Questions

പോളിടെക്നിക്കുകളിലെ വിജയശതമാനം

ശ്രീ. എ. കെ. ബാലന്‍

(എ)സംസ്ഥാനത്തെ സര്‍ക്കാര്‍ പോളിടെക്നിക്കുകളിലേയും, സ്വകാര്യ സ്വാശ്രയ പോളിടെക്നിക്കുകളിലേയും വിജയ ശതമാനം വിലയിരുത്തിയിട്ടുണ്ടോ; എങ്കില്‍ കഴിഞ്ഞ രണ്ട് വര്‍ഷത്തെ വിജയശതമാനം മേഖലാടിസ്ഥാനത്തില്‍ വ്യക്തമാക്കുമോ;

(ബി)വിജയ ശതമാനം കുറഞ്ഞ സ്ഥാപനങ്ങളുടെ നിലവാരം ഉയര്‍ത്താന്‍ നടപടി സ്വീകരിക്കുമോ; എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ ?

ടെക്നിക്കല്‍ ഹൈസ്കൂളുകളില്‍ സിലബസ് പരിഷ്കരണം

ശ്രീ. ഇ. കെ. വിജയന്‍

(എ)സാങ്കേതിക വിദ്യാഭ്യാസ വകുപ്പിന്റെ കീഴിലുള്ള ടെക്നിക്കല്‍ ഹൈസ്കൂളുകളിലെ സാങ്കേതിക വിഷയങ്ങളുടെ സിലബസ് പരിഷ്കരണം നടത്തിയിട്ടുണ്ടോ ; ഇല്ലെങ്കില്‍ കാരണം വ്യക്തമാക്കാമോ ;

(ബി)സിലബസ് പരിഷ്കരിക്കുന്നുണ്ടെങ്കില്‍ കോഴ്സ് ഘടനയില്‍ മാറ്റം വരുത്താന്‍ ഉദ്ദേശിക്കുന്നുണ്ടോ ;

(സി)സിലബസ് പരിഷ്കരണം ശാസ്ര്തീയമായ രീതിയിലാണോ നടക്കുന്നതെന്ന് വിശദമാക്കാമോ ;

(ഡി)സിലബസ് പരിഷ്കരണം സംബന്ധിച്ച ചര്‍ച്ചകള്‍ ഏതെങ്കിലും മേഖലയില്‍ നടന്നുവരുന്നതായി ശ്രദ്ധയില്‍പ്പെട്ടിട്ടുണ്ടോ ;

(ഇ)ദേശീയ വിദ്യാഭ്യാസ നയത്തിന്റെ ഭാഗമായി മറ്റ് സംസ്ഥാനങ്ങളിലൊന്നും നടപ്പിലാക്കാത്ത നാഷണല്‍ വൊക്കേഷണല്‍ എഡ്യൂക്കേഷന്‍ ക്വാളിഫിക്കേഷന്‍ ഫ്രെയിം എന്ന പരിപാടി സംസ്ഥാനത്ത് നടപ്പിലാക്കാന്‍ ഉദ്ദേശിക്കുന്നുണ്ടോയെന്നറിയിക്കുമോ ?

കെ.ജി.റ്റി.ഇ.(പ്രിന്റിംഗ്) പരീക്ഷ

ശ്രീ. പി. സി. ജോര്‍ജ്

,, എം. വി. ശ്രേയാംസ് കുമാര്‍

,, റോഷി അഗസ്റിന്‍

ഡോ. എന്‍. ജയരാജ്

(എ)കെ.ജി.റ്റി.ഇ.(പ്രിന്റിംഗ്) പരീക്ഷ എല്ലാ വര്‍ഷവും മുടക്കം കൂടാതെ നടത്താന്‍ സാധിക്കുന്നുണ്ടോ; ഇല്ലെങ്കില്‍ കാരണം വ്യക്തമാക്കുമോ;

(ബി)പ്രസ്തുത പരീക്ഷ നടത്തുന്നതിനുള്ള ചുമതല മുന്‍പ് ആര്‍ക്കായിരുന്നു; പരീക്ഷാ നടത്തിപ്പില്‍ നിന്ന് ഇവരെ ഒഴിവാക്കാന്‍ കാരണം എന്തായിരുന്നു;

(സി)നിലവിലുള്ള പഠന സമയം അനുസരിച്ച് സി-ആപ്റ്റ് നടത്തുന്ന പ്രിന്റിംഗ് സര്‍ട്ടിഫിക്കറ്റ് കോഴ്സിന് സര്‍ക്കാര്‍ ജീവനക്കാര്‍ക്കും മറ്റ് മേഖലയില്‍ ജോലി ചെയ്യുന്നവര്‍ക്കും പഠിക്കാന്‍ അവസരം ലഭിക്കുന്നില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇവര്‍ക്കു കൂടി പഠനത്തിന് അവസരം ലഭിക്കത്തക്ക വിധമുള്ള ക്രമീകരണം ഏര്‍പ്പെടുത്താന്‍ നടപ്പുസാമ്പത്തിക വര്‍ഷം തന്നെ നടപടി സ്വീകരിക്കുമോ?

ആര്‍ട്സ് & സയന്‍സ് കോളേജുകളുടെ എണ്ണം

ശ്രീ. റ്റി. വി. രാജേഷ്

(എ)സംസ്ഥാനത്ത് വിവിധ യൂണിവേഴ്സിറ്റികളുടെ കീഴിലായി എത്ര ആര്‍ട്സ് & സയന്‍സ് കോളേജുകളുണ്ട് ; അവയില്‍ സര്‍ക്കാര്‍/എയ്ഡഡ്/അണ്‍ എയിഡഡ് മേഖലയിലെ കോളേജുകളുടെ എണ്ണം തരംതിരിച്ച് ലഭ്യമാക്കുമോ ;

(ബി)അണ്‍ എയിഡഡ് ആര്‍ട്സ് & സയന്‍സ് കോളേജുകളില്‍ കുട്ടികള്‍, അദ്ധ്യാപകര്‍ എന്നിവരുടെ എണ്ണം കോളേജു തിരിച്ച് ലഭ്യമാക്കുമോ ;

(സി)അണ്‍ എയ്ഡഡ് കോളേജുകളിലെ അദ്ധ്യാപകര്‍ക്ക് നല്‍കുന്ന വേതനം സംബന്ധിച്ച ഉത്തരവ് നിലവിലുണ്ടോ ; ഉണ്ടെങ്കില്‍ പകര്‍പ്പ് ലഭ്യമാക്കുമോ ;

(ഡി)അണ്‍ എയ്ഡഡ് കോളേജുകളിലെ ജീവനക്കാരുടെ വേതനം പരിഷ്ക്കരിക്കുന്ന തിനായി ഏതെങ്കിലും കമ്മിറ്റി നിലവിലുണ്ടോ ; വിശദാംശം നല്‍കുമോ ?

പയ്യന്നൂര്‍ മണ്ഡലത്തില്‍ ആര്‍ട്സ് & സയന്‍സ് കോളേജ്

ശ്രീ. സി. കൃഷ്ണന്‍

(എ)ആര്‍ട്സ് & സയന്‍സ് കോളേജുകള്‍ ഇല്ലാത്ത പയ്യന്നൂര്‍ നിയോജക മണ്ഡലത്തില്‍ ഒരു കോളേജ് അനുവദിക്കണമെന്ന് ആവശ്യപ്പെട്ടു കൊണ്ടുള്ള നിവേദനം ലഭിച്ചിട്ടുണ്ടോ;

(ബി)എങ്കില്‍ പയ്യന്നൂര്‍ മണ്ഡലത്തില്‍ ആര്‍ട്സ് ആന്റ് സയന്‍സ് കോളേജ് അനുവദിക്കാന്‍ നടപടി സ്വീകരിക്കുമോ?

വെച്ചൂച്ചിറയില്‍ സര്‍ക്കാര്‍ ആര്‍ട്സ് & സയന്‍സ് കോളേജ്

ശ്രീ. രാജു എബ്രഹാം

(എ)കേരളത്തില്‍ സര്‍ക്കാര്‍ ട്രെയിനിംഗ് കോളേജുകളോ, ആര്‍ട്സ് & സയന്‍സ് കോളേജുകളോ ഇല്ലാത്ത ജില്ലകള്‍ ഏതൊക്കെയാണ്;

(ബി)എല്ലാ ജില്ലകളിലും സര്‍ക്കാര്‍ കോളേജ് എന്ന നയമനുസരിച്ച് പ്രസ്തുത ജില്ലകളില്‍ സര്‍ക്കാര്‍ കോളേജുകള്‍ അനുവദിക്കാതിരുന്നത് എന്തുകൊണ്ട് എന്ന് വിശദമാക്കാമോ;

(സി)പിന്നോക്ക മലയോര ജില്ലയായ പത്തനംതിട്ടയില്‍ സര്‍ക്കാര്‍ ആര്‍ട്സ് & സയന്‍സ് കോളേജോ, ട്രെയിനിംഗ് കോളേജോ ഇല്ല എന്നത് ശ്രദ്ധയില്‍പ്പെട്ടിട്ടുണ്ടോ;

(ഡി)കോട്ടയം, പത്തനംതിട്ട ജില്ലകളിലെ മലയോര മേഖലയിലെ വിദ്യാര്‍ത്ഥികള്‍ ഉന്നത പഠനാര്‍ത്ഥം കിലോമീറ്ററുകള്‍ താണ്ടേണ്ട അവസ്ഥയുള്ളതിനാലും, വെച്ചൂച്ചിറയിലെ വിമുക്തഭട കോളനി സൊസൈറ്റി കോളേജിനാവശ്യമായ സ്ഥലം സൌജന്യമായി സര്‍ക്കാരിന് ലഭ്യമാക്കാമെന്ന സമ്മതപത്രം നേരത്തേ തന്നെ നല്‍കിയിട്ടുള്ളതിനാലും വെച്ചൂച്ചിറ കേന്ദ്രീകരിച്ച് സര്‍ക്കാര്‍ ആര്‍ട്സ് & സയന്‍സ് കോളേജ് ഈ സര്‍ക്കാരിന്റെ ഒന്നാം വാര്‍ഷികത്തോടനുബന്ധിച്ച് ആരംഭിക്കുവാന്‍ നടപടി സ്വീകരിക്കുമോ ?

എളേരിത്തട്ട് നായനാര്‍ മെമ്മോറിയല്‍ ഗവ: കോളേജില്‍ ഡിഗ്രി കോഴ്സില്‍ സയന്‍സ് ബാച്ച്

ശ്രീ. കെ. കുഞ്ഞിരാമന്‍(തൃക്കരിപ്പൂര്‍)

തൃക്കരിപ്പൂര്‍ മണ്ഡലത്തിലെ എളേരിത്തട്ട് നായനാര്‍ മെമ്മോറിയല്‍ ഗവ: കോളേജില്‍ മുന്‍ സര്‍ക്കാര്‍ ഡിഗ്രി കോഴ്സില്‍ സയന്‍സ് ബാച്ച് അനുവദിച്ചിരുന്നുവെങ്കിലും നാളിതുവരെയായും പ്രസ്തുത കോഴ്സ് ആരംഭിക്കാന്‍ കഴിയാത്തതിന്റെ കാരണം വ്യക്തമാക്കാമോ?

കല്‍പ്പറ്റ എന്‍.എം.എസ്.എം കോളേജിന് അനുവദിച്ച യു.ജി.സി പദ്ധതികള്‍

ശ്രീ. എം.വി.ശ്രേയാംസ്കുമാര്‍

(എ)കല്‍പ്പറ്റ എന്‍.എം.എസ്.എം കോളേജിന് ഏതെല്ലാം പദ്ധതികള്‍ ക്കാണ് യു.ജി.സി തുക അനുവദിച്ചിരിക്കുന്നതെന്ന് വ്യക്ത മാക്കുമോ;

(ബി)പ്രസ്തുത തുകയുടെ വിനിയോഗം സംബന്ധിച്ച് വിശദാംശം ലഭ്യമാക്കുമോ;

(സി)പ്രസ്തുത പദ്ധതി പ്രാവര്‍ത്തികമാക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

സര്‍ക്കാര്‍ കോളേജുകളിലെ ലൈബ്രറികളും ലബോറട്ടറികളും

ഡോ. എന്‍. ജയരാജ്

ശ്രീ. പി.സി. ജോര്‍ജ്

'' റോഷി അഗസ്റിന്‍

'' എം.വി. ശ്രേയാംസ്കുമാര്‍

(എ)സര്‍ക്കാര്‍ കോളേജുകളിലെ ലൈബ്രറികളിലും ലബോറട്ടറി കളിലും കാലപ്പഴക്കം ചെന്ന ഉപകരണങ്ങളാണുള്ളതെന്ന കാര്യം ശദ്ധയില്‍പ്പെട്ടിട്ടുണ്ടോ; വിശദമാക്കുമോ;

(ബി)പ്രസ്തുത കോളേജുകള്‍ക്ക് അക്രഡിറ്റേഷന്‍ ലഭിക്കുന്നതിനായി ലൈബ്രറികളും ലബോറട്ടറികളും നവീകരിക്കേണ്ടത് ആവശ്യ മാണെന്നു കരുതുന്നുണ്ടോ; വ്യക്തമാക്കുമോ;

(സി)സര്‍ക്കാര്‍ കോളേജുകളിലെ ലൈബ്രറികളും ലബോറട്ടറികളും അടിയന്തിരമായി നവീകരിക്കുന്നതിന് നടപടി സ്വീകരിക്കുമോ?

ചവറയില്‍ ഇഗ്നോ സെന്റര്‍

ശ്രീ. സാജു പോള്‍

(എ)ഇന്ദിരാഗാന്ധി നാഷണല്‍ ഓപ്പണ്‍ യൂണിവേഴ്സിറ്റി സതേണ്‍ റീജിയണല്‍ സെന്റര്‍ ആരംഭിക്കുന്നതിനുളള പ്രവര്‍ത്തനങ്ങളുടെ പുരോഗതി വ്യക്തമാക്കുമോ;

(ബി)2011-12 വര്‍ഷത്തെ ബഡ്ജറ്റില്‍ പ്യ്രാപിച്ചിരുന്നതു പ്രകാരം പ്രസ്തുത സെന്റര്‍ കൊല്ലം ജില്ലയിലെ ചവറയിലാണോ സ്ഥാപിക്കന്നത് എന്നറിയിക്കിക്കുമോ;

(സി)സെന്റര്‍ മറ്റേതെങ്കിലും സ്ഥലത്താണ് ആരംഭിക്കുന്നതെങ്കില്‍ അതിനുളള കാരണം വ്യക്തമാക്കുമോ;

(ഡി)സെന്ററിനായി ചവറയില്‍ കണ്ടെത്തിയിരുന്നത് ഏത് സ്ഥലമാണെന്നും എത്ര ഏക്കര്‍ ആയിരുന്നുവെന്നും വിശദമാക്കുമോ;

(ഇ)സെന്റര്‍ ചവറയില്‍തന്നെ ആരംഭിക്കണമെന്ന് ആരെങ്കിലും നിര്‍ദ്ദേശിച്ചിരുന്നോ; വ്യക്തമാക്കാമോ;

(എഫ്)പ്രസ്തുത സെന്ററിറായി ഇതിനകം ലഭിച്ച ധനസഹായം എത്രയാണ്; വ്യക്തമാക്കാമോ?

സംസ്കൃത സര്‍വ്വകലാശാലയുടെ പ്രാദേശീക കേന്ദ്രങ്ങള്‍

ശ്രീ. റ്റി. വി. രാജേഷ്

(എ)സംസ്കൃത സര്‍വ്വകലാശാലയുടെ പ്രാദേശിക കേന്ദ്രങ്ങള്‍ എവിടെയൊക്കെയാണ് പ്രവര്‍ത്തിക്കുന്നത്;

(ബി)ഇതില്‍ വാടക കെട്ടീടത്തില്‍ പ്രവര്‍ത്തിക്കുന്ന പ്രാദേശിക കേന്ദ്രങ്ങള്‍ ഏതെല്ലാമാണ്; വാടക ഇനത്തില്‍ നാളിതുവരെ എത്ര രൂപ ചെലവഴിച്ചിട്ടുണ്ട്;

(സി)പ്രാദേശിക കേന്ദ്രങ്ങള്‍ക്ക് സ്വന്തമായി കെട്ടിടം നിര്‍മ്മിക്കുന്നതിനാവശ്യമായ നടപടി സ്വീകരിക്കുമോ?

പുതിയ കോളേജുകള്‍ അനുവദിക്കുന്നതിനുള്ള കോഴിക്കോട് സര്‍വ്വകലാശാല തീരുമാനം

ശ്രീ. കോടിയേരി ബാലകൃഷ്ണന്‍

(എ)കോഴിക്കോട് സര്‍വ്വകലാശാല സിന്‍ഡിക്കേറ്റ് പുതിയ കോളേജുകള്‍ അനുവദിക്കുന്നതിന് തീരുമാനമെടുത്തിട്ടുണ്ടോ;

(ബി)ഉണ്ടെങ്കില്‍ എത്ര കോളേജുകള്‍ എവിടെയെല്ലാം അനുവദിക്കുന്നതിനാണ് തീരുമാനിച്ചിട്ടുള്ളതെന്ന് വിശദമാക്കുമോ;

(സി)പ്രസ്തുത കോളേജുകള്‍ ഏതെല്ലാം മാനേജ്മെന്റുകള്‍ക്കാണ് അനുവദിക്കുന്നത്; വിശദാംശം നല്‍കുമോ;

(ഡി)ഇതില്‍ എത്ര കോളേജുകള്‍ക്ക് ഇതിനകം അനുമതി നല്‍കിയെന്നും ശേഷിക്കുന്ന കോളേജുകള്‍ക്ക് എന്നത്തേക്ക് അനുമതി നല്‍കുമെന്നും കോളേജുകളുടെ പേരുസഹിതം വെളിപ്പെടുത്തുമോ;

(ഇ)പ്രസ്തുത കോളേജുകളില്‍ ഏതെല്ലാം കോഴ്സുകള്‍ ആരംഭിക്കുന്നതിനാണ് അപേക്ഷകര്‍ ആവശ്യപ്പെട്ടിരുന്നതെന്നും ഏതെല്ലാം കോഴ്സുകളാണ് സിന്‍ഡിക്കേറ്റ് അനുവദിച്ചതെന്നും വിശദമാക്കുമോ?

ഇന്‍കള്‍കേറ്റ് പദ്ധതി

ശ്രീ. എം. എ. ബേബി

(എ)ശാസ്ത്രരംഗത്ത് കഴിവുള്ള വിദ്യാര്‍ത്ഥികളെ കണ്ടെത്തി അവര്‍ക്ക് ഈ രംഗത്ത് തുടരാനും പ്രഗ്ത്ഭരായ യൂണിവേഴ്സിറ്റി അദ്ധ്യാപകരെ മെന്റര്‍മാരാക്കികൊണ്ട് പരിശീലനം നല്‍കാനുമായി രൂപപ്പെടുത്തിയിട്ടുള്ള ഇന്‍കള്‍കേറ്റ് പദ്ധതിയ്ക്ക് എന്തു തുകയാണ്അനുവദിച്ചിട്ടുള്ളത് ;

(ബി)ഈ പദ്ധതിയില്‍പ്പെടുന്ന വിദ്യാര്‍ത്ഥികള്‍ക്ക് എന്തെല്ലാം സവിശേഷ പഠനരീതിയാണ് ഏര്‍പ്പെടുത്തിയിട്ടുള്ളത് ;

(സി)ഇതിനോടകം എന്ത് തുക ഈ പദ്ധതിയ്ക്കുവേണ്ടി അനുവദിച്ചിട്ടുണ്ട് എന്ന് വ്യക്തമാക്കാമോ ?

സര്‍വ്വകലാശാലകളില്‍ നടപ്പിലാക്കിയ ക്രെഡിറ്റ് ആന്റ് സെമസ്റര്‍ സമ്പ്രദായം

ശ്രീമതി. കെ.എസ്. സലീഖ

(എ)സംസ്ഥാനത്തെ അഞ്ച് സര്‍വ്വകലാശാലകളില്‍ നടപ്പിലാക്കിയ ക്രെഡിറ്റ് ആന്റ് സെമസ്റര്‍ സമ്പ്രദായത്തെക്കുറിച്ച് പഠിക്കാന്‍ നിയോഗിച്ച പ്രൊഫ:ഹൃദയകുമാരി അദ്ധ്യക്ഷയായ സമിതി ശുപാര്‍ശ സമര്‍പ്പിച്ചിട്ടുണ്ടോ ;

(ബി)അഞ്ച് സര്‍വ്വകലാശാലകളിലും നല്ല രീതിയില്‍ നടപ്പിലാക്കിയതും വിദ്യാര്‍ത്ഥികള്‍ക്ക് ഗുണകരമായതുമായ ക്രെഡിറ്റ് ആന്റ് സെമസ്റര്‍ സമ്പ്രദായത്തില്‍ അഴിച്ചു പണി ആവശ്യമാണെന്ന് പ്രസ്തുത സമിതി ശുപാര്‍ശ ചെയ്തിട്ടുണ്ടോ ; വിശദമാക്കുമോ ;

(സി)പ്രസ്തുത സമിതിയുടെ മറ്റ് ശുപാര്‍ശകള്‍ എന്തൊക്കെയാണെന്ന് വിശദമാക്കുമോ ;

(ഡി)പ്രസ്തുത സമതി അംഗങ്ങള്‍ ആരൊക്കെയാണെന്നും സംസ്ഥാനത്തെ ഉന്നത വിദ്യാഭ്യാസ രംഗത്ത് ഇവര്‍ നല്‍കിയ സംഭാവനകള്‍ എന്തൊക്കെയാണെന്നും വ്യക്തമാക്കുമോ ?

(ഇ)പ്രസ്തുത സമിതിയിലെ ശുപാര്‍ശകള്‍ പലതും ഒരു വിഭാഗം അധ്യാപകര്‍ക്ക് മാത്രമേ ഗുണം ചെയ്യുകയുളളൂവെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ ; എങ്കില്‍ ഇക്കാര്യത്തിലുളള സര്‍ക്കാര്‍ സമീപനം എന്തെന്ന് വ്യക്തമാക്കുമോ ?

(എഫ്)പ്രസ്തുത സമിതിയുടെ പ്രവര്‍ത്തനങ്ങള്‍ക്കായി ഇതുവരെ ചെലവഴിച്ച തുക എത്രയാണ് ;

(ജി)സര്‍വ്വകലാശാലകളുടെ അധികാര പരിധയില്‍ വരുന്ന അക്കാദമിക് കാര്യങ്ങളില്‍ ഇത്തരത്തിലുളള ശുപാര്‍ശകള്‍ നടപ്പിലാക്കണമെന്ന് നിഷ്ക്കര്‍ഷിക്കാന്‍ ഉദ്ദേശിക്കുന്നുണ്ടോ ; വിശദമാക്കുമോ ?

കോഴിക്കോട് സര്‍വ്വകലാശാല ഡിഗ്രി 5-ാം സെമസ്റര്‍പരീക്ഷാ ഫലം

പ്രൊഫ. സി. രവീന്ദ്രനാഥ്

(എ)കോഴിക്കോട് സര്‍വ്വകലാശാലയില്‍ ഡിഗ്രി 5-ാം സെമസ്റര്‍ പരീക്ഷയുടെ ഫലം പ്രസിദ്ധീകരിച്ചിട്ടില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)പരീക്ഷാഫലം പ്രസിദ്ധീകരിക്കാത്തതിനുള്ള കാരണം വ്യക്തമാക്കുമോ;

(സി)പ്രസ്തുത പരീക്ഷ വീണ്ടും നടത്തുവാന്‍ സര്‍വ്വകലാശാല തീരുമാനിച്ചിട്ടുണ്ടോ; വിശദമാക്കുമോ?

ഭൂമിക്കു വേണ്ടിയുളള ഗ്രേയ്സ് എഡ്യൂക്കേഷന്‍ സൊസൈറ്റിയുടെ അപേക്ഷ

ശ്രീ. പി. ശ്രീരാമകൃഷ്ണന്‍

,, എ. പ്രദീപ്കുമാര്‍

ഡോ. കെ.ടി. ജലീല്‍

ശ്രീമതി. കെ. എസ്. സലീഖ

(എ)കോഴിക്കോട് സര്‍വ്വകലാശാലയില്‍ ഭൂമി നല്‍കണമെന്ന് ആവശ്യപ്പെട്ടുകൊണ്ട് സി.എച്ച്. മുഹമ്മദ്കോയ ചെയര്‍ ഫോര്‍ സ്റഡീസ് ഓണ്‍ ഡെവലപ്പ്മെന്റ് സൊസൈറ്റി എന്ന സ്ഥാപനം സര്‍വ്വകലാശാലയ്ക്ക് അപേക്ഷ സമര്‍പ്പിച്ചിരുന്നോ; എങ്കില്‍ എന്നാണ് അപേക്ഷ സമര്‍പ്പിച്ചത് എന്ന് വ്യക്തമാക്കാമോ ;

(ബി)ഈ അപേക്ഷ സര്‍വ്വകലാശാല പരിഗണിക്കുകയുണ്ടായോ ; എങ്കില്‍ അപേക്ഷയില്‍ കൈക്കൊണ്ട തീരുമാനം എന്തായിരുന്നു; വിശദവിവരങ്ങള്‍ വെളിപ്പെടുത്തുമോ ;

(സി)ഗ്രേയ്സ് എഡ്യൂക്കേഷന്‍ സൊസൈറ്റി എന്ന സ്ഥാപനം ഭൂമിക്കുവേണ്ടി കോഴിക്കോട് സര്‍വ്വകലാശാലക്ക് അപേക്ഷ നല്‍കിയിട്ടുണ്ടോ ; എങ്കില്‍ എന്ന് ;

(ഡി)അപേക്ഷ സര്‍വ്വകലാശാല പരിഗണിക്കുകയുണ്ടായോ ; എങ്കില്‍ എന്ന്; എന്ത് തീരുമാനമാണ് അപേക്ഷയിന്മേല്‍ കൈക്കൊണ്ടി ട്ടുളളത് എന്ന് വ്യക്തമാക്കുമോ ;

(ഇ)ഗ്രേയ്സ് എഡ്യൂക്കേഷന്‍ സൊസൈറ്റിക്കുവേണ്ടി കോഴിക്കോട് സര്‍വ്വകലാശാലയില്‍ അപേക്ഷ സമര്‍പ്പിച്ചതാര്; പേരും വിലാസവും വെളിപ്പെടുത്തുമോ ;

(എഫ്)ഗ്രേയ്സ് എഡ്യൂക്കേഷന്‍ സൊസൈറ്റിയുടെ അപേക്ഷയിന്മേല്‍ വിവിധ ഘട്ടങ്ങളിലായി സര്‍വ്വകലാശാല സിന്‍ഡിക്കേറ്റ് എടുത്ത തീരുമാനങ്ങള്‍ വെളിപ്പെടുത്തുമോ ?

കാലിക്കറ്റ് എം.ജി. യൂണിവേഴ്സിറ്റികളില്‍ അസി. പ്രൊഫസര്‍മാരുടെ ശമ്പളം ലഭിക്കുന്നതിനുള്ള നടപടികള്‍

ശ്രീ. ബി. ഡി. ദേവസ്സി

(എ)കാലിക്കറ്റ് എം.ജി. യൂണിവേഴ്സിറ്റികളുടെ കീഴിലുള്ള വിവിധ കോളേജുകളില്‍ അസിസ്റന്റ് പ്രൊഫസര്‍ തസ്തികയില്‍ നിയമനം ലഭിച്ചവര്‍ക്ക് ശമ്പളം ലഭിക്കുന്നില്ല എന്നത് ശ്രദ്ധയില്‍പ്പെട്ടിട്ടുണ്ടോ;

(ബി)കോതമംഗലം എം.എ. കോളേജില്‍ 2011 ജൂണില്‍ അസി. പ്രൊഫസര്‍ ആയി ജോലിയില്‍ പ്രവേശിച്ച ശ്രീ. സജിന്‍പോളിന് ശമ്പളം ലഭിക്കാത്ത് സംബന്ധിച്ച് സമര്‍പ്പിച്ച അപേക്ഷ ശ്രദ്ധയില്‍പ്പെട്ടിട്ടുണ്ടോ; എങ്കില്‍ എന്ത് നടപടി സ്വീകരിച്ചു ;

(സി)അസി. പ്രൊഫസര്‍മാരക്ക് ശമ്പളം നല്‍കുന്നതിനുള്ള നടപടികള്‍ അടിയന്തിരമായി സ്വീകരിക്കുമോ ?

കൊച്ചിന്‍ ശാസ്ത്രസാങ്കേതിക സര്‍വ്വകലാശാലയിലെ അസിസ്റന്റ് തസ്തികയിലെ നിയമനം

ശ്രീ. ജി. എസ്. ജയലാല്‍

(എ)കൊച്ചിന്‍ ശാസ്ത്ര സാങ്കേതിക സര്‍വ്വകലാശാലയിലെ അസിസ്റന്റ് ഗ്രേഡ് നിയമനത്തിനായി തയ്യാറാക്കിയ റാങ്ക് ലിസ്റ് നിലവിലുണ്ടോ; എങ്കില്‍ വിശദാംശം നല്കുമോ ;

(ബി)പ്രസ്തുത റാങ്ക് ലിസ്റില്‍ നിന്നും നാളിതുവരെ എത്ര പേര്‍ക്ക് നിയമനം നല്‍കിയിട്ടുണ്ട് ; നിലവില്‍ എത്ര ഒഴിവുകളാണ് ഉള്ളതെന്ന് കണക്കാക്കിയിട്ടുണ്ടോ ; റാങ്ക് ലിസ്റിന്റെ കാലാവധി എന്ന് അവസാനിക്കുമെന്ന് അറിയിക്കാമോ ;

(സി)റാങ്ക് ലിസ്റ് നിലവിലുള്ളപ്പോള്‍ താല്ക്കാലികാടിസ്ഥാനത്തില്‍ പ്രസ്തുത തസ്തികയിലേയ്ക്ക് നിയമനം നടത്തിയിട്ടുണ്ടോ ; എങ്കില്‍ എത്ര പേരെയാണ് നിയമിച്ചതെന്ന് അറിയിക്കുമോ ;

(ഡി)താല്ക്കാലികമായി നിയമിച്ചവരെ പിരിച്ച് വിട്ട് പ്രസ്തുത റാങ്ക് ലിസ്റിലുള്ളവരെ നിയമിക്കുവാന്‍ നടപടി സ്വീകരിക്കുമോ ?

നിലവാരം കുറഞ്ഞ സ്വാശ്രയ എഞ്ചിനീയറിംഗ് കോളേജുകള്‍

ശ്രീ. ബാബു എം. പാലിശ്ശേരി

(എ)ഹൈക്കൊടതി നിയോഗിച്ച വിദഗ്ദ്ധ സമിതിയുടെ റിപ്പോര്‍ട്ടു പ്രകാരം സംസ്ഥാനത്ത് സ്വാശ്രയ മേഖലയില്‍ എത്ര എഞ്ചിനീയറിംഗ് കോളേജുകളാണ് നിലവാരം കുറഞ്ഞതായി കണ്ടെത്തിയിട്ടുളളത്; അവയുടെ പേരു വിവരം വ്യക്തമാക്കാമോ;

(ബി)നിലവാരം കുറഞ്ഞ സ്വാശ്രയ എഞ്ചിനീയറിംഗ് കോളെജുകള്‍ അടച്ചു പൂട്ടുന്നകാര്യം പരിഗണിക്കണമെന്ന ഹൈക്കോടതി നിര്‍ദ്ദേശത്തിന്മേല്‍ എന്തെങ്കിലും നടപടി സ്വികരിച്ചിട്ടുണ്ടോ; എങ്കില്‍ വിശദാംശം വ്യക്തമാക്കുമോ?

സ്വാശ്രയ എഞ്ചിനീയറിംഗ് കോളേജുകളില്‍ പട്ടികജാതി പട്ടികവര്‍ഗ്ഗ വിദ്യാര്‍ത്ഥികള്‍ക്ക് സംവരണം

ശ്രീ. ചിറ്റയം ഗോപകുമാര്‍

(എ)സ്വാശ്രയ എഞ്ചിനീയറിംഗ് കോളേജ് പ്രവേശനത്തിന് പട്ടികജാതി പട്ടികവര്‍ഗ്ഗ വിദ്യാര്‍ത്ഥികള്‍ക്ക് സംവരണം നിലവിലുണ്ടോ;

(ബി)എങ്കില്‍ ആയതിന്റെ വിശദാംശം വെളിപ്പെടുത്തുമോ;

(സി)കേരളത്തില്‍ എന്നുമുതലാണ് പ്രൊഫഷണല്‍ കോളേജുകളിലെ പ്രവേശനത്തിന് എസ്. സി/എസ്. റ്റി. വിദ്യാര്‍ത്ഥികള്‍ക്ക് സംവരണം ഏര്‍പ്പെടുത്തിയതെന്നും എന്നുമുതലാണ് നടപ്പിലാക്കിയതെന്നും വ്യക്തമാക്കാമോ;

(ഇ)സ്വാശ്രയ പ്രൊഫഷണല്‍ കോളേജുകളില്‍ കഴിഞ്ഞ വര്‍ഷം പ്രവേശനം ലഭിച്ച പട്ടികജാതി/പട്ടികവര്‍ഗ്ഗ വിഭ്യാര്‍ത്ഥികളുടെ എണ്ണം കോളേജ് തിരിച്ച് ലഭ്യമാക്കുമോ?

സ്വാശ്രയമാനേജ്മെന്റുകളുമായി കരാര്‍

ശ്രീ. സി. മോയിന്‍കുട്ടി

(എ)ഈ വര്‍ഷത്തെ സ്വാശ്രയ സ്ഥാപനങ്ങളിലേയ്ക്കുള്ള വിദ്യാര്‍ത്ഥികളുടെ പ്രവേശനം സംബന്ധിച്ച്

മാനേജ്മെന്റുകളുമായി എന്നാണ് കരാര്‍ ഒപ്പ് വച്ചത് ; കരാറിന്റെ പകര്‍പ്പ് ലഭ്യമാക്കുമോ ?

(ബി)എല്ലാ സ്വാശ്രയ മാനേജ്മെന്റും കരാറില്‍ ഒപ്പു വച്ചിട്ടുണ്ടോ; ഏതെങ്കിലും മാനേജ്മെന്റ് വിട്ടു നിന്നിട്ടുണ്ടോ; വിശദാംശം ലഭ്യമാക്കുമോ ?

സ്വാശ്രയ വിദ്യാഭ്യാസ സ്ഥാപനങ്ങളും നിയമനിര്‍മ്മാണവും

ശ്രീ. എളമരം കരീം

പ്രൊഫ. സി. രവീന്ദ്രനാഥ്

ശ്രീ. ജെയിംസ് മാത്യു

,, രാജു എബ്രഹാം

(എ)സംസ്ഥാനത്ത് സ്വാശ്രയ മേഖലയില്‍ എത്ര സ്ഥാപനങ്ങളാണ് പ്രവര്‍ത്തിക്കുന്നത്; അവയില്‍ ആകെ എത്ര ജീവനക്കാരുണ്ടെന്ന് കണക്കാക്കിയിട്ടുണ്ടോ;

(ബി)ഈ സ്ഥാപനങ്ങളിലെ നിയമനവും വിദ്യാര്‍ത്ഥി പ്രവേശനവും ഫീസ് ഈടാക്കലും സംസ്ഥാനത്ത് ഏതെങ്കിലും നിയമത്തിലധിഷ്ഠിതമായാണോ നടത്തുന്നത്; അല്ലെങ്കില്‍ അതിനായി സമഗ്ര നിയമനിര്‍മ്മാണം നടത്തുവാന്‍ നടപടി സ്വീകരിക്കുമോ;

(സി)ഹൈക്കോടതി വിധിപ്രകാരം ഈ സ്ഥാപനങ്ങളുടെ നിലവാരം മെച്ചപ്പെടുത്തുന്നതിന് യോഗ്യരായ ജീവനക്കാരെ നിയമിക്കുന്നതിനുള്ള നടപടി സ്വീകരിക്കുമോ?

സ്വാശ്രയ എഞ്ചിനീയറിംഗ് കോളേജുകളില്‍ എം.ടെക് കോഴ്സിന് അംഗീകാരം

ശ്രീമതി കെ.എസ്. സലീഖ

(എ)സംസ്ഥാനത്തെ മിക്ക സ്വാശ്രയ എഞ്ചിനീയറിംഗ് കോളേജുകളിലും അതേ കോളേജുകളില്‍ നിന്നും പഠിച്ചിറങ്ങിയ ബി.ടെക്.ബിരുദധാരികളാണ് ക്ളാസ്സുകള്‍ കൈകാര്യം ചെയ്യുന്നതെന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കുവാന്‍ എന്തൊക്കെ നടപടികള്‍ സ്വീകരിക്കുവാനാണ് ഉദ്ദേശിക്കുന്നതെന്ന് വ്യക്തമാക്കുമോ;

(ബി)2013-14 അദ്ധ്യയന വര്‍ഷം മുതല്‍ എഞ്ചിനീയറിംഗ് അദ്ധ്യാപകരായി എം.ടെക്. ഡിഗ്രി ഉള്ളവരെ നിയമിക്കാത്ത സ്വാശ്രയ എഞ്ചിനീയറിംഗ് കോളേജുകളുടെ അംഗീകാരം റദ്ദാക്കുമെന്ന എ.ഐ.സി.ടി.ഇ.യുടെ നിര്‍ദ്ദേശം നടപ്പിലാക്കാന്‍ എന്തൊക്കെ നടപടികള്‍ സ്വീകരിക്കുന്നുണ്ടെന്ന് വ്യക്തമാക്കുമോ;

(സി)സംസ്ഥാനത്തെ എത്ര സ്വാശ്രയ എഞ്ചിനീയറിംഗ് കോളേജുകള്‍ക്കാണ് എം.ടെക്. കോഴ്സ് തുടങ്ങാന്‍ സര്‍ക്കാര്‍ അനുമതി നല്‍കിയത്; ഇതിന് എ.ഐ.സി.ടി.ഇ.യുടെ അനുമതി കിട്ടിയിട്ടുണ്ടോ; ഇപ്രകാരം എം.ടെക്. കോഴ്സ് തുടങ്ങാന്‍ സര്‍ക്കാര്‍ അനുമതി നല്‍കിയ സ്വാശ്രയ കോളേജുകള്‍ ഏതൊക്കെയാണെന്ന് ജില്ലതിരിച്ച് വ്യക്തമാക്കുമോ;

(ഡി)ഏഴ് സെമസ്ററുകളില്‍ നിശ്ചിത ശതമാനം വിജയം പുലര്‍ത്തുന്ന എഞ്ചിനീയറിംഗ് കോളേജുകള്‍ക്ക് മാത്രം എം.ടെക്. കോഴ്സ് അനുവദിച്ചാല്‍ മതിയെന്ന ഉന്നത വിദ്യാഭ്യാസ വകുപ്പിന്റെ തീരുമാനമനുസരിച്ചാണോ ഇപ്രകാരം സ്വാശ്രയ എഞ്ചിനീയറിംഗ് കോളേജുകളില്‍ എം.ടെക്. തുടങ്ങാന്‍ സര്‍ക്കാര്‍ അനുമതി നല്‍കിയതെന്ന് വ്യക്തമാക്കുമോ

സര്‍ക്കാര്‍ സ്വകാര്യ സ്വാശ്രയ പോളിടെക്നിക്കുകള്‍

ശ്രീ.എ.കെ.ബാലന്‍

(എ)സ്വാശ്രയ മേലയില്‍ സംസ്ഥാനത്ത് എത്ര പോളിടെക്നിക്കുകളാണ് നിലവിലുളളത് ; സര്‍ക്കാര്‍ സ്വകാര്യ മേഖല തിരിച്ചുളള കണക്ക് ലഭ്യമാക്കുമോ ;

(ബി)സ്വകാര്യ-സ്വാശ്രയ പോളിടെക്നിക്കുകള്‍ ആരംഭിക്കണമെന്നാവശ്യപ്പെട്ട് എത്ര അപേക്ഷകള്‍ പരിഗണനയിലുണ്ട് ; ഇതില്‍ എത്ര അപേക്ഷകള്‍ക്ക് എ.ഐ.സി.ടി.ഇ.യുടെ അംഗീകാരം ലഭിച്ചിട്ടുണ്ടെന്നും ഇതില്‍ എത്രയെണ്ണത്തിന് ഈ സര്‍ക്കാര്‍ അധികാരമേറ്റശേഷം പ്രവര്‍ത്തനാനുമതി നല്‍കിയിട്ടുണ്ടെന്നും വ്യക്തമാക്കുമോ ; അനുമതി നല്‍കിയ സ്ഥാപനങ്ങളുടെ പേരുകള്‍ വ്യക്തമാക്കുമോ ;

(സി)ഈ സര്‍ക്കാര്‍ അധികാരമേറ്റശേഷം എത്ര സര്‍ക്കാര്‍ -സ്വാശ്രയ പോളിടെക്നിക്കുകള്‍ ആരംഭിച്ചിട്ടുണ്ട് ; ഏത് മാനേജ്മെന്റ്കള്‍ക്കാണ് ഇവ ആനുവദിച്ചിട്ടുളളതെന്ന് വ്യക്തമാക്കുമോ ; സ്വകാര്യ മേഖലയിലോ സര്‍ക്കാര്‍ മേഖലയിലോ പുതിയ സ്ഥാപനങ്ങള്‍ ആരംഭിക്കാന്‍ ഉദ്ദേശിക്കുന്നുണ്ടോ ;

(ഡി)ടെക്നിക്കല്‍ ഹൈസ്ക്കൂളുകള്‍ അപ്ഗ്രേഡ് ചെയ്യാനോ, പുതിയ പോളിടെക്നിക്കുകള്‍ ആരംഭിക്കാനോ ഉദ്ദേശിക്കുന്നുണ്ടോ ; എങ്കില്‍ വിശദവിവരങ്ങള്‍ ലഭ്യമാക്കുമോ ?

സ്വാശ്രയ എഞ്ചിനിയറിംഗ് മെഡിക്കല്‍ കോളേജുകളിലെ ഫീസ് നിരക്ക്

ശ്രീ.കെ.കുഞ്ഞിരാമന്‍ (തൃക്കരിപ്പൂര്‍)

(എ)സംസ്ഥാനത്തെ വിവിധ സ്വാശ്രയ എന്‍ജിനിയറിംഗ്, മെഡിക്കല്‍ കോളേജുകളിലെ മെറിറ്റ്, മാനേജ്മെന്റ് സീറ്റുകളിലെ ഫീസ് നിരക്ക് ഈ വര്‍ഷം വര്‍ദ്ധിപ്പിച്ചിട്ടുണ്ടോ ;

(ബി)എങ്കില്‍ എത്ര ശതമാനം വര്‍ദ്ധനയാണ് വരുത്തിയിട്ടുളളതെന്നും വര്‍ദ്ധിപ്പിക്കാനുണ്ടായ കാരണമെന്തെന്നും വ്യക്തമാക്കുമോ ?

സ്വാശ്രയ എഞ്ചിനിയറിംഗ് കോളേജുകളുടെ നിലവാരം

ശ്രീമതി. കെ.എസ്. സലീഖ

(എ)സംസ്ഥാനത്ത് സ്വാശ്രയമേഖലയില്‍ എത്ര എഞ്ചിനീയറിംഗ് കോളേജുകള്‍ പ്രവര്‍ത്തിക്കുന്നുണ്ട് ; ജില്ല തിരിച്ചുളള വിശദാംശം നല്‍കുമോ ;

(ബി)വിജയം നാല്‍പത് ശതമാനത്തില്‍ താഴെയുളള സ്വാശ്രയ എഞ്ചിനീയറിംഗ് കോളേജുകള്‍ അടച്ചുപൂട്ടണമെന്ന ബഹു.ഹൈക്കോടതിയുടെ വിധി ശ്രദ്ധയില്‍പെട്ടിട്ടുണ്ടോ ; പ്രസ്തുത വിധിയുടെ അടിസ്ഥാനത്തില്‍ എന്തെല്ലാം തുടര്‍ നടപടികളാണ് സ്വീകരിക്കുവാന്‍ ഉദ്ദേശിക്കുന്നത് വ്യക്തമാക്കുമോ ;

(സി)അടിസ്ഥാന സൌകര്യം, ഫാക്കല്‍റ്റി എന്നിവയുടെ കാര്യത്തില്‍ ശരാശരിയില്‍ താഴെ നിലവാരമുളള എത്ര സ്വാശ്രയ എഞ്ചിനിയറിംഗ് കോളേജുകള്‍ സംസ്ഥാനത്ത് പ്രവര്‍ത്തിക്കുന്നുണ്ടെന്നാണ് ബഹു: ഹൈക്കോടതി നിയോഗിച്ച വിദഗ്ദ്ധ സമിതി റിപ്പോര്‍ട്ട് നല്‍കിയിട്ടുളളത് ; പ്രസ്തുത സ്വാശ്രയ എഞ്ചിനീയറിംഗ് കോളേജുകള്‍ ഏതെല്ലാമാണന്നും ഏത് സര്‍വ്വകലാശാലയുടെ കീഴിലാണെന്നും വ്യക്തമാക്കുമോ ;

(ഡി)ഹൈക്കോടതി നിയോഗിച്ച വിദഗ്ദ്ധ സമിതി റിപ്പോര്‍ട്ട് പ്രകാരം സംസ്ഥാനത്തെ വിവിധ സര്‍വ്വകലാശാലകള്‍ക്ക് കീഴിലുളള സ്വാശ്രയ എഞ്ചിനീയറിംഗ് കോളേജുകളുടെ ശരാശരി, തൃപ്തികരമായ, നല്ല മികച്ച നിലവാരമുളളവ എന്നിങ്ങനെ തരം തിരിച്ചുളള ലിസ്റ് ലഭ്യമാക്കാമോ ;

(ഇ) ഹൈക്കോടതിയുടെ വിധിയുടെ പശ്ചാത്തലത്തില്‍ സംസ്ഥാനത്ത് പുതിയ സ്വാശ്രയ എഞ്ചിനിയറിംഗ് കോളേജുകള്‍ക്ക് അനുമതി നല്‍കുവാന്‍ ഉദ്ദേശിക്കുന്നുണ്ടോ; വിശദമാക്കുമോ 

സ്വാശ്രയ എഞ്ചിനീയറിംഗ് കോളേജുകളുടെ നിലവാര തകര്‍ച്ച

ശ്രീ. കോടിയേരി ബാലകൃഷ്ണന്‍

(എ)സംസ്ഥാനത്തെ സ്വാശ്രയ എഞ്ചിനീയറിംഗ് കോളേജുകളുടെ നിലവാര തകര്‍ച്ച പരിശോധിക്കാന്‍ ഹൈക്കോടതി നിയോഗിച്ച വിദഗ്ദ്ധ സമിതിയുടെ റിപ്പോര്‍ട്ട് ശ്രദ്ധയില്‍പ്പെട്ടിട്ടുണ്ടോ;

(ബി)എങ്കില്‍ നിലവാരം കുറഞ്ഞ സ്വാശ്രയ എഞ്ചിനീയറിംഗ് കോളേജുകള്‍ ഏതെല്ലാമാണെന്ന് വെളിപ്പെടുത്താമോ;

(സി)പ്രസ്തുത കോളേജുകളെ സംബന്ധിച്ച ഹൈക്കോടതി നിര്‍ദ്ദേശം വിശദമാക്കാമോ;

(ഡി)പ്രസ്തുത കോളേജുകളെ സംബന്ധിച്ച സര്‍ക്കാര്‍ നിലപാട് വിശദമാക്കാമോ?

പുതിയ സ്വാശ്രയ എഞ്ചിനീയറിംഗ് കോളേജുകള്‍ക്ക് അനുമതി നല്‍കുന്ന നയം

ശ്രീ. എം. എ. ബേബി

,, എ. കെ. ബാലന്‍

,, പി. ശ്രീരാമകൃഷ്ണന്‍

,, എസ്. ശര്‍മ്മ

(എ)40 ശതമാനം വിജയമില്ലാത്ത എത്ര സ്വാശ്രയ എഞ്ചിനീയറിംഗ് കോളേജുകള്‍ സംസ്ഥാനത്ത് പ്രവര്‍ത്തിക്കുന്നുണ്ടെന്നും അവ ഏതെല്ലാമാണെന്നും വ്യക്തമാക്കുമോ;

(ബി)പുതിയ സ്വാശ്രയ എഞ്ചിനീയറിംഗ് കോളേജുകള്‍ക്ക് അനുമതി നല്‍കുന്നത് സംബന്ധിച്ച നയം എന്താണ്; വ്യക്തമാക്കുമോ; ഹൈക്കോടതിവിധിയുടെ വെളിച്ചത്തില്‍ ഇപ്പോള്‍ തുടര്‍ന്നുവരുന്ന നയം പുനഃപരിശോധിക്കുമോ;

(സി)ഈ സര്‍ക്കാര്‍ സ്വാശ്രയ എഞ്ചിനീയറിംഗ് കോളേജുകള്‍ക്ക് ഇതിനകം നല്‍കിയ അനുമതി മരവിപ്പിക്കാനുദ്ദേശിക്കുന്നുണ്ടോ?

സ്വാശ്രയ എഞ്ചിനീയറിംഗ് മേഖലയിലെ നിലവാരതകര്‍ച്ച

ശ്രീ. കോടിയേരി ബാലകൃഷ്ണന്‍

(എ)ഹൈക്കോടതി നിയോഗിച്ച വിദഗ്ദ്ധ സമിതിയുടെ നിരീക്ഷണത്തില്‍ സംസ്ഥാനത്തെ സ്വാശ്രയ എഞ്ചിനീയറിംഗ് മേഖലയില്‍ ഉണ്ടായ നിലവാരത്തകര്‍ച്ച ഈ സര്‍ക്കാര്‍ ഈ മേഖലയില്‍ നടപ്പിലാക്കിയ അശാസ്ത്രീയമായ നടപടികള്‍മൂലമാണെന്ന അഭിപ്രായം പരിശോധിച്ചിട്ടുണ്ടോ;

(ബി)എങ്കില്‍ വിശദാംശം വെളിപ്പെടുത്തുമോ;

(സി)സ്വാശ്രയ എഞ്ചിനീയറിംഗ് മേഖലയിലെ നിലവാരത്തകര്‍ച്ച മറികടക്കാന്‍ എന്തെല്ലാം നടപടികളാണ് സ്വീകരിക്കുന്നതെന്ന് വിശദമാക്കുമോ?

സ്വകാര്യ-സ്വാശ്രയ-എന്‍ജിനീയറിംഗ് കോളേജുകളുടെ പ്രവര്‍ത്തനം - സമിതിയുടെ പഠനം

ശ്രീ. എ. കെ. ബാലന്‍

(എ)സംസ്ഥാനത്തെ സ്വകാര്യ - സ്വാശ്രയ - എന്‍ജിനീയറിംഗ് കോളേജുകളുടെ പ്രവര്‍ത്തനങ്ങളെക്കുറിച്ച് ഏതെങ്കിലും സമിതി പഠനം നടത്തിയിട്ടുണ്ടോ ; എങ്കില്‍ എന്നാണ് സമിതി രൂപീകരിച്ചത് ;

(ബി)സമിതിയിലെ അംഗങ്ങള്‍ ആരൊക്കെയായിരുന്നുവെന്നും സമിതിയുടെ കണ്ടെത്തലുകള്‍ എന്തായിരുന്നുവെന്നും വ്യക്തമാക്കുമോ ;

(സി)പ്രസ്തുത കണ്ടെത്തലുകളുടെ അടിസ്ഥാനത്തില്‍ എന്തൊക്കെ തുടര്‍ നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ?

സംസ്ഥാനത്തെ സ്വകാര്യ-സ്വാശ്രയ-എന്‍ജിനീയറിംഗ് കോളേജുകളിലെ ജീവനക്കാരുടെ പ്രശ്നങ്ങള്‍

ശ്രീ. എ. കെ. ബാലന്‍

(എ)സംസ്ഥാനത്തെ സ്വകാര്യ - സ്വാശ്രയ - എന്‍ജിനീയറിംഗ് കോളേജുകളിലെ അദ്ധ്യാപകര്‍ അടക്കമുള്ള ജീവനക്കാരുടെ പ്രശ്നങ്ങള്‍ ശ്രദ്ധയില്‍പ്പെട്ടിട്ടുണ്ടോ ;

(ബി)അദ്ധ്യാപകര്‍ക്ക് എ.ഐ.സി.റ്റി.ഇ. പാറ്റേണ്‍ പ്രകാരം ശമ്പളം നല്‍കുന്ന സ്വകാര്യ - സ്വാശ്രയ - എന്‍ജിനീയറിംഗ് കോളേജുകള്‍ സംസ്ഥാനത്തുണ്ടോ ; എങ്കില്‍ അവ ഏതൊക്കെയാണെന്ന് വ്യക്തമാക്കുമോ ;

(സി)എ.ഐ.സി.റ്റി.ഇ. പാറ്റേണ്‍ പ്രകാരം ശമ്പളം ലഭിക്കുന്ന കോളേജുകളില്‍ മിനിമം വേതനം ഏര്‍പ്പെടുത്താന്‍ നടപടി സ്വീകരിക്കുമോ ?

സ്വാശ്രയ മേഖലയിലെ പ്രൊഫഷണല്‍ കോളേജുകള്‍

ശ്രീ. ഇ. ചന്ദ്രശേഖരന്‍

(എ)സംസ്ഥാനത്ത് സ്വാശ്രയ മേഖലയില്‍ പ്രൊഫഷണല്‍ കോളേജുകള്‍ അനുവദിക്കുവാന്‍ തുടങ്ങിയത് ഏത് വര്‍ഷം മുതലാണെന്ന് അറിയിക്കാമോ ;

(ബി)അന്ന് മുതല്‍ ഓരോവര്‍ഷവും ഓരോ മേഖലയിലും എത്ര വീതം സ്ഥാപനങ്ങളാണ് അനുവദിച്ചതെന്നും ഇപ്പോള്‍ ആകെ എത്ര സ്ഥാപനങ്ങളാണ് നിലവിലുള്ളതെന്നും അറിയിക്കാമോ ?

സ്വാശ്രയ മെഡിക്കല്‍/എന്‍ജിനീയറിംഗ് മാനേജ്മെന്റുകളുമായി ഉണ്ടാക്കിയ ധാരണാപത്രം

ശ്രീ. കെ. വി. വിജയദാസ്

(എ)സ്വാശ്രയ മെഡിക്കല്‍/എന്‍ജിനീയറിംഗ് മാനേജ്മെന്റുകളുമായി ഏറ്റവും ഒടുവില്‍ ഉണ്ടാക്കിയ ധാരണപത്രത്തിന്റെ വിശദാംശം വെളിപ്പെടുത്തുമോ ;

(ബി)പ്രിവിലേജ് സീറ്റുകളുടെ എണ്ണത്തിന്റെ കാര്യത്തില്‍ തീരുമാനമെടുത്തിട്ടുണ്ടോ ; എങ്കില്‍ വിശദാംശം നല്കാമോ;

(സി)കഴിഞ്ഞ വര്‍ഷത്തേക്കാള്‍ എത്ര രൂപയാണ് ഫീസിനത്തില്‍ വര്‍ദ്ധിപ്പിക്കുവാന്‍ തീരുമാനമെടുത്തിട്ടുള്ളത് ; വിശദാംശം നല്‍കുമോ?

മുന്‍ സര്‍ക്കാരിന്റെ കാലത്ത് അനുമതി നല്‍കിയ സ്വാശ്രയമേഖലയിലെ വിദ്യാഭ്യാസ സ്ഥാപനങ്ങള്‍

ശ്രീ. കെ. മുഹമ്മദുണ്ണിഹാജി

(എ)മുന്‍ സര്‍ക്കാരിന്റെ കാലത്ത് (2006-11) ഉന്നത വിദ്യാഭ്യാസ മേഖലയിലെ ഏതെങ്കിലും വിദ്യാഭ്യാസ സ്ഥാപനങ്ങള്‍ക്ക് സ്വാശ്രയ മേഖലയില്‍ വിദ്യാഭ്യാസ സ്ഥാപനങ്ങള്‍ ആരംഭിക്കുന്നതിന് അനുമതി നല്‍കിയിട്ടുണ്ടോ;

(ബി)എങ്കില്‍ ഏതെല്ലാം സ്ഥാപനങ്ങള്‍ക്കാണ് അനുമതി നല്‍കിയതെന്നും, ഏതെല്ലാം കോഴ്സുകളാണ് പ്രസ്തുത സ്ഥാപനങ്ങളില്‍ അനുവദിച്ചതെന്നും വ്യക്തമാക്കുമോ?

സ്വകാര്യ സ്വാശ്രയ എഞ്ചിനിയറിംഗ് കോളേജുകളിലെസംവരണ സീറ്റുകള്‍

ശ്രീ.എം.എ.ബേബി

(എ) എത്ര സ്വകാര്യ സ്വാശ്രയ എഞ്ചിനിയറിംഗ് കോളേജുകളാണ് സര്‍ക്കാരുമായി കരാറില്‍ ഏര്‍പ്പെട്ടിട്ടുളളത്;

(ബി)കരാര്‍ പ്രകാരം വിവിധ സംവരണ വിഭാഗങ്ങള്‍ക്കും കരാര്‍ പ്രകാരമുളള മറ്റു സംവരണങ്ങള്‍ക്കും ഉളള സീറ്റുകളുടെ തരം തിരിച്ചുളള കണക്ക് ലഭ്യമാക്കാമോ?

മാനദണ്ഡങ്ങള്‍ പാലിക്കാത്ത സ്വാശ്രയ സ്ഥാപനങ്ങള്‍ക്ക് അനുമതി

ശ്രീ. കോടിയേരി ബാലകൃഷ്ണന്‍

,, വി. ചെന്താമരാക്ഷന്‍

,, കെ. രാധാകൃഷ്ണന്‍

,, ബി. സത്യന്‍

(എ) ഈ സര്‍ക്കാര്‍ അധികാരമേറ്റശേഷം മാനദണ്ഡങ്ങള്‍ പാലിക്കാതെ സ്വാശ്രയ കോളേജുകളും അവയ്ക്ക് വിവിധ കോഴ്സുകളും അനുവദിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ ; വിശദാംശം നല്‍കാമോ ;

(ബി)സംസ്ഥാനത്തെ സര്‍വ്വകലാശാലകളില്‍ നിലവിലുളള സിന്‍ഡിക്കേറ്റുകള്‍ അധികാരമേറ്റശേഷം സ്വാശ്രയ കോളേജുകള്‍ ആരംഭിക്കുന്നതിന് എത്ര അപേക്ഷകളാണ് ലഭിച്ചത് ; വ്യക്തമാക്കാമോ ; ഇതില്‍ എത്ര എണ്ണം പരിഗണിച്ചു ; ഏതെല്ലാം സ്ഥാപനങ്ങള്‍ക്ക് അനുമതി നല്‍കി ;

(സി)അനുമതി ലഭിച്ച സ്ഥാപനങ്ങള്‍ ചട്ടപ്രകാരം നിശ്ചിത സമയത്തിനു ളളില്‍ അപേക്ഷ സമര്‍പ്പിച്ചിരുന്നുവോ ;

(ഡി)അടിസ്ഥാന സൌകര്യങ്ങള്‍ ഇല്ലാത്തതും, മാനദണ്ഡങ്ങള്‍ പാലിക്കാത്തതുമായ സ്ഥാപനങ്ങള്‍ക്ക് അനുമതി നല്‍കിയതുമായി ബന്ധപ്പെട്ട് ഉയര്‍ന്നുവന്ന പരാതികളും വിവാദങ്ങളും സംബന്ധിച്ച് സമഗ്രമായ അന്വേഷണം നടത്താന്‍ തയ്യാറാകുമോ ?

സ്വാശ്രയ എഞ്ചിനിയറിംഗ് കോളേജുകളിലെ പംന നിലവാരം

ശ്രീ. കോടിയേരി ബാലകൃഷ്ണന്‍

,, കെ. സുരേഷ് കുറുപ്പ്

,, എം. ഹംസ

,, ആര്‍. രാജേഷ്

(എ)സ്വാശ്രയ എഞ്ചിനീയറിംഗ് കോളേജുകളിലെ നിലവാര തകര്‍ച്ചയുമായി ബന്ധപ്പെട്ട് ഹൈക്കോടതി ഉത്തരവ് പുറപ്പെടുവിച്ചിട്ടുണ്ടോ ; ഈ സര്‍ക്കാരിന്റെ കാലത്ത് ബഹു:ഹൈക്കോടതി ഈ വിഷയം സംബന്ധിച്ച് എന്തെല്ലാം നിരീക്ഷണങ്ങളാണ് നടത്തിയിട്ടുളളത്; എന്തെല്ലാം ഉത്തരവുകളാണ് നല്‍കിയിട്ടുളളത്; വിശദമാക്കുമോ ;

(ബി)ഇതനുസരിച്ച് എത്ര സ്വകാര്യ എഞ്ചിനീയറിംഗ് കോളേജുകളാണ് അടച്ചുപൂട്ടാന്‍ നിര്‍ദ്ദേശിച്ചിട്ടുളളത് ;

(സി)സംസ്ഥാനത്തെ സ്വാശ്രയ പ്രൊഫഷണല്‍ കോളേജുകളുടെ നിലവാരം ഉയര്‍ത്തുന്നതിന് നടപടി സ്വീകരിക്കുമോ ;

(ഡി)സംസ്ഥാനത്ത് സ്വാശ്രയ കോളേജുകള്‍ ആദ്യമായി അനുവദിച്ചത് എപ്പോഴായിരുന്നു ; ആ സമയത്ത് കോളേജുകളുടെ നിലവാരം പ്രവേശനം,ഫീസ് എന്നീ കാര്യങ്ങളില്‍ മാനേജുമെന്റുകളുമായി കരാറിലേര്‍പ്പെട്ടിരുന്നോ ; വിശദമാക്കുമോ ?