Questions

ആര്‍.ജി.ജി.വി.വൈ.

ശ്രീ. സണ്ണി ജോസഫ്

,, പാലോട് രവി

,, വി. ഡി. സതീശന്‍

,, തേറമ്പില്‍ രാമകൃഷ്ണന്‍

(എ)ആര്‍.ജി.ജി.വി.വൈ. പ്രകാരമുളള പ്രവൃത്തികളുടെ പുരോഗതി എന്തെല്ലാമാണെന്ന് വ്യക്തമാക്കുമോ;

(ബി)പ്രസ്തുത പദ്ധതി സമയബന്ധിതമായി പൂര്‍ത്തീകരിക്കുന്നതിനുളള തടസങ്ങള്‍ എന്തെല്ലാമാണെന്ന് വിശദമാക്കുമോ;

(സി)എങ്കില്‍ അത് പരിഹരിക്കുന്നതിന് സ്വീകരിച്ച നടപടികള്‍ എന്തൊക്കെയാണെന്ന് വിശദമാക്കുമോ ?

വൈദ്യുതി ആവശ്യകത

ശ്രീ. ഇ. പി. ജയരാജന്‍

പ്രൊഫ. സി. രവീന്ദ്രനാഥ്

ശ്രീ. എം. ചന്ദ്രന്‍

,, കെ. കെ. ജയചന്ദ്രന്‍

(എ)18-ാം പവര്‍ സര്‍വ്വെ പ്രകാരം കേരളത്തിന്റെ ഭാവി വൈദ്യുതി ആവശ്യകതയുടെ വിശദാംശങ്ങള്‍ വ്യക്തമാക്കുമോ ;

(ബി)ഈ ആവശ്യകത പൂര്‍ണ്ണമായും നിറവേറ്റാന്‍ കഴിയുമെന്ന് പ്രതീക്ഷിക്കുന്നുണ്ടോ ;

(സി)ഭാവി ആവശ്യകത നിറവേറ്റുന്നതിനായി കേരളത്തില്‍ ഓരോ വര്‍ഷവും പുതുതായി ആവിഷ്കരിക്കുന്ന പദ്ധതികളുടെ വിശദാംശങ്ങള്‍ ലഭ്യമാക്കുമോ ;

(ഡി)പ്രസ്തുത പദ്ധതികള്‍ വഴി പവര്‍ സര്‍വ്വേയില്‍ കണക്കാക്കിയിട്ടുള്ള ആവശ്യകത നിറവേറ്റാന്‍ കഴിയുമോ ; ഇല്ലെങ്കില്‍ ഓരോ വര്‍ഷവും പ്രതീക്ഷിക്കുന്ന കമ്മിയെത്ര;

(ഇപ്രസ്തുത കമ്മി നികത്തുന്നതിനുള്ള നടപടികള്‍ വിശദമാക്കുമോ ?

കേന്ദ്രവിഹിതമായി ലഭിക്കുന്ന വൈദ്യുതി

ശ്രീ.എം. ഹംസ

(എ)ഈ സാമ്പത്തിക വര്‍ഷം കേന്ദ്രത്തില്‍ നിന്ന് നാളിതുവരെ കേന്ദ്ര വിഹിതമായി എത്ര മെഗാവാട്ട് വൈദ്യുതി ലഭിച്ചു; വിശദാംശം ലഭ്യമാക്കാമോ;

(ബി)മുന്‍ വര്‍ഷങ്ങളില്‍ നിന്നും വ്യത്യസ്തമായി കേന്ദ്ര വിഹിതത്തില്‍ വര്‍ദ്ധനവുണ്ടായോ; വ്യക്തമാക്കാമോ ?

(സി)2006 മുതല്‍ 2011 വരെ ഓരോ വര്‍ഷത്തിലും ലഭിച്ച കേന്ദ്ര വിഹിതത്തിന്റെ കണക്ക് വ്യക്തമാക്കാമോ;

(ഡി)ഈ സാമ്പത്തിക വര്‍ഷം എപ്പോഴെങ്കിലും പവര്‍കട്ടോ ലോഡ് ഷെഡ്ഡിംഗോ ഉണ്ടായിട്ടുണ്ടോ; എങ്കില്‍ എത്ര ദിവസമെന്ന് വ്യക്തമാക്കുമോ;

(ഇ)ജലസംഭരണികളിലേയ്ക്കുള്ള നീരൊഴുക്ക് മുന്‍ വര്‍ഷത്തെക്കാളും കൂടിയിട്ടുണ്ടോ;

(എഫ്)എങ്കില്‍ പവര്‍കട്ടും, ലോഡ്ഷെഡ്ഡിംഗും ഏര്‍പ്പെടുത്തുവാനുണ്ടായ കാരണം വിശദീകരിക്കാമോ ?

കൂടംകുളം നിലയത്തില്‍ നിന്നും കേരളത്തിന് അര്‍ഹമായ വൈദ്യുതി

ശ്രീ. വി.ഡി. സതീശന്‍

'' തേറമ്പില്‍ രാമകൃഷ്ണന്‍

'' ബെന്നി ബഹനാന്‍

'' റ്റി.എന്‍. പ്രതാപന്‍

(എ)കൂടംകുളം ആണവ വൈദ്യുതി നിലയത്തില്‍ നിന്ന് കേരളത്തിന് അര്‍ഹമായ വൈദ്യുതി ലഭിക്കുവാന്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ;

(ബി)ഗാഡ്ഗില്‍ സൂത്രവാക്യം അനുസരിച്ച് എത്ര ശതമാനം വൈദ്യുതിയാണ് കേരളത്തിന് അര്‍ഹമായിട്ടുള്ളത്;

(സി)എത്ര മെഗാവാട്ട് വൈദ്യുതിയാണ് കേന്ദ്രത്തോട് ആവശ്യപ്പെട്ടിട്ടുള്ളത്; വിശദാംശങ്ങള്‍ നല്‍കുമോ?

വൈദ്യുതി ബോര്‍ഡിന്റെ പുന:സംഘടന

ശ്രീ. മുല്ലക്കര രത്നാകരന്‍

,, ചിറ്റയം ഗോപകുമാര്‍

,, കെ. രാജു

,, ജി. എസ്. ജയലാല്‍

(എ)വൈദ്യുതി ബോര്‍ഡിന്റെ പുന:സംഘടനയെക്കുറിച്ച് പഠിക്കുന്നതിനായി നിയോഗിച്ച വിദഗ്ദ്ധ സമിതിയുടെ റിപ്പോര്‍ട്ട് പരിഗണനയിലുണ്ടോ; എങ്കില്‍ പ്രസ്തുത റിപ്പോര്‍ട്ടിലെ പ്രധാന ശുപാര്‍ശകള്‍ എന്തെല്ലാമാണ്;

(ബി)സംസ്ഥാന താല്പര്യം മുന്‍നിര്‍ത്തി വൈദ്യുതി നിയമം നിര്‍മ്മിക്കണമെന്ന് പ്രസ്തുത റിപ്പോര്‍ട്ടില്‍ ശുപാര്‍ശ ചെയ്തിട്ടുണ്ടോ; ഉണ്ടെങ്കില്‍ പ്രസ്തുത ശുപാര്‍ശയിന്മേലുളള അഭിപ്രായം എന്താണെന്ന് വ്യക്തമാക്കുമോ ?

കമ്പനിവല്‍ക്കരണം കൊണ്ടുണ്ടാകുന്ന നേട്ടങ്ങള്‍

ശ്രീ. പി. തിലോത്തമന്‍

(എ)വൈദ്യുതി ബോര്‍ഡിനെ കമ്പനിയാക്കുന്നതുകൊണ്ട് കേരളത്തിലെ ജനങ്ങള്‍ക്കും വിദ്യുച്ഛക്തി ബോര്‍ഡിനും ജീവനക്കാര്‍ക്കും ഉണ്ടാകുന്ന നേട്ടങ്ങള്‍ എന്തെല്ലാമാണെന്ന് വ്യക്തമാക്കുമോ;

(ബി)വൈദ്യുതി ബോര്‍ഡ് കമ്പനിവല്‍ക്കരണം എന്ന ആശയം പുന: പരിശോധിക്കാന്‍ നടപടി സ്വീകരിക്കുമോ ?

വൈദ്യതി ബോര്‍ഡിന്റെ കമ്പനിവല്‍ക്കരണം നിയമനിര്‍മ്മാണത്തിലൂടെ

ശ്രീ. കെ. അജിത്

(എ)വൈദ്യുതി ബോര്‍ഡിനെ കമ്പനിയാക്കുന്നതിനുളള നടപടികള്‍ ഇപ്പോള്‍ ഏതു ഘട്ടത്തിലാണെന്ന് വ്യക്തമാക്കുമോ;

(ബി)കമ്പനിവല്‍ക്കരണത്തിലൂടെ മറ്റു സംസ്ഥാനങ്ങള്‍ക്കുണ്ടായ ഗുണദോഷങ്ങള്‍ പരിശോധിക്കുമോ;

(സി)ഗുജറാത്ത് വൈദ്യുതി ബോര്‍ഡിനെ കമ്പനിയാക്കിയപ്പോള്‍ ട്രാന്‍സ്ഫര്‍ സ്കീമിന് ഗുജറാത്ത് നിയമസഭ നിയമനിര്‍മ്മാണം നടത്തി രാഷ്ട്രപതിയുടെ അംഗീകാരം വാങ്ങിയകാര്യം ശ്രദ്ധയില്‍പ്പെട്ടിട്ടുണ്ടോ;

(ഡി)കേരള സംസ്ഥാന വൈദ്യുതി ബോര്‍ഡിനെ സര്‍ക്കാര്‍ ഉത്തരവിലൂടെ പകരം കമ്പനിയാക്കുന്നതിന് നിയമനിര്‍മ്മാണം നടത്തുന്നതിന് നടപടി സ്വീകരിക്കുമോ;

(ഇ)സംസ്ഥാന വൈദ്യതി ബോര്‍ഡിനെ കമ്പനിവത്ക്കരിക്കുന്നത് നിയമനിര്‍മ്മാണത്തിലൂടെ ആകണമെന്ന വൈദ്യുതി ബോര്‍ഡ് ജീവനക്കാരുടെ ആവശ്യം ശ്രദ്ധയില്‍പ്പെട്ടിട്ടുണ്ടോ;

(എഫ്)ഇക്കാര്യത്തില്‍ ജീവനക്കാര്‍ക്കുളള ആശങ്കള്‍ ശ്രദ്ധയില്‍പ്പെട്ടിട്ടുണ്ടോ;

(ജി)കമ്പനിവത്ക്കരണ നടപടികള്‍ സംബന്ധിച്ച് ബോര്‍ഡിലെ പെന്‍ഷന്‍കാരുടെ ആശങ്കള്‍ പരിഹരിക്കുവാന്‍ എന്തു നടപടികളാണ് സ്വീകരിക്കാന്‍ ഉദ്ദേശിക്കുന്നത്?

ചെറുകിട ജലവൈദ്യുത പദ്ധതികള്‍ കമ്മീഷന്‍ ചെയ്യുന്നതിനുളള നടപടികള്‍

ശ്രീ. കെ.മുരളീധരന്‍

,, ജോസഫ് വാഴക്കന്‍

,, ഐ.സി.ബാലകൃഷ്ണന്‍

,, വി.പി.സജീന്ദ്രന്‍

(എ)ഈ സര്‍ക്കാരിന്റെ കാലത്ത് ചെറുകിട ജലവൈദ്യുത പദ്ധതികള്‍ പൂര്‍ത്തീകരിക്കുന്നതിനും കമ്മീഷന്‍ ചെയ്യുന്നതിനും സ്വീകരിച്ചിട്ടുളള നടപടികള്‍ എന്തെല്ലാം; വിശദമാക്കാമോ;

(ബി)പ്രസ്തുത പദ്ധതികളിലൂടെ എത്ര മെഗാവാട്ട് വൈദ്യുതിയാണ് ഉല്പാദിപ്പിക്കുവാന്‍ ഉദ്ദേശിക്കുന്നത് എന്ന് വിശദമാക്കുമോ;

(സി)എത്ര ചെറുകിട ജലസേചന പദ്ധതികളുടെ സിവില്‍ ജോലികള്‍ ആരംഭിച്ചിട്ടുണ്ട്, വിശദാംശങ്ങള്‍ ലഭ്യമാക്കുമോ?

ചെറുതും വലുതുമായ ജലവൈദ്യുത പദ്ധതികളുടെ സ്ഥാപിതശേഷിയും ഉല്പാദനവും

ശ്രീ. ഇ. പി. ജയരാജന്‍

(എ)സംസ്ഥാനത്ത് ചെറുതും വലുതമായ എത്ര ജലവൈദ്യുത പദ്ധതികളാണ് പ്രവര്‍ത്തന സജ്ജമായിട്ടുള്ളതെന്നു വ്യക്തമാക്കുമോ ;

(ബി)പ്രസ്തുത ജലവൈദ്യുത പദ്ധതികളുടെ സ്ഥാപിതശേഷി എത്ര മെഗാവാട്ട് ആണെന്നു വ്യക്തമാക്കുമോ ;

(സി)പ്രസ്തുത ജലവൈദ്യുത പദ്ധതികളില്‍ നിന്നും എത്ര മെഗാവാട്ട് വൈദ്യുതി ഉല്പാദിപ്പിക്കുവാന്‍ കഴിയുന്നുണ്ടെന്നു വ്യക്തമാക്കുമോ ;

(ഡി)സ്ഥാപിതശേഷിയില്‍ വൈദ്യുതി ഉല്പാദിപ്പിക്കുവാന്‍ കഴിയാത്ത പദ്ധതികളില്‍ നിന്നും സ്ഥാപിതശേഷിക്കുതുല്യമായി ഉല്പാദനം നടത്തുവാന്‍ ലക്ഷ്യമിട്ടു കൊണ്ട് എന്തെങ്കിലും നടപടികള്‍ സ്വീകരിച്ചിട്ടുണ്ടോയെന്നു വ്യക്തമാക്കുമോ ?

ഉത്പാദനമേഖലയില്‍ പുതിയ പദ്ധതികള്‍

ശ്രീ. എ.കെ. ബാലന്‍

(എ)2006 മെയ് മുതല്‍ 2011 മെയ് വരെയുള്ള കാലയളവില്‍ വൈദ്യുതി ഉല്‍പാദനമേഖലയില്‍ ഏതെല്ലാം പുതിയ പദ്ധതികള്‍ക്ക് രൂപം നല്‍കി; ഏതെല്ലാം പദ്ധതികള്‍ക്ക് കേന്ദ്ര ഗവണ്‍മെന്റിന്റെ വിവിധ വകുപ്പുകളുടെ അനുമതി ലഭിച്ചു;

(ബി)ഈ കാലയളവില്‍ ഏതെല്ലാം പദ്ധതികളുടെ പ്രവര്‍ത്തനോദ്ഘാടനം നടന്നു; ഏതെല്ലാം പദ്ധതികളുടെ നിര്‍മ്മാണ പ്രവര്‍ത്തനങ്ങള്‍ ആരംഭിച്ചു;

(സി)ഈ കാലയളവില്‍ എത്ര പദ്ധതികള്‍ കമ്മീഷന്‍ ചെയ്തുവെന്നും പ്രസ്തുത പദ്ധതികളുടെ ഉല്‍പാദനശേഷിയെത്രയെന്നും വ്യക്തമാക്കുമോ;

(ഡി)ഈ പദ്ധതികളിലൂടെ എത്ര മെഗാവാട്ട് വൈദ്യുതി അധികമായി ഉല്‍പാദിപ്പിക്കാനാകുമെന്ന് പദ്ധതി അടിസ്ഥാനത്തില്‍ വ്യക്തമാക്കുമോ;

(ഇ)2011 മെയ് മാസത്തിനുശേഷം വൈദ്യുതി ഉല്‍പാദനം വര്‍ദ്ധിപ്പിക്കാന്‍ സ്വീകരിച്ച നടപടികള്‍ വിശദമാക്കുമോ?

"ഭാരത് നിര്‍മ്മാണ്‍ പദ്ധതി”

ശ്രീ. ഇ.കെ. വിജയന്‍

(എ)കേന്ദ്ര വിഹിതത്തിന് പുറമേ സംസ്ഥാനത്തിന് ഏതൊക്കെ സ്ഥലങ്ങളില്‍ നിന്ന് എത്ര യൂണിറ്റ് വൈദ്യൂതി ലഭിക്കുന്നുണ്ടെന്ന് വ്യക്തമാക്കാമോ;

(ബി)രാജ്യത്തെ ഒരു ലക്ഷം ഗ്രാമങ്ങള്‍ വൈദ്യുതീകരിക്കാനുള്ള "ഭാരത് നിര്‍മ്മാണ്‍ പദ്ധതി” കേരളത്തില്‍ എവിടെയാണ് നടപ്പിലാക്കിയിട്ടുള്ളത് എന്ന് വ്യക്തമാക്കാമോ?

ചിമ്മിനി ഡാമില്‍ നിന്നും വൈദ്യുതി ഉല്പാദനം

പ്രൊഫ. സി. രവീന്ദ്രനാഥ്

(എ)പുതുക്കാട് മണ്ഡലത്തിലെ ചിമ്മിനി ഡാമില്‍ നിന്നും വൈദ്യുതി ഉല്പാദിപ്പിക്കുന്നതിനുള്ള പ്രവര്‍ത്തനം ഇതുവരെ ആരംഭിച്ചിട്ടില്ലായെന്നത് ശ്രദ്ധയില്‍പ്പെട്ടിട്ടുണ്ടോ ;

(ബി)എങ്കില്‍ അടിയന്തിരമായി ആരംഭിക്കുവാന്‍ നടപടി സ്വീകരിക്കുമോ ?

ബാരാപോള്‍ ജലവൈദ്യുതി പദ്ധതി

ശ്രീ. സണ്ണി ജോസഫ്

(എ)ബാരാപോള്‍ ജലവൈദ്യുതി പദ്ധതിയുടെ പ്രവര്‍ത്തനം ഏത് ഘട്ടത്തിലാണ്;

(ബി) പ്രസ്തുത പദ്ധതി സമയബന്ധിതമായി പൂര്‍ത്തീകരിക്കുന്നതിന് സ്വീകരിച്ചിട്ടുളള നടപടികള്‍ എന്തെല്ലാമാണ്;

(സി)പ്രസ്തുത പദ്ധതിയൂടെ ആവശ്യത്തിന് സ്ഥലം ഏറ്റെടുക്കുമ്പോള്‍ ഒഴിവാക്കപ്പെടുന്നവരുടെ പുനരധിവാസത്തിന് സ്വീകരിച്ചിട്ടുളള നടപടികളുടെ പുരോഗതി വ്യക്തമാക്കാമോ ?

കണ്ണൂര്‍ ജില്ലയിലെ ആര്‍.ജി.ജി.വൈ. പ്രകാരമുള്ള വൈദ്യുതീകരണം

ശ്രീ. സി. കൃഷ്ണന്‍

(എ)കണ്ണൂര്‍ ജില്ലയിലെ ചെറുപുഴ, പെരിങ്ങോം-വയക്കര, കാങ്കോല്‍-ആലപ്പമ്പ പഞ്ചായത്തുകളില്‍ മുന്‍സര്‍ക്കാര്‍ ആരംഭിച്ച ആര്‍.ജി.ജി.വൈ. പ്രകാരമുള്ള വൈദ്യുതീകരണം പൂര്‍ത്തീകരിച്ചിട്ടുണ്ടോ;

(ബി)എങ്കില്‍ എത്ര പഞ്ചായത്തുകളിലാണ് പദ്ധതി പൂര്‍ത്തീകരിച്ചിട്ടുള്ളതെന്ന് വ്യക്തമാക്കുമോ?

കോഴിക്കോട് ജില്ലയിലെ ആര്‍.ജി.ജി.ഇ.വൈ പദ്ധതി

ശ്രീ. പി.റ്റി.എ റഹീം

(എ)കോഴിക്കോട് ജില്ലയിലെ ആര്‍.ജി.ജി.ഇ.വൈ പദ്ധതി പ്രവര്‍ത്തനം വിലയിരുത്തിയിട്ടുണ്ടോ;

(ബി)കരാര്‍ എടുത്ത സ്ഥാപനം സമയബന്ധിതമായിപ്രവൃത്തി പൂര്‍ത്തീകരിക്കാത്ത സാഹചര്യത്തില്‍ സമ്പൂര്‍ണ്ണ വൈദ്യുതീകരണ പദ്ധതി പുനരാരംഭിക്കാന്‍ സാധിക്കുമോയെന്നറിയിക്കുമോ?

വൈദ്യുതി ബോര്‍ഡിന്റെ 2012-13 വര്‍ഷത്തെ വരവ്-ചെലവ് കണക്ക്

ശ്രീ. വി.എസ്. സുനില്‍ കുമാര്‍

'' വി. ശശി

'' ഇ.കെ. വിജയന്‍

'' ഇ. ചന്ദ്രശേഖരന്‍

(എ)വൈദ്യുതി റഗുലേറ്ററി കമ്മീഷന്‍ അംഗീകരിച്ച വൈദ്യുതി ബോര്‍ഡിന്റെ 2012-13 വര്‍ഷത്തെ വരവ്-ചെലവ് കണക്കു കളനുസരിച്ച് മൊത്തം വരവും ചെലവും എത്രയാണ്; അതില്‍ എത്ര തുക കമ്മി പ്രതിക്ഷിക്കുന്നു;

(ബി)പ്രസ്തുത കമ്മി നികത്തുന്നതിന് വൈദ്യുതി ചാര്‍ജ്ജ് വര്‍ദ്ധിപ്പിക്കാന്‍ ഉദ്ദേശിക്കുന്നുണ്ടോ; ഉണ്ടെങ്കില്‍ എത്ര എന്ന് വ്യക്തമാക്കാമോ;

(സി)വൈദ്യുതി ഉല്പാദനത്തിനും വിലയ്ക്കു വാങ്ങുന്നതിനുമായി ബോര്‍ഡ് ആവശ്യപ്പെട്ട തുക എത്രയെന്നും കമ്മീഷന്‍ അംഗീകരിച്ച തുക എത്രയെന്നും വ്യക്തമാക്കാമോ?

പ്രതിദിന വൈദ്യുതി ഉപഭോഗം

ശ്രീ. പി. ഉബൈദുള്ള

(എ)സംസ്ഥാനത്തിന്റെ ശരാശരി ദൈനംദിന വൈദ്യുതി ഉപഭോഗം എത്രയാണ്;

(ബി)കേന്ദ്രസര്‍ക്കാര്‍, അന്യസംസ്ഥാനങ്ങള്‍, മറ്റു ഏജന്‍സികള്‍ എന്നിവ വഴി വൈദ്യുതി വാങ്ങുന്നുണ്ടോ; എങ്കില്‍ അതിന്റെ കണക്കുകള്‍ വ്യക്തമാക്കാമോ;

(സി)സംസ്ഥാനത്തിന്റെ വര്‍ദ്ധിച്ചുവരുന്ന വൈദ്യുതി ഉപഭോഗം കണക്കിലെടുത്ത് പാരമ്പര്യേതര ഊര്‍ജ്ജ വിഭവങ്ങള്‍ വികസിപ്പിക്കുവാന്‍ നടപടികള്‍ സ്വീകരിക്കുമോ?

വൈദ്യുതി ചോര്‍ച്ച തടയുന്നതിനുളള നടപടികള്‍

ശ്രീ. മോന്‍സ് ജോസഫ്

,, തോമസ് ഉണ്ണിയാടന്‍

,, സി. എഫ്. തോമസ്

,, റ്റി. യൂ. കുരുവിള

(എ)പ്രസരണ വിതരണ സംവിധാനങ്ങളിലൂടെ 20% വരെ വൈദ്യുതി നഷ്ടപ്പെടുന്നത് തടയുന്നതിന് സ്വീകരിച്ചിട്ടുളള നടപടികള്‍ എന്തൊക്കെയാണെന്ന് വ്യക്തമാക്കാമോ;

(ബി)വിവിധ രീതിയില്‍ വൈദ്യുതി ചോര്‍ച്ച ഉണ്ടാകുന്നത് തടയുന്നതിനായി മരച്ചില്ലകള്‍ വെട്ടുക, ഗുണനിലവാരമുളള ഇലക്ട്രോണിക് മീറ്റര്‍ ഘടിപ്പിക്കുക, വൈദ്യുതി മോഷണം തടയുക എന്നിവയ്ക്ക് സ്വീകരിച്ചുവരുന്ന നടപടികള്‍ എന്തെന്ന് വ്യക്തമാക്കാമോ ?

വാര്‍ഷിക വൈദ്യുതി നിരക്കു വര്‍ദ്ധന

ശ്രീ. എ.എ.അസീസ്

,, കോവൂര്‍ കുഞ്ഞുമോന്‍

(എ)സംസ്ഥാനത്ത് ഓരോ വര്‍ഷവും വൈദ്യുതി നിരക്ക് വര്‍ദ്ധിപ്പിക്കണമെന്ന് കെ.എസ്.ഇ.ബി. വൈദ്യുതി റഗുലേറ്ററി കമ്മീഷനോട് ആവശ്യപ്പെട്ടിട്ടുണ്ടോ;

(ബി)എങ്കില്‍ ഇങ്ങനെ ആവശ്യപ്പെടാനുളള സാഹചര്യം എന്താണെന്ന് വ്യക്തമാക്കുമോ;

(സി)കെ.എസ്.ഇ.ബിയുടെ ഈ നിലപാടിനോടുളള സര്‍ക്കാര്‍ സമീപനം എന്താണെന്ന് വ്യക്തമാക്കുമോ?

വൈദ്യുതി ചാര്‍ജ്ജ് വര്‍ദ്ധനവ്

ശ്രീ. എം. എ. ബേബി

,, എസ്. ശര്‍മ്മ

,, എസ്. രാജേന്ദ്രന്‍

,, കെ. കുഞ്ഞമ്മത് മാസ്റര്‍

(എ)സംസ്ഥാനത്ത് ഏതൊക്കെ രീതിയില്‍ വൈദ്യുതി ചാര്‍ജ്ജ് വര്‍ദ്ധന വരുത്താനാണ് ഇലക്ട്രിസിറ്റി ബോര്‍ഡ് റെഗുലേറ്ററി കമ്മീഷനോട് ആവശ്യം ഉന്നയിച്ചിരിക്കുന്നത്;

(ബി)നിലവില്‍ നല്‍കിവരുന്ന സൌജന്യങ്ങള്‍ എന്തെങ്കിലും വെട്ടിക്കുറയ്ക്കാന്‍ നിര്‍ദ്ദേശമുണ്ടോ;

(സി)റെഗുലേറ്ററി കമ്മീഷന്‍ ഇക്കാര്യത്തില്‍ ഇതുവരെയായി എന്തെല്ലാം നടപടികള്‍ സ്വീകരിച്ചുവെന്ന് വ്യക്തമാക്കുമോ?

വൈദ്യുതിനിരക്ക് വര്‍ദ്ധനവ്

ശ്രീമതി കെ. എസ്. സലീഖ

(എ)വൈദ്യുതി നിരക്ക് വര്‍ദ്ധിപ്പിക്കുവാന്‍ തീരുമാനിച്ചിട്ടുണ്ടോ; എങ്കില്‍ നിരക്ക് വര്‍ദ്ധന എന്നത്തേക്ക് പ്രാബല്യത്തില്‍ വരുത്തുവാനാണ് ഉദ്ദേശിക്കുന്നത്; വിശദമാക്കാമോ;

(ബി)ഈ സര്‍ക്കാര്‍ അധികാരമേറ്റശേഷം ഇപ്രകാരം എത്ര തവണ വൈദ്യുതി നിരക്ക് കൂട്ടി; എപ്പോഴെല്ലാമെന്ന് വ്യക്തമാക്കുമോ;

(സി)നിലവിലുള്ള നിരക്കില്‍ നിന്നും എത്ര ശതമാനം വര്‍ദ്ധന വരുത്തുവാനാണ് ഉദ്ദേശിക്കുന്നത്; ഇത് റഗുലേറ്ററി കമ്മിഷന്‍ എത്രയായി നിജപ്പെടുത്തിയിട്ടുണ്ട്; വിശദമാക്കുമോ;

(ഡി)ഇപ്രകാരം നിരക്ക് കൂടുമ്പോള്‍ ഉപഭോക്താക്കളില്‍ നിന്നും എത്ര കോടി രൂപയുടെ അധികവരുമാനമാണ്പ്രതീക്ഷിക്കുന്നത്;

(ഇ) 2002-ന് ശേഷം ആദ്യമായിട്ടാണ് വൈദ്യുതി നിരക്ക് കൂട്ടാന്‍ തീരുമാനിച്ചിരിക്കുന്നത് എന്ന കാര്യം പരിശോധനയ്ക്ക് വിധേയമാക്കിയിട്ടുണ്ടോ; വ്യക്തമാക്കുമോ;

(എഫ്)ഗാര്‍ഹിക ഉപഭോക്താക്കള്‍ക്ക് ഏതു നിരക്കില്‍ ഫിക്സ്ഡ് ചാര്‍ജ് എര്‍പ്പെടുത്തുവാനാണ് ബോര്‍ഡ് ഉദ്ദേശിക്കുന്നത്; അതുവഴി എത്ര കോടി രൂപ സമാഹരിക്കുവാനാണ് ബോര്‍ഡ് ഉദ്ദേശിക്കുന്നതെന്ന് വ്യക്തമാക്കുമോ; ഫിക്സഡ് ചാര്‍ജ് ഏര്‍പ്പെടുത്തുന്നത് ഗാര്‍ഹിക ഉപഭോക്താക്കളെ ദോഷകരമായി ബാധിക്കുമോ എന്ന കാര്യം പരിശോധിച്ചിട്ടുണ്ടോ എന്ന് വ്യക്തമാക്കുമോ?

വൈദ്യുതി ചാര്‍ജ്ജ് വര്‍ദ്ധന

ശ്രീ. മുല്ലക്കര രത്നാകരന്‍

വൈദ്യുതി ചാര്‍ജ്ജ് വര്‍ദ്ധനവ് ഗാര്‍ഹിക ഉപഭോക്താക്കള്‍ക്കും ബാധകമാക്കാന്‍ ഉദ്ദേശിക്കുന്നുണ്ടോ ?

2011 മെയ്, 2012 മെയ് എന്നീ മാസങ്ങളിലെ വൈദ്യുതി ചാര്‍ജ്

ശ്രീ. കെ. വി. വിജയദാസ്

2011 മെയ് 2012 മെയ് എന്നീ മാസങ്ങളില്‍ ഗാര്‍ഹിക ഉപയോഗത്തിന് 1 യൂണിറ്റ് വൈദ്യുതിയുടെ ചാര്‍ജ് എത്രയെന്നുള്ള വിവരം ലഭ്യമാക്കുമോ?

വൈദ്യുതി നിരക്കിലെ കാലോചിതമായ വര്‍ദ്ധന

ശ്രീ. സി. ദിവാകരന്‍

ശ്രീമതി ഇ. എസ്. ബിജിമോള്‍

ശ്രീ. ജി. എസ്. ജയലാല്‍

,, പി. തിലോത്തമന്‍

(എ)വൈദ്യുതി നിരക്ക് കാലോചിതമായി വര്‍ദ്ധിപ്പിക്കണമെന്ന വൈദ്യുതി ബോര്‍ഡിന്റെ ആവശ്യം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഈ വര്‍ഷം എത്ര ശതമാനം വര്‍ദ്ധനയാണ് ആവശ്യപ്പെട്ടിട്ടുളളതെന്ന് വ്യക്തമാക്കുമോ;

(ബി)എങ്കില്‍ ഈ വര്‍ദ്ധനവിലൂടെ ഗാര്‍ഹിക ഉപഭോക്താക്കളില്‍ നിന്നും ഒരു മാസം എന്ത് തുക വൈദ്യുതി ബോര്‍ഡിന് പിരിച്ചെടുക്കുവാന്‍ കഴിയുമെന്ന് വെളിപ്പെടുത്തുമോ;

(സി)ഗാര്‍ഹിക ഉപഭോക്താക്കള്‍ക്ക് താരിഫ് വര്‍ദ്ധനയിലൂടെ ഉണ്ടാകുന്ന ഭാരം കുറയ്ക്കാന്‍ ഗവണ്‍മെന്റ് സബ്സിഡി നല്‍കാന്‍ സാദ്ധ്യതയുണ്ടോ;

(ഡി)പീക് അവറില്‍ അധികചാര്‍ജ്ജ് വേണമെന്ന ആവശ്യത്തിന്മേലുളള അഭിപ്രായം എന്താണെന്ന് വെളിപ്പെടുത്തുമോ ?

സര്‍വ്വീസ് കണക്ഷന്‍-മാനദണ്ഡങ്ങള്‍

ശ്രീ. പാലോട് രവി

,, പി. സി. വിഷ്ണുനാഥ്

,, സണ്ണി ജോസഫ്

,, പി. എ. മാധവന്‍

(എ)സര്‍വ്വീസ് കണക്ഷന്‍ ലഭിക്കുന്നതിന് ഏര്‍പ്പെടുത്തിയിട്ടുള്ള നിയന്ത്രണത്തില്‍ എന്തെല്ലാം ഇളവുകളാണ് കെ.എസ്.ഇ.ബി അനുവദിച്ചിട്ടുള്ളത്; വിശദമാക്കാമോ;

(ബി)ആരാധനാലയങ്ങള്‍ക്കും പാര്‍ട്ടി ഓഫീസുകള്‍ക്കും കണക്ഷന്‍ ലഭിക്കുന്നതിന് നിലവിലുള്ള മാനദണ്ഡത്തില്‍ വരുത്തിയിട്ടുള്ള മാറ്റങ്ങള്‍ എന്തെല്ലാം;

(സി)അനധികൃത കണക്ഷനുകള്‍ എടുക്കുന്നവര്‍ക്കെതിരെ സ്വീകരിക്കുന്ന നടപടികളില്‍ എന്തെല്ലാം മാറ്റങ്ങളാണ് വരുത്തിയിട്ടുള്ളതെന്ന് വ്യക്തമാക്കുമോ?

വൈദ്യുതി കണക്ഷന്‍ ലഭിക്കുന്നതിനുള്ള നടപടികള്‍ ലഘൂകരിക്കല്‍

ശ്രീ. ലൂഡി ലൂയിസ്

,, എ.പി.അബ്ദുള്ളക്കുട്ടി

,, കെ. അച്ചുതന്‍

,, അന്‍വര്‍ സാദത്ത്

(എ)വൈദ്യുതി കണക്ഷനുകള്‍ ലഭിക്കുന്നതിനുള്ള നടപടികള്‍ ലഘൂകരിച്ചിട്ടുണ്ടോ എന്ന് വിശദമാക്കുമോ;

(ബി)എങ്കില്‍ ഏതെല്ലാം രേഖകളുടെ അടിസ്ഥാനത്തിലാണ് വൈദ്യുതി കണക്ഷന്‍ നല്‍കാന്‍ നടപടി സ്വീകരിച്ചിട്ടുള്ളത്;

(സി)നടപടികള്‍ ലഘൂകരിക്കുന്നതു കൊണ്ടുള്ള പ്രയോജനം ഏത് വിഭാഗത്തിലുള്ള ഉപഭോക്താക്കള്‍ക്കാണ് ലഭിക്കുന്നതെന്ന് വ്യക്തമാക്കുമോ?

ഗാര്‍ഹിക വൈദ്യുതി കണക്ഷന്‍

ശ്രീ. പി. ഉബൈദുള്ള

(എ)ഗാര്‍ഹിക വൈദ്യുതി കണക്ഷനുകള്‍ ലഭ്യമാക്കുന്നതിന് സംസ്ഥാനത്തെ ബി.പി.എല്‍ കുടുംബങ്ങള്‍ക്ക് വൈദ്യുതി വകുപ്പ് എന്തെങ്കിലും ആനുകൂല്യങ്ങള്‍ നല്‍കിവരുന്നുണ്ടോ; എങ്കില്‍ വിശദാംശം നല്‍കുമോ;

(ബി)ഗാര്‍ഹിക വൈദ്യുതി കണക്ഷന്‍ ലഭിക്കുന്നതിന് ഒന്നോ രണ്ടോ വൈദ്യുതി പോസ്റുകള്‍ ആവശ്യമുള്ള കേസുകളില്‍ ബി.പി.എല്‍ കുടുംബങ്ങള്‍ക്ക് അവ സൌജന്യമായി ലഭ്യമാക്കുന്നതിന് നടപടികള്‍ സ്വീകരിക്കുമോ?

വ്യവസായ ശാലകളുടെ വൈദ്യുതി ഉപഭോഗം - പരിശോധനാ സംവിധാനം

ശ്രീ. പി.ബി. അബ്ദുള്‍ റസാക്

,, സി. മോയിന്‍കുട്ടി

,, സി. മമ്മൂട്ടി

,, പി. ഉബൈദുള്ള

(എ)സംസ്ഥാനത്തെ സര്‍ക്കാര്‍, അര്‍ദ്ധസര്‍ക്കാര്‍, സ്വകാര്യ വ്യവസായ ശാലകളുടെ യന്ത്രസംവിധാനത്തിന്റെ ഊര്‍ജ്ജക്ഷമത പരിശോധിക്കാനും ക്ഷമതകുറഞ്ഞവയുടെ ന്യൂനതകള്‍ പരിഹരിക്കാനും ഏര്‍പ്പെടുത്തിയിട്ടുള്ള പരിശോധനാ സംവിധാനം സംബന്ധിച്ച വിശദവിവരം നല്‍കാമോ;

(ബി)ഇതുമായി ബന്ധപ്പെട്ട് ഫാക്ടറികളുടെ പ്രതിമാസ വൈദ്യുതി ഉപഭോഗത്തിലെ പ്രകടമായ ഏറ്റക്കുറച്ചിലുകള്‍ പരിശോധിക്കാന്‍ വൈദ്യുതി ബോര്‍ഡില്‍ എന്തെങ്കിലും സംവിധാനമുണ്ടോ;

(സി)സംസ്ഥാനത്തെ വൈദ്യുത ഉപഭോഗത്തില്‍ വ്യവസായ ശാലകളുടെ പങ്ക് എത്രയാണെന്ന് വ്യക്തമാക്കുമോ;

(ഡി)ഏതെങ്കിലും മേജര്‍ വ്യവസായ സ്ഥാപനങ്ങള്‍, വൈദ്യുതി ബോര്‍ഡ് ലഭ്യമാക്കുന്ന വൈദ്യുതിയോടൊപ്പം സ്വയം ജനറേറ്റ് ചെയ്യുന്ന വൈദ്യുതി ഉപയോഗിക്കുന്നുണ്ടോ; എങ്കില്‍ വിശദവിവരം നല്‍കാമോ?

ഉപയോഗശൂന്യമായ സി.എഫ്.എല്‍ സൃഷ്ടിക്കുന്ന പാരിസ്ഥിതിക പ്രശ്നങ്ങള്‍

ശ്രീ. റോഷി അഗസ്റിന്‍

,, പി. സി. ജോര്‍ജ്

ഡോ. എന്‍. ജയരാജ്

ശ്രീ. എം. വി. ശ്രേയാംസ് കുമാര്‍

(എ) സംസ്ഥാനത്ത് സി.എഫ്.എല്‍-ന്റെ ഉപയോഗം എത്ര ശതമാനമെന്ന് അറിയിക്കുമോ;

(ബി)പ്രസ്തുത വിളക്കുകളുടെ നിര്‍മ്മാണത്തിന് ഉപയോഗിക്കുന്ന രാസവസ്തുക്കള്‍ ഏതെല്ലാമാണെന്ന് വിശദമാക്കുമോ;

(സി)ഉപയോഗശൂന്യമായ സി.എഫ്.എല്‍ മൂലമുള്ള പാരിസ്ഥിതിക പ്രശ്നങ്ങള്‍ ശ്രദ്ധയില്‍പ്പെട്ടിട്ടുണ്ടോ;

(ഡി)ഉപയോഗശൂന്യമായ പ്രസ്തുത വിളക്കുകള്‍ സൃഷ്ടിക്കുന്ന പ്രശ്നങ്ങള്‍ കണക്കിലെടുത്ത് ജനങ്ങള്‍ക്കിടയില്‍ ബോധവല്‍ക്കരണം നടത്തുന്നതിനും ഉപയോഗശൂന്യമായ വിളക്കുകള്‍ തിരികെ ശേഖരിച്ച് സുരക്ഷിതമായി നശിപ്പിക്കുന്നതിന് ഉല്പാദകരുമായി വ്യവസ്ഥ ഉണ്ടാക്കുന്നതിനും നടപടി സ്വീകരിക്കുമോ?

സോളാര്‍ ഹോം പദ്ധതി

ശ്രീ. വി. പി. സജീന്ദ്രന്‍

,, ഹൈബി ഈഡന്‍

,, വര്‍ക്കല കഹാര്‍

,, സി. പി. മുഹമ്മദ്

(എ)സോളാര്‍ ഹോം പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാമെന്ന് വിശദമാക്കുമോ;

(ബി)പദ്ധതി വഴി ലഭിക്കുന്ന വൈദ്യുതി വിതരണം ചെയ്യുന്നതെങ്ങനെയാണ്;

(സി)പ്രസ്തുത പദ്ധതിക്ക് എന്തെല്ലം സഹായമാണ് നല്‍കാനുദ്ദേശിക്കുന്നത് ?

സൂര്യജ്യോതി പദ്ധതി

ശ്രീ. വി.ഡി. സതീശന്‍

,, റ്റി.എന്‍. പ്രതാപന്‍

,, പി.എ. മാധവന്‍

,, എ.പി. അബ്ദുള്ളക്കുട്ടി

(എ)സൂര്യജ്യോതി പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാം;

(ബി)ഏതെല്ലാം ഏജന്‍സി വഴിയാണ് പ്രസ്തുത പദ്ധതി നടപ്പാക്കുന്നത്;

(സി)ഏതെല്ലാം വിഭാഗക്കാര്‍ക്കാണ് ഈ പദ്ധതിയുടെ പ്രയോജനം ലഭിക്കുന്നത്;

തിരമാലയില്‍ നിന്നും വൈദ്യുതി

ശ്രീ. എന്‍.എ.നെല്ലിക്കുന്ന്

,, എം.പി. അബ്ദുസ്സമദ് സമദാനി

,, പി.കെ.ബഷീര്‍

,, എന്‍.ഷംസുദ്ദീന്‍

(എ)തിരമാലയില്‍ നിന്നും വൈദ്യുതി ഉല്പാദിപ്പിക്കുന്ന കാര്യത്തില്‍ സംസ്ഥാന കൈവരിച്ച നേട്ടം വിശദമാക്കുമോ;

(ബി)തിരമാലയില്‍ നിന്നും എത്രമാത്രം ഊര്‍ജ്ജം ഉല്പാദിപ്പിക്കാം എന്നത് സംബന്ധിച്ച് പഠനം നടത്തിയിട്ടുണ്ടോ;

(സി)പൈലറ്റ് പ്രോജക്ട് എവിടെ സ്ഥാപിച്ചുവെന്നും ഏത് സാങ്കേതിക വിദ്യയാണ് ഉപയോഗപ്പെടുത്തിയതെന്നും വ്യക്തമാക്കാമോ?

(ഡി)പ്രസ്തുത സാങ്കേതിക വിദ്യ ഫലപ്രദമാണെന്ന് കണ്ടെത്തിയിട്ടുണ്ടോ; എങ്കില്‍ എത്ര മെഗാവാട്ട് വൈദ്യുതി പ്രതിദിനം ഉല്‍പാദിപ്പിക്കാന്‍ കഴിയുമെന്നാണ് പ്രതീക്ഷിക്കുന്നത്; വ്യക്തമാക്കാമോ?

തിരമാലയില്‍ നിന്നും വൈദ്യുതി

ശ്രീമതി ജമീലാ പ്രകാശം

(എ)തിരമാലകളില്‍ നിന്നും വൈദ്യുതി ഉത്പാദിപ്പിക്കുന്നതിനുള്ള ഒരു പ്രോജക്ട് വിഴിഞ്ഞത്ത് പ്രവര്‍ത്തിച്ചിരുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി)എങ്കില്‍ അത് സംബന്ധിച്ച വിശദാംശങ്ങള്‍ വ്യക്തമാക്കാമോ;

(സി)സംസ്ഥാനം അഭിമുഖീകരിക്കുന്ന ഊര്‍ജ്ജപ്രതിസന്ധി കണക്കിലെടുത്ത് തിരമാലകളില്‍ നിന്ന് വൈദ്യുതി ഉത്പാദിപ്പിക്കുന്നതിനുള്ള പദ്ധതി വ്യാപകമാക്കുന്നതിന് നടപടി സ്വീകരിക്കുമോ?

സോളാര്‍ ഫോട്ടോ വോള്‍ട്ടേയ്ജ് ഇന്‍വെര്‍ട്ടേഴ്സ് സ്ഥാപിക്കുന്നതിനുള്ള നടപടികള്‍

ശ്രീ. എ. കെ. ബാലന്‍

(എ)പീക്ക് ലോഡ് കുറയ്ക്കുന്നതിനുള്ള സോളാര്‍ ഫോട്ടോ വോള്‍ട്ടെയ്ജ് ഇന്‍വെര്‍ട്ടേഴ്സ് സ്ഥാപിക്കുന്നതിനുള്ള പദ്ധതിയുടെ വിശദാംശങ്ങള്‍ നല്‍കാമോ;

(ബി)പ്രസ്തുത പദ്ധതി എന്നത്തേക്ക് നടപ്പിലാക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ?

ജൈവ ദ്രവ്യ ഉല്പാദനയൂണിറ്റുകളും പ്രവര്‍ത്തനവും

ശ്രീ. എ. കെ. ബാലന്‍

(എ)ഈ സര്‍ക്കാര്‍ അധികാരമേറ്റ ശേഷം സംസ്ഥാനത്തെ ഏതെല്ലാം നഗരങ്ങളില്‍ ജൈവദ്രവ്യ ഊര്‍ജ്ജ ഉല്പാദന യൂണിറ്റുകള്‍ സ്ഥാപിച്ചിട്ടുണ്ടെന്ന് വ്യക്തമാക്കുമോ;

(ബി)ഓരോ യൂണിറ്റിനും എന്ത് തുക ചെലവായി; പ്രസ്തുത യൂണിറ്റുകളില്‍ നിന്നും ഉല്പാദനം ആരംഭിച്ചിട്ടുണ്ടോ; പ്രസ്തുത യൂണിറ്റുകളില്‍ നിന്നും എന്തൊക്കെയാണ് ഉല്പാദിപ്പിക്കുന്നത്; വിശദാംശങ്ങള്‍ നല്‍കാമോ?

മുന്‍സര്‍ക്കാരിന്റെ കാലത്ത് ഏര്‍പ്പെടുത്തിയ ലോഡ് ഷെഡിംഗ്

ശ്രീ. എ. കെ. ബാലന്‍

(എ)മുന്‍സര്‍ക്കാരിന്റെ കാലത്ത് സംസ്ഥാനവ്യാപകമായി ലോഡ്ഷെഡിംഗ് ഏര്‍പ്പെടുത്തിയിരുന്നത് എത്ര ദിവസങ്ങളിലായിരുന്നു എന്നും അത് ഏതെല്ലാം കാലയളവുകളില്‍ ആയിരുന്നു എന്നതിന്റേയും വിശദാംശങ്ങള്‍ ലഭ്യമാക്കുമോ;

(ബി)പ്രസ്തുത ലോഡ് ഷെഡിംഗ് ആരുടെ നിര്‍ദ്ദേശപ്രകാരമായിരുന്നു; ഇത് സംബന്ധിച്ച് കെ.എസ്.ഇ.ബി പുറപ്പെടുവിച്ച ഉത്തരവുകളുടെ പകര്‍പ്പ് ലഭ്യമാക്കുമോ;

(സി)പ്രസ്തുത ലോഡ് ഷെഡിംഗ് ഏര്‍പ്പെടുത്താനുണ്ടായ സാഹചര്യം വിശദമാക്കുമോ?

ലോഡ്ഷെഡിംഗ്

ശ്രീ. കെ. ശിവദാസന്‍ നായര്‍

,, സി. പി. മുഹമ്മദ്

,, വര്‍ക്കല കഹാര്‍

,, ഡൊമിനിക് പ്രസന്റേഷന്‍

(എ)മുന്‍ സര്‍ക്കാരിന്റെ കാലത്ത് എപ്പോഴെല്ലാമാണ് ലോഡ്ഷെഡിംഗ് ഏര്‍പ്പെടുത്തിയിരുന്നത് ; വിശദമാക്കുമോ ;

(ബി)ലോഡ്ഷെഡിംഗ് ഏര്‍പ്പെടുത്തിയ സമയത്ത് വൈദ്യുതിയുടെ ആവശ്യവും ഉല്പാദനവും തമ്മിലുള്ള അന്തരം എത്രയായിരുന്നു;

(സി)ഈ സര്‍ക്കാര്‍ ലോഡ്ഷെഡിംഗ് ഏര്‍പ്പെടുത്താനുണ്ടായ അടിയന്തിര സാഹചര്യമെന്തായിരുന്നുവെന്ന് വ്യക്തമാക്കാമോ ?

ആര്‍.എ.പി, ഡി.ആര്‍.പി എന്നീ നവീകൃത ഊര്‍ജ്ജ വികസന പദ്ധതികള്‍

ശ്രീ. എം. ഹംസ

(എ) ആര്‍.എ.പി, ഡി.ആര്‍.പി എന്നീ നവീകൃത ഊര്‍ജ്ജ വികസന പദ്ധതി എന്ന പരിഷ്ക്കരണ പദ്ധതി എന്നാണ് ഒപ്പുവച്ചത് ; വിശദാംശം നല്‍കാമോ ;

(ബി) ചതുഷ്കോണ ഉടമ്പടി എന്നാണ് ഒപ്പ് വച്ചത് ; പദ്ധതിയുടെ വിശദാംശം ഉദ്ദേശ്യലക്ഷ്യങ്ങള്‍ എന്നിവ വിശദീകരിക്കാമോ ;

(സി)പദ്ധതിയുടെ പുരോഗതി വ്യക്തമാക്കാമോ ; പ്രസ്തുത പദ്ധതിയുടെ പ്രവര്‍ത്തനം സ്തംഭിച്ചിട്ടുണ്ടെങ്കില്‍ അതിനുളള കാരണം വ്യക്തമാക്കാമോ ;

(ഡി)ഇക്കാര്യത്തില്‍ തടസ്സങ്ങള്‍ ഉണ്ടെങ്കില്‍ അത് നീക്കം ചെയ്യാന്‍ എന്തെല്ലാം നടപടികള്‍ സ്വീകരിക്കു വാനാണ് ഉദ്ദേശിക്കുന്നതെന്ന് വ്യക്തമാക്കാമോ ;

(ഇ)പ്രസ്തുത പദ്ധതികളില്‍ എത്ര പദ്ധതികള്‍ക്കാണ് കേന്ദ്രാനുമതി ലഭിച്ചത് ; വിശദാംശം ലഭ്യമാക്കാമോ ?

വൈദ്യുതി പോസ്റുകളുടെ ഗുണമേന്മ

ശ്രീ. കെ. മുഹമ്മദുണ്ണി ഹാജി

(എ) വൈദ്യുതി പോസ്റുകളുടെ ഗുണമേന്മ ഉറപ്പുവരുത്തുന്നതിന് സ്വീകരിച്ച നടപടികള്‍ വിശദമാക്കുമോ ;

(ബി) കോണ്‍ക്രീറ്റ് പോസ്റുകളില്‍ കനം കൂടിയ കമ്പികള്‍ക്ക് പകരം ഇരുമ്പ് വയര്‍ ഉപയോഗിക്കുന്നത് മൂലം പോസ്റുകള്‍ ഒടിഞ്ഞ് വീഴുന്നു എന്ന റിപ്പോര്‍ട്ടുകള്‍ ശ്രദ്ധയില്‍വന്നിട്ടുണ്ടോ ;

(സി) എങ്കില്‍ പോള്‍ കാസ്റിംഗ് യൂണിറ്റുകളില്‍ കെ.എസ്.ഇ.ബി എഞ്ചിനീയര്‍മാരുടെ സാന്നിദ്ധ്യവും പരിശോധനയും കര്‍ശനമാ ക്കുന്നതിന് നടപടി സ്വീകരിക്കുമോ ?

വൈദ്യുതി പോസ്റുകള്‍ കേബിള്‍ റ്റി.വി. ശൃംഖലയ്ക്ക് അനുവദിക്കുമ്പോള്‍ ഈടാക്കുന്ന ചാര്‍ജ്

ഡോ. കെ. ടി. ജലീല്‍

(എ)വൈദ്യുതി പോസ്റുകള്‍ കേബിള്‍ ടി.വി. ആവശ്യത്തിന് നല്‍കുമ്പോള്‍ ചെറുകിട കേബിള്‍ ടി.വി ഓപ്പറേറ്റര്‍മാരോടും വന്‍കിട കമ്പനികളോടും കെ.എസ്.ഇ.ബി. വിവേചനപരമായി പെരുമാറുന്നു എന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)കേബിള്‍ ടി.വി ആവശ്യത്തിന് വൈദ്യുതി പോസ്റുകള്‍ ഉപയോഗിക്കുമ്പോള്‍ ഒരു പോസ്റിന് നിലവില്‍ എത്രരൂപയാണ് ചെറുകിട കേബിള്‍ ടി.വി. ഓപ്പറേറ്റര്‍മാര്‍, വന്‍കിട കേബിള്‍ ടി.വി. കമ്പനികള്‍ എന്നിവരില്‍ നിന്നും കെ.എസ്.ഇ.ബി. ഈടാക്കുന്നതെന്ന് വ്യക്തമാക്കാമോ;

(സി)1998 ല്‍ ചെറുകിട കേബിള്‍ ടി.വി. ഓപ്പറേറ്റര്‍മാര്‍ക്ക് ഒരു പോസ്റിന് 17 രൂപയും വന്‍കിട കമ്പനികള്‍ക്ക് 10 രൂപയുമായിരുന്നോ ഈടാക്കിയിരുന്നതെന്ന് വ്യക്തമാക്കാമോ;

(ഡി)2012 ല്‍ ചെറുകിട കേബിള്‍ ടി.വി. ഓപ്പറേറ്റര്‍മാരില്‍നിന്ന് ഒരു പോസ്റിനുളള വാടക 108 രൂപയാക്കിയപ്പോള്‍ ചെറുകിടക്കാരുടെ വാര്‍ഷിക വര്‍ദ്ധനവ് 12.5% വും വന്‍കിടക്കാരുടേത് 5% വും ആക്കി നിജപ്പെടുത്തിയത് എന്ത് മാനദണ്ഡത്തിന്റെ അടിസ്ഥാനത്തിലായിരുന്നു എന്ന് വിശദമാക്കാമോ ?

കേബിള്‍ ടി. വി . ഓപ്പറേറ്റര്‍മാരില്‍ നിന്നും ഈടാക്കുന്ന തുക

ഡോ. കെ. ടി. ജലീല്‍

(എ)ചെറുകിട കേബിള്‍ ടി. വി. ഓപ്പറേറ്റര്‍മാര്‍ക്ക് വൈദ്യുതി പോസ്റ് അനുവദിക്കുമ്പോള്‍ അവരില്‍ നിന്നും വരിസംഖ്യ മുന്‍കൂറായി കെ.എസ്.ഇ.ബി വാങ്ങാറുണ്ടോ;

(ബി)എങ്കില്‍ ഇതുപോലെ വന്‍കിട കേബിള്‍ ടി. വി. കമ്പനിക്കാരില്‍ നിന്നും വരിസംഖ്യ മുന്‍കൂറായി ഈടാക്കാറുണ്ടോ എന്ന് വ്യക്തമാക്കുമോ;

(സി)ഈ ഇനത്തില്‍ വന്‍കിട കേബിള്‍ ടി.വി ഓപ്പറേറ്റിംഗ് കമ്പനികളില്‍ നിന്നും കെ. എസ്. ഇ. ബി ക്ക് കുടിശ്ശിക ലഭിക്കുവാനുണ്ടോ; ഉണ്ടെങ്കില്‍ എത്ര രൂപ ലഭിക്കാനുണ്ടെന്ന് വ്യക്തമാക്കുമോ;

(ഡി)വന്‍കിട കേബിള്‍ ടി.വി. കമ്പനികളില്‍ നിന്നും കുടിശ്ശിക ഈടാക്കാനുള്ള എന്തെല്ലാം നടപടികളാണ് കെ.എസ്.ഇ.ബി കൈക്കൊണ്ടിട്ടുള്ളതെന്ന് വ്യക്തമാക്കുമോ?

  next page>>