സംസ്ഥാനത്ത് സാഹസിക വിനോദസഞ്ചാരം പ്രോത്സാഹിപ്പിക്കുന്നതിന് എന്തെല്ലാം നടപടികളാണ് സ്വീകരിച്ചു വരുന്നത്; വിശദമാക്കുമോ;

ഏതെല്ലാം മേഖലകളിലാണ് സാഹസിക ടൂറിസം ​കേന്ദ്രങ്ങൾ പ്രവർത്തിച്ചു വരുന്നത്;

പ്രസ്തുത കേന്ദ്രങ്ങളിൽ സുരക്ഷാക്രമീകരണങ്ങൾ പാലിക്കുന്നുണ്ടോയെന്ന് പരിശോധിക്കാറുണ്ടോ; സഞ്ചാരികളുടെ സുരക്ഷിതത്വം ഉറപ്പാക്കാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കുമോ?

ലെവല്‍ ക്രോസ് ഇല്ലാത്ത കേരളം പദ്ധതി വഴി പൂര്‍ത്തീകരിച്ച മേല്‍പ്പാലങ്ങളുടെ വിവരങ്ങള്‍, നിര്‍മ്മാണത്തിലിരിക്കുന്ന പാലങ്ങളുടെ പ്രവൃത്തി പുരോഗതി എന്നിവ വ്യക്തമാക്കാമോ;

പൂര്‍ണ്ണമായും റെയില്‍വേ ഫണ്ടിംഗോടെ അനുമതി ലഭിച്ച മേല്‍പ്പാലങ്ങളുടെ നിര്‍മ്മാണ ചുമതലയെക്കുറിച്ചുള്ള വിവരങ്ങള്‍ ലഭ്യമാക്കാമോ;

നിശ്ചിത സമയപരിധിക്കുള്ളില്‍ പാലങ്ങളുടെ നിര്‍മ്മാണം പൂര്‍ത്തിയാക്കാന്‍ പൊതുമരാമത്ത് വകുപ്പ് നടപ്പിലാക്കിയ കര്‍മ്മ പദ്ധതികള്‍ എന്തൊക്കെയാണെന്ന് വിശദമാക്കാമോ;

റെയില്‍വേ മേല്‍പ്പാലങ്ങളുടെ നിര്‍മ്മാണത്തിനായി സംസ്ഥാന സര്‍ക്കാര്‍ ചെലവഴിച്ച തുകയുടെ വിശദാംശം ലഭ്യമാക്കാമോ?

കേന്ദ്ര സര്‍ക്കാര്‍ തൊഴിലുറപ്പ് പദ്ധതിക്ക് നിശ്ചയിച്ച സൂചികയില്‍ ഏതെല്ലാം കാര്യങ്ങളിലാണ് സംസ്ഥാനം മുന്‍പിലെന്ന് അറിയിക്കുമോ;

സംസ്ഥാനത്തെ സംബന്ധിച്ച് പരിഷ്കരിക്കപ്പെട്ട തൊഴിലുറപ്പ് നിയമത്തിൽ എന്തെല്ലാം പ്രതികൂല വ്യവസ്ഥകളാണ് ഉള്‍പ്പെടുന്നതെന്ന് അറിയിക്കുമോ;

പുതിയ വ്യവസ്ഥകള്‍ പ്രകാരം പ്രതിവര്‍ഷം അധിക കടബാധ്യത കണക്കാക്കിയിട്ടുണ്ടോ; വിശദാംശം നല്‍കുമോ;

മുന്‍കാലങ്ങളി‍ല്‍ സംസ്ഥാനത്തിനുള്ള ലേബർ ബജറ്റില്‍ കേന്ദ്ര സർക്കാർ കുറവ് വരുത്തിയത് മറികടക്കുന്നതിന് എന്തെല്ലാം നടപടിയാണ് സ്വീകരിച്ചതെന്ന് വ്യക്തമാക്കുമോ?

ആനക്കാംപൊയില്‍-കള്ളാടി-മേപ്പാടി തുരങ്കപാതയുടെ നിര്‍മ്മാണത്തിനായി കിഫ്ബി പദ്ധതിയില്‍ ഉള്‍പ്പെടുത്തി അനുവദിച്ച തുകയുടെ വിശദാംശം നല്‍കാമോ;

സംസ്ഥാന സര്‍ക്കാരിന്റെ നേരിട്ടുള്ള നിയന്ത്രണത്തില്‍ നടപ്പിലാക്കുന്ന ആദ്യ തുരങ്കപാത നിര്‍മ്മാണത്തിന്റെ നിലവിലെ പുരോഗതി വിശദമാക്കാമോ;

പ്രസ്തുത പ്രവൃത്തി യാഥാര്‍ത്ഥ്യമാക്കുന്നതിലൂടെ മലയോര മേഖലയിലെ ഗതാഗത സൗകര്യങ്ങളില്‍ എന്തെല്ലാം മാറ്റങ്ങളാണ് പ്രതീക്ഷിക്കുന്നതെന്ന് വിശദമാക്കാമോ;

പ്രസ്തുത പദ്ധതിയ്ക്കായി അനുവദിച്ച തുകയിൽ എത്ര തുക വിനിയോഗിച്ചുവെന്ന വിവരം ലഭ്യമാക്കാമോ?

2023-24 അധ്യയന വര്‍ഷം മുതല്‍ ഭരണഘടനയുമായി ബന്ധപ്പെട്ട് പാഠപുസ്തകങ്ങളില്‍ വരുത്തിയ പ്രധാനപ്പെട്ട കൂട്ടിച്ചേര്‍ക്കലുകള്‍ എന്തൊക്കെയാണ്; വ്യക്തമാക്കുമോ;

കുട്ടികളിൽ വിമര്‍ശനാത്മക ചിന്ത വളര്‍ത്തുന്നതിനായി പാഠപുസ്തകങ്ങളില്‍ സ്വീകരിച്ചിട്ടുള്ള സമീപനം എങ്ങനെയുള്ളതാണ്; വിശദമാക്കുമോ;

പരീക്ഷകളില്‍ കേവലം ഓര്‍മ്മശക്തി പരീക്ഷിക്കുക എന്നതിന് പകരം വിശകലനശേഷിയും ചിന്താശേഷിയും വളര്‍ത്തുന്നതിനുള്ള സമീപനം സ്വീകരിച്ചിട്ടുണ്ടോ; വിശദമാക്കാമോ;

ഫിന്‍ലാന്റ് മാതൃകയിലുള്ള വിദ്യാഭ്യാസ രീതിയില്‍ നിന്ന് കേരളം ഉള്‍ക്കൊള്ളാന്‍ ശ്രമിക്കുന്ന പ്രധാന മാതൃകകള്‍ എന്താണെന്ന് വ്യക്തമാക്കാമോ;

വിദ്യാകിരണം മിഷന്‍ എന്നതുകൊണ്ട് ലക്ഷ്യമിടുന്നത് എന്താണെന്ന് വിശദമാക്കാമോ?

രാജ്യത്ത് നിലവിലുണ്ടായിരുന്ന 29 തൊഴിൽ നിയമങ്ങൾ ക്രോഡീകരിക്കുന്നതിന് കേന്ദ്രസർക്കാർ തീരുമാനമെടുത്ത സാഹചര്യം വിശകലന വിധേയമാക്കിയിട്ടുണ്ടോ; വിശദീകരിക്കുമോ;

തൊഴിലാളി വിരുദ്ധവും കോർപ്പറേറ്റുകളുടെ താൽപര്യങ്ങൾ സംരക്ഷിക്കുന്ന തരത്തിലുള്ളതുമായ പുതുക്കിയ തൊഴിൽ കോഡുകൾ സംബന്ധിച്ച് സമൂഹത്തിലെ വിവിധ തലങ്ങളിലുള്ളവരുമായി ആശയവിനിമയം നടത്തിയിട്ടുണ്ടോ; വിശദീകരിക്കുമോ;

തൊഴിലാളികളുടെ ക്ഷേമവും ഉന്നമനവും മുന്‍നിർത്തി പുതുക്കിയ തൊഴിൽ കോഡുകൾ സംബന്ധിച്ച് പഠിക്കുന്നതിന് വിദഗ്ദ്ധ സമിതി രൂപീകരിക്കുന്നതിന് സർക്കാർ തീരുമാനിച്ചിട്ടുണ്ടോ; വിശദീകരിക്കുമോ;

തൊഴിൽ മേഖല ഇന്ത്യൻ ഭരണഘടനയുടെ കൺകറന്റ് ലിസ്റ്റിൽ ഉൾപ്പെട്ട വിഷയമായതിനാൽ തൊഴിലാളികളുടെ അവകാശങ്ങൾ സംരക്ഷിക്കുന്നതിന് സംസ്ഥാന സർക്കാരിനുള്ള ഭരണഘടനാപരമായ അവകാശങ്ങൾ ഉപയോഗപ്പെടുത്തുന്നതിനുള്ള സാധ്യതകൾ പരിശോധിച്ചിട്ടുണ്ടോ; വിശദീകരിക്കുമോ?

കെട്ടിട നിർമ്മാണ തൊഴിലാളി ക്ഷേമനിധി ബോർഡ് ഉള്‍പ്പെടെയുള്ള ക്ഷേമനിധി ബോർഡുകളിൽ പെൻഷൻ അടക്കമുള്ള ആനുകൂല്യങ്ങളുടെ വിതരണം മുടങ്ങിയിട്ടുണ്ടോ; വ്യക്തമാക്കാമോ;

പ്രസ്തുത ക്ഷേമനിധി ബോർഡുകളില്‍ അംശാദായം അടച്ച നിരവധി വ്യക്തികളുടെ പെൻഷൻ അടക്കമുള്ള ആനുകൂല്യങ്ങൾ വർഷങ്ങളായി മുടങ്ങിയിട്ടുണ്ടോ; എങ്കില്‍ കാരണം പരിശോധിച്ചിട്ടുണ്ടോ; വിശദമാക്കാമോ;

പ്രസ്തുത ക്ഷേമനിധി ബോർഡുകളിൽ മുടങ്ങിക്കിടക്കുന്ന ക്ഷേമനിധി പെൻഷൻ കുടിശിക അടിയന്തരമായി നൽകാനുള്ള നടപടി സ്വീകരിക്കുമോ; വ്യക്തമാക്കുമോ?

കേരളത്തിലെ പൊതുവിദ്യാഭ്യാസം ശക്തിപ്പെടുത്താൻ ഈ സർക്കാർ സ്വീകരിച്ച നടപടികൾ എന്തെല്ലാമെന്ന് വ്യക്തമാക്കുമോ;

പൊതുവിദ്യാലയങ്ങളിൽ ശൗചാലയങ്ങൾ ഉൾപ്പെടെ അടിസ്ഥാന സൗകര്യങ്ങൾ ഏറ്റവും മെച്ചപ്പെട്ട നിലയിൽ നൽകുന്നതിന് കൂടുതലായി എന്തൊക്കെ നടപടികൾ സ്വീകരിക്കുമെന്ന് വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം വിനോദസഞ്ചാര മേഖലയില്‍ തൊഴില്‍ സാധ്യതകള്‍ വര്‍ദ്ധിപ്പിക്കുന്നതിനാവശ്യമായ എന്തെല്ലാം പഠന-പരിശീലന പദ്ധതികളാണ് ആവിഷ്ക്കരിച്ചു നടപ്പിലാക്കി വരുന്നതെന്ന് വ്യക്തമാക്കാമോ;

വിനോദസഞ്ചാര മേഖലയുമായി ബന്ധപ്പെട്ട കോഴ്സുകളും പരിശീലനങ്ങളും സംസ്ഥാനത്ത് വ്യാപിപ്പിക്കേണ്ടതിന്റെ ആവശ്യകത ശ്രദ്ധയില്‍പ്പെട്ടിട്ടുണ്ടോ;

സംസ്ഥാനത്ത് വിനോദസഞ്ചാര വകുപ്പിന് കീഴില്‍ പ്രവര്‍ത്തിക്കുന്ന സ്വയംഭരണ സ്ഥാപനമായ കേരള ഇന്‍സ്റ്റിറ്റ്യൂട്ട് ഓഫ് ടൂറിസം ആന്റ് ട്രാവല്‍ സ്റ്റഡീസ്(കിറ്റ്സ്)ന്റെ പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; എങ്കില്‍ വിശദമാക്കാമോ;

സംസ്ഥാനത്ത് എവിടെയെല്ലാമാണ് കിറ്റ്സിന്റെ സ്റ്റഡി സെന്ററുകള്‍ നിലവില്‍ പ്രവര്‍ത്തിച്ചുവരുന്നതെന്ന് വ്യക്തമാക്കാമോ;

വിനോദസഞ്ചാര മേഖലയിലെ സ്ഥാപനങ്ങള്‍, ടൂറിസം സഹകരണ സംഘങ്ങള്‍ തുടങ്ങിയവയുടെ സഹകരണത്തോടെ സംസ്ഥാനത്ത് കൂടുതല്‍ സ്റ്റഡി സെന്ററുകള്‍ അനുവദിക്കുന്നതിനാവശ്യമായ നടപടികള്‍ സ്വീകരിക്കുമോ?

റോഡുകളും പാലങ്ങളും പൊതുകെട്ടിടങ്ങളും ഉള്‍പ്പെടുന്ന സംസ്ഥാനത്തിന്റെ അടിസ്ഥാന സൗകര്യമേഖലയിൽ മികച്ച സൗകര്യങ്ങൾ ഒരുക്കുവാൻ കഴിഞ്ഞതിന്റെ കാരണങ്ങൾ വ്യക്തമാക്കുമോ;

കേരളത്തിലെ ദേശീയ സംസ്ഥാനപാതകൾ അന്തർദേശീയ നിലവാരത്തിൽ പരിഷ്‌കരിച്ചതു പോലെ ഗ്രാമീണ ജില്ലാപാതകളും പത്തു വർഷ ഗ്യാരന്റിയിൽ പരിഷ്‌ക്കരിക്കാൻ നടപടി സ്വീകരിക്കുമോ; എങ്കിൽ വിശദാംശം ലഭ്യമാക്കുമോ?

ട്രാവല്‍ പ്ലസ് ലെയ്ഷര്‍ ഇന്ത്യ & സൗത്ത് ഏഷ്യയുടെ 2025-ലെ ബെസ്റ്റ് വെല്‍നസ് ഡെസ്റ്റിനേഷന്‍ പുരസ്കാരം കേരളത്തിന് ലഭിച്ചിട്ടുണ്ടോയെന്ന് വ്യക്തമാക്കാമോ; ഈ നേട്ടം കെെവരിക്കാന്‍ സഹായിച്ച ഘടകങ്ങള്‍ എന്തെല്ലാമാണെന്ന് വ്യക്തമാക്കാമോ;

ആദ്യ അന്താരാഷ്ട്ര ആയുർവേദ വെല്‍നസ് കോണ്‍ക്ലേവ് കേരളത്തില്‍ വച്ച് നടത്തുന്നതിന് പദ്ധതികള്‍ തയ്യാറാക്കിയിട്ടുണ്ടോ; പ്രസ്തുത കോണ്‍ക്ലേവിന്റെ ലക്ഷ്യങ്ങള്‍ എന്തെല്ലാമാണെന്നും എന്തൊക്കെ തയ്യാറെടുപ്പുകള്‍ നടത്തിയിട്ടുണ്ടെന്നും വിശദമാക്കാമോ;

കേരളത്തിന്റെ ആയുര്‍വേദ ചികിത്സാ രീതികള്‍ ആഗോള തലത്തില്‍ പ്രചരിപ്പിക്കുന്നതിനും വിദേശ സഞ്ചാരികളെ ആകര്‍ഷിക്കുന്നതിനും ടൂറിസം വകുപ്പ് നിലവില്‍ നടപ്പാക്കി വരുന്ന പദ്ധതികള്‍ എന്തൊക്കെയാണെന്ന് വിശദമാക്കാമോ?

ദേശീയപാത 66-ന്റെ വികസനത്തിനായി ഭൂമി ഏറ്റെടുക്കല്‍ ചെലവിന്റെ ഇരുപത്തിയഞ്ച് ശതമാനം തുക മുന്‍കൂറായി കേന്ദ്രത്തിന് നല്‍കിക്കൊണ്ട് സര്‍ക്കാര്‍ നടത്തിയ മാതൃകാപരമായ സാമ്പത്തിക ഇടപെടലുകളെക്കുറിച്ച് വിശദമാക്കാമോ;

സംസ്ഥാനത്തെ ദേശീയപാത വികസന പ്രവൃത്തികള്‍ നിലവിലെ സര്‍ക്കാരിന്റെ ഇച്ഛാശക്തിയോടെയുളള ഇടപെടലിലൂടെയും കൃത്യമായ ഏകോപനത്തിലൂടെയും പുനരാരംഭിച്ചതിന്റെ പുരോഗതി അറിയിക്കാമോ;

തിരുവനന്തപുരം ഔട്ടര്‍ റിംഗ് റോഡ്, എറണാകുളം ബൈപാസ് തുടങ്ങിയ വന്‍കിട ദേശീയപാതാപദ്ധതികള്‍ക്കായി കിഫ്ബി വഴി ആയിരക്കണക്കിന് കോടി രൂപ അനുവദിച്ചുകൊണ്ട് അടിസ്ഥാന സൗകര്യവികസനത്തില്‍ നടത്തുന്ന നിക്ഷേപങ്ങളെക്കുറിച്ചുളള വിവരങ്ങള്‍ ലഭ്യമാക്കാമോ?

സംസ്ഥാനത്തെ പൊതുമരാമത്ത് റസ്റ്റ് ഹൗസുകൾ പീപ്പിൾസ് റസ്റ്റ് ഹൗസ് എന്ന പേരിൽ പൊതുജനങ്ങൾക്കായി തുറന്നുകൊടുത്തതിലൂടെ സർക്കാർ സേവനങ്ങളുടെ ജനാധിപത്യവൽക്കരണം ഏത് രീതിയിയിൽ സാധ്യമായിട്ടുണ്ടെന്ന് വിശദമാക്കാമോ;

റസ്റ്റ് ഹൗസുകളിൽ ഓൺലൈൻ ബുക്കിംഗ് സംവിധാനം ഏർപ്പെടുത്തിയതിനുശേഷം നാളിതുവരെ ഉണ്ടായിട്ടുള്ള വരുമാന വർദ്ധനവ് വിലയിരുത്തിയിട്ടുണ്ടോ; വിശദാംശം ലഭ്യമാക്കാമോ;

പീപ്പിൾസ് റസ്റ്റ് ഹൗസ് പദ്ധതിയുടെ ഭാഗമായി പൊതുജനങ്ങൾ പ്രസ്തുത സൗകര്യം ഉപയോഗപ്പെടുത്തിയതിന്റെ വിശദാംശം അറിയിക്കാമോ;

റസ്റ്റ് ഹൗസുകളിൽ ഭക്ഷണ സൗകര്യം ഉറപ്പാക്കുന്നതിനായി കാന്റീനുകൾ ആരംഭിക്കുന്നതിലെ പുരോഗതി വിശദമാക്കാമോ;

കേരളത്തിന് പുറത്തുള്ള പി. ഡബ്ല്യു. ഡി. റസ്റ്റ് ഹൗസുകളുടെ നവീകരണത്തിനായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

പ്രവാസികൾ ഉൾപ്പെടെയുള്ള കേരളീയർക്ക് നേറ്റിവിറ്റി കാര്‍ഡ് ലഭ്യമാക്കേണ്ട സാഹചര്യം വിലയിരുത്തിയിട്ടുണ്ടോ; വിശദീകരിക്കുമോ;

ലോകത്തിന്റെ നാനാഭാഗങ്ങളിൽ ജീവിക്കുന്ന കേരളീയർക്ക് പൊതു സ്വീകാര്യതയുള്ള നേറ്റിവിറ്റി കാര്‍ഡ് ലഭ്യമാക്കുന്നതിന് സർക്കാർ ഉദ്ദേശിക്കുന്നുണ്ടോ; വിശദീകരിക്കുമോ;

നേറ്റിവിറ്റി കാർഡിൽ ഓരോ പൗരനെയും സംബന്ധിക്കുന്ന എന്തെല്ലാം വിവരങ്ങളാണ് ഉൾപ്പെടുത്താൻ ഉദ്ദേശിക്കുന്നത്; വിശദീകരിക്കുമോ;

കേരളത്തിന് പുറത്ത് താമസിക്കുന്ന ദമ്പതികൾക്ക് അവിടെ വച്ച് ജനിക്കുന്ന കുട്ടികൾക്ക് നേറ്റിവിറ്റി കാര്‍ഡ് അനുവദിക്കുന്നതിന് ഓൺലൈൻ സംവിധാനം ഒരുക്കുമോ; വിശദമാക്കുമോ;

സർക്കാർ നൽകുന്ന ആനുകൂല്യങ്ങൾ കൈപ്പറ്റുന്നതിന് നേറ്റിവിറ്റി കാർഡ് തിരിച്ചറിയൽ രേഖയായി പരിഗണിക്കുമോ; വിശദീകരിക്കുമോ?

ദേശീയ വിദ്യാഭ്യാസനയത്തിന്റെ ഭാഗമായുള്ള പിഎം ശ്രീ പദ്ധതിയിൽ സംസ്ഥാനം ഒപ്പുവച്ചിരുന്നോ; എങ്കിൽ കാരണം വിശദമാക്കാമോ;

പ്രസ്തുത പദ്ധതിയിൽ നിന്നും സർക്കാർ പിന്മാറിയിട്ടുണ്ടോ; എങ്കിൽ മന്ത്രിസഭ ഉപസമിതി യോഗതീരുമാനത്തിന്റെ അടിസ്ഥാനത്തിലാണോ പദ്ധതിയിൽ നിന്നും പിന്മാറിയത് എന്ന് വ്യക്തമാക്കാമോ;

പിഎം ശ്രീ പദ്ധതിയിൽ നിന്നും ഒഴിവാക്കണമെന്ന് ആവശ്യപ്പെട്ടുകൊണ്ട് കേന്ദ്രസർക്കാരിന് കത്ത് നൽകിയിട്ടുണ്ടോ; എങ്കിൽ പ്രസ്തുത കത്തിന്റെ വിശദാംശം നൽകാമോ;

പ്രസ്തുത കത്തിന്റെ അടിസ്ഥാനത്തിൽ കേന്ദ്ര സർക്കാർ തീരുമാനം കൈക്കൊണ്ടതായി സംസ്ഥാനത്തെ അറിയിച്ചിട്ടുണ്ടോ; എങ്കിൽ വിശദമാക്കാമോ?

എൽ. എസ്. എസ്., യു. എസ്. എസ്. സ്കോളർഷിപ്പ് പദ്ധതികളുടെ പേര് മാറ്റി സി.എം.കിഡ്‌സ് സ്കോളർഷിപ്പ് എന്ന പേരിൽ പുതിയ പദ്ധതിയായി അവതരിപ്പിക്കാനുള്ള കാരണങ്ങൾ വിശദമാക്കാമോ;

എൽ. എസ്. എസ്., യു. എസ്. എസ്. സ്കോളർഷിപ്പ് പദ്ധതികളുടെ പേര് മാറ്റി പുതിയ പദ്ധതിയായി അവതരിപ്പിച്ചപ്പോൾ മാനദണ്ഡങ്ങളിൽ വരുത്തിയ മാറ്റങ്ങൾ എന്തെല്ലാമാണെന്ന് വ്യക്തമാക്കാമോ;

എൽ. എസ്. എസ്., യു. എസ്. എസ്. സ്കോളർഷിപ്പ് വിതരണത്തിലെ കുടിശിക സംബന്ധിച്ച വിശദവിവരം ലഭ്യമാക്കാമോ?

സംസ്ഥാനത്ത് കാരവാൻ ടൂറിസം പ്രോത്സാഹിപ്പിക്കുന്നതിനായി എന്തെല്ലാം പദ്ധതികളാണ് ആവിഷ്കരിച്ചിട്ടുളളതെന്ന് വിശദമാക്കാമോ;

കാരവാൻ പാർക്ക്, കാരവാൻ സർക്യൂട്ട്, കാരവാൻ ഓപ്പറേറ്റേഴ്‌സ് ലൈസൻസ് തുടങ്ങിയ സംവിധാനങ്ങളുടെ നിലവിലെ പുരോഗതി വിശദമാക്കാമോ;

കാരവാൻ ടൂറിസം പദ്ധതിയിൽ സ്വകാര്യ നിക്ഷേപകരുടെയും ഹോംസ്റ്റേ/റിസോർട്ട് ഓപ്പറേറ്റർമാരുടെയും പങ്കാളിത്തം ഉറപ്പാക്കാനായി പ്രഖ്യാപിച്ചിട്ടുള്ള സബ്‌സിഡികളും ഇളവുകളും വിശദമാക്കാമോ; സംസ്ഥാനത്ത് എത്രപേർ ഈ പദ്ധതിക്കായി അപേക്ഷിച്ചിട്ടുണ്ടെന്നും അതിൽ എത്രപേർക്ക് അനുമതി ലഭിച്ചിട്ടുണ്ടെന്നും വ്യക്തമാക്കാമോ;

കാരവാൻ ടൂറിസം സംസ്ഥാനത്ത് ആരംഭിച്ചതിന് ശേഷം ഈ മേഖലയിൽ ഉണ്ടായിട്ടുളള തൊഴിലവസരം, വരുമാനം, ടൂറിസ്റ്റുകളുടെ വരവ് എന്നീ കാര്യങ്ങൾ വിലയിരുത്തിയിട്ടുണ്ടോ; വിശദാംശം ലഭ്യമാക്കാമോ?

സംസ്ഥാനത്തെ പ്രധാന വിനോദസഞ്ചാര കേന്ദ്രങ്ങളിൽ പൊതുമരാമത്ത് വകുപ്പുമായി സഹകരിച്ച് നടപ്പിലാക്കുന്ന ഡിസൈൻ പോളിസി ടൂറിസം വികസനത്തിന് എങ്ങനെയെല്ലാമാണ് സഹായകരമാകുന്നതെന്ന് വിശദമാക്കാമോ;

വിനോദസഞ്ചാര കേന്ദ്രങ്ങളിലെ അടിസ്ഥാന സൗകര്യങ്ങളുടെ ഏകീകരണം സാധ്യമാകുന്നതിന് ഡിസൈന്‍ പോളിസി സഹായകരമാണെന്ന് വിലയിരുത്തിയിട്ടുണ്ടോ; വിശദാംശം നല്‍കാമോ;

വിനോദസഞ്ചാര മേഖലയിലെ പഴയ കെട്ടിടങ്ങള്‍ നവീകരിക്കുമ്പോള്‍ അവയുടെ പൈതൃകത്തനിമ നിലനിര്‍ത്തിക്കൊണ്ടുള്ള ഡിസൈന്‍ ഉറപ്പാക്കാന്‍ പ്രസ്തുത പോളിസിയില്‍ എന്തെല്ലാം വ്യവസ്ഥകളാണുള്ളതെന്ന് വ്യക്തമാക്കാമോ;

ഗ്രാമീണ ടൂറിസം പദ്ധതികളിൽ ഡിസൈൻ പോളിസി നടപ്പിലാക്കുമ്പോൾ പ്രാദേശിക തനിമയും കലകളും കെട്ടിട നിർമ്മാണത്തിൽ ഉൾപ്പെടുത്താൻ പദ്ധതികളുണ്ടോ?

പ്രവാസികള്‍ക്ക് സംസ്ഥാനത്തെ ഭൂനികുതിയും മറ്റ് നികുതികളും അടയ്ക്കാന്‍ റവന്യൂ വകുപ്പ് സജ്ജമാക്കിയിട്ടുള്ള ഓണ്‍ലൈന്‍ സംവിധാനത്തിന്റെ വിശദാംശം നല്‍കാമോ;

വിദേശ രാജ്യങ്ങളിലുള്ളവര്‍ക്ക് നാട്ടിലെ റവന്യൂ സേവനങ്ങള്‍ എളുപ്പമാക്കുന്നതിനായി റവന്യൂ വകുപ്പ് മുന്നോട്ടുവയ്ക്കുന്ന മൂന്ന് പ്രധാന ദര്‍ശനങ്ങള്‍ (വിഷന്‍) എന്തെല്ലാമാണ്; വ്യക്തമാക്കാമോ;

വിദേശത്തുള്ള ഒരാള്‍ക്ക് തന്റെ ഭൂമിയുടെ ഉടമസ്ഥാവകാശ രേഖകളും മാപ്പുകളും പരിശോധിക്കാന്‍ സഹായിക്കുന്ന ഏകീകൃത പോര്‍ട്ടലിന്റെ വിവരങ്ങള്‍ വിശദമാക്കാമോ;

സുസ്ഥിര റവന്യൂ മാതൃക കെട്ടിപ്പടുക്കുന്നതിലൂടെ പ്രവാസികള്‍ക്ക് ലഭിക്കുന്ന പ്രധാന ഗുണങ്ങള്‍ എന്തെല്ലാമാണ്; വ്യക്തമാക്കാമോ?

സംസ്ഥാനത്ത് ഒരു കിലോമീറ്റർ പരിധിയിൽ എൽ.പി. സ്കൂളുകളോ മൂന്ന് കിലോമീറ്റർ പരിധിയിൽ യു.പി. സ്കൂളുകളോ ഇല്ലാത്ത പ്രദേശങ്ങൾ ഉള്ളതായി കണ്ടെത്തിയിട്ടുണ്ടോ; എങ്കിൽ അവ ഏതെല്ലാമാണെന്ന് വ്യക്തമാക്കാമോ;

ഈ പ്രദേശങ്ങളിൽ പുതിയ സ്കുളുകൾ ആരംഭിക്കാൻ ഉദ്ദേശിക്കുന്നുണ്ടോ;

മലപ്പുറം ജില്ലയിൽ ഏതെല്ലാം പ്രദേശങ്ങളിലാണ് ഇപ്രകാരം സ്കുളുകൾ ഇല്ലാത്തതായി കണ്ടെത്തിയതെന്ന് വ്യക്തമാക്കാമോ;

മലപ്പുറം ജില്ലയിലെ എളാമ്പ്രയിൽ എൽ.പി. സ്കൂൾ വേണമെന്ന ആവശ്യം പരിഗണനയിലുണ്ടോ; എങ്കിൽ എന്നത്തേക്ക് സ്കൂൾ ആരംഭിക്കാൻ കഴിയുമെന്ന് വ്യക്തമാക്കാമോ?

സർക്കാർ ഭൂമി പാട്ടത്തിന് നൽകിയ വകയിൽ ആയിരം കോടി രൂപയോളം പിരിഞ്ഞു കിട്ടാനുണ്ടെന്ന് കംപ്ട്രോളര്‍ ആന്റ് ഓഡിറ്റർ ജനറൽ കണ്ടെത്തിയിട്ടുണ്ടോ; വ്യക്തമാക്കാമോ;

നിലവിൽ പാട്ടനിരക്ക് നിശ്ചയിക്കുന്നത് എപ്രകാരമാണ്; പാട്ടത്തുക നിശ്ചയിക്കുന്ന മാനദണ്ഡങ്ങൾ നിമിത്തമാണ് പാട്ടത്തുകയിൽ കുടിശിക വരുത്തുന്നതെന്ന് സർക്കാർ വിലയിരുത്തിയിട്ടുണ്ടോ; വ്യക്തമാക്കാമോ;

പാട്ടക്കുടിശിക കൃത്യമായി പിരിച്ചെടുക്കുന്നതിന് എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നതെന്ന് വിശദമാക്കുമോ?

സ്കൂളുകളില്‍ എ. ഐ. ലാബുകളും ക്ലബ്ബുകളും ആരംഭിച്ചതിലൂടെ സംസ്ഥാനം കൈവരിച്ച നേട്ടങ്ങള്‍ വിശദമാക്കാമോ;

കോവിഡ് കാലത്ത് കുട്ടികളുടെ പഠനം തടസ്സം ഇല്ലാതെ മുന്നോട്ട് കൊണ്ടുപോകാന്‍ ഫസ്റ്റ് ബെല്‍ പദ്ധതി സഹായിച്ചത് എങ്ങനെയാണെന്ന് വിശദമാക്കാമോ;

ഡിജിറ്റല്‍ ഡിവൈഡ് മറികടക്കാന്‍ സ്വീകരിച്ചിട്ടുള്ള നടപടികള്‍ എന്തൊക്കെയാണ്; വ്യക്തമാക്കുമോ;

സംസ്ഥാനത്തെ സ്കൂളുകളില്‍ ഏകദേശം എത്ര ലാപ്‍ടോപ്പുകളും പ്രൊജക്ടറുകളുമാണ് ഇതുവരെ വിന്യസിക്കാന്‍ കഴിഞ്ഞിട്ടുള്ളതെന്ന് വിലയിരുത്തിയിട്ടുണ്ടോ; വ്യക്തമാക്കുമോ;

സ്വതന്ത്ര സോഫ്റ്റ് വെയര്‍ അധിഷ്ഠിത പഠനം പ്രോത്സാഹിപ്പിക്കുന്നതിന്റെ ഗുണങ്ങള്‍ എന്തെല്ലാമാണ്; വിശദമാക്കാമോ?

സംസ്ഥാനത്തെ എല്ലാ കൗമാരക്കാരുടെയും സാമൂഹിക വെല്ലുവിളികളും മാനസിക പ്രശ്നങ്ങളും ലഘൂകരിക്കുന്നതിനും സാമൂഹിക പിന്തുണ ഉറപ്പാക്കുന്നതിനും സ്ഥിരമായ ഒരു സംവിധാനം ഉണ്ടാക്കേണ്ടതിന്റെ ആവശ്യകത വിശകലന വിധേയമാക്കിയിട്ടുണ്ടോ; വിശദീകരിക്കുമോ;

പൊതു വിദ്യാലയങ്ങളിലെ വിദ്യാർത്ഥികൾക്ക് മാനസിക സാമൂഹിക പിന്തുണ ഉറപ്പാക്കുന്നതിന് വനിത-ശിശുവികസന വകുപ്പുമായി സഹകരിച്ച് കൂടുതൽ സൈക്കോ സോഷ്യൽ കൗൺസിലർമാരെ നിയമിക്കുന്നതിന് പദ്ധതി തയ്യാറാക്കിയിട്ടുണ്ടോ; വിശദമാക്കാമോ;

സാമൂഹിക-മാനസിക വെല്ലുവിളികൾ നേരിടുന്ന വിദ്യാർത്ഥികൾക്ക് ടെലിഫോണിലൂടെ കൗൺസിലിംഗ് ലഭ്യമാക്കുന്നതിനായി 24 മണിക്കൂറും പ്രവർത്തിക്കുന്ന ഹെൽപ്പ് ലൈൻ സംവിധാനം ഒരുക്കാൻ ഉദ്ദേശിക്കുന്നുണ്ടോ; വിശദീകരിക്കുമോ;

പൊതു വിദ്യാലയങ്ങളിലെ കുട്ടികൾക്ക് സ്വതന്ത്രമായി കൗൺസിലർമാരോട് സംസാരിക്കുന്നതിനും പ്രശ്നപരിഹാരം തേടുന്നതിനും എല്ലാ സ്കൂളുകളിലും മികച്ചതും സ്വകാര്യതയുള്ളതും സുരക്ഷിതവുമായ സംവിധാനം ഒരുക്കുമോ; വ്യക്തമാക്കാമോ?

ടൂറിസം കേന്ദ്രങ്ങളുടെ രൂപകൽപ്പനയിലെ വെല്ലുവിളികൾ നേരിടുന്നതിനും അവസരങ്ങൾ പ്രയോജനപ്പെടുത്തുന്നതിനും ഡിസൈൻ പോളിസി എങ്ങനെയാണ് പ്രയോജനപ്പെടുന്നതെന്ന് വിശദമാക്കാമോ;

ഡിസൈൻ പോളിസി സർക്കാർ അംഗീകരിച്ച് നടപ്പാക്കിയതിന് ശേഷമുളള പൊതുയിടങ്ങളുടെ നവീകരണത്തിലും ബീച്ചുകൾ, പാർക്കുകൾ എന്നിവയുടെ രൂപകൽപ്പനയിലും ഉണ്ടായിട്ടുളള സ്വാധീനം വിലയിരുത്തിയിട്ടുണ്ടോ; വിശദമാക്കുമോ;

പാരിസ്ഥിതികാഘാതം കുറയ്ക്കാൻ കഴിയും വിധം ഡിസൈൻ പോളിസി നടപ്പിലാക്കിയതിന്റെ അനുഭവങ്ങൾ വ്യക്തമാക്കാമോ;

മാലിന്യ സംസ്കരണത്തിലും ശുചിത്വ പരിപാലനത്തിലും പ്രസ്തുത പോളിസി എങ്ങനെയാണ് സ്വാധീനം ചെലുത്തിയതെന്ന് വിശദമാക്കാമോ?

സംസ്ഥാനത്ത് ക്ലാസിഫൈഡ് ഹോം സ്റ്റേകളുടെ എണ്ണം വര്‍ദ്ധിച്ചു വരുന്നതായി വിലയിരുത്തിയിട്ടുണ്ടോ; എങ്കില്‍ പ്രസ്തുത നേട്ടം കൈവരിക്കുന്നതിനായി നടപ്പാക്കിയ പ്രധാന ഇടപെടലുകള്‍ എന്തെല്ലാമാണെന്ന് വിശദമാക്കാമോ;

ഹോം സ്റ്റേകള്‍ക്ക് ലൈസന്‍സ് ലഭിക്കുന്നതിനുള്ള നടപടികൾ ഓണ്‍ലൈന്‍ രീതിയിലാക്കുന്നതിന് നടപടികള്‍ സ്വീകരിച്ചിട്ടുണ്ടോ; എങ്കില്‍ പ്രസ്തുത ഓണ്‍ലൈന്‍ സംവിധാനം സംരംഭകര്‍ക്ക് എത്രത്തോളം പ്രയോജനകരമായിട്ടുണ്ട്; ഈ സംവിധാനം വഴി ലൈസന്‍സിംഗ് പ്രക്രിയയിലെ കാലതാമസം ഒഴിവാക്കാന്‍ സാധിച്ചിട്ടുണ്ടോ; വ്യക്തമാക്കാമോ;

ഹോം സ്റ്റേ ആരംഭിക്കുന്നതിനുള്ള നിബന്ധനകള്‍ ലളിതവല്‍ക്കരിക്കുക വഴി ചെറുകിട സംരംഭകര്‍ക്ക് പ്രോത്സാഹനം നല്‍കുന്നതിന് എന്തെല്ലാം നടപടികള്‍ സ്വീകരിക്കാനാണ് ഉദ്ദേശിക്കുന്നത്;

സംസ്ഥാനത്ത് റെസ്‍പോണ്‍സിബിള്‍ ടൂറിസം മിഷനുമായി സഹകരിച്ച് ഹോം സ്റ്റേ മേഖലയില്‍ കൂടുതല്‍ തൊഴില്‍ സാധ്യകള്‍ സൃഷ്ടിക്കുന്നതിനും പ്രാദേശിക വികസനം ഉറപ്പാക്കുന്നതിനും പദ്ധതികളുണ്ടോ; വിശദമാക്കാമോ;

ആഭ്യന്തര-വിദേശസഞ്ചാരികളുടെ വര്‍ദ്ധനവ് പരിഗണിച്ച് സംരംഭകര്‍ക്ക് എല്ലാ സീസണിലും വരുമാനം ഉറപ്പാക്കുന്നതിന് എന്തെല്ലാം പദ്ധതികളാണ് സ്വീകരിച്ചു വരുന്നതെന്ന് വ്യക്തമാക്കുമോ?

ദേശീയ വിദ്യാഭ്യാസനയത്തിന്റെ ഭാഗമായുള്ള പിഎം ശ്രീ പദ്ധതിയിൽ സംസ്ഥാന സർക്കാർ എന്നാണ് ഒപ്പുവെച്ചതെന്ന് വ്യക്തമാക്കാമോ;

പിഎം ശ്രീ പദ്ധതിയിൽ ഒപ്പു വച്ചതിന്റെ ഭാഗമായി സംസ്ഥാനത്തിന് സമഗ്ര ശിക്ഷാ ഫണ്ട് ലഭ്യമായിട്ടുണ്ടോ; ഇതുസംബന്ധിച്ച വിശദാംശം നൽകാമോ;

പിഎം ശ്രീ പദ്ധതി സംബന്ധിച്ച തുടർതീരുമാനങ്ങൾ കൈക്കൊള്ളാൻ രൂപീകരിച്ച മന്ത്രിസഭാഉപസമിതി യോഗം ചേർന്നിട്ടുണ്ടോ; വിശദമാക്കാമോ;

പ്രസ്തുത ഉപസമിതി റിപ്പോർട്ട് സമർപ്പിച്ചിട്ടുണ്ടോ; എങ്കിൽ റിപ്പോർട്ടിലെ ഉള്ളടക്കം എന്താണെന്ന് വ്യക്തമാക്കാമോ?

സംസ്ഥാനത്ത് ഓൺലൈൻ ഭക്ഷണ വിതരണം നടത്തുന്ന തൊഴിലാളികളുടെ അവകാശങ്ങൾ സംരക്ഷിക്കാൻ സ്വീകരിച്ച നടപടികൾ വിശദമാക്കാമോ;

ഈ മേഖലയിൽ ജോലി ചെയ്യുന്നവർക്ക് ലഭിക്കുന്ന വേതനം അപര്യാപ്തമാണെന്ന് വിലയിരുത്തിയിട്ടുണ്ടോ;

പ്രസ്തുത തൊഴിലാളികളുടെ തൊഴിൽ സുരക്ഷ ഉറപ്പാക്കുന്നതിനും സേവന വേതന വ്യവസ്ഥകൾ മെച്ചപ്പെടുത്തുന്നതിനും സ്വീകരിക്കാനുദ്ദേശിക്കുന്ന നടപടികൾ എന്തെല്ലാമാണെന്ന് വിശദമാക്കുമോ?

മലയോര ഹൈവേ പദ്ധതിയുടെ ഭാഗമായി ഇതുവരെ പൂര്‍ത്തീകരിച്ച നിര്‍മ്മാണ പ്രവര്‍ത്തനങ്ങളുടെ വിശദാംശം ലഭ്യമാക്കാമോ;

കിഫ്ബി ഫണ്ട് വഴി നടപ്പിലാക്കുന്ന മലയോര ഹൈവേ വികസനത്തിനായി അനുവദിച്ച സാമ്പത്തികാനുമതിയുടെ വിശദാംശം ലഭ്യമാക്കാമോ;

മലയോര ഹൈവേ നിര്‍മ്മാണ പ്രവർത്തനങ്ങൾക്കായി ഇതുവരെ അനുവദിച്ച തുകയുടെ വിനിയോഗത്തെ സംബന്ധിച്ച വിവരങ്ങള്‍ ലഭ്യമാക്കാമോ;

മേൽ പരാമർശിച്ച പദ്ധതിയുടെ ഭാഗമായി നിലവില്‍ പുരോഗമിച്ചുകൊണ്ടിരിക്കുന്ന പ്രവൃത്തിയുടെയും കിഫ്ബി ഫണ്ട് വഴി യാഥാര്‍ത്ഥ്യമാക്കിയ പ്രവൃത്തികളുടെയും വിശദവിവരങ്ങള്‍ ലഭ്യമാക്കാമോ;

മലയോര ഹൈവേ പൂര്‍ത്തിയാക്കുന്നതിലൂടെ സംസ്ഥാനത്തിന്റെ കാര്‍ഷിക മേഖലയിലും ടൂറിസം രംഗത്തും പൊതുവില്‍ സാമ്പത്തിക രംഗത്തുമുണ്ടാകുന്ന മാറ്റങ്ങള്‍ വിലയിരുത്തിയിട്ടുണ്ടോ; വിശദമാക്കാമോ?

കാസർഗോഡ്-തിരുവനന്തപുരം ദേശീയപാത 66-ന്റെ നിര്‍മ്മാണ പുരോഗതി സംബന്ധിച്ച വിശദാംശങ്ങൾ ലഭ്യമാക്കാമോ;

ദേശീയപാത 66-ല്‍ നിര്‍മ്മാണം പൂര്‍ത്തിയായ റീച്ചുകളുടെ വിശദാംശങ്ങൾ ലഭ്യമാക്കാമോ; പ്രസ്തുത റീച്ചുകള്‍ നിലവില്‍ പൊതുജനങ്ങൾക്ക് ഗതാഗതത്തിനായി തുറന്ന് കൊടുത്തിട്ടുണ്ടോ; വ്യക്തമാക്കാമോ;

ദേശീയപാത 66-ന്റെ എല്ലാ റീച്ചുകളുടെയും നിർമ്മാണ പ്രവൃത്തികൾ എന്ന് പൂർത്തീകരിക്കാൻ സാധിക്കുമെന്ന് വ്യക്തമാക്കാമോ?

ദേശീയപാത 66-ന്റെ ഒന്നാം റീച്ച് ആരംഭിക്കുന്ന തലപ്പാടി-ചെർക്കള പാതയിൽ ടോൾ പിരിക്കുന്നതിലെ അപാകത പരിശോധിച്ചിട്ടുണ്ടോയെന്ന് വ്യക്തമാക്കാമോ;

കുമ്പളയിൽ നിന്നും നാൽപത്തൊന്ന് കിലോമീറ്റർ ദൂരമുളള മംഗളൂരു വരെ പോകുന്നതിന് രണ്ടിടത്തായി 280 രൂപ ടോൾ നൽകേണ്ടിവരുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ; രണ്ട് ടോൾ പ്ലാസകൾ തമ്മിലുളള ദൂരവ്യത്യാസം ഈ മേഖലയിൽ പാലിച്ചിട്ടുണ്ടോയെന്ന് വ്യക്തമാക്കാമോ;

വിവിധ ആവശ്യങ്ങൾക്കായി കാസർകോട് നിന്നും കർണ്ണാടകയിലേക്ക് പോകേണ്ടി വരുന്നവരുടെ ഈ പ്രശ്നം പരിഹരിക്കാൻ എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നതെന്ന് വിശദമാക്കാമോ?