സംസ്ഥാനത്തെ സര്‍വകലാശാലകളില്‍ വിവിധ കോഴ്സുകള്‍ പഠിക്കുന്ന വിദേശ വിദ്യാര്‍ത്ഥികളുടെ എണ്ണത്തില്‍ വര്‍ദ്ധനവ് ഉണ്ടായിട്ടുണ്ടോ; വിശദമാക്കുമോ;

ദേശീയ-രാജ്യാന്തര റാങ്കിംഗുകളില്‍ കേരളത്തിലെ സര്‍വകലാശാലകള്‍ മികവ് തുടരുന്നതും അന്താരാഷ്ട്ര നിലവാരത്തില്‍ നാലുവര്‍ഷ ബിരുദ പ്രോഗ്രാം നടപ്പാക്കുന്നതും വിദേശത്ത് നിന്നുള്ള അപേക്ഷകര്‍ വര്‍ദ്ധിക്കുവാൻ സഹായകമായിട്ടുണ്ടോ; വിശദമാക്കുമോ;

സംസ്ഥാനത്തെ സർവകലാശാലകളിലെ ഗവേഷണ സൗകര്യങ്ങൾ അന്താരാഷ്ട്ര നിലവാരത്തിലേക്ക് ഉയർത്തിയത് വിദേശ വിദ്യാർഥികളെ ആകർഷിക്കുന്നതിന് കാരണമായിട്ടുണ്ടോ; വിശദമാക്കുമോ;

കൂടുതല്‍ വിദേശ വിദ്യാര്‍ത്ഥികളെ ആകര്‍ഷിക്കാനുതകുന്ന പദ്ധതികളും പ്രവര്‍ത്തനങ്ങളും ആവിഷ്കരിക്കുന്നതിനുള്ള നടപടികള്‍ സ്വീകരിച്ചിട്ടുണ്ടോ; വിശദമാക്കുമോ?

സംസ്ഥാനത്ത് ആരംഭിച്ച നാലുവർഷ ബിരുദ ​​കോഴ്സുകൾ ഫലപ്രദമായി നടപ്പാക്കാൻ കഴിയാത്ത സാഹചര്യം നിലവിലുണ്ടോ; എങ്കിൽ ഇക്കാര്യം പരിശോധിച്ചിട്ടുണ്ടോ;

പ്രസ്തുത കോഴ്സുകളുടെ സിലബസ് നൂതന വ്യവസായ മേഖലകളുമായി ബന്ധിപ്പിച്ച് തൊഴിൽ നൈപുണ്യം നേടുന്ന രീതിയിൽ രൂപകല്പന നടത്തിയിട്ടുണ്ടോ; എങ്കിൽ വിശദമാക്കാമോ;

നാലുവർഷ കോഴ്സുകളുടെ ന്യൂനതകൾ പരിഹരിക്കാൻ എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നതെന്നു വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം ഉന്നതവിദ്യാഭ്യാസ രംഗത്ത് എന്തെല്ലാം പരിഷ്കാരങ്ങളാണ് നടപ്പിലാക്കിയിട്ടുള്ളതെന്ന് വിശദമാക്കാമോ;

എന്തെല്ലാം ബഹുമതികളും അവാര്‍ഡുകളുമാണ് ഈ സര്‍ക്കാരിന്റെ കാലത്ത് ഉന്നതവിദ്യാഭ്യാസ വകുപ്പിന് ലഭിച്ചിട്ടുള്ളതെന്ന് വിശദമാക്കാമോ?

സംസ്ഥാനത്തെ സർക്കാർ - എയ്ഡഡ് എഞ്ചിനീയറിംഗ് കോളേജുകളിലെ അദ്ധ്യാപകരുടെ പ്രൊമോഷൻ തടസ്സപ്പെട്ടിരിക്കുന്നത് ശ്രദ്ധയിൽപ്പെട്ടിട്ടുണ്ടോ;

എ. ഐ. സി. ടി. ഇ. (ആൾ ഇന്ത്യ കൗൺസിൽ ഫോർ ടെക്നിക്കൽ എജ്യുക്കേഷൻ) റഗുലേഷൻ പ്രകാരവും 2021 -ലെ സർക്കാർ ഉത്തരവു പ്രകാരവും ഫ്ലെക്സിബിൾ പ്രൊമോഷൻ നടത്താൻ ഉത്തരവുണ്ടോ;

ഇല്ലെങ്കിൽ ഇതു സംബന്ധിച്ചുളള വിശദമായ ഉത്തരവ് പുറപ്പെടുവിക്കാനുള്ള തടസ്സം എന്താണെന്ന് വ്യക്തമാക്കാമോ;

എയ്ഡഡ് എഞ്ചിനീയറിംഗ് ​കോളേജുകളിൽ ഫ്ലെക്സിബിൾ പ്രൊമോഷൻ നടത്താൻ അനുവാദം കൊടുക്കാത്തത് എന്തുകൊണ്ടാണെന്ന് വ്യക്തമാക്കാമോ; ഇക്കാര്യത്തിൽ വേണ്ട ഉത്തരവിറക്കാൻ എന്തെങ്കിലും തടസ്സമുണ്ടോ; എങ്കിൽ കാരണം വ്യക്തമാക്കുമോ;

എ.ഐ.സി.ടി.ഇ. റഗുലേഷൻ പ്രകാരവും ബന്ധപ്പെട്ട സർക്കാർ ഉത്തരവുപ്രകാരവും കേഡർ സ്ട്രക്ച്ചർ നിലനിർത്താൻ നിർദേശമുണ്ടോ;

എയ്ഡഡ് എഞ്ചിനീയറിംഗ് കോളേജുകളിൽ കേഡർ പ്രൊമോഷൻ നടത്തിയിട്ടുളളതായി ശ്രദ്ധയിൽപ്പെട്ടിട്ടുണ്ടോ; അത്തരം പ്രൊമോഷനുകളെ സർവ്വകലാശാല അംഗീകരിക്കാത്തതിന്റെ കാരണം വ്യക്തമാക്കാമോ; പ്രസ്തുത പ്രൊമോഷൻ അംഗീകരിക്കാൻ സർവ്വകലാശാലക്ക് നിർദേശം നൽകാമോ;

പ്രസ്തുത വിഷയവുമായി ബന്ധപ്പെട്ട് സാങ്കേതിക സർവ്വകലാശാല സർക്കാരിനോട് വിശദീകരണം ചോദിച്ചിരുന്നോ; എങ്കിൽ അതിന് നൽകിയ മറുപടി വ്യക്തമാക്കുമോ; പകർപ്പ് ലഭ്യമാക്കുമോ?

സംസ്ഥാനത്ത് കോളേജുകളുടേയും സര്‍വകലാശാലകളുടേയും റാങ്കിംഗ്, അക്രഡിറ്റേഷന്‍ എന്നിവ നേടുന്ന സ്ഥാപനങ്ങളുടെ എണ്ണത്തില്‍ വര്‍ദ്ധനവ് ഉണ്ടായിട്ടുണ്ടോ; വിശദവിവരങ്ങള്‍ നല്‍കാമോ;

കലാലയങ്ങളുടെ റാങ്കിംഗ്, അക്രഡിറ്റേഷന്‍ എന്നിവ മെച്ചപ്പെടുത്തുന്നതിന് ഈ സര്‍ക്കാര്‍ എന്തെല്ലാം നടപടികളാണ് സ്വീകരിച്ചുവരുന്നത്; വിശദാംശം നല്‍കാമോ?

ഉന്നതവിദ്യാഭ്യാസ മേഖലയില്‍ പെണ്‍കുട്ടികളാണ് അധികമെങ്കിലും തൊഴില്‍ ലഭ്യതയില്‍ അവർ പിന്നാക്കം പോകുന്നു എന്ന വസ്തുത പഠനവിധേയമാക്കി അവരുടെ തൊഴില്‍ പങ്കാളിത്തം വര്‍ദ്ധിപ്പിക്കാന്‍ പദ്ധതികള്‍ ആവിഷ്ക്കരിക്കുമോ; വിശദാംശം ലഭ്യമാക്കുമോ;

സംസ്ഥാനത്തെ വനിതാ വിദ്യാര്‍ത്ഥികളുടെ നൈപുണ്യശേഷി വികസിപ്പിച്ച് അവരെ തൊഴില്‍ മേഖലയ്ക്ക് അനുയോജ്യരാക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്; വ്യക്തമാക്കുമോ?

സംസ്ഥാനത്തെ ഉന്നതവിദ്യാഭ്യാസ സ്ഥാപനങ്ങളെ ഒരു കുടക്കീഴിലാക്കി സ്റ്റേറ്റ് ലെവല്‍ ക്വാളിറ്റി അഷ്വറന്‍സ് സെല്‍ രൂപീകരിക്കാന്‍ ഇടയായതിന്റെ സാഹചര്യം വിശദമാക്കാമോ;

സംസ്ഥാനത്തെ ഉന്നതവിദ്യാഭ്യാസ സ്ഥാപനങ്ങൾക്ക് അക്രഡിറ്റേഷനും അംഗീകാരങ്ങളും നേടിയെടുക്കുന്നതിന് പ്രസ്‌തുത സെല്ലിന്റെ രൂപീകരണം എപ്രകാരം സഹായകരമാകുമെന്ന് വ്യക്തമാക്കാമോ;

ഏതെല്ലാം സ്ഥാപനങ്ങളാണ് സെല്ലിനു കീഴിൽ വരുന്നതെന്നും സെൽ മുഖേന എന്തെല്ലാം കാര്യങ്ങളാണ്‌ എകോപിപ്പിക്കുന്നതെന്നും വ്യക്തമാക്കാമോ;

പ്രസ്‌തുത വിഷയത്തിൽ അന്താരാഷ്ട്ര ഏജന്‍സികളുമായി സഹകരിക്കുവാന്‍ ഉദ്ദേശിക്കുന്നുണ്ടോയെന്ന് വ്യക്തമാക്കാമോ?

യു. ജി. സി. പുറത്തിറക്കിയ മാതൃകാ പാഠ്യപദ്ധതി സർക്കാർ വിലയിരുത്തിയിട്ടുണ്ടോ; എങ്കിൽ വിശദാംശം നൽകാമോ;

പ്രസ്‌തുത പാഠ്യപദ്ധതി സംസ്ഥാനത്ത് നടപ്പാക്കിയ നാലുവർഷ ബിരുദ കോഴ്സ് ഉൾപ്പെടെയുള്ള ഉന്നത വിദ്യാഭ്യാസ മേഖലയെ ഏത് രീതിയിൽ ബാധിക്കുമെന്ന് വ്യക്തമാക്കുമോ;

പ്രസ്തുത പാഠ്യപദ്ധതി സംബന്ധിച്ച് സംസ്ഥാന സർക്കാരിന്റെ അഭിപ്രായം കേന്ദ്രസർക്കാരിനെ രേഖാമൂലം അറിയിച്ചിട്ടുണ്ടോ; ഉണ്ടെങ്കിൽ ആയതിന്റെ പകർപ്പ് ലഭ്യമാക്കാമോ?

ഇന്ത്യയിൽ ഉന്നതവിദ്യാഭ്യാസത്തിന് പ്രവേശനം നേടുന്നവരില്‍ നിന്നും സ്ത്രീ - പുരുഷ അനുപാതത്തിൽ സംസ്ഥാനത്തിന് ഒന്നാം സ്ഥാനം ലഭിച്ചിട്ടുണ്ടോ;

എങ്കിൽ ഈ നേട്ടം കൈവരിക്കുന്നതിന് നിലവിലെ വിദ്യാഭ്യാസ നയങ്ങൾ എത്രത്തോളം സഹായകമായിട്ടുണ്ടെന്ന് വിലയിരുത്തിയിട്ടുണ്ടോ; വ്യക്തമാക്കുമോ;

സംസ്ഥാനത്ത് ഉന്നത വിദ്യാഭ്യാസം നേടുന്ന കൂടുതൽ സ്ത്രീകളും തൊഴിൽ രംഗത്തേക്ക് എത്തപ്പെടുന്നില്ല എന്നുള്ള വസ്തുത ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

ഉന്നത വിദ്യാഭ്യാസം നേടുന്ന വനിതകൾക്ക് തൊഴിൽ മേഖലയിൽ വിജയം കൈവരിക്കുന്നതിനുള്ള കഴിവുകൾ വികസിപ്പിക്കുന്നതിന് സഹായങ്ങൾ നൽകുന്നുണ്ടോ; വിശദമാക്കുമോ?

സംസ്ഥാനത്തെ സർവകലാശാലകളിലെ വിദേശ വിദ്യാർത്ഥികളുടെ പ്രാതിനിധ്യം കണക്കാക്കിയിട്ടുണ്ടോ; പ്രസ്തുത വിദ്യാർത്ഥികള്‍ കൂടുതലായി ആവശ്യപ്പെടുന്ന പഠനമേഖലകള്‍ ഏതൊക്കെയാണ്; വിശദമാക്കുമോ;

സംസ്ഥാനത്തെ സർവകലാശാലകളും വിദേശ സര്‍വകലാശാലകളുമായി അക്കാദമിക് സഹകരണം നേടുന്നതിന് എന്തെങ്കിലും പദ്ധതികള്‍ നിലവിലുണ്ടോ; വിശദാംശം ലഭ്യമാക്കാമോ;

വിദേശ വിദ്യാർത്ഥി പ്രാതിനിധ്യം വർദ്ധിപ്പിക്കുന്നതിനും ഉന്നത വിദ്യാഭ്യാസ മേഖലയില്‍ അക്കാദമിക ഗുണമേന്മ ഉറപ്പാക്കുന്നതിനും സിലബസ് പരിഷ്കരണം ഉള്‍പ്പെടെയുള്ള നടപടികള്‍ സ്വീകരിച്ചിട്ടുണ്ടോ; വിശദമാക്കാമോ?

ഉന്നത വിദ്യാഭ്യാസ സ്ഥാപനങ്ങളുടെ ഗുണനിലവാരം വിലയിരുത്തുന്നതിനും അക്കാദമിക്ക് മികവിന്റെ അടിസ്ഥാനത്തില്‍ റാങ്കിംഗ് ചെയ്യുന്നതിനും സംസ്ഥാനതലത്തില്‍ പ്രത്യേകമായ സെന്ററുകള്‍ക്ക് രൂപം നല്‍കിയിട്ടുണ്ടോ; വിശദമാക്കാമോ;

ആലപ്പുഴ മണ്ഡലത്തില്‍ പ്രവര്‍ത്തിക്കുന്ന ഏതെല്ലാം ഉന്നത വിദ്യാഭ്യാസ സ്ഥാപനങ്ങള്‍ക്കാണ് ഇത്തരത്തില്‍ ഗുണനിലവാര റാങ്കിംഗ് ലഭ്യമാക്കിയിട്ടുള്ളതെന്നും ഇതിനായി വകുപ്പ് എന്തെല്ലാം നടപടികളാണ് സ്വീകരിച്ചതെന്നും വിശദമാക്കാമോ;

പ്രസ്തുത സംവിധാനം ഉന്നത വിദ്യാഭ്യാസ സ്ഥാപനങ്ങളുടെ നിലവാര വര്‍ദ്ധനവിന് ഏതെല്ലാം തരത്തില്‍ സഹായകരമാകണമെന്നാണ് പ്രതീക്ഷിക്കുന്നത്; വിശദമാക്കാമോ?

2021-22 സാമ്പത്തിക വര്‍ഷം മുതല്‍ നാളിതുവരെ ഒറ്റപ്പാലം മണ്ഡലത്തില്‍ ഉന്നത വിദ്യാഭ്യാസ വകുപ്പ് നടത്തിയിട്ടുള്ളതും ഇനി നടത്താനുള്ളതുമായ പ്രവ‍ൃത്തികള്‍ ഏതെല്ലാമാണ്; അവയ്ക്ക് അനുവദിച്ചിട്ടുള്ള തുകകള്‍ എത്രയൊക്കെയാണ്; നിലവിലെ പ്രവ‍ൃത്തികളും സ്ഥിതിയും വിശദമാക്കാമോ?

2016-17 സാമ്പത്തികവര്‍ഷം മുതല്‍ 2025 സെപ്റ്റംബര്‍ മാസം വരെയുള്ള കാലയളവില്‍ പട്ടാമ്പി മണ്ഡലത്തില്‍ ഉന്നതവിദ്യാഭ്യാസ വകുപ്പ് മുഖേന അനുവദിച്ചിട്ടുള്ള പ്രാദേശിക വികസന ഫണ്ടില്‍ നിന്നോ ആസ്തി വികസന ഫണ്ടില്‍ നിന്നുള്ളതോ അല്ലാത്ത മുഴുവന്‍ പദ്ധതികളുടെയും അനുവദിച്ച വര്‍ഷം, തുക, നിർവ്വഹണ ഏജന്‍സി, എന്നിവയുടെ മുഴുവന്‍ വിവരങ്ങളും ലഭ്യമാക്കാമോ;

ഇത്തരത്തില്‍ അനുവദിച്ചിട്ടുള്ള പദ്ധതികളുടെ നിലവിലെ സ്ഥിതി വ്യക്തമാക്കാമോ?

ഈ സർക്കാർ അധികാരമേറ്റതുമുതൽ നാളിതുവരെ ഉന്നത വിദ്യാഭ്യാസ വകുപ്പ് മുഖേന വടകര നിയോജക മണ്ഡലത്തിൽ കിഫ്ബി പദ്ധതിയുള്‍പ്പടെ നടപ്പാക്കിയ പദ്ധതികളുടെയും പ്രവൃത്തികളുടെയും വിശദാംശം അറിയിക്കുമോ;

ഇക്കാലയളവിൽ വടകര നിയോജക മണ്ഡലത്തില്‍ ഉന്നത വിദ്യാഭ്യാസ വകുപ്പ് മുഖേന നടപ്പാക്കുന്നതിന് അനുമതി ലഭിച്ച ശേഷം നാളിതുവരെയായി നടപ്പാക്കാന്‍ കഴിയാതെ പോയതോ ആരംഭിച്ച ശേഷം പൂര്‍ത്തീകരിച്ചിട്ടില്ലാത്തതോ ആയ പദ്ധതികളും പ്രവൃത്തികളും ഏതെല്ലാമാണ്; വിശദാംശം അറിയിക്കുമോ;

ഇവ ഓരോന്നിനുമായി നീക്കി വച്ചിട്ടുള്ള തുകകൾ എത്രവീതമാണെന്ന് അറിയിക്കുമോ; വിശദാംശം ലഭ്യമാകുമോ;

ഇതില്‍ കേന്ദ്രസര്‍ക്കാരില്‍ നിന്ന് സാമ്പത്തിക സഹായം ലഭിച്ചിട്ടുള്ള പദ്ധതികളും പ്രവൃത്തികളും ഏതൊക്കെയാണ്; ഇവ ഓരോന്നിനും നീക്കി വച്ചിട്ടുള്ള കേന്ദ്ര സംസ്ഥാന തദ്ദേശസ്ഥാപന വിഹിതങ്ങള്‍ എത്രവീതമാണ്; വിശദമാക്കാമോ;

ഇക്കാലയളവിൽ വടകര നിയോജക മണ്ഡലത്തിനായി ഉന്നത വിദ്യാഭ്യാസ വകുപ്പുമുഖേന ചെലവാക്കിയ ആകെ തുക എത്ര രൂപയാണ്; വര്‍ഷവും ഇനവും തിരിച്ചുള്ള കണക്ക് ലഭ്യമാക്കുമോ?

സർക്കാർ/എയ്ഡഡ് ബി.എഡ്. കോളേജുകളുടെ അപര്യാപ്‌തത പരിഹരിക്കാൻ നടപടി സ്വീകരിച്ചിട്ടുണ്ടോ; ഇതുമായി ബന്ധപ്പെട്ട് എന്തെങ്കിലും സാധ്യതാ പഠനം നടത്തിയിട്ടുണ്ടോ; വ്യക്തമാക്കുമോ;

മലപ്പുറം ജില്ലയിൽ പുതിയ ബി.എഡ്. കോഴ്സ് സർക്കാർ തലത്തിൽ ആരംഭിക്കുന്നതിന് നിർദേശമുണ്ടോ; വ്യക്തമാക്കുമോ;

സർക്കാർ കോളേജുകളിൽ ഐ.റ്റി.ഇ.പി. (ഇന്റഗ്രേറ്റഡ് ടീച്ചര്‍ എഡ്യൂക്കേഷന്‍ പ്രോഗ്രാം) ആരംഭിക്കുന്നത് സംബന്ധിച്ച് തീരുമാനം എടുത്തിട്ടുണ്ടോ; വ്യക്തമാക്കാമോ;

ഗവണ്‍മെന്റ് ആർട്സ് ആന്റ് സയൻസ് കോളേജ്, കൊണ്ടോട്ടിയിൽ നിന്നും പ്രസ്തുത പ്രോഗ്രാമിന് താല്പര്യം പ്രകടിപ്പിച്ച് നൽകിയ നിവേദനത്തില്‍ നടപടി സ്വീകരിച്ചിട്ടുണ്ടോ; വ്യക്തമാക്കാമോ?

ഉന്നത വിദ്യാഭ്യാസ വകുപ്പിന് കീഴിലുള്ള ഗവൺമെന്റ്, എയ്ഡഡ് കോളേജുകളിൽ നിലവിലുള്ള അധിക അദ്ധ്യാപക തസ്തികകൾ ക്രമീകരിക്കുന്നതിന് എടുത്ത നടപടികൾ എന്തൊക്കെയാണെന്ന് വിശദമാക്കാമോ;

വിവിധ വിഷയങ്ങളിലെ പി. എസ്. സി. യുടെ അസിസ്റ്റന്റ് പ്രൊഫസർ റാങ്ക് പട്ടികയിൽ ഉൾപ്പെട്ട ഉദ്യോഗാർത്ഥികൾക്ക് വിവരാവകാശ നിയമപ്രകാരം നൽകിയ മറുപടിയിൽ അധിക തസ്തികകൾ നിലനിൽക്കുന്നതു മൂലം 2020 നുശേഷം ഒഴിവു വന്ന തസ്തികകൾ പി. എസ്. സി. യ്ക്ക് റിപ്പോർട്ട് ചെയ്യണമെങ്കിൽ സർക്കാരിന്റെ നയപരമായ തീരുമാനം ആവശ്യമാണെന്ന് അറിയിച്ചിരുന്നോ; എങ്കിൽ നയപരമായ തീരുമാനം എടുക്കുവാനായി എന്തൊക്കെ നടപടികളാണ് കൈക്കൊണ്ടിട്ടുള്ളതെന്ന് വിശദമാക്കാമോ;

പ്രസ്തുത ലിസ്റ്റിലെ ആദ്യ റാങ്കുകാർക്ക് പോലും ജോലി ലഭിക്കാത്ത അവസ്ഥ ശ്രദ്ധയിൽപ്പെട്ടിട്ടുണ്ടോ; എങ്കിൽ അത് പരിഹരിക്കാൻ എന്തെങ്കിലും നടപടികൾ കൈക്കൊള്ളുമോ; വിശദമാക്കാമോ;

നാലുവർഷ ഡിഗ്രി കോഴ്സിന്റെ ഗുണനിലവാരം ഉറപ്പാക്കുവാൻ വേണ്ടി വരുന്ന അധിക അദ്ധ്യാപകരുടെ നിയമനം സംബന്ധിച്ച് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് ഇനം തിരിച്ച് വിശദമാക്കാമോ;

നാലുവർഷ ഡിഗ്രി കോഴ്സുകൾ നടപ്പിലാക്കിയ സാഹചര്യത്തിൽ കോളേജുകളിൽ അദ്ധ്യാപകരുടെ ജോലി ഭാരം വർദ്ധിച്ചതനുസരിച്ച് പുതിയ അദ്ധ്യാപകരെ ഗവൺമെന്റ് കോളേജുകളിൽ പി. എസ്. സി. ലിസ്റ്റിൽ നിന്നും നിയമിക്കുന്നതിനും എയ്ഡഡ് കോളേജുകളിൽ ഇന്റർവ്യൂ നടത്തി നിയമിക്കുന്നതിനും എന്തെങ്കിലും നടപടികൾ സ്വീകരിച്ചിട്ടുണ്ടോ; വിശദമാക്കാമോ;

വിവിധ വിഷയങ്ങളിലേക്കുള്ള കോളേജ് അദ്ധ്യാപക പി. എസ്. സി. റാങ്ക് ലിസ്റ്റുകളുടെ കാലാവധി അവസാനിക്കാറായതിനാൽ അധിക അദ്ധ്യാപക തസ്തികകൾ എന്ന പ്രശ്നം മാറ്റിവെച്ച് റാങ്ക് ലിസ്റ്റുകളിൽ നിന്ന് നിയമനം നടത്താൻ എന്തെങ്കിലും തരത്തിലുള്ള നടപടികൾ സ്വീകരിക്കുമോ; വിശദമാക്കാമോ ;

2020-ൽ വിവിധ സർക്കാർ കോളേജുകളിൽ പുതുതായി അനുവദിച്ച കോഴ്സുകൾക്ക് നിയോഗിച്ച ഗസ്റ്റ് അദ്ധ്യാപകർക്ക് പകരം പുതിയ അദ്ധ്യാപക തസ്തികകൾ സൃഷ്ടിക്കാൻ എന്തെങ്കിലും നടപടികൾ സ്വീകരിക്കുമോ?

കോമൺ പൂൾ ലൈബ്രേറിയൻ ഗ്രേഡ്-4 (നേരിട്ടുള്ള നിയമനം) തസ്തികയുടെ വിദ്യാഭ്യാസ യോഗ്യതകൾ എന്തൊക്കെയാണെന്ന് വ്യക്തമാക്കാമോ;

കേരള സർവകലാശാല വിദൂര വിദ്യാഭാസം വഴി നേടിയ ലൈബ്രറി സയൻസ് ബിരുദം GO(MS) No.  119/2017/H.Edn dated 02.05.2017 എന്ന ഗവണ്‍മെന്റ് ഉത്തരവ് പ്രകാരം കോമൺ പൂൾ ലൈബ്രേറിയൻ ഗ്രേഡ്-4 (നേരിട്ടുള്ള നിയമനം) തസ്തികയിലേക്ക് പരിഗണിച്ചിട്ടുണ്ടോ; ഉണ്ടെങ്കിൽ ടി യോഗ്യത പ്രകാരം  കോമൺ പൂൾ ലൈബ്രേറിയൻ ഗ്രേഡ്-4 തസ്തികയിലേക്ക് ജോലി ലഭിച്ചവരുടെ വിവരങ്ങൾ ലഭ്യമാക്കാമോ;

കേരള പി. എസ്. സി. കാറ്റഗറി നമ്പർ 490/2022 (കോമൺ പൂൾ ലൈബ്രേറിയൻ ഗ്രേഡ്-4) നിയമനത്തിൽ നിന്ന് കേരള സർവകലാശാല വിദൂര വിദ്യാഭാസം വഴി നേടിയ ലൈബ്രറി സയൻസ് ബിരുദം ആണെന്ന കാരണത്താൽ ഒഴിവാക്കിയതുമായി ബന്ധപ്പെട്ട് ഏതെങ്കിലും കേസ് നിലവിലുണ്ടോയെന്ന് അറിയിക്കാമോ; ഉണ്ടെങ്കിൽ കേരള പി.എസ്.സി.യും ഉന്നത വിദ്യാഭ്യാസ വകുപ്പും അതിന്മേൽ എടുത്ത നടപടി ലഭ്യമാക്കാമോ;

ബഹുമാനപ്പെട്ട കേരള അഡ്മിനിസ്ട്രേറ്റീവ് ട്രിബ്യൂണലിൽ OA-1001/2024 തീയതി 25/06/2024 കേസ് നമ്പർ പ്രകാരമുള്ള വിധി 01/07/2025 നു ലഭ്യമാകുകയും വിധി അനുസരിച്ച് വിദൂര വിദ്യാഭാസം വഴി ലൈബ്രറി സയൻസ് ബിരുദം നേടിയവരെയും ലിസ്റ്റുകളിൽ ഉൾപ്പെടുത്തി ഒരു മാസത്തിനകം ലിസ്റ്റ് പ്രസിദ്ധീകരിക്കാൻ നിർദേശം നൽകിയിരുന്നോ; അതിന്മേൽ പി. എസ്. സി. സ്വീകരിച്ച നടപടിയുടെ വിശദാംശങ്ങൾ ലഭ്യമാക്കാമോ?

സംസ്ഥാനത്തെ എയ്ഡഡ് എഞ്ചിനീയറിംഗ് കോളേജുകളിൽ പുതുതായി അനുവദിച്ചിട്ടുളള കോഴ്സുകളിൽ ഉൾപ്പെടെ എത്ര അദ്ധ്യാപക, അനദ്ധ്യാപക തസ്തികകൾ സൃഷ്ടിക്കാനുണ്ടെന്ന് വ്യക്തമാക്കാമോ;

ഈ കാര്യത്തിൽ എന്തെല്ലാം നടപടികൾ സ്വീകരിച്ചുവെന്ന് വ്യക്തമാക്കാമോ?

എയ്ഡഡ് എഞ്ചിനീയറിംഗ് കോളേജുകൾ, ആർട്സ് & സയൻസ് കോളേജുകൾ എന്നിവയിൽ ജോലി ചെയ്യുന്ന ഗസ്റ്റ് അദ്ധ്യാപകരുടെ വേതനം മാസങ്ങളായി തടസ്സപ്പെടുന്നത് സർക്കാറിന്റെ ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

അലോട്ട്മെന്റ് ഇല്ലെങ്കിൽ ഗസ്റ്റ് അദ്ധ്യാപകരുടെ വേതന ബിൽ അനുസരിച്ച് ശമ്പളം നൽകേണ്ടതില്ലെന്ന് ട്രഷറി ഡയറക്ടർക്ക് നിർദേശം നൽകിയിട്ടുണ്ടോ; വിശദമാക്കാമോ;

അതത് മാസങ്ങളിൽ ത​ന്നെ ഇവരുടെ വേതനം കൃത്യമായി നൽകാൻ എന്തു നടപടി സ്വീകരിച്ചുവെന്ന് വ്യക്തമാക്കാമോ?

സംസ്ഥാനത്തെ ആർട്സ് & സയൻസ് കോളേജുകളിൽ 2020-ൽ പുതുതായി എത്ര കോഴ്സുകൾ അനുവദിച്ചുവെന്ന് വ്യക്തമാക്കാമോ;

ഇതിനാവശ്യമായ അദ്ധ്യാപക തസ്തികകൾ സൃഷ്ടിക്കുന്നതിന് എന്തെല്ലാം വ്യവസ്ഥകളാണ് നിശ്ചയിച്ചിരുന്നത്; വ്യക്തമാക്കാമോ;

എത്ര അദ്ധ്യാപക തസ്തികകൾ ഇനിയും സൃഷ്ടിക്കാനുണ്ട്; ഇതിന്മേൽ എന്തെല്ലാം നടപടികൾ സ്വീകരിച്ചിട്ടുണ്ട്; വ്യക്തമാക്കാമോ?

സംസ്ഥാനത്ത് പുനര്‍വിന്യാസത്തിന്റെ പേരില്‍ അദ്ധ്യാപക തസ്തികകള്‍ വെട്ടിച്ചുരുക്കിയിട്ടുണ്ടോ; ഉണ്ടെങ്കില്‍ വിശദാംശം ലഭ്യമാക്കുമോ; ഈ തസ്തികകള്‍ വെട്ടിക്കുറച്ചിട്ടില്ലെങ്കില്‍ ഒഴിവുകള്‍ വന്ന തസ്തികകള്‍ നികത്താന്‍ സര്‍ക്കാര്‍ നടപടി സ്വീകരിക്കുമോ;

പുതിയ വിദ്യാഭ്യാസനയം അനുസരിച്ച് കോളേജ് വിദ്യാഭ്യാസം മെച്ചപ്പെടുത്തുന്നതിന് വിവിധ വിഷയങ്ങളില്‍ കൂടുതല്‍ അദ്ധ്യാപക തസ്തികകള്‍ സൃഷ്ടിക്കാന്‍ നടപടി സ്വീകരിക്കുമോയെന്ന് വിശദമാക്കാമോ?

സംസ്ഥാനത്ത് കോളേജ് വിദ്യാഭ്യാസ വകുപ്പിന് കീഴില്‍ വരുന്ന ബി.എഡ്. കോളേജുകളില്‍ അസിസ്റ്റന്റ് പ്രൊഫസര്‍ നിയമനത്തിന്റെ യോഗ്യത യു.ജി.സി. നിഷ്കര്‍ഷിക്കുന്ന രീതിയിലേക്ക് മാറ്റുന്നതിനായി സ്പെഷ്യല്‍ റൂള്‍ ഭേദഗതി വരുത്തുന്നതിന് എന്തൊക്കെ നടപടികളാണ് സ്വീകരിച്ചു വരുന്നതെന്ന് വിശദമാക്കാമോ;

യു.ജി.സി. മാനദണ്ഡങ്ങള്‍ക്ക് വിരുദ്ധമായി പ്രസ്തുത തസ്തികകളില്‍ പ്രവൃത്തി പരിചയം ഉള്‍പ്പെടുത്തിയിരിക്കുന്നത് ഒഴിവാക്കി ഭേദഗതി വരുത്തുമോയെന്ന് വിശദമാക്കാമോ?

സംസ്ഥാനത്ത് കോളേജ് അദ്ധ്യാപകരുടെ ജോലിഭാരം അവലോകനം ചെയ്ത് തസ്തികകളുടെ എണ്ണം പുന:ക്രമീകരിക്കുവാൻ തീരുമാനിച്ചിട്ടുണ്ടോ; വിശദമാക്കാമോ;

തസ്തികകളുടെ ​പുന:ക്രമീകരണപ്രകാരം അദ്ധ്യാപക തസ്തികകൾ വെട്ടിക്കുറച്ചിട്ടുണ്ടോ; വിശദമാക്കാമോ?

കൊളീജിയറ്റ് എജുക്കേഷന്‍ വകുപ്പിന് കീഴില്‍ അസിസ്റ്റന്റ് പ്രൊഫസര്‍ (സുവോളജി) തസ്തികയില്‍ എത്ര ഒഴിവുകള്‍ ഉണ്ടെന്നു വ്യക്തമാക്കാമോ;

പ്രസ്തുത ഒഴിവുകള്‍ പി.എസ്.സി.ക്ക് റിപ്പോര്‍ട്ട് ചെയ്യുന്നതിന് നടപടി സ്വീകരിച്ചിട്ടുണ്ടോയെന്ന് അറിയിക്കാമോ; ഇല്ലെങ്കില്‍ കാരണം വ്യക്തമാക്കാമോ;

കാറ്റഗറി നമ്പര്‍ 295/19 വിജ്ഞാപന പ്രകാരം നിലവില്‍ വന്ന അസിസ്റ്റന്റ് പ്രൊഫസര്‍ (സുവോളജി) പി.എസ്.സി. റാങ്ക് ലിസ്റ്റില്‍ നിന്നും എത്ര പേര്‍ക്ക് നിയമനം നല്‍കിയിട്ടുണ്ടെന്ന് വ്യക്തമാക്കാമോ?

സംസ്ഥാനത്തെ ഗവണ്‍മെന്റ് കോളേജുകളിൽ നിലവിലുള്ള യു.ജി., പി.ജി. കോഴ്സുകള്‍ ഏതൊക്കെയെന്ന് യൂണിവേഴ്സിറ്റി അടിസ്ഥാനത്തില്‍ വ്യക്തമാക്കാമോ;

2021 മുതല്‍ പുതുതായി അനുവദിച്ച കോഴ്സുകള്‍ ഏതൊക്കെ കോളേജിലാണെന്ന് വിശദമാക്കാമോ;

നാല് വര്‍ഷ കോഴ്സുകള്‍ അനുവദിച്ചത് ഏതൊക്കെ കോളേജുകളിലാണെന്നുള്ള വിവരം യൂണിവേഴ്സിറ്റി തിരിച്ച് ലഭ്യമാക്കാമോ?

കൊയിലാണ്ടി മണ്ഡലത്തില്‍ എസ്. എ. ആര്‍. ബി. ടി. എം. ഗവണ്‍മെന്റ് കോളേജില്‍ ആധുനിക ലൈബ്രറി ബ്ലോക്ക് നിര്‍മ്മിക്കുന്നതിന് 6 കോടി രൂപ അനുവദിച്ചതിനെത്തുടർന്ന് നിര്‍മ്മാണ ചുമതല ഏൽപ്പിച്ച കിറ്റ്കോ പ്രസ്തുത പ്രവൃത്തി പൂർത്തിയാക്കാത്തത് ശ്രദ്ധയിൽപ്പെട്ടിട്ടുണ്ടോ;

എങ്കിൽ അതിന്മേൽ എന്തെങ്കിലും നടപടി സ്വീകരിച്ചിട്ടുണ്ടോ?

ഈ സര്‍ക്കാരിന്റെ കാലത്ത് കാസര്‍ഗോഡ് ജില്ലയിലെ ഗവണ്‍മെന്റ് കോളേജുകളിലെ അടിസ്ഥാന സൗകര്യ വികസനത്തിനായി എന്തൊക്കെ പദ്ധതികളാണ് നടപ്പിലാക്കിയതെന്ന് വിശദമാക്കാമോ;

ജില്ലയിലെ ഗവണ്‍മെന്റ് കോളേജുകള്‍ക്ക് ഈ സര്‍ക്കാര്‍ അനുവദിച്ച ഫണ്ടുകളുടെ വിവരങ്ങള്‍ ഇനം തിരിച്ച് ലഭ്യമാക്കാമോ?

2024-2025 ബജറ്റില്‍ അടങ്കല്‍ തുകയായ 6 കോടിയുടെ 20 ശതമാനം തുക വകയിരുത്തിയിട്ടുള്ള ഗവണ്‍മെന്റ് ആര്‍ട്സ് ആന്റ് സയന്‍സ് കോളേജ് വൈപ്പിന്റെ പുതിയ കെട്ടിട നിര്‍മാണത്തിന് ഭരണാനുമതി ലഭ്യമാക്കുന്നതില്‍ നേരിടുന്ന കാലതാമസത്തിന് കാരണം വിശദമാക്കാമോ;

പൊതുമരാമത്ത് കെട്ടിട വിഭാഗം തയ്യാറാക്കി ചീഫ് എഞ്ചിനീയര്‍ വഴി കോളേജിയേറ്റ് ഡയറക്ടര്‍ക്ക് സമര്‍പ്പിച്ചിട്ടുള്ള 6 കോടി രൂപയുടെ പദ്ധതിയുടെ നിലവിലെ സ്ഥിതി വിശദമാക്കാമോ;

തീരദേശ മണ്ഡലമായ വൈപ്പിന്‍കരയില്‍ എല്‍. പി. സ്കൂളിനായി പണിത കെട്ടിടത്തില്‍ പഠനം നടത്തുന്ന വിദ്യാര്‍ത്ഥികള്‍ അടിസ്ഥാന സൗകര്യം ഇല്ലാത്തതിനാല്‍ നേരിടുന്ന പിന്നാക്കാവസ്ഥ കണക്കിലെടുത്ത് കോളേജിന്റെ പുതിയ കെട്ടിടത്തിനായി സമര്‍പ്പിച്ചിട്ടുള്ള പ്രൊപ്പോസലിന് അടിയന്തര ഭരണാനുമതി ലഭ്യമാക്കാന്‍ നടപടി സ്വീകരിക്കുമോ; എന്നത്തേക്ക് ഭരണാനുമതി ലഭ്യമാക്കാന്‍ സാധിക്കുമെന്ന് വ്യക്തമാക്കാമോ?

ചവറ ബേബി ജോണ്‍ മെമ്മോറിയല്‍ ഗവ. കോളേജിന്റെ കെട്ടിട നിർമ്മാണം നാളിതുവരെ പൂര്‍ത്തിയാകാത്തത് ശ്രദ്ധയില്‍പ്പെട്ടിട്ടുണ്ടോ; അടിയന്തരമായി നിർമ്മാണം പൂര്‍ത്തീകരിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കാമോ?

പയ്യന്നൂര്‍ മണ്ഡലത്തിലെ പെരിങ്ങോം ഗവണ്‍മെന്റ് കോളേജില്‍ ഏതെല്ലാം കോഴ്‍സുകളാണ് നിലവിലുള്ളതെന്ന് വ്യക്തമാക്കാമോ;

പ്രസ്തുത കോളേജില്‍ പുതിയ കോഴ്‍സുകള്‍ അനുവദിക്കുന്ന കാര്യം പരിഗണനയിലുണ്ടോ; വ്യക്തമാക്കാമോ?

നെയ്യാറ്റിന്‍കര കുളത്തൂര്‍ ഗവ. കോളേജില്‍ 2025-26 വര്‍ഷത്തില്‍ പുതിയതായി ഏതെങ്കിലും കോഴ്സ് അനുവദിക്കുന്നതിനു നടപടി സ്വീകരിച്ചിട്ടുണ്ടോയെന്ന് വ്യക്തമാക്കാമോ?

കോങ്ങാട് മണ്ഡലത്തിലെ പത്തിരിപ്പാല ഗവൺമെന്റ് ആർട്സ് ആൻഡ് സയൻസ് കോളേജില്‍ അഡ്മിനിസ്ട്രേറ്റീവ് ബ്ലോക്ക് നിർമ്മിക്കുന്ന പ്രവൃത്തിക്ക് ഭരണാനുമതി ലഭിച്ചിട്ടുണ്ടോ; എങ്കില്‍ വിശദാംശം ലഭ്യമാക്കാമോ;

പ്രസ്തുത പ്രവൃത്തി നാളിതുവരെ ആരംഭിക്കാത്തതിന് കാരണം വ്യക്തമാക്കാമോ;

പ്രവൃത്തി ആരംഭിക്കുന്നതിനുവേണ്ടി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

കൊണ്ടോട്ടി ഗവൺമെന്റ് ആർട്സ് ആന്റ് സയൻസ് കോളേജിനായി സ്ഥലമേറ്റെടുക്കാൻ അനുമതിയായിട്ടുണ്ടോ; എങ്കിൽ എത്ര സ്ഥലം ആണ് ഏറ്റെടുക്കാൻ ഉദ്ദേശിക്കുന്നതെന്നും അതിനുവേണ്ടി എത്ര തുക അനുവദിച്ചിട്ടുണ്ടെന്നും വ്യക്തമാക്കാമോ;

സ്ഥലം ഏ​റ്റെടുക്കുന്നതിന് ഇതുവരെ സ്വീകരിച്ച നടപടികളുടെ വിശദാംശം ലഭ്യമാക്കുമോ;

സ്ഥലം ഏറ്റെടുക്കുന്നതിന് ഇനി എന്തെല്ലാം നടപടിക്രമങ്ങൾ പൂർത്തിയാക്കാനുണ്ടെന്നും അവ എന്നത്തേക്ക് പൂർത്തിയാക്കാൻ കഴിയുമെന്നും വ്യക്തമാക്കാമോ?

പയ്യന്നൂര്‍ മണ്ഡലത്തിലെ പെരിങ്ങോം ഗവണ്‍മെന്റ് കോളേജില്‍ കിഫ്ബി പദ്ധതിയില്‍ ഉള്‍പ്പെടുത്തി അനുവദിച്ച കെട്ടിട നിര്‍മ്മാണ പ്രവൃത്തിയുടെ നിലവിലെ അവസ്ഥ വിശദമാക്കാമോ;

പ്രസ്തുത നിര്‍മ്മാണ പ്രവൃത്തി സമയബന്ധിതമായി ആരംഭിക്കാന്‍ കഴിയാത്തത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത പ്രവൃത്തി എപ്പോള്‍ ആരംഭിക്കാന്‍ കഴിയുമെന്നാണ് പ്രതീക്ഷിക്കുന്നത്; വ്യക്തമാക്കാമോ?

കൊയിലാണ്ടി എസ്. എ. ആർ. ബി. ടി. എം. ഗവൺമെന്റ് കോളേജിൽ പുതിയ കോഴ്സുകൾ അനുവദിക്കുന്നത് പരിഗണനയിലുണ്ടോ;

എങ്കിൽ ഏതൊക്കെ കോഴ്സുകളാണ് പരിഗണനയിലുള്ളതെന്ന് വിശദമാക്കാമോ?

മൊകേരി ഗവ. കോളേജിലെ ലേഡീസ് ഹോസ്റ്റല്‍ നിര്‍മ്മാണം ഏത് ഘട്ടത്തിലാണെന്ന് അറിയിക്കാമോ; ടി പദ്ധതിയുടെ ഡി. പി. ആര്‍. അംഗീകരിച്ചിട്ടുണ്ടോ; വിശദമാക്കാമോ;

പ്രസ്തുത പ്രവൃത്തി എന്ന് പൂര്‍ത്തിയാക്കാനാണ് ഉദ്ദേശിക്കുന്നതെന്ന് അറിയിക്കാമോ?

സംസ്ഥാനത്ത് പുതുതായി ആരംഭിച്ച സർക്കാർ ആർട്സ് &സയൻസ് കോളേജുകളില്‍ കായിക വിദ്യാഭ്യാസ അദ്ധ്യാപക തസ്തികകള്‍ സൃഷ്ടിച്ചിട്ടുണ്ടോ; വിശദാംശം ലഭ്യമാക്കാമോ?

നിലമ്പൂര്‍ ഗവ. കോളേജിനായി സ്ഥലമേറ്റെടുക്കാന്‍ കിഫ്ബി ഫണ്ട് ഉപയോഗിച്ച് നടപടികള്‍ തുടങ്ങിയിട്ട് വര്‍ഷങ്ങളായിട്ടും ഏറ്റെടുക്കൽ നടപടികള്‍ പൂര്‍ത്തീകരിക്കാത്തത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

ഏറ്റെടുക്കൽ നടപടികള്‍ എന്നത്തേക്ക് പൂർത്തിയാക്കി കോളേജിന് പൂർണ്ണസജ്ജമായി പ്രവർത്തനമാരംഭിക്കുവാൻ കഴിയുമെന്ന് വ്യക്തമാക്കാമോ;

തടസ്സങ്ങൾ മാറ്റി കോളേജ് പൂർണ്ണസജ്ജമായി പ്രവർത്തനമാരംഭിക്കുന്നതിനും അതുവഴി കോളേജിന് കിട്ടേണ്ട വിവിധ ആനുകൂല്യങ്ങൾ ലഭ്യമാക്കുന്നതിനും വേണ്ട നടപടികള്‍ സ്വീകരിക്കുമോ; വിശദമാക്കാമോ?

ചക്കാല നായർ സമുദായത്തിന് ആർട്സ് ആൻഡ് സയൻസ് കോളേജ് അനുവദിക്കുന്നത് സംബന്ധിച്ച അപേക്ഷ സർക്കാരിൽ ലഭിച്ചത് എന്നാണെന്നും നാളിതുവരെ എന്തൊക്കെ നടപടികൾ സ്വീകരിച്ചിട്ടുണ്ടെന്നും വ്യക്തമാക്കാമോ;

ആർട്സ് ആൻഡ് സയൻസ് കോളേജ് അനുവദിച്ച് നൽകുന്നതിന് പൂർത്തീകരിക്കേണ്ട നടപടിക്രമങ്ങൾ എന്തൊക്കെയാണെന്ന് വ്യക്തമാക്കാമോ;

കോളേജ് അനുവദിക്കുന്നതിനുള്ള നടപടികൾ അടിയന്തരമായി പൂർത്തീകരിക്കുമോയെന്ന് വ്യക്തമാക്കാമോ?

ഈ സർക്കാർ അധികാരത്തിൽ വന്നതിനുശേഷം കോഴിക്കോട് ജില്ലയിലെ ഏതെല്ലാം കോളേജുകൾക്കാണ് റൂസ ഫണ്ട് അനുവദിച്ചിട്ടുള്ളത്; വിശദമാക്കാമോ;

റൂസ ഫണ്ട് അനുവദിക്കുന്നതിനുള്ള മാനദണ്ഡങ്ങൾ എന്തെല്ലാമാണെന്ന് വിശദമാക്കാമോ?

സംസ്ഥാനത്ത് സ്വകാര്യ, സര്‍ക്കാര്‍ മേഖലകളില്‍ ജോലി ചെയ്യുന്ന ജീവനക്കാര്‍ക്ക് നിയമ പഠനം സാധ്യമാകുന്ന രീതിയിൽ ഗവൺമെന്റ് ലോ കോളേജുകളില്‍ എൽ. എൽ. ബി. കോഴ്സ് ആരംഭിക്കുന്നതിന് നടപടി സ്വീകരിക്കുമോ; വിശദമാക്കാമോ;

തിരുവനന്തപുരം ലോ അക്കാദമി പോലുള്ള സ്ഥാപനങ്ങളില്‍ നടന്നുവരുന്ന മാതൃകയില്‍ എൽ. എൽ. ബി. സ്പെഷ്യല്‍ ബാച്ചുകള്‍ മലബാര്‍ മേഖലയില്‍ ഈവനിംഗ് കോഴ്സുകളായി തുടങ്ങുന്നതിന് നടപടി സ്വീകരിക്കുമോ; വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം ചങ്ങനാശ്ശേരി മണ്ഡലത്തില്‍ ഉന്നത വിദ്യാഭ്യാസ വകുപ്പ് മുഖാന്തരം നടപ്പിലാക്കിയ പദ്ധതികളുടെ വിശദാംശം ലഭ്യമാക്കാമോ;

ഓരോ പദ്ധതിക്കും അനുവദിച്ച തുക, അവയുടെ നിലവിലെ സ്ഥിതി എന്നിവ വ്യക്തമാക്കാമോ; ഉത്തരവുകളുടെ പകര്‍പ്പ് ലഭ്യമാക്കുമോ?

സംസ്ഥാനത്തെ സ‍‍‍ര്‍ക്കാര്‍, എയ്ഡഡ്, അണ്‍എയ്ഡഡ്, ഓട്ടോണമസ് എന്നീ ആർട്സ് ആന്റ് സയൻസ് കോളേജുകളിൽ വിവിധ പ്രോഗ്രാമുകളിൽ നിലവിൽ പഠിച്ചുകൊണ്ടിരിക്കുന്ന വിദ്യാർത്ഥികളുടെ എണ്ണം, വിവിധ വിഷയങ്ങളിലെ അദ്ധ്യാപകരുടെ എണ്ണം എന്നിവ വിഷയാടിസ്ഥാനത്തിൽ സ്ഥാപനം തിരിച്ച് ലഭ്യമാക്കാമോ;

സംസ്ഥാനത്തെ സ‍‍‍ര്‍വകലാശാല പഠനവകുപ്പുകളിൽ വിവിധ പ്രോഗ്രാമുകളിൽ നിലവിൽ പഠിച്ചുകൊണ്ടിരിക്കുന്ന വിദ്യാർത്ഥികളുടെ എണ്ണം, വിവിധ വിഷയങ്ങളിലെ അദ്ധ്യാപകരുടെ എണ്ണം എന്നിവ വിഷയാടിസ്ഥാനത്തിൽ സര്‍വകലാശാല തിരിച്ച് ലഭ്യമാക്കാമോ?

വിളപ്പില്‍ശാലയില്‍ അബ്ദുള്‍കലാം സാങ്കേതിക സര്‍വ്വകലാശാലയുടെ ആസ്ഥാന നിര്‍മ്മാണത്തിനായി നൂറ് ഏക്കര്‍ ഭൂമി ഏറ്റെടുക്കുന്നതിന് എത്ര തുകയാണ് വിനിയോഗിച്ചതെന്നും പ്രസ്തുത സ്ഥലത്ത് ചുറ്റുമതില്‍ നിര്‍മ്മിക്കുന്നതിന് എത്ര തുകയാണ് അനുവദിച്ചതെന്നും വ്യക്തമാക്കാമോ;

ആസ്ഥാന നിര്‍മ്മാണത്തിനായി എത്ര തുകയുടെ അനുമതി ലഭ്യമായിട്ടുണ്ടെന്നും നിര്‍മ്മാണ പ്രവര്‍ത്തനങ്ങള്‍ വൈകുന്നതിന്റെ കാരണം എന്താണെന്നും വിശദമാക്കാമോ?

സംസ്ഥാനത്ത് ഐ.ച്ച്.ആര്‍.ഡി. മുഖേന നഴ്സിംഗ് കോളേജുകള്‍ ആരംഭിക്കുന്നതിന് തീരുമാനമെടുത്തിട്ടുണ്ടോയെന്ന് വിശദമാക്കാമോ;

എത്ര നഴ്സിംഗ് കോളേജുകള്‍ ഇതിന്റെ ഭാഗമായി ആരംഭിച്ചിട്ടുണ്ടെന്ന കാര്യം അറിയിക്കാമോ;

ഹരിപ്പാട് മണ്ഡലത്തില്‍ ഐ.ച്ച്.ആര്‍.ഡി.യുടെ നേതൃത്വത്തില്‍ നഴ്സിംഗ് കോളേജ് സ്ഥാപിക്കുന്നതിന് തീരുമാനമെടുത്തിട്ടുണ്ടോ; എങ്കില്‍ വിശദമാക്കാമോ?

കേരളത്തിലെ എന്‍ജിനീയറിംഗ് കോളേജുകളില്‍ കാലഘട്ടത്തിനനുസൃതമായി നവീനകോഴ്സുകള്‍ ആരംഭിച്ച് ഈ മേഖലയില്‍ നിലവിലുള്ള പ്രതിസന്ധി പരിഹരിക്കാന്‍ നടപടികള്‍ ഉണ്ടാകുമോ; വ്യക്തമാക്കാമോ?

മഞ്ചേരി ഗവൺമെന്റ് പോളിടെക്നിക്ക് കോളേജില്‍ പുതിയ കോഴ്സുകൾ ആരംഭിക്കുന്നതിനുള്ള നടപടികൾ സ്വീകരിക്കുമോ; വിശദാംശങ്ങൾ ലഭ്യമാക്കാമോ;

മഞ്ചേരി ഗവൺമെന്റ് പോളിടെക്നിക്ക് കോളേജിന് പുതിയ അധ്യാപക, അനധ്യാപക തസ്തികകൾ അനുവദിക്കുന്നതിനുള്ള നടപടികൾ സ്വീകരിക്കുമോ; വിശദമാക്കാമോ;

മഞ്ചേരി ഗവൺമെന്റ് പോളിടെക്നിക്ക് കോളേജിന് പുതിയ അഡ്മിനിസ്ട്രേറ്റീവ് ബ്ലോക്ക് കെട്ടിടം നിർമ്മിക്കുന്നതിനുള്ള നടപടികൾ സ്വീകരിക്കുമോ; നിലവിൽ ഇതു സംബന്ധിച്ച് എന്തെങ്കിലും പ്രൊപ്പോസൽ പരിഗണനയിൽ ഉണ്ടോ; വിശദമാക്കാമോ;

മഞ്ചേരി ഗവൺമെന്റ് പോളിടെക്നിക്ക് കോളേജിനു വേണ്ടി പുതുതായി നിർമ്മിച്ച ക്ലാസ് മുറികൾ അടങ്ങുന്ന കെട്ടിടം നാളിതുവരെ പ്രവർത്തനക്ഷമമാകാതെ കിടക്കുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ ഈ കെട്ടിടം ഉദ്ഘാടനം ചെയ്യുന്നതിന് നേരിടുന്ന തടസ്സം എന്താണെന്ന് വ്യക്തമാക്കാമോ?

കോതമംഗലം മണ്ഡലത്തിൽ ചേലാട് പോളിടെക്നിക് കോളേജിൽ നടന്നുകൊണ്ടിരിക്കുന്ന നിർമ്മാണ പ്രവർത്തനങ്ങളുടെ വിശദാംശം ലഭ്യമാക്കാമോ;

പ്രസ്തുത പ്രവർത്തനങ്ങൾ അടിയന്തരമായി പൂർത്തീകരിക്കുന്നതിനാവശ്യമായ നടപടി സ്വീകരിക്കുമോ; വ്യക്തമാക്കാമോ?

കോട്ടയ്ക്കല്‍ നിയോജകമണ്ഡലത്തിലെ കുറ്റിപ്പുറം ടെക്നിക്കല്‍ ഹൈസ്കൂളില്‍ പോളിടെക്നിക്ക് കോളേജ് ആരംഭിക്കുന്നത് സംബന്ധിച്ച് ഉന്നത വിദ്യാഭ്യാസ വകുപ്പ് സ്വീകരിച്ച നടപടികള്‍ എന്തെല്ലാമെന്ന് അറിയിക്കാമോ;

പ്രസ്തുത വിഷയം സംബന്ധിച്ച് സാങ്കേതിക വിദ്യാഭ്യാസ ഡയറക്ടര്‍ സമര്‍പ്പിച്ച പ്രൊപ്പോസലിന്മേല്‍ സ്വീകരിച്ച നടപടികളുടെ വിശദാംശം അറിയിക്കാമോ;

കുറ്റിപ്പുറത്ത് പുതിയ പോളിടെക്നിക്ക് കോളേജ് അനുവദിക്കുന്നതിനുള്ള പ്രൊപ്പോസല്‍ എ. ഐ. സി. ടി. ഇ.-ക്ക് സമയപരിധിക്കുള്ളില്‍ സമര്‍പ്പിക്കുന്നതിന് സ്വീകരിച്ച നടപടികള്‍ അറിയിക്കാമോ?

ഗവണ്‍മെന്റ് വെസ്റ്റ് ഹിൽ പോളിടെക്നിക്കിൽ ഓഡിറ്റോറിയം നിർമ്മിക്കുന്നതിനുള്ള അപേക്ഷ പരിഗണനയിലുണ്ടോ; വ്യക്തമാക്കാമോ;

ഉണ്ടെങ്കിൽ എന്തെല്ലാം നടപടികളാണ് സ്വീകരിച്ചതെന്ന് വിശദമാക്കാമോ?

സംസ്ഥാനത്ത് സർക്കാർ ഉടമസ്ഥതയില്‍ ആകെ എത്ര പോളിടെക്നിക് കോളേജുകളാണ് ഉള്ളത്;

എയ്ഡഡ് മേഖലയിലും അൺ എയ്ഡഡ് മേഖലയിലും എത്ര പോളിടെക്നിക്കുകൾ ഉണ്ട്;

ഇവയിൽ ഏതൊക്കെ സ്ഥാപനങ്ങളിലാണ് മറൈൻ എഞ്ചിനീയറിംഗ്, എയർക്രാഫ്റ്റ് മെയിന്റനൻസ് കോഴ്സുകൾ ആരംഭിച്ചിട്ടുളളത്;

മറ്റ് പോളിടെക്നിക് കോളേജുകളിലും മറൈൻ എഞ്ചിനീയറിംഗ്, എയർക്രാഫ്റ്റ് മെയിന്റനൻസ് എന്നീ കോഴ്സുകൾ ഉടൻ ആരംഭിക്കാൻ നടപടി സ്വീകരിക്കുമോ; വിശദമാക്കുമോ ?

2025-26 ബജറ്റിൽ 5 കോടി രൂപ അനുവദിക്കുകയും ഒരു കോടി രൂപ വകയിരുത്തുകയും ചെയ്ത പേരാമ്പ്ര പോളിടെക്നിക്കിന്റെ നിർമ്മാണ നടപടികൾ ഏത് ഘട്ടത്തിലാണെന്ന് വിശദീകരിക്കാമോ;

പ്രസ്തുത ആവശ്യത്തിനായി ചങ്ങരോത്ത് പഞ്ചായത്തിന്റെ കൈവശമുള്ള അഞ്ച് ഏക്കർ സ്ഥലം കൈമാറി കിട്ടുന്നതിന് സ്വീകരിച്ച നടപടികൾ വിശദീകരിക്കാമോ?

ചാലക്കുടി മേഖലാ ശാസ്ത്ര കേന്ദ്രത്തിലെ പ്ലാനറ്റോറിയം കെട്ടിടത്തിന്റെ മകുടത്തിലെ ചോര്‍ച്ച പരിഹരിക്കുന്നതിന് എന്തൊക്കെ നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ;

പ്ലാനറ്റോറിയം കെട്ടിടത്തിന്റെ മകുടത്തിലെ ചോര്‍ച്ച ഏത് രീതിയില്‍ പരിഹരിക്കുന്നതിനാണ് തീരുമാനിച്ചിട്ടുള്ളതെന്നും ഇതിന് അംഗീകാരം നല്‍കിയിട്ടുണ്ടോ എന്നും അറിയിക്കാമോ;

ചോര്‍ച്ച പരിഹരിച്ച് പ്ലാനറ്റോറിയം എന്നത്തേക്ക് പൊതുജനങ്ങള്‍ക്ക് തുറന്നുനല്‍കാന്‍ കഴിയുമെന്ന് വ്യക്തമാക്കാമോ?

നിലവിലുള്ള കോഴ്സുകളില്‍ പഠിതാക്കളില്ലാത്തതിനാല്‍ പ്രതിസന്ധിയിലായ തിരുവമ്പാടി ഐ. എച്ച്. ആര്‍.ഡി. കോളേജില്‍ പുതിയ കോഴ്സുകള്‍ തുടങ്ങുന്നതിന് നിര്‍ദേശം സമര്‍പ്പിച്ചിട്ടുണ്ടോയെന്നും ആയതിന്റെ നിലവിലെ സ്ഥിതി എന്താണെന്നും വിശദമാക്കാമോ;

സ്ഥാപനം തുടര്‍ന്നും നടത്തുന്നതിന് ആവശ്യമായ പുതുതലമുറ കോഴ്സുകള്‍ ആരംഭിക്കുന്നതിന് നടപടികള്‍ സ്വീകരിക്കുമോ; വിശദമാക്കുമോ?

ഐ. എച്ച്. ആർ. ഡി. യിൽ ജീവനക്കാരുടെ വിരമിക്കൽ പ്രായം 60 വയസ്സാക്കുവാൻ തീരുമാനിച്ചിട്ടുണ്ടോ; വിശദമാക്കുമോ;

ഐ. എച്ച്. ആർ. ഡി. യുടെ ഗവേർണിംഗ് ബോഡി, എക്സിക്യൂട്ടീവ് കമ്മിറ്റി എന്നിവ പെൻഷൻ പ്രായം ഉയർത്തുന്നതിന് നിർദേശം സമർപ്പിച്ചിട്ടുണ്ടോ; എങ്കിൽ അതിന്റെ പകർപ്പ് നൽകുമോ;

ഐ. എച്ച്. ആർ. ഡി. യുടെ നിലവിലെ സാമ്പത്തിക സ്ഥിതി വിശദമാക്കുമോ; സർക്കാരിൽ നിന്നും ഏതൊക്കെ ഇനത്തിൽ ഐ. എച്ച്. ആർ. ഡി. നിലവിൽ സഹായം കൈപ്പറ്റുന്നുണ്ടെന്ന് വ്യക്തമാക്കുമോ;

ഐ. എച്ച്. ആർ. ഡി. യുടെ കീഴിൽ നിലവിൽ എത്ര കോളേജുകൾ പ്രവർത്തിക്കുന്നുണ്ടെന്നും ഓരോ കോളേജിൽ നിന്നും കഴിഞ്ഞ അഞ്ചുവർഷ കാലയളവിൽ ലഭിച്ച വരുമാനവും കോളേജ് നടത്തിപ്പിനായുള്ള ചെലവും ഉൾപ്പെടെയുള്ള വിശദാംശം നൽകുമോ?

2025 ലെ രണ്ടാമത്തെ കെ. ജി. റ്റി. ഇ. (കൊമേഴ്സ്) ടൈപ്പ് റൈറ്റിംഗ് & കമ്പ്യൂട്ടര്‍ വേഡ് പ്രോസസ്സിംഗ്, ഷോര്‍ട്ട്ഹാന്റ് പരീക്ഷകളുടെ വിജ്ഞാപനം എന്നത്തേയ്ക്ക് പ്രസിദ്ധീകരിക്കുന്നതിനാണ് തീരുമാനിച്ചിട്ടുള്ളതെന്നും, ഈ വര്‍ഷത്തെ രണ്ടാമത്തെ പരീക്ഷ എന്ന് നടത്തുന്നതിനാണ് തീരുമാനിച്ചിട്ടുള്ളതെന്നും വ്യക്തമാക്കാമോ;

കോവിഡ് കാലത്തിന് മുന്‍പ് നിലനിന്നിരുന്ന രീതിയില്‍ വര്‍ഷത്തില്‍ രണ്ട് കെ. ജി. റ്റി. ഇ. (കൊമേഴ്സ്) ടൈപ്പ് റൈറ്റിംഗ് & വേഡ് പ്രോസസ്സിംഗ് പരീക്ഷ ഈ വര്‍ഷം മുതല്‍ നടത്തുന്നതിന് നടപടി സ്വീകരിക്കുമോ; വ്യക്തമാക്കാമോ;

കെ. ജി. റ്റി. ഇ. (കൊമേഴ്സ്) ടൈപ്പ് റൈറ്റിംഗ് & കമ്പ്യൂട്ടര്‍ വേഡ് പ്രോസസ്സിംഗ് പരീക്ഷയ്ക്കായി സര്‍ട്ടിഫിക്കറ്റുകള്‍ പി. ഡി. എഫ്. ആയി സൈറ്റില്‍ അപ്‍ലോഡ് ചെയ്ത് ഓണ്‍ലൈനായി അപേക്ഷിച്ചതിനുശേഷം അപേക്ഷയുടെയും അനുബന്ധ രേഖകളുടെയും പകര്‍പ്പുകള്‍ (ഹാര്‍ഡ് കോപ്പി) പരീക്ഷാ ഭവനില്‍ ലഭ്യമാക്കണമെന്ന വ്യവസ്ഥ ഒഴിവാക്കി കാലോചിതമായ പരിഷ്ക്കരണം നടത്തുന്നതിന് പരീക്ഷാഭവന്‍ നടപടി സ്വീകരിക്കുമോ; വ്യക്തമാക്കാമോ;

28.05.2025 ല്‍ പുതുക്കിയ സിലബസ് പ്രകാരമുള്ള കെ. ജി. റ്റി. ഇ. (കൊമേഴ്സ് ഗ്രൂപ്പ്) ടൈപ്പ് റൈറ്റിംഗ് & കമ്പ്യൂട്ടര്‍ വേഡ് പ്രോസസ്സിംഗ് പരീക്ഷ എന്നു മുതല്‍ ന‌ടത്തുന്നതിനാണ് തീരുമാനിച്ചിട്ടുള്ളതെന്ന് വ്യക്തമാക്കാമോ;

കെ. ജി. റ്റി. ഇ. (കൊമേഴ്സ് ഗ്രൂപ്പ്) ടൈപ്പ് റൈറ്റിംഗ് & കമ്പ്യൂട്ടര്‍ വേഡ് പ്രോസസ്സിംഗ് പരീക്ഷയുടെ 28.05.2025ല്‍ പുതുക്കിയ സിലബസില്‍ ടൈപ്പ് റൈറ്റിംഗ് മെഷീനിലുള്ള പരീക്ഷ ഒഴിവാക്കിയിട്ടുണ്ടോ എന്ന വിവരം ലഭ്യമാക്കുമോ; ഒഴിവാക്കിയിട്ടില്ലെങ്കില്‍ ടൈപ്പ് റൈറ്റിംഗ് മെഷീനിലുള്ള പരീക്ഷ എങ്ങനെ നടത്തുന്നതിനാണ് പുതിയ സിലബസ് പ്രകാരം നിശ്ചയിച്ചിട്ടുള്ളതെന്ന് വ്യക്തമാക്കാമോ;

2025 മെയ് മാസം നടന്ന കെ. ജി. റ്റി. ഇ. (കൊമേഴ്സ് ഗ്രൂപ്പ്) ടൈപ്പ് റൈറ്റിംഗ് & കമ്പ്യൂട്ടര്‍ വേഡ് പ്രോസസ്സിംഗ് പരീക്ഷയു‌ടെ ഫലം എത്രയും വേഗം പ്രസിദ്ധീകരിക്കുന്നതിന് നടപടി സ്വീകരിക്കുമോ; വിശദമാക്കുമോ;

കെ. ജി. റ്റി. ഇ. (കൊമേഴ്സ് ഗ്രൂപ്പ്) ടൈപ്പ് റൈറ്റിംഗ് & കമ്പ്യൂട്ടര്‍ വേഡ് പ്രോസസ്സിംഗ് പരീക്ഷയുടെ ഫലം സമയബന്ധിതമായി പ്രസിദ്ധപ്പെടുത്തുന്നതിന് കേന്ദ്രീകൃത മൂല്യനിര്‍ണ്ണയ സംവിധാനം (Centralised Valuation) ഏര്‍പ്പെടുത്തുന്നതിന് നടപടി സ്വീകരിക്കുമോ; വ്യക്തമാക്കാമോ?

സംസ്ഥാനത്തെ ടെക്നിക്കല്‍ സ്കൂളുകളില്‍ ഇപ്പോള്‍ ഹയര്‍ സെക്കണ്ടറി സംവിധാനം നിലവിലുണ്ടോയെന്ന് അറിയിക്കാമോ; ഉണ്ടെങ്കില്‍ ഏതെല്ലാം സ്കൂളുകളിലാണെന്ന് വിശദമാക്കുമോ;

ഇല്ലെങ്കില്‍ ഇത്തരം സ്കൂളുകളില്‍ ഹയര്‍ സെക്കണ്ടറി വിഭാഗം ആരംഭിക്കുവാന്‍ നടപടി സ്വീകരിക്കുമോയെന്ന് വ്യക്തമാക്കാമോ?

കോട്ടക്കല്‍ കുറ്റിപ്പുറം ടെക്നിക്കല്‍ ഹൈസ്കൂളിന് പുതിയ കെട്ടിടം നിര്‍മ്മിക്കുന്നതിനുള്ള പ്രവൃത്തിയുടെ പുതുക്കിയ ഭരണാനുമതിയ്ക്കുള്ള പ്രൊപ്പോസലിന്മേല്‍ വകുപ്പ് സ്വീകരിച്ച നടപടികള്‍ വിശദമാക്കാമോ;

പ്രസ്തുത പ്രവൃത്തി സംബന്ധിച്ച് സാങ്കേതിക വിദ്യാഭ്യാസ ഡയറക്ടറേറ്റ് സ്വീകരിച്ച നടപടികളുടെ വിശദാംശം ലഭ്യമാക്കാമോ; പ്രവൃത്തി എന്നത്തേക്ക് ആരംഭിക്കാന്‍ കഴിയുമെന്ന് വ്യക്തമാക്കാമോ?

കമ്പ്യൂട്ടർ വേഡ് പ്രോസസ്സിംഗിന് തത്തുല്യമായി ഏതൊക്കെ കോഴ്സുകൾക്ക് (ബിരുദാനന്തര ബിരുദം/ബിരുദം/പി.ജി. ഡിപ്ലോമ/ഡിപ്ലോമ/സർട്ടിഫിക്കറ്റ്/ ടൈപ്പ്റൈറ്റിംഗ്/മറ്റ് കോഴ്സുകൾ) കേരള പി. എസ്. സി. അംഗീകാരം നൽകിയിട്ടുണ്ടെന്ന് വ്യക്തമാക്കുമോ;

അപ്രകാരം അംഗീകാരം നൽകികൊണ്ടുളള ഉത്തരവുകളുടെ പകർപ്പുകൾ സ്ഥാപനങ്ങൾ/കോഴ്സുകൾ/കാലാവധി എന്നിവ സഹിതം വിശദമാക്കുമോ;

കെ. ജി. ടി. ഇ. ടൈപ്പ്റൈറ്റിംഗിൽ നടത്തുന്ന കമ്പ്യൂട്ടർ വേഡ് പ്രോസസ്സിംഗ് (ലോവർ/ഹയർ) - ന് തത്തുല്യമായി ഏതൊക്കെ കോഴ്സുകൾക്ക് (ബിരുദാനന്തര ബിരുദം/ബിരുദം/പി.ജി. ഡിപ്ലോമ/ഡിപ്ലോമ/സർട്ടിഫിക്കറ്റ്/മറ്റ് കോഴ്സുകൾ) കേരള പി. എസ്. സി. അംഗീകാരം നൽകിയിട്ടുണ്ടെന്ന് വിശദമാക്കുമോ; ഉത്തരവുകളുടെ പകർപ്പുകൾ സ്ഥാപനങ്ങൾ/കോഴ്സുകൾ/കാലാവധി എന്നിവ സഹിതം ലഭ്യമാക്കുമോ?

സാങ്കേതിക വിദ്യാഭ്യാസ വകുപ്പില്‍ ആശ്രിത നിയമനത്തിനുള്ള അപേക്ഷകളില്‍ എത്രയെണ്ണമാണ് ഇനി തീര്‍പ്പാക്കാനുള്ളതെന്ന് അറിയിക്കാമോ; എന്നുവരെ ലഭിച്ച അപേക്ഷയില്‍ നിയമനം നല്‍കാന്‍ സാധിച്ചുവെന്നും നടപ്പുസാമ്പത്തിക വര്‍ഷം എത്ര ഒഴിവുകളാണ് പ്രതീക്ഷിക്കപ്പെടുന്നതെന്നും വ്യക്തമാക്കാമോ;

എന്‍ട്രി കേഡറില്‍ പുതിയ തസ്തികകള്‍ നിര്‍ണ്ണയിക്കുന്നത് വകുപ്പിന്റെ പരിഗണനയിലുണ്ടോ; വിശദമാക്കുമോ?

സർക്കാർ/എയ്ഡഡ് കോളേജുകളിലെ അധ്യാപക തസ്തികകളിൽ നിന്നും വിടുതൽ ചെയ്ത ശേഷം സർവ്വകലാശാല പഠനവകുപ്പുകളിൽ അധ്യാപകരായി ജോലിയിൽ പ്രവേശിച്ചവർക്ക് അവരുടെ സർക്കാർ/എയ്ഡഡ് കോളേജ് സേവന കാലയളവിലെ ശമ്പളം സംരക്ഷിച്ചു നല്കാറുണ്ടോയെന്ന് വിശദമാക്കാമോ;

ശമ്പള സംരക്ഷണം അനുവദിക്കുമ്പോൾ പ്രസ്തുത അദ്ധ്യാപകർ സർവ്വകലാശാലയിൽ ജോലിയിൽ പ്രവേശിച്ച അധ്യാപക തസ്തികയുടെ ശമ്പള സ്കെയിലിന്റെ പരമാവധിയിൽ കൂടുതൽ തുക ശമ്പളമായി ലഭിക്കുന്ന സാഹചര്യം ഉണ്ടാകാറുണ്ടോ; വിശദമാക്കാമോ;

അപ്രകാരം തങ്ങളുടെ തസ്തികയുടെ ശമ്പള സ്കെയിലിന്റെ പരമാവധിയിൽ കവിഞ്ഞ് ശമ്പള സംരക്ഷണം അനുവദിക്കപ്പെട്ട, സർവീസിൽ നിന്നും വിരമിച്ചവരുൾപ്പെടെയുള്ള മുഴുവൻ അദ്ധ്യാപകരുടെയും വിശദാംശം ലഭ്യമാക്കാമോ;

പ്രവേശന തസ്തികയുടെ ശമ്പള സ്കെയിലിന്റെ പരമാവധിയിൽ കവിഞ്ഞ് ശമ്പള സംരക്ഷണം അനുവദിക്കുന്നതിനാധാരമായ സർവ്വകലാശാല ചട്ടങ്ങളുടെ പകർപ്പുകൾ ലഭ്യമാക്കാമോ;

അധ്യാപകർക്ക് ശമ്പള സംരക്ഷണം അനുവദിച്ചതുമായി ബന്ധപ്പെട്ട് ആഡിറ്റ് പരിശോധനയിൽ തടസ്സവാദങ്ങൾ ഉന്നയിച്ചിട്ടുണ്ടെങ്കിൽ ആയതിന്റെ വിശദാംശം ലഭ്യമാക്കാമോ;

പ്രസ്തുത ആഡിറ്റ് പരാമർശങ്ങൾ നീക്കാത്തതു മൂലം വിരമിച്ച അധ്യാപകരുടെ പെൻഷൻ ആനുകൂല്യങ്ങൾ പൂർണമായും അനുവദിക്കാത്ത സാഹചര്യം ഉണ്ടോ; എങ്കിൽ സർവ്വീസിൽ നിന്നും വിരമിച്ച ശേഷം ഇതുമൂലം പെൻഷൻ ആനുകൂല്യങ്ങൾ പൂർണമായി അനുവദിക്കാൻ ബാക്കിയുളള അധ്യാപകരുടെ വിശദാംശം ലഭ്യമാക്കാമോ;?

അദ്ധ്യാപക നിയമനങ്ങൾ നടത്തുന്നതിന് സർവ്വകലാശാലയിലെ എല്ലാ പഠന വകുപ്പുകളെയും ഒറ്റ യൂണിറ്റായി പരിഗണിക്കണമെന്ന് നിഷ്കർഷിക്കുന്ന “ദ യൂണിവേഴ്സിറ്റി ലോസ്(രണ്ടാം ഭേദഗതി) ആക്ട്-2014” പ്രാബല്യത്തിൽ വന്നതിനുശേഷം സംസ്ഥാനത്തെ സർവ്വകലാശാലകളിൽ വിവിധ അദ്ധ്യാപക തസ്തികകളിലേയ്ക്ക് സ്ഥിരനിയമനം നല്കിയതിന്റെ വിശദാംശങ്ങൾ പഠനവകുപ്പ്, തസ്തിക എന്നിവ തിരിച്ച് ലഭ്യമാക്കാമോ;

പ്രസ്തുത നിയമനങ്ങൾക്ക് അവലംബിച്ച സംവരണക്രമം, റൊട്ടേഷൻ ചാർട്ടിന്റെ പകർപ്പുകൾ, പ്രസ്തുത തസ്തികകളുടെ എസ്റ്റാബ്ലിഷ്മെന്റ് രജിസ്റ്ററുകളുടെ പകർപ്പുകൾ എന്നിവയും ലഭ്യമാക്കാമോ; വിശദമാക്കാമോ?

സംസ്ഥാനത്തെ സർവ്വകലാശാല പഠനവകുപ്പുകളിലെ അധ്യാപക തസ്തികകളിൽ വിവിധ സംവരണ വിഭാഗങ്ങൾക്ക് 01.01.1985-ന് ശേഷം നിലവിൽ വന്ന ബാക്ക് ലോഗ് ഒഴിവുകളുടെ വിശദാംശങ്ങൾ ലഭ്യമാക്കാമോ; ബാക്ക് ലോഗ് ഒഴിവുകൾ സൃഷ്ടിക്കപ്പെട്ട തീയതി, ഓരോ സംവരണ വിഭാഗത്തിനും വിവിധ പഠനവകുപ്പുകളിലായി എത്ര വീതം ബാക്ക് ലോഗ് ഒഴിവുകൾ നിലവിലുണ്ടായിരുന്നുവെന്നും പ്രസ്തുത ഒഴിവുകളിൽ നിയമനം നല്കിയതിന്റെ വിശദാംശങ്ങളും ലഭ്യമാക്കാമോ;

സംസ്ഥാനത്തെ സർവ്വകലാശാല പഠനവകുപ്പുകളിലെ അധ്യാപക തസ്തികകളിൽ വിവിധ സംവരണ വിഭാഗങ്ങൾക്ക് നിലവിലുളള ബാക്ക് ലോഗ് ഒഴിവുകളുടെ വിശദാംശങ്ങൾ ലഭ്യമാക്കാമോ; വിവിധ സംവരണ വിഭാഗങ്ങൾക്ക് ഓരോ പഠനവകുപ്പുകളിലും എത്ര വീതം ബാക്ക് ലോഗ് ഒഴിവുകൾ നിലവിലുണ്ടെന്നും പ്രസ്തുത ഒഴിവുകൾ നികത്താനായി സർവ്വകലാശാലകൾ വിജ്ഞാപനം പുറപ്പെടുവിച്ചിട്ടുണ്ടോയെന്നും വിശദമാക്കാമോ;

അധ്യാപക തസ്തികകളിൽ ഭിന്നശേഷി വിഭാഗങ്ങൾക്ക് എത്ര ബാക്‌ലോഗ് ഒഴിവുകൾ ഓരോ പഠനവകുപ്പുകളിലും നിലവിലുണ്ടെന്ന് അറിയിക്കാമോ; വിശദമാക്കാമോ?

ഈ സര്‍ക്കാര്‍ അധികാരത്തിൽ വന്നതിനുശേഷം ഉന്നതവിദ്യാഭ്യാസ മേഖലയില്‍ ആരംഭിച്ചിട്ടുള്ള മികവിന്റെ കേന്ദ്രങ്ങളെക്കുറിച്ച് വിശദമാക്കാമോ;

സംസ്ഥാനത്ത് ഈ വര്‍ഷം കൂടുതലായി മികവിന്റെ കേന്ദ്രങ്ങള്‍ ആരംഭിക്കുന്നതിന് പദ്ധതിയുണ്ടോ; വിശദാംശം നല്‍കാമോ;

പ്രസ്തുത കേന്ദ്രങ്ങളുടെ പ്രവര്‍ത്തനങ്ങളെ സംബന്ധിച്ച രൂപരേഖ വിശദമാക്കാമോ;

മികവിന്റെ കേന്ദ്രങ്ങളും സംസ്ഥാനത്തെ പൊതു സര്‍വകലാശാലകളുമായി ഏത് തരത്തിലുള്ള അക്കാദമിക് സഹകരണമാണ് വിഭാവനം ചെയ്തിട്ടുള്ളതെന്ന് വിശദമാക്കാമോ?

കാലിക്കറ്റ്, കേരള, എം. ജി സർവകലാശാലകളിൽ പി.ജി. ഇല്ലാത്ത വകുപ്പുകളിൽ ഡിഗ്രി പഠിപ്പിക്കുന്ന കോളേജ് അധ്യാപകർക്ക് പി. എച്ച് .ഡി. ഗൈഡ് ഷിപ്പ് അനുവദിക്കുന്നുണ്ടോ;

കണ്ണൂർ സർവ്വകലാശാലയിൽ അഫിലിയേറ്റ് ചെയ്തിട്ടുള്ള കോളേജുകളിലെ മേൽപറഞ്ഞ വിഭാഗത്തിൽപ്പെട്ട അധ്യാപകർക്ക് ഗൈഡ് ഷിപ്പ് അനുവദിക്കുന്നില്ലെന്ന വിവരം ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ കണ്ണൂർ സർവ്വകലാശാല, സംസ്ഥാനത്തെ മറ്റ് സർവ്വകലാശാലകളിൽ നിന്നും വ്യത്യസ്തമായ നിലപാട് കൈകൊള്ളാൻ കാരണമെന്താണ്; നിലപാട് പുന:പരിശോധിക്കാൻ സർവ്വകലാശാലയോട് ആവശ്യപ്പെടുമോ;

കാലിക്കറ്റ്‌ സർവകലാശാല യൂണിവേഴ്സിറ്റിയിലെ കരാർ അധ്യാപകർക്കും സ്വാശ്രയ കോളേജ് അധ്യാപകർക്കും ഗൈഡ്ഷിപ്പ് അനുവദിക്കുന്നത് ശ്രദ്ധയിൽപ്പെട്ടിട്ടുണ്ടോ;

പ്രസ്തുത വിഷയത്തിൽ നിയമന, സേവന, വേതന വ്യവസ്ഥയിൽ വ്യത്യാസമില്ലാത്ത ഡിഗ്രി പഠിപ്പിക്കുന്ന അധ്യാപകർക്കും പി.ജി. ഉള്ള വകുപ്പിലെ അധ്യാപകർക്കും തമ്മിൽ കണ്ണൂർ സർവ്വകലാശാലയിൽ മാത്രമായി പ്രത്യേക നിബന്ധന കൊണ്ടുവന്നിട്ടുണ്ടോ; എങ്കിൽ ഏതു നിയമത്തിന്റെ അടിസ്ഥാനത്തിലാണെന്ന് അതെന്ന് വ്യക്തമാക്കുമോ?

സർക്കാർ നടപ്പിലാക്കിയ 4 വർഷ ബിരുദ കോഴ്സുകളുടെ സിലബസ് നിര്‍മ്മാണം പൂര്‍ത്തീകരിച്ചിട്ടുണ്ടോ;

കേരള സർവകലാശാലയുടെ 4 വർഷ ബി. എ. ഇംഗ്ലീഷ് കോഴ്സിന്റെ ഒന്നാം സെമസ്റ്ററിൽ കവി പാബ്ലോ നെരൂദയുടെ കവിതയെന്ന പേരില്‍ പഠിക്കാനുണ്ടായിരുന്നത് എ. ഐ. ജനറേറ്റഡ് വ്യാജ കവിതയാണ് എന്നത് സർക്കാർ ഗൗരവമായി കാണുന്നുണ്ടോ;

മേലില്‍ ഇത്തരം സംഭവങ്ങൾ ഒഴിവാക്കുന്നതിന് നടപടികൾ സ്വീകരിക്കുമോ; വിശദമാക്കുമോ?

എ.കെ.ജി. സെന്ററിന്റെ നിർമ്മാണത്തിന് കേരള സർവകലാശാലയുടെ ഭൂമി അനുവദിച്ചു കൊണ്ടുള്ള 1977-ലെ സർക്കാർ ഉത്തരവിന്റെ പകർപ്പ് ലഭ്യമാക്കാമോ;

സർക്കാർ അനുവദിച്ച ഭൂമിക്ക് പുറമേ കേരള സർവകലാശാലയും ഭൂമി അനുവദിച്ചിട്ടുണ്ടോയെന്ന് അറിയിക്കാമോ; ഉണ്ടെങ്കിൽ ഏത് തീയതിയിൽ നടന്ന സിൻഡിക്കേറ്റും സെനറ്റുമാണ് എ. കെ. ജി. സെന്ററിന്റെ ആവശ്യത്തിന് അധികമായി ഭൂമി അനുവദിച്ചതെന്ന് വ്യക്തമാക്കുമോ; എത്ര സെന്റ് ഭൂമിയാണ് അനുവദിച്ചതെന്ന വിവരവും പ്രസ്തുത തീരുമാനങ്ങളുടെ പകർപ്പും ലഭ്യമാക്കാമോ;

നിലവിൽ എ. കെ. ജി. സെന്ററിന്റേതായി എത്ര സെന്റ് ഭൂമി കൈവശം വച്ചിട്ടുണ്ടെന്ന് വ്യക്തമാക്കുമോ;

പ്രസ്തുത ഭൂമിക്ക് തണ്ടപ്പേരും പട്ടയവും ലഭിച്ചിട്ടുണ്ടോയെന്ന വിവരം ലഭ്യമാക്കുമോ?

കേരളത്തിലെ സർക്കാർ/എയ്ഡഡ് കോളേജുകൾ, മറ്റു സർവ്വകലാശാലകൾ എന്നിവിടങ്ങളിലെ മുൻകാല സേവനം കണക്കിലെടുത്ത് സർവ്വകലാശാലകളിലെ അധ്യാപകർക്ക് കരിയർ അഡ്വാൻസ്മെന്റ് സ്കീം (സി.എ.എസ്.) അനുസരിച്ചുളള സ്ഥാനക്കയറ്റം അനുവദിക്കാറുണ്ടോയെന്ന് വ്യക്തമാക്കാമോ;

01.01.2006 മുതൽ ഇപ്രകാരം അധ്യാപകർക്ക് സി.എ.എസ് പ്രമോഷൻ അനുവദിച്ചതിന്റെ വിശദാംശങ്ങൾ ലഭ്യമാക്കാമോ; പ്രസ്തുത അധ്യാപകരുടെ പേര്, സർവ്വകലാശാല പഠനവകുപ്പിൽ ജോലിയിൽ പ്രവേശിച്ച തീയതി, തസ്തിക, പ്രമോഷൻ അനുവദിച്ച തീയതി, തസ്തിക, മുൻകാല സേവനത്തിന്റെ വിശദാംശങ്ങൾ എന്നിവയും ലഭ്യമാക്കാമോ;

സർവ്വകലാശാല പഠനവകുപ്പുകളിലെ അധ്യാപകർക്ക് സർവകലാശാല ആക്റ്റ്, സ്റ്റാറ്റ്യൂട്ട്, യു.ജി.സി റെഗുലേഷൻസ് എന്നിവയോടൊപ്പം കെ.എസ്.ആർ, കെ.എസ് & എസ്.എസ്.ആർ എന്നിവയിലെ വ്യവസ്ഥകളും ബാധകമാണോയെന്ന് വ്യക്തമാക്കാമോ;d;

സർവകലാശാല പഠനവകുപ്പുകളിലെ അധ്യാപക തസ്തികകളിലെ പ്രൊബേഷൻ കാലയളവ് എത്ര വർഷമാണ്; പ്രൊബേഷൻ പൂർത്തീകരിച്ച തീയതിക്ക് മുമ്പേയുളള തീയതി പ്രാബല്യം നല്കി ഏതെങ്കിലും അധ്യാപകർക്ക് സ്ഥാനക്കയറ്റം (കരിയർ അഡ്വാൻസ്മെന്റ് സ്കീം അനുസരിച്ചുളളത്) അനുവദിച്ചിട്ടുണ്ടെങ്കിൽ ആയതിന്റെ വിശദാംശങ്ങൾ ലഭ്യമാക്കാമോ;

പ്രൊബേഷൻ പൂർത്തീകരിച്ച തീയതിക്ക് മുമ്പേയുളള തീയതി പ്രാബല്യം നല്കി അധ്യാപകർക്ക് സ്ഥാനക്കയറ്റം അനുവദിച്ചതുമായി ബന്ധപ്പെട്ട് ആഡിറ്റ് പരിശോധനയിൽ തടസവാദങ്ങൾ ഉന്നയിച്ചിട്ടുണ്ടെങ്കിൽ ആയതിന്റെ വിശദാംശങ്ങൾ ലഭ്യമാക്കാമോ;

പ്രസ്തുത ആഡിറ്റ് പരാമർശങ്ങൾ നീക്കാത്തതുമൂലം വിരമിച്ച അധ്യാപകരുടെ പെൻഷൻ ആനുകൂല്യങ്ങൾ പൂർണമായും അനുവദിക്കാത്ത സാഹചര്യം തുടർന്ന് വരുന്നുണ്ടോയെന്ന് വിശദമാക്കാമോ; ആഡിറ്റ് തടസവാദങ്ങൾ നിലനില്ക്കുന്നത് മൂലം പെൻഷൻ ആനുകൂല്യങ്ങൾ പൂർണമായി അനുവദിക്കാൻ ബാക്കിയുളള, സർവ്വീസിൽ നിന്നും വിരമിച്ച, അധ്യാപകരുടെ വിശദാംശങ്ങൾ ലഭ്യമാക്കാമോ; വിശദമാക്കാമോ?

സംസ്ഥാനത്തെ വിവിധ സർവ്വകലാശാലകൾക്ക് പ്ലാൻ, നോൺ-പ്ലാൻ ഗ്രാന്റിനങ്ങളിൽ 2024- 25 വർഷം സംസ്ഥാന ബഡ്ജറ്റിൽ നീക്കിവെച്ചിരുന്ന തുക എത്രവീതമാണ്; അതിൽ എത്ര തുക ഓരോ സർവ്വകലാശാലകൾക്കും അനുവദിച്ചു; വ്യക്തമാക്കാമോ;

2025-26 വർഷത്തിലെ ബജറ്റിൽ സംസ്ഥാനത്തെ ഓരോ സർവ്വകലാശാലകൾക്കും പ്ലാൻ, നോൺ-പ്ലാൻ ഗ്രാന്റിനത്തിൽ എത്ര രൂപവീതം വക കൊള്ളിച്ചിട്ടുണ്ട്; അതിൽ എത്ര തുക ഓഗസ്റ്റ് മാസം വരെ അനുവദിച്ചു; വിശദാംശം ലഭ്യമാക്കാമോ?

കേരള സർവകലാശാലയുടെ 37 ഏക്കർ ഭൂമി, പാട്ട വ്യവസ്ഥയിൽ ഗ്രീൻഫീൽഡ് സ്റ്റേഡിയത്തിന്റെ നിർമാണത്തിന് വിട്ടുകൊടുത്തതിൽ നാളിതുവരെ എത്ര രൂപ പാട്ട കുടിശ്ശിക ഇനത്തിൽ സർവ്വകലാശാലയ്ക്ക് ലഭിക്കാനുണ്ട്; പാട്ട തുക ലഭിക്കുന്നതിന് സർവകലാശാല സ്വീകരിച്ച നടപടികൾ എന്തൊക്കെയാണെന്ന് വിശദമാക്കാമോ;

കാലിക്കറ്റ് സർവകലാശാലയുടെ ഭൂമിയും സ്വകാര്യ ഏജൻസിയുമായി ചേർന്ന് സ്റ്റേഡിയം നിർമ്മാണത്തിന് വിട്ടുകൊടുക്കുവാൻ സർക്കാർ തലത്തിൽ തീരുമാനിച്ചിട്ടുണ്ടോ;

ഇതിന്റെ പ്രാരംഭ പ്രവർത്തനങ്ങൾക്ക് കായിക വകുപ്പിന് കിഫ്ബി ഫണ്ടിൽ നിന്നും തുക അനുവദിച്ചിട്ടുണ്ടോ; എങ്കില്‍ എത്ര രൂപ അനുവദിച്ചു;

സർവ്വകലാശാല ഭൂമി സ്റ്റേഡിയം നിർമ്മാണത്തിന് വിട്ടുനൽകുന്നതിന് കാലിക്കറ്റ് സർവ്വകലാശാലയുടെ അനുമതി ലഭിച്ചിട്ടുണ്ടോ; അനുമതി ലഭിക്കാതെ സർക്കാരും കായിക വകുപ്പും പ്രാരംഭ നടപടികൾ ആരംഭിച്ചിട്ടുണ്ടോ; വിശദമാക്കാമോ?

2020 - 21 അക്കാദമിക വർഷം മുതൽ സർവകലാശാല പഠനവകുപ്പുകളിൽ (സ്വാശ്രയ വകുപ്പുകളിലുൾപ്പെടെ) പുതുതായി ആരംഭിച്ച വിവിധ യു. ജി. , പി. ജി.. ഇന്റഗ്രേറ്റഡ് പി. ജി., സർട്ടിഫിക്കറ്റ്, ഡിപ്ലോമ പ്രോഗ്രാമുകളുടെ വിശദാംശവും അവയുടെ ഓരോ ബാച്ചിലും പ്രവേശനം നേടിയ വിദ്യാർത്ഥികളുടെ എണ്ണവും പ്രോഗ്രാം, വർഷം എന്നിവ തിരിച്ച് ലഭ്യമാക്കുമോ;

പ്രസ്തുത പ്രോഗ്രാമുകളുടെ ഭാഗമായി നിയമിതരായ താൽക്കാലിക അദ്ധ്യാപക, അനദ്ധ്യാപക ജീവനക്കാരുടെ തസ്തിക തിരിച്ചുളള വിശദാംശങ്ങളും അവർക്ക് നാളിതുവരെ  ഓരോ സാമ്പത്തിക വർഷവും വേതനമായി ആകെ അനുവദിച്ച  തുകയും ലഭ്യമാക്കാമോ?

2022 മുതൽ നാളിതുവരെയുള്ള ഓരോ അദ്ധ്യയനവർഷത്തിലും കേരളത്തിലെ സർവ്വകലാശാലകളിൽ എത്ര വിദേശവിദ്യാർത്ഥികളാണ് വിവിധ കോഴ്സുകളിലേക്ക് അപേക്ഷിച്ചിട്ടുള്ളതെന്ന് സർവ്വകലാശാല തിരിച്ച് വ്യക്തമാക്കാമോ;

ഈ വർഷങ്ങളിൽ എത്ര വിദേശ വിദ്യാർത്ഥികൾക്കാണ് അഡ്മിഷൻ ലഭിച്ചിട്ടുള്ളത്‌ എന്നതിന്റെ വിശദാംശങ്ങള്‍ സർവ്വകലാശാല, കോഴ്സ് എന്നിവ തിരിച്ച് ലഭ്യമാക്കാമോ;

2022 മുതൽ നാളിതുവരെയുള്ള ഓരോ അദ്ധ്യയന വർഷത്തിലും കേരള, എം.ജി., കണ്ണൂർ, കാലിക്കറ്റ് എന്നീ സർവ്വകലാശാലകളിൽ ബിരുദ പഠനത്തിന് എത്ര സീറ്റാണ് ഉള്ളതെന്നും ഇവയിൽ എത്ര സീറ്റുകൾ ഒഴിഞ്ഞ് കിടക്കുന്നുവെന്നും വ്യക്തമാക്കാമോ;

സാങ്കേതിക സർവ്വകലാശാലയിൽ എത്ര എൻജിനീയറിങ് സീറ്റുകളാണ് ബിരുദ പഠനത്തിന് ഉള്ളതെന്നും ഇവയിൽ 2022 മുതൽ എത്ര സീറ്റുകളാണ് ഒഴിഞ്ഞ് കിടക്കുന്നതെന്നും കീമിൽ യോഗ്യരാകാത്ത എത്ര കുട്ടികളാണ് അഡ്മിഷൻ നേടിയതെന്നും വ്യക്തമാക്കാമോ?

ശ്രീനാരായണഗുരു ഓപ്പണ്‍ സര്‍വകലാശാലയിലെ നടത്തിപ്പ്, ഫീസ് പിരിവ് എന്നിവയിലടക്കം ഗുരുതര ക്രമക്കേട് നടന്നുവെന്ന ഓഡിറ്റ് റിപ്പോര്‍ട്ട് പുറത്തുവന്നിട്ടുണ്ടോ; വിശദമാക്കാമോ;

ലേണിങ് സപ്പോര്‍ട്ടിംഗ് സെന്ററുകളുടെ പ്രവര്‍ത്തനത്തില്‍ പര്യാപ്തമായ രേഖകളോ നിരീക്ഷണ സംവിധാനങ്ങളോ ഇല്ല എന്ന കണ്ടെത്തൽ ഗൗരവമായി കാണുന്നുണ്ടോ; വ്യക്തമാക്കാമോ;

ശ്രീനാരായണഗുരു ഓപ്പണ്‍ സര്‍വകലാശാലയിലെ പ്രവർത്തനങ്ങൾ മെച്ചപ്പെടുത്താൻ നടപടികൾ സ്വീകരിക്കുമോ; വിശദമാക്കുമോ?

കൊച്ചി ശാസ്ത്രസാങ്കേതിക സർവകലാശാലയിലും അനുബന്ധ സ്ഥാപനങ്ങളിലും 2024 ജനുവരി 1 മുതൽ ഡിസംബർ 31 വരെ അസിസ്റ്റന്റ്‌ തസ്തികയിൽ വന്ന ഒഴിവുകളുടെ എണ്ണം മാസം തിരിച്ചു ലഭ്യമാക്കാമോ; ഇവയിൽ എല്ലാ ഒഴിവുകളും പി. എസ്. സി. യിൽ റിപ്പോർട്ട്‌ ചെയ്തിട്ടുണ്ടോ ; എങ്കിൽ റിപ്പോർട്ട് ചെയ്ത ഒഴിവുകളുടെ എണ്ണം എത്ര; റിപ്പോർട്ട്‌ ചെയ്യാത്ത ഒഴിവുകൾ ഉണ്ടോ ; എങ്കിൽ എത്ര ; റിപ്പോർട്ട്‌ ചെയ്യാത്ത ഒഴിവുകൾ ഉണ്ടെങ്കിൽ കാരണം വ്യക്തമാക്കാമാക്കാമോ;

പ്രസ്തുത സ്ഥാപനങ്ങളിൽ ഈ കാലയളവിൽ അസിസ്റ്റന്റ് തസ്തികയിലെ എത്ര ഒഴിവുകളാണ് ബൈട്രാൻസ്ഫർ, കാറ്റഗറി ചേഞ്ച്‌ എന്നീ വിഭാഗങ്ങളിലേക്കായി മാറ്റിവെക്കപ്പെട്ടിട്ടുള്ളതെന്ന് ഇനം തിരിച്ച് വ്യക്തമാക്കാമോ;

പ്രസ്തുത സ്ഥാപനങ്ങളിൽ 2026 ജനുവരി 1 മുതൽ ഡിസംബർ 31 വരെ അസിസ്റ്റന്റ്‌ തസ്തികയിൽ വരുന്ന ഒഴിവുകളുടെ എണ്ണം മാസം തിരിച്ചു ലഭ്യമാക്കാമോ; ഇവയിൽ എത്ര എണ്ണം ബൈട്രാൻസ്ഫർ, കാറ്റഗറി ചേഞ്ച്‌ എന്നിവക്കായി മാറ്റിവയ്ക്കും എന്നറിയിക്കാമോ;

പ്രസ്തുത സർവകലാശാലയിൽ താഴ്ന്ന തസ്തികകളിൽ നിന്നും അസിസ്റ്റന്റ് തസ്തികയിലേക്ക് അനുവദിച്ചിട്ടുള്ള ബൈട്രാൻസ്ഫർ നിയമനങ്ങളുടേയും കാറ്റഗറി മാറ്റം മുഖേന ഉള്ള നിയമനങ്ങളുടെയും ശതമാനം എത്രയാണെന്ന് ഇനം തിരിച്ച് വ്യക്തമാക്കാമോ; ഏത് ഗവണ്‍മെന്റ് റൂൾ/ഓർഡർ പ്രകാരമാണ് പ്രസ്തുത ശതമാനം നിശ്ചയിക്കപ്പെട്ടിട്ടുള്ളത് എന്നറിയിക്കാമോ?

1999-ൽ സ്ഥാപിതമായതും കൊച്ചി ശാസ്ത്ര സാങ്കേതിക സർവകലാശാലയുടെ അഫിലിയേഷനിൽ പ്രവർത്തിക്കുന്നതുമായ കൊച്ചിൻ യൂണിവേഴ്സിറ്റി കോളേജ് ഓഫ് എഞ്ചിനീയറിങ്ങിന് കുട്ടനാടിൽ പുതിയ അക്കാദമിക് കെട്ടിടത്തിന്റെ ആവശ്യകത വിലയിരുത്തിയിട്ടുണ്ടോ; എങ്കിൽ ആയത് നിർമ്മിക്കുന്നതിന് നടപടി സ്വീകരിച്ചിട്ടുണ്ടോ; വ്യക്തമാക്കാമോ;

പ്രസ്തുത കോളേജിൽ താൽക്കാലിക കെട്ടിടങ്ങൾ നിർമ്മിച്ചിരുന്നുവോ; ആയതിന്റെ കാലാവധി കഴിഞ്ഞ് പൊളിച്ചു മാറ്റേണ്ട സ്ഥിതി ഉണ്ടായിട്ടുണ്ടോ; വിശദമാക്കാമോ;

പ്രസ്തുത കോളേജിൽ ഹോസ്റ്റലും ചുറ്റുമതിലും പുതിയ അക്കാദമിക് കെട്ടിടങ്ങളും നിർമ്മിച്ച് ഭൗതിക സാഹചര്യങ്ങൾ മെച്ചപ്പെടുത്തുന്നതിന് സർക്കാർ സ്വീകരിച്ച നടപടികൾ വിശദമാക്കാമോ?

നിശ്ചിത സമയത്തിനുള്ളിൽ പ്രബന്ധം സമർപ്പിക്കാൻ സാധിക്കാത്ത ഗവേഷക വിദ്യാർത്ഥികൾക്ക് ഒരു ലക്ഷം രൂപ പിഴ ഈടാക്കി പ്രബന്ധം സമർപ്പിക്കുന്നതിന് കണ്ണൂർ സർവ്വകലാശാല ഒറ്റ തവണ അനുമതി നൽകിയിട്ടുണ്ടോയെന്ന് അറിയിക്കാമോ;

പ്രസ്‌തുത ഇളവ് എപ്പോഴാണ് പ്രാബല്യത്തിൽ വന്നതെന്ന് അറിയിക്കാമോ; ആയതിന്റെ അടിസ്ഥാനത്തിൽ പ്രബന്ധം സമർപ്പിക്കുന്നതിന് ആർക്കെല്ലാമാണ് അനുമതി നൽകിയതെന്നും എപ്പോൾ മുതലാണ് അനുമതി നൽകിയതെന്നും അറിയിക്കാമോ;

പ്രസ്‌തുത ഗവേഷക വിദ്യാർത്ഥികൾ എപ്പോഴാണ് ഗവേഷണത്തിന് രജിസ്റ്റർ ചെയ്തതെന്നും പ്രബന്ധം സമർപ്പിച്ചതെന്നും ഇവർക്ക് ഓപ്പൺ ഡിഫൻസ് നടത്തി പി. എച്ച്. ഡി. അവാർഡ് ചെയ്തതെന്നും വ്യക്തമാക്കാമോ?

മലയാളം സർവകലാശാല തിരൂരിൽ എവിടെയാണ് ഇപ്പോള്‍ പ്രവർത്തിച്ചുവരുന്നതെന്ന് വ്യക്തമാക്കാമോ;

സർവകലാശാലയ്ക്ക് ആസ്ഥാനമുണ്ടാക്കാൻ സ്വന്തമായി സ്ഥലം ഏറ്റെടുത്തിട്ടുണ്ടോ; എങ്കില്‍ ഭൂമി ഏറ്റെടുക്കല്‍ നടപടികള്‍ ആരംഭിച്ചത് എന്നാണെന്ന് വിശദമാക്കാമോ;

ഏറ്റെടുത്ത സ്ഥലത്ത് കെട്ടിടം നിർമ്മിച്ചിട്ടുണ്ടോ; ഇല്ലെങ്കില്‍ ആയതിന് എന്തെങ്കിലും തടസ്സങ്ങളുണ്ടോ; വിശദാംശങ്ങള്‍ ലഭ്യമാക്കാമോ?

സംസ്ഥാന ഗ്രാൻഡ് ഇൻ എയ്ഡ് സർവകലാശാലകളിൽ എത്ര ഇടങ്ങളിലാണ് സ്ഥിരം വൈസ് ചാൻസലർമാർ ഉള്ളതെന്ന് അറിയിക്കാമോ;

നിലവിൽ ഉണ്ടായിരുന്ന വൈസ് ചാൻസലർമാർ വിരമിച്ചതിന് ശേഷം സ്ഥിരം വൈസ് ചാൻസലർമാരെ തിരഞ്ഞെടുക്കാൻ എന്തെല്ലാം നടപടികളാണ് നാളിതുവരെ സർക്കാർ/ സർവകലാശാലകൾ സ്വീകരിച്ചത്; വിശദമാക്കുമോ;

ഏതെല്ലാം യൂണിവേഴ്സിറ്റികളാണ് വൈസ് ചാൻസലർമാരുടെ നിയമനത്തിനുള്ള സെലക്ഷൻ/സെർച്ച് കമ്മിറ്റിയിലേക്ക് യൂണിവേഴ്സിറ്റി നോമിനികളെ തെരഞ്ഞെടുത്ത് ചാൻസലർക്ക് റിപ്പോർട്ട് ചെയ്തതെന്ന് വ്യക്തമാക്കുമോ;

സ്ഥിരം വൈസ് ചാൻസലർമാരുടെ അഭാവം യൂണിവേഴ്സിറ്റികളുടെ അക്കാദമികവും ഭരണപരവുമായ പ്രവർത്തനങ്ങളെ ഏതെല്ലാം തരത്തിലാണ് ബാധിച്ചിട്ടുള്ളതെന്ന് അറിയിക്കുമോ;

സ്ഥിരം വൈസ് ചാൻസലർമാരുടെ നിയമനവുമായി ബന്ധപ്പെട്ട് ബഹു.കേരള ഹൈക്കോടതി, ബഹു.സുപ്രീംകോടതി എന്നിവിടങ്ങളിൽ നിലവിലുള്ള കേസുകളുടെ സ്ഥിതി എന്താണെന്നും ഈ ആവശ്യത്തിന് വേണ്ടിയുള്ള നിയമവ്യവഹാരത്തിന് എത്ര ലക്ഷം രൂപയാണ് സർക്കാർ നാളിതുവരെ ചെലവഴിച്ചതെന്നും വിശദമാക്കുമോ?

സംസ്ഥാനത്തെ സർവകലാശാലകളിൽ 01.01.1995-ന് ശേഷം വിവിധ പഠന വകുപ്പുകളിലേക്ക് നടത്തിയ അദ്ധ്യാപക നിയമനങ്ങളിൽ ഭിന്നശേഷി വിഭാഗങ്ങൾക്ക് സംവരണം അനുവദിച്ചതിന്റെ വിശദാംശം ലഭ്യമാക്കാമോ;

പ്രസ്തുത കാലയളവിൽ ഭിന്നശേഷി വിഭാഗങ്ങൾക്ക് സംവരണം അനുവദിക്കുന്നതിന് അനുയോജ്യമായി കണ്ടെത്തിയ ഓരോ പഠനവകുപ്പിലെയും അദ്ധ്യാപക തസ്തികകളുടെ വിശദാംശം പ്രസ്തുത സംവരണ ഒഴിവുകളിൽ നിയമനം ലഭിച്ച  ഉദ്യോഗാർത്ഥികളുടെ പേര്, തസ്തിക, പഠനവകുപ്പ്, ജോലിയിൽ പ്രവേശിച്ച തീയതി, വിരമിച്ചവരാണെങ്കിൽ വിരമിച്ച തീയതി എന്നിവ ഉൾപ്പെടെ ലഭ്യമാക്കുമോ;

01.01.1995 മുതൽ നാളിതുവരെ സർവകലാശാലകളിലെ അദ്ധ്യാപക തസ്തികകളിൽ ഭിന്നശേഷി വിഭാഗക്കാർക്ക് എത്ര സംവരണ ബാക്ക് ലോഗ് ഒഴിവുകൾ സൃഷ്ടിക്കപ്പെട്ടിട്ടുണ്ടെന്ന് തസ്തിക തിരിച്ച് വിശദമാക്കാമോ; പ്രസ്തുത ഒഴിവുകളിൽ നടത്തിയ നിയമനങ്ങളുടെ വിശദാംശം ലഭ്യമാക്കുമോ?

സംസ്ഥാനത്തെ സർവ്വകലാശാലകളിലെ അദ്ധ്യാപക തസ്തികകളിലേക്കുള്ള നിയമനങ്ങൾ നടത്തുന്നതിന് സർവകലാശാല നിയമങ്ങൾ (രണ്ടാം ഭേദഗതി) ആക്ട്-2014 പ്രകാരം ഏത് തീയതി മുതലാണ് സർവ്വകലാശാലയിലെ എല്ലാ പഠന വകുപ്പുകളെയും ഒറ്റ യൂണിറ്റായി പരിഗണിക്കേണ്ടതെന്ന് അറിയിക്കാമോ;

പ്രസ്തുത ആക്ട് പ്രാബല്യത്തിൽ വന്നതിനുശേഷം, പഠന വകുപ്പുകളിലെ അദ്ധ്യാപക തസ്തികകളിൽ വിവിധ സംവരണ വിഭാഗങ്ങൾക്ക് നിലവിൽ വന്ന ബാക്ക് ലോഗ് ഒഴിവുകളുടെ വിശദാംശം ലഭ്യമാക്കാമോ;

പ്രസ്‌തുത ബാക്ക് ലോഗ് ഒഴിവുകൾ സൃഷ്ടിക്കപ്പെട്ട തീയതിയും ഓരോ സംവരണ വിഭാഗത്തിനും വിവിധ പഠനവകുപ്പുകളിലായി എത്ര വീതം ബാക്ക് ലോഗ് ഒഴിവുകൾ നിലവിലുണ്ടായിരുന്നുവെന്നും പ്രസ്തുത ഒഴിവുകൾ നികത്തുന്നതിന് സർവ്വകലാശാലകൾ വിജ്ഞാപനം പുറപ്പെടുവിച്ചതിന്റെയും നിയമനം നല്കിയതിന്റെയും വിശദാംശം ലഭ്യമാക്കാമോ;

പ്രസ്തുത ആക്ട് പ്രകാരം വിവിധ പഠനവകുപ്പുകളിലെ അദ്ധ്യാപക തസ്തികകൾ ഒറ്റയൂണിറ്റായി പരിഗണിക്കുന്നതിനാൽ പ്രസ്തുത തീയതിക്ക് മുമ്പ് നിലവിൽ വന്ന സംവരണ ബാക്ക് ലോഗ് ഒഴിവുകൾ നികത്തേണ്ടതില്ല എന്ന് നിഷ്കർഷിക്കുന്നുണ്ടോ; വ്യക്തമാക്കാമോ?

സംസ്ഥാനത്തെ സർവകലാശാലകളിൽ 01.01.1995-ന് ശേഷം വിവിധ അനധ്യാപക തസ്തികകളിലേക്ക് നടത്തിയ നിയമനങ്ങളിൽ ഭിന്നശേഷി വിഭാഗങ്ങൾക്ക് സംവരണം അനുവദിച്ചതിന്റെ വിശദാംശം ലഭ്യമാക്കാമോ;

ഭിന്നശേഷി വിഭാഗങ്ങൾക്ക് സംവരണം അനുവദിക്കുന്നതിന് അനുയോജ്യമായി കണ്ടെത്തിയ തസ്തികകളുടെ വിശദാംശങ്ങൾ, പ്രസ്തുത സംവരണ ഒഴിവുകളിൽ നിയമനം ലഭിച്ച ഉദ്യോഗാർത്ഥികളുടെ പേര്, തസ്തിക, ജോലിയിൽ പ്രവേശിച്ച തീയതി, വിരമിച്ചവരാണെങ്കിൽ വിരമിച്ച തീയതി എന്നീ വിശദാംശം ലഭ്യമാക്കുമോ;

01.01.1995 മുതൽ നാളിതുവരെ സർവകലാശാലകളിലെ അനധ്യാപക തസ്തികകളിൽ ഭിന്നശേdഷി വിഭാഗക്കാർക്ക്  എത്ര സംവരണ ബാക്ക് ലോഗ് ഒഴിവുകൾ സൃഷ്ടിക്കപ്പെട്ടിട്ടുണ്ടെന്ന് തസ്തിക തിരിച്ചു വിശദമാക്കാമോ;

പ്രസ്തുത ഒഴിവുകളിൽ നടത്തിയ സംവരണ ബാക്ക് ലോഗ് നിയമനങ്ങളുടെ വിശദാംശം ലഭ്യമാക്കുമോ?

കോളേജ്/യൂണിവേഴ്‌സിറ്റി അധ്യാപകരുടെ നിയമന പ്രായപരിധി 50 വയസ്സ് ആയി ഉയർത്തിയിട്ടുണ്ടോ ; എങ്കിൽ എന്നുമുതലാണെന്ന് വ്യക്തമാക്കാമോ;

സർക്കാർ സർവീസിൽ പ്രവേശിക്കുന്നതിനുള്ള പ്രായപരിധി പരമാവധി നാല്പത് വയസ്സായി നിശ്ചയിച്ചിരിക്കുമ്പോൾ യൂണിവേഴ്സിറ്റിയിലെയും കോളേജുകളിലെയും അസിസ്റ്റന്റ് പ്രൊഫസർമാരുടെ മാത്രം നിയമന പ്രായപരിധി വർദ്ധിപ്പിക്കുവാൻ കാരണമെന്താണെന്ന് വ്യക്തമാക്കാമോ?

ശ്രീനാരായണഗുരു ഓപ്പണ്‍ സര്‍വകലാശാലയുടെ നടത്തിപ്പിലും ഫീസ് പിരിവിലുമടക്കം ക്രമക്കേട് ഉണ്ടെന്നുള്ള ഓഡിറ്റ് റിപ്പോര്‍ട്ട് ശ്രദ്ധയിൽപ്പെട്ടിട്ടുണ്ടോ;

പ്രസ്തുത സര്‍വകലാശാലയിലെ നിയമനവുമായി ബന്ധപ്പെട്ട് വിജ്ഞാപനം പ്രസിദ്ധീകരിക്കുന്നതു മുതല്‍ ടെസ്റ്റും ഇന്റർവ്യൂവും നടത്തി ഫലപ്രഖ്യാപനം നടത്തുന്നതിലും നിയമന നടപടികളിലും സുതാര്യതയില്ലെന്ന് ഓഡിറ്റ് റിപ്പോര്‍ട്ടില്‍ പരാമർശിച്ചിട്ടുണ്ടോ; എങ്കിൽ അതിന്മേൽ സ്വീകരിച്ച നടപടികൾ വിശദമാക്കാമോ?

ശ്രീനാരായണഗുരു ഓപ്പൺ സർവകലാശാലയിലും അനുബന്ധ സ്ഥാപനങ്ങളിലും സ്ഥിരം തസ്തിക സൃഷ്ടിക്കുന്നതിനായുള്ള പ്രൊപോസലിന്റെ നിലവിലെ സ്ഥിതി എന്താണെന്ന് ഫയൽ നമ്പർ ഉൾപ്പെടെ വ്യക്തമാക്കാമോ; എത്ര അസിസ്റ്റന്റ് തസ്തികകൾ ആണ് പ്രസ്തുത പ്രൊപോസലിൽ സർവകലാശാല ആവശ്യപ്പെട്ടിട്ടുള്ളതെന്ന് അറിയിക്കാമോ;

പ്രസ്തുത സർവകലാശാലയുടെ സുഗമമായ പ്രവര്‍ത്തനത്തിനാവശ്യമായ സ്ഥിരം അസിസ്റ്റന്റ് തസ്തികകളുടെ എണ്ണം എത്രയാണെന്ന് വിശദമാക്കാമോ;

പ്രസ്തുത സർവകലാശാലയിൽ അസിസ്റ്റന്റ് തസ്തികയിൽ ജോലി ചെയ്യുന്ന താത്കാലിക/കരാർ/ദിവസവേതന ജീവനക്കാരുടെ എണ്ണം എത്രയാണെന്ന് വിശദമാക്കാമോ?

കേരളത്തിലെ സർവകലാശാലകളിൽ സേവനമനുഷ്ഠിക്കുന്ന കരാർ അധ്യാപകർക്ക് തുല്യജോലിക്ക് തുല്യവേതനം എന്ന സാമൂഹിക നീതി ഉറപ്പാക്കുന്നതിനായി യു.ജി.സി. മാനദണ്ഡങ്ങൾക്കനുസരിച്ച് വേതനം പരിഷ്കരിക്കാൻ തയ്യാറാകുമോയെന്ന് വ്യക്തമാക്കുമോ;

നിലവിൽ കരാർ അധ്യാപകർക്ക് അനുവദിച്ചിട്ടുള്ള 11 ദിവസത്തെ അവധി അപര്യാപ്തമായതിനാൽ ഇത് സ്ഥിര അധ്യാപകർക്ക് സമാനമായി വർദ്ധിപ്പിച്ച് അസുഖം പോലുള്ള അടിയന്തിര ഘട്ടങ്ങളിൽ ശമ്പളം നഷ്ടപ്പെടാതിരിക്കാൻ നടപടിയെടുക്കുമോ;

അക്കാദമിക പ്രവർത്തനങ്ങളുടെ ഭാഗമായി സെമിനാർ അവതരണം, പരീക്ഷാ മൂല്യനിർണ്ണയം തുടങ്ങിയ കാര്യങ്ങളിൽ പങ്കെടുക്കുന്നതിന് ഡ്യൂട്ടി ലീവ് അനുവദിക്കുന്നതിനുള്ള തടസ്സങ്ങൾ നീക്കി കരാർ അധ്യാപകരുടെ അക്കാദമിക് വളർച്ചയ്ക്ക് പ്രോത്സാഹനം നൽകാൻ തയ്യാറാകുമോ; വിശദമാക്കുമോ;

കേരള ഡിജിറ്റൽ സർവ്വകലാശാല, സാങ്കേതിക സർവ്വകലാശാല, മാരിടൈം സർവ്വകലാശാല എന്നിവിടങ്ങളിൽ കരാർ അധ്യാപകർക്ക് അസിസ്റ്റന്റ് പ്രൊഫസർക്ക് തുല്യമായ വേതനം നൽകുന്ന മാതൃക സംസ്ഥാനത്തെ മറ്റ് സർവ്വകലാശാലകളിലേക്കും വ്യാപിപ്പിക്കാൻ ആലോചിക്കുമോയെന്ന് വ്യക്തമാക്കുമോ;

കരാർ അധ്യാപകരുടെ സേവന വേതന വ്യവസ്ഥകൾ എന്തൊക്കെയാണെന്നും അവ സ്ഥിരം അധ്യാപകരുമായി താരതമ്യം ചെയ്യുമ്പോഴുള്ള അന്തരം എന്തൊക്കെയാണെന്നും അവ പരിഹരിക്കാനും തൊഴിൽ സുരക്ഷിതത്വം ഉറപ്പാക്കാനും ഉദ്ദേശിക്കുന്ന നടപടികളും സർവകലാശാലകൾ തിരിച്ചു വ്യക്തമാക്കാമോ?

അധ്യാപക നിയമനത്തിനു കാലിക്കറ്റ് സർവകലാശാല പുറപ്പെടുവിച്ച GA-IIC1/156687/2019/Admn Dt 31.12.2019,  GA-II/C1/162156/2019/Admn Dt 31.12.2019, GA-II/C1/104750/2019/Admn Dt 31.12.2019 എന്നീ  വിജ്ഞാപനങ്ങൾ പ്രകാരം നിലവിൽ വന്ന എൻ . സി. എ.,  എൻ. ജെ. ഡി . ഒഴിവുകൾ ഏതെല്ലാമാണെന്നും, അവയുടെ സംവരണ ക്രമവും പഠനവകുപ്പ് തിരിച്ച് ലഭ്യമാക്കാമോ;

പ്രസ്തുത വിജ്ഞാപനങ്ങൾ പ്രകാരമുളള നിയമനങ്ങളുമായി ബന്ധപ്പെട്ട് കേരളാ ഹൈക്കോടതി, സുപ്രീം കോടതി എന്നിവ മുമ്പാകെ ഇതുവരെ രജിസ്റ്റർ ചെയ്ത കേസുകളുടെ വിശദാംശങ്ങൾ (കേസ് നമ്പർ,പരാതിക്കാരൻ, നിലവിലെ സ്ഥിതി) എന്നിവ ലഭ്യമാക്കാമോ; പ്രസ്തുത കേസുകളിൽ കോടതി വിധിന്യായം പുറപ്പെടുവിച്ചതിന്റെ വിശദാംശങ്ങളും ആയത് നടപ്പിലാക്കുന്നതിന് സർവകലാശാല നാളിതുവരെ സ്വീകരിച്ച നടപടികളും ഓരോ കേസിലേതും പ്രത്യേകമായി ലഭ്യമാക്കാമോ;

പ്രസ്തുത കേസുകളുടെ നടത്തിപ്പുമായി ബന്ധപ്പെട്ട് സർവകലാശാല ഇതുവരെ എത്ര തുക ചെലവഴിച്ചിട്ടുണ്ട്; വിശദാംശം നൽകാമോ;

31.12.2019 തീയതിയിലെ  വിജ്ഞാപനങ്ങൾ പ്രകാരമുളള അധ്യാപക നിയമനങ്ങളുമായി ബന്ധപ്പെട്ട് വിവിധ കമ്മീഷനുകൾ മുമ്പാകെ ഇതുവരെ രജിസ്റ്റർ ചെയ്ത പരാതികളുടെ വിശദാംശങ്ങൾ(പരാതിക്കാരൻ, കമ്മീഷനുകളിലെ പരാതികളുടെ നിലവിലെ സ്ഥിതി)എന്നിവ ലഭ്യമാക്കാമോ;

പ്രസ്തുത പരാതികളിൽ ബന്ധപ്പെട്ട കമ്മീഷനുകൾ ഉത്തരവ് പുറപ്പെടുവിച്ചതിന്റെ വിശദാംശങ്ങളും ആയത് നടപ്പിലാക്കുന്നതിന് സർവവകലാശാല നാളിതുവരെ സ്വീകരിച്ച നടപടികൾ എന്തെല്ലാമാണെന്നും പ്രത്യേകമായി ലഭ്യമാക്കാമോ?

നോട്ടിഫിക്കേഷൻ നമ്പർ GA-II.C1/156687/2019/Admn Dt 31.12.2019 പ്രകാരമുള്ള അധ്യാപക നിയമനങ്ങൾക്കു വേണ്ടി കാലിക്കറ്റ് സർവകലാശാല തയ്യാറാക്കിയ റൊട്ടേഷൻ ചാർട്ട് പുതുക്കി നിയമനങ്ങൾ പുന:ക്രമീകരിക്കണമെന്നുളള ബഹു. കേരളാ ഹൈക്കോടതി ഡിവിഷൻ ബെഞ്ചിന്റെ ഡബ്ല്യു. എ. നം. 1527/2021 കേസിലെ ഉത്തരവിനും ആയത് ശരിവെച്ച ബഹു.സുപ്രീം കോടതിയുടെ സ്പെഷ്യൽ ലീവ് അപ്പീൽ (സി) നം.10045/2023 കേസിലെ ഉത്തരവിനും അനുസൃതമായി റൊട്ടേഷൻ ചാർട്ട് പുതുക്കി നിയമനങ്ങൾ  പുന:ക്രമീകരിക്കുന്നതിന് നാളിതുവരെ സർവകലാശാല സ്വീകരിച്ച നടപടികൾ  വിശദമാക്കാമോ; റൊട്ടേഷൻ ചാർട്ട് പുതുക്കിയതുമായി ബന്ധപ്പെട്ട മുഴുവൻ സർവ്വകലാശാല ഉത്തരവുകളുടെയും ഫയൽ കുറിപ്പുകളുടെയും ഇതുമായി ബന്ധപ്പെട്ട് നടന്ന സിൻഡിക്കേറ്റ് യോഗത്തിന്റെ മിനിറ്റ്സുകളുടെയും പകർപ്പുകൾ ലഭ്യമാക്കാമോ;

പ്രസ്തുത വിഷയവുമായി ബന്ധപ്പെട്ട് 17.02.2024 തീയതിയിൽ ചേർന്ന സർവകലാശാല സിൻഡിക്കേറ്റ് യോഗം അംഗീകാരം നല്കിയ റൊട്ടേഷൻ ചാർട്ട് പുതുക്കുന്നതിന് അവലംബിച്ച മാനദണ്ഡങ്ങൾ വ്യക്തമാക്കാമോ; വിശദാംശങ്ങൾ ലഭ്യമാക്കാമോ;

16.03.2024 തീയതിയിൽ ചേർന്ന സർവകലാശാല സിൻഡിക്കേറ്റ് യോഗം പരിഗണിച്ച പുതുക്കിയ റൊട്ടേഷൻ ചാർട്ടുമായി ബന്ധപ്പെട്ട് സർവകലാശാല സ്റ്റാൻഡിംഗ് കൗൺസലിൽ നിന്നും ലഭ്യമായ നിയമോപദേശത്തിന്റെ പകർപ്പ്, സർവ്വകലാശാല സിൻഡിക്കേറ്റ് യോഗം അംഗീകാരം നല്കിയ പുതുക്കിയ റൊട്ടേഷൻ ചാർട്ടിന്റെ പകർപ്പ് എന്നിവ ലഭ്യമാക്കാമോ;

റൊട്ടേഷൻ ചാർട്ട് പുതുക്കി നിയമനങ്ങൾ പുന:ക്രമീകരിച്ചത് മൂലം അസിസ്റ്റന്റ് പ്രൊഫസർ തസ്തികയിലേക്ക് പുതുതായി എത്രപേർക്ക് നിയമനം ലഭിച്ചിട്ടുണ്ടെന്നും അവർ പഠന വകുപ്പുകളിലെ അസിസ്റ്റന്റ് പ്രൊഫസർ തസ്തികയിൽ എന്ന് നിലവിൽ വന്ന ഒഴിവിലാണ് നിയമിതരായതെന്നും വിശദമാക്കാമോ;

പുതുതായി നിയമിതരായ പ്രസ്തുത അധ്യാപകരുടെ കെ. എസ് & എസ്. എസ്. ആർ പ്രകാരമുളള റിസർവേഷൻ വിഭാഗം, റൊട്ടേഷൻ ക്രമം എന്നിവയുടെ വിശദാംശങ്ങൾ ലഭ്യമാക്കാമോ;

ബഹു.ഹൈക്കോടതി ഡിവിഷൻ ബെഞ്ചിന്റെ ഡബ്ല്യു. എ. നം. 1527/2021 കേസിലെ പരാതിക്കാരിയായ അധ്യാപിക ഏത് സംവരണ വിഭാഗത്തിൽപ്പെടുന്നവരായിരുന്നുവെന്നും അസിസ്റ്റന്റ് പ്രൊഫസർ നിയമനത്തിൽ കെ. എസ് & എസ്. എസ്. ആർ പ്രകാരമുളള അവരുടെ റിസർവേഷൻ വിഭാഗം, റൊട്ടേഷൻ ക്രമം എന്നീ കാര്യങ്ങൾ ഉൾകൊള്ളുന്ന വിശദവിവരങ്ങൾ ലഭ്യമാക്കാമോ?

പൊതുവിദ്യാലയങ്ങളിൽ പഠിക്കുന്ന കുട്ടികൾ നീറ്റ്, കീം പ്രവേശന പരീക്ഷയിൽ നോർമലൈസേഷനുമായി ബന്ധപ്പെട്ട് പിന്തള്ളപ്പെട്ട് പോകുന്ന സാഹചര്യം നിലവിലുള്ളതിനാൽ ഈ വർഷം ഇത് പരിഹരിക്കുന്നതിന് വേണ്ട നടപടികളാണ് സർക്കാർ കൈക്കൊണ്ടതെങ്കിലും കോടതിവിധിയിലൂടെ ഇത് മറികടക്കുന്നതിന് സി.ബി.എസ്.ഇ. സിലബസിൽ പഠിക്കുന്നവർക്ക് കഴിഞ്ഞതിനാൽ അടുത്ത വർഷങ്ങളിൽ ഈ പ്രശ്നം പരിഹരിക്കുന്നതിന് എന്തെല്ലാം നടപടികളാണ് വകുപ്പ് എടുത്തിട്ടുള്ളതെന്ന് വ്യക്തമാക്കുമോ?

2021 മുതൽ ഇതുവരെ കുറ്റ്യാടി മണ്ഡലത്തിലെ 8 പഞ്ചായത്തുകളിലായി സാമൂഹ്യ നീതി വകുപ്പിന്റെ നേതൃത്വത്തിൽ നൽകിയ സഹായങ്ങൾ (അനുവദിച്ച തുക, എണ്ണം, ആശ്വാസം നൽകാൻ ഇടയായ സാഹചര്യം എന്നിവ സഹിതം) വിശദമാക്കാമോ; എത്ര കുടുംബങ്ങൾക്ക് ഇത്തരത്തിൽ സഹായം ലഭ്യമായിട്ടുണ്ട് എന്ന് പഞ്ചായത്ത് തിരിച്ച് അറിയിക്കാമോ?

ആശ്വാസ കിരണം പദ്ധതിയില്‍ ഉള്‍പ്പെട്ട ഗുണഭോക്താക്കള്‍ക്ക് തുക നല്‍കുന്നതില്‍ നിലവില്‍ കുടിശ്ശികയുണ്ടോ; എങ്കില്‍ ഏത് തീയതി മുതലാണ് കുടിശ്ശികയെന്ന് വിശദമാക്കാമോ;

നേരത്തെ വര്‍ഷങ്ങളോളം കുടിശ്ശികയായതിനാല്‍ ലൈഫ് സര്‍ട്ടിഫിക്കറ്റ് നല്‍കാതിരുന്നവര്‍ ഗുണഭോക്തൃ ലിസ്റ്റില്‍ നിന്നും ഒഴിവാക്കപ്പെട്ടിട്ടുണ്ടോ; എത്ര വര്‍ഷം ലൈഫ് സര്‍ട്ടിഫിക്കറ്റ് ലഭ്യമാക്കാത്തവരെയാണ് ലിസ്റ്റില്‍ നിന്നും ഒഴിവാക്കിയിട്ടുള്ളത്; ഇങ്ങിനെ ഒഴിവാക്കപ്പെട്ടവരെ ലിസ്റ്റില്‍ ഉള്‍പ്പെടുത്താന്‍ എന്ത് നടപടികളാണ് സ്വീകരിച്ചു വരുന്നത്; വിശദമാക്കാമോ?

സാമൂഹ്യനീതി വകുപ്പിന്റെ ബാരിയർ ഫ്രീ കേരള പദ്ധതി പ്രകാരം 2025-26 സാമ്പത്തിക വർഷത്തിൽ ഏതെങ്കിലും സിവിൽ സ്റ്റേഷനുകൾക്ക് ലിഫ്റ്റ് സ്ഥാപിക്കുന്നതിന് തുക അനുവദിച്ചിട്ടുണ്ടോ; ഉണ്ടെങ്കിൽ ഏതെല്ലാം സിവിൽ സ്റ്റേഷനുകൾക്കാണ് തുക അനുവദിച്ചതെന്ന് വ്യക്തമാക്കാമോ;

പ്രസ്തുത പദ്ധതി പ്രകാരം ചാത്തന്നൂർ സിവിൽ സ്റ്റേഷനിൽ ലിഫ്റ്റ് സ്ഥാപിക്കാൻ തുക അനുവദിച്ച് കിട്ടുന്നത് സംബന്ധിച്ച ഫയലിൽ (A2/79/2025-സാമൂഹ്യനീതി വകുപ്പ്) തീരുമാനം കൈക്കൊണ്ടിട്ടുണ്ടെങ്കിൽ ആയതിന്റെ വിശദാംശം അറിയിക്കാമോ;

ചാത്തന്നൂർ സിവിൽ സ്റ്റേഷനിൽ നിലവിൽ ലിഫ്റ്റ് സ്ഥാപിക്കാൻ സാമൂഹ്യനീതി വകുപ്പ് തുക അനുവദിച്ചിട്ടില്ലെങ്കിൽ ഈ സാമ്പത്തിക വർഷം തന്നെ ലിഫ്റ്റ് സ്ഥാപിക്കാൻ കഴിയുംവിധം നടപടികൾ സ്വീകരിക്കുമോ ; വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം അരുവിക്കര മണ്ഡലത്തില്‍ സാമൂഹ്യനീതി വകുപ്പിന് കീഴിലുള്ള വിവിധ പദ്ധതികളിലൂടെ നല്‍കിയ ധനസഹായ വിതരണം സംബന്ധിച്ച കണക്കുകള്‍ ഇനം തിരിച്ച് അറിയിക്കുമോ?

ഈ സർക്കാർ അധികാരത്തിൽ വന്നതിനു ശേഷം സാമൂഹ്യനീതി വകുപ്പ് മുഖേന ദേവികുളം മണ്ഡലത്തിൽ നടപ്പിലാക്കിയ പദ്ധതികൾ എന്തൊക്കെയാണെന്ന് വിശദമാക്കാമോ?

സംസ്ഥാനത്ത് സാമൂഹ്യനീതി വകുപ്പ് നടപ്പിലാക്കുന്ന ആശ്വാസ കിരണം പദ്ധതി പ്രകാരമുള്ള പെന്‍ഷന്‍ പദ്ധതിയുടെ വിശദാംശങ്ങളും ആയത് ലഭ്യമാക്കുന്നതിനുള്ള മാനദണ്ഡങ്ങളും വിശദമാക്കാമോ;

നിലവില്‍ പെന്‍ഷന്‍ കുടിശിക ആയിട്ടുണ്ടോ; ഉണ്ടെങ്കില്‍ എത്ര കാലത്തെ കുടിശികയുണ്ടെന്ന് വിശദമാക്കാമോ;

2018-ന് ശേഷം പ്രസ്തുത പദ്ധതിയില്‍ പുതുതായി ചേര്‍ന്നവര്‍ക്ക് പെന്‍ഷന്‍ ലഭിക്കുന്നില്ല എന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കുന്നതിനാവശ്യമായ നടപടികൾ സ്വീകരിക്കുമോ; വിശദമാക്കാമോ?

കോഴിക്കോട് ജില്ലയിലെ കട്ടിപാറ ഗ്രാമപഞ്ചായത്തിലെ കല്ലുള്ള തോട് അംഗൻവാടി വഴി ആശ്വാസ കിരണം പദ്ധതി ധനസഹായത്തിനായി 14/2/2019-ന് ടി. പി. ശശിധരൻ എന്നയാൾ 70% ചലന വൈകല്യമുള്ള തന്റെ ഭാര്യ ഷൈലജ വി. യെ പരിചരിക്കുന്നതുമായി ബന്ധപ്പെട്ട് നൽകിയ അപേക്ഷയുടെ ഇപ്പോഴത്തെ അവസ്ഥ എന്താണെന്ന് അറിയിക്കുമോ;

ഈ അപേക്ഷകന് ആശ്വാസകിരണം പദ്ധതി വഴി ധനസഹായം അനുവദിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കാമോ?

2021-22 സാമ്പത്തിക വര്‍ഷം മുതല്‍ ഒറ്റപ്പാലം മണ്ഡലത്തില്‍ സാമൂഹ്യ നീതി വകുപ്പ് മുഖേന നടത്തിയിട്ടുള്ളതും ഇനി നടത്താനുള്ളതുമായ പ്രവ‍ൃത്തികള്‍ ഏതെല്ലാമെന്ന് അനുവദിച്ചിട്ടുള്ള തുക സഹിതം വിശദമാക്കാമോ; പ്രസ്തുത പ്രവൃത്തികളുടെ നിലവിലെ സ്ഥിതിയും വിശദമാക്കാമോ?

സാമൂഹ്യനീതി വകുപ്പിന്റെ കീഴിലുള്ള സമാശ്വാസ പദ്ധതിയുടെ വിശദാംശം ലഭ്യമാക്കാമോ; 2021 മുതല്‍ എത്ര പേര്‍ക്ക് പ്രസ്തുത പദ്ധതിയുടെ ഗുണം ലഭിച്ചുവെന്ന് ജില്ല തിരിച്ച് വ്യക്തമാക്കാമോ;

പ്രസ്തുത പദ്ധതിക്കായി അപേക്ഷ സമര്‍പ്പിക്കേണ്ടത് എവിടെയാണ്; അതിനുള്ള മാനദണ്ഡം എന്തെല്ലാമാണ്; അവയുടെ നടപടിക്രമങ്ങള്‍ എന്തൊക്കെയാണ്; വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം ട്രാന്‍സ്ജെന്റര്‍ വ്യക്തികളെ സമൂഹത്തിന്റെ മുഖ്യധാരയിലേക്ക് ഉയര്‍ത്തിക്കൊണ്ടുവരുന്നതിന്റെ ഭാഗമായി ഇവര്‍ക്ക് തൊഴില്‍ ലഭ്യമാക്കുന്നതിന് ഉതകുന്ന പ്രത്യേക പദ്ധതികള്‍ ആവിഷ്കരിച്ചിട്ടുണ്ടോ; വിശദാംശം ലഭ്യമാക്കാമോ;

ട്രാന്‍സ്ജെന്റര്‍ വ്യക്തികള്‍ക്ക് ലിംഗമാറ്റ ശസ്ത്രക്രിയ നടത്തുന്നതിനായി ധനസഹായം ലഭ്യമാക്കുന്നുണ്ടോ; എങ്കിൽ വിശദാംശം നല്‍കാമോ;

ഈ സര്‍ക്കാര്‍ അധികാരത്തില്‍ വന്നതിനുശേഷം ഇതിനായി ലഭ്യമാക്കിയ തുകയുടെ വിശദാംശം വ്യക്തമാക്കാമോ?

ശാരീരികവും മാനസികവുമായ വൈകല്യമുള്ള കിടപ്പുരോഗികളെ പരിചരിക്കുന്ന കുടുംബാംഗങ്ങളോ ബന്ധുക്കളോ ആയവർക്ക് ധനസഹായം നൽകിവരുന്ന പദ്ധതിയായ ആശ്വാസകിരണത്തിന്റെ പുരോഗതി വിശദമാക്കാമോ;

ആശ്വാസകിരണം പദ്ധതി പ്രകാരമുള്ള എല്ലാ അപേക്ഷകർക്കും ത്വരിതഗതിയിൽ ധനസഹായം നൽകാൻ നടപടികൾ സ്വീകരിക്കുമോ; വിശദമാക്കാമോ?

സംസ്ഥാനത്തെ പൊതുഗതാഗത സൗകര്യങ്ങൾ ഭിന്നശേഷിക്കാർക്ക് കൂടി ഉപയോഗിക്കുന്നതിന് എന്തെല്ലാം നടപടികളാണ് നിലവിലെ സർക്കാരിന്റെ ഭാഗത്ത് നിന്നും സ്വീകരിച്ചിട്ടുള്ളതെന്ന് വിശദമാക്കാമോ;

വീൽചെയർ ഉപയോഗിക്കുന്ന ഭിന്നശേഷിക്കാർക്ക് പൊതുഗതാഗത സംവിധാനങ്ങളായ കെ.എസ്.ആർ.ടി.സി. ബസുകളിലും യാത്രാബോട്ടുകളിലും അവരുടെ വീൽ ചെയർ കൂടി മടക്കി വച്ചു കൊണ്ടു പോകുന്നതിന് വേണ്ട സൗകര്യങ്ങൾ ഇല്ലാത്തതിനാൽ സ്വകാര്യ വാഹനങ്ങളെ ആശ്രയിക്കേണ്ടി വരുന്നതും അതുവഴി സാമ്പത്തിക ബാധ്യത അധികമാകുന്നതും ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് തരണം ചെയ്യുന്നതിന് വകുപ്പ് സ്വീകരിച്ച നടപടികൾ വിശദമാക്കാമോ?

കലാകായിക മേഖലകളിൽ കഴിവ് തെളിയിക്കുന്ന ഭിന്നശേഷിക്കാരായ വിദ്യാർത്ഥികളെ പ്രോത്സാഹിപ്പിക്കുന്നതിന് പദ്ധതികൾ ആവിഷ്കരിച്ചിട്ടുണ്ടോ; എങ്കിൽ വിശദമാക്കാമോ;

പ്രസ്തുത പദ്ധതികളുടെ പ്രയോജനം എത്ര പേർക്ക് ലഭ്യമാക്കാൻ കഴിഞ്ഞിട്ടുണ്ടെന്ന് വ്യക്തമാക്കാമോ;

ഭിന്നശേഷിക്കാരായ കുട്ടികളെ ശാക്തീകരിക്കുന്നതിന് മറ്റെന്തെല്ലാം പദ്ധതികളാണ് നടപ്പിലാക്കി വരുന്നത്; വിശദമാക്കാമോ;

ഭിന്നശേഷിക്കാരായ കുട്ടികളെ പരിപാലിക്കുന്നതിന് ഹോർട്ടികൾച്ചറൽ തെറാപ്പി സംവിധാനം പ്രയോജനപ്പെടുത്തുന്നതിന് പദ്ധതികളുണ്ടോ; വിശദമാക്കാമോ?

സംസ്ഥാനത്ത് ഭിന്നശേഷിക്കാരായ വ്യക്തികളുടെ ക്ഷേമത്തിനായി കേരള സംസ്ഥാന ഭിന്നശേഷി ക്ഷേമ കോർപ്പറേഷൻ മുഖേന നടപ്പിലാക്കിവരുന്ന പദ്ധതികൾ ഏതൊക്കെയെന്ന് വിശദമാക്കാമോ;

ഈ സർക്കാർ അധികാരത്തിൽ വന്നശേഷം പ്രസ്തുത പദ്ധതികൾ മുഖേന എത്ര ഗുണഭോക്താക്കൾക്ക് സഹായം ലഭ്യമാക്കിയിട്ടുണ്ടെന്ന കണക്ക് ലഭ്യമാണോ; എങ്കില്‍ വിശദമാക്കാമോ;

ഈ സർക്കാർ അധികാരത്തിൽ വന്നശേഷം വ്യക്തിഗത സാമ്പത്തിക സഹായം നൽകുന്ന ഓരോ പദ്ധതിയിലൂടെയും ഗുണഭോക്താക്കൾക്ക് നല്‍കിയ തുക സംബന്ധിച്ച വിശദാംശം ലഭ്യമാണോ; എങ്കില്‍ നല്‍കാമോ?

ഈ സർക്കാർ അധികാരമേറ്റതുമുതൽ നാളിതുവരെ സാമൂഹ്യ നീതി വകുപ്പ് മുഖേന വടകര മണ്ഡലത്തിൽ നടപ്പാക്കിയ പദ്ധതികളുടെയും പ്രവൃത്തികളുടെയും വിശദാംശം അറിയിക്കുമോ;

ഇക്കാലയളവിൽ വടകര മണ്ഡലത്തില്‍ സാമൂഹ്യ നീതി വകുപ്പ് മുഖേന നടപ്പാക്കുന്നതിന് അനുമതി ലഭിച്ച ശേഷം നാളിതുവരെയായി നടപ്പാക്കാന്‍ കഴിയാതെ പോയതോ ആരംഭിച്ച ശേഷം പൂര്‍ത്തീകരിച്ചിട്ടില്ലാത്തതോ ആയ പദ്ധതികളും പ്രവൃത്തികളും ഏതെല്ലാമാണ്; വിശദാംശം അറിയിക്കുമോ;

ഇവ ഓരോന്നിനുമായി നീക്കി വച്ചിട്ടുള്ള തുക എത്ര വീതമാണെന്ന് അറിയിക്കുമോ; വിശദാംശം ലഭ്യമാക്കുമോ;

ഇക്കാലയളവിൽ വടകര നിയോജകമണ്ഡലത്തിനായി സാമൂഹ്യ നീതി വകുപ്പു മുഖേന ചെലവാക്കിയ തുക എത്ര രൂപയാണ്; വര്‍ഷവും ഇനവും തിരിച്ചുള്ള കണക്ക് ലഭ്യമാക്കുമോ?

ദീർഘകാലമായി പ്രവർത്തനരഹിതമായതും ലൈബ്രറി കൗണ്‍സിലില്‍ അംഗത്വമുള്ളതുമായ ലൈബ്രറികളുടെ പേരിലുള്ള സ്ഥലവും കെട്ടിടവും അതത് താലൂക്ക് ലൈബ്രറി കൗണ്‍സിലിലേക്ക് ഉടമസ്ഥാവകാശം മാറ്റുന്നതിന് വ്യവസ്ഥയുണ്ടോ; എങ്കിൽ പ്രസ്തുത വ്യവസ്ഥയുടെ/നിയമത്തിന്റെ അഥവാ ചട്ടത്തിന്റെ വിശദാംശമോ പകർപ്പോ ലഭ്യമാക്കാമോ;

താലൂക്ക് ലൈബ്രറി കൗണ്‍സിലിന് ഉടമസ്ഥാവകാശം ഉറപ്പിക്കുന്നതിന് ചട്ടപ്രകാരമുള്ള നടപടിക്രമം വിശദമാക്കാമോ?