13KLA-unstarred questions










	UNSTARRED
	QUESTIONS
	AND
	ANSWERS

You are here: Business >13^th KLA >16^th Session>Unstarred questions Answers

Answer Provided

Answer Not Yet Provided

THIRTEENTH KLA - 16^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

പി.ഡബ്ള്യു.ഡി. റോഡുകള്‍

1295.

ശ്രീ.കെ.കുഞ്ഞിരാമന്‍ (തൃക്കരിപ്പൂർ) : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്ന ശേഷം തൃക്കരിപ്പൂര്‍ മണ്ഡലത്തില്‍ എത്ര കിലോമീറ്റര്‍ റോഡുകള്‍ പി.ഡബ്ള്യു.ഡി. ഏറ്റെടുത്തിട്ടുണ്ടെന്നും പ്രസ്തുത റോഡുകളുടെ ഇപ്പോഴത്തെ അവസ്ഥ എന്തെന്നും വ്യക്തമാക്കാമോ?

മരാമത്ത് പ്രവൃത്തികള്‍

1296.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	നിലവിലെ സര്‍ക്കാര്‍ അധികാരമേറ്റശേഷം പൊതുമരാമത്ത് വകുപ്പ് മുഖേന കല്ല്യാശ്ശേരി മണ്ഡലത്തില്‍ ഭരണാനുമതി ലഭിച്ചതും പൂര്‍ത്തിയാക്കിയതുമായ പ്രവൃത്തികളുടെയും പൂര്‍ത്തിയാക്കാന്‍ ബാക്കിയുള്ള പ്രവൃത്തികളുടെയും ഓരോ പ്രവൃത്തിക്കും ലഭിച്ച ഫണ്ടുകളെ സംബന്ധിച്ചുമുള്ള വിശദാംശം ലഭ്യമാക്കാമോ?

പി.ഡബ്ല്യൂ.ഡി. റോഡുകള്‍

1297.

(എ)	കാസര്‍ഗോഡ് ജില്ലയിലെ വലിയപറമ്പ് ഗ്രാമ പഞ്ചായത്തില്‍ പി.ഡബ്ല്യൂ.ഡി. മുഖേന എത്ര കിലോമീറ്റര്‍ റോഡുകള്‍ക്ക് ഫണ്ട് അനുവദിച്ചിട്ടുണ്ടെന്ന് വ്യക്തമാക്കാമോ; ഈ പ‍ഞ്ചായത്തില്‍ പി.ഡബ്ല്യൂ.ഡി.യുടെ അധീനതയില്‍ എത്ര കിലോമീറ്റര്‍ റോഡുണ്ടെന്നും വ്യക്തമാക്കാമോ?

മിനി സിവില്‍ സ്റ്റേഷന്‍

1298.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കൊട്ടാരക്കര മിനി സിവില്‍ സ്റ്റേഷന്‍ നിര്‍മ്മാണത്തിന്റെ അടങ്കല്‍ തുക എത്രയാണെന്ന് അറിയിയ്ക്കുമോ;

(ബി)	പ്രസ്തുത നിര്‍മ്മാണ പ്രവൃത്തി ആരംഭിച്ചത് എന്നാണെന്നും എത്രത്തോളം നിര്‍മ്മാണം പൂര്‍ത്തീകരിച്ചുവെന്നും വെളിപ്പെടുത്തുമോ;

(സി)	പ്രസ്തുത മിനി സിവില്‍സ്റ്റേഷന്‍ നിര്‍മ്മാണം മുടങ്ങിയിട്ട് എത്രനാളായി; മുടങ്ങാന്‍ ഇടയായ സാഹചര്യം എന്താണെന്ന് വിശദമാക്കാമോ;

(ഡി)	ഇതിന്റെ നിര്‍മ്മാണവുമായി ബന്ധപ്പെട്ട് കേസുകള്‍ നിലവിലുണ്ടോ; ഉണ്ടെങ്കില്‍ അതിന്റെ വിശദാംശങ്ങള്‍ നല്‍കുമോ;

(ഇ)	പ്രസ്തുത മിനി സിവില്‍സ്റ്റേഷന്‍ നിര്‍മ്മാണം പുനരാരംഭിക്കുന്നതിനായി എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കാമോ?

റോഡ് അഭിവൃദ്ധിപ്പെടുത്തല്‍

1299.

ശ്രീ.എളമരം കരീം : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ബേപ്പൂര്‍ മണ്ഡലത്തിലെ ബേപ്പൂര്‍-ചെറുവണ്ണൂര്‍ റോഡ് അഭിവൃദ്ധിപ്പെടുത്തുന്നതു സംബന്ധിച്ച് കോഴിക്കോട് ഡിവിഷന്‍ എക്സിക്യൂട്ടീവ് എഞ്ചിനീയര്‍ നിര്‍ദ്ദേശങ്ങള്‍ സമര്‍പ്പിച്ചിട്ടുണ്ടോ;

(ബി)	എങ്കില്‍ പ്രസ്തുത നിര്‍ദ്ദേശത്തിന് അനുമതി നല്കിയിട്ടുണ്ടോ;

(സി)	ഇല്ലെങ്കില്‍ എത്രയും വേഗം അനുമതി നല്കുമോ; വിശദാംശം ലഭ്യമാക്കുമോ?

ബൈപാസ്സ് റോഡുകളുടെ നിർമ്മാണം

1300.

ശ്രീ.കെ.സുരേഷ് കുറുപ്പ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍വന്ന സമയത്ത് സംസ്ഥാനത്ത് എത്ര ബൈപാസ്സ് റോഡുകളുടെ നിര്‍മ്മാണ പ്രവൃത്തി നടക്കുന്നുണ്ടായിരുന്നു എന്ന് വെളിപ്പെടുത്താമോ;അവ ഏതെല്ലാം; ഇതില്‍ എത്രയെണ്ണത്തിന്റെ പണി പൂര്‍ത്തിയാക്കാന്‍ കഴിഞ്ഞു എന്ന് വ്യക്തമാക്കാമോ;

(ബി)

ഈ സര്‍ക്കാര്‍ വിവിധ ബജറ്റുകളിലായി ഏതെല്ലാം ബൈപാസ്സ് റോഡുകളാണ് നിര്‍മ്മിക്കുമെന്ന് പ്രഖ്യാപിച്ചിരുന്നത്; ഇതില്‍ എത്രയെണ്ണം പണി പൂര്‍ത്തീകരിച്ചു ; നിര്‍മ്മാണപ്രവൃത്തി നടക്കുന്നവയെത്ര; ബജറ്റില്‍ പ്രഖ്യാപിക്കുകയും ഇതുവരെ പണി ആരംഭിക്കാന്‍ കഴിയാത്തതുമായ ബൈപാസുകളുണ്ടോ; എങ്കില്‍ വിശദാംശങ്ങള്‍ ലഭ്യമാക്കുമോ?

റെയില്‍വെ മേല്‍പ്പാലം

1301.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കടുത്തുരുത്തി നിയോജമണ്ഡലത്തിലെ കുറുപ്പന്തറ റെയില്‍വെ മേല്‍പ്പാലത്തിന്റെ പ്രവൃത്തി സംബന്ധിച്ച് ഇപ്പോള്‍ പൊതുമരാമത്ത് വകുപ്പില്‍ ഫയല്‍ നിലവിലുണ്ടോ; ഉണ്ടെങ്കില്‍ ആയതിന്റെ നമ്പര്‍ നല്‍കാമോ;

(ബി)	ഇതു സംബന്ധിച്ച് ചീഫ് എഞ്ചിനീയര്‍ ഓഫീസിലെ ഫയല്‍നമ്പര്‍ വ്യക്തമാക്കാമോ;

(സി)	ഇൗ പദ്ധതിക്ക് ഭരണാനുമതി ലഭിക്കുന്നതിന് ഡി.പി.ആര്‍, സി. ഇ. ഓഫീസില്‍ നിന്നും ലഭിച്ചിട്ടുണ്ടോ; ഇല്ലയെങ്കില്‍ എത്രയും വേഗം ഭരണാനുമതി ലഭിക്കുന്നതിനുവേണ്ട നടപടി സ്വീകരിക്കുമോ?

പാലങ്ങളുടെ നിര്‍മ്മാണം

1302.

(എ)	കൊട്ടാരക്കര നിയോജക മണ്ഡലത്തില്‍പ്പെടുന്ന ഏതെല്ലാം പാലങ്ങളുടെ നിര്‍മ്മാണ പ്രവൃത്തികള്‍ അനുമതിക്കായി സര്‍ക്കാരിന്റെ പരിഗണനയില്‍ ഉണ്ടെന്ന് വ്യക്തമാക്കാമോ;

(ബി)	പ്രസ്തുത പ്രവൃത്തികളുടെ നിലവിലെ സ്ഥിതിയും അവയ്ക്കു ഭരണാനുമതി നല്‍കുന്നതിനായി സ്വീകരിക്കുന്ന നടപടികളും വിശദമാക്കുമോ?

പി.ഡബ്ല്യു.ഡി. റോഡുകളുടെ നവീകരണം

1303.

ശ്രീ.എം. ഹംസ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ഒറ്റപ്പാലം അസംബ്ലി മണ്ഡലത്തിലെ ഗ്രാമീണ റോഡുകളുടെ പുനരുദ്ധാരണത്തിനായി ഈ സര്‍ക്കാര്‍ എത്ര തുക അനുവദിച്ചു; 1/7/2011 മുതല്‍ 31/12/15 വരെയുള്ള കണക്ക് ലഭ്യമാക്കാമോ;

(ബി)	ഒറ്റപ്പാലം അസംബ്ലി മണ്ഡലത്തിലെ വിവിധ പി.ഡബ്ല്യു.ഡി. റോഡുകളുടെ നവീകരണത്തിനും അറ്റകുറ്റപണിക്കുമായി എത്ര തുക അനുവദിച്ചു; റോഡുകളുടെ പേര് , അനുവദിച്ച തുക, ചെലവഴിച്ച തുക എന്നിവ വര്‍ഷാടിസ്ഥാനത്തില്‍ ലഭ്യമാക്കാമോ?

സേഫ് കോറിഡോര്‍ പദ്ധതി

1304.

(എ)	കെ.എസ്.റ്റി.പി യുടെ സേഫ് കോറിഡോര്‍ പദ്ധതിയില്‍ ഉള്‍പ്പെടുത്തി കൊട്ടാരക്കര താലൂക്ക് ആശുപത്രിയിലെ ട്രോമാകെയര്‍ യൂണിറ്റിനാവശ്യമായ ഉപകരണങ്ങള്‍ ലഭ്യമാക്കുന്നതിനുള്ള നിര്‍ദ്ദേശം ലഭിച്ചിട്ടുണ്ടോ; പ്രസ്തുത പദ്ധതിയുടെ വിശദാംശം വെളിപ്പെടുത്തുമോ;

(ബി)	പദ്ധതി അംഗീകരിച്ച് ഉപകരണങ്ങള്‍ ലഭ്യമാക്കാന്‍ എന്തെല്ലാം നടപടികള്‍ സ്വീകരിക്കുമെന്നുള്ള വിശദാംശം വ്യക്തമാക്കാമോ?

റോഡ് നിര്‍മ്മാണം

1305.

ശ്രീ.ഇ.പി.ജയരാജന്‍ : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	2011 മെയ്‍മാസം മുതല്‍ നാളിതുവരെ മട്ടന്നൂര്‍ നിയോജകമണ്ഡലത്തിലെ ഏതെല്ലാം പൊതുമരാമത്ത് റോഡ് നിര്‍മ്മാണ പ്രവര്‍ത്തികള്‍ക്ക് ഭരണാനുമതി നല്‍കുകയുണ്ടായി; ഓരോ പ്രവര്‍ത്തിയുടെയും അടങ്കല്‍ തുക എത്ര; ഓരോ പ്രവര്‍ത്തിയും ഇപ്പോള്‍ ഏതു ഘട്ടത്തിലാണ്;വിശദാംശങ്ങള്‍ ലഭ്യമാക്കാമോ?

റാന്നി മിനിസിവില്‍ സ്റ്റേഷന്റെ നിര്‍മ്മാണം.

T 1306.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	റാന്നി മിനിസിവില്‍ സ്റ്റേഷന്റെ നിര്‍മ്മാണം ഏതു ഘട്ടം വരെയായി; ഇതിന്റെ നിര്‍മ്മാണത്തിനായി എത്രകോടി രൂപയാണ് വകയിരുത്തിയിരിക്കുന്നത്;

(ബി)	ഇതില്‍ ഏന്തൊക്കെ പ്രവൃത്തികളാണ് പൂര്‍ത്തിയാകാനുള്ളത്; പ്രവൃത്തികള്‍ പൂര്‍ത്തീകരിക്കാന്‍ എന്തൊക്കെ നടപടികള്‍ സ്വീകരിച്ചു ;

(സി)	ഏതൊക്കെ ഓഫീസുകളാണ് ഇവിടെ പ്രവര്‍ത്തിക്കുന്നത് ;

(ഡി)	ആദ്യഘട്ട നിര്‍മ്മാണം പൂര്‍ത്തീകരിച്ച് സിവില്‍ സ്റ്റേഷന്‍ എന്ന് ഉദ്ഘാടനം ചെയ്യാനാണ് തീരുമാനിച്ചിട്ടുള്ളതെന്ന് വ്യക്തമാക്കുമോ ?

ഗ്രാമീണ റോഡുകളുടെ നവീകരണം

1307.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ആറ്റിങ്ങല്‍ നിയമസഭാ മണ്ഡലമുള്‍പ്പെടുന്ന പ്രദേശത്ത് ഗ്രാമീണ റോഡുകള്‍ ഒറ്റത്തവണ നവീകരിക്കുന്ന പദ്ധതിയിലുള്‍പ്പെടുത്തി 2015-2016-ല്‍ ഭരണാനുമതി ലഭിച്ച പ്രവൃത്തികളുടെ ടെന്‍ഡര്‍ നടപടികള്‍ ഏത് ഘട്ടത്തിലെന്ന് വ്യക്തമാക്കാമോ;

(ബി)	നിര്‍മ്മാണ പ്രവര്‍ത്തനം എന്നുമുതല്‍ ആരംഭിക്കുവാനാണ് തീരുമാനിച്ചിരിക്കുന്നതെന്ന് വ്യക്തമാക്കാമോ?

ചെമ്പിളാവ് പാലം നിര്‍മ്മാണം

1308.

(എ)	ചെമ്പിളാവ് പാലത്തിന്റെ നിര്‍മ്മാണ പ്രവര്‍ത്തനങ്ങളുടെ കാലതാമസം വ്യക്തമാക്കാമോ; ഇവ എന്ന് പൂര്‍ത്തീകരിക്കുമെന്ന് അറിയിക്കാമോ;

(ബി)	സ്ഥലമെടുപ്പ് നടപടിക്രമങ്ങള്‍ പൂര്‍ത്തീകരിക്കുവാനുണ്ടോ; സ്ഥലമേറ്റെടുത്തവര്‍ക്കുള്ള നഷ്ടപരിഹാരം വിതരണം ചെയ്തിട്ടുണ്ടോ; ഇനി ആര്‍ക്കൊക്കെയാണ് നഷ്ടപരിഹാരം വിതരണം ചെയ്യുവാനുള്ളത് എന്ന് അറിയിക്കാമോ ;

(സി)	സ്ഥലമെടുപ്പുമായി ബന്ധപ്പെട്ട് കേസ്സുകള്‍ വല്ലതും നിലവിലുണ്ടോ; എങ്കില്‍ ആരുടെ കേസ്സാണ് എന്നറിയിക്കാമോ;

(ഡി)	ഈ പാലത്തിന്റെ അപ്രോച്ച് റോഡുകളുടെ പണി ആരംഭിച്ചിട്ടുണ്ടോ; ഇവ എന്നേയ്ക്ക് പൂര്‍ത്തീകരിക്കാന്‍ കഴിയും എന്നറിയിക്കാമോ?

പെരുംമ്പട്ട പാലം നിര്‍മ്മാണം

1309.

ശ്രീ.കെ.കുഞ്ഞിരാമന്‍ (തൃക്കരിപ്പൂർ) : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയിലെ പെരുംമ്പട്ട പാലം നിര്‍മ്മാണം സംബന്ധിച്ച നടപടികള്‍ ഇപ്പോള്‍ ഏതു ഘട്ടത്തിലാണെന്ന് വ്യക്തമാക്കാമോ;

(ബി)	പ്രഭാകരന്‍ കമ്മീഷന്‍ റിപ്പോര്‍ട്ടില്‍പ്പെട്ട പ്രസ്തുത പാലം പണി എന്നാരംഭിക്കാന്‍ കഴിയുമെന്ന് വ്യക്തമാക്കാമോ?

പേരൂച്ചാല്‍, പേങ്ങാട്ട്കടവ് പാലങ്ങളുടെ നിര്‍മ്മാണം

1310.

(എ)	റാന്നി നിയോജക മണ്ഡലത്തിലെ പേരൂച്ചാല്‍, പേങ്ങാട്ട്കടവ് പാലങ്ങളുടെ നിര്‍മ്മാണം ഏതു ഘട്ടം വരെയായി; ഈ പാലങ്ങളുടെ നിര്‍മ്മാണത്തിനായി എത്ര രൂപയുടെ ഫണ്ടാണ് അനുവദിച്ചിട്ടുള്ളത് എന്ന് അറിയിക്കുമോ; ഇനി എന്തൊക്കെ പണികളാണ് നടക്കാനുള്ളത് എന്ന് വിശദമാക്കാമോ;

(ബി)	രണ്ട് പാലങ്ങളുടേയും നിര്‍മ്മാണം വൈകാനുണ്ടായ കാരണങ്ങള്‍ എന്തൊക്കെയെന്ന് അറിയിക്കുമോ; ഇവ പരിഹരിക്കാന്‍ എന്തൊക്കെ നടപടികളാണ് സ്വീകരിച്ചിട്ടുള്ളത്;

(സി)	നിര്‍മ്മാണ തടസ്സങ്ങള്‍ പരിഹരിച്ച് പാലംപണി എന്ന് പൂര്‍ത്തീകരിക്കാനാവും എന്ന് അറിയിക്കുമോ?

പൊതുമരാമത്ത് പണികള്‍

1311.

(എ)	റാന്നി നിയോജകമണ്ഡലത്തില്‍ നിര്‍മ്മാണം നടക്കുന്ന മിനി സിവില്‍സ്റ്റേഷന്‍, വെച്ചൂച്ചിറ പോളിടെക്നിക് കെട്ടിടം, താലൂക്ക് ആശുപത്രി കെട്ടിടം എന്നിവയുടെ നിര്‍മ്മാണ പുരോഗതി വിശദമാക്കാമോ; ഇവ ഓരോന്നിനും എത്ര തുക വീതമാണ് ചെലവഴിക്കുന്നത് എന്ന് വ്യക്തമാക്കാമോ;

(ബി)	ഓരോ കെട്ടിടത്തിനും നിര്‍മ്മാണത്തിനിടയിലുണ്ടായ തടസ്സങ്ങള്‍ നീക്കാന്‍ എന്തൊക്കെ നടപടികളാണ് സ്വീകരിച്ചിട്ടുള്ളത്; വ്യക്തമാക്കാമോ;

(സി)	ഓരോ പ്രവര്‍ത്തികളും എന്നത്തേയ്ക്ക് പൂര്‍ത്തിയാക്കാനാകും എന്ന് പറയാമോ?

പൊതുജനസമ്പര്‍ക്ക പരിപാടി

1312.

ശ്രീ.ജെയിംസ് മാത്യു : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	മുഖ്യമന്ത്രിയുടെ പൊതുജനസമ്പര്‍ക്ക പരിപാടിയില്‍ മരാമത്ത് വകുപ്പുമായി ബന്ധപ്പെട്ട് നടത്തിയിട്ടുള്ള പ്രഖ്യാപനങ്ങള്‍ എന്തെല്ലാമായിരുന്നു എന്നറിയിക്കാമോ;

(ബി)	ബഡ്ജറ്റ് പ്രഖ്യാപനങ്ങളില്‍ ഉള്‍പ്പെടാത്ത എത്ര പദ്ധതികള്‍ അവയിലുണ്ടെന്ന് വ്യക്തമാക്കാമോ;

(സി)	ഉണ്ടെങ്കില്‍, ഇവയുടെ നടത്തിപ്പിന് ആവശ്യമായ തുക ഉപധനാഭ്യര്‍ത്ഥനയിലൂടെ ലഭ്യമാക്കിയിട്ടുണ്ടോ;

(ഡി)	പ്രഖ്യാപിക്കപ്പെട്ട പദ്ധതിയില്‍ ഇനിയും നടപ്പിലാക്കാനും പൂര്‍ത്തീകരിക്കാനും സാധിക്കാത്തവയായി എത്ര പദ്ധതികള്‍ ഉണ്ട്; വിശദാംശം നല്‍കുമോ?

കെ.എസ്.റ്റി.പി പാതയിലെ വാഹനാപകടം

1313.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ഏനാത്ത് മുതല്‍ ആയൂര്‍ വരെയുള്ള കെ.എസ്.റ്റി.പി പാതയില്‍ അപകടങ്ങള്‍ ഒഴിവാക്കുന്നതിനായി എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കുമോ?

നഗര റോഡ് വികസന പദ്ധതികള്‍

1314.

ശ്രീ.പി.എ.മാധവന്‍
,, ബെന്നി ബെഹനാന്‍
,, ഹൈബി ഈഡന്‍
,, വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നഗര റോഡ് വികസന പദ്ധതി നടപ്പാക്കിയിട്ടുണ്ടോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇത് വഴി കൈവരിക്കാനുദ്ദേശിക്കുന്നത്; വിശദമാക്കുമോ;

(സി)	ഇത് നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

റോഡ് നിര്‍മ്മാണം

1315.

ശ്രീ.റ്റി.യു. കുരുവിള : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	തങ്കളം-കാക്കനാട് റോഡിന്റെ നിര്‍മ്മാണം സമയബന്ധിതമായി പൂര്‍ത്തീകരിക്കുന്നതിന് സ്വീകരിച്ച് വരുന്ന നടപടികള്‍ വ്യക്തമാക്കുമോ;

(ബി)	പ്രസ്തുത റോഡിനായി സ്ഥലം ഏറ്റെടുത്ത വകയില്‍ ഉടമകള്‍ക്ക് പണം നല്‍കുന്നതിന് അടിയന്തര നടപടികള്‍ സ്വീകരിക്കുമോ;

(സി)	പ്രസ്തുത റോഡിന്റെ നിര്‍മ്മാണം എന്നത്തേക്ക് പൂര്‍ത്തീകരിക്കാന്‍ കഴിയുമെന്ന് വ്യക്തമാക്കുമോ?

വണ്‍ ടെെം മെയിന്റനന്‍സ് പദ്ധതി

1316.

ശ്രീ.പി.ടി.എ. റഹീം : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	2015-16 വര്‍ഷങ്ങളില്‍ പൊതുമരാമത്ത് വകുപ്പിന്റെ കോഴിക്കോട് ഡിവിഷനിലെ ഓരോ സെക്ഷന്‍ ഓഫീസുകള്‍ക്ക് കീഴിലും വണ്‍ ടൈം മെയിന്റനന്‍സ് പദ്ധതിയില്‍ ഉള്‍പ്പെടുത്തി എത്ര രൂപയുടെ വീതം പ്രവൃത്തികള്‍ക്കാണ് ഭരണാനുമതി ലഭ്യമാക്കിയിട്ടുള്ളതെന്ന് വിശദമാക്കാമോ;

റോഡ് കയ്യേറ്റം

1317.

ശ്രീ.കെ.അജിത് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	വടയാര്‍ ചന്നപ്പാലം വെള്ളൂര്‍ മുളക്കുളം റോഡിന്റെ കെ.ആര്‍. ആഡിറ്റോറിയം മുതല്‍ പാലംകടവ് വരെയുള്ള പ്രദേശത്തെ റോഡിന്റെ വീതി വകുപ്പ് തലത്തിലെ റെക്കോഡുകള്‍ പ്രകാരം എത്ര മീറ്ററാണന്നും ഇപ്പോള്‍ നിലവിലുള്ള വീതി എത്ര മീറ്ററാണന്നും വ്യക്തമാക്കുമോ;

(ബി)	പാലം കടവ് മുതല്‍ കെ.ആര്‍. ഓഡിറ്റോറിയം റോഡ് തലയോലപ്പറമ്പ് വരെയുള്ള ഭാഗങ്ങളില്‍ റോഡ് കയ്യേറ്റം നടന്നതായി വകുപ്പ് തലത്തില്‍ കണ്ടെത്തിയിട്ടുണ്ടോ എന്നും ഉണ്ടെങ്കില്‍ ഏതെല്ലാം ഭാഗങ്ങളിലാണ് കയ്യേറ്റം നടന്നിട്ടുള്ളതെന്നും വ്യക്തമാക്കുമോ;

(സി)	പാലം കടവ് കെ.ആര്‍ ആഡിറ്റോറിയം റോഡിലെ കയ്യേറ്റം തിരിച്ചെടുക്കുവാന്‍ ആവശ്യമായ നടപടി എന്തെന്ന് വ്യക്തമാക്കുമോ;

(ഡി)

പാലംകടവ് മുതല്‍ കെ.ആര്‍. ആഡിറ്റോറിയം വരെയുള്ള റോഡിനോട് ചേര്‍ന്ന് റെക്കോര്‍ഡ് പ്രകാരം എത്ര വീതിയില്‍ തോടുണ്ടായിരുന്നതായി കണ്ടെത്തിയിട്ടുണ്ടെന്നും ഈ തോടിന്റെ ഇപ്പോഴത്തെ അവസ്ഥ എന്തെന്നും പ്രസ്തുത പ്രദേശത്ത് കയ്യേറ്റം നടന്നിട്ടുണ്ടങ്കില്‍ കയ്യേറ്റം തിരിച്ചെടുക്കുവാന്‍ എന്തെല്ലാം നടപടികളാണ് സ്വീകരിക്കുക എന്നും വ്യക്തമാക്കുമോ ?

കേരള സ്റ്റേറ്റ് ട്രാന്‍സ്പോര്‍ട്ട് പ്രോജക്ട്

1318.

ശ്രീ.സി.പി.മുഹമ്മദ്
,, കെ.മുരളീധരന്‍
,, ആര്‍ . സെല്‍വരാജ്
,, കെ.ശിവദാസന്‍ നായര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കെ.എസ്.റ്റി.പി.രണ്ടാം ഘട്ട പദ്ധതി നടപ്പാക്കിയിട്ടുണ്ടോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇത് വഴി കെെവരിക്കാനുദ്ദേശിക്കുന്നത്; വിശദമാക്കുമോ;

(സി)	പ്രസ്തുത പദ്ധതി നടപ്പാക്കാന്‍ എന്തല്ലാം നടപടികള്‍ സ്വീകരിച്ചിട്ടുണ്ട്?

റോഡ് റീ ടാറിംഗ്

1319.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	വകുപ്പിന്റെ കീഴിലുള്ളതും, കഴിഞ്ഞ 15 വര്‍ഷത്തിലധികമായി റീ ടാറിംഗ് നടത്താത്തതുമായ എത്ര റോഡുകള്‍ കണ്ണൂര്‍ ജില്ലയിലുണ്ടെന്നും അവ എതെല്ലാമെന്നും വിശദമാക്കാമോ;

(ബി)	പയ്യന്നൂര്‍ നിയോജകമണ്ഡലത്തില്‍പ്പെട്ട 'വെള്ളോറ കക്കറ കടുക്കാരംമുക്ക്' റോഡ് അഭിവൃദ്ധിപ്പെടുത്തുന്നതിന് നടപടികള്‍ സ്വീകരിച്ചിട്ടുണ്ടോ; വിശദമാക്കാമോ?

ദേശീയ പാത വികസന പ്രവര്‍ത്തനങ്ങള്‍

1320.

ശ്രീ.കോടിയേരി ബാലകൃഷ്ണന്‍
,, എളമരം കരീം
,, ബി.ഡി. ദേവസ്സി
,, കോലിയക്കോട് എന്‍. കൃഷ്ണന്‍ നായര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ദേശീയ പാത വികസന പ്രവര്‍ത്തനങ്ങള്‍ക്ക് മേല്‍നോട്ടം വഹിക്കുന്നതിന് ചീഫ് സെക്രട്ടറിയുടെ നേതൃത്വത്തില്‍ പ്രത്യേക സമിതിക്ക് രൂപം നല്‍കിയിട്ടുണ്ടോ; എങ്കില്‍ സമിതി ഇതിനകം നടത്തിയിട്ടുള്ള പ്രവര്‍ത്തനങ്ങള്‍ വിശദമാക്കാമോ;

(ബി)	ദേശീയ പാത വികസനത്തിന് സ്ഥലമേറ്റെടുക്കുന്ന കാര്യത്തില്‍ എന്തെങ്കിലും പുരോഗതി ഉണ്ടായിട്ടുണ്ടോ;

(സി)	എന്‍.എച്ച്. 17, എന്‍.എച്ച്. 47 പാതകളുടെ വികസനത്തിന് എത്ര അളവില്‍ ഭൂമി ഏറ്റെടുക്കേണ്ടിവരുമെന്നാണ് കണക്കാക്കിയിട്ടുള്ളത്; ഇതില്‍ എത്ര ശതമാനം ഇതിനകം ഏറ്റെടുക്കാനായി;

(ഡി)	കുടിയൊഴിപ്പിക്കപ്പെടുന്നവര്‍ക്ക് മതിയായ നഷ്ടപരിഹാരം നല്കുന്നതിനും പുനരധിവസിപ്പിക്കുന്നതിനും പദ്ധതിയുണ്ടോ; ഇതിന് എന്തു തുക ചെലവ് വരും; ഇതിനായി പണം കണ്ടെത്തിയിട്ടുണ്ടോ;

(ഇ)	നിലവില്‍ എന്‍.എച്ച്.എ.ഐ.യുടെ ഓഫീസുകള്‍ സംസ്ഥാനത്ത് പ്രവര്‍ത്തിക്കുന്നുണ്ടോ; ഹൈവേ വികസനവുമായി ബന്ധപ്പെട്ട് എന്‍.എച്ച്.എ.ഐ.യുടെ നിര്‍ദ്ദേശങ്ങള്‍ എന്തെല്ലാമാണ്; ഇത് സംസ്ഥാന സര്‍ക്കാര്‍ പാലിക്കുന്നുണ്ടോ എന്ന് വ്യക്തമാക്കുമോ?

കോര്‍ റോഡ് നെറ്റ്‍വര്‍ക്ക് പദ്ധതി

1321.

ശ്രീ.അന്‍വര്‍ സാദത്ത്
,, പി.എ.മാധവന്‍
,, എ.പി.അബ്ദുള്ളക്കുട്ടി
,, ബെന്നി ബെഹനാന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കോര്‍ റോഡ് നെറ്റ്‍വര്‍ക്ക് പദ്ധതി നടപ്പാക്കിയിട്ടുണ്ടോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇത് വഴി കൈവരിക്കാനുദ്ദേശിക്കുന്നത്; വിശദമാക്കുമോ;

(സി)	ഇത് നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കുമോ?

ഫയര്‍ സ്റ്റേഷന്‍ കെട്ടിട നിര്‍മ്മാണം

1322.

(എ)	കടുത്തുരുത്തി ഫയര്‍ സ്റ്റേഷന്റെ നിര്‍മ്മാണവുമായി ബന്ധപ്പെട്ട G.O.Rt. No. 1187/08 തീ. 4.08.2009, G.O.Rt. No. 1184/09 തീ. 14.08.2009, G.O.Rt. No. 1047/09 PWD തീ. 14.07.2009, എന്നീ നമ്പര്‍ സര്‍ക്കാര്‍ ഉത്തരവുകള്‍ക്ക് പുതുക്കിയ ഉത്തരവുകള്‍ ഇറങ്ങിയിട്ടുണ്ടോ; എങ്കില്‍ ആയതിന്റെ പകര്‍പ്പ് ലഭ്യമാക്കാമോ;

(ബി)	ഈ പ്രവർത്തിയുടെ പുരോഗതി എന്തെന്ന് വ്യക്തമാക്കാമോ; ഇതു സംബന്ധിച്ച് ഏറ്റവും പുതുതായി ഇറങ്ങിയ ഉത്തരവിന്റെ പകര്‍പ്പ് ലഭ്യമാക്കാമോ; പ്രസ്തുത പ്രവൃത്തി മുന്നോട്ട് കൊണ്ടുപോകാന്‍ കഴിയാത്തതിന്റെ കാരണം വ്യക്തമാക്കാമോ?

കാലടി-മഞ്ഞപ്ര റോഡിന്റെ പുനരുദ്ധാരണം

1323.

ശ്രീ.ജോസ് തെറ്റയില്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കാലടി-മഞ്ഞപ്ര റോഡിന്റെ പുനരുദ്ധാരണ പ്രവര്‍ത്തനത്തിനായി 5 കോടി രൂപയുടെ ഭരണാനുമതി നല്കിയതെന്നാണ്; ടെണ്ടറിനാണോ ക്വട്ടേഷനാണോ അനുമതി നല്കിയിട്ടുള്ളത്;

(ബി)	എത്ര തവണ ടെണ്ടറിനായി അപേക്ഷ ക്ഷണിച്ചിരുന്നു;ടെണ്ടറിന് അംഗീകാരം നല്‍കാതിരുന്നതിന് കാരണം വ്യക്തമാക്കാമോ;

(സി)	എന്നാണ് ഈ പ്രവൃത്തിയുടെ ക്വട്ടേഷന്‍ ക്ഷണിച്ചത്; ആരുടെ ക്വട്ടേഷനാണ് അംഗീകാരം നല്‍കിയിട്ടുള്ളത്;

(ഡി)	ക്വട്ടേഷന് അംഗീകാരം നല്കുന്നതില്‍ നേരിട്ട കാലതാമസത്തിന് കാരണം വിശദമാക്കാമോ?

മംഗലം-ഗോവിന്ദപുരം അന്തര്‍സംസ്ഥാന പാതയിലെ അപകടങ്ങള്‍

1324.

ശ്രീ.വി.ചെന്താമരാക്ഷന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	മംഗലം-ഗോവിന്ദപുരം അന്തര്‍സംസ്ഥാന പാതയില്‍ അപകടങ്ങള്‍ വര്‍ദ്ധിയ്ക്കുന്നത് ശ്രദ്ധയില്‍പെട്ടിട്ടുണ്ടോ; വ്യക്തമാക്കാമോ;

(ബി)	അപകടങ്ങള്‍ കുറയ്ക്കാന്‍ മുന്നറിയിപ്പ് ബോര്‍ഡുകളും സിഗ്നല്‍ സംവിധാനങ്ങളും സ്ഥാപിക്കാന്‍ നടപടി സ്വീകരിക്കുമോ?

സ്പീഡ് കേരള പദ്ധതി

1325.

ശ്രീ.ജോസഫ് വാഴയ്ക്കൻ
,, ഹൈബി ഈഡന്‍
,, ഷാഫി പറമ്പില്‍
,, സി.പി.മുഹമ്മദ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സ്പീഡ് കേരള പദ്ധതി നടപ്പാക്കിയിട്ടുണ്ടോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇത് വഴി കൈവരിക്കാനുദ്ദേശിക്കുന്നത്; വിശദമാക്കുമോ;

(സി)	ഇത് നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

റോ‍ഡ് ശൃംഖല

1326.

ശ്രീ.ടി.എന്‍. പ്രതാപന്‍
,, കെ.എസ്.ശബരീനാഥന്‍
,, എം.പി.വിന്‍സെന്‍റ്
,, പി.സി വിഷ്ണുനാഥ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് തന്ത്ര പ്രധാനമായ റോ‍ഡ് ശൃംഖല വികസിപ്പിക്കുന്നതിന് കര്‍മ്മ പദ്ധതികള്‍ ആവിഷ്ക്കരിച്ചിട്ടുണ്ടോ;

(ബി)	ഇത് വഴി കൈവരിക്കാനുദ്ദേശിക്കുന്ന ലക്ഷ്യങ്ങള്‍ എന്തെല്ലാം;

(സി)	ഇത് നടപ്പാക്കാന്‍ ഭരണതലത്തില്‍ സ്വീകരിച്ചിട്ടുള്ള നടപടികള്‍ എന്തെല്ലാം?

ലൈറ്റ് മെട്രോ പദ്ധതിയുടെ നിലവിലെ സ്ഥിതി

1327.

ശ്രീ.എം.എ.ബേബി
,, കെ.രാധാകൃഷ്ണന്‍
,, വി.ശിവന്‍കുട്ടി
,, എ. പ്രദീപ്കുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ലൈറ്റ് മെട്രോ പദ്ധതിയുടെ നിലവിലെ സ്ഥിതി എന്താണെന്ന് വിശദമാക്കാമോ; ഈ പദ്ധതി സര്‍ക്കാര്‍ പ്രഖ്യാപിച്ചത് എന്നായിരുന്നു; എന്നത്തേക്ക് പൂര്‍ത്തിയാക്കാനാണ് ലക്ഷ്യമിട്ടിരുന്നത്;

(ബി)	പദ്ധതിയ്ക്ക് എന്തു തുക ചെലവ് വരുമെന്നാണ് കണക്കാക്കിയിട്ടുള്ളത്; പണം എങ്ങനെയാണ് കണ്ടെത്തിയിട്ടുള്ളതെന്ന് വിശദമാക്കാമോ;

(സി)	പദ്ധതി എന്നത്തേക്ക് പൂര്‍ത്തിയാക്കാനാകുമെന്ന് വ്യക്തമാക്കാമോ;

(ഡി)	പദ്ധതിയുടെ കണ്‍സള്‍ട്ടന്റിനെ തീരുമാനിച്ചിട്ടുണ്ടോ; പ്രസ്തുത തീരുമാനം അനന്തമായി നീണ്ടുപോകാനിടയായതായി പറയപ്പെടുന്ന സാഹചര്യം വിശദമാക്കാമോ?

ലൈറ്റ് മെട്രോ പദ്ധതി

T 1328.

ശ്രീ.എന്‍. ഷംസുദ്ദീന്‍
,, കെ.എം.ഷാജി
,, പി.ബി. അബ്ദുൾ റസാക്
,, സി.മോയിന്‍ കുട്ടി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരം, കോഴിക്കോട് എന്നീ നഗരങ്ങള്‍ക്കുവേണ്ടിയുള്ള ലൈറ്റ് മെട്രോ പദ്ധതിയുടെ പ്രാരംഭ പ്രവര്‍ത്തന പുരോഗതി വിശദമാക്കുമോ;

(ബി)	കണ്‍സള്‍ട്ടന്‍സി നിയമനക്കാര്യത്തില്‍ നിലനിന്ന അനിശ്ചിതത്വം പരിഹരിക്കുന്നതില്‍ എന്തൊക്കെ അനുകൂല നടപടികള്‍ സ്വീകരിച്ചുവെന്ന് വ്യക്തമാക്കുമോ;

(സി)	കണ്‍സള്‍ട്ടന്‍സി നിയമന വ്യവസ്ഥകള്‍ എന്തൊക്കെയാണെന്ന് വ്യക്തമാക്കുമോ?

അരൂര്‍ മണ്ഡലത്തില്‍ നടപ്പിലാക്കിയ വികസന പ്രവര്‍ത്തനങ്ങള്‍

1329.

ശ്രീ.എ.എം. ആരിഫ് : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം പൊതുമരാമത്ത് വകുപ്പ് വഴി അരൂര്‍ മണ്ഡലത്തില്‍ നടപ്പിലാക്കിയ വികസന പ്രവര്‍ത്തനങ്ങള്‍ വിശദമാക്കാമോ?

ചെമ്പ് വാലേല്‍പ്പാലം പൂര്‍ത്തീകരണം

1330.

(എ)	ചെമ്പ് വാലേല്‍പ്പാലം പൂര്‍ത്തിയാക്കുന്നത് സംബന്ധിച്ച് തടസ്സങ്ങള്‍ എന്തൊക്കെയെന്ന് വ്യക്തമാക്കുമോ;

(ബി)	ചെമ്പ് വാലേല്‍പ്പാലം പൂര്‍ത്തിയാക്കുന്നതിനായി എറ്റെടുക്കേണ്ട ഭൂമി സംബന്ധിച്ച നടപടിക്രമങ്ങള്‍ പൂര്‍ത്തിയാക്കിയിട്ടുണ്ടോ; എങ്കില്‍ വിശദാംശങ്ങള്‍ വ്യക്തമാക്കുമോ;

(സി)	മുറിഞ്ഞപുഴ-കുന്നേപ്പറമ്പ് റാേഡിലെ വാലേല്‍പ്പാലം പൂര്‍ത്തിയാക്കുന്നതിനായി എത്ര കോടി രൂപയുടെ പുതുക്കിയ എസ്റ്റിമേറ്റാണ് തയ്യാറാക്കിയിരിക്കുന്നതെന്നും ഇത് എന്ന് പൂര്‍ത്തിയാക്കാന്‍ കഴിയുമെന്നും വ്യക്തമാക്കുമോ?

തെക്ക്-വടക്ക് ഹെെസ്പീഡ് ട്രാന്‍സ്പോര്‍ട്ട് കോറിഡോര്‍

1331.

ശ്രീ.എ.കെ.ബാലന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	തെക്ക്-വടക്ക് ഹെെസ്പീഡ് ട്രാന്‍സ്പോര്‍ട്ട് കോറിഡോര്‍ എന്ന പദ്ധതി നടപ്പിലാക്കുന്നതിന് നയപരമായ തീരുമാനം എടുത്തിട്ടുണ്ടോ; കോറിഡോര്‍ നിര്‍മ്മാണത്തിനുളള എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

(ബി)	ഇതിനുള്ള പ്രോജക്ട് റിപ്പോര്‍ട്ട് തയ്യാറാക്കുകയും ആയത് പൊതുജന ചര്‍ച്ചക്ക് വിധേയമാക്കുകയും ചെയ്തിട്ടുണ്ടെങ്കില്‍ വിശദാംശം ലഭ്യമാക്കുമോ;

(സി)	സംസ്ഥാനത്ത് ഒരു നഗരഗതാഗത നയം രൂപീകരിച്ചിട്ടുണ്ടെങ്കില്‍ ആയതിന്റെ വിശദാംശം ലഭ്യമാക്കുമോ;

(ഡി)	റോഡുകളുടെ വികസന പദ്ധതി തയ്യാറാക്കുന്നതിന് കേരള ഹെെവേ ഡെവലപ്മെന്റ് അതോറിറ്റി രൂപീകരിച്ചിട്ടുണ്ടോ; ഉണ്ടെങ്കില്‍ ആയതിന്റെ വിശദാംശം വ്യക്തമാക്കുമോ?

തങ്കളം-കോഴിപ്പള്ളി ബെെപ്പാസ് റോഡ്

1332.

(എ)	തങ്കളം-കോഴിപ്പള്ളി ബെെപ്പാസ് റോഡിന്റെ നിര്‍മ്മാണം പൂര്‍ത്തീകരിക്കാനുള്ള തടസ്സങ്ങള്‍ എന്തെല്ലാമാണ്;

(ബി)	ബെെപ്പാസിന്റെ നിര്‍മ്മാണം അടിയന്തരമായി പൂര്‍ത്തീകരിക്കാന്‍ എന്തൊക്കെ നടപടികള്‍ സ്വീകരിക്കും;

(സി)

ഉഴവൂര്‍ മിനി സിവില്‍ സ്റ്റേഷന്‍ നിര്‍മ്മാണം

T 1333.

(എ)

ഉഴവൂര്‍ മിനി സിവില്‍ സ്റ്റേഷന്‍ നിര്‍മ്മാണത്തിനായി ട്രഷറി വകുപ്പിന്റെ സ്ഥലം വിട്ടു നല്‍കുുന്നതുമായി ബന്ധപ്പെട്ട് പി.ഡ്ലൂ.ഡി. സര്‍വ്വെ നടത്തി റിപ്പോര്‍ട്ട് സമര്‍പ്പിക്കുന്നതിന് കാലതാമസം നേരിടുന്നതായി ശ്രദ്ധയില്‍പ്പെട്ടിട്ടുണ്ടോ; പ്രസ്തുത സര്‍വ്വെ പി.ഡ്ലൂ.ഡി. കോട്ടയം എക്സിക്യൂട്ടീവ് എഞ്ചിനീയറെക്കൊണ്ട് എത്രയും വേഗം നടത്തി റിപ്പോര്‍ട്ട് സമര്‍പ്പിക്കുന്നതിന് നടപടി സ്വീകരിക്കുമോ;

(ബി)	പ്രസ്തുത സര്‍വ്വെയുടെ പേരു പറഞ്ഞ് ട്രഷറി വകുപ്പില്‍ നിലവിലുള്ള A1/8085/2013 ഫയലില്‍ തീരുമാനമെടുക്കാന്‍ കഴിയാത്ത സാഹചര്യം വകുപ്പിന്റെ ശ്രദ്ധയില്‍പ്പെട്ടിട്ടുണ്ടോ;

(സി)	ഇതിന് കാരണക്കാരായ ഉദ്യോഗസ്ഥര്‍ക്കെതിരെ നടപടി സ്വീകരിക്കുവാനും പദ്ധതിക്ക് തടസ്സം സൃഷ്ടിക്കുന്ന അവസ്ഥ ഒഴിവാക്കുവാനും, സിവില്‍ സ്റ്റേഷന്‍ നിര്‍മ്മാണത്തിനും അവിടെ ട്രഷറി കെട്ടിടം പണിയുന്നതിനുമുള്ള നടപടി സ്വീകരിക്കുമോ ?

പാലത്ത് പാലോളി താഴം റോഡിന്റെ നിര്‍മ്മാണം

1334.

ശ്രീ.എ. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ജില്ലയിലെ പാലത്ത് പാലോളി താഴം റോഡിന്റെ 0/000/4/400 വരെയുള്ള പ്രവൃത്തികള്‍ക്ക് എത്ര ലക്ഷം രൂപയുടെ ഭരണാനുമതിയാണ് ലഭിച്ചതെന്ന് വ്യക്തമാക്കാമോ;

(ബി)	പ്രസ്തുത റോഡിന്റെ എത്ര കിലോ മീറ്റര്‍ വരെ പ്രവൃത്തി പൂര്‍ത്തീകരിച്ചിട്ടുണ്ടെന്നും ബാക്കി ഭാഗത്തെ പ്രവൃത്തി എന്തുകാെണ്ടാണ് കരാറുകാരന്‍ പൂര്‍ത്തീകരിക്കാത്തതെന്നും വെളിപ്പെടുത്താമോ;

(സി)	ബാക്കി വരുന്ന റോഡിന്റെ പ്രവൃത്തിയ്ക്ക് എത്ര രൂപയുടെ എസ്റ്റിമേറ്റാണ് കണക്കാക്കിയതെന്ന് വെളിപ്പെടുത്താമോ;

(ഡി)	പാലത്ത് പാലോളി താഴം റോഡിന്റെ പൂര്‍ണ്ണമായ പ്രവൃത്തി എപ്പോള്‍ ആരംഭിക്കുമെന്ന് വെളിപ്പെടുത്താമോ?

ഗ്രാമീണ റോഡുകളും സ്റ്റേറ്റ്-ഡിസ്ട്രിക്ട് ഹൈവേകളും

1335.

ശ്രീ.സി.എഫ്.തോമസ്
,, തോമസ് ഉണ്ണിയാടന്‍
,, റ്റി.യു. കുരുവിള : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കാലവര്‍ഷക്കെടുതി തുടങ്ങി വിവിധ കാരണങ്ങളാല്‍ പൊട്ടി പൊളിഞ്ഞ് കിടക്കുന്ന ഗ്രാമീണ റോഡുകളും സ്റ്റേറ്റ്-ഡിസ്ട്രിക്ട് ഹൈവേകളും അടിയന്തരമായി അറ്റകുറ്റപ്പണി നടത്തി സഞ്ചാര യോഗ്യമാക്കുന്നതിന് സ്വീകരിച്ച നടപടികള്‍ എന്തൊക്കെ;

(ബി)	റോ‍ഡുകള്‍ കുഴിയ്ക്കുന്നതിനുള്ള നിര്‍ദ്ദേശങ്ങളും തുടര്‍പ്രവര്‍ത്തനങ്ങളും കര്‍ശനമായി പാലിക്കുന്നുണ്ടെന്ന് ഉറപ്പ് വരുത്തുന്നതിന് അടിയന്തര നടപടി സ്വീകരിക്കുമോ?

തിരൂര്‍ നിയോജകമണ്ഡലത്തില്‍ നടപ്പാക്കിയ പദ്ധതികള്‍

1336.

ശ്രീ.സി.മമ്മൂട്ടി : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം പി.ഡബ്ല്യൂ.ഡി. മുഖേന തിരൂര്‍ നിയോജകമണ്ഡലത്തില്‍ നടപ്പാക്കിയ പദ്ധതികള്‍ ഏതൊക്കെയാണെന്നും, ഒരോ പദ്ധതിക്കും ഇതുവരെ എന്തു തുക ചെലവഴിച്ചിട്ടുണ്ട് എന്നും വ്യക്തമാക്കുമോ?

ചടയമംഗലം നിയോജക മണ്ഡലത്തിലെ പദ്ധതികള്‍

1337.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ചടയമംഗലം നിയോജക മണ്ഡലത്തില്‍ 2011 മേയ് മാസം മുതല്‍ അനുവദിച്ചിട്ടുള്ള പാലം, കെട്ടിടം, റോഡുവികസനം തുടങ്ങിയ പദ്ധതികളുടെയും അവക്കായി അനുവദിച്ചിട്ടുള്ള തുകകളുടേയും വിശദാംശങ്ങള്‍ ലഭ്യമാക്കാമോ?

പൈങ്കുളം റെയില്‍വേ മേല്‍പ്പാല നിര്‍മ്മാണം

1338.

ശ്രീ.കെ.രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ചേലക്കര നിയോജകമണ്ഡലത്തിലെ പൈങ്കുളം റെയില്‍വേ മേല്‍പ്പാല നിര്‍മ്മാണവുമായി ബന്ധപ്പെട്ട് സര്‍ക്കാര്‍ സ്വീകരിച്ച നടപടികള്‍ എന്തെല്ലാമെന്ന് പറയാമോ;

(ബി)	റെയില്‍വേയുടെ വര്‍ക്ക് പ്രോഗ്രാമില്‍ ഉള്‍പ്പെടുത്തി മേല്‍പ്പാലം നിര്‍മ്മിക്കുവാന്‍ നടപടി സ്വീകരിക്കുന്നതാണെന്ന് ബഹുമാനപ്പെട്ട മന്ത്രി അറിയിച്ചതിനെ തുടര്‍ന്ന് സ്വീകരിച്ച നടപടികള്‍ വ്യക്തമാക്കാമോ?

വണ്‍ടെെം മെയ്ന്റനസ്

1339.

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം പൊതുമരാമത്ത് വകുപ്പ് വണ്‍ടെെം മെയ്ന്റനസ്(നോണ്‍ പ്ലാന്‍)ഇനത്തില്‍ ഓരോ മണ്ഡലത്തിലും എത്ര രൂപ വീതം അനുവദിച്ചു എന്ന് വ്യക്തമാക്കാമോ?

നാദാപുരം മുട്ടുംങ്ങല്‍ റോഡ് നിലവാരം ഉയര്‍ത്തല്‍

1340.

ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	നാദാപുരം മുട്ടുംങ്ങല്‍ റോഡ് സ്റ്റേറ്റ് ഹൈവേ നിലവാരത്തിലേയ്ക്ക് ഉയര്‍ത്തുന്നതിന് നല്‍കിയ അപേക്ഷയിന്മേലുള്ള നടപടിക്രമങ്ങള്‍ ഏത് ഘട്ടത്തിലാണെന്ന് വിശദമാക്കാമോ;

(ബി)	പ്രസ്തുത റോഡ് സ്റ്റേറ്റ് ഹൈവേ ആയി ഉയര്‍ത്തുന്നതിന് കാലതാമസം നേരിടുന്നതിന്റെ കാരണം വ്യക്തമാക്കാമോ;

(സി)	നാദാപുരം മുട്ടുംങ്ങല്‍ റോഡ് സ്റ്റേറ്റ് ഹൈവേ നിലവാരത്തിലേയ്ക്ക് ഉയര്‍ത്തുന്നതിന് അടിയന്തര നടപടി സ്വീകരിക്കുമോ?

പൂനലൂര്‍-മൂവാറ്റുപുഴ സംസ്ഥാനപാതയുടെ പുനരുദ്ധാരണം

1341.

(എ)	പൂനലൂര്‍-മൂവാറ്റുപുഴ സംസ്ഥാനപാത കെ.എസ്.ടി.പി. ഏറ്റെടുത്തത് എന്നാണ്; പാതയുടെ ഏതൊക്കെ ഭാഗമാണ് ഇപ്പോള്‍ പുനരുദ്ധരിച്ചത്; ഇതിനായി ചെലവഴിച്ച തുക എത്ര; പാതയുടെ ആകെ ദൂരവും പുനരുദ്ധരിച്ച ഭാഗത്തെ ദൂരവും വ്യക്തമാക്കാമോ;

(ബി)

സംസ്ഥാന പാതയുടെ പുനലൂര്‍ മുതല്‍ പൊന്‍കുന്നം വരെയുള്ള ഭാഗത്തിന്റെ പുനരുദ്ധാരണ നടപടികളുടെ പുരോഗതി വ്യക്തമാക്കാമോ; ഈ ഭാഗത്ത് ഇനി എത്ര സ്ഥലം കെ.എസ്.ടി.പി. ഏറ്റെടുക്കാനുണ്ടെന്ന് വില്ലേജ് തിരിച്ച് വ്യക്തമാക്കാമോ; വസ്തു ഏറ്റെടുക്കല്‍ വൈകാനുണ്ടായ കാരണം വ്യക്തമാക്കാമോ; ഏറ്റെടുക്കല്‍ നടപടി എന്നു പൂര്‍ത്തിയാക്കാനാകും എന്ന് പറയാമോ;

(സി)

സംസ്ഥാന പാതയുടെ പുനലൂര്‍ മുതല്‍ പൊന്‍കുന്നം വരെയുള്ള ഭാഗത്തെ പുനരുദ്ധാരണം ഏതു രീതിയില്‍ നടത്താനാണ് ഉദ്ദേശിക്കുന്നത്; ഇവയുടെ പ്രത്യേകതകള്‍ വിശദമാക്കാമോ; എത്ര രൂപയാണ് പുനരുദ്ധാരണത്തിനായി വേണ്ടിവരുക; പുനരുദ്ധാരണം വൈകാനുണ്ടായ കാരണവും ഇത് പരിഹരിക്കാന്‍ എന്തൊക്കെ നടപടികളാണ് സ്വീകരിച്ചിട്ടുള്ളതെന്നും വ്യക്തമാക്കാമോ;

(ഡി)	റോഡിന്റെ ടെന്‍ഡര്‍ നടപടികളായോ; ടെന്‍ഡര്‍ നടപടികള്‍ പൂര്‍ത്തിയാക്കി റോഡിന്റെ പുനരുദ്ധാരണം എന്ന് ആരംഭിക്കാനാകും എന്ന് പറയാമോ?

കൊടുവള്ളി നിയോജക മണ്ഡലത്തില്‍ ബൈപാസ് നിര്‍മ്മാണം

1342.

ശ്രീ.വി.എം.ഉമ്മര്‍ മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കൊടുവള്ളി നിയോജക മണ്ഡലത്തില്‍ രൂക്ഷമായ ഗതാഗതക്കുരുക്ക് അനുഭവപ്പെടുന്ന കോഴിക്കോട് -വയനാട് നാഷണല്‍ഹൈവേയിലെ താമരശ്ശേരി, കൊടുവള്ളി ബസാറുകളില്‍ ബൈപാസ് നിര്‍മ്മാണത്തിന്റെ നടപടിക്രമങ്ങള്‍ എത് ഘട്ടത്തിലാണെന്ന് വ്യക്തമാക്കാമോ;

(ബി)	ബൈപാസ് നിര്‍മ്മാണത്തിനാവശ്യമായ ഫണ്ട് ലഭ്യമാക്കുന്നതിന് നടപടി സ്വീകരിച്ചിട്ടുണ്ടോ;

(സി)	കേന്ദ്ര ഗവണ്‍മെന്റില്‍ നിന്നും ഫണ്ട് ലഭ്യമാക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

റോഡുകളുടെ ഉപരിതലം പുതുക്കല്‍

1343.

ശ്രീ.ഡൊമിനിക് പ്രസന്റേഷന്‍
,, വി.പി.സജീന്ദ്രന്‍
,, എം.എ. വാഹീദ്
,, ലൂഡി ലൂയിസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	റോഡുകളുടെ ഉപരിതലം പുതുക്കുന്നതിന് കര്‍മ്മപദ്ധതി ആവിഷ്ക്കരിച്ചിട്ടുണ്ടോ;

(ബി)	എന്തെല്ലാം ഉദ്ദേശലക്ഷ്യങ്ങളാണ് ഇത് വഴി കൈവരിക്കാനുദ്ദേശിക്കുന്നത്; വിശദമാക്കുമോ;

(സി)	ഇത് നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ ?

കോഴിക്കോട് - ബാലുശ്ശേരി റോഡിന്റെ പുനരുദ്ധാരണം

1344.

(എ)	എലത്തൂര്‍ നിയോജകണ്ഡലത്തിലെ കോഴിക്കോട് - ബാലുശ്ശേരി റോഡിന്റെ പുനരുദ്ധാരണത്തിനായി എന്തൊക്കെ നടപടികളാണ് സ്വീകരിക്കുന്നതെന്ന് വ്യക്തമാക്കാമോ;

(ബി)	പ്രസ്തുത റോഡിന്റെ നിലവിലെ അവസ്ഥ പരിഗണിച്ച് പുനരുദ്ധാരണത്തിനുള്ള തുക അടിയന്തരമായി അനുവദിക്കാന്‍ നടപടി സ്വീകരിക്കാമോയെന്ന് വ്യക്തമാക്കാമോ?

വടവന്തൂര്‍ പാലം പുനര്‍നിര്‍മ്മാണം

1345.

ശ്രീ.സി.കൃഷ്ണന്‍ : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കണ്ണൂര്‍ ജില്ലയില്‍ വെള്ളൂര്‍ - പാടിയോട്ടുചാല്‍ പുളിങ്ങോം റോഡിലെ വടവന്തൂര്‍ പാലം പുനര്‍നിര്‍മ്മാണ പ്രവൃത്തിയുടെ നിലവിലുള്ള അവസ്ഥ എന്താണെന്ന് വിശദമാക്കാമോ?

പാലങ്ങളുടെ നവീകരണം

1346.

(എ)	പാലക്കാട് - ഷൊര്‍ണൂര്‍ റോഡില്‍ ടൗണിനോട് ചേര്‍ന്നുകിടക്കുന്ന ഒറ്റപ്പാലം പാലവും, കണ്ണിയംപുറം തോട്ട് പാലവും കാലപ്പഴക്കത്താല്‍ ദുര്‍ബലമായതും, വീതികുറഞ്ഞ് ഇടുങ്ങിയതുമാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത പാലങ്ങള്‍ പുതുക്കിപ്പണിയുന്നതിനായി എത്ര പ്രാവശ്യം അവലോകന യോഗം ചേര്‍ന്നിട്ടുണ്ട്; എന്നായിരുന്നു പ്രസ്തുത യോഗം; പ്രസ്തുത യോഗത്തില്‍ എന്തെല്ലാം തീരുമാനങ്ങള്‍ ആണ് എടുത്തതെന്ന് വിശദമാക്കാമോ;

(സി)	പ്രസ്തുത പാലങ്ങള്‍ നവീകരിക്കാന്‍ ഏത് ഏജന്‍സിയെയാണ് സര്‍ക്കാര്‍ ചുമതലപ്പെടുത്തിയത്; അതിനായി നാളിതുവരെ എന്തെല്ലാം നടപടി സ്വീകരിച്ചു; വിശദാംശം ലഭ്യമാക്കാമോ?

ഊട്ടറയില്‍ റെയില്‍വേ മേല്‍പ്പാലം

T 1347.

(എ)	പാലക്കാട് -പൊള്ളാച്ചി ഗേജ് മാറ്റം പൂര്‍ത്തിയായി ട്രെയിനുകള്‍ ഓടിതുടങ്ങിയത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇതിന്റെ ഭാഗമായി കൊല്ലങ്കോട്- പാലക്കാട് റൂട്ടില്‍ അനുഭവപ്പെടുന്ന ഗതാഗത കുരുക്കിന് പരിഹാരം കാണുന്നതിന് കൊല്ലങ്കോട് ഊട്ടറയില്‍ റെയില്‍വേ മേല്‍പ്പാലം നിര്‍മ്മിക്കുന്നതിന് നിലവില്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കുമോ?

മാവേലിക്കര മണ്ഡലത്തിലെ റോഡ് മെയിന്‍റനന്‍സ്

1348.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരമേറ്റശേഷം മാവേലിക്കര മണ്ഡലത്തില്‍ പി.ഡബ്ല്യ.ഡി. റോഡ്സ് വിഭാഗം വണ്‍ ടൈം മെയിന്റനന്‍സില്‍ ഉള്‍പ്പെടുത്തി അനുവദിച്ച പ്രവൃത്തികളുടെ വിശദാംശങ്ങള്‍ ലഭ്യമാക്കുമോ;

(ബി)	ഈ സര്‍ക്കാര്‍ അധികാരമേറ്റശേഷം മാവേലിക്കര മണ്ഡലത്തില്‍ ശബരിമല പാക്കേജില്‍ ഉള്‍പ്പെടുത്തി അനുവദിച്ച പ്രവൃത്തികളുടെ വിശദാംശങ്ങള്‍ ലഭ്യമാക്കുമോ?

കല്‍പ്പറ്റ നിയോജകമണ്ഡലത്തിലെ വികസനപദ്ധതികള്‍

1349.

ശ്രീ.എം.വി.ശ്രേയാംസ്‌ കുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ കാലയളവില്‍ പൊതുമരാമത്ത് വകുപ്പ് മുഖേന കല്‍പ്പറ്റ നിയോജകമണ്ഡലത്തില്‍ നടപ്പിലാക്കിയ വികസന പദ്ധതികളുടെ വിശദാംശം ലഭ്യമാക്കുമോ;

(ബി)	പ്രസ്തുത പദ്ധതികള്‍ക്കായി എത്ര രൂപയുടെ ഭരണാനുമതിയും സാങ്കേതികാനുമതിയുമാണ് ലഭിച്ചിരിക്കുന്നത് എന്നതിന്റെ ഇനം തിരിച്ചുള്ള വിശദാംശം വെളിപ്പെടുത്തുമോ;

(സി)	പ്രസ്തുത പദ്ധതികളില്‍ ഇനിയും പൂര്‍ത്തിയാക്കാനുള്ള പ്രവൃത്തികള്‍ ഏതെല്ലാമെന്ന് വിശദമാക്കുമോ?

ചുള്ളിക്കര-കുറ്റിക്കോല്‍ റോഡ് മെക്കാഡം ടാര്‍ചെയ്യല്‍

1350.

ശ്രീ.ഇ.ചന്ദ്രശേഖരന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ഭരണാനുമതിയും, സാങ്കേതികാനുമതിയും ലഭിച്ച കാസര്‍കോട് ജില്ലയിലെ ചുള്ളിക്കര-കുറ്റിക്കോല്‍ റോഡ് മെക്കാഡം ടാര്‍ ചെയ്യുന്നതിനുള്ള ടെണ്ടര്‍ സംബന്ധിച്ച വിശദാംശങ്ങള്‍ ലഭ്യമാക്കാമോ ;

(ബി)

ടെണ്ടര്‍ അനുവദിച്ചുനല്‍കിയ കരാറുകാരനും പൊതുമരാമത്ത് വകുപ്പും തയ്യാറാക്കിയ എഗ്രിമെന്റിലെ വ്യവസ്ഥകള്‍ എന്തൊക്കെയാണെന്ന് വിശദമാക്കാമോ ;എഗ്രിമെന്റ് നടപ്പിലാക്കുന്നതില്‍ കോണ്‍ട്രാക്ടര്‍ വീഴ്ച വരുത്തിയിട്ടുണ്ടോ ;എങ്കില്‍ കോണ്‍ട്രാക്ടറോട് വിശദീകരണം ആരാഞ്ഞുകൊണ്ട് കത്തുകള്‍ നല്‍കിയിട്ടുണ്ടോ ;നല്‍കിയിട്ടുണ്ടെങ്കില്‍ എപ്പോഴൊക്കെ നല്കിയെന്ന് കത്ത് നമ്പര്‍ അടക്കം പറയാമോ; കത്തുകള്‍ക്ക് കോണ്‍ട്രാക്ടറുടെ മറുപടി ലഭിച്ചിട്ടുണ്ടോ;

(സി)	മറുപടി ലഭിച്ചെങ്കില്‍ മറുപടിയില്‍ സൂചിപ്പിച്ച കാര്യങ്ങള്‍ വ്യക്തമാക്കാമോ ; എഗ്രിമെന്റ് പാലിച്ചിട്ടില്ലെങ്കില്‍ കോണ്‍ട്രാക്ടറുടെ പേരില്‍ നടപടി സ്വീകരിച്ചിട്ടുണ്ടോ ; എങ്കില്‍ എന്താക്കെ നടപടികളാണെന്ന് പറയാമോ ; പ്രവര്‍ത്തികള്‍ എത്രയും പെട്ടെന്ന് ആരംഭിക്കുന്നതിനുള്ള നടപടികള്‍ സ്വീകരിക്കുമോ ?

കാലിക്കടവ്-തൃക്കരിപ്പൂര്‍ ഒളവറ റോഡ്

1351.

(എ)	തൃക്കരിപ്പൂര്‍ മണ്ഡലത്തിലത്തിലൂടെ കടന്നുപോകുന്ന കാലിക്കടവ്-തൃക്കരിപ്പൂര്‍ ഒളവറ പൊതുമരാമത്ത് വകുപ്പ് റോഡ് സ്റ്റേറ്റ് ഹൈവേ ആയി ഉയര്‍ത്താന്‍ നടപടി സ്വീകരിക്കുമോ?

ശ്രീമൂലനഗരം പാലം

1352.

(എ)	ശ്രീമൂലം പാല (ശ്രീമൂലനഗരം പാലം)ത്തിന്റെ ഉദ്ഘാടനം എന്നാണ് നിര്‍വ്വഹിച്ചതെന്ന് വ്യക്തമാക്കാമോ;

(ബി)	പാലത്തില്‍ ഇതു സംബന്ധിച്ച ശിലാഫലകം സ്ഥാപിച്ചിട്ടുണ്ടോ;

(സി)	ഇല്ലെങ്കില്‍ ശിലാഫലകം സ്ഥാപിക്കാത്തതിന്റെ കാരണം എന്തെന്ന് വിശദമാക്കാമോ?

പയ്യന്നൂര്‍ മിനി സിവില്‍ സ്റ്റേഷന്‍

1353.

(എ)	നിര്‍മ്മാണം പൂര്‍ത്തീകരിച്ച പയ്യന്നൂര്‍ മിനി സിവില്‍ സ്റ്റേഷനില്‍ വൈദ്യുതി കണക്ഷന്‍ ലഭിക്കുന്നതിനുള്ള നടപടിക്രമങ്ങള്‍ പൂര്‍ത്തീകരിച്ചിട്ടുണ്ടോ;

(ബി)	ഇല്ലെങ്കില്‍ നിലവിലുള്ള അവസ്ഥ വിശദമാക്കാമോ?

മുല്ലശ്ശേരി പാലം ഗതാഗതയോഗ്യമാക്കാന്‍ നടപടി

1354.

ശ്രീ.കെ.കുഞ്ഞിരാമന്‍ (ഉദുമ) : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയില്‍ ഉദുമ-മുല്ലശ്ശേരി പി.ഡബ്യു.ഡി റോഡിലെ മുല്ലശ്ശേരി പാലം കാലപ്പഴക്കത്താല്‍ തകര്‍ന്ന് ഗതാഗതയോഗ്യമല്ലാതായിരിക്കുന്ന സ്ഥിതി ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഇത് പുതുക്കി പണിയുന്നതിന് എത്ര ലക്ഷം രൂപയുടെ എസ്റ്റിമേറ്റാണ് ഭരണാനുമതിക്കായി സമര്‍പ്പിച്ചിട്ടുള്ളത്; വിശദാംശങ്ങള്‍ അറിയിക്കാമോ;

(സി)	ആയതിന് ഭരണാനുമതി നല്‍കിയിട്ടുണ്ടോ; ഇല്ലെങ്കില്‍ കാരണം വിശദമാക്കാമോ;

(ഡി)	ജനസാന്ദ്രത കൂടിയ തീരദേശ റോഡിലെ പാലം എന്ന പരിഗണന നല്‍കി എത്രയും വേഗം ഭരണാനുമതി നല്‍കുന്ന കാര്യം പരിഗണിക്കുമോ; വിശദാംശങ്ങള്‍ അറിയിക്കാമോ?

മട്ടന്നൂര്‍ നിയോജക മണ്ഡലത്തിലെ പാലം നിര്‍മ്മാണ പ്രവര്‍ത്തനങ്ങള്‍

1355.

(എ)	മട്ടന്നൂര്‍ നിയോജക മണ്ഡലത്തിലെ കൂളിക്കടവ്, മണക്കായിക്കടവ് , അരേങ്ങാട് പുഴ എന്നീ പാലങ്ങളുടെ നിര്‍മ്മാണ പ്രവര്‍ത്തനങ്ങള്‍ ഇപ്പോള്‍ ഏതു ഘട്ടത്തിലാണെന്നു വ്യക്തമാക്കുമോ?

സംസ്ഥാനത്തെ ദേശീയപാത വികസനം

1356.

ശ്രീ.കോടിയേരി ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് എത്ര കിലോമീറ്റര്‍ ദേശീയപാതയുണ്ട്; നാല് വരി പാതയാക്കി ദേശീയപാതയെ വികസിപ്പിക്കുന്നതിന് സ്വീകരിച്ച നടപടികള്‍ എന്താണ്;

(ബി)	ഇന്നത്തെ നിലയില്‍ ദേശീയപാത നാല് വരി പാതയായി വികസിപ്പിക്കുന്നതിന് എന്തു തുക ചെലവ് കണക്കാക്കുന്നു; ഭൂമി അക്വയര്‍ ചെയ്യുന്നതിനായി കണക്കാക്കപ്പെട്ട തുക എത്ര; എന്നത്തേക്ക് നാല് വരി ദേശീയപാത സംസ്ഥാനത്ത് നിലവില്‍ വരും;

(സി)	സംസ്ഥാനത്തിന്റെ സാമ്പത്തിക വളര്‍ച്ചയ്ക്ക് അത്യന്താപേക്ഷിതമായ ദേശീയപാത വികസന കാര്യത്തില്‍ മുഖ്യപരിഗണന നല്കാതിരിക്കുന്നത് എന്തുകൊണ്ടാണ്; വിശദമാക്കാമോ?

മട്ടന്നൂര്‍ മണ്ഡലത്തിലെ നിര്‍മ്മാണങ്ങള്‍

1357.

(എ)	2011 മെയ് മാസം മുതല്‍ നാളിതുവരെ മട്ടന്നൂര്‍ നിയോജക മണ്ഡലത്തിലെ ഏതെല്ലാം കെട്ടിടനിര്‍മ്മാണ പ്രവൃത്തികള്‍ക്ക് പൊതുമരാമത്തു വകുപ്പ് ഭരണാനുമതി നല്‍കുകയുണ്ടായി; ഓരോ പ്രവൃത്തിയുടേയും അടങ്കല്‍ തുക എത്രയാണ്; ഓരോ പ്രവൃത്തിയും ഇപ്പോള്‍ ഏതു ഘട്ടത്തിലാണ്?

ആറ്റിങ്ങല്‍ ദേശീയപാതയുടെ വീതി കൂട്ടല്‍

1358.

(എ)	ആറ്റിങ്ങല്‍ ദേശീയപാതയുടെ വീതികൂട്ടലുമായി ബന്ധപ്പെട്ട് 22.75 കോടി രൂപയുടെ ഭരണാനുമതി ലഭിച്ച പ്രവൃത്തിയുടെ ടെന്‍ഡര്‍ നടപടികള്‍ ഏത് ഘട്ടത്തിലാണ്; വിശദമാക്കാമോ;

(ബി)	നിര്‍മ്മാണ പ്രവര്‍ത്തനം ആരംഭിക്കുന്നതെന്ന് ; വ്യക്തമാക്കാമോ;

(സി)	പ്രസ്തുത പാതയുടെ വീതി കൂട്ടല്‍ അടിയന്തിരമായി നടപ്പിലാക്കുന്നതിന് നടപടി സ്വീകരിക്കുമോ ; വിശദാംശം വെളിപ്പെടുത്താമോ?

മട്ടന്നൂര്‍ നിയോജകമണ്ഡലത്തിലെ പാലം നിര്‍മ്മാണം

1359.

(എ)	2011 മെയ്‍ മാസം മുതല്‍ നാളിതുവരെ മട്ടന്നൂര്‍ നിയോജകമണ്ഡലത്തിലെ ഏതെല്ലാം പൊതുമരാമത്ത് വക പാലങ്ങളുടെ നിര്‍മ്മാണ പ്രവര്‍ത്തനങ്ങള്‍ ആരംഭിക്കുകയുണ്ടായി; ഓരോ പ്രവൃത്തിയുടെയും അടങ്കല്‍ തുക എത്രയാണ്; ഓരോ പ്രവൃത്തിയും ഇപ്പോള്‍ ഏതു ഘട്ടത്തിലാണ്?

കൊല്ലങ്കോട്-പുതുനഗരം റോഡിലെ ഊട്ടറപാലം

1360.

(എ)	കൊല്ലങ്കോട്-പുതുനഗരം റോഡിലെ ഊട്ടറപാലത്തിന്റെ ബലക്ഷയം ശ്രദ്ധയില്‍പ്പെട്ടിട്ടുണ്ടോ;

(ബി)	ഊട്ടറപാലം പുതുക്കി പണിയുന്നതിന് സ്വീകരിച്ച നടപടികള്‍ വിശദമാക്കാമോ;

(സി)	പാലത്തിന്റെ അപകടാവസ്ഥ സംബന്ധിച്ച് എന്തെങ്കിലും പഠനം നടത്തിയിട്ടുണ്ടോ; എങ്കില്‍ വിശദാംശം ലഭ്യമാക്കുമോ?

ബൈപ്പാസുകള്‍

1361.

ശ്രീ.വി.ഡി.സതീശന്‍
,, പി.സി വിഷ്ണുനാഥ്
,, ജോസഫ് വാഴയ്ക്കൻ
,, ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ബൈപ്പാസുകള്‍ നിര്‍മ്മിക്കാന്‍ കര്‍മ്മ പദ്ധതി ആവിഷ്കരിച്ചിട്ടുണ്ടോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇത് വഴി കൈവരിക്കാനുദ്ദേശിക്കുന്നത്;

(സി)	ഇത് നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

പൊതുമരാമത്ത് വകുപ്പിലെ പദ്ധതികള്‍

1362.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിന് ശേഷം പൊതുമരാമത്ത് വകുപ്പില്‍ പ്രഖ്യാപിക്കപ്പെട്ട പദ്ധതികള്‍ ഏതെല്ലാം;

(ബി)	പ്രസ്തുത പദ്ധതികള്‍ക്കായി ഓരോ ബഡ്ജറ്റിലും വകയിരുത്തിയ തുക എത്ര; ഇവയുടെ നടത്തിപ്പിനായി ഖജനാവില്‍ നിന്ന് ഇതിനകം പിന്‍വലിക്കപ്പെട്ട തുകയെത്ര; മതിയായ തുക ഇല്ലാത്തതിനാല്‍ ഏതെങ്കിലും പദ്ധതി പൂര്‍ത്തിയാക്കാനാകാത്ത സ്ഥിതി ഉണ്ടായിട്ടുണ്ടോ;

(സി)	കഴിഞ്ഞ അഞ്ചു വര്‍ഷമായി പ്രഖ്യാപിക്കപ്പെട്ടതും എന്നാല്‍ നടപ്പിലാക്കാന്‍ കഴിയാത്തതുമായ പദ്ധതികള്‍ ഏതെല്ലാമെന്ന് വിശദമാക്കാമോ;

(ഡി)	ധനകാര്യ വകുപ്പിന്റെ വിമുഖത മൂലം ഏതെങ്കിലും പദ്ധതികള്‍ നടപ്പിലാക്കാന്‍ സാധിക്കാതെയുണ്ടോ; വിശദമാക്കാമോ?

കോഴിക്കോട് മെഡിക്കല്‍ കോളേജ് - കാരന്തൂര്‍ റോഡ്

1363.

ശ്രീ.എ. പ്രദീപ്കുമാര്‍ : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് മെഡിക്കല്‍ കോളേജ് - കാരന്തൂര്‍ റോഡ് സ്ഥലമെടുത്ത് വീതി കൂട്ടുന്നതിനുള്ള എന്തെല്ലാം നടപടികളാണ് പൊതുമരാമത്ത് വകുപ്പ് സ്വീകരിച്ചതെന്ന് വിശദമാക്കുമോ?

കരാറുകാരന്റെ നഷ്ടോത്തരവാദിത്തം

1364.

ശ്രീ.ഇ.പി.ജയരാജന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	മട്ടന്നൂര്‍ നിയോജക മണ്ഡലത്തിലെ തൃക്കടാരിപ്പൊയിന്‍-ഇടുമ്പ-കണ്ണവം റോഡ് നിര്‍മ്മാണവുമായി ബന്ധപ്പെട്ട കരാറുകാരനെതിരെ സുപ്രീം കോടതി വിധിപ്രകാരം കരാറുകാരന്റെ നഷ്ടോത്തരവാദിത്വത്തില്‍ കരാര്‍ അവസാനിപ്പിച്ച നിര്‍മ്മാണ പ്രവര്‍ത്തി റീ-ടെന്‍ഡര്‍ ചെയ്യാന്‍ നടപടി സ്വീകരിക്കുകയുണ്ടായോ; നടപടി ഏതു ഘട്ടത്തിലാണ്;

(ബി)	ബഹുമാനപ്പെട്ട സുപ്രീം കോടതി വിധി പ്രകാരം കരാറുകാരനും പൊതുമരാമത്ത് വകുപ്പുമായുള്ള കരാര്‍ പ്രകാരം ചെയ്തു തീര്‍ത്ത പ്രവര്‍ത്തിയുടെ ഒൗദ്യാേഗിക കണക്കെടുപ്പ് പൂര്‍ത്തികരിച്ച് കണക്ക് സമര്‍പ്പിച്ചുവോ;

(സി)	പ്രസ്തുത പ്രവര്‍ത്തിയ്ക്ക് പുതുക്കിയ എസ്റ്റിമേറ്റ് തയ്യാറാക്കിയിട്ടുണ്ടോയെന്നും അതുപ്രകാരം കരാറുകാരന്റെ നഷ്ടോത്തരവാദിത്തം എത്രയാണെന്നും കണ്ടെത്തുകയുണ്ടായോ; വ്യക്തമാക്കുമോ;

(ഡി)	പ്രസ്തുത തുക കരാറുകാരന്റെ പക്കല്‍ നിന്നും ഇൗടാക്കുവാനും കരാറുകാരനെ കരിമ്പട്ടികയില്‍പെടുത്തുവാനുമുള്ള നടപടികള്‍ ഏതുഘട്ടത്തിലാണെന്നു വ്യക്തമാക്കുമോ;

(ഇ)	തൃക്കടാരിപ്പൊയിന്‍-ഇടുമ്പ-കണ്ണവം റോഡ് നിര്‍മ്മാണം എപ്പോള്‍ ആരംഭിക്കുമെന്നു വ്യക്തമാക്കുമോ?

മുണ്ടയ്ക്കല്‍ പാലം നിര്‍മ്മാണം

1365.

ശ്രീ.ജി.സുധാകരന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ആലപ്പുഴ ജില്ലയില്‍ കൈനകരി പാലം നിര്‍മ്മിക്കുന്നതിന് കഴിഞ്ഞ സര്‍ക്കാരിന്റെ കാലത്ത് എന്തെല്ലാം നടപടികളാണ് സ്വീകരിച്ചിരുന്നത്;

(ബി)	കഴിഞ്ഞ സര്‍ക്കാരിന്റെ കാലത്ത് തറക്കല്ലിട്ടെങ്കിലും പാലത്തിന്റെ നിര്‍മ്മാണ പ്രവര്‍ത്തനം ആരംഭിക്കാന്‍ കഴിയാത്തതിന്റെ കാരണം വ്യക്തമാക്കുമോ;

(സി)	മുണ്ടയ്ക്കല്‍ പാലത്തിന് തറക്കല്ലിട്ടത് ആരാണ്; എന്നാണ് തറക്കല്ലിട്ടത്;

(ഡി)	ഈ ഗവണ്‍മെന്റിന്റെ കാലത്ത് മുണ്ടയ്ക്കല്‍ പാലത്തിന്റെ നിര്‍മ്മാണത്തിനായി എന്തു തുക അനുവദിച്ചു; ആരാണ് നിര്‍മ്മാണ ഉദ്ഘാടനം നടത്തിയത്, എന്നാണ് നിര്‍മ്മാണ ഉദ്ഘാടനം നടത്തിയത്; വ്യക്തമാക്കാമോ;

(ഇ)	പാലത്തിന്റെ പണി കരാര്‍ പ്രകാരം എന്ന് പൂര്‍ത്തിയാകുമെന്ന് വ്യക്തമാക്കാമോ?

പൊതുമരാമത്ത് വകുപ്പ് ഏറ്റെടുത്ത റോഡുകള്‍

1366.

ശ്രീമതി.കെ.കെ.ലതിക : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശസ്വയംഭരണ സ്ഥാപനങ്ങളുടെ കെെവശമിരുന്ന റോഡുകളില്‍ പൊതുമരാമത്ത് വകുപ്പ് ഏറ്റെടുത്ത റോഡുകള്‍ തിരികെ അതത് സ്ഥാപനങ്ങള്‍ക്കു തന്നെ കൊടുക്കുന്നതിന് നിയമ വ്യവസ്ഥയുണ്ടോ; ഉണ്ടെങ്കില്‍ വിശദാംശങ്ങള്‍ നല്‍കുമോ;

(ബി)	ഏറ്റെടുത്ത റോഡുകളില്‍ അറ്റകുറ്റപണികളോ പരിഷ്ക്കരണ പ്രവര്‍ത്തികളോ ഇതുവരെ നടത്തിയിട്ടില്ലെങ്കില്‍ അറ്റകുറ്റപണികള്‍ നടത്തുമോ; ഇല്ലെങ്കില്‍ അവ ബന്ധപ്പെട്ട പഞ്ചായത്ത് സ്ഥാപനങ്ങള്‍ക്ക് അടിയന്തരമായി വിട്ടുനല്‍കുമോ?

ഒറ്റപ്പാലത്ത് കോര്‍ട്ട് കോംപ്ലക്സ് നിര്‍മ്മാണം

1367.

(എ)	ഒറ്റപ്പാലത്ത് കോര്‍ട്ട് കോംപ്ലക്സ് നിര്‍മ്മിക്കുന്നതിനായി ഭരണാനുമതി നല്‍കിയിട്ടുണ്ടോ; എത്ര രൂപയുടെ ഭരണാനുമതിയാണ് നല്‍കിയത്; വിശദാംശം ലഭ്യമാക്കാമോ;

(ബി)	ഒറ്റപ്പാലം കോര്‍ട്ട് കോംപ്ലക്സ് നിര്‍മ്മാണം സംബന്ധിച്ച കാലിക സ്ഥിതി വ്യക്തമാക്കാമോ; എന്തെല്ലാം പ്രവര്‍ത്തനങ്ങള്‍ ആണ് നാളിതുവരെ നടത്തിയത് എന്ന് വിശദീകരിക്കാമോ?

മുള്ളൂര്‍ക്കര റെയില്‍വേ മേല്‍പ്പാല നിര്‍മ്മാണം

1368.

(എ)	ചേലക്കര നിയോജക മണ്ഡലത്തിലെ മുള്ളൂര്‍ക്കര റെയില്‍വേ മേല്‍പ്പാലനിര്‍മ്മാണത്തിനായി ഭൂമി ഏറ്റെടുക്കുന്നതിന് പുറപ്പെടുവിച്ച സര്‍ക്കാര്‍ ഉത്തരവിന്റെ പകര്‍പ്പ് ലഭ്യമാക്കാമോ;

(ബി)	ഭൂമി ഏറ്റെടുക്കല്‍ നടപടികള്‍ ഏത് ഘട്ടത്തിലാണ് എന്ന് അറിയുമോ;

(സി)	മേല്‍പ്പാലനിര്‍മ്മാണവുമായി ബന്ധപ്പെട്ട് സ്വീകരിച്ച നടപടികള്‍ വിശദമാക്കാമോ;

(ഡി)	ഈ സര്‍ക്കാരിന്റെ കാലാവധിക്കുള്ളില്‍ മേല്‍പ്പാല നിര്‍മ്മാണവുമായി ബന്ധപ്പെട്ട ഭരണാനുമതി ലഭ്യമാക്കി തുടര്‍നടപടികള്‍ പൂര്‍ത്തിയാക്കുമോ; ഇല്ലെങ്കില്‍ കാരണങ്ങള്‍ വ്യക്തമാക്കുമോ?

കല്ല്യാശ്ശേരി മണ്ഡലത്തിലെ റോഡുകള്‍

1369.

(എ)	കല്ല്യാശ്ശേരി മണ്ഡലത്തില്‍ വണ്‍ടെെം മെയിന്റനന്‍സില്‍ ഉള്‍പ്പെടുത്തി ഭരണാനുമതി ലഭിച്ച പ്രവൃത്തികളുടെ ടെണ്ടര്‍ നടപടി പൂര്‍ത്തിയാക്കി പ്രവൃത്തി ആരംഭിക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദാംശം ലഭ്യമാക്കാമോ?

ചേര്‍പ്പുങ്കല്‍ പാലം നിർമ്മാണം

1370.

(എ)	കോട്ടയം ജില്ലയിലെ ചേര്‍പ്പുങ്കല്‍ പാലം നിർമ്മാണത്തിനുള്ള ഭരണാനുമതി എന്നു ലഭിച്ചു ; ഇതിന്റെ നിര്‍മ്മാണത്തിന് ഉണ്ടായ കാലതാമസം എത്രയെന്നു വ്യക്തമാക്കുമോ;

(ബി)	ഇതിനായി സ്ഥലമെടുപ്പ് നടപടികള്‍ പൂര്‍ത്തീകരിച്ചിട്ടുണ്ടോ; എത്ര പേരുടെ സ്ഥലം ഏറ്റെടുക്കാനുണ്ട് ; സ്ഥലം ഏറ്റെടുത്തവർക്ക് നഷ്ടപരിഹാരം നല്‍കിയിട്ടുണ്ടോ;

(സി)	എത്ര പേര്‍ക്ക് നഷ്ടപരിഹാരം നല്‍കിയിട്ടുണ്ട് ; എത്ര പേര്‍ക്ക് നല്‍കാനുണ്ട്; വിശദവിവരം നല്കുമോ;

(ഡി)	പ്രസ്തുത നിര്‍മ്മാണം എന്നേക്ക് പൂര്‍ത്തീകരിക്കുവാന്‍ കഴിയുമെന്ന് അറിയിക്കുമോ?

മേല്‍പ്പാലങ്ങളുടെ പണി

1371.

ഡോ.കെ.ടി.ജലീല്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം പൊതുമരാമത്ത് വകുപ്പിന്‍ കീഴില്‍ എത്ര മേല്‍പ്പാലങ്ങള്‍ പണിയുമെന്നാണ് പ്രഖ്യാപിച്ചിരുന്നത്; അവ ഏതെല്ലാം;

(ബി)	ഇതിനകം പണി ആരംഭിച്ചിട്ടുള്ളവ എത്ര;പ്രഖ്യാപിക്കപ്പെട്ടവയില്‍ ഇനിയും പ്രവൃത്തി ആരംഭിച്ചിട്ടില്ലാത്തവയുണ്ടോ;

(സി)	ഫണ്ട് ലഭിക്കാത്തതു കാരണം പ്രവൃത്തി ആരംഭിക്കാനാവാത്ത സ്ഥിതിയുണ്ടായിട്ടുണ്ടോ; വിശദമാക്കാമോ?

നാലുചിറപാലത്തിന്റെ നിര്‍മ്മാണം

1372.

(എ)	അമ്പലപ്പുഴ നിയോജക മണ്ഡലത്തില്‍ പുറക്കാട് ഗ്രാമപഞ്ചായത്തിലെ നാലുചിറപാലം നിര്‍മ്മിക്കണമെന്ന് ആവശ്യപ്പെട്ട് നിവേദനങ്ങളും അപേക്ഷകളും ലഭിച്ചിട്ടുണ്ടോ; ആരെല്ലാമാണ് നിവേദനങ്ങള്‍ നല്‍കിയിട്ടുള്ളത്; ഇതിന്മേല്‍ എന്തു നടപടികളാണ് സ്വീകരിച്ചിട്ടുള്ളത്;

(ബി)	ആയിരത്തിലേറെ കര്‍ഷകതൊഴിലാളി കുടുംബങ്ങള്‍ക്ക് പ്രയോജനം ലഭിക്കുന്ന പ്രസ്തുത പാലത്തിന്റെ നിര്‍മ്മാണത്തിന് ബഡ്ജറ്റില്‍ ആവശ്യമായ തുക വകയിരുത്താന്‍ നടപടി സ്വീകരിക്കുമോ?

ബീമാപള്ളിയിലേക്കുള്ള പാലം

1373.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	തിരുവന്തപുരം മുട്ടത്തറയ്ക്ക് സമീപം ബൈപ്പാസ് റോഡില്‍ നിന്ന് ബീമാപള്ളിയിലേക്ക് ഒരു പാലം നിര്‍മ്മിക്കേണ്ടതിന്റെ ആവശ്യകത കണക്കിലെടുത്ത് തറക്കല്ലിടല്‍ നടന്നിരുന്നോ; എങ്കില്‍ എപ്പോള്‍;

(ബി)	തറക്കല്ലിടലിന് ശേഷം എന്തൊക്കെ തുടര്‍നടപടികള്‍ നാളിതുവരെയായി സ്വീകരിച്ചിട്ടുണ്ട്?

(സി)	ഈ പ്രദേശത്തെ ജനങ്ങളുടെ ദീര്‍ഘകാല അഭിലാഷമായ പ്രസ്തുത പാലം നിര്‍മ്മിക്കുന്നതിനുള്ള അടിയന്തര നടപടി സ്വീകരിക്കുമോ?

Website maintained by Information System Section, Kerala Legislative Assembly, Thiruvananthapuram.