Questions

പുതിയ വ്യവസായ നയം

ശ്രീ. ഷാഫി പറമ്പില്‍

,, വി. പി. സജീന്ദ്രന്‍

,, എം. പി. വിന്‍സെന്റ്

,, ലൂഡി ലൂയിസ്

(എ) സംസ്ഥാനത്ത് പുതിയ വ്യവസായ നയത്തിന്റെ കരട് ഉണ്ടാക്കിയിട്ടുണ്ടോ; എങ്കില്‍ ഇതിന്റെ വിശദാംശങ്ങള്‍ വെളിപ്പെടുത്താമോ;

(ബി) വിദേശരാജ്യങ്ങളുമായി ദീര്‍ഘകാല വാണിജ്യവ്യവസായ ബന്ധം സ്ഥാപിക്കാന്‍ കരട് നയത്തില്‍ വ്യവസ്ഥയുണ്ടോ എന്ന് വിശദമാക്കാമോ;

(സി) നിക്ഷേപകരെയും ടൂറിസ്റുകളെയും മറ്റും ആകര്‍ഷിക്കുന്നതിനുളള കര്‍മ്മ പരിപാടി നയത്തില്‍ ഉള്‍ക്കൊളളിക്കുമോ;

(ഡി) ഏകജാലക ക്ളിയറന്‍സ് സംവിധാനം അഴിച്ചുപണിയാന്‍ ഉദ്ദേശിക്കുന്നുണ്ടോ;

(ഇ) വൈദ്യുതി, വെളളം, റോഡ് തുടങ്ങി അടിസ്ഥാനസൌകര്യങ്ങള്‍ ലഭ്യമായ സ്ഥലങ്ങളിലെല്ലാം വ്യവസായ പാര്‍ക്കുകള്‍ സ്ഥാപിക്കാനുളള വ്യവസ്ഥ നയത്തില്‍ ഉള്‍പ്പെടുത്തുമോ?

പൊതുമേഖലാ സ്ഥാപനങ്ങള്‍ നവീകരിക്കുന്നതിനും വിപുലീകരിക്കുന്നതിനും നടപടി

ശ്രീ.പി.കെ.ഗുരുദാസന്‍

,, എളമരം കരീം

,, ജി.സുധാകരന്‍

,, എം.ചന്ദ്രന്‍

(എ) പൊതുമേഖലാ സ്ഥാപനങ്ങള്‍ വിപുലീകരിക്കുന്നതിന് മുന്‍സര്‍ക്കാര്‍ സ്വീകരിച്ചുവന്ന നടപടികളുടെ തുടര്‍ പ്രവര്‍ത്തനങ്ങള്‍ ഇപ്പോള്‍ നടക്കുന്നുണ്ടോ ; വിശദമാക്കാമോ ;

(ബി) മുന്‍സര്‍ക്കാര്‍ ഇതിനായി മൊത്തം എത്ര കോടി രൂപ ചെലവഴിക്കുകയുണ്ടായി ; ഏതെല്ലാം കമ്പനികളില്‍ എന്തെല്ലാം പദ്ധതികള്‍ നടപ്പിലാക്കുകയുണ്ടായി ;

(സി) നവീകരിക്കുന്നതിനും വിപുലീകരിക്കുന്നതിനുമായി ഇപ്പോഴും പരിഗണനയിലുള്ള പദ്ധതി നിര്‍ദ്ദേശങ്ങള്‍ ഏതൊക്കെയാണ് ; നടപടികള്‍ ഏതെല്ലാം ഘട്ടങ്ങളിലാണെന്ന് വിശദമാക്കുമോ ?

കെ.എസ്.ഐ.ഡി.സി മുഖേന നടപ്പാക്കുന്ന വികസന പ്രവര്‍ത്തനങ്ങള്‍

ശ്രീ. ജോസഫ് വാഴക്കന്‍

,, പാലോട് രവി

,, ഹൈബി ഈഡന്‍

,, പി. എ. മാധവന്‍

(എ) കെ.എസ്.ഐ.ഡി.സി. മുഖേന എന്തെല്ലാം വികസന പ്രവര്‍ത്തനങ്ങളാണ് നടപ്പാക്കാന്‍ തീരുമാനിച്ചിട്ടുളളത്;

(ബി) ഇതിന് എത്രകോടി രൂപ ചെലവു വരുമെന്നാണ് പ്രതീക്ഷിക്കുന്ന്;

(സി) വിവിധ പദ്ധതികള്‍ക്ക് കെ.എസ്.ഐ.ഡി.സി എന്തെല്ലാം സഹായമാണ് നല്‍കാന്‍ ഉദ്ദേശിക്കുന്നത്; വിശദാംശങ്ങള്‍ നല്‍കാമോ?

പ്രത്യേക സാമ്പത്തിക മേഖല (സെസ്) നയം

ശ്രീ. കെ. വി. അബ്ദുള്‍ ഖാദര്‍

,, എ. പ്രദീപ് കുമാര്‍

,, എസ്. ശര്‍മ്മ

,, കോലിയക്കോട് എന്‍. കൃഷ്ണന്‍ നായര്‍

(എ) സംസ്ഥാനത്തിന്റെ പ്രത്യേക സാമ്പത്തിക മേഖല (സെസ്) നയത്തില്‍ മാറ്റം വരുത്താന്‍ സര്‍ക്കാര്‍ ഉദ്ദേശിക്കുന്നുണ്ടോ ;

(ബി) എന്തെല്ലാം മാറ്റങ്ങളാണുദ്ദേശിക്കുന്നത് ; ഇതുമൂലം നിലവിലുള്ള പ്രത്യേക സാമ്പത്തിക മേഖലാ സ്ഥാപനങ്ങള്‍ക്ക് എന്തെല്ലാം അധിക നേട്ടങ്ങളാണ് ഉണ്ടാ കുന്നത് ;

(സി) പ്രസ്തുത മാറ്റം സംസ്ഥാനത്തിന്റെ താല്പര്യങ്ങള്‍ സംരക്ഷിക്കത്തക്കതാണോയെന്നറിയിക്കുമോ ?

പ്രകൃതി വാതക പരിശീലന കേന്ദ്രം

ശ്രീ. കോടിയേരി ബാലകൃഷ്ണന്‍

(എ) വ്യവസായ വകുപ്പ് സംസ്ഥാനത്ത് പ്രകൃതി വാതക പരിശീലന കേന്ദ്രം ആരംഭിക്കാന്‍ ഉദ്ദേശിക്കുന്നുണ്ടോ;

(ബി) എങ്കില്‍ ഇതിന്റെ ഉദ്ദേശ്യങ്ങളും ലക്ഷ്യങ്ങളും വിശദമാക്കാമോ;

(സി ഇതുവഴി സംസ്ഥാനത്തിന് പൊതുവായുണ്ടാകുന്ന ഗുണങ്ങള്‍ എന്തൊക്കെ;

(ഡി) പരിശീലന കേന്ദ്രം എന്നത്തേക്ക് ആരംഭിക്കാന്‍ കഴിയും;

(ഇ) വ്യവസായ വകുപ്പ് ഏതൊക്കെ ഏജന്‍സികളുടെ പങ്കാളിത്തത്തോടെയാണ് പരിശീലന കേന്ദ്രം ആരംഭിക്കുന്നതെന്ന് വെളിപ്പെടുത്താമോ?

പൊതുമേഖലാ സ്ഥാപനങ്ങളില്‍ സമഗ്രമായ അഴിച്ചുപണി

ശ്രീ. തേറമ്പില്‍ രാമകൃഷ്ണന്‍

,, റ്റി.എന്‍. പ്രതാപന്‍

,, എ.പി. അബ്ദുളളക്കുട്ടി

,, ഡൊമിനിക് പ്രസന്റേഷന്‍

(എ) സംസ്ഥാനത്തെ പൊതുമേഖലാ സ്ഥാപനങ്ങളില്‍ സമഗ്രമായ അഴിച്ചുപണി സര്‍ക്കാരിന്റെ പരിഗണനയിലുണ്ടോ; എങ്കില്‍ വിശദാംശങ്ങള്‍ നല്‍കാമോ;

(ബി) ഇത് സംബന്ധിച്ച് റിയാബ് റിപ്പോര്‍ട്ട് നല്‍കിയിട്ടുണ്ടോ;

(സി) ഈ റിപ്പോര്‍ട്ടിന്റെ അടിസ്ഥാനത്തില്‍ കൈകൊളളാനുദ്ദേശിക്കുന്ന നടപടികള്‍ എന്തെല്ലാമാണെന്ന് വ്യക്തമാക്കുമോ ?

ഹര്‍ത്താലുകളും പണിമുടക്കുകളും

ശ്രീ. എം. ഉമ്മര്‍

(എ) സംസ്ഥാനത്ത് ഇടക്കിടെയുണ്ടാകുന്ന ഹര്‍ത്താലുകളും പണിമുടക്കുകളും വ്യവസായ നിക്ഷേപത്തെ ബാധിക്കുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി) ഉണ്ടെങ്കില്‍ ഇതിനായി സര്‍വ്വകക്ഷി ചര്‍ച്ച നടത്തുന്ന കാര്യം പരിഗണിക്കുമോ?

ആര്‍.ഐ.എ.ബി. യുടെ ഉദ്ദേശലക്ഷ്യങ്ങള്‍

ശ്രീ. മഞ്ഞളാംകുഴി അലി

,, ടി. എ. അഹമ്മദ് കബീര്‍

,, കെ.എന്‍.എ.ഖാദര്‍

,, വി.എം.ഉമ്മര്‍ മാസ്റര്‍

(എ) പൊതുമേഖലാ വ്യവസായ പുന:സംഘടനാ ബോര്‍ഡ്(ആര്‍.ഐ.എ.ബി.)രൂപീകരിച്ചതിന്റെ ഉദ്ദേശലക്ഷ്യങ്ങള്‍ വിശദമാക്കുമോ;

(ബി) ബോര്‍ഡ് നിലവില്‍ വന്നശേഷം പൊതുമേഖലാ സ്ഥാപനങ്ങളുടെ പുന:സംഘടനാ കാര്യത്തില്‍ എന്തൊക്കെ ശുപാര്‍ശകള്‍ സര്‍ക്കാരിന് സമര്‍പ്പിച്ചിട്ടുണ്ട്;

(സി) ബോര്‍ഡ് ശുപാര്‍ശകള്‍ പ്രകാരം ഏതെല്ലാം പൊതുമേഖലാ സ്ഥാപനങ്ങള്‍ പുന:സംഘടിക്കപ്പെട്ടിട്ടുണ്ട്;

(ഡി) പൊതുമേഖലാ സ്ഥാപനങ്ങളിലെ മാനവശേഷി കാര്യക്ഷമമാക്കുന്നതു സംബന്ധിച്ച് കഴിഞ്ഞ അഞ്ചു വര്‍ഷങ്ങളില്‍ ഏതൊക്കെ പരിശീലന പരിപാടികള്‍ ആര്‍.ഐ.എ.ബി. നടപ്പിലാക്കിയിട്ടുണ്ട്; വിശദവിവരം നല്‍കാമോ;

(ഇ) പൊതുമേഖലാ സ്ഥാപനങ്ങള്‍ക്ക് സര്‍ക്കാര്‍ നല്‍കുന്ന ധനസഹായത്തിന്റെ ശരിയായ വിനിയോഗം ഉറപ്പാക്കാന്‍ ഏര്‍പ്പെടുത്തിയിട്ടുള്ള സംവിധാനം വിശദമാക്കുമോ; ധനസഹായ വിനിയോഗത്തിലെ അപാകതകള്‍ സംബന്ധിച്ച് കഴിഞ്ഞ അഞ്ചു വര്‍ഷക്കാലത്തിനിടയില്‍ സര്‍ക്കാരിന് റിപ്പോര്‍ട്ട് സമര്‍പ്പിച്ചിട്ടുണ്ടോ; എങ്കില്‍ വിശദമാക്കുമോ?

പൊതുമേഖലാ സ്ഥാപനങ്ങളുടെ സംരക്ഷണത്തിനും വികസനത്തിനും പദ്ധതികള്‍

ശ്രീ. സി. കെ. സദാശിവന്‍

(എ) സംസ്ഥാനത്തെ പൊതുമേഖലാ സ്ഥാപനങ്ങളുടെ സംരക്ഷണത്തിനും വികസനത്തിനുമായി നടപ്പുവര്‍ഷം എത്ര കോടി രൂപയാണ് നീക്കിവെച്ചിരിക്കുന്നതെന്ന് വ്യക്തമാക്കുമോ;

(ബി) ലാഭകരമായി പ്രവര്‍ത്തിക്കുന്ന പൊതുമേഖലാ വ്യവസായ സ്ഥാപനങ്ങളുടെ എണ്ണം, ഉത്പാദനം, വിറ്റുവരവ്, ലാഭം എന്നിവ സര്‍ക്കാര്‍ പരിശോധിച്ചിട്ടുണ്ടോ; എങ്കില്‍ വിശദമാക്കുമോ;

(സി) നഷ്ടത്തില്‍ പ്രവര്‍ത്തിക്കുന്ന പൊതുമേഖലാ സ്ഥാപനങ്ങള്‍ ലാഭകരമാക്കുന്നതിന് എന്തെങ്കിലും പദ്ധതി ആസൂത്രണം ചെയ്തിട്ടുണ്ടോ; എങ്കില്‍ വെളിപ്പെടുത്തുമോ ?

പി. എസ്. യു.കള്‍ നേടിയ ലാഭം

ശ്രീ. എളമരം കരീം

(എ) 2010 മാര്‍ച്ച് 31-ന് അവസാനിച്ച വര്‍ഷത്തെ കംപ്ട്രോളര്‍ ആന്റ് ആഡിറ്റര്‍ ജനറലിന്റെ റിപ്പോര്‍ട്ട് പ്രകാരം സംസ്ഥാനത്തെ പി. എസ്. യു.കള്‍ മൊത്തം എത്രകോടി രൂപയുടെ ലാഭം ഉണ്ടാക്കിയിട്ടുണ്ടെന്ന് വെളിപ്പെടുത്തുമോ;

(ബി) 2010 മാര്‍ച്ച് അവസാനത്തില്‍ ഈ പി. എസ്. യു.കള്‍ എത്ര പേര്‍ക്ക് തൊഴില്‍ നല്കുകയുണ്ടായി?

വരവൂരില്‍ വ്യവസായ പാര്‍ക്ക്

ശ്രീ. കെ. രാധാകൃഷ്ണന്‍

(എ) ചേലക്കര മണ്ഡലത്തിലെ വരവൂരില്‍ വ്യവസായ പാര്‍ക്ക് ആരംഭിക്കുന്നതിനു വേണ്ടി ഭൂമി വിലയ്ക്കു വാങ്ങുന്നതിന് നടപടികള്‍ ആരംഭിച്ചിട്ടുണ്ടോ;

(ബി) എങ്കില്‍ ആയതു സംബന്ധിച്ച നടപടികള്‍ ഇപ്പോള്‍ ഏതു ഘട്ടത്തിലാണ്;

(സി) വ്യവസായ പാര്‍ക്കിനാവശ്യമായ നിര്‍ദ്ദിഷ്ട ഭൂമി വിലയ്ക്കു വാങ്ങി സമയബന്ധിതമായി നിര്‍മ്മാണ നടപടികള്‍ ആരംഭിക്കുമോ ?

പൊതുമേഖലാ വ്യവസായ സ്ഥാപനങ്ങളുടെ നവീകരണം

ശ്രീമതി കെ. കെ. ലതിക

(എ) സംസ്ഥാനത്തെ പൊതുമേഖലാ വ്യവസായ സ്ഥാപനങ്ങളുടെ നവീകരണത്തിനായി നടപ്പുവര്‍ഷം എന്തു തുക മാറ്റി വെച്ചിട്ടുണ്ടെന്ന് വ്യക്തമാക്കുമോ;

(ബി) ഏതെല്ലാം വ്യവസായ സ്ഥാപനത്തില്‍ എന്തെല്ലാം നവീകരണ പ്രവര്‍ത്തനങ്ങളാണ് നടത്താന്‍ ഉദ്ദേശിക്കുന്നത്;

(സി) നവീകരണ പ്രവര്‍ത്തനങ്ങള്‍ സമയബന്ധിതമായി നടപ്പാക്കുന്നതിന് എന്തെല്ലാം പദ്ധതികളാണ് ആസൂത്രണം ചെയ്തിരിക്കുന്നതെന്ന് വെളിപ്പെടുത്തുമോ;

(ഡി) ഇതിനായി ഏതെങ്കിലും ഏജന്‍സിയെ സര്‍ക്കാര്‍ ചുമതലപ്പെടുത്തയിട്ടുണ്ടോ; എങ്കില്‍ വിശദമാക്കുമോ ?

ഭാരത് എര്‍ത്ത് മൂവേഴ്സ് ലിമിറ്റഡിന്റെ പ്രവര്‍ത്തനപുരോഗതി

ശ്രീമതി കെ. എസ്. സലീഖ

(എ) സംസ്ഥാനത്തിലേയക്ക് കേന്ദ്ര നിക്ഷേപം ആകര്‍ഷിക്കുന്നതിനായി കഴിഞ്ഞ സര്‍ക്കാരിന്റെ കാലത്താരംഭിച്ച സ്ഥാപനങ്ങളുടെ പ്രവര്‍ത്തനപുരോഗതി വിലയിരുത്തിയിട്ടുണ്ടോ;

(ബി) പാലക്കാട്ടെ കഞ്ചിക്കോട്ട് സ്ഥാപിച്ച ‘ബെമര്‍’ - ന്റെ (ഭാരത് എര്‍ത്ത് മൂവേഴ്സ് ലിമിറ്റഡ്) ആദ്യഘട്ട പ്രവര്‍ത്തനങ്ങള്‍ വിശദമാക്കുമോ;

(സി) ഇതിന്റെ രണ്ടാംഘട്ട പ്രവര്‍ത്തനങ്ങള്‍ പൂര്‍ത്തീകരിക്കുന്നതിന് സംസ്ഥാനം എന്തെല്ലാം സഹായങ്ങളാണ് വാഗ്ദാനം ചെയ്തിട്ടുളളത്; അവ നടപ്പാക്കാന്‍ കഴിഞ്ഞിട്ടുണ്ടോയെന്ന് അറിയിക്കുമോ?

നിക്ഷേപ സബ്സിഡി നേടിയെടുക്കാന്‍ നടപടി

ശ്രീ. എ. എ. അസീസ്

,, കോവൂര്‍ കുഞ്ഞുമോന്‍

(എ) കേന്ദ്ര സര്‍ക്കാരില്‍ നിന്ന് കേരളത്തിലെ വ്യവസായങ്ങള്‍ക്ക് നിക്ഷേപ സബ്സിഡി ഇപ്പോള്‍ നല്‍കുന്നുണ്ടോ;

(ബി) എങ്കില്‍ കഴിഞ്ഞ മൂന്നു വര്‍ഷങ്ങളായി എത്ര രൂപ വീതമാണ് ലഭിച്ചത്;

(സി) നിക്ഷേപ സബ്സിഡി ഇനത്തില്‍ കേന്ദ്ര സര്‍ക്കാര്‍ കുടിശ്ശിക വരുത്തിയിട്ടുണ്ടോ; വിശദമാക്കുമോ;

(ഡി) കുടിശ്ശിക തീര്‍ത്ത് മുഴുവന്‍ തുകയും നേടിയെടുക്കുന്നതിന് എന്തൊക്കെ നടപടികളാണ് സ്വീകരിച്ചതെന്ന് വ്യക്തമാക്കുമോ?

വ്യവസായ സ്ഥാപനങ്ങളെ സംരക്ഷിക്കാന്‍ പ്രത്യേക പാക്കേജുകള്‍

ശ്രീ. ചിറ്റയം ഗോപകുമാര്‍

(എ) പരിസ്ഥിതി പ്രശ്നവുമായി ബന്ധപ്പെട്ട് അടച്ചുപൂട്ടല്‍ ഭീഷണി നേരിടുന്ന വ്യവസായ സ്ഥാപനങ്ങളെ സംരക്ഷിച്ച് നിലനിര്‍ത്തുന്നതിന് പ്രത്യേക പാക്കേജുകള്‍ ആവിഷ്കരിച്ചിട്ടുണ്ടോ ;

(ബി) എങ്കില്‍ എന്തൊക്കെയാണെന്ന് വ്യക്തമാക്കാമോ ;

(സി) വ്യവസായവല്‍ക്കരണം പരിസ്ഥിതി സൌഹൃദപരമാക്കുന്നതിന് സര്‍ക്കാര്‍ എന്തൊക്കെ നടപടികളാണ് പ്രധാനമായി സ്വീകരിച്ചിട്ടുള്ളതെന്നറിയിക്കുമോ ?

വ്യവസായ യൂണിറ്റുകള്‍

ശ്രീ. ചിറ്റയം ഗോപകുമാര്‍

(എ) ഗ്രാമപ്രദേശങ്ങളിലെ അസംസ്കൃത വസ്തുക്കളുടെ ലഭ്യത പ്രയോജനപ്പെടുത്തി പ്രാദേശികാടിസ്ഥാനത്തില്‍ വ്യവസായ യൂണിറ്റുകള്‍ സ്ഥാപിക്കുന്നതിനുള്ള വ്യാപകമായ നടപടി സര്‍ക്കാരിന്റെ ഭാഗത്തുനിന്നുണ്ടാകുമോ;

(ബി) എങ്കില്‍ നിലവില്‍ ഏതൊക്കെ പദ്ധതികളാണ് ഇതിനുവേണ്ടി ആസൂത്രണം ചെയ്തിട്ടുള്ളത്; ഇനിയും കൂടുതല്‍ പദ്ധതികള്‍ ഇതില്‍ ഉള്‍പ്പെടുത്തുമോ;

(സി)ഈ പദ്ധതികളില്‍ അടൂര്‍ മണ്ഡലത്തെക്കൂടി പരിഗണിക്കുമോ ?

റബ്ബര്‍ വ്യവസായ യൂണിറ്റ് തുടങ്ങാന്‍ നടപടി

ശ്രീ. ബാബു എം. പാലിശ്ശേരി

വലുതും ചെറുതുമായ റബ്ബറധിഷ്ഠിത വ്യവസായ യൂണിറ്റ് തുടങ്ങുന്നതിന് വ്യവസായ വകുപ്പ് സാമ്പത്തികവും സാങ്കേതികവും ആയ പ്രോത്സാഹനം നല്‍കാന്‍ നടപടി സ്വീകരിക്കുമോ ?

സംയുക്ത പങ്കാളിത്ത മേഖലയിലെ വ്യവസായ പദ്ധതി നിര്‍ദ്ദേശങ്ങള്‍

ശ്രീ. എം.എ. ബേബി

'' സി. കൃഷ്ണന്‍

'' എം. ഹംസ

'' കെ. കുഞ്ഞിരാമന്‍ (ഉദുമ)

(എ) സംസ്ഥാനത്ത് വന്‍തോതില്‍ മുതല്‍ മുടക്ക് പ്രതീക്ഷിക്കുന്ന കേന്ദ്ര-സംസ്ഥാന പൊതു മേഖലയിലേയും സ്വകാര്യമേഖലയിലേയും സംയുക്ത പങ്കാളിത്ത മേഖലയിലേയും വ്യവസായ പദ്ധതി നിര്‍ദ്ദേശങ്ങള്‍ ഏതൊക്കെയാണെന്നുംമുതല്‍ മുടക്ക് എത്ര കോടി പ്രതീക്ഷിക്കുന്നുവെന്നും വിശദമാക്കാമോ;

(ബി) ഈ പദ്ധതികള്‍ ഓരോന്നിനും ആവശ്യമായ ഭൂമി കണ്ടെത്തിയിട്ടുണ്ടോ; ഏതെല്ലാം പദ്ധതികള്‍ക്ക് ഭൂമി കണ്ടെത്തേണ്ടതായിട്ടുണ്ട്; ഈ പദ്ധതികളുടെ ഭാഗമായിട്ടുള്ള പശ്ചാത്തല സൌകര്യങ്ങള്‍ എന്തൊക്കെയാണ്; അതിനുള്ള എന്തെങ്കിലും പ്രവര്‍ത്തനങ്ങള്‍ ഈ സര്‍ക്കാരിന്റെ കാലത്ത് നടന്നിട്ടുണ്ടോ;

(സി) ഈ പദ്ധതികള്‍ ഓരോന്നിന്റെയും നിര്‍ദ്ദേശങ്ങള്‍ ഏതെല്ലാം കാലം മുതല്‍ സംസ്ഥാനം പരിഗണിച്ചുവരുന്നതാണെന്നു വ്യക്തമാക്കുമോ ?

കാസര്‍ഗോഡ് കേന്ദ്രീകരിച്ച് വ്യവസായങ്ങള്‍

ശ്രീ. കെ. കുഞ്ഞിരാമന്‍ (തൃക്കരിപ്പൂര്‍)

ഏറ്റവും കൂടുതല്‍ ഭൂമി സര്‍ക്കാരിന് ലഭ്യമായ പ്രദേശമെന്നത് പരിഗണിച്ച് വ്യവസായ പിന്നോക്ക ജില്ലയായ കാസര്‍ഗോഡ് കേന്ദ്രീകരിച്ച് വ്യവസായങ്ങള്‍ ആരംഭിക്കുവാന്‍ നടപടി സ്വീകരിക്കുമോ?

പിയേഴ്സ് ലസ്ലി കമ്പനി പ്രവര്‍ത്തിച്ചിരുന്ന സ്ഥലം ഏറ്റെടുക്കാന്‍ അനുമതി

ശ്രീ. എളമരം കരീം

(എ) ബേപ്പൂര്‍ മണ്ഡലത്തിലെ ചെറുവണ്ണൂരില്‍ പിയേഴ്സ് ലസ്ലി കമ്പനി പ്രവര്‍ത്തിച്ചിരുന്ന സ്ഥലം ഏറ്റെടുക്കാന്‍ കെ.എസ്.ഐ.ഡി.സിക്ക് സര്‍ക്കാര്‍ അനുമതി നല്കിയിട്ടുണ്ടായിരുന്നോ ;

(ബി) ഈ ഭൂമി ഏറ്റെടുക്കല്‍ ഇപ്പോള്‍ ഏത് ഘട്ടത്തിലാണ് ;

(സി) ഏറ്റെടുക്കല്‍ നടപടി അടിയന്തിരാമയി പൂര്‍ത്തിയാക്കുമോ ?

മുന്‍സര്‍ക്കാരിന്റെ കാലത്ത് അനുവദിക്കപ്പെട്ടതും സ്ഥാപിക്കപ്പെട്ടതുമായ കേന്ദ്ര പൊതുമേഖലാ സ്ഥാപനങ്ങള്‍

ശ്രീ. രമേശ് ചെന്നിത്തല

,, സി. പി. മുഹമ്മദ്

,, വര്‍ക്കല കഹാര്‍

,, റ്റി. എന്‍. പ്രതാപന്‍

(എ) മുന്‍ സര്‍ക്കാരിന്റെ കാലത്ത് കേരളത്തിന് അനുവദിക്കപ്പെട്ട കേന്ദ്ര പൊതുമേഖലാ സ്ഥാപനങ്ങള്‍ എത്രയെന്നും അവ ഏതെല്ലാമെന്നും വിശദമാക്കാമോ ;

(ബി) പ്രസ്തുത കാലയളവില്‍ എത്ര കേന്ദ്ര പൊതുമേഖലാ സ്ഥാപനങ്ങള്‍ കേരളത്തില്‍ സ്ഥാപിക്കപ്പെട്ടുവെന്നും അവ ഏതെല്ലാമെന്നും വ്യക്തമാക്കാമോ ?

വ്യവസായ എസ്റേറ്റുകളുടെ പ്രവര്‍ത്തനം

ശ്രീ.സി.കെ.നാണു

,, മാത്യു റ്റി.തോമസ്

ശ്രീമതി ജമീലാ പ്രകാശം

ശ്രീ.ജോസ് തെറ്റയില്‍

(എ) സംസ്ഥാന സര്‍ക്കാരിന്റെയും വ്യവസായ വാണിജ്യ ഡയറക്ടറുടെയും സിഡ്കോയുടെയും ഉടമസ്ഥതയില്‍ എത്ര വ്യവസായ എസ്റേറ്റുകള്‍ പ്രവര്‍ത്തിക്കുന്നുണ്ട് ;

(ബി) ഇത് എവിടെയെല്ലാം ആണ് പ്രവര്‍ത്തിക്കുന്നത്;

(സി) ഇതില്‍ എത്ര യൂണിറ്റുകള്‍ ഉപയോഗിക്കാതെ കിടപ്പുണ്ട്; ഈ യൂണിറ്റുകള്‍ എവിടെയെല്ലാമാണെന്ന് വ്യക്തമാക്കാമോ ;

(ഡി) ഈ എസ്റേറ്റുകളില്‍ എത്ര ഏക്കര്‍ ഭൂമി തരിശായി കിടപ്പുണ്ട് ;

(ഇ) ഉപയോഗിക്കാതെ കിടക്കുന്ന യൂണിറ്റുകള്‍ ആവശ്യക്കാര്‍ക്ക് ലഭ്യമാക്കുവാനും തരിശായി കിടക്കുന്ന ഭൂമികള്‍ ഉപയോഗയോഗ്യമാക്കുന്നതിനും നടപടി സ്വീകരിക്കുമോ ; എങ്കില്‍ സ്വീകരിക്കുവാന്‍ ഉദ്ദേശിക്കുന്ന നടപടി എന്തെല്ലാമെന്ന് വ്യക്തമാക്കാമോ ?

പൊതുമേഖലാ സ്ഥാപനങ്ങളില്‍ ഉദ്യോഗാര്‍ത്ഥികളുടെ നിയമനം

ശ്രീ. കെ. കുഞ്ഞിരാമന്‍ (ഉദുമ)

(എ) കഴിഞ്ഞ സര്‍ക്കാരിന്റെ കാലത്ത് പൊതുമേഖലയില്‍ പുതുതായി എത്ര വ്യവസായ സ്ഥാപനങ്ങള്‍ തുടങ്ങിയിട്ടുണ്ട്; വിശദാംശങ്ങള്‍ അറിയിക്കാമോ;

(ബി) ഈ സ്ഥാപനങ്ങളിലേക്ക് ജീവനക്കാരെ തിരഞ്ഞെടുക്കുന്നതിന് കേരള സ്റേറ്റ് പ്രൊഡക്റ്റിവിറ്റി കൌണ്‍സില്‍, എറണാകുളം എന്ന സ്ഥാപനത്തിന്റെ ചുമതലയില്‍ മത്സര പരീക്ഷനടത്തിയിട്ടുണ്ടോ;

(സി) എങ്കില്‍ പരീക്ഷ നടത്തിയതിന്റെ അടിസ്ഥാനത്തില്‍ റാങ്ക്ലിസ്റ് പ്രസിദ്ധീകരിച്ചിട്ടുണ്ടോ; എങ്കില്‍ ആയതിന്റെ പകര്‍പ്പുകള്‍ ലഭ്യമാക്കാമോ;

(ഡി) മേല്‍സ്ഥാപനങ്ങളുടെ പ്രവര്‍ത്തനം ആരംഭിക്കുന്നതിന്റെ ഭാഗമായി റാങ്ക് ലിസ്റില്‍ ഉള്‍പ്പെട്ട ഉദ്യോഗാര്‍ത്ഥികളെയാണോ പരിഗണിക്കുന്നതെന്ന് അറിയിക്കാമോ;

(ഇ) അല്ലെങ്കില്‍ ആയതിനുള്ള കാരണമെന്താണെന്ന് വിശദമാക്കാമോ?

സഹകരണ സ്പിന്നിംഗ് മില്‍

ശ്രീ. ജെയിംസ് മാത്യു

(എ) സഹകരണ സ്പിന്നിംഗ് മില്ലുകള്‍ക്ക് ‘വര്‍ക്കിംഗ് ക്യാപിറ്റല്‍’ ഇല്ലാത്ത സാഹചര്യം ശ്രദ്ധയില്‍പ്പെട്ടിട്ടുണ്ടോ;

(ബി) എങ്കില്‍ ആയതു പരിഹരിക്കാന്‍ എന്തു നടപടിയാണ് സ്വീകരിക്കാന്‍ ഉദ്ദേശിക്കുന്നത് എന്നറിയിക്കാമോ;

(സി) സഹകരണ സ്പിന്നിംഗ് മില്ലുകളുടെ പ്രതിസന്ധി പരിഹരിക്കുവാന്‍ സ്വീകരിച്ചതും സ്വീകരിക്കാന്‍ ഉദ്ദേശിക്കുന്നതുമായ നടപടികള്‍ വിശദമാക്കാമോ ?

കൈത്തറി വ്യവസായം

ശ്രീ. കെ. മുഹമ്മദുണ്ണി ഹാജി

(എ) കൈത്തറി വ്യവസായത്തെ ആധുനികവല്‍ക്കരിക്കാന്‍ എന്തെല്ലാം നടപടികള്‍ സ്വീകരിക്കാനുദ്ദേശിക്കുന്നുവെന്ന് വ്യക്തമാക്കുമോ;

(ബി) പൊതുമേഖലാ സ്പിന്നിംഗ് മില്ലുകളുടെ നിലവിലെ നഷ്ടം നികത്താന്‍ എന്തെല്ലാം നടപടികള്‍ സ്വീകരിക്കാന്‍ ഉദ്ദേശിക്കുന്നുവെന്ന് വ്യക്തമാക്കുമോ?

കേന്ദ്ര - സംസ്ഥാന സംയുക്ത സംരംഭങ്ങള്‍

ശ്രീ. എം. വി. ശ്രേയാംസ് കുമാര്‍

(എ) സംസ്ഥാനത്തിന്റെ വ്യവസായ വികസനത്തിന് കേന്ദ്ര സര്‍ക്കാരിന്റെ സഹകരണത്തോടെ എന്തൊക്കെ പദ്ധതികള്‍ നടപ്പാക്കാനാണുദ്ദേശിക്കുന്നത്;

(ബി) കേന്ദ്ര - സംസ്ഥാന സംയുക്ത സംരംഭങ്ങളിലൂടെ എത്രത്തോളം കേന്ദ്ര വ്യവസായ നിക്ഷേപം സംസ്ഥാനത്തേക്ക് കൊണ്ടുവരാന്‍ കഴിഞ്ഞിട്ടുണ്ട്;

(സി) കേന്ദ്ര - സംസ്ഥാന സംയുക്ത സംരംഭങ്ങളിലൂടെ നടപ്പ് സാമ്പത്തിക വര്‍ഷം ഏതൊക്കെ സംരംഭങ്ങളുടെ പ്രവര്‍ത്തനം ആരംഭിക്കാന്‍ സാധിക്കുമെന്ന് വെളിപ്പെടുത്തുമോ ?

മലപ്പുറം ജില്ലയിലെ കെല്‍ടെക്സിന് സ്വന്തമായി വാഹനം

ഡോ.കെ.ടി.ജലീല്‍

(എ) മലപ്പുറം ജില്ലയില്‍ കാര്‍ത്തലയില്‍ പ്രവര്‍ത്തിക്കുന്ന കെല്‍ടെക്സിന് സ്വന്തമായി ഇപ്പോള്‍ വാഹനമുണ്ടോ ;

(ബി) എങ്കില്‍ ഈ വാഹനത്തിന്റെ ഇന്ധനചെലവ്, അറ്റകുറ്റപ്പണി, ഡ്രൈവറുടെ ശമ്പളം എന്നിവയ്ക്കായി വാഹനമെടുത്ത അന്നുമുതല്‍ ഇന്നുവരെ (27.09.2011) എന്ത് തുകയാണ് ചെലവായതെന്ന് ഇനം തിരിച്ച് വ്യക്തമാക്കാമോ ?

പ്ളൈവുഡ് ഫാക്ടറി തുറന്നു പ്രവര്‍ത്തിപ്പിക്കാന്‍ നടപടി

ശ്രീ. കെ. രാജു

പുനലൂര്‍ പ്ളൈവുഡ് ഫാക്ടറി തുറന്നുപ്രവര്‍ത്തിപ്പിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ ?

കെല്‍ടെക്സിലെ ജീവനക്കാരുടെ നിയമനം

ഡോ. കെ.ടി. ജലീല്‍

(എ) മലപ്പുറം ജില്ലയിലെ കാര്‍ത്തലയില്‍ പ്രവര്‍ത്തിക്കുന്ന കെല്‍ടെക്സില്‍ ഇപ്പോള്‍ എത്ര ജീവനക്കാരുണ്ട്; അതില്‍ സ്ഥിരം ജീവനക്കാര്‍ എത്ര; താല്‍ക്കാലിക ജീവനക്കാര്‍ എത്ര എന്ന് വ്യക്തമാക്കാമോ;

(ബി) സ്ഥിരംജീവനക്കാരേയും താല്ക്കാലിക ജീവനക്കാരേയും നിയമിച്ചത് എന്ത് മാനദണ്ഡങ്ങളുടെ അടിസ്ഥാനത്തിലാണെന്ന് വിശദമാക്കാമോ;

(സി) സംസ്ഥാനത്ത് പ്രവര്‍ത്തിക്കുന്ന കെല്‍ടെക്സിനു സമാനമായ സഹകരണ സ്ഥാപനങ്ങളിലേക്കുളള നിയമനങ്ങളില്‍ പാലിക്കപ്പെടുന്ന എല്ലാ വ്യവസ്ഥകളും പാലിച്ച് കൊണ്ടാണോ പ്രസ്തുത സ്ഥാപനത്തില്‍ നിയമനം നടത്തിയിട്ടുളളത് എന്ന് വ്യക്തമാക്കുമോ;

(ഡി) ഓരോ ജീവനക്കാര്‍ക്കും 2011 ഓഗസ്റ് മാസത്തില്‍ എത്ര രൂപയാണ് ശമ്പളം നല്കിയിട്ടുളളത് എന്ന് വിശദമാക്കാമോ?

കോമളപുരം സ്പിന്നിംഗ് മില്‍

ശ്രീ. പി.എ. മാധവന്‍

(എ) ആലപ്പുഴ ജില്ലയിലെ പൊതുമേഖലാ സ്ഥാപനമായ കോമളപുരം സ്പിന്നിംഗ് മില്‍ മുന്‍ സര്‍ക്കാരിന്റെ കാലയളവില്‍ വീണ്ടും തുറന്നുപ്രവര്‍ത്തിപ്പിക്കുവാന്‍ തീരുമാനിച്ചിരുന്നോ;

(ബി) എങ്കില്‍ എന്നുമുതലാണ് വീണ്ടും തുറന്നു പ്രവര്‍ത്തനം ആരംഭിച്ചതെന്ന് അറിയിക്കാമോ;

(സി) പൂട്ടിക്കിടന്ന പ്രസ്തുത സ്ഥാപനം തുറന്നു പ്രവര്‍ത്തിപ്പിച്ചപ്പോള്‍ വൈദ്യുതി വിതരണം പുന:സ്ഥാപിച്ചിരുന്നോ;

(ഡി) ഇല്ലെങ്കില്‍ കാരണം വ്യക്തമാക്കാമോ;

(ഇ) വൈദ്യുതി കണക്ഷന്‍ പുന:സ്ഥാപിക്കാതെ പ്രസ്തുത സ്ഥാപനം തുറന്നുപ്രവര്‍ത്തിച്ചതെങ്ങിനെയെന്നും ആയതിന്റെ കാരണവും വ്യക്തമാക്കാമോ ?

കൈത്തറി മേഖലയുടെ നവീകരണത്തിനായി പദ്ധതികള്‍

ശ്രീമതി അയിഷാ പോറ്റി

(എ) കൈത്തറി മേഖലയുടെ നവീകരണത്തിനായി എന്തെല്ലാം പുതിയ പദ്ധതികള്‍ നടപ്പിലാക്കുമെന്ന് വിശദമാക്കുമോ;

(ബി) സര്‍ക്കാര്‍ ഉദ്യോഗസ്ഥര്‍ ആഴ്ചയില്‍ ഒരുദിവസം കൈത്തറി-ഖാദി വസ്ത്രങ്ങള്‍ ധരിക്കണമെന്ന നിര്‍ദ്ദേശം നടപ്പിലാക്കുന്നുണ്ടോ;

(സി) ഇല്ലെങ്കില്‍ പ്രസ്തുത നിര്‍ദ്ദേശം നടപ്പിലാക്കുന്നതിന് എന്തെല്ലാം നടപടികള്‍ സ്വീകരിക്കുമെന്ന് അറിയിക്കുമോ?

പുനലൂര്‍ പേപ്പര്‍മില്‍ പ്രവര്‍ത്തനം

ശ്രീ. കെ. രാജു

(എ) പുനലൂര്‍ പേപ്പര്‍ മില്‍ എന്നുമുതല്‍ പ്രവര്‍ത്തനം ആരംഭിക്കും എന്ന് വ്യക്തമാക്കാമോ;

(ബി) പ്രസ്തുത പേപ്പര്‍മില്‍ പ്രവര്‍ത്തനയോഗ്യമാക്കുവാന്‍ ഈ സര്‍ക്കാര്‍ കാലാവധി നീട്ടി നല്‍കിയിട്ടുണ്ടോ;

(സി) പേപ്പര്‍ മില്ലിന്റെ വസ്തുക്കള്‍ വില്പന നടത്തുവാന്‍ ശ്രമിക്കുന്നതായി ശ്രദ്ധയില്‍പ്പെട്ടിട്ടുണ്ടോ;

(ഡി) മില്‍ തുറക്കുന്നതിനായി സര്‍ക്കാരില്‍ നിന്നും ഇളവുകള്‍ വാങ്ങിയശേഷം ഭൂമി മറിച്ചുവില്‍ക്കുവാനുളള ശ്രമം തടയുവാന്‍ നടപടി സ്വീകരിക്കുമോ;

(ഇ) പുതിയ കരാറുകാര്‍ സര്‍ക്കാരുമായി ഒപ്പിട്ടിട്ടുളള എം.ഒ.യു നടപ്പിലാക്കുവാന്‍ നടപടി സ്വീകരിക്കുമോ?

കാഷ്യൂ ബോര്‍ഡ്

ശ്രീ. വി. പി. സജീന്ദ്രന്‍

,, ജോസഫ് വാഴക്കന്‍

,, ഹൈബി ഈഡന്‍

,, ഷാഫി പറമ്പില്‍

(എ) സംസ്ഥാനത്ത് കാഷ്യു ബോര്‍ഡ് സ്ഥാപിക്കുവാന്‍ എന്തെല്ലാം നടപടികളാണ് കൈക്കൊണ്ടിട്ടുള്ളത്;

(ബി) കാഷ്യു ബോര്‍ഡ് സ്ഥാപിക്കണമെന്ന ആവശ്യം ആസൂത്രണ കമ്മീഷനുമുമ്പില്‍ സമര്‍പ്പിച്ചിട്ടുണ്ടോ;

(സി) ഇതിന് ആസൂത്രണ കമ്മീഷന്റെ നിലപാട് എന്തായിരുന്നു;

(ഡി) ഇതിന്റെ ആസ്ഥാനം എവിടെയായിരിക്കുമെന്ന് വ്യക്തമാക്കുമോ?

ചെറുവണ്ണൂരിലെ സ്റീല്‍ കോംപ്ളക്സ്

ശ്രീ. എളമരം കരീം

,, പുരുഷന്‍ കടലുണ്ടി

ഡോ. കെ. ടി. ജലീല്‍

ശ്രീ. പി.ടി.എ. റഹീം

(എ) കോഴിക്കോട് ചെറുവണ്ണൂരിലെ സ്റീല്‍ കോംപ്ളക്സില്‍, റീ-റോളിംഗ് മില്‍ സ്ഥാപിക്കാനുള്ള പ്രോജക്ടിന്റെ നിലവിലെ അവസ്ഥ എന്താണ്;

(ബി) സ്റീല്‍ കോംപ്ളക്സിന്റെ 2011-12 വര്‍ഷത്തെ പ്രവര്‍ത്തനം ലാഭമോ നഷ്ടമോ; എത്രയാണ്;

(സി) കമ്പനിയുടെ പ്രവര്‍ത്തനം മെച്ചപ്പെടുത്താന്‍ സംയുക്ത സംരംഭത്തിലേര്‍പ്പെട്ട 'സെയിലു'മായി സര്‍ക്കാര്‍ എന്തെങ്കിലും ചര്‍ച്ച നടത്തിയിട്ടുണ്ടോ;

(ഡി) സ്റീല്‍ കോംപ്ളക്സിന്റെ വികസനത്തിനായി 'സെയിലു' മായി ചേര്‍ന്ന് റീ-റോളിംഗ് മില്‍ സ്ഥാപിക്കാനുള്ള അടിയന്തിര നടപടികള്‍ കൈക്കൊള്ളുമോ?

സ്പിന്നിംഗ് മില്ലുകള്‍

ശ്രീ. ജെയിംസ് മാത്യു

(എ) കേരളത്തിലെ സഹകരണ മേഖലയിലുള്ള സ്പിന്നിംങ്ങ് മില്ലുകളുടെ അപെക്സ് ബോഡി ആയ ടെക്സ്ഫെഡിന്റെ നിയന്ത്രണത്തില്‍ തന്നെയാണോ എല്ലാ മില്ലുകളും പ്രവര്‍ത്തിക്കുന്നത്;

(ബി) ടെക്സ്ഫെഡ് ബജറ്ററി സപ്പോര്‍ട്ട് കൊടുക്കുന്നുണ്ടോ; ഇല്ലെങ്കില്‍ ടെക്സ്റയില്‍ കോര്‍പ്പറേഷന്റെ മാതൃകയില്‍ ബജറ്ററി സ്പ്പോര്‍ട്ട് കൊടുക്കാന്‍ ഉദ്ദേശിക്കുന്നുണ്ടോ;

(സി'കേന്ദ്രീകൃത കോട്ടണ്‍ പര്‍ച്ചേസ് കമ്മിറ്റി' മുഖാന്തിരം സീസണ്‍ സമയത്ത് ഇടനിലക്കാരില്ലാതെ കോട്ടണ്‍ നേരിട്ട് കൂടുതലായി പര്‍ച്ചേസ് ചെയ്ത് മില്ലുകള്‍ക്ക് നല്കുന്നതിന് എന്തെങ്കിലും നടപടി സ്വീകരിക്കാന്‍ ഉദ്ദേശിക്കുന്നുണ്ടോ; ആയതിലേക്ക് തീരുമാനമെടുത്തിട്ടുണ്ടോ എന്നറിയിക്കാമോ; സെന്‍ട്രലൈസ്ഡ് കോട്ടണ്‍ പര്‍ച്ചെസ് കമ്മിറ്റി പോലെ സെന്‍ട്രലൈസ്ഡ് യാണ്‍ സെയില്‍സ് കമ്മിറ്റി രൂപീകരിക്കാന്‍ നടപടി സ്വീകരിക്കുമോ?

സ്പിന്നിംഗ് മില്ലുകള്‍ പുനരുദ്ധരിക്കാന്‍ നടപടി

ശ്രീ. എ.എ. അസീസ്

,, കോവൂര്‍ കുഞ്ഞുമോന്‍

(എ) സംസ്ഥാനത്ത് എത്ര സ്പിന്നിംഗ് മില്ലുകളാണ് വ്യവസായ വകുപ്പിനുകീഴില്‍ നിലവിലുള്ളത്; എവിടങ്ങളിലൊക്കെ;

(ബി) ഏതൊക്കെ സ്പിന്നിംഗ് മില്ലുകള്‍ ലാഭത്തിലാണെന്നും ഏതൊക്കെ മില്ലുകള്‍ നഷ്ടത്തിലാണെന്നും വ്യക്തമാക്കുമോ;

(സി) നഷ്ടത്തിലായ മില്ലുകളുടെ പുനരുദ്ധാരണത്തിനും ലാഭകരമാക്കുന്നതിനും എന്തൊക്കെ നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ?

കൈത്തറി നെയ്ത്ത് വ്യവസായം പരിപോഷിപ്പിക്കുന്ന തിനായി നടപടികള്‍

ശ്രീ. എം. ഹംസ

(എ) സംസ്ഥാനത്തെ കൈത്തറി നെയ്ത്ത് വ്യവസായം പരിപോഷിപ്പിക്കുന്നതിനായി എന്തെല്ലാം നടപടികള്‍ ആണ് സര്‍ക്കാര്‍ സ്വീകരിച്ചതെന്ന് വിശദീകരിക്കാമോ;

(ബി) ആധുനിക സാങ്കേതിക വിദ്യയ്ക്കും, മാറുന്ന കാഴ്ചപ്പാടുകള്‍ക്കും അനുസരിച്ച് കൈത്തറി മേഖലയെ നവീകരിക്കുന്നതിനും മറ്റുമായി എന്തെങ്കിലും പ്രത്യേക പദ്ധതികള്‍ ആവിഷ്ക്കരിച്ചു നടപ്പിലാക്കിയിട്ടുണ്ടോ; വിശദാംശം ലഭ്യമാക്കാമോ;

(സി) സംസ്ഥാനത്ത് ഏതെല്ലാം മേഖലകളിലാണ് കൈത്തറി നെയ്ത്ത് വ്യവസായം നിലവിലുളളത്; എത്ര പേര്‍ ഈ തൊഴിലില്‍ ഏര്‍പ്പെട്ടുവരുന്നു;

(ഡി) നെയ്ത്തുതൊഴിലാളികളുടെ ക്ളസ്റര്‍കളുടെ വികസനം സാധ്യമാക്കുന്നതിനായി പഠനം നടത്തിയിട്ടുണ്ടോ; ഇല്ലെങ്കില്‍ പഠനം നടത്തുന്നതിനുളള നടപടികള്‍ സ്വീകരിക്കുമോ; വിശദാംശം ലഭ്യമാക്കാമോ ?

നോണ്‍ ബീറ്റാലാക്റ്റം ഫാക്ടറിയുടെ നിര്‍മ്മാണ പ്രവര്‍ത്തനം

ഡോ. ടി.എം. തോമസ് ഐസക്

(എ) ആലപ്പുഴയിലെ കെ.എസ്.ഡി.പി. യുടെ ബീറ്റാലാക്റ്റം ഫാക്ടറിയുടെ ഉല്പാദനശേഷി പൂര്‍ണ്ണമായും വിനിയോഗിക്കുവാന്‍ കഴിയുന്നുണ്ടോ എന്നു വ്യക്തമാക്കുമോ;

(ബി) ഇല്ലെങ്കില്‍ എന്തുകൊണ്ടാണെന്ന് വ്യക്തമാക്കുമോ;

(സി) നോണ്‍ബീറ്റാലാക്റ്റം ഫാക്ടറിയുടെ നിര്‍മ്മാണ പ്രവര്‍ത്തനം ഏത് ഘട്ടത്തിലാണെന്ന് വ്യക്തമാക്കുമോ;

(ഡി) ഈ ഫാക്ടറിക്കുളള അനുമതി ലഭിച്ചിട്ടുണ്ടോ;

(ഇ) ഇല്ലെങ്കില്‍ എന്തുകൊണ്ടാണെന്നു വ്യക്തമാക്കുമോ ?

കോമളപുരം സ്പിന്നിംഗ് ആന്റ് വീവിംഗ് മില്‍

ഡോ. ടി.എം. തോമസ് ഐസക്

(എ) കോമളപുരം സ്പിന്നിംഗ് ആന്റ് വീവിംഗ് മില്‍ എന്ന് പ്രവര്‍ത്തനം തുടങ്ങുവാന്‍ കഴിയുമെന്ന് വ്യക്തമാക്കുമോ;

(ബി) ഈ സ്ഥാപനത്തിന് പ്രവര്‍ത്തിക്കുവാന്‍ ആവശ്യമായ വൈദ്യുതി കണക്ഷന്‍ എന്ന് ലഭ്യമാക്കുവാന്‍ കഴിയും;

(സി) വൈദ്യുതി കണക്ഷന്‍ ലഭിക്കുവാന്‍ എന്തെങ്കിലും തടസ്സമുണ്ടോ;

(ഡി) എങ്കില്‍ തടസ്സം എന്താണെന്ന് വ്യക്തമാക്കുമോ ?

കെല്‍ടെക്സ് ചെയര്‍മാന്‍ ടി.എ., ഡി.എ. ഇനത്തില്‍ കൈപ്പറ്റിയ തുക

ഡോ. കെ.ടി. ജലീല്‍

(എ) മലപ്പുറം ജില്ലയിലെ കാര്‍ത്തലയില്‍ പ്രവര്‍ത്തിക്കുന്ന കെല്‍ടെക്സ് കമ്പനിയുടെ ആരംഭം മുതല്‍ ഇന്നുവരെ (27/9/2011) ഒരേ വ്യക്തി തന്നെയാണോ തുടര്‍ച്ചയായി ചെയര്‍മാന്‍ പദവി വഹിക്കുന്നത് എന്ന് വ്യക്തമാക്കുമോ;

(ബി) ചെയര്‍മാന്‍ ഔദ്യോഗിക പദവിയേറ്റതു മുതല്‍ 31.8.2011 വരെയുള്ള കാലയളവില്‍ ഓണറേറിയം, ടി.എ., ഡി.എ. എന്നീ ഇനങ്ങളിലായി എന്തു തുകയാണ് കൈപ്പറ്റിയിട്ടുള്ളത് എന്ന് വര്‍ഷം തിരിച്ച് വ്യക്തമാക്കുമോ?

സ്മാര്‍ട്സിറ്റി പ്രത്യേക സാമ്പത്തിക മേഖല

ശ്രീ. ഇ.പി. ജയരാജന്‍

,, എസ്. ശര്‍മ്മ

,, സാജു പോള്‍

,, എ. പ്രദീപ്കുമാര്‍

(എ) 2007-ല്‍ ഒപ്പുവച്ച സ്മാര്‍ട്ട്സിറ്റി ഫ്രൈംവര്‍ക്ക് കരാറിലെ വ്യവസ്ഥകളില്‍ മാറ്റം വരുത്തില്ല എന്ന ബഹു. മുഖ്യമന്ത്രിയുടെ പ്രഖ്യാപനത്തിന് വിരുദ്ധമായി സ്മാര്‍ട്ട്സിറ്റി പദ്ധതി 246 ഏക്കറിലായിരിക്കുമെന്നും ഈ 246 ഏക്കറും ഒരു സെക്ടര്‍ സ്പെസിഫിക് സെസ് ആയിരിക്കുമെന്നുമുളള വ്യവസ്ഥയില്‍ മാറ്റം വരുത്താന്‍ ഉദ്ദേശിക്കുന്നുണ്ടോ;

(ബി) സ്മാര്‍ട്ട്സിറ്റി പദ്ധതിക്കുവേണ്ടി നാലേക്കര്‍ ഭൂമി കൂടി ടീകോമിന് നല്‍കാനും 2007-ലെ ഫ്രൈംവര്‍ക്ക് കരാറിന് വിരുദ്ധമായി സ്മാര്‍ട്ട്സിറ്റിയെ ഒരു മള്‍ട്ടി സര്‍വ്വീസസ് സെസ് ആക്കാനും സര്‍ക്കാര്‍ ഉദ്ദേശിക്കുന്നുണ്ടോ; എങ്കില്‍ അധികമായി വരുന്ന നാലേക്കര്‍ ഭൂമിക്ക് എന്ത് വിലയാണ് നിശ്ചയിച്ചിട്ടുളളത്;

(സി) സ്മാര്‍ട്ട്സിറ്റിയെ ഐ.ടി. സെസ് എന്നതില്‍ നിന്നും സര്‍വ്വീസസ് സെസ് എന്നാക്കാന്‍ മന്ത്രിസഭ തീരുമാനം എടുത്തിട്ടുണ്ടോ; ഇല്ലെങ്കില്‍ ഇത്തരമൊരു തീരുമാനം പ്രഖ്യാപിക്കാനുണ്ടായ സാഹചര്യം വ്യക്തമാക്കാമോ ?

എല്ലാ ജില്ലയിലും ഒരു ഐ.ടി. പാര്‍ക്ക്

ശ്രീ. ചിറ്റയം ഗോപകുമാര്‍

(എ) ടെക്നോപാര്‍ക്കുകളും ഐ.ടി. വികസനവും സംസ്ഥാനത്തെ പ്രധാന നഗരങ്ങളില്‍ മാത്രമായി പരിമിതപ്പെട്ടുപോകുന്ന ഒരു സ്ഥിതിവിശേഷം നിലവിലുളളത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി) എല്ലാ ജില്ലയിലും ഒരു ഐ.ടി. പാര്‍ക്ക് എന്ന നിലയിലുളള നീക്കം സംസ്ഥാനത്തെ സമ്പൂര്‍ണ്ണ ഐ.ടി. വികാസത്തിന് ആക്കം കൂട്ടുമെന്ന് സര്‍ക്കാര്‍ കരുതുന്നുണ്ടോ ?

(സി) എങ്കില്‍ ഇക്കാര്യത്തില്‍ എന്തൊക്കെ നടപടികള്‍ ഇപ്പോള്‍ സ്വീകരിച്ചിട്ടുണ്ട്; വിശദാംശം അറിയിക്കുമോ ?

വന്‍കിട-ഇടത്തരം വ്യവസായ സ്ഥാപനങ്ങളും ഐ.റ്റി. പാര്‍ക്കുകളുടെ വികസനവും

ശ്രീ. മോന്‍സ് ജോസഫ്

,, റ്റി. യു. കുരുവിള

(എ) ഈ സര്‍ക്കാര്‍ അധികാരത്തില്‍ വന്നതിനുശേഷം എത്ര വന്‍കിട-ഇടത്തരം വ്യവസായ സ്ഥാപനങ്ങള്‍ ആരംഭിച്ചുവെന്ന് വ്യക്തമാക്കാമോ;

(ബി) വന്‍കിട വ്യവസായികളെ ആകര്‍ഷിക്കുവാന്‍ സ്വീകരിച്ചിട്ടുളള നടപടികള്‍ വ്യക്തമാക്കാമോ;

(സി) ഏതെല്ലാം പദ്ധതികള്‍ സംബന്ധിച്ച ധാരണാപത്രം ഒപ്പിട്ടിട്ടുണ്ട് എന്ന് വിശദമാക്കാമോ;

(ഡി) സംസ്ഥാനത്ത് ഐ.ടി. പാര്‍ക്കുകളുടെ അടിസ്ഥാന സൌകര്യ വികസനത്തിന് ഏതെല്ലാം പദ്ധതികള്‍ നടപ്പാക്കിയിട്ടുണ്ട്; വിശദമാക്കാമോ?

സ്കൂളുകളില്‍ വിവരസാങ്കേതിക വിദ്യാഭ്യാസം

ശ്രീ. എം. ഹംസ

(എ) സംസ്ഥാനത്തെ സ്കൂള്‍, ഹയര്‍ സെക്കണ്ടറി സ്കൂള്‍, വൊക്കേഷണല്‍ ഹയര്‍ സെക്കണ്ടറി സ്കൂള്‍ വിദ്യാര്‍ത്ഥികളുടെ വിവര സാങ്കേതിക വിദ്യാ ഭ്യാസ കഴിവ് വര്‍ദ്ധിപ്പിക്കുന്നതിനായി ഐ.ടി. വകുപ്പ് എന്തെല്ലാം നടപടികള്‍ ആണ് സ്വീകരിച്ചത് എന്ന് വിശദീകരിക്കാമോ;

(ബി) സ്കൂള്‍ വിദ്യാര്‍ത്ഥികളുടെ കമ്പ്യൂട്ടര്‍ ജ്ഞാനം വര്‍ദ്ധിപ്പിക്കുന്നതിനായി ഐ.ടി. വകുപ്പ് നിലവില്‍ എന്തെല്ലാം സൌകര്യങ്ങള്‍ ആണ് വിദ്യാഭ്യാസ വകുപ്പിന് നല്‍കുന്നതെന്ന് വ്യക്തമാക്കാമോ;

(സി) ഐ.സി.റ്റി. സ്കീം 2 പ്രകാരം സംസ്ഥാനത്തെ എത്ര വിദ്യാലയങ്ങളില്‍ എന്തെല്ലാം പദ്ധതികള്‍ ആവിഷ്ക്കരിക്കുവാനാണ് ഉദ്ദേശിക്കുന്നതെന്ന് വിശദീകരിക്കാമോ ?

ഐ.ടി. മിഷന്‍ നടപ്പാക്കുന്ന ഇന്‍സെറ്റ് പദ്ധതിയുടെ ഉദ്ദേശലക്ഷ്യങ്ങള്‍

ശ്രീ.പാലോട് രവി

,, വി.പി. സജീന്ദ്രന്‍

,, ഷാഫി പറമ്പില്‍

,, എം.പി. വിന്‍സെന്റ്

(എ) ഐ.ടി. മിഷന്‍ നടപ്പാക്കുന്ന ഇന്‍സെറ്റ് പദ്ധതിയുടെ ഉദ്ദേശ ലക്ഷ്യങ്ങള്‍ എന്തെല്ലാമാണെന്ന് വിശദമാക്കാമോ;

(ബി) ഈ പദ്ധതി എവിടെയാണ് നടത്തിവരുന്നത്; വിശദാംശങ്ങള്‍ നല്‍കുമോ;

(സി) പദ്ധതി വ്യാപകമാക്കാന്‍ ഉദ്ദേശിക്കുന്നുണ്ടോ; വിശദാംശങ്ങള്‍ നല്‍കാമോ ;

(ഡി) എന്തെല്ലാം നടപടികളാണ് ഇത് സംബന്ധിച്ച് കൈകൊള്ളാനുദ്ദേശിക്കുന്നത്;

(ഇ) ഇത് സംബന്ധിച്ച് പ്രോജക്ട് റിപ്പോര്‍ട്ട് തയ്യാറാക്കാന്‍ ആരെയെങ്കിലും ചുമതലപ്പെടുത്തിയിട്ടുണ്ടോ;

(എഫ്) ഈ പദ്ധതി എന്നത്തേക്ക് വ്യാപകമാക്കാന്‍ കഴിയും എന്നാണ് പ്രതീക്ഷിക്കുന്നതെന്നറിയിക്കുമോ ?

മലപ്പുറം ജില്ലയില്‍ പുതിയ ടെക്നോ ലോഡ്ജുകള്‍

ശ്രീ. പി. ഉബൈദുള്ള

(എ) ഈ സര്‍ക്കാര്‍ അധികാരമേറ്റ ശേഷം പുതിയ ടെക്നോ ലോഡ്ജുകള്‍ ആരംഭിച്ചിട്ടുണ്ടോ ;

(ബി) എങ്കില്‍ എവിടെയെല്ലാമാണ് ആരംഭിച്ചതെന്ന് വ്യക്തമാക്കുമോ ;

(സി) മലപ്പുറം ജില്ലയില്‍ പുതിയ ടെക്നോ ലോഡ്ജുകള്‍ ആരംഭിക്കുന്ന കാര്യം പരിഗണിക്കുമോ ?

സ്മാര്‍ട്ട്സിറ്റി കരാര്‍ ഭേദഗതി നിര്‍ദ്ദേശങ്ങള്‍

ശ്രീ. ഇ. പി. ജയരാജന്‍

(എ) മുന്‍ സര്‍ക്കാര്‍ ഒപ്പുവച്ച സ്മാര്‍ട്ട് സിറ്റി കരാറിന്റെ ഏതെല്ലാം വ്യവസ്ഥകളില്‍ മാറ്റം വരുത്തിക്കൊണ്ടാണ് ഈ ഗവണ്‍മെന്റ് കരാറില്‍ ഭേദഗതി വരുത്തിയതെന്ന് വ്യക്തമാക്കുമോ;

(ബി) ഭേദഗതിയോടുകൂടി ഒപ്പുവച്ച സ്മാര്‍ട്ട് സിറ്റി കരാറിന് മന്ത്രിസഭയുടെ അനുമതി വാങ്ങിയിട്ടുണ്ടോയെന്ന് വ്യക്തമാക്കുമോ;

(സി) ഏത് ദിവസത്തെ മന്ത്രിസഭയുടെ എത്രാം നമ്പര്‍ തീരുമാനപ്രകാരമാണ് കരാറിലെ ഭേദഗതി നിര്‍ദ്ദേശങ്ങള്‍ അംഗീകരിക്കപ്പെട്ടതെന്ന് വ്യക്തമാക്കുമോ;

(ഡി) മന്ത്രിസഭ അംഗീകരിച്ച ഭേദഗതി നിര്‍ദ്ദേശങ്ങളില്‍ ഭൂവിനിയോഗം സംബന്ധിച്ച ഭേദഗതി നിര്‍ദ്ദേശങ്ങള്‍ എന്തായിരുന്നുവെന്നും ഇത് സംബന്ധിച്ച് ടീ കോം കമ്പനിയുമായി ഒപ്പുവച്ച അന്തിമ കരാര്‍ എന്തായിരുന്നുവെന്നും വ്യക്തമാക്കുമോ?

ഗ്രാമീണ ഐ.ടി. പാര്‍ക്കുകള്‍

ശ്രീ. വി. എസ്. സുനില്‍ കുമാര്‍

(എ) സര്‍ക്കാര്‍ അധീനതയിലുളള ഭൂമികളില്‍ ഗ്രാമീണ ഐ.ടി. പാര്‍ക്കുകള്‍ നിര്‍മ്മിക്കുന്നതിന് നടപടി സ്വീകരിക്കുമോ;

(ബി) കയ്പമംഗലം നിയോജകമണ്ഡലത്തില്‍ ഇത്തരത്തിലുളള ഗ്രാമീണ ഐ.ടി പാര്‍ക്കുകള്‍ സ്ഥാപിക്കുന്നതിന് നടപടി സ്വീകരിക്കുമോ?

സ്മാര്‍ട്ട് സിറ്റി-സെസ്സ് പദവിയും കരാര്‍ വ്യവസ്ഥകളും

ശ്രീ. സാജു പോള്‍

,, എ.എം. ആരിഫ്

,, ബാബു എം. പാലിശ്ശേരി

,, ബി.ഡി. ദേവസ്സി

(എ) സ്മാര്‍ട്സിറ്റി കരാര്‍ പ്രകാരം മൊത്തം എത്ര ഏക്കര്‍ സ്ഥലത്താണ് സെസ്സ് പദവി നല്‍കേണ്ടത്; ഇതിനകം സര്‍ക്കാര്‍ ശുപാര്‍ശ ചെയ്തതും കേന്ദ്ര സര്‍ക്കാര്‍ അനുവദിച്ചതും എത്ര ഏക്കറിനാണ്;

(ബി) മുന്‍സര്‍ക്കാരിന്റെ കാലത്ത് നിലവിലുണ്ടായിരുന്ന എല്ലാ വ്യവസ്ഥകളും സ്മാര്‍ട്ട്സിറ്റിക്ക് ബാധകമാണോ; അല്ലെങ്കില്‍ ഏതെല്ലാം സംഗതികളിലാണ് ഇപ്പോള്‍ ഒഴിവുകള്‍ നല്‍കിയിട്ടുള്ളത്; ഇതിന് മന്ത്രിസഭാ തീരുമാനം ഉണ്ടോ;

(സി) നിലവിലുള്ള പ്ളാനിംഗ് അനുസരിച്ച് അടുത്ത അഞ്ചുവര്‍ഷത്തിനകം എത്ര സ്ക്വയര്‍ മീറ്റര്‍ കെട്ടിടം ഐ.ടി.ക്കു മാത്രമായി നിര്‍മ്മാണം പൂര്‍ത്തിയാക്കി ഐ.ടി. കമ്പനികള്‍ക്ക് നല്‍കാന്‍ സാധിക്കുമെന്ന് വ്യക്തമാക്കാമോ; പൂര്‍ത്തീകരിക്കുന്ന ഐ.ടി. ഇതര കെട്ടിടങ്ങള്‍ എത്ര സ്ക്വയര്‍ മീറ്റര്‍ ആയിരിക്കും; അതെന്തെല്ലാം ആവശ്യങ്ങള്‍ക്കായിരിക്കും;

(ഡി) സ്മാര്‍ട്സിറ്റി പദ്ധതിക്കായി സംസ്ഥാന സര്‍ക്കാരിന് ഇതിനകം എന്തുതുക ചെലവായിട്ടുണ്ട്; അടുത്ത 5 വര്‍ഷം കൊണ്ട് സംസ്ഥാന ഖജനാവില്‍ നിന്നും ചെലവഴിക്കേണ്ടി വരുമെന്ന് പ്രതീക്ഷിക്കുന്ന തുകയെത്രയെന്നറിയിക്കുമോ ?

റൂട്രോണിക്സിന്റെ പ്രവര്‍ത്തനങ്ങള്‍

ശ്രീ. എ. റ്റി. ജോര്‍ജ്

(എ) വ്യവസായ വകുപ്പിന്റെ കീഴില്‍ രജിസ്റര്‍ ചെയ്ത് പ്രവര്‍ത്തിക്കുന്ന വ്യവസായ യൂണിറ്റുകളുടെ ഒരു ഫെഡറേഷന്‍ ആയി പ്രവര്‍ത്തിക്കപ്പെടുന്നതായി അറിവുള്ള റൂട്രോണിക്സ് എന്ന സ്ഥാപനം, 'സര്‍ക്കാര്‍ സ്ഥാപനം, സര്‍ക്കാര്‍ സ്ഥാപിതം' എന്നിങ്ങനെ പരസ്യം ചെയ്യുന്നതും, സര്‍ക്കാര്‍ മുദ്രയോട് സാമ്യം തോന്നുന്ന മുദ്ര പരസ്യപ്പെടുത്തിയിരിക്കുന്നതും ശ്രദ്ധയില്‍പ്പെട്ടിട്ടുണ്ടോ;

(ബി) റൂട്രോണിക്സ് എന്ന സ്വകാര്യ സ്ഥാപനം നടത്തുന്ന കമ്പ്യൂട്ടര്‍ കോഴ്സുകള്‍ക്ക് ടെക്നിക്കല്‍ എഡ്യൂക്കേഷന്‍ എക്സാമിനേഷന്‍ ബോര്‍ഡ് പരീക്ഷ നടത്തി സര്‍ട്ടിഫിക്കറ്റ് നല്‍കുകയും പ്രസ്തുത സര്‍ട്ടിഫിക്കറ്റ് എല്‍. ബി. എസ്., ഐ. എച്ച്. ആര്‍. ഡി. തുടങ്ങിയ സര്‍ക്കാര്‍ സ്ഥാപനങ്ങളുടെ സര്‍ട്ടിഫിക്കറ്റിന് തുല്യമാണെന്നും (വ്യവസായ വകുപ്പ് പുറപ്പെടുവിച്ച ഉത്തരവും വ്യവസായ വകുപ്പ് (കെ), സ. ഉ. (എംഎസ്) നമ്പര്‍ 77/2010/10/ഐഡി തീയതി 31.03.2010, തിരുവനന്തപുരം) പ്രസ്തുത ഉത്തരവ് സാങ്കേതിക വിദ്യാഭ്യാസ വകുപ്പ് നിരസിച്ചപ്പോള്‍ റുട്രോണിക്സിന്റെ കോഴ്സുകള്‍ക്ക് പ്രസ്തുത സ്ഥാപനംതന്നെ പരീക്ഷ നടത്തി സര്‍ട്ടിഫിക്കറ്റ് വിതരണം നടത്തണം എന്ന വ്യവസായ വകുപ്പ് പുറപ്പെടുവിച്ച ഉത്തരവും (വ്യവസായ (കെ) വകുപ്പ് സ. ഉ. (സാധാ) നമ്പര്‍ 14/48/2010/വ്യവ. തീയതി 29.12.2010 തിരുവനന്തപുരം) ഭരണ സാധുത ഉള്ളതാണോ; വിശദാംശം വ്യക്തമാക്കുമോ;

(സി) റൂട്രോണിക്സ് എന്ന സ്ഥാപനം ഗവണ്‍മെന്റ് സ്ഥാപിതമെന്നപേരില്‍ കേരളത്തിലുടനീളം പരിശീലനകേന്ദ്രങ്ങള്‍ അനുവദിച്ചതിലൂടെ ഫ്രാഞ്ചൈസി ഫീസ് ഇനത്തിലും റോയല്‍റ്റി ഫീസ് ഇനത്തിലും കോടികളുടെ സാമ്പത്തിക ഇടപാടുകള്‍ നടത്തിയതായി ശ്രദ്ധയില്‍പ്പെട്ടിട്ടുണ്ടോ; പ്രസ്തുത ഇടപാടുകളില്‍ ഏതെങ്കിലും തരത്തിലുള്ള ആഡിറ്റ് നടത്തിയിട്ടുണ്ടോ; വിശദാംശം വ്യക്തമാക്കുമോ?

(ഡി) നിലവാരമില്ലാത്ത പരിശീലനം, വിവിധ പരസ്യങ്ങള്‍ മുതലായവ റൂട്രോണിക്സിന്റെ പ്രവര്‍ത്തനങ്ങള്‍ പൊതുജനങ്ങളെ കബളിപ്പിച്ച് കോടികള്‍ തട്ടിയെടുക്കുന്ന തരത്തിലാണെന്നുള്ള പരാതി സര്‍ക്കാരിന് ലഭിച്ചിട്ടുണ്ടോ; എങ്കില്‍ എന്ത് നടപടി സ്വീകരിച്ചു എന്നറിയിക്കുമോ?

ആധാര്‍ പദ്ധതി രജിസ്ട്രേഷന്‍

ശ്രീ. മുല്ലക്കര രത്നാകരന്‍

,, കെ. രാജു

,, വി. ശശി

ശ്രീമതി ഗീതാ ഗോപി

(എ) കേന്ദ്ര സര്‍ക്കാര്‍ നടപ്പാക്കുന്ന ആധാര്‍ പദ്ധതി രജിസ്ട്രേഷന്‍ സംബന്ധിച്ചുണ്ടായിരിക്കുന്ന ആശയക്കുഴപ്പം ഗവണ്‍മെന്റിന്റെ ശ്രദ്ധയില്‍പ്പെട്ടിട്ടുണ്ടോ;

(ബി) രജിസ്ട്രേഷന്റെ വിവര ശേഖരണത്തിന് വ്യത്യസ്തമായ ചോദ്യാവലി വിവിധ ഭാഗങ്ങളില്‍ നല്‍കുന്നത് ഭാവിയില്‍ ബുദ്ധിമുട്ടുണ്ടാക്കുമെന്ന് കരുതുന്നുണ്ടോ;

(സി) ഈ പദ്ധതി പ്രകാരം ഒരു വ്യക്തിയുമായി ബന്ധപ്പെട്ട എത്ര വിഷയങ്ങളാണ് ശേഖരിക്കുന്നത്; അവ ഏതെല്ലാം ?