സംസ്ഥാനത്ത് അമിത മഴയില്‍ വിവിധ റോഡുകള്‍ക്ക് കേടുപാടുപറ്റിയത് പരിഹരിക്കാനും തകര്‍ന്ന റോഡുകളുടെ സമയബന്ധിതമായ പുനരുദ്ധാരണത്തിനും സ്വീകരിച്ചുവരുന്ന നടപടികള്‍ അറിയിക്കാമോ;

റോഡിന്റെ കേടുപാടുകള്‍ സംബന്ധിച്ച വിവരം അറിയിക്കാന്‍ വാട്സ്ആപ് സൗകര്യം ഏര്‍പ്പെടുത്തിയിട്ടുണ്ടോ; അത്തരത്തില്‍ ലഭിക്കുന്ന പരാതികള്‍ അടിയന്തരമായി പരിഹരിക്കുന്നതിന് നടപടികളെടുത്തിട്ടുണ്ടോ;

റോഡുകളുടെ അറ്റകുറ്റപണിക്കായി ചീഫ് എഞ്ചിനിയറുടെ നേതൃത്വത്തില്‍ പ്രത്യേക വിഭാഗം രൂപീകരിച്ചിട്ടുണ്ടോ;

ഓടകളുടെ അഭാവവും അവയുടെ അശാസ്ത്രീയ നിര്‍മ്മാണവും കുടിവെള്ള വിതരണം, ടെലിഫോണ്‍ കേബിള്‍ സ്ഥാപിക്കല്‍ തുടങ്ങിയ വിവിധ സേവന വകുപ്പുകളുടെ ആസൂത്രണവും എകോപനവുമില്ലാത്ത പ്രവൃത്തികളും റോഡുകളെ തകരാറിലാക്കുന്നതിനാല്‍ ഈ പ്രശ്നം പരിഹരിക്കാന്‍ നടപടിയുണ്ടാകുമോയെന്ന് വ്യക്തമാക്കാമോ?

പട്ടയ ഭൂമിയിൽ കർഷകർ നട്ടുവളർത്തിയതും സ്വാഭാവികമായി വളര്‍ന്നുവന്നതുമായ മരങ്ങൾ മുറിക്കുന്നത് സംബന്ധിച്ച് റവന്യൂ ഉദ്യോഗസ്ഥരും വനം വകുപ്പും സ്വീകരിച്ച നിലപാടുകളെ മറികടന്നുകൊണ്ട് മുൻ റവന്യൂ വകുപ്പ് മന്ത്രി ഉത്തരവിറക്കാൻ സെക്രട്ടറിക്ക് നിർദ്ദേശം നൽകിയിരുന്നോ;

എങ്കില്‍ 2005-ലെ വനേതര ഭൂമിയിലെ മരം മുറിക്കുന്നതുമായി ബന്ധപ്പെട്ട നിയമത്തിന്റെ ആറാം വകുപ്പ് പ്രകാരം പട്ടയ ഭൂമിയിൽ കർഷകർ നട്ടുവളർത്തിയതോ സ്വാഭാവികമായി വളര്‍ന്നുവന്നതോ ആയ ചന്ദനം ഒഴികെയുള്ള മരങ്ങൾ മുറിക്കാം എന്ന് പ്രസ്തുത നിർദ്ദേശത്തിൽ പ്രതിപാദിച്ചിരുന്നോ;

ഉണ്ടെങ്കിൽ ഈ നിര്‍ദ്ദേശം നിയമ വകുപ്പിന്റെ ഉപദേശം തേടിയതിന് ശേഷമാണോ ഉൾപ്പെടുത്തിയത് എന്ന് വിശദമാക്കാമോ;

പട്ടയ ഭൂമിയിൽ കർഷകർ നട്ടുവളർത്തിയതോ സ്വാഭാവികമായി വളര്‍ന്നുവന്നതോ ആയ ചന്ദനം ഒഴികെയുള്ള മരങ്ങൾ മുറിക്കുന്നതിന് തടസം നിൽക്കുന്ന ഉദ്യോഗസ്ഥർക്കെതിരെ നടപടി സ്വീകരിക്കാൻ മുൻ റവന്യൂ വകുപ്പ് മന്ത്രി നിർദ്ദേശിച്ചരുന്നോ; എങ്കില്‍ കാരണം വ്യക്തമാക്കാമോ?

മലബാര്‍ മേഖലയിലെ തുറമുഖങ്ങളുടെ വികസനത്തിനായി എന്തെല്ലാം നടപടികളാണ് സ്വീകരിച്ചു വരുന്നതെന്ന് അറിയിക്കുമോ;

ഈ മേഖലയിലെ തുറമുഖങ്ങളിലേക്ക് കൊച്ചിയില്‍ നിന്നും തീരദേശ ചരക്ക് കപ്പല്‍ സര്‍വ്വീസ് ആരംഭിച്ചിട്ടുണ്ടോ; എങ്കില്‍ വിശദാംശം നൽകാമോ?

സംസ്ഥാനത്ത് റവന്യൂ, ഭവന നിര്‍മ്മാണ വകുപ്പുകളുടെ പ്രവര്‍ത്തന മികവും നിലവാരവും കുടുതല്‍ മെച്ചപ്പെടുത്തുന്നതിന് നടപടികള്‍ പരിഗണനയിലുണ്ടോ; വ്യക്തമാക്കാമോ;

റവന്യൂ, ഭവന നിര്‍മ്മാണ വകുപ്പുകളുടെ പ്രവര്‍ത്തനം കുടുതൽ കാര്യക്ഷമവും ഫലപ്രദവുമാക്കുന്നതിനായി റവന്യൂ സെക്രട്ടേറിയറ്റ് സംവിധാനം ആവിഷ്ക്കരിച്ചിട്ടുണ്ടോ; വിശദമാക്കാമോ;

എങ്കില്‍ റവന്യൂ സെക്രട്ടേറിയറ്റിന്റെ ഘടനയും പ്രവര്‍ത്തനവും വിശദമാക്കാമോ;

സംസ്ഥാനത്ത് റവന്യൂ വകുപ്പിന്റെ ചരിത്രത്തിൽ ഇത്തരം ഒരു പരിഷ്ക്കരണം ഉണ്ടായിട്ടുണ്ടോ;

റവന്യൂ സെക്രട്ടേറിയറ്റ് എന്നത് ഒരു സ്ഥിരം സംവിധാനമായി ക്രമീകരിച്ച് മുന്നോട്ട് പോകുന്നതിന് നടപടി സ്വീകരിക്കുമോ; വ്യക്തമാക്കാമോ?

സംസ്ഥാനത്ത് കോവിഡാനന്തരം വിനോദസഞ്ചാര മേഖലയെ പൂര്‍വ്വസ്ഥിതിയിലാക്കുന്നതിന് ടൂറിസം സര്‍ക്യൂട്ടുകള്‍ വികസിപ്പിക്കാന്‍ ഉദ്ദേശിക്കുന്നുണ്ടോ;

പ്രധാന വിനോദസഞ്ചാര കേന്ദ്രങ്ങളുടെ വികസനത്തിന് മാസ്റ്റര്‍പ്ലാന്‍ തയ്യാറാക്കിയിട്ടുണ്ടോ; എങ്കിൽ വിശദാംശം നല്‍കാമോ;

വിനോദസഞ്ചാര കേന്ദ്രങ്ങള്‍ മാലിന്യമുക്തമാക്കുന്നതിനും വിനോദസഞ്ചാരികളുടെ സുരക്ഷ ഉറപ്പാക്കുന്നതിനും വൃത്തിയുള്ള ടോയ്‍ലെറ്റ് സൗകര്യങ്ങള്‍ ഏര്‍പ്പെടുത്തുന്നതിനും പദ്ധതികള്‍ ഉണ്ടോയെന്ന് വ്യക്തമാക്കുമോ?

വില്ലേജ് ഓഫീസുകളില്‍ നിന്നും സേവനം ലഭ്യമാക്കുന്നതിനുള്ള കാലതാമസവും അഴിമതിയും ഇല്ലാതാക്കുന്നതിന് നടത്തുന്ന പ്രവര്‍ത്തനങ്ങള്‍ അറിയിക്കാമോ;

ഈ വര്‍ഷം ഒക്ടോബര്‍ രണ്ടിനകം വില്ലേജ് ഓഫീസുകളിലെ മുഴുവന്‍ സേവനവും ഓണ്‍ലൈനായി ലഭ്യമാക്കാന്‍ തീരുമാനിച്ചിട്ടുണ്ടോ; ഇതിനായി ഏര്‍പ്പെടുത്തിയിട്ടുള്ള സൗകര്യങ്ങള്‍ എന്തൊക്കെയെന്ന് അറിയിക്കാമോ;

റവന്യൂ ഓഫീസുകളില്‍ നിന്നു ലഭിക്കേണ്ട വിവിധ സര്‍ട്ടിഫിക്കറ്റുകള്‍ വേഗത്തിലും സുതാര്യവുമായി ലഭ്യമാക്കുന്നതിനുള്ള ഇ-ഡിസ്ട്രിക്ട് പദ്ധതിയെക്കുറിച്ച് അറിയിക്കാമോ; ഇതിനായി വേഗതയേറിയ ഇന്റര്‍നെറ്റ് സൗകര്യം എല്ലാ റവന്യൂ ഓഫീസുകളിലും ലഭ്യമാക്കിയിട്ടുണ്ടോ എന്നറിയിക്കാമോ?

വില്ലേജ് ഓഫീസുകളില്‍ നിന്നുള്ള സേവനങ്ങള്‍ വേഗത്തിലും ആധുനിക രീതിയിലും ഉത്തരവാദിത്തത്തോടെയും സുതാര്യമായും നല്‍കുകയെന്ന ലക്ഷ്യത്തോടെയുള്ള സ്മാർട്ട് വില്ലേജ് ഓഫീസ് പദ്ധതിയെക്കുറിച്ച് വിശദമാക്കാമോ;

സ്മാര്‍ട്ട് വില്ലേജ് ഓഫീസുകളില്‍ എന്തെല്ലാം സൗകര്യങ്ങളാണ് ഏര്‍പ്പെടുത്തിയിട്ടുള്ളതെന്നും ഇതുവരെ എത്ര ഓഫീസുകള്‍ സ്മാർട്ട് വില്ലേജ് ഓഫീസുകളാക്കി മാറ്റിയെന്നും അറിയിക്കാമോ;

മികച്ച അടിസ്ഥാന സൗകര്യം ഏര്‍പ്പെടുത്തുന്നതോടൊപ്പം ഓഫീസ് സംവിധാനത്തിന്റെ ആധുനികീകരണത്തിനും ഓഫീസുകളില്‍ വിവിധ സേവനങ്ങള്‍ക്കായി എത്തുന്നവര്‍ക്ക് വേണ്ട സൗകര്യങ്ങള്‍ ഒരുക്കുന്നതിനും നടത്തുന്ന പ്രവ‍ര്‍ത്തനം വിശദമാക്കാമോ?

സംസ്ഥാനത്ത് വില്ലേജ് ഓഫീസുകളുടെ പ്രവർത്തനങ്ങളും സേവനങ്ങളും കാലാനുസൃതമായി പരിഷ്കരിക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

സർക്കാരിന്റെ ആദ്യ നൂറ് ദിന കർമ്മ പരിപാടിയിൽ വില്ലേജ് ഓഫീസുകളുടെ നവീകരണം ഉൾപ്പെടുത്തിയിട്ടുണ്ടോ; വിശദമാക്കാമോ;

കഴിഞ്ഞ അഞ്ചു വർഷങ്ങളിൽ റീബിൽഡ് കേരള ഇൻഷ്യേറ്റീവ് പദ്ധതിയിൽ ഉള്‍പ്പെടുത്തി സ്മാര്‍ട്ട്‌ വില്ലേജ് ഓഫീസുകൾ നിര്‍മ്മിക്കുനതിന് സ്വീകരിച്ച നടപടികള്‍ വിശദമാക്കാമോ;

ആദ്യ നൂറ് ദിന കർമ്മപരിപാടിയിൽ എത്ര സ്മാർട്ട് വില്ലേജ് ഓഫീസുകളുടെ കെട്ടിടനിർമ്മാണമാണ് ഉൾപ്പെടുത്തിയിട്ടുള്ളതെന്ന് വിശദമാക്കാമോ;

വില്ലേജ് ഓഫീസുകളുടെ കാര്യക്ഷമത വര്‍ദ്ധിപ്പിക്കുന്നതിനായി വില്ലേജ് ഓഫീസുകളുടെ ഉപയോഗത്തിന് ഇലക്ട്രിക്‌ വാഹനങ്ങള്‍ നല്‍കാന്‍ ഉദ്ദേശിക്കുന്നുണ്ടോ; വിശദമാക്കാമോ;?

സംസ്ഥാനത്ത് പതിറ്റാണ്ടുകളായി കൈവശം വച്ചുവരുന്നതും തലമുറകളായി അനുഭവിച്ചുവരുന്നതുമായ റവന്യൂ-ദേവസ്വം ഭൂമിക്ക് പട്ടയം ലഭിക്കാത്തത് നിമിത്തം ഭൂമി കൈവശക്കാരായ സാധാരണക്കാര്‍ അനുഭവിക്കുന്ന ദുരിതം പരിഹരിക്കുന്നതിന് എന്തെങ്കിലും പദ്ധതികള്‍ ആവിഷ്കരിച്ചിട്ടുണ്ടെങ്കില്‍ വിശദാംശങ്ങള്‍ അറിയിക്കുമോ;

മക്കളുടെ വിദ്യാഭ്യാസം, രോഗചികിത്സ തുടങ്ങിയ ആവശ്യങ്ങള്‍ക്ക് വായ്പ ലഭ്യമാകുന്നത് പോലും അസാധ്യമാകുന്നത് നിമിത്തം കോവിഡ്‌ കാലത്ത് പ്രസ്തുത ഭൂമി കൈവശക്കാര്‍ അനുഭവിക്കുന്ന ദുരിതം പരിഹരിക്കുന്നതിന് സമയബന്ധിതമായും മുന്‍ഗണനയോടെയും പരിശോധനകള്‍ ത്വരിതപ്പെടുത്തി പട്ടയം നല്‍കുന്നതിന് നടപടി സ്വീകരിക്കുമോയെന്ന് വിശദാംശങ്ങൾ സഹിതം വ്യക്തമാക്കാമോ?

പട്ടയ ഭൂമിയില്‍ കര്‍ഷകര്‍ നട്ടുവളര്‍ത്തിയതോ സ്വാഭാവികമായി വളര്‍ന്നു വന്നതോ ആയ ചന്ദനം ഒഴികെയുള്ള മരങ്ങള്‍ മുറിക്കുന്നതിന് 24.10.2020-ന് റവന്യൂ വകുപ്പ് ഉത്തരവിറക്കിയിരുന്നോ;

03.09.2019-ന് റവന്യു മന്ത്രിയുടെ നേതൃത്വത്തില്‍ ചേര്‍ന്ന യോഗത്തില്‍ പ്രസ്തുത വിഷയം ചര്‍ച്ച ചെയ്തപ്പോള്‍ നിലവിലെ ഭൂപതിവ് ചട്ടപ്രകാരം പട്ടയ ഭൂമിയിലെ ചന്ദനം, തേക്ക്, ഈട്ടി, കരിമരം എന്നിവ മുറിക്കാന്‍ സാധിക്കില്ലെന്നും ഇത് സംസ്ഥാന സര്‍ക്കാരില്‍ നിക്ഷിപ്തമാണെന്നും വനം വകുപ്പ് നിലപാട് എടുത്തിരുന്നോ;

എങ്കില്‍ പ്രസ്തുത നിലപാടിന് വിരുദ്ധമായി പട്ടയ ഭൂമിയിലെ ചന്ദനം ഒഴികെയുള്ള എല്ലാ മരങ്ങളും മുറിക്കാമെന്ന് റവന്യൂ വകുപ്പ് ഉത്തരവിറക്കാൻ ഉണ്ടായ സാഹചര്യം വിശദമാക്കാമോ;

പ്രസ്തുത ഉത്തരവിന്റെ അടിസ്ഥാനത്തിൽ സംസ്ഥാനത്ത് കോടികളുടെ മരം മുറി നടന്നതായി സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; എങ്കില്‍ ഇതിനെതിരെ എന്തെങ്കിലും നടപടികൾ സ്വീകരിച്ചിട്ടുണ്ടോ?  

പട്ടയ ഭൂമിയിൽ കർഷകർ നട്ടുവളർത്തിയതോ സ്വാഭാവികമായി വളര്‍ന്നു വന്നതോ ആയ ചന്ദനം ഒഴികെയുള്ള മരങ്ങൾ മുറിക്കുന്നതിനു അനുമതി നൽകികൊണ്ടുള്ള   ഉത്തരവ് ഇറക്കുന്നതിനു മുൻപ് നിയമവകുപ്പിന്റെയും അഡീഷണൽ എ. ജി. യുടെയും അഭിപ്രായം സ്വരൂപിച്ച് ശിപാർശ ഉൾപ്പെടുത്തി സമർപ്പിക്കാൻ 21.10.2019-ന് അന്നത്തെ റവന്യൂ മന്ത്രി നിർദ്ദേശിച്ചിരുന്നോ;

ഇപ്രകാരം മരങ്ങൾ മുറിക്കുന്നതിനു 24.10.2020-ന്  റവന്യൂ വകുപ്പ് ഉത്തരവ് ഇറക്കുന്നതിന് നിയമവകുപ്പിന്റെയും അഡീഷണൽ എ.ജി.യുടെയും അഭിപ്രായം ലഭ്യമായിരുന്നോ;

ഇല്ലെങ്കിൽ നിയമ വകുപ്പിന്റെയോ അഡീഷണൽ എ. ജി.യുടെയോ ഉപദേശം ലഭിക്കുന്നതിന് മുൻപ് പ്രസ്തുത ഉത്തരവിറക്കാനുണ്ടായ സാഹചര്യം വെളിപ്പെടുത്താമോ;

21.10.2019‌‌‌‌‌-ന് അന്നത്തെ റവന്യൂ മന്ത്രി നിർദ്ദേശിച്ചിരുന്ന നിയമോപദേശം ലഭ്യമാകുന്നതിനു മുൻപ് അദ്ദേഹം തന്നെ പട്ടയ ഭൂമിയിൽ കർഷകർ നട്ടുവളർത്തിയതോ സ്വാഭാവികമായി വളര്‍ന്നുവന്നതോ ആയ ചന്ദനം ഒഴികെയുള്ള മരങ്ങൾ മുറിക്കുന്നതിന് ഉത്തരവിറക്കാൻ ഇടയായ സാഹചര്യം എന്താണെന്ന് വ്യക്തമാക്കുമോ?

പട്ടയ ഭൂമിയിൽ കർഷകർ നട്ടുവളർത്തിയതും സ്വാഭാവികമായി വളര്‍ന്നു വന്നതുമായ മരങ്ങൾ മുറിക്കുന്നതു സംബന്ധിച്ച് വ്യക്തത വരുത്താൻ റവന്യു വകുപ്പ്  11.03.2020-ല്‍ ഉത്തരവ് ഇറക്കിയിരുന്നോ;

പ്രസ്തുത ഉത്തരവ് പ്രകാരം പട്ടയഭൂമിയിലെ ചന്ദനം ഒഴികെയുള്ള എല്ലാ മരങ്ങളും മുറിക്കാമെന്ന നിലപാട് സര്‍ക്കാര്‍ സ്വീകരിച്ചിരുന്നോ;  

വൺ എര്‍ത്ത് വണ്‍ ലൈഫ് എന്ന സംഘടന നൽകിയ കേസിൽ പ്രസ്തുത ഉത്തരവ് കേരള ഹൈക്കോടതി സ്റ്റേ ചെയ്തിരുന്നോ;

24.10.2020-ന് റവന്യു വകുപ്പ് ഉത്തരവിറക്കുന്നതിനു മുൻപ് മേല്പറഞ്ഞ കാരണങ്ങൾ ചൂണ്ടിക്കാട്ടി ഏതെങ്കിലും ഉദ്യോഗസ്ഥർ ഈ ഉത്തരവ്   സംബന്ധിച്ച ഫയലില്‍ വിയോജന കുറിപ്പ് രേഖപ്പെടുത്തിയിരുന്നോ വിശദാംശങ്ങൾ നൽകാമോ;

പ്രസ്തുത നിലപാടെടുത്ത ഏതെങ്കിലും ഉദ്യോഗസ്ഥർക്കെതിരെ സർക്കാർ സ്ഥലം മാറ്റം അടക്കമുള്ള എന്തെങ്കിലും നടപടി സ്വീകരിച്ചിട്ടുണ്ടോ; വിശദാംശങ്ങൾ നൽകാമോ?

സംസ്ഥാനത്ത് സാക്ഷരത മിഷന്‍ സാക്ഷരത പ്രവര്‍ത്തനങ്ങളോടൊപ്പം നടത്തുന്ന സാമൂഹ്യ ബോധവല്‍ക്കരണ പ്രവര്‍ത്തനങ്ങൾ വിലയിരുത്തിയിട്ടുണ്ടോ; എങ്കില്‍ വിശദമാക്കുമോ;

ലിംഗസമത്വ ബോധന പരിപാടികളുടെ ഭാഗമായി സാക്ഷരതാമിഷന്‍ സ്ത്രീധന നിരോധന ക്യാമ്പയിന് തുടക്കം കുറിച്ചിട്ടുണ്ടോ എന്നറിയിക്കാമോ;

സാക്ഷരതാ മിഷന്‍ സ്ത്രീധനം എന്ന സാമൂഹ്യ വിപത്തിനെതിരെ ജാഗ്രത സൃഷ്ടിക്കുക, കേരളത്തെ സ്തീധന മുക്ത സംസ്ഥാനമാക്കുക എന്ന ലക്ഷ്യത്തോടെ സ്ത്രീധന മുക്ത കേരളം ക്യാമ്പയിന്‍ നടത്താന്‍ ഉദ്ദേശിക്കുന്നുണ്ടോ എന്നറിയിക്കാമോ?

ഈ സർക്കാർ പ്രഖ്യാപിച്ച ആദ്യ നൂറ് ദിന കർമ്മ പരിപാടിയിൽ റവന്യൂ വകുപ്പുമായി ബന്ധപ്പെട്ട പദ്ധതികൾ ഉൾപ്പെടുത്തിയിട്ടുണ്ടോ; എങ്കില്‍ വിശദമാക്കുമോ;

പ്രസ്തുത പദ്ധതികളുടെ ആദ്യഘട്ട പ്രവർത്തന പുരോഗതി വെളിപ്പെടുത്താമോ;

നൂറുദിന കർമ്മ പരിപാടിയുടെ ഭാഗമായി അര്‍ഹരായവർക്ക് പട്ടയം നൽകാനുള്ള നടപടികൾ പരിഗണനയിലുണ്ടോ; വ്യക്തമാക്കാമോ;

നൂറുദിന കർമ്മ പരിപാടിയുടെ ഭാഗമായി റവന്യൂ വകുപ്പിന്റെ പോർട്ടലിൽ കൂടുതൽ സേവനങ്ങൾ ഏര്‍പ്പെടുത്തുവാന്‍ ഉദ്ദേശിക്കുന്നുണ്ടോ; വ്യക്തമാക്കാമോ?

റീബില്‍ഡ് കേരള ഇനിഷ്യേറ്റീവ് പരിപാടിയില്‍ പൊതുമരാമത്ത് വകുപ്പ് മുഖേന നടത്തിവരുന്ന പ്രധാന പ്രവൃത്തികള്‍ ഏതൊക്കെയാണെന്ന് അറിയിക്കാമോ;

മേല്‍ പ്രവൃത്തികളുടെ നിലവിലെ സ്ഥിതി അറിയിക്കാമോ; പദ്ധതികള്‍ സമയബന്ധിതമായി പൂര്‍ത്തീകരിക്കാന്‍ നടപടി സ്വീകരിച്ചിട്ടുണ്ടോ;

പ്രസ്തുത പ്രവൃത്തികളില്‍ പ്രകൃതി ദുരന്തങ്ങളെ അതിജീവിക്കുന്ന തരത്തിലുള്ള നിര്‍മ്മാണമാണോ ആസൂത്രണം ചെയ്തിരിക്കുന്നതെന്നും അതിനായി ഉപയോഗിക്കുന്ന സാങ്കേതിക വിദ്യകളേതൊക്കെയാണെന്നും അറിയിക്കാമോ?

സംസ്ഥാനത്ത് ഇന്റര്‍നെറ്റ് സംവിധാനത്തിനു പ്രശ്നമുള്ള സ്ഥലങ്ങളില്‍ ഓണ്‍ലൈന്‍ ക്ലാസ്സുകള്‍ ഡൗണ്‍ലോഡ് ചെയ്തു കാണുവാന്‍ വിദ്യാര്‍ത്ഥികള്‍ക്ക് സൗകര്യമൊരുക്കുമോ;

സാങ്കേതിക സംവിധാനങ്ങള്‍ ലഭ്യമല്ലാത്ത കുട്ടികളെ സ്കൂൾ അധികാരികൾ കണ്ടെത്തിയിട്ടുണ്ടോ എന്നറിയിക്കാമോ;

ക്ലാസ്സുകളിൽ സൈബര്‍ നിയമങ്ങള്‍ പാലിച്ചിട്ടുണ്ടെന്നും ക്ലാസ്സുകള്‍ കുട്ടികള്‍ കണ്ടെന്നും ഉറപ്പുവരുത്തുവാനും വിലയിരുത്തുവാനും സൗകര്യമുണ്ടോ എന്നറിയിക്കാമോ;

സമൂഹ മാധ്യമ ഗ്രൂപ്പുകള്‍ വഴി രക്ഷിതാക്കളുമായി ആശയവിനിമയം ഉറപ്പുവരുത്തുമോ?

ഭൂരേഖകളുടെ കൃത്യതയ്ക്കും തര്‍ക്കങ്ങള്‍ ഒഴിവാക്കുന്നതിനും റീസര്‍വ്വേ അടിയന്തരമായി പൂര്‍ത്തിയാക്കേണ്ടതിന്റെ അനിവാര്യത കണക്കിലെടുത്ത് ഡിജിറ്റല്‍ സര്‍വ്വേ സമയബന്ധിതമായി പൂര്‍ത്തിയാക്കാന്‍ സ്വീകരിച്ചിട്ടുള്ള നടപടികള്‍ അറിയിക്കാമോ;

റീസര്‍വ്വേ തുടങ്ങിയിട്ട് എത്ര വര്‍ഷമായെന്നും എത്ര വില്ലേജുകളില്‍ ഇത് പൂര്‍ത്തിയായിട്ടുണ്ടെന്നും അറിയിക്കുമോ; ഡിജിറ്റല്‍ സര്‍വ്വേ ഇതുവരെ എത്ര വില്ലേജുകളില്‍ പൂര്‍ത്തിയായിട്ടുണ്ടെന്നും ഇതുമായി ബന്ധപ്പെട്ട പരാതി പരിഹരിക്കാന്‍ ഏര്‍പ്പെടുത്തിയിട്ടുള്ള ക്രമീകരണങ്ങള്‍ എന്തെല്ലാമാണെന്നും വ്യക്തമാക്കാമോ;

ഡിജിറ്റല്‍ സര്‍വ്വേ സ്വകാര്യവത്കരണത്തിലേക്ക് നയിക്കാനിടയുണ്ടെന്ന ജീവനക്കാരുടെ ആശങ്ക ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യത്തിലുള്ള നിലപാട് വ്യക്തമാക്കുമോ?

എയ്ഡഡ് വിദ്യാഭ്യാസ സ്ഥാപനങ്ങളില്‍ ഭിന്നശേഷി വിഭാഗക്കാര്‍ക്ക് സംവരണം നല്‍കണമെന്ന കേരള സര്‍ക്കാര്‍ ഉത്തരവ് അടിയന്തരമായി നടപ്പാക്കിയില്ലെങ്കില്‍ പ്രത്യാഘാതം നേരിടേണ്ടി വരുമെന്ന് പ്രസ്തുത സ്ഥാപനങ്ങൾക്ക് സുപ്രീംകോടതി താക്കീത് നല്‍കിയതായി ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

എയ്ഡഡ് സ്ഥാപനങ്ങളിലെ നിയമനങ്ങളിലും ഭരണകാര്യങ്ങളിലും സംസ്ഥാന സര്‍ക്കാരിന് ഇടപെടാന്‍ അവകാശമില്ലെന്ന ഹര്‍ജിക്കാരുടെ വാദം സുപ്രീംകോടതി തള്ളിക്കളഞ്ഞിട്ടുണ്ടോ;

സര്‍ക്കാര്‍ ശമ്പളം നല്‍കുന്ന സാഹചര്യത്തില്‍ സര്‍ക്കാര്‍ നയം അംഗീകരിക്കുവാന്‍ എയ്ഡഡ് മാനേജുമെന്റുകള്‍ക്ക് ഉത്തരവാദിത്തം ഉണ്ടെന്ന് കോടതി വ്യക്തമാക്കിയിട്ടുണ്ടോ;

സര്‍ക്കാര്‍ നയങ്ങള്‍ നടപ്പാക്കാത്ത സ്ഥാപനങ്ങള്‍ക്ക് പണം നല്‍കുന്നത് നിര്‍ത്തലാക്കണമെന്ന് ജസ്റ്റീസ് സഞ്‍ജയ് കിഷന്‍ കൗള്‍ അദ്ധ്യക്ഷനായ ബഞ്ച് നിര്‍ദ്ദേശിച്ചിട്ടുണ്ടോ;

ഇത് സംബന്ധിച്ച് സര്‍ക്കാര്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് അറിയിക്കുമോ?

സംസ്ഥാനത്ത് പൊതുമരാമത്ത് വകുപ്പിന് കീഴിലുള്ള പ്രവൃത്തികള്‍ സംബന്ധിച്ച പരാതികള്‍ക്കായി പ്രത്യേക മൊബെെല്‍ ആപ്ലിക്കേഷന് രൂപം നല്‍കിട്ടുണ്ടോ;

പി.ഡബ്ല്യു.ഡി. ഫോര്‍ യു ആപ്പ് പൂര്‍ണ്ണതോതില്‍ പ്രവര്‍ത്തന സജ്ജമായിട്ടുണ്ടോ; ഇതുവരെ ലഭിച്ച പരാതികളിന്മേല്‍ സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ;

പി.ഡബ്ല്യു.ഡി. ഫോര്‍ യു ആപ്പിലേയ്ക്ക് വരുന്ന പരാതികള്‍ക്ക് പരിഹാരം കാണുന്നതിന് എന്തെല്ലാം ക്രമീകരണങ്ങളാണ് ഏര്‍പ്പെടുത്തിയിട്ടുള്ളതെന്ന് അറിയിക്കാമോ?

സംസ്ഥാനത്ത് പതിനഞ്ച് ലക്ഷത്തിലധികം പേര്‍ ഉപജീവനത്തിനായി ആശ്രയിച്ചുകൊണ്ടിരുന്ന വിനോദസഞ്ചാര മേഖലയുടെ അടച്ചു പൂട്ടല്‍ സമ്പദ് വ്യവസ്ഥയില്‍ ഏല്പിച്ച ആഘാതം കണക്കിലെടുത്ത് സുരക്ഷ ഉറപ്പാക്കിക്കൊണ്ട് വിനോദസഞ്ചാരം ആരംഭിക്കാന്‍ അനുമതി നല്‍കിയിട്ടുണ്ടോ;

വിനോദസഞ്ചാര മേഖലയുടെ പുനരുജ്ജീവനത്തിന് പ്രത്യേക പദ്ധതികള്‍ ആവിഷ്ക്കരിച്ചിട്ടുണ്ടോ;

കോവിഡ് കാരണം വരുമാന രഹിതരായ വിനോദസഞ്ചാര മേഖലയില്‍ തൊഴില്‍ എടുക്കുന്നവര്‍ക്കും സംരംഭകര്‍ക്കും സാമ്പത്തിക പിന്തുണ പദ്ധതികള്‍ നടപ്പാക്കിയിരുന്നോ; വിശദാശം ലഭ്യമാക്കാമോ?

വികസനത്തിന് തടസ്സമാകുന്ന വിധം പൊതുമരാമത്ത് വകുപ്പിന്റെ ഭൂമിയില്‍ വ്യാപകമായ കൈയേറ്റം നടന്നതായി കണ്ടെത്തിയിട്ടുണ്ടോ;

എങ്കില്‍ ഇപ്രകാരം കൈയേറ്റം നടത്തിയവര്‍ ആരെല്ലാമാണെന്ന് കണ്ടെത്തിയിട്ടുണ്ടോ;

കൈയേറ്റം ഒഴിപ്പിക്കുന്നതിന് സ്വീകരിച്ച നടപടികള്‍ വിശദമാക്കുമോ?

കോവിഡിനെ മറയാക്കിക്കൊണ്ട് തൊഴില്‍ സമയം ദീര്‍ഘിപ്പിക്കാനും തൊഴില്‍ കോഡുകൾ ‍ വഴി തൊഴിലാളികളുടെ അവകാശങ്ങൾ ‍ കവരാനും കേന്ദ്ര സര്‍ക്കാര്‍ നിലപാട് സ്വീകരിച്ചതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതുമൂലം മഹാമാരിയുടെ ആഘാതം തൊഴിലാളികളില്‍ കൂടുതല്‍ തീവ്രമാക്കിയ കാര്യം പരിശോധനാവിധേയമാക്കിയിരുന്നോ;

വരുമാനം നിലച്ച തൊഴിലാളികളുടെ അതിജീവനത്തിനായി സംസ്ഥാനത്ത് വിവിധ ക്ഷേമനിധി ബോര്‍ഡുകള്‍ വഴി നടത്തിയ ഇടപെടലുകള്‍ അറിയിക്കാമോ; ധനകമ്മിയുള്ള ക്ഷേമനിധി ബോര്‍ഡുകള്‍ക്ക് സര്‍ക്കാര്‍ പ്രത്യേക സാമ്പത്തിക സഹായം നല്‍കിയിരുന്നോ;

ക്ഷേമനിധി ബോര്‍ഡുകളുടെ ശാക്തീകരണത്തിന് അവലംബിക്കാന്‍ ഉദ്ദേശിക്കുന്ന മാര്‍ഗ്ഗങ്ങള്‍ അറിയിക്കാമോ;

സാമ്പത്തിക പ്രതിസന്ധി നേരിടുന്ന ക്ഷേമനിധി ബോര്‍ഡുകളുടെ പുനരുദ്ധാരണത്തില്‍ സംയോജനം ഉള്‍പ്പെടെയുള്ള മാര്‍ഗങ്ങള്‍ പരിശോധിക്കുന്നുണ്ടോ എന്ന് അറിയിക്കുമോ?

സംസ്ഥാനത്ത് ക്ഷേമനിധികളില്‍ നിന്ന് പെന്‍ഷന്‍ ലഭിക്കുന്നവര്‍ക്ക് സാമൂഹ്യ സുരക്ഷ പെന്‍ഷന്‍ കിട്ടുന്നില്ല എന്ന പരാതി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കുന്നതിന് എന്തെല്ലാം നടപടികളാണ് സ്വീകരിയ്ക്കാനുദ്ദേശിക്കുന്നതെന്ന് വിശദമാക്കാമോ;

അറുപത് വയസ്സുവരെ പണമടച്ച തൊഴിലാളികള്‍ക്കു തുച്ഛമായ പെന്‍ഷനാണ് ക്ഷേമനിധികളില്‍ നിന്ന് ലഭിക്കുന്നത് എന്നതിനാല്‍ അസംഘടിത മേഖലയിലെ തൊഴിലാളികള്‍ക്ക് സാമൂഹ്യ സുരക്ഷ പെന്‍ഷന്‍ ലഭിയ്ക്കാതിരിക്കുന്ന പ്രശ്നം അടിയന്തരമായി പരിഹരിക്കുമോ എന്ന് വിശദമാക്കാമോ;

അസംഘടിത മേഖലയിലെ പ്രസ്തുത തൊഴിലാളികള്‍ക്ക് സാമൂഹ്യ സുരക്ഷ പെന്‍ഷനിലെ കേന്ദ്ര വിഹിതം ലഭ്യമാക്കാന്‍ നടപടി സ്വീകരിക്കുമോ?

സംസ്ഥാനത്ത് പെട്രോള്‍ വില വര്‍ദ്ധനവ് മൂലം പ്രയാസം അനുഭവിക്കുന്ന ഓട്ടോറിക്ഷ ഡ്രൈവര്‍മാരെ സഹായിക്കുന്നതിനായി എന്തെങ്കിലും പദ്ധതി തയ്യാറാക്കിയിട്ടുണ്ടോ;

പെട്രോള്‍, ഡീസല്‍ ഓട്ടോകള്‍ക്ക് പകരം വൈദ്യുതി ഉപയോഗിച്ച് ഓടുന്ന വാഹനങ്ങള്‍ വാങ്ങുന്നതിനായി എന്തെല്ലാം സഹായങ്ങളാണ് അനുവദിക്കാന്‍ ഉദ്ദേശിക്കുന്നത്; വിശദമാക്കുമോ?

പൊതു സമൂഹത്തിൽ ശരിയായ തൊഴില്‍ സംസ്കാരം വളർത്തിയെടുക്കുന്നതിന് ഈ സര്‍ക്കാര്‍ എന്തെല്ലാം ഇടപെടൽ നടത്താനാണ് ഉദ്ദേശിക്കുന്നത്; വ്യക്തമാക്കാമോ;

വിദ്യാർത്ഥികൾക്ക് തൊഴിലിന്റെ മഹത്വം മനസിലാക്കിക്കൊടുക്കുന്നതിനായി കർമ്മചാരി പദ്ധതി പരിഗണനയിലുണ്ടോ; എങ്കില്‍ വിശദാംശം ലഭ്യമാക്കുമോ;

വിദ്യാർത്ഥികൾക്ക് തൊഴിലിന്റെ മഹത്വം മനസിലാക്കുന്ന രീതിയില്‍ പഠനത്തോടൊപ്പം തന്നെ സാധ്യതാ തൊഴില്‍ മേഖലകളുമായി പരിചയം ഉണ്ടാകാന്‍ ഉതകുന്ന സാഹചര്യം സൃഷ്ടിക്കുമോ; വ്യക്തമാക്കുമോ;

ഭാവിയിലെ തൊഴില്‍ സാഹചര്യങ്ങള്‍ മുന്നില്‍ കണ്ട്‌ വിദ്യാര്‍ഥികളുടെ തൊഴില്‍ അഭിരുചികള്‍ പ്രോത്സാഹിപ്പിക്കുന്നതിന് നടപടി സ്വീകരിക്കുമോ?

സംസ്ഥാനത്തെ അതിഥി തൊഴിലാളികളുടെ ക്ഷേമവും നിയന്ത്രണവും സാധ്യമാക്കുന്ന തരത്തിൽ ഡേറ്റാ ബേസ് രൂപീകരിക്കാൻ ഉദ്ദേശിക്കുന്നുണ്ടോ; വ്യക്തമാക്കാമോ;

അതിഥി തൊഴിലാളികളുടെ ഡേറ്റാ ബേസ് തയ്യാറാക്കുന്നതിലൂടെ ഇത് റേഷൻ കാർഡ് മാനേജ്മെന്റ് സിസ്റ്റവുമായി ബന്ധപ്പെടുത്താൻ കഴിയുമോ; വ്യക്തമാക്കാമോ;

അതിഥി തൊഴിലാളികളുടെ ക്ഷേമവും നിയന്ത്രണവും സാധ്യമാക്കുന്നതിന് എന്തെല്ലാം പദ്ധതികളാണ് പരിഗണനയിലുള്ളതെന്ന് അറിയിക്കാമോ;

അതിഥി തൊഴിലാളികള്‍ക്ക് പറഞ്ഞ് ഉറപ്പിക്കുന്ന വേതനം ലഭിക്കുന്നു എന്ന് ഉറപ്പുവരുത്തുന്നതിന് സ്വീകരിച്ച നടപടികള്‍ എന്തെല്ലാമെന്ന് വിശദമാക്കാമോ?

സ്മാര്‍ട്ട് ഫോണുകള്‍ ഇല്ലാത്തതിനാല്‍ പട്ടികജാതി-പട്ടികവര്‍ഗ്ഗ വിഭാഗങ്ങള്‍ക്കിടയില്‍ ഡിജിറ്റല്‍, ഓണ്‍ലെെന്‍ ക്ലാസുകള്‍ നഷ്ടപ്പെടുന്ന വിദ്യാര്‍ത്ഥികളുടെ എണ്ണം ഇതര വിഭാഗങ്ങളേക്കാള്‍ കൂടുതലാണെന്ന് എസ്.സി.ഇ.ആര്‍.ടി.യുടെ പഠനത്തില്‍ കണ്ടെത്തിയിട്ടുണ്ടോ;

ഇപ്രകാരമുള്ള ഡിജിറ്റല്‍ വിഭജനം മൂലം എത്ര ശതമാനം വിദ്യാര്‍ത്ഥികളാണ് വിദ്യാഭ്യാസരംഗത്തു നിന്ന് അകറ്റി നിര്‍ത്തപ്പെടുന്നതെന്ന് വ്യക്തമാക്കുമോ;

ഈ അവസ്ഥ ഭാവിതലമുറയെ ദോഷകരമായി ബാധിക്കുന്നതാകയാല്‍ സാമൂഹ്യനീതി ഉറപ്പാക്കി പ്രസ്തുത പ്രശ്നം പരിഹരിക്കുവാന്‍ നടപടി സ്വീകരിച്ചിട്ടുണ്ടോ;

ഇന്റര്‍നെറ്റ് സംവിധാനങ്ങളുടെയും മറ്റ് പശ്ചാത്തല സൗകര്യങ്ങളുടെയും അഭാവത്തില്‍ പഠനം നഷ്ടമാകുന്ന മലയോരപ്രദേശങ്ങളിലെയും പട്ടികവര്‍ഗ്ഗമേഖലകളിലെയും വിദ്യാര്‍ത്ഥികള്‍ക്ക് പഠനസൗകര്യങ്ങള്‍ ഉറപ്പാക്കാന്‍ അടിയന്തരനടപടി സ്വീകരിക്കുമോ എന്ന് വ്യക്തമാക്കുമോ?

പൊതുവിദ്യാഭ്യാസരംഗത്തെ പ്രവര്‍ത്തന മികവ് സൂചികയില്‍ (പെര്‍ഫോമന്‍സ് ഗ്രേഡിംഗ് ഇന്‍ഡെക്സ്) മുന്‍കാലങ്ങളിലെ പോലെ 2019-20 വര്‍ഷത്തിലും സംസ്ഥാനത്തിന് ഒന്നാം സ്ഥാനം ലഭിച്ചിരുന്നോ എന്നറിയിക്കാമോ;

പ്രധാനമായും എന്തെല്ലാം ഘടകങ്ങള്‍ വിലയിരുത്തിക്കൊണ്ടാണ് പ്രസ്തുത സൂചിക തയ്യാറാക്കുന്നതെന്ന് വ്യക്തമാക്കുമോ;

സംസ്ഥാനത്ത് പൊതുവിദ്യാഭ്യാസ മേഖലയില്‍ അടിസ്ഥാന സൗകര്യവും അധ്യയന നിലവാരവും വര്‍ദ്ധിപ്പിക്കാന്‍ കഴിഞ്ഞ സര്‍ക്കാര്‍ നടത്തിയ പ്രവര്‍ത്തനങ്ങള്‍ വിലയിരുത്തിയിട്ടുണ്ടോ എന്നറിയിക്കാമോ;

സംസ്ഥാനത്തെ പൊതുവിദ്യാഭ്യാസരംഗത്തെ കൂടുതല്‍ ശാക്തീകരിക്കാന്‍ എന്തെല്ലാം പ്രവര്‍ത്തനങ്ങളാണ് ഉദ്ദേശിക്കുന്നതെന്ന് വ്യക്തമാക്കുമോ?

സംസ്ഥാനത്തെ ചരക്കുകടത്തിന്റെ ഇരുപത് ശതമാനം എങ്കിലും കപ്പല്‍ മാര്‍ഗ്ഗം വഴിയാക്കിയാല്‍ ദേശീയ പാതയിലെ വാഹനത്തിരക്കും അപകടവും ഗണ്യമായി കുറയ്കാനാകുമെന്നതിനാല്‍ അതിനായി പ്രത്യേക പദ്ധതി തയ്യാറാക്കിയിട്ടുണ്ടോ ;

പുതുതായി ആരംഭിച്ച അഴീക്കല്‍-കൊച്ചി ചരക്ക് കപ്പല്‍ സര്‍വ്വീസ് കൊല്ലത്തേക്ക് നീട്ടാന്‍ ഉദ്ദേശിക്കുന്നുണ്ടോ; കപ്പല്‍ വഴിയുള്ള ചരക്കുകടത്തിന് നല്‍കി വരുന്ന ഇന്‍സെന്റീവിന്റെ വിശദാംശം അറിയിക്കാമോ;

വിനോദ സഞ്ചാരം, യാത്രക്കാരുടെ സഞ്ചാരം എന്നീ മേഖലകളില്‍ കൂടി തീരക്കടല്‍ ഗതാഗതത്തിന്റെ സാധ്യത വിനിയോഗിക്കുന്നതിന് അതിവേഗ സഞ്ചാരോപാധിയായ കറ്റമരന്‍ ഉള്‍പ്പെടെയുള്ളവ ഏര്‍പ്പെടുത്തുമോ?

റവന്യു വകുപ്പ് മന്ത്രിയുടെ നേതൃത്വത്തിൽ 03.09.2019-ന് ചേർന്ന യോഗത്തിൽ പട്ടയം ലഭിച്ച ശേഷം കർഷകർ നട്ടുവളർത്തിയ മരങ്ങൾ മുറിക്കുന്നതിന് 1964 -ലെ ഭൂപതിവ് ചട്ടങ്ങളിൽ ഭേദഗതി വരുത്താൻ തീരുമാനിച്ചിരുന്നോ;

ഭൂപതിവ് ചട്ടങ്ങളിൽ ഭേദഗതി വരുത്താതെ കർഷകർ നട്ടുവളർത്തിയതോ സ്വാഭാവികമായി വളര്‍ന്നു വന്നതോ ആയ ചന്ദനം ഒഴികെയുള്ള മരങ്ങൾ മുറിക്കുന്നതിന് 24.10.2020-ന് റവന്യൂ വകുപ്പ് പ്രിൻസിപ്പൽ സെക്രട്ടറി ഉത്തരവിറക്കാനുണ്ടായ സാഹചര്യം വെളിപ്പെടുത്താമോ;

പ്രസ്തുത ഉത്തരവിൽ പ്രതിപാദിച്ചിട്ടുള്ളതുപോലെ 2005-ലെ വനേതര ഭൂമിയിലെ മരം മുറിക്കുന്നതുമായി ബന്ധപ്പെട്ട നിയമത്തിന്റെ ആറാം വകുപ്പ് പ്രകാരം പട്ടയ ഭൂമിയിൽ കർഷർ നട്ടുവളർത്തിയതോ സ്വാഭാവികമായി വളര്‍ന്നു വന്നതോ ആയ ചന്ദനം ഒഴികെയുള്ള എല്ലാ മരങ്ങളും മുറിക്കാൻ സാധിക്കുമോയെന്ന് വ്യക്തമാക്കാമോ;

ഇല്ലെങ്കിൽ പ്രസ്തുത ഉത്തരവ് ഇറക്കുന്നതിന് മുൻപ് നിയമ വകുപ്പിന്റെയോ എ.ജി.യുടെയോ അഭിപായം തേടിയിരുന്നോ എന്നറിയിക്കാമോ ?