‍പ്പറേഷന്‍

ശ്രീ. ഹൈബി ഈഡന്‍

,, കെ. മുരളീധരന്‍

,, എ. റ്റി. ജോര്‍ജ്

,, ഷാഫി പറമ്പില്‍

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ) സംസ്ഥാനത്തെ മുന്നോക്ക വിഭാഗങ്ങളിലെ സാമ്പത്തികമായി പിന്നോക്കം നില്‍ക്കുന്നവര്‍ക്കായി കോര്‍പ്പറേഷന്‍ രൂപീകരിച്ച് ഉത്തരവായിട്ടുണ്ടോ; വിശദമാക്കുമോ;

(ബി) കോര്‍പ്പറേഷന്റെ ആര്‍ട്ടിക്കിള്‍സ് ഓഫ് അസോസിയേഷനും മെമ്മോറാണ്ടം ഓഫ് അസോസിയേഷനും തയ്യാറാക്കിയിട്ടുണ്ടോ;

(സി)ഇതിനായി എന്തെല്ലാം നടപടികള്‍ സ്വീകരിച്ചിട്ടുണ്ട്?

സിയാല്‍ മാതൃകയില്‍ കമ്പനികള്‍

ശ്രീ. ബി. സത്യന്‍

,, കോലിയക്കോട് എന്‍. കൃഷ്ണന്‍ നായര്‍

,, പി. റ്റി. എ. റഹീം

,, പുരുഷന്‍ കടലുണ്ടി

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ) സിയാല്‍ മാതൃകയില്‍ സര്‍ക്കാര്‍ ഓഹരി നിക്ഷേപത്തോടെ സംസ്ഥാനത്ത് ആരംഭിക്കാന്‍ ഉദ്ദേശിക്കുന്ന കമ്പനികള്‍ ഏതൊക്കെയാണെന്ന് വിശദമാക്കാമോ; സിയാല്‍ മാതൃക എന്താണെന്ന് വിശദമാക്കുമോ;

(ബി) പ്രസ്തുത കമ്പനികള്‍ ഓരോന്നിന്റെയും മുഖ്യലക്ഷ്യങ്ങളും ഉദ്ദേശ്യങ്ങളും പദ്ധതികളും വെളിപ്പെടുത്താമോ;

(സി) ജനജീവിതവുമായി ബന്ധപ്പെട്ട് ഏതെല്ലാം മേഖലകളിലായിരിക്കും ഈ കമ്പനികളുടെ സേവനങ്ങള്‍ എന്ന് വിശദമാക്കാമോ;

(ഡി) നിര്‍ദ്ദിഷ്ട കമ്പനികള്‍ വഴി പദ്ധതികള്‍ നടപ്പിലാക്കുമ്പോള്‍ ഓരോ മേഖലയിലും എന്തു തുക വീതം സ്വകാര്യ നിക്ഷേപം പ്രതീക്ഷിക്കുന്നു;

(ഇ) പ്രസ്തുത കമ്പനികളിലേക്കുള്ള സ്വകാര്യ നിക്ഷേപകരെ കണ്ടെത്തുന്നതിനുള്ള നടപടി വിശദമാക്കാമോ ?

ജനസമ്പര്‍ക്ക പരിപാടി

ശ്രീ. അബ്ദുറഹിമാന്‍ രണ്ടത്താണി

,, പി.ബി. അബ്ദുള്‍ റസാക്

,, പി. ഉബൈദുള്ള

,, സി.മോയിന്‍കുട്ടി

താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ) ജനസമ്പര്‍ക്ക പരിപാടിയില്‍ ഉണ്ടായ ജനപങ്കാളിത്തം ഉയര്‍ത്തുന്ന സാമൂഹികവും ഭരണപരവുമായ പ്രശ്നങ്ങളെക്കുറിച്ച് വിലയിരുത്താനും തുടര്‍നടപടികള്‍ സ്വീകരിക്കാനും ഉദ്ദേശിക്കുന്നുണ്ടോ; എങ്കില്‍ വിശദമാക്കുമോ;

(ബി) സാധാരണ ജനങ്ങളുടെ പ്രശ്നങ്ങള്‍ പരിഹരിക്കുന്ന കാര്യത്തില്‍ ഭരണ സംവിധാനം പൂര്‍ണ്ണമായും വിജയിച്ചിട്ടുണ്ടോ;

(സി) ഇല്ലെങ്കില്‍ അതിനുള്ള കാരണങ്ങളെക്കുറിച്ച് വിശകലനം ചെയ്തിട്ടുണ്ടോ; വിശദമാക്കുമോ;

(ഡി) ജനകീയ പ്രശ്നങ്ങളില്‍ സ്വീകരിക്കുന്ന സമീപനമാണ് പരാതികള്‍ വര്‍ദ്ധിക്കാന്‍ ഇടയാക്കുന്നത് എന്ന് കരുതുന്നുണ്ടോ; എങ്കില്‍ എന്തൊക്കെ പരിഹാര നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ ?

(ഇ) തീരുമാനങ്ങളില്‍ കാലതാമസം ഒഴിവാക്കാന്‍ എന്തൊക്കെ നടപടികള്‍ സ്വീകരിക്കാനാണ് ഉദ്ദേശിക്കുന്നത്?