14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >5th Session>Unstarred questions Answers

Answer Provided

Answer Not Yet Provided

FOURTEENTH KLA - 5th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

ദേശീയ ഗ്രാമീണ കുടിവെളള (എന്‍.ആര്‍.ഡി.ഡബ്ല്യൂ.പി.) പദ്ധതി

5132.

ശ്രീ.കെ. കൃഷ്ണന്‍കുട്ടി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്രാവിഷ്ക്രത പദ്ധതിയായ ദേശീയ ഗ്രാമീണ കുടിവെളള (എന്‍.ആര്‍.ഡി.ഡബ്ല്യൂ.പി.) പദ്ധതിയുടെ സംസ്ഥാനത്തെ നാളിതുവരെയുളള പ്രവർത്തനങ്ങൾ, ലഭിച്ച തുക വിനിയോഗിച്ച തുക എന്നിവ സഹിതം ജില്ലാ അടിസ്ഥാനത്തിൽ വിശദീകരിക്കുമോ;

(ബി)	ഈ വർഷം സംസ്ഥാനത്ത് നടപ്പിലാക്കുവാൻ പോകുന്ന പദ്ധതികള്‍ എന്തൊക്കയാണെന്നും ഇതിനുള്ള കേന്ദ്ര സംസ്ഥാന വിഹിതം എത്രയാണെന്നും വിശദമാക്കുമോ?

വിളപ്പില്‍ ഗ്രാമപഞ്ചായത്ത് കുടിവെള്ള പദ്ധതി

5133.

ശ്രീ.ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കാട്ടാക്കട നിയോജകമണ്ഡലത്തിലെ വിളപ്പില്‍ ഗ്രാമപഞ്ചായത്ത് കുടിവെള്ള പദ്ധതി 31-3-2016 തീയതിയിലെ സ.ഉ (സാധാ) നം..330/2016/ഡബ്ളു.ആര്‍.ഡി പ്രകാരം ആരംഭിക്കുന്നതിനുള്ള നടപടിക്രമങ്ങള്‍ ഏതുവരെയായെന്ന് വിശദമാക്കുമോ;

(ബി)	പ്രവൃത്തികള്‍ എന്ന് ആരംഭിയ്ക്കാനാകുമെന്നും തുടര്‍ന്നുള്ള നടപടിക്രമങ്ങള്‍ എന്താണെന്നും വിശദമാക്കുമോ?

സി. എല്‍. ആര്‍./എച്ച്. ആര്‍. തൊഴിലാളികളുടെ ദിവസവേതനം

5134.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഇറിഗേഷന്‍ വകുപ്പിനു കീഴില്‍ ജോലി ചെയ്യുന്ന സി. എല്‍. ആര്‍./എച്ച്. ആര്‍. തൊഴിലാളികളുടെ ദിവസ വേതനം എത്രയാണ്; ഇത് പുതുക്കി നിശ്ചയിച്ചത് ഏത് വര്‍ഷമാണ്;

(ബി)	കുറ്റ്യാടി ഇറിഗേഷന്‍ പ്രോജക്ടിനു കീഴില്‍ ജോലി ചെയ്യുന്ന സി. എല്‍. ആര്‍./എച്ച്. ആര്‍. തൊഴിലാളികളുടെ ദിവസ വേതനം 300 രൂപ മാത്രമാണെന്നത് ശ്രദ്ധയില്‍പ്പെട്ടിട്ടുണ്ടോ;

(സി)	വര്‍ദ്ധിപ്പിച്ച വേതനം ഇൗ തൊഴിലാളികള്‍ക്കും ലഭിക്കുന്നതിനുള്ള തടസ്സമെന്താണെന്നറിയിക്കുമോ;വ്യക്തമാക്കുമോ?

നദീ സംരക്ഷണ പദ്ധതികള്‍ക്കായി തെരഞ്ഞെടുക്കപ്പെട്ട നദികള്‍

5135.

ശ്രീ.കെ. കൃഷ്ണന്‍കുട്ടി
,, സി.കെ.നാണു
,, എ. കെ. ശശീന്ദ്രന്‍
,, കെ.ബി.ഗണേഷ് കുമാര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	നദീ സംരക്ഷണ പദ്ധതികള്‍ക്കുവേണ്ടി എതൊക്കെ നദികളെയാണ് തെരഞ്ഞെടുത്തിട്ടുള്ളത് ;

(ബി)	ഇതിലേക്ക് കേന്ദ്ര സഹായത്തിനായി പദ്ധതി തയ്യാറാക്കി സമര്‍പ്പിച്ചിട്ടുണ്ടോ എന്ന് വ്യക്തമാക്കുമോ ;

(സി)	പ്രസ്തുത പദ്ധതിക്കായി എത്ര തുക കേന്ദ്രം അനുവദിച്ചുവെന്നും ഇത് ഏതാെക്കെ പദ്ധതികള്‍ക്കെന്നും വ്യക്തമാക്കുമോ ?

ഡാം റിഹാബിലിറ്റേഷന്‍ ആന്റ് ഇംപ്രൂവ്മെന്റ് പ്രോജക്ട്

5136.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഡാം റിഹാബിലിറ്റേഷന്‍ ആന്റ് ഇംപ്രൂവ്മെന്റ് പ്രോജക്ട് എന്ന ലോക ബാങ്ക് സ്കീമില്‍ എത്ര ഡാമുകളെ ഉള്‍പ്പെടുത്താനാണ് പദ്ധതി തയ്യാറാക്കിയിട്ടുള്ളതെന്ന് വിശദമാക്കാമോ;

(ബി)	പ്രസ്തുത പദ്ധതിയ്ക്കായി എത്ര കോടി രൂപ 2016 -17 വര്‍ഷത്തില്‍ വകയിരുത്തിയിട്ടുണ്ട്;എത്ര തുക ചെലവഴിച്ചു;

(സി)	പ്രസ്തുത ബഡ്ജറ്റ് ശീര്‍ഷകത്തില്‍ കഴിഞ്ഞ അഞ്ച് വര്‍ഷം വകയിരുത്തിയ തുകയുടെയും ചെലവാക്കിയ തുകയുടെയും കണക്കുകള്‍ വിശദമാക്കാമോ;

(ഡി)	പ്രസ്തുത പദ്ധതി നടപ്പിലാക്കുന്നതിനായി എത്ര തുകയാണ് ജീവനക്കാര്‍ക്ക് ശമ്പളയിനത്തില്‍ നല്‍കിയതെന്ന് വ്യക്തമാക്കുമോ;

(ഇ)	പ്രസ്തുത പദ്ധതിയില്‍ തുക ചെലവഴിക്കുന്നതിന് എന്ത് സാങ്കേതിക തടസ്സമാണ് നിലവിലുണ്ടായിരുന്നത്;വിശദമാക്കാമോ;

(എഫ്)

തുക ചെലവഴിക്കാന്‍ കഴിയാതെ ഫണ്ട് ലാപ്സാക്കിയ ഉദ്യോഗസ്ഥര്‍ക്കെതിരെ നടപടികള്‍ സ്വീകരിച്ചിട്ടുണ്ടോ; വിശദമാക്കുമോ?

കരമന - കിള്ളിയാറുകളെ മാലിന്യമുക്തമാക്കുന്നതിന് നടപടി

5137.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരം ജില്ലയിലെ കരമന - കിള്ളിയാറുകളെ മാലിന്യമുക്തമാക്കുന്നതിന് എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നതെന്ന് വ്യക്തമാക്കുമോ;

(ബി)	ഈ ജലസ്രോതസ്സുകളെ സംരക്ഷിക്കുന്നതിനായി കരമന - കിള്ളിയാര്‍ റിവര്‍ മാനേജ് മെന്റ് രൂപീകരിക്കുന്നതിന് നടപടി സ്വീകരിക്കുമോ; എങ്കിൽ വിശദാംശം വെളിപ്പെടുത്തുമോ ?

പമ്പ ഇറിഗേഷന്‍ പദ്ധതിയുടെ കനാലുകളുടെ പഴക്കം

5138.

ശ്രീ.കെ. കെ. രാമചന്ദ്രന്‍ നായര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	മണിയാര്‍ ഡാമില്‍ നിന്നും ആരംഭിച്ചിട്ടുള്ള പമ്പ ഇറിഗേഷന്‍ പദ്ധതിയുടെ കനാലുകളുടെ പഴക്കംമൂലം ഉണ്ടായേക്കാവുന്ന അപകടാവസ്ഥ ശ്രദ്ധയില്‍പ്പെട്ടിട്ടുണ്ടോ;

(ബി)	കനാലിന്റെ പഴക്കംമൂലം ഉണ്ടായേക്കാവുന്ന അപകടങ്ങള്‍ പരിഹരിക്കുവാന്‍ പദ്ധതി തയ്യാറാക്കിയിട്ടുണ്ടോ;വിശദീകരിക്കുമോ?

പ്രധാന നദികളുടെ സംരക്ഷണത്തിനുളള പദ്ധതികള്‍

T 5139.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പ്രധാന നദികളുടെ സംരക്ഷണത്തിനായി എന്തെല്ലാം പദ്ധതികളാണ് നടപ്പിലാക്കുവാന്‍ ഉദ്ദേശിക്കുന്നതെന്ന് വ്യക്തമാക്കുമോ;

(ബി)	ജലാശയങ്ങളും തണ്ണീര്‍തടങ്ങളും സംരക്ഷിക്കുവാന്‍ നടപടി സ്വീകരിക്കുമോയെന്ന് വ്യക്തമാക്കുമോ ?

കൊച്ചി കരുവേലിപ്പടി പമ്പ് ഹൗസിലേക്കുള്ള കാലഹരണപ്പെട്ട പൈപ്പ് ലൈന്‍ മാറ്റി സ്ഥാപിക്കുന്നതിന് നടപടി

5140.

ശ്രീ.കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കൊച്ചി നിയോജകമണ്ഡലത്തിലെ കരുവേലിപ്പടി പമ്പ് ഹൗസിലേക്കുള്ള 70 മി.മി പ്രിമോ മെയിന്‍ പമ്പിന്റെ വെരുമാന്നൂര്‍ പമ്പ് ഹൗസ് മുതല്‍ തേവര ജംഗ്ഷന്‍ വരെയുള്ള ഭാഗം കാലഹരണപ്പെട്ടതാണോ എന്ന് പരിശോധിച്ചിട്ടുണ്ടോ ; എങ്കിൽ വിശദാംശം വ്യക്തമാക്കുമോ;

(ബി)	കാലഹരണപ്പെട്ടതാണെങ്കില്‍ ഇത് മാറ്റി സ്ഥാപിക്കുന്നതിനോ പുതിയ പൈപ്പ് ലൈന്‍ ഇടുന്നതിനോ ഉദ്ദേശിക്കുന്നുണ്ടോ;

(സി)	ഉണ്ടെങ്കില്‍ അതിന്റെ വിശദാംശങ്ങള്‍ വ്യക്തമാക്കാമോ?

കരാര്‍ പ്രവൃത്തികള്‍ ടെന്റര്‍ ചെയ്യുന്നതിനായി പാലിക്കേണ്ട നിബന്ധനകള്‍

5141.

ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ജലവിഭവ വകുപ്പില്‍ 4 കോടി രൂപയില്‍ കൂടുതല്‍ മുതല്‍ മുടക്കുള്ള കരാര്‍ പ്രവൃത്തികള്‍ ടെന്റര്‍ ചെയ്യുന്നതിനായി അനുമതി നല്‍കുന്നതിന് മുമ്പ് ചീഫ് എഞ്ചിനീയര്‍ (പ്രോജക്ട്) പാലിക്കേണ്ട നിബന്ധനകള്‍ എന്തെല്ലാമെന്ന് വ്യക്തമാക്കുമോ;

(ബി)	4 കോടി രൂപയില്‍ കൂടുതല്‍ മുതല്‍ മുടക്കുള്ള പ്രവൃത്തികളുടെ സ്ട്രക്ച്ചറല്‍ ഡ്രായിംഗുകള്‍ ഐ.ഡി.ആര്‍.ബി. ചീഫ് എഞ്ചിനീയര്‍ പരിശോധിക്കേണ്ട ആവശ്യം ഉണ്ടോ;

(സി)	കരാര്‍ പ്രവൃത്തി ചെയ്യേണ്ട സ്ഥലം സ്വകാര്യ വ്യക്തിയുടെ കൈവശം ആണെങ്കില്‍, ഡിപ്പാര്‍ട്ട്മെന്റ് എന്ത് നടപടികളാണ് സ്വീകരിക്കേണ്ടത് എന്നു വ്യക്തമാക്കുമോ?

ആലപ്പുഴ ജില്ലയില്‍ പൈപ്പ് ലൈന്‍ നീട്ടൽ നടപടി

5142.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	വരള്‍ച്ചാ കാലത്ത് ആലപ്പുഴ ജില്ലയില്‍ ജലവിഭവ വകുപ്പിനു കീഴില്‍ പൈപ്പ് ലൈന്‍ എക്സ്റ്റന്‍ഷന്‍ നടപടികള്‍ക്കായി ലഭിച്ച പ്രൊപ്പോസലുകള്‍ ഏതൊക്കെ;

(ബി)	ഇതിന്‍മേല്‍ സ്വീകരിച്ച നടപടികള്‍ വിശദമാക്കുമോ;

(സി)	മണ്ഡലം തിരിച്ചുള്ള കണക്ക് ലഭ്യമാക്കുമോ?

താനൂര്‍ പൂരപ്പുഴയില്‍ റെഗുലേറ്റര്‍ കം ബ്രിഡ്ജ് സ്ഥാപിക്കല്‍

5143.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	താനൂര്‍ പൂരപ്പുഴയിലേക്ക് കടലില്‍ നിന്നും ഉപ്പുവെളളം കയറി ഏക്കറു കണക്കിന് കൃഷി നശിക്കുന്നതിനും കുടിവെളളം മലിനമാകുന്നതിനും ഇടയാകുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇൗ പ്രശ്നത്തിന്റെ ശാശ്വത പരിഹാരമായി പൂരപ്പുഴയില്‍ റെഗുലേറ്റര്‍ കം ബ്രിഡ്ജ് സ്ഥാപിക്കാന്‍ നടപടി സ്വീകരിക്കുമോ;

(സി)	മേല്‍ സൂചിപ്പിച്ച വിഷയത്തില്‍ നിലവില്‍ വല്ല പദ്ധതികളും നിലവിലുണ്ടോ?

വാമനപുരം ആറിന്റെ സംരക്ഷണത്തിനായി തയ്യാറാക്കിയ പദ്ധതികള്‍

5144.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	വാമനപുരം ആറിന്റെ സംരക്ഷണത്തിനായി തയ്യാറാക്കിയ പദ്ധതികള്‍ വിശദമാക്കുമോ;

(ബി)	ഏതെല്ലാം ജലസേചന പദ്ധതികളാണ് ഈ നദിയില്‍ നിലവില്‍ ഉള്ളത്;

(സി)	പ്രിതിദിനം എത്ര ജലമാണ് പദ്ധതികളുടെ പ്രവര്‍ത്തനത്തിന് ആവശ്യമുളളത്;

(ഡി)	ജലലഭ്യതയില്ലാത്തതിനാല്‍ ഏതെങ്കിലും പദ്ധതികളുടെ പ്രവര്‍ത്തനം നിലച്ചിട്ടുണ്ടോ;

(ഇ)	നദീസംരക്ഷണത്തിനുള്ള പദ്ധതികള്‍ ആവിഷ്കരിക്കുന്നതിന് ജനപ്രതിനിധികള്‍ അടക്കമുള്ളവരുടെ അഭിപ്രായം തേടിയിട്ടുണ്ടോ?

ദേവികുളം മണ്ഡലത്തില്‍ ചെക്ക് ഡാമുകളുടെ നിര്‍മ്മാണം

5145.

ശ്രീ.എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ദേവികുളം നിയോജക മണ്ഡലത്തില്‍ ഈ സര്‍ക്കാര്‍ അധികാരത്തില്‍ വന്നശേഷം എത്ര ചെക്ക് ഡാമുകളുടെ നിര്‍മ്മാണം ആരംഭിച്ചിട്ടുണ്ട് എന്ന് വ്യക്തമാക്കുമോ;

(ബി)	പൂര്‍ത്തിയാക്കിയ ചെക്ക് ഡാമുകള്‍ എത്രയാണെന്ന് വ്യക്തമാക്കുമോ;

(സി)	പുതിയ ചെക്ക് ഡാമുകള്‍ നിര്‍മ്മിക്കാന്‍ നടപടി സ്വീകരിക്കുമോയെന്ന് വ്യക്തമാക്കുമോ?

വാട്ടര്‍ അതോറിറ്റിയിലെ ഡി.പി.സി. യോഗങ്ങള്‍

5146.

ശ്രീ.എ. പ്രദീപ്കുമാര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കേരള വാട്ടര്‍ അതോറിറ്റിയില്‍ 2010 മുതല്‍ 2017 വരെ ഹയര്‍ ഡി.പി.സി.,ലോവര്‍ ഡി.പി.സി. യോഗങ്ങള്‍ എന്നിവ എത്ര തവണ കൂടിയിട്ടുണ്ട്;

(ബി)	ഈ കാലയളവില്‍ ചേര്‍ന്ന ഡി.പി.സി. യോഗത്തില്‍ പരിഗണനയ്ക്ക് വന്നതില്‍ എത്ര ഓഫീസര്‍മാരുടെ കാര്യത്തില്‍ തീരുമാനമെടുക്കാതെ മാറ്റി വച്ചിട്ടുണ്ട്;

(സി)	ഇവരുടെ പേരില്‍ വിജിലന്‍സ് കേസോ അച്ചടക്ക നടപടിയോ ഉണ്ടായിരുന്നതു കൊണ്ടാണോ ഇപ്രകാരം മാറ്റി വെയ്ക്കപ്പെട്ടത് എന്ന് വ്യക്തമാക്കാമോ;എങ്കില്‍ പേരു സഹിതമുള്ള വിശദാംശം നല്‍കുമോ;

(ഡി)	ഡി.പി.സി.യില്‍ പരിഗണിക്കാതെ മാറ്റി വയ്ക്കുന്നതിനുള്ള മാനദണ്ഡങ്ങള്‍ എന്തൊക്കെയാണ്;കോപ്പി ലഭ്യമാക്കുമോ;

(ഇ)	കേരള വാട്ടര്‍ അതോറിറ്റിയിലെ വിജിലന്‍സ് സംവിധാനത്തിന്റെ ഘടന എന്താണ്;എന്തൊക്കെ അന്വേഷണങ്ങളാണ് ഈ വിഭാഗം നടത്തുന്നത്;

(എഫ്)

2017, 2018, 2019 വര്‍ഷങ്ങളില്‍ ഡി.പി.സി. യുടെ പരിഗണനയ്ക്ക് വരേണ്ട ഏതെങ്കിലും ഓഫീസര്‍മാരുടെ പേരില്‍ വിജിലന്‍സിന്റെ അച്ചടക്ക നടപടികള്‍ അവശേഷിക്കുന്നുണ്ടോ;എങ്കില്‍ ഡി.പി.സി. കൂടുന്നതിന് മുമ്പ് ഇക്കാര്യത്തില്‍ തീരുമാനമെടുക്കുമോ?

പാലക്കാട് ജില്ലയില്‍ കൃഷിക്ക് ആവശ്യമായ ജലം ലഭ്യമാക്കാന്‍ നടപടി

5147.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	പാലക്കാട് ജില്ലയിലെ ഒന്നാംവിള, രണ്ടാംവിള തുടങ്ങിയ കൃഷികള്‍ക്ക് ആവശ്യമായ ജലം ലഭ്യമാക്കുന്നതിന് ഇൗ വര്‍ഷം കഴിഞ്ഞിട്ടുണ്ടോ; ഇല്ലെങ്കില്‍ കാരണം വ്യക്തമാക്കുമോ;

(ബി)	വരും വര്‍ഷങ്ങളില്‍ കൃഷിയ്ക്ക് മുടക്കം കൂടാതെ ജലം ലഭ്യമാക്കുന്നതിന് എന്തെല്ലാം നടപടികളാണ് സ്വീകരിയ്ക്കുവാന്‍ ഉദ്ദേശിയ്ക്കുന്നത്; വിശദവിവരം നല്‍കുമോ; ഇതിനായി ഒരു മാസ്റ്റര്‍പ്ലാന്‍ തയ്യാറാക്കുമോ?

ഓപ്പറേഷന്‍ ഡ്യൂ ഡ്രോപ്സിന്റെ ഭാഗമായി ആരോപണ വിധേയരായവര്‍

5148.

ശ്രീമതി യു. പ്രതിഭ ഹരി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	2011-ല്‍ കേരള വാട്ടര്‍ അതോറിറ്റിയില്‍ നടപ്പിലാക്കിയ ഓപ്പറേഷന്‍ ഡ്യൂ ഡ്രോപ്സ് എന്ന നടപടിയുടെ നിലവിലെ സ്ഥിതി വ്യക്തമാക്കുമോ;

(ബി)	പ്രസ്തുത നടപടിയിന്മേലുള്ള തുടരന്വേഷണപ്രകാരം ആരോപണ വിധേയരായി എത്ര പേരുണ്ടെന്നും ഇവര്‍ ആരൊക്കെയാണെന്നും ഇവര്‍ക്കെതിരെ എന്തെല്ലാം നടപടികളാണ് സ്വീകരിച്ചതെന്നും നടപടികള്‍ വൈകാന്‍ കാരണമെന്തെന്നും അറിയിക്കുമോ ;

(സി)	ഓപ്പറേഷന്‍ ഡ്യൂ ഡ്രോപ്സ് -ന്റെ ഭാഗമായി എത്ര പേര്‍ക്ക് മെമ്മോ നല്‍കിയിട്ടുണ്ട്; ആരോപണ വിധേയരായവര്‍ക്ക് 2015-ന് ശേഷം മെമ്മോ നല്‍കിയിട്ടുണ്ടോ; എങ്കില്‍ ആര്‍ക്കെല്ലാം;

(ഡി)	കേരള വാട്ടര്‍ അതോറിറ്റിയ്ക്കായി ഡി. പി. സി. സമയബന്ധിതമായി കൂടാറുണ്ടോ; ഡി. പി. സി. യുടെ ക്ലിയറന്‍സിനുള്ള മാനദണ്ഡങ്ങള്‍ എന്തൊക്കെയാണ് ഡി. പി. സി. ഗൈഡ് ലൈന്‍സ് ലഭ്യമാക്കുമോ;

(ഇ)	ഏതെല്ലാം തരത്തിലുള്ള അച്ചടക്ക നടപടികള്‍ നേരിട്ട ഉദ്യോഗസ്ഥരെയാണ് ഡി. പി. സി. യുടെ പരിഗണനയില്‍ നിന്നും ഒഴിവാക്കുന്നത്; ഇപ്രകാരം ഡി. പി. സി. ക്ലിയറന്‍സ് നടത്താതെ 2010 മുതല്‍ 2017 നാളിതുവരെ എത്ര ഉദ്യോഗസ്ഥരെ ഒഴിവാക്കിയിട്ടുണ്ട്; പേരു വിവരം വെളിപ്പെടുത്തുമോ ?

കുറ്റ്യാടി നിയോജക മണ്ഡലത്തിലെ പദ്ധതികള്‍

5149.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരമേറ്റശേഷം, കുറ്റ്യാടി നിയോജക മണ്ഡലത്തില്‍ ജലവിഭവവകുപ്പിനു കീഴില്‍ ഏതെങ്കിലും പുതിയ പദ്ധതികള്‍ക്ക് ഭരണാനുമതി ലഭിച്ചിട്ടുണ്ടോ; എങ്കില്‍ വിശദാംശങ്ങള്‍ നല്‍കുമോ;

(ബി)	നേരത്തെ ഭരണാനുമതി ലഭിച്ചതിന്റെ അടിസ്ഥാനത്തില്‍ ഇപ്പോള്‍ മണ്ഡലത്തില്‍ നടന്നു വരുന്ന പ്രവൃത്തികള്‍ ഏതൊക്കെയെന്ന് അറിയിക്കുമോ;

(സി)	പ്രവൃത്തികളുടെ പേര്, എസ്റ്റിമേറ്റ് തുക, പ്രവൃത്തികള്‍ ഇപ്പോള്‍ ഏതുഘട്ടത്തിലാണ് എന്നീ വിശദാംശങ്ങള്‍ നല്‍കുമോ;

(ഡി)	ജലവിഭവവകുപ്പിനു കീഴില്‍ മണ്ഡലത്തില്‍ നിന്ന് കിഫ്ബിയില്‍ ഉള്‍പ്പെടുത്തിയ പ്രവൃത്തികള്‍ ഉണ്ടോ; എങ്കില്‍ പ്രസ്തുത പ്രവൃത്തികളുമായി ബന്ധപ്പെട്ട കാര്യങ്ങള്‍ ഇപ്പോള്‍ ഏതു ഘട്ടത്തിലാണ്; വിശദാംശങ്ങള്‍ നല്‍കുമോ;

(ഇ)	ഭരണാനുമതിക്കായി മണ്ഡലത്തില്‍ നിന്ന് ഇതിനകം സമര്‍പ്പിച്ച പദ്ധതികള്‍ ഉണ്ടോ; എങ്കില്‍ വിശദാംശങ്ങള്‍ നല്‍കുമോ?

റാന്നിയിലെ കുടിവെള്ള പദ്ധതികള്‍

5150.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കോട്ടാങ്ങല്‍ - ആനിക്കാട്, റാന്നി - ചെറുകോല്‍ - നാരങ്ങാനം, എഴുമറ്റൂര്‍ എന്നീ കുടിവെള്ള പദ്ധതികള്‍ക്ക് തയ്യാറാക്കിയിട്ടുള്ള എസ്റ്റിമേറ്റ് തുക വ്യക്തമാക്കുമോ ; ഇതിന് ഭരണാനുമതി ലഭിച്ചിട്ടുണ്ടോ ; ഉണ്ടെങ്കില്‍ ഓരോന്നിനും എത്ര രൂപയുടെ ഭരണാനുമതിയാണ് നല്‍കിയിരിക്കുന്നത്;

(ബി)	ഈ പദ്ധതികളുടെ നിര്‍മ്മാണ പ്രവൃത്തികള്‍ എന്നാരംഭിക്കാനാകും എന്ന് വ്യക്തമാക്കുമോ ?

കാസര്‍ഗോഡ് ജില്ലയിലെ കയ്യാര്‍ വില്ലേജിലെ തോടിന്റെ പാര്‍ശ്വഭിത്തി പുനര്‍ നിര്‍മ്മാണം

T 5151.

ശ്രീ.പി.ബി. അബ്ദുല്‍ റസ്സാക്ക് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയിലെ പെെവളിഗെ പഞ്ചായത്തിലെ കയ്യാര്‍ വില്ലേജില്‍പ്പെട്ട കൂടാല്‍ മര്‍ക്കള, സാന്തിഹിത്തുലു, മുന്നൂര്‍, മെര്‍ക്കള എന്നീ പാടശേഖരങ്ങളിലൂടെ കടന്ന് പോകുന്ന തോടിന്റെ പാര്‍ശ്വഭിത്തി തകര്‍ന്ന് പാടശേഖരങ്ങള്‍ കൃഷിയോഗ്യമല്ലാതായി തീര്‍ന്നത് സംബന്ധിച്ച പരാതി ലഭിച്ചിട്ടുണ്ടോ;

(ബി)	പ്രസ്തുത പാര്‍ശ്വഭിത്തി പുനര്‍നിര്‍മ്മാണവും അനുബന്ധ പ്രവൃത്തിയുമായി ബന്ധപ്പെട്ട് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കുമോ?

പയ്യന്നൂര്‍ ഉളിയത്ത്കടവില്‍ റെഗുലേറ്റര്‍ കം ബ്രിഡ്ജിന്റെ നിര്‍മ്മാണം

5152.

ശ്രീ.എം. രാജഗോപാലന്‍ : താഴെ കാണുന്ന ചോദ്യത്തിന് ജലവിഭവ വകുപ്പുമന്ത്രി സദയം മറുപടി നല്‍കുമോ:

പയ്യന്നൂര്‍ ഉളിയത്ത്കടവില്‍ തൃക്കരിപ്പൂര്‍ മണ്ഡലവുമായി ബന്ധപ്പെട്ട് നിര്‍മ്മിക്കുന്ന റെഗുലേറ്റര്‍ കം ബ്രിഡ്ജിന്റെ നിര്‍മ്മാണവുമായി ബന്ധപ്പെട്ട നടപടികള്‍ ഇപ്പോള്‍ ഏത് ഘട്ടത്തിലാണ്; ഇൗ പ്രവൃത്തിയുടെ ഡി. പി. ആര്‍. എന്ന് സമര്‍പ്പിക്കാന്‍ കഴിയുമെന്ന് വ്യക്തമാക്കുമോ?

ആമയിഴഞ്ചാന്‍ തോട് നവീകരണത്തിനായി നടപടി

5153.

(എ)	തിരുവനന്തപുരം ജില്ലയിലെ തമ്പാനൂര്‍ ആമയിഴഞ്ചാന്‍ തോടിന്റെ നവീകരണത്തിനായി എന്തെല്ലാം നടപടികളാണ് സ്വീകരിച്ചിട്ടുള്ളത്; ഈ പ്രവ‍ൃത്തിയുടെ നിലവിലെ സ്ഥിതി വിശദമാക്കുമോ;

(ബി)	ഇതിലേയ്ക്കായി എത്ര തുകയാണ് വകയിരുത്തിയിട്ടുള്ളത്; പ്രസ്തുത പദ്ധതി അടിയന്തരമായി പൂര്‍ത്തീകരിക്കുവാന്‍ നടപടി സ്വീകരിക്കുമോ ?

തിരുവനന്തപുരം നഗരത്തിലെ തോടുകള്‍ വൃത്തിയാക്കുന്ന ജോലി

5154.

ശ്രീ.കെ.എസ്.ശബരീനാഥന്‍
,, വി.എസ്.ശിവകുമാര്‍
,, കെ.മുരളീധരന്‍
,, എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കാലവര്‍ഷത്തിന് മുന്നോടിയായി തിരുവനന്തപുരം നഗരത്തിലെ തോടുകള്‍ വൃത്തിയാക്കുന്ന ജോലി ആരംഭിച്ചിട്ടുണ്ടോ;ഇല്ലെങ്കില്‍ കാരണമെന്താണ്;

(ബി)	ആമയിഴഞ്ചാന്‍ തോട്, ഉളളൂര്‍ തോട്, കണ്ണമ്മൂല തോട് എന്നിവ പൂര്‍ണ്ണമായും മാലിന്യം കൊണ്ടും ചെളിയടിഞ്ഞും വൃത്തിഹീനമായി കിടക്കുന്നത് കാരണം നഗരത്തില്‍ പകര്‍ച്ച വ്യാധികള്‍ പടരുന്നതായുള്ള പരാതി ശ്രദ്ധയില്‍പെട്ടിട്ടുണ്ടോ;

(സി)	ഏത് ഏജന്‍സിയാണ് പ്രസ്തുത തോടുകള്‍ വൃത്തിയാക്കുന്നതിനുളള ജോലി ഏറ്റെടുത്തിട്ടുളളത്;

(ഡി)	വകുപ്പുകള്‍ തമ്മിൽ ഏകോപനമില്ലാത്തതാണ് തോടുകള്‍ വൃത്തിയാക്കുന്ന ജോലി ആരംഭിക്കാത്തതിന് കാരണം എന്ന ആക്ഷേപം സർക്കാരിന്റെ ശ്രദ്ധയിൽ പെട്ടിട്ടുണ്ടോ: എങ്കില്‍ ഇക്കാര്യത്തില്‍ അടിയന്തരമായി ഇടപെട്ട് വര്‍ഷകാലത്തിന് മുമ്പ് തോടുകള്‍ ശുചിയാക്കുന്ന നടപടി കെെക്കൊളളുമോ?

ഓച്ചിറക്ഷേത്രത്തിനു സമീപത്ത് കൂടി ഒഴുകുന്ന തോട് കൈയ്യേറ്റത്തിനെതിരെ നടപടി

5155.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഓച്ചിറക്ഷേത്രത്തിനു സമീപത്തുകൂടി ഒഴുകുന്ന തോട് ജലവിഭവവകുപ്പിന്റെ ചുമതലയിലുളളതാണോ; പ്രസ്തുത തോട് സ്വകാര്യ വ്യക്തികള്‍ കയ്യേറിയിട്ടുളളതായി ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത തോടിന്റെ ദേശീയപാതയോടു ചേര്‍ന്ന ഭാഗങ്ങള്‍ പൂര്‍ണ്ണമായും മൂടപ്പെട്ട നിലയിലാണെന്നുളളത് ശ്രദ്ധയില്‍പ്പെട്ടിട്ടുണ്ടോ; പ്രസ്തുത ഭാഗത്തെ തോട് പുന:സ്ഥാപിക്കുമോ ; വിശദീകരിക്കുമോ;

(സി)	പ്രസ്തുത തോടിന്റെ അതിര്‍ത്തി നിര്‍ണ്ണയിച്ച് അതിരടയാളങ്ങള്‍ സ്ഥാപിക്കുന്നതിന് ജലവിഭവവകുപ്പ് നടപടി സ്വീകരിക്കുമോ; വിശദീകരിക്കുമോ?

മഴക്കുഴികളുടെ നിര്‍മ്മാണത്തിന് പ്രോത്സാഹനം

5156.

ശ്രീ.കെ.വി.വിജയദാസ്
,, പി.വി. അന്‍വര്‍
,, ജോണ്‍ ഫെര്‍ണാണ്ടസ്
,, മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഭൂഗര്‍ഭജല സംരക്ഷണത്തിനും പര്യവേഷണത്തിനും വികസനത്തിനുമായി എന്തെല്ലാം പദ്ധതികളാണ് ആവിഷ്ക്കരിച്ചിട്ടുള്ളതെന്ന് വ്യക്തമാക്കാമോ;

(ബി)	സംസ്ഥാനത്തെ ഭൂഗര്‍ഭ ജലത്തിന്റെ അളവ് സംബന്ധിച്ച് വിലയിരുത്തല്‍ പഠനങ്ങള്‍ നടത്തിയിട്ടുണ്ടോ; എങ്കില്‍ വിശദാംശം ലഭ്യമാക്കുമോ ;

(സി)	ചില വ്യവസായ സ്ഥാപനങ്ങളും ഫ്ലാറ്റുകളും ഭൂഗര്‍ഭജലം അമിതമായി ഊറ്റുന്നതായുള്ള പരാതികള്‍ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതിനെതിരെ കര്‍ശനമായ നടപടി സ്വീകരിക്കുമോ;

(ഡി)	മഴവെള്ളം ഭൂമിയിലേയ്ക്ക് ഊര്‍ന്നിറങ്ങുന്നതിനും അതുമൂലം ഭൂഗര്‍ഭ ജലവിതാനം ഉയരുന്നതിനും സഹായകമാകുന്ന മഴക്കുഴികളുടെ നിര്‍മ്മാണത്തിന് പ്രോത്സാഹനം നല്‍കുമോ?

കിണര്‍ റീ ചാര്‍ജിംഗിനായി തെരഞ്ഞെടുക്കുന്നതിന്റെ മാനദണ്ഡങ്ങള്‍

5157.

(എ)	സംസ്ഥാനത്തെ ഭൂജല നിരപ്പ് കുറയുന്നത് തടയാനായി കിണര്‍ റീ-ചാര്‍ജ് ചെയ്യുന്നതിന് നടപടികള്‍ സ്വീകരിച്ചിട്ടുണ്ടോ;എങ്കിൽ ആയതിന്റെ വിശദാംശം നല്‍കുമോ;

(ബി)	കിണര്‍ റീ ചാര്‍ജിംഗിനായി കിണറുകള്‍ തിരഞ്ഞെടുക്കുന്നതിന്റെ മാനദണ്ഡങ്ങള്‍ വിശദമാക്കാമോ;

(സി)	ആയതിന്റെ നടത്തിപ്പിലേക്കായി ചുമതലപ്പെട്ട ഏജന്‍സി ഏതാണെന്ന് വെളിപ്പെടുത്തുമോ ?

കുഴൽക്കിണർ നിര്‍മ്മാണം

5158.

ശ്രീ.കോവൂര്‍ കുഞ്ഞുമോന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	നിലവില്‍ 40 വര്‍ഷത്തോളം പഴക്കമുള്ള സാങ്കേതിക വിദ്യയും ഉപകരണങ്ങളുമാണ് ടൂബ് വെല്‍ നിര്‍മ്മാണത്തിന് സംസ്ഥാനത്ത് പ്രത്യേകിച്ച് കൊല്ലം, ആലപ്പുഴ ജില്ലകളില്‍ ഉപയോഗിക്കുന്നത് എന്നതിനാൽ ഇവ മാറ്റി ആധുനിക സാങ്കേതിക വിദ്യയും ഉപകരണങ്ങളും ഉപയോഗിക്കുവാന്‍ ശ്രമിക്കുമോ;

(ബി)	ഉപകരണങ്ങള്‍ കൊണ്ടുപോകുന്നതിന് ഉപയോഗിക്കുന്ന പഴയ ട്രക്ക് ടൈപ്പ് വണ്ടി മാറ്റി ചെറിയതും കപ്പാസിറ്റിയുള്ളതുമായ വാഹനങ്ങള്‍ വാങ്ങുവാന്‍ ശ്രമിക്കുമോ;

(സി)	കുഴൽക്കിണറുകൾ കുഴിക്കുന്നതിന് മെയ് 21 വരെയുള്ള നിയന്ത്രണം നീട്ടിനല്‍കുവാന്‍ സാധ്യതയുണ്ടോ;

(ഡി)	സ്വകാര്യ കുഴൽക്കിണറുകൾ കുഴിക്കുന്നവരെ നിയന്ത്രിക്കുവാന്‍ നിയമങ്ങള്‍ നിലവിലുണ്ടോ;

(ഇ)	നിരവധി ഉപകരണങ്ങള്‍ വന്നിട്ടും 1983 -ല്‍ നിലവില്‍ വന്ന കൊല്ലം ജില്ലയിലെ ഗ്രൗണ്ട് വാട്ടര്‍ ഡിപ്പാര്‍ട്ട്മെന്റിലെ സ്റ്റാഫ് പാറ്റേണില്‍ മാറ്റം ഉണ്ടാകാത്ത വിഷയം പരിഹരിക്കുമോ;

(എഫ്)

ചെറുകിട കുടിവെള്ള പദ്ധതിക്കുള്ള ഏജന്‍സി ഗ്രൗണ്ട് വാട്ടര്‍ ഡിപ്പാര്‍ട്ട്മെന്റായിരിക്കെ ,ഡിപ്പാര്‍ട്ടമെന്റ് പഞ്ചായത്തുകള്‍ക്ക് കൈമാറുന്ന പദ്ധതികള്‍ പലതും മുടങ്ങിക്കിടക്കുകയോ ഉപയോഗശൂന്യമായിപ്പോവുകയോ ചെയ്യുന്ന സാഹചര്യത്തില്‍ പഞ്ചായത്തിന് ചെറുകിട കുടിവെള്ള പദ്ധതി സംരക്ഷണത്തിനും പരിപാലനത്തിനും പ്രത്യേക ഫണ്ട് അനുവദിക്കുമോ;

(ജി)	ഗ്രൗണ്ട് വാട്ടര്‍ ഡിപ്പാര്‍ട്ട്മെന്റിലെ ദിവസവേതന ജീവനക്കാരുടെ നിലവിലെ (396 രൂപ ) ശമ്പളം വര്‍ദ്ധിപ്പിക്കുവാന്‍ നടപടി കൈക്കൊള്ളുമോ?

പനക്കച്ചിറ വാട്ടര്‍ സപ്ലെെ സ്കീം നടപ്പാക്കണമെന്ന നിവേദനം

5159.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)

കുടിവെളളക്ഷാമം നേരിടുന്ന പൂഞ്ഞാര്‍ നിയോജക മണ്ഡലത്തിലെ കോരുത്തോട്, മുണ്ടക്കയം ഗ്രാമപഞ്ചായത്തുകളെ ഉള്‍പ്പെടുത്തി പനക്കച്ചിറ വാട്ടര്‍ സപ്ലെെ സ്കീം അടിയന്തരമായി നടപ്പാക്കണമെന്ന എം.എല്‍.എ. യുടെ നിവേദനത്തിന്മേല്‍ ബഹു.മന്ത്രി ആവശ്യമായ നടപടികള്‍ക്കായി ജലവിഭവ സെക്രട്ടറിയ്ക് 14.02.2017 - ൽ 1723/എം.(ഡബ്ലു.ആര്‍)വി.ഐ.പി./2017/ നമ്പർ പ്രകാരം നല്‍കിയ കത്തിന്മേൽ നാളിതുവരെ എന്തൊക്കെ നടപടികള്‍ സ്വീകരിച്ചിട്ടുണ്ടെന്ന വിശദാംശങ്ങള്‍ വെളിപ്പെടുത്തുമോ;

(ബി)	ജലവിഭവ സെക്രട്ടറിയുടെ റിപ്പോര്‍ട്ട് ലഭ്യമായോ; എങ്കിൽ കോപ്പി ലഭ്യമാക്കുമോ;

(സി)	പ്രസ്തുത പ്രദേശത്തെ കുടിവെളളക്ഷാമം പരിഹരിയ്ക്കാന്‍ എന്തൊക്കെ നടപടികള്‍ സ്വീകരിയ്ക്കുമെന്ന് വിശദമാക്കുമോ?

കേരള വാട്ടര്‍ അതോറിറ്റിയിലെ വിവിധ തസ്തികകളിലേയ്ക്കുളള നിയമന രീതി

5160.

ശ്രീ.കെ.വി.അബ്ദുള്‍ ഖാദര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കേരള വാട്ടര്‍ അതോറിറ്റിയിലെ മാനേജിംഗ് ഡയറക്ടര്‍, ടെക്നിക്കല്‍ മെമ്പര്‍, അക്കൗണ്ട്സ് മെമ്പര്‍ എന്നീ തസ്തികകളിലേയ്ക്കുളള നിയമന രീതിയും, യോഗ്യതയും വ്യക്തമാക്കുമോ; പ്രസ്തുത തസ്തികകളുടെ അധികാരപരിധിയും ഉത്തരവാദിത്തങ്ങളും എന്തൊക്കെയാണ്;

(ബി)	വാട്ടര്‍ അതോറിറ്റിയില്‍ അക്കൗണ്ട്സ് മെമ്പറുടെ തസ്തിക എത്ര വര്‍ഷങ്ങളായി ഒഴിഞ്ഞു കിടക്കുന്നുവെന്ന് വ്യക്തമാക്കാമോ;

(സി)	പ്രസ്തുത തസ്തികയില്‍ നിയമനം നടത്താന്‍ സത്വര നടപടി സ്വീകരിക്കുമോ?

ദേശീയ ഗ്രാമീണ കുടിവെള്ള പദ്ധതി

5161.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ദേശീയ ഗ്രാമീണ കുടിവെള്ള പദ്ധതിയുടെ 2014-15, 2015-16, 2016-17 വര്‍ഷങ്ങളില്‍ കേന്ദ്ര വിഹിതം എത്ര കോടി രൂപ വീതമാണ്;

(ബി)	ദേശീയ ഗ്രാമീണ കുടിവെള്ള പദ്ധതിയുടെ (എന്‍.ആര്‍.ഡി.ഡബ്ലു.പി.) എത്ര കോടി രൂപയുടെ ബില്ലുകളാണ് വാട്ടര്‍ അതോറിറ്റിയില്‍ ഇപ്പോള്‍ കുടിശ്ശികയുള്ളത്;

(സി)	ദേശീയ ഗ്രാമീണ കുടിവെള്ള പദ്ധതിയുടെ (എന്‍.ആര്‍.ഡി.ഡബ്ലു.പി.) എത്ര കോടി രൂപയുടെ പ്രവൃത്തികളാണ് ഇപ്പോള്‍ നടന്നുകൊണ്ടിരിക്കുന്നത്;ഇതില്‍ എത്ര പണികള്‍ മുടങ്ങിയിട്ടുണ്ട്;

(ഡി)	പൊതുമരാമത്ത് ജലവിഭവ വകുപ്പുകളിലെ ബില്‍ ഡിസ്കൗണ്ടിംഗ് സമ്പ്രദായം മറ്റ് വകുപ്പുകളിലും വാട്ടര്‍ അതോറിറ്റി പോലെയുള്ള സര്‍ക്കാര്‍ ഏജന്‍സികളിലും നടപ്പാക്കുമോ;

(ഇ)	വാട്ടര്‍ അതോറിറ്റിയിലെ കുടിശ്ശിക തീര്‍ക്കുന്നതിന് ആവശ്യമായ സംസ്ഥാന സർക്കാർ വിഹിതം ഉടനെ നല്‍കുമോ എന്ന് വ്യക്തമാക്കാമോ?

മുക്കം മേജര്‍ കുടിവെള്ള പദ്ധതി

5162.

ശ്രീ.ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	തിരുവമ്പാടി, കൊടുവള്ളി, കുന്ദമംഗലം നിയോജകമണ്ഡലങ്ങളിലെ കുടിവെള്ള ക്ഷാമം പരിഹരിക്കുന്നതിന് വിഭാവനം ചെയ്ത മുക്കം മേജര്‍ കുടിവെള്ള പദ്ധതിയുടെ നിലവിലെ അവസ്ഥ വിശദമാക്കുമോ;

(ബി)	പ്രസ്തുത പദ്ധതി കിഫ്ബിയില്‍ ഉള്‍പ്പെടുത്തി ഈ വര്‍ഷം തന്നെ ഭരണാനുമതി നല്‍കുന്നതിന് നടപടികള്‍ സ്വീകരിക്കുമോ?

അടൂര്‍ മണ്ഡ‍ലത്തിലെ കുടിവെളള പ്രശ്നം

5163.

ശ്രീ.ചിറ്റയം ഗോപകുമാര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	അടൂര്‍ മണ്ഡ‍ലത്തിലെ കുടിവെളള പ്രശ്നം പരിഹരിക്കുന്നതിനായി ഈ സര്‍ക്കാരിന്റെ കാലത്ത് എത്ര പുതിയ കുടിവെളള പദ്ധതി നിര്‍ദ്ദേശങ്ങള്‍ ലഭ്യമായിട്ടുണ്ടെന്നും ആയവ ഏതെല്ലാമെന്നും അറിയിക്കുമോ;

(ബി)	ഇവയില്‍ എത്ര പദ്ധതികള്‍ക്ക് ഭരണാനുമതി ലഭ്യമാക്കിയിട്ടുണ്ടെന്ന് വെളിപ്പെടുത്തുമോ;

(സി)	ഭരണാനുമതി ലഭ്യമാക്കുന്നതിന് ഉണ്ടായിട്ടുളള സാങ്കേതിക തടസ്സങ്ങള്‍ എന്തെല്ലാമെന്ന് അറിയിക്കുമോ;

(ഡി)	സമയബന്ധിതമായി ഇൗ പദ്ധതികള്‍ നടപ്പിലാക്കുന്നതിന് വേണ്ട നടപടി സ്വീകരിക്കുമോ എന്ന് വ്യക്തമാക്കുമോ?

നാട്ടിക മണ്ഡലത്തിലെ കുടിവെള്ള പദ്ധതി

5164.

ശ്രീമതി ഗീതാ ഗോപി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നടപ്പിലാക്കിവരുന്ന കുടിവെള്ള പദ്ധതിയുടെ ഭാഗമായി നാട്ടിക നിയോജക മണ്ഡലത്തില്‍ ചെവ്വൂര്‍-മരത്താക്കര-ഇല്ലിക്കല്‍-ചിറയ്ക്കല്‍ ശുദ്ധീകരണശാലയ്ക്കു വേണ്ടി പൈപ്പുകള്‍ മാറ്റി സ്ഥാപിക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	നാട്ടിക മണ്ഡലത്തിലെ രണ്ട് പദ്ധതികള്‍ക്ക് ഏകദേശം 7 ലക്ഷം രൂപയോളം പി.ഡബ്ല്യു.ഡി.ക്ക് നല്‍കുന്നതിന് എന്ത് നടപടി നാളിതുവരെ സ്വീകരിച്ചിട്ടുണ്ട്;

(സി)	പി.ഡബ്ല്യു.ഡി.യിൽ വാട്ടര്‍ അതോറിറ്റി അടയ്ക്കേണ്ട തുക അടക്കുന്നതിനാവശ്യമായ നടപടി സ്വീകരിക്കുമോ ?

വാട്ടര്‍ അതോറിറ്റി വിതരണം ചെയ്യുന്ന കുടിവെള്ളത്തിന്റെ ഗുണനിലവാരം

5165.

ശ്രീ.അന്‍വര്‍ സാദത്ത്
,, ഐ.സി.ബാലകൃഷ്ണന്‍
,, തിരുവഞ്ചൂര്‍ രാധാകൃഷ്ണന്‍
,, എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	വാട്ടര്‍ അതോറിറ്റി വിതരണം ചെയ്യുന്ന കുടിവെള്ളത്തിന്റെ ശുദ്ധീകരണത്തിന് നിലവില്‍ അവലംബിക്കുന്ന മാര്‍ഗ്ഗങ്ങള്‍ ഏതെല്ലാമെന്ന് വിശദീകരിക്കുമോ;

(ബി)	പ്രസ്തുത കുടിവെള്ളത്തിന്റെ ഗുണനിലവാരം പരിശോധിക്കുന്നതിന് എന്തെല്ലാം സംവിധാനമാണ് നിലവിലുള്ളതെന്ന് വിവരിക്കുമോ;

(സി)	പരിശോധിക്കുന്ന കുടിവെള്ളത്തിന്റെ ഗുണനിലവാരം സംബന്ധിച്ച റിപ്പോര്‍ട്ടുകളിന്മേല്‍ എന്തെല്ലാം തുടര്‍നടപടികള്‍ കൈക്കൊള്ളാനാകുമെന്ന് വ്യക്തമാക്കുമോ?

ജലശുദ്ധി പരിശോധിക്കാന്‍ സ്വച്ഛപാനി

5166.

ശ്രീ.ടി.എ.അഹമ്മദ് കബീര്‍
,, മഞ്ഞളാംകുഴി അലി
,, കെ.എം.ഷാജി
,, പി.കെ.അബ്ദു റബ്ബ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ജലശുദ്ധി പരിശോധിക്കാന്‍ സ്വച്ഛപാനി എന്ന ആധുനിക സാങ്കേതികവിദ്യ, സര്‍ക്കാര്‍ സ്ഥാപനമായ ഇന്‍ഡ്യന്‍ ഇന്‍സ്റ്റിറ്റ്യൂട്ട് ഓഫ് ഇന്‍ഫര്‍മേഷന്‍ ടെക്നോളജി ആന്റ് മാനേജ്‍മെന്റ് കേരള, ഐ.ബി.എം-ന്റെ സഹകരണത്തില്‍ വികസിപ്പിച്ചെടുത്തതായ റിപ്പോര്‍ട്ടുകള്‍ സർക്കാരിന്റെ ശ്രദ്ധയില്‍ വന്നിട്ടുണ്ടോ;

(ബി)	വെള്ളത്തിന്റെ ഗുണനിലവാരം തുടര്‍ച്ചയായി വിലയിരുത്തുകയും, മാലിന്യം കണ്ടാല്‍ ഉടന്‍ മുന്നറിയിപ്പു നല്കുകയും ചെയ്യും എന്നവകാശപ്പെടുന്ന ഈ സാങ്കേതിക വിദ്യയെക്കുറിച്ച് വിലയിരുത്തി ഉപയോഗപ്രദമെങ്കില്‍ ശുദ്ധജലവിതരണ രംഗത്ത് ഉപയോഗപ്പെടുത്താന്‍ വേണ്ട നടപടി സ്വീകരിക്കുമോ?

വാട്ടര്‍ അതോറിറ്റിയില്‍ വിജിലന്‍സ് നടപടികള്‍ നേരിടുന്ന ജീവനക്കാര്‍

5167.

(എ)	കേരള വാട്ടര്‍ അതോറിറ്റിയില്‍ വിജിലന്‍സ് നടപടികള്‍ നേരിടുന്ന ജീവനക്കാരെ ഡി.പി.സി. ലിസ്റ്റില്‍ ഉള്‍പ്പെടുത്താറുണ്ടോ;

(ബി)	ഡിസിപ്ലിനറി നടപടികള്‍ നേരിടുന്നതും വിജിലന്‍സ് നടപടികള്‍ അഭിമുഖീകരിക്കുന്നതുമായ ഉദ്യോഗസ്ഥരെ ഡി.പി.സി.യില്‍ ഉള്‍പ്പെടുത്തുമ്പോള്‍ അവര്‍ക്ക് ഉണ്ടായേക്കാവുന്ന ശിക്ഷാ നടപടികള്‍ പരിഗണിച്ച് ഡി.പി.സി.യില്‍ നിന്നും ഒഴിവാക്കാറുണ്ടോ എന്ന് വ്യക്തമാക്കാമോ?

വാട്ടര്‍ അതോറിയിറ്റിലെ ജീവനക്കാരുടെ സംഘടനകള്‍

5168.

ശ്രീ.സി. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കേരള വാട്ടര്‍ അതോറിറ്റിയില്‍ ഏതെല്ലാം കാറ്റഗറിയിലുള്ള ജീവനക്കാരാണ് ഓഫീസര്‍/സൂപ്പര്‍വെെസറി വിഭാഗത്തില്‍ ഉള്‍പ്പെടുന്നത്;

(ബി)	കേരള വാട്ടര്‍ അതോറിറ്റിയിലെ ജീവനക്കാരുടെ സംഘടനകള്‍ക്ക് അംഗീകാരം നല്‍കുന്നതിനായി നടന്ന റഫറണ്ടത്തില്‍ ഏതെല്ലാം വിഭാഗത്തില്‍പ്പെട്ട ജീവനക്കാര്‍ക്കാണ് വോട്ടവകാശം ഇല്ലാതിരുന്നത്;

(സി)	റഫറണ്ടത്തില്‍ വോട്ടവകാശമില്ലാത്ത വിഭാഗത്തില്‍പ്പെടുന്ന ജീവനക്കാര്‍ക്ക് നിലവിലുള്ള തൊഴില്‍ നിയമങ്ങളനുസരിച്ച് ട്രേഡ് യൂണിയനുകളില്‍ അംഗത്വമെടുക്കാന്‍ അവകാശമുണ്ടോ;

(ഡി)	വാട്ടര്‍ അതോറിറ്റിയിലെ അംഗീകൃത സംഘടനകളുടെ ബെെലാ പ്രകാരം റഫറണ്ടത്തില്‍ വോട്ടവകാശമില്ലാത്ത ജീവനക്കാര്‍ക്ക് അംഗത്വം നല്‍കുന്നുണ്ടോ; നിലവിലുള്ള നിയമപ്രകാരം ഇത്തരത്തില്‍ അംഗത്വം നല്‍കുന്നത് അനുവദനീയമാണോ;

(ഇ)	വാട്ടര്‍ അതോറിറ്റിയില്‍ ഓഫീസര്‍, സൂപ്പര്‍വെെസറി തസ്തികകളില്‍ ജോലി ചെയ്യുന്നവര്‍ക്ക് സംഘടനാ സ്വാതന്ത്ര്യം നിഷേധിച്ചിട്ടുണ്ടോ;

(എഫ്)

റഫറണ്ടത്തിന്റെ പരിധിയില്‍ വരാത്ത വിഭാഗം ജീവനക്കാരുടെ സംഘടനകള്‍ക്ക് അംഗീകാരം നല്‍കാനും അവരുമായി വിഷയങ്ങള്‍ ചര്‍ച്ച ചെയ്യാനും തയ്യാറാകുമോ?

വാട്ടര്‍ അതോറിറ്റിയുടെ ജലസംഭരണികളിലെ ഗുണനിലവാര പരിശോധന

5169.

ശ്രീ.അടൂര്‍ പ്രകാശ്
,, വി.എസ്.ശിവകുമാര്‍
,, കെ.സി.ജോസഫ്
,, കെ.മുരളീധരന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ വാട്ടര്‍ അതോറിറ്റിയുടെ ജലസംഭരണികളുടെ ഗുണനിലവാരം പരിശോധിക്കാന്‍‌ എന്തെല്ലാം സംവിധാനം നിലവിലുണ്ടെന്ന് വ്യക്തമാക്കുമോ ;

(ബി)	ഇവയുടെ ഗുണനിലവാര പരിശോധന ആരാണ് നടത്തുന്നത്;

(സി)	സംസ്ഥാനത്ത് എത്ര ജലസംഭരണികള്‍ ഉണ്ടെന്നു വെളിപ്പെടുത്തുമോ ;

(ഡി)	എല്ലാ ജലസംഭരണികളുടെയും ഗുണനിലവാര പരിശോധന നടത്താന്‍ നടപടി കെെക്കൊളളുമോ?

വാട്ടര്‍ അതോറിറ്റി പാലോട് സെക്ഷനില്‍ നിലവിലുള്ള ഒഴിവുകൾ

5170.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	വാമനപുരം നിയോജക മണ്ഡലത്തിലെ വാട്ടര്‍ അതോറിറ്റിയുടെ പാലോട് സെക്ഷനില്‍ നിലവിലുള്ള തസ്തികകള്‍ സംബന്ധിച്ച് വിശദവിവരം നല്‍കാമോ;

(ബി)	നിലവില്‍ എത്ര തസ്തികകളില്‍ ഒഴിവുണ്ട്;കാറ്റഗറി തിരിച്ചുള്ള വിവരം നല്‍കാമോ;

(സി)	പ്രസ്തുത ആഫീസിലെ ജീവനക്കാരുടെ അഭാവം ഓഫീസിന്റെ പ്രവര്‍ത്തനത്തെ സാരമായി ബാധിക്കുന്നുവെന്നും അതുമൂലം ജനങ്ങള്‍ക്ക് ബുദ്ധിമുട്ടുണ്ടാകുന്നുമെന്നുള്ള വിവരം ശ്രദ്ധയില്‍പ്പെട്ടിട്ടുണ്ടോ;

(ഡി)	എങ്കില്‍ എന്തു നടപടികള്‍ സ്വീകരിച്ചുവെന്ന് വ്യക്തമാക്കാമോ?

പാലക്കാട് ജില്ലയിലെ കുടിവെളള ക്ഷാമം

5171.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	പാലക്കാട് ജില്ലയില്‍ തമിഴ്നാടുമായി അതിര്‍ത്തി പങ്കിടുന്ന സ്ഥലങ്ങളില്‍ രൂക്ഷമായ കുടിവെളള ക്ഷാമം അനുഭവപ്പെടുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത സ്ഥലങ്ങളില്‍ കുടിവെളള വിതരണത്തിന് സ്വീകരിച്ചിരിക്കുന്ന നടപടികള്‍ കാര്യക്ഷമമല്ല എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(സി)	ഇവിടങ്ങളില്‍ കൂടുതല്‍ കാര്യക്ഷമമായി കുടിവെളളം വിതരണം ചെയ്യുന്നതിന് അധികൃതര്‍ക്ക് നിര്‍ദ്ദേശം നല്‍കുവാന്‍ നടപടി സ്വീകരിക്കുമോ?

കുടിവെള്ള പദ്ധതികളുടെ വിശദമായ എസ്റ്റിമേറ്റ് സമര്‍പ്പിക്കുന്നതില്‍ കാലതാമസം

5172.

(എ)	കുടിവെള്ള പദ്ധതികളുടെ വിശദമായ എസ്റ്റിമേറ്റ് സമര്‍പ്പിക്കുന്നതിന് വാട്ടര്‍ അതോറിറ്റിയില്‍ കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)

ചെങ്ങന്നൂര്‍ പാണ്ഡവന്‍പാറ പട്ടികജാതി കോളനിയിലെ കുടിവെള്ള പദ്ധതിയുടെ വിശദമായ എസ്റ്റിമേറ്റ് സമര്‍പ്പിക്കണമെന്ന് ആവശ്യപ്പെട്ട് 9/3/17 ല്‍ പി1-22944/16(1) നമ്പരിലുള്ള കത്ത് പട്ടികജാതി വികസന വകുപ്പില്‍ നിന്ന് വാട്ടര്‍ അതോറിറ്റി എക്സിക്യൂട്ടീവ് എന്‍ജിനീയര്‍ക്ക് അയച്ചിട്ടും നാളിതുവരെയായി എസ്റ്റിമേറ്റ് സമര്‍പ്പിക്കാത്തതിന്റെ കാരണം വ്യക്തമാക്കുമോ;

(സി)	വിശദമായ എസ്റ്റിമേറ്റ് എന്ന് സമര്‍പ്പിക്കുമെന്ന് വിശദമാക്കുമോ?

പയ്യാവൂര്‍ വാട്ടര്‍ സപ്ലൈ സ്കീം

5173.

ശ്രീ.കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഇരിക്കൂര്‍ മണ്ഡലത്തിലെ പയ്യാവൂര്‍ വാട്ടര്‍ സപ്ലൈ സ്കീമിന്റെ പ്രവൃത്തി ഇപ്പോള്‍ ഏത് ഘട്ടത്തിലാണ്; വിശദാംശം വെളിപ്പെടുത്തുമോ ?

(ബി)	പ്രസ്തുത പ്രവൃത്തി അടിയന്തരമായി ആരംഭിക്കുവാന്‍ നടപടി സ്വീകരിക്കുമോ?

പൂഞ്ഞാര്‍‌ മണ്ഡലത്തിലെ കുടിവെള്ള ക്ഷാമം പരിഹരിയ്ക്കുവാന്‍ പദ്ധതി

5174.

(എ)

കുടിവെള്ള ക്ഷാമം നേരിടുന്ന പൂഞ്ഞാര്‍‌ നിയോജകമണ്ഡലത്തിലെ ഈരാറ്റുപേട്ട മുനിസിപ്പാലിറ്റി, പൂഞ്ഞാര്‍, തീക്കോയി ഗ്രാമപഞ്ചായത്തുകളെ ഉള്‍പ്പെടുത്തി ഈരാറ്റുപേട്ട വാട്ടര്‍ സപ്ലൈ സ്കീം അടിയന്തരമായി നടപ്പാക്കണമെന്ന 31.01.2017 -ലെ എം . എൽ . എയുടെ നിവേദനത്തിന്മേല്‍ ബഹു. മന്ത്രി 14.02.2017 - ൽ വാട്ടര്‍ അതോറിറ്റി എം.ഡി.യ്ക്ക് കൊടുത്ത 1724/M(WR)VIP/2017 നമ്പർ കത്ത് പ്രകാരം നാളിതുവരെ എന്ത് നടപടികള്‍ സ്വീകരിച്ചു എന്ന് വെളിപ്പെടുത്തുമോ;

(ബി)	പ്രസ്തുത കാര്യത്തില്‍ കേരള വാട്ടര്‍ അതോറിറ്റി എം.ഡി. യുടെ റിപ്പോര്‍ട്ട്/നടപടികളുടെ പകർപ്പ് ലഭ്യമാക്കുമോ;

(സി)	പ്രസ്തുത പ്രദേശത്തെ കുടിവെള്ളക്ഷാമം അടിയന്തരമായി പരിഹരിയ്ക്കുവാന്‍ പദ്ധതി നടപ്പാക്കുമോ; എങ്കിൽ ഇതിലേയ്ക്കായി എന്തൊക്കെ നടപടികള്‍ സ്വീകരിയ്ക്കുമെന്ന് വിശദമാക്കുമോ?

കാട്ടാക്കട നിയോജകമണ്ഡലത്തിലെ കുടിവെള്ളപദ്ധതി

5175.

(എ)	കാട്ടാക്കട നിയോജകമണ്ഡലത്തിലെ കുടിവെള്ളപദ്ധതി (സി.ഡബ്ലു.എസ്.എസ്. ജി.ഒ.(Rt) നം..893/2016/ഡബ്ലു.ആര്‍.ഡി. തീയതി 16.11.16) ആരംഭിക്കുന്നതിന് വേണ്ടിയുള്ള നടപടിക്രമങ്ങള്‍ ഏതുവരെയായെന്ന് വിശദമാക്കാമോ;

(ബി)	പ്രവൃത്തികള്‍ എന്ന് തുടങ്ങാനാകുമെന്നും തുടര്‍ന്നുള്ള നടപടികള്‍ എന്താണെന്നും വിശദമാക്കാമോ?

വെങ്കിടങ്ങ് കണ്ണോത്ത് കുടിവെളള പദ്ധതി

5176.

ശ്രീ.മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	മണലൂര്‍ മണ്ഡലത്തിലെ വെങ്കിടങ്ങ് പഞ്ചായത്തിലെ കണ്ണോത്ത് കുടിവെളള പദ്ധതിയുടെ പുരോഗതി സംബന്ധിച്ച വിശദാംശങ്ങള്‍ എന്തെല്ലാമാണ്;

(ബി)	പ്രസ്തുത പദ്ധതിയുടെ പൂര്‍ത്തീകരണത്തിനായി ഡ്രോട്ട് ഫണ്ടില്‍ നിന്നും തുക അനുവദിച്ചിട്ടുണ്ടോ; ഉണ്ടെങ്കില്‍ എത്ര തുക അനുവദിച്ചുവെന്ന് അറിയിക്കാമോ;

(സി)	പ്രസ്തുത പദ്ധതി അടിയന്തരമായി കമ്മീഷന്‍ ചെയ്യുവാന്‍ നടപടി സ്വീകരിച്ചിട്ടുണ്ടോ; വിശദാംശങ്ങള്‍ നല്‍കാമോ?

ജലാശയങ്ങള്‍ മലിനപ്പെടുത്തുന്ന സാഹചര്യം ഒഴിവാക്കുന്നതിനായുള്ള നടപടികള്‍

5177.

(എ)	ജലാശയങ്ങള്‍ മലിനപ്പെടുത്തുന്ന സാഹചര്യങ്ങള്‍ ഒഴിവാക്കുന്നതിനായി എന്തെല്ലാം നടപടികളാണ് സ്വീകരിച്ചു വരുന്നത്;വിശദവിവരം നല്‍കുമോ;

(ബി)	പ്രസ്തുത വിഷയത്തില്‍ കേസ്സുകള്‍ രജിസ്റ്റര്‍ ചെയ്യപ്പെടാറുണ്ടോ;എങ്കില്‍ എത്ര കേസ്സുകളാണ് നാളിതുവരെ രജിസ്റ്റര്‍ ചെയ്തിട്ടുള്ളത്;വിശദവിവരം നല്‍കുമോ;

(സി)	ഇതില്‍ എത്ര കേസ്സുകള്‍ അടിയന്തരമായി പരിഹരിക്കേണ്ടതായിട്ടുണ്ടെന്നു വെളിപ്പെടുത്തുമോ ?

അതിരപ്പിള്ളി ,പരിയാരം, കോടശ്ശേരി പഞ്ചായത്തുകളിലെ കുടിവെള്ളക്ഷാമം

5178.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	അതിരപ്പിള്ളി ,പരിയാരം, കോടശ്ശേരി പഞ്ചായത്തുകളിലെ കുടിവെള്ളക്ഷാമം ശാശ്വതമായി പരിഹരിക്കുന്നതിനായി, ബഡ്ജറ്റില്‍ പ്രഖ്യാപിച്ചിട്ടുള്ള സമഗ്ര കുടിവെള്ള പദ്ധതി യാഥാര്‍ത്ഥ്യമാക്കുന്നതിനുള്ള നടൃപടികള്‍ ഏത് ഘട്ടത്തിലാണ് എന്ന് അറിയിക്കുമോ;

(ബി)	നടപടികള്‍ ത്വരിതപ്പെടുത്തി പദ്ധതി യാഥാര്‍ത്ഥ്യമാക്കുന്നതിനാവശ്യമായ നടപടികള്‍ സ്വീകരിക്കുമോ?

കുന്നുമ്മല്‍ അനുബന്ധ കുടിവെള്ള പദ്ധതി

5179.

ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	നാദാപുരം മണ്ഡലത്തിലെ കുന്നുമ്മല്‍ അനുബന്ധ കുടിവെള്ള പദ്ധതിയുടെ നിര്‍മ്മാണ പുരോഗതി വിശദമാക്കാമോ;

(ബി)	അതിരൂക്ഷമായ കുടിവെള്ള ക്ഷാമം നേരിടുന്ന നാദാപുരത്ത് പ്രസ്തുത പദ്ധതി വൈകുന്നതിന്റെ കാരണം വിശദമാക്കാമോ;

(സി)	അടിയന്തര പ്രാധാന്യം നല്‍കി, പദ്ധതി കമ്മീഷന്‍ ചെയ്യാന്‍ നടപടി സ്വീകരിക്കുമോ?

കൊയിലാണ്ടിയിൽ പ്രവര്‍ത്തനരഹിതമായി കിടക്കുന്ന ശുദ്ധജല വിതരണ പദ്ധതികള്‍

5180.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഡിസ്ട്രിബ്യൂഷന്‍ ലൈനുകള്‍ , പമ്പ് സെറ്റ് മുതലായവ തകരാറിലായതു കാരണവും ഡിസ്ട്രിബ്യൂഷന്‍ ലൈന്‍ ഇല്ലാത്തത് കാരണവും പ്രവര്‍ത്തനരഹിതമായി കിടക്കുന്ന എത്ര ശുദ്ധജല വിതരണ പദ്ധതികള്‍ കൊയിലാണ്ടി നിയോജക മണ്ഡലത്തില്‍ ഉണ്ട് എന്നത് പഞ്ചായത്ത്, വാര്‍ഡ് തിരിച്ച് വ്യക്തമാക്കുമോ;

(ബി)	ഇവ പ്രവര്‍ത്തനസജ്ജമാക്കുന്നതിന് അടിയന്തര നടപടികള്‍ സ്വീകരിക്കുമോ; വിശദമാക്കുമോ?

തിരുവനന്തപുരം നഗരത്തിലെ കുടിവെള്ളത്തിന്റെ ഗുണനിലവാരം

5181.

ശ്രീ.വി.എസ്.ശിവകുമാര്‍
,, എം. വിന്‍സെന്റ്
,, കെ.മുരളീധരന്‍
,, കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരം നഗരത്തില്‍ വാട്ടര്‍ അതോറിറ്റി വിതരണം ചെയ്യുന്ന കുടിവെള്ളം ശുദ്ധീകരിക്കുന്നതിന് നിലവില്‍ സ്വീകരിക്കുന്ന മാര്‍ഗ്ഗങ്ങള്‍ വിശദമാക്കാമോ;

(ബി)	നഗരത്തില്‍ വാട്ടര്‍ അതോറിറ്റി വിതരണം ചെയ്യുന്ന വെള്ളത്തിന്റെ ഗുണനിലവാരം സ്ഥിരമായി പരിശോധനയ്ക്ക് വിധേയമാക്കാറുണ്ടോ;

(സി)	ജലത്തിന്റെ ഗുണനിലവാരം പരിശോധിക്കുന്നതിന് നിലവില്‍ അവലംബിക്കുന്ന രീതികള്‍ വ്യക്തമാക്കാമോ;

(ഡി)	ഏറ്റവും അവസാനം നടത്തിയ ഗുണനിലവാര പരിശോധനാ റിപ്പോര്‍ട്ടുകള്‍ മേശപ്പുറത്തുവയ്ക്കാമോ ?

കുളത്തോട്ടുമല കുടിവെള്ള ശുചീകരണ പദ്ധതി

5182.

(എ)	കുളത്തോട്ടുമല കുടിവെള്ള ശുചീകരണ പദ്ധതിയുടെ നിലവിലെ സ്ഥിതിയെന്താണ്;

(ബി)	പ്രസ്തുത പദ്ധതി ആരംഭിക്കുന്നതിന് എന്തെങ്കിലും തടസ്സങ്ങളുണ്ടോ ; എങ്കില്‍ തടസ്സങ്ങള്‍ വിശദമാക്കുമോ;ഈ പ്രവൃത്തി എന്ന് ആരംഭിയ്ക്കുുവാന്‍ കഴിയുമെന്ന് വ്യക്തമാക്കുമോ?

തോപ്പുംപടിയിലെ വാട്ടര്‍ ടാങ്കിന്റെ കപ്പാസിറ്റി

5183.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	പശ്ചിമ കൊച്ചിയിലെ തോപ്പുംപടിയിലെ വാട്ടര്‍ ടാങ്കില്‍, ടാങ്കിന്റെ കപ്പാസിറ്റിക്കനുസരിച്ച് കുടിവെളളം പൂര്‍ണ്ണതോതില്‍ ശേഖരിക്കാനും വിതരണം ചെയ്യാനും സാധിക്കാത്തതിന്റെ കാരണം വിശദമാക്കാമോ;

(ബി)	ഇത് പരിഹരിക്കാനായി നടപടി സ്വീകരിക്കുമോ എന്ന് വ്യക്തമാക്കുമോ;

(സി)	എങ്കില്‍ സ്വീകരിക്കാനുദ്ദേശിക്കുന്ന നടപടി എന്തെന്ന് വിശദമാക്കുമോ?

കുടിവെള്ളക്ഷാമം രൂക്ഷമായ പ്രദേശങ്ങളില്‍ വാട്ടര്‍ കിയോസ്ക്കുകള്‍

5184.

ശ്രീ.മുല്ലക്കര രത്നാകരന്‍
,, ഇ.കെ.വിജയന്‍
,, ഇ.ടി. ടൈസണ്‍ മാസ്റ്റര്‍
,, കെ. രാജന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഗ്രാമീണ മേഖലകളിലും മറ്റും ടാങ്കര്‍ ലോറികള്‍ മുഖേന കുടിവെള്ളം എന്ന വ്യാജേന മലിനമായ ജലം വിതരണം ചെയ്യുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ജലവിതരണത്തിന് ഉപയോഗിക്കുന്ന ജലസ്രോതസ്സുകളില്‍ ജലമലിനീകരണമില്ല എന്ന് ഉറപ്പുവരുത്തുന്നതിന് അവലംബിക്കുന്ന മാര്‍ഗ്ഗങ്ങള്‍ വിശദമാക്കുമോ;

(സി)	കുടിവെള്ളക്ഷാമം രൂക്ഷമായ പ്രദേശങ്ങളില്‍ വാട്ടര്‍ കിയോസ്ക്കുകള്‍ സ്ഥാപിച്ച് ജലലഭ്യത ഉറപ്പുവരുത്തുമോ; ടാങ്കര്‍ ലോറിയിലൂടെയുള്ള ജലവിതരണം പരമാവധി ഈ കിയോസ്ക്കുകളിലേക്ക് പരിമിതപ്പെടുത്തുമോ ?

ജലവിതരണത്തിനുള്ള ഗുണനിലവാര സര്‍ട്ടിഫിക്കറ്റ് പ്രദര്‍ശിപ്പിക്കാത്ത വാഹനങ്ങള്‍

5185.

ശ്രീ.പി.കെ. ശശി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ കടുത്ത വരള്‍ച്ചയും മഴലഭ്യതയില്ലാത്തതുമായ കാലാവസ്ഥ മുതലാക്കി ഭൂജലം വിവിധ മാര്‍ഗ്ഗങ്ങളിലൂടെ ചൂഷണം/മോഷണം നടത്തി ടാങ്കറുകളിലും മറ്റു വാഹനങ്ങളിലുമായി വിതരണം നടത്തി ജനങ്ങളില്‍ നിന്നും അമിത വില ഈടാക്കുന്നത് സർക്കാരിന്റെ ശ്രദ്ധയില്‍പ്പെട്ടിട്ടുണ്ടോ ;

(ബി)	ഇത്തരത്തില്‍ വിപണനം നടത്തുന്ന ജലത്തിന്റെ ഗുണനിലവാരമോ ഉറവിടമോ ഉപഭോക്താക്കള്‍ക്കറിയാത്തതുമൂലം ഗുണനിലവാരമില്ലാത്ത ജലവും വിപണനം നടത്തുന്നത് ശ്രദ്ധയില്‍പ്പെട്ടിട്ടുണ്ടോ ; എങ്കില്‍ വിശദാംശം വ്യക്തമാക്കുമോ;

(സി)	ജലവിതരണത്തിനായി ഉപയോഗിക്കുന്ന വാഹനങ്ങളില്‍ ജലം ലഭിച്ച സ്ഥലം, ആയതിനുള്ള ലൈസന്‍സ്, ഗുണനിലവാര സര്‍ട്ടിഫിക്കറ്റ്, വിതരണ അനുമതി പത്രം എന്നിവ പ്രദര്‍ശിപ്പിക്കുന്നതിനും അല്ലാത്ത വാഹനങ്ങള്‍ കണ്ടുകെട്ടാനും നടപടികള്‍ സ്വീകരിക്കുമോ;

(ഡി)	ഇതോടൊപ്പം സംസ്ഥാനത്ത് നടക്കുന്ന ജലചൂഷണം/മോഷണം തടയുവാന്‍ സ്വീകരിക്കുന്ന നടപടികള്‍ വ്യക്തമാക്കുമോ?

കുടിവെള്ളത്തിന്റെ ഗുണനിലവാര പരിശോധന

5186.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	വിവിധ ജലവിതരണ പദ്ധതികള്‍ വഴി വിതരണം ചെയ്യുന്ന കുടിവെള്ളത്തിന്റെ ഗുണനിലവാരം പരിശോധിക്കുന്നതിന് നിലവില്‍ എന്തെല്ലാം നടപടികള്‍ സ്വീകരിച്ചുവരുന്നുവെന്ന് അറിയിക്കുമോ;

(ബി)	വിതരണം ചെയ്യുന്ന കുടിവെള്ളത്തിന്റെ ഗുണനിലവാരം സ്ഥിരമായി പരിശോധിക്കുന്നതിനും ഉറപ്പുവരുത്തുന്നതിനും കൂടുതല്‍ നടപടികള്‍ സ്വീകരിക്കാന്‍ ആലോചിക്കുന്നുണ്ടോ;

(സി)	എങ്കില്‍ അവയുടെ വിശദാംശം വ്യക്തമാക്കുമോ?

പഞ്ചായത്തുകള്‍ക്ക് സമഗ്ര കുടിവെള്ള പദ്ധതി

5187.

(എ)	കേരളത്തിലെ മുഴുവന്‍ പഞ്ചായത്തുകള്‍ക്കും സമഗ്രമായ കുടിവെള്ള പദ്ധതികള്‍ക്കായി മാസ്റ്റര്‍ പ്ലാന്‍ പരിഗണനയിലുണ്ടോ; എങ്കില്‍വിശദ വിവരം നല്‍കുമോ;

(ബി)	പാലക്കാട് ജില്ലക്കായി ഇത്തരത്തില്‍ എന്തെങ്കിലും സമഗ്രമായ പദ്ധതിയുണ്ടോ; എങ്കില്‍ വിശദവിവരം നല്‍കുമോ;

(സി)	കോങ്ങാട് മണ്ഡലത്തിനായി ഇത്തരത്തില്‍ എന്തെങ്കിലും സമഗ്രമായ പദ്ധതിയുണ്ടോ; എങ്കില്‍ വിശദവിവരം നല്‍കുമോ?

2017 മാര്‍ച്ചില്‍ കമ്മീഷന്‍ ചെയ്യേണ്ട കുടിവെള്ള പദ്ധതി

5188.

(എ)	സംസ്ഥാനത്ത് 2017 മാര്‍ച്ചില്‍ കമ്മീഷന്‍ ചെയ്യേണ്ട എന്തെല്ലാം കുടിവെള്ള പദ്ധതികളാണ് കെ.ഡബ്ലു.എ യുടെ അനാസ്ഥ മൂലം മുടങ്ങിക്കിടക്കുന്നത്;ആയതിന്റെ ജില്ല തിരിച്ചുള്ള കണക്ക് ലഭ്യമാക്കാമോ; ഈ പദ്ധതികള്‍ മുന്നോട്ട് കൊണ്ടുപോകാന്‍ കരാറുകാര്‍ തയ്യാറാകുന്നുണ്ടോ; ഇല്ലെങ്കില്‍ കാരണം വ്യക്തമാക്കാമോ;

(ബി)	കെ.ഡബ്ലു.എ യില്‍ കരാറുകാരുടെ ബില്‍ ഡിസ്കൗണ്ടിംഗ് സംവിധാനത്തിന്റെ പുരോഗതി അറിയിക്കാമോ;

(സി)	കെ.ഡബ്ലു.എ കരാറുകാര്‍ക്ക് ബാങ്കുകള്‍ സര്‍ഫാസി ആക്ട് നടപ്പാക്കാന്‍ നോട്ടീസ് നല്‍കിയിട്ടും കെ.ഡബ്ലു.എ ഇക്കാര്യത്തില്‍ എന്തു നടപടി സ്വീകരിച്ചു വരുന്നു എന്നറിയിക്കാമോ?

Website maintained by Information System Section, Kerala Legislative Assembly, Thiruvananthapuram.