Questions

അമ്പലപ്പുഴ മണ്ഡലത്തിലെ ദേശീയപാത വികസനം

ശ്രീ. ജി. സുധാകരന്‍

(എ) അമ്പലപ്പുഴ മണ്ഡലത്തിലെ ദേശീയ പാത വികസിപ്പിക്കുന്നതിന്റെ അലൈന്‍മെന്റ് വിശദമാക്കാമോ;

(ബി) പ്രസ്തുത ഭാഗം എത്ര വരി ദേശീയപാതയായി വികസിപ്പിക്കുവാനാണ് ഉദ്ദേശിക്കുന്നത്;

(സി) ദേശീയപാത വികസനത്തിനായി സ്ഥലം ഏറ്റെടുക്കുമ്പോള്‍ വ്യാപാരസ്ഥാപനങ്ങളും, വീടുകളും നഷ്ടപ്പെടുന്നവരെ പുനരധിവസിപ്പിക്കുന്നതിന് പദ്ധതിയുണ്ടോ;

(ഡി) സ്ഥലം ഏറ്റെടുക്കുന്നവര്‍ക്ക് നഷ്ടപരിഹാരം നല്‍കുന്നതിനുള്ള മാനദണ്ഡം നിശ്ചയിച്ചിട്ടുണ്ടോ;

(ഇ) നിലവിലുള്ള ദേശീയപാതയുടെ കിഴക്കും പടിഞ്ഞാറും ഭാഗങ്ങളില്‍ നിന്നും തുല്യമായാണോ സ്ഥലം ഏറ്റെടുക്കുവാന്‍ ഉദ്ദേശിക്കുന്നത്; വ്യക്തമാക്കുമോ?

മണ്ണൂത്തി - വാളയാര്‍ ദേശീയ പാതയുടെ പുനര്‍ നിര്‍മ്മാണം

ശ്രീമതി ഗീതാ ഗോപി

(എ) മണ്ണൂത്തി - വാളയാര്‍ ദേശീയ പാതയുടെ പുനര്‍ നിര്‍മ്മാണ പ്രവര്‍ത്തി ഏത് വരെയായെന്നും ഇനി എന്തെല്ലാം പ്രവര്‍ത്തികളാണ് പൂര്‍ത്തീകരിക്കേണ്ടതെന്നും വ്യക്തമാക്കാമോ ;

(ബി) പ്രസ്തുത പാതയിലെ ഗതാഗത കുരുക്ക് പരിഹരിക്കുന്നതിന് നിലവില്‍ എന്തെങ്കിലും സംവിധാനം ഏര്‍പ്പെടുത്തിയിട്ടുണ്ടോ ?

പൊന്നാനി - എടപ്പാള്‍ റോഡിന്റെ അറ്റകുറ്റപ്പണി

ഡോ. കെ. ടി. ജലീല്‍

(എ) തവനൂര്‍ മണ്ഡലത്തിലെ പൊന്നാനി - എടപ്പാള്‍ റോഡില്‍ തട്ടാന്‍ പടി മുതല്‍ ചെറിയപാലം വരെ അറ്റകുറ്റപ്പണികളും, റീടാറിംഗും നടത്തിയിട്ട് എത്ര വര്‍ഷമായി എന്ന് വ്യക്തമാക്കാമോ;

(ബി) പ്രസ്തുത റോഡ് റീടാറിംഗ് നടത്താന്‍ അടിയന്തിര നടപടി സ്വീകരിക്കുമോ ?

ടെണ്ടര്‍ നിരക്ക് അധികരിച്ച് നല്‍കുന്നത്

ശ്രീ. കെ.കെ. ജയചന്ദ്രന്‍

ശ്രീ. വി.ചെന്താമരാക്ഷന്‍

ശ്രീ. പുരുഷന്‍ കടലുണ്ടി

ശ്രീ. കെ. കുഞ്ഞിരാമന്‍(ഉദുമ)

(എ) ടെണ്ടര്‍ നിരക്ക് അധികരിച്ച് നല്‍കുന്നതിന് ഉദ്യേഗസ്ഥര്‍ക്ക് സര്‍ക്കാര്‍ അധികാരം നല്‍കിയിട്ടുണ്ടോ; ഇത്തരത്തില്‍ സര്‍ക്കാര്‍ ഉത്തരവ് പുറപ്പെടുവിച്ചിട്ടുണ്ടോ; പകര്‍പ്പ് ലഭ്യമാക്കാമോ;

(ബി) ഇങ്ങനെ നിരക്ക് ഉയര്‍ത്തികൊടുക്കുന്നത് എത്ര തുക വരെ അടങ്കല്‍ വരുന്ന പ്രവൃത്തികള്‍ക്കാണ് എന്ന് വ്യക്തമാക്കാമോ;

(സി) എത്ര ശതമാനം വരെ ടെണ്ടര്‍ തുക അധികരിച്ച് നല്‍കാമെന്ന് നിജപ്പെടുത്തിയിട്ടുള്ളത്?

വയനാട് ചുരം റോഡിന് സമാന്തര ബൈപ്പാസ്

ശ്രീ. എം. വി. ശ്രേയാംസ്കുമാര്‍

(എ) വയനാട് ചുരം റോഡിന് സമാന്തരമായി ബൈപ്പാസ് നിര്‍മ്മിക്കുന്നതിന്റെ പ്രാരംഭ പ്രവര്‍ത്തനങ്ങള്‍ ആരംഭി ച്ചുവോ ; വിശദമാക്കുമോ ;

(ബി) പ്രസ്തുത ബൈപ്പാസിന്റെ പ്രാരംഭ പ്രവര്‍ത്തനങ്ങള്‍ ആരംഭിക്കുന്നതിനായി ഏതെങ്കിലും ഏജന്‍സിയെ ചുമതലപ്പെടുത്തിക്കൊണ്ട് ഉത്തരവ് ഇറങ്ങിയിട്ടുണ്ടോ;

(സി) പ്രസ്തുത റോഡ് നിര്‍മ്മാണത്തിനുളള പ്രവര്‍ത്തനങ്ങള്‍ അടിയന്തിരമായി ആരംഭിക്കുന്നതിനുളള നടപടി സ്വീകരിക്കുമോ?

പേരാമ്പ്ര ബൈപ്പാസ് നിര്‍മ്മാണം

ശ്രീ. കെ. കുഞ്ഞമ്മത് മാസ്റര്‍

(എ) പേരാമ്പ്ര ബൈപ്പാസ് റോഡ് നിര്‍മ്മാണം സംബന്ധിച്ച പുതിയ അലൈന്‍മെന്റ് അംഗീകരിച്ചിട്ടുണ്ടോ ;

(ബി) ഉണ്ടെങ്കില്‍ അലൈന്‍മെന്റ് അംഗീകരിച്ചത് എപ്പോഴാണെന്നും അതിന്റെ പകര്‍പ്പും ലഭ്യമാക്കുമോ ;

(സി) പ്രസ്തുത ബൈപ്പാസ് റോഡിന്റെ ഭൂമി ഏറ്റെടുക്കല്‍ നടപടി ഇപ്പോള്‍ ഏത് ഘട്ടത്തിലാണ് ;

(ഡി) ലാന്റ് അക്വിസിഷനുമായി ബന്ധപ്പെട്ട് ജില്ലാ കളക്ടറോട് റിപ്പോര്‍ട്ട് ആവശ്യപ്പെട്ടിട്ടുണ്ടോ ;

(ഇ) ഉണ്ടെങ്കില്‍ റിപ്പോര്‍ട്ട് ലഭിച്ചിട്ടുണ്ടോ ; റിപ്പോര്‍ട്ട് ലഭിച്ചിട്ടുണ്ടെങ്കില്‍ എപ്പോള്‍ ലഭിച്ചു എന്നും വെളിപ്പെടുത്തുമോ ;

(എഫ്) ലാന്റ് അക്വിസിഷന്‍ സംബന്ധിച്ച് പുതിയ മാര്‍ഗ്ഗ നിര്‍ദ്ദേശങ്ങള്‍ സര്‍ക്കാര്‍ പുറപ്പെടുവിച്ചിട്ടുണ്ടോ ? ഉണ്ടെങ്കില്‍ ആയതിന്റെ പകര്‍പ്പ് ലഭ്യമാക്കുമോ;

(ജി) പ്രസ്തുത റോഡിന്റെ പുതിയ അലൈന്‍മെന്റ് അംഗീകരിച്ചതിന്റെ ഭാഗമായുളള ലാന്റ് അക്വിസിഷന്‍ നടപടികള്‍ക്ക് കാലതാമസം നേരിടുന്നതായി കരുതുന്നുണ്ടോ ;

(എച്ച്) എങ്കില്‍ ഇത് പരിഹരിക്കുന്നതിനായി എന്ത് നടപടിയാണ് സ്വീകരിക്കാന്‍ ഉദ്ദേശിക്കുന്നത്; വിശദാം ശങ്ങള്‍ ലഭ്യമാക്കുമോ ?

കൊടുവള്ളി, താമരശ്ശേരി ടൌണുകളിലെ ബൈപ്പാസ് നിര്‍മ്മാണം

ശ്രീ. വി.എം. ഉമ്മര്‍ മാസ്റര്‍

(എ) കൊടുവള്ളി നിയോജക മണ്ഡലത്തില്‍ കോഴിക്കോട്-വയനാട് ദേശീയ പാതയിലെ കൊടുവള്ളി, താമരശ്ശേരി ടൌണുകളില്‍ ബൈപ്പാസ് നിര്‍മ്മാണം എന്ന് ആരംഭിക്കാന്‍ കഴിയുമെന്ന് പറയുമോ ;

(ബി) ഇതിന്റെ പ്രാരംഭ പ്രവര്‍ത്തനങ്ങള്‍ ഏത് ഘട്ടത്തിലാണെന്ന് വ്യക്തമാക്കാമോ ?

മക്കരപറമ്പ് ബൈപ്പാസ്

ശ്രീ. റ്റി.എ. അഹമ്മദ് കബീര്‍

(എ) മലപ്പുറം ജില്ലയിലെ മക്കരപറമ്പ് ടൌണിലെ ഗതാഗതക്കുരുക്കിന് ശാശ്വത പരിഹാരം കാണുന്നതിന് മക്കരപറമ്പ് ബൈപ്പാസ് നിര്‍മ്മിക്കണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ ;

(ബി) ഉണ്ടെങ്കില്‍ മക്കരപറമ്പ് ബൈപ്പാസ് നിര്‍മ്മിക്കുന്നതിന് സത്വര നടപടികള്‍ സ്വീകരിക്കുമോ ?

സ്റേറ്റ് റോഡ് ഇംപ്രൂവ്മെന്റ് പദ്ധതിയില്‍ ഉള്‍പ്പെടുത്തിയ ഒറ്റപ്പാലം അസംബ്ളി മണ്ഡലത്തിലെ റോഡുകള്‍

ശ്രീ. എം. ഹംസ

(എ) സ്റേറ്റ് റോഡ് ഇംപ്രൂവ്മെന്റ് പദ്ധതി പ്രകാരം ഒറ്റപ്പാലം അസംബ്ളി മണ്ഡലത്തിലെ ഏതെല്ലാം റോഡുകളെയാണ് ഉള്‍പ്പെടുത്തിയിരിക്കുന്നത് ;

(ബി) എസ്.ആര്‍.ഐ.പി. പദ്ധതി പ്രകാരം പ്രസ്തുത റോഡുകള്‍ എന്ന് പ്രവൃത്തി ആരംഭിക്കുവാന്‍ കഴിയുമെന്ന് വിശദമാക്കാമോ 

കോഴിക്കോട് നിന്ന് വയനാട്ടിലേക്ക് ബദല്‍പാത

ശ്രീ. പുരുഷന്‍ കടലുണ്ടി

(എ) കോഴിക്കോട് നിന്ന് വയനാട്ടിലേക്ക് ബാലുശ്ശേരി-തലയാട്-ചുരത്തോട്-തരിയോട് വഴിയുള്ള ചുരം ബദല്‍ പാതയുടെ സാധ്യതകള്‍ പഠനവിധേയമാക്കിയിട്ടുണ്ടോ;

(ബി) ഇല്ലെങ്കില്‍ ഏറ്റവും ചെലവ് കുറഞ്ഞതും പരിസ്ഥിതി സൌഹൃദവുമായ പ്രസ്തുത പാതയുടെ സാധ്യതകള്‍ പഠിച്ച് നിര്‍ദ്ദേശങ്ങള്‍ സമര്‍പ്പിക്കാന്‍ നടപടി സ്വീകരിക്കുമോ?

ചേര്‍ത്തല മണ്ഡലത്തിലെ ഭരണാനുമതി ലഭിച്ച ജോലികളുടെ വിശദാംശം

ശ്രീ. പി. തിലോത്തമന്‍

(എ) ചേര്‍ത്തല മണ്ഡലത്തില്‍ ഈ സര്‍ക്കാര്‍ വന്നതിനുശേഷം എത്ര ലക്ഷം രൂപയുടെ പൊതുമരാമത്ത് ജോലികള്‍ക്ക് ഭരണാനുമതി നല്‍കിയിട്ടുണ്ട് എന്ന് വ്യക്തമാക്കാമോ ;

(ബി) മുന്‍ സര്‍ക്കാരിന്റെ കാലത്ത് ഭരണാനുമതി ലഭിച്ചതും ഈ സര്‍ക്കാരിന്റെ കാലത്ത് പുതുക്കിയ എസ്റിമേറ്റ് പ്രകാരം ഭരണാനുമതി പുതുക്കി ലഭിക്കുന്നതിന് സമര്‍പ്പിക്കപ്പെട്ടതുമായ ചേര്‍ത്തല മണ്ഡലത്തിലെ ഏതെങ്കിലും ജോലി ഭരണാനുമതി നല്‍കാതെ ഫയല്‍ തീര്‍പ്പാക്കിയിട്ടുണ്ടോ എന്ന് അറിയിക്കുമോ ; എന്തു കാരണത്താലാണ് ഇത് സംഭവിച്ചത് എന്ന് അറിയിക്കുമോ; ഈ പ്രശ്നം പരിഹരിക്കുവാന്‍ നടപടി സ്വീകരിക്കുമോ ?

ചേലക്കര നിയോജകമണ്ഡലത്തില്‍ സ്കൂള്‍ കെട്ടിട സമുച്ചയങ്ങള്‍

ശ്രീ. കെ. രാധാകൃഷ്ണന്‍

(എ) ചേലക്കര നിയോജകമണ്ഡലത്തില്‍ പൊതുമരാമത്ത് വകുപ്പിന്റെ കീഴില്‍ നിര്‍മ്മാണനടപടികള്‍ ആരംഭിച്ചിട്ടുള്ള സ്കൂള്‍ കെട്ടിടസമുച്ചയങ്ങളുടെ വിശദാംശങ്ങള്‍ ലഭ്യമാക്കുമോ ;

(ബി) പ്രസ്തുത കെട്ടിടങ്ങളുടെ നിര്‍മ്മാണത്തിലുണ്ടായിട്ടുള്ള കാലതാമസം ശ്രദ്ധയില്‍പ്പെട്ടിട്ടുണ്ടോ ;

(സി) എങ്കില്‍ ഏറ്റെടുത്തിട്ടുള്ള ഓരോ കെട്ടിടസമുച്ചയത്തിന്റെയും നിര്‍മ്മാണം എന്ന് പൂര്‍ത്തിയാക്കുവാന്‍ കഴിയുമെന്ന് വ്യക്തമാക്കുമോ ?

എടയാര്‍ - ആലച്ചേരി റോഡ് നിര്‍മ്മാണം

ശ്രീ. ഇ.പി. ജയരാജന്‍

(എ) മട്ടന്നൂര്‍ നിയോജകമണ്ഡലത്തിലെ എടയാര്‍ - ആലച്ചേരി റോഡ് നിര്‍മ്മാണ പ്രവര്‍ത്തികള്‍ക്ക് എത്ര രൂപയുടെ എസ്റിമേറ്റിനാണ് ഭരണാനുമതി നല്‍കിയിയതെന്ന് വ്യക്തമാക്കുമോ ;

(ബി) പ്രസ്തുത റോഡ് നിര്‍മ്മാണ പ്രവര്‍ത്തി എപ്പോഴാണ് ടെന്‍ഡര്‍ ചെയ്തതെന്നും, കരാര്‍ ഏറ്റെടുത്തയാള്‍ എഗ്രിമെന്റ് ഒപ്പു വച്ചത് എന്നാണെന്നും വ്യക്തമാക്കുമോ ;

(സി) എഗ്രിമെന്റ് പ്രകാരം കരാറുകാരന്‍ പ്രവര്‍ത്തി പൂര്‍ത്തീകരിച്ച് നല്‍കേണ്ടതെപ്പോഴാണെന്നു വ്യക്തമാക്കുമോ ;

(ഡി) പ്രസ്തുത റോഡ് നിര്‍മ്മാണ പ്രവര്‍ത്തിയുടെ നിലവിലെ സ്ഥിതിയെന്തെന്ന് വ്യക്തമാക്കുമോ ;

(ഇ) എടയാര്‍ - ആലച്ചേരി റോഡ് നിര്‍മ്മാണ പ്രവര്‍ത്തി എപ്പോള്‍ പൂര്‍ത്തീകരിക്കും എന്ന് അറിയിക്കുമോ ?

തൃശൂര്‍-ചൂണ്ടല്‍ വഴി ഗുരുവായൂര്‍ റോഡ്

ശ്രീ. പി.എ. മാധവന്‍

(എ) 2012-13 - ല്‍ പൊതുമരാമത്ത് വകുപ്പ് മണലൂര്‍ നിയോജകമണ്ഡലത്തില്‍ നടപ്പിലാക്കുന്ന പദ്ധതികള്‍ ഏതെല്ലാമാണ്;

(ബി) തൃശൂര്‍-ചൂണ്ടല്‍ വഴി ഗുരുവായൂര്‍ റോഡ് വികസനത്തിന് നടപടികള്‍ സ്വീകരിക്കുമെന്ന ബഡ്ജറ്റ് പ്രസംഗത്തിന്റെ അടിസ്ഥാനത്തില്‍ എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കുമോ?

ചേര്‍ത്തല തണ്ണീര്‍മുക്കം റോഡിന്റെ ശോചനീയാവസ്ഥ

ശ്രീ. പി തിലോത്തമന്‍

(എ) ചേര്‍ത്തലയെ കോട്ടയം ജില്ലയുമായി ബന്ധിപ്പിക്കുന്ന ചേര്‍ത്തല തണ്ണീര്‍മുക്കം റോഡ് മോശപ്പെട്ട അവസ്ഥയിലാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ ;

(ബി) പ്രതിദിനം ആയിരക്കണക്കിന് വാഹനങ്ങള്‍ പോകുന്ന പ്രസ്തുത റോഡ് പുനരുദ്ധരിക്കുന്നതിന് അടിയന്തിര നടപടികള്‍ സ്വീകരിക്കുമോ ?

കോഴിക്കോട് ജില്ലയില്‍ അപ്രോച്ച് റോഡ് നിര്‍മ്മിക്കാത്തത് മൂലം തുറന്നുകൊടുക്കാന്‍ സാധിക്കാത്ത പാലങ്ങള്‍

ശ്രീ. പി. റ്റി. എ. റഹീം

(എ) കോഴിക്കോട് ജില്ലയില്‍ പാലങ്ങളുടെ പണി പൂര്‍ത്തിയായിട്ടും അപ്രോച്ച് റോഡ് നിര്‍മ്മിക്കാത്തത് മൂലം തുറന്നുകൊടുക്കാന്‍ സാധിക്കാത്ത എത്ര പാലങ്ങളുണ്ടെന്ന് വ്യക്തമാക്കാമോ ;

(ബി) എങ്കില്‍ അവ ഏതെല്ലാമാണ്;

(സി) ഇവയുടെ ലാന്റ് അക്വിസിഷന്‍ നടപടികള്‍ക്ക് എന്തു തടസ്സമാണ് നിലവിലുളളത്; ഓരോന്നിന്റെ വിശദ വിവരങ്ങള്‍ ലഭ്യമാക്കാമോ?

തൃക്കടാരിപ്പൊയില്‍ -ഇടുമ്പ- കണ്ണവം റോഡ്

ശ്രീ. ഇ. പി. ജയരാജന്‍

(എ) മട്ടന്നൂര്‍ നിയോജ മണ്ഡലത്തിലെ തൃക്കടാരിപ്പൊയില്‍-ഇടുമ്പ-കണ്ണവം റോഡ് നിര്‍മ്മാണ പ്രവൃത്തികള്‍ക്ക് എത്ര രൂപയുടെ എസ്റിമേറ്റിനാണ് ഭരണാനുമതി നല്‍കിയതെന്ന് വ്യക്തമാക്കുമോ;

(ബി) പ്രസ്തുത റോഡ് നിര്‍മ്മാണ പ്രവര്‍ത്തനം എപ്പോഴാണ് ടെന്‍ഡര്‍ ചെയ്തതെന്നും, കരാര്‍ ഏറ്റെടുത്തയാള്‍ വകുപ്പുമായി എഗ്രിമെന്റ് ഒപ്പുവച്ചത് എന്നാണെന്നും വ്യക്തമാക്കുമോ;

(സി) എഗ്രിമെന്റ് പ്രകാരം കരാറുകാരന്‍ പ്രവൃത്തി പൂര്‍ത്തീകരിച്ച് നല്‍കേണ്ടതെപ്പോഴാണെന്നും വ്യക്തമാക്കുമോ;

(ഡി) മേല്‍ പ്രസ്തുത റോഡ് നിര്‍മ്മാണ പ്രവൃത്തിയുടെ നിലവിലെ സ്ഥിതിയെന്തെന്ന് വ്യക്തമാക്കുമോ;

(ഇ) സര്‍ക്കാരുമായി കരാറുകളില്‍ ഏര്‍പ്പെടുകയും കരാര്‍ പ്രകാരം പ്രവൃത്തികള്‍ ഏറ്റെടുക്കുകയും പൂര്‍ത്തീകരിക്കാതിരിക്കുകയും സര്‍ക്കാര്‍ നടപടികളെ ലാഘവത്തോടെ നേരിടുകയും ചെയ്യുന്ന കരാറുകാര്‍ക്കെതിരെ എന്തു നടപടികളാണ് സ്വീകരിക്കുന്നതെന്ന് വ്യക്തമാക്കുമോ;

(എഫ്) തൃക്കടാരിപ്പൊയില്‍-ഇടുമ്പ-കണ്ണവം റോഡ് നിര്‍മ്മാണം എപ്പോള്‍ പൂര്‍ത്തികരിക്കുമെന്ന് ഉറപ്പുനല്‍കാന്‍ കഴിയുമോ ?

കുറ്റ്യാടി ബൈപ്പാസ് നിര്‍മ്മാണത്തിന് സ്ഥലമെടുപ്പ് നടപടികള്‍

ശ്രീമതി കെ. കെ. ലതിക

(എ) കുറ്റ്യാടി ബൈപ്പാസ് നിര്‍മ്മാണത്തിന് സ്ഥലമെടുപ്പ് നടപടികള്‍ ഏതു ഘട്ടം വരെയായി എന്ന് വ്യക്തമാക്കുമോ;

(ബി) ഇതു സംബന്ധിച്ച സര്‍ക്കാര്‍ ഉത്തരവ് എന്ന് പുറപ്പെടുവിക്കാന്‍ കഴിയുമെന്ന് വ്യക്തമാക്കുമോ?

മാങ്കാവ്-കായലം റോഡിന്റെ പുനരുദ്ധാരണ പ്രവര്‍ത്തികള്‍

ശ്രീ. പി. റ്റി. എ റഹീം

(എ) മാങ്കാവ്-കായലം റോഡിന്റെ പുനരുദ്ധാരണ പ്രവര്‍ത്തികള്‍ ഏത് ഘട്ടത്തിലാണ്; ഇത് എത്ര ഘട്ടമായിട്ടാണ് ടെണ്ടര്‍ ചെയ്തത്; എത്ര ഘട്ടം പണി പൂര്‍ത്തിയായി;

(ബി) കരാര്‍ എഴുതിയിട്ടുള്ള പ്രവര്‍ത്തി പൂര്‍ത്തിയാക്കാത്തത് മൂലം ജനങ്ങള്‍ ബുദ്ധിമുട്ട് അനുഭവിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ; ഇവ പരിഹരിക്കുന്നതിന് എന്ത് നടപടികള്‍ സ്വീകരിക്കുവാനാണ് ഉദ്ദേശിക്കുന്നതെന്ന് വ്യക്തമാക്കാമോ?

ആറ്റിങ്ങല്‍ ബൈപാസ്

ശ്രീ. ബി. സത്യന്‍

(എ) ആറ്റിങ്ങല്‍ പട്ടണത്തിലെ ഗതാഗതക്കുരുക്ക് ഒഴിവാക്കാനും നാഷണല്‍ ഹൈവേയിലെ അപകടങ്ങള്‍ കുറയ്ക്കാനുമായി പരിഗണനയിലുള്ള ആറ്റിങ്ങല്‍ ബൈപാസ് റോഡ് പദ്ധതി ഇപ്പോള്‍ ഏത് ഘട്ടത്തിലാണ്;

(ബി) പ്രസ്തുത ബൈപാസ് റോഡ് പദ്ധതി നടപ്പില്‍ വരുത്തുവാന്‍ എത്ര തുക വേണ്ടിവരുമെന്ന് പറയുമോ;

(സി) പ്രസ്തുത പദ്ധതി നടപ്പില്‍ വരുത്തുന്നതിന് സംസ്ഥാന സര്‍ക്കാര്‍ എടുക്കേണ്ട നടപടികള്‍ എന്തെല്ലാമെന്ന് അറിയിക്കുമോ?

തട്ടാന്‍പടി പൊല്‍പാക്കര റോഡും, മട്ടന്നൂര്‍ ചേകന്നൂര്‍ റോഡും നന്നാക്കുവാന്‍ നടപടി

ഡോ. കെ.ടി. ജലീല്‍

(എ) തവന്നൂര്‍ നിയോജക മണ്ഡലത്തിലെ തട്ടാന്‍പടി പൊല്‍പാക്കര റോഡ്, മാന്നൂര്‍ ചേകന്നൂര്‍ റോഡ് എന്നിവ ഗതാഗതയോഗ്യമല്ലാതായിരിക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി) പ്രസ്തുത റോഡുകള്‍ ഗതാഗതയോഗ്യമാക്കുന്നതിനാവശ്യമായ എസ്റിമേറ്റ് ലഭിച്ചിട്ടുണ്ടോ;

(സി) ഉണ്ടെങ്കില്‍ പ്രസ്തുത റോഡുകള്‍ നന്നാക്കുന്നതിനായി അടിയന്തിര നടപടി സ്വീകരിക്കമോ ?

കരാറുകാര്‍ക്ക് ബില്‍ കുടിശ്ശിക

ഡോ. ടി.എം.തോമസ് ഐസക്

ശ്രീ. കെ. വി. അബ്ദുള്‍ ഖാദര്‍

'' സി. കൃഷ്ണന്‍

'' എം. ഹംസ

(എ) പൊതുമരാമത്ത് വകുപ്പില്‍ പ്രവൃത്തി ഏറ്റെടുത്ത് പണി പൂര്‍ത്തീകരിച്ച കരാറുകാര്‍ക്ക് ബില്‍ കുടിശ്ശിക എത്ര രൂപയാണ് നല്‍കാനുള്ളത് ;

(ബി) കരാറുകാര്‍ക്ക് നല്‍കാനുള്ള കുടിശ്ശിക എന്നത്തേക്ക് നല്‍കുമെന്ന് വ്യക്തമാക്കുമോ ; തുക സമയബന്ധിതമായി നല്‍കാതിരിക്കുന്നത് നിര്‍മ്മാണപ്രവൃത്തികള്‍ മന്ദഗതിയിലാക്കാന്‍ ഇടയാക്കുന്നു എന്നറിയാമോ ?

കോതമംഗലം മിനി സിവില്‍ സ്റേഷന്റെ നിര്‍മ്മാണം

ശ്രീ. റ്റി.യു.കുരുവിള

(എ) കോതമംഗലം മിനി സിവില്‍ സ്റേഷന്റെ നിര്‍മ്മാണ പ്രവര്‍ത്തനം സ്തംഭിച്ചിരിക്കുന്നതിന്റെ കാരണങ്ങള്‍ വ്യക്തമാക്കുമോ ;

(ബി) പ്രസ്തുത സ്തംഭനാവസ്ഥ ഒഴിവാക്കി, സമയ ബന്ധിതമായി നിര്‍മ്മാണം പൂര്‍ത്തീകരിക്കുന്നതിന് എന്തൊക്കെ നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ ;

(സി) നിര്‍മ്മാണം എത്രയും വേഗം പൂര്‍ത്തീകരിക്കുന്നതിലേയ്ക്കായി ബന്ധപ്പെട്ടവരുടെ യോഗം വിളിക്കുന്നതിനും, കര്‍ശനമായ നിര്‍ദ്ദേശങ്ങള്‍ നല്കുന്നതിനും നടപടികള്‍ സ്വീകരിക്കുമോ ; വിശദാംശം ലഭ്യമാക്കുമോ ?

ആറ്റിങ്ങല്‍ നിയമസഭാ മണ്ഡലത്തില്‍ പൊതുമരാമത്ത് വര്‍ക്കുകള്‍ക്ക് ഭരണാനുമതി നല്‍കാന്‍ നടപടി

ശ്രീ. ബി. സത്യന്‍

(എ) ആറ്റിങ്ങല്‍ നിയമസഭാ മണ്ഡലത്തില്‍ 2011 മേയ് മുതല്‍ 2012 മേയ് വരെ ഏതെല്ലാം പൊതുമരാമത്ത് വര്‍ക്കുകള്‍ക്കാണ് ഭരണാനുമതി നല്‍കിയിട്ടുള്ളത്; റോഡ്സ്, ബ്രിഡ്ജസ്, ബില്‍ഡിംഗ്സ് എന്നീ വിഭാഗങ്ങള്‍ ചെലവഴിച്ച കണക്ക് ഇനം തിരിച്ച് ലഭ്യമാക്കുമോ;

(ബി) ഇതില്‍ ഏതെല്ലാം പ്രവൃത്തികളുടെ നിര്‍മ്മാണം ആരംഭിച്ചിട്ടുണ്ടെന്ന് വ്യക്തമാക്കുമോ;

(സി) പുതിയതായി ഏതെല്ലാം പ്രവൃത്തികളാണ് ഭരണാനുമതി ലഭിക്കുന്നതിനായി പൊതുമരാമത്ത് വകുപ്പിലുള്ളതെന്ന് വിശദമാക്കുമോ?

കൊയിലാണ്ടി നിയോജക മണ്ഡലത്തിലെ വിവധ പ്രവൃത്തികളുടെ വിശദാംശം

ശ്രീ. കെ. ദാസന്‍

(എ) 2012-2013 ബജറ്റില്‍ പൊതുമരാമത്തിന് കീഴില്‍ വിവിധ വകുപ്പുകളില്‍ പി.ഡബ്ളു.ഡി യുടെ റോഡുകള്‍, പാലങ്ങള്‍, എന്‍.എച്ച്, ബില്‍ഡിംഗ്, സ്പെഷ്യല്‍ ബില്‍ഡിംഗുകള്‍ എന്നിവ കോഴിക്കോട് ജില്ലയില്‍ നടപ്പിലാക്കുന്നതിന് ഭരണാനുമതി ലഭിച്ച പ്രവൃത്തികളില്‍ കൊയിലാണ്ടി നിയോജക മണ്ഡലത്തില്‍ നടപ്പിലാക്കാന്‍ അനുവദിച്ച പ്രവൃത്തികള്‍ ഏതെല്ലാം ; പ്രസ്തുത പ്രവൃത്തികളുടെ എ.എസ് തുക എത്ര; പ്രവൃത്തി ഇപ്പോള്‍ ഏത് ഘട്ടത്തില്‍ ; എന്ന് പൂര്‍ത്തീകരിക്കാന്‍ കഴിയും; ഓരോ പ്രവൃത്തിയുടെയും കാര്യം വ്യക്തമായി പ്രത്യേകം വിശദീകരിക്കുമോ ;

(ബി) 2012-2013 ബജറ്റില്‍ ബജറ്റ് എസ്റിമേറ്റ് അനുബന്ധത്തില്‍ ഭരണാനുമതിയില്ലാതെ ടോക്കണ്‍ മണി പ്രൊവിഷനില്‍ കൊയിലാണ്ടി മണ്ഡലത്തില്‍ അനുവദിച്ചതും ഉള്‍പ്പെടുന്നതുമായ പ്രവൃത്തികള്‍ ഏതെല്ലാം ; വിശദമായ പട്ടിക ലഭ്യമാക്കാമോ ; പി.ഡബ്ളു.ഡി യിലെ ഓരോ വിഭാഗവും പ്രത്യേകം ലഭ്യമാക്കാമോ ;

(സി) മുന്‍സര്‍ക്കാരിന്റെ ഭരണാനുമതിയുള്ള കൊയിലാണ്ടി താലൂക്ക് ഹെഡ്ക്വാര്‍ട്ടേഴ്സ് ആശുപത്രിയുടെ പുതിയ കെട്ടിട നിര്‍മ്മാണ പ്രവൃത്തി നടപടികള്‍ ഇപ്പോള്‍ ഏത് ഘട്ടത്തിലാണ് എന്ന് വ്യക്തമാക്കാമോ ; ഇത് എപ്പോള്‍ ആരംഭിക്കാന്‍ കഴിയും എന്ന് വ്യക്തമാക്കാമോ ?

തലശ്ശേരി അസംബ്ളി മണ്ഡലത്തിലെ 2012-2013 സാമ്പത്തികവര്‍ഷത്തില്‍ ഏറ്റെടുത്തു നടപ്പിലാക്കാന്‍ ഉദ്ദേശിക്കുന്ന പൊതുമരാമത്ത് പണികള്‍

ശ്രീ. കോടിയേരി ബാലകൃഷ്ണന്‍

(എ) തലശ്ശേരി അസംബ്ളി മണ്ഡലത്തില്‍ 2012-13 -ല്‍ ഏറ്റെടുത്ത് നടപ്പിലാക്കാന്‍ ഉദ്ദേശിക്കുന്ന പൊതുമരാമത്ത് പണികള്‍ ഏതൊക്കെയെന്ന് വെളിപ്പെടുത്താമോ;

(ബി) ഇതില്‍ ഓരോ പ്രവൃത്തിക്കും നീക്കിവെച്ച തുകയും, ഓരോ പ്രവൃത്തിയും നിലവില്‍ ഏത് ഘട്ടത്തിലാണെന്നും വെളിപ്പെടുത്തുമോ?

പുതുക്കാടും നന്തിക്കരയിലും ആര്‍.ഒ.ബി നിര്‍മ്മാണം

പ്രൊഫ. സി. രവീന്ദ്രനാഥ്

(എ) പുതുക്കാട് മണ്ഡലത്തിലെ, പുതുക്കാട് ആര്‍.ഒ.ബി നന്തിക്കര ആര്‍.ഒ.ബി എന്നിവ നിര്‍മ്മിക്കണം എന്ന ആവശ്യം ശ്രദ്ധയില്‍പ്പെട്ടിട്ടുണ്ടോ;

(ബി) ഉണ്ടെങ്കില്‍, സ്വീകരിച്ച നടപടികള്‍ എന്തെല്ലാം; വിശദമാക്കുമോ ?

തൃക്കരിപ്പൂര്‍ ഗവണ്‍മെന്റ് പോളിടെക്നിക് നിര്‍മ്മാണം

ശ്രീ. കെ. കുഞ്ഞിരാമന്‍ (തൃക്കരിപ്പൂര്‍)

(എ) തൃക്കരിപ്പൂര്‍ ഗവണ്‍മെന്റ് പോളിടെക്നിക്കില്‍ പണിമുടങ്ങി കിടക്കുന്ന കെട്ടിടങ്ങള്‍ പൂര്‍ത്തീകരിക്കുന്നതിന് വകുപ്പ് മന്ത്രി തലത്തിലും ചീഫ് എഞ്ചിനീയര്‍മാരുടെയും യോഗങ്ങള്‍ വിളിച്ച് കൂട്ടി മാസങ്ങള്‍ കഴിഞ്ഞിട്ടും ഇതിനായി തയ്യാറാക്കി സമര്‍പ്പിച്ച റിവൈസ്ഡ് എസ്റിമേറ്റിനുള്ള അംഗീകാരം വൈകുന്നതിന്റെ കാരണം വ്യക്തമാക്കുമോ;

(ബി) ഇതിനുള്ള അംഗീകാരം എപ്പോള്‍ ലഭ്യമാക്കുമെന്നും ഈ പ്രവൃത്തി എന്ന് പുനരാരംഭിക്കാന്‍ കഴിയുമെന്നും വ്യക്തമാക്കുമോ ?

അടൂര്‍ വെറ്റിനറി പോളിക്ളിനിക്ക് റീടെന്‍ഡറിംഗ്

ശ്രീ. ചിറ്റയം ഗോപകുമാര്‍

(എ) അടൂര്‍ വെറ്റിനറി പോളിക്ളിനിക്കിന്റെ ജോലി റീ ടെണ്ടര്‍ ചെയ്യേണ്ടുന്നതിന് നിലവിലുള്ള കാലതാമസം എന്തെന്ന് വിശദമാക്കുമോ:

(ബി) പ്രസ്തുത നടപടി സമയബന്ധിതമായി പൂര്‍ത്തീകരിക്കുമോ ?

നടുവണ്ണൂര്‍ ഹയര്‍സെക്കണ്ടറി സ്കൂള്‍ കെട്ടിടനിര്‍മ്മാണം

ശ്രീ. പുരുഷന്‍ കടലുണ്ടി

അപകടകരമായവിധം ജീര്‍ണ്ണിച്ച നടുവണ്ണൂര്‍ ഗവണ്‍മെന്റ് ഹയര്‍സെക്കണ്ടറി സ്കൂള്‍ കെട്ടിടം പുനര്‍നിര്‍മ്മിക്കുന്നത് സംബന്ധിച്ച നടപടിയുടെ പുരോഗതി അറിയിക്കുമോ ?

പുനലൂര്‍ റസ്റ് ഹൌസ് പുനര്‍ നിര്‍മ്മാണം

ശ്രീ. കെ. രാജു

(എ) പുനലൂര്‍ റസ്റ് ഹൌസ് പുനര്‍ നിര്‍മ്മാണത്തിന്റെ നടപടികള്‍ ഇപ്പോള്‍ ഏത് ഘട്ടത്തിലാണെന്ന് വ്യക്തമാക്കുമോ ;

(ബി) കെട്ടിടവിഭാഗം എസ്റിമേറ്റ് തയ്യാറാക്കി ചീഫ് എഞ്ചിനീയര്‍ക്ക് സമര്‍പ്പിച്ചിട്ടുളള സാഹചര്യത്തില്‍ പ്രസ്തുത നിര്‍മ്മാണം ത്വരിതപ്പെടുത്തുന്നതിന് എന്തൊക്കെ നടപടികള്‍ സ്വീകരിക്കുവാന്‍ കഴിയുമെന്ന് വ്യക്തമാക്കുമോ ?

കോങ്ങാട് റസ്റ് ഹൌസ് നിര്‍മ്മാണം

ശ്രീ. കെ. വി. വിജയദാസ്

(എ) കോങ്ങാട് 'റസ്റ് ഹൌസ്' നിര്‍മ്മാണം 2012-13 ബഡ്ജറ്റില്‍ ഉള്‍ക്കൊള്ളിക്കാനുള്ള നടപടികള്‍ സ്വീകരിച്ചിട്ടുണ്ടെന്നും ബഡ്ജറ്റില്‍ തുക ഉള്‍ക്കൊള്ളിച്ചു കിട്ടുന്ന മുറയ്ക്ക് നിര്‍മ്മാണ പ്രവൃത്തികള്‍ക്ക് നടപടികള്‍ തുടങ്ങാവുന്നതാണെന്നും ഗവണ്‍മെന്റ് പ്രഖ്യാപിച്ചിരുന്നോ ;

(ബി) ബഡ്ജറ്റില്‍ പോലും 'കോങ്ങാട് റസ്റ് ഹൌസ്' ഉള്‍പ്പെടുത്തിയിട്ടില്ല എന്നുള്ള വിവരം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ആയത് പരിഹരിക്കുന്നതിനുള്ള അടിയന്തിര നടപടി സ്വീകരിക്കുമോ;

(സി) ഇക്കാര്യത്തില്‍ സ്വീകരിക്കുവാന്‍ ഉദ്ദേശിക്കുന്ന നടപടികളുടെ വിശദാംശം നല്‍കുമോ?

തരൂര്‍ ഗവണ്‍മെന്റ് ആയുര്‍വേദാശുപത്രിയ്ക്ക് കെട്ടിടം

ശ്രീ.എ.കെ.ബാലന്‍

(എ) തരൂര്‍ ഗവണ്‍മെന്റ് ആയുര്‍വ്വേദാശുപത്രിയുടെ കെട്ടിട നിര്‍മ്മാണം ഉടനെ ആരംഭിക്കുമോ; ഇതിനായുളള നടപടിക്രമങ്ങള്‍ ഏതുവരെയായെന്ന് പറയാമോ;

(ബി) പ്രസ്തുത നിര്‍മ്മാണത്തിന് എത്ര ലക്ഷം രൂപയുടെ ഭരണാനുമതിയാണ് ലഭിച്ചിട്ടുളളത്;

(സി) നിര്‍മ്മാണ പ്രവര്‍ത്തികള്‍ ആരംഭിക്കുവാന്‍ വൈകുന്നതിന്റെ കാരണമെന്തെന്ന് വ്യക്തമാക്കുമോ?

കോഴിക്കോട് ജില്ലയില്‍ നിര്‍മ്മിക്കുന്ന പാലങ്ങളുടെ മേല്‍നോട്ടത്തിനായുള്ള ബ്രിഡ്ജ് സെക്ഷന്‍ ഓഫീസുകളുടെ എണ്ണം

ശ്രീ. സി. മോയിന്‍കുട്ടി

(എ) കോഴിക്കോട് ജില്ലയില്‍ നിര്‍മ്മിക്കുന്ന പാലങ്ങളുടെ മേല്‍നോട്ടത്തിനായി ബ്രിഡ്ജ് സെക്ഷന്‍ ഓഫീസുകള്‍ എത്രയെണ്ണമാണുള്ളതെന്ന് പറയാമോ ;

(ബി) ബ്രിഡ്ജസിന് ഒറ്റ സെക്ഷന്‍ ഓഫീസ് മാത്രമുള്ള കാര്യം ശ്രദ്ധയില്‍പ്പെട്ടിട്ടുണ്ടോ ;

(സി) ബ്രിഡ്ജസിന് കൂടുതല്‍ സെക്ഷന്‍ ഓഫീസുകള്‍ അനുവദിക്കുകയോ അല്ലെങ്കില്‍ ജോലിഭാരം കുറവുള്ള പൊതുമരാമത്ത് വകുപ്പിന്റെ കീഴിലുള്ള ഏതെങ്കിലും സെക്ഷനുകള്‍ ബ്രിഡ്ജ് സെക്ഷനായി മാറ്റുന്നതിനോ ഉള്ള നടപടി സ്വീകരിക്കുമോ ?

വയറുപ്പുഴ പാലം

ശ്രീ. ചിറ്റയം ഗോപകുമാര്‍

(എ) പന്തളം അച്ചന്‍കോവിലാറിന് കുറുകെ മുളമ്പുഴ-ഞെട്ടൂര്‍ കരകളെ ബന്ധിപ്പിച്ചുകൊണ്ടുള്ള വയറപ്പുഴ പാലം അടിയന്തിരമായി നിര്‍മ്മാണമാരംഭിക്കുന്നതിനുള്ള നടപടിയുണ്ടാകുമോ ;

(ബി) ടെന്‍ഡറിംഗിന് മുന്‍പുളള പ്രാഥമിക നടപടിക്രമങ്ങളെല്ലാം പൂര്‍ത്തീകരിച്ചിട്ടും പ്രസ്തുത പാലത്തിന്റെ തുടര്‍പ്രവര്‍ത്തനങ്ങള്‍ക്ക് യാതൊരു പുരോഗതിയും ഉണ്ടായിട്ടില്ലാത്തതിന്റെ കാരണം വ്യക്തമാക്കുമോ?

ചെറുതുരുത്തിയിലെ പഴയകൊച്ചിന്‍പാലം ചരിത്രസ്മാരകമാക്കാന്‍ നടപടി

ശ്രീ. കെ. രാധാകൃഷ്ണന്‍

(എ) പാലക്കാട്-തൃശൂര്‍ ജില്ലകളെ തമ്മില്‍ ബന്ധിപ്പിക്കുന്ന ചെറുതുരുത്തിയിലെ പഴയകൊച്ചിന്‍ പാലത്തിന്റെ തൂണുകള്‍ തകര്‍ന്നത് ശ്രദ്ധയില്‍പ്പെട്ടിട്ടുണ്ടോ;

(ബി) ബ്രിട്ടീഷ് സര്‍ക്കാരിന്റെ കാലത്ത് നിര്‍മ്മിക്കപ്പെട്ട വളരെ പഴക്കമുള്ള ഈ പാലം അറ്റകുറ്റപ്പണികള്‍ ചെയ്ത് ചരിത്രസ്മാരകമായി സൂക്ഷിക്കുന്നതിന് നിവേദനം ലഭിച്ചിട്ടുണ്ടോ;

(സി) എങ്കില്‍ അതിന്റെ വിശദാംശങ്ങള്‍ ലഭ്യമാക്കാമോ;

(ഡി) പൊതുജനതാല്പര്യം മാനിച്ച് ഈ പാലം പഴയനിലയില്‍ പുന:സ്ഥാപിച്ച് സംരക്ഷിത ചരിത്ര സ്മാരകമായി നിലനിര്‍ത്തുവാന്‍ നടപടികള്‍ സ്വീകരിക്കുമോ?

തൃക്കുറ്റിശ്ശേരി ചെറിയ പാലം തകര്‍ന്നത് പരിഹരിക്കാന്‍ നടപടി

ശ്രീ.പുരുഷന്‍ കടലുണ്ടി

ബാലുശ്ശേരി അസംബ്ളിമണ്ഡലത്തിലെ -ബാലുശ്ശേരി- കൂരാച്ചുണ്ട് റോഡിലെ തൃക്കുറ്റിശ്ശേരി (3/100)ചെറിയ പാലം തകര്‍ന്നത് പരിഹരിക്കാന്‍ കൈക്കൊണ്ടിട്ടുള്ള നടപടികളുടെ പുരോഗതി വ്യക്തമാക്കാമോ?

ഇരിണാവ് പാലം നിര്‍മ്മാണം

ശ്രീ. റ്റി.വി. രാജേഷ്

കണ്ണൂര്‍ ജില്ലയിലെ കല്ല്യാശ്ശേരി നിയോജകമണ്ഡലത്തിലെ ഭരണാനുമതി ലഭിച്ച ഇരിണാവ് പാലത്തിന്റെ നിര്‍മ്മാണപ്രവൃത്തി എന്ന് ആരംഭിക്കാന്‍ സാധിക്കും ; പ്രവൃത്തി തുടങ്ങാന്‍ കാലതാമസം നേരിടുന്നതെന്തുകൊണ്ടാണ്;വിശദാംശം നല്‍കാമോ ?

കുരമ്പാല-പഴകുളം റോഡില്‍ പുതിയ പാലം

ശ്രീ. ചിറ്റയം ഗോപകുമാര്‍

(എ) അടുര്‍ നിയോജക മണ്ഡലത്തിലെ കെ. പി. റോഡ്, എം.സി. റോഡ് എന്നിവയെ ബന്ധിപ്പിക്കുന്ന കുരമ്പാല-പഴകുളം റോഡില്‍ അടിയന്തിരമായി പുതിയ പാലം നിര്‍മ്മിക്കാന്‍ നടപടികള്‍ സ്വീകരിക്കുമോ ;

(ബി) പ്രസ്തുത ആവശ്യം ഉന്നയിച്ച് നിവേദനം ലഭിച്ചിട്ടുണ്ടോ ; എങ്കില്‍ അതിന്മേല്‍ എന്തെല്ലാം നടപടികളാണ് സ്വീകരിച്ചിട്ടുള്ളത് എന്ന് വ്യക്തമാക്കുമോ ?

മലയാറ്റൂര്‍-കോടനാട് പാലത്തിന്റെ നിര്‍മ്മാണം

ശ്രീ. ജോസ് തെറ്റയില്‍

(എ) മലയാറ്റൂര്‍-കോടനാട് പാലത്തിന്റെ നിര്‍മ്മാണ പ്രവര്‍ത്തനങ്ങള്‍ എന്നത്തേക്ക് പൂര്‍ത്തിയാക്കുവാന്‍ കഴിയുമെന്ന് വ്യക്തമാക്കുമോ;

(ബി) ആയതിന്റെ എന്തെല്ലാം പ്രവൃത്തികളാണ് ഇനി പൂര്‍ത്തിയാക്കാനുള്ളതെന്ന് വിശദമാക്കുമോ?

കൊരട്ടി റെയില്‍വേ ഓവര്‍ബ്രിഡ്ജ്

ശ്രീ. ബി.ഡി.ദേവസ്സി

(എ) കൊരട്ടി റെയില്‍വേ ഓവര്‍ബ്രിഡ്ജിന്റെ നിര്‍മ്മാണപ്രവര്‍ത്തനവുമായി ബന്ധപ്പെട്ട് റെയില്‍വേ ലൈനിനു മുകളിലുള്ള സ്പാനിന്റെ സ്ട്രക്ച്ചറല്‍ ഡിസൈന് റെയില്‍വേയുടെ അംഗീകാരം ലഭിച്ചിട്ടുണ്ടോ;

(ബി) ഇല്ലെങ്കില്‍ ഇതിനായി അടിയന്തിര നടപടികള്‍ സ്വീകരിക്കുമോ?

പയ്യന്നൂര്‍ ഓവര്‍ബ്രിഡ്ജ്

ശ്രീ. സി. കൃഷ്ണന്‍

(എ) പയ്യന്നൂര്‍ റയില്‍വേ ഓവര്‍ബ്രിഡ്ജിന്റെ ഇരുഭാഗങ്ങളിലെയും പ്രവൃത്തികള്‍ പൂര്‍ത്തീകരിച്ച് മാസങ്ങള്‍ കഴിഞ്ഞിട്ടും റെയില്‍ പാളത്തിന് മുകളിലുള്ള പ്രവൃത്തി പൂര്‍ത്തീകരിക്കാന്‍ വൈകുന്നതിന്റെ കാരണം വിശദമാക്കാമോ;

(ബി) ഈ പ്രവൃത്തി എന്ന് പൂര്‍ത്തീകരിച്ച് ഗതാഗതയോഗ്യമാക്കാന്‍ കഴിയുമെന്ന് വ്യക്തമാക്കാമോ?

ചേക്കുപാലം നിര്‍മ്മാണം

ശ്രീ. കെ.കെ.നാരായണന്‍

(എ) ധര്‍മ്മടം നിയോജക മണ്ഡലത്തിലെ ചേക്കുപാലം നിര്‍മ്മാണം ഏതുഘട്ടത്തിലാണെന്ന് വ്യക്തമാക്കാമോ;

(ബി) പ്രസ്തുത നിര്‍മ്മാണത്തിന് എന്നത്തേക്ക് ഭരണാനുമതി നല്‍കാനാകുമെന്ന് വിശദമാക്കാമോ?

തട്ടാരിപാലം

ശ്രീ. കെ.കെ. നാരായണന്‍

(എ) ധര്‍മ്മടം നിയോജക മണ്ഡലത്തിലെ തട്ടാരിപാലം നിര്‍മ്മിക്കുന്നതിനുള്ള നടപടി ഏത് ഘട്ടത്തിലാണെന്ന് വെളിപ്പെടുത്തുമോ ;

(ബി) പ്രസ്തുത നിര്‍മ്മാണത്തിന് ഭരണാനുമതി എന്നത്തേക്ക് നല്‍കാനാകുമെന്ന് വ്യക്തമാക്കുമോ ?

ചൂളക്കടവ് പാലം നിര്‍മ്മാണം

ശ്രീ. സി. കൃഷ്ണന്‍

പയ്യന്നൂര്‍ മണ്ഡലത്തിലെ രാമന്തളിയെ പയ്യന്നൂര്‍ നഗരസഭയുമായി ബന്ധിപ്പിക്കുന്ന ചൂളക്കടവ് പാലം നിര്‍മ്മാണത്തിന് മലബാര്‍ പാക്കേജില്‍ ഉള്‍പ്പെടുത്തി തുക അനുവദിച്ച് വര്‍ഷങ്ങള്‍ കഴിഞ്ഞിട്ടും പാലംപണി ആരംഭിക്കാത്തതിന്റെ കാരണം വ്യക്തമാക്കാമോ?

അറോക്കുംതോട് പാലവും താഴെതലയാട് പാലവും നവീകരണം

ശ്രീ. പുരുഷന്‍ കടലുണ്ടി

(എ) ബാലുശ്ശേരി-എകരൂല്‍-കക്കയം റോഡില്‍ ഗതാഗതക്കുരുക്ക് സൃഷ്ടിക്കുന്നതും പഴകിയതുമായ അറോക്കുംതോട് പാലവും താഴെതലയാട് പാലവും നവീകരിക്കുന്നതിന് ഉദ്ദേശിക്കുന്നുണ്ടോ;

(ബി) ഉണ്ടെങ്കില്‍ നടപടികളുടെ പുരോഗതി അറിയിക്കുമോ?

തോട്ടുകര പാലം, ഓര്‍ച്ച പാലം എന്നിവയുടെ നിര്‍മ്മാണം

ശ്രീ. കെ. കുഞ്ഞിരാമന്‍ (തൃക്കരിപ്പൂര്‍)

(എ) മലബാര്‍ പാക്കേജില്‍ പെടുത്തി ജില്ലയില്‍ അനുവദിച്ച തോട്ടുകരപാലം, ഓര്‍ച്ച പാലം എന്നിവയുടെ നിര്‍മ്മാണം നാളിതുവരെ നടത്താന്‍ കഴിയാത്തതിന്റെ കാരണം വ്യക്തമാക്കുമോ;

(ബി) ഈ പ്രവൃത്തി എപ്പോള്‍ ആരംഭിക്കാന്‍ കഴിയുമെന്ന് വ്യക്തമാക്കുമോ ?

അഴിമാവ്കടവ് പാലം, പഴുവില്‍ പാലം, കലാഞ്ഞി പാലം എന്നിവയുടെ നിര്‍മ്മാണം

ശ്രീമതി. ഗീതാ ഗോപി

(എ) നാട്ടിക നിയോജക മണ്ഡലത്തിലെ അഴിമാവ്കടവ് പാലം, പഴുവില്‍ പാലം, കലാഞ്ഞിപാലം എന്നിവയുടെ നിര്‍മ്മാണ പുരോഗതി അറിയിക്കുമോ ;

(ബി) ഇവയുടെ പ്രവൃത്തികളിലെ കാലതാമസം ഒഴിവാക്കുന്നതിന് അടിയന്തിരമായി നടപടികള്‍ സ്വീകരിക്കുമോ ;

(സി) പ്രസ്തുത പാലങ്ങളുടെ നിര്‍മ്മാണം എന്ന് പൂര്‍ത്തിയാക്കാന്‍ കഴിയുമെന്ന് വ്യക്തമാക്കാമോ ?

മൊയ്തുപ്പാലത്തിന് സമാന്തരമായി ബന്ധിപ്പിക്കുന്ന പുതിയപാലം

ശ്രീ. കോടിയേരി ബാലകൃഷ്ണന്‍

(എ) തലശ്ശേരിയേയും കണ്ണൂരിനേയും ബന്ധിപ്പിക്കുന്ന മൊയ്തു പ്പാലത്തിന് സമാന്തരമായി പുതിയപാലം നിര്‍മ്മിക്കുന്നതിനുള്ള നടപടിക്രമങ്ങള്‍ ഏത് ഘട്ടത്തിലാണെന്ന് വെളിപ്പെടുത്തുമോ;

(ബി) പ്രസ്തുത പണി എന്നത്തേക്ക് പൂര്‍ത്തീകരിക്കാന്‍ കഴിയുമെന്ന് വെളിപ്പെടുത്തുമോ?

കോട്ടപ്പുറം പാലം പണി

ശ്രീ. കെ. കുഞ്ഞിരാമന്‍ (തൃക്കരിപ്പൂര്‍)

(എ) മലബാര്‍ പാക്കേജില്‍ ഉള്‍പ്പെടുത്തി അനുവദിച്ച കോട്ടപ്പുറം പാലം പണി രണ്ടുവര്‍ഷത്തിലധികമായിട്ടും പുരോഗതിയില്ലാത്ത വിവരം ശ്രദ്ധയില്‍പ്പെടുത്തിയിട്ടും യാതൊരു നടപടിയും സ്വീകരിക്കാത്തതിന്റെ കാരണം വ്യക്തമാക്കുമോ;

(ബി) ഈ പ്രവൃത്തി ഏറ്റെടുത്ത കരാറുകാരന്റെ മെല്ലെപോക്കിനുള്ള കാരണം വ്യക്തമാക്കുമോ?

അത്തിപ്പൊറ്റപ്പാലത്തിന്റെ പുനര്‍ നിര്‍മ്മാണം

ശ്രീ.എ.കെ.ബാലന്‍

(എ) തരൂര്‍ മണ്ഡലത്തിലെ അത്തിപ്പൊറ്റപ്പാലത്തിന്റെ പുനര്‍ നിര്‍മ്മാണം ഉടനെ ആരംഭിക്കുമോ; ഇതിനായുളള നടപടിക്രമങ്ങള്‍ വ്യക്തമാക്കുമോ;

(ബി) പ്രസ്തുത നിര്‍മ്മാണത്തിന് എത്ര രൂപയുടെ ഭരണാനുമതിയാണ് ലഭിച്ചിട്ടുളളത്?

കോഴിക്കോട് അരയിടത്ത് പാലത്തിന് കിഴക്കുള്ള പാലം നിര്‍മ്മാണം

ശ്രീ. എ. പ്രദീപ്കുമാര്‍

(എ) കോഴിക്കോട് അരയിടത്ത് പാലത്തിന് കിഴക്കുള്ള പാലം നിര്‍മ്മാണം എന്നാണ് ആരംഭിച്ചതെന്ന് വിശദമാക്കുമോ;

(ബി) ഈ പാലം നിര്‍മ്മാണത്തിന് പൊതുമരാമത്ത് വകുപ്പ് തുടക്കം മുതല്‍ ഇതുവരെ സ്വീകരിച്ച എല്ലാ നടപടികളുടെയും വിശദാംശങ്ങള്‍, ഫയല്‍ നമ്പര്‍, തീയതി എന്നിവ സഹിതം വ്യക്തമാക്കുമോ?

ശ്രീ. സി. മൊയ്തുവിന്റെ പെന്‍ഷന്‍ ആനുകൂല്യം

ശ്രീ. കെ.എം. ഷാജി

(എ) പൊതുമരാമത്ത് ഇറിഗേഷന്‍ വകുപ്പുകള്‍ ബൈഫര്‍ക്കേറ്റ് ചെയ്യും മുമ്പ് പ്രസ്തുത വകുപ്പില്‍ ജൂനിയര്‍ എന്‍ജിനീയര്‍ തസ്തികയില്‍ ജോലി നോക്കിയശേഷം കേന്ദ്ര സര്‍വ്വീസില്‍ നിയമനം ലഭിച്ച് റിട്ടയര്‍ ചെയ്ത കോഴിക്കോട് ചേവായൂര്‍ വൃന്ദാവന്‍ കോളനി നിവാസി ശ്രീ. സി. മൊയ്തുവിന്റെ സംസ്ഥാന സര്‍വ്വീസ് പെന്‍ഷന്‍ കണക്കാക്കി കിട്ടാത്തതു സംബന്ധിച്ച് 29-8-2011-ല്‍ സമര്‍പ്പിച്ച അപേക്ഷ ശ്രദ്ധയില്‍പ്പെട്ടിട്ടുണ്ടോ ;

(ബി) പൊതുമരാമത്ത് വകുപ്പിന്റെ വിഭജനംമൂലം, അദ്ദേഹം നല്കിയ നിരവധി അപേക്ഷകളില്‍ അര്‍ഹമായ പരിശോധനയും പരിഗണനയും ഉണ്ടായിട്ടില്ലെന്ന വസ്തുത പരിഗണിച്ച് ഇക്കാര്യത്തില്‍ അടിയന്തിരമായ തീരുമാനം കൈക്കൊള്ളാന്‍ നിര്‍ദ്ദേശം നല്കുമോ ?