Questions

ആഭ്യന്തര വകുപ്പിലെ ലോക്കല്‍, എ.ആര്‍ സംയോജനം

ശ്രീ. ബെന്നി ബെഹനാന്‍

(എ) ആഭ്യന്തര വകുപ്പിലെ ലോക്കല്‍, എ.ആര്‍ സംയോജനം മുന്‍ സര്‍ക്കാരിന്റെ കാലത്ത് ഉത്തരവായിട്ടുണ്ടോ;

(ബി) ഉണ്ടെങ്കില്‍ ആയത് നടപ്പിലാക്കുന്നതിന് ഈ സര്‍ക്കാര്‍ നടപടി സ്വീകരിക്കുമോ?

സദാചാര വിരുദ്ധ പ്രവര്‍ത്തനങ്ങളില്‍ ഏര്‍പ്പെടുന്ന അദ്ധ്യാപകര്‍ക്കെതിരെ നടപടി

ശ്രീ. മഞ്ഞളാംകുഴി അലി

(എ) സ്കൂള്‍ കുട്ടികള്‍ ഉള്‍പ്പെടെയുള്ള ചെറിയ പെണ്‍കുട്ടികളെ ലൈംഗികമായി പീഡിപ്പിക്കുന്നതു സംബന്ധിച്ച നിരവധി വാര്‍ത്തകള്‍ ശ്രദ്ധയില്‍പ്പെട്ടിട്ടുണ്ടോ;

(ബി) പുറത്തുവരുന്ന വാര്‍ത്തകളില്‍ പലതിലും പീഡിപ്പിച്ചവരില്‍ അടുത്ത ബന്ധുക്കള്‍, സ്വന്തം പിതാവ്, സ്വന്തം അദ്ധ്യാപകന്‍ തുടങ്ങിയവരും ഉള്‍പ്പെടുന്നു എന്ന വസ്തുത പരിശോധിച്ചിട്ടുണ്ടോ;

(സി) പെണ്‍കുട്ടികളെ പീഡിപ്പിക്കുന്നതിന് മാതാവ്, അദ്ധ്യാപിക, അടുത്ത ബന്ധുക്കള്‍ എന്നിവര്‍ പോലും ഇടനിലക്കാരായി നില്‍ക്കുന്നുണ്ട് എന്ന് ശ്രദ്ധയില്‍പ്പെട്ടിട്ടുണ്ടോ;

(ഡി) ഇത്തരം പീഡനക്കേസുകളില്‍ കുറച്ച് കേസുകള്‍ മാത്രമാണ് പുറത്തുവരുന്നത് എന്ന് അറിയുമോ;

(ഇ) മാറിയ സാഹചര്യങ്ങളില്‍ പെണ്‍കുട്ടികളുടെ സുരക്ഷിതത്വത്തിന് അദ്ധ്യാപകര്‍ കൂടുതല്‍ ജാഗ്രത കാണിക്കേണ്ടതുണ്ടെന്ന് വിലയിരുത്തുന്നുണ്ടോ;

(എഫ്) ഒറ്റപ്പെട്ട കേസുകളില്‍ അദ്ധ്യാപകര്‍ പ്രതികളാകുന്ന സാഹചര്യത്തില്‍ അദ്ധ്യാപകരുടെ മാന്യതയും സദാചാരവും ഉറപ്പുവരുത്താന്‍ ശക്തമായ നിരീക്ഷണ സംവിധാനങ്ങള്‍ ഏര്‍പ്പെടുത്തുമോ;

(ജി) ലൈംഗിക പീഡനക്കേസുകളിലും സദാചാര വിരുദ്ധ പ്രവര്‍ത്തനങ്ങളിലും ഉള്‍പ്പെടുന്ന അദ്ധ്യാപകര്‍ക്കെതിരെ കര്‍ശന നടപടി സ്വീകരിക്കാന്‍ നിര്‍ദ്ദേശം നല്‍കുമോ ?

ഫയര്‍ സര്‍വ്വീസിന്റെ ആധുനികവല്‍ക്കരണത്തിന് നടപടികള്‍

ശ്രീമതി പി. അയിഷാ പോറ്റി

(എ) ഫയര്‍ സര്‍വ്വീസ് വെല്‍ഫെയര്‍ കമ്മിറ്റി, ഫയര്‍ സര്‍വ്വീസിനെ ആധുനികവല്‍ക്കരിക്കുന്നതിനായി 13.06.11 തീയതിയില്‍ 1111/11/സി.എം. നമ്പരായി ആഭ്യന്തര വകുപ്പ് അഡീഷണല്‍ ചീഫ് സെക്രട്ടറിയുടെ പരിശോധനക്ക് അയച്ച നിവേദനത്തിന്മേല്‍ തുടര്‍ നടപടികള്‍ എന്തെല്ലാമാണ് ;

(ബി) ഫയര്‍ സര്‍വ്വീസിന്റെ ആധുനികവല്‍ക്കരണത്തിന് സര്‍ക്കാര്‍ എന്തെല്ലാം നടപടികള്‍ സ്വീകരിച്ചുവരുന്നു ?

പുതിയ ഫയര്‍ സ്റേഷനുകള്‍ അനുവദിക്കാന്‍ നടപടി

ശ്രീ. ജി. സുധാകരന്‍

(എ) കേരള ഫയര്‍ റെസ്ക്യൂ സര്‍വ്വീസില്‍ 2011 മാര്‍ച്ച് 31-ന് മുമ്പ് ചെലവഴിക്കേണ്ട കേന്ദ്ര ഫണ്ടിന്റെയും സ്റേറ്റ് പ്ളാന്‍ ഫണ്ടിന്റെയും പദ്ധതിയുടെ രൂപരേഖ എന്തൊക്കെയാണ്; സര്‍വ്വീസില്‍ ഇതുവരെയില്ലാത്ത ഏതൊക്കെ പുതിയ ഉപകരണങ്ങളാണ് വാങ്ങാന്‍ ഉദ്ദേശിക്കുന്നത്; വിശദീകരിക്കുമോ;

(ബി) കേരള ഫയര്‍ സര്‍വ്വീസ് വെല്‍ഫെയര്‍ കമ്മിറ്റി എന്ന പേരില്‍ അംഗീകാരം ഇല്ലാത്ത ഒരു സംഘടന പ്രവര്‍ത്തിക്കുന്നുണ്ടോ; ഇത് സംബന്ധിച്ച് പരാതി ലഭിച്ചിട്ടുണ്ടോ; എങ്കില്‍ എന്ത് നടപടി സ്വീകരിച്ചുവെന്ന് വ്യക്തമാക്കുമോ;

(സി) കേരള ഫയര്‍ സര്‍വ്വീസ് അസോസിയേഷന്റെ സംഘടനാ തെരഞ്ഞെടുപ്പില്‍ ഉണ്ടാകുന്ന സംഘടനാ തര്‍ക്കങ്ങളില്‍ അന്തിമ തീര്‍പ്പുകല്‍പ്പിക്കുന്നത് ആരാണ്; അങ്ങനെ തര്‍ക്കങ്ങള്‍ ഉണ്ടായിട്ടുണ്ടോ;

(ഡി) ഈ സാമ്പത്തിക വര്‍ഷം പുതിയ ഫയര്‍ സ്റേഷനുകള്‍ ആരംഭിക്കുവാന്‍ ഉദ്ദേശിക്കുന്നുണ്ടോ; എങ്കില്‍ എവിടെയെല്ലാമെന്ന് അറിയിക്കുമോ?

അഗ്നിശമന രക്ഷാ സേനയില്‍ ഒഴിവുനികത്താന്‍ നടപടി

ശ്രീമതി പി. അയിഷാ പോറ്റി

(എ) സംസ്ഥാനത്ത് അഗ്നിശമന രക്ഷാ സേനയില്‍ ഫയര്‍മെന്‍, ഡ്രൈവര്‍ എന്നീ തസ്തികകളുടെ ആകെ എണ്ണം എത്രയാണ് ;

(ബി) പ്രസ്തുത തസ്തികകളില്‍ ഓരോന്നിലും നിലവിലുള്ള ഒഴിവുകളുടെ എണ്ണം വ്യക്തമാക്കുമോ ;

(സി) തസ്തികകളില്‍ മതിയായ ഉദ്യോഗസ്ഥര്‍ ഇല്ലാത്തത് അഗ്നിശമന സേനയുടെ പ്രവര്‍ത്തനത്തെ പ്രതികൂലമായി ബാധിക്കുന്നത് ശ്രദ്ധയില്‍പ്പെട്ടിട്ടുണ്ടേണ്ടണ്ടാ ;

(ഡി) ഫയര്‍മാന്‍ തസ്തികകളിലേക്കുള്ള നിയമനത്തിന് പ്രസിദ്ധീകരിച്ച ചുരുക്കപ്പട്ടികയിലുള്ളവരുടെ ശാരീരിക പരിശോധന എന്നത്തേക്ക് നടത്താന്‍ ഉദ്ദേശിക്കുന്നു ?

ഫയര്‍ ആന്റ് റെസ്ക്യൂ സര്‍വ്വീസിലെ അനധികൃത സംഘടനകള്‍

ശ്രീ. കോടിയേരി ബാലകൃഷ്ണന്‍

(എ) ഫയര്‍ ആന്റ് റെസ്ക്യൂ സര്‍വ്വീസസ് വകുപ്പില്‍ സര്‍ക്കാര്‍ അംഗീകാരത്തോടെ പ്രവര്‍ത്തിക്കുന്ന ഏതെല്ലാം സംഘടനകളാണ് നിലവിലുള്ളതെന്ന് വെളിപ്പെടുത്തുമോ ;

(ബി) ഈ സംഘടനകള്‍ക്ക് അംഗീകാരം നല്‍കി സര്‍ക്കാര്‍ പുറത്തിറക്കിയ ഉത്തരവിന്റെ പകര്‍പ്പുകള്‍ ലഭ്യമാക്കുമോ ;

(സി) അച്ചടക്കമുള്ള സേനയായി പ്രവര്‍ത്തിക്കേണ്ട ഈ വകുപ്പിനു കീഴില്‍ ഈ സര്‍ക്കാര്‍ അധികാരത്തില്‍ വന്നതിനുശേഷം അംഗീകാരമില്ലാതെ നിരവധി സംഘടനകള്‍, ലറ്റര്‍ഹെഡും സീലുകളും മറ്റും ഉണ്ടാക്കി പ്രവര്‍ത്തിക്കുന്നതായി ശ്രദ്ധയില്‍പ്പെട്ടിട്ടുണ്ടോ ;

(ഡി) ഇത്തരം സംഘടനകള്‍ക്കെതിരെ നടപടിയെടുക്കാനും ഇത്തരം പ്രവര്‍ത്തികള്‍ നിയന്ത്രിക്കുന്നതിനും നടപടികള്‍ സ്വീകരിച്ചിട്ടുണ്ടോ ; എങ്കില്‍ വിശദാംശം വെളിപ്പെടുത്തുമോ ?

ഒറ്റപ്പാലത്ത് ഫയര്‍സ്റേഷന്‍

ശ്രീ. എം. ഹംസ

(എ) റവന്യൂ ഡിവിഷന്‍ ആസ്ഥാനമായ ഒറ്റപ്പാലത്ത് ഒരു ഫയര്‍ സ്റേഷന്‍ ഇല്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ ;

(ബി) നിലവില്‍ അവിടെ ഫയര്‍സ്റേഷന്‍ നിര്‍മ്മിക്കുന്നതിനായി എന്തെങ്കിലും നടപടികള്‍ സ്വീകരിച്ചിട്ടുണ്ടോ ; വിശദമാക്കുമോ ;

(സി) സംസ്ഥാനത്ത് ഫയര്‍സ്റേഷന്‍ പുതിയതായി ആരംഭിക്കുന്നതിന് എന്തെങ്കിലും മുന്‍ഗണന നിശ്ചയിച്ചിട്ടുണ്ടോ ; ഉണ്ടെങ്കില്‍ ഒറ്റപ്പാലം ഫയര്‍ സ്റേഷന്‍ പ്രസ്തുത പട്ടികയില്‍ എത്രാമതായാണ് ഉള്‍പ്പെടുത്തിയിരിക്കുന്നത് ; വിശദാംശം ലഭ്യമാക്കുമോ ;

(ഡി) ഒറ്റപ്പാലം ഫയര്‍ സ്റേഷന്‍ എന്ന് ആരംഭിക്കുവാന്‍ കഴിയും എന്നാണ് കരുതുന്നത് ; വിശദാംശം ലഭ്യമാക്കുമോ ?

നെടുംകണ്ടത്ത് ഫയര്‍ സ്റേഷന്‍

ശ്രീ. കെ.കെ. ജയചന്ദ്രന്‍

(എ) നെടുംകണ്ടത്ത് ഫയര്‍സ്റേഷന്‍ ആരംഭിക്കുന്നതുമായി ബന്ധപ്പെട്ട പ്രവര്‍ത്തനങ്ങള്‍ ഏതു ഘട്ടത്തിലാണ് ; വിശദാംശം നല്‍കാമോ ;

(ബി) നെടുംകണ്ടത്ത് ഫയര്‍സ്റേഷന്റെ സേവനം എന്നുമുതല്‍ ലഭ്യമാകും എന്ന് വ്യക്തമാക്കുമോ ?

തിരുവല്ല നിയോജകമണ്ഡലത്തിലെ മല്ലപ്പളളിയില്‍ ഫയര്‍സ്റേഷന് അനുമതി

ശ്രീ. മാത്യു. റ്റി. തോമസ്

തിരുവല്ല നിയോജക മണ്ഡലത്തിലെ മല്ലപ്പളളിയില്‍ ഫയര്‍സ്റേഷന് അനുമതി നല്‍കിയിട്ടുണ്ടോ; ഉണ്ടെങ്കില്‍ എന്ന് നിര്‍മ്മാണം തടങ്ങുവാന്‍ കഴിയും എന്ന് വിശദമാക്കാമോ ?

അന്വേഷണ കമ്മീഷനുകളുടെ കാലാവധി

ശ്രീ. തേറമ്പില്‍ രാമകൃഷ്ണന്‍

,, കെ. ശിവദാസന്‍ നായര്‍

,, ഡൊമിനിക് പ്രസന്റേഷന്‍

,, സി.പി. മുഹമ്മദ്

(എ) അന്വേഷണ കമ്മീഷനുകള്‍ ഏതെല്ലാം ആവശ്യത്തിന് നിലവില്‍ വന്നതാണ്;

(ബി) ഇപ്പോള്‍ അന്വേഷണം നടന്നുകൊണ്ടിരിക്കുന്ന അന്വേഷണ കമ്മീഷനുകള്‍ക്കനുവദിച്ച സമയപരിധി കഴിഞ്ഞിട്ടും റിപ്പോര്‍ട്ടു സമര്‍പ്പിക്കാത്ത കമ്മീഷനുകള്‍ ഏതെല്ലാമെന്ന് വ്യക്തമാക്കുമോ;

(സി) പ്രസ്തുത കമ്മീഷനുകളില്‍ സിറ്റിംഗ് ജഡ്ജിമാരായവര്‍ എത്രപേരാണ് പ്രവര്‍ത്തിക്കുന്നത് ?

സ്ത്രീപീഡന കേസുകളുടെ അന്വേഷണം

ശ്രീ. റ്റി. വി. രാജേഷ്

(എ) ഈ സര്‍ക്കാര്‍ അധികാരത്തില്‍ വന്നതിനു ശേഷം റിപ്പോര്‍ട്ടു ചെയ്ത സ്ത്രീപീഡന കേസുകളില്‍ എത്ര എണ്ണത്തിന്റെ അന്വേഷണം പൂര്‍ത്തിയായി;

(ബി) എത്ര പ്രതികളെ അറസ്റു ചെയ്തു ?

ആരാധനാലയങ്ങളില്‍ നിന്ന് മോഷണം

ശ്രീ.മുല്ലക്കര രത്നാകരന്‍

സംസ്ഥാനത്ത് വര്‍ദ്ധിച്ചുവരുന്ന മോഷണവും കവര്‍ച്ചയും തടയുന്നതിന് എന്തെങ്കിലും പ്രത്യേക സംവിധാനങ്ങള്‍ ഏര്‍പ്പെടുത്തിയിട്ടുണ്ടോ ; അന്യ സംസ്ഥാനത്തുനിന്നുള്ള മോഷണ സംഘങ്ങളാണ് ഇതിന്റെ പിന്നില്‍ മുഖ്യമായിട്ടുള്ളത് എന്ന നിലയില്‍ അന്വേഷണം ഏര്‍പ്പെടുത്തിയിട്ടുണ്ടോ ;

അന്യസംസ്ഥാന തൊഴിലാളികള്‍ക്ക് പോലീസ് നിര്‍ദ്ദേശിച്ച മാനദണ്ഡങ്ങള്‍

ശ്രീ. വി. എസ്. സുനില്‍കുമാര്‍

(എ) അന്യസംസ്ഥാന തൊഴിലാളികളെ കൊണ്ടുവരുന്നതിനും ജോലി ചെയ്യിക്കുന്നതിനും പോലീസ് നിര്‍ദ്ദേശിച്ച മാനദണ്ഡങ്ങള്‍ ലംഘിക്കപ്പെടുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി) ക്രിമിനല്‍ കേസ്സില്‍ പ്രതിയാക്കപ്പെട്ടവരുടെ വിവരങ്ങള്‍ പോലീസ് സ്റേഷനുകളില്‍ രേഖപ്പെടുത്തുന്നതിന് സംവിധാനമേര്‍പ്പെടുത്തുമോ;

ഔദ്യോഗിക പദവിയിലുള്ളവര്‍ ജയിലിലെ തടവുകാരുമായി ഫോണില്‍ ബന്ധപ്പെടുന്നത്

ശ്രീമതി കെ.കെ. ലതിക

(എ) ചീഫ് വിപ്പ് ശ്രീ. പി.സി. ജോര്‍ജിന്റെ പേരിലുള്ള ഫോണില്‍ നിന്നും സുപ്രീംകോടതി ശിക്ഷിച്ച് തടവില്‍ കഴിയുന്ന ശ്രീ. ആര്‍. ബാലകൃഷ്ണപിള്ളയുടെ ഫോണിലേക്കും തിരിച്ചും കോളുകള്‍ വന്നിട്ടുള്ളതായി ശ്രദ്ധയില്‍പ്പെട്ടിട്ടുണ്ടോ;

(ബി) എങ്കില്‍ എന്നെല്ലാം; എത്രതവണ; എത്രസമയം എന്നും വ്യക്തമാക്കുമോ;

(സി) തടവില്‍ കഴിയുന്ന വ്യക്തികള്‍ ഔദ്യോഗിക പദവിയുള്ളവര്‍, മറ്റ് കുടുംബാംഗങ്ങള്‍ സഹപ്രവര്‍ത്തകര്‍ തുടങ്ങിയവരോട് ഫോണില്‍ സംസാരിക്കുന്ന പ്രവണത ന്യായീകരിക്കുന്നുണ്ടോ;

(ഡി) ഇല്ലെങ്കില്‍ ഇത്തരം പ്രവൃത്തി ചെയ്യുന്ന ഔദ്യോഗിക പദവിയിലുള്ളവര്‍ക്കെതിരെ നടപടി സ്വീകരിക്കുമോ?

ആദിവാസി സ്ത്രീകളെ അപമാനിച്ചവര്‍ക്കെതിരെ കേസ്

ശ്രീ. പുരുഷന്‍ കടലുണ്ടി

ശ്രീമതി കെ. എസ്. സലീഖ

ശ്രീ. റ്റി. വി. രാജേഷ്

,, പി. റ്റി. എ. റഹീം

ബത്തേരിയില്‍ ആദിവാസി സ്ത്രീകളെ അപമാനിച്ചവര്‍ക്കെതിരെ കേസെടുത്തിട്ടുണ്ടോ ; എങ്കില്‍ ഏതെല്ലാം വകുപ്പുകള്‍ പ്രകാരം എന്ന് വ്യക്തമാക്കാമോ ?

സ്ത്രീകളുടെ നേരെ നടക്കുന്ന അതിക്രമങ്ങള്‍

ശ്രീ. കെ. കുഞ്ഞിരാമന്‍ (തൃക്കരിപ്പൂര്‍)

ശ്രീമതി കെ. കെ. ലതിക

ശ്രീ. കെ. സദാശിവന്‍

ശ്രീമതി കെ.എസ്. സലീഖ

(എ) പട്ടാപ്പകല്‍ പോലും സ്ത്രീകള്‍ക്ക് നേരെ പിടിച്ചുപറിയും കവര്‍ച്ചയും പീഡനങ്ങളും വ്യാപകമാണെന്ന കാര്യം പരിഗണിച്ചിട്ടുണ്ടോ ; ഇത്തരം സംഭവങ്ങള്‍ എന്തുകൊണ്ട് നാള്‍ക്കുനാള്‍ വര്‍ദ്ധിച്ചു വരുന്നു എന്ന് പരിശോധിച്ചിട്ടുണ്ടോ ;

(ബി) ഫലപ്രദമായ എന്തു നടപടിയാണ് സ്വീകരിക്കാനുദ്ദേശിക്കുന്നതെന്ന് വ്യക്തമക്കാമോ ?

വനിതാ ഡോക്ടറെ ആക്രമിച്ചവര്‍ക്കെതിരെ നടപടി

ശ്രീ. സി.കെ. സദാശിവന്‍

കായംകുളം താലൂക്കാശുപത്രിയില്‍ 22-5-2011-ല്‍ രാത്രിയില്‍ ഡ്യൂട്ടിയിലുണ്ടായിരുന്ന വനിതാ ഡോക്ടര്‍ ഡോ. രേഖയെ ആലപ്പുഴ മുസ്ളീം ലീഗ് ജില്ലാ നേതാവും കായംകുളം നഗരസഭാ ചെയര്‍മാനും കൂടിയായ ശ്രീ. പി.കെ. കൊച്ചുകുഞ്ഞിന്റെ നേതൃത്വത്തിലുള്ള സാമൂഹിക വിരുദ്ധര്‍ ആക്രമിക്കുകയും ആശുപത്രി ഉപകരണങ്ങള്‍ തല്ലിതകര്‍ക്കുകയും ചെയ്തതായ പരാതിയില്‍ ശ്രീ. കൊച്ചുകുഞ്ഞിനും മറ്റ് മുഖ്യപ്രതികള്‍ക്കുമെതിരെ എന്തെല്ലാം നടപടികളാണ് ഇതുവരെ സ്വീകരിച്ചിട്ടുള്ളത് എന്ന് വിശദമാക്കുമോ ?

മലയാളം ഭരണഭാഷയാക്കുന്നതിനുളള നടപടികള്‍

ശ്രീ. രമേശ് ചെന്നിത്തല

,, റ്റി. എന്‍. പ്രതാപന്‍

,, സി. പി. മുഹമ്മദ്

,, വി. ഡി. സതീശന്‍

(എ) മലയാളം ഭരണഭാഷയാക്കുന്നതിനുളള നടപടികള്‍ ഇതിനകം എത്രത്തോളം പുരോഗമിച്ചിട്ടുണ്ടെന്ന് വ്യക്തമാക്കുമോ;

(ബി) സംസ്ഥാനത്ത് നാളിതുവരെ എത്ര വകുപ്പുകളില്‍ മലയാളം ഭരണഭാഷയാക്കിയിട്ടുണ്ട്; ഇനി എത്ര വകുപ്പുകള്‍ ശേഷിക്കുന്നുണ്ട്;

(സി) മലയാളം ഭരണഭാഷയാക്കാനുളള നടപടികളുടെ വേഗക്കുറവിനുളള കാരണങ്ങള്‍ എന്തൊക്കെയാണെന്ന് വിശദമാക്കാമോ?

ഫോളോ അപ്പ് പ്രവര്‍ത്തനത്തിന്റെ പുരോഗതി വിലയിരുത്തുവാന്‍ നടപടി

ശ്രീ. അബ്ദുറഹിമാന്‍ രണ്ടത്താണി

(എ) സമയബന്ധിതമായി പദ്ധതികള്‍ നേടിയെടുക്കുന്നതിന് ഫോളോ അപ്പ് പ്രവര്‍ത്തനത്തിനായി കേന്ദ്രത്തിലും സംസ്ഥാനത്തും രണ്ട് മോണിറ്ററിംഗ് സെല്ലുകള്‍ക്ക് രൂപം നല്‍കുമോ;

(ബി) ഡല്‍ഹിയിലെ റസിഡന്റ് കമ്മീഷണറായിരിക്കുമോ കേന്ദ്രത്തില്‍ ഇതിന്റെ ചുമതല വഹിക്കുക;

(സി) എങ്കില്‍ സംസ്ഥാനത്ത് ഇതിന്റെ ചുമതല ആര്‍ക്കായിരിക്കും?

മന്ത്രിമാരുടെ വിദേശ യാത്രകള്‍

ശ്രീ. മുല്ലക്കര രത്നാകരന്‍

(എ) ഈ സര്‍ക്കാര്‍ അധികാരത്തില്‍ വന്നശേഷം മുഖ്യമന്ത്രിയടക്കം ഒന്നിലേറെ തവണ വിദേശയാത്ര നടത്തിയ മന്ത്രിമാര്‍ ആരെല്ലാം; എത്ര തവണ;

(ബി) പ്രസ്തുത വിദേശ യാത്രകള്‍ കൊണ്ട് സംസ്ഥാനത്തിന് എന്തു നേട്ടമുണ്ടായി എന്ന് വ്യക്തമാക്കാമോ?

ഫോറസ്റ് ഗാര്‍ഡ് റാങ്ക് ലിസ്റ്

ശ്രീ. രാജു എബ്രഹാം

(എ) പത്തനംതിട്ട ജില്ലയിലെ ഫോറസ്റ് ഗാര്‍ഡ് റാങ്ക് ലിസ്റ് എന്നാണ് നിലവില്‍ വന്നത് ; ഈ ലിസ്റില്‍ ജനറല്‍ വിഭാഗത്തിലും സപ്ളിമെന്ററിയിലുമായി എത്ര പേരാണുള്ളത് ; ഇതില്‍ നിന്നും എത്ര പേര്‍ക്ക് ഇന്നേവരെ നിയമനം ലഭിച്ചിട്ടുണ്ട് ; ഇവരുടെ ജാതി തിരിച്ചുള്ള പട്ടിക പ്രസിദ്ധീകരിക്കാമോ ;

(ബി) ഇതേ സമയം മറ്റേതൊക്കെ ജില്ലകളിലാണ് ഫോറസ്റ് ഗാര്‍ഡ് റാങ്ക് ലിസ്റ് നിലവില്‍ വന്നിട്ടുള്ളത് ; ഈ ഓരോ ജില്ലകളിലും നടന്ന നിയമനങ്ങളുടെ പട്ടിക, ജാതി തിരിച്ച് പ്രസിദ്ധീകരിക്കാമോ ?

മത്സ്യത്തൊഴിലാളികള്‍ക്ക് പഞ്ഞമാസങ്ങളില്‍ നല്കി വരുന്ന ആനുകൂല്യങ്ങള്‍

ശ്രീ. സി. ദിവാകരന്‍

,, പി. തിലോത്തമന്‍

,, കെ. അജിത്

,, വി. ശശി

(എ) പഞ്ഞമാസങ്ങളില്‍ മത്സ്യത്തൊഴിലാളികള്‍ക്ക് നല്കി വരുന്ന ആനുകൂല്യങ്ങള്‍ എന്തെല്ലാം ;

(ബി) പഞ്ഞ മാസങ്ങളില്‍ മത്സ്യത്തൊഴിലാളികള്‍ക്ക് നല്കി വന്നിരുന്ന ആനൂകൂല്യങ്ങള്‍ വെട്ടിച്ചുരുക്കുന്നതു മൂലം എത്ര മത്സ്യത്തൊഴിലാളികള്‍ക്ക് ഈ ആനൂകൂല്യം നഷ്ടപ്പെട്ടുവെന്ന് വെളിപ്പെടുത്തുമോ ?

പി.എസ്.സി. നിയമനം

ശ്രീ. സി. പി. മുഹമ്മദ്

കഴിഞ്ഞ സര്‍ക്കാരിന്റെ കാലയളവില്‍ എത്ര പേര്‍ക്ക് പി.എസ്.സി. വഴി നിയമനം നല്കി എന്ന് വ്യക്തമാക്കുമോ ?

എ.ആര്‍.ക്യാമ്പുകള്‍ നിര്‍ത്തലാക്കുന്ന നടപടി

ശ്രീ. റ്റി. എ. അഹമ്മദ് കബീര്‍

(എ) കേരളത്തിലെ പോലീസ് എ.ആര്‍. ക്യാമ്പുകള്‍ നിര്‍ത്തലാക്കാന്‍ നേരത്തെ കൈക്കൊണ്ട തീരുമാനം നടപ്പിലാക്കാന്‍ നടപടി സ്വീകരിച്ചിട്ടുണ്ടോ;

(ബി) എങ്കില്‍ ഡി.വൈ.എസ്.പി. മാരുടെ കീഴില്‍ എ.ആര്‍. കാരെ ഉള്‍പ്പെടുത്തി ഓരോ യൂണിറ്റ് രൂപീകരിക്കാന്‍ ആലോചനയുണ്ടോ;

(സി) ഇതോടൊപ്പം പോലീസുകാരുടെ ഡ്യൂട്ടി സമയം 8 മണിക്കൂറാക്കി നിജപ്പെടുത്തി അത് ഉറപ്പുവരുത്താനും മതിയായ വിശ്രമസമയം ലഭ്യമാക്കാനും നടപടി സ്വീകരിക്കുമോ?

എല്ലാ സ്റേഷനുകളിലും വനിതാ സബ്ഇന്‍സ്പെക്ടര്‍മാര്‍

ശ്രീ. മുല്ലക്കര രത്നാകരന്‍

പോലീസ് സ്റേഷനുകളില്‍ വനിതാ കുറ്റവാളികളുടെയും വനിതാ പോലീസുകാരുടെയും സുരക്ഷ ഉറപ്പാക്കാന്‍ എല്ലാ പോലീസ് സ്റേഷനുകളിലും ഓരോ വനിതാ സബ് ഇന്‍സ്പെക്ടറെ നിയമിക്കുന്ന കാര്യം പരിഗണിക്കുമോ ?

സ്റുഡന്റ്സ് പോലീസ്

ശ്രീ. പി.റ്റി.എ. റഹീം

സ്റുഡന്റ്സ് പോലീസ് പദ്ധതിയില്‍ യൂണിഫോമിനും റിഫ്രഷ്മെന്റിനും അലവന്‍സ് നല്‍കാന്‍ തയ്യാറാകുമോ?

സ്റുഡന്റ്സ് പോലീസ് കേഡറ്റ്

ശ്രീ. എം. എ. വാഹീദ്

(എ) എസ്.പി.സി. യില്‍ അംഗമായിട്ടുള്ള കേഡറ്റുകള്‍ക്ക് സൌജന്യ യൂണിഫോം നല്‍കുന്ന കാര്യം പരിഗണനയിലുണ്ടോ;

(ബി) വിജയകരമായി പരിശീലനം പൂര്‍ത്തിയാക്കുന്ന കേഡറ്റുകള്‍ക്ക് ഏതെങ്കിലും തരത്തിലുള്ള ആനുകൂല്യം നല്‍കുവാന്‍ ഉത്തരവായിട്ടുണ്ടോ; എങ്കില്‍ ഉത്തരവിന്റെ പകര്‍പ്പ് ലഭ്യമാക്കുമോ;

(സി) പരിശീലനം വിജയകരമായി പൂര്‍ത്തിയാക്കുന്ന കേഡറ്റുകള്‍ക്ക് ഉന്നതവിദ്യാഭ്യാസത്തിനും സര്‍ക്കാര്‍ സര്‍വ്വീസില്‍ ജോലി നേടുന്നതിനും ഇളവുകള്‍ നല്‍കുവാന്‍ പദ്ധതികള്‍ ആവിഷ്ക്കരിച്ചിട്ടുണ്ടോ; ഇല്ലെങ്കില്‍ ആവിഷ്ക്കരിക്കുമോ;

(ഡി) പരിശീലനത്തിനുവേണ്ടി അനുവദിക്കുന്ന ഫണ്ട് വിഹിതം കൃത്യമായി ലഭ്യമാകാത്തതു കാരണം സ്കുളുകളിലെ അദ്ധ്യാപകരില്‍ നിന്ന് ചെലവാകുന്ന തുക അടിയന്തിരമായി തിരിച്ചു നല്‍കുന്നതിനുള്ള നടപടികള്‍ സ്വീകരിക്കുമോ;

(ഇ) കേഡറ്റുകള്‍ക്ക് പരിശീലനം നല്‍കുന്ന പോലീസ് ഉദ്യോഗസ്ഥര്‍ക്ക് എന്തെങ്കിലും പ്രത്യേക ആനുകൂല്യങ്ങള്‍ നല്‍കുന്ന കാര്യം പരിഗണിക്കുമോ ?

പോലീസ് സ്റേഷനുകളുടെ അധികാരപരിധി

ശ്രീ. റ്റി.എ. അഹമ്മദ് കബീര്‍

,, പി.ബി. അബ്ദുള്‍ റസാക്

,, കെ. മുഹമ്മദുണ്ണി ഹാജി

നിയമസഭാ മണ്ഡലങ്ങളുടെ പരിധി പുനര്‍നിര്‍ണ്ണയം ചെയ്ത സാഹചര്യത്തില്‍, പോലീസ് സ്റേഷനുകളുടെ അധികാര പരിധി അതാത് നിയമസഭാ മണ്ഡലത്തില്‍പ്പെടുത്തി പുനര്‍നിര്‍ണ്ണയിക്കുന്നതിനുള്ള നടപടി സ്വീകരിക്കുമോ ?

പോലീസ് സ്റേഷനുകളുടെ കസ്റഡിയില്‍ സൂക്ഷിക്കുന്ന വാഹനങ്ങളുടെ ലേലം

ശ്രീ. സി.പി. മുഹമ്മദ്

'' വി.ഡി. സതീശന്‍

'' കെ. ശിവദാസന്‍ നായര്‍

'' വി.റ്റി. ബല്‍റാം

(എ) സംസ്ഥാനത്ത് വിവിധ പോലീസ് സ്റേഷനുകളില്‍ കസ്റഡിയില്‍ വാഹനങ്ങള്‍ സൂക്ഷിക്കാന്‍ സ്ഥലമില്ലാത്തത് മൂലമുള്ള പ്രയാസങ്ങള്‍ ശ്രദ്ധയില്‍പ്പെട്ടിട്ടുണ്ടോ ;

(ബി) ഇങ്ങനെ നൂറ് കണക്കിന് വാഹനങ്ങള്‍ നശിച്ചുപോകുന്നത് ഒഴിവാക്കുന്നതിന് കോടതിയുടെ സഹകരണത്തോടെ കണ്ട്കെട്ടി ലേലത്തില്‍ വില്ക്കുന്നതിനെക്കുറിച്ച് ആലോചിക്കുമോ ?

സസ്പെന്‍ഷനിലുണ്ടായിരുന്ന പോലീസുകാര്‍

ശ്രീ. റ്റി. വി. രാജേഷ്

(എ) ഈ സര്‍ക്കാര്‍ അധികാരത്തില്‍ വരുമ്പോള്‍ പോലീസ് സേനയില്‍ ഏതെല്ലാം തസ്തികയിലുള്ള എത്ര പേര്‍ സസ്പെന്‍ഷനിലുണ്ടായിരുന്നു;

(ബി) ഇവരില്‍ എത്ര പേരെ ഇതിനകം സര്‍വ്വീസില്‍ തിരികെ പ്രവേശിപ്പിച്ചിട്ടുണ്ട്; ഇവരില്‍ മൂന്നു പ്രാവശ്യത്തിലധികം സസ്പെന്‍ഷനിലായവരെ ത്രയാണ് എന്നു വ്യക്തമാക്കുമോ ?

പോലീസുകാര്‍ക്ക് കാഷ് ലെസ്സ് മെഡിക്ളെയിം

ശ്രീ.ഇ. കെ. വിജയന്‍

(എ) കേരളത്തിലെ പോലീസുകാര്‍ക്ക് കാഷ് ലെസ്സ് മെഡിക്ളെയിം ഇന്‍ഷ്വറന്‍സ് പദ്ധതി നടപ്പിലാക്കുന്നതിനെകുറിച്ച് ആലോചിക്കുന്നുണ്ടോ ;

(ബി) എങ്കില്‍ ഇത് എപ്പോള്‍ നടപ്പിലാക്കാന്‍ കഴിയും എന്ന് വ്യക്തമാക്കാമോ ?

അടിയന്തിരാവസ്ഥക്കാലത്ത് ജയില്‍വാസം അനുഭവിച്ചവരുടെ ആവശ്യങ്ങള്‍ സംബന്ധിച്ച് നടപടി

ശ്രീ.എം. ഹംസ

(എ) അടിയന്തിരാവസ്ഥക്കാലത്ത് ജയില്‍വാസം അനുഭവിച്ചവരുടെ എന്തെങ്കിലും ആവശ്യങ്ങള്‍ പരിഗണനയ്ക്കായി നല്‍കിയിട്ടുണ്ടോ ; എങ്കില്‍ അതിന്റെ വിശദാംശം ലഭ്യമാക്കാമോ ;

(ബി) അടിയന്തിരാവസ്ഥക്കാലത്ത് ജയില്‍വാസം അനുഭവിച്ചവര്‍ എന്തെല്ലാം ആനുകൂല്യങ്ങള്‍ ആണ് ആവശ്യപ്പെട്ടിരിക്കുന്നത് എന്ന് വെളിപ്പെടുത്താമോ ; ഇത് സംബന്ധിച്ച നിലപാട് വ്യക്തമാക്കാമോ ;

(സി) അടിയന്തിരാവസ്ഥ തടവുകാര്‍ പെന്‍ഷന്‍ ആവശ്യം ഉന്നയിച്ചത് ശ്രദ്ധയില്‍പ്പെട്ടിട്ടുണ്ടോ ; അതിന്മേലുള്ള നിലപാട് വ്യക്തമാക്കാമോ ;

(ഡി) അടിയന്തിരാവസ്ഥക്കാലത്ത് സംസ്ഥാനത്താകെ എത്ര പേര്‍ ജയില്‍വാസം അനുഭവിച്ചു ; ജില്ലതിരിച്ച് കണക്ക് ലഭ്യമാക്കുമോ :

(ഇ) ഒറ്റപ്പാലം താലൂക്കില്‍ അടിയന്തിരാവസ്ഥക്കാലത്ത് എത്ര പേര്‍ ജയില്‍വാസം അനുഭവിച്ചു ; പ്രസ്തുത വ്യക്തികളുടെ വിശദാംശം ലഭ്യമാക്കാമോ ?

സ്വകാര്യ ഭൂമിക്ക് പോലീസ് കാവല്‍

ശ്രീ. കെ. കെ. നാരായണന്‍

(എ) ശ്രീ. എം. വി. ശ്രേയാംസ് കുമാര്‍, എം. എല്‍. എ.യുടെ കൃഷ്ണഗിരിയിലെ ഭൂമിക്ക് എന്ന് മുതലാണ് പോലീസ് കാവല്‍ ഏര്‍പ്പെടുത്തിയത് എന്ന് വെളിപ്പെടുത്തുമോ;

(ബി) ഇവിടെ പോലീസ് കാവല്‍ ഏര്‍പ്പെടുത്തിയതിന്റെ ഭാഗമായി ഒരു ദിവസം സര്‍ക്കാരിന് എന്ത് ബാധ്യത വരുന്നുണ്ട് എന്ന് വ്യക്തമാക്കുമോ;

(സി) ഈ ബാധ്യത ബന്ധപ്പെട്ട വ്യക്തിയില്‍ നിന്ന് ഈടാക്കുന്ന കാര്യം പരിഗണനയിലുണ്ടോ;

(ഡി) ഉണ്ട് എങ്കില്‍ ഇതിന്റെ വിശദാംശം വെളിപ്പെടുത്തുമോ?

തടവുകാര്‍ മൊബൈല്‍ ഫോണ്‍ ഉപയോഗിക്കുന്നതിനുളള ശിക്ഷ

ശ്രീ. എം. എ. ബേബി

,, പി. കെ. ഗുരുദാസന്‍

,, എ. കെ. ബാലന്‍

ശ്രീമതി പി. അയിഷാ പോറ്റി

(എ) തടവുകാരുടെ കുറ്റങ്ങളും അതിനു നല്‍കുന്ന ശിക്ഷകളും സംബന്ധിച്ച വ്യവസ്ഥകള്‍ വിശദമാക്കാമോ;

(ബി) തടവുകാരന് സ്വന്തം മൊബൈല്‍ ഫോണ്‍ ഉപയോഗിക്കാന്‍ അര്‍ഹതയുണ്ടോ; ഇതൊരു പ്രിസണ്‍ കുറ്റമാണോ;

(സി) തടവില്‍ കഴിയുന്നയാള്‍ സ്വന്തം മൊബൈല്‍ ഫോണ്‍ വഴി തുടര്‍ച്ചയായി സന്ദേശങ്ങള്‍ കൈമാറിയാല്‍ നല്‍കാവുന്ന പരമാവധി ശിക്ഷ എന്താണ്;

(ഡി) തടവില്‍ കഴിയുന്ന ശ്രീ. ആര്‍. ബാലകൃഷ്ണപിളള അദ്ദേഹം മാനേജരായിട്ടുളള സ്കൂളിലെ അധ്യാപകന്‍ ആക്രമണത്തിന് വിധേയനായ ദിവസവും അതിനുശേഷവും അതിനുമുമ്പുമുളള ദിവസങ്ങളിലും അദ്ദേഹത്തിന്റെ മൊബൈല്‍ ഫോണില്‍ നിന്ന് ആരെയെല്ലാം വിളിച്ചിട്ടുളളതായി അന്വേഷണത്തില്‍ മനസ്സിലായിട്ടുണ്ട്;

(ഇ) ആയത് സംബന്ധമായി സര്‍ക്കാരിന്റെ ശ്രദ്ധയില്‍പ്പെട്ട മാധ്യമ റിപ്പോര്‍ട്ടുകള്‍ എന്തെല്ലാമായിരുന്നു; വിശദാംശങ്ങള്‍ വെളിപ്പെടുത്തുമോ;

ശ്രീ.ബാലകൃഷ്ണപിള്ളയ്ക്കെതിരെയുള്ള ആരോപണങ്ങളില്‍ അന്വേഷണം

ശ്രീമതി.കെ.കെ. ലതിക

(എ) മുന്‍ മന്ത്രി ബാലകൃഷ്ണപിള്ളയുടെ ഉടമ സ്ഥതയിലുള്ള സ്കൂളിലെ അദ്ധ്യാപകന്‍ ആക്രമിക്കപ്പെട്ടത് ശ്രദ്ധയില്‍പ്പെട്ടിട്ടുണ്ടോ:

(ബി) ഈ അദ്ധ്യാപകന്റെ ഇപ്പോഴത്തെ അവസ്ഥയെന്താണ്;

(സി) ഈ അദ്ധ്യാപകന്‍ ആക്രമിക്കപ്പെട്ടതുമായി ബന്ധപ്പെട്ട് ശ്രീ.ബാലകൃഷ്ണപിള്ളക്കെതിരെ ആരോപണം ഉന്നയിക്കപ്പെട്ടിട്ടുണ്ടോ; ഇതേക്കുറിച്ച് അന്വേഷണം നടത്തിയിട്ടുണ്ടോ; വിശദാംശം ലഭ്യമാക്കാമോ?

ജയിലില്‍ നിന്നുള്ള അനധികൃതമായ ഫോണ്‍വിളി

ശ്രീ. എ. പ്രദീപ്കുമാര്‍

(എ) തടവു ശിക്ഷയനുഭവിക്കപ്പെടുന്നവര്‍ക്ക് ജയിലില്‍ സ്വന്തം ഫോണുകള്‍ ഉപയോഗിക്കുന്നതിന് നിയമം അനുവദിക്കുന്നുണ്ടോ;

(ബി) ജയിലില്‍ കഴിയുന്ന മുന്‍മന്ത്രി ബാലകൃഷ്ണപിള്ള സ്വന്തം ഫോണില്‍ നിന്നും (9447155555) നിരവധി പ്രമുഖരെ പലദിവസങ്ങളില്‍ വിളിച്ചതിനെക്കുറിച്ച് അന്വേഷണം നടക്കുന്നുണ്ടോ; അന്വേഷണത്തില്‍ ഇദ്ദേഹം ആരോടൊക്കെ ബന്ധപ്പെട്ടു എന്ന് അറിയാന്‍ കഴിഞ്ഞിട്ടുണ്ടോ; വിശദമാക്കുമോ;

(സി) ഫോണ്‍ ചെയ്തതുമായി ബന്ധപ്പെട്ട അന്വേഷണം നടത്തുന്നത് ഏത് ഉദ്യോഗസ്ഥനാണ്; ഈ ഉദ്യോഗസ്ഥന്‍ ശ്രീ. ബാലകൃഷ്ണപിള്ളയുടെ ശുപാര്‍ശപ്രകാരം നിയമനം ലഭിച്ച ഉദ്യോഗസ്ഥനാണെന്ന വാര്‍ത്ത ശ്രദ്ധയില്‍പ്പെട്ടിട്ടുണ്ടോ;

(ഡി) തടവുശിക്ഷയനുഭവിക്കുന്ന കാലത്ത് ശ്രീ. ബാലകൃഷണപിളളയുടെ ഫോണില്‍നിന്നും വിളിച്ചു എന്ന് ചാനലുകള്‍ കണ്ടെത്തിയ നമ്പരുകള്‍ അന്വേഷണ ഉദ്യോഗസ്ഥര്‍ കണ്ടെത്തിയിട്ടുണ്ടോ; എങ്കില്‍ ഇതിന്റെ വിശദാംശം ലഭ്യമാക്കുമോ; ഇല്ലെങ്കില്‍ ഈ അന്വേഷണം കുറ്റമറ്റരീതിയിലാണെന്ന് കരുതുന്നുണ്ടോ?

ശ്രീ. ബാലകൃഷ്ണപിള്ളയുടെ ചട്ടവിരുദ്ധമായ ഫോണ്‍വിളി

ശ്രീ. സാജു പോള്‍

(എ) തടവില്‍ കഴിയുന്ന ശ്രീ. ആര്‍. ബാലകൃഷ്ണപിള്ള ജയില്‍ ചട്ടങ്ങള്‍ക്ക് വിരുദ്ധമായി മൊബൈല്‍ ഫോണ്‍ വഴി പുറത്തുള്ളവരുമായി സംസാരിച്ചു എന്ന പരാതി ശ്രദ്ധയില്‍പ്പെട്ടിട്ടുണ്ടോ;

(ബി) ഇക്കാര്യത്തില്‍ അന്വേഷണം നടത്തുന്നുണ്ടോ; വിശദാംശം ലഭ്യമാക്കുമോ;

(സി) തടവില്‍ വച്ച് ശ്രീ. ബാലകൃഷ്ണപിള്ള ഉപയോഗിച്ചതായി പറയപ്പെടുന്ന മൊബൈല്‍ ഫോണ്‍ അന്വേഷണ ഉദ്യോഗസ്ഥരോ ബന്ധപ്പെട്ട അധികാരികളോ പിടിച്ചെടുത്തിട്ടുണ്ടോ; ഇല്ലെങ്കില്‍ കാരണം വിശദമാക്കുമോ;

(ഡി) ഉന്നയിക്കപ്പെട്ട കാര്യങ്ങളില്‍ വ്യക്തത വരുത്താന്‍ ശ്രീ. ആര്‍. ബാലകൃഷ്ണപിള്ളയുടെ മൊബൈല്‍ ഫോണ്‍ (9447155555) കസ്റഡിയിലെടുത്ത് ശാസ്ത്രീയമായ രീതിയില്‍ അന്വേഷണം നടത്തി വസ്തുത തെളിയിക്കാനാവശ്യമായ നടപടി സ്വീകരിക്കുമോ?

ശ്രീ. ആര്‍. ബാലകൃഷ്ണപിള്ള അനധികൃതമായി ഗവണ്‍മെന്റ് ചീഫ് വിപ്പിനെ ഫോണ്‍ ചെയ്തത് സംബന്ധിച്ച് അന്വേഷണം

ശ്രീ. പി. കെ. ഗുരുദാസന്‍

(എ) തടവില്‍ കഴിയുന്നവര്‍ ജയിലധികൃതരുടെ അറിവോടെയല്ലാതെ പുറത്തുള്ളവരുമായി ഫോണില്‍ സംസാരിച്ചാല്‍ ലഭിക്കാവുന്ന ശിക്ഷയെക്കുറിച്ച് വിശദമാക്കാമോ ;

(ബി) തടവില്‍ കഴിയുന്ന സമയത്ത് മുന്‍മന്ത്രി ആര്‍. ബാലകൃഷ്ണപിള്ളയുടെ ഫോണില്‍ നിന്ന് തന്റെ ഫോണിലേക്ക് വിളിച്ചതായി ഗവണ്‍മെന്റ ചീഫ് വിപ്പ് പ്രതികരിച്ചത് ശ്രദ്ധയില്‍പ്പെട്ടിട്ടുണ്ടോ ;

(സി) ഇതേക്കുറിച്ച് സര്‍ക്കാര്‍ അന്വേഷണം നടന്നിട്ടുണ്ടോ; വിശദാംശം ലഭ്യമാക്കാമോ ?

അദ്ധ്യാപകനെ ആക്രമിച്ച സംഭവം

ശ്രീ. കെ. കുഞ്ഞിരാമന്‍ (തൃക്കരിപ്പൂര്‍)

(എ) മുന്‍മന്ത്രി ആര്‍. ബാലകൃഷ്ണപിള്ളയുടെ ഉടമസ്ഥതയിലുള്ള സ്കൂളിലെ അദ്ധ്യാപകന്‍ ആക്രമിക്കപ്പെട്ടതുമായി ബന്ധപ്പെട്ട് ശ്രീ. ബാലകൃഷ്ണപിള്ളക്കെതിരെയുള്ള ആരോപണം ശ്രദ്ധയില്‍പ്പെട്ടിട്ടുണ്ടോ;

(ബി) അദ്ധ്യാപകന്‍ ആക്രമിക്കപ്പെട്ടതിന്റെ സമീപ ദിവസങ്ങളില്‍ ശ്രീ. ബാലകൃഷ്ണപിള്ള തടവില്‍ കഴിയവെ സ്വന്തം മൊബൈലില്‍ നിന്ന് നിരവധി തവണ നിയമവിരുദ്ധമായി ഫോണില്‍ പലരുമായും സംസാരിച്ചതിനെക്കുറിച്ച് മാധ്യമങ്ങളില്‍ വന്ന വാര്‍ത്തകള്‍ ശ്രദ്ധയില്‍പ്പെട്ടിട്ടുണ്ടോ;

(സി) ഇതേക്കുറിച്ച് അന്വേഷണം നടത്തിയിട്ടുണ്ടോ; ലഭ്യമായ വിവരങ്ങള്‍ വിശദമാക്കാമോ?

സിസ്റര്‍ മേരി ആന്‍സിയുടെ മരണം സംബന്ധിച്ച് അന്വേഷണം

ശ്രീ. കെ. സുരേഷ് കുറുപ്പ്

,, കോലിയക്കോട് എന്‍. കൃഷ്ണന്‍ നായര്‍

,, ആര്‍. സെല്‍വരാജ്

,, വി. ശിവന്‍കുട്ടി

(എ) പൂങ്കുളം കോണ്‍വെന്റിലെ സിസ്റര്‍ മേരി ആന്‍സിയെ ഭൂഗര്‍ഭജല സംഭരണിയില്‍ മരിച്ച നിലയില്‍ കണ്ടെത്തിയ സംഭവം സംബന്ധിച്ച് പോലീസ് അന്വേഷണം നടക്കുന്നുണ്ടോ; കേസ് രജിസ്റര്‍ ചെയ്തിട്ടുണ്ടോ; വിശദാംശങ്ങള്‍ വെളിപ്പെടുത്താമോ;

(ബി) ഏതെങ്കിലും കുറ്റവാളിയെ കണ്ടെത്തിയിട്ടുണ്ടോ; ആരെയെങ്കിലും അറസ്റ് ചെയ്യുകയുണ്ടായോ; എത്രപേരെ ചോദ്യം ചെയ്യുകയുണ്ടായി;

(സി) സിസ്റര്‍ മേരിയുടെ രക്ഷിതാക്കള്‍ പോലീസ് അന്വേഷണം സംബന്ധിച്ച് ഉന്നയിച്ച പരാതികള്‍ എന്തെല്ലാമാണ്; വിശദമാക്കാമോ?

പീഡനക്കേസിലെ പ്രതിയെ അറസ്റ് ചെയ്യാന്‍ നടപടി

ശ്രീ. വി. റ്റി. ബല്‍റാം

(എ) പാലക്കാട് വടക്കഞ്ചേരി മുലഞ്ഞാട മഞ്ഞപ്ര പ്രദേശക്കാരിയായ സ്ത്രീയുടെ 14 വയസ്സുളള മകളെ, അവരുടെ കാമുകന്‍ സെല്‍വന്‍ ബലാല്‍സംഗം ചെയ്തത് സംബന്ധിച്ച പരാതിയിന്മേല്‍ കേസ് എടുക്കാത്ത ആലത്തൂര്‍ ഡി.വൈ.എസ്.പി. യെ ക്കുറിച്ചും ഡി.വൈ.എസ്. പി ഓഫീസിലെ പോലീസുകാരെക്കുറിച്ചും പരാതി ലഭിച്ചിട്ടുണ്ടോ; എങ്കില്‍ ഇതിന്മേല്‍ എന്തു നടപടി എടുത്തിട്ടുണ്ട്;

(ബി) പ്രതിയെ അറസ്റ് ചെയ്തിട്ടുണ്ടോ; ഇല്ലെങ്കില്‍ ഉടന്‍ അറസ്റ് ചെയ്യാന്‍ നടപടി സ്വീകരിക്കുമോ;

(സി) മൈനറായ പെണ്‍കുട്ടിയെ അറസ്റു ചെയ്ത് മെഡിക്കല്‍ പരിശോധന നടത്തിയിട്ടുണ്ടോ; ആരുടെ പ്രേരണയിലാണ് ഇങ്ങനെ ചെയ്തത്;

(ഡി) പ്രതി കുട്ടിയെ കടത്തിക്കൊണ്ടുപോയതായ പരാതി ലഭിച്ചിട്ടുണ്ടോ; എങ്കില്‍ ഇതിന് എന്തു നടപടി സ്വീകരിച്ചു;

(ഇ) കുട്ടിയെ കടത്തികൊണ്ടുപോകുന്നതു കണ്ട അമ്മയെ പ്രതി മര്‍ദ്ദിച്ച സംഭവം അന്വേഷിച്ചിട്ടുണ്ടോ; ഇല്ലെങ്കില്‍ എന്തുകൊണ്ട്;

(എഫ്) പരാതി കിട്ടിയിട്ടും കുട്ടിയെ മെഡിക്കല്‍ പരിശോധന നടത്താതിരുന്ന ഡി.വൈ.എസ്.പി.യുടെയും എസ്.പി. യുടെയും പേരില്‍ അന്വേഷണം നടത്തി നടപടി സ്വീകരിക്കുമോ;

(ജി) കേസ് എടുത്ത് അന്വേഷിക്കാത്ത അക്കാലത്തെ ഡി.വൈ.എസ്.പി, എസ്.പി എന്നിവരുടെ പേരില്‍ ഉടന്‍ നടപടി എടുക്കുമോ?

ആറ്റിങ്ങല്‍ കോടതിയോടനുബന്ധിച്ച് പുതിയ ബ്ളോക്ക്

ശ്രീ. ബി. സത്യന്‍

(എ) ആറ്റിങ്ങല്‍ കോടതിയോടനുബന്ധിച്ച് പുതുതായി ഒരു ബ്ളോക്ക് നിര്‍മ്മാണത്തിന് അനുമതി നല്‍കിയിട്ടുണ്ടോ ;

(ബി) എങ്കില്‍ എത്ര നില കെട്ടിടമാണ് നിര്‍മ്മിക്കുന്നത് ;

(സി) നിര്‍മ്മാണത്തിന് കണക്കാക്കിയിരിക്കുന്ന തുകയെത്രയാണ് ;

(ഡി) എന്തൊക്കെ സൌകര്യങ്ങളാണ് പ്രസ്തുത കെട്ടിടത്തില്‍ ഒരുക്കുന്നതിന് ആലോചിച്ചിട്ടുള്ളത് ?

തടവില്‍ കഴിയുന്ന വ്യക്തിക്ക് ഫോണ്‍ അനുവദിച്ച നടപടി

ശ്രീ. കെ. കുഞ്ഞിരാമന്‍ (തൃക്കരിപ്പൂര്‍)

(എ) തടവില്‍ കഴിയുന്ന ശ്രീ. ആര്‍. ബാലകൃഷ്ണപിള്ളയെ ചികിത്സയ്ക്കായി ആശുപത്രിയില്‍ പ്രവേശിപ്പിച്ച മുറിയില്‍ പുറത്തുള്ളവരുമായി ബന്ധപ്പെടാന്‍ സൌകര്യമുള്ള ലാന്റ് ഫോണ്‍ നല്‍കിയിരുന്നോ;

(ബി) എങ്കില്‍ ഇത് ജയില്‍ ചട്ടത്തിന് വിരുദ്ധമാണോയെന്ന് വിശദമാക്കാമോ;

(സി) ഈ ഫോണില്‍ നിന്ന് അദ്ദേഹം തടവില്‍ കഴിയുന്ന അവസരങ്ങളില്‍ പുറത്തേക്ക് വിളിച്ചത് ഏതൊക്കെ നമ്പരിലേക്കാണ് എന്ന് വിശദമാക്കുമോ;

(ഡി) ഈ ഫോണില്‍ നിന്ന് മന്ത്രിമാരെ വിളിച്ചിട്ടുണ്ടോ; വിശദമാക്കാമോ?

ടി. വി. റിപ്പോര്‍ട്ടറെ മര്‍ദ്ദിച്ച സംഭവം

ശ്രീ. എ.എം. ആരിഫ്

(എ) ആലപ്പുഴ എഫ്.സി.ഐ. ഗോഡൌണില്‍ അരി കെട്ടിക്കിടക്കുന്നത് റിപ്പോര്‍ട്ട് ചെയ്യുവാനെത്തിയ അമൃത ടി.വി. റിപ്പോര്‍ട്ടര്‍ രാജീവിനെ 2011 ജൂണ്‍ 18-ാം തീയതി ഗോഡൌണ്‍ മാനേജര്‍ ആക്രമിച്ച വിവരം ശ്രദ്ധയില്‍പ്പെട്ടിട്ടുണ്ടോ ;

(ബി) ഏതൊക്കെ വകുപ്പുകള്‍ ചുമത്തിയാണ് മാനേജര്‍ക്കെതിരെ കേസ് ചാര്‍ജ് ചെയ്തിരിക്കുന്നത് ;

(സി) ഇതു സംബന്ധിച്ച അന്വേഷണം ഏതു ഘട്ടത്തിലാണ് ; അന്വേഷണം പൂര്‍ത്തിയായിട്ടുണ്ടോ ;

(ഡി) മാനേജര്‍ക്കെതിരെ ക്രൈം കേസ് രജിസ്റര്‍ ചെയ്ത വിവരം എഫ്.സി.ഐ. യുടെ ബന്ധപ്പെട്ട ഉദ്യോഗസ്ഥരെ അറിയിച്ചിട്ടുണ്ടോ ;

ഗ്രാമീണ സൂപ്പര്‍മാര്‍ക്കറ്റ് തട്ടിപ്പ്

ശ്രീ. കെ. കുഞ്ഞിരാമന്‍ (ഉദുമ)

(എ) ഗ്രാമീണ സൂപ്പര്‍മാര്‍ക്കറ്റിന്റെ പേരില്‍ കാസര്‍ഗോഡ് ജില്ലയില്‍ കോടികളുടെ തട്ടിപ്പ് നടത്തി ജനങ്ങളെ കബളിപ്പിച്ച കാര്യം ശ്രദ്ധയില്‍പ്പെട്ടിട്ടുണ്ടോ ;

(ബി) എങ്കില്‍ ഇതു സംബന്ധിച്ച് കേസ് രജിസ്റര്‍ ചെയ്തിട്ടുണ്ടോ എന്നും ആരൊക്കെയാണ് പ്രതികള്‍ എന്നും വിശദമാക്കുമോ ;

(സി) പ്രതികളുടെ സ്വത്തുക്കള്‍ കണ്ടുകെട്ടിയിട്ടുണ്ടോ ; വിശദാംശങ്ങള്‍ അറിയിക്കുമോ ?

വനിതാ ഡോക്ടറെ കൈയേറ്റം ചെയ്ത പരാതി

ശ്രീ. സി. കെ. സദാശിവന്‍

കായംകുളം അസംബ്ളി നിയോജകമണ്ഡലത്തില്‍ വനിതാ ഡോക്ടറെ ചില രാഷ്ട്രീയ നേതാക്കളും സാമൂഹികവിരുദ്ധരും ചേര്‍ന്ന് കൈയേറ്റം ചെയ്തതുമായി ബന്ധപ്പെട്ട കേസ്സിന്റെ നിലവിലുള്ള പുരോഗതി വിശദമാക്കാമോ ?

യൂണിവേഴ്സിറ്റി കോളേജിലേയ്ക്ക് കണ്ണീര്‍വാതകപ്രയോഗം നടത്തിയതിന്റെ വിശദാംശം

ശ്രീ. ആര്‍. രാജേഷ്

(എ) ഈ സര്‍ക്കാര്‍ അധികാരത്തില്‍ വന്നതിനു ശേഷം തിരുവനന്തപുരം യൂണിവേഴ്സിറ്റി കോളേജിലേയ്ക്ക് എത്ര തവണ പോലീസ് കണ്ണീര്‍വാതകപ്രയോഗം നടത്തിയിട്ടുണ്ടെന്ന് വ്യക്തമാക്കുമോ ;

(ബി) വിവിധ ദിവസങ്ങളിലായി എത്ര ഷെല്ലുകളും, എത്ര ഗ്രനേഡുകളും പ്രയോഗിച്ചുവെന്ന് തീയതിസഹിതം വെളിപ്പെടുത്തുമോ ?

കാസര്‍ഗോഡ് ജില്ലയിലെ കൊലപാതക കേസുകള്‍

ശ്രീ. ഇ. ചന്ദ്രശേഖരന്‍

(എ) കാസര്‍ഗോഡ് ജില്ലയില്‍ രജിസ്റര്‍ ചെയ്ത കൊലപാതകക്കേസുകളില്‍ കോടതിയില്‍ സമര്‍പ്പിക്കാന്‍ ബാക്കിയുള്ളവ ഏതെല്ലാമാണെന്ന് വ്യക്തമാക്കാമോ ;

(ബി) ഈ കേസുകളില്‍ ഓരോന്നിന്റെയും അന്വേഷണച്ചുമതല ആര്‍ക്കാണെന്ന് വ്യക്തമാക്കാമോ ;

(സി) ഈ കേസുകള്‍ രജിസ്റര്‍ ചെയ്ത തീയതികള്‍ അറിയിക്കാമോ ?

വാണിജ്യനികുതി ജീവനക്കാരെ ആക്രമിച്ചതിനെതിരെ നടപടി

ശ്രീ. കെ. കുഞ്ഞിരാമന്‍ (ഉദുമ)

(എ) നികുതി വെട്ടിച്ച് കോഴി കടത്തുന്നത് പിടിക്കാനെത്തിയ കാസര്‍ഗോഡ് വാണിജ്യ നികുതി ഓഫീസിലെ ജീവനക്കാരെ, ചട്ടഞ്ചാല്‍ വെച്ച് ആക്രമിച്ച് മാരകമായി പരിക്കേല്പിച്ച സംഭവം ശ്രദ്ധയില്‍പ്പെട്ടിട്ടുണ്ടോ;

(ബി) മേല്‍ സംഭവത്തില്‍ ആര്‍ക്കൊക്കെയാണ് പരിക്കേറ്റതെന്നും എത്ര ദിവസം വിവിധ ആശുപത്രികളിലായി ചികിത്സ തേടിയിട്ടുണ്ടെന്നും വിശദമാക്കാമോ;

(സി) സംഭവം സംബന്ധിച്ച് കേസ് രജിസ്റര്‍ ചെയ്തിട്ടുണ്ടോ; എങ്കില്‍ ഏതൊക്കെ വകുപ്പുകള്‍ ചേര്‍ത്താണ് കേസ് രജിസ്റര്‍ ചെയ്തിട്ടുള്ളതെന്നും ആരൊക്കെയാണ് പ്രതികള്‍ എന്നും അറിയിക്കാമോ;

(ഡി) പ്രതികളെ ആരെയെങ്കിലും അറസ്റ് ചെയ്തിട്ടുണ്ടോ; വിശദാംശങ്ങള്‍ അറിയിക്കാമോ; ഇനി അറസ്റ് ചെയ്യാനുള്ള പ്രതികള്‍ ആരൊക്കെയാണ്; ഇവരുടെ വിശദാംശങ്ങള്‍ അറിയിക്കാമോ;

(ഇ) മേല്‍ സംഭവത്തിലെ പ്രതികളുടെ പേരില്‍ മറ്റേതെങ്കിലും കേസുകള്‍ ഇതിനു മുന്‍പോ ശേഷമോ രജിസ്റര്‍ ചെയ്തിട്ടുണ്ടോ; എങ്കില്‍ ഇതു സംബന്ധിച്ച വിശദാംശങ്ങള്‍ അറിയിക്കാമോ;

(എഫ്) കൃത്യനിര്‍വ്വഹണത്തിനിടെ മാരകമായി ആക്രമിച്ച് പരിക്കേല്പിച്ചവര്‍ക്കെതിരെ നിസ്സാര വകുപ്പുകള്‍ ഉള്‍പ്പെടുത്തിയാണ് കേസ് രജിസ്റര്‍ ചെയ്തിട്ടുള്ളതെന്ന ആക്ഷേപം ജീവനക്കാരുടെ ഇടയില്‍ നിലനില്‍ക്കുന്നതായി ശ്രദ്ധയില്‍പ്പെട്ടിട്ടുണ്ടോ;

(ജി) ഉദ്യോഗസ്ഥരുടെ മനോവീര്യം കെടുത്തുന്ന രീതിയിലുള്ള ഇത്തരം സംഭവങ്ങള്‍ ഗൌരവമായി എടുക്കുന്ന കാര്യം പരിഗണിക്കുമോ; എങ്കില്‍ വിശദാംശങ്ങള്‍ അറിയിക്കുമോ ?

പീഡനത്തിനെതിരെ നിയമ നടപടി

ശ്രീ. കെ. വി. അബ്ദുള്‍ ഖാദര്‍

(എ) ഗുരുവായൂര്‍ നിയോജക മണ്ഡലത്തില്‍ വാടാനപ്പള്ളി പോലീസ് സ്റേഷന്‍ പരിധിയില്‍ വരുന്ന ഏങ്ങണ്ടിയൂര്‍ സ്വദേശിനിയായ മണി എന്ന സ്ത്രീയെ ജോയി എന്നയാള്‍ പീഡിപ്പിക്കാന്‍ ശ്രമിച്ച സംഭവം ശ്രദ്ധയില്‍പ്പെട്ടിട്ടുണ്ടോ;

(ബി) ഈ സ്ത്രീയുടെ പരാതിയിന്മേല്‍ നടപടി എടുക്കാതിരുന്ന വാടാനപ്പള്ളി പോലീസ് സ്റേഷനിലെ ഉദ്യോഗസ്ഥര്‍ക്ക് എതിരെ എന്തെങ്കിലും ശിക്ഷാ നടപടികള്‍ സ്വീകരിച്ചുവോ;

(സി) സംഭവത്തിലെ പ്രതിക്കെതിരെ നിയമ നടപടി സ്വീകരിച്ചിട്ടുണ്ടോ?

അങ്കമാലി നിയോജക മണ്ഡലത്തിലെ ഗുണ്ടാലിസ്റില്‍ ഉള്‍പ്പെട്ടവരുടെ വിശദാംശം

ശ്രീ. ജോസ് തെറ്റയില്‍

(എ) അങ്കമാലി നിയോജക മണ്ഡലത്തില്‍ ഗുണ്ടാ ആക്രമണങ്ങള്‍ റിപ്പോര്‍ട്ട് ചെയ്തിട്ടുണ്ടോ; എങ്കില്‍ ഇതിന്റെ വിശദാംശങ്ങള്‍ വ്യക്തമാക്കാമോ; ഇതിന്‍മേല്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ;

(ബി) അങ്കമാലിയില്‍ എത്രപേരെ ഗുണ്ടാലിസ്റില്‍ ഉള്‍പ്പെടുത്തിയിട്ടുണ്ട്; ഇവരുടെ പേരുവിവരങ്ങള്‍ വെളിപ്പെടുത്താമോ;

(സി) പോലീസ് സ്റേഷനില്‍ നിന്ന് ഗുണ്ടാ ലിസ്റില്‍ ഉള്‍പ്പെടുത്തുന്നതിന് നിര്‍ദേശം ഉണ്ടായിട്ടും ലിസ്റില്‍പ്പെടുത്താത്തത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ നിര്‍ദ്ദേശിക്കപ്പെട്ട വ്യക്തികളെ ലിസ്റില്‍ ഉള്‍പ്പെടുത്തുവാന്‍ അടിയന്തിര നടപടികള്‍ സ്വീകരിക്കുമോ?

ഫറോക്ക് ഗണപത് ഹൈസ്കൂള്‍ ഭൂമി തട്ടിയെടുത്തതിനെതിരെ നടപടി

ശ്രീ. എളമരം കരീം

(എ) കോഴിക്കോട് ജില്ലയിലെ ഫറോക്ക് ഗണപത് ഹൈസ്കൂള്‍ വക ഭൂമി തട്ടിയെടുക്കുന്നതുമായി ബന്ധപ്പെട്ട്, ഉദ്യോഗസ്ഥ തലത്തിലുണ്ടായ വീഴ്ചകള്‍ അന്വേഷിച്ച അഡീഷണല്‍ സെക്രട്ടറിയുടെ റിപ്പോര്‍ട്ടിന്റെ അടിസ്ഥാനത്തില്‍, കുറ്റവാളികളുടെ പേരില്‍ നടപടി സ്വീകരിക്കണമെന്ന് ആവശ്യപ്പെട്ട് പോലീസിന് എന്തെങ്കിലും പരാതി ലഭിച്ചിട്ടുണ്ടോ;:

(ബി) ഉണ്ടെങ്കില്‍ പ്രസ്തുത പരാതിയിന്മേല്‍ എന്ത് നടപടികള്‍ സ്വീകരിച്ചു എന്ന് വ്യക്തമാക്കാമോ?

ഗണപത് സ്കൂള്‍ ആക്രമണത്തിനെതിരെ നടപടി

ശ്രീ. എളമരം കരീം

(എ) ഫറോക്ക് ഗവണ്‍മെന്റ് ഗണപത് സ്കൂള്‍ കോമ്പൌണ്ടില്‍ അതിക്രമിച്ച് കയറി കെട്ടിടവും ഫര്‍ണിച്ചറും പൊളിച്ച് കടത്തിക്കൊണ്ട് പോയ സംഭവത്തില്‍ ക്രൈം നമ്പര്‍ 79/2007 കേസ് രജിസ്റര്‍ ചെയ്തിട്ടുണ്ടോ;

(ബി) പ്രസ്തുത കേസിന്റെ ഇപ്പോഴത്തെ അവസ്ഥ എന്താണ്;

(സി) പ്രതികളെ അറസ്റ് ചെയ്തിട്ടുണ്ടോ; ഇല്ലെങ്കില്‍ കാരണമെന്താണെന്ന് വ്യക്തമാക്കുമോ ?

ഗുണ്ടാ ആക്രമത്തില്‍ രാജേഷ് കൃഷ്ണന്‍ കൊല ചെയ്യപ്പെട്ട സംഭവം

ശ്രീ. പാലോട് രവി

(എ) നെടുമങ്ങാട് പോലീസ് സ്റേഷന്‍ അതിര്‍ത്തിയില്‍ വച്ച് ഗുണ്ടകളുടെ ആക്രമണത്താല്‍ കൊല ചെയ്യപ്പെട്ട രാജേഷ് കൃഷ്ണന്റെ കൊലപാതകത്തില്‍ എത്ര പ്രതികളെ അറസ്റ് ചെയ്തിട്ടുണ്ട്;

(ബി) ഈ പ്രതികള്‍ മറ്റേതെല്ലാം കേസുകളില്‍ പ്രതികളാണ്;

(സി) കൊല ചെയ്യപ്പെട്ട രാജേഷ് കൃഷ്ണന്റെ കുടുബത്തിന് സ്വന്തമായി കിടപ്പാടമോ സ്ഥലമോ ഇല്ലെന്ന വിവരം ശ്രദ്ധയില്‍പ്പെട്ടിട്ടുണ്ടോ;

(ഡി) ഈ കുടുംബത്തിന് എന്തെങ്കിലും ധനസഹായം നല്‍കിയിട്ടുണ്ടോ;

(ഇ) ഇല്ലെങ്കില്‍ നല്‍കാന്‍ അടിയന്തിര നടപടി സ്വീകരിക്കുമോ?

കേസിലെ പ്രതികളെ അറസ്റ് ചെയ്യാന്‍ നടപടി

ശ്രീ. പി. സി. വിഷ്ണുനാഥ്

(എ) പത്തനംതിട്ട പോലീസ് സ്റേഷനിലെ ക്രൈം -953/20064/ട.379, 419, 420, 34 ഐ.പി.സി. എന്ന കേസിലെ പ്രതികള്‍ ആരൊക്കെയെന്ന് വ്യക്തമാക്കുമോ;

(ബി) ഈ കേസിന്റെ ഇപ്പോഴത്തെ സ്ഥിതി വ്യക്തമാക്കുമോ;

(സി) ഈ കേസിലെ പ്രതികളെ അറസ്റ് ചെയ്ത് അനന്തര നടപടികള്‍ സ്വീകരിച്ചിട്ടുണ്ടോ;

(ഡി) ഈ കേസുമായി ബന്ധപ്പെട്ട് സസ്പെന്‍ഷനിലായ ഉദ്യോഗസ്ഥര്‍ നിരപരാധികളും അന്വേഷണം അട്ടിമറിച്ചത് ഐ.പി.എസ്. ഉദ്യോഗസ്ഥനും എന്ന തലക്കെട്ടില്‍ 2011 ആഗസ്റ് മാസം 31-ന് പത്രങ്ങളില്‍ വന്ന വാര്‍ത്തകള്‍ ശ്രദ്ധയില്‍പ്പെട്ടിട്ടുണ്ടോ;

(ഇ) ഇതുമായി ബന്ധപ്പെട്ട് നടപടികള്‍ എന്തെങ്കിലും സ്വീകരിച്ചിട്ടുണ്ടോ; ഇല്ലെങ്കില്‍ കാരണം വിശദമാക്കുമോ?

തിരുവല്ല പോലീസ് സബ്ഇന്‍സ്പെക്ടര്‍ ആയിരുന്ന ശ്രീ. ജി. സന്തോഷ്കുമാറിന്റെ സസ്പെന്‍ഷന്‍

ശ്രീ. പി.സി. വിഷ്ണുനാഥ്

(എ) തിരുവല്ല പോലീസ് സബ്ഇന്‍സ്പെക്ടര്‍ ആയിരുന്ന ശ്രീ. ജി. സന്തോഷ്കുമാറിനെ സസ്പെന്‍ഡ് ചെയ്തതിന്റെ കാരണം വ്യക്തമാക്കുമോ;

(ബി) പ്രസ്തുത സസ്പെന്‍ഷന്‍ ഉത്തരവില്‍ ടിയാനെതിരെയുളള കൃത്യവിലോപമോ കുറ്റമോ എന്താണെന്ന് വ്യക്തമാക്കിയിട്ടില്ല എന്ന് ശ്രദ്ധയില്‍പ്പെട്ടിട്ടുണ്ടോ;

(സി) സസ്പെന്‍ഷനായി ആറ് മാസക്കാലമായിട്ടും ടിയാന് കുറ്റാരോപണമെമ്മോ നല്‍കാത്തത് എന്തുകൊണ്ടാണ് എന്ന് വ്യക്തമാക്കുമോ ;

(ഡി) ചെയ്ത കുറ്റം എന്തെന്നോ കേസന്വേഷണത്തില്‍ വരുത്തിയിട്ടുളള വീഴ്ചയോ പോരായ്മയോ എന്താണെന്നോ ടിയാനെ നാളിതുവരെ അറിയിച്ചിട്ടില്ല എന്ന വസ്തുത ശ്രദ്ധയില്‍പ്പെട്ടിട്ടുണ്ടോ;

(ഇ) പ്രസ്തുത ഉദ്യോഗസ്ഥനെതിരെ ഈ കേസിന് മുമ്പ് എന്തെങ്കിലും ശിക്ഷാനടപടികള്‍ സ്വീകരിച്ചിട്ടുണ്ടോ;

(എഫ്) ശിക്ഷാ നടപടികള്‍ മൂലം ടിയാന്റെ പ്രൊമോഷന്‍ നഷ്ടപ്പെട്ടത് ശ്രദ്ധയില്‍പ്പെട്ടിട്ടുണ്ടോ;

(ജി) തന്റേതല്ലാത്ത കാരണത്താല്‍ സസ്പെന്‍ഷന്‍ നടപടികള്‍ നേരിട്ടതുമൂലം ഉണ്ടായ പോരായ്മകള്‍ പരിഹരിച്ച് അര്‍ഹമായ പ്രൊമോഷന്‍ നല്‍കി ടിയാനെ തിരികെ സര്‍വ്വീസില്‍ പ്രവേശിക്കുവാന്‍ നടപടികള്‍ സ്വീകരിക്കുമോ ഇല്ലെങ്കില്‍ കാരണം വ്യക്തമാക്കുമോ?

എടപ്പാള്‍ കേന്ദ്രീകരിച്ച് പുതിയ പോലീസ് സ്റേഷന്‍

ഡോ. കെ. ടി. ജലീല്‍

അപകടങ്ങളും കുറ്റകൃത്യങ്ങളും വര്‍ദ്ധിച്ചുകൊണ്ടിരിക്കുന്ന സാഹചര്യത്തില്‍ ചങ്ങരംകുളം, പൊന്നാനി പോലീസ് സ്റേഷനുകളെ വിഭജിച്ചുകൊണ്ട് എടപ്പാള്‍ കേന്ദ്രീകരിച്ച് പുതിയ ഒരു പോലീസ് സ്റേഷന്‍ ആരംഭിക്കുന്ന കാര്യം പരിഗണനയില്‍ ഉണ്ടോ ?

പെരുവണ്ണാമൂഴി പോലീസ് സ്റേഷന് കെട്ടിടം

ശ്രീ. കെ. കുഞ്ഞമ്മത് മാസ്റര്‍

(എ) സംസ്ഥാനത്ത് സ്വന്തമായി കെട്ടിടമില്ലാത്ത എത്ര പോലീസ് സ്റേഷനുകള്‍ ഉണ്ടെന്ന് വ്യക്തമാക്കുമോ;

(ബി) കോഴിക്കോട് ജില്ലയില്‍ സ്വന്തമായി കെട്ടിടമില്ലാത്ത എത്ര പോലീസ് സ്റേഷനുകള്‍ ഉണ്ട്; അവയുടെ പേര് വിവരം വ്യക്തമാക്കുമോ;

(സി) പെരുവണ്ണാമൂഴി പോലീസ് സ്റേഷന് പുതിയ കെട്ടിടമുണ്ടാക്കുന്നതിന് നടപടികള്‍ സ്വീകരിക്കുമോ ?

തൃത്താല പോലീസ് സ്റേഷന് സ്ഥലവും കെട്ടിടവും അനുവദിക്കാന്‍ നടപടി

ശ്രീ. വി.റ്റി. ബല്‍റാം

(എ) തൃത്താല പോലീസ് സ്റേഷന്‍ പ്രവര്‍ത്തിക്കുന്ന കെട്ടിടത്തിലെ സൌകര്യങ്ങളുടെ അപര്യാപ്തത ശ്രദ്ധയില്‍പ്പെട്ടിട്ടുണ്ടോ ;

(ബി) പ്രസ്തുത പോലീസ് സ്റേഷന് കെട്ടിടം നിര്‍മ്മിക്കുന്നതിന് സ്ഥലം അനുവദിച്ചിട്ടുണ്ടോ ; എങ്കില്‍ വിശദാംശം നല്‍കുമോ ;

(സി) സ്ഥലം അനുവദിച്ചിട്ടുണ്ടെങ്കില്‍ അവിടെ കെട്ടിടം പണിയുന്നതിന് നടപടി സ്വീകരിക്കുമോ ;

(ഡി) നിലവില്‍ തൃത്താല പോലീസ് സ്റേഷന്‍ വളപ്പില്‍ സൂക്ഷിച്ചിരിക്കുന്ന കേസുകളില്‍ ഉള്‍പ്പെട്ട വാഹനങ്ങളും പോലീസ് പിടിച്ചെടുത്ത മണലും ലേലം ചെയ്ത് സര്‍ക്കാരിലേക്ക് മുതല്‍കൂട്ടുന്നതിന് നടപടി സ്വീകരിക്കുമോ ?

ബേപ്പൂര്‍ പോലീസ് സ്റേഷന് കെട്ടിടം

ശ്രീ. എളമരം കരീം

(എ) ബേപ്പൂര്‍ പോലീസ് സ്റേഷന്‍ കെട്ടിടത്തിന്റെ ശോചനീയാവസ്ഥ ശ്രദ്ധയില്‍പ്പെട്ടിട്ടുണ്ടോ;

(ബി) പോലീസ് സ്റേഷന് സൌകര്യപ്രദമായ കെട്ടിടം നിര്‍മ്മിക്കാന്‍ നടപടി കൈക്കൊള്ളുമോ ?