പൊട്ടിവീണതും താഴ്‍ന്ന് കിടക്കുന്നതുമായ വൈദ്യുതിലൈനിൽ നിന്ന് ഷോക്കേറ്റ് സംസ്ഥാനത്ത് തുടർച്ചയായി മരണങ്ങൾ സംഭവിക്കുന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് ഗൗരവത്തോടെ കാണുന്നുണ്ടോ;

വൈദ്യുതിലൈനില്‍ നിന്ന് ഷോക്കേറ്റ് കൊല്ലം തേവലക്കര സ്‌കൂളിലെ പതിമൂന്നുകാരനായ വിദ്യാര്‍ത്ഥിയടക്കം നൂറോളം പേര്‍ കഴിഞ്ഞ ഒൻപത് വർഷത്തിനിടയിൽ മരിച്ചത് ശ്രദ്ധയിൽപ്പെട്ടിട്ടുണ്ടോ;

ഇത്തരം സംഭവങ്ങൾ ഒഴിവാക്കുന്നതിനായി അടിയന്തര നടപടി സ്വീകരിക്കുമോ?

ഹൈഡ്രജന്‍ സമ്പദ് വ്യവസ്ഥയിലേക്കുള്ള വലിയ ചുവടുവയ്പ്പായി നടപ്പാക്കാന്‍ തീരുമാനിച്ചിട്ടുള്ള ഹൈഡ്രജന്‍ വാലി ഇന്നൊവേഷന്‍ ക്ലസ്റ്റര്‍ പദ്ധതിക്ക് കേന്ദ്രാനുമതി നേടിയെടുക്കാന്‍ സാധിച്ചിട്ടുണ്ടോ; വ്യക്തമാക്കാമോ;

പ്രസ്തുത പദ്ധതി നടപ്പാക്കുന്നതിലൂടെയുണ്ടാകുന്ന നേട്ടങ്ങള്‍ വിലയിരുത്തിയിട്ടുണ്ടോ; വിശദാംശം നല്‍കാമോ;

ഇതുമായി ബന്ധപ്പെട്ട് വിവിധ ഘട്ടങ്ങളിലുള്ള പദ്ധതികളുടെ വിശദാംശം നല്‍കാമോ;

ഹരിത ഹൈഡ്രജന്‍ നയം രൂപീകരിക്കുന്നത് സര്‍ക്കാരിന്റെ പരിഗണനയിലുണ്ടോ; വിശദമാക്കാമോ?

ഇന്ത്യ-യു. കെ. സ്വതന്ത്ര വ്യാപാര കരാര്‍ രാജ്യത്ത് പൊതുവിലും സംസ്ഥാനത്ത് പ്രത്യേകിച്ചും എറ്റവും കൂടുതല്‍ തൊഴില്‍ദാതാക്കളായ സൂക്ഷ്മ-ചെറുകിട-ഇടത്തരം സംരംഭങ്ങളെ പ്രതികൂലമായി ബാധിക്കുമെന്ന ആശങ്ക ശ്രദ്ധയില്‍പ്പെട്ടിട്ടുണ്ടോ;

കേന്ദ്രത്തിന്റെ നയസമീപനങ്ങളാലും കേന്ദ്ര അവഗണനയാലും സംസ്ഥാനത്തെ എം. എസ്. എം. ഇ. കള്‍ നേരിട്ട പ്രതിസന്ധികളെ തരണം ചെയ്ത് ഈ മേഖലയില്‍ പുത്തന്‍ ഉണര്‍വ്വ് പകരുന്നതിന് സംസ്ഥാന സര്‍ക്കാരിന് കഴിഞ്ഞിട്ടുണ്ടോ; വിശദാംശം നല്‍കുമോ;

ചെറുകിട വ്യവസായങ്ങളുടെ സമഗ്ര പുരോഗതി ലക്ഷ്യമിട്ട് സംസ്ഥാനത്ത് സ്മാര്‍ട്ട് സമ്പദ് വ്യവസ്ഥ രൂപീകരിക്കുന്നത് പരിഗണനയിലുണ്ടോ; വിശദമാക്കുമോ?

സംസ്ഥാനത്ത് വ്യവസായ സംരംഭങ്ങൾ കൂടുതൽ ആകർഷകമാക്കാന്‍ വേണ്ടി തദ്ദേശ സ്വയംഭരണ സ്ഥാപനങ്ങളുടെ സഹകരണത്തോടെ വ്യവസായ വകുപ്പ് സ്വീകരിച്ച നടപടികൾ വിശദമാക്കാമോ;

2021-2022 വർഷത്തിൽ ആരംഭിച്ച ഒരു ലക്ഷം സംരംഭം പദ്ധതിയുടെ നിലവിലെ പുരോഗതി വിശദമാക്കാമോ;

മിഷൻ 1000 പദ്ധതിയുടെ നിലവിലെ പുരോഗതി വിശദമാക്കാമോ;

സംസ്ഥാനത്തേക്ക് കൂടുതൽ വ്യവസായങ്ങൾ ആകർഷിക്കുന്നതിനുവേണ്ടി ഭൂമിയുടെ ലഭ്യത ഉറപ്പുവരുത്തുവാൻ ആവിഷ്കരിച്ച പ്രൈവറ്റ് ഇൻഡസ്ട്രിയൽ പാർക്ക്, ക്യാമ്പസ് ഇൻഡസ്ട്രിയൽ പാർക്ക് എന്നീ പദ്ധതികളുടെ പുരോഗതി വിശദമാക്കാമോ;

വ്യവസായ വകുപ്പിന് കീഴിലുള്ള വ്യവസായ എസ്റ്റേറ്റുകളിൽ സംരംഭകർക്ക് ഭൂമി അനുവദിച്ചു നൽകുന്നതിനുള്ള നടപടിക്രമം ലളിതമാക്കാൻ നടപടി സ്വീകരിച്ചിട്ടുണ്ടോ; എങ്കിൽ വിശദമാക്കാമോ?

സംസ്ഥാനത്ത് കയര്‍ മേഖലയില്‍ ഉല്പന്ന വൈവിധ്യവല്‍ക്കരണത്തിനും ആഭ്യന്തര - വിദേശ വിപണി വിപുലീകരണത്തിനുമായി സ്വീകരിച്ചിട്ടുള്ള നടപടികള്‍ വിശദമാക്കാമോ;

ഇക്കാര്യത്തിൽ കയര്‍ രംഗത്ത് പ്രവര്‍ത്തിക്കുന്ന പൊതുമേഖലാ സ്ഥാപനങ്ങള്‍ നടത്തിയിട്ടുള്ള ഇടപെടലുകള്‍ വിശദമാക്കാമോ;

രണ്ടാം കയർ വ്യവസായ പുനഃസംഘടനയുടെ ഭാഗമായി ചെറുകിട ഉല്പാദക സൊസൈറ്റികള്‍ക്ക് നല്‍കിയിട്ടുള്ള മെഷീനറികള്‍, കയര്‍‍പിരി യന്ത്രങ്ങള്‍ ഉള്‍പ്പെടെയുള്ളവയുടെ പ്രവര്‍ത്തനം മെച്ചപ്പെടുത്തുന്നതിന് വേണ്ടി സ്വീകരിച്ചിട്ടുള്ള നടപടികള്‍ വിശദമാക്കാമോ;

കയര്‍ ഭൂവസ്ത്രത്തിന്റെ ഉപയോഗം വര്‍ദ്ധിപ്പിക്കുന്നതിനും അതുവഴി കയര്‍ മേഖലയില്‍ ജോലി ചെയ്യുന്ന തൊഴിലാളികള്‍ക്ക് കൂടുതല്‍ തൊഴില്‍ ദിനങ്ങള്‍ ലഭ്യമാക്കുന്നതിനും സര്‍ക്കാര്‍ സ്വീകരിച്ചിട്ടുള്ള നടപടികള്‍ വ്യക്തമാക്കാമോ;

ചകിരി, കയര്‍ എന്നിവയുടെ ഉല്പാദനം വര്‍ദ്ധിപ്പിക്കുന്നതിന് നടപടി സ്വീകരിച്ചിട്ടുണ്ടോയെന്ന് വ്യക്തമാക്കാമോ;

അസംസ്കൃത വസ്തുക്കള്‍ വാങ്ങുന്നതിനും ഉല്പാദന വര്‍ദ്ധനവിനുമായി കയര്‍ സഹകരണ സംഘങ്ങള്‍ നേരിടുന്ന പ്രതിസന്ധി പരിഹരിക്കുന്നതിന് പ്രവര്‍ത്തന മൂലധനം നല്‍കുന്നതിന് നടപടി സ്വീകരിച്ചിട്ടുണ്ടോയെന്ന് വ്യക്തമാക്കാമോ?

എം. എല്‍. എ. മാരുടെ നിയോജകമണ്ഡല ആസ്തി വികസന ഫണ്ട് സംബന്ധിച്ച മാനദണ്ഡങ്ങൾ പരിഷ്കരിക്കുന്ന നടപടികളുടെ പുരോഗതി വിശദമാക്കുമോ;

നിലവിലെ മാനദണ്ഡങ്ങളില്‍പ്പെടാത്ത, ജനോപകാരപ്രദമായ പദ്ധതികള്‍കൂടി ഉള്‍പ്പെടുത്തി പ്രസ്തുത മാനദണ്ഡങ്ങള്‍ പരിഷ്കരിക്കുന്ന നടപടികള്‍ അടിയന്തരമായി പൂർത്തിയാക്കുമോയെന്ന് അറിയിക്കുമോ?

സംസ്ഥാനത്ത് കര്‍ഷകര്‍ക്ക് സൗരോര്‍ജ പമ്പുകള്‍ നല്‍കാനുള്ള പി. എം. കുസും പദ്ധതിയുമായി ബന്ധപ്പെട്ട കരാറില്‍ ക്രമക്കേട് നടന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് സംബന്ധിച്ച് സംസ്ഥാന സർക്കാർ അന്വേഷണം നടത്തിയിട്ടുണ്ടോ;

അഞ്ച് കോടി രൂപയ്ക്ക് മാത്രം ടെന്‍ഡര്‍ വിളിക്കാന്‍ അധികാരമുള്ള അനെര്‍ട്ട് സി. ഇ. ഒ. ഇരുന്നൂറ്റി നാല്‍പത് കോടി രൂപയുടെ ടെന്‍ഡര്‍ വിളിച്ചിട്ടുണ്ടോ; എങ്കില്‍ ഇത് നിയമപരമാണോ എന്ന് വ്യക്തമാക്കാമോ;

എങ്കില്‍ സംസ്ഥാന സർക്കാരിന്റെ അംഗീകാരത്തോടെയാണോ അനെര്‍ട്ട് സി. ഇ. ഒ. പ്രസ്തുത ടെൻഡർ വിളിച്ചതെന്ന് വ്യക്തമാക്കാമോ?

ശബരിമല വികസനത്തിനായി ബജറ്റിൽ മൂന്ന് വർഷമായി വകയിരുത്തിയ തുക പൂർണ്ണമായും ദേവസ്വം ബോർഡിന് നൽകിയിട്ടില്ല എന്നത് വസ്തുതയാണോയെന്ന് വ്യക്തമാക്കാമോ;

2016-2021-ലെ സർക്കാരും നിലവിലെ സർക്കാര്‍ നാളിതുവരെയും ശബരിമലയുടെ വികസനത്തിനായി എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

2011-2016 കാലയളവിലെ സർക്കാരിന്റെ കാലത്ത് ശബരിമല വികസനത്തിനായി സ്ഥലം ഏറ്റെടുക്കൽ നടപടികളടക്കം നടത്തിയിട്ടും ശബരിമല വികസനം മുടങ്ങിയതായ ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കിൽ കാരണം വിശദമാക്കാമോ?

രാജ്യത്തെ മികച്ച ബാങ്കിംഗ് സ്ഥാപനങ്ങളോട് കിടപിടിക്കുന്ന തരത്തിൽ കേരള ബാങ്കിന്റെ പ്രവർത്തനങ്ങളെ വിപുലീകരിക്കുന്നതിനും ശക്തിപ്പെടുത്തുന്നതിനും സർക്കാരിന് കഴിഞ്ഞിട്ടുണ്ടോ; വിശദമാക്കാമോ;

രാജ്യത്തെ പ്രമുഖ വാണിജ്യ ബാങ്കുകളോട് മത്സരിച്ച് വായ്പാ വിതരണത്തിൽ സഹകരണ ബാങ്കുകളിൽ ഒന്നാം സ്ഥാനമെന്ന അപൂർവ്വ നേട്ടം കൈവരിക്കാന്‍ കേരള ബാങ്കിന് കഴിഞ്ഞിട്ടുണ്ടോ; വിശദമാക്കാമോ;

കേരള ബാങ്കിന്റെ അറ്റാദായം വർദ്ധിച്ചിട്ടുണ്ടോ; റിസർച്ച് ബാങ്ക് നിഷ്കർഷിക്കുന്ന മൂലധന പര്യാപ്തത നിലനിർത്താന്‍ ബാങ്കിന് കഴിയുന്നുണ്ടോ; വ്യക്തമാക്കാമോ?

ജി. എസ്. ടി. സ്ലാബുകൾ രണ്ടായി കുറച്ചതുമൂലം സംസ്ഥാനത്തിനുണ്ടാകുന്ന വരുമാന നഷ്ടം എത്രയായിരിക്കുമെന്ന് കണക്കാക്കിയിട്ടുണ്ടോ; വിശദമാക്കാമോ;

പ്രസ്തുത വരുമാന നഷ്ടം സംസ്ഥാനത്തിന്റെ വികസന-ക്ഷേമ പ്രവർത്തനങ്ങളെ എപ്രകാരം ബാധിക്കുമെന്നാണ് കരുതുന്നതെന്ന് വ്യക്തമാക്കാമോ;

ഇക്കാര്യത്തിൽ കേന്ദ്ര സർക്കാരിൽ നിന്നും നഷ്ടപരിഹാരം നേടിയെടുക്കാൻ ശ്രമിക്കുന്നുണ്ടോയെന്നും ഇതിനായി എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നതെന്നും വ്യക്തമാക്കാമോ?

സംസ്ഥാനത്ത് ജി.എസ്.ടി. നിലവില്‍ വന്നശേഷം നികുതി വരുമാനത്തിലെ വ്യതിയാനം എപ്രകാരമാണെന്ന് വ്യക്തമാക്കുമോ;

റിട്ടേണ്‍ ഫയല്‍ ചെയ്യുന്നവരിലുള്ള എണ്ണത്തില്‍ വർദ്ധനയുണ്ടായിട്ടുണ്ടോ; റിട്ടേണ്‍ ഫയല്‍ ചെയ്യുന്നതിലെ സങ്കീർണ്ണതകൾ ലഘൂകരിക്കുന്നതിനുള്ള നടപടി സ്വീകരിക്കുന്നത് സംബന്ധിച്ച് വിശദമാക്കുമോ;

കേന്ദ്ര സർക്കാർ പുതുതായി ജി.എസ്.ടി. സ്ലാബില്‍ വരുത്തിയ മാറ്റങ്ങള്‍ സംസ്ഥാനത്തെ ഏതൊക്കെ രീതിയിലാണ് ബാധിക്കുന്നതെന്നും നഷ്ടം സംഭവിക്കുന്നുണ്ടെങ്കില്‍ എപ്രകാരം പരിഹരിക്കാമെന്നാണ് കേന്ദ്ര നിർദേശം ലഭിച്ചിരിക്കുന്നതെന്നും വിശദമാക്കുമോ?

സംസ്ഥാനത്ത് വൈദ്യുതി വിതരണ-സംഭരണ മേഖല ആധുനികവത്കരിക്കുന്നതിനും ഗുണമേന്മയുള്ള വൈദ്യുതി ഉറപ്പുവരുത്തുന്നതിനും നടപടികള്‍ സ്വീകരിക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

തടസ്സമില്ലാതെ തുടർച്ചയായി വൈദ്യുതി ലഭ്യത ഉറപ്പുവരുത്താൻ പ്രസരണ-വിതരണ ശൃംഖലയുടെ ആധുനികവല്കരണവും ശേഷി വർദ്ധനവും നടപ്പിലാക്കാൻ നടപടി സ്വീകരിച്ചിട്ടുണ്ടോ; വിശദമാക്കാമോ;

സംസ്ഥാനത്തിന്റെ ഊർജ മേഖലയിൽ അടിസ്ഥാന സൗകര്യങ്ങൾ ശക്തിപ്പെടുത്തുന്നതിനും രാജ്യത്തെ ഊർജ സംഭരണ പദ്ധതികളിൽ സംസ്ഥാനത്തെ മാതൃകയാക്കി മാറ്റുന്നതിനുതകുന്നതിനുമുള്ള പ്രവർത്തനങ്ങൾ ആസൂത്രണം ചെയ്തിട്ടുണ്ടോ; വിശദമാക്കാമോ;

ശരിയായ സംഭരണ സാങ്കേതികവിദ്യ തിരഞ്ഞെടുക്കുന്നതിനും സംഭരണ സംവിധാനങ്ങൾ രൂപകൽപ്പന ചെയ്യുന്നതിനുമായി നൂതന നയങ്ങൾ, സംരംഭങ്ങൾ എന്നിവ പരിഗണനയിലുണ്ടോ; വിശദമാക്കാമോ?

വ്യവസായ വകുപ്പിന്റെ നിയന്ത്രണത്തിലുളള പൊതുമേഖലാ സ്ഥാപനങ്ങള്‍ നഷ്ടത്തിലാണോ പ്രവർത്തിക്കുന്നത്; എങ്കിൽ അതിന്റെ അടിസ്ഥാന കാരണം കണ്ടെത്തി പരിഹരിക്കുന്നതിന് എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് അറിയിക്കുമോ;

നഷ്ടത്തിൽ പ്രവര്‍ത്തിക്കുന്ന പൊതുമേഖലാ സ്ഥാപനങ്ങളുടെ ബിസിനസ്സ് മോഡലുകൾ പരിശോധിക്കാറുണ്ടോ; ബിസിനസ്സ് മോഡലുകൾ സുസ്ഥിരമല്ലെങ്കിൽ അവയുടെ ഓഹരികൾ വിൽക്കുന്നതിനോ പൊതുമേഖലാ സ്ഥാപനം അടച്ചുപൂട്ടുന്നതിനോ ഉദ്ദേശിക്കുന്നുണ്ടോ; വിശദമാക്കുമോ;

ഇക്കാര്യത്തിൽ പൊതുമേഖലാ സ്ഥാപനങ്ങളെ സംബന്ധിച്ച് സി. & എ. ജി.-യുടെ 2025-ലെ ഒന്നാമത്തെ റിപ്പോർട്ടിൽ പരാമർശം ഉണ്ടായിട്ടുണ്ടോ; എങ്കിൽ ഇതിന്മേൽ എന്ത് നടപടി സ്വീകരിച്ചുവെന്ന് വിശദമാക്കുമോ?

സഹകരണമേഖലയെ പൂർണ്ണമായും കേന്ദ്ര നിയന്ത്രണത്തിലാക്കാനുള്ള വ്യവസ്ഥകളുള്ള ദേശീയ സഹകരണ നയം കേന്ദ്ര സർക്കാർ പുറത്തിറക്കിയത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

സംസ്ഥാനം കടുത്ത വിയോജിപ്പ്‌ രേഖപ്പെടുത്തിയ ഏകീകൃത സോഫ്‌റ്റ്‌വെയർ സംവിധാനം ഉൾപ്പെടെയുള്ള നിർദേശങ്ങള്‍ ദേശീയ സഹകരണ നയത്തിലുള്‍പ്പെടുത്തിയിട്ടുണ്ടോ; വിശദമാക്കാമോ;

സഹകരണ സംഘങ്ങളെ വിവിധോദ്ദേശ്യ സഹകരണസംഘങ്ങളാക്കി മാറ്റാൻ ദേശീയ സഹകരണ നയത്തില്‍ വ്യവസ്ഥ ചെയ്തിട്ടുണ്ടോ; വിശദമാക്കാമോ;

സഹകരണ സംഘങ്ങളെ കേന്ദ്ര സർക്കാരിന്റെ പദ്ധതികൾ നടപ്പാക്കാനുള്ള ഏജൻസികളാക്കി മാറ്റാന്‍ സഹകരണ നയത്തില്‍ നീക്കമുണ്ടോ; വിശദമാക്കാമോ?

പൊട്ടിവീണ വൈദ്യുതി കമ്പികളിൽ നിന്നും വൈദ്യുതാഘാതമേറ്റുളള മരണങ്ങൾ വർദ്ധിച്ചു വരുന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇക്കാര്യം പരിശോധിച്ചിട്ടുണ്ടോ; വിശദമാക്കാമോ;

വൈദ്യുതി ലൈനുകളുടെ സുരക്ഷാ പരിശോധന ഫലപ്രദമായ രീതിയിൽ നടത്താൻ സാധിക്കുന്നുണ്ടോ;

അതിനായി ജീവനക്കാരുടെയും ആവശ്യമായ ഉപകരണങ്ങളുടെയും കുറവ് പരിഹരിക്കാൻ ഉദ്ദേശിക്കുന്നുണ്ടോ; വ്യക്തമാക്കാമോ;

വൈദ്യുതാഘാതം മൂലമുണ്ടാകുന്ന അപകടങ്ങൾ ഒഴിവാക്കുന്നതിന് സ്വീകരിക്കാനുദ്ദേശിക്കുന്ന നടപടികൾ വിശദമാക്കാമോ?

കഴിഞ്ഞ ഒന്‍പത് വര്‍ഷക്കാലം വൈദ്യുതി വിതരണ രംഗത്ത് ലോഡ്ഷെഡിംഗും പവര്‍ കട്ടുമില്ലാത്ത സംസ്ഥാനമായി കേരളത്തെ മാറ്റുന്നതിന് നടപ്പാക്കിയ പ്രവര്‍ത്തനങ്ങള്‍ വിശദമാക്കാമോ;

വേനല്‍ക്കാലത്ത് പീക്ക് ടൈമിലുള്ള അധിക വൈദ്യുതി ഉപഭോഗം നിറവേറ്റുന്നതിനായി സ്വീകരിച്ചു വന്നിരുന്ന പ്രവര്‍ത്തനങ്ങള്‍ ഫലവത്തായിരുന്നോ; വിശദമാക്കാമോ;

ഈ മേഖലയില്‍ ആധുനിക സാങ്കേതികവിദ്യ പ്രയോജനപ്പെടുത്തുന്നതിന് കഴിഞ്ഞിട്ടുണ്ടോ; വിശദമാക്കാമോ?

ജി. എസ്. ടി. നടപ്പിലാക്കി എട്ട് വർഷം കഴിഞ്ഞിട്ടും സംസ്ഥാനത്തിന് പ്രതീക്ഷിച്ച ജി. എസ്. ടി. വരുമാന വളർച്ച നേടാൻ സാധിക്കാത്തതായുള്ള ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ അതിന്റെ കാരണം വിലയിരുത്തിയിട്ടുണ്ടോ; വ്യക്തമാക്കുമോ;

സംസ്ഥാനത്ത് ജി. എസ്. ടി. വരുമാന വളർച്ച മുൻവർഷങ്ങളേക്കാൾ നടപ്പ് സാമ്പത്തിക വർഷം കുറഞ്ഞു എന്നത് ശ്രദ്ധയില്‍പ്പെട്ടിട്ടുണ്ടോ; എങ്കിൽ വ്യക്തമാക്കാമോ;

ജി. എസ്. ടി. വരുമാനത്തിൽ കുറവ് ഉണ്ടാകുന്നതിനുള്ള കാരണം പരിശോധിച്ചിട്ടുണ്ടോ; വിശദമാക്കാമോ;

കേന്ദ്ര സർക്കാർ കൊണ്ടുവന്ന ജി. എസ്. ടി. ഘടനാ മാറ്റം സംസ്ഥാനത്തെ ഏത് വിധത്തിലാണ് ബാധിക്കുന്നതെന്ന് വ്യക്തമാക്കുമോ?

കേന്ദ്ര സർക്കാരും ജി. എസ്. ടി. കൗൺസിലും ജി. എസ്. ടി. ഘടനയിൽ വരുത്തിയ മാറ്റങ്ങൾ സംസ്ഥാനത്തിന്റെ ജി. എസ്. ടി. വരുമാനത്തെ ഏത് തരത്തിലാണ് ബാധിക്കുന്നതെന്ന് വിശദമാക്കുമോ;

ഈ പരിഷ്കാരങ്ങൾ സംസ്ഥാനത്തെ ജി. എസ്. ടി. വരുമാനത്തിൽ കുറവ് വരുത്തുമെന്ന് കരുതുന്നുണ്ടോ; വ്യക്തമാക്കുമോ;

എങ്കിൽ ഈ പ്രതിസന്ധി മറികടക്കാൻ എന്തൊക്കെ നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കുമോ?

സംസ്ഥാനത്ത് വർദ്ധിച്ചുവരുന്ന വൈദ്യുതി അപകടങ്ങൾ ഒഴിവാക്കുന്നതിന് ആര്‍ട്ടിഫിഷ്യല്‍ ഇന്റലിജന്റ്സ് ഉള്‍‍പ്പടെയുള്ള ആധുനിക സാങ്കേതികവിദ്യയുടെ സാധ്യതകള്‍ പ്രയോജനപ്പെടുത്തേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

വൈദ്യുതി അപകടങ്ങള്‍ ഏറ്റവും കുറവുള്ള സംസ്ഥാനങ്ങളുടെ സുരക്ഷാ മേഖലയിലെ പ്രവര്‍‍ത്തനങ്ങള്‍ മാതൃകയാക്കാന്‍ നടപടി സ്വീകരിച്ചിട്ടുണ്ടോ; വിശദമാക്കാമോ;

വൈദ്യുതി അപകട രഹിത കേരളം എന്ന ലക്ഷ്യം സാക്ഷാത്കരിക്കുന്നതിന്റെ ഭാഗമായി ഇ–സേഫ് കേരള പദ്ധതിക്ക് തുടക്കം കുറിച്ചിട്ടുണ്ടോ; പ്രസ്തുത പദ്ധതി പ്രകാരം പ്രസരണ–വിതരണ ശൃംഖല ആധുനികവത്ക്കരിക്കുന്നതിന് നടപടി സ്വീകരിച്ചിട്ടുണ്ടോ; വിശദമാക്കാമോ;

ഗുണമേന്മയുള്ള വൈദ്യുതി ലഭ്യമാക്കുന്നതിനായി പവര്‍ ക്വാളിറ്റി ഓഡിറ്റ് നടപ്പാക്കുന്നതിനും വൈദ്യുതി പ്രതിഷ്ഠാപനങ്ങളുടെ നിലവാരം വിലയിരുത്തുന്നതിന് സേഫ്റ്റി ഓഡിറ്റ്, സേഫ്റ്റി സര്‍വ്വേ എന്നിവ നടത്തുന്നതിനുമുള്ള നടപടി സ്വീകരിച്ചിട്ടുണ്ടോ; വിശദമാക്കാമോ?

സംസ്ഥാനത്ത് സ്വകാര്യ വ്യവസായ പാര്‍ക്കുകള്‍ ആരംഭിക്കുന്നതിനുള്ള പദ്ധതിയുടെ പുരോഗതി വെളിപ്പെടുത്താമോ;

ഇതുമൂലം പ്രതീക്ഷിക്കുന്ന നേട്ടങ്ങള്‍ എന്തൊക്കെയാണ്; വിശദമാക്കാമോ;

ക്യാമ്പസ് വ്യവസായ പാര്‍ക്ക്‌ പദ്ധതിയുടെ പുരോഗതി വിലയിരുത്തിയിട്ടുണ്ടോ; വിശദമാക്കാമോ;

പ്രസ്തുത പദ്ധതി കൂടുതല്‍ ക്യാമ്പസുകളിലേക്ക് വ്യാപിപ്പിക്കാന്‍ എന്തെല്ലാം കര്‍മ്മ പദ്ധതികളാണ് ആവിഷ്കരിച്ചിട്ടുള്ളത്; വിശദമാക്കാമോ;

കോളേജ് വിദ്യാര്‍ത്ഥികളുടെ ആശയങ്ങള്‍ വികസിപ്പിച്ച് അവരെ സംരംഭകത്വത്തിലേക്ക് നയിക്കാന്‍ വ്യവസായ വകുപ്പിന്റെ നേതൃത്വത്തില്‍ പദ്ധതിയുണ്ടോ; വിശദമാക്കാമോ?

ഉപഭോക്താക്കളുടെ പരാതികൾ കൃത്യമായി രേഖപ്പെടുത്തുന്നതിനും ജീവനക്കാരുടെ ജോലി ഭാരം സംബന്ധിച്ച ഡേറ്റ ശേഖരിക്കുന്നതിനും കെ. എസ്. ഇ. ബി. യിൽ കോൾ സെന്റർ സംവിധാനം ഏർപ്പെടുത്താൻ ഉദ്ദേശിക്കുന്നുണ്ടോ; വ്യക്തമാക്കാമോ;

കോൾ സെന്ററുകളുടെ പ്രവർത്തനത്തിനായി പുറം കരാർ നൽകാൻ തീരുമാനിച്ചിട്ടുണ്ടോ; എങ്കിൽ ഇക്കാര്യത്തിൽ ജീവനക്കാരുടെ സഹകരണം തേടിയിട്ടുണ്ടോ; വ്യക്തമാക്കാമോ;

കോൾ സെന്റർ സംവിധാനം ഏർപ്പെടുത്തുന്നതിന് പുറം കരാർ നൽകുന്നതിലൂടെ ഉണ്ടാകുന്ന നേട്ടങ്ങൾ എന്തെല്ലാമാണെന്ന് വിലയിരുത്തിയിട്ടുണ്ടോ; വിശദമാക്കാമോ?

കേന്ദ്ര സെൻട്രൽ സ്റ്റാറ്റിസ്റ്റിക്കൽ ഓഫീസിന്റെ റിപ്പോർട്ട് പ്രകാരം രാജ്യത്ത് റീട്ടെയില്‍ പണപ്പെരുപ്പം ഏറ്റവും കൂടുതലുള്ള സംസ്ഥാനമായി കേരളം തുടർച്ചയായ ഏഴാം മാസവും മാറിയത് ശ്രദ്ധയിൽപ്പെട്ടിട്ടുണ്ടോ;

സംസ്ഥാനത്തെ റീട്ടെയില്‍ പണപ്പെരുപ്പം വർദ്ധിക്കാനുണ്ടായ സാഹചര്യം വിലയിരുത്തിയിട്ടുണ്ടോ; എങ്കിൽ വിശദമാക്കാമോ;

സംസ്ഥാനത്ത് റീട്ടെയില്‍ പണപ്പെരുപ്പം കുറയ്ക്കാൻ സ്വീകരിച്ച നടപടി വിശദമാക്കാമോ?

കേന്ദ്ര സര്‍ക്കാര്‍ പ്രഖ്യാപിച്ച, വര്‍ദ്ധിപ്പിച്ച ജി. എസ്. ടി. നിരക്കുകള്‍ നിലവില്‍ വരുന്നതോടെ സംസ്ഥാനത്തിന് പ്രതിവര്‍ഷം ഉണ്ടാകാനിടയുള്ള സാമ്പത്തിക നഷ്ടം വിലയിരുത്തിയിട്ടുണ്ടോ; എങ്കില്‍ വിശദമാക്കുമോ;

നിലവില്‍ സംസ്ഥാനത്തിന് കേന്ദ്ര സര്‍ക്കാരില്‍ നിന്നും ലഭിക്കാനുള്ള വിവിധ ധനവിഹിതങ്ങളും മറ്റ് സാമ്പത്തിക സഹായങ്ങളും സംബന്ധിച്ച വിശദാംശം ലഭ്യമാക്കുമോ;

ഇന്ത്യയ്ക്കുമേല്‍ അമേരിക്ക അൻപത് ശതമാനം ഇറക്കുമതിത്തീരുവ ഏര്‍പ്പെടുത്തിയ നടപടി സംസ്ഥാനത്തെ മത്സ്യ, കാര്‍ഷിക, കയര്‍, കശുവണ്ടി, കൈത്തറി, സുഗന്ധവ്യജ്ഞന ഉല്പന്നക്കയറ്റുമതിയെ ബാധിക്കുമോയെന്ന് വ്യക്തമാക്കുമോ;

ഇത് സംസ്ഥാനത്തിന്റെ സാമ്പത്തിക സ്ഥിതിയെ എത്രമാത്രം ദോഷകരമായി ബാധിക്കുമെന്ന് സര്‍ക്കാര്‍ പ്രത്യേകമായി പരിശോധിച്ചിട്ടുണ്ടോ;

ഇത് സംസ്ഥാനത്തിന്റെ സാമ്പത്തിക വ്യവസ്ഥയെ ഗുരുതരമായി ബാധിക്കാനിടയുള്ള സാഹചര്യം കണക്കിലെടുത്ത് സാമ്പത്തിക സമാശ്വാസ പദ്ധതികള്‍ ആവിഷ്കരിക്കേണ്ടത് അനിവാര്യമായി കരുതുന്നുണ്ടോ; എങ്കില്‍ വിശദമാക്കുമോ?

ശബരിമലയിലെ യുവതി പ്രവേശനം സംബന്ധിച്ച് 2011-2016-ലെ സർക്കാർ നൽകിയ സത്യവാങ്മൂലം 2016-2021-ലെ സർക്കാർ തിരുത്തി നൽകിയിട്ടുണ്ടോ; എങ്കിൽ വിശദമാക്കാമോ;

ശബരിമലയിൽ സ്ത്രീപ്രവേശനവുമായി ബന്ധപ്പെട്ട സുപ്രീം കോടതി വിധിക്ക് അടിസ്ഥാനമായ സംസ്ഥാന സർക്കാരിന്റെ സത്യവാങ്മൂലം പിൻവലിക്കാൻ തയ്യാറാകുമോ; ഇല്ലെങ്കിൽ കാരണം വിശദമാക്കാമോ?

കേരള ധനകാര്യ കോര്‍പ്പറേഷന്റെ വികസന ലക്ഷ്യങ്ങൾ എന്തൊക്കെയാണെന്ന് വിശദമാക്കുമോ; ലോണ്‍ പോര്‍ട്ട്ഫോളിയോ എത്രയായി ഉയര്‍ത്തുന്നതിനാണ് ലക്ഷ്യമിടുന്നത്; വിശദാംശം നല്‍കുമോ;

സൂക്ഷ്മ -ചെറുകിട-ഇടത്തരം വ്യവസായ സംരംഭങ്ങളില്‍ ശ്രദ്ധ കേന്ദ്രീകരിച്ച് സംസ്ഥാനത്തിന്റെ സമ്പൂര്‍ണ്ണ വ്യവസായവല്‍ക്കരണത്തിനായി ഒരു സംയോജിത വികസന പിന്തുണ സൃഷ്ടിച്ചുകൊണ്ട് ഒരു മികച്ച സ്ഥാപനമായി മുന്നേറുവാന്‍ കേരള ധനകാര്യ കോര്‍പ്പറേഷന് കഴിഞ്ഞിട്ടുണ്ടോ; വിശദമാക്കുമോ;

ഈ സര്‍ക്കാരിന്റെ പ്രവര്‍ത്തന ഫലമായി കേരള ധനകാര്യ കോര്‍പ്പറേഷനിലൂടെ ഈ രംഗത്ത് ഉണ്ടായിട്ടുള്ള നേട്ടങ്ങള്‍ വിലയിരുത്തിയിട്ടുണ്ടോ; വിശദാംശം നല്‍കുമോ?

ആദ്യ വർഷം തന്നെ സ്ഥാപിത ശേഷി നേടുന്ന ലോകത്തെ അപൂർവ്വം തുറമുഖങ്ങളിലൊന്നായി വിഴിഞ്ഞം അന്താരാഷ്ട്ര തുറമുഖത്തെ മാറ്റുവാന്‍ കഴിഞ്ഞിട്ടുണ്ടോ വിശദമാക്കാമോ;

പ്രസ്തുത തുറമുഖത്തിന്റെ അടുത്ത ഘട്ടത്തിലെ വികസന പ്രവർത്തനങ്ങളുടെ പുരോഗതി അവലോകനം ചെയ്തിട്ടുണ്ടോ; വിശദാംശം ലഭ്യമാക്കാമോ;

രാജ്യത്തെ ട്രാൻസ്ഷിപ്മെന്റ് ഹബ്ബായി വിഴിഞ്ഞത്തെ ഉയർത്തിക്കൊണ്ടുവരുന്നതിനും ലോകോത്തര ട്രാൻസ്ഷിപ്മെന്റ് ആവാസ വ്യവസ്ഥ പടുത്തുയർത്തുന്നതിനും ലക്ഷ്യമിട്ട് നടപ്പാക്കാനുദ്ദേശിക്കുന്ന വികസന പ്രവർത്തനങ്ങള്‍ എന്തൊക്കെയാണ്; വിശദമാക്കാമോ?

കാഷ്യൂ കോര്‍പ്പറേഷനിലെയും കാപെക്സിലെയും കശുവണ്ടി തൊഴിലാളികള്‍ക്ക് തുടര്‍ച്ചയായി തൊഴില്‍ നല്‍കാന്‍ വേണ്ടി സ്വീകരിച്ചുവരുന്ന നടപടികള്‍ വിശദമാക്കാമോ;

ആഭ്യന്തര വിപണിയിലും വിദേശ വിപണിയിലും ഉണ്ടായിട്ടുള്ള പ്രതിസന്ധികള്‍ പരിഹരിച്ച് കാഷ്യൂ കോര്‍പ്പറേഷനും കാപെക്സിനും ആഭ്യന്തര വിപണിയിലെ വില്‍പ്പന ശക്തിപ്പെടുത്താന്‍ എത്രമാത്രം കഴിഞ്ഞിട്ടുണ്ട്; പുതിയതായി ഏതൊക്കെ മേഖലയിലെ വിപണന സാധ്യതകള്‍ പ്രയോജനപ്പെടുത്തിയിട്ടുണ്ട്;

പൂട്ടിക്കിടക്കുന്ന കശുവണ്ടി ഫാക്ടറികള്‍ തുറന്നു പ്രവര്‍ത്തിപ്പിക്കുന്നതിന് വ്യവസായികളെ സഹായിക്കാന്‍ വേണ്ടി പ്രഖ്യാപിച്ച പദ്ധതികളുടെ ആനുകൂല്യം കൂടുതൽ പേര്‍ക്ക് ലഭ്യമാക്കാൻ സാധിച്ചിട്ടുണ്ടോ; വിശദാംശം നൽകാമോ;

കശുവണ്ടിയുടെ ആഭ്യന്തര ഉല്പാദനം വര്‍ദ്ധിപ്പിക്കുന്നതിനായി സ്വീകരിച്ച നടപടികള്‍ എന്തെല്ലാമാണെന്ന് വ്യക്തമാക്കാമോ?

ശബരിമലയെ ആഗോള തീര്‍ത്ഥാടന കേന്ദ്രമായി ഉയര്‍ത്തുന്നതിനും വികസന ലക്ഷ്യങ്ങള്‍ ചര്‍ച്ച ചെയ്യുന്നതിനുമായി വിളിച്ചു ചേര്‍ക്കാൻ തീരുമാനിച്ചിട്ടുള്ള ആഗോള അയ്യപ്പ സംഗമത്തിന്റെ മുന്നൊരുക്കങ്ങള്‍ വിലയിരുത്തിയിട്ടുണ്ടോ; വിശദാംശം നല്‍കുമോ;

മാനവമൈത്രിയുടെ മകുടോദാഹരണമായ ശബരിമലയുടെ പ്രാധാന്യം ഉള്‍ക്കൊണ്ടുകൊണ്ട് ഈ സര്‍ക്കാര്‍ നടപ്പാക്കിയിട്ടുള്ള വികസന പ്രവര്‍ത്തനങ്ങള്‍ പൊതു സമൂഹത്തില്‍ ചര്‍ച്ച ചെയ്യപ്പെടുന്നതിനെതിരെ ആരെങ്കിലും രംഗത്ത് വന്നിട്ടുണ്ടോ; വിശദമാക്കാമോ;

ശബരിമലയില്‍ നടപ്പിലാക്കിയിട്ടുള്ള വികസന പ്രവര്‍ത്തനങ്ങള്‍ വിശദീകരിക്കുമോ;

ശബരിമല മാസ്റ്റര്‍പ്ലാൻ അവലോകനം ചെയ്തിട്ടുണ്ടോ; വിശദാംശം നല്‍കുമോ?

സംസ്ഥാനത്തെ സഹകരണ മേഖലയെ രാജ്യത്തിനാകെ മാതൃകയാകുന്ന തരത്തില്‍ പരിഷ്കരിക്കാന്‍ സര്‍ക്കാരിന് കഴിഞ്ഞിട്ടുണ്ടോ; വിശദമാക്കുമോ;

സഹകരണ ഉല്പന്നങ്ങള്‍ക്ക് ഏകീകൃത ബ്രാന്‍ഡിംഗ് കൊണ്ടുവന്ന് വിപണി നേടുന്നതിനായി പദ്ധതികള്‍ ആവിഷ്കരിച്ച് നടപ്പാക്കി വരുന്നുണ്ടോ; വിശദാംശം നല്‍കുമോ;

കാര്‍ഷിക മേഖലയില്‍ സഹകരണ വകുപ്പ് നടത്തുന്ന ഇടപെടലുകള്‍ വിശദീകരിക്കുമോ; കാപ്കോസ്, പാപ്കോസ് സംഘങ്ങളുടെ പ്രവര്‍ത്തനം വിലവിരുത്തിയിട്ടുണ്ടോ; വിശദാംശം നല്‍കുമോ?

പൊതുമേഖലാ സ്ഥാപനമായ കെല്‍ട്രോണിന്റെ പ്രവര്‍ത്തന പുരോഗതി വിലയിരുത്തിയിട്ടുണ്ടോ;

സംസ്ഥാനത്തെ ഇലക്ട്രോണിക്സ് വ്യവസായ മേഖലയിലും പ്രതിരോധ മേഖലയ്ക്ക് ആവശ്യമായ ഉല്പന്നങ്ങള്‍ നിര്‍മ്മിക്കുന്നതിനും കെല്‍ട്രോണ്‍ വഹിക്കുന്ന പങ്ക് വിശദമാക്കുമോ ;

കെല്‍ട്രോണ്‍ നിര്‍മ്മിക്കുന്ന എ. ഐ. ക്യാമറയുമായി ബന്ധപ്പെട്ട് ഹൈക്കോടതിയുടെ അന്തിമ ഉത്തരവ് പരിശോധിച്ചിട്ടുണ്ടോ;

കണ്ണൂരിലെ കെല്‍ട്രോണില്‍ ആരംഭിച്ച സൂപ്പര്‍ കപ്പാസിറ്റര്‍ നിര്‍മ്മാണ പദ്ധതിയുടെ പുരോഗതി വിശദമാക്കുമോ; ഇവ ഉപയോഗിച്ച് എന്തെങ്കിലും അനുബന്ധ ഉല്പന്നങ്ങള്‍ നിര്‍മ്മിച്ചിട്ടുണ്ടോ എന്ന് വ്യക്തമാക്കാമോ?