Questions

അന്താരാഷ്ട നിലവാരത്തിലുള്ള റോഡുകള്‍

ശ്രീ. പാലോട് രവി

'' ഷാഫി പറമ്പില്‍

'' ലൂഡി ലൂയിസ്

(എ)സംസ്ഥാനത്ത് റോഡുകള്‍ അന്താരാഷ്ട നിലവാരത്തിലേക്ക് ഉയര്‍ത്താനുള്ള പദ്ധതി നടപ്പാക്കാന്‍ എന്തെല്ലാം കാര്യങ്ങള്‍ ചെയ്തിട്ടുണ്ട്;

(ബി)ഇത് സംബന്ധിച്ച് റിപ്പോര്‍ട്ട് ആരാണ് തയ്യാറാക്കിയത്; വിശദാംശങ്ങള്‍ എന്തെല്ലാം;

(സി)പ്രസ്തുത പദ്ധതി സംബന്ധിച്ച റിപ്പോര്‍ട്ട് ലഭിച്ചിട്ടുണ്ടോ;

(ഡി)പ്രസ്തുത പദ്ധതി എന്നു തുടങ്ങാനാകും എന്നാണ് പ്രതീക്ഷിക്കുന്നത്; വിശദമാക്കുമോ?

കേരള റോഡ് ഫണ്ട് ബോര്‍ഡ് വൈ-ട്രാക്ക് സംവിധാനം

ശ്രീ. പാലോട് രവി

,, ഷാഫി പറമ്പില്‍

,, അന്‍വര്‍ സാദത്ത്

,, എം.എ. വാഹീദ്

(എ)കേരള റോഡ് ഫണ്ട് ബോര്‍ഡ് ജംഗ്ഷനുകളില്‍ വൈ-ട്രാക്ക് സംവിധാനം ഏര്‍പ്പെടുത്താന്‍ ഉദ്ദേശിക്കുന്നുണ്ടോ;

(ബി)ഇത് കൊണ്ടുള്ള നേട്ടങ്ങള്‍ എന്തെല്ലാമാണ്;

(സി)എവിടെയൊക്കെയാണ് പ്രസ്തുത സംവിധാനം ഏര്‍പ്പെടുത്തുന്നത്; വിശദാംശങ്ങള്‍ എന്തെല്ലാം?

റോഡുകളുടെ ദീര്‍ഘകാല സംരക്ഷണം

ശ്രീ. വി. പി. സജീന്ദ്രന്‍

,, വി. റ്റി. ബല്‍റാം

,, ഹൈബി ഈഡന്‍

,, വര്‍ക്കല കഹാര്‍

(എ)സംസ്ഥാനത്ത് റോഡുകളുടെ ദീര്‍ഘകാല സംരക്ഷണത്തിന് എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നത്; വിശദമാക്കുമോ;

(ബി)ആയതിനായുള്ള ഏതെങ്കിലും പദ്ധതിക്ക് രൂപം നല്‍കിയിട്ടുണ്ടോ; വിശദമാക്കുമോ;

(സി)ഉണ്ടെങ്കില്‍ പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങള്‍ വിശദമാക്കുമോ;

(ഡി)റോഡുകളുടെ ദീര്‍ഘകാല സംരക്ഷണത്തിന് എന്തെല്ലാം കാര്യങ്ങളാണ് പദ്ധതിയില്‍ ഉള്‍പ്പെടുത്തിയിരിക്കുന്നത് ?

ആധുനിക രീതിയില്‍ റോഡുകളുടെ നവീകരണം

ശ്രീ. പി.എ. മാധവന്‍

'' റ്റി.എന്‍. പ്രതാപന്‍

'' തേറമ്പില്‍ രാമകൃഷ്ണന്‍

'' വി.പി. സജീന്ദ്രന്‍

(എ)ആധുനിക രീതിയില്‍ റോഡ് നവീകരിക്കുന്ന പദ്ധതി നടപ്പിലാക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കുമോ;

(ബി)ഇതിനായി പാക്കേജുകള്‍ക്ക് രൂപം നല്‍കിയിട്ടുണ്ടോ;

(സി)പ്രസ്തുത പദ്ധതിയുടെ സാങ്കേതിക റിപ്പോര്‍ട്ട് തയ്യാറാക്കിയത് ആരാണ്;

(ഡി)പ്രസ്തുത പദ്ധതിയുടെ പ്രവര്‍ത്തനങ്ങള്‍ എന്നാരംഭിക്കാന്‍ കഴിയുമെന്നാണ് പ്രതീക്ഷിക്കുന്നത്?

ഗ്രാമീണ റോഡുകളുടെ ‘വണ്‍ടൈം മെയിന്റനന്‍സ്’

ശ്രീ. തോമസ് ചാണ്ടി

,, എ. കെ. ശശീന്ദ്രന്‍

(എ)സംസ്ഥാനത്ത് ഗ്രാമീണ റോഡുകളുടെ ‘വണ്‍ടൈം മെയിന്റനന്‍സിന്’ തുക അനുവദിക്കുവാന്‍ തീരുമാനിച്ചിട്ടുണ്ടോ ;

(ബി)ഉണ്ടെങ്കില്‍ ഓരോ നിയോജക മണ്ഡലത്തിനും എന്ത് തുകയാണ് അനുവദിക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ ?

നഗരപ്രദേശ റോഡുകളുടെ ആധുനികവല്‍ക്കരണം

ശ്രീ.എന്‍.എ. നെല്ലിക്കുന്ന്

,, വി.എം. ഉമ്മര്‍ മാസ്റര്‍

,, റ്റി.എ. അഹമ്മദ് കബീര്‍

(എ)നഗരപ്രദേശ റോഡുകളുടെ വികസനത്തിന് പൊതുമരാമത്ത് വകുപ്പ് പ്രത്യേക പദ്ധതി തയ്യാറാക്കിയിട്ടുണ്ടോ;

(ബി)എങ്കില്‍ പ്രസ്തുത പദ്ധതി സംബന്ധിച്ച വിശദവിവരം നല്‍കാമോ;

(സി)ഇതിനായി ഏതൊക്കെ നഗരങ്ങളെയാണ് തെരഞ്ഞെടുത്തിട്ടുള്ളത്; വ്യക്തമാക്കുമോ;

(ഡി)ഈ റോഡുകളില്‍ ആധുനിക സൌകര്യങ്ങള്‍ ഏര്‍പ്പെടുത്തുവാന്‍ ഉദ്ദേശിക്കുന്നുണ്ടോ; വിശദമാക്കുമോ;

(ഇ)സൈക്കിള്‍ വേ, ഫുട്പാത്ത്, വൈദ്യുതി, ടെലിഫോണ്‍ കേബിളുകള്‍, ഡ്രെയിനേജ്, വാട്ടര്‍ പൈപ്പ് ലൈനുകള്‍ എന്നിവയ്ക്കുള്ള ആധുനിക ഗാലറി എന്നിവ പ്രസ്തുത റോഡുകളില്‍ വിഭാവന ചെയ്യുന്നുണ്ടോ; വിശദമാക്കുമോ ?

മലയോര ഹൈവേ പദ്ധതി

ശ്രീ. സണ്ണി ജോസഫ്

(എ)മലയോര ഹൈവേ പദ്ധതിയില്‍ എത്ര കിലോമീറ്റര്‍ ദൈര്‍ഘ്യമുള്ള റോഡ് പ്രവൃത്തിയാണ് നടപ്പിലാക്കുവാന്‍ ഉദ്ദേശിക്കുന്നത്;

(ബി)ഇതില്‍ എത്ര കിലോമീറ്റര്‍ റോഡിന്റെ പ്രവൃത്തിയാണ് പൂര്‍ത്തീകരിച്ചിട്ടുള്ളത്;

(സി)ഇപ്പോള്‍ നടന്നു വരുന്ന പ്രവൃത്തികള്‍ ഏതെല്ലാം;

(ഡി)പ്രസ്തുത പദ്ധതി സമയബന്ധിതമായി പൂര്‍ത്തീകരിക്കുന്നതിന് പ്രത്യേക പാക്കേജ് നടപ്പിലാക്കുമോ?

സംസ്ഥാനത്തെ നിര്‍മ്മാണ മേഖല പ്രതിസന്ധിയിലാണെന്ന വസ്തുത

ശ്രീ. പി. ശ്രീരാമകൃഷ്ണന്‍

,, പുരുഷന്‍ കടലുണ്ടി

,, എം. ഹംസ

,, ബാബു എം. പാലിശ്ശേരി

(എ)സംസ്ഥാനത്തെ നിര്‍മ്മാണ മേഖല പ്രതിസന്ധിയിലേക്ക് പൊയ്ക്കൊണ്ടിരിക്കുന്നത് മനസ്സിലാക്കിയിട്ടുണ്ടോ;

(ബി)കുടിശ്ശിക കിട്ടാത്തതു മൂലം ഏറ്റെടുത്ത നിര്‍മ്മാണ പ്രവൃത്തികള്‍ തുടരാനാവില്ലെന്നു കാണിച്ച് കരാറുകാര്‍ പരാതി നല്‍കിയിട്ടുണ്ടോ; ഏറ്റവും ഒടുവിലത്തെ കുടിശ്ശിക എത്രയാണ്;

(സി)ഈ സര്‍ക്കാര്‍ അധികാരമേറ്റ ശേഷം എത്ര കരാറുകാര്‍ ഏതെല്ലാം പ്രവൃത്തികളില്‍ നിന്ന് പിന്‍വാങ്ങിയിട്ടുണ്ട്;

(ഡി)വിലവ്യതിയാന വ്യവസ്ഥ എല്ലാ കരാറുകാര്‍ക്കും ബാധകമാണോ;

(ഇ)നിര്‍മ്മാണത്തിനാവശ്യമായ അസംസ്കൃത സാധനങ്ങള്‍ കരാറുകാര്‍ക്ക് നേരിട്ട് ലഭ്യമാക്കുന്നതിന് ഉദ്ദേശിക്കുന്നുണ്ടോയെന്ന് വിശദമാക്കുമോ?

പൊതുമരാമത്ത് പണികള്‍ക്ക് വേണ്ടി ബഡ്ജറ്റില്‍ വകയിരുത്തപ്പെട്ട മൊത്തം തുക

ശ്രീ.എളമരം കരീം

(എ)പൊതുമരാമത്ത് വര്‍ക്കുകള്‍ക്കുവേണ്ടി ഈ വര്‍ഷത്തെ ബഡ്ജറ്റില്‍ വകയിരുത്തപ്പെട്ട മൊത്തം തുക പ്ളാന്‍, നോണ്‍ പ്ളാന്‍ ഇനത്തില്‍ എത്രയാണെന്ന് വെളിപ്പെടുത്താമോ ;

(ബി)പ്രസ്തുത തുകയുടെ വിനിയോഗം ജില്ലാടിസ്ഥാനത്തില്‍ എത്ര വീതമായിരിക്കുമെന്ന് വിശദമാക്കാമോ ;

(സി)ഡിവിഷന്‍ അടിസ്ഥാനത്തില്‍ എത്രയാണ് ; ആയതിന് മണ്ഡലം അടിസ്ഥാനത്തില്‍ കണക്കാക്കി വിശദാംശം വ്യക്തമാക്കുമോ ?

പൊതുമരാമത്ത് വകുപ്പിന്റെ നിര്‍മ്മാണ പ്രവര്‍ത്തനങ്ങള്‍ വിലയിരുത്തുവാന്‍ സംവിധാനം

ശ്രീ. പി.സി വിഷ്ണുനാഥ്

,, കെ.മുരളീധരന്‍

,, എ.പി. അബ്ദുള്ളക്കുട്ടി

,, സണ്ണി ജോസഫ്

(എ)പൊതുമരാമത്ത് വകുപ്പിന്റെ നിര്‍മ്മാണ പ്രവര്‍ത്തനങ്ങള്‍ വിലയിരുത്തുവാന്‍ എന്തെല്ലാം സംവിധാനം ഏര്‍പ്പെടുത്തിയിട്ടുണ്ട്;

(ബി)ഇതിനു വേണ്ടി പ്രത്യേക ടീമുകള്‍ പ്രവര്‍ത്തിച്ചു വരുന്നുണ്ടോ; വിശദാംശങ്ങള്‍ എന്തെല്ലാം;

(സി)പ്രസ്തുത ടീമിന്റെ ചുമതലകളും കര്‍ത്തവ്യങ്ങളും എന്തെല്ലാമാണ്, വിശദമാക്കുമോ?

പൊതുമരാമത്ത് വകുപ്പിന്റെ കീഴില്‍ നടന്നുവരുന്ന നിര്‍മ്മാണ പ്രവര്‍ത്തനങ്ങളുടെ ഗുണനിലവാരം

ശ്രീ. എം. ഹംസ

(എ)പൊതുമരാമത്ത് വകുപ്പിന്റെ കീഴില്‍ നടന്നുവരുന്ന നിര്‍മ്മാണ പ്രവര്‍ത്തനങ്ങളുടെ ഗുണനിലവാരം ഉറപ്പുവരുത്തുന്നതിനായി എന്തെല്ലാം സംവിധാനങ്ങള്‍ നിലവിലുണ്ട്;

(ബി)ഇപ്പോള്‍ ഗുണനിലവാര പരിശോധനാ കേന്ദ്രങ്ങള്‍ എവിടെയെല്ലാമാണ് പ്രവര്‍ത്തിച്ചുവരുന്നത്;

(സി)എല്ലാ ജില്ലകളിലും ഗുണനിലവാര പരിശോധനാ കേന്ദ്രങ്ങള്‍ ആരംഭിക്കുന്നതിന് ഉദ്ദേശിക്കുന്നുണ്ടോ; എങ്കില്‍ പ്രസ്തുത ഗുണനിലവാര പരിശോധനാ കേന്ദ്രങ്ങള്‍ എന്ന് ആരംഭിക്കുമെന്ന് വിശദമാക്കുമോ?

തലശ്ശേരി അസംബ്ളി മണ്ഡലത്തിലെ പൊതുമരാമത്ത് പ്രവൃത്തികള്‍

ശ്രീ. കോടിയേരി ബാലകൃഷ്ണന്‍

(എ)തലശ്ശേരി അസംബ്ളി മണ്ഡലത്തില്‍ പൊതുമരാമത്ത് വകുപ്പ് പ്രഥമപരിഗണന നല്‍കിയ ചൊക്ളി-പുക്കോം-മാടപ്പീടിക റോഡ്, പള്ളിക്കുനി-പെരിങ്ങാടി റോഡ്, മാഹിപ്പാലം-പെരിങ്ങാടി-ചൊക്ളി റോഡ്, കതിരൂര്‍-കായലോട് റോഡ് എന്നീ പ്രവൃത്തികള്‍ നിലവില്‍ ഏതുഘട്ടത്തിലാണെന്ന് വെളിപ്പെടുത്തുമോ;

(ബി)പ്രസ്തുത ഓരോ പ്രവൃത്തിക്കും എത്രതുക വീതം നീക്കിവെച്ചിട്ടുണ്ടെന്ന് വെളിപ്പെടുത്തുമോ;

(സി)പ്രസ്തുത പ്രവൃത്തികള്‍ എന്ന് പൂര്‍ത്തീകരിക്കാന്‍ കഴിയുമെന്ന് വ്യക്തമാക്കുമോ?

ചാത്തന്നൂര്‍ നിയോജക മണ്ഡലത്തില്‍ എയ്ഡ്സ് രോഗബാധിത കുടുംബത്തിന് നല്‍കുന്ന കെട്ടിടത്തിന്റെ നിര്‍മ്മാണ പുരോഗതി

ശ്രീ. ജി.എസ്. ജയലാല്‍

ചാത്തന്നൂര്‍ നിയോജക മണ്ഡലത്തില്‍ എയ്ഡ്സ് രോഗബാധിത കുടുംബത്തിന് വീട് വച്ച് നല്‍കുന്നതിലേക്ക് 10 ലക്ഷം രൂപാ അടങ്കലില്‍ നിര്‍മ്മിക്കുന്ന കെട്ടിടത്തിന്റെ നിര്‍മ്മാണ പുരോഗതി അറിയിക്കുമോ; ഇനിയും പൂര്‍ത്തീകരിക്കുവാനുള്ള ജോലികള്‍ എന്തെക്കെയാണെന്നും, എന്നത്തേക്ക് കുടുംബത്തിന് വീട് കൈമാറുവാന്‍ കഴിയുമെന്നും വ്യക്തമാക്കുമോ?

മട്ടന്നൂര്‍ നിയോജക മണ്ഡലത്തില്‍ ടെന്‍ഡര്‍ ചെയ്ത് എഗ്രിമെന്റ് വെച്ച കാരാറുകാര്‍

ശ്രീ.ഇ.പി. ജയരാജന്‍

(എ)മട്ടന്നൂര്‍ നിയോജക മണ്ഡലത്തില്‍ ടെന്‍ഡര്‍ ചെയ്ത് എഗ്രിമെന്റ് വെച്ച് കരാറുകാര്‍ ഏറ്റെടുത്തതിനുശേഷം എഗ്രിമെന്റ് പ്രകാരം പ്രവൃത്തി പൂര്‍ത്തീകരിക്കേണ്ട കാലാവധി കഴിഞ്ഞ് ഒരു വര്‍ഷത്തിലധികമായിട്ടും പ്രവൃത്തി പൂര്‍ത്തീകരിക്കാത്ത കരാറുകള്‍ റദ്ദുചെയ്യണമെന്നാവശ്യപ്പെട്ട് കത്തുകള്‍ നല്‍കിയിട്ടുണ്ടോയെന്ന് വ്യക്തമാക്കുമോ;

(ബി)ഏതെല്ലാം പ്രവൃത്തികളുമായി ബന്ധപ്പെട്ടാണ് പ്രസ്തുത കത്തുകള്‍ നല്‍കിയത്;

(സി)ഏതു തീയതികളിലാണ് ഈ കത്തുകള്‍ പൊതുമരാമത്ത് ചീഫ് എഞ്ചിനീയര്‍ക്കു ലഭിച്ചതെന്നു പറയുമോ;

(ഡി)കരാര്‍ പ്രകാരം സമയബന്ധിതമായി പ്രവൃത്തി ആരംഭിക്കുകയോ പൂര്‍ത്തീകരിക്കുകയോ ചെയ്യാത്ത കരാറുകാര്‍ക്കെതിരെ എന്തു നടപടി സ്വീകരിച്ചുവെന്നും പ്രസ്തുത പ്രവൃത്തികള്‍ പൂര്‍ത്തീകരിക്കുവാന്‍ എന്തു നടപടി സ്വീകരിച്ചുവെന്നും വ്യക്തമാക്കുമോ ?

കാസര്‍ഗോഡ് ജില്ലയില്‍ പൊതുമരാമത്ത് വകുപ്പിലെ ഒഴിവുകള്‍

ശ്രീ. കെ. കുഞ്ഞിരാമന്‍ (ഉദുമ)

(എ)കാസര്‍ഗോഡ് ജില്ലയില്‍ പൊതുമരാമത്ത് വകുപ്പിന്റെ കീഴില്‍ വിവിധ ഓഫീസുകളില്‍ വിവിധ തസ്തികകളില്‍ നിലവിലുള്ള ഒഴിവുകള്‍ എത്രയാണെന്ന് തസ്തിക തിരിച്ച് വിശദമാക്കാമോ;

(ബി)പ്രസ്തുത തസ്തികകളിലെ ഒഴിവുകള്‍ നികത്തുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; എങ്കില്‍ വിശദാംശങ്ങള്‍ അറിയിക്കാമോ?

വട്ടിയൂര്‍ക്കാവ് നിയോജക മണ്ഡലത്തിലെ പൊതുമരാമത്ത് പ്രവൃത്തികള്‍

ശ്രീ. കെ. മുരളീധരന്‍

(എ)വട്ടിയൂര്‍ക്കാവ് നിയോജക മണ്ഡല പരിധിയില്‍ 2011-2012 വര്‍ഷം പൊതുമരാമത്ത് റോഡ്സ് & ബ്രിഡ്ജസ്, ബില്‍ഡിംഗ്സ്, എന്‍.എച്ച്. വിഭാഗങ്ങള്‍ക്ക് കീഴില്‍ ഏറ്റെടുത്ത് നടത്തിയ വിവിധ വികസന പദ്ധതികളുടെ പേര്, എസ്റിമേറ്റ് തുക, പദ്ധതി പുരോഗതി എന്നിവ വ്യക്തമാക്കുമോ ;

(ബി)ഇവിടെ 2012-2013 വര്‍ഷം ഏറ്റെടുത്ത് നടത്താന്‍ ഉദ്ദേശിക്കുന്ന പദ്ധതികള്‍ എന്തെല്ലാമാണ് ;

(സി)ബഡ്ജറ്റില്‍ ഉള്‍പ്പെടുത്തിയിട്ടുള്ളതും ഭരണാനുമതി ലഭിക്കാനുള്ളതുമായ പദ്ധതികള്‍ ഏതൊക്കെയാണ് ?

പേരാമ്പ്ര സി.കെ.ജി. മെമ്മേറിയല്‍ ഗവണ്‍മെന്റ് കോളേജ് പി.ജി ബ്ളോക്ക് നിര്‍മ്മാണം

ശ്രീ. കെ. കുഞ്ഞമ്മത് മാസ്റര്‍

(എ)പേരാമ്പ്ര സി.കെ.ജി. മെമ്മോറിയല്‍ ഗവണ്‍മെന്റ് കോളേജ് പി. ജി. ബ്ളോക്ക് നിര്‍മ്മാണ പ്രവൃത്തികള്‍ ഏത് ഘട്ടത്തിലാണ് ; വെളിപ്പെടുത്തുമോ ;

(ബി)പ്രസ്തുത കെട്ടിട നിര്‍മ്മാണത്തിന് എത്ര തുക വകയിരുത്തി ; ഭരണാനുമതി, സാങ്കേതികാനുമതി എന്നിവ എപ്പോള്‍ ലഭിച്ചു ; വ്യക്തമാക്കുമോ ;

(സി)പ്രസ്തുത പ്രവൃത്തിയുടെ ടെന്‍ഡര്‍ നടപടികള്‍ ഏത് ഘട്ടത്തിലാണ് ;

(ഡി)പ്രസ്തുത കെട്ടിടനിര്‍മ്മാണം ആരംഭിക്കുന്നതിന് എന്തെങ്കിലും തടസ്സങ്ങള്‍ നിലവിലുണ്ടോ ; വെളിപ്പെടുത്തുമോ ;

(ഇ)പ്രസ്തുത പി.ജി. ബ്ളോക്ക് നിര്‍മ്മാണം ആരംഭിക്കുന്നതിനുള്ള അടിയന്തിര നടപടികള്‍ സ്വീകരിക്കുമോ ?

തൃക്കരിപ്പൂര്‍ മണ്ഡലത്തിലെ മരാമത്ത് പ്രവൃത്തികള്‍ക്ക് അനുവദിച്ച തുക

ശ്രീ.കെ.കുഞ്ഞിരാമന്‍ (തൃക്കരിപ്പൂര്‍)

(എ)ഈ സര്‍ക്കാര്‍ അധികാരത്തില്‍ വന്നശേഷം തൃക്കരിപ്പൂര്‍ മണ്ഡലത്തില്‍ വകുപ്പ് മുഖേന എത്ര പ്രവൃത്തികള്‍ക്കാണ് തുക അനുവദിച്ചിട്ടുളളതെന്നും എത്ര തുകയാണ് അനുവദിച്ചിട്ടുള്ളതെന്നും വ്യക്തമാക്കുമോ;

(ബി)കാസര്‍ഗോഡ്, മലപ്പുറം ജില്ലകളിലെ മണ്ഡലങ്ങളില്‍ എത്ര കോടി രൂപയുടെ വികസന പ്രവര്‍ത്തനങ്ങളാണ് ഈ സര്‍ക്കാര്‍ അനുവദിച്ചത് ; മണ്ഡലം തിരിച്ചുളള കണക്ക് വ്യക്തമാക്കാമോ ?

സര്‍ക്കാര്‍ ക്വാര്‍ട്ടേഴ്സിന്റെ ബുക്കിങ്ങുംഅലോട്ട്മെന്റും

ശ്രീ. എ. കെ. ശശീന്ദ്രന്‍

(എ)സംസ്ഥാന ജീവനക്കാര്‍ക്ക് സര്‍ക്കാര്‍ ക്വാര്‍ട്ടേഴ്സിന്റെ ബുക്കിംഗ്, അലോട്ട്മെന്റ് എന്നിവ നിരീക്ഷിക്കുന്നതിനും ക്രമീകരിക്കുന്നതിനുമായി സര്‍ക്കാര്‍ തലത്തില്‍ ഒരു വെബ്സൈറ്റ് നിര്‍മ്മിക്കുന്ന കാര്യം പരിഗണിക്കുമോ ;

(ബി)ഇതിനാവശ്യമായ വെബ് സൈറ്റ് നിര്‍മ്മിച്ച് പ്രസ്തുത മേഖലയിലുള്ള അഴിമതി അവസാനിപ്പിയ്ക്കുവാന്‍ നടപടി സ്വീകരിയ്ക്കുമോയെന്ന് വ്യക്തമാക്കാമോ ?

പഴക്കം ചെന്ന പി.ഡബ്ള്യൂ.ഡി റസ്റ് ഹൌസുകള്‍ നവീകരിക്കുന്നതിന് പദ്ധതി

ശ്രീ. കെ. വി. വിജയദാസ്

(എ)കേരളത്തിലെ പഴക്കം ചെന്ന പി.ഡബ്ള്യു.ഡി റസ്റ് ഹൌസുകള്‍ നവീകരിക്കുന്നതിന് പദ്ധതി തയ്യാറാക്കിയിട്ടുണ്ടോ; വിശദാംശം നല്‍കുമോ;

(ബി)പാലക്കാട് പി.ഡബ്ള്യു.ഡി റസ്റ് ഹൌസ് നവീകരിക്കുന്നതിന് സമയബന്ധിതമായി നടപടി സ്വീകരിക്കുമോയെന്ന് വിശദമാക്കുമോ?

പഴക്കം ചെന്ന പി.ഡബ്ള്യൂ.ഡി റസ്റ് ഹൌസുകള്‍ നവീകരിക്കുന്നതിന് പദ്ധതി

ശ്രീ. കെ. വി. വിജയദാസ്

(എ)കേരളത്തിലെ പഴക്കം ചെന്ന പി.ഡബ്ള്യു.ഡി റസ്റ് ഹൌസുകള്‍ നവീകരിക്കുന്നതിന് പദ്ധതി തയ്യാറാക്കിയിട്ടുണ്ടോ; വിശദാംശം നല്‍കുമോ;

(ബി)പാലക്കാട് പി.ഡബ്ള്യു.ഡി റസ്റ് ഹൌസ് നവീകരിക്കുന്നതിന് സമയബന്ധിതമായി നടപടി സ്വീകരിക്കുമോയെന്ന് വിശദമാക്കുമോ?

ആലപ്പുഴയിലെ പി.ഡബ്ള്യു.ഡി. റെസ്റ് ഹൌസും സ്ഥലവും കെ.റ്റി.ഡി.സി യ്ക്ക് കൈമാറല്‍

ശ്രീ.സി.കെ.സദാശിവന്‍

(എ)ആലപ്പുഴയിലെ പി.ഡബ്ള്യു.ഡി. റെസ്റ് ഹൌസും സ്ഥലവും കെ.റ്റി.ഡി.സി യ്ക്ക് കൈമാറാന്‍ തീരുമാനിച്ചിട്ടുണ്ടോ ;

(ബി)പ്രസ്തുത റെസ്റ് ഹൌസിന് അനുബന്ധമായി എത്ര ഏക്കര്‍ സ്ഥലവും, കെട്ടിടങ്ങളുമുണ്ട് ; എന്തെല്ലാം സ്ഥാപനങ്ങള്‍ പ്രവര്‍ത്തിക്കുന്നുണ്ട് ; വിശദമാക്കുമോ ;

(സി)പൌരാണികമായ ഈ റെസ്റ് ഹൌസ് ഒഴിവാക്കി ത്രീസ്റാര്‍ ഹോട്ടല്‍ പണിയണമെന്ന നിര്‍ദ്ദേശം ആരുടേതാണ് ; ഇതിനെതിരായി ആരെങ്കിലും രംഗത്തു വന്നിട്ടുണ്ടോ ;

(ഡി)ആലപ്പുഴ കടല്‍ത്തീരത്തും സമീപ പ്രദേശത്തും കെ.റ്റി.ഡി.സി യ്ക്ക് ഹോട്ടല്‍ സമുച്ചയം പണിയുന്നതിനായി ധാരാളം സാധ്യതകള്‍ നിലവിലുളളപ്പോള്‍ എന്തുകൊണ്ടാണ് റെസ്റ് ഹൌസ് സ്ഥിതിചെയ്യുന്ന സ്ഥലം തന്നെ വേണമെന്ന് തീരുമാനിച്ചത് ; വിശദമാക്കുമോ ?

തിരുവല്ല റെസ്റ് ഹൌസിലെ ശിലാഫലകം

ശ്രീ. മാത്യു. റ്റി. തോമസ്

(എ)തിരുവല്ല റെസ്റ് ഹൌസിനോടുകൂടി പണിതിരിക്കുന്ന മിനി കോണ്‍ഫറന്‍സ് ഹാളിന്റെ ഉദ്ഘാടനവുമായിബന്ധപ്പെട്ട് പ്രവേശന കവാടത്തിന്റെ ഇടതു വശത്തുള്ള ശിലാഫലകം മാറ്റിയത് ശ്രദ്ധയില്‍പ്പെട്ടിട്ടുണ്ടോ;

(ബി)പുതുതായി വച്ച ഫലകത്തില്‍ ആരുടെയൊക്കെ പേരുകള്‍ കൂട്ടിച്ചേര്‍ത്തിട്ടുണ്ട്;

(സി)ഇവരൊക്കെ ഈ ചടങ്ങില്‍ പങ്കെടുത്തിട്ടുണ്ടോ;

(ഡി)സംസ്ഥാന സര്‍ക്കാരിന്റെ പരിപാടികളില്‍ എം.പി.മാരേക്കാള്‍ പരിഗണന എം.എല്‍.എ.മാര്‍ക്ക് നല്‍കണം എന്ന ഉത്തരവ് ഇക്കാര്യത്തില്‍ പാലിക്കപ്പെട്ടിട്ടുണ്ടോ?

പുളിങ്കുന്ന് ജംഗര്‍ സര്‍വ്വീസ്

ശ്രീ. തോമസ് ചാണ്ടി

(എ)പുളിങ്കുന്ന് ജംഗര്‍ സര്‍വ്വീസ് തടസ്സപ്പെട്ടത് ശ്രദ്ധയില്‍പ്പെട്ടിട്ടുണ്ടോ;

(ബി)ജംഗര്‍ സര്‍വ്വീസ് റീടെണ്ടര്‍ ചെയ്യുന്നതിന് നടപടികള്‍ സ്വീകരിക്കുമോ;

(സി)പുതുക്കിയ നിരക്കുകള്‍ ടെണ്ടര്‍ കാലാവധി കഴിഞ്ഞതിനാല്‍ നിലവില്‍ സര്‍വ്വീസ് നടത്തുന്നവര്‍ക്ക് അനുവദിക്കുമോ;

(ഡി)ജംഗര്‍ സര്‍വ്വീസ് തടസ്സമില്ലാതെ നടപ്പാക്കുന്നതിന് എന്തെല്ലാം നടപടികള്‍ സ്വീകരിച്ചു വിശദമാക്കുമോ?

എളവൂര്‍ റെയില്‍വേ മേല്‍പ്പാലം

ശ്രീ.ജോസ് തെറ്റയില്‍

(എ)അങ്കമാലി നിയോജകമണ്ഡലത്തിലെ എളവൂര്‍ മേല്‍പാലത്തിന്റെ നിര്‍മ്മാണത്തിനായുളള അടങ്കല്‍ തുക എത്രയാണ് ; ഇതില്‍ സംസ്ഥാനത്തിന്റെ വിഹിതം എത്രയെന്നും റെയില്‍വേ/ കേന്ദ്രവിഹിതം എത്രയെന്നും അറിയിക്കുമോ ;

(ബി)സംസ്ഥാന സര്‍ക്കാര്‍ അനുവദിച്ച തുകയുടെ നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയാക്കുന്നതിലെ കാലതാമസം വിശദമാക്കുമോ ; ഇത് എന്ന് പൂര്‍ത്തിയാക്കാന്‍ കഴിയുമെന്ന് വെളിപ്പെടുത്തുമോ ;

(സി)റെയില്‍വേ മേല്‍പ്പാലത്തിന്റെ നിര്‍മ്മാണ പ്രവര്‍ത്തനങ്ങള്‍ ആരംഭിക്കുന്നതിലെ കാലതാമസം വിശദമാക്കാമോ ; നിര്‍മ്മാണ പ്രവര്‍ത്തനത്തിന്റെ ടെണ്ടര്‍ നടപടികള്‍ പൂര്‍ത്തീകരിച്ചിട്ടുണ്ടോ ; എങ്കില്‍ വിശദാംശങ്ങള്‍ ലഭ്യമാക്കാമോ ;

(ഡി)പാലത്തിന്റെ നിര്‍മ്മാണ പ്രവര്‍ത്തനങ്ങള്‍ എന്നത്തേയ്ക്ക് പൂര്‍ത്തിയാക്കുവാന്‍ കഴിയുമെന്ന് വ്യക്തമാക്കാമോ ?

കുണ്ടമണ്‍ പാലവുമായി ബന്ധപ്പെട്ട ഫയല്‍ ബി.റ്റി.ഇ.യുടെ ഓഫീസില്‍ കൈപ്പറ്റിയിട്ടും നടപടികള്‍ സ്വീകരിക്കാത്തത്

ശ്രീ.ജി.എസ്.ജയലാല്‍

(എ)ചീഫ് ടെക്നിക്കല്‍ എക്സാമിനര്‍ തസ്തികയിലേക്ക് പരിഗണിക്കുന്ന ഉദ്യോഗസ്ഥരുടെ യോഗ്യതയും, തെരഞ്ഞെടുക്കുന്നതിലേക്കുളള മാനദണ്ഡങ്ങളും വിശദമാക്കുമോ ;

(ബി)പ്രസ്തുത ഉദ്യോഗസ്ഥര്‍ക്ക് നല്‍കിയിട്ടുളള അധികാരങ്ങളും അവകാശങ്ങളും എന്തൊക്കെയാണ് അറിയിക്കുമോ ;

(സി)പ്രസ്തുത തസ്തികയില്‍ ഏതെങ്കിലും ഉദ്യോഗസ്ഥനെ സ്ഥിരമായി നിയമിച്ചിട്ടുണ്ടോ ; എങ്കില്‍ ആരാണെന്ന് വ്യക്തമാക്കുമോ;

(ഡി)ഈ തസ്തിക ഒഴിവായികിടന്നിട്ട് എത്ര മാസമായി ; സി.റ്റി.ഇ.യെ നിയമിക്കുന്നതിലേക്ക് എന്തെങ്കിലും തടസ്സങ്ങള്‍ നിലവിലുണ്ടോ ;

(ഇ)ഇല്ലെങ്കില്‍ പ്രസ്തുത ഉദ്യോഗസ്ഥനെ എന്ന് നിയമിക്കുമെന്ന് അറിയിക്കുമോ; വിശദാംശം വെളിവാക്കുമോ;

(എഫ്)പ്രസ്തുത ഉദ്യോഗസ്ഥന്റെ ഓഫീസില്‍ തീര്‍പ്പു കല്‍പ്പിക്കുവാനുളള എത്ര ഫയലുകളാണ് നിലവിലുളളത് ; ഇതില്‍ ഒരു വര്‍ഷക്കാലാവധി കഴിഞ്ഞവ എത്ര ; വിശദമാക്കുമോ;

(ജി)കൊല്ലം-ആയൂര്‍ റോഡില്‍ നിര്‍മ്മിച്ചിട്ടുളള കുണ്ടമണ്‍ പാലവുമായി ബന്ധപ്പെട്ട ഫയല്‍ സി.റ്റി.ഇ.യുടെ ഓഫീസില്‍ കൈപ്പറ്റിയിട്ട് എത്ര വര്‍ഷമായി അറിയിക്കുമോ ;

(എച്ച്)ഇതിന്‍മേല്‍ എന്ത് നടപടിയാണ് നാളിതുവരെ സ്വീകരിച്ചിട്ടുളളത് ; വിശദമാക്കുമോ ;

(ഐ)സംസ്ഥാനത്തെ രണ്ട് ജില്ലകളിലെ ജനങ്ങള്‍ക്കും ഒരുപോലെ പ്രയോജനം ലഭിക്കേണ്ടുന്ന പദ്ധതികളുടെ ഫയലുകള്‍ ഈ ആഫീസില്‍ തീരുമാനമാകാതെ മാസങ്ങളോളം സൂക്ഷിക്കുന്നത് അന്വേഷണ വിധേയമാക്കുമോ ;

(ജെ)500ല്‍പ്പരം കോടി രൂപാ മുടക്കി കമ്മീഷന്‍ ചെയ്ത കെ.ഐ.പി.യുമായി ബന്ധപ്പെട്ട75828/ഐ.എന്‍.ഡി/പി.ഡബ്ള്യു./ബി2/ഡബ്ള്യു.ആര്‍.ഡി./11 ഫയല്‍ ഈ ഓഫീസില്‍ എന്നാണ് കൈപ്പറ്റിയിട്ടുളളത്; എന്ത് തീരുമാനമാണ് ഇതിന്‍മേലുണ്ടായത് ; വിശദാംശം അറിയിക്കുമോ ;

(കെ)പ്രസ്തുത ഓഫീസിലെ അത്യാവശ്യ ഫയലുകളിലെങ്കിലും തീരുമാനം കൈക്കൊളളുവാന്‍ സത്വര നടപടികള്‍ സ്വീകരിക്കുമോ ?

ആലപ്പുഴ നഗരസഭയിലെ പള്ളാത്തുരുത്തി എയ്ഡ് പോസ്റ് പാലത്തിന്റെ നിര്‍മ്മാണം

ശ്രീ. ജി. സുധാകരന്‍

(എ)ആലപ്പുഴ നഗരസഭയിലെ പള്ളാത്തുരുത്തി എയ്ഡ് പോസ്റ് പാലത്തിന്റെ നിര്‍മ്മാണം ആരംഭിക്കുന്നതിനുള്ള തടസ്സങ്ങള്‍ എന്താണെന്ന് പറയുമോ;

(ബി)ഭരണാനുമതി ലഭിച്ചിട്ടും നിര്‍മ്മാണ പ്രവര്‍ത്തനം നടത്താന്‍ കഴിയാത്തതിനുള്ള കാരണം വിശദമാക്കുമോ;

(സി)പുതുക്കിയ ഭരണാനുമതിക്ക് പ്രൊപ്പോസല്‍ സമര്‍പ്പിച്ചിരുന്നോ; ഇതിന്മേല്‍ എന്തു നടപടി സ്വീകരിച്ചു;

(ഡി)ഏതു പദ്ധതിയില്‍ ഉള്‍പ്പെടുത്തിയാണ് പാലത്തിന്റെ നിര്‍മ്മാണത്തിനുള്ള ഫണ്ട് അനുവദിച്ചിരിക്കുന്നതെന്ന് അറിയിക്കുമോ;

(ഇ)ഈ സാമ്പത്തിക വര്‍ഷത്തെ ബഡ്ജറ്റില്‍ ഈ പാലത്തിന്റെ നിര്‍മ്മാണത്തിന് ഫണ്ട് വകയിരുത്തിയിട്ടുണ്ടോ; ഇല്ലെങ്കില്‍ ഇതിനാവശ്യമായ തുക കണ്ടെത്തി പാലം നിര്‍മ്മിക്കുന്നതിന് നടപടി സ്വീകരിക്കുമോ?

കണ്ണൂര്‍ ജില്ലയിലെ കല്ല്യാശ്ശേരി നിയോജക മണ്ഡലത്തിലെ കോഴിബസാര്‍ സുല്‍ത്താന്‍ തോട് പാലം

ശ്രീ. റ്റി.വി രാജേഷ്

കണ്ണൂര്‍ ജില്ലയിലെ കല്ല്യാശ്ശേരി നിയോജകമണ്ഡലത്തിലെ കോഴിബസാര്‍ സുല്‍ത്താന്‍ തോട് പാലത്തിന്റെ അപ്രോച്ച് റോഡിന്റെ നിര്‍മ്മാണ പുരോഗതി അറിയിക്കുമോ; പ്രസ്തുത പാലത്തിന്റെ അപ്രോച്ച് റോഡിന്റെ പ്രവൃത്തി എന്നത്തേക്ക് പൂര്‍ത്തിയാക്കാന്‍ കഴിയുമെന്ന് വിശദമാക്കുമോ?

കാലടി സമാന്തര പാലം

ശ്രീ.സാജു പോള്‍

(എ)കാലടി സമാന്തര പാലത്തിന് വേണ്ടി ഭരണാനുമതി നല്‍കിയിട്ടുണ്ടോ ;

(ബി)ഇതിന്റെ അടങ്കല്‍ തുക എത്രയാണ് ;

(സി)ദിശ നിര്‍ണ്ണയം നടത്തിയിട്ടുണ്ടോ ; എടുത്ത നടപടി വിശദമാക്കാമോ ;

(ഡി)അപ്രോച്ച് റോഡുകള്‍ക്ക് എത്ര സ്ഥലം ഏറ്റെടുക്കേണ്ടിവരുമെന്ന് വ്യക്തമാക്കുമോ ?

കൂട്ടുംവാതുക്കല്‍ കടവ് പാലത്തിന്റെ നിര്‍മ്മാണം

ശ്രീ. സി. കെ. സദാശിവന്‍

(എ)കായംകുളം അസംബ്ളി നിയോജക മണ്ഡലത്തിലെ കൂട്ടുംവാതുക്കല്‍ കടവ് പാലത്തിന്റെ നിര്‍മ്മാണത്തിന്റെ നിലവിലുള്ള അവസ്ഥ വിശദമാക്കുമോ;

(ബി)ഇതിന്റെ നിര്‍മ്മാണപ്രവര്‍ത്തനങ്ങള്‍ ത്വരിതപ്പെടുത്തുന്നതിനുള്ള നടപടികള്‍ സ്വീകരിക്കുമോ?

വയനാട് ജില്ലയിലെ ബ്രിഡ്ജസ് വിഭാഗത്തിലെ ജീവനക്കാരുടെ വിശദാംശം

ശ്രീ. എം.വി. ശ്രേയാംസ് കുമാര്‍

(എ)വയനാട് ജില്ലയിലെ ബ്രിഡ്ജസ് വിഭാഗത്തില്‍ ആവശ്യത്തിന് ജീവനക്കാരില്ലാത്തത് ശ്രദ്ധയില്‍പ്പെട്ടിട്ടുണ്ടോ;

(ബി)പ്രസ്തുത വിഭാഗത്തിന്റെ എത്ര സബ് ഡിവിഷനുകളാണ്/സെക്ഷനുകളാണ് ജില്ലയില്‍ ഉള്ളതെന്ന് വ്യക്തമാക്കുമോ;

(സി)ഓരോ വിഭാഗത്തിലും അനുവദിച്ചിട്ടുള്ള തസ്തികകളും ആയതില്‍ നിലവിലുള്ള ജീവനക്കാരും എത്ര; വ്യക്തമാക്കുമോ;

(ഡി)ജീവനക്കാരുടെ കുറവ് ജില്ലയിലെ പാലങ്ങളുടെ പ്രവൃത്തിയെ സാരമായി ബാധിച്ചിട്ടുണ്ടോ; വിശദമാക്കുമോ;

(ഇ)പ്രസ്തുത വിഭാഗത്തില്‍ ആവശ്യത്തിന് ജീവനക്കാരെ നിയമിക്കുന്നതിന് നടപടി സ്വീകരിക്കുമോ?

പെരിങ്ങര പാലത്തിന്റെ നിര്‍മ്മാണം

ശ്രീ. മാത്യു. റ്റി. തോമസ്

തിരുവല്ല നിയോജക മണ്ഡലത്തിലെ തിരുവല്ല മുനിസിപ്പാലിറ്റിയേയും പെരിങ്ങര പഞ്ചായത്തിനെയും ബന്ധിപ്പിക്കുന്ന പെരിങ്ങര പാലത്തിന്റെ നിര്‍മ്മാണം പൂര്‍ത്തീകരിച്ച് എന്ന് ഉദ്ഘാടനം നടത്തുവാന്‍ സാധിക്കുമെന്ന് വിശദമാക്കുമോ?

  next page>>