13KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >1^st Session>Unstarred questions Answers

Answer Provided

Answer Not Yet Provided

FOURTEENTH KLA - 2nd SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

തുറമുഖ വകുപ്പിനു കീഴിലുള്ള കടവുകളിലെ മണല്‍ ഖനനം

1122.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	തുറമുഖ വകുപ്പിനു കീഴിലുള്ള കടവുകളിലെ മണല്‍ ഖനനവും വിൽപ്പനയുമായി ബന്ധപ്പെട്ട് ഉയര്‍ന്നുവന്ന അഴിമതി ആരോപണങ്ങളും അവയുടെ നിജസ്ഥിതിയും പരിശോധിച്ചിട്ടുണ്ടോ;എങ്കില്‍,ഇക്കാര്യത്തില്‍ സര്‍ക്കാരിന്റെ നിഗമനവും നിലപാടും എന്താണെന്ന് വ്യക്തമാക്കാമോ;

(ബി)	തുറമുഖ വകുപ്പിനു കീഴിലുള്ള കടവുകളിലെ മണല്‍ ഖനനത്തിനും വിപണനത്തിനും പുതിയനയം രൂപവല്‍ക്കരിക്കാന്‍ തീരുമാനിച്ചിട്ടുണ്ടോ;എങ്കില്‍ വിശദാംശം നല്‍കുമോ;

(സി)	തുറമുഖ വകുപ്പിനു കൂടുതല്‍ വരുമാനം ലഭിക്കുന്നതിനും അര്‍ഹരായവര്‍ക്കു യഥാസമയം മണല്‍ ലഭ്യമാക്കുന്നതിനും ഇപ്പോഴുള്ള വ്യവസ്ഥകള്‍ സുതാര്യമാണെന്ന അഭിപ്രായമുണ്ടോ; ഇല്ലെങ്കില്‍, ഇക്കാര്യത്തില്‍ എന്ത് നടപടികള്‍ സ്വീകരിക്കാനാണുദ്ദേശിക്കുന്നത്?

കൊച്ചി-അഴീക്കാട് കപ്പല്‍ സര്‍വീസ്

1123.

ശ്രീ.വി.ഡി.സതീശന്‍
,, വി.ടി.ബല്‍റാം
,, സണ്ണി ജോസഫ്
,, അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കൊച്ചി-അഴീക്കാട് കപ്പല്‍ സര്‍വീസ് തുടങ്ങുന്നതിന് എന്തെല്ലാം കര്‍മ്മ പദ്ധതികളാണ് ആവിഷ്ക്കരിച്ചിട്ടുള്ളതെന്ന് വ്യക്തമാക്കാമോ;

(ബി)	ഗതാഗത ചെലവില്‍ ഗണ്യമായ ലാഭവും പാരിസ്ഥിതിക കാര്യത്തില്‍ അനുകൂല ഫലവും എത്രമാത്രം ഉണ്ടാകുമെന്നാണ് പ്രതീക്ഷിക്കുന്നത്; വിശദമാക്കുമോ;

(സി)	യാത്രാകപ്പല്‍ സര്‍വ്വീസ് എന്നുമുതല്‍ തുടങ്ങാനാണ് ലക്ഷ്യമിട്ടിരിക്കുന്നത്;വിശദാംശങ്ങള്‍ ലഭ്യമാക്കുമോ?

താനൂര്‍ ഹാര്‍ബറിന്റെ ഡ്രഡ്ജിങ് ജോലികള്‍

1124.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	താനൂര്‍ ഹാര്‍ബറിന്റെ ഡ്രഡ്ജിങ് ജോലികള്‍ ചില സാങ്കേതിക കാരണങ്ങളാല്‍ മുടങ്ങിയത് ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഇതു പരിഹരിച്ച് മണ്ണ് എടുക്കാനുള്ള നടപടികള്‍ ഏതുവരെയായി;

(സി)	പ്രസ്തുത പ്രവൃത്തികള്‍ വേഗത്തില്‍ പൂര്‍ത്തിയാക്കാനുള്ള നടപടികള്‍ കൈക്കൊള്ളുമോ?

വിഴിഞ്ഞം രാജ്യാന്തര തുറമുഖ പദ്ധതി

T 1125.

ശ്രീ.പാറക്കല്‍ അബ്ദുുല്ല : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം രാജ്യാന്തര തുറമുഖ പദ്ധതിക്ക് പരിസ്ഥിതി അനുമതി നല്‍കിയ കേന്ദ്ര പരിസ്ഥിതി മന്ത്രാലയത്തിന്റെ തീരുമാനം ദേശീയ ഹരിത ട്രിബ്യൂണല്‍ അംഗീകരിയ്ക്കുകയുണ്ടായോ;

(ബി)	പദ്ധതി പ്രവര്‍ത്തനം നിരീക്ഷിച്ച് റിപ്പോര്‍ട്ട് നല്‍കുന്നതിന് ട്രിബ്യൂണല്‍ ഒരു സമിതിക്ക് രൂപം നല്‍കിയിട്ടുണ്ടോ;

(സി)	പ്രസ്തുത പദ്ധതിയുമായി ബന്ധപ്പെട്ട് തടസ്സങ്ങള്‍ ഉണ്ടോ ; വിശദാംശങ്ങള്‍ ലഭ്യമാക്കാമോ;

(ഡി)	തടസ്സങ്ങള്‍ ഇല്ലെങ്കില്‍ പദ്ധതി എന്നത്തേക്ക് പൂര്‍ത്തിയാക്കാനാകുമെന്നാണ് പ്രതീക്ഷിക്കുന്നതെന്ന് വിശദമാക്കാമോ?

വിഴിഞ്ഞം രാജ്യാന്തര തുറമുഖ പദ്ധതി

1126.

ശ്രീ.സി. ദിവാകരന്‍
,, ജി.എസ്.ജയലാല്‍
ശ്രീമതി ഗീതാ ഗോപി
ശ്രീ.കെ. രാജന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം രാജ്യാന്തര തുറമുഖ പദ്ധതിയുടെ നിര്‍മ്മാണം എന്നത്തേക്ക് പൂര്‍ത്തികരിക്കാനാകുമെന്ന് വ്യക്തമാക്കുമോ;

(ബി)	തുറമുഖത്തിനോട് അനുബന്ധിച്ച് ഇന്ത്യന്‍ നേവി, കോസ്റ്റ് ഗാര്‍ഡ് സ്റ്റേഷനുകള്‍ കേന്ദ്രസര്‍ക്കാര്‍ ആരംഭിക്കുന്നത് സംബന്ധിച്ച് എന്തെങ്കിലും അറിവുലഭിച്ചിട്ടുണ്ടോ;

(സി)	പ്രസ്തുത ആവശ്യത്തിലേക്ക് കൂടുതല്‍ ഭൂമി കണ്ടെത്തി നല്‍കേണ്ടി വരുമോ; വ്യക്തമാക്കുമോ;

(ഡി)	ഈ പദ്ധതി ചെലവിനത്തില്‍ ഭൂമിയുടെ വില അടക്കം എത്ര കോടി രൂപ സംസ്ഥാനത്തിന്റേതായി ചെലവഴിച്ചിട്ടുണ്ട്; പ്രസ്തുത പദ്ധതിയുടെ നടത്തിപ്പില്‍ സംസ്ഥാന സര്‍ക്കാരിന്റെ പങ്ക് വിശദമാക്കുമോ ?

വിഴിഞ്ഞം അന്താരാഷ്ട്ര തുറമുഖ പദ്ധതി

1127.

ശ്രീ.ടി.എ.അഹമ്മദ് കബീര്‍
ഡോ.എം. കെ. മുനീര്‍
ശ്രീ.വി.കെ.ഇബ്രാഹിം കുഞ്ഞ്
,, പാറക്കല്‍ അബ്ദുുല്ല : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	നിര്‍ദ്ദിഷ്ട കുളച്ചല്‍ തുറമുഖ പദ്ധതി യാഥാര്‍ത്ഥ്യമായാല്‍ വിഴിഞ്ഞം അന്താരാഷ്ട്ര തുറമുഖ പദ്ധതിക്ക് ഉണ്ടാകാവുന്ന ഭീഷണികളെക്കുറിച്ച് പരിശോധിച്ചിട്ടുണ്ടോയെന്ന് വിശദമാക്കുമോ;

(ബി)	ഇക്കാര്യത്തില്‍ സംസ്ഥാനത്തിന്റെ ആശങ്കകളും അഭിപ്രായങ്ങളും കേന്ദ്ര സര്‍ക്കാരിനെ അറിയിച്ചിട്ടുണ്ടോ; അതിന്റെ പ്രതികരണം എന്താണെന്ന് വ്യക്തമാക്കുമോ;

(സി)	വിഴിഞ്ഞം തുറമുഖ പദ്ധതി എന്നത്തേയ്ക്ക് പൂര്‍ത്തിയാക്കാനാണ് ലക്ഷ്യമിട്ടിട്ടുള്ളത്; പ്രസ്തുത കാലപരിധിക്കുള്ളില്‍ പൂര്‍ത്തിയാക്കി, പ്രവര്‍ത്തനം ആരംഭിക്കാന്‍ സ്വീകരിച്ച നടപടികള്‍ വിശദമാക്കുമോ?

തിരുവനന്തപുരം വലിയതുറ കടല്‍പ്പാലം

1128.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരം ജില്ലയിലെ വലിയതുറ കടല്‍പ്പാലം അപകടാവസ്ഥയിലാണെന്നുള്ളത് ശ്രദ്ധയില്‍പ്പെട്ടിട്ടുണ്ടോ;

(ബി)	ഈ കടല്‍പ്പാലം നവീകരിച്ച് വിനോദസഞ്ചാരികള്‍ക്ക് തുറന്നു കൊടുക്കുന്നതിനുള്ള പദ്ധതി പരിഗണനയിലുണ്ടോ; എങ്കില്‍ പദ്ധതി എത്രയും വേഗം നടപ്പിലാക്കുന്നതിന് നടപടി സ്വീകരിക്കുമോ?

തെയ്യം മ്യൂസിയം സ്ഥാപിക്കുന്നതിന് നടപടി

1129.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കണ്ണൂര്‍ ജില്ലയിലെ കല്ല്യാശ്ശേരി മണ്ഡലത്തിലെ കടന്നപ്പള്ളി - പാണപ്പുഴ ഗ്രാമപഞ്ചായത്തിലെ ചന്തപ്പുരയില്‍ പി.ഡബ്ല്യു.ഡി.യുടെ അധീനതയിലുള്ള മാങ്ങാട്മൊട്ട എന്ന സ്ഥലത്ത് തെയ്യം മ്യൂസിയം സ്ഥാപിക്കുന്നതിന് സമര്‍പ്പിച്ച നിവേദനത്തിന്മേല്‍ എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദാംശം നല്‍കുമോ ?

ചരിത്ര പ്രാധാന്യമുള്ള കെട്ടിടം

1130.

ഡോ.എം. കെ. മുനീര്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	തലസ്ഥാനത്ത് ഒബ്സര്‍വേറ്ററിക്കുവേണ്ടി രാജഭരണ കാലത്ത് നിര്‍മ്മിച്ച ചരിത്ര പ്രാധാന്യമുള്ള കെട്ടിടം നാശാവസ്ഥയിലാണെന്ന വസ്തുത ആരെങ്കിലും വകുപ്പിന്റെ ശ്രദ്ധയില്‍പ്പെടുത്തിയിരുന്നോ; എങ്കില്‍ എന്ന് എന്നുവ്യക്തമാക്കുമോ;

(ബി)	പുരാവസ്തു സംരക്ഷണ നിയമപ്രകാരം കെട്ടിടം ഏറ്റെടുത്തു സംരക്ഷിക്കാന്‍ എന്തെങ്കിലും നടപടി വകുപ്പ് സ്വീകരിച്ചിട്ടുണ്ടോ; വിശദമാക്കുമോ;

(സി)	ഇല്ലെങ്കില്‍ അതിനുള്ള കാരണം വിശദമാക്കാമോ?

ചെമ്പന്‍ കൊലുമ്പന്‍ സമാധി നവീകരണം

1131.

ശ്രീ.റോഷി അഗസ്റ്റിന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ടൂറിസം വകുപ്പിന്റെ ഫണ്ട് വിനിയോഗിച്ച്,പുരാവസ്തുവകുപ്പ് മുഖേന നിര്‍മ്മിക്കുന്ന ഇടുക്കി ആദിവാസി ഗോത്രത്തലവന്‍ ചെമ്പന്‍ കൊലുമ്പന്റെ സമാധിസ്ഥലം നവീകരിക്കുന്നതിനുള്ള നടപടികള്‍ ഏതുഘട്ടത്തിലാണെന്ന് വ്യക്തമാക്കുമോ;

(ബി)	പ്രസ്തുത പദ്ധതിയുടെ നിര്‍മ്മാണത്തിന് എത്ര തുക അനുവദിച്ചെന്നും ആയതിന് ഭരണാനുമതി ലഭിച്ചത് എന്നാണെന്നും വ്യക്തമാക്കുമോ;

(സി)	പ്രസ്തുത പദ്ധതിയുടെ നിര്‍മ്മാണം എന്ന് ആരംഭിക്കാന്‍ കഴിയുമെന്ന് വ്യക്തമാക്കുമോ?

കുഞ്ഞാലി മരയ്ക്കാര്‍ സ്മാരകം

1132.

ശ്രീ.കെ. ദാസന്‍ : താഴെ കാണുന്ന ചോദ്യത്തിന് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കൊയിലാണ്ടി മണ്ഡലത്തില്‍ ഉള്‍പ്പെടുന്ന കുഞ്ഞാലി മരയ്ക്കാര്‍ സ്മാരകത്തിന്റെ സംരക്ഷണവും വികസന സാധ്യതകളും പരിശോധിച്ചിട്ടുണ്ടോ;ചരിത്ര പ്രസിദ്ധമായ ഈ സ്ഥാപനത്തിന്റെ വികസനത്തിനായി പുതിയ പദ്ധതികള്‍ ആവിഷ്ക്കരിക്കുമോയെന്ന് വിശദമാക്കുമോ?

കുന്ദമംഗലം കോടതി കെട്ടിടം

1133.

ശ്രീ.പി.ടി.എ. റഹീം : താഴെ കാണുന്ന ചോദ്യത്തിന് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	1916-ല്‍ നിര്‍മ്മിച്ച കുന്ദമംഗലം കോടതി കെട്ടിടം പുരാവസ്തു വകുപ്പിന് കീഴില്‍ സംരക്ഷിക്കുന്നത് സംബന്ധിച്ച നിര്‍ദ്ദേശത്തിന്മേല്‍ സ്വീകരിച്ചുവരുന്ന നടപടികള്‍ വിശദമാക്കാമോ?

തൃപ്പുണിത്തുറ ഹില്‍ പാലസിനെ സാംസ്കാരിക സമുച്ഛയമാക്കി മാറ്റുന്നതിന് നടപടി

1134.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	തൃപ്പുണിത്തുറ ഹില്‍പാലസ് നവീകരിക്കുന്നതിനും സംരക്ഷിക്കുന്നതിനും എന്തെങ്കിലും പദ്ധതികള്‍ ആലോചനയിലുണ്ടോ; ഉണ്ടെങ്കില്‍ വിശദാംശങ്ങള്‍ അറിയിക്കുമോ;

(ബി)	ഇവിടെ കൂടുതല്‍ വികസന പ്രവര്‍ത്തനങ്ങള്‍ നടത്തി ഒരു സാംസ്കാരിക സമുച്ഛയമാക്കി മാറ്റുന്നതിന് നടപടികള്‍ സ്വീകരിക്കുമോ?

പത്മനാഭസ്വാമി ക്ഷേത്രവും പരിസരവും പുരാവസ്തു നിയമ പ്രകാരം നോട്ടിഫെെ ചെയ്യാൻ നടപടി

1135.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	തലസ്ഥാനത്തെ പത്മനാഭസ്വാമി ക്ഷേത്രവും പരിസരവും പുരാവസ്തു നിയമ പ്രകാരം നോട്ടിഫെെ ചെയ്തിട്ടുണ്ടോ; ഉണ്ടെങ്കില്‍ ക്ഷേത്രത്തെയും പരിസരത്തുള്ള എത്ര മീറ്റര്‍ സ്ഥലത്തെയും ഇതിന്റെ പരിധിയില്‍പ്പെടുത്തിയിട്ടുണ്ട്; വിശദമാക്കാമോ;

(ബി)	ഇതേവരെ നോട്ടിഫെെ ചെയ്തിട്ടില്ലായെങ്കില്‍ അതിനുള്ള കാരണം വിശദമാക്കാമോ;

(സി)	പുരാതന പെെതൃക കേന്ദ്രമായ പത്മനാഭ സ്വാമി ക്ഷേത്രവും 250 മീറ്ററിനകത്തെ നിര്‍മ്മിതികളും പുരാവസ്തു സംരക്ഷണ നിയമ പ്രകാരം നോട്ടിഫെെ ചെയ്യുന്നതിനും അനധികൃത നിര്‍മ്മിതികളും കച്ചവട സ്ഥാപനങ്ങളും ഒഴിപ്പിക്കുന്നതിനുമുള്ള നടപടി സ്വീകരിക്കുമോ?

ഉമെെത്താനകത്ത് കുഞ്ഞിഖാദര്‍ക്കുളള സ്മാരകം

1136.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യത്തിന് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)

മലബാര്‍ ലഹളക്ക് സ്മാരകങ്ങളും, വാഗണ്‍ ട്രാജഡി സ്മരണാര്‍ത്ഥം ഹാളും നിര്‍മ്മിച്ചിട്ടുണ്ട്. എന്നാല്‍ ഇതേ പ്രാധാന്യം ലഭിക്കേണ്ടതായി കരുതപ്പെടുന്ന ഉമെെത്താനകത്ത് കുഞ്ഞിഖാദര്‍ക്ക് ഉചിതമായ ഒരു സ്മാരകം നാളിതുവരെ സ്ഥാപിച്ചിട്ടില്ല എന്നത് ശ്രദ്ധയില്‍പെട്ടിട്ടുണ്ടോ;. ഇത് നിര്‍മ്മിക്കുന്നതിനാവശ്യമായ നടപടി സ്വീകരിക്കുമോ?

സംരക്ഷിതസ്മാരകങ്ങള്‍

1137.

(എ)	തലസ്ഥാന നഗരിയില്‍ വള്ളക്കടവിലെ ചരിത്രപ്രാധാന്യമുള്ള ബോട്ട് പുരയും, ബോട്ട് കവാടവും സംരക്ഷണമില്ലാതെ നശിച്ചുകൊണ്ടിരിക്കുന്ന കാര്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)	ഇതിനെ സംരക്ഷിതസ്മാരകങ്ങളുടെ പട്ടികയില്‍ പെടുത്തിയിട്ടുണ്ടെങ്കില്‍ വിശദമാക്കുമോ;

(സി)	ഇല്ലെങ്കില്‍ അടിയന്തിരമായി ഇതു സംബന്ധിച്ച് വി‍ജ്ഞാപനം പുറപ്പെടുവിച്ച് പ്രസ്തുത ചരിത്രശേഷിപ്പിനെ സംരക്ഷിക്കാന്‍ നടപടി സ്വീകരിക്കുമോ ?

Website maintained by Information System Section, Kerala Legislative Assembly, Thiruvananthapuram.