ആലത്തൂര്‍ നിയോജകമണ്ഡലത്തില്‍ പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി നടപ്പിലാക്കുന്നതും ഭരണാനുമതി ലഭിച്ചതും, പൂര്‍ത്തീകരിച്ചതും, നിര്‍വ്വഹണം പുരോഗമിക്കുന്നതുമായ വിവിധ പ്രവൃത്തികള്‍ ഏതെല്ലാമെന്ന് നിലവിലെ സ്ഥിതി സഹിതം വിശദവിവരം ലഭ്യമാക്കുമോ?

സ്കൂള്‍ അദ്ധ്യാപകര്‍ക്ക് വിദ്യാര്‍ത്ഥികളുമായി ആശയവിനിമയം നടത്തി ക്ലാസ്സുകള്‍ കൈകാര്യം ചെയ്യുവാനുള്ള ഗൂഗിള്‍ മീറ്റ് പരിപാടി സംബന്ധിച്ച പ്രവര്‍ത്തനങ്ങള്‍ എന്തെല്ലാമെന്ന് അറിയിക്കുമോ;

ഇതുമായി ബന്ധപ്പെട്ട പ്ലാറ്റ് ഫോം ഉപയോഗിക്കുവാനായി എന്തെല്ലാം പരിശീലന പ്രവര്‍ത്തനങ്ങള്‍ നടത്താനാണ് സര്‍ക്കാര്‍ ഉദ്ദേശിച്ചിട്ടുള്ളത് എന്നും എപ്പോള്‍ പ്രവര്‍ത്തനമാരംഭിക്കാനാണ് ലക്ഷ്യമിടുന്നത് എന്നും വ്യക്തമാക്കുമോ?

പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി നിലവില്‍ ചാലക്കുടി നിയോജക മണ്ഡലത്തില്‍ നടന്നു വരുന്ന പ്രവൃത്തികള്‍ ഏതൊക്കെയെന്ന് അറിയിക്കുമോ;

പ്രസ്തുത പ്രവൃത്തികള്‍ നിലവില്‍ ഏതു ഘട്ടത്തിലാണെന്ന് വിശദീകരിക്കുമോ?

വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി വിദ്യാലയങ്ങളുടെ അടിസ്ഥാന സൗകര്യങ്ങൾ വർദ്ധിപ്പിക്കുന്നതിന് കിഫ്ബിയിൽ ഉൾപ്പെടുത്തി കാസർഗോഡ് ജില്ലയിൽ എത്ര സ്കൂളുകൾക്കാണ് ഫണ്ട് അനുവദിച്ചതെന്ന് മണ്ഡലം തിരിച്ച് വ്യക്തമാക്കാമോ;

ഓരോ സ്കൂളിനും അനുവദിച്ച തുക എത്രയാണെന്നും ഏതെല്ലാം കാര്യങ്ങൾക്ക് വിനിയോഗിക്കുന്നതിനായാണ് തുക അനുവദിച്ചതെന്നും വ്യക്തമാക്കാമോ;

ഈ സ്കൂളുകളുടെ പ്രവൃത്തി ടെണ്ടർ ചെയ്തോ എന്നും ആരാണ് കരാർ ഏറ്റെടുത്തതെന്നും പ്രവൃത്തി എത്രമാത്രം പൂർത്തിയായെന്നും സ്കൂളും മണ്ഡലവും തിരിച്ച് വ്യക്തമാക്കുമോ;

കിഫ്ബിയിൽ നിന്നല്ലാതെ കഴിഞ്ഞ അഞ്ചുവർഷം ജില്ലയിൽ മറ്റേതെങ്കിലും പദ്ധതിയിൽ നിന്ന് സ്കൂളുകളുടെ അടിസ്ഥാന സൗകര്യങ്ങൾ വർദ്ധിപ്പിക്കുന്നതിന് ഫണ്ട് അനുവദിച്ചിരുന്നോ എന്ന് വ്യക്തമാക്കാമോ;

എങ്കിൽ ഏതെല്ലാം സ്കൂളുകൾക്കാണെന്ന് മണ്ഡലം തിരിച്ച് വ്യക്തമാക്കാമോ?

എന്‍.എസ്.ക്യു.എഫ് കോഴ്സുകള്‍ എല്ലാ സ്കൂളുകളിലേക്കും വ്യാപിപ്പിക്കണമെന്ന് കേന്ദ്ര സര്‍ക്കാര്‍ നിര്‍ദ്ദേശം നല്‍കിയിട്ടുണ്ടോ എന്നറിയിക്കാമോ;

എല്ലാ വിദ്യാര്‍ത്ഥികളും ഏതെങ്കിലും തരത്തിലുള്ള തൊഴില്‍ പരിചയം നേടിയിരിക്കണമെന്ന് എന്‍.എസ്.ക്യു.എഫ്. നിഷ്കര്‍ഷിക്കുന്നുണ്ടോ എന്നറിയിക്കാമോ;

ഏതെല്ലാം തൊഴിലധിഷ്ഠിത കോഴ്സുകളാണ് സ്കില്‍ ക്വാളിഫിക്കേഷന്‍ കമ്മിറ്റി അംഗീകരിച്ചിട്ടുള്ളതെന്ന് അറിയിക്കാമോ ; ഇപ്രകാരമുള്ള ഏതെല്ലാം കോഴ്സുകളാണ് സംസ്ഥാനത്ത് നടപ്പിലാക്കിയിട്ടുള്ളതെന്ന് വ്യക്തമാക്കുമോ;

സംസ്ഥാനത്ത് എന്‍.എസ്.ക്യു.എഫ്. നടപ്പിലാക്കുന്നതുമായി ബന്ധപ്പെട്ട് വിദഗ്ദ്ധ സമിതി നല്‍കിയിരുന്ന ശിപാര്‍ശകള്‍ എന്തെല്ലാമെന്ന് അറിയിക്കാമോ?

സംസ്ഥാനത്തെ സര്‍ക്കാര്‍ സ്കൂളുകള്‍ക്ക് എം.എല്‍.എ/എം.പി ഫണ്ട് മുഖേന സ്കൂള്‍ വാഹനങ്ങള്‍ നല്‍കിയത് സംബന്ധിച്ചുള്ള കണക്ക് ലഭ്യമാണോ; ഇക്കഴിഞ്ഞ 5 വര്‍ഷം ഇങ്ങനെ എത്ര സ്കൂളുകള്‍ക്ക് സ്കൂള്‍ വാഹനങ്ങള്‍ ലഭ്യമായിട്ടുണ്ട് എന്ന് ജില്ല തിരിച്ച് വ്യക്തമാക്കാമോ;

ലോക്ഡൗണ്‍ കാരണം വാഹനങ്ങള്‍ പുറത്തിറക്കാന്‍ കഴിയാതിരുന്നതുമൂലം പല സ്കൂള്‍ വാഹനങ്ങള്‍ക്കും ഭീമമായ തുകയുടെ അറ്റകുറ്റപ്പണി നടത്തേണ്ടിവന്നത് ശ്രദ്ധയില്‍പ്പെട്ടിട്ടുണ്ടോ;

സ്കൂള്‍ പി.ടി.എ കളുടെ നാമമാത്ര ഫണ്ടില്‍ നിന്നും ഇത്തരം സ്കൂള്‍ വാഹനങ്ങളുടെ അറ്റകുറ്റപ്പണിക്കായി ഫണ്ട് കണ്ടെത്താന്‍ കഴിയാത്ത ഗ്രാമീണ മേഖലയിലെ സ്കൂളുകള്‍ക്ക് അറ്റകുറ്റപ്പണികള്‍ നടത്തുന്നതിന് എന്തെങ്കിലും പ്രത്യേക മെയിന്റനന്‍സ് ഗ്രാന്റ് അനുവദിക്കാന്‍ സര്‍ക്കാര്‍ നടപടി സ്വീകരിക്കുമോ; വിശദാംശങ്ങള്‍ ലഭ്യമാക്കാമോ?

കൊറോണ രോഗത്തിന്റെ തോത് കുറഞ്ഞു വരുന്ന മുറയ്ക്ക് വിദ്യാഭ്യാസ സ്ഥാപനങ്ങള്‍ തുറക്കുന്നതിനുവേണ്ടി വിദ്യാര്‍ത്ഥികള്‍ക്ക് വാക്സിനേഷന്‍ ലഭ്യമാക്കുവാന്‍ ആരോഗ്യ വകുപ്പുമായി സഹകരിച്ച് ആവശ്യമായ നടപടി സ്വീകരിച്ചിട്ടുണ്ടോ; ഇല്ലെങ്കില്‍ നടപടി സ്വീകരിക്കുമോയെന്ന് വ്യക്തമാക്കാമോ?

കേന്ദ്രസര്‍ക്കാര്‍ പുറത്തിറക്കിയ യൂണിഫെെഡ് ഡിസ്ട്രിക്ട് ഇന്‍ഫര്‍മേഷന്‍ സിസ്റ്റം ഫോര്‍ എഡ്യുക്കേഷന്‍ പ്ലസ് റിപ്പോര്‍ട്ടില്‍ വിദ്യാഭ്യാസമേഖലയില്‍ സംസ്ഥാനത്തിന്റെ സവിശേഷതകള്‍ പ്രതിപാദിച്ചിട്ടുണ്ടോ; എങ്കില്‍ വിശദാംശങ്ങള്‍ വ്യക്തമാക്കാമോ;

ഡിജിറ്റല്‍ പഠന സൗകര്യം, ലെെബ്രറി, കുടിവെള്ളം, വെെദ്യുതി, ടോയ്‍ലെറ്റ് തുടങ്ങിയ സംവിധാനങ്ങള്‍ ഏര്‍പ്പെടുത്തുന്നതില്‍ പ്രസ്തുത കേന്ദ്ര റിപ്പോര്‍ട്ട് അനുസരിച്ച് കേരളം ഇതര സംസ്ഥാനങ്ങളില്‍ നിന്നും ഏതൊക്കെ തരത്തില്‍ വ്യത്യാസപ്പെട്ടിരിക്കുന്നു; വിശദാംശങ്ങള്‍ വ്യക്തമാക്കാമോ?

പൊതുവിദ്യാലയങ്ങളിലെ പാചക തൊഴിലാളികൾക്ക് നിലവിൽ നൽകി വന്നിരുന്ന ഓണറേറിയം, കോവിഡ് കാരണം സ്കൂളുകൾ അടച്ചിട്ടിരുന്ന കാലത്തും അതേ നിരക്കിൽ നല്കിയിട്ടുണ്ടോയെന്ന് വ്യക്തമാക്കാമോ;

ഇവരുടെ ഓണറേറിയം മുടങ്ങാതെ നൽകുന്നതിന് എന്തെല്ലാം നടപടികൾ സ്വീകരിച്ചിട്ടുണ്ടെന്ന് വ്യക്തമാക്കാമോ;

കോവിഡ് കാലത്ത് സ്‌കൂളുകൾ അടച്ചിട്ടിരിക്കുന്നതിനാൽ പാചക തൊഴിലാളികളുടെ ദയനീയമായ സാമ്പത്തിക സാഹചര്യങ്ങളും നിലവിലെ ജീവിത നിലവാര സൂചികകളും കണക്കിലെടുത്ത് അനുവദനീയമായതിന്റെ പകുതി നിരക്കിലെങ്കിലും ഇവർക്ക് ഓണറേറിയം അനുവദിക്കുന്നതിന് നടപടികൾ സ്വീകരിക്കാമോ;

സർക്കാർ സർവ്വീസിലെ കാറ്റഗറി രണ്ട് വിഭാഗം പാർട്ട് ടൈം സ്വീപ്പർമാർക്ക് അനുവദിക്കുന്ന മിനിമം വേതനം എങ്കിലും പൊതുവിദ്യാലയങ്ങളിലെ പാചക തൊഴിലാളികൾക്കും അനുവദിക്കുന്നതിന് നടപടികൾ സ്വീകരിക്കാമോ?

മുഖ്യമന്ത്രിയുടെ ദുരിതാശ്വാസനിധി മാതൃകയില്‍ വിദ്യാഭ്യാസശാക്തീകരണത്തിന് നിധി സ്വരൂപിക്കാന്‍ സര്‍‍‍ക്കാര്‍ ഉദ്ദേശിക്കുന്നുണ്ടോ; വിശദാംശങ്ങള്‍ അറിയിക്കാമോ;

എങ്കില്‍ പ്രസ്തുത ഫണ്ട് ഏത് രീതിയിലാണ് വിനിയോഗിക്കാന്‍ ഉദ്ദേശിക്കുന്നത് എന്ന് വ്യക്തമാക്കാമോ;

വിദ്യാഭ്യാസത്തിന്റെ ആധുനികവല്‍ക്കരണത്തിനും നിര്‍ദ്ധനരായ വിദ്യാര്‍ത്ഥികള്‍ക്കും പ്രസ്തുത ഫണ്ട് എപ്രകാരം പ്രയോജനപ്രദമാകും എന്ന് വിശദീകരിക്കാമോ?

മലപ്പുറം വിദ്യാഭ്യാസ ഡെപ്യുട്ടി ഡയറക്ടർ ഓഫീസിന്റെ ശോചനീയാവസ്ഥ ശ്രദ്ധയില്‍പ്പെട്ടിട്ടുണ്ടോ; ആയത് പരിഹരിക്കുന്നതിന് സത്വര നടപടികള്‍ സ്വീകരിക്കുമോ;

മലപ്പുറം സിവില്‍ സ്റ്റേഷനില്‍ അനുയോജ്യമായ കെട്ടിടസൗകര്യങ്ങള്‍ കണ്ടെത്തിയിട്ടുണ്ടോ; ഇതിനായി സ്വീകരിച്ച നടപടികള്‍ വിശദീകരിക്കാമോ ?

പൊതുവിദ്യാഭ്യാസവകുപ്പിന്റെ കീഴില്‍ പൊതുവിദ്യാഭ്യാസം, ഹയര്‍ സെക്കണ്ടറി, വൊക്കേഷണല്‍ ഹയര്‍ സെക്കണ്ടറി എന്നീ വിഭാഗങ്ങളെ ലയിപ്പിച്ച് ഒറ്റ വകുപ്പാക്കി മാറ്റുന്നതിനുളള നടപടികളുടെ നിലവിലുളള അവസ്ഥ വിശദമാക്കാമോ?

സ്കൂളുകളില്‍ നീന്തല്‍ പാഠ്യപദ്ധതി നടപ്പിലാക്കുന്നതിന്റെ ഭാഗമായി ഒരു നിയോജകമണ്ഡലത്തിലെ ഒരു വിദ്യാലയത്തില്‍ ഒരു നീന്തല്‍ക്കുളം എന്ന പദ്ധതിയില്‍ ഉള്‍പ്പെടുത്തുന്നതിനുള്ള സ്കൂളുകളുടെ സെലക്ഷന്‍ നടപടി പൂര്‍ത്തിയായിട്ടുണ്ടോയെന്ന് വ്യക്തമാക്കാമോ;

തിരുവനന്തപുരം ജില്ലയിലെ ഏതെല്ലാം സ്കൂളുകളാണ് ഇതിലേക്ക് തെരഞ്ഞെടുക്കപ്പെട്ടിട്ടുള്ളതെന്ന് വ്യക്തമാക്കാമോ?

കോവിഡ് കാരണം ഓണ്‍ലൈന്‍ പഠനം നടക്കുന്ന സമയത്ത് കുട്ടികളില്‍ ഉണ്ടാകുന്ന മാനസിക സംഘര്‍ഷം പരിഹരിക്കുന്നതിന് സര്‍ക്കാര്‍ പദ്ധതികള്‍ എതൊക്കെയെന്നു അറിയിക്കാമോ;

തുടര്‍ച്ചയായി മൊബൈല്‍, ലാപ്‍ടോപ്പ് എന്നീ ഉപകരണങ്ങള്‍ ഉപയോഗിക്കുന്ന വിദ്യാര്‍ത്ഥികള്‍ക്ക് ശാരീരിക മാനസിക ബുദ്ധിമുട്ടുകള്‍ ഒഴിവാക്കുന്നതിന് എന്തൊക്കെ നിര്‍ദ്ദേശങ്ങള്‍ നല്‍കിയിട്ടുണ്ട് എന്ന് വ്യക്തമാക്കാമോ; ഈ നിര്‍ദ്ദേശങ്ങള്‍ രക്ഷിതാക്കളെ അറിയിക്കുന്നുണ്ടോ എന്ന് വ്യക്തമാക്കാമോ;

കുട്ടികളുടെ മെച്ചപ്പെട്ട ആരോഗ്യം നിലനിര്‍ത്താനായി സ്പോര്‍ട്സ് മേഖലയില്‍ എന്തൊക്കെ ക്രമീകരണങ്ങള്‍ ആണ് കോവിഡ് മഹാമാരി കാരണം ഏര്‍പ്പെടുത്തിയിട്ടുള്ളത് എന്ന് വ്യക്തമാക്കാമോ;

പൊതുപരിപാടികള്‍ക്ക് നിയന്ത്രണം ഉള്ള അവസ്ഥയില്‍ കുട്ടികളുടെ കലാരംഗത്തെ കഴിവ് പ്രോത്സാഹിപ്പിക്കുന്നതിനായി എന്തൊക്കെ പദ്ധതികള്‍ ആണ് നിലവില്‍ ഉള്ളത് എന്നറിയിക്കാമോ?

പൊതുവിദ്യാഭ്യാസ വകുപ്പില്‍ സീനിയര്‍ സൂപ്രണ്ടിനുശേഷം വരുന്ന പ്രൊമോഷന്‍ തസ്തികയുടെ പേര് പേഴ്സണല്‍ അസിസ്റ്റന്റ് എന്നത് മാറ്റി അഡ്മിനിസ്ട്രേറ്റീവ് ഓഫീസര്‍ ഗ്രേഡ് II എന്ന് പുനര്‍നാമകരണം ചെയ്യാന്‍ 2016-ലെ ശമ്പള പരിഷ്ക്കരണ ഉത്തരവില്‍ നിര്‍ദ്ദേശിച്ചിരുന്നോ എന്നറിയിക്കാമോ;

ഉണ്ടെങ്കില്‍ പ്രസതുത തീരുമാനം നടപ്പിലാക്കുന്നതിന്റെ നടപടിക്രമങ്ങളുടെ പുരോഗതി വിശദമാക്കാമോ?

നമ്മുടെ നാട്ടില്‍ വര്‍ദ്ധിച്ചു വരുന്ന ലഹരി ഉപയോഗവും ലഹരി മാഫിയകളുടെ കടന്നു കയറ്റവും കാരണം യുവതലമുറയുടെ ഭാവി തകരുന്ന ഗുരുതരമായ സ്ഥിതി വിശേഷമുള്ള ഇക്കാലത്ത് പ്രൈമറി തലം മുതല്‍ ഹയര്‍ സെക്കന്ററി തലം വരെയുള്ള വിദ്യാര്‍ത്ഥികള്‍ക്ക് ഈ സന്ദേശം പകരത്തക്ക വിധം പാഠ്യപദ്ധതിയില്‍ ആവശ്യമായ കൂട്ടിച്ചേര്‍ക്കലുകള്‍ വരുത്തുവാന്‍ നടപടികള്‍ സ്വീകരിക്കുമോ;വ്യക്തമാക്കാമോ?

ഹയർ സെക്കന്‍ഡറി വൊക്കേഷണൽ ഹയർ സെക്കൻഡറി എന്നീ മേഖലയിൽ സർക്കാർ എയ്ഡഡ് സ്ഥാപനങ്ങളിൽ എത്ര സീറ്റുകളാണ് നിലവിലുള്ളത്; തരം തിരിച്ച് വ്യക്തമാക്കാമോ;

ഫുൾ എ പ്ലസ് നേടിയ കുട്ടികൾക്ക് അവർ ആവശ്യപ്പെടുന്ന കോഴ്സിന് ആവശ്യപ്പെടുന്ന സ്കൂളുകളില്‍ അഡ്മിഷൻ നൽകാനുള്ള സംവിധാനം ഒരുക്കുമോ?

2020,2021 വര്‍ഷങ്ങളില്‍ പരീക്ഷ ഭവന്‍ നടത്തുന്ന എത്ര കെ.ജി.റ്റി.ഇ പരീക്ഷകളാണ് റദ്ദ് ചെയ്തിട്ടുള്ളതെന്ന് വ്യക്തമാക്കാമോ;അവ ഏതെല്ലാമാണ്; ആയത് സംബന്ധിച്ച് ഉത്തരവ് പുറപ്പെടുവിച്ചിട്ടുണ്ടെങ്കില്‍ പകര്‍പ്പ് ലഭ്യമാക്കുമോ;

2020,2021 വര്‍ഷങ്ങളില്‍ കെ.ജി.റ്റി.ഇ ടൈപ്പ് റൈറ്റിംങ് , ഷോര്‍ട്ട് ഹാന്റ് പരീക്ഷകള്‍ക്കുള്ള വിജ്ഞാപനം പുറപ്പെടുവിക്കാതിരുന്നത് കാരണം വിദ്യാര്‍ത്ഥികള്‍ക്കുണ്ടായ ബുദ്ധിമുട്ട് പരിഹരിക്കുന്നതിന് എത്രയും വേഗം കെ.ജി.റ്റി.ഇ പരീക്ഷകള്‍ക്കുള്ള വിജ്ഞാപനം പുറപ്പെടുവിച്ച് പരീക്ഷ നടത്തുന്നതിന് നടപടി സ്വീകരിക്കുമോ;

പരീക്ഷാഭവന്‍ നടത്തുന്ന എല്ലാ കെ.ജി.റ്റി.ഇ പരീക്ഷകളും സമയബന്ധിതമായി നടത്തുന്നതിന് നടപടി സ്വീകരിക്കുമോയെന്ന് അറിയിക്കുമോ?

സര്‍ക്കാരിതര സ്കൂളുകള്‍ പേരിനൊപ്പം പബ്ലിക് എന്ന വാക്ക് ചേര്‍ക്കുന്നത് കേന്ദ്ര സര്‍ക്കാര്‍ വിലക്കിയിട്ടുള്ളത് സംസ്ഥാന സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

എങ്കില്‍ അതിന്റെ വിശദ വിവരങ്ങളും ഇത് സംബന്ധിച്ച് സ്വീകരിച്ച നടപടികള്‍ എന്തൊക്കെയെന്നും അറിയിക്കാമോ;

സര്‍ക്കാരിതര സ്കൂളുകള്‍ തെറ്റിദ്ധാരണയുളവാക്കത്തക്കവിധം പേരിനൊപ്പം പബ്ലിക് എന്ന വാക്ക് ചേര്‍ക്കുന്നത് ഒഴിവാക്കാന്‍ നടപടി സ്വീകരിക്കുമോ?

12.7.2018-ല്‍ നിലവില്‍ വന്ന ഇടുക്കി ജില്ലയിലെ ഹൈസ്ക്കൂള്‍ അസിസ്റ്റന്റ് നാച്വറല്‍ സയന്‍സ് റാങ്ക് ലിസ്റ്റില്‍ നിന്നും എത്ര നിയമനങ്ങള്‍ നടന്നിട്ടുണ്ട്;

നിലവിലുള്ള എച്ച്. എസ്. എ. നാച്വറല്‍ സയന്‍സ് ലിസ്റ്റില്‍ നിന്നും വിദ്യാര്‍ത്ഥി-അധ്യാപക അനുപാതം അനുസരിച്ച് നിയമനം നടത്താമോ;

ഇടുക്കി ജില്ലയിലെ എല്ലാ ഹെെസ്കൂളുകളിലും അദ്ധ്യാപക തസ്തിക സൃഷ്ടിക്കുന്നതിനായി പ്രസ്തുത അനുപാതത്തില്‍ മാറ്റം വരുത്താമോ; വിശദാംശങ്ങള്‍ ലഭ്യമാക്കാമോ?

സംസ്ഥാനത്തെ പൊതുവിദ്യാലയങ്ങളിലെ കുട്ടികളുടെ കോവിഡ് കാല പഠനവുമായി ബന്ധപ്പെട്ട് 'വീട് ഒരു വിദ്യാലയം' എന്ന പരിപാടി സമഗ്രശിക്ഷാ കേരളം മുഖേന നടപ്പിലാക്കുന്നുണ്ടോയെന്ന് വ്യക്തമാക്കാമോ;

എന്തെല്ലാം പ്രവര്‍ത്തനങ്ങളാണ് പ്രസ്തുത പരിപാടിയിലൂടെ കുട്ടികളുടെ വീടുകളില്‍ സജ്ജമാക്കുന്നതെന്ന് വ്യക്തമാക്കുമോ;

ഏതെല്ലാം ക്ലാസ്സുകളിലെ കുട്ടികള്‍ക്കാണ് പ്രസ്തുത പരിപാടിയുടെ പ്രയോജനം ലഭിക്കുന്നതെന്ന് അറിയിക്കാമോ?

വിക്ടേഴ്സ് ചാനല്‍വഴി സംപ്രേഷണം ചെയ്യുന്ന ക്ലാസ്സുകളിലൂടെ കുട്ടികൾ നേടിയ അറിവുകള്‍ പരിശോധിക്കുന്നതിനും മൂല്യനിര്‍ണ്ണയം നടത്തുന്നതിനും എന്തെല്ലാം നടപടികളാണ് വകുപ്പ് തലത്തില്‍ സ്വീകരിച്ചിട്ടുള്ളതെന്ന് അറിയിക്കുമോ?

ബി.എസ്.സി. മൈക്രോബയോളജി, ബി.എസ്.സി. ബയോടെക്‌നോളജി എന്നീ യോഗ്യത നേടിയവര്‍ക്ക് എച്ച്.എസ്.എ. നാച്ചുറൽ സയൻസ് തസ്തികയില്‍ നിയമനം നല്‍കാം എന്ന് സര്‍ക്കാര്‍ മുന്‍കാലങ്ങളില്‍ ഉത്തരവ് നല്‍കിയിട്ടുണ്ടോ; എങ്കിൽ ഉത്തരവിന്റെ പകര്‍പ്പ് ലഭ്യമാക്കാമോ;

അതേപ്രകാരം ബി.എസ്.സി. ബയോകെമിസ്ട്രി യോഗ്യതയുള്ളവര്‍ക്ക് എച്ച്.എസ്.എ. നാച്ചുറൽ സയൻസ് തസ്തികയില്‍ സര്‍ക്കാര്‍ - എയ്ഡഡ് സ്കൂളുകളില്‍ ജോലി ലഭിക്കുന്നതിന് നിലവിലുള്ള ചട്ടങ്ങളില്‍ ഭേദഗതി വരുത്തുവാന്‍ നടപടികള്‍ സ്വീകരിക്കുമോ;

ബി.എസ്.സി. ബയോകെമിസ്ട്രി യോഗ്യതയുള്ളവര്‍ക്ക് എച്ച്.എസ്.എ. നാച്ചുറൽ സയൻസ് തസ്തികയില്‍ ജോലിക്ക് അപേക്ഷ നല്‍കുന്നതിന് തടസ്സമില്ല എന്ന് ഉന്നതവിദ്യാഭ്യാസ കൗണ്‍സില്‍ അഭിപ്രായം നല്‍കിയത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

ഇതുസംബന്ധിച്ച് സര്‍ക്കാരിന്റെ പക്കലുള്ള ഫയലിന്റെ പുരോഗതി വ്യക്തമാക്കാമോ; ഈ വിഷയം സംബന്ധിച്ച് മറ്റ് ബന്ധപ്പെട്ട ഓഫീസുകളില്‍ നിന്നും റിപ്പോര്‍ട്ട് ആവശ്യപ്പെട്ടിട്ടുണ്ടെങ്കില്‍ ആയതിന്റെ പകര്‍പ്പും റിപ്പോര്‍ട്ടിന്റെ പകര്‍പ്പും നല്‍കാമോ?

സംസ്ഥാനത്ത് വൊക്കേഷണൽ ഹയർ സെക്കണ്ടറി മേഖലയിൽ സർക്കാർ,എയ്ഡഡ് സ്ഥാപനങ്ങളിൽ എത്ര സീറ്റുകളാണ് നിലവിലുള്ളത് എന്ന് അറിയിക്കുമോ?

കോവിഡിന്റെ പശ്ചാത്തലത്തിൽ പട്ടികജാതി, പട്ടികവര്‍ഗ്ഗ, മത്സ്യത്തൊഴിലാളി മേഖലകളില്‍ നിന്നുള്ള കുട്ടികളുടെ പഠനനിലവാരം വിലയിരുത്തിയിട്ടുണ്ടോ; വിശദാംശങ്ങൾ നൽകാമോ?

ലബ്ബ കമ്മിറ്റി റിപ്പോർട്ടിലെ ശിപാർശകള്‍ നടപ്പാക്കാൻ സർക്കാർ എന്തെങ്കിലും നടപടി സ്വീകരിച്ചിരുന്നോ; ഇല്ലെങ്കിൽ അവ നടപ്പാക്കാൻ അടിയന്തര നടപടി സ്വീകരിക്കുമോ എന്നറിയിക്കാമോ?

കോവിഡ് 19 നെ തുടര്‍ന്ന് വിദ്യാലയങ്ങള്‍ തുറന്നു പ്രവര്‍ത്തിക്കാത്ത സാഹചര്യത്തില്‍, പ്ലസ് ടു ലെവല്‍ വരെയുള്ള വിദ്യാര്‍ത്ഥികളുടെ ക്ലാസ്സുകള്‍ നടത്തുന്നതിന് എന്തൊക്കെ സംവിധാനങ്ങളാണ് പൊതു വിദ്യാഭ്യാസ വകുപ്പ് ഏര്‍പ്പെടുത്തിയിട്ടുള്ളത് എന്ന് വിശദമാക്കാമോ;

ഡിജിറ്റല്‍ പഠനത്തിനു പുറമേ ഓണ്‍ലൈന്‍ ക്ലാസ്സുകള്‍ നടത്തുന്നതിന് സ്കൂളുകള്‍ കേന്ദ്രീകരിച്ച് എന്തൊക്കെ സംവിധാനങ്ങളാണ് ഏര്‍പ്പെടുത്തിയിട്ടുള്ളതെന്നും എന്നു മുതല്‍ ഓണ്‍ലൈന്‍ പഠന ക്ലാസ്സുകള്‍ ആരംഭിക്കാനാണ് ഉദ്ദേശിക്കുന്നതെന്നും വ്യക്തമാക്കുമോ;

ഓണ്‍ലൈന്‍ പഠന സാമഗ്രികള്‍ ലഭ്യമല്ലാത്ത പാവപ്പെട്ട മത്സ്യത്തൊഴിലാളി കുടുംബങ്ങളിലെ കുട്ടികള്‍ക്കും മറ്റ് അര്‍ഹരായ വിദ്യാര്‍ത്ഥികള്‍ക്കും പഠന സാമഗ്രികള്‍ ലഭ്യമാക്കാന്‍ എന്തെങ്കിലും പദ്ധതി സര്‍ക്കാര്‍ നടപ്പാക്കുന്നുണ്ടോ; വിശദാംശങ്ങള്‍ ലഭ്യമാക്കാമോ?

ദേശീയ വിദ്യാഭ്യാസ നയം നടപ്പാക്കുന്നതിന്റെ ഭാഗമായി സംസ്ഥാനത്ത് ദീര്‍ഘനാളായി നല്ല നിലയില്‍ പ്രവര്‍ത്തിക്കുന്ന അംഗീകാരം ലഭിയ്ക്കാത്ത സ്കൂളുകള്‍ക്ക് അംഗീകാരം നല്‍കുന്നതിന് നടപടി ഉണ്ടാകുമോ; എങ്കില്‍ വിശദാംശം ലഭ്യമാക്കുമോ;

നിരവധി വര്‍ഷങ്ങള്‍ ആയിട്ടും അംഗീകാരം ലഭിക്കാത്ത സ്കൂളുകളുടെ വിശദവിവരം ലഭ്യമാക്കുമോ;

കെ. ഇ. ആര്‍. പ്രകാരം സൗകര്യങ്ങളുള്ളതും ജനങ്ങള്‍ക്ക്‌ വളരെ ഗുണകരമായി പ്രവര്‍ത്തിക്കുന്നതുമായ അംഗീകാരം ലഭിയ്ക്കാത്ത മുഴുവന്‍ സ്കൂളുകള്‍ക്കും അംഗീകാരം നല്‍കുന്നത് പരിഗണിക്കുമോ?

സ്കൂൾ ഉച്ചഭക്ഷണ പദ്ധതി പ്രകാരം കിച്ചൺ സ്റ്റോർ നിർമ്മിക്കുന്നതിനായി സംസ്ഥാനത്തിന്റെ നാല്‍പ്പത് ശതമാനം വിഹിതവും കേന്ദ്രത്തിന്റെ അറുപത് ശതമാനം വിഹിതവും ചേർത്തുള്ള തുക 24.02.2021-ന് സ്‍കൂള്‍ ഹെഡ്മാസ്റ്റർമാരുടെ അക്കൗണ്ടിലേക്ക് നൽകിയിരുന്നോ;

പ്രസ്തുത തുക 2021 മാർച്ച് മുപ്പത്തി ഒന്നിന് തിരിച്ചു പിടിച്ചിരുന്നോ;

പ്രസ്തുത തുക പിന്നീട് തിരിച്ചു നൽകിയോ; ഇല്ലെങ്കിൽ കാരണം വ്യക്തമാക്കുമോ;

മേൽപ്പറഞ്ഞ ഫണ്ട് ഏതു വർഷത്തിലാണ് കേന്ദ്രസർക്കാർ അനുവദിച്ചതെന്ന് അറിയിക്കുമോ; പ്രസ്തുത തുക എപ്പോൾ തിരികെ ലഭിക്കുമെന്ന് വ്യക്തമാക്കുമോ?

സംസ്ഥാനത്തെ സ്കൂളുകളിലെ പാചക തൊഴിലാളികള്‍ക്ക് വേനലവധിക്കാലത്ത് നല്‍കിയിരുന്ന ആശ്വാസധനവും കോവിഡ് സമാശ്വാസവും കുടിശികയായിട്ടുള്ള കാര്യം ശ്രദ്ധയില്‍പ്പെട്ടിട്ടുണ്ടോ;

സ്കൂള്‍ പാചക തൊഴിലാളികളുടെ വേതനവും ആനുകൂല്യങ്ങളും എത്രയും വേഗം വിതരണം ചെയ്യുന്നതിന് നടപടി സ്വീകരിക്കുമോയെന്ന് അറിയിക്കുമോ?

ഓണ്‍ലൈന്‍ പഠനത്തിനായി രണ്ടു ലക്ഷത്തോളം വിദ്യാർത്ഥികൾ ഡിജിറ്റൽ സൗകര്യമില്ലാതെ വലയുമ്പോൾ 1.20 ലക്ഷം കമ്പ്യൂട്ടറുകൾ വിദ്യാഭ്യാസവകുപ്പിൽ കെട്ടിക്കിടക്കുന്നതായുള്ള റിപ്പോർട്ടുകൾ ശ്രദ്ധയിൽപ്പെട്ടിട്ടുണ്ടോ;

സർക്കാർ വിദ്യാലയങ്ങൾ ഹൈടെക് ആക്കുന്നതിന് വേണ്ടി വാങ്ങിയ കമ്പ്യൂട്ടറുകളാണോ ഇപ്രകാരം ജില്ലാ വിദ്യാഭ്യാസ ഓഫീസുകളിൽ അടക്കം സൂക്ഷിച്ചിരിക്കുന്നതെന്നറിയിക്കാമോ;

എങ്കിൽ ആദിവാസി മേഖലകളിലെ ബാലവിഭവ കേന്ദ്രങ്ങൾക്കും മെന്റർ ടീച്ചർമാർക്കും പ്രസ്തുത കമ്പ്യൂട്ടറുകൾ വിതരണം ചെയ്യുന്നതിന് നടപടി സ്വീകരിക്കുമോ?

2021-ലെ എസ്.എസ്.എല്‍.സി. പരീക്ഷയില്‍ നിലമ്പൂര്‍ മണ്ഡലത്തില്‍ എത്ര വിദ്യാര്‍ത്ഥികള്‍ ഉപരിപഠനത്തിന് അര്‍ഹത നേടിയിട്ടുണ്ട് എന്നറിയിക്കാമോ; ഇതില്‍ എത്ര പേര്‍ക്കാണ് മുഴുവന്‍ വിഷയത്തിലും A+ ലഭിച്ചിട്ടുള്ളതെന്ന് അറിയിക്കാമോ;

പ്രസ്തുത മണ്ഡലത്തില്‍ ഹയര്‍ സെക്കണ്ടറി, വൊക്കേഷണല്‍ ഹയര്‍ സെക്കണ്ടറി, എന്നീ വിഭാഗങ്ങളില്‍ സര്‍ക്കാര്‍, എയിഡഡ്, അണ്‍ എയ്ഡഡ് മേഖലയില്‍ എത്ര സീറ്റുകള്‍ വീതമാണ് നിലവിലുള്ളതെന്ന് വിശദീകരിക്കാമോ;

ഉപരിപഠനത്തിന് യോഗ്യത നേടിയ മുഴുവന്‍ വിദ്യാര്‍ത്ഥികള്‍ക്കും പഠനാവസരം ഉറപ്പാക്കാന്‍ എന്തു നടപടിയാണ് സ്വീകരിക്കാന്‍ ഉദ്ദേശിക്കുന്നത്; നിലവിലുള്ള സ്ഥാപനങ്ങളില്‍ ഒന്നാം വര്‍ഷ പ്രവേശനത്തിന് സീറ്റുകള്‍ വര്‍ദ്ധിപ്പിക്കുന്നതിനോ മറ്റു ജില്ലകളിലെ അധികമുള്ള ബാച്ചുകള്‍ പുനര്‍വിന്യസിക്കുന്നതിനോ നടപടി സ്വീകരിക്കുമോ?

സംസ്ഥാനത്ത് സ്വകാര്യ മേഖലയില്‍ ഓണ്‍ലൈന്‍ വിദ്യാഭ്യാസ പഠനവുമായി ബന്ധപ്പെട്ട് വിവിധ മൊബൈല്‍ ആപ്ലിക്കേഷനുകളും ഓണ്‍ലൈന്‍ ട്യൂഷനുകളും പ്രചരിപ്പിക്കുന്നതും വില്‍ക്കപ്പെടുന്നതും ശ്രദ്ധയില്‍പ്പെട്ടിട്ടുണ്ടോയെന്ന് അറിയിക്കുമോ;

ഇത്തരം ആപ്ലിക്കേഷനുകളില്‍ ചിലത് വിദ്യാര്‍ത്ഥികളെയും രക്ഷിതാക്കളെയും ഒരു പോലെ ചൂഷണം ചെയ്യുന്നതായ പരാതികള്‍ ശ്രദ്ധയില്‍പ്പെട്ടിട്ടുണ്ടോ;

ഇത്തരം ആപ്ലിക്കേഷനുകള്‍ നിയന്ത്രിക്കുന്നതിന് വിദ്യാഭ്യാസ വകുപ്പിന് എന്തെല്ലാം സംവിധാനങ്ങളാണ് നിലവിലുള്ളതെന്ന് വ്യക്തമാക്കുമോ;

ഇത്തരത്തിലുള്ള ആപ്ലിക്കേഷനുകളുടെ ഗുണനിലവാരം പരിശോധിക്കുന്നതിനും നിയന്ത്രിക്കാനും നടപടികള്‍ സ്വീകരിക്കുമോയെന്ന് അറിയിക്കുമോ?

സംസ്ഥാനത്ത് പൊതുവിദ്യാഭ്യാസ മേഖലയില്‍ സര്‍ക്കാര്‍,എയ്ഡഡ് വിഭാഗത്തിലായി എത്ര പഠിതാക്കളുണ്ടെന്നും അവര്‍ക്ക് കാലാകാലങ്ങളില്‍ പാഠപുസ്തകം നല്‍കിയതുപോലെ, ഡിജിറ്റല്‍ ഉപകരണങ്ങള്‍ ലഭ്യമാക്കാനായി ഈ സര്‍ക്കാര്‍ സ്വീകരിച്ചുവരുന്ന പ്രധാന പ്രവര്‍ത്തനങ്ങള്‍ എന്തെല്ലാമെന്നും വ്യക്തമാക്കുമോ;

ഇതിനായുള്ള ജനകീയ പ്രചരണം, ഉപകരണങ്ങള്‍ ആവശ്യമായ കുട്ടികളെ കണ്ടെത്തല്‍, അവര്‍ക്ക് ഉപകരണം ഉറപ്പുവരുത്താനുള്ള ഫണ്ട് ശേഖരണം, ആദിവാസി മേഖലയ്ക്കും മറ്റു പിന്നോക്കാവസ്ഥയുള്ള പ്രദേശങ്ങള്‍ക്കും മുന്‍ഗണന നല്‍കി ഉപകരണങ്ങള്‍ ലഭ്യമാക്കല്‍ എന്നിവയ്ക്കായി ഈ സര്‍ക്കാര്‍ സ്വീകരിച്ചു വരുന്ന പ്രധാന പ്രവര്‍ത്തനങ്ങള്‍ എന്തെല്ലാമെന്ന് വ്യക്തമാക്കുമോ?

പൊതുവിദ്യാഭ്യാസ വകുപ്പ് മുഖാന്തരം എന്തെല്ലാം പ്രധാന പദ്ധതികളാണ് ഈ സര്‍ക്കാര്‍ നടപ്പിലാക്കിയിട്ടുള്ളതെന്ന് വിശദമാക്കാമോ; ഇതില്‍ ഓരോ പ്രവൃത്തിക്കും അനുവദിച്ച തുകയും ഓരോ പ്രവൃത്തിയുടെയും നിലവിലെ സ്ഥിതിയും വ്യക്തമാക്കാമോ?

സംസ്ഥാനത്തെ പൊതുവിദ്യാലയങ്ങളിൽ പ്രവേശനം നേടുന്ന വിദ്യാർത്ഥികളുടെ എണ്ണം വർദ്ധിച്ചത് വിദ്യാലയങ്ങളിൽ മികച്ച പ്രീ പ്രൈമറി ക്ലാസുകൾ ഏർപ്പെടുത്തിയത് കൂടി കൊണ്ടാണെന്നതിൽ സർക്കാരിന്റെ വിലയിരുത്തൽ അറിയിക്കാമോ;

പൊതുവിദ്യാലയങ്ങളിലെ പ്രീ പ്രൈമറി വിഭാഗം അദ്ധ്യാപകരുടെ സേവന വേതന വ്യവസ്ഥകൾ എന്തെല്ലാമെന്ന് നിശ്ചയിച്ചിട്ടുണ്ടോ;വിശദമാക്കാമോ;

പൊതുവിദ്യാലയങ്ങളിൽ വർഷങ്ങളായി ശമ്പളമില്ലാതെ ജോലി നോക്കുന്ന പ്രീ പ്രൈമറി വിഭാഗം അദ്ധ്യാപകരുടെ വേതനം ഈ മഹാമാരി കാലഘട്ടത്തിലെ വറുതികൾ പരിഗണിച്ചെങ്കിലും അനുവദിച്ച് നൽകുന്നതിന് നടപടികൾ സ്വീകരിക്കാമോ; ഉദ്ദേശിത നടപടികൾ വിശദമാക്കാമോ;

പൊതു വിദ്യാലയങ്ങളിലെ പ്രീ പ്രൈമറി വിഭാഗം ക്ലാസ്സുകൾ അഭിലഷണീയമായ രീതിയിൽ പ്രവർത്തിപ്പിക്കുന്നതിന് തദ്ദേശ സ്വയംഭരണ സ്ഥാപനങ്ങളുടെ ക്രിയാത്മകമായ സഹകരണം ഉറപ്പ് വരുത്താമോ;പ്രീ പ്രൈമറി വിഭാഗം അധ്യാപകർക്ക് യഥാസമയം വേതനം നൽകുന്നത് ഉൾപ്പെടെയുള്ള കാര്യങ്ങളിൽ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കാമോ?

മലപ്പുറം ജില്ലയില്‍ എസ് .എസ്.എല്‍ .സി പരീക്ഷ വിജയിച്ച വിദ്യാര്‍ത്ഥികള്‍ക്ക് പ്ലസ്‌ വണ്‍ തുടര്‍ പഠനത്തിന് ഓരോ വര്‍ഷവും വര്‍ദ്ധിച്ചുവരുന്ന സീറ്റ് ദൗര്‍ലഭ്യ പ്രശ്നങ്ങള്‍ക്ക് ശാശ്വത പരിഹാരം കാണുവാന്‍ സര്‍ക്കാര്‍ നയം പുന:പരിശോധിക്കുമോ;

താല്‍ക്കാലിക സീറ്റ് വര്‍ധനയ്ക്ക് പകരം ഒഴിവുള്ള ജില്ലകളിലെ സീറ്റുകള്‍ ക്രമീകരിച്ചും നിലവിലെ സ്കൂളുകളില്‍ അധിക ബാച്ചുകള്‍ അനുവദിച്ചും പുതിയ ഹയര്‍ സെക്കന്‍ണ്ടറി സ്കൂളുകള്‍ അനുവദിച്ചും ഉപരി പഠന പ്രതിസന്ധികള്‍ പരിഹരിക്കുമോ;

ഇതിനായി ഈ അദ്ധ്യായന വര്‍ഷം സര്‍ക്കാര്‍ സ്വീകരിക്കുവാന്‍ ഉദ്ദേശിക്കുന്ന നടപടികള്‍ വിശദീകരിക്കാമോ?

കിഫ്ബിയിലൂടെ ഫണ്ട് അനുവദിച്ചതും ഇപ്പോള്‍ പ്രവൃത്തി നടന്നുകൊണ്ടിരിക്കുന്നതുമായ പല സ്കൂള്‍കെട്ടിടങ്ങളുടെയും പ്രവൃത്തി പൂര്‍ത്തീകരിക്കാന്‍ നിലവില്‍ അനുവദിച്ച ഫണ്ട് അപര്യാപ്തമാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

പ്രസ്തുത സ്കൂളുകളുടെ പ്രവൃത്തി പൂര്‍ത്തീകരിക്കുന്നതിനായി എന്തെങ്കിലും നടപടി സ്വീകരിച്ചിട്ടുണ്ടോ;

ബാലുശ്ശേരി മണ്ഡലത്തില്‍ 3 കോടി രൂപ അനുവദിച്ച ഏതൊക്കെ സ്കൂളുകളുടെ പ്രവൃത്തികളാണ് പൂര്‍ത്തീകരിക്കാന്‍ കഴിയാതെ വന്നത്; പ്രസ്തുത സ്കൂളുകളുടെ പ്രവൃത്തി പൂര്‍ത്തീകരിക്കുന്നതിന് കിഫ്ബിയില്‍ നിന്നോ മറ്റ് ഏജന്‍സികളിൽ നിന്നോ ഫണ്ട് അനുവദിക്കുന്നതിന് നടപടി സ്വീകരിക്കുമോ?

നെയ്യാറ്റിന്‍കര നിയോജക മണ്ഡലത്തില്‍ മികവിന്റെ കേന്ദ്രം പദ്ധതിയില്‍ ഉള്‍പ്പെടുത്തിയ ഗവണ്‍മെന്റ് ഗേള്‍സ് ഹയര്‍ സെക്കണ്ടറി സ്കൂളിലെ പുതിയ കെട്ടിടത്തിന്റെ നിര്‍മ്മാണ പ്രവൃത്തികളുടെ ഡി.പി.ആര്‍. പൂര്‍ത്തീകരിച്ചിട്ടുണ്ടോ; ഡി.പി.ആര്‍. പൂര്‍ത്തീകരിക്കാന്‍ ഏതു ഏജന്‍സിയെ ആണ് ചുമതലപ്പെടുത്തിയിട്ടുള്ളതെന്ന് അറിയിക്കാമോ;

നിര്‍മ്മാണ പ്രവൃത്തികള്‍ എപ്പോള്‍ ആരംഭിക്കും എന്ന് വിശദമാക്കാമോ?

ചാത്തന്നൂർ മണ്ഡലത്തിലെ പരവൂർ തെക്കും ഭാഗം ജി.എച്ച്.എസ്.എസ്സിന്റെ ഭൗതിക സൗകര്യ വികസനത്തിനായുള്ള ഡി.പി.ആർ റിവൈസ് ചെയ്ത് കില കിഫ്ബിക്ക് സമർപ്പിച്ചിട്ടുണ്ടോ എന്നും ഡി.പി.ആറിന്റെ നിലവിലെ അവസ്ഥ എന്താണെന്നും അറിയിക്കാമോ;

മണ്ഡലത്തിലെ ചിറക്കര ഗവ.എച്ച്.എസ്സിന്റെ ഭൗതിക സൗകര്യ വികസനത്തിനായുള്ള ഡി.പി.ആർ ഇതിനകം കില തയ്യാറാക്കി കിഫ്ബിക്ക് സമർപ്പിച്ചിട്ടുണ്ടോ എന്നും ഇല്ലെങ്കിൽ ഡി.പി.ആർ സംബന്ധിച്ച നിലവിലെ അവസ്ഥ എന്താണെന്നും വിശദമാക്കാമോ ?

2018,2019,2020 എന്നീ വര്‍ഷങ്ങളില്‍ വിദ്യാഭ്യാസ വകുപ്പില്‍ പശ്ചാത്തല സൗകര്യ വികസനങ്ങള്‍ക്കായി പ്ലാന്‍/ബജറ്റ് ഫണ്ട് വഴി എത്ര കോടി രൂപ ചെലവഴിച്ചിട്ടുണ്ടെന്നും ഇതുവഴി ഏതൊക്കെ വിദ്യാലയങ്ങള്‍ക്കാണ് തുക ലഭ്യമാക്കിയിട്ടുള്ളതെന്നുമുള്ള വിവരം ബന്ധപ്പെട്ട ഉത്തരവിന്റെ പകര്‍പ്പ് സഹിതം ലഭ്യമാക്കാമോ?

മങ്കട നിയോജക മണ്ഡലത്തിലെ പഴമള്ളൂര്‍ ജി.എല്‍.പി.സ്കൂളിന്റെ കെട്ടിട നിര്‍മ്മാണവുമായി ബന്ധപ്പെട്ട് വിദ്യാഭ്യാസ വകുപ്പ് എന്തെല്ലാം നടപടി സ്വീകരിച്ചിട്ടുണ്ട്; വിശദാംശം ലഭ്യമാക്കുമോ;

പ്രസ്തുത കെട്ടിട നിര്‍മ്മാണവുമായി ബന്ധപ്പെട്ട് അവശേഷിക്കുന്ന പ്രവൃത്തികള്‍, റീട്ടെയ്നിംഗ് വാള്‍, മുറ്റം എന്നിവയുടെ എസ്റ്റിമേറ്റ് തയ്യാറാക്കിയതിൻ പ്രകാരം ഭരണാനുമതി ലഭിയ്ക്കുന്നതിന് വിദ്യാഭ്യാസ വകുപ്പ് എന്തെല്ലാം നടപടി സ്വീകരിച്ചിട്ടുണ്ട്; ഇതിന്റെ നിലവിലെ സ്ഥിതി അറിയിയ്ക്കുമോ;

പ്രസ്തുത സ്കൂളിന്റെ അവശേഷിക്കുന്ന എല്ലാ നിര്‍മ്മാണ പ്രവര്‍ത്തനങ്ങളും സമയബന്ധിതമായി പൂര്‍ത്തിയാക്കുന്നതിന് ആവശ്യമായ നടപടി സ്വീകരിയ്ക്കുമോ?

അദ്ധ്യാപകരില്‍ ഗവേഷണതല്പരത വളര്‍ത്തുവാന്‍ സമഗ്രശിക്ഷ കേരളയുടെ നേതൃത്വത്തില്‍ നടത്തുന്ന പരിപാടിയുടെ ഭാഗമായി 2019-20 വർഷം പൊതുവിദ്യാഭ്യാസ വകുപ്പിലെ എത്ര അധ്യാപകർ ഗവേഷണം പൂർത്തീകരിച്ചിട്ടുണ്ടെന്നും ഏതൊക്കെ മേഖലകളിലാണ് ഗവേഷണം നടത്തിയതെന്നും വ്യക്തമാക്കുമോ?

ആലത്തുര്‍ നിയോജക മണ്ഡലത്തില്‍ 2016 മുതല്‍ നാളിതുവരെ ഏതെല്ലാം സ്ക്കൂളുകള്‍ക്കാണ് ചലഞ്ച് ഫണ്ട് തുക അനുവദിച്ചിട്ടുള്ളതെന്ന് വ്യക്തമാക്കാമോ;

ഓരോ സ്ക്കൂളുകളുടേയും നിര്‍മ്മാണ പ്രവൃത്തികളുടെ നിലവിലെ സ്ഥിതി അറിയിക്കാമോ?

സംസ്ഥാനത്ത് എത്ര സ്കൂളുകളാണ് ചലഞ്ച് ഫണ്ട് വിനിയോഗിച്ചതെന്ന വിവരം ജില്ല തിരിച്ച് വിശദമാക്കാമോ;

ചലഞ്ച് ഫണ്ടിന്റെ ഘടനയിലും മാനദണ്ഡങ്ങളിലും മാറ്റം വരുത്തി സ്കൂളുകൾക്ക് പ്രായോഗിക ഗുണപര ഫണ്ടാക്കി മാറ്റുവാൻ സർക്കാർ ഉദ്ദേശിക്കുന്നുണ്ടോ ; എങ്കിൽ പ്രസ്തുത ഘടനാ മാറ്റം വിശദമാക്കാമോ ?

മുന്‍ സര്‍ക്കാരിന്റെ കാലഘട്ടത്തില്‍ കോട്ടയം ജില്ലയിലെ ഏതെല്ലാം എയ്ഡഡ് സ്കൂളുകളാണ് ചലഞ്ച് ഫണ്ട് അനുവദിക്കുന്നതിനായി അപേക്ഷ നല്‍കിയിട്ടുള്ളതെന്ന് വ്യക്തമാക്കാമോ;

ഇവയില്‍ ഏതെല്ലാം സ്കൂളുകളിലെ, പ്രസ്തുത ഫണ്ട് മുഖേനയുള്ള പ്രവൃത്തികള്‍ക്കാണ് ഭരണാനുമതി ലഭ്യമാക്കിയിട്ടുള്ളതെന്ന് വ്യക്തമാക്കാമോ; പകർപ്പുകള്‍ ലഭ്യമാക്കാമോ;

ചലഞ്ച് ഫണ്ടില്‍ ഉള്‍പ്പെടുത്തുന്നതിനായി അപേക്ഷ സമര്‍പ്പിക്കുന്നതിനുള്ള നടപടിക്രമങ്ങളും മാനദണ്ഡങ്ങളും വ്യക്തമാക്കുമോ?

സംസ്ഥാനത്തെ സ്കൂൾ കുട്ടികൾക്ക് ഓൺലൈൻ വിദ്യാഭ്യാസം നൽകാനായി രൂപീകരിച്ച ഫസ്റ്റ് ബെൽ പദ്ധതിയുടെ കാര്യക്ഷമത പരിശോധിച്ചിട്ടുണ്ടോ;

ഓൺലൈൻ ക്ലാസ്സുകളിൽ പങ്കെടുക്കുന്ന എഴുപത്തിയേഴു ശതമാനത്തോളം കുട്ടികൾക്കും പാഠഭാഗങ്ങൾ മനസിലാകുന്നില്ല എന്ന ശാസ്ത്ര സാഹിത്യ പരിഷത്തിന്റെ പഠനം ശ്രദ്ധയിൽപ്പെട്ടിട്ടുണ്ടോ;

ക്ലാസ്സുകളുടെ വേഗകൂടുതൽ കാരണം കുട്ടികൾക്ക് നോട്ടുകൾ എഴുതിയെടുക്കാൻ സാധിക്കുന്നില്ല എന്ന കുട്ടികളുടെ പരാതി പരിഹരിക്കാൻ എന്തൊക്കെ നടപടികളാണ് സ്വീകരിച്ചിരിക്കുന്നത്; ഇതുമായി ബന്ധപ്പെട്ട് അദ്ധ്യാപകർക്ക് എന്തെങ്കിലും പരിശീലന പരിപാടികൾ നടപ്പിലാക്കിയിട്ടുണ്ടോ; വിശദമാക്കാമോ?

സംസ്ഥാനത്തെ പൊതു വിദ്യാലയങ്ങളിൽ നടക്കുന്ന പ്രീപ്രൈമറി വിദ്യാഭ്യാസത്തിന് എന്തെല്ലാം സഹായങ്ങളാണ് സർക്കാർ നൽകിവരുന്നത്;

പ്രീപ്രൈമറി വിദ്യാഭ്യാസത്തിൽ മാതൃഭാഷയ്ക്ക് ഊന്നൽ നൽകുന്ന എന്തെല്ലാം പരിപാടികളാണ് ആവിഷ്കരിച്ചിരിക്കുന്നത്;

പ്രീപ്രൈമറി പാഠപുസ്തകങ്ങൾ തിരഞ്ഞെടുക്കുന്നതിൽ എന്തെല്ലാം ഇടപെടലുകളാണ് സർക്കാർ നടത്തിവരുന്നതെന്ന് വ്യക്തമാക്കുമോ;

പ്രീപ്രൈമറി പരീക്ഷകൾ സംബന്ധിച്ച എന്തെല്ലാം നിർദ്ദേശങ്ങളാണ് നൽകിവരുന്നതെന്ന് അറിയിക്കുമോ?

പൊതുവിദ്യാഭ്യാസ വകുപ്പിനുകീഴില്‍ കഴിഞ്ഞ അധ്യയന വർഷം പ്രധാനാധ്യാപകർ ഇല്ലാതെ പ്രവർത്തിച്ച പ്രൈമറി സ്കൂളുകളുടെ എണ്ണം എത്രയാണെന്ന് അറിയിക്കുമോ;

ഇവിടങ്ങളിൽ പ്രധാനാധ്യാപക നിയമനങ്ങൾ നടത്താത്തതിന് കാരണങ്ങളെന്തൊക്കെയാണെന്ന് വ്യക്തമാക്കുമോ;

പ്രസ്തുത തസ്തികയുടെ യോഗ്യതകൾ എന്തെല്ലാമാണ്; ഈ യോഗ്യതകൾ ഉള്ളവരുടെ അഭാവത്തിലാണോ നിയമനങ്ങൾ മുടങ്ങിക്കിടക്കുന്നതെന്ന് വ്യക്തമാക്കുമോ;

എങ്കിൽ അടിയന്തരമായി ഈ നിയമനങ്ങൾ നടത്തുന്നതിന് എന്തൊക്കെ നടപടികളാണ് സ്വീകരിക്കുകയെന്ന് വ്യക്തമാക്കുമോ?

എറണാകുളം ജില്ലയിലെ സര്‍ക്കാര്‍ പ്രൈമറി സ്കൂളുകളില്‍ പ്രധാനാധ്യാപക തസ്തികയിലേക്കുള്ള സ്ഥാനക്കയറ്റവുമായി ബന്ധപ്പെട്ട സീനിയോറിറ്റി ലിസ്റ്റ് നിലവിലുണ്ടോ; ഉണ്ടെങ്കില്‍ എല്‍.പി, യു.പി. വിഭാഗത്തിലെ എത്ര അധ്യാപകര്‍ ഇതില്‍ ഉള്‍പ്പെട്ടിട്ടുണ്ടെന്ന് തരംതിരിച്ച് നല്‍കുമോ;

പ്രൈമറി സ്കൂളുകളിലെ പ്രധാന അധ്യാപക സ്ഥാനക്കയറ്റവുമായി ബന്ധപ്പെട്ട് ഈ സര്‍ക്കാര്‍ സ്വീകരിച്ച നടപടികള്‍ വിശദമാക്കാമോ;

2020-21 വര്‍ഷത്തില്‍ നടന്നിട്ടുള്ള അന്തര്‍ ജില്ലാസ്ഥലം മാറ്റവുമായി ബന്ധപ്പെട്ട് എല്‍.പി.സ്കൂള്‍ അധ്യാപകര്‍ എറണാകുളം ജില്ലയില്‍ നിന്നും മറ്റു ജില്ലകളിലേക്ക് പോയിട്ടുണ്ടോ; വിശദമാക്കാമോ; എങ്കില്‍ ഇപ്രകാരം ഉണ്ടായിട്ടുള്ള എല്‍.പി.എസ്.ടി ഒഴിവുകള്‍ പി.എസ്.സിക്ക് റിപ്പോര്‍ട്ട് ചെയ്യാനുള്ള നടപടികള്‍ സ്വീകരിച്ചിട്ടുണ്ടോ; വിശദാംശം നല്‍കുമോ?

2019 - ജൂണില്‍ പി.എസ്‍.സി മുഖാന്തരം ജോലിയില്‍ പ്രവേശിച്ച എല്‍.പി, യു.പി. അദ്ധ്യാപകരുടെ പ്രൊബേഷന്‍, റെഗുലറൈസേഷന്‍ നടപടികള്‍ എത്ര ജില്ലകളില്‍ പൂര്‍ത്തിയാക്കിയിട്ടുണ്ടെന്ന് വിശദമാക്കാമോ;

പ്രസ്തുത നടപടികള്‍ വൈകുന്നതിന്റെ കാരണം വിശദമാക്കാമോ; റെഗുലറൈസേഷന്‍ നടപടികള്‍ വേഗത്തില്‍ പൂര്‍ത്തിയാക്കുന്നതിന് വിദ്യാഭ്യാസ ഉപഡയറക്ടര്‍മാര്‍ക്ക് നിര്‍ദ്ദേശം നല്‍കുമോ; വിശദമാക്കാമോ;

ഓരോ ജില്ലയിലും ഏത് തീയതിവരെ നിയമന ഉത്തരവ് ലഭിച്ച അദ്ധ്യാപകരുടെ പ്രൊബേഷന്‍ നടപടികളാണ് പൂര്‍ത്തീകരിച്ചിട്ടുള്ളത് ; ജില്ല തിരിച്ച് വിശദമാക്കാമോ?

മാവേലിക്കര മണ്ഡലത്തിലെ കുന്നം ഗവണ്‍മെന്റ് ഹയര്‍ സെക്കന്‍റി സ്കൂളിന് പുതിയ കെട്ടിടത്തിനായി തുക അനുവദിച്ചത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത നിര്‍മ്മാണം പൂര്‍ത്തീകരിക്കുന്നതിന് അധിക തുക ആവശ്യമാണെന്നത് പരിശോധിച്ചിട്ടുണ്ടോ; വ്യക്തമാക്കുമോ;

പ്രസ്തുത പ്രവൃത്തി പൂര്‍ത്തീകരിക്കുന്നതിനാവശ്യമായ തുക അനുവദിക്കുമോ;വിശദമാക്കുമോ?

ഉദുമ മണ്ഡലത്തിലെ ജി. വി. എച്ച്. എസ്. എസ്. ഇരിയണ്ണി, ജി. എച്ച്. എസ്. എസ്. ചെമ്മനാട്, ജി. എച്ച്. എസ്. എസ്. പള്ളിക്കര എന്നീ സര്‍ക്കാര്‍ വിദ്യാലയങ്ങള്‍ക്ക് കെട്ടിടം നിര്‍മ്മിക്കാന്‍ കിഫ്ബി പദ്ധതി പ്രകാരം അനുവദിച്ച മൂന്ന് കോടി രൂപയുടെ പദ്ധതിയുടെ നിലവിലുള്ള സ്ഥിതി എന്താണെന്ന് വിശദമാക്കാമോ;

ഇതിന്റെ എസ്. പി. വി. ആയ കിറ്റ്കോ ഈ പ്രവൃത്തികളുടെ ടെണ്ടര്‍ നടപടികള്‍ സ്വീകരിച്ചിട്ടുണ്ടോ; വിശദാംശങ്ങള്‍ അറിയിക്കാമോ;

ഇല്ലെങ്കില്‍ ഇതുവരെയായി ടെണ്ടര്‍ നടപടി സ്വീകരിക്കാത്തതിന്റെ കാരണം വിശദമാക്കാമോ?

സംസ്ഥാനത്ത് ഹയര്‍ സെക്കന്ററി ജൂനിയര്‍ അധ്യാപകരുടെ സര്‍വ്വീസ് പ്രശ്നങ്ങള്‍ക്കും അവരുടെ പ്രമോഷന്‍ സാധ്യതയില്ലായ്മയ്ക്കും ശാശ്വതമായ പരിഹാരം കണ്ടെത്തുമോ;

അഞ്ച് വര്‍ഷം സീനിയര്‍ ആയ ജൂനിയര്‍ അധ്യാപകരെ സീനിയര്‍ തസ്തികയിലേക്ക് പ്രോമോട്ട് ചെയ്യുന്നതിന് സര്‍ക്കാര്‍ നടപടി സ്വീകരിക്കുമോ; ഒരേ റാങ്ക് ലിസ്റ്റില്‍ നിന്നും സര്‍വ്വീസില്‍ പ്രവേശിക്കുന്ന അധ്യാപകര്‍ പല തട്ടിലാകുന്ന അവസ്ഥയ്ക്ക് പരിഹാരം കണ്ടെത്തുമോ; നിലവിലെ സ്പെഷ്യല്‍ റൂള്‍ ഭേദഗതി വരുത്തുവാന്‍ നടപടി സ്വീകരിക്കുമോ;

സീനിയര്‍ അധ്യാപകന് നിശ്ചയിച്ചിട്ടുള്ള 25 പീരിയഡുകള്‍ക്ക് ശേഷമുള്ള പീരിയഡുകളെ ഹയര്‍സെക്കന്ററി ജൂനിയര്‍ അധ്യാപകര്‍ എടുക്കാവു എന്ന വ്യവസ്ഥ നിലവിലുണ്ടോ; വിശദമാക്കാമോ;

ട്രാന്‍സ്ഫറിന് ഔട്ട് സ്റ്റേഷന്‍ സര്‍വ്വീസ് പരിഗണിക്കുമോ; ജൂനിയര്‍ അധ്യാപകര്‍ക്ക് ഗ്രേഡ് പ്രമോഷന്‍ നഷ്ടം ഉണ്ടാകുന്നതായുള്ള പരാതിക്ക് പരിഹാരം കണ്ടെത്തുമോ?

തിരുവമ്പാടി മണ്ഡലത്തിലെ മുക്കം നീലേശ്വരം ജി. എച്ച്. എസ്. എസ്. -ല്‍ ഹയര്‍ സെക്കണ്ടറി ഹ്യുമാനിറ്റീസ് ബാച്ച് അനുവദിക്കണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ;

ഈ അദ്ധ്യായന വര്‍ഷം തന്നെ പ്രസ്തുത സ്കൂളില്‍ ഹ്യുമാനിറ്റീസ് ബാച്ച് അനുവദിക്കുന്നതിന് നടപടികള്‍ സ്വീകരിക്കുമോ?

നെയ്യാറ്റിന്‍കര ഗവണ്‍മെന്റ് ഗേള്‍സ് ഹെെസ്കൂളില്‍ നിര്‍മ്മിക്കുന്ന പുതിയ ഹയര്‍ സെക്കണ്ടറി ബ്ലോക്കിന്റെ ഒന്നാം നില നിര്‍മ്മാണം ആരംഭിക്കുന്നതിനുള്ള കാലതാമസം എന്തെന്ന് വിശദമാക്കാമോ;

പ്രസതുത പ്രവൃത്തിയുടെ ടെണ്ടര്‍ നടപടിക്രമങ്ങള്‍ പൂര്‍ത്തീകരിച്ചത് എപ്പോള്‍ എന്ന് വിശദമാക്കാമോ?

എച്ച്.എസ്.എസ്.റ്റി ജൂനിയര്‍ തസ്തികയില്‍ അഞ്ച് വര്‍ഷം പൂര്‍ത്തിയാക്കുന്ന അധ്യാപകരെ എച്ച്.എസ്.എസ്.റ്റി സീനിയര്‍ തസ്തികയിലേക്ക് സ്ഥാനക്കയറ്റം നല്‍കണമെന്ന ലബ്ബാ കമ്മിറ്റി നിർദ്ദേശം നടപ്പിലാക്കാത്തതിനാല്‍ ജൂനിയര്‍ അദ്ധ്യാപകര്‍ക്ക് അര്‍ഹമായ സ്ഥാനക്കയറ്റം ലഭിക്കാത്ത വിഷയം ശ്രദ്ധയില്‍പ്പെട്ടിട്ടുണ്ടോ;

ഹയര്‍ സെക്കന്ററി വിദ്യാഭ്യാസ മേഖലയില്‍ നിശ്ചിത വര്‍ഷം സേവനം പൂര്‍ത്തിയാക്കിയ എച്ച്.എസ്.എസ്.റ്റി ജൂനിയര്‍ അദ്ധ്യാപകര്‍ക്ക് സ്ഥാനക്കയറ്റം നല്‍കുന്നതിന് നടപടി സ്വീകരിക്കുമോ;

പ്രിന്‍സിപ്പാള്‍ തസ്തികയിലേക്കുള്ള സ്ഥാനക്കയറ്റത്തിന് എച്ച്.എസ്.എസ്.റ്റി ജൂനിയര്‍ തസ്തികയിലെ സേവനകാലയളവ് കൂടി പരിഗണിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കാമോ?

വയനാട് ജില്ലയില്‍ നിന്നും ഇത്തവണ ഉപരിപഠനത്തിന് അര്‍ഹത നേടിയ എസ്.എസ്.എല്‍.സി വിദ്യാര്‍ത്ഥികളുടെ എണ്ണം എത്രയാണെന്ന് വ്യക്തമാക്കാമോ;

വയനാട് ജില്ലയില്‍ ആകെ എത്ര പ്ലസ് വണ്‍ സീറ്റുകള്‍ ആണുളളതെന്ന് വ്യക്തമാക്കാമോ;

ഉപരിപഠനത്തിന് അര്‍ഹത നേടിയ എസ്.എസ്.എല്‍.സി വിദ്യാര്‍ത്ഥികളില്‍ പട്ടിക വിഭാഗത്തില്‍പ്പെട്ട എത്ര കുട്ടികളുണ്ടെന്ന് അറിയിക്കാമോ;

പട്ടിക വിഭാഗത്തില്‍പ്പെട്ട കുട്ടികള്‍ക്ക് പ്ലസ് വണ്‍‌ അഡ്മിഷന്‍ ലഭിക്കുന്നതിനായി സീറ്റുകള്‍ വര്‍ദ്ധിപ്പിക്കുന്ന കാര്യം പരിഗണിക്കാമോ?

സംസ്ഥാനത്തെ ഹയര്‍സെക്കന്ററി മേഖലയില്‍ ജോലി ചെയ്യുന്ന ജൂനിയര്‍ അധ്യാപകരുടെ പ്രമോഷന്‍ ഇപ്പോള്‍ സര്‍ക്കാരിന്റെ പരിഗണനയിലുണ്ടോ;

2011-2016 കാലയളവിലെ സര്‍ക്കാരിന്റെ കാലത്ത് ഈ വിഷയത്തില്‍ എന്തെങ്കിലും നടപടി സ്വീകരിച്ചിരുന്നോ; വിശദാംശങ്ങള്‍ ലഭ്യമാക്കുമോ;

ഹയര്‍സസെക്കന്ററി മേഖലയില്‍ (സര്‍ക്കാര്‍/എയ്‍‍ഡഡ്)അഞ്ച് വര്‍ഷം സേവനം പൂര്‍ത്തിയാക്കുന്ന ഹയര്‍സെക്കന്ററി ജൂനിയര്‍ അധ്യാപകരെ പ്രിന്‍സിപ്പല്‍ പ്രൊമോഷന്‍,പൊതുസ്ഥലം മാറ്റം എന്നിവയിലേക്ക് പരിഗണിക്കുന്നതിന് സ്വീകരിച്ച തുടര്‍നടപടികള്‍ വിശദീകരിക്കുമോ?

മലബാര്‍ മേഖലയില്‍ പ്രത്യേകിച്ച് മലപ്പുറം ജില്ലയില്‍ ഈ വര്‍ഷവും പ്ലസ് വൺ പ്രവേശനത്തിന് അനേകം വിദ്യാര്‍ത്ഥികള്‍ക്ക് സീറ്റ് കിട്ടാത്ത സാഹചര്യം പരിശോധിച്ചിട്ടുണ്ടോ എന്നറിയിക്കാമോ;

അര്‍ഹരായ എല്ലാ വിദ്യാര്‍ത്ഥികള്‍ക്കും ഉപരിപഠനം ഉറപ്പുവരുത്തുന്നതിനായി സ്വീകരിക്കുന്ന നടപടികള്‍ എന്തൊക്കെയാണെന്ന് വ്യക്തമാക്കുമോ;

അധിക ബാച്ചുകളും സീറ്റുവര്‍ദ്ധനവും നല്‍കുന്നത് സര്‍ക്കാരിന്റെ പരിഗണനയിലുണ്ടോ എന്നറിയിക്കാമോ?

കാസര്‍കോട് ജില്ലയില്‍ 2021 വര്‍ഷം എസ്. എസ്. എല്‍. സി. പരീക്ഷയില്‍ ഉപരിപഠനത്തിന് എത്ര വിദ്യാര്‍ത്ഥികളാണ് അര്‍ഹത നേടിയിട്ടുള്ളതെന്ന് വ്യക്തമാക്കുമോ;

ഇവര്‍ക്ക് തുടര്‍ പഠനത്തിനായി ജില്ലയില്‍ സര്‍ക്കാര്‍, എയ്ഡഡ്, അണ്‍ എയ്ഡഡ് മേഖലയില്‍ ഹയര്‍ സെക്കൻണ്ടറി, വി. എച്ച്. എസ്‍. ഇ., ഐ. ടി. ഐ., പോളി ടെക്നിക് എന്നിവിടങ്ങളിലായി എത്ര സീറ്റുകളാണ് നിലവിലുള്ളതെന്ന് വിശദമാക്കുമോ;

കഴിഞ്ഞ കാലങ്ങളില്‍ മഞ്ചേശ്വരം, കാസര്‍കോട് താലൂക്കുകളിലെ ആയിരത്തിലധികം വിദ്യാര്‍ത്ഥികള്‍ എസ്. എസ്. എല്‍. സി. ക്ക് ശേഷം ഉപരിപഠനത്തിനായി മംഗലാപുരം ഉള്‍പ്പെടെയുള്ള ദക്ഷിണ കന്നഡ ജില്ലകളിലെ സ്ഥാപനങ്ങളെ ആശ്രയിക്കുന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

കൊവിഡിനെത്തുടര്‍ന്നുള്ള യാത്ര ഉള്‍പ്പെടെയുള്ള വിവിധ പ്രശ്നങ്ങള്‍ നിലനില്‍ക്കുന്നതിനാല്‍ ഇത്തവണ ജില്ലയിലെ വിദ്യാലയങ്ങളില്‍ തന്നെ തുടര്‍പഠനം എല്ലാ വിദ്യാര്‍ത്ഥികള്‍ക്കും അവരുടെ ഇഷ്ട വിഷയങ്ങളില്‍ പ്രവേശനം നേടുന്നതിനും ഉപരിപഠനം ഉറപ്പ് വരുത്തുന്നതിനും സര്‍ക്കാര്‍ എന്തൊക്കെ മുന്നൊരുക്കങ്ങളാണ് നടത്തിയിട്ടുള്ളതെന്ന് വിശദമാക്കുമോ;

മഞ്ചേശ്വരം, കാസര്‍കോട് താലൂക്കുകളിലെ സര്‍ക്കാര്‍ വിദ്യാലയങ്ങളിലോ എയ്ഡഡ്, അണ്‍ എയ്ഡഡ് മേഖലകളിലോ പുതിയ ബാച്ച് തുടങ്ങുന്നതിന് സര്‍ക്കാര്‍ നടപടി സ്വീകരിക്കുമോ;

സര്‍ക്കാരിന് സാമ്പത്തിക ബാധ്യതയില്ലാത്തവിധം അണ്‍ എയ്ഡഡ് ഹയര്‍സെക്കണ്ടറികളില്‍ അധിക ബാച്ചോ പുതിയ ബാച്ചോ തുടങ്ങാനുള്ള നടപടി സ്വീകരിക്കുമോ;

എസ്. എസ്. എല്‍. സി. യില്‍ ഉപരിപഠനത്തിന് യോഗ്യത നേടിയ വിദ്യാര്‍ത്ഥികളുടെ എണ്ണത്തേക്കാള്‍ ഹയര്‍ സെക്കന്‍ണ്ടറി സീറ്റുകളുള്ള ജില്ലകള്‍ ഏതൊക്കെയാണ്; എത്ര സീറ്റുകള്‍ വീതമാണ് ഈ ജില്ലകളില്‍ അധികമായിട്ടുള്ളത്; അധികമുള്ള സീറ്റുകള്‍, സീറ്റുകള്‍ കുറവുള്ള ജില്ലകള്‍ക്ക് നല്‍കുന്ന കാര്യം സര്‍ക്കാരിന്റെ പരിഗണനയില്‍ ഉണ്ടോ: ആയതിന് നടപടി സ്വീകരിക്കുമോ എന്ന് വ്യക്തമാക്കുമോ?

പ്ലസ് വണ്‍ തലത്തില്‍ പുതുതലമുറ കോഴ്സുകള്‍ ആരംഭിക്കാന്‍ നടപടി സ്വീകരിച്ചിട്ടുണ്ടോ എന്ന് വിശദമാക്കാമോ?

ഹയർ സെക്കന്ററി മേഖലയിലെ പ്രശ്നങ്ങൾ പഠിക്കാൻ നിയോഗിച്ച ലബ്ബ കമ്മിറ്റിയുടെ റിപ്പോർട്ടിൽ അഞ്ച് വർഷം പൂർത്തിയാക്കിയ ജൂനിയർ അദ്ധ്യാപകരെ സീനിയർ ആക്കണമെന്ന് ശിപാർശ ചെയ്തിരുന്നോ എന്നറിയിക്കാമോ?

2016 ല്‍ സര്‍ക്കാര്‍ അധികാരത്തില്‍ വന്നപ്പോള്‍ സര്‍ക്കാര്‍ -എ‍യ്ഡഡ് സ്കൂളുകളിലെ വിദ്യാര്‍ത്ഥികളുടെ എണ്ണം എത്രയായിരുന്നു; നിലവിലെ കണക്ക് എത്രയാണെന്ന് വ്യക്തമാക്കാമോ?

സംസ്ഥാനത്ത് പ്ലസ് വൺ പ്രവേശനത്തിനുള്ള നടപടികള്‍ എന്നത്തേക്ക് ആരംഭിക്കാനാണ് ഉദ്ദേശിക്കുന്നത്;

ഹയര്‍ സെക്കന്‍ഡറി വിദ്യാഭ്യാസം ആഗ്രഹിക്കുന്ന എല്ലാവര്‍ക്കും അവസരം ഒരുക്കുന്നതിന് നടപടി സ്വീകരിച്ചിട്ടുണ്ടോ;

മലപ്പുറം ജില്ലയില്‍ നിലവിലെ പ്ലസ് വൺ സീറ്റുകളെക്കാള്‍ ഇരുപത്തി രണ്ടായിരത്തില്‍ അധികം പേര്‍ ഉപരിപഠനയോഗ്യത നേടിയ വിവരം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യത്തില്‍ എന്ത് നടപടി സ്വീകരിച്ചുവെന്ന് വിശദമാക്കുമോ?

സംസ്ഥാനത്ത് സൈബർ കുറ്റകൃത്യങ്ങൾ വർധിച്ചുവരുന്നതും ഓൺലൈൻ വിദ്യാഭ്യാസത്തിനായുള്ള ഇന്റർനെറ്റ് ഉപയോഗം വർധിച്ചുവരുന്നതും കണക്കിലെടുത്ത് കൗമാരപ്രായത്തിലുള്ള വിദ്യാർത്ഥികൾക്കായി പ്രത്യേക സൈബർ ബോധവൽക്കരണ പരിപാടി നടത്തേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; എങ്കിൽ വിശദമാക്കുമോ;

കൗമാരപ്രായക്കാരായ വിദ്യാർത്ഥികൾക്കായി പ്രത്യേക ബോധവൽക്കരണ പരിപാടി നിലവിലുണ്ടോ; ഇല്ലെങ്കിൽ ആയത് സംഘടിപ്പിക്കുന്നതിന് തയ്യാറാകുമോ; വ്യക്തമാക്കാമോ;

സൈബർ ലോകത്തെ ചതിക്കുഴികളെപ്പറ്റിയും സൈബർ കാലത്തെ പാരന്റിംഗിനെപ്പറ്റിയും മാതാപിതാക്കളെ ബോധവൽക്കരിക്കുന്നതിനുള്ള നടപടി സ്വീകരിക്കുമോ; വിശദമാക്കുമോ?

സംസ്ഥാനത്ത് ഓൺലൈൻ വിദ്യാഭ്യാസത്തിനാവശ്യമായ പഠനോപകരണങ്ങൾ ലഭ്യമല്ലാത്ത എത്ര കുട്ടികളുണ്ട്; ജില്ല തിരിച്ച് കണക്കുകൾ ലഭ്യമാക്കാമോ?

പാറശ്ശാല ഉപജില്ലയിൽ ഉൾപ്പെട്ട കാരോട് യു.പി.എസ്-ന്റെ ഉടമസ്ഥാവകാശം ഉൾപ്പെടെയുളള മാനേജ്മെന്റ് മാറ്റത്തിന് 11.10.2011-ന് പാറശാല ഉപജില്ലാ ഓഫിസർ മുഖാന്തിരം അപേക്ഷ സമർപ്പിച്ചുവെങ്കിലും നാളിതുവരെ മാനേജ്മെന്റ് മാറ്റം നടക്കാത്തത് ശ്രദ്ധയിൽപ്പെട്ടിട്ടുണ്ടോ;

2011-ൽ പ്രസ്തുത സ്കൂളിന്റെ മാനേജരായിരുന്ന ശ്രീ. വിൽസണിന്റെ പേരിൽ നിന്നും ശ്രീ. മുരളിധരൻ നായരുടെ പേരിലേയ്ക്കുള്ള മാനേജ്മെന്റ് മാറ്റത്തിനുള്ള അപേക്ഷ ഡയറക്ടറേറ്റ് ഓഫ് ജനറല്‍ എഡ്യൂക്കേഷന്‍ ഓഫീസിൽ നിന്നും മുൻകൂർ അനുമതി വാങ്ങിയില്ലെന്ന കാരണത്താൽ നിരസിച്ചത് ശ്രദ്ധയില്‍പ്പെട്ടിട്ടുണ്ടോ;

11.10.2011-ൽ ഉടസ്ഥാവകാശത്തിന് ഉചിതമാർഗ്ഗേന അപേക്ഷ നൽകിയ മാനേജർക്ക് 20.09.2020-ലെ സ.ഉ(സാധാ )നം.2661/2020/പൊ.വി.വ ഉത്തരവ് അനുസരിച്ച് ഉടസ്ഥാവകാശത്തിനുള്ള അപേക്ഷ നിരസിച്ചത് നീതി നിക്ഷേധമല്ലേയെന്ന് അറിയിക്കുമോ;

24.09.2020-ന് മുൻപ് എയ്ഡഡ് സ്കൂളുകളുടെ മാനേജ്മെന്റ് മാറ്റത്തിന് മുൻകൂർ അനുമതി ഒഴിവാക്കി നൽകിയ സര്‍ക്കാര്‍ ഉത്തരവ് നിലനിന്ന സാഹചര്യത്തിൽ പ്രസ്തുത സ്കൂളിന്റെ മാനേജ്മെന്റ് മാറ്റത്തിന്റെ അപേക്ഷ നിരസിച്ചത് എന്ത് അടിസ്ഥാനത്തിലാണെന്ന് വ്യക്തമാക്കുമോ;

സ്കൂളിന്റെ മാനേജ്മെന്റ് മാറ്റത്തിന് തടസമായി നിന്ന മുഴുവൻ ബാദ്ധ്യതകളും 12.04.2019-ന് മുൻപ് പരിഹരിച്ചതിനു ശേഷവും 24.09.2020-ലെ സർക്കാർ ഉത്തരവിന്റെ അടിസ്ഥാനത്തിൽ അപേക്ഷ നിരസിച്ച നടപടി പുന:പരിശോധിക്കുമോ;

പ്രസ്തുത സ്കൂളിൽ മാനേജർ ഇല്ലായെന്ന കാരണത്താൽ നിയമനാംഗീകാരം ലഭിക്കാതെ 2016 മുതൽ ജോലി ചെയ്യുന്ന ഹെഡ്‍മാസ്റ്റർ, ഓഫീസ് അറ്റൻഡന്റ് തുടങ്ങിയ ജീവനക്കാർക്ക് നിയമനാംഗീകാരം നൽകുവാനുള്ള നിർദ്ദേശം നൽകുമോയെന്ന് അറിയിക്കുമോ ?

ആറ്റിങ്ങല്‍ ഗവണ്‍മെന്റ് ഗേള്‍സ് ഹയര്‍ സെക്കന്ററി സ്കൂളിലെ രണ്ട് പ്ലസ്‍ടു ബാച്ചുകളുടെ സബ്ജക്ട് കോമ്പിനേഷന്‍ മാറ്റിയതിനെ തുടര്‍ന്ന് തസ്തിക നിര്‍ണ്ണയം നടത്തണം എന്നാവശ്യപ്പെട്ട് നല്‍കിയ അപേക്ഷ വകുപ്പിന് ലഭിച്ചിട്ടുണ്ടോ; തസ്തിക നിര്‍ണ്ണയവുമായി ബന്ധപ്പെട്ട് സ്വീകരിച്ച നടപടികള്‍ വിശദമാക്കാമോ;

തസ്തിക നിര്‍ണ്ണയം സംബന്ധിച്ച് സമര്‍പ്പിച്ച അപേക്ഷയിന്മേല്‍ തീരുമാനം കൈക്കൊണ്ടിട്ടുണ്ടോ; തീരുമാനത്തിന്മേല്‍ സ്വീകരിച്ച നടപടി വിശദമാക്കുമോ?

പട്ടിക വര്‍ഗ്ഗ സങ്കേതങ്ങളുള്‍ക്കൊള്ളുന്ന മുക്കം ഉപജില്ലയിലെ പൂവാറന്‍തോട് ഗവണ്‍മെന്റ് ലോവര്‍ പ്രെെമറി സ്കൂള്‍ അപ്പര്‍ പ്രെെമറി സ്കൂളാക്കി ഉയര്‍ത്തണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ;

പ്രത്യേക പരിഗണന നല്‍കി പ്രസ്തുത സ്കൂള്‍ അപ്ഗ്രേഡ് ചെയ്യുന്നതിന് അടിയന്തര നടപടികള്‍ സ്വീകരിക്കുമോ?

നാദാപുരം മണ്ഡലത്തിലെ നാദാപുരം സര്‍ക്കാര്‍ യു.പി.സ്കൂള്‍,വെള്ളിയോട് ഹയർ സെക്കന്ററി സ്കൂള്‍ എന്നിവയുടെ കെട്ടിടനിർമ്മാണത്തിന് അനുവദിച്ച മൂന്ന് കോടിയുടെ പ്രവൃത്തി എന്ന് ആരംഭിക്കാൻ കഴിയുമെന്ന് അറിയിക്കാമോ;

പ്രസ്തുത സ്കൂള്‍ കെട്ടിടങ്ങളുടെ നിർമ്മാണത്തിന്റെ നിർവ്വഹണ ഏജൻസി ആരെന്ന് അറിയിക്കാമോ;

പ്രസ്തുത സ്കൂള്‍ കെട്ടിടങ്ങളുടെ നിർമ്മാണം എന്ന് ആരംഭിക്കാൻ കഴിയുമെന്ന് വ്യക്തമാക്കാമോ?

പാലാ നിയോജക മണ്ഡലത്തിലെ അളനാട് ഗവണ്‍മെന്റ് യു.പി. സ്കൂളിനായി ബസ് വാങ്ങുന്നതിനു് എം.എല്‍.എ ഫണ്ടില്‍ നിന്നും 14 ലക്ഷം രൂപ 2020-21 സാമ്പത്തിക വര്‍ഷത്തില്‍ അനുവദിച്ചതിന്‍മേല്‍ കോട്ടയം ജില്ലാകളക്ടര്‍ ഗവണ്‍മെന്റ് നിര്‍ദ്ദേശത്തിനായി ഫയല്‍ അയച്ച സാഹചര്യത്തില്‍ സ്കൂള്‍ ബസ് സമയ ബന്ധിതമായി വാങ്ങുന്നതിനുള്ള നടപടികള്‍ സ്വീകരിക്കുമോ; വിശദാംശം ലഭ്യമാക്കുമോ?

അഞ്ഞൂറില്‍ കൂടുതല്‍ കുട്ടികള്‍ പഠിക്കുന്ന സ്കൂളുകള്‍ക്ക് അടിസ്ഥാന സൗകര്യ വികസനത്തിനായി കിഫ്ബി പദ്ധതിയില്‍ ഉള്‍പ്പെടുത്തി ഒരു കോടി രൂപ അനുവദിക്കുന്ന പദ്ധതിയില്‍ പയ്യന്നൂര്‍ നഗരസഭയിലെ വെള്ളൂര്‍ ഗവ. എല്‍.പി. സ്കൂളിനെ ഉള്‍പ്പെടുത്താന്‍ ആവശ്യമായ നടപടികള്‍ സ്വീകരിക്കുമോ?

മാവേലിക്കര മണ്ഡലത്തിലെ താമരക്കുളം ഗവ.‍ഡബ്ള്യു.എൽ.പി.എസ്, ഗവ.എൽ.പി.എസ് എന്നിവയുടെ വികസനത്തിന് സ്വീകരിച്ച നടപടികള്‍ വിശദമാക്കാമോ;

ഏതെല്ലാം പദ്ധതികളില്‍ ഉള്‍പ്പെടുത്തിയാണ് തുക അനുവദിച്ചതെന്നും പ്രസ്തുത പദ്ധതികളുടെ നിലവിലെ സ്ഥിതി വിവരവും വിശദമാക്കാമോ?

പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി അരിമ്പൂര്‍ പഞ്ചായത്തിലെ കുന്നത്തങ്ങാടിയില്‍ പ്രവര്‍ത്തിക്കുന്ന സര്‍ക്കാര്‍ യു.പി. സ്കൂളിന്റെ പുതിയ കെട്ടിട നിര്‍മ്മാണത്തിന്റെ പുരോഗതി വിശദമാക്കാമോ;

പുതിയ കെട്ടിടത്തില്‍ എത്ര ക്ലാസ്സ് മുറികള്‍ ഉണ്ടാകുമെന്ന് അറിയിക്കാമോ;

പുതിയ കെട്ടിടത്തിന്റെ എസ്റ്റിമേറ്റ് എത്രയാണെന്നും എന്ന് പണി പൂര്‍ത്തീകരിക്കുമെന്നും വ്യക്തമാക്കാമോ?

കാസർകോട് ഗവ.ഹയർ സെക്കണ്ടറി സ്കൂൾ സ്ഥാപിതമായത് ഏത് വർഷമാണെന്ന് വ്യക്തമാക്കാമോ;

ഈ സ്ഥാപനം തുടങ്ങിയത് എത്ര ക്ലാസ്സുകളോടുകൂടിയാണെന്നും തുടക്കത്തിൽ എത്ര കുട്ടികളും സ്റ്റാഫും ഉണ്ടായിരുന്നു എന്നും അറിയിക്കാമോ;

ഇപ്പോൾ ഉള്ള ക്ലാസ്സുകളുടെയും സ്റ്റാഫിന്റെയും കുട്ടികളുടെയും എണ്ണം വ്യക്തമാക്കാമോ;

സ്കൂൾ ആരംഭിക്കുന്ന കാലത്ത് എത്ര സ്ഥലമാണ് ഉണ്ടായിരുന്നതെന്നും അതെങ്ങനെ ലഭിച്ചതാണെന്നും ഇപ്പോൾ എത്ര സ്ഥലമാണുള്ളതെന്നും വ്യക്തമാക്കാമോ; ആരംഭകാലത്തുള്ളതിനേക്കാൾ കൂടുതൽ സ്ഥലം ഉണ്ടെങ്കിൽ അതെങ്ങനെ ലഭിച്ചതാണെന്ന് വ്യക്തമാക്കാമോ;

സ്കൂളിന്റെ സ്ഥലവും കെട്ടിടങ്ങളും ആരുടെ ഉടമസ്ഥതയിലാണെന്ന് വ്യക്തമാക്കാമോ;

ജീർണ്ണാവസ്ഥയിൽ എത്ര കെട്ടിടങ്ങളുണ്ടെന്ന് വ്യക്തമാക്കാമോ; ജീർണ്ണാവസ്ഥയുടെ വിശദാംശം നൽകാമോ;

സ്കൂൾ കോമ്പൗണ്ടിനകത്ത് പ്രവർത്തിക്കുന്ന സ്കൂൾ ബുക്ക് ഡിപ്പോ സ്ഥിതിചെയ്യുന്ന സ്ഥലവും കെട്ടിടവും ആരുടെ ഉടമസ്ഥതയിലാണെന്നും പ്രസ്തുത കെട്ടിടം ഏതവസ്ഥയിലാണെന്നും വ്യക്തമാക്കാമോ;പ്രസ്തുത കെട്ടിടത്തിന്റെയും കെട്ടിടം സ്ഥിതി ചെയ്യുന്ന സ്ഥലത്തിന്റെയും ഉടമസ്ഥാവകാശം തെളിയിക്കുന്ന രേഖകളുടെ പകർപ്പ് ലഭ്യമാക്കാമോ?

നാദാപുരം മണ്ഡലത്തിലെ കുന്നുമ്മൽ ഉപജില്ലയിൽപ്പെടുന്ന കരണ്ടോട് ജി.എൽ.പി.സ്കൂൾ കെട്ടിട നിർമ്മാണത്തിന് ഒരു കോടിയുടെ ഭരണാനുമതി ലഭിച്ചതിന്റെ സാങ്കേതിക അനുമതിയും ടെണ്ടറും എന്ന് ലഭ്യമാക്കും എന്ന് അറിയിക്കുമോ;

പ്രസ്തുത പ്രവൃത്തിയുടെ നിര്‍വ്വഹണ ഏജന്‍സി ഏതെന്ന് വ്യക്തമാക്കുമോ?

നെയ്യാറ്റിന്‍കര നിയോജക മണ്ഡലത്തില്‍ ഒരു കോടി രൂപയുടെ പദ്ധതിയില്‍ ഉള്‍പ്പെടുത്തിയ തിരുപുറം ഹെെസ്കൂള്‍, പൊഴിയൂര്‍ ലോവര്‍ പ്രെെമറി സ്കൂള്‍ എന്നിവയുടെ നിര്‍മ്മാണ പ്രവൃത്തിയുടെ നിലവിലെ സ്ഥിതി എന്തെന്ന് വിശദമാക്കാമോ;

നിര്‍മ്മാണ പ്രവൃത്തികളുടെ പൂര്‍ത്തീകരണം വെെകുന്നതിന്റെ കാരണം എന്തെന്നും പ്രവൃത്തി എപ്പോള്‍ പൂര്‍ത്തീകരിക്കാന്‍ കഴിയുമെന്നും വിശദമാക്കാമോ?

വിഴിഞ്ഞം തുറമുഖ പ്രദേശം എന്നത് പരിഗണിച്ച് വിഴിഞ്ഞം സെന്റ് മേരീസ് ഹയർ സെക്കണ്ടറി സ്കൂളിന് പുതിയ ബാച്ചുകൾ അനുവദിക്കാൻ നടപടി സ്വീകരിക്കുമോ?

കോലഞ്ചേരി സബ് ജില്ലയിൽ എം. എം. യു. പി. എസ്. കിങ്ങിണിമറ്റം സ്‌കൂളിൽ എല്‍. പി. എസ്. എ. ആയി ജോലി നോക്കിയിരുന്ന ഫാ.കെ. പി. ചെറിയാൻ സമർപ്പിച്ച അവധി അപേക്ഷ പൊതുവിദ്യാഭ്യാസ വകുപ്പിൽ പരിഗണനയിലാണോ;

പ്രസ്തുത അപേക്ഷ എന്നാണ് സമര്‍പ്പിച്ചതെന്നും ഈ ഫയലിൽ യഥാസമയം റിപ്പോർട്ട് ലഭ്യമാക്കി നടപടി സ്വീകരിക്കാത്തതിന് ഉത്തരവാദികളായ ഉദ്യോഗസ്ഥർ ആരൊക്കെയാണെന്നും വ്യക്തമാക്കാമോ;

അദ്ദേഹം പെൻഷൻ ലഭിക്കുന്നതിന് വേണ്ടി അവധി ക്രമപ്പെടുത്തുന്നതിന് നല്‍കിയ അപേക്ഷയില്‍ നിലവിൽ നിയമപരമായി തടസങ്ങൾ ഉണ്ടോ; എങ്കിൽ ഉത്തരവുകളുടെ പകർപ്പ് നൽകാമോ;

അല്ലെങ്കില്‍ അദ്ദേഹത്തിന്റെ അപേക്ഷ തീർപ്പാക്കാൻ സമയബന്ധിതമായി നടപടി സ്വീകരിക്കുമോ?

എറണാകുളം ജില്ലയിലെ എഫ്.എം.സി.റ്റി എച്ച്.എസ്.എസ്. കരുമാളൂർ സ്കൂളിലെ എച്ച്.എസ്.എസ്.(ജൂനിയര്‍) മലയാളം അധ്യാപികയായ ശ്രീമതി ഷെൽമ ജോസ് ആറ്റുപുറം (പെര്‍മനന്‍റ് എംപ്ളോയി നമ്പര്‍: 735913) സ്‍പെഷ്യല്‍ ഡിസബിലിറ്റി ലീവിന് നൽകിയ അപേക്ഷ നാളിതുവരെ പരിഗണിക്കാത്തത് ശ്രദ്ധയിൽപ്പെട്ടിട്ടുണ്ടോ;

പ്രസ്തുത ലീവ് അപേക്ഷയിൽ തീരുമാനമെടുക്കാത്തത് മൂലം അധ്യാപികയ്ക്ക് പ്രൊബേഷൻ, ശമ്പള പരിഷ്കരണം, ഇൻക്രിമെന്റ് തുടങ്ങിയ ആനുകൂല്യങ്ങൾ ലഭിക്കാത്തത് ശ്രദ്ധയിൽപ്പെട്ടിട്ടുണ്ടോയെന്ന് വ്യക്തമാക്കുമോ;

2019 ഒക്ടോബർ പത്തൊന്‍പതിന് പട്ടാമ്പിയിൽ വച്ച് നടന്ന ടീച്ചേഴ്സ് ട്രെയിനിംഗ് സമയത്ത് ഉണ്ടായ ആക്സിഡന്റ് മൂലം രണ്ട് മാസത്തെ ലീവ് ആവശ്യപ്പെട്ട് നൽകിയ അപേക്ഷകയുടെ ഫയലിന്മേൽ (ഫയല്‍ നം: RDD/A2 /14437/RDD HSE / 2019, ഫയല്‍ നം: ACD/ A1/17130/2020) അടിയന്തരമായി നടപടി സ്വീകരിയ്ക്കുവാൻ ബന്ധപ്പെട്ട ഉദ്യോഗസ്ഥർക്ക് നിർദ്ദേശം നൽകുമോയെന്ന് അറിയിക്കുമോ?

പയ്യന്നൂര്‍ മണ്ഡലത്തില്‍ തളിപ്പറമ്പ് നോര്‍ത്ത് എ.ഇ.ഒ. ക്ക് കീഴില്‍ വരുന്ന വെള്ളക്കാട് എം.എ.എം. എല്‍.പി. സ്കൂളിന്റെ മാനേജരെ നിശ്ചയിച്ചിട്ടുണ്ടോ;

ജനറല്‍ബോഡി യോഗം മാനേജരായി തെരഞ്ഞെടുത്ത ശ്രീ. എ. പി. അബ്ദുള്‍സത്താര്‍ മാനേജര്‍ നിയമനത്തിന്റെ അംഗീകാരത്തിനായി അപേക്ഷ നല്‍കിയിട്ടുണ്ടോ; അതിന്റെ തുടര്‍ നടപടികള്‍ എന്തെല്ലാമാണെന്നറിയിക്കാമോ;

പ്രസ്തുത നിയമന അംഗീകാര അപേക്ഷ എ.ഇ.ഒ. നിരസിച്ചത് എന്ത് കാരണത്താലാണെന്നറിയിക്കാമോ;

ആയതിന് പൊതുവിദ്യാഭ്യാസ ഡയറക്ടര്‍ക്ക് അപ്പീല്‍ നല്‍കിയിട്ടുണ്ടോ; അതിന്മേല്‍ എന്തെല്ലാം നടപടികളാണ് ഇതുവരെ സ്വീകരിച്ചത്; വിശദമാക്കാമോ?

സംസ്ഥാനത്തെ സ്കൂളുകളില്‍ കഴിഞ്ഞ അധ്യയന വര്‍ഷം അധ്യാപക തസ്തിക നിര്‍ണ്ണയം നടക്കാത്തതിനാല്‍, എയ്ഡഡ് സ്കൂളുകളിലെ അധ്യാപകര്‍ക്ക് പ്രായപരിധി കടന്നുപോയി എന്ന കാരണത്താല്‍ നിയമനം ലഭിക്കുന്നതിന് തടസം നേരിടുന്ന വിവരം ശ്രദ്ധയില്‍പ്പെട്ടിട്ടുണ്ടോ;

കോവിഡ് മൂലം തസ്തിക നിര്‍ണയം നടക്കാത്തതിനാല്‍, നിയമനം ലഭിക്കാന്‍ സാധ്യത ഉണ്ടായിരുന്നിട്ടും പ്രായപരിധി കടന്ന് പോയതിനാല്‍ അവസരം നിഷേധിക്കപ്പെടുന്നവരുടെ വിഷയത്തില്‍ എന്തൊക്കെ സഹായകരമായ നടപടികളാണ് സ്വീകരിക്കാന്‍ ഉദ്ദേശിക്കുന്നത്; വിശദീകരിക്കാമോ?

സംസ്ഥാനത്തെ എയ്ഡഡ് സ്കൂളുകളിലെ നിയമനാംഗീകാരവുമായി ബന്ധപ്പെട്ട അപ്പീല്‍ പെറ്റീഷനുകളില്‍ എത്രയെണ്ണം തീര്‍പ്പ് കല്‍പ്പിക്കാതെ വകുപ്പില്‍ കെട്ടിക്കിടപ്പുണ്ടെന്ന് വിശദമാക്കാമോ;

ഈ അപ്പീല്‍ പെറ്റീഷനുകളില്‍ സമയബന്ധിതമായി തീര്‍പ്പ് കല്‍പ്പിക്കാനുള്ള നടപടി സ്വീകരിക്കുമോ; വിശദാംശങ്ങള്‍ അറിയിക്കാമോ?

സംസ്ഥാനത്തെ സര്‍ക്കാര്‍ സ്കൂളുകളില്‍ നീന്തല്‍കുളം സ്ഥാപിക്കുന്ന പദ്ധതി പ്രകാരം നീന്തല്‍കുളം നിര്‍മ്മിക്കുന്നതിന് മലമ്പുഴ മണ്ഡലത്തിലെ ഏതെല്ലാം സ്കൂളുകളെയാണ് തെരഞ്ഞെടുത്തിട്ടുള്ളത് എന്ന് അറിയിക്കാമോ;

പ്രസ്തുത പദ്ധതി പ്രകാരം ഓരോ സ്കൂളിനും അനുവദിക്കുന്ന തുക, പദ്ധതിയുടെ നിര്‍മ്മാണചുമതല, നിര്‍വ്വഹണ ഏജന്‍സി മുതലായവയുടെ വിശദാംശങ്ങള്‍ ലഭ്യമാക്കാമോ?

വിദ്യാഭ്യാസ ലോണ്‍ അനുവദിക്കുന്നതിനുള്ള വ്യവസ്ഥകള്‍/ നിബന്ധനകള്‍ എന്തെല്ലാമാണെന്ന് വ്യക്തമാക്കാമോ;

വിവിധ ദേശസാത്കൃത ബാങ്കുകള്‍ വിദ്യാഭ്യാസ ലോണ്‍ നിഷേധിക്കുന്നതായ പരാതികള്‍ ശ്രദ്ധയില്‍പ്പെട്ടിട്ടുണ്ടോ; ഇത്തരത്തില്‍ വിദ്യാഭ്യാസ ലോണ്‍ നിഷേധിക്കുന്നതിനെതിരെ സ്വീകരിക്കാന്‍ ഉദ്ദേശിക്കുന്ന നടപടികള്‍ വ്യക്തമാക്കാമോ?

ഭാഷാന്യൂനപക്ഷ വിഭാഗത്തിൽപ്പെട്ട വിദ്യാർത്ഥികൾക്ക് നൽകിവരുന്ന ഓൺലൈൻ പാഠ്യപദ്ധതിയുടെ വിശദാംശങ്ങൾ വ്യക്തമാക്കുമോ; ഇതിന്റെ കാര്യക്ഷമത വിലയിരുത്തിയിട്ടുണ്ടോ?

നിലമ്പൂര്‍ നഗരസഭയ്ക്ക് കീഴിലെ മുക്കട്ട ഗവ. എല്‍. പി. സ്കൂള്‍ സ്ഥിതി ചെയ്യുന്ന സ്ഥലത്തിന്റെ ഉടമസ്ഥാവകാശവുമായി ബന്ധപ്പെട്ട് സ്വകാര്യ വ്യക്തികള്‍ വിദ്യാഭ്യാസ വകുപ്പില്‍ സമര്‍പ്പിച്ചിട്ടുള്ള രേഖകളുടെ പകര്‍പ്പുകള്‍ ലഭ്യമാക്കാമോ;

സ്വകാര്യ വ്യക്തികളുടേതെന്ന് ചിലര്‍ അവകാശപ്പെടുന്ന പ്രസ്തുത സ്ഥലം ഉടമസ്ഥാവകാശം തെളിയിക്കുന്ന നിയമപരമായ രേഖകളില്ലെങ്കില്‍ അടിയന്തരമായി സര്‍ക്കാര്‍ ഏറ്റെടുക്കുന്നതിന് നടപടി സ്വീകരിക്കുമോ;

ഇതുസംബന്ധിച്ച പരിശോധനകള്‍ക്കും തുടര്‍ നടപടികള്‍ക്കും പ്രത്യേകമായി ഉദ്യാേഗസ്ഥരെ ചുമതലപ്പെടുത്തുമോ;

എണ്‍പ്പത്തിയഞ്ച് വര്‍ഷം പഴക്കമുള്ള കെട്ടിടങ്ങള്‍ പുനര്‍നിര്‍മ്മിക്കുന്നതിനും അടിസ്ഥാന സൗകര്യങ്ങള്‍ വികസിപ്പിക്കുന്നതിനും വേണ്ടി സംസ്ഥാന പദ്ധതി വിഹിതത്തില്‍ നിന്നും തുക അനുവദിക്കുന്നതിനായി വിദ്യാഭ്യാസ വകുപ്പില്‍ മുന്‍ വര്‍ഷങ്ങളില്‍ സമര്‍പ്പിച്ചിരുന്ന പ്രെപ്പോസലില്‍ സര്‍ക്കാര്‍ സ്വീകരിച്ച നടപടികള്‍ വിശദമാക്കാമോ?

കോവിഡ് 19 ന്റെ സാഹചര്യത്തില്‍ സ്കൂളുകള്‍ തുറന്ന് പ്രവര്‍ത്തിക്കാന്‍ കഴിയാത്തതിനാല്‍ കുട്ടികളുടെ മാനസികാരോഗ്യം ശക്തിപ്പെടുത്താനുള്ള എന്തെല്ലാം പരിപാടികളാണ് സംസ്ഥാനത്ത് നടപ്പിലാക്കുന്നത്; വിശദാംശം ലഭ്യമാക്കുമോ?

സംസ്ഥാനത്ത് പ്രീപ്രൈമറി തലം മുതല്‍ ഹയര്‍സെക്കണ്ടറി തലംവരെ മാതൃഭാഷ പഠനം നിര്‍ബന്ധമാക്കുന്നതിന് എന്തെല്ലാം ഇടപെടലുകളാണ് സര്‍ക്കാര്‍ നടത്തുന്നതെന്ന് വ്യക്തമാക്കുമോ;

ഓൺലൈൻ പഠനത്തിന്റെ കാലത്തു ഭൂരിപക്ഷം കുട്ടികൾക്കും പഠന രീതികൾ പിന്തുടരാൻ കഴിയാത്ത സാഹചര്യത്തിൽ മാതൃഭാഷയിൽ കൂടി അധ്യയനം ഉറപ്പാക്കുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; എങ്കില്‍ വിശദാംശം വ്യക്തമാക്കുമോ?

റാന്നി മണ്ഡലത്തിൽ 2016 ജൂൺ മുപ്പത് മുതൽ 2021 ജൂൺ മുപ്പത് വരെ ഭരണാനുമതി ലഭിച്ച പ്ലാൻ ഫണ്ട് പ്രവൃത്തികളുടെ വിശദവിവരം ഭരണാനുമതിയുടെ പകർപ്പ് സഹിതം ലഭ്യമാക്കാമോ;

ഭരണാനുമതി ലഭിച്ച പ്രവൃത്തികളുടെ നിലവിലെ സ്ഥിതി വിശദമാക്കാമോ;

പ്രസ്തുത മണ്ഡലത്തിൽ വിദ്യാഭ്യാസ വകുപ്പ് കിഫ് ബി വഴി നടപ്പിലാക്കിയ / നടപ്പിലാക്കി കൊണ്ടിരിക്കുന്ന / നടപ്പിലാക്കുവാൻ പോകുന്ന പദ്ധതികളുടെ വിശദവിവരം ലഭ്യമാക്കാമോ?

കുണ്ടറ നിയോജകമണ്ഡലത്തിൽ ഡിജിറ്റൽ ഉപകരണങ്ങള്‍ ഇല്ലാത്ത കുട്ടികളുടെ എണ്ണം സ്കൂളുകൾ തിരിച്ച് നൽകാമോ?

എയ്ഡഡ് ഹയർ സെക്കണ്ടറി സ്കൂളിൽ ഹൈസ്കൂൾ വിഭാഗത്തിൽ ഹെഡ് മാസ്റ്റർ ആകാൻ യോഗ്യതയുള്ള അധ്യാപകൻ പ്രമോഷൻ സ്വീകരിച്ച് ഹയർ സെക്കണ്ടറി ജൂനിയർ അധ്യാപകനായി ജോലി ചെയ്തു വരുമ്പോൾ സീനിയോറിറ്റി പ്രകാരം ഹൈസ്കൂൾ വിഭാഗത്തിൽ വരുന്ന ഒഴിവിൽ ഹെഡ് മാസ്റ്റർ തസ്തികയിലേക്ക് തിരിച്ചു വരാൻ കഴിയുമോ ;

ഇതു സംബന്ധിച്ച ഉത്തരവിന്റെ പകര്‍പ്പ് ലഭ്യമാക്കാമോ ?

വൊക്കേഷണല്‍ ഹയര്‍ സെക്കന്ററി വിഭാഗത്തില്‍ എത്ര എല്‍.ഡി. ക്ലര്‍ക്കുമാരുടെ ഒഴിവുകള്‍ നിലവിലുണ്ട്; ജില്ല തിരിച്ച് വിശദമാക്കാമോ;

പ്രസ്തുത ഒഴിവുകള്‍ പി. എസ്. സി.-ക്ക് റിപ്പോര്‍ട്ട് ചെയ്തിട്ടുണ്ടോ; ഇല്ലെങ്കില്‍ കാരണം വ്യക്തമാക്കാമോ;

ഉന്നത തസ്തികകളിൽ പ്രമോഷന്‍ നടക്കാത്തതിന്റെ ഭാഗമായി റിപ്പോര്‍ട്ട് ചെയ്യപ്പെടാത്ത എത്ര പ്രതീക്ഷിത എല്‍. ഡി. ക്ലര്‍ക്കുമാരുടെ ഒഴിവുകള്‍ ഉണ്ടാകുമെന്ന് ജില്ല തിരിച്ച് വിശദമാക്കാമോ;

പ്രമോഷന്‍ തസ്തികയിലേക്ക് താല്‍ക്കാലിക നിയമനം നല്‍കി കാലാവധി പൂര്‍ത്തിയാകുന്ന റാങ്ക് ലിസ്റ്റില്‍നിന്നും എല്‍.ഡി. ക്ലർക്ക്മാരുടെ ഒഴിവുകള്‍ നികത്താന്‍ നടപടി സ്വീകരിക്കുമോ?

പേരാമ്പ്ര മണ്ഡലത്തിലെ ശ്രീവാസുദേവ ആശ്രമം ഹയര്‍ സെക്കന്ററി സ്കൂള്‍ സര്‍ക്കാര്‍ ഏറ്റെടുക്കുന്നതിന് എന്തൊക്കെ നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ;

2015-ല്‍ മാനേജരുടെ മരണത്തെത്തുടര്‍ന്ന് ഹയര്‍ സെക്കണ്ടറി വിഭാഗത്തിലെ അദ്ധ്യാപകര്‍, ലാബ് അസിസ്റ്റന്റുമാര്‍ എന്നിവരുടെ പ്രൊബേഷന്‍, പ്രമോഷന്‍ എന്നിവ വര്‍ഷങ്ങളായി മുടങ്ങിക്കിടക്കുകയാണ് എന്ന കാര്യം ശ്രദ്ധയില്‍പ്പെട്ടിട്ടുണ്ടോ;

പ്രസ്തുത സ്കൂളിലെ എത്ര അദ്ധ്യാപകരുടെയും ലാബ് അസിസ്റ്റന്റുമാരുടെയും പ്രൊബേഷന്‍ ഡിക്ലയര്‍ ചെയ്യാനുള്ള അപേക്ഷ ആര്‍. ഡി. ഡി. ഓഫീസിലും ഡയറക്ടറേറ്റിലും ഉണ്ട് എന്ന് വ്യക്തമാക്കുമോ; ഇതില്‍ തീരുമാനമെടുക്കേണ്ടത് ആരാണ് എന്ന് അറിയിക്കുമോ;

മാനേജര്‍ മരണപ്പെടുകയോ മാനേജ്മെന്റ് തര്‍ക്കം നിലനില്‍ക്കുകയോ ചെയ്യുന്ന സ്കൂളുകളില്‍ അദ്ധ്യാപകരുടെയും മറ്റ് ജീവനക്കാരുടെയും പ്രൊബേഷന്‍ പോലുള്ള കാര്യങ്ങള്‍ തടസ്സപ്പെടാതെ നടത്തപ്പെടുന്നതിന് എന്ത് നടപടിയാണ് സ്വീകരിക്കുക എന്ന് വ്യക്തമക്കുമോ; ഇക്കാര്യത്തില്‍ എന്തെങ്കിലും ഉത്തരവ് നിലവിലുണ്ടോ; ഉണ്ടെങ്കില്‍ അതിന്റെ പകര്‍പ്പ് ലഭ്യമാകുമോ?

എസ്.സി.ഇ.ആർ.ടി യിലെ നിയമനങ്ങള്‍ പി.എസ്.സി.ക്ക് വിടുന്നതിനുള്ള സ്പെഷ്യല്‍ റൂള്‍സ് തയ്യാറാക്കിയിട്ടുണ്ടോയെന്ന് വ്യക്തമാക്കാമോ?

വി. എച്ച്. എസ്. ഇ. വകുപ്പില്‍ 1997 മുതല്‍ സ്പെഷല്‍ റൂള്‍സ് നിലവില്‍വരുന്നതുവരെ മിനിസ്റ്റീരിയല്‍ ജീവനക്കാര്‍ക്ക് പത്ത് ശതമാനം ക്വാട്ട സംവരണം ചെയ്ത് നിയമനം നടന്നിട്ടുണ്ടോ; ഉണ്ടെങ്കില്‍ എത്ര പേരെ നിയമിച്ചു; അറിയിക്കുമോ;

നിയമനം ലഭിച്ചിട്ടുണ്ടെങ്കില്‍ പി.എസ്.സി. എലിജിബിലിറ്റി ടെസ്റ്റ് പാസ്സായി തുടര്‍നിയമനം ലഭിച്ചവര്‍ക്ക് കെ. എസ്. ആര്‍. പാര്‍ട്ട് വണ്‍ റൂള്‍ 37 ഗവണ്‍മെന്റ് ഡിക്ലറേഷന്‍ ഒന്‍പത് പ്രകാരം ശമ്പളം നല്‍കിയിട്ടുണ്ടോ;

ഉണ്ടെങ്കില്‍ എത്രപേര്‍ക്കാണ് നല്‍കിയിട്ടുളളത്; ഇനി എത്ര പേര്‍ക്കാണ് നല്‍കാനുള്ളത്;

ശമ്പളം നല്‍കുന്നതില്‍ എന്തെങ്കിലും തടസ്സം ഉണ്ടെങ്കില്‍ അത് നീക്കി അവര്‍ക്ക് ശമ്പളം ലഭ്യമാക്കാനുള്ള നടപടി സ്വീകരിക്കാമോ?

സംസ്ഥാനത്തെ ഹയര്‍ സെക്കണ്ടറി വിദ്യാലയങ്ങളിൽ ലാബ് അസിസ്റ്റന്റുമാരുടെ എത്ര തസ്തികകള്‍ ഉണ്ടെന്ന് വിശദമാക്കുമോ; ഇതില്‍ സര്‍ക്കാര്‍ മേഖല, എയ്ഡഡ് മേഖല, അണ്‍ എയ്ഡഡ് മേഖല എന്നിവ തിരിച്ചുള്ള വിവരങ്ങള്‍ ലഭ്യമാക്കാമോ;

സര്‍ക്കാര്‍ ഹയര്‍ സെക്കണ്ടറി വിദ്യാലയങ്ങളില്‍ മൊത്തം ലാബ് അസിസ്റ്റന്റുമാരുടെ എത്ര ഒഴിവുകള്‍ ഉണ്ടെന്ന് ജില്ലതിരിച്ച് വിശദമാക്കുമോ;

ഒരു ഹയര്‍സെക്കണ്ടറി വിദ്യാലയത്തില്‍ കുറഞ്ഞത് എത്ര ബാച്ചുകള്‍ ഉണ്ടെങ്കിലാണ് ലാബ് അസിസ്റ്റന്റുമാരെ നിയമിക്കുന്നതെന്ന് വ്യക്തമാക്കുമോ; രണ്ട് ലാബ് അസിസ്റ്റന്റുമാരെ നിയമിക്കുന്നതിന് കുറഞ്ഞത് എത്ര ബാച്ചുകള്‍ വേണമെന്ന് വിശദമാക്കുമോ; എല്ലാ സര്‍ക്കാര്‍ ഹയര്‍ സെക്കണ്ടറി വിദ്യാലയങ്ങളിലും രണ്ടുവീതം ലാബ് അസിസ്റ്റന്റുമാരുണ്ടോ ; രണ്ട് ലാബ് അസിസ്റ്റന്റുമാരുടെ തസ്തിക നിലവിലുള്ള സര്‍ക്കാര്‍ ഹയര്‍ സെക്കണ്ടറി വിദ്യാലയത്തില്‍ ഒരു ലാബ് അസിസ്റ്റന്റിനെ മാത്രം നിയമിച്ച വിദ്യാലയങ്ങള്‍ ഉണ്ടോ;

തസ്തിക ഉണ്ടായിട്ടും ലാബ് അസിസ്റ്റന്റുമാര്‍ ഇല്ലാത്ത സര്‍ക്കാര്‍ വിദ്യാലയങ്ങള്‍ ഉണ്ടോ; എങ്കില്‍ ജില്ലതിരിച്ചുള്ള കണക്കുകള്‍ ലഭ്യമാക്കുമോ;

ലാബ് അസിസ്റ്റന്റ് തസ്തികയില്‍ പി.എസ്‍.സി റാങ്ക് പട്ടിക നിലവിലുണ്ടോ; എങ്കിൽ പ്രസ്തുത പട്ടികയില്‍ നിന്ന് എത്രപേരെ നിയമിച്ചിട്ടുണ്ടെന്ന ജില്ലതിരിച്ചുള്ള കണക്കുകള്‍ ലഭ്യമാക്കുമോ; പ്രസ്തുത റാങ്ക് പട്ടികയില്‍ ഇനി എത്രപേര്‍ നിയമനം ലഭിക്കാതെ അവശേഷിക്കുന്നുണ്ടെന്ന് വ്യക്തമാക്കാമോ;

ലാബ് അസിസ്റ്റന്റുമാരുടെ പൊതുസ്ഥലമാറ്റം നടക്കാറുണ്ടോ; എങ്കിൽ അവസാനമായി പൊതുസ്ഥലംമാറ്റം നടന്നത് ഏത് വര്‍ഷത്തിലാണെന്ന് വ്യക്തമാക്കുമോ; പൊതുസ്ഥലംമാറ്റത്തിന് അപേക്ഷ ക്ഷണിച്ചുകൊണ്ടുള്ള ഏറ്റവും ഒടുവിലത്തെ സര്‍ക്കാര്‍ ഉത്തരവിന്റെ വിശദാംശങ്ങള്‍ ലഭ്യമാക്കുമോ; പൊതു സ്ഥലമാറ്റത്തിന്റെ മാനദണ്ഡങ്ങള്‍ വ്യക്തമാക്കുമോ; ലാബ് അസിസ്റ്റന്റുമാരില്‍ സ്ഥലം മാറ്റത്തിനായി നിലവില്‍ അപേക്ഷിച്ചവരുടെ എണ്ണം ജില്ലതിരിച്ച് ലഭ്യമാക്കുമോ;

തസ്തികമാറ്റം വഴി എച്ച്.എസ്‍.എസ്‍. അദ്ധ്യാപകനിയമനം തുടങ്ങിയിട്ടുണ്ടോ എന്നും ആയതുപ്രകാരം സംസ്ഥാനത്ത് എത്ര പേരെ നിയമിച്ചുവെന്നും വ്യക്തമാക്കുമോ; തസ്തികമാറ്റം വഴി മിനിസ്റ്റീരിയല്‍ സ്റ്റാഫിനെയും ലാബ് അസിസ്റ്റന്റുമാരെയും എച്ച്.എസ്‍.എസ്‍. അദ്ധ്യാപകരായി നിയമിച്ചിട്ടുണ്ടെങ്കില്‍ ഇതിന്റെ ജില്ലതിരിച്ചുള്ള കണക്ക് ലഭ്യമാക്കുമോ?

കാസര്‍ഗോഡ് ജില്ലയില്‍ അധ്യാപക/അനധ്യാപക തസ്തികകളില്‍ നിയമന ശിപാ‍ർശ ലഭിച്ചിട്ടും നിയമന ഉത്തരവ് കിട്ടാത്ത എത്ര ഉദ്യോഗാര്‍ത്ഥികള്‍ ഉണ്ടെന്ന് വ്യക്തമാക്കാമോ;

ജില്ലയില്‍ എല്‍.പി, യു.പി, എച്ച്.എസ്.എ, എച്ച്.എസ്.എസ്.റ്റി,വൊക്കേഷണല്‍ ഹയര്‍ സെക്കണ്ടറി വിഭാഗങ്ങളില്‍ ഇനിയും നികത്താത്ത എത്ര ഒഴിവുകള്‍ ഉണ്ടെന്നും ഈ ഒഴിവുകള്‍ എപ്പോള്‍ നികത്താന്‍ കഴിയുമെന്നും വ്യക്തമാക്കാമോ?

മന്ത്രിമാരുടേയും, എം.എല്‍.എ.മാരുടെയും സ്റ്റാഫിലേക്കുള്ള ഡെപ്യൂട്ടേഷന്‍ വഴി ഉണ്ടായ ഒഴിവുകളില്‍ ദിവസ വേതനാടിസ്ഥാനത്തില്‍ അധ്യാപക നിയമനത്തിന് നിലവില്‍ എന്തെങ്കിലും തടസ്സങ്ങള്‍ ഉണ്ടോ ;

ഇത്തരം നിയമനത്തിന് സര്‍ക്കാര്‍ പുറപ്പെടുവിച്ചിട്ടുള്ള സര്‍ക്കാര്‍ ഉത്തരവ് ലഭ്യമാക്കാമോ ?

സംസ്ഥാനത്ത് നിലവിലെ പ്രൈമറി സ്കൂള്‍ അധ്യാപക നിയമനത്തിനുള്ള റാങ്ക് ലിസ്റ്റില്‍ നിന്നും എത്ര നിയമനങ്ങള്‍ നടത്തിയിട്ടുണ്ട്; ഇപ്പോള്‍ എത്ര ഒഴിവുകള്‍ നിലവിലുണ്ട്; ഈ റാങ്ക് ലിസ്റ്റിന്റെ കാലാവധിഎന്ന് അവസാനിയ്ക്കുമെന്ന് അറിയിക്കാമോ ;

സംസ്ഥാനത്തെ പ്രധാന അധ്യാപക നിയമനം സംബന്ധിച്ച് സുപ്രീകോടതിയിലെ കേസ്സില്‍ ഇടപെടല്‍ നടത്തി സംസ്ഥാനത്ത് നിലവില്‍ ഒഴിഞ്ഞ് കിടക്കുന്ന പ്രധാന അധ്യാപക നിയമനം ത്വരിതപ്പെടുത്തുവാന്‍ നടപടി സ്വീകരിക്കുമോ?

പൊതുവിദ്യാഭ്യാസ വകുപ്പില്‍ ടെക്സ്റ്റ് ബുക്ക് ഓഫീസര്‍ മുതല്‍ ജൂനിയര്‍ സൂപ്രണ്ട് വരെയുള്ള വിവിധ തസ്തികകള്‍ ഒഴിഞ്ഞ് കിടക്കുന്നതായി സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

പ്രസ്തുത തസ്തികകളിലേക്ക് ജീവനക്കാര്‍ക്ക് പ്രൊമോഷന്‍ നല്‍കുന്നതിന് സാങ്കേതിക തടസ്സങ്ങളുണ്ടോ എന്ന് വ്യക്തമാക്കുമോ,;

സാങ്കേതിക തടസ്സങ്ങള്‍ പരിഹരിച്ച് പ്രൊമോഷന്‍ നല്‍കുന്നതിന് സര്‍ക്കാര്‍ നടപടി സ്വീകരിക്കുമോ എന്ന് വ്യക്തമാക്കുമോ?

അഞ്ച് വർഷം സർവീസ് പൂർത്തിയാക്കിയിട്ടുള്ള ഹയർ സെക്കന്‍ഡറി ജൂനിയർ അദ്ധ്യാപകരെ സീനിയറാക്കി പ്രൊമോട്ട് ചെയ്യുന്ന കാര്യം പരിഗണനയിലുണ്ടോ;

ഹയർ സെക്കന്‍ഡറിയിൽ വർഷങ്ങളുടെ സർവീസുള്ളവര്‍ ക്ലാസുകളുടെ എണ്ണത്തിന്റെ അടിസ്ഥാനത്തിൽ ഇപ്പോഴും ജൂനിയറായി തുടരുന്നത് ശ്രദ്ധയിൽപ്പെട്ടിട്ടുണ്ടോ?

വൊക്കേഷണല്‍ ഹയര്‍സെക്കന്ററി വകുപ്പില്‍ അസിസ്റ്റന്റ് ഡയറക്ടര്‍മാരുടെ എത്ര ഒഴിവുകള്‍ നിലവിലുണ്ട്;പ്രസ്തുത ഒഴിവുകള്‍ നികത്തുന്നതിനുള്ള നടപടികള്‍ സ്വീകരിച്ചിട്ടുണ്ടോ;വിശദമാക്കാമോ;

കണ്ണൂര്‍-കാസര്‍ഗോഡ് ജില്ലകള്‍ ഉള്‍പ്പെടുന്ന പയ്യന്നൂര്‍ മേഖല ഓഫീസില്‍ അസിസ്റ്റന്റ് ഡയറക്ടറുടെ ഒഴിവ് നിലവില്‍ വന്നത് എപ്പോള്‍ മുതലാണെന്ന് അറിയിക്കാമോ;പ്രസ്തുത ഒഴിവിലേക്ക് ഡെപ്യൂട്ടേഷന്‍ വ്യവസ്ഥയില്‍ നിയമനം ലഭിക്കുന്നതിനായി അപേക്ഷ ലഭിച്ചിട്ടുണ്ടോ;

പ്രസ്തുത ഒഴിവിലേയ്ക്ക് റെഗുലര്‍/ഡെപ്യൂട്ടേഷന്‍ വ്യവസ്ഥയില്‍ നിയമനം നല്‍കുന്നതിനുള്ള നടപടികള്‍ സ്വീകരിക്കുമോ; വ്യക്തമാക്കാമോ?

വയനാട് ജില്ലയിലെ ദ്വാരക സേക്രഡ് ഹാര്‍ട്ട് ഹയര്‍സെക്കന്ററി സ്കൂളിലെ ഹൈസ്കൂള്‍ വിഭാഗം എച്ച്.എസ്.എ. (ഇംഗ്ലീഷ് ) തസ്തികയില്‍ ജോലി ചെയ്തുവരുന്ന ശ്രീമതി ലിബ ബേബിയുടെ നിയമനം സര്‍ക്കാര്‍ അംഗീകരിച്ചിട്ടുണ്ടോ;

ഇല്ലെങ്കില്‍ അംഗീകരിക്കാത്തതിന്റെ കാരണവും നിലവില്‍ ഇത് സംബന്ധിച്ച ഫയല്‍ ഏത് ഓഫീസിലാണ് ഉള്ളതെന്നും വ്യക്തമാക്കാമോ;

പ്രസ്തുത ഫയല്‍ എത്ര കാലമായി ഈ ഓഫീസില്‍ പരിശോധനയിലാണെന്നും അതിനുള്ള കാരണവും വ്യക്തമാക്കാമോ?

സംസ്ഥാനത്തെ ഡി.ഐ.ഇ.റ്റി., ജി.റ്റി.റ്റി.ഐ. എന്നിവിടങ്ങളിലെ അധ്യാപക-അനധ്യാപക നിയമനങ്ങള്‍ക്കായി സ്പെഷ്യല്‍ റൂള്‍ നിലവിലുണ്ടോ എന്നറിയിക്കാമോ; ഉണ്ടെങ്കില്‍ അതിന്റെ വിശദാംശങ്ങള്‍ ലഭ്യമാക്കാമോ;

ഇവിടങ്ങളിലെ അധ്യാപക നിയമനത്തിനായി നിലവിലുള്ള യോഗ്യതകള്‍ വിശദമാക്കാമോ?

പൊതു വിദ്യാഭ്യാസ വകുപ്പിനു കീഴിലുള്ള ഡിസ്ട്രിക്ട് ഇന്‍സ്റ്റിറ്റ്യൂട്ട് ഓഫ് എഡ്യൂക്കേഷന്‍ ആന്‍ഡ് ട്രെയ്നിംഗില്‍ ലക്ചറര്‍ തസ്തികയില്‍ പി.എസ്.സി വഴി നിയമനം നടത്തുന്നതിന് സ്പെഷ്യല്‍ റൂള്‍ പ്രാബല്യത്തില്‍ വന്നിട്ടുണ്ടോ; എങ്കിൽ ആയത് പി. എസ്. സി ക്ക് കൈമാറി അടിയന്തര നിയമന നടപടികള്‍ സ്വീകരിക്കുമോ ; വിശദാംശം ലഭ്യമാക്കുമോ ?

കോവിഡ് പശ്ചാത്തലത്തിൽ സ്കൂളുകള്‍ തുറന്നു പ്രവർത്തിക്കാത്തതിനാൽ പി.എസ്.സി യുടെ അഡ്വൈസ് മെമ്മോ ലഭിച്ചവർക്ക് സ്കൂളുകളിൽ നിയമനം ലഭിക്കാത്ത സാഹചര്യം ഉണ്ടോ; വ്യക്തമാക്കുമോ;

മുൻപ് അഡ്വൈസ് ലഭിച്ചിരുന്നവർക്കും ഇപ്പോൾ പുതുതായി അഡ്വൈസ് ലഭിച്ചവർക്കും നിയമനം നൽകാൻ അനുമതി നൽകി വിദ്യാഭ്യാസ വകുപ്പ് ഉത്തരവ് ഇറക്കുകയുണ്ടായോ;

പിന്നീട് പ്രസ്തുത ഉത്തരവ് റദ്ദാക്കിയിട്ടുണ്ടോ; ഉണ്ടെങ്കിൽ റദ്ദാക്കിയതിനുള്ള കാരണങ്ങൾ വ്യക്തമാക്കുമോ?

സംസ്ഥാന സാക്ഷരതാ മിഷന്റെ ആസ്ഥാനമന്ദിരം നിർമ്മിച്ചത് പൊതു വിദ്യാഭ്യാസ വകുപ്പിന് വഞ്ചിയൂർ പേട്ടയിൽ ഉള്ള 43 സെന്റ് ഭൂമി കൈയ്യേറി ആണ് എന്നത് സംബന്ധിച്ച് റിപ്പോർട്ട് ലഭിച്ചിട്ടുണ്ടോ ;

എങ്കിൽ ആയതിന്മേൽ എന്തു നടപടി സ്വീകരിച്ചുവെന്ന് വ്യക്തമാക്കുമോ ;

നഗരസഭയുടെ അംഗീകാരം നേടിയ ശേഷമാണോ ആസ്ഥാനമന്ദിരം നിർമ്മിച്ചിട്ടുള്ളത് എന്ന് വ്യക്തമാക്കുമോ?

2021-22 സാമ്പത്തിക വര്‍ഷത്തെ ബഡ്ജറ്റ് പ്രഖ്യാപനത്തിൽ സാക്ഷരതാ പ്രേരക് മാരെ തദ്ദേശ സ്വയം ഭരണ സ്ഥാപനങ്ങളിലേക്ക് പുനർവിന്യസിച്ച് അവരുടെ വേതനം തദ്ദേശ സ്വയംഭരണ സ്ഥാപനങ്ങൾ മുഖേന വിതരണം ചെയ്യുമെന്ന് പ്രഖ്യാപിച്ചിരുന്നുവെങ്കിലും അത് സംബന്ധിച്ച് സ്വീകരിച്ച തുടർനടപടികൾ എന്തെല്ലാമാണെന്ന് വ്യക്തമാക്കാമോ;

സാക്ഷരതാ പ്രേരക് മാർക്ക് മാസങ്ങളായി വേതനം ലഭിക്കുന്നില്ല എന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ പ്രസ്തുത പ്രശ്നം പരിഹരിക്കുന്നതിനായി സ്വീകരിച്ച നടപടികൾ എന്തെല്ലാമാണെന്ന് വിശദമാക്കാമോ;

വേതനത്തിന് പുറമെ പ്രേരക് മാർക്ക് നൽകി വരുന്ന മറ്റ് ആനുകൂല്യങ്ങൾ എന്തെല്ലാമാണെന്ന് വ്യക്തമാക്കാമോ;

കോവിഡ് ഡ്യൂട്ടി നിർവ്വഹിക്കുന്ന പ്രേരക് മാരെ ആരോഗ്യ സുരക്ഷാ പദ്ധതിയിൽ ഉൾപ്പെടുത്തുന്നതിനു വേണ്ട നടപടികൾ സ്വീകരിക്കുമോ ?

സംസ്ഥാനത്ത് കാർഷികേതരമേഖലയിൽ കൂടുതൽ തൊഴിലവസരങ്ങൾ സൃഷ്ടിക്കാൻ എന്തെങ്കിലും പദ്ധതി ആവിഷ്ക്കരിച്ചിട്ടുണ്ടോ; വിശദാംശം ലഭ്യമാക്കുമോ?

കേന്ദ്ര സഹായത്തോടെ മൈക്രോ സംരംഭങ്ങൾ വഴി തൊഴിൽ ലഭ്യമാക്കാൻ എന്തെങ്കിലും നടപടി സ്വീകരിച്ചിട്ടുണ്ടോ; വിശദമാക്കുമോ?

കയര്‍ തൊഴിലാളി ക്ഷേമനിധി ബോര്‍ഡ് മുഖേന കയര്‍ തൊഴിലാളികള്‍ക്ക്‌ പെന്‍ഷന്‍ വിതരണത്തിനായുള്ള തുക സര്‍ക്കാരില്‍ നിന്ന് അനുവദിക്കുന്നതിന് കാലതാമസം നേരിടുന്നതായി ശ്രദ്ധയില്‍പ്പെട്ടിട്ടുണ്ടോ;

കയര്‍തൊഴിലാളികള്‍ക്ക് പെന്‍ഷന്‍ വിതരണം ചെയ്യുന്നതിനായി എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദമാക്കാമോ?

കേരളത്തിലെ അഡ്വക്കേറ്റ് ക്ലാർക്ക് ക്ഷേമനിധി ബോർഡിൽ നിന്നും ഒരംഗം പിരിഞ്ഞ് പോകുമ്പോൾ എന്തൊക്കെ ആനുകൂല്യങ്ങളാണ് ബോര്‍ഡില്‍ നിന്നും നല്‍കുന്നത്;

ക്ഷേമനിധി ബോര്‍ഡിന്റെ വരുമാന മാര്‍ഗ്ഗങ്ങള്‍ ഏതൊക്കെയാണ്; ബോര്‍ഡിന് സര്‍ക്കാര്‍ ഗ്രാന്‍ഡുകളോ മറ്റ് ധനസഹായങ്ങളോ ലഭിക്കുന്നുണ്ടോ;

കേരള ലീഗല്‍ ബെനിഫിറ്റ് ഫണ്ടില്‍ നിന്നും 2019, 2020, 2021 വര്‍ഷങ്ങളില്‍ ബോര്‍ഡിലേക്ക് അടച്ച തുക എത്ര വീതമാണെന്ന വിവരം ലഭ്യമാക്കുമോ;

1985 -ല്‍ അഡ്വക്കേറ്റ് ക്ലാര്‍ക്ക്സ് ക്ഷേമനിധി ആക്റ്റ് പാസ്സാക്കുമ്പോള്‍ ആക്റ്റിലെ 5(1) പ്രകാരം ഒരംഗത്തിന് തൊണ്ണൂറ് രൂപ വീതം എല്ലാ വർഷവും സർക്കാര്‍ വക വിഹിതം കിട്ടുമായിരുന്നോ; എങ്കില്‍ ഇത് എന്ന് മുതലാണ് നിര്‍ത്തലാക്കിയതെന്നറിയിക്കുമോ;

മറ്റ് വെല്‍ഫയര്‍ ബോര്‍ഡുകള്‍ക്ക് സര്‍ക്കാര്‍ നല്‍കുന്ന ധനസഹായത്തിന്റെ വിശദാംശങ്ങള്‍ ലഭ്യമാക്കുമോ;

അഡ്വക്കേറ്റ് ക്ലാര്‍ക്ക്സ് വെല്‍ഫയര്‍ ബോര്‍ഡിന് സര്‍ക്കാര്‍ ധനസഹായം ലഭ്യമാക്കുന്ന കാര്യം പരിഗണിക്കുമോ?

കൊല്ലം ചവറയില്‍ പ്രവര്‍ത്തിക്കുന്ന കേരള സംസ്ഥാന കണ്‍സ്ട്രക്ഷന്‍ അക്കാദമിയില്‍ പുതിയ കോഴ്സുകള്‍ തുടങ്ങണമെന്ന നിര്‍ദ്ദേശം സര്‍ക്കാര്‍ മുമ്പാകെയുണ്ടോ; ഉണ്ടെങ്കില്‍ വിശദാംശങ്ങള്‍ വെളിപ്പെടുത്താമോ;

പ്രസ്തുത അക്കാദമി നടത്തുന്ന കോഴ്സുകളുടെ വിശദാംശങ്ങള്‍ വെളിപ്പെടുത്താമോ;

അക്കാദമിയില്‍ നിലവില്‍ അനുവദിച്ചിട്ടുള്ള തസ്തികകള്‍ ഏതൊക്കയെന്ന് വെളിപ്പെടുത്താമോ; പ്രസ്തുത തസ്തികകളിലേക്കുള്ള നിയമനം സംബന്ധിച്ച വിശദാംശങ്ങള്‍ വെളിപ്പെടുത്താമോ?

കൊവിഡ് ലോക്ക്ഡൗൺ കാരണം സിനിമ പ്രദർശന ശാലകൾ, ഓഡിറ്റോറിയങ്ങൾ , ഹൗസ് ബോട്ടുകൾ, പാർക്കുകൾ എന്നിവിടങ്ങളിൽ ജോലി ചെയ്യുന്ന തൊഴിലാളികളും ഹോട്ടലിലെ പാചകക്കാർ, വിനോദ സഞ്ചാര കേന്ദ്രത്തിലെ തൊഴിലാളികൾ, കാറ്ററിംഗ്, പന്തൽ തൊഴിലാളികൾ, ലൈറ്റ് ആന്റ് സൗണ്ട്, പ്രിന്റിങ്, നാടകം, ബ്യൂട്ടി പാർലർ, സ്റ്റേജ്‌ഷോ, കലാപരിപാടികൾ എന്നിവിടങ്ങളിൽ ജോലി ചെയ്യുന്ന തൊഴിലാളികളും കടുത്ത പ്രതിസന്ധി നേരിടുന്നത് സർക്കാരിന്റെ ശ്രദ്ധയിൽപ്പെട്ടിട്ടുണ്ടോ;

ഇവർക്ക് എന്തെങ്കിലും പ്രത്യേക ധനസഹായം സർക്കാർ ലഭ്യമാക്കുന്നുണ്ടോ; ഇല്ലെങ്കിൽ ഈ മേഖലകളിൽ ജോലി ചെയ്യുന്നവർക്ക് എന്തെങ്കിലും ആനുകൂല്യങ്ങൾ ലഭ്യമാക്കാൻ ഉദ്ദേശിക്കുന്നുണ്ടോ;

ലോക്ക്ഡൗൺ കാരണം കടുത്ത പ്രതിസന്ധി നേരിടുന്ന മേഖലകളിലെ തൊഴിലാളികൾക്ക് മറ്റ് തൊഴിൽ കണ്ടെത്താനും പുനരധിവസിപ്പിക്കാനും എന്തെങ്കിലും പ്രത്യേക പാക്കേജ് നടപ്പിലാക്കാൻ ഉദ്ദേശിക്കുന്നുണ്ടോ; വിശദാംശങ്ങൾ നൽകാമോ;

വരുമാനം നിലച്ച പ്രസ്തുത മേഖലകളിലെ തൊഴിലാളികളുടെ അതിജീവനത്തിനായി ക്ഷേമനിധി നടപ്പിലാക്കുമോ; വിശദമാക്കാമോ?

കോവിഡിന്റെ പശ്ചാത്തലത്തിൽ നിരവധി പേർക്ക് തൊഴിൽനഷ്ടം സംഭവിച്ചു എന്ന വസ്തുത ശ്രദ്ധയിൽപ്പെട്ടിട്ടുണ്ടോ; ഇതുസംബന്ധിച്ച് പഠനങ്ങൾ നടത്തിയിട്ടുണ്ടോ; വിശദാംശങ്ങൾ നൽകാമോ;

കോവിഡ് ലോക്ക്ഡൗൺ മൂലം തൊഴിൽനഷ്ടം സംഭവിച്ചവരുടെ പുനരധിവാസത്തിനായി എന്തെങ്കിലും പദ്ധതി നടപ്പിലാക്കിയിട്ടുണ്ടോ; വിശദമാക്കാമോ;

കോവിഡ് ലോക്ക്ഡൗൺ മൂലം തൊഴിൽനഷ്ടം സംഭവിച്ചവരുടെ വായ്പാതിരിച്ചടവ് സംബന്ധിച്ച് ബാങ്കുകളുമായി ചർച്ച നടത്തി സാവകാശം ലഭ്യമാക്കാൻ സർക്കാർ മുൻകൈ എടുക്കുമോ; വിശദമാക്കാമോ;

ലോക്ക്ഡൗൺ മൂലം പ്രയാസം അനുഭവിക്കുന്ന ഇതര സംസ്ഥാനത്തൊഴിലാളികളുടെ ഭക്ഷണത്തിനും താമസത്തിനും എന്താെക്കെ ക്രമീകരണങ്ങള്‍ നടത്തിയെന്ന് വിശദമാക്കാമോ;?

കോവിഡ് കാലത്ത് തൊഴില്‍ മേഖലയിലുണ്ടായ പ്രതിസന്ധികളെ നേരിടാന്‍ തൊഴില്‍വകുപ്പ് എന്തൊക്കെ നടപടികളാണ് സ്വീകരിച്ചതെന്ന് വ്യക്തമാക്കാമോ;

ക്ഷേമനിധി അംഗങ്ങള്‍ക്ക് കോവിഡ് പ്രതിസന്ധി നേരിടാന്‍ തൊഴില്‍വകുപ്പ് നല്‍കിയ ധനസഹായങ്ങള്‍ എത്ര തൊഴിലാളികള്‍ക്ക് ലഭിച്ചിട്ടുണ്ടെന്ന് വിശദീകരിക്കാമോ;

ഏതൊക്കെ തൊഴില്‍ മേഖലകളിലാണ് വകുപ്പ് ധനസഹായങ്ങള്‍ വിതരണം ചെയ്തിട്ടുള്ളതെന്നും വ്യക്തമാക്കാമോ?

കൊവിഡ് വ്യാപനം മൂലം ആഘോഷങ്ങൾ, പൊതുപരിപാടികൾ, ഉത്സവങ്ങൾ എന്നിവ നടത്താൻ സാധിക്കാത്തത് മൂലം ലൈറ്റ് ആൻഡ് സൗണ്ട്, പന്തൽ മേഖല, ഫോട്ടോഗ്രാഫര്‍‍മാർ, ഇവന്റ് മാനേജ്മെന്റ് ഗ്രൂപ്പുകളിലെ തൊഴിലാളികൾ അടക്കമുള്ള അസംഘടിത മേഖലയിലെ തൊഴിലാളികൾ കടുത്ത പ്രതിസന്ധി നേരിടുന്നത് ശ്രദ്ധയിൽപ്പെട്ടിട്ടുണ്ടോ;

ലൈറ്റ് ആൻഡ് സൗണ്ട് മേഖലയിൽ ജോലി ചെയ്തിരുന്ന അഞ്ചോളം തൊഴിലാളികൾ ഇതിനോടകം ആത്മഹത്യ ചെയ്തു എന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യം ഗൗരവത്തോടെ പരിഗണിയ്ക്കുമോ;

അസംഘടിത മേഖലയിലെ തൊഴിലാളികളുടെ വായ്പ സംബന്ധിച്ച് ഇളവുകൾ നൽകാൻ ബാങ്കുകൾക്ക് മേൽ സമ്മർദ്ദം ചെലുത്തുമോയെന്ന് അറിയിക്കുമോ;

അസംഘടിത മേഖലയില്‍ ലോക്‌‍ഡൗണ്‍ മൂലം ദുരിതമനുഭവിക്കുന്ന തൊഴിലാളികൾക്കായി പ്രത്യേക പാക്കേജ് നടപ്പിലാക്കാൻ തയ്യാറാകുമോയെന്ന് വ്യക്തമാക്കുമോ?

തിരുവനന്തപുരം ജില്ലയിലെ കിളിമാനൂരില്‍ ലേബര്‍ ഓഫീസ് ആരംഭിക്കുന്ന കാര്യം പരിഗണനയില്‍ ഉണ്ടോ; വിശദമാക്കാമോ?

ലൈറ്റ്, സൗണ്ട്, പന്തല്‍ അനുബന്ധ മേഖലയിലെ തൊഴിലാളികള്‍ നേരിടുന്ന പ്രതിസന്ധി സര്‍ക്കാര്‍ പരിശോധിച്ചിട്ടുണ്ടോ; വിശദമാക്കാമോ;

പ്രസ്തുത തൊഴിലാളികള്‍ ക്ഷേമനിധിയില്‍ അംഗമാണെങ്കില്‍ എന്തെല്ലാം ആനുകൂല്യങ്ങളാണ് നിലവില്‍ നല്‍കിവരുന്നത്; വ്യക്തമാക്കാമോ;

കോവിഡ് മൂലം പ്രതിസന്ധിയിലായ പ്രസ്തുത തൊഴിലാളികള്‍ക്ക് പ്രത്യേക സാമ്പത്തിക സഹായം നല്‍കുന്നതിന് നടപടികള്‍ സ്വീകരിക്കുമോ; വിശദമാക്കാമോ?

ലോക്ഡൗണ്‍ മൂലം പ്രതിസന്ധിയിലായ ടൂറിസ്റ്റ് ബസ് തൊഴിലാളികള്‍ക്ക് ക്ഷേമനിധിയില്‍ നിന്ന് എന്തെല്ലാം ആനുകൂല്യങ്ങളാണ് അനുവദിച്ചിട്ടുള്ളതെന്ന് വ്യക്തമാക്കാമോ;

ഇവർക്ക് ക്ഷേമനിധിയില്‍ നിന്ന് താത്കാലിക ആശ്വാസമായി പലിശരഹിത വായ്പ അനുവദിക്കുന്നതിനുള്ള നടപടികള്‍ സ്വീകരിക്കുമോ; വിശദവിവരം ലഭ്യമാക്കുമോ?

വ്യാവസായിക പരിശീലന വകുപ്പിന് കീഴിലെ ഐ.ടി.ഐ കളിൽ നിന്നും പഠിച്ചിറങ്ങുന്ന ട്രെയിനികൾക്ക് ആർ.ഐ. സെന്ററുകൾ വഴി വിവിധ തൊഴിൽ സെക്ടറുകളിലേക്ക് അപ്രന്റിസ് പരിശീലനം നൽകാറുണ്ടോ എന്നറിയിക്കാമോ?

നെന്മാറ ഐ.ടി.ഐ. കെട്ടിടം നിര്‍മ്മിക്കുന്നതിന്റെ ടെണ്ടര്‍ നടപടികള്‍ പൂര്‍ത്തീകരിച്ചിട്ടുണ്ടോ; ഇത് സംബന്ധിച്ച വിശദാംശം ലഭ്യമാക്കുമോ;

കെട്ടിടത്തിന്റെ നിര്‍മ്മാണ പ്രവൃത്തി എന്ന് തുടങ്ങുവാന്‍ കഴിയുമെന്ന് വിശദമാക്കുമോ?

വ്യാവസായിക പരിശീലന വകുപ്പിന് കീഴിലെ ഐ.ടിഐ.കളിൽ നിന്ന് പഠിച്ചിറങ്ങുന്ന ട്രെയിനികൾക്ക് ആർ.ഐ. സെന്ററുകൾ വഴി വിവിധ തൊഴിൽ സെക്ടറുകളിലേയ്ക്ക് അപ്രന്റീസ് പരിശീലനം നടത്താറുണ്ടോ; എങ്കിൽ സർക്കാർ മേഖലയിൽ എത്ര ഡിപ്പാർട്ടുമെന്‍റുകളിൽ പ്രസ്തുത പരിശീലനം നൽകി വരുന്നുണ്ടെന്ന് വിശദമാക്കാമോ;

പ്രസ്തുത പരിശീലനത്തിനായി കേരളത്തിൽ പതിനായിരക്കണക്കിന് ട്രെയിനികൾ വിവിധ ആർ.ഐ. സെന്ററുകളിൽ ഊഴം കാത്ത് നിൽക്കുന്നത് ശ്രദ്ധയിൽപ്പെട്ടിട്ടുണ്ടോ; പരിശീലനത്തിനുള്ള കാലതാമസം പരിഹരിക്കുന്നതിനായി പരമാവധി സർക്കാർ ഡിപ്പാർട്ടുമെന്റുകളിൽ ട്രെയിനികൾക്ക് അപ്രന്റീസ് പരിശീലനം നൽകുവാൻ നടപടി സ്വീകരിക്കുമോ?

കേരളത്തിൽ പതിനായിരക്കണക്കിന് ട്രെയിനികളാണ് വർഷങ്ങളായി വിവിധ ആർ.ഐ. സെന്ററുകളിൽ പരിശീലനം കാത്തുനിൽക്കുന്നതെന്ന കാര്യം ശ്രദ്ധയിൽപ്പെട്ടിട്ടുണ്ടോ;

ഇത് പരിഹരിക്കുന്നതിനായി പരമാവധി സർക്കാർ വകുപ്പുകളിൽ ട്രെയിനികൾക്കായി അപ്രന്റീസ് പരിശീലനം നൽകുന്നതിനെക്കുറിച്ച് ആലോചിക്കാമോ; വ്യക്തമാക്കുമോ?

സംസ്ഥാനത്ത് ഈ അധ്യയന വർഷം പുതിയ ഐ.റ്റി.ഐ-കൾ ആരംഭിക്കുന്നുണ്ടോയെന്ന് അറിയിക്കുമോ;

തൊടുപുഴ നിയോജക മണ്ഡലത്തിൽ പുതിയ ഐ.റ്റി.ഐ. അനുവദിക്കുന്ന കാര്യം പരിഗണനയിലുണ്ടോ;എങ്കിൽ വിശദാംശം ലഭ്യമാക്കാമോ?

ചാലക്കുടി സര്‍ക്കാര്‍ ഐ.ടി.ഐ അന്താരാഷ്ട്ര നിലവാരത്തിലേയ്ക്ക് ഉയര്‍ത്തുന്നതിന് സ്വീകരിച്ച നടപടികള്‍ അറിയിക്കുമോ;

ഈ പ്രവൃത്തി നിലവില്‍ ഏതു ഘട്ടത്തിലാണെന്ന് വിശദീകരിക്കുമോ?

കാട്ടാക്കട നിയോജക മണ്ഡലത്തിലെ മലയിന്‍കീഴ് ഇന്‍ഡസ്ട്രിയല്‍ ട്രെയിനിംഗ് ഇന്‍സ്റ്റിറ്റ്യൂട്ടില്‍ പുതിയ ട്രേഡുകള്‍ ആരംഭിക്കുന്നത് പരിഗണനയിലുണ്ടോ; എങ്കില്‍ ഏതൊക്കെ പുതിയ ട്രേഡുകളാണ് ആരംഭിക്കുന്നതെന്ന വിശദാംശങ്ങള്‍ ലഭ്യമാക്കാമോ;

ഈ അദ്ധ്യയനവര്‍ഷം പ്രസ്തുത ട്രേഡുകളില്‍ ക്ലാസുകള്‍ ആരംഭിക്കുന്നതിനുള്ള നടപടി സ്വീകരിക്കാമോ?

സംസ്ഥാനത്ത് 2016‌-21 കാലത്ത് എംപ്ലോയ്മെന്റ് എക്സേഞ്ചുകള്‍ മുഖേന എത്ര പേര്‍ക്ക് ഏതെല്ലാം തസ്തികകളില്‍ തൊഴില്‍ ലഭ്യമാക്കാന്‍ സാധിച്ചു; ജില്ല, വര്‍ഷം തിരിച്ച് വിശദാംശം നല്‍കുമോ;

എംപ്ലോയ്മെന്റ് എക്സേഞ്ചുകളിലെ ജീവനക്കാരുടെ എണ്ണം തസ്തിക , ജില്ല തിരിച്ച് അറിയിക്കുമോ;

മറ്റ് സര്‍ക്കാര്‍ ഓഫീസുകളില്‍ താല്‍ക്കാലിക അടിസ്ഥാനത്തിലോ കരാ‍ര്‍ അടിസ്ഥാനത്തിലോ ജീവനക്കാരെ നിയമിക്കുന്നതായി ശ്രദ്ധയില്‍പ്പെട്ടിട്ടുണ്ടോ;

എങ്കില്‍ എംപ്ലോയ്മെന്റ് എക്സേഞ്ചുകളില്‍ പേര് രജിസ്റ്റര്‍ ചെയ്ത് വര്‍ഷങ്ങളായി നിയമനം കാത്തിരിക്കുന്ന ഉദ്യോഗാര്‍ത്ഥികളില്‍ നിന്ന് താല്‍ക്കാലിക/കരാര്‍ ജീവനക്കാരെ നിയമിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

കോവിഡ് മഹാമാരിയും മറ്റു പ്രകൃതി ദുരന്തങ്ങളും പരിഗണിച്ച് എംപ്ലോയ്മെന്റ് എക്സ്ചേഞ്ചിലെ രജിസ്ട്രേഷന്‍ യഥാ സമയം പുതുക്കുവാന്‍ കഴിയാതെ വന്ന ഉദ്യോഗാർത്ഥികള്‍ക്ക് അവസരം നീട്ടികൊടുക്കുവാന്‍ സര്‍ക്കാര്‍ നടപടികള്‍ സ്വീകരിച്ചിട്ടുണ്ടോ എന്നും ഉണ്ടെങ്കില്‍ ഏതു കാലയളവ്‌ വരെ എന്നും വിശദമാക്കുമോ;

ഇപ്രകാരം അവസരം നല്‍കുന്നവരില്‍ വിധവകള്‍, ഭിന്ന ശേഷിക്കാര്‍, പ്രായപരിധി കഴിയാറായവർ എന്നിവര്‍ക്ക് എന്തെങ്കിലും മുന്‍ഗണന നിശ്ചയിച്ചിട്ടുണ്ടോ എന്നും വ്യക്തമാക്കുമോ?

സംസ്ഥാനത്ത് എം.ബി.ബി.എസ് ബിരുദധാരികൾ ഉൾപ്പെടെ പ്രൊഫഷണൽ ബിരുദധാരികള്‍ എംപ്ലോയ് മെന്റ് എക്സ്ചേഞ്ചില്‍ രജിസ്റ്റർ ചെയ്ത് തൊഴിലിനായി കാത്തിരിക്കുന്നത് ശ്രദ്ധയിൽപ്പെട്ടിട്ടുണ്ടോ;

പ്രൊഫഷണൽ ബിരുദധാരികളായ എത്ര പേരാണ് എംപ്ലോയ് മെന്റ് എക്സ്ചേഞ്ചില്‍ രജിസ്റ്റർ ചെയ്ത് ജോലിക്ക് കാത്തിരിക്കുന്നതെന്ന് വ്യക്തമാക്കുമോ?

്തിയത് റവന്യു വകുപ്പിന്റെ ശ്രദ്ധയിൽപ്പെട്ടിട്ടുണ്ടോ;

ഭൂമി അന്യാധീനപ്പെട്ട പട്ടികവർഗ്ഗക്കാരുടെ പേര് വിവരങ്ങൾ, ഭൂമിയുടെ വിസ്തീർണ്ണം, സർവ്വേ നമ്പർ തുടങ്ങിയ വിവരങ്ങളും ഭൂമി കൈവശപ്പെടുത്തിയത് ആരെല്ലാമാണെന്നും വിശദമാക്കാമോ;

1999 -ലെ പട്ടികവർഗ്ഗ ഭൂമി കൈമാറ്റ നിയന്ത്രണവും പുനരവകാശ സ്ഥാപനവും നിയമ പ്രകാരം അന്യാധീനപ്പെട്ട ഭൂമി തിരിച്ചെടുത്ത് പട്ടികവർഗ്ഗക്കാർക്ക് നൽകുന്നതിന് സ്വീകരിച്ച നടപടികൾ എന്തെല്ലാമാണെന്ന് വിശദീകരിക്കാമോ?