പാറശ്ശാല ആര്‍.ടി.ഒ. ടെസ്റ്റിംഗ് ഗ്രൗണ്ടിലേയ്ക്കുള്ള റോഡിന്റെ ശോചനീയാവസ്ഥ ശ്രദ്ധയില്‍പ്പെട്ടിട്ടുണ്ടോ; പ്രസ്തുത റോഡ് എത്രയും വേഗം നവീകരിക്കുന്നതിനുള്ള നടപടികള്‍ സ്വീകരിക്കാമോ; വിശദവിവരം അറിയിക്കാമോ;

പാറശ്ശാല ആര്‍.ടി.ഒ. ടെസ്റ്റിംഗ് ഗ്രൗണ്ടിനെ മോഡല്‍ ടെസ്റ്റിംഗ് ഗ്രൗണ്ട് ആയി ഉയര്‍ത്തുന്നതിനുള്ള നടപടികള്‍ സ്വീകരിച്ചിട്ടുണ്ടോ; ആയതിന്റെ പുരോഗതി അറിയിക്കാമോ;

പാറശ്ശാല ആര്‍.ടി.ഒ. ടെസ്റ്റിംഗ് ഗ്രൗണ്ടിലെ അടിസ്ഥാന സൗകര്യ വികസനവുമായി ബന്ധപ്പെട്ട് 2016 മുതല്‍ നടപ്പിലാക്കിയിട്ടുള്ള പദ്ധതികളുടെ വിശദവിവരം, ചെലവഴിച്ച തുക, പദ്ധതിയുടെ നിലവിലെ സ്ഥിതി ഉള്‍പ്പെടെയുള്ള വിവരങ്ങള്‍ അറിയിക്കാമോ?

സംസ്ഥാനത്ത് സ്കൂൾ ബസ്സുകൾ സർവ്വീസ് നടത്തുന്നത് സംബന്ധിച്ച് പുതിയ നിർദ്ദേശങ്ങൾ നൽകിയിട്ടുണ്ടോ;

എങ്കിൽ പ്രധാന നിർദ്ദേശങ്ങൾ എന്തെല്ലാ​മാണെന്ന് അറിയിക്കാമോ;

പ്രസ്തുത നിർദ്ദേശങ്ങൾ പാലിക്കപ്പെടുന്നുണ്ടെന്ന് ഉറപ്പാക്കാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കാമോ?

കെ.എസ്.ആർ.ടി.സി. സ്വിഫ്റ്റ് കമ്പനി ആരംഭിച്ചത് എന്നാണ്; ഇതിനായി സർക്കാരും കെ.എസ്.ആർ.ടി. സി- യും മുടക്കിയ തുക എത്രയാണ്; ഇതിന്റെ വിശദാംശം ലഭ്യമാക്കുമോ;

കെ സ്വിഫ്റ്റ് ബസ്സുകൾ ആരംഭിച്ചതു മുതൽ നാളിതുവരെ എത്ര സർവീസുകൾ നടത്തിയിട്ടുണ്ട് ; ഇതിൽ നിന്നും ലഭിച്ച ആകെ വരുമാനം എത്ര ; നാളിതുവരെ എത്ര തുക ചെലവു വന്നിട്ടുണ്ട്; വിശദമാക്കുമോ;

കെ സ്വിഫ്റ്റിന്റെ വരുമാനത്തിൽ നിന്നും നിശ്ചിത ശതമാനം തുക കെ. എസ്. ആർ. ടി. സി. ക്ക് നൽകാൻ വ്യവസ്ഥ ചെയ്തിട്ടുണ്ടോ; എങ്കിൽ അതിന്റെ വിശദാംശം നൽകുമോ;

കെ. എസ്. ആർ. ടി. സി-യുടെ എന്തെല്ലാം സൗകര്യങ്ങൾ കെ സ്വിഫ്റ്റിനുവേണ്ടി ഉപയോഗിക്കുന്നുണ്ട് എന്നതിന്റെ വിശദവിവരം ലഭ്യമാക്കുമോ ?

നിയമപ്രകാരം വാഹനങ്ങളുടെ വേഗപരിധി എത്രയെന്ന് നിശ്ചയിച്ചിട്ടുണ്ടോ; ഓരോ വാഹനത്തിന്റെയും വേഗപരിധി സംബന്ധിച്ച് വിശദാംശം നല്‍കുമോ;

മുഖ്യമന്ത്രി, മന്ത്രിമാര്‍, ഡി.ജി.പി, ചീഫ് സെക്രട്ടറി തുടങ്ങിയവര്‍ ഉപയോഗിക്കുന്ന ഔദ്യോഗിക വാഹനങ്ങള്‍ക്ക് വേഗപരിധി നിശ്ചയിച്ചിട്ടുണ്ടോ; വിശദമാക്കാമോ;

വി.വി.ഐ.പി.കള്‍ക്ക് യാത്ര ഒരുക്കുന്ന അവസരത്തില്‍ പൊതുജനങ്ങള്‍ നേരിടുന്ന ബുദ്ധിമുട്ടുകള്‍ പരിഹരിക്കുന്നതിനായി ഗതാഗത വകുപ്പ് എന്തെങ്കിലും ക്രമീകരണങ്ങൾ ഏര്‍പ്പെടുത്താന്‍ ഉദ്ദേശിക്കുന്നുണ്ടോ; വിശദമാക്കാമോ?

പൊതുഗതാഗത സൗകര്യങ്ങളുടെ അപര്യാപ്തത അനുഭവപ്പെടുന്ന ഗ്രാമപഞ്ചായത്തിലെയും മലയോര മേഖലയിലെയും സാമൂഹികമായി പിന്നോക്കം നില്‍ക്കുന്ന പ്രദേശങ്ങളിലെയും പൊതുഗതാഗത സൗകര്യങ്ങള്‍ വര്‍ദ്ധിപ്പിക്കുന്നതിന് പുതിയതായി പദ്ധതി ആവിഷ്കരിച്ചിട്ടുണ്ടോ;

ഉണ്ടെങ്കില്‍ ആയതിന്റെ വിശദാംശം ലഭ്യമാക്കാമോ?

സംസ്ഥാനത്ത് വര്‍ദ്ധിച്ചുവരുന്ന വാഹനങ്ങളുടെ എണ്ണം നിയന്ത്രിക്കുന്നതിന് സര്‍ക്കാര്‍ എന്തെങ്കിലും നടപടി സ്വീകരിച്ചിട്ടുണ്ടോ; ഉണ്ടെങ്കില്‍ വിശദാംശം നല്‍കുമോ?

സംസ്ഥാനത്ത് വാഹന അപകടങ്ങള്‍ കുറയ്ക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കുമോ;

കഴിഞ്ഞ ഒരു വര്‍ഷം എത്ര വാഹന അപകടങ്ങളാണ് റിപ്പോര്‍ട്ട് ചെയ്തിട്ടുള്ളതെന്ന് വിശദമാക്കുമോ?

നിലവിലെ സര്‍ക്കാര്‍ അധികാരത്തില്‍ വന്ന ശേഷം റോഡ് സേഫ്റ്റി ഫണ്ട് ഉപയോഗിച്ച് എന്തെല്ലാം പദ്ധതികളാണ് നടപ്പിലാക്കിയിട്ടുളളത്; ജില്ല തിരിച്ചുള്ള വിവരം ലഭ്യമാക്കുമോ;

റോഡ് സേഫ്റ്റി ഫണ്ടില്‍ ഉള്‍പ്പെടുത്തി പദ്ധതികൾ അനുവദിക്കുന്നതിനായി കോട്ടയം ജില്ലയില്‍ നിന്ന് പുതിയ പ്രെപ്പോസലുകൾ ലഭിച്ചിട്ടുണ്ടോ എന്ന് വ്യക്തമാക്കുമോ; ഉണ്ടെങ്കില്‍ വിശദാംശം നല്‍കുമോ?

സംസ്ഥാനത്ത് സ്കൂൾ വിദ്യാർത്ഥികളുടെ സുരക്ഷിത യാത്ര ഉറപ്പുവരുത്തുന്നതിന്റെ ഭാഗമായി വിദ്യാ വാഹൻ പദ്ധതി ആവിഷ്ക്കരിച്ചിട്ടുണ്ടോ; ഇതനുസരിച്ച് സംസ്ഥാനത്തെ മുഴുവൻ സ്കൂളുകളുടെയും വാഹന പരിശോധനാ നടപടികൾ സ്വീകരിച്ചിട്ടുണ്ടോ; വിശദാംശങ്ങൾ ലഭ്യമാക്കാമോ;

മുഴുവൻ സ്കൂൾ വാഹനങ്ങളിലും വെഹിക്കിൾ ലൊക്കേഷൻ ട്രാക്കിംഗ് സിസ്റ്റം, സ്പീഡ് ഗവർണർ എന്നിവ ഘടിപ്പിച്ചിട്ടുണ്ടോ എന്ന് ഉറപ്പുവരുത്തുന്നതിനായി നടപടികൾ സ്വീകരിച്ചിട്ടുണ്ടോ;

സ്കൂൾ വിദ്യാർത്ഥികളുടെ വാഹനയാത്ര സുരക്ഷിതമാക്കാൻ മറ്റെന്തെല്ലാം നടപടികളാണ് സ്വീകരിച്ചുവരുന്നത്; വിശദാംശങ്ങൾ നൽകാമോ?

കെ.എസ്.ആര്‍.ടി.സി. യെ കൂടുതല്‍ ലാഭത്തിലാക്കാൻ ഈ സര്‍ക്കാർ സ്വീകരിച്ചിട്ടുള്ള നടപടികള്‍ എന്തെല്ലാമെന്ന് അറിയിക്കുമോ;

കെ.എസ്.ആര്‍.ടി.സി. യെ കൂടുതല്‍ കാര്യക്ഷമമാക്കുന്നതിന് എന്തൊക്കെ പദ്ധതികളാണ് നടപ്പാക്കാനുദ്ദേശിക്കുന്നതെന്ന് അറിയിക്കുമോ;

രണ്ട് ലക്ഷം കോടി രൂപ വരെ മുതൽമുടക്ക് വരുന്ന സിൽവർ ലൈൻ പദ്ധതിക്ക് വേണ്ടി കെ.എസ്.ആര്‍.ടി.സി- യെ തകർക്കാനുള്ള നീക്കമാണ് ഇപ്പോൾ നടക്കുന്നതെന്ന ആരോപണം ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ?

കെ.എസ്.ആർ.ടി.സി. ജീവനക്കാര്‍ക്ക് ശമ്പളവും പെന്‍ഷനും നല്‍കുന്നതിന് ഈ സർക്കാർ അധികാരമേറ്റതിന് ശേഷം എത്ര കോടി രൂപയാണ് ഇതിനോടകം കെ.എസ്.ആർ.ടി.സി.-യ്ക്ക് കൈമാറിയതെന്ന് അറിയിക്കാമോ;

കെ.എസ്.ആർ.ടി.സി.-യുടെ തനത് വരുമാനം ഉപയോഗിച്ച് ജീവനക്കാരുടെ ശമ്പളവും മുന്‍ ജീവനക്കാരുടെ പെന്‍ഷനും നല്‍കാന്‍ കഴിയില്ലേയെന്ന് വ്യക്തമാക്കാമോ;

കെ.എസ്.ആർ.ടി.സി.-യുടെ തനത് വരുമാനം ഉയര്‍ത്തുന്നതിനും, കാലാനുസൃതമായ മാറ്റം വരുത്തി ഷെഡ്യുളുകള്‍ പുന:ക്രമീകരിക്കുന്നതിനും എന്തൊക്കെ നടപടികള്‍ സ്വീകരിക്കാനാണ് ഉദ്ദേശിക്കുന്നത്; വ്യക്തമാക്കാമോ;

കെ.എസ്.ആർ.ടി.സി. ക്ക് സ്വന്തമായുള്ള സ്ഥലം ഉപയോഗപ്പെടുത്തി കൂടുതല്‍ വരുമാനം കണ്ടെത്തുന്നതിനും ടിക്കറ്റ് ഇതര വരുമാനം ഉയര്‍ത്തുന്നതിനും എന്തെങ്കിലും നടപടി സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ?

കെ.എസ്.ആര്‍.ടി.സി. ബസ്സുകള്‍ സര്‍വ്വീസ് നടത്തിയിരുന്ന കണ്ണൂര്‍-പഴയങ്ങാടി-പിലാത്തറ-പയ്യന്നൂര്‍ റൂട്ടില്‍ ഇപ്പോള്‍ എത്ര ബസ് സര്‍വ്വീസ് നടത്തുന്നുണ്ട്; നിര്‍ത്തിവച്ച സര്‍വ്വീസുകള്‍ പുനരാരംഭിക്കാന്‍ നടപടി സ്വീകരിക്കുമോ;

ട്രെയിന്‍ യാത്രക്കാര്‍ക്കാരുടെ സൗകര്യാര്‍ത്ഥം ആരംഭിച്ച കണ്ണൂര്‍-പഴയങ്ങാടി-പയ്യന്നൂര്‍-കാഞ്ഞങ്ങാട് ബസ് സര്‍വ്വീസ് പുനരാരംഭിച്ചിട്ടുണ്ടോ;

പയ്യന്നൂര്‍ ഡിപ്പോയില്‍ നിന്ന് രാവിലെ അഞ്ച് മണിക്ക് പുറപ്പെട്ട് പഴയങ്ങാടി വഴി കണ്ണൂര്‍ റെയില്‍വേ സ്റ്റേഷനില്‍ രാവിലെ ആറ് മണിക്ക് എത്തിച്ചേരുന്ന കെ.എസ്.ആര്‍.ടി.സി. ബസ് ഇപ്പോള്‍ സര്‍വ്വീസ് നടത്തുന്നുണ്ടോ; ഇല്ലെങ്കില്‍ സര്‍വ്വീസ് നടത്താന്‍ നടപടി സ്വീകരിക്കുമോ?

കെ.എസ്.ആര്‍.ടി.സി. മലപ്പുറം ഡിപ്പോയിലെ കണ്ടക്ടറായ ശ്രീ.വി.എം.കൃഷ്ണദാസ് (പി.എഫ്.ഐ.ഡി.68158) ഡ്യൂട്ടിക്കിടയില്‍ ബസില്‍ വീണുണ്ടായ അപകടത്തെത്തുടർന്ന് പ്രസ്തുത കാലയളവിലെ അവധി സ്പെഷ്യല്‍ ഡിസബിലിറ്റി ലീവായി പരിഗണിക്കുന്നതിന് നല്‍കിയ അപേക്ഷ നിരസിച്ചിട്ടുണ്ടോ ; അര്‍ഹതപ്പെട്ട അപേക്ഷ നിരസിക്കാനിടയായ സാഹചര്യം അറിയിക്കുമോ;

പ്രസ്തുത അപേക്ഷ നിരസിച്ചതിനെതിരെ അപേക്ഷകന്‍ വകുപ്പ് മന്ത്രിയ്ക്ക് നല്‍കിയ അപേക്ഷയുടെ അടിസ്ഥാനത്തിൽ, അതിന്മേൽ തുടര്‍നടപടി സ്വീകരിക്കണമെന്നാവശ്യപ്പെട്ട് 24.02.2022 ലെ 241/VIP/2022/M(TRANS) നമ്പര്‍ കത്ത് പ്രകാരം കെ.എസ്.ആര്‍.ടി.സി. എം.ഡി.യ്ക്ക് നല്‍കിയ നിര്‍ദ്ദേശത്തിന്മേല്‍ സ്വീകരിച്ച നടപടികള്‍ എന്തെല്ലാമെന്ന് അറിയിക്കുമോ ;

പ്രസ്തുത നിർദ്ദേശത്തിന്മേൽ നാളിതുവരെ നടപടികള്‍ സ്വീകരിച്ചിട്ടില്ലെങ്കില്‍ കാലതാമസത്തിന് കാരണമെന്തെന്ന് അറിയിക്കുമോ; സമയബന്ധിതമായി അപേക്ഷ പരിഗണിയ്ക്കുന്നതിന് വേണ്ട നിര്‍ദ്ദേശം നല്‍കുമോ?

തിരുവനന്തപുരം-പെങ്ങാമുക്ക് സര്‍വ്വീസ് പുനരാരംഭിക്കണം എന്ന നിവേദനം ലഭ്യമായിട്ടുണ്ടാേ; സര്‍വ്വീസ് പുനരാരംഭിക്കാന്‍ നടപടി സ്വീകരിക്കുമാേ?

കോട്ടക്കല്‍ മണ്ഡലത്തിലെ ഗതാഗത ക്ലേശം പരിഹരിക്കുന്നതിനായി മലപ്പുറം- ചട്ടിപ്പറമ്പ് – വട്ടപ്പറമ്പ് –കാടാമ്പുഴ – വെട്ടിച്ചിറ – വളാഞ്ചേരി, കോട്ടയ്ക്കല്‍ - ഇന്ത്യാനൂര്‍- ചൂനൂര്‍- കോല്‍ക്കളം – ആക്കപ്പറമ്പ് – ചേങ്ങോട്ടൂര്‍ - ചട്ടിപ്പറമ്പ് – മലപ്പുറം , പെരിന്തല്‍മണ്ണ- പടപ്പറമ്പ് – ചേണ്ടി – എടയൂര്‍ - വളാഞ്ചേരി , പെരിന്തല്‍മണ്ണ – വളാഞ്ചേരി – മുക്കിലപ്പീടിക – പേരശ്ശന്നൂര്‍- എടച്ചലം –കുറ്റിപ്പുറം എന്നീ റൂട്ടുകളില്‍ കെ‌.എസ്‌.ആര്‍‌.ടി‌.സി. ബസ് സര്‍വ്വീസ് ആരംഭിക്കണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ;

പ്രസ്തുത ആവശ്യത്തിന്‍മേല്‍ സ്വീകരിച്ച നടപടി എന്തെല്ലാമെന്ന് വിശദമാക്കുമോ;

ഗതാഗത ക്ലേശമേറെയുള്ള പ്രസ്തുത റൂട്ടുകളില്‍ സര്‍വ്വീസ് ആരംഭിക്കുന്നതിനുള്ള നടപടി സ്വീകരിക്കുമോ?

വടക്കാഞ്ചേരി നഗരസഭാ പ്രദേശത്ത് നിലവിലുള്ള ബസ്റ്റാന്റിന്റെ ഒരു ഭാഗത്ത് കെ.എസ്.ആര്‍.ടി.സി ഡിപ്പോ തുടങ്ങുന്നതിനാവശ്യമായ നടപടി സ്വീകരിക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം കെ.എസ്.ആര്‍.ടി.സി.യിലെ ശമ്പള പ്രതിസന്ധി പരിഹരിക്കുന്നതിന് വേണ്ടി കോര്‍പ്പറേഷന് നല്‍കിയ സാമ്പത്തിക സഹായങ്ങള്‍ വ്യക്തമാക്കാമോ;

കെ.എസ്.ആര്‍.ടി.സി.യെ ലാഭത്തിലാക്കാന്‍ വേണ്ടി സര്‍ക്കാര്‍ നടപ്പിലാക്കുന്ന നൂതന പദ്ധതികള്‍ വിശദമാക്കാമോ?

മാവേലിക്കരയിലുള്ള കെ.എസ്.ആര്‍.ടി.സി. റീജിയണല്‍ വര്‍ക്ക് ഷോപ്പ് നവീകരിക്കുന്നതിന് സ്വീകരിച്ച നടപടി വിശദമാക്കുമാേ?

2021-22 സാമ്പത്തികവർഷത്തിൽ കെ. എസ്. ആര്‍. ടി. സി. യുടെ ടിക്കറ്റിതര വരുമാനം എത്രയായിരുന്നുവെന്നു വ്യക്തമാക്കാമോ;

ടിക്കറ്റിതര വരുമാനം വര്‍ദ്ധിപ്പിക്കുന്നതിന് കെ. എസ്. ആര്‍. ടി. സി. സ്വീകരിച്ചിട്ടുള്ള പദ്ധതികള്‍ വ്യക്തമാക്കാമോ?

കെ.എസ്.ആർ.ടി.സി. ജില്ലാ ഓഫീസ് കാസർഗോഡ് നിന്ന് കാഞ്ഞങ്ങാട് സബ് ഡിപ്പോയിലേക്ക് മാറ്റാൻ ഉത്തരവ് ഇറക്കിയിരുന്നോയെന്ന് വ്യക്തമാക്കാമോ;

പ്രസ്തുത ഉത്തരവ് റദ്ദ് ചെയ്ത് ജില്ലാ ഓഫീസ് കാസർഗോഡ് തന്നെ നിലനിർത്താൻ തീരുമാനിച്ചിരുന്നോ എന്ന് വ്യക്തമാക്കാമോ; എങ്കിൽ അത് സംബന്ധിച്ച തീരുമാനത്തിന്റെയും ഉത്തരവിന്റെയും പകർപ്പ് ലഭ്യമാക്കാമോ?

സംസ്ഥാനത്ത് ലാഭകരമായ ദീര്‍ഘദൂര സര്‍വ്വീസുകള്‍ നടത്തുവാന്‍ മാത്രമായി കെ.എസ്.ആര്‍.ടി.സി.യുടെ കീഴില്‍ കെ-സ്വിഫ്റ്റ് കമ്പനി രൂപീകരിച്ചിട്ടുണ്ടോ;

പ്രസ്തുത കമ്പനി രൂപീകരിക്കുന്നതുവഴി ഉദ്ദേശിക്കുന്ന മാറ്റങ്ങള്‍ എന്തൊക്കെയാണെന്ന് വിശദമാക്കുമോ;

കെ.എസ്.ആര്‍.ടി.സി.യെ സ്വകാര്യവല്‍ക്കരിക്കുവാനുള്ള നീക്കമാണ് ഇതിലുള്ളതെന്ന ആശങ്ക ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കുന്നതിന് സ്വീകരിച്ച നടപടി വെളിപ്പെടുത്താമോ;

പൊതു ഗതാഗതം കുത്തക കമ്പനികള്‍ക്ക് വിട്ടുകൊടുക്കുന്ന നടപടിയാണ് ഇതെന്ന ആരോപണം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് ഗൗരവത്തോടെ കാണുന്നുണ്ടോ എന്ന് വ്യക്തമാക്കാമോ?

മഞ്ചേശ്വരം ഗോവിന്ദ പൈ ഗവ. കോളേജിന് സമീപം കെ.എസ്.ആർ.ടി.സി. ബസ്സുകൾക്ക് സ്റ്റോപ്പില്ലാത്തതിനാൽ വിദ്യാർത്ഥികളും അധ്യാപകരും മറ്റു ജീവനക്കാരും ബുദ്ധിമുട്ട് അനുഭവിക്കുന്നത് ശ്രദ്ധയിൽപ്പെട്ടിട്ടുണ്ടോ;

പ്രസ്തുത സ്ഥലത്ത് ബസ്സുകൾക്ക് സ്റ്റോപ്പ് അനുവദിക്കുന്നതിന് നടപടി സ്വീകരിക്കുമോ ?

കെ.എസ്.ആർ.ടി.സി. യുടെ ഇന്ധനച്ചെലവ് കുറയ്ക്കുന്നതിന്റെ ഭാഗമായി സി.എൻ.ജി. ബസ്സുകൾ വാങ്ങുവാൻ തീരുമാനിച്ചിട്ടുണ്ടോയെന്ന് വ്യക്തമാക്കാമോ;

സി.എൻ.ജി. ഇന്ധനം ഉപയോഗിക്കുന്നതിലൂടെ ഇന്ധനച്ചെലവ് എത്രത്തോളം കുറയ്ക്കുവാൻ കഴിയുമെന്നാണ് കരുതുന്നതെന്ന് അറിയിക്കാമോ;

ബസ്സുകൾക്ക് സി.എൻ.ജി. ലഭിക്കുന്നതിനാവശ്യമായ സ്റ്റേഷനുകൾ പ്രവർത്തിപ്പിക്കുന്നതിന് എന്തെല്ലാം ക്രമീകരണങ്ങളാണ് ഏർപ്പെടുത്താൻ ഉദ്ദേശിക്കുന്നതെന്ന് വ്യക്തമാക്കാമോ?

മലപ്പുറം ജില്ലയിലെ നിലമ്പൂർ കെ.എസ്. ആർ.ടി.സി. ഷോപ്പിംഗ് കോംപ്ലക്സ് പാട്ടക്കരാർ വ്യവസ്ഥയിൽ ഏറ്റെടുത്ത് നടത്തുന്നതിന് നിലമ്പൂർ മർക്കന്റയിൽ സഹകരണ സംഘവുമായി ധാരണയിലെത്തിയിട്ടുണ്ടോ എന്ന് അറിയിക്കാമോ; വിശദാംശങ്ങൾ ലഭ്യമാക്കാമോ;

പ്രസ്തുത സംഘവുമായി കെ. എസ്.ആർ.ടി.സി കരാറിലേർപ്പെട്ടിട്ടുണ്ടോ; ഇല്ലെങ്കിൽ കാരണം വ്യക്തമാക്കാമോ; ഇതുവരെയും കരാറിലേർപ്പെടാത്തത് കാരണം ഷോപ്പിംഗ് കോംപ്ലക്സ് അന്യാധീനപ്പെട്ട് കിടക്കുന്നതു വഴി സർക്കാരിന് സാമ്പത്തിക നഷ്ടമുണ്ടാകുന്ന വിവരം ശ്രദ്ധയിൽപെട്ടിട്ടുണ്ടോ ; സാമ്പത്തിക പ്രതിസന്ധിയുള്ള കോർപ്പറേഷൻ ഇക്കാര്യം പരിഗണിക്കുമോ എന്ന് വിശദമാക്കാമോ ?

കെ.എസ്.ആര്‍.ടി.സി.യ്ക്ക് വരുമാനവും പൊതുജനങ്ങള്‍ക്ക് സൗകര്യവും ലഭ്യമാക്കുക എന്ന ലക്ഷ്യത്തോടെ നടപ്പാക്കിയ ഷോപ്പ് ഓണ്‍ വീല്‍സ് പദ്ധതിയുടെ വിശദാംശങ്ങള്‍ ലഭ്യമാക്കാമോ; ഇതുവഴി എന്തൊക്കെ കാര്യങ്ങളാണ് ലക്ഷ്യമിടുന്നതെന്ന് വ്യക്തമാക്കാമോ;

കെ.എസ്.ആര്‍.ടി.സി.യെ മെച്ചപ്പെടുത്തുന്നതിന്റെ ഭാഗമായി മറ്റെന്തെല്ലാം നൂതന പദ്ധതികളാണ് നടപ്പിലാക്കിവരുന്നത്; ലക്ഷ്യപ്രാപ്തി കൈവരിക്കാന്‍ എത്രത്തോളം കഴിഞ്ഞിട്ടുണ്ട്; വിശദാംശങ്ങള്‍ നല്‍കാമോ?

കെ.എസ്.ആർ.ടി.സി. അന്തർസംസ്ഥാന സര്‍വ്വീസ് നടത്തുന്നതിനുള്ള റൂട്ട് പെര്‍മിററ് സംബന്ധിച്ച് ഏതെല്ലാം സംസ്ഥാനങ്ങളുമായി ധാരണയുണ്ടാക്കിയിട്ടുണ്ട്; വിശദമാക്കാമോ;

ഇതു സംബന്ധിച്ച് ഓരോ സംസ്ഥാനവുമായി ഉണ്ടാക്കിയിട്ടുള്ള ധാരണയുടെ വിശദവിവരം വെളിപ്പെടുത്തുമോ;

01.07.1976-ലെയും 30.06.1976-ലെയും ധാരണാപത്രങ്ങള്‍ എത്ര തവണ മാറ്റം വരുത്തിയിട്ടുണ്ട്; വിശദമാക്കാമോ;

കെ-സ്വിഫ്റ്റ് പദ്ധതി നിലവില്‍ വരുന്ന സാഹചര്യത്തില്‍ ധാരണാപത്രം പുതുക്കേണ്ടതുണ്ടോ; വിശദമാക്കാമോ;

കെ.എസ്.ആർ.ടി.സി. നിലവിൽ നടത്തുന്ന അന്തർസംസ്ഥാന സര്‍വ്വീസുകള്‍ ലാഭകരമാണോ; ആയതിന്റെ വിശദാംശങ്ങള്‍ ലഭ്യമാക്കാമോ?

കെ.എസ്.ആര്‍.ടി.സി. യുടെ ദീര്‍ഘദൂര സര്‍വ്വീസ് നടത്തിപ്പില്‍ എന്തെങ്കിലും പ്രതിസന്ധി നേരിടുന്നുണ്ടോയെന്ന് വ്യക്തമാക്കാമോ;

ഇത്തരം സര്‍വ്വീസുകള്‍ നടത്തുവാന്‍ മാത്രമായി ഒരു പ്രത്യേക കമ്പനി രൂപീകരിച്ചിട്ടുണ്ടോയെന്ന് വ്യക്തമാക്കാമോ;

കെ.എസ്.ആര്‍.ടി.സി. യെയും നിലവിലെ തൊഴിലാളികളെയും ഇത് എപ്രകാരം ബാധിയ്ക്കുമെന്ന് പഠിച്ചിട്ടുണ്ടോയെന്ന് വെളിപ്പെടുത്തുമോ;

തൊഴിലാളികളുടെ ആനുകൂല്യങ്ങളും അവകാശങ്ങളും നിഷേധിക്കാനാണ് ഇത്തരത്തിൽ പൊതുമേഖലാ സ്ഥാപനത്തെ സ്വതന്ത്ര കമ്പനിയായി വിഭജിച്ചതെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് ഗൗരവത്തോടെ കാണുന്നുണ്ടോ;

പിൻവാതിൽ നിയമനത്തിനാണ് പുതിയ കമ്പനി രൂപീകരിച്ചതെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് ഗൗരവത്തോടെ കാണുന്നുണ്ടോ;

കെ-സ്വിഫ്റ്റ് കമ്പനിയിലെ തൊഴിലാളികളുടെ ജോലി വ്യവസ്ഥയും അവകാശങ്ങളും വിശദമാക്കാമോ?

കാട്ടാക്കട കെ.എസ്.ആര്‍.ടി.സി. ഡിപ്പോയില്‍ നിന്നും നിര്‍ത്തിവച്ചിരുന്ന കിള്ളി-മണലി- മേച്ചിറ വഴിയുള്ള സര്‍വ്വീസുകള്‍ പുനരാരംഭിക്കാന്‍ നടപടി സ്വീകരിക്കാമോ; പ്രദേശവാസികളുടെ ആശങ്കകള്‍ക്ക് പരിഹാരം കാണുമോ; വിശദാംശം ലഭ്യമാക്കാമോ?

സ്ഥലപരിമിതി മൂലം പ്രയാസമനുഭവപ്പെടുന്ന സര്‍ക്കാര്‍ സ്കൂളുകളില്‍ ക്ലാസ്സ് മുറികള്‍ സജ്ജമാക്കുന്നതിന് കെ.എസ്‌.ആർ.ടി.സി. ബസ്സുകള്‍ ലഭിക്കുന്നതിനുള്ള നടപടിക്രമം വിശദമാക്കുമോ;

പ്രസ്തുത പദ്ധതി പ്രകാരം എവിടെയെല്ലാം ബസ്സുകള്‍ അനുവദിച്ചിട്ടുണ്ടെന്ന കാര്യം വ്യക്തമാക്കുമോ?

കെ. എസ്. ആര്‍. ടി. സി വേണാട് ബസില്‍ വിദ്യാര്‍ത്ഥികള്‍ക്ക് കണ്‍സെഷന്‍ അനുവദിക്കുന്നതിനായി പകല്‍കുറി എച്ച്.എസ്സ്.എസ്സ് ഭാരവാഹികള്‍ സമര്‍പ്പിച്ച നിവേദനത്തിന്‍മേല്‍ നടപടി സ്വീകരിക്കാമോ?

2022 മെയ് 31 വരെയുള്ള കെ.എസ്.ആര്‍.ടി.സി.യുടെ ആകെ സഞ്ചിത നഷ്ടം എത്ര രൂപയെന്ന് വിശദമാക്കാമാേ;

പ്രസ്തുത നഷ്ടം നികത്താന്‍ സ്വീകരിച്ചിരിക്കുന്ന പദ്ധതികള്‍ എന്തെല്ലാമെന്ന് വ്യക്തമാക്കാമാേ;

നിലവില്‍ കെ.എസ്.ആര്‍.ടി.സി. യുടെ ശരാശരി ദെെനംദിന കളക്ഷന്‍ എത്രയെന്ന് അറിയിക്കാമാേ; ഒരു ദിവസത്തെ ശരാശരി ചെലവ് എത്ര രൂപയാണ്; വ്യക്തമാക്കാമാേ;

ഗ്യാരന്റി കമ്മീഷനായി കെ.എസ്.ആര്‍.ടി.സി. സര്‍ക്കാരിന് അടയ്ക്കേണ്ട തുക എത്രയെന്ന് വിശദമാക്കാമാേ?

കോവിഡ് നിയന്ത്രണങ്ങളുടെ ഭാഗമായി ഈരാറ്റുപേട്ട കെ.എസ്.ആർ.ടി.സി. ഡിപ്പോയില്‍ നിർത്തലാക്കിയിരുന്ന സർവ്വീസുകൾ എല്ലാം പുനരാരംഭിക്കാൻ നടപടി സ്വീകരിച്ചിട്ടുണ്ടോയെന്ന് വ്യക്തമാക്കുമോ;

കെ.എസ്.ആർ.ടി.സി. മാത്രം സർവ്വീസ് നടത്തിയിരുന്ന റൂട്ടുകളിലെ ജനങ്ങളുടെ യാത്രാക്ലേശം പരിഹരിക്കാനായി, പ്രസ്തുത സർവ്വീസുകൾ അടിയന്തരമായി പുനരാരംഭിക്കാൻ നടപടി സ്വീകരിക്കുമോയെന്ന് വ്യക്തമാക്കുമോ;

പൂഞ്ഞാർ മണ്ഡലത്തിലെ ജനങ്ങളുടെ രാത്രിയാത്രാ ക്ലേശം പരിഹരിക്കുന്നതിനായി ഈരാറ്റുപേട്ട ഡിപ്പോയിലേക്ക് ഉണ്ടായിരുന്ന നൈറ്റ് സ്റ്റേ ബസ്സുകൾ പുനരാംഭിക്കുന്നതിനാവശ്യമായ നടപടി സ്വീകരിക്കുമോയെന്ന് വ്യക്തമാക്കുമോ?

അർബൻ മെട്രോ ട്രാൻസ്‌പോർട് അതോറിറ്റിയുടെ കൊച്ചിയിലെ പ്രവർത്തനം എന്ന് പൂർണതോതിൽ ആരംഭിക്കുവാൻ കഴിയുമെന്ന് വ്യക്തമാക്കുമോ ;

അതോറിറ്റിയിൽ നിലവിൽ എത്ര ജീവനക്കാർ ഉണ്ടെന്നും ആവശ്യമായ ജീവനക്കാരെ നിയമിക്കുവാൻ എന്ത് നടപടി സ്വീകരിച്ചുവെന്നും വ്യക്തമാക്കുമോ ?

മാനന്തവാടി കെ.എസ്.ആര്‍.ടി.സി. ഡിപ്പോയിലെ കോവിഡിന് ശേഷമുള്ള ഒരു ദിവസത്തെ ശരാശരി വരുമാനം എത്രയാണെന്ന് വ്യക്തമാക്കാമോ;

പ്രസ്തുത ഡിപ്പോയില്‍ നിന്നും നിലവില്‍ എത്ര ഷെഡ്യൂള്‍ ഓപ്പറേറ്റ് ചെയ്യുന്നുണ്ടെന്ന് വ്യക്തമാക്കാമോ;

പ്രസ്തുത ഡിപ്പോയിലെ ഏറ്റവും വരുമാനമുള്ള ഷെഡ്യൂള്‍ ഏതാണെന്ന് വ്യക്തമാക്കാമോ?

തദ്ദേശസ്വയംഭരണ സ്ഥാപനങ്ങളുടെ സഹകരണത്തോടെ ആരംഭിക്കുന്ന ഗ്രാമവണ്ടി പദ്ധതി എവിടെയെല്ലാം ആരംഭിച്ചുവെന്ന് വ്യക്തമാക്കാമോ;

ലാഭകരമല്ലാത്ത റൂട്ടുകളില്‍ കെ.എസ്.ആര്‍.ടി.സി. സര്‍വ്വീസ് നിര്‍ത്തലാക്കിയതുമൂലം പ്രസ്തുത റൂട്ടുകളില്‍ ഗ്രാമവണ്ടി പദ്ധതി നടപ്പിലാക്കുന്നത് പ്രായോഗികമാണെന്ന് വിലയിരുത്തിയിട്ടുണ്ടോ; ഉണ്ടെങ്കില്‍ വിശദമാക്കാമോ;

കോവി‍ഡ്‍മൂലം നിര്‍ത്തലാക്കിയ പല ബസ് സര്‍വ്വീസുകളും ആദിവാസി മേഖലയിലേയും ഒറ്റപ്പെട്ട സ്കൂള്‍ മേഖലയിലേയും വിദ്യാര്‍ത്ഥികള്‍ക്കും പൊതുജനങ്ങള്‍ക്കും വലിയ ബുദ്ധിമുട്ടുകള്‍ ഉണ്ടാക്കുന്നുവെന്ന പരാതി ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇത് പരിഹരിക്കാന്‍ നടപടി സ്വീകരിക്കുമോ; വിശദമാക്കാമോ?

ജെ.എൻ.എൻ.യു.ആർ.എം. പദ്ധതി പ്രകാരം എത്ര ലോ ഫ്ലോർ ബസ്സുകളാണ് കെ.എസ്.ആർ.ടി.സി. നാളിതുവരെ വാങ്ങിയിട്ടുള്ളത്; ഏതൊക്കെ കമ്പനികളുടെ എത്ര വീതം ബസ്സുകളാണ് കോർപ്പറേഷൻ സ്വന്തമാക്കിയിട്ടുള്ളത്; ജില്ല തിരിച്ചുള്ള കണക്ക് ലഭ്യമാക്കുമോ;

ആയതിൽ എത്ര ബസ്സുകളാണ് നിലവിൽ നിരത്തുകളിൽ ഓടിക്കുന്നതിനായി ഉപയോഗിക്കുന്നതെന്ന് അറിയിക്കാമോ;

പ്രവർത്തനക്ഷമമല്ലാത്ത ലോ ഫ്ലോർ ബസ്സുകൾ സ്ക്രാപ്പ് ചെയ്യുന്നതിന് കോർപ്പറേഷൻ തീരുമാനിക്കുകയുണ്ടായോ; എങ്കിൽ എത്ര ലോ ഫ്ലോർ ബസ്സുകളാണ് ഇപ്രകാരം സ്ക്രാപ്പ് ചെയ്യുന്നതിനായി തീരുമാനിച്ചിട്ടുള്ളതെന്ന് വ്യക്തമാക്കാമോ;

ബസ്സുകൾ സ്ക്രാപ്പ് ചെയ്യുന്നത് സംബന്ധിച്ച് കെ.എസ്.ആർ.ടി.സി.-യിൽ നിലവിലുള്ള മാനദണ്ഡങ്ങൾ എന്തൊക്കെയാണ്; വിശദാംശങ്ങൾ ലഭ്യമാക്കുമോ?

2022 ജനുവരി മുതല്‍ മെയ് വരെ സർവീസ് നടത്തിയ വകയിൽ ഓരോ മാസവും കെ.എസ്.ആര്‍.ടി.സി. യ്ക് ലഭിച്ച വരുമാനം വ്യക്തമാക്കാമോ;

പ്രസ്തുത കാലയളവിലെ ഓരോ മാസത്തേയും ശമ്പളച്ചെലവും ഇന്ധനച്ചെലവും വ്യക്തമാക്കാമോ;

2022 ജനുവരി മുതല്‍ മെയ് വരെ ഓരോ മാസത്തേയും ശമ്പളം ഏത് ദിവസത്തിലാണ് വിതരണം ചെയ്തു തുടങ്ങിയത്; വ്യക്തമാക്കാമോ;

കെ.എസ്.ആര്‍.ടി.സി. ജീവനക്കാരുടെ ശമ്പളം മാസത്തിലെ ഏതു തീയതിയിലാണ് വിതരണം ചെയ്യേണ്ടതെന്ന് വ്യക്തമാക്കാമോ;

എല്ലാ മാസവും 5-ാം തീയതിയ്ക്കകം ശമ്പളം നല്‍കാമെന്ന് കെ.എസ്.ആര്‍.ടി.സി. ജീവനക്കാര്‍ക്ക് സര്‍ക്കാര്‍ ഉറപ്പു നല്കിയിട്ടുണ്ടോ; വ്യക്തമാക്കാമോ‌?

ഈ സർക്കാർ അധികാരത്തിൽ വന്നതിനു ശേഷം കെ.എസ്.ആര്‍.ടി.സി -ക്കായി എത്ര പുതിയ ബസുകൾ വാങ്ങിയിട്ടുണ്ട് ; ആയതിനു ചെലവഴിച്ച തുക എത്ര;

കെ.എസ്.ആര്‍.ടി.സി. യുടെ പ്രതിദിന നഷ്ടവും പ്രതിദിന വരുമാനവും എത്ര രൂപയാണെന്ന് വെളിപ്പെടുത്തുമോ;

ഈ സര്‍ക്കാര്‍ അധികാരത്തിൽ വന്നതിനു ശേഷം വിവിധ ഇനങ്ങളിലായി കെ‌.എസ്‌.ആര്‍‌.ടി‌.സി- യ്ക്ക് ആകെ എത്ര തുക അനുവദിച്ചിട്ടുണ്ടെന്ന് അറിയിക്കുമോ;

ജന്‍റം സർവീസിനായി ലഭിച്ച ബസ്സുകളും സ്കാനിയ പോലുള്ള ബസ്സുകളും എത്രയാണെന്ന് അറിയിക്കാമോ; യഥാസമയം മെയിന്റനൻസ് ഇല്ലാതിരുന്നതു മൂലം എത്രയെണ്ണം നശിക്കുന്നുണ്ട് എന്നും ആയിനത്തിലുളള നഷ്ടം എത്രയെന്നും അറിയിക്കുമോ ;

കെ‌.എസ്‌.ആര്‍‌.ടി‌.സി-യെ രക്ഷപെടുത്തുന്നതിനു സ്വീകരിച്ചിട്ടുള്ള നടപടികൾ എന്തെല്ലാം; വിശദാംശം നൽകുമോ ?

2022 -23 സാമ്പത്തിക വർഷത്തിൽ കെ.എസ്.ആർ.ടി.സി.-യ്ക്ക് വകയിരുത്തിയ ബഡ്ജറ്റ് വിഹിതം എത്രയാണ്; ആയതിൽ നിന്നും 2022 മേയ് 31 വരെ അനുവദിച്ച തുക എത്രയാണ്; വിശദാംശം ലഭ്യമാക്കുമോ;

കഴിഞ്ഞ സർക്കാരിന്റെ കാലത്തും ഈ സർക്കാർ അധികാരത്തിൽ വന്നതിന് ശേഷവും കെ.എസ്.ആർ.ടി.സി. എത്ര പുതിയ ബസ്സുകൾ വാങ്ങിയിട്ടുണ്ട്; ഇതിനായി എത്ര തുക ചെലവഴിച്ചു; വിശദമാക്കുമോ?

കെ.എസ്.ആര്‍.ടി.സി.യില്‍ പ്രതിസന്ധി തുട‍ർന്നാൽ ഒരു വിഭാഗം ജീവനക്കാരെ പിരിച്ചുവിടുമെന്ന് തീരുമാനിച്ചിട്ടുണ്ടോ; വ്യക്തമാക്കാമോ;

ഇത് സംബന്ധിച്ച വകുപ്പുമന്ത്രിയുടെ പ്രസ്താവന സർക്കാരിന്റെ തീരുമാനത്തിന്റെ അടിസ്ഥാനത്തിലാണോ എന്ന് വ്യക്തമാക്കാമോ;

കെ.എസ്.ആര്‍.ടി.സി.യിലെ നിലവിലെ പ്രതിസന്ധിയുടെ കാരണം സർക്കാർ പഠന വിധേയമാക്കിയിട്ടുണ്ടോ;

എങ്കിൽ പ്രസ്തുത പ്രതിസന്ധി പരിഹരിക്കാൻ എന്തൊക്കെ നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കാമോ?

കോവിഡ് കാലത്ത് നിര്‍ത്താലാക്കിയ കുണ്ടറ നിയോജകമണ്ഡലത്തിലെ എത്ര കെ.എസ്.ആര്‍.ടി.സി. സര്‍വ്വീസുകളാണ് പുനരാരംഭിച്ചിട്ടുളളതെന്ന് വ്യക്തമാക്കാമോ;

പ്രസ്തുത മണ്ഡലത്തിലേയ്ക്കായി പുതുതായി സര്‍വ്വീസുകള്‍ ആരംഭിക്കുന്നതിനുളള നടപടി സ്വീകരിച്ചിട്ടുണ്ടോ; വ്യക്തമാക്കാമോ?

കെ.എസ്.ആര്‍.ടി.സി.യിലെ തൊഴിലാളി സംഘടനകൾ സമരത്തിലാണ് എന്നത് സർക്കാർ ഗൗരവത്തോടെ കാണുന്നുണ്ടോ;

പ്രസ്തുത സമരങ്ങൾ തീർക്കാൻ സ്വീകരിച്ച നടപടികൾ അറിയിക്കാമോ;

കെ.എസ്.ആര്‍.ടി.സി. ജീവനക്കാർക്ക് സമയബന്ധിതമായി ശമ്പളം ലഭ്യമാക്കാൻ സ്വീകരിച്ച നടപടികൾ വിശദമാക്കാമോ?

കെ.എസ്.ആർ.ടി.സി. മുന്‍ എം. പാനല്‍ ജീവനക്കാരനായിരുന്ന കോട്ടയം ബ്രഹ്മമംഗലം സ്വദേശി തൂങ്ങി മരിച്ച സംഭവം ഗൗരവത്തോടെ കാണുന്നുണ്ടോയെന്ന് അറിയിക്കാമോ;

കെ-സ്വിഫ്റ്റ് കമ്പനി തുടങ്ങുമ്പോൾ മുൻ എം. പാനൽ ജീവനക്കാർക്ക് മുൻഗണന നൽകുമെന്ന് ഉറപ്പ് നൽകിയത് പാലിക്കാൻ സാധിച്ചിട്ടുണ്ടോയെന്ന് വ്യക്തമാക്കാമോ;

ഇല്ലെങ്കിൽ ആയതിന്റെ കാരണം വിശദമാക്കാമോ?

കെ.എസ്.ആർ.ടി.സി.-യിൽ നിന്ന് പിരിച്ചുവിട്ട എം. പാനൽ ജീവനക്കാർക്ക് കെ-സ്വിഫ്റ്റിൽ ജോലി നൽകുമെന്ന് മുഖ്യമന്ത്രിയും കെ.എസ്.ആർ.ടി.സി. എം.ഡി.യും പ്രഖ്യാപിച്ചത് സർക്കാർ തീരുമാനത്തിന്റെ അടിസ്ഥാനത്തിലാണോയെന്ന് വ്യക്തമാക്കാമോ;

ആയത് നടപ്പിലാക്കാൻ സാധിക്കാത്തതിന്റെ കാരണം വിശദമാക്കാമോ;

എം. പാനലുകാരെ ഒഴിവാക്കി കെ-സ്വിഫ്റ്റിലേക്ക് ജീവനക്കാരെ തെരഞ്ഞെടുക്കാൻ കാരണം പകുതി കൂലി നൽകി ജോലിയെടുപ്പിക്കാനാണ് എന്ന ആരോപണം വസ്തുതാപരമാണോയെന്ന് വ്യക്തമാക്കാമോ;

കെ.എസ്.ആർ.ടി.സി. യിലെ തൊഴിലാളികൾക്ക് നൽകുന്നതിന്റെ പകുതി മാത്രം കൂലി നൽകിയാണോ കെ-സ്വിഫ്റ്റ് പ്രവർത്തിക്കുന്നതെന്ന് വ്യക്തമാക്കാമോ?

സർക്കാർ ജീനക്കാർക്ക് എല്ലാ മാസവും നിശ്ചിത ദിവസങ്ങളിൽ ശമ്പളം വിതരണം ചെയ്യുന്നത് പോലെ കെ.എസ്.ആർ.ടി.സി. ജീവനക്കാരുടെ ശമ്പളം വിതരണം ചെയ്യാൻ കഴിയുന്നുണ്ടോ; ഇല്ലായെങ്കിൽ കാരണം വിശദമാക്കുമോ;

എല്ലാ മാസവും അഞ്ചാം തീയതിക്ക് മുൻപ് ശമ്പളം വിതരണം ചെയ്യണമെന്ന കെ.എസ്.ആർ.ടി.സി. ജീവനക്കാരുടെ ആവശ്യം നടപ്പാക്കുന്നതിന് സ്വീകരിക്കാനുദ്ദേശിക്കുന്ന നടപടികൾ എന്തെല്ലാമാണെന്ന് വ്യക്തമാക്കാമോ;

ശമ്പള വിതരണത്തിനാവശ്യമായ തുക ലഭിക്കും വിധം സർവ്വീസുകൾ പുന:ക്രമീകരിക്കാൻ നടപടി സ്വീകരിക്കുമോ?

പൊതുമേഖലാ പെട്രോളിയം കമ്പനികള്‍ കെ.എസ്.ആര്‍.ടി.സി.ക്ക് ഡീസൽ നൽകുമ്പോൾ ഒരു ലിറ്റര്‍ ഡീസലിന് മുകളിൽ വിപണി നിരക്കിനേക്കാള്‍ എത്ര രൂപയാണ് അധികം ഈടാക്കി വരുന്നത്; വിശദമാക്കാമോ;

ഇതിനെതിരെ സര്‍ക്കാര്‍ കൈക്കൊണ്ട നടപടികള്‍ വിശദമാക്കാമോ; നടപടികള്‍ക്ക് ശേഷമുള്ള സ്ഥിതി വിശദമാക്കാമോ?

കെ.എസ്.ആർ.ടി.സി.യുടെ വയനാട് ജില്ലാ ഓഫീസ് കൽപ്പറ്റയിൽ നിന്നും സുൽത്താൻ ബത്തേരിയിലേക്ക് മാറ്റാൻ തീരുമാനിച്ചിട്ടുണ്ടോ; വിശദാംശങ്ങൾ ലഭ്യമാക്കാമോ;

ഇതിന്റെ ഭാഗമായി ഉദ്യോഗസ്ഥരെ കൽപ്പറ്റ, മാനന്തവാടി ഡിപ്പോകളിൽ നിന്നും സുൽത്താൻ ബത്തേരിയിലേക്ക് സ്ഥലം മാറ്റിയിട്ടുണ്ടോ; വിശദാംശങ്ങൾ നൽകാമോ;

കോഴിക്കോട് നിന്ന് രാത്രികാലങ്ങളിൽ വയനാട്ടിലേക്ക് ആവശ്യത്തിന് കെ.എസ്.ആർ.ടി.സി. ബസ് സർവീസ് ഇല്ല എന്നത് സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ ആയത് പരിഹരിക്കാൻ എന്തെങ്കിലും നടപടികൾ സ്വീകരിച്ചിട്ടുണ്ടോ; വിശദാംശങ്ങൾ ലഭ്യമാക്കാമോ?

അഴിക്കാേട് മണ്ഡലത്തിലൂടെയുള്ള കെ.എസ്‌.ആർ.ടി.സി. ബസ് സർവീസുകളിൽ എത്രയെണ്ണം കാേവിഡ് സാഹചര്യത്തില്‍ നിര്‍ത്തലാക്കിയിട്ടുണ്ട്; വിശദാംശങ്ങള്‍ ലഭ്യമാക്കാമാേ;

അതിൽ പുനരാരംഭിച്ച സര്‍വ്വീസുകള്‍ എത്ര എണ്ണമുണ്ട്; വിശദാംശങ്ങള്‍ ലഭ്യമാക്കുമാേ;

പുനരാരംഭിക്കാന്‍ ബാക്കിയുള്ള സര്‍വ്വീസുകള്‍ എത്രയും പെട്ടെന്ന് ആരംഭിക്കുന്നതിനുള്ള നടപടികള്‍ സ്വീകരിക്കുമാേ?

കെ.എസ്.ആർ.ടി.സി.യുടെ പ്രവർത്തനം മെച്ചപ്പെടുത്തുന്നതിന്റെ ഭാഗമായി സി.എൻ.ജി. ബസ്സുകൾ വാങ്ങുന്നതിന് എന്തെല്ലാം നടപടികൾ ഇതിനകം സ്വീകരിച്ചിട്ടുണ്ട്;

ഇതിനായി എന്തു തുക ചെലവാകുമെന്നാണ് പ്രതീക്ഷിക്കുന്നത്;

പ്രസ്തുത ബസ്സുകൾ വാങ്ങുന്നതിനായി വായ്പയെടുക്കുന്ന തുകയുടെ തിരിച്ചടവ് കാലാവധി എപ്രകാരമാണ്; വിശദമാക്കുമോ?

കെ.എസ്.ആര്‍.ടി.സി. തിരുവനന്തപുരം നഗരത്തിൽ നടപ്പിലാക്കിയ സിറ്റി സര്‍ക്കുലര്‍ ബസ് സര്‍വ്വീസ് വിജകരമാണോ; വ്യക്തമാക്കാമോ;

വീതികുറഞ്ഞതും തിരക്കേറിയതുമായ നഗര റോഡുകളിലൂടെ വലിപ്പമേറിയ സിറ്റി സര്‍ക്കുലര്‍ ബസ്സുകള്‍ സര്‍വ്വീസ് നടത്തുന്നതുമൂലം ഗതാഗത കുരുക്ക് രൂക്ഷമാകുന്ന കാര്യം ശ്രദ്ധയില്‍പെട്ടിട്ടുണ്ടോ;

സിറ്റി സര്‍ക്കുലര്‍ സര്‍വ്വീസിനായി വലിപ്പം കുറഞ്ഞ ബസ്സുകള്‍ ഉപയോഗിക്കുന്ന കാര്യം പരിഗണിക്കുമോ?

കെ.എസ്.ആര്‍.ടി.സി. ബോണ്ട് അടിസ്ഥാനത്തില്‍ നിലവിൽ എത്ര സര്‍വ്വീസുകളാണ് നടത്തി വരുന്നതെന്ന് വ്യക്തമാക്കാമോ;

ഏതെല്ലാം ജില്ലകളിലെ സ്കൂളുകൾക്കാണ് ബോണ്ട് സര്‍വ്വീസ് അനുവദിച്ചിട്ടുള്ളത് എന്ന് വ്യക്തമാക്കാമോ;

തിരുവനന്തപുരം ജില്ലയിലെ സ്കൂളുകളില്‍ ബോണ്ട് സര്‍വ്വീസ് ആരംഭിച്ചിട്ടുണ്ടോ; എങ്കില്‍ ഏതെല്ലാം സ്കൂളുകളിലെന്ന് വ്യക്തമാക്കാമോ?

കോവളം മണ്ഡലത്തിലെ വിഴിഞ്ഞം കെ.എസ്.ആർ.ടി.സി. കെട്ടിടം പുതുക്കി പണിയുന്നതിനായി ഡിപ്പോ നവീകരണത്തിനുള്ള പ്ലാൻ ഫണ്ടിൽ നിന്നും മൂന്നു കോടി രൂപ അനുവദിക്കാൻ അഭ്യർത്ഥിച്ചുകൊണ്ട് നൽകിയ 14.03.2022-ലെ കത്തിന്മേൽ എന്തൊക്കെ നടപടി സ്വീകരിച്ചെന്ന് വ്യക്തമാക്കുമോ?

കഴിഞ്ഞ അഞ്ച് വര്‍ഷത്തിനിടയില്‍ ഇരിക്കൂര്‍ മണ്ഡലത്തിലൂടെ സര്‍വ്വീസ് നടത്തിയിരുന്ന എത്ര കെ.എസ്.ആര്‍.ടി.സി. ബസ് സര്‍വ്വീസുകളാണ് നിര്‍ത്തലാക്കിയത്; നിർത്തലാക്കിയ സര്‍വ്വീസുകളുടെ റൂട്ട്, സമയം എന്നിവ സംബന്ധിച്ച വിശദാംശങ്ങള്‍ അറിയിക്കാമോ;

പ്രസ്തുത സര്‍വ്വീസുകള്‍ പുന:സ്ഥാപിക്കുന്നതിനുള്ള നടപടികള്‍ സ്വീകരിക്കുമോ; വ്യക്തമാക്കുമോ?

മൂന്നാർ കെ.എസ്.ആർ.ടി.സി. ഡിപ്പോയിൽ നിന്നും തമിഴ്‍‍‍നാട്ടിലേക്ക് കെ-സ്വിഫ്റ്റ് സർവ്വീസ് ആരംഭിക്കുന്നതിന് നടപടി സ്വീകരിച്ചിട്ടുണ്ടോ; വിശദമാക്കാമോ?

പുനലൂര്‍-മൂവാറ്റുപുഴ സംസ്ഥാന പാതയിലൂടെ കെ.എസ്.ആര്‍.ടി.സി. നിലവില്‍ എത്ര അന്തര്‍ജില്ലാ സര്‍വീസ് നടത്തുന്നുണ്ടെന്ന് വിശദമാക്കാമോ;

പ്രസ്തുത പാതയുടെ ഭൂരിഭാഗവും ഉന്നത നിലവാരത്തില്‍ പുനരുദ്ധാരണം പൂര്‍ത്തിയായ സാഹചര്യത്തില്‍ പുനലൂര്‍ മുതല്‍ മൂവാറ്റുപുഴ വരെ അന്തര്‍ജില്ലാ സര്‍വീസ് ആരംഭിക്കാന്‍ നടപടി സ്വീകരിക്കാമോ?

തിരൂരങ്ങാടി മണ്ഡലത്തിൽ കോഴിക്കോട്-ചെമ്മാട്-തിരൂർ റൂട്ടിലൂടെ കെ.എസ്.ആർ.ടി.സി നടത്തിയിരുന്ന രണ്ട് സർവീസുകൾ നിർത്തി വെച്ചത് ശ്രദ്ധയിൽപെട്ടിട്ടുണ്ടോ; ഉണ്ടെങ്കിൽ അതിന്റെ കാരണങ്ങൾ വിശദമാക്കാമോ;

പ്രസ്തുത സർവീസ് പുന:സ്ഥാപിക്കുന്നതിന് സർക്കാർ നടപടി സ്വീകരിക്കുമോ ?

കാെല്ലം ജില്ലയില്‍ കാെല്ലത്തിനും കരുനാഗപ്പള്ളിയ്ക്കും ഇടയില്‍ സൂപ്പര്‍ ഫാസ്റ്റിന് ഫെയര്‍ സ്റ്റേജ് അനുവദിച്ചിട്ടുണ്ടാേ; സൂപ്പര്‍ ഫാസ്റ്റിന് കാെല്ലത്തിനും കരുനാഗപ്പള്ളിയ്ക്കും ഇടയിലുള്ള സ്റ്റോപ്പുകള്‍ ഏതാെക്കെയാണെന്ന് വ്യക്തമാക്കാമോ?

പെരിന്തല്‍മണ്ണ കെ.എസ്.ആര്‍.ടി.സി. ഡിപ്പോയില്‍ നിന്നും കൂടുതല്‍ ദീര്‍ഘദൂര സര്‍വ്വീസുകള്‍ ആരംഭിക്കുന്നതിന് നടപടി സ്വീകരിക്കുമോ എന്ന് വിശദമാക്കാമോ;

ഇതിനായി കൂടുതല്‍ ബസ് അനുവദിക്കുമോ എന്ന് വ്യക്തമാക്കുമോ?

തിരൂരില്‍ നിന്ന് തൃശ്ശൂര്‍, എറണാകുളം, തിരുവനന്തപുരം ഭാഗത്തേക്ക് ആവശ്യത്തിന് കെ.എസ്.ആര്‍.ടി.സി. ദീര്‍ഘദൂര ബസ്സുകള്‍ ഇല്ലായെന്നത് ശ്രദ്ധയില്‍പ്പെട്ടിട്ടുണ്ടോയെന്ന് അറിയിക്കുമോ;

അനേകം യാത്രക്കാര്‍ക്ക് നിത്യേന കോട്ടക്കലിലോ കുറ്റിപ്പുറത്തോ പോയി ബസ്സുകളെ ആശ്രയിക്കേണ്ടി വരുന്നതും രാത്രി യാത്രകൾക്ക് പ്രയാസം നേരിടേണ്ടി വരുന്നതും കണക്കിലെടുത്ത് പ്രസ്തുത റൂട്ടുകളിൽ ദീര്‍ഘദൂര ബസ്സ് അനുവദിക്കുന്നത് പരിഗണിക്കുമോ?

തിരുവമ്പാടി കെ.എസ്.ആർ.ടി.സി. സബ് ഡിപ്പോ നിര്‍മ്മാണം എം.എൽ.എ. ആസ്‌തി വികസന പദ്ധതിയിൽ ഉള്‍പ്പെടുത്തി പുതുക്കിയ ഭരണാനുമതി ലഭ്യമാക്കണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ അടിയന്തര തീരുമാനത്തിനായി നടപടികള്‍ സ്വീകരിക്കുമോ?

പൊന്‍കുന്നം കെ എസ് ആര്‍ ടി സി ഡിപ്പോയില്‍ എത്ര ബസും എത്ര സര്‍വീസുമാണ് നിലവിലുള്ളതെന്ന് വ്യക്തമാക്കാമോ;

പ്രസ്തുത ഡിപ്പോയിൽ നിന്നും ലോക്ഡൗണിന് മുന്‍പ് നടത്തിയിരുന്ന സര്‍വീസുകളുടെ എണ്ണം വ്യക്തമാക്കാമോ;

കോവിഡ് സാഹചര്യത്തില്‍ അവയില്‍ എത്രയെണ്ണം നിര്‍ത്തിയെന്നും എത്രയെണ്ണം പുനഃസ്ഥാപിച്ചുവെന്നും അറിയിക്കാമോ;

ഒന്‍പത് വര്‍ഷത്തിലധികം ലാഭകരമായി നടത്തിയിരുന്ന സൂപ്പര്‍ഫാസ്റ്റ് സര്‍വീസുകളും കോവിഡ് സാഹചര്യത്തില്‍ നിര്‍ത്തലാക്കിയ സര്‍വീസുകളില്‍ ഉള്‍പ്പെട്ടത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ അവ എത്രയും വേഗം പുനഃസ്ഥാപിച്ച് പ്രദേശത്തെ രൂക്ഷമായ യാത്രാക്ലേശം പരിഹരിക്കാന്‍ നടപടി സ്വീകരിക്കുമോ;

പൊന്‍കുന്നം ഡിപ്പോയില്‍ കൂടുതല്‍ ബസുകള്‍ അനുവദിച്ച് സര്‍വീസുകള്‍ കാര്യക്ഷമമാക്കുന്നതിന് നടപടി സ്വീകരിക്കുമോ?

പമ്പുകളുൾപ്പെടെയുള്ള കെ.എസ്.ആർ.ടി.സി. ഡിപ്പോകളിൽ റീട്ടയിൽ ഫ്യുവൽ ഔട്ട്‍ലെറ്റുകൾ ആരംഭിക്കുന്നതിനുള്ള പദ്ധതിയുണ്ടോ; വിശദമാക്കാമോ;

കോതമംഗലം ഡിപ്പോയിൽ റീട്ടെയിൽ ഫ്യുവൽ ഔട്ട്‍ലെറ്റ് ആരംഭിക്കുന്നതിനുവേണ്ട നടപടി സ്വീകരിക്കുമോ; വിശദമാക്കാമോ?

ഹരിപ്പാട് കെ.എസ്.ആര്‍.ടി.സി. ഡിപ്പോയില്‍ നിന്നും എത്ര ഡ്രെവര്‍മാരെയാണ് വര്‍ക്കിംഗ് അറേഞ്ച്‌മെന്റ് പ്രകാരം ആലപ്പുഴ ജില്ലയിലെ മറ്റ് ഡിപ്പോകളിലേക്ക് മാറ്റിയിട്ടുളള്ളത്;

കഴിഞ്ഞ നാലു വർഷത്തിനുള്ളിൽ ഹരിപ്പാട് ഡിപ്പോയില്‍ നിന്നും വെട്ടിക്കുറച്ചിട്ടുള്ള സര്‍വ്വീസുകള്‍ ഏതെല്ലാമാണെന്ന് അറിയിക്കാമോ;

ആയാപറമ്പ് - വടക്കേക്കര തെക്ക് ബസ് സര്‍വ്വീസ് നിറുത്തലാക്കിയതുമൂലം ജനങ്ങള്‍ അഭിമുഖീകരിക്കുന്ന യാത്രാപ്രതിസന്ധി സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; പ്രസ്തുത റൂട്ടില്‍ അടിയന്തിരമായി സര്‍വ്വീസ് ആരംഭിക്കുന്നതിനുളള നടപടി സ്വീകരിക്കുമോ?

പെരുമ്പാവൂര്‍ കെ.എസ്.ആര്‍.ടി.സി. ബസ്‌ സ്റ്റാന്റ് കം ഷോപ്പിംഗ്‌ കോംപ്ലക്സില്‍ കഴിഞ്ഞ ഇരുപത് വര്‍ഷമായി മെയിന്റനന്‍സ് പോലും നടന്നിട്ടില്ലെന്ന വസ്തുത ശ്രദ്ധയിൽപ്പെട്ടിട്ടുണ്ടോ;

എങ്കിൽ പ്രസ്തുത കെട്ടിടം നവീകരിക്കുന്നതിന് സ്വീകരിക്കാന്‍ ഉദ്ദേശിക്കുന്ന നടപടികള്‍ വിശദീകരിക്കാമോ?

കോവി‍‍ഡ് മൂലം അരൂര്‍ മണ്ഡലത്തില്‍ നിര്‍ത്തിവച്ച കെ.എസ്.ആർ.ടി.സി. സര്‍വ്വീസുകള്‍ ഏതെല്ലാമെന്ന് വിശദമാക്കാമോ;

നിര്‍ത്തിവച്ച സര്‍വ്വീസുകളില്‍ ഏതെല്ലാം സര്‍വ്വീസുകള്‍ പുനരാരംഭിച്ചെന്ന് വിശദമാക്കാമോ;

പുനരാരംഭിക്കാത്ത സര്‍വ്വീസുകള്‍ ഏതെല്ലാമെന്നും ആയതിന്റെ കാരണവും വിശദമാക്കാമോ?

അങ്കമാലി കെ.എസ്.ആർ.ടി.സി. ഡിപ്പോയുടെ ശോചനീയാവസ്ഥ ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ വിശദാംശം ലഭ്യമാക്കുമോ;

പ്രസ്തുത ഡിപ്പോയുടെ ശോചനീയാവസ്ഥ പരിഹരിക്കണമെന്ന് അഭ്യർത്ഥിച്ച് കൊണ്ട് 10.11.2021-ന് വകുപ്പ് മന്ത്രിക്ക് നൽകിയ കത്ത് 19.11.2021-ലെ 1101/വി.ഐ.പി./2021 എം. നമ്പറായി കെ.എസ്.ആർ.ടി.സി. എം.ഡി.-യ്ക്ക് അയച്ച് നൽകിയിട്ടും നാളിതു വരെയായി പ്രശ്നം പരിഹരിച്ചിട്ടില്ല എന്ന കാര്യം ശ്രദ്ധയിൽപ്പെട്ടിട്ടുണ്ടോ; വിശദാംശം ലഭ്യമാക്കുമോ;

10.11.2021-ൽ വകുപ്പ് മന്ത്രിക്ക് കത്ത് നൽകുമ്പോളുണ്ടായിരുന്ന കുഴികൾ എട്ടുമാസം കൊണ്ട് വളരെ വലുതായി മാറിയത് വകുപ്പിന്റെ ശ്രദ്ധയിൽപ്പെട്ടിട്ടുണ്ടോ; വിശദാംശം ലഭ്യമാക്കുമോ;

പ്രസ്തുത ഡിപ്പോയുടെ ശോചനീയാവസ്ഥ പരിഹരിക്കാൻ എത്ര രൂപയുടെ എസ്റ്റിമേറ്റാണ് തയ്യാറാക്കിയത്; നിർമ്മാണ കരാർ നൽകിയെങ്കിൽ ആർക്കാണ് നൽകിയത്; പ്രവൃത്തി വൈകുന്നതിന്റെ കാരണവും ഇപ്പോഴത്തെ അവസ്ഥയും വ്യക്തമാക്കാമോ;

പ്രസ്തുത ഡിപ്പോയുടെ ശോചനീയാവസ്ഥ പരിഹരിക്കുവാൻ സത്വര നടപടി സ്വീകരിക്കുമോ?

മലപ്പുറം കെ.എസ്.ആർ.ടി.സി. ബസ് ടെർമിനൽ കം ഷോപ്പിംഗ് കോംപ്ലക്സ് നിർമ്മാണം പാതിവഴിയിൽ നിലച്ചിട്ടുള്ള കാര്യം ശ്രദ്ധയിൽപ്പെട്ടിട്ടുണ്ടോ;

പ്രസ്തുത പ്രവൃത്തി സംബന്ധിച്ച് എന്തെല്ലാം തുടർ നടപടികളാണ് വകുപ്പ് തലത്തിൽ സ്വീകരിക്കാനുദ്ദേശിക്കുന്നതെന്ന് വിശദീകരിക്കാമോ;

പ്രസ്തുത പ്രവൃത്തിയിൽ ഇനിയും പൂർത്തീകരിക്കാനുള്ള ജോലികൾ എന്തെല്ലാമാണ്; കരാറുകാരന് നൽകാനുള്ള മുഴുവൻ കുടിശ്ശികയും വിതരണം ചെയ്തിട്ടുണ്ടോയെന്ന് അറിയിക്കുമോ;

പ്രവൃത്തി ആരംഭിച്ച് ആറര വർഷം പിന്നിട്ട സാഹചര്യത്തിൽ കാലതാമസം കൂടാതെ സാങ്കേതിക തടസ്സങ്ങൾ പരിഹരിച്ച് എത്രയും വേഗം പണികൾ പൂർത്തീകരിക്കാൻ നിർദ്ദേശം നൽകുമോ?

കോവിഡിന്റെ പശ്ചാത്തലത്തില്‍ തൊട്ടില്‍പ്പാലം ഡിപ്പോയില്‍ നിന്ന് നിർത്തിവെച്ച കെ.എസ്.ആര്‍.ടി.സി. ബസ്‌ സര്‍വീസുകളിൽ ഏതൊക്കെയാണ് പുനരാരംഭിക്കാനുള്ളത് എന്ന് അറിയിക്കാമോ;

പ്രസ്തുത സര്‍വീസുകള്‍ പുനരാരംഭിക്കാന്‍ നടപടി സ്വീകരിക്കുമോ?

കോവിഡ് വ്യാപനത്തിന് മുൻപ് കാഞ്ഞങ്ങാട് കെ.എസ്.ആർ.ടി.സി. ഡിപ്പോയിൽ നിന്നും സർവ്വീസ് നടത്തിയിരുന്ന റൂട്ടുകൾ ഏതെല്ലാമായിരുന്നു;

കോവിഡ് മഹാമാരിക്ക് ശേഷം നിർത്തലാക്കിയ സർവ്വീസുകൾ ഏതെല്ലാമാണെന്ന് അറിയിക്കാമോ;

കോവിഡിന് ശേഷം ഏതെല്ലാം സർവ്വീസുകളാണ് നിലവിൽ ഓപ്പറേറ്റ് ചെയ്ത് കൊണ്ടിരിക്കുന്നതെന്ന് വിശദമാക്കാമോ?

2022 -23 വർഷത്തെ ബജറ്റിൽ അനുവദിച്ച ഒരു കോടി രൂപ ചെലവഴിച്ച് മഞ്ചേരിയിൽ കെ.എസ്.ആർ.ടി.സി. ബസ്സ് ഡിപ്പോ നിർമ്മാണം ആരംഭിക്കുന്നതിനുള്ള നടപടികൾ സ്വീകരിക്കുമോ;

മുനിസിപ്പാലിറ്റിയുടെ കീഴിലെ മഞ്ചേരി ഐ.ജി.ബി.റ്റി. സ്റ്റാൻഡിൽ കെ.എസ്.ആർ.ടി.സി സ്റ്റേഷൻ മാസ്റ്റർ ഓഫീസ് ആരംഭിക്കുന്നതിനുള്ള നടപടികൾ സ്വീകരിക്കുമോ?

പുതുക്കാട് കെ.എസ്.ആർ.ടി.സി. സബ് ഡിപ്പോയുടെ ഉടമസ്ഥതയിലുള്ള സ്ഥലത്ത് മൊബിലിറ്റി ഹബ് അനുവദിയ്ക്കുന്നതിനുള്ള നടപടികള്‍ സ്വീകരിച്ചിട്ടുണ്ടോയെന്ന് അറിയിക്കുമോ;

ഉണ്ടെങ്കില്‍ നടപടികള്‍ ഏതു ഘട്ടത്തിലാണെന്നും എന്തെല്ലാം സംവിധാനങ്ങളാണ് പ്രസ്തുത പദ്ധതിയില്‍ വിഭാവനം ചെയ്തിട്ടുള്ളതെന്നും വ്യക്തമാക്കാമോ?

വൈപ്പിന്‍ നിയോജക മണ്ഡലത്തിലെ വൈപ്പിന്‍ കരയില്‍ സബ് ആർ.ടി. ഓഫീസ് നിര്‍ദ്ദേശിക്കപ്പെട്ടിരുന്നോ;

പ്രസ്തുത പ്രൊപ്പോസല്‍ പരിഗണനയില്‍ ഉണ്ടോ;

വൈപ്പിന്‍കരയില്‍ നിര്‍ദ്ദേശിക്കപ്പെട്ടിരുന്ന സബ് ആര്‍.ടി.ഓഫീസ് അനുവദിക്കുന്നതിനായി നടപടി സ്വീകരിക്കുമോ;

പ്രസ്തുത വിഷയം സംബന്ധിച്ച് 01.04.2022-ന് ബഹു. ഗതാഗത വകുപ്പുമന്ത്രിക്ക് സ്ഥലം എം.എല്‍.എ. നല്‍കിയ കത്തില്‍ സ്വീകരിച്ചിട്ടുള്ള നടപടി വിശദമാക്കാമോ?

വൈപ്പിന്‍കരയില്‍ നിന്നുള്ള ബസുകളുടെ നഗരപ്രവേശനത്തെ സംബന്ധിച്ച് നാറ്റ്പാക് റിപ്പോര്‍ട്ട് സമര്‍പ്പിച്ചിട്ടുണ്ടോ;

പ്രസ്തുത റിപ്പോര്‍ട്ടിന്മേല്‍ നടപടി സ്വീകരിച്ചിട്ടുണ്ടോ;

എങ്കില്‍ സ്വീകരിച്ചിട്ടുള്ളതും സ്വീകരിക്കാന്‍ ഉദ്ദേശിക്കുന്നതുമായ നടപടികൾ എന്തെന്ന് വിശദമാക്കാമോ;

വൈപ്പിന്‍ നിവാസികളുടെ യാത്രാക്ലേശം കണക്കിലെടുത്ത് പ്രസ്തുത റിപ്പോര്‍ട്ടിന്മേല്‍ നടപടി സ്വീകരിക്കുമോ?

നാദാപുരത്ത് ഒരു സബ് ആര്‍.ടി.ഒ. അനുവദിക്കുവാന്‍ പഠനം നടത്തിയിട്ടുണ്ടോ;

നാദാപുരത്ത് സബ് ആര്‍.ടി.ഒ. അനുവദിക്കുവാന്‍ നടപടി സ്വീകരിക്കുമോ?

അന്യ സംസ്ഥാനങ്ങളിൽ നിന്ന് ചരക്ക് കയറ്റി വരുന്ന വാഹനങ്ങളുടെയും കോഴി കയറ്റി വരുന്ന വാഹനങ്ങളുടെയും പുറകുവശത്തെ നമ്പർ പ്ലേറ്റ് കൃത്യമായി കാണാൻ കഴിയാത്ത വിധത്തിലാണ് സ്ഥാപിച്ചിരിക്കുന്നത് എന്നത് ശ്രദ്ധയിൽപ്പെട്ടിട്ടുണ്ടോ;

നമ്പർ പ്ലേറ്റ് കൃത്യമായി കാണാത്തവിധം സ്ഥാപിച്ചതിന്റെ പിഴയായി ചരക്കു വാഹനങ്ങളിൽ നിന്നുമാത്രം മാസം തോറും ശരാശരി എത്ര രൂപ ഫൈൻ ഈടാക്കുന്നുണ്ട്;

ചരക്കു വാഹനങ്ങളിൽ നമ്പർ പ്ലേറ്റ് കൃത്യമായി സ്ഥാപിക്കാത്തതിന്റെ അടിസ്ഥാനത്തിൽ ഈ സർക്കാർ അധികാരത്തിൽ വന്നതിനുശേഷം എത്ര കേസുകളിൽ പിഴ ചുമത്തിയിട്ടുണ്ട്?

സംസ്ഥാനത്ത് പുതുതായി ജോയിന്റ് ആര്‍.ടി. ഓഫീസ് ആരംഭിക്കാൻ ഉദ്ദേശിക്കുന്നുണ്ടോ;

കുന്ദമംഗലത്ത് ജോയിന്റ് ആര്‍.ടി. ഓഫീസ് നിലവിലില്ല എന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

ഉണ്ടെങ്കിൽ കുന്ദമംഗലത്ത് ജോയിന്റ് ആര്‍.ടി. ഓഫീസ് അനുവദിക്കുന്നതിന് നടപടി സ്വീകരിക്കുമോ?

മഞ്ചേശ്വരം താലൂക്കിൽ ജോയിന്റ് ആർ.ടി. ഓഫീസ് ഇല്ലാത്തത് സർക്കാറിന്റെ ശ്രദ്ധയിൽപ്പെട്ടിട്ടുണ്ടോ; എങ്കിൽ പ്രസ്‌തുത ഓഫീസ് തുടങ്ങുന്നതിന് നടപടി സ്വീകരിക്കുമോ?

സംസ്ഥാനത്ത് ആര്‍.ടി. ഓഫീസുകളുടെ പ്രവര്‍ത്തനം കാര്യക്ഷമമാക്കുന്നതിനും അഴിമതി വിമുക്തമാക്കുന്നതിനും സ്വീകരിച്ചുവരുന്ന നടപടികള്‍ അറിയിക്കാമോ;

കൈക്കൂലിയും ഏജന്റുമാരെയും ഒഴിവാക്കാന്‍ സാധിക്കുന്ന സ്ഥിതി സംജാതമായിട്ടുണ്ടോ; പ്രസ്തുത ഓഫീസുകൾ ആധുനികവത്കരിക്കുന്നതിനായി സ്വീകരിച്ച നടപടികൾ വിശദമാക്കുമോ;

മാനന്തവാടിയിൽ ആർ.ടി. ഓഫീസ് ജീവനക്കാരിയെ ആത്മഹത്യ ചെയ്ത നിലയിൽ കണ്ടെത്തിയത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് അന്വേഷണ വിധേയമാക്കിയിട്ടുണ്ടോയെന്ന് അറിയിക്കാമോ;

ഓഫീസിൽ കൈക്കൂലി വാങ്ങാൻ കൂട്ട് നിൽക്കാത്തതിനാൽ ഉദ്യോഗസ്ഥർ ഒറ്റപ്പെടുത്തിയതിനെ തുടർന്നാണ് ജീവനക്കാരി ആത്മഹത്യ ചെയ്തതെന്ന ആരോപണം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയതിന്മേൽ കുറ്റക്കാർക്കെതിരെ നടപടി സ്വീകരിച്ചിട്ടുണ്ടോയെന്ന് അറിയിക്കാമോ;

ഇത്തരം സംഭവങ്ങൾ ആവർത്തിക്കാതിരിക്കാൻ നടപടികൾ സ്വീകരിക്കുമോ?

പുതിയ വാഹനങ്ങളുടെ രജിസ്ട്രേഷന്‍ സംബന്ധിച്ച് പ്രത്യേക സംവിധാനം നടപ്പാക്കിയിട്ടുണ്ടാേ; വാഹന രജിസ്ട്രേഷനും അനുബന്ധ സേവനങ്ങള്‍ക്കുമായി ആധാര്‍ അധിഷ്ഠിത ഫേസ് ലെസ് സംവിധാനം നടപ്പാക്കുന്നതിലൂടെ വാഹന ഉടമകള്‍ക്ക് എന്തെല്ലാം സേവനങ്ങളാണ് ലഭ്യമാകുക; വിശദമാക്കാമാേ;

പ്രവാസി മലയാളികള്‍ ഉള്‍പ്പെടെയുള്ളവര്‍ക്ക് ഡ്രെെവിംഗ് ലെെസന്‍സ് പുതുക്കുന്നതിനും ലെെസന്‍സ് സംബന്ധമായ മറ്റ് സേവനങ്ങള്‍ ലഭിക്കുന്നതിനുമുള്ള നടപടിക്രമങ്ങളില്‍ മാറ്റംവരുത്തിയിട്ടുണ്ടാേ; വിശദാംശങ്ങള്‍ നല്‍കാമാേ;

ഡ്രെെവിംഗ് ലെെസന്‍സുകളും രജിസ്ട്രേഷന്‍ സര്‍ട്ടിഫിക്കറ്റുകളും ഡെലിവറി ചെയ്യുന്നതിനായി പുതിയ പദ്ധതി ആരംഭിച്ചിട്ടുണ്ടാേ; വിശദാംശങ്ങള്‍ നല്‍കാമാേ?

കുന്നത്തുനാട് മണ്ഡലത്തിലെ വടവുകോട്-പുത്തന്‍കുരിശ് ഗ്രാമപഞ്ചായത്തിലെ പുറ്റുമാനൂരില്‍ നിര്‍മ്മിച്ച ഓട്ടോമേറ്റഡ് ഡ്രെെവിംഗ് ടെസ്റ്റ് ട്രാക്ക് സംവിധാനം പ്രവര്‍ത്തനം ആരംഭിക്കാത്തതിന്റെ കാരണം എന്തെന്ന് വിശദമാക്കാമോ;

പ്രസ്തുത സംവിധാനത്തിന്റെ പ്രവര്‍ത്തനം ആരംഭിക്കുന്നതിനുള്ള അടിയന്തര നടപടി സ്വീകരിക്കുമോയെന്ന് വ്യക്തമാക്കാമോ?

അടുത്ത വർഷം മുതൽ രാജ്യമൊട്ടാകെ ഓട്ടോമേറ്റഡ് ടെസ്റ്റിംഗ് സ്റ്റേഷനുകൾ ആരംഭിക്കാൻ കേന്ദ്ര സർക്കാർ തീരുമാനിച്ചിരിക്കുന്ന സാഹചര്യത്തിൽ സംസ്ഥാനത്തു ഇത് പൊതു മേഖലയിൽ മാത്രമായിട്ടാണോ അതോ സ്വകാര്യ പങ്കാളിത്തത്തോടെയാണോ ആരംഭിക്കുന്നത് എന്നത് സംബന്ധിച്ചു സർക്കാർ നയപരമായ തീരുമാനമെടുത്തിട്ടുണ്ടോ; വിശദമാക്കാമോ;

സ്വകാര്യ പങ്കാളിത്തത്തോടെയാണെങ്കിൽ അതിനുള്ള നിബന്ധനകൾ, നടപടിക്രമങ്ങൾ എന്നിവ വിശദമാക്കാമോ?

സംസ്ഥാനത്ത് റോഡുകളിലെ ഗതാഗത കുരുക്കുകൾ അനുദിനം വർദ്ധിച്ചുവരുന്ന സാഹചര്യത്തിൽ ചരക്കുനീക്കത്തിനായി ജലഗതാഗതത്തെ ആശ്രയിക്കുന്നതിനുളള സാധ്യതകള്‍ പരിശോധിച്ചിട്ടുണ്ടോ; വിശദമാക്കാമോ;

താരതമ്യേന മലിനീകരണവും ചെലവും കുറഞ്ഞ ജലഗതാഗത സംവിധാനത്തിലൂടെ ചരക്കുഗതാഗതത്തെ പ്രോത്സാഹിപ്പിക്കുന്നതിനായി പദ്ധതികൾ ആവിഷ്കരിച്ചിട്ടുണ്ടോ; വിശദാംശങ്ങള്‍ ലഭ്യമാക്കാമോ;

ദേശീയ ജലപാതയുടെ സാധ്യതകൾ പരമാവധി പ്രയോജനപ്പെടുത്തിക്കൊണ്ട് ജലമാർഗ്ഗമുള്ള ചരക്കുനീക്കത്തിന് ബാർജ് സർവീസ് ആരംഭിക്കുന്നത് പരിഗണനയിലുണ്ടോ; വിശദമാക്കുമോ;

വലിയ കണ്ടെയ്നറുകൾ ഉൾപ്പെടെയുള്ള സാധന സാമഗ്രികൾ കയറ്റിക്കൊണ്ടു പോകുവാൻ ഉതകുന്ന തരത്തിലുള്ള സോളാർ ഇലക്ട്രിക് റോ-റോ സർവീസ് ആരംഭിക്കുന്നതിനെക്കുറിച്ച് പഠനം നടത്തിയിട്ടുണ്ടോ; വിശദമാക്കാമോ?