കായംകുളം മണ്ഡലത്തില്‍ 2016 മുതല്‍ നാളിതുവരെ ഫിഷറീസ് വകുപ്പ് അനുവദിച്ച പ്രവൃത്തികള്‍, അനുവദിച്ച തുക, പ്രവൃത്തികളുടെ പുരോഗതി എന്നിവ വിശദമാക്കാമോ?

മത്സ്യത്തൊഴിലാളി കുടുംബങ്ങളിലെ കുട്ടികൾക്കായി സർക്കാർ നടപ്പിലാക്കുന്ന വിദ്യാഭ്യാസ സഹായ പദ്ധതികൾ ഏതൊക്കെയാണ്;

ഈ സർക്കാരിന്റെ കാലയളവിൽ ഓരോ സാമ്പത്തിക വർഷവും പ്രസ്തുത പദ്ധതികൾക്കായി ബജറ്റിൽ വകയിരുത്തിയ തുകയും അനുവദിച്ച തുകയും ചെലവഴിച്ച തുകയും ഇനം തിരിച്ചു വ്യക്തമാക്കുമോ; ഓരോ പദ്ധതിയിലും നിലവിൽ എത്ര തുക കുടിശ്ശികയിനത്തില്‍ വിതരണം ചെയ്യാനുണ്ട്; വ്യക്തമാക്കാമോ?

സംസ്ഥാനത്ത് ഓരോ വര്‍ഷം കഴിയുന്തോറും മത്സ്യലഭ്യതയില്‍ ഇടിവുണ്ടാകുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതു പരിഹരിക്കുവാന്‍ എന്തൊക്കെ നടപടികള്‍ സ്വീകരിച്ചുവരുന്നു; വ്യക്തമാക്കാമോ;

സംസ്ഥാനത്ത് നിലവില്‍ ദൈനംദിനം വേണ്ടുന്ന മത്സ്യത്തിന്റെ അളവ് എത്രയാണെന്നും നിലവിലെ മത്സ്യലഭ്യത എത്രയാണെന്നും വ്യക്തമാക്കുമോ;

സംസ്ഥാനത്തിന് എന്നത്തേയ്ക്ക് മത്സ്യലഭ്യതയില്‍ സ്വയം പര്യാപ്തത കൈവരിക്കുവാന്‍ കഴിയുമെന്നാണ് കണക്കാക്കുന്നത്; വിശദമാക്കാമോ?

മത്സ്യത്തൊഴിലാളികൾക്കും കുടുംബങ്ങൾക്കുമായി ഫിഷറീസ് വകുപ്പു മുഖേന നടപ്പിലാക്കിവരുന്ന പദ്ധതികൾ ഏതൊക്കെയാണ്;

ഈ സർക്കാരിന്റെ കാലയളവിൽ ഓരോ സാമ്പത്തിക വർഷവും പ്രസ്തുത പദ്ധതികൾക്കായി ബജറ്റിൽ വകയിരുത്തിയ തുകയും അനുവദിച്ച തുകയും ചെലവഴിച്ച തുകയും ഇനം തിരിച്ചു വ്യക്തമാക്കുമോ; ഓരോ പദ്ധതിയിലും നിലവിൽ എത്ര തുക കുടിശ്ശികയിനത്തില്‍ വിതരണം ചെയ്യാനുണ്ട്; വ്യക്തമാക്കാമോ?

സംസ്ഥാനത്ത് മത്സ്യമേഖലയില്‍ പുത്തന്‍ സാങ്കേതികവിദ്യകളുടെ സഹായത്താല്‍ മത്സ്യം സംസ്കരിച്ച് മൂല്യവര്‍ദ്ധിത ഉല്പന്നങ്ങളാക്കി മാറ്റുന്നതിനും വൈവിദ്ധ്യവല്‍ക്കരണം കൊണ്ടുവരുന്നതിനും സ്വീകരിച്ച നടപടികൾ വിശദമാക്കാമോ;

മത്സ്യത്തൊഴിലാളി മേഖലയിലെ സ്ത്രീകൾക്ക് പുതിയ മേഖലയില്‍ നൂതനമായ തൊഴിലവസരങ്ങള്‍ സൃഷ്ടിക്കുന്നതിനും സ്വയം തൊഴിൽ കണ്ടെത്തുന്നതിനും സർക്കാർ നൽകിവരുന്ന ആനുകൂല്യങ്ങൾ വിശദമാക്കാമോ;

മത്സ്യത്തൊഴിലാളി കുടുംബങ്ങളുടെ സാമ്പത്തികസ്ഥിതി മെച്ചപ്പെടുത്താൻ സ്വീകരിച്ച നടപടികൾ വിശദമാക്കാമോ?

2021-22 സാമ്പത്തിക വർഷം മുതൽ നാളിതുവരെ ആലപ്പുഴ മണ്ഡലത്തില്‍ ഫിഷറീസ് വകുപ്പ് മുഖേന അനുവദിച്ചിട്ടുളള പദ്ധതികൾ ഏതൊക്കെയാണെന്നും പദ്ധതികള്‍ക്ക് അനുവദിച്ച തുക, പ്രസ്തുത പദ്ധതികളുടെ നിലവിലെ പ്രവർത്തന പുരോഗതി എന്നിവയും വിശദമാക്കാമോ?

കാലാവസ്ഥ വ്യതിയാനവും അശാസ്ത്രീയമായ മീന്‍പിടിത്തവും കാരണം പരമ്പരാഗത മത്സ്യത്തൊഴിലാളികള്‍ നേരിടുന്ന പ്രതിസന്ധി വ്യക്തമാക്കാമോ;

അടിക്കടി ഉണ്ടാകുന്ന കാലാവസ്ഥ വ്യതിയാനം മൂലമുള്ള മുന്നറിയിപ്പുകള്‍ നിമിത്തം മത്സ്യത്തൊഴിലാളികള്‍ക്ക് കടലില്‍ പോകുവാന്‍ സാധിക്കാത്ത സാഹചര്യം വ്യക്തമാക്കാമോ;

തൊഴില്‍ ദിനങ്ങള്‍ നഷ്ടപ്പെടുന്ന മത്സ്യത്തൊഴിലാളികള്‍ക്ക് അതിന് നഷ്ടപരിഹാരം നല്‍കണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ അതിന്മേലുള്ള നിലപാട് എന്താണെന്ന് വ്യക്തമാക്കാമോ;

കാലാവസ്ഥ പ്രവചനങ്ങളില്‍ ഉണ്ടാകുന്ന അവ്യക്തതയും സൂക്ഷ്മത ഇല്ലായ്മയും മൂലം മത്സ്യത്തൊഴിലാളികള്‍ക്ക് ഉണ്ടാകുന്ന പ്രശ്നങ്ങള്‍ പരിഹരിക്കുന്നതിന് അടിയന്തര ഇടപെടലുകള്‍ ഉണ്ടാകുമോ; വ്യക്തമാക്കാമോ?

കഴിഞ്ഞ അഞ്ചു വർഷത്തിൽ കൈപ്പമംഗലം മണ്ഡലത്തിൽ ഫിഷറീസ് വകുപ്പ് നടപ്പിലാക്കിയിട്ടുള്ള വികസന പ്രവർത്തനങ്ങൾ എന്തെല്ലാമെന്ന് വിശദമാക്കാമോ;

മണ്ഡലത്തിൽ പ്രവർത്തിക്കുന്ന അഴീക്കോട് പൊമ്പാനോ ഫിൻഫിഷ്‌ ഹാച്ചറിയുമായി ബന്ധപ്പെട്ട് എന്തെല്ലാം വികസന പ്രവർത്തനങ്ങളാണ് നടപ്പിലാക്കിയിട്ടുള്ളത് വ്യക്തമാക്കുമോ;

മണ്ഡലത്തിൽ പൊതു കുളങ്ങളിൽ കൂടാതെ സ്വകാര്യ കുളങ്ങളിലും മത്സ്യ വിത്ത് നിക്ഷേപിക്കുന്നതിനായി എന്തെല്ലാം നടപടികളാണ് സ്വീകരിച്ചിരിക്കുന്നത്; വ്യക്തമാക്കുമോ?

കോഴിക്കോട് സൗത്ത് മണ്ഡലത്തില്‍ 2021 മുതല്‍ 2025 വരെ ഫിഷറീസ് വകുപ്പ് അനുവദിച്ച പദ്ധതികളുടെ വിശദാംശങ്ങള്‍ ലഭ്യമാക്കാമോ?

പരമ്പരാഗത മത്സ്യത്തൊഴിലാളികള്‍ക്ക് അധിക മത്സ്യലഭ്യതയ്ക്കായി കൃത്രിമ പാര് നിക്ഷേപിക്കുന്ന പദ്ധതിയുടെ രണ്ടാം ഘട്ടം ആരംഭിക്കാൻ കഴിഞ്ഞിട്ടുണ്ടോയെന്ന് വ്യക്തമാക്കാമോ;

ഏതൊക്കെ ജില്ലകളിലെ മത്സ്യബന്ധന കേന്ദ്രങ്ങളിലാണ് കൃത്രിമ പാര് നിക്ഷേപിക്കാൻ ഉദ്ദേശിക്കുന്നതെന്ന് വ്യക്തമാക്കാമോ;

മുന്‍കാലങ്ങളില്‍ നിക്ഷേപിച്ച കൃത്രിമ പാര് മുഖേന മത്സ്യ ലഭ്യതയില്‍ വര്‍ദ്ധനവ് ഉണ്ടായിട്ടുണ്ടോയെന്ന് വ്യക്തമാക്കാമോ?

പുനര്‍ഗേഹം പദ്ധതി പ്രകാരം കഴിഞ്ഞ അഞ്ച് വര്‍ഷം കൊണ്ട് എത്ര മത്സ്യത്തൊഴിലാളി കുടുംബങ്ങളെ സുരക്ഷിത സ്ഥാനങ്ങളിൽ പുനരധിവസിപ്പിച്ചിട്ടുണ്ട്; ജില്ല തിരിച്ചുള്ള കണക്ക് ലഭ്യമാക്കാമോ;

കടലാക്രമണം രൂക്ഷമായ തീരപ്രദേശങ്ങളില്‍ ടെട്രാപോഡ് പുലിമുട്ടുകള്‍ സ്ഥാപിക്കുന്ന പ്രവൃത്തി ഏതു ഘട്ടത്തിലാണെന്ന് വിശദമാക്കാമോ;

മത്സ്യത്തൊഴിലാളികള്‍ക്ക് മണ്ണെണ്ണ സബ്സിഡി കുടിശ്ശികയില്ലാതെ വിതരണം ചെയ്യുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

ആഴക്കടല്‍ മത്സ്യബന്ധനത്തിന് തദ്ദേശീയ മത്സ്യത്തൊഴിലാളികള്‍ക്ക് സര്‍ക്കാര്‍ നല്‍കുന്ന ആനുകൂല്യങ്ങള്‍ എന്തെല്ലാമാണെന്ന് വിശദമാക്കാമോ?

മത്സ്യത്തൊഴിലാളികൾക്ക് മണ്ണെണ്ണ സബ്സിഡി ഇനത്തിൽ നിലവിൽ അനുവദിക്കുന്ന തുക എത്രയാണ്; ഈ തുക നിശ്ചയിച്ചത് എന്നാണ്; തുക നിശ്ചയിക്കുന്ന സമയത്ത് ഒരു ലിറ്റർ മണ്ണെണ്ണയുടെ വില എത്രയായിരുന്നു; മണ്ണെണ്ണ വില വളരെയധികം വർദ്ധിച്ചിട്ടും സബ്സിഡി നിരക്കിൽ വർദ്ധന വരുത്താത്തതിന്റെ കാരണം വ്യക്തമാക്കാമോ;

മണ്ണെണ്ണയുടെ വിലയ്ക്ക് അനുസൃതമായി സബ്സിഡി തുക ഉയർത്തി നിശ്ചയിക്കുന്നതിന് അടിയന്തര നടപടി സ്വീകരിക്കുമോ; വ്യക്തമാക്കാമോ?

വെെപ്പിന്‍ മണ്ഡലത്തിൽ 2.50 കോടി രൂപ വിനിയോഗിച്ച് വഴിയ്ക്കും പാര്‍ക്കിങ്ങ് ഏരിയയ്ക്കും സ്ഥലമേറ്റെടുത്തിട്ടുള്ളതും 1.50 കോടി രൂപയുടെ അനുബന്ധ പ്രവൃത്തികൾക്കായി ഭരണാനുമതി നല്‍കിയിട്ടുള്ളതുമായ വെെപ്പിന്‍ ഫിഷ് ലാന്റിംഗ് സെന്ററിലെ പ്രവൃത്തികളുടെ പുരോഗതി വിശദമാക്കാമോ;

പ്രസ്തുത പ്രവൃത്തികളുടെ കരാര്‍ ആരാണ് ഏറ്റെടുത്തിട്ടുള്ളതെന്നും കരാര്‍ കാലാവധി എന്നാണ് അവസാനിക്കുന്നതെന്നും വ്യക്തമാക്കാമോ;

വെെപ്പിന്‍ ഫിഷ് ലാന്റിങ്ങ് സെന്ററിന്റെ വഴിയ്ക്കായുള്ള രണ്ടാംഘട്ട സ്ഥലമെടുപ്പ് നടപടികളുടെ നിലവിലെ സ്ഥിതി വിശദമാക്കാമോ?

ഈ സർക്കാരിന്റെ കാലത്ത് മഞ്ചേശ്വരം മണ്ഡലത്തിൽ ഫിഷറീസ് വകുപ്പ് നടപ്പിലാക്കിയതും നടപ്പിലാക്കാൻ ഉദ്ദേശിക്കുന്നതുമായ പദ്ധതികളുടെ വിശദ വിവരങ്ങൾ ലഭ്യമാക്കുമോ;

പ്രസ്തുത പദ്ധതികൾക്ക് അനുവദിച്ച തുക, നിർവ്വഹണ ഏജൻസി, പദ്ധതികളുടെ നിലവിലെ നിർവ്വഹണ പുരോഗതി എന്നിവ സംബന്ധിച്ച വിവരം ലഭ്യമാക്കുമോ?

നിലവിലെ സര്‍ക്കാരിന്റെ കാലത്ത് മത്സ്യബന്ധന വകുപ്പിന്റെ നേതൃത്വത്തില്‍ അഴീക്കോട് മണ്ഡലത്തില്‍ നടപ്പിലാക്കിയ പ്രവൃത്തികളുടെ വിശദാംശം നല്‍കാമോ;

പൂര്‍ത്തിയാക്കിയ പദ്ധതികള്‍, പുരോഗമിക്കുന്നവ, ആരംഭിക്കുന്നവ എന്നിവ തുക ഉള്‍പ്പെടെ രേഖപ്പെടുത്തി തരംതിരിച്ച് വിശദമായ മറുപടി നല്‍കാമോ?

മുന്‍ സര്‍ക്കാരിന്റെ കാലയളവിലും നിലവിലെ സര്‍ക്കാരിന്റെ കാലയളവിലും ചിറയിന്‍കീഴ് മണ്ഡലത്തില്‍ ഫിഷറീസ് വകുപ്പ് മുഖേന നടപ്പിലാക്കിയ പദ്ധതികള്‍ ഏതെല്ലാമാണെന്നും ഓരോ പദ്ധതിക്കും ചെലവഴിച്ച തുക എത്രയാണെന്നും വിശദമാക്കാമോ?

കോഴിക്കോട് നോര്‍ത്ത് മണ്ഡലത്തില്‍ പുനര്‍ഗേഹം പദ്ധതി പ്രകാരം നിര്‍മ്മിക്കുന്ന ഫ്ലാറ്റിന്റെ നിലവിലെ സ്ഥിതി വ്യക്തമാക്കാമോ;

നിര്‍മ്മാണം എത്രയും പെട്ടെന്ന് പൂര്‍ത്തീകരിക്കുന്നതിന് നടപടി സ്വീകരിക്കുമോ;

എത്ര ഗുണഭോക്താക്കള്‍ക്ക് ഇതുമൂലം വീടുകള്‍ ലഭ്യമാകുമെന്ന് വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം ഫിഷറീസ് വകുപ്പ് ഉദുമ മണ്ഡലത്തില്‍ നടപ്പിലാക്കിയ വിവിധ പദ്ധതികള്‍ ഏതൊക്കെയെന്നും തുക എത്രയെന്നും വ്യക്തമാക്കാമോ;

പ്രസ്തുത പദ്ധതികളുടെ നിലവിലുള്ള പുരോഗതി റിപ്പോര്‍ട്ട് ലഭ്യമാക്കാമോ?

കടല്‍ മത്സ്യത്തിന് ന്യായവില ഉറപ്പാക്കി ഇടനിലക്കാരുടെ ചൂഷണം ഒഴിവാക്കുന്നതിനും മത്സ്യലേലവും വിപണനവും നിയന്ത്രിക്കുന്നതിനും വ്യവസ്ഥാപിതവും ശുചിത്വപൂര്‍ണ്ണവും കാര്യക്ഷമവുമായ ലേലവും വിപണനവും പ്രോത്സാഹിപ്പിക്കുന്നതിനും സ്വീകരിച്ച നടപടികളെക്കുറിച്ച് വിശദമാക്കാമോ;

മൂല്യവര്‍ദ്ധിത ഉല്‍പ്പന്നങ്ങളിലൂടെ വരുമാന വര്‍ദ്ധനവ് സാധ്യമാക്കുന്നതിനും മൂല്യവര്‍ധിത ഉല്പന്ന സംരംഭങ്ങളെ പ്രോത്സാഹിപ്പിക്കുന്നതിനും എന്തെല്ലാം പദ്ധതികള്‍ ആവിഷ്കരിച്ച് നടപ്പിലാക്കിയിട്ടുണ്ട്; വ്യക്തമാക്കാമോ;

സംസ്ഥാനത്ത് എത്ര ഫിഷ്‍മാര്‍ട്ടുകള്‍ നിലവിലുണ്ട്; മത്സ്യസഹകരണ സംഘങ്ങളെ ഉള്‍പ്പെടുത്തി ഫിഷ്‍മാര്‍ട്ടുകള്‍ സ്ഥാപിക്കുവാന്‍ നിലവില്‍ എന്തെങ്കിലും പദ്ധതികള്‍ ആവിഷ്കരിച്ചിട്ടുണ്ടോ; വിശദമാക്കാമോ?

2021-26 കാലയളവിൽ ഇതുവരെ കരുനാഗപ്പള്ളി മണ്ഡലത്തില്‍ ഫിഷറീസ്, ഹാർബർ എഞ്ചിനീയറിംഗ് എന്നീ വകുപ്പുകളിൽ നിന്ന് ഭരണാനുമതി ലഭിച്ച പ്രവൃത്തികളുടെയും പദ്ധതികളുടെയും വിവരങ്ങള്‍ ലഭ്യമാക്കാമാേ;

പ്രസ്തുത പദ്ധതികളുടെ പേര്, അനുവദിച്ച തുക, നിലവിലെ സ്ഥിതി എന്നിവ വർഷം തിരിച്ച് വിശദമാക്കാമാേ?

ഈ സര്‍ക്കാര്‍ അധികാരത്തില്‍ വന്നതിന് ശേഷം പാറശ്ശാല മണ്ഡലത്തില്‍ മത്സ്യബന്ധനം, സാംസ്കാരികം, യുവജന ക്ഷേമം എന്നീ വകുപ്പുകള്‍ മുഖേന നടപ്പിലാക്കിയ പ്രവൃത്തികളുടെ വിശദവിവരം വര്‍ഷാടിസ്ഥാനത്തില്‍ ലഭ്യമാക്കാമോ;

പ്രസ്തുത പദ്ധതികളുടെ പേര്, അനുവദിച്ച തുക, പദ്ധതിയുടെ നിലവിലെ പുരോഗതി എന്നിവ സംബന്ധിച്ച വിശദാംശം ലഭ്യമാക്കാമോ?

കേരളതീരത്തെ ആഴക്കടലിലും തീരക്കടലിലും വിദേശ ട്രോളറുകൾ ഉൾപ്പെടെയുള്ള മത്സ്യബന്ധനയാനങ്ങൾക്ക് ട്രോളിംഗ് നടത്തുന്നതിന് അനുമതി നൽകുന്ന തരത്തിൽ മത്സ്യബന്ധന നയം കേന്ദ്രസർക്കാർ പരിഷ്കരിച്ചത് ശ്രദ്ധയിൽപ്പെട്ടിട്ടുണ്ടോ; വിശദീകരിക്കുമോ;

കേന്ദ്രസര്‍ക്കാര്‍ നടപ്പിലാക്കാൻ ഉദ്ദേശിക്കുന്ന പുതുക്കിയ മത്സ്യബന്ധന നയം സംസ്ഥാനത്തെ പരമ്പരാഗത മത്സ്യത്തൊഴിലാളികൾക്കുണ്ടാക്കിയിട്ടുള്ള ആശങ്കകൾ കേന്ദ്രസർക്കാരിന്റെ ശ്രദ്ധയിൽപ്പെടുത്തിയിട്ടുണ്ടോ; വിശദമാക്കുമോ;

കേരളതീരത്തുനിന്ന് ലഭിക്കുന്ന മത്സ്യസമ്പത്ത് വൻകിട കപ്പലുകളിൽ വച്ചുതന്നെ വിപണനം നടത്തുന്നതിനും ഉല്പന്നങ്ങളാക്കി മാറ്റുന്നതിനുമുള്ള അനുമതി കേന്ദ്രസർക്കാർ നൽകിയിട്ടുണ്ടോ;

കേരളതീരത്ത് നിന്ന് ലഭിക്കുന്ന മത്സ്യസമ്പത്ത് സംസ്ഥാനത്തിന്റെ പ്രകൃതിവിഭവമെന്ന നിലയിൽ കൈകാര്യം ചെയ്യുന്നതിനാവശ്യമായ ഇടപെടൽ നടത്തുമോ; വിശദീകരിക്കുമോ?

സംസ്ഥാനത്തെ മത്സ്യത്തൊഴിലാളികളുടെ പ്രശ്നങ്ങൾ പരിഹരിക്കാൻ സ്വീകരിച്ച നടപടികൾ എന്തെല്ലാമെന്ന് വ്യക്തമാക്കുമോ;

വിവിധ വിഭാഗത്തിൽപ്പെട്ട മത്സ്യത്തൊഴിലാളികൾക്ക് നൽകി വരുന്ന ആനുകൂല്യങ്ങൾ കാലോചിതമായി പരിഷ്കരിക്കാന്‍ സ്വീകരിച്ചുവരുന്ന നടപടികള്‍ എന്തെല്ലാം; വ്യക്തമാക്കാമോ?

തിരൂരങ്ങാടി മണ്ഡലത്തില്‍ പരപ്പനങ്ങാടി നഗരസഭയിലെ തീരപ്രദേശത്ത് പുലിമുട്ട് നിർമ്മാണത്തിന്റെ പുരോഗതി വിശദമാക്കാമോ;

പരപ്പനങ്ങാടി ആലുങ്ങൽ, ചാപ്പപ്പടി ഭാഗത്ത് ഫിഷ് ലാൻഡിങ് സെന്ററുകളുടെ പുനർനിർമ്മാണ പുരോഗതി വിശദമാക്കാമോ;

ഈ ഭാഗത്ത് പുലിമുട്ട് നിർമ്മിക്കുന്നതിന് എസ്റ്റിമേറ്റ് തയ്യാറാക്കിയിട്ടുണ്ടോ; എങ്കില്‍ എസ്റ്റിമേറ്റ് തുകയും ഫയൽ നമ്പറും ഫയലിൽ സ്വീകരിച്ച നടപടികളും ഇനി സ്വീകരിക്കാനുള്ള നടപടികളും ഫയലിന്റെ നിലവിലെ സ്ഥിതിയും സഹിതം വിശദമാക്കാമോ;

ഫിഷ് ലാൻഡിങ് സെന്ററുകളുടെ എസ്റ്റിമേറ്റ് തുകകളും ഫയൽ നമ്പറുകളും പ്രസ്തുത ഫയലുകളിൽ സ്വീകരിച്ച നടപടികളും ഇനി സ്വീകരിക്കാനുള്ള നടപടികളും ഫയലുകളുടെ നിലവിലെ പൊസിഷനും സഹിതം വിശദമാക്കാമോ?

ഈ സർക്കാരിന്റെ കാലയളവിൽ മത്സ്യത്തൊഴിലാളികൾക്ക് നല്‍കിയിട്ടുള്ള ആനുകൂല്യങ്ങള്‍/പദ്ധതികള്‍ ഏതൊക്കെയാണെന്ന് വിശദമാക്കാമോ;

പ്രസ്തുത പദ്ധതികളില്‍ അഴീക്കോട് മണ്ഡലത്തില്‍ ഗുണഭോക്താക്കളായിട്ടുള്ളവരുടെ എണ്ണം, ഏതൊക്കെ പദ്ധതി എന്നിവ പഞ്ചായത്ത് തിരിച്ച് വിശദമാക്കാമോ?

മുൻ സർക്കാരിന്റെ കാലം മുതൽ ഇതുവരെ മുതലപ്പൊഴിയിൽ മത്സ്യബന്ധനത്തിനിടെ ഉണ്ടായ അപകടങ്ങളിൽപ്പെട്ട് എത്രപേർ മരണപ്പെട്ടിട്ടുണ്ട്; എത്രപേർക്ക് പരിക്കേറ്റിട്ടുണ്ട്; വിശദമാക്കുമോ;

മുതലപ്പൊഴിയിൽ അപകടങ്ങൾ നിരന്തരം ആവർത്തിക്കപ്പെടുന്നതിന്റെ കാരണം എന്താണെന്ന് ശാസ്ത്രീയമായി പഠനം നടത്തി കണ്ടെത്തിയിട്ടിട്ടുണ്ടോ; പ്രശ്നം പരിഹരിക്കുന്നതിന് നാളിതുവരെ എന്തൊക്കെ നടപടി സ്വീകരിച്ചിട്ടുണ്ട്; ഇതിനായി എത്ര തുക ഏതൊക്കെ ഇനത്തിൽ ചെലവഴിച്ചിട്ടുണ്ട്; വിശദാംശം നല്‍കുമോ?

ആഴക്കടൽ മത്സ്യബന്ധനവുമായി ബന്ധപ്പെട്ട് 1977 മുതൽ 2014 വരെ സമർപ്പിക്കപ്പെട്ട നാല് വിദഗ്ധ സമിതി റിപ്പോർട്ടുകൾ സർക്കാർ സ്വീകരിക്കാതിരുന്നതിന് പിന്നിലെ കാരണം എന്താണ്; പ്രസ്തുത റിപ്പോർട്ടുകളിലെ ശിപാർശകൾ നടപ്പിലാക്കുന്നതിന് ഇനി നടപടികൾ സ്വീകരിക്കുമോ; എങ്കില്‍ പ്രസ്തുത നടപടികള്‍ എന്തൊക്കെയാണെന്ന് അറിയിക്കാമോ;

ഇന്ത്യൻ എക്സ്ക്ലൂസിവ് എകണോമിക് സോണ്‍ പരിധിക്കുള്ളിൽ പ്രവർത്തിക്കുന്ന വലിയ വ്യവസായ മത്സ്യബന്ധന കപ്പലുകൾ പരമ്പരാഗത മത്സ്യതൊഴിലാളികളുടെ ഉപജീവനത്തെ ഗുരുതരമായി ബാധിക്കുന്നുവെന്ന ആരോപണം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഈ വിഷയത്തിൽ പഠനങ്ങളോ വിലയിരുത്തലുകളോ നടത്തിയിട്ടുണ്ടോ; വിശദാംശം നല്‍കാമോ;

ആഴക്കടൽ മത്സ്യബന്ധന നയത്തിന്റെ ഭാഗമായി ഫാക്ടറി ട്രോളറുകൾക്കും വലിയ കപ്പലുകൾക്കും അനുമതി നൽകുന്നത് കേരളത്തിലെ മത്സ്യസമ്പത്ത് കുറയാൻ കാരണമാകുമെന്ന ആശങ്ക ഗൗരവമായി പരിഗണിച്ചിട്ടുണ്ടോ; ഈ പശ്ചാത്തലത്തിൽ പരിസ്ഥിതി ആഘാത പഠനം നടത്തിയിട്ടുണ്ടോ;

തീരദേശ മേഖലയിൽ നേരിട്ടും പരോക്ഷമായും മത്സ്യബന്ധനവുമായി ബന്ധപ്പെട്ട് ഉപജീവനം നടത്തുന്ന ഏകദേശം 15 ലക്ഷം ആളുകളുടെ തൊഴിൽ സുരക്ഷ ഉറപ്പാക്കുന്നതിനായി ആഴക്കടൽ മത്സ്യബന്ധന നയത്തിൽ സർക്കാർ ഏതൊക്കെ സംരക്ഷണ വ്യവസ്ഥകളാണ് ഉൾപ്പെടുത്തിയിട്ടുള്ളത്;

ആഴക്കടൽ മത്സ്യബന്ധനത്തിന് അനുമതി നൽകുന്നതിന് മുമ്പ് പരമ്പരാഗത മത്സ്യതൊഴിലാളി സംഘടനകളുമായോ സഹകരണ സംഘങ്ങളുമായോ സർക്കാർ സമഗ്രമായ ചർച്ചകൾ നടത്തിയിട്ടുണ്ടോ; എങ്കിൽ ആയതിന്റെ വിശദാംശം ലഭ്യമാക്കാമോ;

പരമ്പരാഗത മത്സ്യതൊഴിലാളികളുടെ അറിവും അനുഭവസമ്പത്തും പരിഗണിക്കാതെ രൂപപ്പെടുത്തിയ ആഴക്കടൽ മത്സ്യബന്ധന നയം സാമൂഹിക അസമത്വവും തൊഴിൽ നഷ്ടവും സൃഷ്ടിക്കുമെന്ന ആരോപണം ശ്രദ്ധയില്‍പ്പെട്ടിട്ടുണ്ടോ; എങ്കില്‍ പ്രസ്തുത നയം പുന:പരിശോധിക്കാൻ സാധ്യതയുണ്ടോയെന്ന് അറിയിക്കുമോ?

മത്സ്യഗ്രാമത്തിൽ നിന്നുള്ള തൊഴിലാളിയും 1999 മുതൽ മത്സ്യത്തൊഴിലാളി ക്ഷേമനിധി ബോർഡിന്റെ അംഗവുമായിരുന്ന കൊച്ചു സദാശിവൻ 2017 നവംബറിൽ മരണപ്പെട്ടതിന് ശേഷം അദ്ദേഹത്തിന്റെ കുടുംബത്തിന് മത്സ്യത്തൊഴിലാളി ക്ഷേമനിധി ബോർഡിലൂടെ ലഭിക്കേണ്ട മരണാനന്തര ആനുകൂല്യങ്ങൾ ഇതുവരെ വിതരണം ചെയ്യാത്തതിന് കാരണം വിശദമാക്കാമോ;

അദ്ദേഹത്തിന്റെ ഭാര്യ സുമതി കുഞ്ഞു കുഞ്ഞ് (കുടിലിൽ, കപ്പിക്കാട്, കല്ലറ, കോട്ടയം) ബഹു. മന്ത്രിക്ക് സമർപ്പിച്ച 03/11/2025 തീയതിയിലെ നം.231/വി.ഐ.പി/2025 നമ്പർ അപേക്ഷയുടെ നിലവിലെ സ്ഥിതി എന്താണ്; പ്രസ്തുത നിവേദനത്തിൽ ഇതുവരെ കൈക്കൊണ്ട നടപടികൾ എന്തെല്ലാമാണ്; ഈ കുടുംബത്തിന് ആനുകൂല്യങ്ങൾ ലഭിക്കുന്നതിന് വ്യക്തമായ സമയപരിധി നിശ്ചയിക്കുമോ;

നിരവധി തവണ ബന്ധപ്പെട്ടിട്ടും യാതൊരു നടപടിയും ഉണ്ടായിട്ടില്ലെന്ന അപേക്ഷകയുടെ പരാതി ഗൗരവമായി പരിശോധിച്ചിട്ടുണ്ടോ; എങ്കിൽ ഉത്തരവാദികളായ ഉദ്യോഗസ്ഥർക്കെതിരെ എന്തെങ്കിലും നടപടി സ്വീകരിച്ചിട്ടുണ്ടോ; വിശദീകരിക്കുമോ;

അപേക്ഷകയുടെ ദയനീയമായ ആരോഗ്യസ്ഥിതിയും ഗുരുതരമായ സാമ്പത്തിക പ്രതിസന്ധിയും കണക്കിലെടുത്ത് പ്രത്യേക പരിഗണന നൽകി മരണാനന്തര ആനുകൂല്യങ്ങൾ അനുവദിക്കുന്നതിനായി അടിയന്തര നടപടി സ്വീകരിക്കുമോ;

സമാനമായി മരണാനന്തര ആനുകൂല്യങ്ങൾ വൈകിപ്പിക്കപ്പെട്ട മറ്റ് മത്സ്യത്തൊഴിലാളി കുടുംബങ്ങൾ സംസ്ഥാനത്തുണ്ടോ; എങ്കിൽ അപ്രകാരമുള്ള അപേക്ഷകൾ തീർപ്പാക്കുന്നതിനായി സ്വീകരിച്ചിട്ടുള്ള നടപടികൾ എന്തെല്ലാമാണ്; വിശദമാക്കുമോ?

സംസ്ഥാനത്ത് ഉൾനാടൻ മത്സ്യോല്‍പ്പാദനം വർദ്ധിപ്പിക്കുന്നതിനുവേണ്ടി നടപ്പിലാക്കിയ പദ്ധതികൾ വിശദമാക്കാമോ;

ഇതിലൂടെ പ്രാദേശിക തൊഴില്‍ വർദ്ധിപ്പിക്കാനും കയറ്റുമതി പ്രോത്സാഹിപ്പിക്കാനും സാധിച്ചിട്ടുണ്ടോയെന്ന് വ്യക്തമാക്കാമോ;

നൂതന മത്സ്യ കൃഷിരീതികള്‍ അവലംബിക്കുന്നതിനും ഗുണമേന്മയുള്ള മത്സ്യവിത്തുകളുടെ ഉല്പാദനത്തിനും വിതരണത്തിനും മത്സ്യ ഇനങ്ങളിലെ വൈവിദ്ധ്യവല്‍ക്കരണത്തിനും ശാസ്ത്രീയ പരിപാലനം ഉറപ്പാക്കുന്നതിനും സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ?

ബാലുശ്ശേരി മണ്ഡലത്തിലെ കൂരാച്ചുണ്ട് കല്ലാനോട് ഫിഷ് ഹാച്ചറിയുടെ നവീകരണ പ്രവൃത്തി നിലവില്‍ ഏത് ഘട്ടത്തിലാണ്; പ്രസ്തുത പ്രവൃത്തി എപ്പോള്‍ പൂര്‍ത്തീകരിക്കാന്‍ കഴിയുമെന്ന് അറിയിക്കാമോ?

മത്സ്യത്തൊഴിലാളികളുടെ വലകൾ കടൽമാക്രികൾ നശിപ്പിക്കുന്നതുമൂലം പരമ്പരാഗത മത്സ്യത്തൊഴിലാളികൾ പ്രതിസന്ധിയിലാണെന്നത് പരിശോധിച്ചിട്ടുണ്ടോ; വ്യക്തമാക്കാമോ;

കടൽമാക്രികൾ ഇത്തരത്തില്‍ വര്‍ദ്ധിച്ചുവരുന്നതിന്റെ കാരണം കണ്ടെത്തിയിട്ടുണ്ടോ;

പ്രതിസന്ധിയിലായ മത്സ്യത്തൊഴിലാളികളെ സഹായിക്കുന്നതിനായി എന്തെങ്കിലും പദ്ധതി ആവിഷ്കരിക്കുവാൻ ഉദ്ദേശിക്കുന്നുണ്ടോ; എങ്കിൽ വിശദാംശം നൽകുമോ?

സംസ്ഥാനത്തെ മത്സ്യത്തൊഴിലാളികളുടെ കുട്ടികളുടെ പഠന നിലവാരം ഉയര്‍ത്തുന്നതിന് നിലവിലെ സര്‍ക്കാര്‍ നടപ്പിലാക്കിയ പദ്ധതികളുടെ വിശദാംശം ലഭ്യമാക്കാമോ;

മത്സ്യത്തൊഴിലാളികളുടെ കുട്ടികളുടെ വിദ്യാഭ്യാസ ഉന്നമനത്തിനായി അനുവദിച്ചു വരുന്ന ആനുകൂല്യങ്ങള്‍ എന്തെല്ലാമാണെന്ന് വിശദമാക്കാമോ?

കോന്നി മണ്ഡലത്തില്‍ ഈ സര്‍ക്കാരിന്റെ കാലത്തും മുന്‍സര്‍ക്കാരിന്റെ കാലത്തും മത്സ്യബന്ധനം, സാംസ്കാരിക കാര്യം, യുവജനകാര്യം എന്നീ വകുപ്പുകളിൽ നിന്നും വിവിധ പദ്ധതികള്‍ക്കായി അനുവദിച്ച തുക, പ്രവ്യത്തികളുടെ പേര്, അവയുടെ പുരോഗതി എന്നിവ ലഭ്യമാക്കാമോ;

പ്രസ്തുത പ്രവൃത്തികളില്‍ പൂര്‍ത്തീകരിച്ചവയുടെയും പൂര്‍ത്തീകരിക്കാനുള്ളവയുടെയും വിശദവിവരം ലഭ്യമാക്കാമോ;

പ്രസ്തുത പ്രവൃത്തികളില്‍ കിഫ്ബി പദ്ധതികള്‍ ഉള്‍പ്പെട്ടിട്ടുണ്ടെങ്കില്‍ അവയുടെ വിശദ വിവരവും പുരോഗതിയും ലഭ്യമാക്കാമോ?

സംസ്ഥാനത്തെ മത്സ്യസമ്പത്ത് സംരക്ഷിക്കാൻ സ്വീകരിച്ച നടപടികൾ എന്തൊക്കെയാണെന്ന് വിശദമാക്കാമോ?

കുണ്ടറ മണ്ഡലത്തില്‍ ഫിഷറീസ് വകുപ്പില്‍ നിന്നും അനുവദിച്ചിട്ടുളള റോഡ് പ്രവൃത്തികളുടെ നിലവിലെ പ്രവര്‍ത്തന പുരോഗതി വിശദമാക്കാമോ;

പ്രസ്തുത പദ്ധതി പ്രകാരം 2021 ജൂണ്‍ മാസത്തിന് ശേഷം പൂര്‍ത്തീകരിച്ചിട്ടുളള റോഡ് പ്രവൃത്തികള്‍ എതൊക്കെയെന്നും അനുവദിച്ച തുകയെത്രയെന്നും വിശദമാക്കാമോ?

സംസ്ഥാനത്ത് സമുദ്രമത്സ്യത്തിന്റെ അളവില്‍ കുറവ് സംഭവിക്കുന്നുവെന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ വിശദാംശം നല്‍കുമോ;

സമുദ്ര മത്സ്യോല്പാദനം കുറയുന്നതിന്റെ കാരണങ്ങൾ എന്തൊക്കെയാണെന്ന് പഠനം നടത്തിയിട്ടുണ്ടോ; എങ്കില്‍ ഇവ പരിഹരിക്കുന്നതിന് സ്വീകരിച്ച നടപടികൾ വിശദമാക്കാമോ;

മത്സ്യബന്ധന മേഖലയുടെ ആധുനികവത്കരണവും വികസനവും ലക്ഷ്യമാക്കി സ്വീകരിച്ച നടപടികളുടെ വിശദാംശം നല്‍കാമോ?

സംസ്ഥാനത്ത് വിറ്റഴിക്കപ്പെടുന്ന മത്സ്യത്തിന്റെ ഗുണമേന്മ ഉപഭോക്താക്കള്‍ക്ക് നേരിട്ട് പരിശോധിച്ചു ബോധ്യപ്പെടാന്‍ സഹായിക്കുന്ന സ്ട്രിപ്പുകള്‍ പൊതുവിപണിയില്‍ ലഭ്യമല്ലാത്ത സാഹചര്യം ശ്രദ്ധയില്‍പ്പെട്ടിട്ടുണ്ടോ;

ഇത്തരം സ്ട്രിപ്പുകളുടെ ലഭ്യത ഉറപ്പാക്കുന്നതിന് ആവശ്യമായ എന്തെല്ലാം നടപടികളാണ് സ്വീകരിക്കുവാന്‍ ഉദ്ദേശിക്കുന്നത്; വിശദമാക്കാമോ?

കൈപ്പമംഗലം മണ്ഡലത്തിലെ തീരപ്രദേശത്തെ മത്സ്യത്തൊഴിലാളികൾ തൊഴിലിൽ ഏർപ്പെടുമ്പോൾ കണ്ടെയ്നർ മുങ്ങിയതിനെ തുടർന്ന് വള്ളത്തിനും വലയ്ക്കും നാശനഷ്ടം സംഭവിക്കുകയും തുടർന്ന് രണ്ടുമൂന്ന് വള്ളക്കാർ (കാരുണ്യ, സംസം മുതലായവ) നിരന്തരം പരാതി സമർപ്പിച്ചിട്ടുള്ളതും ശ്രദ്ധയിൽപ്പെട്ടിട്ടുണ്ടോ; എങ്കിൽ ഇവർക്ക് ക്ഷാമാശ്വാസ സഹായം ലഭ്യമാക്കുന്നതിന് എന്തെല്ലാം നടപടികളാണ് സ്വീകരിച്ചിരിക്കുന്നത്; വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം കൊല്ലം മണ്ഡലത്തില്‍ ഹാര്‍ബര്‍ എഞ്ചിനീയറിംഗ് വകുപ്പിന് കീഴില്‍ പദ്ധതി-പദ്ധതിയേതര വിഭാഗങ്ങളിലായി ഭരണാനുമതി ലഭിച്ചതും നടപ്പിലാക്കി വരുന്നതുമായ പ്രവൃത്തികളുടെ നിര്‍വ്വഹണ പുരോഗതി അറിയിക്കുമോ; വിശദാംശം ലഭ്യമാക്കുമോ?

ഹരിപ്പാട് മണ്ഡലത്തില്‍ ഹാര്‍ബര്‍ എഞ്ചിനീയറിംഗ് വകുപ്പ് മുഖേന നടപ്പിലാക്കുന്ന വിവിധ റോഡുകളുടെ നിര്‍വ്വഹണ പുരോഗതി അറിയിക്കാമോ;

പ്രസ്തുത മണ്ഡലത്തില്‍ 2021-25 കാലഘട്ടത്തില്‍ ഫിഷറീസ് വകുപ്പ് മുഖേന നടപ്പിലാക്കിയ വിവിധ പദ്ധതികളുടെയും മത്സ്യത്തൊഴിലാളികള്‍ക്ക് വിതരണം ചെയ്ത വിവിധ ആനുകൂല്യങ്ങളുടെയും വിശദാംശം ലഭ്യമാക്കാമോ;

ഹരിപ്പാട് മണ്ഡലത്തിലെ വലിയഴീക്കല്‍ ഫിഷിംഗ് ഹാര്‍ബറില്‍ ഇപ്പോള്‍ നടപ്പിലാക്കുന്ന വികസന പ്രവര്‍ത്തനങ്ങള്‍ എന്തെല്ലാമാണെന്ന് അറിയിക്കാമോ; മത്സ്യത്തൊഴിലാളികള്‍ക്കും മത്സ്യബന്ധ പ്രവര്‍ത്തനങ്ങള്‍ക്കും പ്രയോജനം ചെയ്യുന്ന വിധത്തില്‍ ഈ ഫിഷിംഗ് ഹാര്‍ബര്‍ പൂര്‍ണ്ണമായും പ്രവര്‍ത്തന സജ്ജമാക്കുന്നതിന് എന്തെല്ലാം നടപടികളാണ് സ്വീകരിക്കാന്‍ ഉദ്ദേശിച്ചിട്ടുള്ളതെന്ന് അറിയിക്കാമോ?

ഹാര്‍ബര്‍ എഞ്ചിനീയറിംഗ് വകുപ്പ് വഴി 2016 മുതല്‍ നാളിതുവരെ അരൂര്‍ മണ്ഡലത്തില്‍ അനുവദിച്ച വിവിധ പ്രവൃത്തികള്‍ ഏതെല്ലാമാണെന്ന് വിശദമാക്കാമോ;

പ്രസ്തുത പ്രവൃത്തികള്‍ക്ക് അനുവദിച്ച തുക, നിലവിലെ സ്ഥിതി എന്നിവ വിശദമാക്കാമോ?

ഈ സര്‍ക്കാരിന്റെ കാലയളവില്‍ വളളിക്കുന്ന് മണ്ഡലത്തിലെ റോഡുകളുടെ നിലവാരം ഉയര്‍ത്തുന്നതിന് ഹാര്‍ബര്‍ എഞ്ചിനീയറിംഗ്, ഫിഷറീസ് വകുപ്പുകള്‍ വഴി ഭരണാനുമതി ലഭിച്ച റോഡുകളും അവയ്ക്ക് അനുവദിച്ച തുകയുടെ വിശദാംശവും ലഭ്യമാക്കാമോ;

ഇവയില്‍ പൂര്‍ത്തീകരിച്ച പ്രവൃത്തികള്‍ ഏതെല്ലാമെന്നും 2026 മാര്‍ച്ച് 31 നകം പൂര്‍ത്തീകരിക്കുവാന്‍ സാധിക്കുന്നവ ഏതെല്ലാമെന്നും വ്യക്തമാക്കാമോ;

കഴിഞ്ഞ സര്‍ക്കാരിന്റെ കാലത്ത് തീരദേശ റോഡ് പുനരുദ്ധാരണ പദ്ധതിയില്‍ ഉള്‍പ്പെടുത്തി എത്ര പദ്ധതികളാണ് അനുവദിച്ചത്; ജില്ല തിരിച്ചുളള എണ്ണം വ്യക്തമാക്കാമോ; ഇവയ്ക്കായി ആകെ എത്ര രൂപയാണ് അനുവദിച്ചതെന്നറിയിക്കാമോ;

ഈ സര്‍ക്കാരിന്റെ കാലത്ത് ഇതുവരെ തീരദേശ റോഡ് പുനരുദ്ധാരണ പദ്ധതി പ്രകാരം ആകെ അനുവദിച്ച പ്രവൃത്തികളുടെ പേരും തുകയും മണ്ഡലം തിരിച്ച് വ്യക്തമാക്കാമോ?

നിലവിലുള്ള സര്‍ക്കാര്‍ അധികാരത്തില്‍ വന്നശേഷം ഹാര്‍ബര്‍ എഞ്ചിനീയറിംഗ് വകുപ്പ് മുഖാന്തരം ചങ്ങനാശ്ശേരി മണ്ഡലത്തില്‍ നടപ്പിലാക്കിയ പ്രവൃത്തികളുടെ വിശദാംശം ലഭ്യമാക്കാമോ;

ഓരോ പ്രവൃത്തിയുടെയും നിലവിലെ സ്ഥിതി, അനുവദിച്ച തുക എന്നിവ വ്യക്തമാക്കാമോ; ഉത്തരവുകളുടെ പകര്‍പ്പ് ലഭ്യമാക്കാമോ?

കോഴിക്കോട് ആവിക്കല്‍തോട് നവീകരണത്തിന് നീക്കിവച്ച 5 കോടി രൂപ വിനിയോഗിച്ച് നടപ്പിലാക്കുന്ന പ്രവൃത്തിയുടെ നിലിവിലെ സ്ഥിതി വിശദമാക്കുമോ;

പ്രസ്തുത പദ്ധതി പ്രകാരം എന്തെല്ലാം പ്രവൃത്തികളാണ് വിഭാവനം ചെയ്തത് എന്നറിയിക്കാമോ;

പ്രസ്തുത പ്രവൃത്തി അടിയന്തരമായി പൂര്‍ത്തികരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

കൈപ്പമംഗലം മണ്ഡലത്തിൽ 2025–26 ബജറ്റിൽ പ്രഖ്യാപിച്ച മിനി ഹാർബറിന്റെ പ്രവൃത്തി ആരംഭിക്കുന്നതിനായി എന്തെല്ലാം നടപടികളാണ് സ്വീകരിച്ചിരിക്കുന്നത്; വ്യക്തമാക്കുമോ?

നിലവിലുള്ള സർക്കാർ അധികാരത്തിൽ വന്നതിനുശേഷം തിരൂരങ്ങാടി മണ്ഡലത്തിൽ ഹാർബർ എഞ്ചിനീയറിങ് വകുപ്പ് മുഖേന റോഡ് നവീകരണത്തിന് ഭരണാനുമതി ലഭ്യമാക്കിയ പ്രവൃത്തികൾ ഏതെല്ലാമാണെന്നും അനുവദിച്ച തുക, ഭരണാനുമതി ഉത്തരവുകളുടെ പകർപ്പുകൾ, ഓരോ പ്രവർത്തിയുടെയും നിർമ്മാണ പുരോഗതി എന്നിവ ഇനം തിരിച്ച് വിശദമാക്കാമോ;

2016 മുതൽ 2026 വരെയുള്ള കാലയളവിൽ മലപ്പുറം ജില്ലയിൽ ഫിഷറീസ്, ഹാർബർ എൻജിനീയറിങ് വകുപ്പുകള്‍ മുഖേന റോഡുകളും മറ്റും നവീകരിക്കുന്നതിനും നിർമ്മിക്കുന്നതിനും ഭരണാനുമതി ലഭ്യമാക്കിയ പ്രവൃത്തികളുടെ പേരുകൾ, ആയത് അനുവദിച്ച നിയോജക മണ്ഡലം, ബന്ധപ്പെട്ട തദ്ദേശ സ്വയംഭരണ സ്ഥാപനങ്ങൾ, ഭരണാനുമതി തുക, നിർമ്മാണ പുരോഗതികൾ എന്നിവ ഇനം തിരിച്ചു വിശദമാക്കാമോ;

ഹാർബർ എഞ്ചിനീയറിങ്, ഫിഷറീസ് വകുപ്പുകൾ മുഖേനയുളള റോഡുകളുടെ നവീകരണത്തിനും നിർമ്മാണത്തിനുമുള്ള മാനദണ്ഡങ്ങൾ എന്തെല്ലാമാണ്; നിർദ്ദേശങ്ങൾ സംബന്ധിച്ച ഉത്തരവുകളുടെ പകർപ്പുകൾ സഹിതം വിശദമാക്കാമോ?

2017-18 സാമ്പത്തിക വർഷത്തെ സംസ്ഥാന ബജറ്റിൽ പ്രഖ്യാപിച്ചിരുന്ന ഫിഷറീസ് സർവകലാശാലയുടെ പ്രാദേശിക കേന്ദ്രം നിർമ്മിക്കുന്നതിനായി കുണ്ടറ ടെക്നോപാർക്കിനോട് ചേർന്ന പത്തേക്കർ ഭൂമിയും കെട്ടിടത്തിനുള്ള തുകയും അനുവദിച്ചിട്ട് പ്രസ്തുത കേന്ദ്രത്തിന്റെ നിർമ്മാണ പ്രവർത്തനങ്ങൾ ആരംഭിക്കുന്നതിന് കാലതാമസം നേരിടാനുളള കാരണം വിശദമാക്കാമോ;

പ്രസ്തുത കേന്ദ്രം, കുണ്ടറ മണ്ഡലത്തിലെ പേരയം ഗ്രാമപഞ്ചായത്തിന്റെ പരിധിയിൽ ഉൾപ്പെടുന്ന സ്ഥലത്ത് താൽക്കാലികമായി ആരംഭിക്കുന്നതിനായി ഫിഷറീസ് സർവകലാശാല അധികൃതർ കെട്ടിട പരിശോധന നടത്തിയതിനു ശേഷം എന്തൊക്കെ നടപടികളാണ് സ്വീകരിച്ചിട്ടുളളതെന്ന് വിശദമാക്കാമോ;

നാളിതുവരെയായിട്ടും പ്രസ്തുത പ്രാദേശിക കേന്ദ്രം, പേരയത്ത് കണ്ടെത്തിയിട്ടുളള വാടക കെട്ടിടത്തില്‍ താത്കാലികമായി ആരംഭിക്കാന്‍ കഴിയാത്തതിന്റെ കാരണം വിശദമാക്കാമോ?

ആലപ്പുഴ ജില്ലയില്‍ പി. കൃഷ്ണപിള്ള സാംസ്കാരിക സമുച്ചയ നിര്‍മ്മാണവുമായി ബന്ധപ്പെട്ട് സ്വീകരിച്ച നടപടികള്‍ വിശദമാക്കാമോ;

പി. കൃഷ്ണപിള്ള സാംസ്കാരിക സമുച്ചയ നിര്‍മ്മാണം വേഗത്തില്‍ ആരംഭിക്കുവാന്‍ ആവശ്യമായ നടപടികള്‍ സ്വീകരിക്കാമോ?

കൊല്ലം ജില്ലയിലെ ശ്രീനാരായണഗുരു നവോത്ഥാന സാംസ്‍കാരിക സമുച്ചയത്തിന്റെ ഫലപ്രദമായ പ്രവര്‍ത്തനത്തിനും വികസനത്തിനും സഹായകരമായി എന്തെല്ലാം നടപടികളാണ് ഈ സര്‍ക്കാര്‍ അധികാരത്തില്‍ വന്നതിന് ശേഷം സ്വീകരിച്ചിട്ടുളളത്; വിശദവിവരം ലഭ്യമാക്കാമോ?

നിലവിലുള്ള സര്‍ക്കാരിന്റെ കാലയളവില്‍ സാംസ്കാരിക രംഗത്ത് നടപ്പാക്കിയ പ്രധാന പ്രവര്‍ത്തനങ്ങള്‍ എന്തെല്ലാമാണെന്ന് വിശദമാക്കാമോ?

വിശ്വപ്രസിദ്ധ ചിത്രകാരനായ രാജാരവിവര്‍മ്മയുടെ ജന്മനാടായ കിളിമാനൂരില്‍ സമുചിത സ്മാരകം നിര്‍മ്മിക്കുന്നതുമായി ബന്ധപ്പെട്ട് വകുപ്പ് സ്വീകരിച്ചിട്ടുള്ള നടപടികള്‍ വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം സാംസ്കാരിക രംഗത്ത് എന്തൊക്കെ പദ്ധതികളാണ് സാംസ്കാരിക വകുപ്പ് നടപ്പിലാക്കി വരുന്നത്; വിശദമാക്കാമോ;

കേരളത്തിലെ തനത് കരകൗശല കലാ സാംസ്കാരിക പാരമ്പര്യം കാത്ത് സൂക്ഷിക്കുന്നതിനും കരകൗശല കലാകാരന്‍മാരുടെ ഉപജീവന സുസ്ഥിരത ഉറപ്പാക്കുന്നതിനുമായി എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ;

ഗ്രാമീണ മേഖലയിലും ചെറുപട്ടണങ്ങളിലും കലാ സാംസ്കാരിക പ്രവര്‍ത്തനങ്ങള്‍ക്ക് സ്ഥല സൗകര്യമുള്ള പാതയോരങ്ങള്‍ കണ്ടെത്തി തിരുവനന്തപുരം മാനവീയം വീഥി സാംസ്കാരിക ഇടനാഴിയുടെ മാതൃകയില്‍ രംഗവേദികള്‍ സ്ഥാപിക്കുന്ന പദ്ധതി സാംസ്കാരിക വകുപ്പ് നടപ്പിലാക്കിയിട്ടുണ്ടോ; വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്ന ശേഷം പരമ്പരാഗത കലാരൂപങ്ങളുടെ സംരക്ഷണത്തിനും പ്രോത്സാഹനത്തിനുമായി നടപ്പിലാക്കി വരുന്ന പദ്ധതികള്‍, അവയുടെ ലക്ഷ്യങ്ങള്‍, ചെലവ് എന്നിവ തരംതിരിച്ച് ലഭ്യമാക്കാമോ;

യുവകലാകാരന്മാര്‍ക്കും കലാസാംസ്കാരിക പ്രവര്‍ത്തകര്‍ക്കും സാമ്പത്തിക സഹായം, സ്‌കോളര്‍ഷിപ്പ്, ഫെലോഷിപ്പ് എന്നീ ഇനങ്ങളില്‍ 2021 മുതല്‍ നാളിതുവരെ അനുവദിച്ച തുക എത്രയാണെന്ന് വ്യക്തമാക്കാമോ;

ഗ്രാമീണ മേഖലകളിലെ കലാകാരന്മാരെയും യുവപ്രതിഭകളെയും കണ്ടെത്തുന്നതിനും പ്രോല്‍സാഹിപ്പിക്കുന്നതിനും പുതിയ പദ്ധതികള്‍ ആവിഷ്‌കരിക്കാനുള്ള തീരുമാനമുണ്ടോ; എങ്കിൽ വിശദാംശം ലഭ്യമാക്കാമോ?

കോഴിക്കോട് നോര്‍ത്ത് നിയോജക മണ്ഡലത്തില്‍ ഒരു സാംസ്കാരിക നിലയം നിര്‍മ്മിക്കണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ;

പ്രസ്തുത സാംസ്കാരിക നിലയ നിര്‍മ്മാണം സംബന്ധിച്ച് എന്തെങ്കിലും നടപടികള്‍ സ്വീകരിച്ചിട്ടുണ്ടോ; വിശദാംശം ലഭ്യമാക്കുമോ?

ലോകത്തിന്റെ ഏത് കോണിൽ ജീവിക്കുന്നവർക്കും കേരളീയ കലകൾ പഠിക്കുന്നതിനും കേരളീയ സംസ്കാരത്തെക്കുറിച്ച് അറിവ് നേടുന്നതിനും അവസരമൊരുക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദീകരിക്കുമോ;

കേരളീയ കലാരൂപങ്ങൾ പഠിക്കാനും പരിശീലിക്കാനും ഡിജിറ്റൽ സർവകലാശാലയുടെ സഹകരണത്തോടെ ഡിജിറ്റൽ ആർട്ട് സ്കൂൾ ആരംഭിക്കുന്നതിന് ഉദ്ദേശിക്കുന്നുണ്ടോ; വ്യക്തമാക്കാമോ;

ഡിജിറ്റൽ ആർട്ട് സ്കൂളിലൂടെ ഏതെല്ലാം കേരളീയ കലകളുടെ പരിശീലനത്തിനാണ് ഓൺലൈൻ സംവിധാനം ഒരുക്കുന്നതെന്ന് വിശദമാക്കുമോ;

കേരളീയ കലകളുടെ ആഗോളതലത്തിലുള്ള പ്രചരണത്തിനും വിവിധ കലകളിൽ പ്രാവീണ്യം നേടിയ കലാകാരന്മാർക്ക് ഉപജീവനവും വരുമാനവും ഉറപ്പാക്കുന്നതിനും ഈ പദ്ധതി സഹായകമാകുമോ; വിശദമാക്കാമോ?

കായംകുളം കൃഷ്ണപുരം സാംസ്കാരിക വിനോദകേന്ദ്രത്തില്‍ നിര്‍മ്മിക്കുന്ന തോപ്പില്‍ഭാസി സ്മാരക ഓഡിറ്റോറിയത്തിന്റെ നിര്‍മ്മാണവുമായി ബന്ധപ്പെട്ട പുരോഗതി വിശദമാക്കാമോ;

പ്രസ്തുത പ്രവൃത്തി പൂർത്തീകരിക്കുന്നതിന് നിലവിൽ എന്തെങ്കിലും തടസ്സങ്ങളുണ്ടോ; എങ്കിൽ എന്തൊക്കെയാണെന്നും നിർമാണ പ്രവർത്തനങ്ങൾ എന്നത്തേക്ക് പൂര്‍ത്തീകരിക്കാൻ കഴിയുമെന്നും വിശദീകരിക്കാമോ?

2021 മുതല്‍ നാളിതുവരെ കല്ല്യാശ്ശേരി മണ്ഡലത്തില്‍ സാംസ്കാരിക വകുപ്പ് മുഖേന നടപ്പാക്കിയ പദ്ധതികള്‍ ഏതൊക്കെയാണെന്നും ഓരോ പദ്ധതിക്കും ചെലവഴിച്ച തുക എത്രയാണെന്നും വിശദമാക്കാമോ?

സാംസ്കാരിക വകുപ്പിന്റെ നേതൃത്വത്തില്‍ നിലവിലെ സര്‍ക്കാരിന്റെ കാലത്ത് അഴീക്കോട് നിയോജകമണ്ഡലത്തില്‍ നടപ്പിലാക്കിയ പ്രവൃത്തികളുടെ വിശദാംശം നല്‍കാമോ;

പ്രസ്തുത പ്രവൃത്തികളിൽ പൂര്‍ത്തിയാക്കിയത്, പുരോഗമിക്കുന്നത്, ആരംഭിക്കാനുള്ളത് എന്നിങ്ങനെ തരംതിരിച്ച് തുക ഉള്‍പ്പെടെ രേഖപ്പെടുത്തി വിശദമായ മറുപടി ലഭ്യമാക്കാമോ?

മലപ്പുറം ജില്ലയിൽ നവോത്ഥാന നായകന്‍ അബ്ദുറഹ്മാന്‍ സാഹിബിന്റെ നാമധേയത്തില്‍ നിര്‍മ്മിക്കുന്ന സാംസ്കാരിക സമുച്ചയത്തിനായി ഭൂമി ഏറ്റെടുക്കുന്നത് സംബന്ധിച്ച് സാംസ്കാരിക വകുപ്പ് ഡയറക്ടര്‍ സ്വീകരിച്ച നടപടികള്‍ വിശദീകരിക്കാമോ;

പ്രസ്തുത സാംസ്കാരിക സമുച്ചയം എത്രയും വേഗം യാഥാർഥ്യമാക്കുവാന്‍ നടപടി സ്വീകരിക്കുമോ?

2016 മുതൽ നാളിതുവരെ സാംസ്കാരിക വകുപ്പിൽ കരാർ അടിസ്ഥാനത്തിലും ദിവസ വേതനാടിസ്ഥാനത്തിലും മറ്റ് രീതിയിൽ താൽക്കാലികമായും ജീവനക്കാരെ നിയമിച്ചിട്ടുണ്ടോ; എങ്കിൽ അത് ഏതെല്ലാം തസ്തികകളിലാണെന്നും ഓരോ തസ്തികയിലും നിയമിക്കപ്പെട്ടവരുടെ എണ്ണം എത്രയാണെന്നും ജില്ല തിരിച്ചും തസ്തിക തിരിച്ചും വ്യക്തമാക്കാമോ;

പ്രസ്തുത രീതിയിൽ നിയമിക്കപ്പെട്ട ജീവനക്കാരിൽ ആരെയെങ്കിലും സ്ഥിരപ്പെടുത്തിയിട്ടുണ്ടെങ്കിൽ അവർ ആരെല്ലാമാണെന്നും ഏത് തസ്തികകളിലാണ് സ്ഥിരപ്പെടുത്തിയതെന്നും ഏത് മാനദണ്ഡങ്ങളുടെ അടിസ്ഥാനത്തിലാണെന്നും ജില്ല തിരിച്ച്, തസ്തിക തിരിച്ച് വിശദമാക്കാമോ;

മേൽപ്പറഞ്ഞ വകുപ്പിൽ നടന്നിട്ടുള്ള ഡെപ്യൂട്ടേഷൻ നിയമനങ്ങൾ ഏതെല്ലാം തസ്തികകളിലാണെന്നും പ്രസ്തുത തസ്തികകളിൽ നിയമിക്കപ്പെട്ടവർ ആരെല്ലാമാണെന്നും അവർ ഏത് തസ്തികകളിൽ നിന്നാണ് ഡെപ്യൂട്ടേഷൻ തസ്തികകളിലേക്ക് എത്തിയതെന്നുമുള്ള വിവരം ജില്ല തിരിച്ച് ലഭ്യമാക്കാമോ?

വാഗ്ഭടാനന്ദ ഗുരുവിന്റെ ജന്മദേശമായ കൂത്തുപറമ്പ് നിയോജക മണ്ഡലത്തിലെ പാട്യത്ത് നിർമ്മിക്കുന്ന വാഗ്ഭടാനനന്ദ സാംസ്ക്കാരിക സമുച്ചയത്തിന്റെ പ്രവൃത്തി പുരോഗതി വിശദമാക്കാമോ;

വാഗ്ഭടാനന്ദ സാംസ്ക്കാരിക സമുച്ചയ നിർമ്മാണ നടപടികൾ എപ്പോൾ ആരംഭിക്കാനാകുമെന്ന് വ്യക്തമാക്കാമോ ?

ചാലക്കുടിയില്‍ കലാഭവന്‍ മണി സ്മാരകത്തിന്റെ നിര്‍മ്മാണം നാളിതുവരെ ആരംഭിക്കാത്തത് ശ്രദ്ധയില്‍പ്പെട്ടിട്ടുണ്ടോ; കാലതാമസത്തിനുള്ള കാരണം വിശദീകരിക്കാമോ;

സ്മാരക നിര്‍മ്മാണം എപ്പോള്‍ ആരംഭിക്കാൻ കഴിയുമെന്നും പൂര്‍ത്തീകരിക്കുന്നതിന് സമയക്രമം നിശ്ചയിച്ചിട്ടുണ്ടോയെന്നും വ്യക്തമാക്കാമോ?

മട്ടന്നുർ മണ്ഡലത്തിൽ സാംസ്കാരിക വകുപ്പ് മുഖേന നടന്നുവരുന്ന പ്രവൃത്തികളുടെ വിശദാംശം ലഭ്യമാക്കാമോ; പ്രസ്തുത പ്രവൃത്തികൾ എന്നത്തേക്ക് പൂർത്തിയാക്കാൻ സാധിക്കുമെന്ന് വിശദമാക്കാമോ?

കോഴിക്കോടിനെ ഇന്ത്യയിലെ ആദ്യത്തെ സാംസ്കാരിക നഗരമായി യുനസ്കോ പ്രഖ്യാപിച്ചതിന് അനുബന്ധമായി ഈ മേഖലയുടെ വികസനത്തിന് നടപ്പാക്കിയ പ്രവര്‍ത്തനങ്ങള്‍ വിശദമാക്കാമോ;

മാനാഞ്ചിറ മൈതാനവും പബ്ലിക് ലൈബ്രറിയും ചേര്‍ന്നൊരു സാഹിത്യ ഇടനാഴി എന്ന പദ്ധതി യാഥാർഥ്യമാക്കുന്നതിന് നടപടികള്‍ സ്വീകരിച്ചുവരുന്നുണ്ടോ; വിശദമാക്കാമോ?

കൊണ്ടോട്ടി മോയിൻ കുട്ടി വൈദ്യർ അക്കാഡമിയുടെ പഴയ കെട്ടിടം ചോർന്നൊലിക്കുന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ അത് നവീകരിക്കുന്നതിന് വേണ്ടി എന്തെങ്കിലും പ്രൊപ്പോസൽ സമർപ്പിച്ചിരുന്നുവോ; വ്യക്തമാക്കുമോ;

പ്രസ്തുത കെട്ടിടം നവീകരണത്തിന് ആവശ്യമായ ഫണ്ട് അനുവദിക്കുന്നതിന് വേണ്ട നടപടി സ്വീകരിക്കുമോ?

സിനിമയിലെ സാങ്കേതിക മേഖലകളിൽ സ്ത്രീ സാന്നിധ്യം വർദ്ധിപ്പിക്കുക എന്ന ലക്ഷ്യത്തോടെ, കേരള ചലച്ചിത്ര അക്കാദമി വനിതകൾക്കായി തൊഴിൽ പരിശീലന പദ്ധതി ആവിഷ്കരിച്ച് നടപ്പിലാക്കിയിട്ടുണ്ടോ; വിശദാംശം ലഭ്യമാക്കാമോ;

ഏതെല്ലാം സാങ്കേതിക മേഖലകളിലാണ് വനിതകൾക്ക് പരിശീലനം നൽകാൻ ഉദ്ദേശിക്കുന്നതെന്ന് വ്യക്തമാക്കാമോ;

ഇതുവരെ എത്ര വനിതകള്‍ക്ക് പരിശീലനം നല്‍കിയിട്ടുണ്ടെന്ന് വ്യക്തമാക്കാമോ?

പേരാമ്പ്ര മണ്ഡലത്തിൽ കിഫ്ബി മുഖേന നടപ്പിലാക്കുന്ന കെ. എസ്. എഫ്. ഡി. സി. യു.ടെ മൾട്ടിപ്ലക്സ് തിയേറ്റർ നിർമ്മാണ പദ്ധതി ഏത് ഘട്ടത്തിലാണെന്ന് വിശദമാക്കാമോ;

കിഫ്ബി ഈ പ്രവൃത്തിക്ക് എന്ന് അനുമതി നല്കിയെന്നും എത്ര കോടി രൂപയുടെ ധനകാര്യ അനുമതിയാണ് ഇതിനുള്ളതെന്നും വ്യക്തമാക്കുമോ;

ഈ പദ്ധതിക്ക് വേണ്ടി ഇറിഗേഷൻ വകുപ്പ് പാട്ടത്തിന് നല്കിയ ഭൂമിയിൽ ഇതുവരെ എന്തൊക്കെ പ്രവൃത്തികൾ നടത്തിയിട്ടുണ്ടന്ന് വിശദമാക്കാമോ;

പ്രവൃത്തികൾ എന്നുമുതൽ തുടങ്ങിയെന്നും എന്നേക്ക് പൂർത്തിയാക്കുമെന്നും വ്യക്തമാക്കാമോ?

ഐ. എഫ്. എഫ്. കെ.യുടെ നടത്തിപ്പിനായി എത്ര സ്വകാര്യ സിനിമാ തീയേറ്ററുകള്‍ ഉപയോഗിക്കേണ്ടി വരുന്നുണ്ടെന്നും ആയതിന് വേണ്ടിവരുന്ന ശരാശരി ചെലവെത്രയാണെന്നുമുള്ള വിശദാംശങ്ങള്‍ ലഭ്യമാക്കാമോ;

ഐ. എഫ്. എഫ്.കെ.യുമായി ബന്ധപ്പെടുത്തി ഒരു തീയറ്റര്‍ സമുച്ചയം നിര്‍മ്മിക്കുന്നതിനുള്ള പദ്ധതി സര്‍ക്കാരിന്റെ പരിഗണനയിലുണ്ടോയെന്ന് വ്യക്തമാക്കാമോ; എങ്കിൽ തീയറ്റര്‍ സമുച്ചയം സ്ഥാപിക്കാനുദ്ദേശിക്കുന്ന സ്ഥലം സംബന്ധിച്ച വിശദാംശങ്ങള്‍ ലഭ്യമാക്കാമോ?

കലാരകാരന്മാരുടെ ക്ഷേമനിധിയിൽ ആംഗങ്ങളായവർക്ക് ക്ഷേമനിധി മുഖേന ലഭിക്കുന്ന ആനുകൂല്യങ്ങളെന്തെല്ലാമാണെന്ന് വിശദമാക്കുമോ;

കലാരകാരന്മാരുടെ ക്ഷേമനിധി അംഗത്വം ലഭിക്കുന്നതിനുള്ള നടപടിക്രമങ്ങൾ എന്തെല്ലാമാണെന്ന് അറിയിക്കുമോ; ഏതൊക്കെ വിഭാഗങ്ങളിൽപ്പെട്ട കലാകാരന്മാർക്കാണ് നിലവിൽ ക്ഷേമനിധിയിൽ അംഗത്വം ലഭിക്കുക;

നിലവിൽ ആകെ എത്ര അംഗങ്ങളാണ് കലാകാരന്മാരുടെ ക്ഷേമനിധിയിൽ അംഗങ്ങളായിട്ടുള്ളത്;

ക്ഷേമനിധി അംഗത്വത്തിനായി നാളിതുവരെ ലഭിച്ച അപേക്ഷകളില്‍ നടപടിക്രമങ്ങൾ പൂർത്തിയാകാത്തതായി എത്ര അപേക്ഷകളാണ് ക്ഷേമനിധിയില്‍ നിലവിലുള്ളത്;

ക്ഷേമനിധിയില്‍ ലഭിക്കുന്ന വിവിധ അപേക്ഷകള്‍ തീര്‍പ്പാക്കുന്നതിന് സമയക്രമം നിശ്ചയിച്ചിട്ടുണ്ടോ; ഇല്ലെങ്കിൽ ഓരോ വിഭാഗത്തില്‍പ്പെട്ട അപേക്ഷകളും തീര്‍പ്പാക്കുന്നതിന് സമയക്രമം നിശ്ചയിച്ച് നിലവില്‍ തീര്‍പ്പാകാത്ത അപേക്ഷകള്‍ തീര്‍പ്പാക്കുന്നതിന് സര്‍ക്കാര്‍ നടപടി സ്വീകരിക്കുമോ?

സംസ്ഥാന യുവജനക്ഷേമ ബോര്‍ഡ് മുഖേന നടപ്പിലാക്കുന്ന പദ്ധതികള്‍ എന്തെല്ലാമാണെന്ന് വിശദീകരിക്കുമോ;

സംസ്ഥാനത്തെ യുവജന ക്ഷേമബോര്‍ഡ് മുഖേന 2021 മുതല്‍ നാളിതുവരെയായി സംഘടിപ്പിച്ച പരിപാടികളുടെ എണ്ണം, ചെലവ് എന്നിവയുടെ ജില്ല തിരിച്ചുള്ള കണക്കുകള്‍ ലഭ്യമാക്കുമോ?

യുവജനക്ഷേമത്തിനായി വകുപ്പ് നടപ്പിലാക്കുന്ന പദ്ധതികള്‍ വിശദമാക്കാമോ;

പ്രസ്തുത പദ്ധതികള്‍ക്കായി 2021 മുതല്‍ 2026 വരെ സർക്കാർ അനുവദിച്ച ഫണ്ട് എത്രയാണെന്ന് വ്യക്തമാക്കുമോ?

നിലവിലുള്ള സർക്കാർ അധികാരത്തിൽ വന്നശേഷം യുവജനകാര്യ വകുപ്പ് മുഖേന കുന്നത്തുനാട് മണ്ഡലത്തിൽ നടപ്പിലാക്കിയതും നടപ്പിലാക്കി വരുന്നതുമായ പദ്ധതികള്‍ ഏതെല്ലാമെന്ന് വിശദമാക്കാമോ;

മേൽപ്പറഞ്ഞതിൽ ഓരോ പദ്ധതിയ്ക്കും അനുവദിച്ചിട്ടുള്ള തുക എത്ര വീതമാണെന്നും അവയുടെ നിലവിലെ സ്ഥിതി എന്താണെന്നും വിശദമാക്കാമോ?