കാരുണ്യ ആരോഗ്യ സുരക്ഷ പദ്ധതി (കെ.എ.എസ്.പി), കാരുണ്യ ബനവലന്റ് ഫണ്ട് എന്നിവ പ്രകാരം ചികിത്സയ്ക്ക് ലഭിക്കുന്ന പരമാവധി ധനസഹായം എത്ര രൂപ വീതമാണ്;

പ്രസ്തുത പദ്ധതികള്‍ പ്രകാരമുള്ള ആനുകൂല്യങ്ങള്‍ ലഭിക്കുന്നതിനായി നിര്‍ദ്ദേശിക്കപ്പെട്ടിട്ടുള്ള മാനദണ്ഡങ്ങള്‍ എന്തൊക്കെയാണെന്നും, എവിടെയാണ് അപേക്ഷ സമര്‍പ്പിക്കേണ്ടതെന്നുമുള്ള വിശദാംശങ്ങള്‍ നല്‍കാമോ;

പ്രസ്തുത പദ്ധതികള്‍ പ്രകാരം മണലൂര്‍ മണ്ഡലത്തില്‍ നടപ്പു സര്‍ക്കാരിന്റെ കാലത്ത് എത്ര പേര്‍ക്ക് എത്ര രൂപയുടെ സഹായം ലഭിച്ചിട്ടുണ്ടെന്ന് വര്‍ഷം തിരിച്ചുള്ള വിശദാംശങ്ങള്‍ നല്‍കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം കല്ല്യാശ്ശേരി മണ്ഡലത്തില്‍ ആരോഗ്യമേഖലയിലെ വികസന പദ്ധതികള്‍ക്കായി എത്ര തുക ചെലവഴിച്ചിട്ടുണ്ടെന്ന് വ്യക്തമാക്കാമോ;

കല്ല്യാശ്ശേരി മണ്ഡലത്തില്‍ ഏതെല്ലാം പദ്ധതികള്‍ക്കാണ് ഇത്തരത്തില്‍ തുക അനുവദിച്ചതെന്ന് വ്യക്തമാക്കുമോ;

ഈ സര്‍ക്കാരിന്റെ കാലത്ത് കല്ല്യാശ്ശേരി മണ്ഡലത്തില്‍ ആരോഗ്യ മേഖലയില്‍ പുതുതായി ആരംഭിച്ച സേവനങ്ങളുടെയും സംവിധാനങ്ങളുടെയും വിശദവിവരങ്ങള്‍ നല്‍കാമോ; ഈ കാലയളവില്‍ അപ്ഗ്രേഡ് ചെയ്യപ്പെട്ട ആരോഗ്യകേന്ദ്രങ്ങളുടെ വിശദവിവരങ്ങള്‍ നല്‍കാമോ?

2020-2021 സാമ്പത്തിക വര്‍ഷം മുതല്‍ നാളിതു വരെ വണ്ടൂര്‍ നിയോജകമണ്ഡലത്തില്‍ ആരോഗ്യവകുപ്പും നാഷണൽ ഹെൽത്ത് മിഷനും നടപ്പിലാക്കിയ വിവിധ വികസന പ്രവര്‍ത്തനങ്ങളുടെ വിശദാംശം ലഭ്യമാക്കാമോ?

ഈ സർക്കാരിന്റെ കാലത്ത് അമ്പലപ്പുഴ നിയോജകമണ്ഡലത്തിൽ ആരോഗ്യ വകുപ്പ് മുഖാന്തിരം നടപ്പിലാക്കിയ വിവിധ വികസന പദ്ധതികളുടെ വിശദാംശം അവയ്ക്ക് ഓരോന്നിനും അനുവദിച്ച തുക സഹിതം ലഭ്യമാക്കുമോ;

പ്രസ്തുത കാലയളവിൽ ആലപ്പുഴ മെഡിക്കൽ കോളേജ് വികസനത്തിന് എന്തൊക്കെ പദ്ധതികളാണ് അനുവദിക്കപ്പെട്ടിട്ടുളളതെന്നും ഓരോന്നിനും അനുവദിക്കപ്പെട്ട തുക എത്രയാണെന്നും അവയുടെ ഇപ്പോഴത്തെ സ്ഥിതിയും വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്ന ശേഷം കോങ്ങാട് മണ്ഡലത്തിലെ വിവിധ ആരോഗ്യ സ്ഥാപനങ്ങള്‍ക്കായി അനുവദിച്ചിട്ടുള്ള പദ്ധതികള്‍ ഏതൊക്കെയാണെന്ന് വിശദമാക്കാമോ;

പ്രസ്തുത പദ്ധതികളുടെ വിശദ വിവരങ്ങള്‍, ഓരോ പ്രവൃത്തിക്കും അനുവദിച്ച തുക, നിര്‍വഹണ ചുമതലയുള്ള വകുപ്പ്, അവയുടെ നിലവിലെ പ്രവര്‍ത്തന പുരോഗതി എന്നിവ വിശദമാക്കാമോ?

2016 മെയ് മുതൽ നാളിതു വരെ പാറശ്ശാല നിയോജക മണ്ഡലത്തില്‍ ആരോഗ്യ വകുപ്പ്, വനിതാ ശിശുവികസന വകുപ്പ് എന്നിവ മുഖേന നടപ്പിലാക്കിയ പദ്ധതികള്‍ ഏതെല്ലാമെന്നും പ്രസ്തുത പദ്ധതികള്‍ക്കായി അനുവദിച്ച തുക എത്രയെന്നും പദ്ധതി തിരിച്ചു ലഭ്യമാക്കാമോ;

പ്രസ്തുത കാലയളവില്‍ ഭരണാനുമതി ലഭിച്ച പ്രവൃത്തികളില്‍ പൂര്‍ത്തിയായവ ഏതെല്ലാമെന്നും, നിലവില്‍ നിര്‍മ്മാണ പുരോഗതിയിലുള്ളവ ഏതെല്ലാമെന്നും വിശദമാക്കാമോ;

നിര്‍മ്മാണപുരോഗതിയിലുള്ള പ്രവൃത്തികള്‍ എന്നത്തേക്ക് പൂര്‍ത്തിയാക്കാന്‍ സാധിക്കുമെന്ന് വ്യക്തമാക്കാമോ?

മുൻ സർക്കാരിന്റെയും നിലവിലെ സർക്കാരിന്റെയും കാലയളവിൽ കാഞ്ഞങ്ങാട് മണ്ഡലത്തിലെ ആരോഗ്യ കേന്ദ്രങ്ങളുടെ ഭൗതിക സാഹചര്യം വർദ്ധിപ്പിക്കുന്നതിന് സ്വീകരിച്ചിട്ടുള്ള നടപടികൾ വിശദമാക്കാമോ;

ആയതിന് ഓരോ ആരോഗ്യ കേന്ദ്രത്തിലും അനുവദിച്ച തുക സംബന്ധിച്ച വിശദാംശം ലഭ്യമാക്കാമോ;

കാഞ്ഞങ്ങാട് മണ്ഡലത്തിൽ പുതുതായി നടപ്പിലാക്കാൻ ഉദ്ദേശിക്കുന്ന പദ്ധതികൾ ഏതെല്ലാമാണെന്ന് വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം ആരോഗ്യ വകുപ്പ് മുഖാന്തിരം മലമ്പുഴ മണ്ഡലത്തില്‍ നടത്തിയിട്ടുള്ള വികസന പ്രവര്‍ത്തനങ്ങളുടെ വിശദവിവരം ലഭ്യമാക്കാമോ; ഓരോ പദ്ധതിയുടെയും അടങ്കല്‍ തുക, നിലവിലെ സ്ഥിതി എന്നീ വിശദാംശം ലഭ്യമാക്കാമോ?

കാരുണ്യ ആരോഗ്യ സുരക്ഷാ പദ്ധതി, കാരുണ്യ ബെനവലന്റ് പദ്ധതി, ആർ. ബി. എസ്. കെ., ആരോഗ്യകിരണം, ഹൃദ്യം, ആവാസ്, അമ്മയും കുഞ്ഞും, സുകൃതം എന്നീ പദ്ധതികളിലായി സർക്കാർ നൽകാനുള്ള കുടിശ്ശിക തുക ഇനം തിരിച്ച് ലഭ്യമാക്കാമോ;വിവരം ;

കാസ്പ് (കാരുണ്യ ആരോഗ്യ സുരക്ഷാ പദ്ധതി) പ്രകാരം സ്വകാര്യ ആശുപത്രികൾ, സർക്കാർ ആശുപത്രികൾ, എച്ച്. എൽ. എൽ., ഹോസ്പിറ്റൽ ഡെവലപ്മെന്റ് സൊസൈറ്റികൾ എന്നീ സ്ഥാപനങ്ങൾക്ക് നൽകാനുള്ള കുടിശ്ശികയുടെ വിവരം ഇനം തിരിച്ച് ലഭ്യമാക്കാമോ?

ഈ സർക്കാറിന്റെ കാലത്ത് മഞ്ചേശ്വരം നിയോജകമണ്ഡലത്തിൽ ആരോഗ്യം, ആയുഷ്, വനിത - ശിശുക്ഷേമം എന്നീ വകുപ്പുകളുടെ നേതൃത്വത്തിൽ നടപ്പിലാക്കിയതും പ്രവൃത്തി തുടരുന്നതുമായ പദ്ധതികളുടെ വിശദവിവരങ്ങൾ ലഭ്യമാക്കാമോ;

പ്രസ്തുത പദ്ധതികളുടെ വിശദവിവരങ്ങൾ, ഓരോ പ്രവൃത്തിക്കും അനുവദിച്ച തുക, നിർവ്വഹണ ഏജൻസി, നിലവിലെ സ്ഥിതി എന്നിവ വ്യക്തമാക്കാമോ; ഫണ്ട് അനുവദിച്ചതിന്റെ ഉത്തരവുകളുടെ പകർപ്പുകൾ ലഭ്യമാക്കാമോ?

ആലപ്പുഴ മണ്ഡലത്തില്‍ എന്‍. എച്ച്. എം. മുഖേന ഫണ്ട് അനുവദിച്ച് നടപ്പിലാക്കിവരുന്ന വിവിധ പദ്ധതികളുടെ വിശദവിവരം ലഭ്യമാക്കാമോ;

എന്‍. എച്ച്. എം. ഫണ്ട് മുഖേന നിലവില്‍ ഏതൊക്കെ ആശുപത്രികള്‍ക്കാണ് പുതിയ കെട്ടിടങ്ങള്‍ നിര്‍മ്മിക്കുവാന്‍ പ്രൊപ്പോസലുകള്‍ സമര്‍പ്പിച്ചിട്ടുള്ളതെന്നും അവയ്ക്കുവേണ്ടി വിശദമായ പ്രോജക്ട് റിപ്പോര്‍ട്ട് തയ്യാറാക്കിയിട്ടുണ്ടോയെന്നുമുള്ള വിവരം ലഭ്യമാക്കാമോ?

2021 മെയ് മുതല്‍ നാളിതുവരെ കുന്നത്തുനാട് മണ്ഡലത്തില്‍ ആരോഗ്യവകുപ്പ് നടപ്പിലാക്കിയ പദ്ധതികള്‍ ഏതെല്ലാമാണെന്ന് വിശദമാക്കാമോ;

ഇതില്‍ ഓരോ പദ്ധതിയ്ക്കും വേണ്ടി എത്ര തുക വീതമാണ് ചെലവഴിച്ചതെന്ന് വ്യക്തമാക്കാമോ;

ഓരോ പദ്ധതിയുടെയും നിലവിലെ സ്ഥിതി വ്യക്തമാക്കാമോ?

ഈ സർക്കാർ അധികാരത്തിൽ വന്നതിനുശേഷം പുനലൂർ മണ്ഡലത്തിൽ തദ്ദേശ സ്വയംഭരണ വകുപ്പിന്റെ ഹെല്‍ത്ത് ഗ്രാന്റ്, എം‌. എല്‍‌. എ. ഫണ്ട് എന്നിവ കൂടാതെ ആരോഗ്യ വകുപ്പ് അനുവദിച്ച വിവിധ പ്രവൃത്തികളുടെ/പദ്ധതികളുടെ വിശദാംശങ്ങൾ ലഭ്യമാക്കാമോ;

ഓരോ പ്രവൃത്തിയുടേയും പേരും അനുവദിച്ച തുകയും പദ്ധതി നിര്‍വഹണ ഏജന്‍സിയുടെ വിവരങ്ങളും ലഭ്യമാക്കാമോ;

പുനലൂർ നിയോജകമണ്ഡലത്തിൽ 2016-21 കാലയളവിൽ ആരോഗ്യ വകുപ്പ് അനുവദിച്ച വിവിധ പ്രവൃത്തികളുടെ/പദ്ധതികളുടെ വിശദാംശങ്ങൾ, അനുവദിച്ച തുക എന്നിവ ലഭ്യമാക്കാമോ;

പുനലൂര്‍ നിയോജകമണ്ഡലത്തിലെ ആര്യങ്കാവിൽ കഴിഞ്ഞ സർക്കാർ അനുവദിച്ച ഭക്ഷ്യ സുരക്ഷാ ചെക്ക് പോസ്റ്റ് പ്രവര്‍ത്തനം ആരംഭിയ്ക്കുന്നതിന് നാളിതുവരെ സ്വീകരിച്ചിട്ടുള്ള നടപടികള്‍ അറിയിക്കുമോ?

2016-17 മുതല്‍ മാവേലിക്കര മണ്ഡലത്തില്‍ ആരോഗ്യ വകുപ്പ് വിവിധ പദ്ധതികളില്‍ ഉള്‍പ്പെടുത്തി അനുവദിച്ച പ്രവൃത്തികളുടെ പേരും തുകയും അവയുടെ തല്‍സ്ഥിതിയും വിശദമാക്കുമോ;

2016-17 മുതല്‍ മാവേലിക്കര മണ്ഡലത്തില്‍ ആയുര്‍വേദ ചികിത്സാ രംഗത്ത് ആരോഗ്യ വകുപ്പ് വിവിധ പദ്ധതികളില്‍ ഉള്‍പ്പെടുത്തി അനുവദിച്ച പ്രവൃത്തികളുടെ പേരും തുകയും അവയുടെ തല്‍സ്ഥിതിയും വിശദമാക്കുമോ;

2016-17 മുതല്‍ മാവേലിക്കര മണ്ഡലത്തില്‍ ആരോഗ്യ വകുപ്പിന്റെ വിവിധ പദ്ധതികളില്‍ ഉള്‍പ്പെടുത്തി ഹോമിയോ ചികിത്സാ രംഗത്ത് അനുവദിച്ച പ്രവൃത്തികളുടെ പേരും തുകയും അവയുടെ തല്‍സ്ഥിതിയും വിശദമാക്കുമോ?

ആരോഗ്യ ഇന്‍ഷുറന്‍സ് കാര്‍ഡ് പുതുക്കാന്‍ കഴിയാത്തവര്‍ക്കും, പുതുതായി കാര്‍ഡ് എടുക്കാന്‍ വേണ്ടിയും സര്‍ക്കാര്‍ ഇന്‍ഷുറന്‍സ് കമ്പനിയുമായി ചര്‍ച്ച നടത്തിയിട്ടുണ്ടോ; നിലവില്‍ ഇന്‍ഷുറന്‍സ് കാര്‍ഡില്ലാത്ത രോഗികള്‍ക്ക് ഏത് തരത്തിലുള്ള ചികിത്സാ ധനസഹായമാണ് നല്‍കുന്നത് ; വിശദമാക്കാമോ?

ഏകാരോഗ്യ പദ്ധതിയുടെ ഭാഗമായി സെന്റര്‍ ഫോര്‍ വണ്‍ ഹെല്‍ത്ത് -ന്റെ കീഴില്‍ എത്ര കമ്മ്യൂണിറ്റി വാളണ്ടിയര്‍മാര്‍ക്ക് പരിശീലനം നല്‍കിയിട്ടുണ്ട്;

എന്തെല്ലാം പരിശീലനങ്ങളാണ് വാളണ്ടിയര്‍മാര്‍ക്ക് നല്‍കി വരുന്നത്; വിശദാംശം ലഭ്യമാക്കാമോ?

കോഴിക്കോട് സൗത്ത് നിയോജക മണ്ഡലത്തില്‍ ആര്‍ദ്രം പദ്ധതി പ്രകാരം നടപ്പിലാക്കിയ പ്രവൃത്തികള്‍ ഏതെല്ലാമെന്ന് വിശദമാക്കാമോ?

സംസ്ഥാനത്ത് സാന്ത്വന പരിചരണത്തിന് വിശദമായ പ്രവര്‍ത്തന മാര്‍ഗ്ഗരേഖ പുറത്തിറക്കിയിട്ടുണ്ടോ; ഉണ്ടെങ്കില്‍ ആയതിന്റെ വിശദാംശങ്ങള്‍ ലഭ്യമാക്കാമോ;

നവകേരള കര്‍മ്മ പദ്ധതിയുടെ ഭാഗമായി ആര്‍ദ്രം മിഷനിലെ പ്രധാന മേഖലകളിലൊന്നായി 'പാലിയേറ്റിവ് കെയര്‍' തിരഞ്ഞെടുത്തിട്ടുണ്ടോ; വിശദമാക്കാമോ;

ഇതിന്റെ ഭാഗമായി സമഗ്ര പാലിയേറ്റീവ് കെയര്‍ ആക്ഷന്‍ പ്ലാന്‍ നടപ്പിലാക്കുന്നതിന് തീരുമാനിച്ചിട്ടുണ്ടോ; എങ്കില്‍ വിശദാംശം ലഭ്യമാക്കുമോ?

ഈ സര്‍ക്കാര്‍ അധികാരത്തില്‍ വന്ന ശേഷം ആലത്തൂര്‍ മണ്ഡലത്തില്‍ ആര്‍ദ്രം പദ്ധതിയില്‍ ഉള്‍പ്പെടുത്തി ഏതൊക്കെ പി.എച്ച്.സി.കള്‍ക്കാണ് ഫണ്ട് ലഭ്യമാക്കിയിട്ടുളളതെന്ന് അറിയിക്കാമോ;

പ്രസ്തുത പദ്ധതികളുടെ വിശദാംശങ്ങള്‍ നല്‍കാമോ?

സംസ്ഥാനത്തെ വിവിധ മെഡിക്കൽ കോളേജുകൾ ഉൾപ്പെടെയുള്ള സർക്കാർ ആശുപത്രികളിലേക്ക് ഹൃദയശസ്ത്രക്രിയ ഉപകരണങ്ങൾ വാങ്ങിയ ഇനത്തിൽ നിലവിൽ വിതരണക്കാർക്ക് എത്ര തുക കുടിശ്ശിക നൽകുവാൻ ഉണ്ട് ; വിശദാംശങ്ങൾ ഇനം തിരിച്ചു വ്യക്തമാക്കുമൊ;

ഹൃദയശസ്ത്രക്രിയ ഉപകരണങ്ങളുടെ അഭാവം മൂലം സംസ്ഥാനത്തെ വിവിധ ആശുപത്രികളിൽ ശസ്ത്രക്രിയകൾ മാറ്റിവയ്ക്കുന്ന സാഹചര്യം സർക്കാർ ഗൗരവത്തോടെ കാണുന്നുണ്ടോ; വിശദാംശം വ്യക്തമാക്കുമോ; ഇക്കാര്യത്തിൽ അടിയന്തര പരിഹാര നടപടികൾ സ്വീകരിക്കുമോ വ്യക്തമാക്കുമോ;

സർക്കാർ ആശുപത്രികളിലെ ഡോക്ടർമാർ രോഗികളുടെ കുടുംബാംഗങ്ങളിൽ നിന്നും പണം പിരിച്ചു ശസ്ത്രക്രിയ ഉപകരണങ്ങളും അനുബന്ധസാമഗ്രികളും വാങ്ങി അടിയന്തര ചികിത്സ നല്കിയതായുള്ള മാധ്യമ വാർത്തകളുടെ നിജസ്ഥിതി വ്യക്തമാക്കുമോ; എങ്കിൽ സംസ്ഥാനത്തെ ഏതൊക്കെ മെഡിക്കൽ കോളേജുകളിലും സർക്കാർ ആശുപത്രികളിലും ആണ് ഇപ്രകാരം നടപടികൾ സ്വീകരിച്ചിട്ടുള്ളത് ; ഈ പ്രതിസന്ധി ഒഴിവാക്കുന്നതിന് എന്തൊക്കെ നടപടി സ്വീകരിച്ചിട്ടുണ്ട് വ്യക്തമാക്കുമൊ ?

സംസ്ഥാനത്ത് കിടത്തി ചികിൽസ ഇല്ലാത്ത എത്ര പഞ്ചായത്തുകളാണ് നിലവില്‍ ഉള്ളതെന്ന് വിശദമാക്കാമോ;

മി‍ഡ്‍വൈഫ്സിന്റെ സേവനം മാതൃ ആരോഗ്യത്തിന്റെ പ്രധാന കണ്ണിയാണെന്നിരിക്കെ പ്രസ്തുത തസ്തികയുടെ നിയമനം നിർത്തലാക്കിയത് മാതൃ ആരോഗ്യ രംഗത്തുണ്ടാക്കാവുന്ന ആഘാതത്തെപ്പറ്റി ശ്രദ്ധയിൽപ്പെട്ടിട്ടുണ്ടോ; എങ്കിൽ എന്തൊക്കെ നടപടികൾ സ്വീകരിച്ചു; വ്യക്തമാക്കുമോ?

വിവിധ ജില്ലകളിലായി ഏതൊക്കെ സര്‍ക്കാര്‍ ആശുപത്രികളിലാണ് നിലവില്‍ കാത്ത് ലാബ് സ്ഥാപിച്ചിട്ടുള്ളതെന്ന വിവരം അറിയിക്കാമോ; ആശുപത്രികളുടെയും സ്ഥാപിച്ച ഏജന്‍സികളുടെയും വിവരങ്ങളും, ചെലവഴിച്ച തുകയും വ്യക്തമാക്കാമോ;

സംസ്ഥാനത്തെ ഏതെങ്കിലും താലൂക്ക് ആശുപത്രിയിൽ കാത്ത് ലാബ് സ്ഥാപിച്ചിട്ടുണ്ടോ; വിവരങ്ങള്‍ ലഭ്യമാക്കാമോ;

ഏതെങ്കിലും സര്‍ക്കാര്‍ ആശുപത്രികളില്‍ എം. ആര്‍. ഐ. ഉള്‍പ്പെടെയുള്ള ഡയഗ്നോസ്റ്റിക് ഉപകരണങ്ങള്‍ സ്വകാര്യ പങ്കാളിത്തത്തോടെ സ്ഥാപിച്ചിട്ടുണ്ടോ; വിവരങ്ങള്‍ ലഭ്യമാക്കാമോ; ആശുപത്രികളുടെയും സ്ഥാപിച്ച ഏജന്‍സികളുടെയും വിവരങ്ങള്‍ വ്യക്തമാക്കാമോ?

2016 മുതല്‍ 2021 വരെയുള്ള കാലത്ത് എത്ര ഡോക്ടര്‍മാരുടെയും നേഴ്സുമാരുടെയും പാരമെഡിക്കല്‍ സ്റ്റാഫിന്റെയും തസ്തികകളാണ് സൃഷ്ടിച്ചത്; ഇനം തിരിച്ചു വ്യക്തമാക്കാമോ;

2021 മുതല്‍ നാളിതുവരെ എത്ര ഡോക്ടര്‍മാരുടെയും നേഴ്സുമാരുടെയും പാരമെഡിക്കല്‍ സ്റ്റാഫിന്റെയും പുതിയ തസ്തികകള്‍ സൃഷ്ടിച്ചിട്ടുണ്ട്; ഇതു സംബന്ധിച്ച വിശദാംശം വ്യക്തമാക്കുമോ?

കിഫ്‌ബി പദ്ധതി മുഖേന നടപ്പിലാക്കുന്ന മൂന്നാർ മൾട്ടി സ്പെഷ്യാലിറ്റി ആശുപത്രിയുടെ നിർമ്മാണത്തിന് സ്വീകരിച്ച നടപടികൾ വിശദമാക്കാമോ;

പ്രസ്തുത പ്രവൃത്തിയുടെ ഡി.പി.ആര്‍. കിഫ്ബിക്ക് സമർപ്പിച്ചിട്ടുണ്ടോ; പ്രസ്തുത പ്രവൃത്തി ദ്രുതഗതിയില്‍ പൂർത്തിയാക്കുന്നതിന് അടിയന്തിര നടപടികൾ സ്വീകരിക്കുമോ?

ഈ സര്‍ക്കാര്‍ അധികാരത്തില്‍ വന്നതിനു ശേഷം പുതുക്കാട് താലൂക്ക് ആശുപത്രിയില്‍ എന്തെല്ലാം അടിസ്ഥാന- വികസന- സേവനസൗകര്യങ്ങളാണ് കൂടുതലായി ഏര്‍പ്പെടുത്തിയിട്ടുള്ളതെന്ന് അറിയിക്കാമോ;

പ്രസ്തുത ആശുപത്രിയില്‍ ഗൈനക്കോളജി ഐ.പി. ആരംഭിക്കുന്നതിനായി എന്തെല്ലാം ക്രമീകരണങ്ങള്‍ ഏര്‍പ്പെടുത്തിയിട്ടുണ്ടെന്നും; പ്രസ്തുത ഐ.പി. എന്നത്തേക്ക് പ്രവര്‍ത്തന സജ്ജമാക്കാന്‍ കഴിയുമെന്നും അറിയിക്കാമോ;

പുതുതായി പണികഴിപ്പിച്ച സ്ത്രീകളുടെ വാര്‍ഡ്, ലാബ് ബ്ലോക്ക്, പൊതുജനാരോഗ്യവിഭാഗം ബ്ലോക്ക് എന്നിവയുടെ നിര്‍മ്മാണവും, പ്രസ്തുത കെട്ടിടസമുച്ചയത്തില്‍ ലിഫ്റ്റ് സ്ഥാപിക്കുന്ന പ്രവൃത്തിയും ഏത് ഘട്ടത്തിലാണെന്ന് അറിയിക്കാമോ?

പെരിന്തല്‍മണ്ണ ജില്ലാ ആശുപത്രിയില്‍ സ്‌ട്രോക്ക് യൂണിറ്റ് ആരംഭിക്കുമെന്ന പ്രഖ്യാപനം നടപ്പാക്കുന്നതിന് സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ;

സ്‌ട്രോക്ക് യൂണിറ്റ് ആരംഭിക്കുന്നതിന് അടിസ്ഥാന സൗകര്യങ്ങള്‍ ആശുപത്രിയില്‍ സജ്ജമാക്കിയിട്ടും ആവശ്യമായ ജീവനക്കാരുടെ നിയമനം ഉള്‍പ്പെടെയുള്ള നടപടികള്‍ എന്തുകൊണ്ടാണ് വൈകുന്നതെന്ന് വിശദമാക്കുമോ;

സ്‌ട്രോക്ക് യൂണിറ്റ് ആരംഭിക്കുന്നതിന് ന്യൂറോളജിസ്റ്റിനെ അടിയന്തരമായി നിയമിക്കാന്‍ നടപടി സ്വീകരിക്കുമോയെന്ന് വ്യക്തമാക്കാമോ?

ലബോറട്ടറി സൗകര്യങ്ങള്‍ ഉണ്ടായിരുന്നിട്ടും ലാബ്-ടെക‍്നീഷ്യന്‍ സ്ഥിരം തസ്തികകള്‍ ഇല്ലാത്ത എത്ര ആരോഗ്യകേന്ദ്രങ്ങളാണ് സംസ്ഥാനത്ത് നിലവിലുള്ളതെന്ന് വ്യക്തമാക്കാമോ;

ലബോറട്ടറി സൗകര്യങ്ങള്‍ ഉള്ള കുടുംബാരോഗ്യ കേന്ദ്രങ്ങളിലും സാമൂഹികാരോഗ്യ കേന്ദ്രങ്ങളിലും ലാബ് ടെക‍്നീഷ്യന്‍ സ്ഥിരം നിയമനം നടത്തുന്നതിനാവശ്യമായ നടപടികള്‍ സ്വീകരിക്കുമോയെന്ന് വ്യക്തമാക്കാമോ;

സംസ്ഥാനത്ത് കൂടുതല്‍ ലാബ് ടെക‍്നീഷ്യന്‍ തസ്തികകള്‍ സൃഷ്ടിക്കുന്നതിനാവശ്യമായ നടപടി സ്വീകരിക്കുമോ; വ്യക്തമാക്കാമോ?

കാസർകോട് ജനറൽ ആശുപത്രി കോംപൗണ്ടിനകത്ത് നിർമ്മാണം പൂർത്തീകരിക്കാത്ത എത്ര കെട്ടിടങ്ങളുണ്ടെന്നും അവ ഓരോന്നിന്റെയും നിർമ്മാണം ആരംഭിച്ചിട്ടു എത്ര കാലമായെന്നും ഓരോന്നിന്റെയും എസ്റ്റിമേറ്റ് തുക എത്രയെന്നും വ്യക്തമാക്കാമോ;

പ്രസ്തുത കെട്ടിടങ്ങളുടെ നിർമ്മാണം പൂർത്തീകരിക്കാൻ കഴിയാത്തത് എന്തുകൊണ്ടാണെന്ന് വ്യക്തമാക്കാമോ?

കുളത്തൂപ്പുഴ കുടുംബാരോഗ്യ കേന്ദ്രത്തെ ട്രൈബൽ സ്പെഷ്യാലിറ്റി ആശുപത്രിയായി ഉയർത്തണമെന്ന സംസ്ഥാന മനുഷ്യാവകാശ കമ്മീഷന്റെ ഉത്തരവ് സംബന്ധിച്ചു സ്വീകരിച്ചിട്ടുള്ള തുടര്‍നടപടികള്‍ അറിയിക്കാമോ;

ട്രൈബൽ സ്പെഷ്യാലിറ്റി ഹോസ്‌പിറ്റലിന്റെ നിലവാരത്തിലേക്ക് കുളത്തൂപ്പുഴ ആരോഗ്യ കേന്ദ്രത്തെ ഉയർത്തുന്നതിനുള്ള സൗകര്യം നിലവിലുണ്ടോ; ആയതിനുള്ള സാധ്യതകള്‍ ആരായുമോ; വിശദമാക്കാമോ;

പ്രസ്തുത ആരോഗ്യ കേന്ദ്രത്തെ ട്രൈബൽ സ്പെഷ്യാലിറ്റി ഹോസ്‌പിറ്റൽ ആയി ഉയർത്തുന്നതിന് നിലവിലുള്ള തടസ്സങ്ങള്‍ എന്തൊക്കെയാണെന്ന് വിശദമാക്കാമോ;

അട്ടപ്പാടിയിൽ 25 വർഷത്തിലേറെയായി പ്രവർത്തിച്ചുവരുന്ന ട്രൈബൽ സ്പെഷ്യാലിറ്റി ആശുപത്രിയുടെയും, കുളത്തൂപ്പുഴ ആരോഗ്യ കേന്ദ്രത്തിന്റെയും അടിസ്ഥാന സൗകര്യങ്ങള്‍ താരതമ്യം ചെയ്തിട്ടുണ്ടോ; ട്രൈബൽ സ്പെഷ്യാലിറ്റി ആശുപത്രിയ്ക്കു വേണ്ടുന്ന സൗകര്യങ്ങള്‍ എന്തൊക്കെയാണെന്ന് അറിയിക്കാമോ;

അട്ടപ്പാടി ട്രൈബൽ സ്പെഷ്യാലിറ്റി ആശുപത്രിയുടെ നിലവാരത്തിലേക്ക് കുളത്തൂപ്പുഴ ആരോഗ്യ കേന്ദ്രത്തെ ഉയർത്തുന്നതിന് അധികമായി വേണ്ടി വരുന്ന ഘടകങ്ങള്‍, സൗകര്യങ്ങള്‍ എന്നിവ എന്തൊക്കെയാണെന്ന് വിശദമാക്കാമോ?

കൊടുങ്ങല്ലൂർ താലൂക്ക് ആശുപത്രിയിൽ സ്വീവേജ് ട്രീറ്റ്മെന്റ് പ്ലാന്റ് നിർമ്മിക്കുന്നതിന് അനുമതി നൽകിയിട്ടുണ്ടോ; ഉണ്ടെങ്കിൽ എത്ര തുകയാണ് അനുവദിച്ചതെന്നും എന്നാണ് അനുവദിച്ചതെന്നുമുള്ള വിവരം അറിയിക്കാമോ; ഉത്തരവിന്റെ പകർപ്പ് ലഭ്യമാക്കാമോ;

പ്രസ്തുത നിര്‍മ്മാണം ആരംഭിച്ചിട്ടുണ്ടോ; ഇല്ലെങ്കിൽ കാരണം അറിയിക്കാമോ; കാലതാമസം പരിഹരിക്കുന്നതിന് സ്വീകരിച്ചിട്ടുള്ള നടപടികൾ എന്തൊക്കെയാണെന്ന് അറിയിക്കാമോ;

പ്രസ്തുത പ്രവൃത്തി എപ്പോൾ ആരംഭിക്കാൻ കഴിയും എന്ന് അറിയിക്കാമോ;

കഴിഞ്ഞ 10 വർഷത്തിനുള്ളിൽ സംസ്ഥാനത്തു ഏതൊക്കെ ആശുപത്രികളിൽ സ്വീവേജ് ട്രീറ്റ്മെന്റ് പ്ലാന്റുകൾ സ്ഥാപിച്ചിട്ടുണ്ടെന്നും അവയുടെ നിർമ്മാണം നടത്തിയ ഏജൻസി ഏതാണെന്നും മേൽനോട്ടം ആർക്കായിരുന്നെന്നുമുള്ള വിവരം അറിയിക്കാമോ?

നെന്മാറ നിയോജക മണ്ഡലത്തിലെ നെല്ലിയാമ്പതി, എലവഞ്ചേരി പ്രാഥമിക ആരോഗ്യ കേന്ദ്രങ്ങളിലേക്ക് അനുവദിച്ച കെട്ടിടങ്ങളുടെ നിർമ്മാണ പുരോഗതി വിലയിരുത്തിയിട്ടുണ്ടോ; വിശദാംശം നൽകുമോ;

പ്രസ്തുത കെട്ടിടങ്ങളുടെ നിർമ്മാണം എന്ന് പൂർത്തികരിക്കാനാണ് നിർദ്ദേശം നൽകിയിട്ടുളളതെന്ന് വിശദമാക്കുമോ?

പട്ടാമ്പി താലൂക്കാശുപത്രിയില്‍ ദിവസേന ആയിരത്തിലധികം ഒ.പി.യും നൂറിലധികം ഐ.പി.യും ഉള്‍പ്പെടെ വലിയ തിരക്ക് അനുഭവപ്പെടുന്നത് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ തിരക്കിന് അനുസൃതമായി അടിസ്ഥാന സൗകര്യ വികസനത്തിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

പട്ടാമ്പി താലൂക്കാശുപത്രി ജനറല്‍ ആശുപത്രിയായി ഉയര്‍ത്തി ആവശ്യമായ ജീവനക്കാരെ നിയമിക്കുന്നതിന് നടപടികള്‍ സ്വീകരിച്ചിട്ടുണ്ടോയെന്ന് വ്യക്തമാക്കുമോ; വിശദവിവരം നല്‍കുമോ?

ആലപ്പുഴ മണ്ഡലത്തില്‍ കിഫ്ബി മുഖേന നടന്നുവരുന്നതും ആസ്തി വികസന ഫണ്ട് മുഖേന നടന്നുവരുന്നതുമായ വിവിധ ആശുപത്രികളുടെ നിര്‍മ്മാണ പ്രവര്‍ത്തികളുടെ പുരോഗതി വിലയിരുത്തിയിട്ടുണ്ടോ; എങ്കില്‍ ഇത് സംബന്ധിച്ച വിവരങ്ങൾ ആരായുന്നതിനായി വിളിച്ചു ചേർത്ത യോഗങ്ങളുടെ മിനിട്സ് ലഭ്യമാക്കാമോ;

ചെട്ടികാട് ആശുപത്രിയുടെ നിര്‍മ്മാണ പ്രവര്‍ത്തിയുടെ പുരോഗതി സംബന്ധിച്ച് എന്തൊക്കെ നടപടികളാണ് സ്വീകരിച്ചതെന്ന് വ്യക്തമാക്കാമോ?

പേരാമ്പ്ര താലൂക്ക് ആശുപത്രിയുടെ പുതിയ കെട്ടിട നിർമ്മാണത്തിന്റെ എസ്റ്റിമേറ്റ് തുക എത്രയാണെന്നും പ്രസ്തുത പ്രവ‍ൃത്തിയുടെ കരാറുകാരൻ ആരാണെന്നും വ്യക്തമാക്കാമോ;

പ്രസ്തുത കെട്ടിട നിര്‍മ്മാണം എന്നത്തേയ്ക്ക് പൂർത്തിയാക്കാനാകുമെന്നാണ് പ്രതീക്ഷിക്കുന്നതെന്ന് വ്യക്തമാക്കാമോ?

എറണാകുളം ജനറൽ ആശുപത്രിയില്‍ കഴിഞ്ഞ 30 വർഷത്തിനിടയിൽ 2021 ൽ ഉദ്ഘാടനം ചെയ്ത ഒരു സൂപ്പർ സ്പെഷ്യാലിറ്റി ബ്ലോക്കല്ലാതെ മറ്റ് യാതൊരു നിർമ്മാണ പ്രവർത്തനങ്ങളും പുതിയതായി നടന്നിട്ടില്ലെന്നതും, ബാക്കി സേവനങ്ങളെല്ലാം വര്‍ഷങ്ങള്‍ പഴക്കമുള്ള കെട്ടിടത്തിലാണ് പ്രവര്‍ത്തിച്ചു വരുന്നതെന്നും ശ്രദ്ധയില്‍പ്പെട്ടിട്ടുണ്ടോ;

സൂപ്പർ സ്പെഷ്യാലിറ്റി വിഭാഗങ്ങൾക്ക് സാധാരണക്കാർ കൂടുതലായി ആശ്രയിക്കുന്ന ഇവിടെ ഏഴ് നിലകളുള്ള ഒരു ഐ. പി. ബ്ലോക്ക് നിർമ്മിക്കുന്നതിന് 104 കോടി രൂപ അടങ്കൽ തുക കണക്കാക്കുന്ന പ്രവർത്തിക്കുള്ള അനുമതി ലഭ്യമാക്കുന്നതിനുള്ള നടപടിക്രമങ്ങളുടെ വിശദാംശം ലഭ്യമാക്കാമോ?

ഹരിപ്പാട് താലൂക്ക് ആശുപത്രിയിലെ ഡയാലിസിസ് യൂണിറ്റില്‍നിന്നും രോഗികള്‍ക്ക് അണുബാധ ഉണ്ടായ സംഭവം ശ്രദ്ധയില്‍പ്പെട്ടിട്ടുണ്ടോ; എത്ര രോഗികള്‍ക്കാണ് അണുബാധ ഉണ്ടായതെന്നും തുടര്‍ന്ന് ഏതെങ്കിലും രോഗികള്‍ മരണമടഞ്ഞിട്ടുണ്ടോയെന്നും വ്യക്തമാക്കാമോ;

പ്രസ്തുത ഡയാലിസിസ് യൂണിറ്റിന്റെ പ്രവര്‍ത്തനത്തെ സംബന്ധിച്ച് ആരോഗ്യവകുപ്പിന്റെ ഏതെല്ലാം സംഘങ്ങളാണ് പരിശോധന നടത്തിയതെന്നും പ്രസ്തുത അന്വേഷണ സംഘത്തിന്റെ കണ്ടെത്തലുകള്‍ എന്തെല്ലാമാണെന്നും വ്യക്തമാക്കാമോ;

പ്രസ്തുത ഡയാലിസിസ് യൂണിറ്റിന്റെ പ്രവര്‍ത്തനം കൂടുതല്‍ മെച്ചപ്പെടുത്തുന്നതിനും കൃത്യമായ സുരക്ഷാ മാനദണ്ഡങ്ങളും ശുചിത്വ പ്രോട്ടോക്കോളും പാലിക്കുന്നുണ്ടെന്ന് ഉറപ്പുവരുത്തുന്നതിനും എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് അറിയിക്കാമോ?

കയ്പമംഗലം നിയോജക മണ്ഡലത്തിലെ പെരിഞ്ഞനം ഗ്രാമപഞ്ചായത്ത് കുടുംബാരോഗ്യ കേന്ദ്രവുമായി ബന്ധപ്പെട്ട് എക്സ്-റേ, ഇ.സി.ജി., എം.ആർ.ഐ. സ്കാൻ തുടങ്ങിയ പരിശോധനാ സംവിധാനങ്ങൾ ഒരുക്കുന്നതിനായി എന്തെല്ലാം നടപടികളാണ് സ്വീകരിച്ചിരിക്കുന്നത്;

കൊടുങ്ങല്ലൂർ താലൂക്കാശുപത്രിയിൽ രാത്രികാലങ്ങളിലും മറ്റും കൂടുതൽ ഡോക്ടർമാരുടെ സേവനം ലഭ്യമാക്കുന്നതിനായി എന്തെല്ലാം നടപടികളാണ് സ്വീകരിച്ചിരിക്കുന്നത്; വ്യക്തമാക്കാമോ?

നെയ്യാറ്റിന്‍കര നിയോജക മണ്ഡലത്തിലെ അതിയന്നൂര്‍ ഗ്രാമപഞ്ചായത്തിലെ വെണ്‍പകല്‍ കുടുംബാരോഗ്യ കേന്ദ്രത്തില്‍ പ്രവൃത്തി പൂര്‍ത്തീകരിക്കാന്‍ കാലതാമസം നേരിടുന്ന ഐസൊലേഷന്‍ വാര്‍ഡിന്റെ നിലവിലെ അവസ്ഥ എന്താണെന്ന് വിശദമാക്കാമോ;

2026 മാര്‍ച്ച് മാസത്തിനു മുന്‍പ് പ്രവൃത്തി പൂര്‍ത്തീകരിക്കാന്‍ നടപടി സ്വീകരിക്കാമോ?

കുട്ടനാട് പുളിങ്കുന്ന് താലൂക്ക് ആശുപത്രിയുടെ നിർമ്മാണം യുദ്ധകാലാടിസ്ഥാനത്തിൽ പൂർത്തീകരിക്കുന്നതിന് സ്വീകരിച്ചുവരുന്ന നടപടികൾ എന്തൊക്കെയെന്ന് വ്യക്തമാക്കുമോ;

പ്രസ്തുത ആശുപത്രിയുടെ നിർമ്മാണത്തിൽ ഇനി എന്തൊക്കെ തടസങ്ങളാണ് നിലവിലുള്ളതെന്ന് വ്യക്തമാക്കുമോ;

പ്രസ്തുത നിർമ്മാണം ഏറ്റവും വേഗം പൂർത്തീകരിക്കുന്നതിനായി ഇനി എന്തൊക്കെ നടപടികൾ സ്വീകരിക്കുമെന്ന് വ്യക്തമാക്കുമോ?

തൊടുപുഴ ജില്ലാ ആശുപത്രിയില്‍ കാരുണ്യ ഫാര്‍മസി ആരംഭിക്കാന്‍ നടപടികള്‍ കൈക്കൊണ്ടിട്ടുണ്ടോ; ഉണ്ടെങ്കില്‍ വിശദാംശം ലഭ്യമാക്കാമോ?

ഹരിപ്പാട് സർക്കാർ ആശുപത്രിയിൽ ഡയാലിസിസ് ചികിത്സയ്ക്ക് വിധേയരായ അഞ്ച് രോഗികളിൽ രണ്ടുപേർ ദിവസങ്ങൾക്കുള്ളിൽ മരിച്ച സംഭവത്തിൽ വകുപ്പുതല അന്വേഷണം നടത്തിയിട്ടുണ്ടോ; കണ്ടെത്തലുകൾ എന്തൊക്കെയാണ്; വിശദാംശം വ്യക്തമാക്കുമോ;

ചികിത്സാ പ്രോട്ടോക്കോളുകൾ പൂർണമായും പാലിക്കുന്നതിലും അണുബാധ ഒഴിവാക്കുന്നതിലും ജല ഗുണനിലവാരം ഉറപ്പാക്കുന്നതിലും ഉപകരണങ്ങളുടെ സ്റ്റെറിലൈസേഷനിലും ഉൾപ്പെടെ വീഴ്ചകൾ സംഭവിച്ചിട്ടുള്ളതായി കണ്ടെത്തിയിട്ടുണ്ടോ; ഉത്തരവാദികളായവർക്കെതിരെ എന്തൊക്കെ നടപടികൾ സ്വീകരിച്ചിട്ടുണ്ട്; വിശദാംശം വ്യക്തമാക്കുമോ;

മരണപ്പെട്ടവരുടെ കുടുംബാംഗങ്ങൾക്കും ചികിത്സ പിഴവിന് ഇരയായവർക്കും നഷ്ടപരിഹാരം അനുവദിക്കുന്നതിന് അടിയന്തര നടപടി സ്വീകരിക്കുമോ; വ്യക്തമാക്കുമോ?

കാട്ടാക്കട നിയോജകമണ്ഡലത്തിലെ ഏതൊക്കെ പ്രൈമറി ഹെല്‍ത്ത് സെന്ററുകളാണ് കുടുംബാരോഗ്യകേന്ദ്രങ്ങളായി ഉയര്‍ത്തിയത്; പ്രസ്തുത കുടുംബാരോഗ്യകേന്ദ്രങ്ങളില്‍ ഇതിന്റെ ഭാഗമായി നടത്തിയ സിവില്‍ വര്‍ക്കുകള്‍ക്ക് ചെലവായ തുക, ആരോഗ്യസംരക്ഷണത്തിനായി ഒരുക്കിയ മറ്റ് സംവിധാനങ്ങൾ എന്നിവ പ്രത്യേകമായി വിശദമാക്കാമോ?

മങ്കട സി.എച്ച്.സി.യ്ക്കായി ബജറ്റില്‍ വകയിരുത്തിയ പ്രകാരമുള്ള മാസ്റ്റര്‍ പ്ലാന്‍ നടപ്പിലാക്കുന്നതിന് സ്വീകരിച്ചിട്ടുള്ള നടപടികള്‍ വ്യക്തമാക്കുമോ; പ്രവൃത്തിയുടെ നിലവിലെ സ്ഥിതി അറിയിക്കുമോ;

പ്രവൃത്തി നടപ്പിലാക്കുന്നതില്‍ കാലതാമസം വന്നിട്ടുള്ളത് ഗൗരവമായി കാണുന്നുണ്ടോ; ഉണ്ടെങ്കില്‍ സമയപരിധി നിശ്ചയിച്ച് പ്രവൃത്തി നടപ്പിലാക്കാന്‍ നടപടി സ്വീകരിക്കുമോ;

പ്രസ്തുത സ്ഥാപനത്തിലെ ഐസൊലേഷന്‍ വാര്‍ഡ് നിര്‍മ്മാണത്തിന്റെ നിലവിലെ സ്ഥിതി അറിയിക്കുമോ; എന്തെല്ലാം പ്രവൃത്തികളാണ് അവശേഷിക്കുന്നത്; പ്രവർത്തികളുടെ ചുമതല ഏറ്റെടുത്തിട്ടുള്ള ഏജന്‍സി നടപ്പിലാക്കുന്നതില്‍ ഏതെങ്കിലും തരത്തിലുള്ള അലംഭാവം കാണിച്ചിട്ടുണ്ടോ; ഇല്ലെങ്കില്‍ സമയബന്ധിതമായി പ്രവൃത്തി നടപ്പിലാക്കാന്‍ കഴിയാത്തത് എന്തുകൊണ്ടാണെന്ന് വ്യക്തമാക്കുമോ;

മങ്കട സി.എച്ച്.സി.യുമായി ബന്ധപ്പെട്ട് മറ്റെന്തെല്ലാം പ്രവൃത്തികളാണ് നടപ്പിലാക്കി വരുന്നത്; എല്ലാ പ്രവൃത്തികളും സമയബന്ധിതമായി പൂര്‍ത്തിയാക്കുന്നതിന് ആവശ്യമായ നടപടി സ്വീകരിക്കുമോ?

സംസ്ഥാനത്ത് പുതിയ സൂപ്പർ സ്പെഷ്യാലിറ്റി/സ്പെഷ്യാലിറ്റി ഡോക്ടർമാരുടെ തസ്തിക സൃഷ്ടിച്ച് ഉത്തരവിറക്കിയിട്ടുണ്ടോ; ഉണ്ടെങ്കിൽ പുതിയതായി എത്ര തസ്തികകൾ ആണ് സൃഷ്ടിച്ചത്; ഉത്തരവിന്റെ പകർപ്പ് ലഭ്യമാക്കുമോ;

ഇതിൽ ഒരോ ജില്ലയിലും ഏതെല്ലാം തസ്തികകൾ ഏതെല്ലാം ആശുപത്രികളിൽ സൃഷ്ടിച്ചുവെന്ന് ജില്ല തിരിച്ചുള്ള വിശദാംശം ലഭ്യമാക്കാമോ; ഈ തസ്തികകൾ സൃഷ്ടിച്ചത് ഏത് റിപ്പോർട്ടിന്റെ അടിസ്ഥാനത്തിലാണ്; വിശദാംശം ലഭ്യമാക്കുമോ;

സംസ്ഥാനത്ത് ഏറ്റവും കൂടുതൽ ജനസംഖ്യയുള്ള മലപ്പുറം ജില്ലയിൽ നാമമാത്ര തസ്തിക സൃഷ്ടിക്കാൻ ഇടയാക്കിയ സാഹചര്യം എന്താണെന്നു വിശദമാക്കുമോ;

മലപ്പുറം ജില്ലയിലെ ജില്ലാ/താലുക്ക് ആശുപത്രികളിൽ തസ്തിക സൃഷ്ടിക്കുന്നതിന് ആരോഗ്യ വകുപ്പ് അധികൃതരിൽ നിന്നും ​പ്രൊപ്പോസൽ ലഭിച്ചിരുന്നോ എന്ന് വ്യക്തമാക്കുമോ; എങ്കിൽ എത്ര തസ്തികകളാണ് ആവശ്യപ്പെട്ടതെന്നും അവ പരിഗണിക്കാത്തതിന്റെ കാരണം എന്താണെന്നും വ്യക്തമാക്കുമോ?

അരൂര്‍ മണ്ഡലത്തിലെ തുറവൂര്‍ താലൂക്ക് ആശുപത്രിയുടെ നിര്‍മ്മാണം ഏത് ഘട്ടത്തിലാണെന്ന് വിശദമാക്കാമോ;

പ്രസ്തുത ആശുപത്രിയില്‍ മോര്‍ച്ചറി നിര്‍മ്മാണവുമായി ബന്ധപ്പെട്ട് സ്ഥലമെടുപ്പിനായി ബഡ്ജറ്റിൽ അനുവദിച്ച തുക വിനിയോഗിക്കുന്നതിന് സ്വീകരിച്ച നടപടികള്‍ വിശദമാക്കാമോ?

കോഴിക്കോട് ജില്ലയിലെ ചെറൂപ്പ ആരോഗ്യ കേന്ദ്രത്തില്‍ ഡോക്ടര്‍മാരുടേത് ഉള്‍പ്പെടെ നിലവില്‍ എത്ര തസ്തികകളാണുള്ളത്; വിശദമാക്കാമോ;

ഇവയില്‍ ഏതെങ്കിലും തസ്തികയിലെ ഉദ്യോഗസ്ഥര്‍ അന്യത്ര സേവന വ്യവസ്ഥയില്‍ മറ്റേതെങ്കിലും സ്ഥാപനത്തില്‍ ജോലി ചെയ്യുന്നുണ്ടോ; വിശദാംശം ലഭ്യമാക്കാമോ?

നെടുങ്കണ്ടം താലൂക്ക് ആശുപത്രിയെ ജില്ലാ ആശുപത്രിയാക്കി ഉയര്‍ത്തി കിഫ്ബി ഫണ്ട് പ്രയോജനപ്പെടുത്തി നടത്തിവരുന്ന കെട്ടിട നിര്‍മ്മാണം ഏത് ഘട്ടത്തിലാണെന്നുള്ള വിശദാംശം ലഭ്യമാക്കാമോ;

2022-ല്‍ നിര്‍മ്മാണം പൂര്‍ത്തിയാക്കേണ്ട പ്രവൃത്തിയുടെ പൂർത്തീകരണം വൈകുന്നത് ശ്രദ്ധയിൽപ്പെട്ടിട്ടുണ്ടോ; ഈ പ്രവൃത്തി അടിയന്തരമായി പൂര്‍ത്തിയാക്കുന്നതിന് നാളിതുവരെ നടത്തിയിട്ടുള്ള ഇടപെടലുകള്‍ സംബന്ധിച്ച വിശദാംശം വ്യക്തമാക്കാമോ;

പ്രസ്തുത പ്രവൃത്തി അടിയന്തരമായി പൂര്‍ത്തീകരിച്ച് ജില്ലാ ആശുപത്രിയുടെ സേവനം പൊതുജനങ്ങള്‍ക്ക് ലഭ്യമാക്കുന്നതിന് ആവശ്യമായ നടപടികള്‍ സ്വീകരിക്കുമോ; വിശദാംശം നല്‍കാമോ?

മുന്‍ സർക്കാരിന്റെ കാലം മുതൽ നാളിതുവരെ ഓരോ വർഷവും വിവിധ പകർച്ചവ്യാധികൾ മൂലം ജീവൻ നഷ്ടപ്പെട്ടവരുടെ എണ്ണം ഇനം തിരിച്ച് വ്യക്തമാക്കുമോ; ഏത് പകർച്ചവ്യാധി മൂലമാണ് ഏറ്റവും കൂടുതൽ ആളുകളുൾക്ക് ജീവൻ നഷ്ടപ്പെട്ടതെന്ന് അറിയിക്കാമോ;

മുൻ കാലങ്ങളില്‍ സംസ്ഥാനത്ത് നിന്നും പൂർണമായും നിർമ്മാർജനം ചെയ്ത ഏതെങ്കിലും പകർച്ചവ്യാധികൾ ഈ കാലയളവിൽ വീണ്ടും റിപ്പോർട്ട് ചെയ്തിട്ടുണ്ടോ; ഉണ്ടെങ്കിൽ ഏതൊക്കെയാണെന്ന് വിശദമാക്കാമോ?

മങ്കട നിയോജകമണ്ഡലത്തില്‍ കഴിഞ്ഞ പത്ത് വര്‍ഷത്തിനിടയില്‍ ആരോഗ്യ വകുപ്പിന് കീഴില്‍ നടപ്പിലാക്കിയ വിവിധ വികസന പ്രവര്‍ത്തനങ്ങള്‍ എന്തെല്ലാം; ഓരോന്നിനും എത്ര തുക വീതം അനുവദിച്ചു; ഇതില്‍ പൂര്‍ത്തിയായ പ്രവൃത്തികള്‍ ഏതെല്ലാം; പൂര്‍ത്തീകരിക്കാത്ത പ്രവൃത്തികള്‍ ഏതെല്ലാം; ഇനിയും ആരംഭിക്കാത്ത പ്രവൃത്തികള്‍ ഏതെല്ലാം; വിശദാംശം ലഭ്യമാക്കുമോ;

മങ്കട നിയോജകമണ്ഡലത്തില്‍ കഴിഞ്ഞ പത്ത് വര്‍ഷത്തിനിടയില്‍ ആരോഗ്യ വകുപ്പിന് കീഴില്‍ പുതിയതായി ആരംഭിച്ച സ്ഥാപനങ്ങള്‍ ഏതെല്ലാം; പുതിയതായി അനുവദിക്കുന്നതിന് പരിഗണനയിലുള്ള സ്ഥാപനങ്ങള്‍ ഏതെല്ലാം; വ്യക്തമാക്കുമോ;

മങ്കട നിയോജകമണ്ഡലത്തില്‍ കഴിഞ്ഞ പത്ത് വര്‍ഷത്തിനിടയില്‍ ആരോഗ്യ വകുപ്പിന് കീഴിലുള്ള സ്ഥാപനങ്ങളില്‍ പുതിയതായി അനുവദിച്ച തസ്തികകള്‍ എന്തെല്ലാം; ഓരോന്നിന്റെയും വിശദാംശം ലഭ്യമാക്കുമോ?

ഹരിപ്പാട് താലൂക്ക് ആശുപത്രിയിൽ ഡയാലിസിസ് രോഗികൾക്ക് അണുബാധ ഉണ്ടായ സംഭവം ശ്രദ്ധയിൽപ്പെട്ടിട്ടുണ്ടോ; എങ്കിൽ, ഇതിന്റെ കാരണങ്ങൾ കണ്ടെത്താൻ നടത്തിയ അന്വേഷണ റിപ്പോർട്ടിന്റെ വിശദാംശങ്ങൾ ലഭ്യമാക്കാമോ;

സംസ്ഥാനത്തെ സർക്കാർ/സ്വകാര്യ മേഖലകളിലെ ഡയാലിസിസ് സെന്ററുകള്‍, ഐ.സി.യു (ICU) തുടങ്ങിയ തീവ്രപരിചരണ വിഭാഗങ്ങളിൽ കൃത്യമായ ഇടവേളകളിൽ 'ഇൻഫെക്ഷൻ കൺട്രോൾ ഓഡിറ്റ്' നടപ്പിലാക്കുന്നുണ്ടോ; വ്യക്തമാക്കാമോ;

ഹരിപ്പാട് സംഭവത്തിന്റെ പശ്ചാത്തലത്തിൽ, സംസ്ഥാനത്തെ മുഴുവൻ ഡയാലിസിസ് യൂണിറ്റുകളിലും അടിയന്തരമായി സുരക്ഷാ ഓഡിറ്റും ഗുണനിലവാര പരിശോധനയും നടത്താൻ നടപടി സ്വീകരിച്ചിട്ടുണ്ടോ;

ഡയാലിസിസ് ഉപകരണങ്ങളുടെ പരിപാലനം, അണുനശീകരണ പ്രക്രിയ എന്നിവയിൽ വീഴ്ച വരുത്തുന്ന സ്ഥാപനങ്ങൾക്കെതിരെ എന്ത് നടപടിയാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കാമോ;

ഇത്തരം ചികിത്സാ പിഴവുകൾ ഭാവിയിൽ ആവർത്തിക്കാതിരിക്കാൻ സംസ്ഥാനതലത്തിൽ ഏകീകൃത മാനദണ്ഡങ്ങൾ കർശനമാക്കാൻ ഉദ്ദേശിക്കുന്നുണ്ടോ; വിശദമാക്കുമോ ?

ഒറ്റപ്പാലം നിയോജക മണ്ഡലത്തില്‍ നാഷണല്‍ ഹെല്‍ത്ത് മിഷൻ മുഖേന നടപ്പിലാക്കി വരുന്ന നിര്‍മ്മാണ പ്രവൃത്തികള്‍ ഏതെല്ലാമാണെന്നും പ്രസ്തുത പ്രവൃത്തികളുടെ നിലവിലെ സ്ഥിതിയും വിശദമാക്കാമോ?

കേരള ആരോഗ്യ സർവകലാശാലയിലെ എം. ബി. ബി. എസ്., ബി. ഡി. എസ്. കോഴ്സുകളുടെ പരീക്ഷകളിൽ പ്രാക്ടിക്കലിനും തിയറിക്കും പ്രത്യേകം പ്രത്യേകം 50 ശതമാനം വീതം മാർക്ക് വാങ്ങണമെന്ന നിർദ്ദേശം നിലവിലുണ്ടോ; ഇക്കാര്യത്തിൽ വിദ്യാർത്ഥികൾക്കും അധ്യാപകർക്കുമുളള ആശങ്ക ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

എം. ബി. ബി. എസ്. വിദ്യാർത്ഥികളുടെ പരീക്ഷയ്ക്ക് പ്രാക്ടിക്കലിനും തിയറിക്കും ഉൾപ്പെടെ മൊത്തം 50% മാർക്ക് മതിയെന്ന തീരുമാനം സർവകലാശാല എടുത്തിട്ടുണ്ടോ; ഉണ്ടെങ്കിൽ പ്രസ്തുത തീരുമാനത്തിന്റെ പകർപ്പ് ലഭ്യമാക്കാമോ;

പ്രാക്ടിക്കലിനും തിയറിക്കും മൊത്തം 50% മാർക്ക് ലഭിക്കുന്ന ബി. ഡി. എസ്. വിദ്യാർത്ഥികളെ വിജയിപ്പിക്കുന്നതിന് നടപടി സ്വീകരിക്കുമോ എന്ന് വ്യക്തമാക്കാമോ;

മെഡിക്കൽ വിദ്യാഭ്യാസ മേഖലയിലെ വിദ്യാർത്ഥികളുടെയും അധ്യാപകരുടെയും രക്ഷകർത്താക്കളുടെയും ആശങ്കകൾ പരിഹരിക്കുന്നതിന് അടിയന്തര നി​ർദ്ദേശം ആരോഗ്യ സർവകലാശാലക്ക് നൽകുമോ; വിശദമാക്കാമോ?

ഈ സര്‍ക്കാര്‍ അധികാരത്തിൽ വന്നതിനുശേഷം പേരാമ്പ്ര നിയോജക മണ്ഡലത്തിൽ നാളിതുവരെ സര്‍ക്കാര്‍ ആശുപത്രികൾക്ക് ചെലവഴിച്ച തുക, ആശുപത്രിയുടെ പേര് സഹിതം വെളിപ്പെടുത്താമോ;

2016 മുതൽ 2021 വരെ പേരാമ്പ്ര മണ്ഡലത്തിൽ ആരോഗ്യവകുപ്പ് ചെലവഴിച്ച തുക ഇനം തിരിച്ച് ലഭ്യമാക്കാമോ?

സംസ്ഥാനത്തെ സർക്കാർ ആശുപത്രികളിൽ ഡയാലിസിസിനു വിധേയരായവർ അണുബാധയേറ്റു മരിക്കാനിടയായ സംഭവം റിപ്പോർട്ട് ചെയ്തിട്ടുണ്ടോ;

എങ്കില്‍ പ്രസ്തുത സംഭവത്തെക്കുറിച്ച് അന്വേഷിക്കുന്നതിന് നടപടി സ്വീകരിച്ചിട്ടുണ്ടോ;

പ്രസ്തുത അന്വേഷണത്തില്‍ എന്തെല്ലാം കാരണങ്ങളാണ് കണ്ടെത്തിയിട്ടുളളതെന്ന് വിശദമാക്കാമോ;

ഇത്തരം സംഭവങ്ങൾ ആവർത്തിക്കാതിരിക്കാൻ സ്വീകരിക്കാനുദ്ദേശിക്കുന്ന നടപടികൾ എന്തെല്ലാമാണെന്ന് വിശദമാക്കാമോ?

സംസ്ഥാനത്ത് ആശാ പ്രവർത്തകർക്ക് നൽകി വരുന്ന ആനുകൂല്യങ്ങൾ എന്തൊക്കെയാണെന്ന് വിശദമാക്കാമോ;

ആശാ പ്രവർത്തകരുടെ വേതനം പ്രതിദിനം 700 രൂപയാക്കാൻ നടപടി സ്വീകരിക്കുമോ; ഇല്ലെങ്കില്‍ കാരണം വിശദമാക്കാമോ?

സംസ്ഥാനത്ത് അമീബിക് മസ്തിഷ്ക ജ്വരം ഉള്‍പ്പെടെയുള്ള രോഗങ്ങൾ വർധിച്ചുവരുന്നത് എന്തുകൊണ്ടാണെന്ന് പരിശോധിച്ചിട്ടുണ്ടോ;

അമീബിക് മസ്തിഷ്ക ജ്വരം ബാധിച്ചുള്ള മരണങ്ങള്‍ തടയാൻ സ്വീകരിച്ച നടപടികൾ വിശദമാക്കാമോ?

സംസ്ഥാനത്തെ മെഡിക്കൽ കോളേജുകളിലും മറ്റ് സർക്കാർ ആശുപത്രികളിലുമുള്ള കെട്ടിടങ്ങളുടെ ഫിറ്റ്നസ് വർഷം തോറും പരിശോധിക്കാറുണ്ടോയെന്ന് വ്യക്തമാക്കാമോ;

സംസ്ഥാനത്തെ മെഡിക്കൽ കോളേജുകളിലും മറ്റ് സർക്കാർ ആശുപത്രികളിലുമുള്ള കെട്ടിടങ്ങളുടെ ഫിറ്റ്നസ് പരിശോധിക്കാൻ ചുമതലപ്പെടുത്തിയിരിക്കുന്നത് തദ്ദേശ സ്വയംഭരണ സ്ഥാപനങ്ങളെ ആണോയെന്നു വ്യക്തമാക്കാമോ;

അല്ലെങ്കിൽ മറ്റേത് ഏജൻസിയെയാണെന്ന് വ്യക്തമാക്കാമോ;

സംസ്ഥാനത്തെ മെഡിക്കൽ കോളേജുകളിലും മറ്റ് സർക്കാർ ആശുപത്രികളിലുമുള്ള കെട്ടിടങ്ങളിൽ നിലവിൽ ഫിറ്റ്നസ് ഇല്ലാത്ത കെട്ടിടങ്ങളുടെ വിവരം ജില്ലയും ആശുപത്രിയും തിരിച്ച് ലഭ്യമാക്കാമോ;

സംസ്ഥാനത്തെ മെഡിക്കൽ കോളേജുകളിലും മറ്റ് സർക്കാർ ആശുപത്രികളിലും നിലവിൽ ഫിറ്റ്നസ് ഇല്ലാത്ത കെട്ടിടങ്ങളിൽ ആശുപത്രികളിലെ ഏതെങ്കിലും വിഭാഗങ്ങൾ പ്രവർത്തിക്കുന്നുണ്ടെങ്കിൽ ആയതിന്റെ വിവരം ലഭ്യമാക്കാമോ;

സംസ്ഥാനത്തെ മെഡിക്കൽ കോളേജുകളിലും മറ്റ് സർക്കാർ ആശുപത്രികളിലുമുള്ള കെട്ടിടങ്ങളിൽ 2016 മുതൽ നാളിതുവരേക്കും പൂർണ്ണമായോ ഭാഗികമായോ തകർന്ന കെട്ടിടങ്ങളുടെ വിവരം ലഭ്യമാക്കാമോ;

സംസ്ഥാനത്തെ മെഡിക്കൽ കോളേജുകളിലും മറ്റ് സർക്കാർ ആശുപത്രികളിലുമുള്ള കെട്ടിടങ്ങളിൽ 2016 മുതൽ നാളിതുവരേക്കും പൂർണ്ണമായോ ഭാഗികമായോ തകർന്ന സംഭവങ്ങളിൽ മരണപ്പെട്ടവരുടെയും പരിക്കേറ്റവരുടെയും വിവരം ലഭ്യമാക്കാമോ?

സംസ്ഥാനത്ത് ഹീമോഫീലിയ ബാധിതയായ സ്ത്രീയ്ക്ക് രാജ്യത്താദ്യമായി എമിസിസുമാബ് പ്രൊഫൈലാക്സിസ് നല്‍കുന്നതിന് കഴിഞ്ഞിട്ടുണ്ടോ; എങ്കില്‍ ആയതിന്റെ വിശദാംശം ലഭ്യമാക്കാമോ?

വര്‍ക്കല നിയോജകമണ്ഡലത്തില്‍ 2016-21, 2021-2026 കാലയളവുകളില്‍ വിവിധ ആശുപത്രികളുടെ നവീകരണത്തിനായി എം.എല്‍.എ. ഫണ്ട് ഉള്‍പ്പെടെ എത്ര രൂപയുടെ ഫണ്ട് അനുവദിച്ചിട്ടുണ്ടെന്നും അവ ഏതെല്ലാമെന്നും വിശദമാക്കാമോ;

വര്‍ക്കല മണ്ഡലത്തിലെ ഏതെല്ലാം ആശുപത്രികള്‍ക്കാണ് പുതിയ കെട്ടിടം നിര്‍മ്മിക്കുന്നതിനായി നടപടി സ്വീകരിച്ചിട്ടുള്ളതെന്നും അവയുടെ പുരോഗതി സംബന്ധിച്ച വിവരങ്ങളും വിശദമാക്കാമോ?

സംസ്ഥാനത്തെ മെഡിക്കൽ കോളേജുകളിലും സർക്കാർ ആശുപത്രികളിലും ശസ്ത്രക്രിയ ഉപകരണങ്ങൾ വാങ്ങിയ ഇനത്തിൽ കമ്പനികൾക്ക് നൽകുവാനുള്ള കുടിശ്ശിക എത്രയാണ്; വിശദാംശം നൽകാമോ;

കുടിശ്ശിക തുക നൽകാത്തത് മൂലം വിതരണക്കാർ ഉപകരണങ്ങൾ നൽകാതിരിക്കുന്ന സ്ഥിതി സംജാതമായിട്ടുണ്ടോ; എങ്കിൽ വിശദാംശം ലഭ്യമാക്കാമോ;

ശസ്ത്രക്രിയ ഉപകരണങ്ങളുടെ അഭാവം മൂലം മെഡിക്കൽ കോളേജുകളിലും സർക്കാർ ആശുപത്രികളിലും ശസ്ത്രക്രിയകൾ മുടങ്ങുന്നത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ?

കോഴിക്കോട് ജില്ലയിലെ വിവിധ പ്രദേശങ്ങളില്‍ മസ്തിഷ്ക ജ്വരം വ്യാപിച്ചു വരുന്നത് ശ്രദ്ധയില്‍പ്പെട്ടിട്ടുണ്ടോ;

ഇത് നിയന്ത്രിക്കുന്നതിന് ഇതുവരെ സ്വീകരിച്ച നടപടികള്‍ വ്യക്തമാക്കാമോ?

കാസര്‍ഗോഡ് ജില്ലയിലെ വടക്കെ ഭാഗങ്ങളിലെ തീരദേശവാസികള്‍ ഭൂരിപക്ഷവും ചികിത്സയ്ക്കായി ആശ്രയിക്കുന്ന തൃക്കരിപ്പൂര്‍ താലൂക്ക് ആശുപത്രിയില്‍ ഗൈനക്കോളജി-പ്രസവ ചികിത്സ പുനരാരംഭിക്കാന്‍ കഴിയാതെ വന്നത് എന്തുകൊണ്ടെന്ന് വ്യക്തമാക്കാമോ;

ഇവിടെ പ്രസവ സംബന്ധമായ അഡ്മിഷന്‍ എപ്പോള്‍ പുനരാരംഭിക്കാന്‍ കഴിയുമെന്ന് വ്യക്തമാക്കാമോ?

ആരോഗ്യ രംഗത്ത് കേരളം കൈവരിച്ച നേട്ടങ്ങൾ വിശദമാക്കാമോ;

ആതുര ശുശ്രൂഷ രംഗം നവീകരിക്കുന്നതിന് എന്തെല്ലാം പുതിയ പദ്ധതികൾ നടപ്പാക്കുമെന്ന് വ്യക്തമാക്കാമോ;

സർക്കാർ സ്വകാര്യ മേഖലകളിൽ കൂടുതൽ ആരോഗ്യ വിദ്യാഭ്യാസ സ്ഥാപനങ്ങൾ ആരംഭിക്കുന്നതിനു എന്തൊക്കെ നടപടികളാണ് സ്വീകരിച്ചു വരുന്നതെന്ന് വ്യക്തമാക്കാമോ;

സർക്കാർ - സ്വകാര്യ ആശുപത്രികളിൽ വിവിധ രോഗങ്ങൾക്കും ശസ്ത്രക്രിയകൾക്കും നിരക്ക് ഏകീകരണം നടപ്പാക്കുന്നതിന് സ്വീകരിച്ചു വരുന്ന നടപടികൾ വ്യക്തമാക്കാമോ?

ശ്വാസകോശ ക്യാൻസർ ബാധിതരായ രോഗികൾക്ക് നൽകേണ്ട കീമോതെറാപ്പി ഗുളികകൾ തലച്ചോറിൽ കാൻസർ ബാധിച്ചവർക്ക് തെറ്റായി നൽകിയ ഗുരുതരമായ വീഴ്ച ആർ.സി.സി.യിൽ ഉണ്ടായത് ഗൗരവത്തോടെ കാണുന്നുണ്ടോ; വിശദാംശം വ്യക്തമാക്കുമോ;

ഏത് സാഹചര്യത്തിലാണ് ഇപ്രകാരമുള്ള ഒരു ഗുരുതര വീഴ്ച സംഭവിച്ചതെന്നു വ്യക്തമാക്കുമോ;

ഇത് സംബന്ധിച്ച് വകുപ്പ് തല അന്വേഷണം നടത്തിയിട്ടുണ്ടോ; അന്വേഷണത്തിലെ കണ്ടെത്തലുകൾ എന്തൊക്കെയാണ്; ഉത്തരവാദികളായവർക്കെതിരെ എന്തൊക്കെ നടപടി സ്വീകരിച്ചുവെന്ന് വ്യക്തമാക്കുമോ?

2016 മുതൽ ഓരോ വർഷവും സംസ്ഥാനത്ത് വാങ്ങിയിട്ടുള്ള ആന്റി റാബിസ് വാക്‌സിന്റെയും ഇമ്മ്യൂണോഗ്ലോബുലിന്റെയും അളവുകൾ എത്രയാണെന്ന് വിശദമാക്കാമോ?

തെരുവ് നായകളുടെ കടിയേറ്റ് 2016 മുതൽ നാളിതുവരെ ഓരോ വർഷവും സം സ്ഥാനത്ത് എത്ര പേർ സർക്കാർ ആശുപത്രികളിൽ ചികിത്സ തേടിയെന്ന് വ്യക്തമാക്കാമോ?

2016 മെയ് മുതൽ നാളിതു വരെ സർക്കാർ ആശുപത്രികളിലും മെഡിക്കൽ കോളേജുകളിലും മരുന്ന് വിതരണം ചെയ്ത ഇനത്തിൽ കേരള മെഡിക്കൽ സർവീസസ് കോർപ്പറേഷൻ ലിമിറ്റഡ് സ്വകാര്യ മരുന്നു വിതരണ കമ്പനികൾക്ക് നൽകുവാനുള്ള തുകയുടെ വിവരം വർഷം തിരിച്ചു ലഭ്യമാക്കാമോ?

സര്‍ക്കാര്‍ ആശുപത്രികളുടെ അടിസ്ഥാന ചികിത്സാ സേവനങ്ങളായ ഒ.പി., ഐ.പി., അടിയന്തര ചികിത്സ, ലാബ്, മരുന്ന് വിതരണം എന്നിവ സ്ഥിരമായി മുടങ്ങുന്ന സാഹചര്യം നിലനില്‍ക്കുന്നതായുള്ള പരാതികള്‍ ശ്രദ്ധയില്‍പ്പെട്ടിട്ടുണ്ടോ; ഇതിന് കാരണമാകുന്ന പ്രധാന ഘടകങ്ങള്‍ എന്തൊക്കെയാണെന്ന് വ്യക്തമാക്കാമോ;

ഡോക്ടര്‍മാര്‍, നഴ്‌സുമാര്‍, പാരാമെഡിക്കല്‍ ജീവനക്കാര്‍, ശുചീകരണ തൊഴിലാളികള്‍ എന്നിവരുടെ അംഗീകൃത തസ്തികകളിലുള്ള നിലവിലെ ഒഴിവുകള്‍ നികത്താന്‍ സ്വീകരിച്ച നടപടികള്‍ എന്തൊക്കെയാണെന്ന് വ്യക്തമാക്കാമോ;

സര്‍ക്കാര്‍ ആശുപത്രികളില്‍ മരുന്നുകളുടെ സ്ഥിരം ലഭ്യത ഉറപ്പാക്കുന്നതില്‍ പരാജയപ്പെടുന്ന സാഹചര്യം ഉണ്ടാകുന്നുണ്ടോ; എങ്കില്‍ കഴിഞ്ഞ മൂന്ന് വര്‍ഷത്തിനിടെ എത്ര തവണ മരുന്നുകളുടെ ക്ഷാമം ഉണ്ടായിട്ടുണ്ടെന്ന് വ്യക്തമാക്കാമോ;

കിടക്കകള്‍, ശൗചാലയങ്ങള്‍, കുടിവെള്ള സൗകര്യം, വൈദ്യുതി, ജനറേറ്റര്‍ സംവിധാനം, ലിഫ്റ്റ്, മാലിന്യ നിര്‍മാര്‍ജ്ജനം എന്നിവ ഉള്‍പ്പെടെയുള്ള അടിസ്ഥാന സൗകര്യങ്ങളുടെ നിലവാരത്തെക്കുറിച്ച് വിലയിരുത്തിയിട്ടുണ്ടോ; നിലവാരക്കുറവുണ്ടെങ്കിൽ ആയത് പരിഹരിക്കുന്നതിന് നടപടി സ്വീകരിച്ചിട്ടുണ്ടോ; വ്യക്തമാക്കാമോ?

കോക്ലിയർ ഇംപ്ലാന്റ് ശസ്ത്രക്രിയ നടത്തിയവർക്ക് ശസ്ത്രക്രിയയുടെ ഭാഗമായി സ്ഥാപിച്ച മെഷീനുകളും അനുബന്ധ ഉപകരണങ്ങളും കാലപ്പഴക്കം കൊണ്ട് ഉപയോഗിക്കുവാൻ സാധിക്കാത്ത സാഹചര്യത്തിൽ വലിയ പ്രതിസന്ധി നേരിടുന്നത് ഗൗരവത്തോടെ കാണുന്നുണ്ടോ; വ്യക്തമാക്കുമോ;

പ്രസ്തുത മെഷീനുകളും അനുബന്ധസാമഗ്രികളും സർജറി നടത്തിയ ആശുപത്രിയിൽ നിന്നോ അംഗീകൃത ഏജൻസികളിൽ നിന്നോ ലഭ്യമാകാത്തത് സംബന്ധിച്ച് എന്തെങ്കിലും പരാതികൾ ലഭിച്ചിട്ടുണ്ടോ; ഉണ്ടെങ്കിൽ പ്രസ്തുത പരാതികളുടെ അടിസ്ഥാനത്തിൽ എന്തൊക്കെ നടപടികൾ സ്വീകരിച്ചിട്ടുണ്ടെന്നും കാലതാമസം കൂടാതെ പ്രസ്തുത പരാതികളിന്മേൽ പരിഹാരം കാണുന്നതിന് നടപടി സ്വീകരിക്കുമോയെന്നും വ്യക്തമാക്കുമോ;

കാലപ്പഴക്കം കൊണ്ട് ഉപയോഗിക്കുവാൻ സാധിക്കാത്ത മെഷീനുകൾക്ക് പകരം കേൾവിശക്തി തിരിച്ചു കിട്ടുന്നതിനായി പുതിയ സാമഗ്രികൾ വാങ്ങുന്നതിന് മെഡിക്കൽ റീ ഇമ്പേഴ്സ്മെന്റ് ആനുകൂല്യം അനുവദിക്കുവാൻ തയ്യാറാകുമോ; വ്യക്തമാക്കുമോ?

കണ്ണൂര്‍ സര്‍ക്കാര്‍ മെഡിക്കല്‍ കോളേജില്‍ ലീനിയര്‍ ആക്സലറേറ്റര്‍ മെഷീന്‍ വാങ്ങുന്നതിന് നടപടി സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ?

തിരുവനന്തപുരം ജില്ലയിൽ അത്യാധുനിക മെഷീനായ ജെൻ റോബോട്ടിക് ഉൾപ്പെടെയുള്ള സംവിധാനങ്ങളുള്ള എത്ര ആശുപത്രികൾ നിലവിലുണ്ട്; പ്രസ്തുത ആശുപത്രികളിൽ ഫിസിയോതെറാപ്പിസ്റ്റുകളുടെ ഒഴിവുകൾ എത്രയെന്ന് ആശുപത്രി തിരിച്ചു നൽകാമോ ;

തിരുവനന്തപുരം ജനറൽ ആശുപത്രിയിൽ ഫിസിയോതെറാപ്പി സേവനത്തിനായി ദിവസേന എത്തുന്ന രോഗികളുടെ ശരാശരി എണ്ണം എത്രയാണെന്ന് വ്യക്തമാക്കാമോ;

ഇത്രയും രോഗികളെ കൈകാര്യം ചെയ്യുന്നതിനായി പ്രസ്തുത ആശുപത്രിയിൽ എത്ര സ്ഥിരം ഫിസിയോതെറാപ്പിസ്റ്റുകൾ ഉണ്ടെന്നു വ്യക്തമാക്കാമോ ;

തിരുവനന്തപുരം ജില്ലയിലെ മറ്റ് ജനറൽ ആശുപത്രികളിൽ സ്ഥിരം ഫിസിയോതെറാപ്പിസ്റ്റുകളുടെ പുതിയ തസ്തിക സൃഷ്ടിക്കാൻ നടപടികൾ സ്വീകരിക്കുമോ; ഇല്ലെങ്കിൽ അതിനുള്ള കാരണം വിശദമാക്കാമോ?

സംസ്ഥാനത്തെ മെഡിക്കൽ കോളേജുകൾ ഉൾപ്പെടെയുള്ള സർക്കാർ ആശുപത്രികളിൽ 2016 മെയ് മുതൽ നാളിതുവരെ ചികിത്സാ പിഴവുകൾ മൂലം എത്രപേർ മരണപ്പെടുകയോ ഗുരുതരമായ ആരോഗ്യപ്രശ്നങ്ങൾ ഉണ്ടാവുകയോ ചെയ്തിട്ടുണ്ട്; വിശദാംശം വ്യക്തമാക്കാമോ;

ചികിത്സ പിഴവുകൾക്ക് ഉത്തരവാദികളായ എത്ര ജീവനക്കാർക്കെതിരെ ഈ കാലയളവിൽ നടപടി സ്വീകരിച്ചിട്ടുണ്ട്; വിശദാംശം വ്യക്തമാക്കാമോ;

ചികിത്സാ പിഴവുകൾ മൂലം മരണപ്പെട്ടവരുടെ ആശ്രിതർക്കും ആരോഗ്യപ്രശ്നങ്ങൾ ഉണ്ടായവർക്കും നഷ്ടപരിഹാര ഇനത്തിൽ നൽകിയ തുകയുടെ വിശദാംശം ഇനം തിരിച്ചു വ്യക്തമാക്കാമോ; എത്രപേർക്ക് ഈ ഇനത്തിൽ ഇനിയും നഷ്ടപരിഹാരം അനുവദിക്കാൻ ബാക്കിയുണ്ടെന്ന് വ്യക്തമാക്കാമോ?

കോഴിക്കോട് മെഡിക്കല്‍ കോളേജിലെ നഴ്‍സിംഗ് കോളേജ്, പി.ജി. ബ്ലോക്ക് കെട്ടിട നിര്‍മ്മാണത്തിനുള്ള എസ്റ്റിമേറ്റ് തയ്യാറാക്കിയിട്ടുണ്ടോ;

പ്രസ്തുത പ്രവൃത്തിയുടെ നിലവിലെ സ്ഥിതി വ്യക്തമാക്കാമോ;

പ്രസ്തുത കെട്ടിട നിര്‍മ്മാണ പ്രവൃത്തി അടിയന്തരമായി ആരംഭിക്കുന്നതിന് നടപടി സ്വീകരിക്കുമോ?

2013-ൽ തറക്കല്ലിട്ട കാസർഗോഡ് സർക്കാർ മെഡിക്കൽ കോളേജിന്റെ പ്രവര്‍ത്തനം ആരംഭിക്കുന്നതുമായി ബന്ധപ്പെട്ട് ആയതിന്റെ നിര്‍മ്മാണ പ്രവൃത്തിയടക്കമുള്ള നടപടികളുടെ നിലവിലെ സ്ഥിതി വ്യക്തമാക്കാമോ?

കാസര്‍ഗോഡ് ഗവണ്‍മെന്റ് മെഡിക്കല്‍ കോളേജിന്റെ പ്രവര്‍ത്തനം പൂര്‍ണ്ണതോതില്‍ എന്നു മുതല്‍ ആരംഭിക്കാനാവുമെന്ന് വ്യക്തമാക്കാമോ;

പ്രസ്തുത മെഡിക്കല്‍ കോളേജില്‍ സൂപ്പര്‍ സ്പെഷ്യാലിറ്റി ചികിത്സ പൂര്‍ണ്ണ തോതില്‍ ആരംഭിക്കുന്നതിനായി എന്തൊക്കെ നടപടികളാണ് സ്വീകരിച്ചതെന്ന് വിശദമാക്കാമോ?

മഞ്ചേരി ഗവൺമെന്റ് മെഡിക്കൽ കോളേജിൽ സ്റ്റാഫിന്റെ കുറവുമൂലം രാത്രികാല പോസ്റ്റ്മോർട്ടം നിർത്തിവച്ചത് പുനരാരംഭിക്കുന്നതിന് ആവശ്യമായ നടപടി സ്വീകരിക്കുമോ;

കഴിഞ്ഞ സർക്കാർ അധികാരത്തിൽ വന്നതിനുശേഷം മഞ്ചേരി ഗവൺമെന്റ് മെഡിക്കൽ കോളേജിൽ നാളിതുവരെ അനുവദിച്ച തസ്തികകൾ ഏതൊക്കെയെന്ന് വ്യക്തമാക്കാമോ;

ഈ കാലയളവിൽ മഞ്ചേരി മെഡിക്കൽ കോളേജിൽ ആരംഭിച്ച പദ്ധതികളും അതിനുവേണ്ടി അനുവദിച്ച തുകയും എത്രയാണെന്ന് വ്യക്തമാക്കാമോ;

മഞ്ചേരി ഗവൺമെന്റ് മെഡിക്കൽ കോളേജിൽ ന്യൂറോളജി, യൂറോളജി, കാർഡിയോളജി എന്നീ ഡിപ്പാർട്ട്മെന്റുകളിൽ ആവശ്യമായ സ്പെഷ്യലിസ്റ്റുകളെ നിയമിക്കാൻ നടപടി സ്വീകരിക്കുമോ;

മഞ്ചേരി മെഡിക്കൽ കോളേജിൽ നെഫ്രോളജി വിഭാഗത്തിന്റെ പ്രവർത്തനം ആഴ്ചയിൽ ഒരു ദിവസമെന്നതിന് പകരം മൂന്നുദിവസം രോഗപരിശോധന നടത്തുന്ന വിധത്തിൽ​ ക്രമീകരിക്കുന്നതിന് നടപടികൾ സ്വീകരിക്കുമോ; വ്യക്തമാക്കാമോ?

2021-22 കാലയളവില്‍ ഓരോ സർക്കാർ മെഡിക്കല്‍‌ കോളേജുകളിലും ശരാശരി ദിവസേന എത്ര ഹൃദയ ശസ്ത്രക്രിയകള്‍ നടന്നുവെന്ന് അറിയിക്കാമോ ;

അപ്രകാരമുള്ള 2025-ലെ കണക്കും എത്രയാണെന്ന് അറിയിക്കാമോ;

ഹൃദയ ശസ്ത്രക്രിയകള്‍ക്കാവശ്യമായ സര്‍ജിക്കല്‍ ഉപകരണങ്ങള്‍ വിതരണം ചെയ്ത വകയില്‍ എത്ര തുകയാണ് വിതരണ കമ്പനിക്കാര്‍ക്ക് കൊടുത്തു തീര്‍ക്കാനുള്ളതെന്നും, ഓരോ സർക്കാർ മെഡിക്കല്‍‌ കോളേജുകള്‍ക്കും എത്ര തുക വീതം കുടിശികയുണ്ടെന്നും അറിയിക്കാമോ?

ഷൊര്‍ണ്ണൂര്‍ മണ്ഡലത്തിലെ ചെര്‍പ്പുളശ്ശേരി താലൂക്ക് ആശുപത്രിയില്‍ ഡോക്ടര്‍മാരുടെയും നഴ്സുമാരുടെയും നിലവിലെ ഒഴിവുകള്‍ എത്രയാണെന്നും അവ നികത്താന്‍ എടുത്ത നടപടികള്‍ എന്തൊക്കെയാണെന്നും വിശദമാക്കാമോ;

പ്രസ്തുത ആശുപത്രിയിലെ ഐ.സി.യു., ഡയാലിസിസ്, എക്സ്റേ, സി.ടി.സ്കാന്‍ പോലുളള സേവനങ്ങള്‍ പൂര്‍ണമായി പ്രവര്‍ത്തിക്കുന്നുണ്ടോയെന്നും ഇവയുടെ പ്രവര്‍ത്തനം കാര്യക്ഷമമാക്കുന്നതിന് എന്തെല്ലാം നടപടികള്‍ സ്വീകരിച്ച് വരുന്നുവെന്നും വിശദമാക്കാമോ?

മുൻ സർക്കാരിന്റെ കാലം മുതൽ നാളിതുവരെ ആരോഗ്യവകുപ്പിന് കീഴിലുള്ള വിവിധ സ്ഥാപനങ്ങളിൽ എത്ര കരാർ, ദിവസ വേതന ജീവനക്കാരെ നിയമിച്ചിട്ടുണ്ട് ; വിശദാംശം സ്ഥാപനം തിരിച്ചു വ്യക്തമാക്കുമോ ;

മേൽപ്പറഞ്ഞവരിൽ എത്ര പേരെ നാളിതുവരെ സ്ഥിരപ്പെടുത്തിയിട്ടുണ്ടെന്ന് വ്യക്തമാക്കുമോ; കരാർ ജീവനക്കാരെ സ്ഥിരപ്പെടുത്തുന്നതിന് നിലവിൽ എന്തെങ്കിലും നടപടികൾ സ്വീകരിക്കാൻ ഉദ്ദേശിക്കുന്നുണ്ടോ; വിശദാംശം വ്യക്തമാക്കുമോ?

സംസ്ഥാനത്ത് എത്ര ശതമാനം കുട്ടികളിലാണ് ദന്ത വദന രോഗം പിടിപ്പെട്ടിട്ടുള്ളത് എന്നത് സംബന്ധിച്ച കണക്കുകൾ വ്യക്തമാക്കാമോ;

ആരോഗ്യ വകുപ്പിന്റെ തനത് ബോധവത്കരണ ക്യാമ്പുകൾക്ക് പുറമേ 2025-ൽ സംസ്ഥാനത്ത് ഡന്റൽ ഹൈജീനിസ്റ്റുകൾ മാത്രമായി സ്കൂൾ കുട്ടികൾക്ക് ബോധവത്കരണ ക്ലാസ്സുകൾ നടത്തിയിട്ടുണ്ടോ; വ്യക്തമാക്കാമോ;

ദന്തരോഗങ്ങൾ കൂടുന്നത് തടയാൻ മാസത്തിൽ ഒരു ഫീൽഡ് ബോധവത്കരണ ക്ലാസ്സ് ഡന്റൽ ഹൈജീനിസ്റ്റുകൾ നിർബന്ധമായി ചെയ്യണമെന്ന നിർദ്ദേശം നടപ്പിലാക്കുമോ ; വിശദമാക്കാമോ;

ആരോഗ്യ വകുപ്പിലെ ഡന്റൽ ഹൈജീനിസ്റ്റുകളെ കൂടുതൽ ജനോപകാരപ്രദമാക്കുന്നതിന് ഡന്റൽ ഹൈജീനിസ്റ്റുകളെ ഡന്റൽ ഹൈജീൻ ആഫീസർ എന്നാക്കി മാറ്റുന്നതിന് 2021-ൽ ആരോഗ്യ വകുപ്പ് ഡയറക്ടർ സമർപ്പിച്ച ശിപാർശയിൽ സ്വീകരിച്ച നടപടികൾ വ്യക്തമാക്കാമോ?

ആരോഗ്യമേഖലയിലെ പ്രവര്‍ത്തനങ്ങള്‍ സുഗമവും കാര്യക്ഷമവുമാക്കുന്നതിന്റെ ഭാഗമായി 2016-21, 2021-26 കാലഘട്ടത്തിൽ എത്ര തസ്തികകള്‍ സൃഷ്ടിക്കാന്‍ കഴിഞ്ഞിട്ടുണ്ടെന്നും അവ ഏതെല്ലാമാണെന്നും വ്യക്തമാക്കാമോ?

ആരോഗ്യ വകുപ്പിലെ ഏതെല്ലാം കാറ്റഗറി സംഘടനകൾ ആണ് തസ്തിക പുനർനാമകരണവുമായി ബന്ധപ്പെട്ട് കത്ത് നൽകിയിട്ടുള്ളത്; എന്നാണ് നൽകിയത്; വിശദമാക്കാമോ;

ആരോഗ്യ വകുപ്പിലെ സാങ്കേതിക വിദഗ്ധരായ ഡന്റൽ ഹൈജീനിസ്റ്റുകളെ ഡന്റൽ ഹൈജീൻ ഓഫീസർ എന്നാക്കി പുനർനാമകരണം ചെയ്യാൻ നാല് വർഷം മുൻപ് ആരോഗ്യ വകുപ്പ് ഡയറക്ടർ സമർപ്പിച്ച ശിപാർശയിൽ സ്വീകരിച്ച നടപടികൾ എന്തെല്ലാമാണ്; വിശദമാക്കുമോ;

മേൽപ്പറഞ്ഞ വിഷയത്തിൽ ഹൈക്കോടതിയിൽ കേസ് നിലവിലുണ്ടോ ; എങ്കിൽ സർക്കാർ സ്വീകരിച്ച നടപടികൾ എന്തെല്ലാമാണ്; വിശദീകരിക്കുമോ;

ആരോഗ്യ വകുപ്പിൽ നഴ്സുമാരുടെ പേര് മാറ്റം നടപ്പാക്കിയത് പോലെ, പ്രമോഷൻ അവസരം ഇല്ലാത്ത ഡന്റൽ ഹൈജീനിസ്റ്റുകളുടെ പുനർനാമകരണം നടത്തണമെന്നാവശ്യം ഉന്നയിക്കുമ്പോൾ മറ്റ് കാറ്റഗറികളുടെ കൂടെ മാത്രമേ പുനർനാമകരണം ചെയ്യാൻ സാധ്യമാകൂ എന്ന നിലപാട് പുനഃപരിശോധിക്കാൻ നടപടി സ്വീകരിക്കുമോ?

സംസ്ഥാനത്ത് ഏറ്റവും കൂടുതൽ ജനസംഖ്യയുള്ള മലപ്പുറം ജില്ലയിലെ സർക്കാർ ആശുപത്രികളിൽ നിലവിൽ അനുവദിക്കപ്പെട്ടിട്ടുള്ള സ്പെഷ്യലിസ്റ്റ് ഡോക്ടർമാരുടെ തസ്തികകൾ എത്രയാണെന്നും അതിൽ എത്രയെണ്ണം ഒഴിവുണ്ടെന്നും താലൂക്ക് അടിസ്ഥാനത്തിൽ വ്യക്തമാക്കാമോ;

ജില്ലയിലെ വർദ്ധിച്ചുവരുന്ന രോഗികളുടെ എണ്ണത്തിന് ആനുപാതികമായി സ്പെഷ്യലിസ്റ്റ് ഡോക്ടർമാരുടെ സേവനം ലഭ്യമാകാത്തത് പൊതുജനാരോഗ്യത്തെ സാരമായി ബാധിക്കുന്നതായി ശ്രദ്ധയിൽപ്പെട്ടിട്ടുണ്ടോ;

ഏറ്റവും ഒടുവിൽ സൂപ്പർ സ്പെഷ്യലിസ്റ്റ്, സ്പെഷ്യലിസ്റ്റ് ഡോക്ടർമാരുടെ തസ്തികകൾ സൃഷ്ടിച്ചപ്പോൾ മലപ്പുറം ജില്ലയിൽ നാല് തസ്തികകൾ മാത്രമാണ് അനുവദിച്ചതെന്ന കാര്യം ശ്രദ്ധയിൽപ്പെട്ടിട്ടുണ്ടോ; എങ്കില്‍ ഇത്രയും കുറഞ്ഞ എണ്ണം തസ്തികകൾ അനുവദിക്കാനുണ്ടായ സാഹചര്യം വിശദമാക്കാമോ;

ജനസംഖ്യാടിസ്ഥാനത്തിൽ മലപ്പുറം ജില്ലയിലെ മെഡിക്കൽ കോളേജ്/ജില്ലാ/താലൂക്ക് ആശുപത്രികളിൽ കൂടുതൽ കാർഡിയോളജി, ന്യൂറോളജി, ഓങ്കോളജി, നെഫ്രോളജി പോലെയുള്ള സ്പെഷ്യലിസ്റ്റ് തസ്തികകൾ സൃഷ്ടിക്കുന്നതിന് അടിയന്തര നടപടി സ്വീകരിക്കുമോ;

ജില്ലയിലെ പ്രധാന ആശുപത്രികളെ സൂപ്പർ സ്പെഷ്യാലിറ്റി നിലവാരത്തിലേക്ക് ഉയർത്തുന്നതിനും മതിയായ സ്റ്റാഫ് പാറ്റേൺ നടപ്പിലാക്കുന്നതിനും നിലവിൽ എന്തെങ്കിലും പദ്ധതികൾ ആവിഷ്കരിച്ചിട്ടുണ്ടോ; എങ്കിൽ വിശദാംശങ്ങൾ ലഭ്യമാക്കാമോ?

നെന്മാറ നിയോജക മണ്ഡലത്തിലെ ഏതെല്ലാം സർക്കാർ ആശുപത്രികളിലാണ് ഡോക്ടർമാരുടെ തസ്തിക ഒഴിഞ്ഞ് കിടക്കുന്നതെന്ന് വിശദമാക്കാമോ;

പ്രസ്തുത തസ്തികകളിൽ സ്ഥിരനിയമനം നടത്തുന്നതിന് എന്തെല്ലാം നടപടികളാണ് സ്വീകരിച്ചിട്ടുളളതെന്ന് വിശദമാക്കുമോ?

കോഴിക്കോട് സൗത്ത് നിയോജക മണ്ഡലത്തില്‍ സ്ഥിതി ചെയ്യുന്ന കുതിരവട്ടം മാനസികാരോഗ്യ കേന്ദ്രത്തിന്റെ വികസനത്തിനും അന്തേവാസികളുടെ സുരക്ഷയ്ക്കും നടപ്പിലാക്കിയ പദ്ധതികള്‍ ഏതെല്ലാമെന്ന് വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം ഇതുവരെയായി ആരോഗ്യവകുപ്പ് മുഖേന പയ്യന്നൂര്‍ മണ്ഡലത്തില്‍ നടപ്പിലാക്കിയ പദ്ധതികളും ചെലവഴിച്ച തുകയും അതിന്റെ നിലവിലെ സ്ഥിതിയും 2021-22 മുതല്‍ 2025-26 വരെ ഓരോ സാമ്പത്തിക വര്‍ഷം തിരിച്ച് വിവരങ്ങള്‍ വിശദമാക്കാമോ;

ഈ സര്‍ക്കാര്‍ അധികാരത്തില്‍ വന്നതിനുശേഷം ഇതുവരെയായി പയ്യന്നൂര്‍ നിയോജക മണ്ഡലത്തില്‍ ഉള്‍പ്പെടുന്ന ആരോഗ്യസ്ഥാപനങ്ങളില്‍ പുതുതായി എത്ര തസ്തികകളാണ് സൃഷ്ടിച്ചതെന്നും അവയുടെ വിശദാംശങ്ങളും ലഭ്യമാക്കാമോ?

2016 മെയ് മുതല്‍ നാളിതു വരെ ആരോഗ്യ മേഖലയില്‍ എത്ര കോടി രൂപയുടെ നബാര്‍ഡ് വായ്പകള്‍ ലഭിച്ചിട്ടുണ്ടെന്ന വിവരം ജില്ല, വര്‍ഷം തിരിച്ചു ലഭ്യമാക്കാമോ?

ആരോഗ്യമേഖലയിലെ പ്രതിസന്ധികളെ വസ്‌തുനിഷ്‌ഠമായി വിലയിരുത്തി ഭാവിയിലേക്കുള്ള പരിഹാരമാർഗത്തിന്‌ സർക്കാർ നടപടി സ്വീകരിച്ചിട്ടുണ്ടോ; വിശദമാക്കാമോ;

ചികിത്സാ നിരക്കുകൾ മലയാളത്തിലും ഇംഗ്ലീഷിലും എല്ലാവർക്കും കാണുംവിധം പ്രദർശിപ്പിക്കണം എന്നതടക്കമുള്ള വ്യവസ്ഥകളടങ്ങിയ 2018-ലെ കേരള ക്ലിനിക്കൽ എസ്റ്റാബ്ലിഷ്‌മെന്റ്‌സ് (രജിസ്‌ട്രേഷൻ ആൻഡ് റെഗുലേഷൻ) നിയമവും ചട്ടങ്ങളും ഹൈക്കോടതി ശരിവെച്ചിട്ടുണ്ടോ; വിശദമാക്കാമോ;

2018-ലെ കേരള ക്ലിനിക്കൽ എസ്റ്റാബ്ലിഷ്‌മെന്റ്‌സ് (രജിസ്‌ട്രേഷൻ ആൻഡ് റെഗുലേഷൻ) നിയമവും ചട്ടവും ചോദ്യംചെയ്ത് നൽകിയ ഹർജികളിലെ ഹൈക്കോടതി ഉത്തരവ് പ്രകാരം സർക്കാർ സ്വീകരിക്കേണ്ട നടപടികൾ എന്തെല്ലാമാണ്; വിശദമാക്കാമോ?

2020-ല്‍ ഭരണാനുമതി ലഭിച്ച പാനൂര്‍ താലൂക്ക് ആശുപത്രിയുടെ നിര്‍മ്മാണപ്രവൃത്തി ആരംഭിക്കാന്‍ സാധിക്കാത്ത വിവരം ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ ;

പാനൂര്‍ താലൂക്ക് ആശുപത്രിയുടെ സ്ഥലമെടുപ്പിന് വേണ്ടി കിഫ്ബി അനുവദിച്ച തുക ഭൂവുടമക്ക് കൈമാറുന്നതിനുള്ള നടപടിക്രമങ്ങള്‍ ലഭ്യമാക്കാമോ;

പാനൂര്‍ താലൂക്ക് ആശുപത്രിയുടെ നിര്‍മ്മാണവുമായി ബന്ധപ്പെട്ട് ഭൂമി ഏറ്റെടുത്ത ശേഷം കെട്ടിട നിര്‍മ്മാണം ആരംഭിക്കുന്നതിനുള്ള നടപടികള്‍ ത്വരിതപ്പെടുത്തുന്നതിന് നടപടികള്‍ സ്വീകരിക്കുമോ, വിശദമാക്കാമോ;

പാനൂര്‍ താലൂക്ക് ആശുപത്രിയുടെ കെട്ടിട നിര്‍മ്മാണം എപ്പോള്‍ ആരംഭിക്കാനാവുമെന്ന് വ്യക്തമാക്കാമോ?

സംസ്ഥാനത്ത് മസ്തിഷ്കജ്വരം വ്യാപകമായി പടര്‍ന്നുപിടിക്കുന്ന കാര്യം ശ്രദ്ധയില്‍പെട്ടിട്ടുണ്ടോ; ഉണ്ടെങ്കില്‍ അത് ഫലപ്രദമായി തടയാന്‍ എന്തെല്ലാം പ്രതിരോധ പ്രവര്‍ത്തനങ്ങളാണ് നടത്തിവരുന്നതെന്ന് വിശദമാക്കാമോ;

പാലാ നിയോജകമണ്ഡലത്തില്‍ മസ്തിഷ്ക ജ്വരം റിപ്പോര്‍ട്ട് ചെയ്തിട്ടുണ്ടോ; ഉണ്ടെങ്കില്‍ വിശദാംശം ലഭ്യമാക്കുമോ;

സംസ്ഥാനത്ത് മസ്തിഷ്ക ജ്വര വ്യാപനം മൂലം മരണങ്ങള്‍ റിപ്പോര്‍ട്ട് ചെയ്തിട്ടുണ്ടോ; ഉണ്ടെങ്കില്‍ ജില്ലതിരിച്ച് വിശദാംശം ലഭ്യമാക്കുമോ?

നാഷണൽ സാമ്പിൾ സർവേ പ്രകാരം സംസ്ഥാനത്തെ കുടുംബ ചികിത്സാ ചെലവ് കഴിഞ്ഞ പത്തു വർഷത്തിനിടെ മൂന്നിരട്ടിയായി വർദ്ധിച്ചുവെന്ന കാര്യം ഗൗരവത്തോടെ കാണുന്നുണ്ടോ; വിശദാംശം വ്യക്തമാക്കുമോ;

പ്രസ്തുത കണക്ക് പ്രകാരം സംസ്‌ഥാനത്ത് ഒരു കുടുംബം കിടത്തി ചികിത്സയ്ക്കായി ചെലവിടുന്ന ശരാശരി തുകയും ഒ. പി. ചികിത്സയ്ക്കായി ചെലവിടുന്ന ശരാശരി തുകയും എത്രയാണ്; വ്യക്തമാക്കുമോ;

ചികിത്സ ചെലവ് കുറയ്ക്കുന്നതിനും സാധാരണക്കാർക്ക് മെച്ചപ്പെട്ട ചികിത്സ പ്രാപ്തമാക്കുന്നതിനും അനുഗുണമായ നടപടികൾ സ്വീകരിക്കുന്നതിൽ സർക്കാർ പരാജയപ്പെട്ടന്നുള്ള ആരോപണം ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ ആയതിന് ഇടയായ സാഹചര്യം എന്താണെന്ന് വ്യക്തമാക്കുമോ; ചികിത്സ ചെലവ് കുറയ്ക്കുന്നതിന് അടിയന്തര നടപടികൾ സ്വീകരിക്കുമോ; വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം സംസ്ഥാനത്ത് സര്‍ക്കാര്‍ ആശുപത്രികളിലൂടെ നല്‍കിവരുന്ന സൗജന്യ ചികിത്സ സംബന്ധിച്ച് പരിശോധനകള്‍ നടത്തിയിട്ടുണ്ടെങ്കിൽ ആയത് വിശദമാക്കാമോ;

2011-16 കാലയളവില്‍ നടത്തിയ സൗജന്യ ചികിത്സയുടെ എണ്ണവും, ഇതിനായി ചെലവഴിച്ച തുകയുടെ വിശദാംശവും ലഭ്യമാക്കാമോ;

2016-21, 2021-26 കാലയളവുകളിലായി നടത്തിയ സൗജന്യചികിത്സയുടെ വിശദാംശവും ചെലവഴിച്ച തുകയും എത്ര വീതമാണെന്ന് വെളിപ്പെടുത്താമോ?

ഈ സര്‍ക്കാര്‍ അധികാരത്തില്‍ വന്ന ശേഷം ചങ്ങനാശ്ശേരി നിയോജകമണ്ഡലത്തില്‍ ആരോഗ്യ വകുപ്പ് നടപ്പിലാക്കിയിട്ടുള്ള പ്രവൃത്തികൾ എന്തെല്ലാമാണെന്ന് വ്യക്തമാക്കുമോ;

ഓരോ പ്രവൃത്തിക്കും അനുവദിച്ച തുകയും അവയുടെ നിലവിലെ സ്ഥിതിയും വ്യക്തമാക്കുമോ;

ഇത് സംബന്ധിച്ച ഉത്തരവുകളുടെ പകര്‍പ്പുകൾ ലഭ്യമാക്കുമോ?

108 ആംബുലന്‍സ് പദ്ധതിയിൽ 2019 മുതൽ നാളിതുവരെ ഓരോ വർഷവും ജി.വി.കെ.ഇ.എം. ആർ.ഐ ( ജി.വി.കെ. എമർജൻസി മാനേജ്‌മെന്റ് ആൻഡ്‌ റിസർച്ച് ഇൻസ്റ്റിറ്റ്യൂട്ട് ) എന്ന സ്ഥാപനത്തിന് അനുവദിച്ച തുകയുടെ വിശദാംശം നൽകാമോ?

2016-ല്‍ സംസ്ഥാനത്തെ അങ്കണവാടി ജീവനക്കാരുടെ വേതനം എത്ര രൂപ വീതമായിരുന്നുവെന്ന് വിശദമാക്കുമോ;

2016 മെയ് മാസം മുതല്‍ ഇതുവരെ ജീവനക്കാരുടെ വേതനം എത്ര തവണ വര്‍ദ്ധിപ്പിച്ചിട്ടുണ്ടെന്നും എത്ര തുക വീതമായിരുന്നു വര്‍ദ്ധനവെന്നും വ്യക്തമാക്കാമോ;

അങ്കണവാടി ജീവനക്കാര്‍ക്ക് ആകെ നല്‍കുന്ന വേതനത്തില്‍ എത്ര രൂപ വീതമാണ് കേന്ദ്രസര്‍ക്കാര്‍ നല്‍കി വരുന്നതെന്നുള്ള വിവരം അറിയിക്കാമോ?

സംസ്ഥാനത്ത് ആന്റി റാബീസ് കുത്തിവെയ്പ്പ് നടത്തിയിട്ടും ആളുകൾ മരണമടയുന്നതായുള്ള സംഭവങ്ങള്‍ ശ്രദ്ധയിൽപ്പെട്ടിട്ടുണ്ടോ;

എങ്കില്‍ ഇതിന്റെ കാരണം പഠനവിധേയമാക്കിയിട്ടുണ്ടോ;

തെരുവുനായ ആക്രമണങ്ങൾക്ക് വിധേയരാകുന്നവർക്ക് നൽകുന്ന പ്രതിരോധ വാക്സിന്റെ ഗുണനിലവാരം ഉറപ്പുവരുത്താൻ സ്വീകരിച്ച നടപടികൾ എന്തൊക്കെയാണെന്ന് വിശദമാക്കാമോ ?

മെഡിക്കൽ കോളേജുകൾ ഉൾപ്പടെയുള്ള സംസ്ഥാനത്തെ സർക്കാർ ആശുപത്രികളിൽ പെരിറ്റോണിയൽ ഡയാലിസിസിനു വിധേയരാകുന്ന രോഗികൾക്കായി എന്തെല്ലാം സംവിധാനങ്ങളാണ് ഏർപ്പെടുത്തിയിട്ടുള്ളത്; വിശദമാക്കുമോ;

ഇത്തരം രോഗികൾക്ക് കഴിഞ്ഞ കുറെ മാസങ്ങളായി മരുന്നുകൾ ലഭ്യമാകാത്ത സാഹചര്യം ശ്രദ്ധയിൽപ്പെട്ടിട്ടുണ്ടോ;

പെരിറ്റോണിയൽ ഡയാലിസിസ് നടത്തുന്നതിന് നിലവിൽ മരുന്നുൾപ്പെടെ രോഗികൾക്ക് ചെലവാകുന്ന തുക എത്രയാണെന്നും ഇതിനായി വേണ്ട മരുന്നുകൾ നിലവിൽ എല്ലാ സർക്കാർ ആശുപത്രികളിലും ആവശ്യത്തിന് ലഭ്യമാണോയെന്നും പരിശോധിച്ചിട്ടുണ്ടോ; വ്യക്തമാക്കുമോ;

മരുന്നുകളുടെ അഭാവം മൂലം പെരിറ്റോണിയൽ ഡയാലിസിസ് നടത്താനാകാതെ അസുഖം മൂർച്ഛിക്കുന്ന രോഗികളെ പതിവായി സർക്കാർ അശുപത്രികളിൽ അഡ്മിറ്റ് ചെയ്യേണ്ടി വരുന്ന സാഹചര്യം ഉണ്ടാകുന്നുണ്ടോ; എങ്കിൽ വൃക്ക രോഗികളുടെ ജീവന് തന്നെ ഭീഷണിയാകുന്ന ഈ പ്രതിസന്ധി ഒഴിവാക്കുന്നതിന് അടിയന്തര നടപടി സ്വീകരിക്കാമോ?

ആരോഗ്യ മേഖലയുമായി ബന്ധപ്പെട്ട് ഏതെല്ലാം ദേശീയ സൂചികകളിലാണ് കേരളം ഒന്നാം സ്ഥാനത്ത് എത്തിയിട്ടുള്ളതെന്ന് അറിയിക്കാമോ;

ഒന്നാം സ്ഥാനത്ത് എത്തിച്ചേരുന്നതിനായി എന്തെല്ലാം പദ്ധതികളാണ് ആവിഷ്കരിച്ച് നടപ്പിലാക്കിയതെന്ന് വിവരിക്കാമോ?

സംസ്ഥാനത്ത് ഫോറിൻ മെഡിക്കൽ ഗ്രാജുവേഷൻ കഴിഞ്ഞ് ഇന്റേൺഷിപ്പ് ചെയ്യുന്നവർക്ക് എത്ര രൂപയാണ് സ്റ്റൈപ്പെന്റ് ആയി നൽകുന്നതെന്നും എന്ന് മുതലാണ് നൽകുന്നതെന്നുമുള്ള വിവരം ലഭ്യമാക്കാമോ; ഇല്ലെങ്കിൽ കാരണം വ്യക്തമാക്കാമോ;

മേൽ പ്രസ്താവിച്ചവർക്കു സ്റ്റൈപ്പെന്റ് നൽകണമെന്ന് നിരവധി കേസുകളുമായി ബന്ധപെട്ട് കേരള ഹൈക്കോടതി ഉത്തരവിറക്കിയിട്ടും തുടർനടപടികൾ സ്വീകരിക്കാത്തതിന്റെ കാരണം വ്യക്തമാക്കാമോ; പ്രസ്തുത കേസുകളിൽ സ്വീകരിച്ച നടപടികൾ വിശദമാക്കാമോ;

മേൽ പ്രസ്താവിച്ചവർക്കു സ്റ്റൈപ്പെന്റ് കൊടുക്കുന്ന വിഷയം സംബന്ധിച്ച് സുപ്രീംകോടതിയിലെ കേസുകളിൽ നാഷണൽ മെഡിക്കൽ കമ്മീഷൻ ആവശ്യപ്പെട്ട പ്രകാരം മറുപടി നൽകിയിട്ടുണ്ടോ; ഇല്ലെങ്കിൽ കാരണം വ്യക്തമാക്കാമോ; ഇതുമായി ബന്ധപ്പെട്ട് എന്തെങ്കിലും നിർദേശങ്ങൾ നാഷണൽ മെഡിക്കൽ കമ്മീഷനിൽ നിന്നും ലഭിച്ചിട്ടുണ്ടോ; ഉണ്ടെങ്കിൽ എന്ത് തീരുമാനമാണ് സ്വീകരിച്ചിട്ടുള്ളത് എന്ന് വ്യക്തമാക്കാമോ?

സംസ്‌ഥാനത്ത്‌ ഈ സര്‍ക്കാര്‍ അധികാരത്തില്‍ വന്ന ശേഷം കെ.എം.എസ്.സി.എല്‍. (കേരള മെഡിക്കൽ സർവീസസ് കോർപറേഷൻ ലിമിറ്റഡ് ) വഴി എത്ര കോടി രൂപയുടെ മരുന്നുകളാണ് സൗജന്യമായി വിതരണം ചെയ്തതെന്ന് വ്യക്തമാക്കാമോ?

കേരള മെഡിക്കൽ സർവീസസ് കോർപ്പറേഷനിൽ ഏതു സാമ്പത്തിക വർഷം വരെയുള്ള ഓഡിറ്റ് ആണ് നടന്നിട്ടുള്ളത്; വ്യക്തമാക്കാമോ?

കാന്‍സര്‍ രോഗികള്‍ക്കായി കീമോതെറാപ്പി സംവിധാനം നടപ്പിലാക്കുന്നതിനു നടപടി സ്വീകരിച്ചിട്ടുണ്ടോ; എങ്കില്‍ വിശദാംശം ലഭ്യമാക്കാമോ; ഈ പദ്ധതിയ്ക്ക് എത്ര തുകയാണ് വേണ്ടതെന്ന വിവരം അറിയിക്കുമോ?

മലപ്പുറം പബ്ലിക് ഹെൽത്ത് ലാബിനെ ഇന്റഗ്രേറ്റഡ് പബ്ലിക് ഹെൽത്ത് ലാബ് ആയി ഉയർത്തുന്നതിന്റെ ഭാഗമായി നടക്കുന്ന നിർമ്മാണ നടപടികളുടെ പുരോഗതി വിശദീകരിക്കാമോ; കെട്ടിട നിർമ്മാണത്തിനു കോട്ടപ്പടിയിൽ സ്ഥലം ലഭ്യമാക്കുന്നതിനുള്ള നടപടികൾ ഇപ്പോൾ ഏതു ഘട്ടത്തിലാണെന്ന വിശദാംശം നൽകുമോ;

മലപ്പുറം താലൂക്ക് ആശുപത്രിക്കു സമീപം പൊതുജനങ്ങൾക്ക് കൂടുതൽ ഉപകാരപ്രദമാകുന്ന സ്ഥലത്ത് ലാബിനു സ്വന്തം കെട്ടിടം നിർമ്മിക്കാൻ നടപടി സ്വീകരിക്കുമോ; ആയതിനുള്ള സാങ്കേതിക തടസ്സങ്ങൾ എത്രയും വേഗം പരിഹരിക്കുമോ?

മലപ്പുറം താലൂക്ക് ഹെഡ്ക്വാർട്ടേഴ്‌സ് ആശുപത്രിയിൽ പി.എം.ജെ.വി.കെ. പദ്ധതിയിൽ ഉൾപ്പെടുത്തിയ അത്യാധുനിക കെട്ടിട നിർമ്മാണ നടപടികൾ ഇപ്പോൾ ഏതു ഘട്ടത്തിലാണ്; വിശദാംശം നൽകുമോ;

ചീഫ് സെക്രട്ടറി അധ്യക്ഷന്‍ സംസ്ഥാന തല സമിതി യോഗം ചേർന്ന് പുതിയ പ്രൊപ്പോസലിന് അംഗീകാരം നൽകിയിട്ടുണ്ടോ; ഇല്ലെങ്കിൽ അതിന്റെ കാലതാമസത്തിനുള്ള കാരണം എന്താണ്; വിശദമാക്കാമോ;

പി.എം.ജെ.വി.കെ 972 ലക്ഷം രൂപയുടെ റിവൈസ്ഡ് പ്രൊപ്പോസൽ അംഗീകരിക്കുന്നതിന് എന്തെങ്കിലും സാങ്കേതിക തടസ്സങ്ങൾ നിലവിലുണ്ടോ; വിശദാംശം നൽകുമോ?

സംസ്ഥാനത്തെ വിവിധ ആരോഗ്യകേന്ദ്രങ്ങളോട് ചേര്‍ന്ന് പ്രവര്‍ത്തിച്ചുവരുന്ന പാലിയേറ്റീവ് കേന്ദ്രങ്ങളില്‍ ഓക്സിജന്‍ കോണ്‍സന്ററേറ്ററുകള്‍ ഉപയോഗിക്കുന്നതിനുള്ള വൈദ്യുതി ചാര്‍ജ് ഒഴിവാക്കി കിട്ടുന്നതിന് സര്‍ക്കാര്‍ നടപടി സ്വീകരിച്ചിട്ടുണ്ടോ;

പുതുക്കാട് മണ്ഡലത്തിലെ സുസ്ഥിര പാലിയേറ്റീവ് കെയര്‍ സൊസൈറ്റി ഇതു സംബന്ധിച്ച് നല്‍കിയ അപേക്ഷയില്‍ എന്ത് നടപടിയാണ് കൈക്കൊണ്ടതെന്നത് അറിയിക്കാമോ;

ഓക്സിജന്‍ കോണ്‍സെന്ററേറ്ററുകള്‍ ഉപയോഗിക്കുന്നതിനുള്ള വൈദ്യുതി ചാര്‍ജ് ഒഴിവാക്കി നല്കണമെന്ന് ആവശ്യപ്പെട്ട് പുതുക്കാട്, സുസ്ഥിര പാലിയേറ്റീവ് കെയര്‍ സൊസൈറ്റി നല്കിയ അപേക്ഷ പരിഗണിക്കുന്നതിനും ടി വൈദ്യുതിചാര്‍ജ് ഒഴിവാക്കി നല്കുന്നതിനും ആവശ്യമായ നടപടികള്‍ ആരോഗ്യവകുപ്പ് കൈക്കൊള്ളുമോ?

ഈ സര്‍ക്കാര്‍ അധികാരത്തിൽ വന്നതിന് ശേഷം ആരോഗ്യ വിദ്യാഭ്യാസമേഖലയിൽ കൈവരിച്ച നേട്ടങ്ങൾ പ്രത്യേകമായി വിലയിരുത്തിയിട്ടുണ്ടോ; എങ്കിൽ വിശദീകരിക്കാമോ;

പ്രസ്തുത കാലയളവിൽ ആരോഗ്യ സര്‍വ്വകലാശാലയുടെ പ്രവര്‍ത്തനങ്ങൾ കാര്യക്ഷമമാക്കുന്നതിനും പുതിയ കോഴ്‌സുകളും കോളേജുകളും ഗവേഷണസ്ഥാപനങ്ങളും വ്യാപിപ്പിക്കുന്നതിനായി എന്തെല്ലാം നടപടികളാണ് സ്വീകരിച്ചു വരുന്നതെന്ന് വ്യക്തമാക്കാമോ;

2016 മുതൽ 2026 വരെയുള്ള കാലയളവിൽ സംസ്ഥാനത്തെ ആരോഗ്യമേഖലയിൽ കൈവരിച്ചിട്ടുളള അഭിമാനകരമായ നേട്ടങ്ങൾ അടയാളപ്പെടുത്തുന്ന തരത്തിൽ ലഭിച്ചിട്ടുളള അംഗീകാരങ്ങൾ എന്തെല്ലാമാണെന്ന് വിശദീകരിക്കാമോ;

രാജ്യത്തെ ഏറ്റവും മികച്ച സ്ഥാപനങ്ങളായി സംസ്ഥാനത്തെ ആരോഗ്യ വിദ്യാഭ്യാസ - ഗവേഷണ സ്ഥാപനങ്ങളെ ഉയര്‍ത്തികൊണ്ടു വരുന്നതിന് എന്തെല്ലാം പദ്ധതികളാണ് ആസൂത്രണം ചെയ്തു വരുന്നതെന്ന് വെളിപ്പെടുത്താമോ?

ഫോറിൻ മെഡിക്കൽ ഗ്രാജുവേഷൻ കഴിഞ്ഞ് സംസ്ഥാനത്തു ഇന്റേൺഷിപ്പ് ചെയ്യുന്നവർക്ക് എത്ര രൂപയാണ് സ്റ്റൈപ്പെന്റ് നൽകുന്നതെന്നും എന്നു മുതലാണ് ഇത് നൽകുന്നതെന്നും വ്യക്തമാക്കാമോ; ഇല്ലായെങ്കിൽ കാരണം വ്യക്തമാക്കാമോ;

വിദ്യാർത്ഥികൾക്ക് സ്റ്റൈപ്പെന്റ് കൊടുക്കണമെന്ന് നിരവധി കേസുകളിൽ ബഹു. കേരള ഹൈക്കോടതി ഉത്തരവിറക്കിയിട്ടും തുടർനടപടികൾ സ്വീകരിക്കാത്തതിന്റെ കാരണം വ്യക്തമാക്കുമോ; പ്രസ്തുത കേസുകളിൽ സ്വീകരിച്ച നടപടികൾ വിശദമാക്കാമോ;

ഫോറിൻ മെഡിക്കൽ ഗ്രാജ്വേറ്റുകള്‍ക്ക് സ്റ്റൈപ്പെന്റ് കൊടുക്കുന്ന വിഷയം സംബന്ധിച്ച് സുപ്രീംകോടതിയിലെ കേസുകളിൽ നാഷണൽ മെഡിക്കൽ കമ്മീഷൻ ആവശ്യപ്പെട്ട പ്രകാരം മറുപടി നൽകിയിട്ടുണ്ടോ; ഇല്ലെങ്കിൽ കാരണം വ്യക്തമാക്കാമോ;

വിദ്യാർത്ഥികൾക്ക് സ്റ്റൈപ്പെന്റ് നല്‍കുന്ന വിഷയത്തിൽ നാഷണൽ മെഡിക്കൽ കമ്മീഷനിൽ നിന്നും നിർദ്ദേശം ലഭിച്ചിട്ടുണ്ടോ; ഉണ്ടെങ്കിൽ എന്ത് തീരുമാനമാണ് ഇതിൽ സ്വീകരിച്ചിട്ടുള്ളതെന്ന് വ്യക്തമാക്കാമോ?

സംസ്ഥാനത്തെ മെഡിക്കൽ കോളേജുകളിലും ആശുപത്രികളിലുമായി എത്ര തസ്തികകള്‍ ഒഴിഞ്ഞു കിടക്കുന്നുണ്ട്; വിശദമാക്കാമോ?

മെഡിക്കല്‍ വിദ്യാഭ്യാസ വകുപ്പില്‍ അസിസ്റ്റന്റ് പ്രൊഫസര്‍ തസ്തികയിലെ നിയമനത്തിന് എം.ബി.ബി.എസ്., എം.ഡി./എം.എസ്. , സീനിയര്‍ റെസിഡന്‍സി ഒരു വര്‍ഷം എന്ന വ്യവസ്ഥ മാറ്റി എം.ബി.ബി.എസ്., എം.ഡി./എം.എസ്. എന്ന് മാത്രമാക്കാൻ നടപടി സ്വീകരിക്കുമോയെന്ന് വ്യക്തമാക്കാമോ?

യുനാനി, സിദ്ധ ബിരുദധാരികളെയും എം.ബി.ബി.എസ്. പ്രവേശനത്തിലെ ആയുഷ് വിഭാഗത്തിന്റെ പ്രത്യേക റിസർവേഷനിൽ ഉൾപ്പെടുത്തുവാൻ തീരുമാനിച്ചിട്ടുണ്ടെങ്കിലും നിലവിലുള്ള സീറ്റുകളുടെ എണ്ണം ഉയർത്തിയിട്ടില്ലെന്ന വിവരം ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

ഓരോ സർക്കാർ മെഡിക്കൽ കോളേജിലും ആയുഷ് വിഭാഗത്തിൽ നിന്നുള്ളവർക്കായ് കുറഞ്ഞത് രണ്ട് എം. ബി. ബി. എസ്. സീറ്റുകൾ അനുവദിക്കുന്നതിനും നിലവിൽ രണ്ട് സീറ്റുകൾ അനുവദിച്ചിരിക്കുന്ന സ്ഥാപനങ്ങളിൽ അത് മൂന്ന് സീറ്റുകളായി വർധിപ്പിക്കുന്നതിനും നടപടി സ്വീകരിക്കുമോ;

പുതുതായി ആരംഭിക്കുന്ന വയനാട്, കാസർഗോഡ് സർക്കാർ മെഡിക്കൽ കോളേജുകളിൽ ആയുഷ് വിഭാഗത്തിന് കുറഞ്ഞത് മൂന്ന് എം. ബി. ബി. എസ്. സീറ്റുകൾ വീതം അനുവദിക്കുന്നതിന് നടപടി സ്വീകരിക്കുമോ; വ്യക്തമാക്കാമോ?

സംസ്ഥാനത്തെ മാതൃശിശു മരണനിരക്ക് കുറച്ചുകൊണ്ടുവരുന്നതിനു എത്രമാത്രം കഴിഞ്ഞിട്ടുണ്ടെന്ന് വ്യക്തമാക്കാമോ;

നിലവിൽ യു.എസ്. -ന്റെ മാതൃ-ശിശു മരണനിരക്കിന് താഴെയെത്താൻ സംസ്ഥാനത്തിന് കഴിഞ്ഞിട്ടുണ്ടോ; എങ്കില്‍ വിശദമാക്കാമോ ?

സംസ്ഥാനത്തെ ശിശുക്ഷേമ സമിതികളും ജുവൈനൽ ജസ്റ്റിസ് ബോർഡും പുനഃസംഘടിപ്പിക്കണമെന്ന് ഹൈക്കോടതി നിർദ്ദേശം നൽകിയിട്ടുണ്ടോ; എങ്കിൽ എന്തൊക്കെ നടപടികളാണ് സ്വീകരിച്ചിട്ടുള്ളത്;

കേരള സംസ്ഥാന ശിശുക്ഷേമ സമിതിയിയിലെ ജീവനക്കാരിൽ സൈക്കോ സോഷ്യൽ അസ്സസ്സ്‌മെന്റ് നടത്തുന്നതിന് തീരുമാനിച്ചിട്ടുണ്ടോ; എങ്കിൽ വിശമാക്കാമോ;

കേരള സംസ്ഥാന ശിശുക്ഷേമ സമിതിയിൽ കുട്ടികളെ ഉപദ്രവിച്ച വിഷയത്തിൽ എത്ര ജീവനക്കാരെ ജോലിയിൽ നിന്നും ഒഴിവാക്കിയിട്ടുണ്ടെന്നും അവരിൽ ആരെയെല്ലാം തിരിച്ചെടുത്തിട്ടുണ്ടെന്നും വിശദമാക്കാമോ;

കേസുകളിൽ പ്രതികളായവർ കേരള സംസ്ഥാന ശിശുക്ഷേമ സമിതിയിൽ ജോലിയിൽ തുടരുന്നുണ്ടോ; എങ്കിൽ ജുവനൈൽ ജസ്റ്റീസ് ആക്ടിനു കീഴിൽ പ്രവർത്തിക്കുന്ന സ്ഥാപനത്തിൽ എങ്ങനെയാണ് ഇത്തരത്തിലുള്ളവർ തുടരുന്നത്; വിശദമാക്കാമോ?

മാനുഷിക വികസന സൂചികകളിൽ മുന്നില്‍ നില്‍ക്കുന്ന സംസ്ഥാനമെന്ന നിലയില്‍ കുട്ടികളുടെ സമഗ്രമായ വികസനം ഉറപ്പാക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

നഗരവത്കരണം, മാറിക്കൊണ്ടിരിക്കുന്ന കുടുംബഘടന, സ്ക്രീൻ ടൈമിലെ വർധനവ്, അക്കാദമിക് സമ്മർദ്ദം എന്നിവ കുട്ടികളുടെ സമഗ്ര വികസനത്തെ ബാധിക്കുന്നുണ്ടോയെന്ന് വ്യക്തമാക്കാമോ;

സ്കൂൾ വിദ്യാർത്ഥികൾക്കിടയിൽ ആത്മഹത്യ, ലഹരിമരുന്നുപയോഗം, മാനസികാരോഗ്യ പ്രശ്നങ്ങൾ എന്നിവ വർദ്ധിച്ചു വരുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ; വനിതാ ശിശുവികസന വകുപ്പിന്റെ നേതൃത്വത്തിൽ സ്കൂളുകളിൽ കൂടുതൽ സൈക്കോ സോഷ്യൽ കൗൺസിലർമാരെ നിയമിക്കുന്നത് പരിഗണനയിലുണ്ടോ; വിശദമാക്കാമോ;

കൊലപാതക ശ്രമം, മയക്കുമരുന്ന് ഉപയോഗം അടക്കമുള്ള കേസുകളില്‍ കുറ്റാരോപിതരായ കുട്ടികളെ കൗൺസിലിംഗിലൂടെയും നിരന്തര നിരീക്ഷണത്തിലൂടെയും ജീവിതത്തിലേക്ക് തിരികെ കൊണ്ടുവരാന്‍ കഴിഞ്ഞിട്ടുണ്ടോയെന്ന് വ്യക്തമാക്കാമോ?

ഇടുക്കി ജില്ലയില്‍ അടിമാലിയിലെ അമ്മയും കുഞ്ഞും ആശുപത്രിയുടെ നിർമ്മാണത്തിനുള്ള എസ്റ്റിമേറ്റ് തുക എത്രയെന്നു അറിയിക്കാമോ;

ഇതിൽ എത്ര തുകയുടെ അനുമതി നൽകിയിട്ടുണ്ടെന്ന് അറിയിക്കാമോ;

പ്രസ്തുത നിർമ്മാണത്തിന് ഇടുക്കി പാക്കേജ് പദ്ധതിയിൽ നിന്നും തുക അനുവദിച്ചിട്ടുണ്ടോ; ഉണ്ടെങ്കിൽ എത്ര തുക അനുവദിച്ചിട്ടുണ്ട്; അറിയിക്കാമോ;

ആശുപത്രിയുടെ നിർമ്മാണത്തിന് കാലതാമസം നേരിടുന്നതിന്റെ കാരണം വിശദമാക്കാമോ; നിർമ്മാണം വേഗത്തിൽ ആരംഭിക്കുന്നതിനു അടിയന്തിര നടപടികൾ സ്വീകരിക്കുമോ?

കോഴിക്കോട് സൗത്ത് നിയോജക മണ്ഡലത്തില്‍ എത്ര അംഗനവാടികള്‍ ഉണ്ടെന്നും അവയുടെ അടിസ്ഥാന സൗകര്യ വികസനത്തിന് സ്വീകരിച്ച നടപടികള്‍ എന്തെല്ലാമാണെന്നും വിശദമാക്കാമോ;

പ്രസ്തുത മണ്ഡലത്തില്‍ സ്വന്തമായി കെട്ടിടമില്ലാത്ത എത്ര അംഗനവാടികള്‍ പ്രവര്‍ത്തിക്കുന്നുണ്ടെന്ന വിവരം ലഭ്യമാക്കാമോ;

വിവിധ പദ്ധതികളില്‍ ഉള്‍പ്പെടുത്തി കെട്ടിട നിര്‍മ്മാണത്തിനായി ഫണ്ട് അനുവദിച്ച അംഗനവാടികളുടെ നിലവിലെ സ്ഥിതി വ്യക്തമാക്കാമോ?

പോഷൺ ട്രാക്കർ മൊഡ്യൂളുകൾ ഏകീകൃതമായി പരിചയപ്പെടുത്തുന്ന മലയാളത്തിലുള്ള ലളിതമായ യൂസർ മാനുവൽ ബുക്ക്ലെറ്റ് സ്റ്റേറ്റ് പ്ലാൻ മോണിറ്ററിങ് യൂണിറ്റ് പ്രസിദ്ധീകരിച്ച് സംസ്ഥാനത്തെ 258 ഐ.സി.ഡി.എസ് പ്രോജക്റ്റുകൾക്കും 14 ജില്ലാതല ഐ.സി.ഡി.എസ് സെല്ലുകൾക്കും വിതരണം ചെയ്തിട്ടുണ്ടോ; ഉണ്ടെങ്കിൽ അതിന്റെ പകർപ്പ് ലഭ്യമാക്കാമോ;

പോഷൺ ട്രാക്കറിലെ 11 മൊഡ്യൂളുകളുടെയും ജില്ല തിരിച്ചുള്ള ശതമാന കണക്ക് ലഭ്യമാക്കാമോ;

സംസ്ഥാനത്തെ 258 ഐ.സി.ഡി.എസ് പ്രോജെക്റ്റുകളിൽ 100% പോഷൺ ട്രാക്കർ എൻട്രി ചെയ്യുന്ന എത്ര ഐ.സി.ഡി.എസ്. പ്രോജെക്റ്റുകൾ ഉണ്ട്; വ്യക്തമാക്കാമോ;

ഗർഭിണികൾ, മുലയൂട്ടുന്ന അമ്മമാർ, കൗമാര പ്രായത്തിലുള്ള കുട്ടികൾ, ആറ് വയസിൽ താഴെയുള്ള കുട്ടികൾ എന്നിവർ ഉൾപ്പെടുന്ന ഏകദേശം 22.5 ലക്ഷം ഗുണഭോക്താക്കളുടെ സേവനങ്ങൾ കൈകാര്യം ചെയ്യുന്നതിനായി സ്ഥിരം ജീവനക്കാരെ പോഷൺ അഭിയാൻ പദ്ധതിയിൽ സഹകരിപ്പിക്കരുതെന്ന് കേന്ദ്ര സർക്കാർ സംസ്ഥാനത്തിന് കത്ത് നൽകിയിട്ടുണ്ടോ; ഉണ്ടെങ്കിൽ പ്രസ്തുത കത്തിന്റെ പകർപ്പ് ലഭ്യമാക്കാമോ;

അംഗൻവാടി വർക്കർമാർ, ഐ.സി.ഡി.എസ്. സൂപ്പർവൈസർമാർ, ശിശു വികസന പദ്ധതി ഓഫീസർമാർ എന്നിവരെ ഉൾപ്പെടുത്തി സ്റ്റേറ്റ് പ്ലാൻ മോണിറ്ററിങ് യൂണിറ്റ് സെക്‌ടർ അടിസ്ഥാനത്തിൽ ട്രേയ്നിംഗ് ഓഫ് ട്രേയ്നേഴ്സിനെ (റ്റി.ഓ.റ്റി) നെ നിയമിച്ചിട്ടുണ്ടോ; ഇല്ലെങ്കിൽ എന്ത് കൊണ്ടാണെന്ന് വ്യക്തമാക്കാമോ;

മിനിസ്റ്റീരിയൽ ജീവനക്കാർ, കേന്ദ്രാവിഷ്‌കൃത പദ്ധതികളുടെ മോണിറ്ററിങ് & അനാലിസിസ് ജീവനക്കാർ, നയ രൂപീകരണം എന്നിവക്കായി നിയമിച്ചിട്ടുള്ള സ്റ്റാറ്റിസ്റ്റിക്സ് വിഭാഗം ഉദ്യോഗസ്ഥർ, പ്രോഗ്രാം ഓഫീസർമാർ, ശിശു വികസന പദ്ധതി ഓഫീസർമാർ, ഐ.സി.ഡി.എസ് സൂപ്പർവൈസർമാർ, എൻ.എൻ.എം. കരാർ ജീവനക്കാർ എന്നിവരെ ഉൾപ്പെടുത്തി ചുമതലകളും ഉത്തരവാദിത്തങ്ങളും നൽകി സംസ്ഥാന -ജില്ലാ -ബ്ലോക്ക് തലങ്ങളിലുള്ള പ്ലാൻ മോണിറ്ററിങ് യൂണിറ്റുകൾ പുനഃസംഘടിപ്പിക്കുവാൻ നടപടി സ്വീകരിക്കുമോയെന്ന് വ്യക്തമാക്കാമോ?

2016-17 മുതല്‍ മാവേലിക്കര മണ്ഡലത്തില്‍ വനിത ശിശു വികസന വകുപ്പ് അനുവദിച്ച പ്രവൃത്തികളുടെ പേരും തുകയും അവയുടെ നിലവിലെ സ്ഥിതിയും വിശദമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം നാളിതുവരെ വാമനപുരം നിയോജക മണ്ഡലത്തിലെ വിവിധ അംഗന്‍വാടികള്‍ക്കായി നടപ്പിലാക്കിയ വിവിധ പദ്ധതികൾ എന്തെല്ലാമാണെന്നും ഓരോന്നിനും ചെലവാക്കിയ തുക, അവയുടെ നിലവിലെ സ്ഥിതി എന്നിവയും വിശദമാക്കാമോ;

നിയോജക മണ്ഡലത്തില്‍ സ്മാര്‍ട്ട് അംഗന്‍വാടി അനുവദിച്ചിട്ടുണ്ടോ;

ഉണ്ടെങ്കില്‍ എവിടെയെല്ലാമാണെന്നും ഇതിന്റെ പ്രത്യേകതകള്‍ എന്തെല്ലാമാണെന്നും വിശദമാക്കാമോ?

ഈ സര്‍ക്കാര്‍ വന്നതിനു ശേഷം കുന്നത്തുനാട് മണ്ഡലത്തില്‍ വനിത-ശിശു വികസന വകുപ്പ് നടപ്പിലാക്കിയ പദ്ധതികളുടെ വിശദാംശം ലഭ്യമാക്കാമോ;

ഓരോ പദ്ധതിക്കും എത്ര തുക വീതമാണ് ചെലവഴിച്ചതെന്ന് വ്യക്തമാക്കാമോ;

ഓരോ പ്രവൃത്തിയുടെയും നിലവിലെ സ്ഥിതി വിശദമാക്കാമോ?

2024-25 സാമ്പത്തിക വര്‍ഷത്തിലെ ബജറ്റില്‍ 20% ടോക്കണ്‍ പ്രൊവിഷനില്‍ 10 കോടി രൂപ ഉള്‍പ്പെടുത്തിയിട്ടുള്ള പൂഞ്ഞാർ നിയോജകമണ്ഡലത്തിൽ സ്വന്തമായി കെട്ടിടം ഇല്ലാത്ത മുഴുവൻ അംഗൻവാടികൾക്കും കെട്ടിട നിർമ്മാണത്തിന് "സമ്പൂർണ അംഗൻവാടി കെട്ടിട നിർമ്മാണ പദ്ധതി" (2024-25-ലേക്കുള്ള വിശദമായ ബജറ്റ് എസ്റ്റിമേറ്റുകളുടെ അനുബന്ധം II വാല്യം II ക്രമനമ്പർ 973) എന്ന പ്രവൃത്തി നടപ്പിലാക്കുന്നതിനായി സ്വീകരിച്ചുവരുന്ന നടപടികളുടെ വിശദാംശം ലഭ്യമാക്കുമോ?

2016 മെയ് മുതൽ നാളിതു വരെ വനിത ശിശുവികസന വകുപ്പ് മുഖേന വര്‍ക്കല മണ്ഡലത്തില്‍ അനുവദിച്ച പദ്ധതികള്‍ ഏതൊക്കെയാണെന്നും ഓരോന്നിനും അനുവദിച്ച തുകയും വ്യക്തമാക്കാമോ?

ഈ സർക്കാർ അധികാരത്തിൽ വന്ന ശേഷം ചാത്തന്നൂർ മണ്ഡലത്തിലെ ഏതെല്ലാം അങ്കണവാടികൾക്ക് കെട്ടിടം നിർമ്മിക്കാൻ തുക അനുവദിച്ചിട്ടുണ്ടെന്നും എത്ര രൂപ വീതമാണ് ഓരോ അങ്കണവാടികൾക്കും അനുവദിച്ചിട്ടുള്ളതെന്നും വ്യക്തമാക്കാമോ;

ഈ സർക്കാർ അധികാരത്തിൽ വന്ന ശേഷം ചാത്തന്നൂർ മണ്ഡലത്തിൽ വനിതാ ക്ഷേമപ്രവർത്തനങ്ങൾക്കായി എന്തെല്ലാം പദ്ധതികൾ നടപ്പിലാക്കിയിട്ടുണ്ടെന്നും ഓരോ പദ്ധതിക്കും എത്ര രൂപ വീതം ചെലവഴിച്ചിട്ടുണ്ടെന്നും അറിയിക്കാമോ?

കേരളത്തിലെ ശിശുമരണനിരക്ക് ക്രമാനുഗതമായി കുറച്ചുകൊണ്ടുവരുന്നതിനും അതുവഴി യു.എസ്.എ.യുടെ ശിശുമരണനിരക്കിനേക്കാളും കുറവു രേഖപ്പെടുത്താനും കഴിഞ്ഞിട്ടുള്ളത് സംസ്ഥാനത്തെ ആരോഗ്യമേഖലയിൽ കൈവരിക്കാൻ കഴിഞ്ഞ അപൂര്‍വ്വനേട്ടമായി വിലയിരുത്തിയിട്ടുണ്ടോ;

എങ്കില്‍ ഈ ചരിത്ര നേട്ടത്തില്‍ എത്തിച്ചേരുന്നതിന് എന്തെല്ലാം പ്രവര്‍ത്തനങ്ങളാണ് നടപ്പിലാക്കിയതെന്ന് വ്യക്തമാക്കാമോ;

ദേശീയ നീതി ആയോഗ് സൂചികയില്‍, ആരോഗ്യമേഖലയില്‍ എന്തെല്ലാം കാര്യങ്ങളിലാണ് കേരളം മുന്നിലെത്തിയതായി രേഖപ്പെടുത്തിയിട്ടുള്ളതെന്ന് വ്യക്തമാക്കാമോ;

മാതൃ ശിശു സൗഹൃദ ആശുപത്രി ഇനിഷ്യേറ്റീവ് പദ്ധതി രാജ്യത്താദ്യമായി നടപ്പാക്കുന്നതിന് സാധിച്ചിട്ടുണ്ടോ; വിശദാംശം ലഭ്യമാക്കാമോ?

കൂത്തുപറമ്പ് വലിയവെളിച്ചത്ത് സര്‍ക്കാര്‍ അനുവദിച്ച ഒരു ഏക്കര്‍ സ്ഥലത്ത് നിര്‍മ്മിക്കുന്ന റീജിയണല്‍ അനലിറ്റിക്കല്‍ ആന്‍ഡ് റിസര്‍ച്ച് ലബോറട്ടറിയുടെ നിര്‍മ്മാണ പുരോഗതി വിശദമാക്കുമോ;

പ്രസ്തുത ലബോറട്ടറിയുടെ നിര്‍മ്മാണത്തിന്റെ ഭരണാനുമതി നല്‍കിയ തുക എത്രയാണെന്നും ആയത് പൂര്‍ത്തീകരിക്കുന്നതിന് എന്തൊക്കെ നടപടികളാണ് സ്വീകരിക്കുകയെന്നും വിശദമാക്കുമോ;

പ്രസ്തുത ലബോറട്ടറി പൂര്‍ണ്ണതോതില്‍ യാഥാര്‍ത്ഥ്യമാകുന്നതോടെ എന്തൊക്കെ സേവനങ്ങളാണ് സര്‍ക്കാരിനും പൊതുജനങ്ങള്‍ക്കും ലഭ്യമാവുകയെന്ന് വിശദമാക്കുമോ?

ഭക്ഷ്യസുരക്ഷയുടെ ഭാഗമായി സംസ്ഥാനത്ത് ബീവറേജ്‌സ് ഔട്ട് ലെറ്റുകള്‍ , കൺസ്യൂമർഫെഡ് എന്നിവ വഴി വിതരണം ചെയ്യുന്ന മദ്യത്തിന്റെ ഗുണനിലവാരം ഭക്ഷ്യ സുരക്ഷാ വകുപ്പ് പരിശോധിക്കാറുണ്ടോ; എങ്കിൽ ജില്ലാ തിരിച്ചുള്ള കണക്കുകൾ ലഭ്യമാക്കാമോ;

2016 മുതൽ ഓരോ വർഷവും പരിശോധനയ്ക്കായി സ്റ്റാറ്റ്യൂട്ടറി ആയിട്ടും ഇൻഫോർമൽ ആയിട്ടും എത്ര സാമ്പിളുകൾ എടുത്തിട്ടുണ്ടെന്ന വിവരം നൽകാമോ;

നിശ്ചിത മാനദണ്ഡങ്ങൾ പാലിക്കാത്തവ കണ്ടെത്തിയിട്ടുണ്ടോ; എങ്കിൽ ഇത് സംബന്ധിച്ച് എത്ര കേസുകൾ രജിസ്റ്റർ ചെയ്തിട്ടുണ്ട്; വിശദമാക്കാമോ?

ഭക്ഷ്യ സുരക്ഷാ വകുപ്പിൽ ആവശ്യത്തിന് ജീവനക്കാരില്ലാത്തതുമൂലം പ്രവർത്തനങ്ങൾ തടസ്സപ്പെടുന്നതായുള്ള മാധ്യമ റിപ്പോർട്ടുകൾ പരിശോധിച്ചിട്ടുണ്ടോ; വിശദമാക്കാമോ;

വിവിധ ഭക്ഷ്യ സുരക്ഷാ ഡ്രൈവുകൾ നടപ്പിലാക്കുന്നതിൽ ജീവനക്കാരുടെ അഭാവം ബാധിച്ചിട്ടുണ്ടോ; ഉണ്ടെങ്കില്‍ എങ്ങനെയെന്ന് വിശദമാക്കാമോ;

സംസ്ഥാനത്ത് ഭക്ഷ്യസുരക്ഷാ വകുപ്പിന്റെ പ്രവർത്തനങ്ങൾ ഏകോപിപ്പിക്കുന്നതിനും കാര്യക്ഷമമാക്കുന്നതിനുമായി കൂടുതൽ ഉദ്യോഗസ്ഥരെ നിയമിക്കുന്നതിന് നടപടികൾ സ്വീകരിക്കുമോ; വ്യക്തമാക്കാമോ?