സംസ്ഥാനത്ത് ഏതെല്ലാം ദേശീയപാതകളുടെ വികസനമാണ് നടന്നുവരുന്നതെന്ന് അറിയിക്കാമോ;

ദേശീയപാത നിര്‍മ്മാണത്തിനായി സംസ്ഥാന സര്‍ക്കാര്‍ ഇതു വരെ എത്ര തുക ചെലവഴിച്ചിട്ടുണ്ടെന്ന് വ്യക്തമാക്കാമോ;

രാജ്യത്തെ മറ്റേതെങ്കിലും സംസ്ഥാന സര്‍ക്കാര്‍ ദേശീയ പാതാ വികസനത്തിന് തുക ചെലവഴിച്ചതായി ശ്രദ്ധയില്‍ പെട്ടിട്ടുണ്ടോ; എങ്കില്‍ വിശദമാക്കാമോ?

കണ്ണൂർ ജില്ലയിൽ അഞ്ചരക്കണ്ടി, പടുവിലായി, കീഴല്ലൂർ, വില്ലേജുകളിലായി സ്ഥാപിക്കുന്ന കിൻഫ്ര പാർക്കിനു വേണ്ടി ഭൂമി വിട്ടു കൊടുത്ത കീഴല്ലൂർ, മുരിങ്ങേരി പ്രദേശങ്ങളിലെ ഭൂവുടമകൾക്ക് പൂർണ്ണമായും നഷ്ടപരിഹാരം നൽകാൻ സാധിച്ചിട്ടുണ്ടോ;

ഇനിയും എത്രപേർക്ക് നഷ്ടപരിഹാരം നൽകാൻ ഉണ്ട്; നഷ്ടപരിഹാരം നൽകാൻ വൈകുന്നതിന്റെ കാരണം വ്യക്തമാക്കാമോ; അവർക്ക് ഉടനടി തുക കൈമാറുന്നതിന് നടപടി സ്വീകരിക്കുമോ?

ഇന്ത്യയ്ക്ക് മാതൃകയായി മാറിയ കേരളം കൈവരിച്ച നേട്ടങ്ങൾ എന്തെല്ലാമെന്ന് വിശദമാക്കുമോ;

പല കാര്യങ്ങളിലും വികസിത രാജ്യങ്ങളേക്കാൾ നേട്ടങ്ങൾ കൈവരിച്ചിട്ടും കേരളത്തെ അപകീർത്തിപ്പെടുത്താൻ ബോധപൂർവ്വമായ ശ്രമം നടക്കുന്നത് ശ്രദ്ധയിൽപ്പെട്ടിട്ടുണ്ടോ; വിശദാംശം ലഭ്യമാക്കാമോ;

നവകേരള സൃഷ്ടിക്കായി ഈ സർക്കാർ നടപ്പാക്കിയ പദ്ധതികളുടെ വിശദാംശം ലഭ്യമാക്കാമോ?

സംസ്ഥാനത്തെ സർക്കാർ ഓഫീസുകളിൽ ശുചീകരണ ജോലികൾ ചെയ്യുന്ന കാഷ്വൽ കണ്ടിജന്റ് വിഭാഗം ജീവനക്കാരുടെ എണ്ണം എത്രയാണെന്ന് ജില്ല തിരിച്ചു വ്യക്തമാക്കാമോ;

പ്രസ്തുത വിഭാഗം ജീവനക്കാർക്ക് നല്കി വരുന്ന പ്രതിമാസ വേതനം എത്രയാണെന്ന് വ്യക്തമാക്കാമോ; ടി ജീവനക്കാർക്ക് മിനിമം വേതനം ഉറപ്പാക്കുന്നതിനുള്ള നടപടികൾ സ്വീകരിക്കുമോ;

കാഷ്വൽ കണ്ടിജന്റ് ജീവനക്കാരെ പാർട്ട് ടൈം ജീവനക്കാരായി സ്ഥിരപ്പെടുത്തണമെന്ന ആവശ്യം ശ്രദ്ധയിൽപ്പെട്ടിട്ടുണ്ടോ; എങ്കിൽ ആയതിനുള്ള നടപടികൾ സ്വീകരിക്കുമോ?

2011-2016 കാലയളവില്‍ സംസ്ഥാനത്ത് നടന്ന വര്‍ഗ്ഗീയ കലാപങ്ങളും, കര്‍ഷക ആത്മഹത്യകളും സംബന്ധിച്ച് ഈ സര്‍ക്കാര്‍ അവലോകനം ചെയ്തിട്ടുണ്ടോ; എങ്കില്‍ വിശദമാക്കാമോ;

2016-2026 കാലയളവില്‍ വര്‍ഗ്ഗീയ കലാപങ്ങള്‍ ഉണ്ടാകാതിരിക്കുന്നതിനും, കര്‍ഷക ആത്മഹത്യ തടയുന്നതിനും സര്‍ക്കാര്‍ സ്വീകരിച്ച ജാഗ്രതയും കരുതലും എന്തെല്ലാമായിരുന്നുവെന്ന് വ്യക്തമാക്കാമോ;

രാജ്യത്ത് പലയിടങ്ങളിലും ആരാധനാലയങ്ങള്‍ തകര്‍ക്കുകയും വര്‍ഗ്ഗീയകലാപങ്ങളും, ദളിത് പീഢനങ്ങളും അരങ്ങേറുന്നതായ സമയത്തും കേരളത്തില്‍ മാനവീയത ഉയര്‍ത്തിപ്പിടിക്കുന്നതിനും സമാധാനവും സാഹോദര്യവും നിലനിര്‍ത്തുന്നതിനുമായി എന്തെല്ലാം മുന്‍കരുതലുകളാണ് സ്വീകരിച്ചുവരുന്നതെന്ന് അറിയിക്കാമോ?

നവകേരള പഠന പരിപാടി എന്ന പേരിൽ സർക്കാർ നടത്തുന്ന ഗൃഹസന്ദർശന പരിപാടിയുടെ ലക്ഷ്യം എന്താണെന്ന് വ്യക്തമാക്കാമോ; ഈ പദ്ധതിയിലൂടെ പൊതുജനങ്ങളിൽ നിന്ന് ശേഖരിക്കുന്ന വിവരങ്ങൾ എപ്രകാരമാണ് ക്രോഡീകരിക്കുന്നത് എന്ന് അറിയിക്കാമോ;

ഇതിനായി വോളന്‍റിയര്‍മാരെ തിരഞ്ഞെടുത്തത് എപ്രകാരമാണെന്നും ഇതിനായി എത്ര തുക അനുവദിച്ചിട്ടുണ്ടെന്നും അറിയിക്കാമോ?

മുഖ്യമന്ത്രിയുടെ പ്രാദേശിക റോ‍ഡ് വികസന പദ്ധതികള്‍ വഴി കേരളത്തില്‍ എത്ര കോടി രൂപയുടെ റോഡ് പദ്ധതികളാണ് അനുവദിച്ചതെന്ന വിവരം ജില്ല തിരിച്ച് ലഭ്യമാക്കാമോ;

നവകേരള സദസ്സ് വഴി ജനങ്ങള്‍ നിര്‍ദ്ദേശിച്ച വികസന പദ്ധതി പ്രകാരം എത്ര കോടി രൂപയുടെ പദ്ധതികള്‍ അനുവദിച്ചുവെന്നും ഇതുവഴി എത്ര പദ്ധതികള്‍ അനുവദിച്ചുവെന്നും അറിയിക്കാമോ?

05.01.2021 ല്‍ ബഹു. മുഖ്യമന്ത്രിയുടെ പ്രിന്‍സിപ്പല്‍ സെക്രട്ടറിയുടെ അദ്ധ്യക്ഷതയില്‍ ചേര്‍ന്ന യോഗത്തില്‍ കോതമംഗലം മണ്ഡലത്തിലെ ആറാം മൈല്‍-എളംബ്ലാശ്ശേരി വഴി ഇടുക്കി ജില്ലയിലെ കുറുത്തിക്കുടി-പെരുമ്പന്‍കുത്ത് ഭാഗത്തുകൂടി കടന്നുപോകുന്ന മലയോര ഹൈവേയുടെ അലൈന്‍മെന്റ് മാറ്റം വരുത്താന്‍ തീരുമാനിച്ചത് ശ്രദ്ധയില്‍പ്പെട്ടിട്ടുണ്ടോ എന്ന് വ്യക്തമാക്കാമോ;

ആറാം മൈല്‍ മുതല്‍ എളംബ്ലാശ്ശേരി വരെയുള്ള ഭാഗം നിലവിലുള്ള വീതിയില്‍ പുനരുദ്ധാരണം നടത്തുന്നതിനുള്ള പ്രവര്‍ത്തനങ്ങളുടെ പുരോഗതി വ്യക്തമാക്കാമോ;

എളംബ്ലാശ്ശേരി മുതല്‍ കുറിത്തിക്കുടി വരെ 5.5 മീറ്റര്‍ വീതിയില്‍ പേവര്‍ ബ്ലോക്ക് വച്ച് നിര്‍മ്മാണം നടത്താന്‍ എടുത്ത തീരുമാനം നടപ്പാക്കാന്‍ അടിയന്തര നടപടി സ്വീകരിക്കുമോ എന്ന് വ്യക്തമാക്കാമോ?

റീബില്‍ഡ് കേരള പദ്ധതിയില്‍ ഉള്‍പ്പെടുത്തി കായംകുളം നിയോജകമണ്ഡലത്തില്‍ അനുവദിച്ചിട്ടുള്ള പദ്ധതികള്‍, ഓരോ പദ്ധതിക്കായും അനുവദിച്ച തുക, പ്രവൃത്തികളുടെ നിലവിലുള്ള പുരോഗതി എന്നിവ പഞ്ചായത്ത്, നഗരസഭ തിരിച്ച് ലഭ്യമാക്കുമോ?

പാറശ്ശാല നിയോജക മണ്ഡലത്തില്‍ കെ-ഫോണ്‍ പദ്ധതിയുടെ ഭാഗമായി എത്ര കിലോമീറ്റര്‍ കേബിള്‍ ലേയിംഗ് പൂര്‍ത്തിയാക്കിയിട്ടുണ്ട്; പദ്ധതിയുടെ നിലവിലെ പുരോഗതിയും പ്രവര്‍ത്തനക്ഷമതയും വ്യക്തമാക്കാമോ;

പ്രസ്തുത മണ്ഡലത്തില്‍ ഏതൊക്കെ സര്‍ക്കാര്‍ ഓഫീസുകള്‍, ആരോഗ്യ കേന്ദ്രങ്ങള്‍, വിദ്യാഭ്യാസ സ്ഥാപനങ്ങള്‍, പൊതു സ്ഥലങ്ങള്‍ എന്നിവിടങ്ങളിലാണ് കെ-ഫോണ്‍ കണക്ഷന്‍ നിലവില്‍ ലഭ്യമാക്കിയിട്ടുള്ളത്; ഗ്രാമപഞ്ചായത്ത് തിരിച്ചുള്ള കണക്ക് ലഭ്യമാക്കാമോ;

പാറശ്ശാല മണ്ഡലത്തിലെ എത്ര ബി.പി.എല്‍. കുടുംബങ്ങള്‍ക്ക് പദ്ധതി പ്രകാരമുള്ള സൗജന്യ ഇന്റര്‍നെറ്റ് കണക്ഷന്‍ ഇതിനകം നല്‍കിയിട്ടുണ്ട്; ഗുണഭോക്താക്കളെ തിരഞ്ഞെടുത്തിട്ടും കണക്ഷന്‍ ലഭിക്കാത്തവര്‍ എത്ര പേരുണ്ട്;

മണ്ഡലത്തിലെ മലയോര-തീരദേശ മേഖലകളിലെ ഇന്റര്‍നെറ്റ് ലഭ്യതക്കുറവ് പരിഹരിക്കുന്നതിനായി കൂടുതല്‍ സ്ഥാപനങ്ങളിലേക്കും വ്യക്തികളിലേക്കും കെ-ഫോണ്‍ സേവനം വ്യാപിപ്പിക്കുന്നതിന് എന്തൊക്കെ നടപടികളാണ് സ്വീകരിച്ചു വരുന്നത്; വിശദമാക്കുമോ ?

സംസ്ഥാന സർക്കാരിന്റെ പ്രത്യേക പ്രതിനിധിയായി ഡൽഹിയിൽ ആരെയെങ്കിലും നിയമിച്ചിട്ടുണ്ടോ; എങ്കിൽ ആരെയാണ് നിയമിച്ചതെന്നും എന്ന് മുതലാണ് നിയമിച്ചതെന്നുമുള്ള വിശദവിവരം നൽകാമോ;

സർക്കാരിന്റെ പ്രത്യേക പ്രതിനിധിക്ക് അനുവദിച്ചിട്ടുള്ള സൗകര്യങ്ങൾ, ശമ്പളം, മറ്റു ആനുകൂല്യങ്ങൾ എന്നിവയുടെ വിശദവിവരം ലഭ്യമാക്കാമോ;

നിയമനം മുതൽ നാളിതുവരെ ഇദ്ദേഹം ഓണറേറിയം, ശമ്പളം, മറ്റ് ആനുകൂല്യങ്ങൾ എന്നീ ഇനത്തിൽ എത്ര രൂപ കൈപ്പറ്റിയിട്ടുണ്ട്; വിശദമാക്കാമോ;

ഡൽഹിയിലെ സർക്കാരിന്റെ പ്രതിനിധി മൂലം സംസ്ഥാനത്തിന് എന്തെല്ലാം നേട്ടങ്ങൾ കൈവരിക്കാൻ സാധിച്ചിട്ടുണ്ടെന്നത് വിശദമാക്കാമോ?

ബഹുമാനപ്പെട്ട മുഖ്യമന്ത്രിയുടെ കീഴിലുള്ള വകുപ്പുകളിൽ 2016 മുതൽ നാളിതുവരെ കരാർ അടിസ്ഥാനത്തിലും ദിവസ വേതനാടിസ്ഥാനത്തിലും മറ്റ് രീതിയിൽ താൽക്കാലികമായും ജീവനക്കാർ നിയമിക്കപ്പെട്ടിട്ടുണ്ടെങ്കിൽ അത് ഏതെല്ലാം തസ്തികകളിലാണെന്നും ഓരോ തസ്തികകളിൽ നിയമിക്കപ്പെട്ടവരുടെ എണ്ണം എത്രയാണെന്നും വകുപ്പ്, ജില്ല, തസ്തിക എന്നിവ തിരിച്ച് ലഭ്യമാക്കാമോ;

പ്രസ്തുത വകുപ്പുകളിൽ 2016 മുതൽ നാളിതുവരെ കരാർ അടിസ്ഥാനത്തിലും ദിവസ വേതനാടിസ്ഥാനത്തിലും മറ്റ് രീതിയിൽ താൽക്കാലികമായും നിയമിക്കപ്പെട്ടിട്ടുള്ള ജീവനക്കാരിൽ ആരെയെങ്കിലും സ്ഥിരപ്പെടുത്തിയിട്ടുണ്ടെങ്കിൽ അവർ ആരെല്ലാം ആണെന്നും, ഏതെല്ലാം തസ്തികകളിലാണെന്നും അവരെ സ്ഥിരപ്പെടുത്തിയതിന്റെ അടിസ്ഥാനം എന്തെന്നും വകുപ്പ്, ജില്ല, തസ്തിക എന്നിവ തിരിച്ച് അറിയാക്കാമോ;

പ്രസ്തുത വകുപ്പുകളിൽ നടന്നിട്ടുള്ള ഡെപ്യൂട്ടേഷൻ നിയമനങ്ങൾ ഏതെല്ലാം തസ്തികകളിലാണെന്നും പ്രസ്തുത തസ്തികകളിൽ നിയമിക്കപ്പെട്ടവർ ആരെല്ലാമാണെന്നും അവർ ഏതു തസ്തികകളിൽ നിന്നാണ് ഡെപ്യൂട്ടേഷൻ തസ്തികകളിലേക്ക് എത്തിയതെന്നുമുള്ള വിവരം വകുപ്പ്, ജില്ല എന്നിവ തിരിച്ച്, ലഭ്യമാക്കാമോ?

2025 നവംബര്‍ 3-ന് ബഹു. മുഖ്യമന്ത്രി ഉദ്ഘാടനം നിര്‍വ്വഹിച്ച കൂത്തുപറമ്പ് താലൂക്ക് ആശുപത്രിയുടെ സുഗമമായ പ്രവര്‍ത്തനങ്ങള്‍ക്ക് ആവശ്യമായ അനിവാര്യ തസ്തികകള്‍ അനുവദിക്കാത്തത് കാരണം പൊതുജനങ്ങള്‍ അനുഭവിക്കുന്ന പ്രയാസങ്ങള്‍ ശ്രദ്ധയില്‍പ്പെട്ടിട്ടുണ്ടോ;

പ്രസ്തുത തസ്തികകള്‍ അനുവദിക്കുന്നത് സംബന്ധിച്ച നടപടികളുടെ പുരോഗതി വ്യക്തമാക്കാമോ?

സര്‍ക്കാര്‍ ഓഫീസുകളുടെ പ്രവൃത്തി ദിനങ്ങള്‍ ആഴ്ചയില്‍ 5 ദിവസമായി കുറയ്ക്കുന്നതിനുള്ള നടപടികളുടെ നിലവിലെ പുരോഗതി വ്യക്തമാക്കാമോ; ഇത് സംബന്ധിച്ച് സര്‍വ്വീസ് സംഘടനകളുമായി ചര്‍ച്ച നടത്തിയിരുന്നോ; ഉണ്ടെങ്കില്‍ പ്രസ്തുത മീറ്റിംഗ് മിനിട്ട്സിന്റെ പകര്‍പ്പ് ലഭ്യമാക്കാമോ;

സര്‍ക്കാര്‍ ഓഫീസുകളുടെ പ്രവൃത്തി ദിനങ്ങള്‍ ആഴ്ചയില്‍ 5 ദിവസമായി കുറയ്ക്കുന്നതിന്റെ ഭാഗമായി സര്‍ക്കാര്‍ മുന്നോട്ട് വച്ചിട്ടുള്ള നിബന്ധനകള്‍ എന്തൊക്കെയാണ്; അതില്‍ സര്‍വ്വീസ് സംഘടനകള്‍ ഉന്നയിച്ചിട്ടുള്ള ആശങ്കകള്‍ പരിഹരിക്കാന്‍ സാധിക്കുന്നതാണോ; വ്യക്തമാക്കാമോ;

കേന്ദ്ര സര്‍ക്കാര്‍ ഓഫീസുകള്‍ക്ക് സമാനമായി മറ്റു സംസ്ഥാനങ്ങളിലെ സര്‍ക്കാര്‍ ഓഫീസുകളുടെ പ്രവൃത്തി ദിനങ്ങള്‍ ആഴ്ചയില്‍ 5 ദിവസമായി കുറച്ചിട്ടുണ്ട് എന്നതിന്റെ വിശദാംശങ്ങള്‍ സര്‍ക്കാരിന്റെ പക്കല്‍ ഉണ്ടോ; ഉണ്ടെങ്കില്‍ അത്തരം സംസ്ഥാനങ്ങളില്‍ സര്‍ക്കാര്‍ ഓഫീസുകളുടെ പ്രവൃത്തി ദിനങ്ങള്‍ ആഴ്ചയില്‍ 5 ദിവസമായി കുറച്ചത് കൊണ്ട് സംഭവിച്ച നേട്ടങ്ങള്‍ എന്തെല്ലാമാണ് എന്ന് വ്യക്തമാക്കാമോ?

സെക്രട്ടേറിയറ്റില്‍ കെട്ടിക്കിടക്കുന്ന ഫയലുകൾ തീർപ്പാക്കുന്നതിനായി കളർ കോഡ് സംവിധാനം നടപ്പിലാക്കാൻ ഉദ്ദേശിക്കുന്നുണ്ടോ; വിശദമാക്കാമോ;

ഇതിനായി എന്തെല്ലാം നടപടികൾ സ്വീകരിച്ചിട്ടുണ്ടെന്നും ഫയലുകൾക്ക് കളർ കോഡ് നൽകുന്നതിനുള്ള മാനദണ്ഡങ്ങൾ എന്തെല്ലാമെന്നും വിശദമാക്കാമോ;

ഫയലുകൾക്ക് കളർ കോഡ് സംവിധാനം നടപ്പിലാക്കിയതിലൂടെ ഫയൽ നീക്കത്തിൽ എന്തെല്ലാം പുരോഗതി കൈവരിച്ചു എന്ന് വ്യക്തമാക്കാമോ?

വര്‍ക്കല നിയോജക മണ്ഡലത്തില്‍ മുന്‍ സര്‍ക്കാരിന്റെയും (2016-21) ഈ സര്‍ക്കാരിന്റെയും കാലയളവില്‍ പോലീസ്, ഫയര്‍ & റസ്ക്യൂ വകുപ്പുകളുടെ നവീകരണത്തിനായി എന്തെല്ലാം പദ്ധതികളാണ് നടപ്പിലാക്കിയിട്ടുള്ളതെന്ന് വിശദമാക്കാമോ;

ഓരോ പദ്ധതികള്‍ക്കുമായി അനുവദിച്ചിട്ടുള്ള ഫണ്ട് എത്രയെന്ന് വിശദമാക്കാമോ?

കേരള പബ്ലിക് സര്‍വ്വീസ് കമ്മീഷനില്‍ നിലവില്‍ എത്ര അംഗങ്ങളുണ്ട്;

അംഗങ്ങളുടെ എണ്ണം അവസാനമായി വര്‍ദ്ധിപ്പിച്ചത് ഏതു വര്‍ഷമാണ്;

വിവിധ ഘട്ടങ്ങളിലായി നടത്തിയ വര്‍ദ്ധനവും അത് നടപ്പിലാക്കിയ വര്‍ഷങ്ങളും പ്രത്യേകം ലഭ്യമാക്കാമോ;

പി.എസ്.സി. അംഗങ്ങളെ നിയമിക്കുന്നതിനുള്ള മാനദണ്ഡങ്ങള്‍ എന്തെല്ലാമാണെന്ന് വ്യക്തമാക്കാമോ?

സെക്രട്ടേറിയറ്റ് കമ്പ്യൂട്ടര്‍ അസിസ്റ്റന്റ് ഗ്രേഡ്-2, കമ്പ്യൂട്ടര്‍ അസിസ്റ്റന്റ് ഗ്രേഡ്-1, കമ്പ്യൂട്ടര്‍ അസിസ്റ്റന്റ് സീനിയര്‍ ഗ്രേഡ്, കമ്പ്യൂട്ടര്‍ അസിസ്റ്റന്റ് സെലക്ഷന്‍ ഗ്രേഡ്, ഓഫീസ് സൂപ്രണ്ട് തസ്തികകളില്‍ സെക്രട്ടേറിയറ്റിലെ വിവിധ വകുപ്പുകളില്‍ അനുവദനീയമായ എത്ര തസ്തികകള്‍ വീതമാണ് നിലവിലുള്ളതെന്ന് വ്യക്തമാക്കാമോ; നിലവില്‍ ഇതില്‍ എത്ര ആളുകള്‍ ജോലി ചെയ്യുന്നുണ്ടെന്നും എത്ര തസ്തികകള്‍ ഒഴിഞ്ഞു കിടക്കുന്നുണ്ടെന്നും അറിയിക്കാമോ; കമ്പ്യൂട്ടര്‍ അസിസ്റ്റന്റ് ഗ്രേഡ്-2 തസ്തികയില്‍ പി.എസ്.സി.യ്ക്ക് റിപ്പോര്‍ട്ട് ചെയ്യാനുള്ള എത്ര ഒഴിവുകളാണ് നിലവിലുള്ളതെന്ന് വ്യക്തമാക്കാമോ;

സെക്രട്ടേറിയറ്റ് കമ്പ്യൂട്ടര്‍ അസിസ്റ്റന്റ് തസ്തികയില്‍ നിന്നും സെക്രട്ടേറിയറ്റിലെ വിവിധ വകുപ്പുകളില്‍ 2024, 2025 വര്‍ഷങ്ങളില്‍ കാറ്റഗറി മാറ്റത്തിലൂടെ സെക്രട്ടേറിയറ്റ് അസിസ്റ്റന്റ്, കോണ്‍ഫിഡന്‍ഷ്യല്‍ അസിസ്റ്റന്റ്, മറ്റ് തസ്തികകള്‍ എന്നിവയിലേക്ക് എത്രപേര്‍ മാറിയിട്ടുണ്ടെന്ന വിവരം വര്‍ഷവും തസ്തികയും തിരിച്ച് ലഭ്യമാക്കുമോ; ഇപ്രകാരം സെക്രട്ടേറിയറ്റ് കമ്പ്യൂട്ടര്‍ അസ്തിസ്റ്റന്റ് ഗ്രേഡ് 2 & 1 തസ്തികകളില്‍ എത്ര ഒഴിവുകളാണ് നിലവില്‍ വന്നതെന്നും, കാറ്റഗറി മാറ്റത്തിലൂടെ വന്ന കമ്പ്യൂട്ടര്‍ അസിസ്റ്റന്റ് ഗ്രേഡ്-2 തസ്തികയിലെ ഒഴിവുകള്‍ സമയബന്ധിതമായി പി.എസ്.എസി.യ്ക്ക് റിപ്പോര്‍ട്ട് ചെയ്തിട്ടുണ്ടോയെന്നും ഓരോ വര്‍ഷവും എത്ര ഒഴിവുകള്‍ വീതം റിപ്പോര്‍ട്ട് ചെയ്തിട്ടുണ്ടെന്നും വ്യക്തമാക്കാമോ;

ഇപ്രകാരം തസ്തിക മാറിയതിന്റെ അടിസ്ഥാനത്തില്‍ സെക്രട്ടേറിയറ്റ് കമ്പ്യൂട്ടര്‍ അസിസ്റ്റന്റ് ഗ്രേഡ്-2 തസ്തികയിലുണ്ടായ ഒഴിവുകള്‍ ഈ വര്‍ഷങ്ങളില്‍ പി.എസ്.സി.യ്ക്ക് റിപ്പോര്‍ട്ട് ചെയ്തിട്ടില്ലെങ്കില്‍ ആയതിന്റെ കാരണം വ്യക്തമാക്കാമോ;

സെക്രട്ടേറിയറ്റിലെ വിവിധ വകുപ്പുകളില്‍ 2024, 2025 വര്‍ഷങ്ങളില്‍ വിരമിക്കല്‍ മൂലം സെക്രട്ടേറിയറ്റ് കമ്പ്യൂട്ടര്‍ അസിസ്റ്റന്റ് ഗ്രേഡ്-2 തസ്തികയില്‍ എത്ര ഒഴിവുകള്‍ ഉണ്ടായിട്ടുണ്ടെന്ന വിവരം വര്‍ഷം തിരിച്ച് ലഭ്യമാക്കുമോ; ഇതില്‍ എത്ര ഒഴിവുകള്‍ പി.എസ്.സി.യ്ക്ക് റിപ്പോര്‍ട്ട് ചെയ്തിട്ടുണ്ടെന്നും ഇനി എത്ര ഒഴിവുകള്‍ പി.എസ്.സി.യ്ക്ക് റിപ്പോര്‍ട്ട് ചെയ്യാനുണ്ടെന്നും വ്യക്തമാക്കാമോ;

സെക്രട്ടേറിയറ്റിലെ വിവിധ വകുപ്പുകളില്‍ 2024, 2025 വര്‍ഷങ്ങളില്‍ സെക്രട്ടേറിയേറ്റ് കമ്പ്യൂട്ടര്‍ അസിസ്റ്റന്റ് ഗ്രേഡ്-2 തസ്തികയില്‍ നിന്നും ഗ്രേഡ്-1 ലേയ്ക്ക് സ്ഥാനക്കയറ്റം അനുവദിച്ചതിന്റെ അടിസ്ഥാനത്തില്‍ കമ്പ്യൂട്ടര്‍ അസിസ്റ്റന്റ് ഗ്രേഡ്-2 തസ്തികയില്‍ എത്ര ഒഴിവുകള്‍ ഉണ്ടായിട്ടുണ്ടെന്ന് വ്യക്തമാക്കാമോ; ഈ ഒഴിവുകള്‍ പി.എസ്.സി.യ്ക്ക് റിപ്പോര്‍ട്ട് ചെയ്തിട്ടുണ്ടോ; എങ്കില്‍ ഒരോ വര്‍ഷവും എത്ര ഒഴിവുകള്‍ വീതമെന്നും ഇനി എത്ര ഒഴിവുകള്‍ പി.എസ്.സി യ്ക്ക് റിപ്പോര്‍ട്ട് ചെയ്യാനുണ്ടെന്നം വ്യക്തമാക്കാമോ;

സെക്രട്ടേറിയറ്റ് കമ്പ്യൂട്ടര്‍ അസിസ്റ്റന്റ് ഗ്രേഡ്-2 തസ്തികയില്‍ നിലവില്‍ എത്ര ഒഴിവുകള്‍ പി.എസ്.സി. യ്ക്ക് റിപ്പോര്‍ട്ട് ചെയ്തുി‌‌ട്ടുണ്ടെന്ന് വ്യക്തമാക്കാമോ; ബാക്കിയുള്ള കമ്പ്യൂട്ടര്‍ അസിസ്റ്റന്റ് ഗ്രേഡ്-2 തസ്തികയിലെ ഒഴിവുകള്‍ പി.എസ്.സി.യ്ക്ക് റിപ്പോര്‍ട്ട് ചെയ്യുന്നതിന് നടപടി സ്വീകരിക്കുമോ; വ്യക്തമാക്കാമോ?

ആശ്രിത നിയമനവുമായി ബന്ധപ്പെട്ട് ഓഡിറ്റര്‍ തസ്തികയില്‍ അപേക്ഷ സമര്‍പ്പിച്ചവര്‍ക്ക് നിയമനം നല്‍കുന്നതുമായി ബന്ധപ്പെട്ട് ഏതെങ്കിലും തരത്തിലുള്ള പരാതികള്‍ നിലവിലുണ്ടോയെന്ന് വിശദമാക്കാമോ;

നിലവില്‍ ഓഡിറ്റര്‍ തസ്തികയില്‍ എത്ര അപേക്ഷരുണ്ടെന്ന് വിശദമാക്കാമോ;

എത്ര ഒഴിവുകള്‍ നിലവിലുണ്ടെന്ന് വ്യക്തമാക്കാമോ;

ഓഡിറ്റര്‍ തസ്തികയിലേക്കുള്ള സീനിയോറിറ്റി ലിസ്റ്റ് പരിഷ്കരിച്ചിട്ടുണ്ടോയെന്ന് വിശദമാക്കാമോ?

സംസ്ഥാനത്ത് വിവിധ സർക്കാർ ഓഫീസുകളിലായി ജോലി നോക്കി വരുന്ന കരാർ ജീവനക്കാരെ സ്ഥിരപ്പെടുത്താൻ തീരുമാനം എടുത്തിട്ടുണ്ടോ;

ഇപ്രകാരം സ്ഥിരപ്പെടുത്തുന്നതിന് എന്തെങ്കിലും മാനദണ്ഡം നിശ്ചയിച്ചിട്ടുണ്ടോ; വിശദമാക്കുമോ;

വിവിധ പി. എസ്. സി. റാങ്ക് പട്ടികകളിൽ ഉൾപ്പെടുന്നവരെ ഈ തീരുമാനം പ്രതികൂലമായി ബാധിക്കുമെന്ന കാര്യം പരിശോധിച്ചിട്ടുണ്ടോ; എങ്കിൽ തീരുമാനം പുന:പരിശോധിക്കാൻ ഉദ്ദേശിക്കുന്നുണ്ടോ; വിശദമാക്കുമോ?

കേരള പി.എസ്.സി. 57/2021 വിജ്ഞാപന പ്രകാരം പരീക്ഷ നടത്തി പ്രസിദ്ധീകരിച്ച റാങ്ക് ലിസ്റ്റില്‍ നിന്നും നിലവില്‍ എത്ര പേരെയാണ് അഡ്വെെസ് ചെയ്തിട്ടുള്ളതെന്ന വിശദവിവരം വകുപ്പുകള്‍ തിരിച്ച് ലഭ്യമാക്കാമോ;

പ്രസ്തുത വിജ്ഞാപന പ്രകാരം ഏതൊക്കെ വകുപ്പുകളിലാണ് നിയമനം നടത്തുന്നതെന്നുള്ള വിവരം ലഭ്യമാക്കാമോ;

പ്രസ്തുത വകുപ്പുകളില്‍ 2026 ഏപ്രില്‍ 30 വരെ അസിസ്റ്റന്റ്/ആഡിറ്റര്‍ തസ്തികയില്‍ എത്ര ഒഴിവുകളാണ് വരുന്നതെന്ന് കണക്കാക്കിയിട്ടുണ്ടോ; ഉണ്ടെങ്കില്‍ വിശദാംശം നല്‍കാമോ?

2016 ല്‍ പുതിയ സർക്കാർ അധികാരമേറ്റത് മുതൽ നാളിതുവരെ വിവിധ വകുപ്പുകളിലെ വിവിധ തസ്തികകളിലായി പി,എസ്.സി. മുഖേന, താൽക്കാലികം, കോൺട്രാക്ട് , എംപ്ലോയ്മെന്റ്, മറ്റു തരത്തില്‍ സ്ഥിര നിയമനം എന്നിങ്ങനെ ഓരോ വർഷവും നിയമിച്ചിട്ടുള്ള ഉദ്യോഗസ്ഥരുടെ എണ്ണം തരം തിരിച്ച് ലഭ്യമാക്കാമോ;

സംസ്ഥാനത്ത് പെൻഷൻ പ്രായം 56 നേക്കാൾ കൂടുതലായുള്ള വിഭാഗം ജീവനക്കാരുടെയും അവരുടെ പെൻഷൻ പ്രായവും തരം തിരിച്ച് ലഭ്യമാക്കാമോ;

2016 ല്‍ സർക്കാർ അധികാരമേറ്റതിനുശേഷം പെൻഷൻ പ്രായം വർധിപ്പിച്ചിട്ടുള്ള സർക്കാർ സ്ഥാപനങ്ങൾ ഏതൊക്കെയാണെന്ന് സ്ഥാപനവും പെൻഷൻ പ്രായവും തിരിച്ചുള്ള വിവരം ലഭ്യമാക്കാമോ;

നിലവിലെ സർക്കാർ അധികാരമേറ്റ ശേഷം വിവിധ സർക്കാർ, അർദ്ധസർക്കാർ, പൊതുമേഖലാ സ്ഥാപനങ്ങളിലായി പി.എസ്.സി മുഖേന അല്ലാതെ മറ്റു മാർഗങ്ങളിലൂടെ നിയമനം ലഭിച്ച ജീവനക്കാരുടെ എണ്ണം, സ്ഥാപനം,തസ്തിക-സ്ഥിര /താല്‍ക്കാലിക/ കരാര്‍ നിയമനം എന്നിവ തിരിച്ചുള്ള വിവരം ലഭ്യമാക്കാമോ ?

2016 ജൂൺ മാസത്തിൽ സ്പാർക്ക് മുഖേന ശമ്പളം കൈപ്പറ്റിയ ഉദ്യോഗസ്ഥരുടെ എണ്ണം വകുപ്പ്,തസ്തിക- എന്നിവ തിരിച്ചു വ്യക്തമാക്കുമോ;

2021 ജൂൺ, 2025 ഡിസംബർ എന്നീ മാസങ്ങളിൽ ഇപ്രകാരം ശമ്പളം കൈപ്പറ്റിയ ഉദ്യോഗസ്ഥരുടെ എണ്ണം വകുപ്പ്, തസ്തിക എന്നിവ തിരിച്ചു വ്യക്തമാക്കുമോ;

2016 ജൂൺ മാസത്തിന് ശേഷം സ്പാർക്ക് മുഖേന ശമ്പളം നൽകുവാൻ ആരംഭിച്ച ഏതെങ്കിലും ഓഫീസുകൾ ഉണ്ടോ; ഉണ്ടെങ്കിൽ പ്രസ്തുത ഓഫീസുകളിലെ സ്റ്റാഫുകളുടെ വിശദാംശം നൽകാമോ;

2016 ജൂൺ മാസത്തിന് ശേഷം സ്പാർക്ക് മുഖേന ഏതെങ്കിലും കാറ്റഗറി ജീവനക്കാർക്ക് പുതിയതായി ശമ്പളം നൽകുവാൻ ആരംഭിച്ചിട്ടുണ്ടോ; ഉണ്ടെങ്കിൽ ഏതൊക്കെ വിഭാഗത്തിൽപ്പെട്ട ജീവനക്കാരെയാണ് ഇപ്രകാരം ഉൾപ്പെടുത്തിയിട്ടുള്ളത്; പ്രസ്തുത ജീവനക്കാരെ സംബന്ധിച്ച വിശദാംശങ്ങൾ പ്രത്യേകം നൽകാമോ?

വിവിധ സര്‍ക്കാര്‍ വകുപ്പുകള്‍ ഒഴികെ പി.എസ്.സി. വഴി നിയമനം നടത്തിവരുന്ന സ്ഥാപനങ്ങളില്‍ (വിവിധ പൊതുമേഖലാ സ്ഥാപനങ്ങള്‍‍, വിവിധ കമ്പനി ബോര്‍ഡ് കോര്‍പ്പറേഷനുകള്‍, വിവിധ യൂണിവേഴ്സിറ്റികള്‍ മുതലായവ) 2016 മെയ് മുതല്‍ 2025 ഡിസംബര്‍ വരെ ഓരോ വര്‍ഷവും വിരമിച്ച ജീവനക്കാരുടെ എണ്ണം എത്രയെന്നു് അറിയിക്കാമോ ;

2016 മെയ് മുതല്‍ 2025 ഡിസംബര്‍ വരെ ഓരോ വര്‍ഷവും ഈ സ്ഥാപനങ്ങളിലേയ്ക്ക് പി.എസ്.സി വഴി നടത്തിയ നിയമനങ്ങള്‍ എത്രയെന്ന് അറിയിക്കാമോ?

ഈ സർക്കാർ അധികാരത്തില്‍ വന്നതിനു ശേഷം ഏതെല്ലാം വകുപ്പുകളില്‍ എത്ര താല്‍ക്കാലിക നിയമനങ്ങള്‍ നടത്തിയിട്ടുണ്ട്; വിശദാംശം നല്‍കുമോ ;

ഇത്തരത്തില്‍ താല്‍ക്കാലികമായി നിയമിച്ച ജീവനക്കാരെ സ്ഥിരപ്പെടുത്തുന്നതിന് എന്തെങ്കിലും നടപടികള്‍ സർക്കാർ തലത്തില്‍ ഏതെങ്കിലും വകുപ്പുകളില്‍ സ്വീകരിച്ചിട്ടുണ്ടോ; വകുപ്പും തസ്തികയും തിരിച്ചുള്ള വിശദാംശം വെളിപ്പെടുത്തുമോ;

താല്‍ക്കാലികമായി നിയമിച്ച ജീവനക്കാരെ സ്ഥിരപ്പെടുത്തുന്നതുമായി ബന്ധപ്പെട്ട് ഈ സര്‍ക്കാരിന്റെ നയം എന്താണെന്ന് വ്യക്തമാക്കുമോ ;

തല്‍ക്കാലിക ജീവനക്കാരെ സ്ഥിരപ്പെടുത്തുന്നതുമായി ബന്ധപ്പെട്ട കോടതി വിധികള്‍ ശ്രദ്ധയില്‍പ്പെട്ടിട്ടുണ്ടെങ്കിൽ ആയതിന്റെ വിശദാംശം അറിയിക്കുമോ ?

ഈ സര്‍ക്കാര്‍ അധികാരത്തില്‍ വന്നതിനുശേഷം സംസ്ഥാനത്ത് വിവിധ സര്‍ക്കാര്‍ വകുപ്പുകൾ, കമ്പനികൾ, ബോര്‍ഡുകൾ, കോര്‍പ്പറേഷനുകൾ, തദ്ദേശ സ്ഥാപനങ്ങൾ, ശാസ്ത്രസാങ്കേതിക ഗവേഷണ സ്ഥാപനങ്ങള്‍, സർവ്വകലാശാലകൾ എന്നിവിടങ്ങളിൽ എംപ്ലോയ്‍മെന്റ് എക്സ്ചേഞ്ച് മുഖേനയല്ലാതെ നടത്തിയിട്ടുള്ള കരാര്‍ നിയമനങ്ങളുടെയും താല്‍ക്കാലിക നിയമനങ്ങളുടെയും വിശദാംശങ്ങൾ ലഭ്യമാക്കാമോ;

പ്രസ്തുത സ്ഥാപനങ്ങളിൽ പി.എസ്.സി. മുഖാന്തരം നിയമനം നടത്തേണ്ട തസ്തികയിൽ എത്ര പേർ താൽക്കാലിക അടിസ്ഥാനത്തിൽ ജോലി ചെയ്യുന്നുണ്ടെന്ന് വിശദീകരിക്കുമോ;

വിവിധ സ്ഥാപനങ്ങളിലായി എത്ര താല്‍ക്കാലിക / കരാർ ജീവനക്കാരെയാണ് ഈ സർക്കാരിന്റെ കാലയളവിൽ സ്ഥിരപ്പെടുത്തിയിട്ടുള്ളതെന്നു വകുപ്പ്-സ്ഥാപനം തിരിച്ച് വിശദമാക്കാമോ;

താത്കാലിക/കരാർ അടിസ്ഥാനത്തില്‍ ജോലി ചെയ്തിരുന്ന ജീവനക്കാരെ സ്ഥിരപ്പെടുത്തുന്നത് സംബന്ധിച്ച എന്തെങ്കിലും പ്രൊപ്പോസൽ സർക്കാരിന്റെ പരിഗണനയിലുണ്ടോ; വിശദാംശം ലഭ്യമാക്കുമോ?

പാലക്കാട് ജില്ലയില്‍ വ്യവസായ ക്ഷേമ ബോര്‍ഡ് വഴി നല്‍കുന്ന പെന്‍ഷന്‍ യഥാസമയം നല്‍കുന്നതിന് തടസ്സങ്ങള്‍ നേരിടുന്നുണ്ടോ;

ഉണ്ടെങ്കില്‍ ആയത് പരിഹരിക്കുന്നതിന് നടപടികള്‍ സ്വീകരിക്കുമോ; വിശദമാക്കാമോ?

നവ കേരള സദസ്സിന് മുഖ്യമന്ത്രിയുടെയും മന്ത്രിമാരുടെയും യാത്രയ്ക്കായി ഉപയോഗിച്ച പ്രത്യേക ബസിനു വേണ്ടി എത്ര തുക ഏതൊക്കെ ഇനത്തിൽ ചെലവഴിച്ചു എന്നതിന്റെ വിശദാംശം ഇനം തിരിച്ചു നൽകാമോ;

പ്രസ്തുത ബസ് നിലവിൽ ഉപയോഗിക്കുന്നുണ്ടോ; ഉണ്ടെങ്കിൽ ബസ്സിന്റെ വാടക ഇനത്തിലോ മറ്റ് ഇനങ്ങളിലോ നിലവിൽ എത്ര തുക വരുമാനം ലഭിക്കുന്നുണ്ടെന്ന് വിശദമാക്കുമോ?

2016-17 മുതൽ സർക്കാർ വകുപ്പുകളുടെയും അര്‍ദ്ധ സര്‍ക്കാര്‍/പൊതുമേഖല സ്ഥാപനങ്ങളുടെയും എന്തെല്ലാം ഐ‌.ടി. അധിഷ്ഠിത ജോലികളാണ് ഊരാളുങ്കല്‍ ലേബര്‍ കോൺട്രാക്ട് കോ-ഓപ്പറേറ്റീവ് സൊസൈറ്റിയെ (യു.എൽ.സി.സി.എസ്.) ഏല്‍പ്പിച്ചിരിക്കുന്നത് എന്ന് വിശദമാക്കാമോ;

മേൽ സൂചിപ്പിച്ചതിന്റെ കോൺട്രാക്ട് തീയതിയും തുകയും കാലാവധിയും സ്ഥാപനം തിരിച്ചു ലഭ്യമാക്കാമോ; ആയതില്‍ എത്ര സ്ഥാപനങ്ങളില്‍ ഇതിനകം പ്രവൃത്തി പൂര്‍ത്തികരിച്ചിട്ടുണ്ടെന്നത് വിശദമാക്കാമോ;

ഏതെങ്കിലും സ്ഥാപനത്തില്‍ പ്രവൃത്തി പൂര്‍ത്തികരിക്കാതെ കോൺട്രാക്ടിൽ നിന്നും യു.എൽ.സി.സി.എസ്. പിന്‍മാറിയിട്ടുണ്ടോ; എങ്കിൽ മേൽ പറഞ്ഞ സ്ഥാപനങ്ങളില്‍ നിന്നും കൂടുതല്‍ തുക കൈപ്പറ്റിയിട്ടുണ്ടോ; ഉണ്ടെങ്കില്‍ പ്രസ്തുത തുക തിരികെ പിടിക്കുവാന്‍ സ്വീകരിച്ച നടപടികൾ വിശദമാക്കാമോ?

2016-17 നു ശേഷം സംസ്ഥാനത്തെ പൊതുമേഖല സ്ഥാപനങ്ങള്‍, അർദ്ധ സർക്കാർ സ്ഥാപനങ്ങൾ, ജുഡീഷ്യൻ കമ്മീഷനുകൾ, ക്ഷേമനിധികള്‍, സര്‍ക്കാര്‍ ബോര്‍ഡുകള്‍, സഹകരണ സ്ഥാപനങ്ങള്‍, സർവ്വകലാശാലകൾ എന്നിവകളിലെ ഏതെല്ലാം സ്ഥാപനങ്ങളിലെ ഏതെല്ലാം തസ്തികകളിലെ നിയമനങ്ങളാണ് പി. എസ്. സി.-യ്ക്ക് വിട്ടിട്ടുള്ളത് എന്ന് വിശദമാക്കാമോ;

ഇതിനകം പി. എസ്. സി.-യ്ക്ക് നിയമനങ്ങള്‍ വിട്ടു നല്‍കിയിട്ടും സ്പെഷ്യല്‍ റൂള്‍ ഭേദഗതി ചെയ്യുന്നതിലെ കാലതാമസം കാരണം ഏതെല്ലാം സ്ഥാപനങ്ങളിലെ നിയമനങ്ങളാണ് പി. എസ്. സി. മുഖേന ഇപ്പോഴും നികത്താന്‍ സാധിക്കാത്തതെന്ന് വ്യക്തമാക്കാമോ; വിശേഷാല്‍ ചട്ടങ്ങളും നിയമന ചട്ടങ്ങളും തയ്യാറാക്കി സമര്‍പ്പിക്കാത്ത സ്ഥാപനങ്ങള്‍ ഏതെല്ലാമെന്ന് വകുപ്പ് തിരിച്ചുളള വിശദാംശം ലഭ്യമാക്കാമോ;

സംസ്ഥാനത്തെ പൊതുമേഖല സ്ഥാപനങ്ങള്‍, ക്ഷേമനിധികള്‍, സര്‍ക്കാര്‍ ബോര്‍ഡുകള്‍, സഹകരണ സ്ഥാപനങ്ങള്‍, സർവ്വകലാശാലകൾ എന്നിവയില്‍ നിയമന ചട്ടങ്ങള്‍, വിശേഷാല്‍ ചട്ടങ്ങള്‍ എന്നിവ തയ്യാറാക്കാത്തതിനാല്‍ നിയമനങ്ങളില്‍ സംവരണം പാലിക്കുന്നില്ല എന്നത് പരിശോധിക്കാമോ;

പ്രസ്തുത ചട്ടങ്ങള്‍ തയ്യാറാക്കി സമര്‍പ്പിച്ചിട്ടും ചട്ടത്തിലെ വ്യവസ്ഥകള്‍ പ്രകാരം പി‌. എസ്‌. സി. വഴി നിയമനം നടത്താത്ത സ്ഥാപനങ്ങള്‍ ഏതെല്ലാമാണെന്ന് വിശദമാക്കാമോ?

ഈ സർക്കാരിന്റെ കാലയളവിൽ നാളിതുവരെ സംസ്ഥാന സർക്കാർ നടത്തിയ കോൺക്ലെവുകൾ ഏതൊക്കെയാണെന്നും ഏതൊക്കെ വിഷയങ്ങളിലാണ് കോൺക്ലെവുകൾ സംഘടിപ്പിച്ചതെന്നും വ്യക്തമാക്കുമോ; ഓരോ കോൺക്ലെവിനും ചെലവഴിച്ച തുക ഇനം തിരിച്ചു വ്യക്തമാക്കുമോ ;

ഓരോ കോൺക്ലെവിനും സ്പോൺസർഷിപ്പ് ലഭിച്ച തുകയുടെ വിശദാംശങ്ങൾ ഇനം തിരിച്ചു വ്യക്തമാക്കുമോ; പ്രസ്തുത തുക ഏതൊക്കെ കാര്യങ്ങൾക്കാണ് വിനിയോഗിച്ചത് എന്ന വിശദാംശങ്ങൾ വ്യക്തമാക്കുമോ?

കാസർഗോ‍ഡ് സിവിൽ സ്റ്റേഷനിൽ പ്രവർത്തിക്കുന്ന വിവിധ ഓഫീസുകളിലെ ജീവനക്കാർക്ക് ജില്ലാ ആസ്ഥാനത്തെ മുൻസിപ്പാലിറ്റി (കാസർഗോ‍ഡ് ) പരിധിയിൽ ജോലി ചെയ്യുന്ന ജീവനക്കാർ എന്ന് കണക്കാക്കി ക്ലാസ് ബി പ്രദേശങ്ങൾക്ക് ബാധകമായ നിരക്കിൽ അടിസ്ഥാന ശമ്പളത്തിന്റെ 8% വീട്ടുവാടക ബത്ത അനുവദിച്ച് ഉത്തരവ് പുറപ്പെടുവിച്ചിട്ടുണ്ടോ; എങ്കിൽ പ്രസ്തുത ഉത്തരവിന്റെ പകർപ്പ് ലഭ്യമാക്കുമോ;

ഉത്തരവ് പുറപ്പെടുവിച്ചിട്ടുണ്ടെങ്കിൽ കാസർഗോ‍ഡ് മുനിസിപ്പാലിറ്റിക്കകത്ത് സ്ഥിതി ചെയ്യുന്ന ഓഫീസുകളിലെ ജീവനക്കാർക്ക് നിലവിൽ പ്രസ്തുത ഉത്തരവ് അനുസരിച്ച് അടിസ്ഥാന ശമ്പളത്തിന്റെ 8% വീട്ടുവാടക ബത്ത നൽകുന്നുണ്ടോ; വ്യക്തമാക്കാമോ;

പ്രസ്തുത ഉത്തരവ് പുറപ്പെടുവിച്ചിട്ടില്ലെങ്കിൽ അതിനുളള കാരണം എന്താണെന്നും മുൻസിപ്പാലിറ്റിക്കകത്ത് സ്ഥിതി ചെയ്യുന്ന ഓഫീസുകളിലെ ജീവനക്കാർക്ക് അടിസ്ഥാന ശമ്പളത്തിന്റെ എത്ര ശതമാനം വീട്ടുവാടക ബത്തയാണ് നൽകുന്നതെന്നും വ്യക്തമാക്കുമോ?

സംസ്ഥാന സർക്കാർ ഏതൊക്കെ ആവശ്യങ്ങൾക്ക് വേണ്ടിയാണ് ഹെലികോപ്ടർ വാടകയ്ക്ക് എടുത്തിരിക്കുന്നതെന്ന് വ്യക്തമാക്കാമോ; പ്രസ്തുത ഹെലികോപ്ടര്‍ എന്തെല്ലാം ആവശ്യങ്ങള്‍ക്കായാണ് ഉപയോഗിച്ചതെന്നും ആരെല്ലാമാണ് ഉപയോഗിച്ചിരുന്നതെന്നും സംബന്ധിച്ച വിശദാംശം ലഭ്യമാക്കാമോ;

ഈ സർക്കാരിന്റെ കാലയളവിൽ നാളിതുവരെ സംസ്ഥാന സർക്കാർ വാടകയ്ക്ക് എടുത്ത ഹെലികോപ്ടർ ആരോഗ്യ രക്ഷാ പ്രവർത്തനങ്ങൾക്കായി എത്ര തവണ, എത്ര മണിക്കൂർ ഉപയോഗിച്ചിട്ടുണ്ടെന്നു അറിയിക്കുമോ;

ഹെലികോപ്ടറിന്റെ വാടകയ്ക്കും മറ്റ് അനുബന്ധ ചിലവുകൾക്കുമായി സർക്കാരിനു ഖജനാവില്‍ നിന്നും നാളിതുവരെ എത്ര തുക ചെലവഴിക്കേണ്ടി വന്നു എന്നതിന്റെ വിശദാംശം ലഭ്യമാക്കുമോ?

കുറ്റ്യാടി നിയോജകമണ്ഡലത്തില്‍ റീബില്‍ഡ് കേരള ഇനിഷ്യേറ്റീവ് പദ്ധതി പ്രകാരവും മുഖ്യമന്ത്രിയുടെ പ്രാദേശിക റോഡ് പുനർനിർമ്മാണ പദ്ധതി പ്രകാരവും അനുമതി നല്‍കിയിട്ടുള്ള വിവിധ പദ്ധതികളുടെ വിശദാംശം, പുരോഗതി എന്നിവ അറിയിക്കാമോ?

മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയിൽ ഉൾപ്പെടുത്തിയ​ റോഡുകൾ ഏതൊക്കെയാണെന്ന് മണ്ഡലം തിരിച്ച് വ്യക്തമാക്കാമോ;

ഓരോ മണ്ഡലത്തിനും അനുവദിച്ച റോഡുകളുടെ എണ്ണവും തുകയും വ്യക്തമാക്കാമോ;

ഭരണാനുമതി ലഭിച്ച റോഡുകൾ, ടെൻഡർ ചെയ്ത റോഡുകൾ, പ്രവൃത്തി ആരംഭിച്ച റോഡുകൾ, പ്രവൃത്തി പൂർത്തീകരിക്കാത്ത റോഡുകൾ, പൂർത്തീകരിച്ച റോഡുകൾ എന്നിവ മണ്ഡലം തിരിച്ച് വ്യക്തമാക്കാമോ;

പൂർത്തീകരിച്ച പ്രവൃത്തികളിൽ കരാറുകാരന് തുക നൽകിയതും, ഇനിയും നല്കേണ്ടതുമായ പ്രവൃത്തികളുടെ വിശദാംശവും നൽകാമോ?

നിലവിലെ സര്‍ക്കാരിന്റെ കാലത്ത് കുറ്റ്യാടി നിയോജക മണ്ഡലത്തില്‍ നവകേരളം കര്‍മ്മ പദ്ധതിയിൽ ഉൾപ്പെടുത്തി നടപ്പിലാക്കുന്നതിലേക്ക് ഭരണാനുമതി ലഭിച്ചതും പൂര്‍ത്തീകരിച്ചതും നിര്‍വഹണം പുരോഗമിക്കുന്നതുമായ വിവിധ പ്രവൃത്തികള്‍ എതൊക്കെയെന്ന് അവയുടെ തൽസ്ഥിതിസഹിതം വ്യക്തമാക്കാമോ?

നവകേരള സദസ്സിന്റെ ഭാഗമായി ആലത്തൂര്‍ മണ്ഡലത്തില്‍ ഏതൊക്കെ പദ്ധതികള്‍ക്കാണ് ഭരണാനുമതി നല്‍കിയിട്ടുളളതെന്ന് വ്യക്തമാക്കുമോ;

പ്രസ്തുത പദ്ധതികളുടെ പ്രവൃത്തി എപ്പോള്‍ ആരംഭിക്കാനാകുമെന്ന് അറിയിക്കുമോ?

നവകേരള സദസ്സുമായി ബന്ധപ്പെട്ട് കോഴിക്കോട് നോര്‍ത്ത് നിയോജക മണ്ഡലത്തില്‍ ഏതെല്ലാം പ്രവൃത്തികളാണ് അംഗീകരിച്ചതെന്ന് വ്യക്തമാക്കാമോ;

പ്രസ്തുത പ്രവൃത്തികളുടെ നിലവിലെ സ്ഥിതി വ്യക്തമാക്കുമോ;

ഭരണാനുമതി ലഭിച്ച പ്രവൃത്തികള്‍ക്ക് ഫണ്ട് ലഭ്യമാക്കുന്നതിന് തടസ്സം നേരിട്ടതായി ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കില്‍ ആയത് പരിഹരിക്കുവാന്‍ നടപടി സ്വീകരിക്കുമോ;

ഭരണാനുമതി ലഭിച്ച പ്രവൃത്തികള്‍ സമയബന്ധിതമായി പൂര്‍ത്തീകരിക്കുവാന്‍ നടപടി സ്വീകരിക്കുമോ?

നവകേരള സദസ്സിന്റെ ഭാഗമായി ദേവികുളം മണ്ഡലത്തിൽ ഏതെല്ലാം പ്രവൃത്തികൾ അനുവദിച്ചെന്നും നിലവിൽ അവയുടെ നിർമ്മാണ പുരോഗതിയെന്തെന്നും വിശദമാക്കുമോ?

നവകേരള സദസ്സിൽ ഉൾപ്പെടുത്തി അനുവദിക്കപ്പെടുന്ന പദ്ധതികൾ സമയബന്ധിതമായി പൂർത്തീകരിക്കപ്പെടുന്നതിന് എന്തെല്ലാം നടപടികളാണ് സ്വീകരിച്ചിട്ടുളളതെന്ന് വ്യക്തമാക്കുമോ;

നെന്മാറ നിയോജക മണ്ഡലത്തിലെ ഇത്തരം പദ്ധതികളുടെ പുരോഗതി വിലയിരുത്തിയിട്ടുണ്ടോ; അവ എന്ന് പൂർത്തീകരിക്കാനാണ് നിർദ്ദേശം നൽകിയിട്ടുളളതെന്ന് വ്യക്തമാക്കുമോ?

സംസ്ഥാനത്ത് സർക്കാർ മേൽനോട്ടത്തിൽ നവ കേരള സർവെ നടത്താൻ ഉദ്ദേശിക്കുന്നുണ്ടോ; വ്യക്തമാക്കാമോ;

നവ കേരള സർവെയുടെ ഉദ്ദേശലക്ഷ്യങ്ങൾ എന്തെല്ലാമെന്ന് വിശദമാക്കാമോ;

നവ കേരള സർവെ നടത്തുന്നതിന് നിലവിൽ മാർഗ്ഗനിർദ്ദേശങ്ങൾ പുറപ്പെടുവിച്ചിട്ടുണ്ടോ; എങ്കിൽ ആയതിന്റെ പകർപ്പ് ലഭ്യമാക്കാമോ;

നവ കേരള സർവെയ്ക്കായി എത്ര തുക ചെലവ് വരുമെന്നാണ് പ്രതീക്ഷിക്കുന്നതെന്നും ആയത് എങ്ങനെ കണ്ടെത്താനാണ് ഉദ്ദേശിക്കുന്നതെന്നും വിശദമാക്കാമോ?

ലൈഫ് പദ്ധതി പ്രകാരം 2016 മുതൽ 2021 വരെ കാലയളവിൽ എത്ര പേര്‍ക്ക് വീട് നിര്‍മ്മിച്ച് നൽകിയെന്ന് വ്യക്തമാക്കാമോ;

ഈ പദ്ധതിപ്രകാരം ഏതൊക്കെ വകുപ്പുകൾ വീട് നിര്‍മ്മിച്ച് നൽകിയിട്ടുണ്ടെന്ന് വിശദമാക്കാമോ?

കോവിഡ്, നിപ തുടങ്ങിയ പകര്‍ച്ച വ്യാധികളുടെ നിര്‍ണ്ണയത്തിന് ഇതര സംസ്ഥാനങ്ങളെ ആശ്രയിക്കേണ്ടി വന്നതു മൂലമുണ്ടായ കാലതാമസവും ആശങ്കകളും ഒഴിവാക്കുന്നതിനായി സംസ്ഥാന ശാസ്ത്ര സാങ്കേതിക വകുപ്പിന് കീഴില്‍ തോന്നയ്ക്കല്‍ ലൈഫ് സയന്‍സസ് പാര്‍ക്കില്‍ ആരംഭിച്ച ഇന്‍സ്റ്റിറ്റ്യൂട്ട് ഓഫ് അഡ്വാന്‍സ്ഡ് വൈറോളജിയുടെ (ഐ. എ. വി.) പ്രവര്‍ത്തന പുരോഗതി വിലയിരുത്തിയിട്ടുണ്ടോ; വിശദമാക്കാമോ;

പ്രസ്തുത വൈറോളജി ഇന്‍സ്റ്റിറ്റ്യൂട്ടില്‍ ഗവേഷണ-പരീക്ഷണങ്ങള്‍ക്കായി ഇതര സംസ്ഥാനങ്ങളി‍ല്‍ നിന്നും വിദേശത്തു നിന്നുമുള്ള നിക്ഷേപകര്‍ സമീപിച്ചിട്ടുണ്ടോ;

രാജ്യത്തെ വൈറോളജി ഗവേഷണങ്ങള്‍ക്കായുള്ള ഒരു പ്രധാന കേന്ദ്രമായി ഐ. എ. വി. യെ മാറ്റിയെടുക്കുന്നതിന് എന്തെല്ലാം പ്രവര്‍ത്തനങ്ങളാണ് ആവിഷ്കരിച്ചു നടപ്പിലാക്കി വരുന്നതെന്ന് വ്യക്തമാക്കാമോ;

വൈറോളജി ശാസ്ത്രമേഖലയില്‍ വിദഗ്ദ്ധരെ വളര്‍ത്തിയെടുക്കുന്നതിനായും വൈറോളജി ഐച്ഛിക വിഷയമായി ഗവേഷണം നടത്തുന്നതിനും എന്തെല്ലാം സംവിധാനങ്ങളാണ് ഒരുക്കിയിട്ടുള്ളതെന്ന് അറിയിക്കാമോ?

ഉദ്യോഗസ്ഥ ഭരണപരിഷ്കാര (എ.ആര്‍.-12) വകുപ്പ് പുറത്തിറക്കിയ സ.ഉ.(കൈ.)നം.24/2024/പി&എ.ആര്‍.ഡി. നടപ്പാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

പ്രസ്തുത ഉത്തരവ് പ്രകാരം ജീവനക്കാരുടെ പ്രൊബേഷന്‍ എന്‍ട്രി കേഡറില്‍ മാത്രമാക്കുന്നതിനുള്ള നിര്‍ദ്ദേശം നടപ്പിലാക്കുന്നതിന് എന്തെല്ലാം നടപടികളാണ് സ്വീകരിച്ചത്;

ഇതുവരെ നടപടികള്‍ സ്വീകരിച്ചിട്ടില്ലെങ്കില്‍ അടിയന്തര തുടർനടപടികള്‍ സ്വീകരിച്ച് സ.ഉ.(കൈ.)നം.24/2024/പി&എ.ആര്‍.ഡി.യിലെ ശിപാര്‍ശ നടപ്പിലാക്കുമോ; വ്യക്തമാക്കുമോ?

2016 മുതൽ 2021 വരെ വിവിധ വകുപ്പുകളിലായി പി.എസ്.സി. മുഖേന എത്രപേര്‍ക്ക് നിയമനം നൽകിയിട്ടുണ്ടെന്ന് വ്യക്തമാക്കുമോ;

2021 മുതല്‍ 2026 നാളിതുവരെ എത്രപേര്‍ക്ക് പി.എസ്.സി. മുഖേന നിയമനം നല്‍കിയിട്ടുണ്ടെന്നും വിശദമാക്കാമോ;

വിവിധ വകുപ്പുകളിലെ റിട്ടയര്‍മെന്റ് ഒഴിവുകള്‍ പി.എസ്.സി.യെ സമയബന്ധിതമായി അറിയിക്കുന്നതിന് സ്വീകരിച്ച നടപടികള്‍ എന്തൊക്കെയാണെന്ന് വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം പി.എസ്.സി. മുഖാന്തരം കോഴിക്കോട് ജില്ലയില്‍ നടത്തിയ നിയമനങ്ങളുടെ വിശദാംശം വകുപ്പുകള്‍ തിരിച്ച് ലഭ്യമാക്കാമോ?

സംസ്ഥാനത്ത് സര്‍ക്കാര്‍ സര്‍വ്വീസിലെ നിയമനങ്ങള്‍ സമയബന്ധിതമായി നടത്തുന്നതിനായി എന്തെല്ലാം ഇടപെടലുകളാണ് നടത്തി വരുന്നതെന്ന് വിശദമാക്കാമോ;

2011-16 വരെയുള്ള കാലഘട്ടത്തിലും 2016 മെയ് മാസം മുതല്‍ 2026 നാളിതുവരെയുള്ള കാലഘട്ടത്തിലും എത്ര പി.എസ്.സി. നിയമനങ്ങള്‍ നടത്തിയിട്ടുണ്ടെന്ന വിവരം ലഭ്യമാക്കാമോ;

നിലവിൽ സർക്കാർ സർവ്വീസിലെ എല്ലാ ഒഴിവുകളും നികത്തുന്നതിന് ആവശ്യമായ നടപടി സ്വീകരിക്കാൻ കര്‍ശന നിര്‍ദ്ദേശം നല്‍കുമോയെന്ന് വ്യക്തമാക്കുമോ?

2016 മുതൽ 2025 വരെ പി.എസ്.സി. മുഖേന എത്ര നിയമനങ്ങൾ വിവിധ വകുപ്പുകളിലായി നടന്നുവെന്ന് ജില്ലയും വര്‍ഷവും തിരിച്ച് വിശദമാക്കാമോ;

പി.എസ്.സി. മുഖേന 2011 മുതൽ 2016 വരെ എത്ര നിയമനങ്ങൾ നടന്നു എന്നത് വ്യക്തമാക്കാമോ?

ഈ സർക്കാർ അധികാരത്തിൽ വന്നതിന് ശേഷം എത്ര ഉദ്യോഗാർത്ഥികൾക്കാണ് പി.എസ്.സി. മുഖേന ജോലി നൽകിയിട്ടുളളതെന്ന് വിശദമാക്കാമോ; വകുപ്പുകൾ തിരിച്ചുളള കണക്ക് വിശദമാക്കുമോ?

കേരള പബ്ലിക് സര്‍വ്വീസ് കമ്മീഷന്‍ നടത്തുന്ന പരീക്ഷകള്‍ പൂര്‍ണ്ണമായും ഓണ്‍ലൈന്‍ സംവിധാനത്തിലേക്ക് മാറ്റാന്‍ പദ്ധതികള്‍ ആവിഷ്കരിച്ചിട്ടുണ്ടോ; വിശദാംശങ്ങള്‍ ലഭ്യമാക്കാമോ;

2016-2025 കാലയളവില്‍ പി.എസ്.സി. വഴി നല്‍കിയ ആകെ നിയമന ശിപാര്‍ശകളുടെ വിശദാംശങ്ങള്‍ ലഭ്യമാക്കാമോ;

പി.എസ്.സി വഴി നിയമനം ലഭിച്ചിട്ടുളള ജീവനക്കാരുടെ വെരിഫിക്കേഷന്‍ പ്രക്രിയ സമയബന്ധിതമാക്കാന്‍ എന്തെല്ലാം നടപടികളാണ് സ്വീകരിച്ചിട്ടുളളത്; വ്യക്തമാക്കാമോ;

ഒഴിവുകള്‍ സമയബന്ധിതമായി റിപ്പോര്‍ട്ടു ചെയ്യുന്നുണ്ടെന്ന് ഉറപ്പുവരുത്താന്‍ എന്തെല്ലാം മുന്‍കരുതലാണ് കൈക്കൊണ്ടിട്ടുളളതെന്ന് അറിയിക്കാമോ;

കണ്ണൂര്‍ ജില്ലാ പി.എസ്.സി. ഓഫീസിന് സ്വന്തമായി കെട്ടിടം നിര്‍മ്മിക്കാനായി എന്തൊക്കെ നടപടികളാണ് സ്വീകരിച്ചിട്ടുളളത്; വിശദമാക്കാമോ?

ഈ സർക്കാർ അധികാരത്തിൽ വന്നതിനുശേഷം നാളിതുവരെ മലപ്പുറം ജില്ലയിൽ എത്ര ഉദ്യോഗാര്‍ത്ഥികള്‍ക്ക് വിവിധ തസ്തികകളിൽ പി.എസ്.സി മുഖേനയുള്ള നിയമനം ലഭിച്ചിട്ടുണ്ടെന്ന് വ്യക്തമാക്കാമോ;

ഓരോ തസ്തികയിലും നിലവിൽ ഇനിയും ഒഴിവുകൾ ഉണ്ടോയെന്നും അവ പി.എസ്.സിക്ക് റിപ്പോർട്ട് ചെയ്തിട്ടുണ്ടോയെന്നും വ്യക്തമാക്കാമോ;

നിലവിലുണ്ടായിരുന്നവയില്‍ കാലാവധി തീർന്ന ലിസ്റ്റുകൾ ഏതെല്ലാമാണെന്നും പുതിയ ലിസ്റ്റുകൾ വരാനുള്ളത് ഏതിലെല്ലാമാണെന്നും അവയുടെ റാങ്ക് ലിസ്റ്റുകൾ സമയബന്ധിതമായി പ്രസിദ്ധീകരിക്കുവാൻ നടപടി സ്വീകരിക്കുമോയെന്നും അറിയിക്കാമോ;

മലപ്പുറം ജില്ലയിലെ വിവിധ വകുപ്പുകളിലെ ഒഴിവുകൾ നികത്തുവാൻ സ്വീകരിച്ച നടപടികൾ വിശദീകരിക്കാമോ?

കേരള പോലീസില്‍ വനിതാ പ്രാതിനിധ്യം വര്‍ദ്ധിപ്പിക്കുന്നതിന്റെ ഭാഗമായി 2017-ല്‍ തിരുവനന്തപുരത്ത് മേനംകുളം ആസ്ഥാനമായി രൂപീകരിച്ച വനിതാ ബറ്റാലിയനില്‍ നിലവിലുണ്ടായിരുന്ന റാങ്ക് ലിസ്റ്റില്‍ നിന്നും നിയമനം ലഭിച്ച എത്ര സേനാംഗങ്ങള്‍ ജോലി ചെയ്യുന്നുണ്ട്; വിശദമാക്കാമോ;

18.01.1984- ലെ ജി.ഒ (പി) നമ്പർ.6/84/ഹോം എന്ന സ്പെഷ്യല്‍ റൂള്‍ പ്രകാരം പ്രസ്തുത സേനാംഗങ്ങള്‍ക്ക് ലീന്‍ ഷിഫ്റ്റ് ചെയ്യുന്നതിനുള്ള അവസരം നല്‍കിയിട്ടുണ്ടോ; ഇല്ലെങ്കില്‍ അതിന്റെ കാരണം വ്യക്തമാക്കാമോ;

വനിതാ ബറ്റാലിയനില്‍ എട്ട് വര്‍ഷം മുന്‍പ് നിയമനം ലഭിച്ചവര്‍ നിലവിലും കോണ്‍സ്റ്റബിള്‍ തസ്തികയില്‍ തുടരുമ്പോള്‍ 2021-ന് ശേഷം നിയമനം ലഭിച്ചവരെ ഹവില്‍ദാർ തസ്തികയിലേക്ക് പ്രൊമോട്ട് ചെയ്യുന്നതിനുള്ള നടപടികള്‍ ആരംഭിച്ചിട്ടുണ്ടോ; എങ്കില്‍ അതിന്റെ കാരണവും നിലവിലെ സ്ഥിതിയും വിശദമാക്കാമോ;

2017-ല്‍ വനിതാ ബറ്റാലിയനില്‍ നിയമിതരായവര്‍ക്ക് അവരുടെ സീനിയോരിറ്റി പരിഗണിച്ച് എത്രയും വേഗം ഹവില്‍ദാർ സ്ഥാനക്കയറ്റം നല്‍കുന്നതിനും വനിതാ ബറ്റാലിയനിലേയ്ക്ക് അവരുടെ ലീന്‍ ഷിഫ്റ്റ് അനുവദിക്കുന്നതിനും നടപടി സ്വീകരിക്കുമോ?

149/2022, 255/2024 എന്നീ കാറ്റഗറികളിലെ ഐ.സി.ഡി.എസ്. സൂപ്പർവൈസർ റാങ്ക് ലിസ്റ്റുകളുടെ കാലാവധി എന്ന് അവസാനിക്കുമെന്ന് വ്യക്തമാക്കാമോ;

പ്രസ്തുത റാങ്ക് ലിസ്റ്റുകളിൽ നിന്ന് നടന്ന നിയമനങ്ങളുടെ വിവരം അറിയിക്കാമോ;

255/2024 കാറ്റഗറി നമ്പർ റാങ്ക് ലിസ്റ്റിൽ നിന്ന് നിയമനം നടത്തുന്നതിന് എന്തെങ്കിലും തടസ്സമുണ്ടോ എന്ന് അറിയിക്കാമോ?

കേരള പോലീസ് ഇന്ത്യ റിസർവ് ബറ്റാലിയൻ കമാൻഡോ വിങ്ങിലേക്കുള്ള നിലവിലെ റാങ്ക് ലിസ്റ്റിൽ എത്ര ഉദ്യോഗാർത്ഥികളെ ഉൾപ്പെടുത്തിയിട്ടുണ്ട്; നാളിതുവരെ എത്ര നിയമനങ്ങൾ നടത്തിയിട്ടുണ്ട്; പ്രസ്തുത റാങ്ക് ലിസ്റ്റിൽ നിന്നും നിയമനങ്ങൾ നടത്തുന്നതിന് കാലതാമസം നേരിടുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ കാരണം വ്യക്തമാക്കുമോ;

കൊല്ലം കേന്ദ്രമാക്കി പുതിയ ഇന്ത്യ റിസർവ് ബറ്റാലിയൻ ആരംഭിക്കുന്നതിന് കേന്ദ്രസർക്കാരിന്റെ അനുമതി ലഭിച്ചിട്ടുണ്ടോ; ഉണ്ടെങ്കിൽ ഇക്കാര്യത്തിൽ എന്തൊക്കെ തുടർനടപടികൾ സ്വീകരിച്ചിട്ടുണ്ടെന്നും ബറ്റാലിയൻ എന്നത്തേക്ക് പ്രവർത്തനം ആരംഭിക്കാൻ സാധിക്കുമെന്നും വ്യക്തമാക്കാമോ;

തൃശ്ശൂരിലെ ഐ.ആർ. ബറ്റാലിയൻ കമാൻഡോ വിങ്ങിൽ നിന്നും 10 വർഷത്തെ സേവനം പൂർത്തിയാക്കി മാതൃയൂണിറ്റിലേക്ക് മടങ്ങാനിരിക്കുന്ന കമാൻഡോകളുടെ എണ്ണം കണക്കാക്കി പ്രതീക്ഷിത ഒഴിവുകൾ പി.എസ്.സി.ക്ക് റിപ്പോർട്ട് ചെയ്തിട്ടുണ്ടോ; ഇല്ലെങ്കിൽ കാരണം വ്യക്തമാക്കുമോ; പ്രസ്തുത ഒഴിവുകൾ അടിയന്തരമായി റിപ്പോർട്ട് ചെയ്യുന്നതിന് നടപടി സ്വീകരിക്കുമോ;

മേൽപ്പറഞ്ഞ ഒഴിവുകൾ റിപ്പോർട്ട് ചെയ്തും കൊല്ലത്ത് പുതിയ ഇന്ത്യാ റിസർവ് ബറ്റാലിയൻ ആരംഭിക്കുന്നതിനുള്ള നടപടികൾ പൂർത്തീകരിച്ചും പ്രസ്തുത റാങ്ക് ലിസ്റ്റിന്റെ കാലാവധിക്കുള്ളിൽ പരമാവധി നിയമനങ്ങൾ നടത്തുന്നതിന് നടപടി സ്വീകരിക്കുമോ; വ്യക്തമാക്കാമോ?

ഇന്ത്യാ റിസര്‍വ് ബറ്റാലിയന്‍ പ്രീ-സര്‍വ്വീസ് പരിശീലനകാലയളവ് ഡ്യൂട്ടിയായി കണക്കാക്കാന്‍ ബന്ധപ്പെട്ട സ്പെഷ്യല്‍ റൂളില്‍ വ്യവസ്ഥ ചെയ്തിട്ടുളളത് ശ്രദ്ധയില്‍പ്പെട്ടിട്ടുണ്ടോ;

ഐ.ആര്‍.ബി.യുടെ സ്പെഷ്യല്‍ റൂള്‍ പ്രകാരം പരിശീലന കാലയളവ് ഡ്യൂട്ടിയായി കണക്കാക്കി സര്‍ക്കാര്‍ ഉത്തരവാകുന്ന പക്ഷം നിലവില്‍ സേവനത്തിനുളള 6 മുതല്‍ 9 വരെയുളള ബാച്ചുകളിലെ 168 കമാന്‍ഡോകളെ 2028 ഫെബ്രുവരിയില്‍ 10 വര്‍ഷത്തെ സേവനം പൂര്‍ത്തിയാക്കി മറ്റ് വിംഗുകളിലേക്ക് മാറ്റേണ്ടതുണ്ടെന്നത് സര്‍ക്കാര്‍ പരിശോധിച്ചിട്ടുണ്ടോ;

കമാന്‍ഡോ വിംഗിലെ ട്രെയിനിംഗ് കാലയളവ് ഏകദേശം രണ്ടു വര്‍ഷമാണെന്നിരിക്കെ, 2028-ല്‍ 168 പേരെ മറ്റ് വിംഗുകളിലേക്ക് മാറ്റുമ്പോഴുണ്ടാകുന്ന ഒഴിവ് നികത്താന്‍, നിലവിലെ റാങ്ക് ലിസ്റ്റില്‍ (കാ.നം.136/2022) ഉളളവര്‍ക്ക് നിയമന ശിപാര്‍ശ നല്‍കി ട്രെയിനിംഗിലേക്ക് അയയ്ക്കേണ്ടത് നിയമന നടപടികളിലെ കാലതാമസം ഒഴിവാക്കുന്നതിനും ഐ.ആര്‍.ബി.യുടെ പ്രവര്‍ത്തനം പൂര്‍ണ്ണസജ്ജമാക്കുന്നതിനും അനിവാര്യമാണെന്ന് സര്‍ക്കാര്‍ കരുതുന്നുണ്ടോ?

കാറ്റഗറി നമ്പര്‍ 503/2023 എല്‍.ഡി. ക്ലര്‍ക്ക് റാങ്ക് ലിസ്റ്റില്‍ നിന്നും നിലവില്‍ എത്ര നിയമനം നടത്തിയിട്ടുണ്ട്; ജില്ല തിരിച്ചുള്ള കണക്ക് ലഭ്യമാക്കാമോ;

എല്‍.ഡി. ക്ലര്‍ക്ക് തസ്തികയ്ക്കുള്ള ഈ റാങ്ക് ലിസ്റ്റില്‍ നിന്നുള്ള നിയമനം നടക്കുന്നില്ല എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കുന്നതിനാവശ്യമായ നടപടികള്‍ സ്വീകരിക്കുമോ?

2023 ജനുവരി 23 ന് നിലവിൽ വന്ന കോളീജിയേറ്റ് എഡ്യൂക്കേഷൻ അസിസ്റ്റന്റ് പ്രൊഫസർ (മാത്തമാറ്റിക്സ്) റാങ്ക് ലിസ്റ്റിൽ നിന്നും നാളിതുവരെ എത്ര നിയമനങ്ങൾ നടത്തിയിട്ടുണ്ട്; പ്രസ്തുത റാങ്ക് ലിസ്റ്റിൽ നിന്നും നിയമനങ്ങൾ നടത്തുന്നതിൽ കാലതാമസം നേരിടുന്നതിന് കാരണം വ്യക്തമാക്കാമോ;

കോളീജിയേറ്റ് എഡ്യൂക്കേഷൻ അസിസ്റ്റന്റ് പ്രൊഫസർ (മാത്തമാറ്റിക്സ്) തസ്തികയിലെ ഒഴിവുകൾ 2020ന് ശേഷം റിപ്പോർട്ട് ചെയ്യുന്നില്ല എന്ന കാര്യം ഗൗരവത്തോടെ കാണുന്നുണ്ടോ;

പ്രസ്തുത തസ്തികയിലെ മുഴുവൻ ഒഴിവുകളും അടിയന്തരമായി റിപ്പോർട്ട് ചെയ്ത് നിലവിലുള്ള റാങ്ക് ലിസ്റ്റിൽ നിന്ന് നിയമനം നടത്തുന്നതിന് നടപടി സ്വീകരിക്കുമോയെന്ന് വ്യക്തമാക്കാമോ?

സംസ്ഥാനത്ത് 2016 മെയ് മാസം മുതൽ 2021 ഏപ്രിൽ മാസം വരെയും 2021 മെയ് മാസം മുതൽ നാളിതുവരെയും എത്ര പുതിയ തസ്തികകൾ സൃഷ്ടിച്ചിട്ടുണ്ടെന്ന് കാലയളവ് തിരിച്ച് വ്യക്തമാക്കാമോ;

മേൽപറഞ്ഞ കാലയളവിൽ കേരള പബ്ലിക് സർവീസ് കമ്മീഷൻ നടത്തിയ നിയമനങ്ങളുടെ കണക്ക് സംബന്ധിച്ച വിശദാംശങ്ങൾ അറിയിക്കാമോ?

മുഖ്യമന്ത്രിയുടെ സംരംഭകത്വ വികസന പദ്ധതിയില്‍ ഉള്‍പ്പെടുത്തി ഇതുവരെ എത്രപേര്‍ക്ക് സംരംഭങ്ങള്‍ തുടങ്ങാനായിട്ടുണ്ടെന്ന് വ്യക്തമാക്കാമോ;

ഇതിനായി ഇതുവരെ ചെലവഴിച്ച തുകയുടെ വിശദാംശം ലഭ്യമാക്കാമോ;

ഈ പദ്ധതി കൂടുതല്‍ വിപുലീകരിക്കുന്നതിനും കൂടുതല്‍ തൊഴിലവസരങ്ങള്‍ ഒരുക്കുന്നതിനുമായി എന്തെല്ലാം നടപടികളാണ് സര്‍ക്കാര്‍ സ്വീകരിക്കാനുദ്ദേശിക്കുന്നത് എന്ന് വ്യക്തമാക്കാമോ?

സംസ്ഥാനത്തെ തീവ്ര വോട്ടർ പട്ടിക പരിഷ്കരണ നടപടികളുടെ ഭാഗമായി അർഹരായ പല വോട്ടർമാരുടെയും പേരുകൾ പട്ടികയിൽ നിന്ന് നീക്കം ചെയ്യപ്പെടുന്നു എന്ന വ്യാപകമായ പരാതി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് പരിഹരിക്കാൻ എന്തെല്ലാം നടപടികളാണ് സ്വീകരിച്ചിട്ടുള്ളത്;

പുതിയതായി വോട്ടര്‍പട്ടികയില്‍ പേര് ചേർക്കുന്നതിനും നിലവിലുള്ള തെറ്റുകൾ തിരുത്തുന്നതിനും നേരിടുന്ന സാങ്കേതിക തടസ്സങ്ങൾ പരിഹരിക്കാൻ ഇലക്ഷൻ കമ്മീഷനുമായി ചേർന്ന് എന്തെല്ലാം ക്രമീകരണങ്ങളാണ് സർക്കാർ ചെയ്തിട്ടുള്ളത്;

വോട്ടർ പട്ടികയിൽ നിന്ന് പേര് ഒഴിവാക്കപ്പെട്ടവർക്ക് അത് പുനഃസ്ഥാപിക്കുന്നതിനായി നൽകിയിട്ടുള്ള സമയപരിധിയും മാർഗ്ഗങ്ങളും പൊതുജനങ്ങളെ അറിയിക്കാൻ എന്തെല്ലാം ബോധവൽക്കരണ പരിപാടികളാണ് ആസൂത്രണം ചെയ്തിരിക്കുന്നത്; വിശദാംശം നൽകാമോ?

സമഗ്ര വോട്ടർ പട്ടിക പരിഷ്കരണത്തിന്റെ (എസ് ഐ ആർ ) ഭാഗമായി പ്രസിദ്ധീകരിച്ച കരട് പട്ടികയിൽ നിന്നും പുറത്തായവരുടെ എണ്ണം നിയോജക മണ്ഡലാടിസ്ഥാനത്തിൽ ലഭ്യമാക്കാമോ;

ഏതൊക്കെ വിഭാഗങ്ങളില്‍ എത്രപേരാണ് ഒഴിവാക്കപ്പെട്ടിട്ടുള്ളതെന്ന് വ്യക്തമാക്കാമോ;

നിരവധി പ്രവാസികൾ പട്ടികയിൽ നിന്നും പുറത്തായത് പരിഹരിക്കുവാൻ എന്തൊക്കെ നടപടികളാണ് സ്വീകരിച്ചതെന്ന് വ്യക്തമാക്കാമോ;

തർക്കങ്ങള്‍ പരിഹരിക്കുവാനായി ചട്ടപ്രകാരമുള്ള സമയം തെരഞ്ഞെടുപ്പ് കമ്മീഷൻ അനുവദിച്ചിട്ടുണ്ടോ; ഇല്ലെങ്കിൽ ഇതിനെതിരെ എന്തൊക്കെ നടപടികളാണ് സ്വീകരിച്ചതെന്ന് വിശദീകരിക്കാമോ?

ഈ സർക്കാർ നിലവിൽ വന്നതിന് ശേഷം കാസർഗോഡ് ജില്ലയിൽ ഐ. ടി. വകുപ്പിൽ നടപ്പാക്കിയ പദ്ധതികളുടെ വിശദ വിവരങ്ങൾ ലഭ്യമാക്കാമോ?നത്?

ഉദുമ മണ്ഡലത്തില്‍ നാളിതുവരെയായി എത്ര കെ-ഫോണ്‍ കണക്ഷനുകളാണ് നല്‍കിയിട്ടുള്ളതെന്ന് വ്യക്താമാക്കുമോ;

പ്രസ്തുത മണ്ഡലത്തില്‍ എത്ര സൗജന്യ കെ-ഫോണ്‍ കണക്ഷന്‍ നല്‍കിയിട്ടുണ്ടെന്ന് വ്യക്തമാക്കാമോ;

ഉദുമ മണ്ഡലത്തില്‍ കെ-ഫോണ്‍ കണക്ഷന്‍ ലഭിക്കുന്നതിന് നല്‍കിയ അപേക്ഷയിന്മേല്‍ ഇനി കണക്ഷന്‍ നല്‍കാന്‍ ബാക്കിയുണ്ടോ; എങ്കില്‍ എന്തുകൊണ്ടെന്ന് വിശദമാക്കാമോ;

സംസ്ഥാനത്തെ സ്വകാര്യ ലൈബ്രറികള്‍ക്ക് സൗജന്യ കെ-ഫോണ്‍ കണക്ഷന്‍ നല്‍കുന്നത് പരിഗണനയിലുണ്ടോ; വിശദമാക്കാമോ?

2016-ല്‍ സംസ്ഥാനത്ത് എത്ര സ്റ്റാര്‍ട്ടപ്പുകളാണ് ഉണ്ടായിരുന്നത്;

2016 മുതലുള്ള 10 വര്‍ഷ കാലയളവില്‍ എത്ര സ്റ്റാര്‍ട്ടപ്പുകള്‍ ആരംഭിക്കുവാന്‍ കഴിഞ്ഞു; ഇതു മുഖേന എത്രപേര്‍ക്ക് തൊഴില്‍ ലഭ്യമായിട്ടുണ്ട്; വ്യക്തമാക്കാമോ;

സ്റ്റാര്‍ട്ടപ്പുകള്‍ തുടങ്ങുന്നതിന് ഏതെല്ലാം സര്‍ക്കാര്‍ ധനകാര്യ സ്ഥാപനങ്ങളാണ് വായ്പകള്‍ നല്‍കിവരുന്നത്;

സ്റ്റാര്‍ട്ടപ്പുകള്‍ക്ക് അന്തര്‍ദേശീയ വാണിജ്യ ബന്ധം സ്ഥാപിക്കുന്നതിന് എന്തെല്ലാം സംവിധാനങ്ങളാണ് ഒരുക്കിയിട്ടുള്ളത്; വിശദാംശം നല്‍കാമോ?

2016 മുതലുള്ള 10 വര്‍ഷക്കാലയളവിനുള്ളില്‍ സംസ്ഥാനത്തെ ഐ. ടി. പാര്‍ക്കുകളില്‍ എത്ര കമ്പനികള്‍ പുതുതായി ആരംഭിച്ചുവെന്ന് വ്യക്തമാക്കുമോ;

ഐ. ടി. കയറ്റുമതി 2016-ല്‍ എത്ര കോടി രൂപയുടെതായിരുന്നുവെന്നും 2026-ൽ ആയത് എത്രകോടി രൂപയുടേതായിരുന്നുവെന്നും വിശദമാക്കുമോ;

2016-ന്റെ തുടക്കത്തില്‍ ഐ.ടി. പാര്‍ക്കുകളില്‍ എത്ര ചതുരശ്രയടി ബില്‍റ്റപ്പ് സ്പെയ്സ് ആണ് ഉണ്ടായിരുന്നതെന്നും നിലവില്‍ അത് എത്ര ചതുരശ്രയടിയാണെന്നും വ്യക്തമാക്കാമോ;

സംസ്ഥാനത്തെ ഐ.ടി. പാര്‍ക്കുകളിലായി എത്ര തൊഴിലവസരങ്ങള്‍ ലഭ്യമാകുന്നുണ്ടെന്ന് വിശദമാക്കാമോ; ഐ.ടി. മേഖലയെ വളര്‍ത്തിയെടുത്ത് കൂടുതല്‍ തൊഴിലവസരങ്ങള്‍ സൃഷ്ടിക്കുന്നതിന് എന്തെല്ലാം നടപടികളാണ് സ്വീകരിച്ചു വരുന്നതെന്നുള്ള വിശദാംശം വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം സംസ്ഥാനത്തെ ഐ. ടി. പാര്‍ക്കുകളില്‍ എത്ര ചതുരശ്രയടി സ്പെയ്സ് ഉപയോഗയോഗ്യമാക്കാന്‍ കഴിഞ്ഞിട്ടുണ്ടെന്ന് അറിയിക്കാമോ;

2011-16, 2016-21 കാലഘട്ടത്തിൽ ആയത് എത്രയായിരുന്നുവെന്ന് വ്യക്തമാക്കാമോ;

തിരുവനന്തപുരം ടെക്നോപാര്‍ക്കില്‍ ഒന്നാംഘട്ടം മുതല്‍ നാലാം ഘട്ടം വരെ എത്ര ഐ. ടി. സ്പെയ്സ് ഉപയോഗയോഗ്യമാക്കാനും അതിലൂടെ എത്രപേര്‍ക്ക് തൊഴിൽ നല്‍കാനും കഴിയുമെന്നാണ് ഉദ്ദേശിക്കുന്നത്; വ്യക്തമാക്കാമോ?

കുണ്ടറ ടെക്നോപാര്‍ക്കില്‍ നിലവില്‍ എത്ര കമ്പനികളാണ് പ്രവര്‍ത്തിക്കുന്നതെന്ന് വിശദമാക്കാമോ; അതില്‍ 2021 നു ശേഷം പ്രവര്‍ത്തനം ആരംഭിച്ചിട്ടുളള എത്ര കമ്പനികളാണ് നിലവിലുളളതെന്നും അവ ഏതൊക്കെയാണെന്നും വിശദമാക്കാമോ;

2021 മുതല്‍ നാളിതുവരെ കുണ്ടറ ടെക്നോപാര്‍ക്കിന്റെ അടിസ്ഥാന സൗകര്യവികസനത്തിനായി എന്തൊക്കെ സംവിധാനങ്ങളാണ് ഏര്‍പ്പെടുത്തിയിട്ടുളളതെന്നും അതിനായി എത്ര തുകയാണ് സര്‍ക്കാര്‍ അനുവദിച്ചിട്ടുളളതെന്നും വിശദമാക്കാമോ; അനുവദിച്ചിട്ടുളളവയുടെ നിലവിലെ പ്രവര്‍ത്തന പുരോഗതി വിശദമാക്കാമോ?

കഴിഞ്ഞ സർക്കാരിന്റെ കാലം മുതൽ നാളിതുവരെ ഐ. ടി. വകുപ്പിന് കീഴിലുള്ള വിവിധ സ്ഥാപനങ്ങളിൽ കരാർ, ദിവസ വേതന അടിസ്ഥാനത്തിൽ എത്ര ജീവനക്കാരെ നിയമിച്ചിട്ടുണ്ട്; വിശദാംശം സ്ഥാപനം തിരിച്ചു വ്യക്തമാക്കുമോ;

മേൽപ്പറഞ്ഞ ജീവനക്കാരിൽ എത്ര പേരെ നാളിതുവരെ സ്ഥിരപ്പെടുത്തിയിട്ടുണ്ട്; വിശദമാക്കുമോ;

പ്രസ്തുത സ്ഥാപനങ്ങളിലെ നിലവിലുള്ള കരാർ ജീവനക്കാരെ സ്ഥിരപ്പെടുത്തുന്നതിനായി എന്തെങ്കിലും നടപടികൾ സ്വീകരിക്കാൻ ഉദ്ദേശിക്കുന്നുണ്ടോ; വിശദമാക്കുമോ?

ബി. പി. എല്‍. കുടുംബങ്ങള്‍ക്ക് സൗജന്യ കെ-ഫോണ്‍ കണക്ഷന്‍ നല്‍കുന്നതിനായി വടക്കാഞ്ചേരി മണ്ഡലത്തില്‍ നിന്നും തിരഞ്ഞെടുക്കപ്പെട്ട ഗുണഭോക്താക്കള്‍ എത്രയെന്നും അതില്‍ എത്ര പേര്‍ക്ക് കണക്ഷന്‍ നല്‍കിയിട്ടുണ്ടെന്നും തദ്ദേശ സ്ഥാപനങ്ങള്‍ തിരിച്ച് വിവരം ലഭ്യമാക്കാമോ;

വടക്കാഞ്ചേരി മണ്ഡലത്തിലെ എത്ര സര്‍ക്കാര്‍ ഓഫീസുകള്‍ക്കും സ്കൂളുകള്‍ക്കും കെ-ഫോണ്‍ കണക്ഷന്‍ നല്‍കിയിട്ടുണ്ട്; സ്ഥാപനങ്ങളുടെ വിശദാംശം ലഭ്യമാക്കാമോ;

വടക്കാഞ്ചേരി മണ്ഡലത്തില്‍ കെ-ഫോണ്‍ ഒ. ടി. ടി. ഉള്‍പ്പെടെ എത്ര വാണിജ്യ കെ-ഫോണ്‍ കണക്ഷനുകള്‍ നല്‍കിയിട്ടുണ്ടെന്ന് വ്യക്തമാക്കാമോ?

സംസ്ഥാനത്ത് ഇതെവരെ നല്‍കിയ സൗജന്യ കെ ഫോണ്‍ കണക്ഷനുകളുടെ എണ്ണവും ആകെ നല്‍കിയ കെ ഫോണ്‍ കണക്ഷനുകളുടെ എണ്ണവും വിശദമാക്കാമോ;

വാമനപുരം മണ്ഡലത്തില്‍ നാളിതുവരെ നല്‍കിയ കെ ഫോണ്‍ കണക്ഷനുകളുടെ എണ്ണം എത്രയാണെന്ന് വിശദമാക്കാമോ?

വയനാട് ദുരന്തത്തില്‍ ഉള്‍പ്പെട്ടവരുടെ പുനരധിവാസത്തിനായി സംസ്ഥാനത്തെ എം. എല്‍. എ.മാര്‍ ദുരിതാശ്വാസ നിധിയിലേക്ക് സംഭാവന നല്‍കിയിട്ടുണ്ടോ; ഇതു സംബന്ധിച്ച വിശദാംശം നല്‍കാമോ;

സംസ്ഥാനത്തു നിന്നുള്ള എം. പി.മാര്‍ ദുരിതബാധിതരെ സഹായിക്കുന്നതിനായി ഫണ്ട് വകയിരുത്തിയിട്ടുണ്ടോ; എങ്കില്‍ എം. പി.യുടെ പേര്, വകയിരുത്തിയ തുക എന്നിവ സംബന്ധിച്ച വിശദാംശം നല്‍കാമോ;

വയനാട് ലോക‍്‍സഭാ മണ്ഡലത്തിലെ എം. പി. ദുരിതാശ്വാസ പ്രവര്‍ത്തനങ്ങള്‍ക്കായി എത്ര രൂപയുടെ ഫണ്ട് നത്വകയിരുത്തിയിട്ടുണ്ട്; വിശദാംശം നല്‍കാമോ?

ഈ സര്‍ക്കാര്‍ അധികാരത്തില്‍ വന്നശേഷം മുഖ്യമന്ത്രിയുടെ ദുരിതാശ്വാസനിധിയില്‍ നിന്ന് ചികിത്സാ ധനസഹായം ഉള്‍പ്പെടെയുള്ള ധനസഹായം അനുവദിക്കുന്നതിന് എത്ര അപേക്ഷകള്‍ ലഭിച്ചുവെന്ന് വ്യക്തമാക്കുമോ;

ഇവയില്‍ എത്ര അപേക്ഷകർക്ക് ധനസഹായം അനുവദിച്ചുവെന്നും അനുവദിച്ച തുക എത്രയെന്നും വ്യക്തമാക്കുമോ; ധനസഹായം ലഭിച്ചവരുടെ വിശദവിവരം പ‍ഞ്ചായത്ത് തിരിച്ച് വ്യക്തമാക്കുമോ?

കഴിഞ്ഞ സര്‍ക്കാരിന്റെ കാലം മുതല്‍ നാളിതുവരെ മുഖ്യമന്ത്രിയുടെ ദുരിതാശ്വാസ നിധിയില്‍ നിന്ന് വിതരണം ചെയ്ത തുകയുടെ വിവരവും അത് എത്രപേര്‍ക്ക് വിതരണം ചെയ്തിട്ടുണ്ടെന്നും വിശദമാക്കാമോ?

വയനാട്ടിലെ മുണ്ടക്കൈ ചൂരല്‍മല ദുരന്ത മേഖലയിൽ എത്ര പേര്‍ക്കാണ് സര്‍ക്കാര്‍ വീട് വച്ച് നല്‍കുന്നത്; വിശദാംശങ്ങള്‍ നല്‍കാമോ;

മേൽ പറഞ്ഞ മേഖലയിൽ ദുരന്തം ബാധിച്ചവര്‍ക്ക് കേരളത്തിലെ പ്രതിപക്ഷ രാഷ്ട്രീയ കക്ഷികള്‍ വീട് വച്ച് നല്‍കുന്നുണ്ടോ; സര്‍ക്കാര്‍ വീട് വച്ച് നല്‍കുന്നവര്‍ക്ക് തന്നെയാണോ ഇവരും വീട് വച്ച് നല്‍കുന്നതെന്നത് സംബന്ധിച്ച് ഏതെങ്കിലും തരത്തിലുള്ള അറിവ് ലഭിച്ചിട്ടുണ്ടോ; വിശദമാക്കാമോ;

വയനാട് പ്രകൃതി ദുരന്തവുമായി ബന്ധപെട്ട് മുഖ്യമന്ത്രിയുടെ ദുരിതാശ്വാസ നിധിയിലേയ്ക്ക് ധനസഹായം അഭ്യര്‍ത്ഥിച്ചപ്പോള്‍ കേരളത്തിലെ പ്രതിപക്ഷ കക്ഷികള്‍ സി. എം. ഡി. ആർ. എഫ്.ലേയ്ക്ക് പണം നല്‍കുന്നതിനെതിരെ പ്രചരണം സംഘടിപ്പിച്ചിരുന്നുയെന്നത് ശ്രദ്ധയില്‍പ്പെട്ടിരുന്നോ;

കേരളത്തിലെ പ്രതിപക്ഷ കക്ഷികള്‍ വയനാട് ദുരന്തബാധിതരെ സഹായിക്കാന്‍ വ്യാപകമായ പണപ്പിരിവ് നടത്തിയിട്ടുണ്ടോ; എന്നിരുന്നാലും ഇവർ വയനാട്ടില്‍ ആർക്കും തന്നെ വീട് വെച്ച് നല്‍കിയിട്ടില്ലെന്നത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം മുഖ്യമന്ത്രിയുടെ ദുരിതാശ്വാസ നിധിയില്‍ നിന്നും അരൂര്‍ മണ്ഡലത്തില്‍ അനുവദിച്ച തുക എത്രയെന്ന് വിശദമാക്കാമോ?

2016 മുതല്‍ മുഖ്യമന്ത്രിയുടെ ചികിത്സാ ദുരിതാശ്വാസനിധിയില്‍ നിന്നും കായംകുളം മണ്ഡലത്തില്‍ എത്ര പേര്‍ക്ക് ചികിത്സാ ധനസഹായം അനുവദിച്ചിട്ടുണ്ടെന്നും ആകെ എത്ര രൂപ അനുവദിച്ചിട്ടുണ്ടെന്നും വിശദമാക്കാമോ?

2016 മുതല്‍ 2021 വരെയുള്ള കാലയളവില്‍ മുഖ്യമന്ത്രിയുടെ ദുരിതാശ്വാസ നിധിയില്‍ നിന്നും എത്ര പേര്‍ക്ക് ചികിത്സാ ധനസഹായം നല്‍കിയിട്ടുണ്ടെന്നും ഇത് എത്രകോടി രൂപ വരുമെന്നും വിശദമാക്കാമോ;

നിലവിലെ സർക്കാരിന്റെ ഇതുവരെയുള്ള കാലയളവില്‍ മുഖ്യമന്ത്രിയുടെ ദുരിതാശ്വാസ നിധിയില്‍ നിന്നും എത്രപേര്‍ക്ക് ചികിത്സാ ധനസഹായം അനുവദിച്ചിട്ടുണ്ടെന്നും ഇത് എത്ര കോടി രൂപ വരുമെന്നും വ്യക്തമാക്കാമോ?

ഈ സര്‍ക്കാരിന്റെ കാലയളവില്‍ നാളിതുവരെ വടക്കാഞ്ചേരി മണ്ഡലത്തില്‍ മുഖ്യമന്ത്രിയുടെ ദുരിതാശ്വാസ നിധിയില്‍ നിന്ന് ചികിത്സാ ധനസഹായം ലഭ്യമായ എത്ര അപേക്ഷകളുണ്ടെന്നും എത്ര തുക അനുവദിച്ചിട്ടുണ്ടെന്നുമുള്ള വിശദാംശം വില്ലേജ് അടിസ്ഥാനത്തില്‍ ലഭ്യമാക്കാമോ?

മുഖ്യമന്ത്രിയുടെ ദുരിതാശ്വാസ നിധിയിൽ നിന്നും ധനസഹായത്തിനായി 2021 ജൂൺ മാസം 01 മുതൽ നാളിതുവരെ അമ്പലപ്പുഴ നിയോജകമണ്ഡല പരിധിയിലെ വില്ലേജുകളിൽ നിന്ന് ആകെ എത്ര അപേക്ഷകൾ ലഭിച്ചിട്ടുണ്ടെന്നും ആയതിൽ എത്ര രൂപ അനുവദിക്കപ്പെട്ടിട്ടുണ്ടെന്നും വില്ലേജ് തിരിച്ചുളള വിവരം ലഭ്യമാക്കുമോ?

2020-21 സാമ്പത്തിക വര്‍ഷം മുതല്‍ നാളിതുവരെ വണ്ടൂര്‍ നിയോജക മണ്ഡലത്തില്‍ മുഖ്യമന്ത്രിയുടെ ദുരിതാശ്വാസ നിധിയില്‍ നിന്നും റോ‍ഡ് പുനരുദ്ധാരണത്തിന് തുക അനുവദിച്ച പ്രവൃത്തികളുടെ വിശദവിവരം ലഭ്യമാക്കാമോ;

പ്രസ്തുത പ്രവൃത്തികളുടെ പ്രവര്‍ത്തന പുരോഗതി അറിയിക്കാമോ?

വയനാട് ദുരന്ത പുനരധിവാസത്തിന് സംസ്ഥാനത്തിനകത്തും പുറത്തുമുള്ള ഏതെല്ലാം എം. പി.മാരാണ് എം. പി. ഫണ്ടില്‍ നിന്ന് തുക അനുവദിച്ചിട്ടുള്ളതെന്ന് വ്യക്തമാക്കുമോ;

ഓരോ എം. പി.മാരും എം. പി. ഫണ്ടില്‍ നിന്ന് ഈ ഇനത്തില്‍ അനുവദിച്ച തുക എത്ര വീതമാണെന്ന് വിശദമാക്കാമോ?

വയനാട് ചൂരല്‍മല മുണ്ടകൈയില്‍ ഉണ്ടായ ഉരുള്‍പൊട്ടലിനെ തുടര്‍ന്ന് ദുരിതാശ്വാസ -പുനരധിവാസ പ്രവര്‍ത്തനങ്ങള്‍ക്കായി ഇതുവരെ സര്‍ക്കാര്‍ നടത്തിയ പ്രവര്‍ത്തനങ്ങള്‍ അവലോകനം ചെയ്തിട്ടുണ്ടോ; വിശദമാക്കാമോ;

സംസ്ഥാന സര്‍ക്കാര്‍ ഇതുവരെ ചെലവഴിച്ച തുകയുടെ വിശദ വിവരം ലഭ്യമാക്കാമോ;

പുനരധിവാസ പ്രവര്‍ത്തനങ്ങളുടെ ഭാഗമായ ഷെല്‍ട്ടറിന്റെ പുരോഗതി വിശദമാക്കാമോ;

ചൂരല്‍മല-മുണ്ടകൈ ദുരിതാശ്വാസ- പുനരധിവാസ പ്രവര്‍ത്തനങ്ങള്‍ക്കായി എത്ര തുകയുടെ ധനസഹായമാണ് കേന്ദ്രസര്‍ക്കാരിനോട് അഭ്യര്‍ത്ഥിച്ചിരുന്നത്; ഇതുവരെ എത്ര തുക ലഭിച്ചിട്ടുണ്ടെന്ന് വ്യക്തമാക്കാമോ ?

ഈ സര്‍ക്കാര്‍ അധികാരത്തില്‍ വന്നശേഷം കോട്ടയം നിയോജക മണ്ഡലത്തില്‍ നിന്നും ഏതെല്ലാം പദ്ധതികളാണ് റീ ബില്‍ഡ് കേരള പദ്ധതിയില്‍ ഉള്‍പ്പെടുത്തിയിട്ടുള്ളതെന്ന് അറിയിക്കാമോ;

പ്രസ്തുത പ്രവൃത്തികളുടെ നിലവിലെ അവസ്ഥ വ്യക്തമാക്കാമോ?

മുണ്ടക്കൈ ചൂരല്‍മല ദുരിതബാധിതരെ സഹായിക്കുന്നതിന് സംസ്ഥാനത്തെ എം. എല്‍. എ.മാരും എം. പി.മാരും എത്ര രൂപ വീതം സംഭാവനയായി നല്‍കിയെന്ന് വ്യക്തമാക്കാമോ;

ഈ ആവശ്യത്തിലേയ്ക്ക് ഏതെങ്കിലും എം. പി./എം. എല്‍. എ.മാര്‍ തുക നല്‍കാതെയുണ്ടോ; എങ്കില്‍ അവരുടെ പേരു വിവരങ്ങള്‍ ലഭ്യമാക്കാമോ;

ഓരോ എം. പി. മാരും, എം. എല്‍. എ.മാരും നല്‍കിയ സംഭാവനകള്‍ (മുഖ്യമന്ത്രിയുടെ ദുരിതാശ്വാസ നിധി) എത്ര വീതമാണെന്ന് പ്രത്യേകം വിവരം ലഭ്യമാക്കുമോ;

മുണ്ടക്കൈ ചൂരല്‍മല പുനർനിർമ്മാണത്തിനായി എം. പി. ഫണ്ടില്‍ നിന്നും സംസ്ഥാനത്തെ ഓരോ എം. പി. മാരും എത്ര തുകവീതം ഏതെല്ലാം പ്രവൃത്തികൾക്കായി നല്‍കിയിട്ടുണ്ട്?

വയനാട് ചൂരൽമലയിലുണ്ടായ പ്രകൃതിദുരന്തത്തെ തുടർന്ന് പുനരധിവാസ പ്രവർത്തനങ്ങൾക്കായി ഏതെല്ലാം ഏജൻസികളും സർക്കാരുകളുമാണ് വീടുകൾ സ്പോൺസർ ചെയ്തതെന്ന് അറിയിക്കാമോ;

ഏതെങ്കിലും സർക്കാരുകളോ ഏജൻസികളോ സ്പോൺസർ ചെയ്ത വീടുകൾക്ക് മറ്റാരെങ്കിലും അവകാശവാദം ഉന്നയിച്ചിട്ടുണ്ടോയെന്ന വിവരം ലഭ്യമാക്കാമോ;

പുനരധിവാസ പ്രവ‍ത്തനങ്ങൾക്കായി സംസ്ഥാനത്തു നിന്നുളള എം. പി.മാർ ഓരോരുത്തരും ദുരിതാശ്വാസ നിധിയിലേക്ക് നല്‍കിയ സംഭാവന സംബന്ധിച്ച വിവരം ലഭ്യമാക്കാമോ?

വയനാട് ജില്ലയിലെ ചൂരൽമല, മുണ്ടക്കൈ പ്രദേശത്ത് എല്ലാം നഷ്ടപ്പെട്ട ജനങ്ങൾക്ക് സര്‍ക്കാര്‍ എന്തെല്ലാം സഹായങ്ങളാണ് ചെയ്തുവരുന്നത് വ്യക്തമാക്കാമോ ;

വീടും സ്ഥലവും നഷ്ടപ്പെട്ട ആളുകൾക്ക് വീടുകൾ നിര്‍മ്മിച്ച് നൽകുന്നതിന് ഏതെല്ലാം രാഷ്ട്രീയ പാര്‍ട്ടികളും, വിവിധ ഏജൻസികളും സന്നദ്ധത പ്രകടിപ്പിച്ചിട്ടുണ്ടെന്ന് വ്യക്തമാക്കാമോ;

എങ്കിൽ എത്ര വീടുകളാണ് ഓരോ ഏജൻസിയും നൽകിയതെന്ന് വിശദമാക്കാമോ;എം. എല്‍. എ.മാരും എം. പി.മാരും ;

സുനാമി ദുരിത ബാധിതര്‍ക്ക് അന്നത്തെ സര്‍ക്കാര്‍ എന്തെല്ലാം സഹായങ്ങളാണ് നൽകിയിട്ടുളളത് ; എത്ര പേ‍ര്‍ക്കാണ് വീട് നിര്‍മ്മിച്ച് നൽകിയിട്ടുളളത്; വിശദമാക്കാമോ?

ജിയോളജിക്കൽ സർവ്വെ ഓഫ് ഇൻഡ്യ, സംസ്ഥാന ദുരന്ത നിവാരണ അതോറിറ്റി എന്നിവർ നടത്തിയ പഠനങ്ങളുടെ അടിസ്ഥാനത്തില്‍ ദുരന്ത നിവാരണ (എ) വകുപ്പിന്റെ 29.10.2021 ലെ സ.ഉ.(കൈ)നം. 5/2021/D.M.D. പ്രകാരം കാഞ്ഞിരപ്പള്ളി താലൂക്കിലെ 110 കുടുംബങ്ങളേയും മീനച്ചിൽ താലൂക്കിലെ 138 കുടുംബങ്ങളേയും നിലവിലെ സ്ഥലത്ത് നിന്നും മാറ്റേണ്ടതും ഇവർക്ക് വസ്തു വാങ്ങി വീട് നിർമ്മിക്കുന്നതിന് ഒരു കുടുംബത്തിന് പത്ത് ലക്ഷം രൂപ വീതം നൽകേണ്ടതാണെന്നുമുള്ള റിപ്പോർട്ടിന്മേല്‍ സ്വീകരിച്ചുവരുന്ന നടപടികളുടെ വിശദാംശം ലഭ്യമാക്കുമോ?

കണ്ണൂര്‍ അന്താരാഷ്ട്ര വിമാനത്താവളത്തിലേക്കുള്ള നാലുവരി പാതകളുടെ നിര്‍മ്മാണത്തിന് സ്ഥലം ഏറ്റെടുക്കുന്നതിനുള്ള നടപടി വേഗത്തില്‍ പൂര്‍ത്തിയാക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

നാലുവരി പാതകളുടെ നിലവിലെ പ്രവ‍ൃത്തി പുരോഗതി വ്യക്തമാക്കാമോ?

കരിപ്പൂരിലെ കോഴിക്കോട് അന്താരാഷ്ട വിമാനത്താവളത്തിന്റെ വികസനം ഇപ്പോൾ ഏത് ഘട്ടത്തിലാണെന്ന് വ്യക്തമാക്കാമോ;

റെസാ (റണ്‍വെ എന്‍ഡ് സുരക്ഷാ ഏരിയ) വികസനത്തിനായുള്ള നിർമാണ പ്രവൃത്തികൾ എത്രവരെ പൂർത്തിയായിട്ടുണ്ടെന്നും ഇനിയുള്ള പ്രവൃത്തികൾ എന്നത്തേക്ക് പൂർത്തീകരിക്കുവാൻ സാധിക്കുമെന്നും വ്യക്തമാക്കുമോ;

റെസാ വികസനത്തിന് സ്ഥലം ഏറ്റെടുത്തപ്പോൾ വഴിയടഞ്ഞ പ്രദേശവാസികൾക്കായി പകരം വഴി കണ്ടെത്തുന്നതിനും, വികസനത്തിനായി അടച്ച എയർപോർട്ട് ക്രോസ് റോഡിന് പകരം പുതിയ റോഡ് നിർമ്മിക്കുന്നതിനും ഇതുവരെ സ്വീകരിച്ച നടപടികൾ വിശദമാക്കുമോ;

വിമാനത്താവളത്തിന്റെ പുതിയ വികസനങ്ങൾക്ക് സ്ഥലം ആവശ്യമുണ്ട് എന്ന കാരണത്താൽ വിമാനത്താവള അധികൃതർ നിരാക്ഷേപ പത്രം നൽകാത്തത് നിമിത്തം പ്രദേശവാസികൾക്ക് വീട് നിർമ്മാണത്തിന് മുൻസിപ്പാലിറ്റിക്ക് അനുമതി നൽകാൻ കഴിയാത്ത സാഹചര്യം പരിഹരിക്കുന്നതിനായി എന്ത് നടപടിയാണ് കൈക്കൊള്ളുക എന്നത് വ്യക്തമാക്കുമോ; ഈ വിഷയത്തിൽ മലപ്പുറം ജില്ലാകളക്ടർ നൽകിയിട്ടുള്ള റിപ്പോർട്ടിന്മേൽ കൈക്കൊണ്ട നടപടികൾ വ്യക്തമാക്കുമോ;

കോഴിക്കോട് വിമാനത്താവളത്തിൽ നിന്നും കൂടുതൽ ആഭ്യന്തര, അന്താരാഷ്ട്രാ സർവീസുകളും, വലിയ വിമാനങ്ങളുടെ സര്‍വീസും ആരംഭിക്കുന്നതിന് ആവശ്യമായ നടപടി സ്വീകരിക്കുമോ?

തിരുവനന്തപുരം വിമാനത്താവളം അദാനി ഗ്രൂപ്പിന് നല്‍കിയതുമായി ബന്ധപ്പെട്ട് സംസ്ഥാന സര്‍ക്കാര്‍ എന്തെല്ലാം നിബന്ധനകള്‍ മുന്നോട്ട് വച്ചിട്ടുണ്ടെന്ന് വിശദമാക്കാമോ;

അദാനി ഗ്രൂപ്പിന് വിമാനത്താവളം നല്‍കിയതുമായി ബന്ധപ്പെട്ട് സംസ്ഥാനത്തിന് സാമ്പത്തിക നഷ്ടമുണ്ടായിട്ടുണ്ടോ എന്ന് വിശദമാക്കാമോ?

2021 മെയ് മാസം മുതല്‍ നാളിതുവരെ വടകര മാഹി കനാല്‍, ദേശീയ ജലപാത നിലവാരത്തിലേയ്ക്ക് ഉയര്‍ത്തുന്നതിനായി പൂര്‍ത്തിയാക്കിയ പ്രവൃത്തികളും ഇപ്പോള്‍ നടന്നു വരുന്ന പ്രവര്‍ത്തികളും ഏതൊക്കെയാണെന്നും കുറ്റ്യാടി നിയോജകമണ്ഡലത്തില്‍ വരുന്ന ഭാഗങ്ങളുടെ അടങ്കല്‍ തുക ഉള്‍പ്പെടുത്തി വിശദീകരിക്കാമോ;

വടകര മാഹി കനാലിന്റെ 3-ാം റീച്ചിലെ പ്രവൃത്തി ആരംഭിക്കുന്നതിന് നടപടികള്‍ സ്വീകരിക്കാമോ; വിശദീകരിക്കുമോ;

വടകര മാഹി കനാല്‍, ദേശീയ ജലപാത നിലവാരത്തിലേയ്ക്ക് ഉയര്‍ത്തുന്നതിനായുള്ള മാനദണ്ഡങ്ങള്‍ എന്തൊക്കെയാണെന്ന് അറിയിക്കാമോ;

മൂഴിക്കല്‍ ലോക്ക് കം ബ്രിഡ്ജ് പ്രവൃത്തി 2026 ജനുവരി മാസം പൂര്‍ത്തീകരിക്കുന്നതിന് നടപടികള്‍ സ്വീകരിക്കുമോ; വിശദമാക്കാമോ?

സംസ്ഥാന സര്‍ക്കാര്‍ തയ്യാറാക്കി കേന്ദ്ര സര്‍ക്കാര്‍ അംഗീകാരം നല്‍കിയ തീരദേശ പരിപാലന പ്ലാനില്‍ 1991-ന് മുമ്പുള്ള ബണ്ടുകള്‍ വ്യക്തമായി രേഖപ്പെടുത്തിയിട്ടില്ല എന്നതുള്‍പ്പെടെയുള്ള ന്യൂനതകള്‍ ഉള്ളതിനാല്‍ ഇളവുകള്‍ ലഭിക്കുന്നില്ല എന്ന പരാതി പരിഹരിക്കുന്നതിനായി നടപടികള്‍ സ്വീകരിച്ചിട്ടുണ്ടോ; വിശദമാക്കാമോ;

ഇതുസംബന്ധിച്ച് എടവനക്കാട് പ‍ഞ്ചായത്തില്‍നിന്നും മുളവുകാട് പഞ്ചായത്തില്‍നിന്നും സമര്‍പ്പിക്കപ്പെട്ട പരാതികളില്‍ നടപടി സ്വീകരിക്കപ്പെടാതിരുന്നതിനെ തുടര്‍ന്ന് ബഹു. ഹൈക്കോടതിയില്‍ ശ്രീ. സലിഹരനും ശ്രീമതി ബിന്ദുമോളും ഫയല്‍ ചെയ്തിട്ടുള്ള കേസുകളില്‍ സ്വീകരിച്ച നടപടികള്‍ വ്യക്തമാക്കാമോ;

വൈപ്പിന്‍ കരയിലെ എട്ട് പഞ്ചായത്തുകള്‍ 2019-ലെ വിജ്ഞാപന പ്രകാരം കോസ്റ്റൽ റെഗുലേഷൻ സോൺ -2-ല്‍ ഉള്‍പ്പെട്ടപ്പോള്‍ സമാന നഗരസ്വഭാവമുള്ള എടവനക്കാട്, കുഴുപ്പിള്ളി, പള്ളിപ്പുറം പഞ്ചായത്തുകള്‍ കോസ്റ്റൽ റെഗുലേഷൻ സോൺ -2--ലേക്ക് മാറ്റപ്പെടാതിരുന്നതിന്റെ കാരണം വിശദമാക്കാമോ;

ഐലന്റ് മാനേജ്‍മെന്റ് പ്ലാന്‍ തയ്യാറാക്കുമ്പോള്‍ ദ്വീപ് എന്ന നിലയില്‍ വൈപ്പിന്‍ക്കാർക്ക് പ്രസ്തുത പ്ലാനിന്റെ ആനുകൂല്യം ലഭ്യമാകുമോ;

ഐലന്റ് മാനേജ്‍മെന്റ് പ്ലാന്‍ എന്നത്തേക്ക് അംഗീകാരത്തിനായി സമര്‍പ്പിക്കുവാനാണ് ഉദ്ദേശിക്കുന്നതെന്ന് വ്യക്തമാക്കാമോ;

നഗരസ്വഭാവമുള്ള കൂടുതല്‍ പഞ്ചായത്തുകള്‍ക്ക് കോസ്റ്റൽ റെഗുലേഷൻ സോൺ -2-ന്റെ ആനുകൂല്യങ്ങള്‍ ലഭ്യമാക്കാനായി സ്വീകരിച്ചിട്ടുള്ള നടപടികള്‍ എന്തൊക്കെയാണെന്നും നിലവിലെ സ്ഥിതി എന്തെന്നും വിശദമാക്കാമോ?

കോസ്റ്റല്‍ റെഗുലേഷന്‍ സോണ്‍ (CRZ) ദ്വീപ് എന്നതിന്റെ നിര്‍വചന സ്ഥിതി (സംരക്ഷണം) നിയമം 1986 പ്രകാരം പുറത്തിറക്കിയ CRZ വിജ്ഞാപനം 2019 അനുസരിച്ച് ദ്വീപ് (Island) എന്നത് എല്ലാ വശങ്ങളാലും വെള്ളം കൊണ്ട് സ്ഥിരമായി ചുറ്റപ്പെട്ടതും ഉയര്‍ന്ന തിരമാലയുടെ രേഖയ്ക്കും (High tide line - HTL) മുകളില്‍ നിലനില്‍ക്കുന്ന ഭൂഭാഗവുമാണെന്നിരിക്കെ നാല് വശങ്ങളും ഒരേ ജലാശയത്താല്‍ ചുറ്റപ്പെട്ടിട്ടുള്ള പ്രദേശത്തെ മാത്രം ദ്വീപുകളായി കോസ്റ്റല്‍ സോണ്‍ മാനേജ്മെന്റ് പ്ലാനില്‍ ഉള്‍പ്പെടുത്താനുള്ള കാരണം വിശദമാക്കാമോ;

എല്ലാ വശങ്ങളാലും വെള്ളം കൊണ്ട് സ്ഥിരമായി ചുറ്റപ്പെട്ടിട്ടുള്ളതും ഉയര്‍ന്ന തിരമാലയുടെ രേഖയ്ക്കും മുകളില്‍ നിലനിൽക്കുന്ന ഭൂഭാഗമായ വൈപ്പിന്‍ കരയെന്ന ദ്വീപിന് ദ്വീപെന്ന പരിഗണന നല്‍കി 2019 സി.ആര്‍.ഇസഡ് വിജ്ഞാപനം അനുസരിച്ച് 50 മീറ്റര്‍ ദൂരപരിധിയിലുള്ള ഇളവ് നല്‍കാതെ വൈപ്പിന്‍ മണ്ഡലത്തിലെ പള്ളിപ്പുറം, എടവനക്കട്, നായരമ്പലം, ഞാറയ്ക്കല്‍, മുളവുകാട്, എളുങ്കുന്നപ്പുള, കുഴിപ്പിള്ളി, കടമക്കുടി എന്നീ ഗ്രാമപഞ്ചായത്തുകളിലായുള്ള 647 പ്രദേശങ്ങളെ ദ്വീപുകളായി കണക്കാക്കി ഇളവുകള്‍ നല്‍കുവാനുള്ള കാരണം വിശദമാക്കാമോ?

ഐ.യു.ആർ.ഡബ്ല്യു.ടി.എസ് പദ്ധതിയില്‍ ഉള്‍പ്പെട്ട കോന്തുരുത്തിപ്പുഴ പുറമ്പോക്കില്‍ താമസിക്കുന്ന 126 കുടുംബങ്ങളെ ഒഴിപ്പിച്ച് എല്ലാ കയ്യേറ്റങ്ങളും നീക്കം ചെയ്യുന്നതിന് ബഹു. ഹൈക്കോടതി 2026 ഏപ്രില്‍ 16 വരെ സമയം അനുവദിച്ച സാഹചര്യത്തില്‍ പ്രസ്തുത കുടുംബങ്ങൾക്കായി പ്രത്യേക പാക്കേജ് അനുവദിക്കുമോ;

കോവളം - ബേക്കല്‍ വെസ്റ്റ് കോസ്റ്റ് കനാല്‍ ജലപാതയുമായി ബന്ധപ്പെട്ട് കനാല്‍ പുറമ്പോക്കില്‍ നിന്നും കുടിയൊഴിപ്പിക്കപ്പെടുന്നവര്‍ക്ക് സ.ഉ.(സാധാ)നം.22/2022/സി.എസ്.ഐ.എൻ.ഡി തീയതി 24-11-2022 പ്രകാരം പ്രത്യേക പാക്കേജ് അനുവദിച്ച് നല്‍കിയിട്ടുള്ളതു പോലെ കോന്തുരുത്തി നിവാസികള്‍ക്കായി പ്രത്യേക പാക്കേജ് അനുവദിക്കുവാന്‍ നടപടി സ്വീകരിക്കുമോ; വിശദമാക്കുമോ?

2026 ജനുവരി ഒന്നുമുതൽ ഡിസംബർ 31 വരെ വിവിധ തസ്തികകളിൽ പ്രതീക്ഷിക്കുന്ന ഒഴിവുകളുടെ വിവരം 2025 ഡിസംബർ 26 നകം പി. എസ്. സി. യിൽ റിപ്പോർട്ട് ചെയ്യണമെന്ന് ഭരണപരിഷ്കാര കമ്മീഷന്റെ 2025 നവംബർ ഒമ്പതിന് പുറത്തിറക്കിയ റൂൾ.സി 3/72/2025/പി&എആർഡി നമ്പര്‍ സർക്കുലർ പ്രകാരം ഇൻഫർമേഷൻ ആൻഡ് പബ്ലിക് റിലേഷൻ ഡിപ്പാർട്ട്മെന്റില്‍ പ്രതീക്ഷിക്കുന്ന ഒഴിവുകൾ സംബന്ധിച്ച വിവരം നൽകാമോ;

ഇൻഫർമേഷൻ ആൻഡ് പബ്ലിക് റിലേഷൻ വകുപ്പിൽ പുതിയ തസ്തികകൾ സൃഷ്ടിക്കണമെന്ന് ആവശ്യപ്പെട്ട് വകുപ്പ് നൽകിയ അപേക്ഷയിന്മേൽ നടക്കുന്ന ഫയൽ നീക്കം സംബന്ധിച്ച വിവരവും അതിൽ ഇതുവരെ എടുത്ത തീരുമാനവും പറയാമോ;

പുതിയ എത്ര തസ്തികകൾ വേണമെന്നാണ് സർക്കാരിനോട് പി. ആർ. ഡി. ആവശ്യപ്പെട്ടതെന്ന് പറയാമോ;

കഴിഞ്ഞ അഞ്ച് സാമ്പത്തിക വർഷങ്ങളിലായി, പി.ആർ.ഡി. ക്കു പുറത്തുള്ള ഏതൊക്കെ പബ്ലിക് റിലേഷൻ സ്ഥാപനങ്ങൾക്ക് എത്ര രൂപ വീതമുള്ള കരാർ നൽകിയിട്ടുണ്ടെന്നും അവ ഏതൊക്കെ പദ്ധതികളുടെ പ്രചാരണത്തിനായിരുന്നുവെന്നും പറയാമോ;

പ്രിസം പദ്ധതിയിൽ അടക്കം വിവിധ രീതിയിൽ കരാർ/പാനൽ അംഗങ്ങൾ എന്ന നിലയിൽ നിലവിൽ എത്ര പേർ ജോലി ചെയ്യുന്നുണ്ടെന്ന് പറയാമോ;

പി. ആര്‍. ഡി. യില്‍ ഇന്‍ഫര്‍മേഷന്‍ ഹബ്ബുകള്‍ തുടങ്ങുന്ന ഒരു പ്രൊപ്പോസല്‍ സംബന്ധിച്ച് എന്തെങ്കിലും നടപടികൾ ഉണ്ടായിട്ടുണ്ടോ എന്ന് അറിയിക്കാമോ?

2026 ജനുവരി ഒന്നുമുതൽ ഡിസംബർ 31 വരെ വിവിധ തസ്തികകളിൽ പ്രതീക്ഷിക്കുന്ന ഒഴിവുകളുടെ വിവരം 2025 ഡിസംബർ 26-നകം പി.എസ്.സി-ക്ക് റിപ്പോർട്ട് ചെയ്യണമെന്നു ഭരണപരിഷ്കാര കമ്മീഷൻ 09.11.2025-ലെ നം.റൂൾ.സി3/72/ 2025/പി&എആർഡി നമ്പര്‍ സർക്കുലർ പ്രകാരം ഉത്തരവായിരുന്നോ; ആയതിന്റെ അടിസ്ഥാനത്തിൽ ഇൻഫർമേഷൻ ആൻഡ് പബ്ലിക് റിലേഷൻ ഡിപ്പാർട്ട്മെൻറിൽ പ്രതീക്ഷിക്കുന്ന ഒഴിവുകൾ സംബന്ധിച്ച വിവരം റിപ്പോർട്ട് ചെയ്യുകയുണ്ടായോ; ഉണ്ടെങ്കില്‍ റിപ്പോര്‍ട്ടിന്റെ പകര്‍പ്പ് ലഭ്യമാക്കുമോ;

ഇൻഫർമേഷൻ ആൻഡ് പബ്ലിക് റിലേഷൻ വകുപ്പിൽ പുതിയ തസ്തികകൾ സൃഷ്ടിക്കണമെന്ന് ആവശ്യപ്പെട്ട് വകുപ്പ് നൽകിയ അപേക്ഷ സര്‍ക്കാരിന്റെ പരിഗണനയിലുണ്ടോ; ഉണ്ടെങ്കില്‍ ഫയലിലെ വിവരങ്ങള്‍ സംബന്ധിച്ച വിവരങ്ങള്‍ ലഭ്യമാക്കുമോ;

എത്ര പുതിയ തസ്തികകൾ വേണമെന്നാണ് സർക്കാരിനോട് പി. ആർ.ഡി ആവശ്യപ്പെട്ടിട്ടുള്ളത്;

കഴിഞ്ഞ അഞ്ച് വർഷത്തിനിടയില്‍, പിആർഡിക്കു പുറത്തുള്ള ഏതൊക്കെ പബ്ലിക് റിലേഷൻ സ്ഥാപനങ്ങൾക്ക് എത്ര രൂപ വീതമുള്ള കരാറുകളാണ് നൽകിയിട്ടുള്ളത്; പദ്ധതി തിരിച്ചുള്ള വിശദാംശങ്ങള്‍ ലഭ്യമാക്കുമോ ?

സര്‍ക്കാരിന്റെ വിവിധ പദ്ധതികളുടേയും ജനസമ്പര്‍ക്ക പ്രവര്‍ത്തനങ്ങളുടേയും ഭാഗമായി കഴിഞ്ഞ അഞ്ച് വർഷങ്ങളിലായി, പിആർഡിക്കു പുറമേയുള്ള ഏതെല്ലാം പബ്ലിക് റിലേഷൻ/ഇവന്റ് മാനേജ്മെൻറ്/പരസ്യ സ്ഥാപനങ്ങൾക്കാണ് കരാറുകള്‍ നല്‍കിയിട്ടുള്ളതെന്ന് അറിയിക്കാമോ; ഏതെല്ലാം സര്‍ക്കാര്‍ പദ്ധതികളുടെ പ്രചാരണത്തിനായിരുന്നു ഈ കരാറുകള്‍ നല്‍കിയിരുന്നതെന്നും എത്ര രൂപയാണ് ഇതിനായി ഓരോ സ്ഥാപനത്തിനും നല്‍കിയിട്ടുള്ളതെന്നും അറിയിക്കാമോ;

അഞ്ചുവർഷം കൊണ്ട് റീലുകൾ/സോഷ്യൽ മീഡിയ കണ്ടന്റ് ക്രീയേഷൻ എന്നിവക്കായി സർക്കാര്‍ ജീവനക്കാരല്ലാത്ത സ്വകാര്യ വ്യക്തികള്‍ക്കും, സ്വകാര്യ സ്ഥാപനങ്ങൾക്കും, സംഘടനകള്‍ക്കും, എത്ര രൂപയാണ് നല്‍കിയിട്ടുള്ളതെന്നും പ്രസ്തുത സ്ഥാപനങ്ങളുടെയും വ്യക്തികളുടെയും പേര്, വിലാസം, നൽകിയ തുക, പദ്ധതി/പരിപാടി എന്നിവയുടെ ഇനം തിരിച്ചുള്ള വിശദാംശങ്ങളും നല്‍കാമോ;

ഇത്തരം സ്വകാര്യ സ്ഥാപനങ്ങളെ തെരഞ്ഞെടുക്കുന്നതിനായി പിആര്‍ഡി അനുവര്‍ത്തിച്ച മാനദണ്ഡം എന്താണെന്നും സ്ഥാപനങ്ങള്‍ക്ക് നിഷ്കര്‍ഷിട്ടുള്ള യോഗ്യത സംബന്ധിച്ച കാര്യങ്ങളും അറിയിക്കാമോ;

ഇൻഫർമേഷൻ ആൻഡ് പബ്ലിക് റിലേഷൻ വകുപ്പിലെ ജീവനക്കാരുടെ പൊതുവെയുള്ള എണ്ണക്കുറവ് നികത്താൻ അധിക തസ്തികകൾ സൃഷ്ടിക്കണമെന്ന പിആർഡിയുടെ അപേക്ഷയിന്മേല്‍ എന്തെല്ലാം നടപടികള്‍ സര്‍ക്കാര്‍ തലത്തില്‍ സ്വീകരിച്ചിട്ടുണ്ടെന്ന് അറിയിക്കാമോ; നിലവില്‍ പ്രിസം പാനലിൽ എത്ര ജീവനക്കാര്‍ ജോലി ചെയ്യുന്നുണ്ടെന്ന് അറിയിക്കാമോ?

കഴിഞ്ഞ സർക്കാരിന്റെ കാലം മുതൽ നാളിതുവരെ സര്‍ക്കാരിന്റെ പ്രവര്‍ത്തനങ്ങളെ കുറിച്ച് ദൃശ്യ-ശ്രാവ്യ മാധ്യമങ്ങൾ, സോഷ്യൽ മീഡിയ, പത്രങ്ങൾ, പോസ്റ്ററുകൾ, ഹോർഡിംഗുകൾ എന്നിവയിലൂടെ പരസ്യം നൽകിയ ഇനത്തിൽ വാര്‍ഷികാടിസ്ഥാനത്തില്‍ എത്ര തുക വീതം ചെലവഴിച്ചിട്ടുണ്ടെന്നും ആകെ ചെലവായ തുക എത്രയാണെന്നും വ്യക്തമാക്കാമോ?

പ്രവാസ ജീവിതം അവസാനിപ്പിച്ച് നാട്ടിലെത്തുന്ന പ്രവാസികളുടെ ക്ഷേമത്തിനായി എന്തെങ്കിലും പ്രത്യേക പദ്ധതികള്‍ നടപ്പിലാക്കുന്നുണ്ടോ; വിശദമാക്കുമോ;

എങ്കില്‍ ഇത്തരത്തില്‍ കഴിഞ്ഞ പത്ത് വര്‍ഷക്കാലം ആരംഭിച്ച പദ്ധതികള്‍ എന്തെല്ലാമാണെന്നും ഇതുവരെ എത്രപേര്‍ക്ക് പ്രസ്തുത പദ്ധതിയുടെ ആനുകൂല്യം ലഭ്യമായിട്ടുണ്ടെന്നും വിശദമാക്കാമോ;

പദ്ധതി വേഗത്തില്‍ നടപ്പിലാക്കി കൂടുതല്‍ ഗുണഭോക്താക്കള്‍ക്ക് ആനുകൂല്യങ്ങള്‍ ലഭ്യമാക്കുന്നതിന് സത്വര നടപടികള്‍ സ്വീകരിക്കുമോയെന്ന് വ്യക്തമാക്കുമോ?

കഴിഞ്ഞ പത്തു വര്‍ഷത്തിനിടെ പ്രവാസി നിക്ഷേപം ഉപയോഗപ്പെടുത്തി നടപ്പിലാക്കിയിട്ടുള്ള പ്രധാന പദ്ധതികള്‍ ഏതെല്ലാം; വിശദാംശം ലഭ്യമാക്കാമോ;

എങ്കില്‍ ഇതുമായി സഹകരിച്ച പ്രവാസികള്‍ ആരെല്ലാം എന്ന് വ്യക്തമാക്കാമോ;

പ്രസ്തുത നിക്ഷേപ പദ്ധതിയില്‍ കൂടുതല്‍ പേരെ ഉള്‍പ്പെടുത്തി വിവിധ പദ്ധതികള്‍ നടപ്പിലാക്കി തൊഴിലില്ലായ്മ പരിഹരിക്കുവാനും നിക്ഷേപകരെ സഹായിക്കുവാനും ഒപ്പം സംസ്ഥാന പുരോഗതിക്കുമായി എന്തെല്ലാം പുതിയ പദ്ധതികള്‍ക്ക് സര്‍ക്കാര്‍ ലക്ഷ്യമിടുന്നുണ്ട് എന്നും വ്യക്തമാക്കാമോ?

നാട്ടിൽ തിരിച്ചെത്തിയ പ്രവാസികൾക്ക് സംസ്ഥാനത്തെ വിവിധ സ്വകാര്യ സ്ഥാപനങ്ങളിൽ ജോലി നൽകുന്നതിന് നോർക്ക മുഖേന നടപ്പിലാക്കിയ നെയിം പദ്ധതിയുടെ പുരോഗതി വിലയിരുത്തിയിട്ടുണ്ടോ; വിശദാംശങ്ങൾ നൽകാമോ;

പ്രസ്തുത പദ്ധതി പ്രകാരം എത്ര അപേക്ഷകൾ ലഭിച്ചിരുന്നുവെന്നും എത്ര പേർക്ക് ജോലി നൽകുന്നതിന് സർക്കാരിന് സാധിച്ചിട്ടുണ്ടെന്നുമുള്ള വിവരങ്ങൾ കണക്കുകൾ സഹിതം വ്യക്തമാക്കുമോ;

പ്രസ്തുത പദ്ധതി പ്രകാരം ഇപ്പോഴും അപേക്ഷകൾ ക്ഷണിക്കുന്നുണ്ടോയെന്നും നിലവിൽ എത്ര അപേക്ഷകൾ തീർപ്പാക്കുന്നതിനായി ശേഷിക്കുന്നുണ്ടെന്നുമുളള വിവരങ്ങൾ നൽകാമോ?

ഇതുവരെ നടത്തിയ ലോക കേരളസഭയുടെ തീരുമാനങ്ങള്‍ നടപ്പിലാക്കുന്നതിന്റെ പുരോഗതി വിലയിരുത്തിയിട്ടുണ്ടോ; വിശദമാക്കാമോ;

വിവിധ വകുപ്പുകളുമായി ബന്ധപ്പെട്ട എത്ര തീരുമാനങ്ങള്‍ ഇതിനകം കൈകൊണ്ടിട്ടുണ്ടെന്ന് വ്യക്തമാക്കാമോ?

പ്രവാസി ക്ഷേമബോർഡിന്റെ പെൻഷൻ പദ്ധതിയിൽ അർഹരായവര്‍ക്ക് പെൻഷൻ ലഭിക്കുന്നില്ലെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കില്‍ എത്ര പേർക്ക് നിലവിൽ പെൻഷൻ ലഭിക്കാനുണ്ട്; വിശദമാക്കാമോ;

പെൻഷൻ അനുവദിക്കുന്നതിൽ ഉണ്ടാകുന്ന കാലതാമസത്തിന്റെ പ്രധാന കാരണങ്ങൾ എന്തെല്ലാമാണ്; ഫണ്ട് ലഭ്യത, അപേക്ഷ പരിശോധന, ഭരണപരമായ തടസ്സങ്ങൾ എന്നിവയിൽ ഏത് ഘടകമാണ് പ്രധാനമായി ബാധിക്കുന്നതെന്ന് വിശദമാക്കാമോ;

അപേക്ഷ നൽകി അംഗീകാരം ലഭിച്ചിട്ടും മാസങ്ങളോളം പെൻഷൻ വിതരണം നടക്കാത്ത സംഭവങ്ങൾ ശ്രദ്ധയിൽപ്പെട്ടിട്ടുണ്ടോ; അത്തരത്തിലുള്ള പരാതികളുടെ എണ്ണം എത്രയാണ്; പ്രവാസി ക്ഷേമ ബോർഡ് പെൻഷൻ തുക സമയബന്ധിതമായി വിതരണം ചെയ്യുന്നതിന് നിലവിലുള്ള മാനദണ്ഡങ്ങളും സമയപരിധിയും എന്തൊക്കെയാണ്; അവ കൃത്യമായി പാലിക്കപ്പെടുന്നുണ്ടോ;

പെൻഷൻ തുകയുടെ അപര്യാപ്തത സംബന്ധിച്ച് ഗുണഭോക്താക്കൾ ഉയർത്തുന്ന പരാതികൾ സർക്കാരിന്റെ പരിഗണനയിൽ ഉണ്ടോ; ഉണ്ടെങ്കിൽ പെൻഷൻ തുക വർധിപ്പിക്കുന്നതിനായി സ്വീകരിക്കാന്‍ ഉദ്ദേശിക്കുന്ന നടപടികൾ എന്തൊക്കെയാണ്; വിശദമാക്കാമോ;

പെൻഷൻ അപേക്ഷ നടപടികൾ ലളിതമാക്കുന്നതിനും ഓൺലൈൻ സംവിധാനം കാര്യക്ഷമമാക്കുന്നതിനും സർക്കാർ സ്വീകരിച്ച നടപടികൾ എന്തെല്ലാമാണ്; ഇപ്പോഴും തുടരുന്ന സാങ്കേതിക പ്രശ്നങ്ങൾ പരിഹരിക്കാൻ എന്ത് നടപടി സ്വീകരിച്ചു; വിശദമാക്കാമോ;

പ്രവാസി ക്ഷേമ ബോർഡിന്റെ പെൻഷൻ പദ്ധതിയിലെ വീഴ്ചകൾ പരിഹരിക്കുന്നതിനായി സമഗ്ര പരിഷ്കരണ പദ്ധതി തയ്യാറാക്കിയിട്ടുണ്ടോ; ഉണ്ടെങ്കിൽ അതിന്റെ പ്രധാന നിർദേശങ്ങളും നടപ്പാക്കുന്നതിനുള്ള സമയക്രമവും എന്തൊക്കെയാണ്; വിശദമാക്കുമോ?

അട്ടപ്പള്ളത്തെ ആൾക്കൂട്ടകൊലപാതകം സർക്കാർ ഗൗരവത്തോടെ കാണുന്നുണ്ടോ;

പ്രസ്തുത കൊലപാതകത്തിലെ പ്രതികൾക്ക് ശിക്ഷ ഉറപ്പാക്കാനും മരിച്ച അതിഥി തൊഴിലാളിയുടെ കുടുംബത്തെ സാമ്പത്തികമായി സഹായിക്കാനും നടപടി സ്വീകരിക്കുമോ;

ജനങ്ങൾ നിയമം കൈയിലെടുക്കുന്നതു തടയുന്നതിന് സ്വീകരിക്കാൻ ഉദ്ദേശിക്കുന്ന നടപടികൾ എന്തൊക്കെയാണെന്ന് വ്യക്തമാക്കാമോ?

ആക്കുളം ഗ്ലാസ് ബ്രിഡ്ജ് പൊട്ടിയ സംഭവത്തിൽ പോലീസ് കേസ് രജിസ്റ്റർ ചെയ്തിട്ടുണ്ടോ; ഉണ്ടെങ്കില്‍ കേസിന്റെ എഫ്. ഐ. ആർ. ലഭ്യമാക്കാമോ;

പ്രസ്തുത സംഭവത്തിൽ ഗ്ലാസ് ബ്രിഡ്ജിലെ ഗ്ലാസ്സുകൾ പൊട്ടിച്ചതാണ് എന്ന് അന്വേഷണത്തിൽ കണ്ടെത്തിയിട്ടുണ്ടോ;

ആക്കുളം ഗ്ലാസ് ബ്രിഡ്ജ് പൊട്ടിയ സംഭവത്തിൽ പോലീസ് അന്വേഷണത്തിലെ കണ്ടെത്തലുകൾ എന്തൊക്കെയാണ് എന്ന് വിശദീകരിക്കാമോ?

കാസർഗോഡുള്ള കരിഓയിൽ കമ്പനിയിൽ നിന്നും ജി. എസ്. ടി. എൻഫോഴ്സ്മെൻ്റ് ഉദ്യോഗസ്ഥരുടെ പേരിൽ പണപ്പിരിവ് നടത്തിയ ആൾക്കെതിരെ കരിഓയിൽ കമ്പനി സമർപ്പിച്ച പരാതിയിൽ വിജിലൻസ് അന്വേഷണം നടത്തിയോ;

അന്വേഷണത്തിൽ നിന്നും എന്തെല്ലാം കാര്യങ്ങൾ വെളിവായിട്ടുണ്ട്; കേസ് രജിസ്റ്റർ ചെയ്ത് അന്വേഷണം നടത്തുമോ;

ഇത് സംബന്ധിച്ച് ആരോപണവിധേയനായ ആൾ ഹൈക്കോടതിയിൽ നൽകിയ ഹർജി പിൻവലിച്ച കാര്യം ശ്രദ്ധയിൽപെട്ടിട്ടുണ്ടോ;

ഇത് സംബന്ധിച്ച് വാർത്ത നൽകിയ മാധ്യമങ്ങൾക്കെതിരെ നിയമ നടപടി സ്വീകരിക്കാൻ ജി. എസ്. ടി. വകുപ്പിൽ നിന്നും എന്തെങ്കിലും ശിപാർശ സർക്കാരിന് ലഭിച്ചിട്ടുണ്ടോ?

2016 മുതൽ നാളിതുവരെ കേരള പോലീസ് ആളുമാറി അറസ്റ്റ് ചെയ്യുകയോ കസ്റ്റഡിയിൽ വയ്ക്കുകയോ ചെയ്ത എത്ര സംഭവങ്ങൾ ഉണ്ടായിട്ടുണ്ട്; ഏതൊക്കെയാണെന്ന് വ്യക്തമാക്കുമോ;

മേൽപ്പറഞ്ഞവയിൽ ഏതൊക്കെ സംഭവങ്ങളിൽ ഉത്തരവാദികളായ പോലീസ് ഉദ്യോഗസ്ഥർക്കെതിരെ നടപടി സ്വീകരിച്ചിട്ടുണ്ട്; എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദാമാക്കുമോ;

പ്രസ്തുത സംഭവങ്ങൾ ആവർത്തിക്കാതിരിക്കാൻ സർക്കാർ എന്ത് നടപടി സ്വീകരിച്ചിട്ടുണ്ട്; വ്യക്തമാക്കുമോ?

ശബരിമലയിലെ സ്വർണ്ണ കൊള്ള കേസിൽ മുൻ ദേവസ്വം ബോർഡ് പ്രസിഡന്റ്, അംഗങ്ങൾ എന്നിവർ അറസ്റ്റിലായ സംഭവം സർക്കാർ ഗൗരവത്തോടെ കാണുന്നുണ്ടോയെന്നു വ്യക്തമാക്കാമോ;

പ്രസ്തുത കേസിൽ മുൻ എം. എൽ. എ. , മറ്റ് ബോർഡ് അംഗങ്ങൾ, എന്നിവർക്ക് എതിരെ ചുമത്തിയിട്ടുള്ള കുറ്റങ്ങൾ എന്തൊക്കെയാണ് എന്ന് വ്യക്തമാക്കാമോ;

ക്ഷേത്രങ്ങളിലെ അടക്കം അമൂല്യ വസ്തുക്കൾ ബോർഡ്‌ കൊള്ളയടിക്കുന്നത് തടയാൻ എന്തൊക്കെ നടപടികളാണ് സ്വീകരിക്കാൻ ഉദ്ദേശിക്കുന്നത് എന്ന് വിശദമാക്കാമോ?

ശബരിമലയിലെ കട്ടിളപ്പടിയിലെയും ദ്വാരപാലക ശിൽപങ്ങളിലെയും സ്വർണ്ണം തട്ടിയെടുത്തതിനു പുറമേ പ്രഭാമണ്ഡലത്തിലെ സ്വർണ്ണവും തട്ടിയെടുത്തതായി കണ്ടെത്തിയിട്ടുണ്ടോ; ഉണ്ടെങ്കില്‍ എത്ര പാളികളിലെ സ്വർണ്ണം തട്ടിയെടുത്തതായാണ് കണ്ടെത്തിയിട്ടുളളത്; വ്യക്തമാക്കാമോ;

ശിവ രൂപം, വ്യാളി രൂപം എന്നിവയിലെ സ്വർണ്ണം തട്ടിയെടുത്തിട്ടുണ്ടോ; ഉണ്ടെങ്കില്‍ തട്ടിയെടുത്ത സ്വർണ്ണം കണ്ടെത്താൻ കഴിഞ്ഞിട്ടുണ്ടോ; വിശദീകരിക്കാമോ?

ശബരിമല സ്വർണ്ണ കൊള്ള കേസിന്റെ അന്വേഷണം ഏതു ഘട്ടത്തിലാണെന്ന് വിശദീകരിക്കാമോ;

പ്രസ്തുത കേസുമായി ബന്ധപ്പെട്ട് ഇതുവരെ അറസ്റ്റ് ചെയ്തിട്ടുള്ളവരുടെ വിവരങ്ങള്‍ ലഭ്യമാക്കാമോ;

പ്രസ്തുത കേസുമായി ബന്ധപ്പെട്ട് ആരെയൊക്കെയാണ് ചോദ്യം ചെയ്തിട്ടുള്ളതെന്ന് അറിയിക്കാമോ;

എസ്. ഐ. ടി. വിപുലീകരിക്കുന്നതിന് ഏതൊക്കെ ഇൻസ്‌പെക്ടർമാരെയാണ് നിയമിച്ചതെന്ന് അറിയിക്കാമോ; പ്രസ്തുത ഉദ്യോഗസ്ഥര്‍ വകുപ്പുതല ശിക്ഷണ നടപടികൾ നേരിട്ടവരാണോ; വ്യക്തമാക്കാമോ;

പ്രസ്തുത ഉദ്യോഗസ്ഥര്‍ക്കെതിരെ നേരത്തെ ഉയർന്നിരുന്ന ആരോപണങ്ങള്‍ എന്തൊക്കെയാണെന്ന് വ്യക്തമാക്കാമോ;

അന്വേഷണ സംഘത്തിന്റെ മേധാവി പ്രസ്തുത ഉദ്യോഗസ്ഥര്‍ക്ക് ചുമതല നൽകാതിരുന്നതിന്റെ കാരണം വ്യക്തമാക്കുമോ?

എം. വിൻസെന്റ്, വട്ടവിളകം, ആർ. സി. സ്ട്രീറ്റ്, ബാലരാമപുരം പ്രതിയായി കേരള പോലീസ് റിപ്പോർട്ട് ചെയ്തിട്ടുള്ള ബാലരാമപുരം പോലീസ് സ്റ്റേഷൻ ക്രൈം. 310/2008, മെഡിക്കൽ കോളേജ് പോലീസ് സ്റ്റേഷൻ ക്രൈം. 559/2008, മ്യൂസിയം പോലീസ് സ്റ്റേഷൻ ക്രൈം 457/2007 കന്റോൺമെന്റ് പോലീസ് സ്റ്റേഷൻ ക്രൈം. 193/2007 എന്നിവ നിലവിൽ ഏതൊക്കെ കോടതികളിൽ ആണെന്നും പ്രസ്തുത കേസുകളുടെ സി.സി. നമ്പറുകളും അടുത്ത പോസ്റ്റിംഗ് ഡേറ്റും നിലവിലെ സ്ഥിതിയും അറിയിക്കുമോ?

അട്ടപ്പാടിയിലെ പോലീസ് ഉദ്യോഗസ്ഥർക്ക് ഭൂമാഫിയ ബന്ധം ഉണ്ടെന്ന് ഡി.ജി.പിക്ക് റിപ്പോർട്ട് ലഭിച്ചിട്ടുണ്ടോ; വ്യക്തമാക്കുമോ;

മലപ്പുറം മുൻ എസ്.പി, പാലക്കാട് എസ് പി., തൃശ്ശൂർ ഡി.ഐ.ജി, സി.ആർ.പി.എഫ്. കമാൻഡന്റ് തുടങ്ങിയവർ ആഭ്യന്തരവകുപ്പിന് നൽകിയ റിപ്പോർട്ടുകളില്‍ എന്തെല്ലാം കാര്യങ്ങളാണ് ചൂണ്ടിക്കാണിച്ചിരുന്നതെന്ന് വിശദമാക്കുമോ; അതിന്മേല്‍ ആഭ്യന്തരവകുപ്പ് എന്തെല്ലാം നടപടികൾ സ്വീകരിച്ചുവെന്ന് അറിയിക്കുമോ;

അട്ടപ്പാടിയിലെ ആദിവാസികൾ എസ്.സി- എസ്.ടി. അട്രോസിറ്റീസ് ആക്ട് പ്രകാരം നൽകുന്ന പരാതികളിൽ പോലീസ് കേസെടുക്കുന്നില്ല എന്ന വിവരം ശ്രദ്ധയിൽപ്പെട്ടിട്ടുണ്ടോ: എങ്കിൽ കേസെടുക്കാത്തത് എന്തുകൊണ്ടാണെന്ന് വിശദമാക്കുമോ;

ഈ സർക്കാരിന്റെ കാലത്ത് അട്ടപ്പാടിയിലെ പോലീസ് സ്റ്റേഷനുകളിൽ എസ്.സി- എസ്.ടി. അതിക്രമം തടയൽ നിയമപ്രകാരം എത്ര കേസെടുത്തുവെന്ന് അറിയിക്കുമോ?

2018 ജനുവരി മുതൽ 2025 ഡിസംബർ വരെയുള്ള കാലയളവിൽ ജുഡീഷ്യല്‍ ഫസ്റ്റ് ക്ലാസ് മജിസ്ട്രേറ്റ് കോടതികളിൽ നിന്നും പോലീസ് വാദിയായിട്ടുള്ള എത്ര കേസുകൾ സർക്കാർ നിർദേശപ്രകാരം പിൻവലിക്കപ്പെട്ടിട്ടുണ്ട്; ടി കാലയളവിൽ പോലീസ് വാദിയായിട്ടുള്ള എത്ര കേസുകളിൽ ജഡ്ജ്മെന്റ് ഉണ്ടായിട്ടുണ്ട്; ഇതിന്റെ വിശദാംശം നൽകാമോ?

പോലീസ് സേനയുടെ സേവനങ്ങള്‍ക്ക് ജനകീയവും മാനവീയവുമായ മുഖം നല്‍കുന്നതിന് എന്തെല്ലാം ഇടപെടലുകളാണ് നടത്തിവരുന്നതെന്ന് വിശദമാക്കാമോ;

സംസ്ഥാനത്ത് കസ്റ്റഡിമരണങ്ങള്‍ കുറയ്ക്കുന്നതിന് പ്രസ്തുത ഇടപെടലുകൾ സഹായകരമായിട്ടുണ്ടെന്ന വിലയിരുത്തല്‍ നടത്തിയിട്ടുണ്ടോ;

2011-2016, 2016-2021, 2021-2025 എന്നിങ്ങനെ ഒരോ അഞ്ചു വര്‍ഷവും സംസ്ഥാനത്ത് സംഭവിച്ചിട്ടുള്ള പോലീസ് കസ്റ്റഡി മരണങ്ങളുടെ കണക്കുകള്‍ ലഭ്യമാണോ; മറുപടി നൽകുമോ;

പ്രസ്തുത കാലയളവുകളില്‍ കസ്റ്റഡി മരണങ്ങളില്‍ ആരോപണ വിധേയരായ പോലീസ് ഉദ്യോഗസ്ഥര്‍ക്കെതിരായി കൈക്കൊണ്ട നടപടികളുടെ വിശദാംശങ്ങള്‍ ലഭ്യമാണോ;

2021-2025 വരെ വിവിധ ആരോപണങ്ങള്‍ നേരിട്ട എത്ര പോലീസ് സേനാംഗങ്ങള്‍ക്കെതിരായി എന്തെല്ലാം നടപടികളാണ് സ്വീകരിച്ചതെന്ന് അറിയിക്കുമോ ?

ശബരിമല സ്വർണ്ണകൊള്ളയുമായി ബന്ധപ്പെട്ട് കേരള പോലീസ് നാളിതുവരെ എത്ര കേസുകൾ രജിസ്റ്റർ ചെയ്തിട്ടുണ്ടെന്നും ഓരോ കേസിലും ആരെയൊക്കെയാണ് പ്രതിചേർത്തിട്ടുളളതെന്നും, എത്ര പേരെ അറസ്റ്റ് ചെയ്തിട്ടുണ്ടെന്നും, എത്ര പേരെ ഇനി അറസ്റ്റ് ചെയ്യുവാൻ ഉണ്ടെന്നും അറിയിക്കുമോ; പ്രസ്തുത കേസുകളുടെ എഫ്.ഐ.ആര്‍. ന്റെ പകർപ്പുകളും ലഭ്യമാക്കാമോ?

മുൻ സർക്കാരിന്റെ കാലം മുതൽ നാളിതുവരെ എത്ര ആൾക്കൂട്ട ആക്രമണങ്ങൾ റിപ്പോർട്ട് ചെയ്തിട്ടുണ്ട്; ഇപ്രകാരമുള്ള ആക്രമണങ്ങളിൽ എത്രപേർ കൊല്ലപ്പെട്ടിട്ടുണ്ട്; എത്രപേർക്ക് പരിക്കേറ്റിട്ടുണ്ട്; വ്യക്തമാക്കാമോ;

മേൽപ്പറഞ്ഞ ആൾകൂട്ട കൊലപാതക കേസുകളിൽ ഓരോന്നിലും എത്ര പേരെ പ്രതിചേർത്തിട്ടുണ്ടെന്നും എത്ര പേരെ കുറ്റവാളികളായി കണ്ടെത്തിയിട്ടുണ്ടെന്നും എത്രപേർക്ക് ശിക്ഷ ലഭിച്ചിട്ടുണ്ടെന്നും വ്യക്തമാക്കാമോ;

ആൾക്കൂട്ട ആക്രമണ കേസുകളിൽ എത്ര പേരെ നാളിതുവരെ അറസ്റ്റ് ചെയ്തിട്ടുണ്ടെന്നും ഏതൊക്കെ കേസുകളിൽ ആണ് അറസ്റ്റ് ചെയ്തിട്ടുള്ളതെന്നും എത്രപേർക്ക് ശിക്ഷ ലഭിച്ചിട്ടുണ്ടെന്നും വ്യക്തമാക്കാമോ?

മുൻ സർക്കാരിന്റെ കാലം മുതൽ നാളിതുവരെ സംസ്ഥാന പോലീസ് സേനയിൽ നിന്നും എത്ര ഉദ്യോഗസ്ഥരെ പിരിച്ചു വിട്ടിട്ടുണ്ട്; ഇപ്രകാരം പിരിച്ചുവിടപ്പെട്ട ഉദ്യോഗസ്ഥരുടെ പേരും തസ്തികയും പിരിച്ചുവിടാൻ ഉണ്ടായ കാരണസഹിതം വിശദാംശങ്ങൾ വ്യക്തമാക്കാമോ?

ഗർഭിണിയായ യുവതിയെ സ്റ്റേഷനിൽ വെച്ച് യൂണിഫോമിലല്ലാത്ത എസ്.എച്ച്.ഒ. മ‍ർദ്ദിക്കുന്നതിന്റെ ദൃശ്യങ്ങൾ പുറത്തുവന്നത് സർക്കാർ പരിശോധിച്ചിട്ടുണ്ടോ;

2024 ജൂൺ 19-ന് നടന്ന സംഭവത്തിന്റെ സി.സി.ടി.വി. ദൃശ്യങ്ങൾ പുറത്തു വന്നതിനെ തുടർന്ന് എന്തെല്ലാം തുടർനടപടികളാണ് സ്വീകരിച്ചത്; വിശദമാക്കുമോ;

ഇത്തരം സംഭവങ്ങൾ ആവർത്തിക്കാതിരിക്കാൻ എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നത്; വിശദമാക്കുമോ?

ശബരിമല യുവതി പ്രവേശനവുമായി ബന്ധപ്പെട്ട് നടന്ന സമരങ്ങളിൽ എത്രപേർക്കെതിരെ കേസ് രജിസ്റ്റർ ചെയ്തിട്ടുണ്ടെന്ന് വ്യക്തമാക്കുമോ;

പ്രസ്തുത വിഷയവുമായി ബന്ധപ്പെട്ട് രജിസ്റ്റർ ചെയ്ത കേസുകളിൽ എത്ര കേസുകൾ പിൻവലിച്ചിട്ടുണ്ടെന്നും ഇനി എത്ര കേസുകൾ പിൻവലിക്കാനുണ്ടെന്നും വ്യക്തമാക്കാമോ;

മേൽപ്പറഞ്ഞവയിൽ എത്ര കേസുകൾ കോടതിയിലേക്ക് റഫർ ചെയ്തിട്ടുണ്ടെന്നും ഇവയിൽ ഏതെല്ലാം വകുപ്പുകൾ ആണ് ഉൾപ്പെടുത്തിയിട്ടുള്ളതെന്നും വ്യക്തമാക്കുമോ;

പ്രസ്തുത വിഷയവുമായി ബന്ധപ്പെട്ട് നടന്ന സമരങ്ങളിൽ രജിസ്റ്റർ ചെയ്ത കേസുകൾ പൂർണമായി പിൻവലിക്കാൻ കഴിയാത്തതിന്റെ കാരണം വ്യക്തമാക്കുമോ?

ജലന്ധർ മുൻ ബിഷപ്പിനെതിരെ ബലാൽസംഗ ആരോപണമുന്നയിച്ച അതിജീവിത ഹൈക്കോടതിയിൽ കേസ് നടത്തുന്നതിനായി സ്പെഷ്യൽ പബ്ലിക് പ്രോസിക്യൂട്ടറെ നിയമിക്കണമെന്ന് ആവശ്യപ്പെട്ട് സർക്കാരിന് അപേക്ഷ നൽകിയിട്ടുണ്ടോ എന്ന് വ്യക്തമാക്കമോ;

എന്നാണ് അപേക്ഷ സർക്കാരിന് ലഭിച്ചത്; ഈ അപേക്ഷയിന്മേൽ നാളിതുവരെ സർക്കാർ സ്വീകരിച്ച നടപടികള്‍ വിശദമാക്കാമോ;

അപേക്ഷയുടെ അടിസ്ഥാനത്തിൽ അതിജീവിതക്ക് വേണ്ടി സ്പെഷ്യൽ പബ്ലിക് പ്രോസിക്യൂട്ടറെ സർക്കാർ നിയമിക്കുകയുണ്ടായോ; ഇല്ലെങ്കില്‍ അതിജീവിത അപേക്ഷ നൽകിയിട്ടും നാളിതുവരെയും സ്പെഷ്യൽ പബ്ലിക് പ്രോസിക്യൂട്ടറെ നിയമിക്കാത്തതിന് കാരണങ്ങൾ എന്തെല്ലാമാണെന്ന് വിശദമാക്കാമോ;

പീഡനത്തിന് ഇരയാകുന്നവരുടെ കാര്യത്തിൽ സർക്കാർ സ്പെഷ്യൽ പബ്ലിക് പ്രോസിക്യൂട്ടറെ നിയമിക്കുന്നത് സംബന്ധിച്ച് നിലവിലുള്ള വ്യവസ്ഥകളും ചട്ടങ്ങളും വിശദമാക്കാമോ;

പ്രസ്തുത വ്യവസ്ഥകളുടെ അടിസ്ഥാനത്തിൽ പീഡിപ്പിക്കപ്പെടുന്നവർക്ക് സ്പെഷ്യൽ പബ്ലിക് പ്രോസിക്യൂട്ടറെ അനുവദിക്കുന്ന കാര്യത്തിൽ സർക്കാർ നയപരമായി എന്തെങ്കിലും തീരുമാനങ്ങൾ എടുത്തിട്ടുണ്ടോ; വിശദാംശങ്ങള്‍ അറിയിക്കാമോ;

അതിജീവിതക്ക് ഹൈക്കോടതിയില്‍ കേസ് വാദിക്കുന്നതിനായി അടിയന്തരമായി സ്പെഷ്യൽ പബ്ലിക് പ്രോസിക്യൂട്ടറെ അനുവദിക്കുന്ന കാര്യം പരിഗണിക്കുമോ?

നിലവിലെ സർക്കാരിന്റെ കാലത്ത് എസ് സി-എസ് ടി ആക്ട് പ്രകാരം ആകെ എത്ര കേസുകൾ രജിസ്റ്റർ ചെയ്തിട്ടുണ്ട്; ജില്ല തിരിച്ചുള്ള കണക്ക് ലഭ്യമാക്കാമോ; അട്ടപ്പാടിയിൽ എത്ര കേസുകൾ രജിസ്റ്റർ ചെയ്തിട്ടുണ്ടെന്ന് വ്യക്തമാക്കാമോ;

മേൽ പറഞ്ഞ കാലയളവിൽ പട്ടികവർഗ്ഗ വിഭാഗത്തിൽപ്പെട്ട എത്ര പെൺകുട്ടികൾ പീഡനത്തിന് ഇരയായി; ജില്ല തിരിച്ചുള്ള കണക്ക് വ്യക്തമാക്കാമോ?

ശ്രീകണ്ഠപുരത്ത് യുപി സ്വദേശി നയിം സൽമാനി ആൾക്കൂട്ട ആക്രമണത്തിന് ഇരയായി കൊല്ലപ്പെട്ടത് സംബന്ധിച്ച് പരാതി ലഭിച്ചിട്ടും കേസ് രജിസ്റ്റർ ചെയ്യാൻ പോലീസ് തയ്യാറാകാതിരുന്നത് ഗൗരവത്തോടെ കാണുന്നുണ്ടോ, വിശദമാക്കുമോ;

നയിം സൽമാനിയെ ആക്രമിച്ച വ്യക്തികളെ യഥാസമയം കസ്റ്റഡിയിൽ എടുക്കുന്നതിനും കർശനമായ വകുപ്പുകൾ ചുമത്തി കേസ് രജിസ്റ്റർ ചെയ്യുന്നതിനും വീഴ്ചവരുത്തിയ ഉദ്യോഗസ്ഥർക്കെതിരെ നടപടി സ്വീകരിച്ചിട്ടുണ്ടോ; വ്യക്തമാക്കുമോ;

മുൻ സർക്കാരിന്റെ കാലം മുതൽ നാളിതുവരെ സംസ്ഥാനത്ത് എത്ര ഇതര സംസ്ഥാനക്കാർ ആൾക്കൂട്ട ആക്രമണത്തിനിരയായിട്ടുണ്ട്, എത്രപേർ കൊല്ലപ്പെട്ടിട്ടുണ്ട്; വിശദമാക്കുമോ?

തൃശൂർ രാമവർമ്മപുരത്തെ പോലീസ് അക്കാദമി വളപ്പിൽ നിന്നും ചന്ദനമരങ്ങൾ മുറിച്ചുകടത്തിയ കേസിന്റെ നിലവിലെ സ്ഥിതി വ്യക്തമാക്കുമോ; പ്രതികളെ പിടികൂടിയിട്ടുണ്ടോ; വിശദാംശം വ്യക്തമാക്കുമോ;

സംസ്ഥാനത്തെ വിവിധ പോലീസ് സ്റ്റേഷനുകൾ ഉൾപ്പെടെ ആഭ്യന്തര വകുപ്പിന് കീഴിലുള്ള വിവിധ സ്ഥാപനങ്ങളിൽ കഴിഞ്ഞ സർക്കാരിന്റെ കാലം മുതൽ നാളിതുവരെ എത്ര മോഷണക്കേസുകൾ റിപ്പോർട്ട് ചെയ്തിട്ടുണ്ട്; ഏതൊക്കെയെന്ന് വ്യക്തമാക്കുമോ; ഏതൊക്കെ കേസുകളിൽ പ്രതികളെ പിടികൂടിയിട്ടുണ്ട്; ഏതൊക്കെ കേസുകളിൽ പ്രതികളെ പിടികൂടുവാനുണ്ട്; വിശദാംശം വ്യക്തമാക്കുമോ;

കർശന സുരക്ഷാ മുൻകരുതലുകളോടുകൂടി പ്രവർത്തിക്കുന്ന ആഭ്യന്തര വകുപ്പിന് കീഴിലുള്ള സ്ഥാപനങ്ങളിൽ പോലും മോഷണക്കേസുകൾ ആവർത്തിച്ച് റിപ്പോർട്ട് ചെയ്യപ്പെടുന്നത് ഗൗരവത്തോടെ കാണുന്നുണ്ടോ; ഇപ്രകാരമുള്ള സംഭവങ്ങൾ ആവർത്തിക്കാതിരിക്കാൻ എന്തൊക്കെ നടപടികൾ സ്വീകരിക്കുമെന്ന് വ്യക്തമാക്കുമോ?

2016 മുതൽ നാളിതുവരെ സംസ്ഥാനത്ത് എത്ര കസ്റ്റഡി മരണങ്ങൾ റിപ്പോർട്ട് ചെയ്തിട്ടുണ്ട്; അവയിൽ എത്ര കേസുകളിൽ കുറ്റക്കാരായ ഉദ്യോഗസ്ഥർക്കെതിരെ ശിക്ഷാ നടപടികൾ സ്വീകരിച്ചിട്ടുണ്ട്; വിശദാംശങ്ങൾ കേസ് തിരിച്ചു വ്യക്തമാക്കുമോ;

മേൽപ്പറ‍ഞ്ഞ കാലയളവിൽ എത്ര കസ്റ്റഡി മർദ്ദനങ്ങൾ റിപ്പോർട്ട് ചെയ്തിട്ടുണ്ട്; അവയിൽ എത്ര കേസുകളിൽ കുറ്റക്കാരായ ഉദ്യോഗസ്ഥർക്കെതിരെ ശിക്ഷാ നടപടികൾ സ്വീകരിച്ചിട്ടുണ്ട്; വിശദാംശങ്ങൾ കേസ് തിരിച്ചു വ്യക്തമാക്കുമോ;

കസ്റ്റഡി മരണങ്ങളും കസ്റ്റഡി മർദ്ദനവുമായി ബന്ധപ്പെട്ട കോടതി വിധികളെ തുടർന്ന് മേൽപ്പറ‍ഞ്ഞ കാലയളവിൽ എത്ര പോലീസ് ഉദ്യോഗസ്ഥർക്കെതിരെ ശിക്ഷാ നടപടികൾ സ്വീകരിച്ചിട്ടുണ്ട്; ബന്ധപ്പെട്ട ഉദ്യോഗസ്ഥരുടെ പേര്, തസ്തിക എന്നിവ ഉൾപ്പെടെ വിശദാംശങ്ങൾ വ്യക്തമാക്കുമോ?

2016 മുതൽ നാളിതുവരെ കേരളത്തിലെ പോലീസ് സ്റ്റേഷനുകളിലും പുറത്തും പോലീസ് മർദ്ദനത്തിന് ഇരയായവരുടെ വിവരം പോലീസ് സ്റ്റേഷൻ തിരിച്ച് ലഭ്യമാക്കാമോ;

മേൽപ്പറ‍ഞ്ഞ കാലയളവിൽ പോലീസ് സ്റ്റേഷനുകളിലും പുറത്തും പോലീസ് മർദ്ദനത്തിന് ഇരയായവർ സർക്കാരിനും പോലീസിനും കോടതികളിലും പരാതികൾ നൽകിയിട്ടുണ്ടോ; എങ്കിൽ പ്രസ്തുത പരാതികളുടെ വിശദാംശങ്ങൾ ലഭ്യമാക്കാമോ;

മേൽപ്പറഞ്ഞ പരാതികളിൽ പരിഹരിക്കപ്പെട്ടവയുടെ വിശദാംശങ്ങൾ ലഭ്യമാക്കാമോ;

2016 മുതൽ നാളിതുവരെ പോലീസ് മർദ്ദനത്തിന് വിധേയരായി മരണപ്പെട്ടവരുടെ വിവരങ്ങൾ ലഭ്യമാക്കാമോ;

പ്രസ്തുത കാലയളവിൽ പോലീസ് മർദ്ദനത്തിന് ഇരയായി മരണപ്പെടുകയും പരിക്കേൽക്കുകയും ചെയ്തവർക്ക് സർക്കാർ നഷ്ടപരിഹാരം നൽകുകയോ മറ്റ് സമാശ്വാസ നടപടികൾ സ്വീകരിക്കുകയോ ചെയ്തിട്ടുണ്ടോ; എങ്കിൽ വിശദമാക്കാമോ;

2016 മുതൽ നാളിതുവരെ പോലീസ് സ്റ്റേഷനുകളിലും പുറത്തും ഉണ്ടായിട്ടുള്ള പോലീസ് മർദ്ദനത്തിന് കാരണക്കാരായ പോലീസുകാർക്ക് എതിരെ സ്വീകരിച്ച അച്ചടക്ക നടപടികൾ എന്തെല്ലാമാണ്; വിശദമാക്കാമോ?

2016 മുതൽ നാളിതുവരെ എത്ര കസ്റ്റഡി മർദ്ദന കേസുകളും, എത്ര കസ്റ്റഡി മരണങ്ങളും റിപ്പോർട്ട്‌ ചെയ്തിട്ടുണ്ട്; വ്യക്തമാക്കാമോ;

മേൽപ്പറഞ്ഞ കാലയളവിൽ കസ്റ്റഡി മർദ്ദനവുമായി ബന്ധപ്പെട്ട് എത്ര പോലീസ് ഉദ്യോഗസ്ഥരെ പ്രതി ചേർത്തിട്ടുണ്ടെന്നും എത്ര പേർക്ക് ശിക്ഷ ലഭിച്ചിട്ടുണ്ടെന്നും വിശദമാക്കുമോ?

സംസ്ഥാനത്ത് സൈബര്‍ ക്രൈമുകള്‍ വലിയ തോതില്‍ വര്‍ദ്ധിക്കുന്നതും വിര്‍ച്വല്‍ അറസ്റ്റ് പോലെയുള്ള തട്ടിപ്പിലൂടെ നിരവധി പേരുടെ പണം തട്ടിയെടുക്കുന്നതും ശ്രദ്ധയിൽപ്പെട്ടിട്ടുണ്ടോ; എങ്കിൽ ഇവ തടയുന്നതിന് എന്തെങ്കിലും നടപടികള്‍ പ്രത്യേകമായി ഏര്‍പ്പെടുത്താന്‍ ഉദ്ദേശിക്കുന്നുണ്ടോ; വിശദമാക്കുമോ;

പോലീസില്‍ സൈബര്‍ വിംഗ് കാര്യക്ഷമമായി പ്രവര്‍ത്തിക്കുന്നു എന്നു ഉറപ്പുവരുത്തുന്നതിനായി പ്രത്യേക വിഭാഗമായി കൂടുതല്‍ സേനാംഗങ്ങളെ ഇതിനായി നിയോഗിക്കുന്നതിന് നടപടി സ്വീകരിക്കുമോ?

പറവൂര്‍ എം.എല്‍.എ.യുടെ ഫേസ്ബുക്ക് ഐഡിയുടെ പേരില്‍ വ്യാജ സ്ക്രീന്‍ഷോട്ട് പ്രചരിപ്പിക്കുന്നു എന്ന് ആരോപിച്ച് 2020 മെയ് മാസത്തില്‍ ആലുവ റൂറല്‍ എസ്.പി.യ്ക്ക് ആ കാലയളവിലെ സ്ഥലം എം.എല്‍.എ. പരാതി നല്‍കിയിട്ടുണ്ടോ; ഉണ്ടെങ്കില്‍ പരാതിയുടെയും, വ്യാജമായി പ്രചരിപ്പിച്ചതായി പറയപ്പെടുന്ന സ്ക്രീന്‍ഷോട്ടിന്റെയും കോപ്പി നല്‍കാമോ;

പ്രതിയെ കണ്ടെത്താന്‍ പോലീസ് ഇതുവരെ സ്വീകരിച്ച നടപടികള്‍ എന്തെല്ലാമാണ്;

ഈ കേസില്‍ ഫേസ്ബുക്കിനോട് പോലീസ് വിശദീകരണം ചോദിച്ചിട്ടുണ്ടോ;

എം.എല്‍.എ. നല്‍കിയ പരാതിയെന്ന നിലയില്‍ അന്വേഷണം വേഗത്തിലാക്കുന്നതിന് നടപടി സ്വീകരിച്ചിട്ടുണ്ടോ;

പരാതിക്കാധാരമായ വിഷയവും, ഇതുവരെയുള്ള അന്വേഷണത്തില്‍ കണ്ടെത്തിയ വിവരങ്ങളുടെയും വിശദാംശം വെളിപ്പെടുത്താമോ?

സംസ്ഥാനത്ത് സൈബര്‍ കുറ്റകൃത്യങ്ങളും സൈബര്‍ സാമ്പത്തിക തട്ടിപ്പുകളും വര്‍ധിച്ചു വരുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

കഴിഞ്ഞ മൂന്നു വര്‍ഷ കാലയളവില്‍ രജിസ്റ്റര്‍ ചെയ്ത സാമ്പത്തിക ഇതര സൈബര്‍ കുറ്റകൃത്യങ്ങളുടെ എണ്ണം ജില്ല തിരിച്ച് ലഭ്യമാക്കാമോ;

കഴിഞ്ഞ മൂന്നു വര്‍ഷ കാലയളവില്‍ രജിസ്റ്റര്‍ ചെയ്ത സൈബര്‍ സാമ്പത്തിക തട്ടിപ്പുകളുടെ എണ്ണം ജില്ല തിരിച്ച് ലഭ്യമാക്കാമോ;

പ്രസ്തുത സാമ്പത്തിക തട്ടിപ്പുകള്‍ കാരണമുണ്ടായ സാമ്പത്തിക നഷ്ടത്തിന്റെ കണക്ക് ജില്ല തിരിച്ച് ലഭ്യമാക്കാമോ;

മേല്‍പ്പറഞ്ഞ കാലയളവില്‍ സൈബര്‍ സാമ്പത്തിക തട്ടിപ്പുകളുമായി ബന്ധപ്പെട്ട കേസുകളില്‍ എത്ര തുക തിരിച്ചു പിടിക്കാന്‍ സാധിച്ചിട്ടുണ്ടെന്ന് വിശദമാക്കാമോ?

സംസ്ഥാനത്തെ പോലീസ് സ്റ്റേഷനുകളിലെ സി.സി.ടി.വി ദൃശ്യങ്ങൾ വിവരാവകാശ നിയമപ്രകാരം നൽകുന്നതിന് നിലവിൽ ഏതെങ്കിലും നിയമപരമായ തടസ്സങ്ങൾ ഉണ്ടോ; വിശദമാക്കാമോ;

മേൽപ്പറ‍ഞ്ഞ വിഷയത്തിൽ സർക്കാർ ഏന്തെങ്കിലും മാർഗ്ഗനിർദേശം പുറപ്പെടുവിച്ചിട്ടുണ്ടോ; വ്യക്തമാക്കുമോ;

2016 മുതൽ നാളിതുവരെ സംസ്ഥാനത്തെ വിവിധ പോലീസ് സ്റ്റേഷനുകളിലെ സി.സി.ടി.വി ദൃശ്യങ്ങൾ ആവശ്യപ്പെട്ടുകൊണ്ടുള്ള എത്ര വിവരാവകാശ അപേക്ഷകൾ ലഭിച്ചിട്ടുണ്ട്; അവയിൽ എത്ര അപേക്ഷകളിൽ ദൃശ്യങ്ങൾ നൽകിയിട്ടുണ്ട്, എത്ര അപേക്ഷകൾ നിരസിച്ചിട്ടുണ്ട്, എത്ര അപേക്ഷകളിൽ വിവരാവകാശ കമ്മീഷന്റെ ഉത്തരവിനെ തുടർന്ന് ദൃശ്യങ്ങൾ നൽകിയിട്ടുണ്ട് എന്നതിന്റെ വിശദാംശങ്ങൾ വ്യക്തമാക്കുമോ?

കടുത്തുരുത്തി പോലീസ് സ്റ്റേഷൽ പുതിയ കെട്ടിട നിര്‍മ്മാണപദ്ധതിയ്ക്ക് അനുവദിച്ചിരിക്കുന്ന അടങ്കല്‍ തുക എത്ര കോടി രൂപയാണ്;വ്യക്തമാക്കാമോ;

പുതിയ കെട്ടിട നിര്‍മ്മാണത്തിന്റെ ഡിസൈൻ/ഡ്രാഫ്റ്റ് പ്ലാൻ (‍‍ഡി.പി.ആര്‍.) തയ്യാറായിട്ടുണ്ടോ; ഡി.പി.ആര്‍-ന്റെ കോപ്പി ലഭ്യമാകുമോ;

പുതിയ സ്റ്റേഷന്റെ കെട്ടിട വിസ്തീർണം എത്രയാണ്; ഭൂമിശാസ്ത്ര പരിമിതികൾ പരിഗണിച്ചാണോ പദ്ധതി തയ്യാറാക്കിയിരിക്കുന്നത്; വ്യക്തമാക്കാമോ;

പോലീസ് ക്വാർട്ടേഴ്സ് നിര്‍മ്മാണം പ്രസ്തുത പദ്ധതിയിൽ ഉൾപ്പെടുത്തിയിട്ടുണ്ടോ; ഇല്ലെങ്കിൽ ഉള്‍പ്പെടുത്തുന്നതിനുള്ള നടപടികള്‍ സ്വീകരിക്കുമോ;

പദ്ധതിയുടെ പൂർത്തീകരണ സമയരേഖ (ടൈംലൈന്‍) എത്രകാലമാണ്; പദ്ധതി എന്നേക്ക് ആരംഭിക്കാന്‍ കഴിയുമെന്ന് അറിയിക്കാമോ;

പദ്ധതിക്ക് ‌ ‌‌‌ടെക്നിക്കല്‍ സാങ്ഷന്‍ ലഭിച്ചിട്ടുണ്ടോ; ഇല്ലായെങ്കില്‍ വിശദീകരണം നല്‍കാമോ?

എറണാകുളം നോർത്ത് പൊലീസ് സ്റ്റേഷനിലെ എസ്.എച്ച്.ഒ. സ്റ്റേഷനിൽ വച്ച് ഗർഭിണിയെ മർദ്ദിച്ച സംഭവം ശ്രദ്ധയിൽപ്പെട്ടിട്ടുണ്ടോ; എങ്കിൽ പ്രസ്തുത വിഷയം ഗൗരവത്തോടെ കാണുന്നുണ്ടോ;

പ്രസ്തുത സംഭവത്തിൽ സ്വീകരിച്ച നടപടികൾ വിശദമാക്കാമോ;

സമാന സംഭവങ്ങൾ ആവർത്തിക്കാതിരിക്കാൻ സ്വീകരിച്ച നടപടികൾ വിശദമാക്കാമോ?

മങ്കട പോലീസ് സ്റ്റേഷന് കെട്ടിടം നിര്‍മ്മിക്കുന്ന പ്രവൃത്തിയുടെ നിലവിലെ സ്ഥിതി വ്യക്തമാക്കമോ;

മങ്കട പഞ്ചായത്ത് ഭരണസമിതി യോഗ തീരുമാനത്തിന്റെ അടിസ്ഥാനത്തില്‍ മങ്കട വില്ലേജിൽ കടന്നമണ്ണ അംശം ദേശത്ത് വെറ്റിനറി ഡിസ്പെൻസറി സ്ഥിതി ചെയ്യുന്ന മൃഗസംരക്ഷണ വകുപ്പിന്റെ ഉടമസ്ഥതയിലുള്ള സ്ഥലം വിട്ടു കിട്ടുന്നതിന് ആഭ്യന്തര വകുപ്പ് എന്തെല്ലാം തരത്തിലുള്ള നടപടി സ്വീകരിച്ചിട്ടുണ്ട്; വിശദമാക്കുമോ;

ദീര്‍ഘകാലമായി യാതൊരു പുരോഗതിയും കൈവരിക്കാത്ത പ്രസ്തുത പ്രവൃത്തി സമയബന്ധിതമായി നടപ്പിലാക്കുന്നതിന് ആവശ്യമായ നടപടി സ്വീകരിക്കുമോ?

നെയ്യാറ്റിന്‍കര നിയോജക മണ്ഡലത്തിലെ അതിയന്നൂര്‍ ഗ്രാമപഞ്ചായത്തിലെ നെല്ലിമൂട്ടില്‍ പോലീസ് എയ്ഡ് പോസ്റ്റ് സ്ഥാപിക്കുന്നതിന് എന്തൊക്കെ നടപടികളാണ് സ്വീകരിച്ചത്; വിശദമാക്കാമോ;

2025-26 സാമ്പത്തിക വര്‍ഷത്തില്‍ തന്നെ എയ്ഡ്പോസ്റ്റിന്റെ പ്രവര്‍ത്തനം ആരംഭിക്കുവാന്‍ കഴിയുമോ; വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്ന ശേഷം ആഭ്യന്തര വകുപ്പിന് കീഴില്‍ പയ്യന്നൂര്‍ മണ്ഡലത്തില്‍ അനുവദിച്ച പദ്ധതികളുടെയും ചെലവഴിച്ച തുകയുടെയും വിശദാംശം ലഭ്യമാക്കാമോ?

ആരോഗ്യം, വിദ്യാഭ്യാസം, ഉപജീവനം തുടങ്ങിയ സാമൂഹ്യാവകാശങ്ങള്‍ സംബന്ധിച്ച് സംസ്ഥാനത്തെ സ്ത്രീസമൂഹം അഭിമുഖീകരിക്കുന്ന പുതിയ പ്രശ്നങ്ങള്‍ക്ക് പരിഹാരം കാണേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

പൊതുസ്ഥലങ്ങളിലും സൈബര്‍ ലോകത്തും സ്ത്രീകള്‍ നേരിടുന്ന പുതിയകാല പ്രശ്നങ്ങൾ ശ്രദ്ധയിൽപ്പെട്ടിട്ടുണ്ടോ; എങ്കിൽ ഇവിടങ്ങളിൽ സ്ത്രീകള്‍ക്ക് സുരക്ഷ ഒരുക്കുന്നതിന് പോലീസ് സ്വീകരിച്ചിരിക്കുന്ന നടപടികള്‍ വിശദമാക്കാമോ;

സ്ത്രീകള്‍ക്ക് തുല്യനീതിയും ലിംഗസമത്വവും സുരക്ഷിതത്വവും ഉറപ്പാക്കുന്നതിനായി ഈ സര്‍ക്കാര്‍ നടപ്പിലാക്കിയ പദ്ധതികള്‍ കാലങ്ങളായി നിലനില്‍ക്കുന്ന സ്ത്രീസുരക്ഷിതത്വ ചിന്താഗതികളില്‍ മാറ്റം വരുത്തുന്നതിന് സഹായകമായിട്ടുണ്ടോ; വിശദമാക്കാമോ;

നൂതന ആശയങ്ങളെ പ്രോത്സാഹിപ്പിക്കുന്നതിന്റെ ഭാഗമായി രൂപീകരിച്ച സംസ്ഥാന സ്റ്റാര്‍ട്ടപ്പ് നയത്തില്‍ വനിതാ സംരംഭകരുടെ സ്റ്റാര്‍ട്ടപ്പുകള്‍ക്ക് പ്രത്യേക പിന്തുണ നല്‍കിയിട്ടുണ്ടോ; വിശദമാക്കാമോ?

വിജിലൻസ് ഡിപ്പാർട്ട്മെന്റിലെ ഫയൽ നമ്പർ വി.ഐ.ജി.-എ2/590/2018-വി.ഐ.ജി.-ൽ, 2016-21 കാലയളവിലെ ഗുരുവായൂർ ക്ഷേത്രം അഡ്മിനിസ്ട്രേറ്റർക്കെതിരെ വിജിലൻസ് അന്വേഷണത്തിന് അഡീഷണൽ സെക്രട്ടറിയും അഡീഷണൽ ചീഫ് സെക്രട്ടറിയും ശിപാർശ ചെയ്തിരുന്നോ; വ്യക്തമാക്കുമോ;

പ്രസ്തുത ശിപാർശ നടപ്പിലാക്കിയോ; ഇല്ലെങ്കിൽ കാരണം വ്യക്തമാക്കുമോ?

വ്യാജ യാത്രാപ്പടി ഇനത്തില്‍ തിരുവിതാംകൂര്‍ ദേവസ്വം ബോര്‍ഡിന്റെ ഫണ്ടില്‍നിന്നും പണം തട്ടിയെടുത്തതിന് മുന്‍ ബോര്‍ഡ് അംഗങ്ങളായ ആര്‍ക്കെല്ലാമെതിരെയാണ് വിജിലന്‍സ് കേസുള്ളതെന്നും പ്രസ്തുത കേസുകളുടെ നിലവിലെ സ്ഥിതിയെന്താണെന്നും വ്യക്തമാക്കാമോ?

സർക്കാർ വകുപ്പുകളിൽ ഏത് വകുപ്പിലെ ഉദ്യോഗസ്ഥർക്കെതിരെയാണ് ഏറ്റവും കൂടുതൽ വിജിലൻസ് അന്വേഷണം നടക്കുന്നതെന്ന് വിശദമാക്കാമോ;

വിജിലൻസ് അന്വേഷണത്തിൽ ഏറ്റവും മുൻപിലുള്ള പത്ത് വകുപ്പുകളുടെ പേരുകളും വിജിലൻസ് അന്വേഷണത്തിന്റെ എണ്ണവും മുൻഗണന ക്രമത്തിൽ വിശദമാക്കാമോ;

മോട്ടോർ വാഹന വകുപ്പിലെ ഉദ്യോഗസ്ഥർക്കെതിരെ അനധികൃത സ്വത്ത് സമ്പാദനവുമായി ബന്ധപ്പെട്ട് എത്ര കേസുകൾ രജിസ്റ്റർ ചെയ്തിട്ടുണ്ടെന്ന് ജില്ലകൾ തിരിച്ച് വിശദമാക്കാമോ?

2018-ല്‍ ഭരണാനുമതി ലഭിച്ച കൂത്തുപറമ്പ് മജിസ്ട്രേറ്റ് കോടതി സമുച്ചയ നിര്‍മ്മാണം നാളിതുവരെ ആരംഭിക്കാന്‍ സാധിക്കാത്ത കാര്യം ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

കേരള കണ്‍സ്ട്രക്ഷന്‍ കോര്‍പ്പറേഷന് നിര്‍മ്മാണ ചുമതലയുള്ള പ്രസ്തുത പ്രവൃത്തി അനന്തമായി നീണ്ടുപോകുന്ന കാര്യം പരിശോധിക്കുമോ; വിശദമാക്കുമോ;

നിര്‍മ്മാണ ചുമതലയുള്ള കേരള കണ്‍സ്ട്രക്ഷന്‍ കോര്‍പ്പറേഷനെ പ്രസ്തുത പ്രവൃത്തിയുടെ ചുമതലയില്‍ നിന്നും മാറ്റുന്നതിന് നിലവില്‍ തടസ്സങ്ങളുണ്ടോ; ഇല്ലെങ്കില്‍ പുതിയ ഏജന്‍സിയെ നിശ്ചയിക്കുന്ന കാര്യം പരിശോധിക്കുമോ; വിശദമാക്കുമോ?

കാട്ടാക്കട കോടതി സമുച്ചയത്തിനായി ആകെ അനുവദിച്ച തുക എത്രയെന്ന് അറിയിക്കാമോ; പ്രസ്തുത പ്രവൃത്തിയുടെ നിലവിലെ സ്ഥിതിയും പൂര്‍ത്തീകരണം സംബന്ധിച്ച വിശദാംശവും ലഭ്യമാക്കുമോ;

ടി സമുച്ചയത്തിന് എത്ര നിലകളാണെന്നും അതിന്റെ വിസ്തീര്‍ണ്ണം, മറ്റ് സൗകര്യങ്ങള്‍, അനുവദിച്ച കോടതികള്‍ എന്നിവ സംബന്ധിച്ചുള്ള പൂര്‍ണമായ വിവരങ്ങളും ലഭ്യമാക്കാമോ?

സംസ്ഥാനത്തെ കോടതി ജീവനക്കാരുടെ അമിതജോലിഭാരം ശ്രദ്ധയില്‍പ്പെട്ടിട്ടുണ്ടോ;

കോടതി ജീവനക്കാരുടെ വര്‍ക്ക് സ്റ്റഡി റിപ്പോര്‍ട്ട് നടപ്പാക്കല്‍ സര്‍ക്കാരിന്റെ പരിഗണനയിലുണ്ടോ;

ബഹു. ഹൈക്കോടതി സബോര്‍ഡിനേറ്റ് കോടതികളിലെ പ്രവര്‍ത്തനം സുഗമമാക്കുന്നതിനും, ജീവനക്കാരുടെ അമിത ജോലിഭാരം കുറയ്ക്കുന്നതിനുമായി കൂടുതല്‍ ജീവനക്കാരെ നിയമിക്കുന്നതുള്‍പ്പെടെയുള്ള നടപടികള്‍ ശിപാര്‍ശ ചെയ്ത് കൊണ്ട് സർക്കാരിന് മെമ്മോറാണ്ടം സമര്‍പ്പിച്ചിട്ടുണ്ടോ;

ഉണ്ടെങ്കില്‍, പ്രസ്തുത ശിപാര്‍ശകള്‍ നടപ്പാക്കുന്നതിന് നടപടി സ്വീകരിക്കുമോ?

നാദാപുരം ഫയര്‍ സ്റ്റേഷന്‍ കെട്ടിട നിര്‍മ്മാണത്തിന് എതിരെയുള്ള സ്വകാര്യ വ്യക്തിയുടെ കേസില്‍ ഫയര്‍&റെസ്ക്യൂ വകുപ്പ് നാളിതുവരെ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

കോതമംഗലം മണ്ഡലത്തിലെ നേര്യമംഗലത്ത് പുതിയ ഫയര്‍ സ്റ്റേഷന്‍ ആരംഭിക്കുന്നതുമായി ബന്ധപ്പെട്ട് ഇതുവരെ സ്വീകരിച്ച നടപടികള്‍ വ്യക്തമാക്കാമോ;

ഫയര്‍ സ്റ്റേഷനായി കവളങ്ങാട് ഗ്രാമപഞ്ചായത്ത് അടിസ്ഥാന സൗകര്യങ്ങള്‍ ലഭ്യമാക്കിയ സാഹചര്യത്തില്‍ പ്രസ്തുത ഫയര്‍ സ്റ്റേഷന്റെ പ്രവര്‍ത്തനം ആരംഭിക്കുന്നതിനു വേണ്ട നടപടി സ്വീകരിക്കുമോയെന്ന് വിശദമാക്കാമോ?

കുറ്റ്യാടിയിലും പരിസരത്തും തീപിടിത്തം ഉണ്ടാകുന്ന സാഹചര്യങ്ങളില്‍ അഗ്നിശമന സേനാ വിഭാഗങ്ങള്‍ക്ക് യഥാസമയം എത്തിച്ചേരാന്‍ സാധിക്കാത്തത് ശ്രദ്ധയില്‍പ്പെട്ടിട്ടുണ്ടോ; പ്രസ്തുത പ്രശ്നം പരിഹരിക്കുന്നതിന് നടപടികള്‍ സ്വീകരിക്കാമോ;

കുറ്റ്യാടി ആസ്ഥാനമാക്കി പുതിയ ഫയര്‍ സ്റ്റേഷന്‍ അനുവദിക്കുന്നത് പരിഗണനയിലുണ്ടോയെന്ന് വിശദമാക്കാമോ?

കൊടുവള്ളി നിയോജകമണ്ഡലത്തിൽ സ്ഥിതിചെയ്യുന്ന നരിക്കുനി ഫയർ സ്റ്റേഷൻ കെട്ടിട നിർമ്മാണത്തിന് GO (Rt)No 2802/2025 Home dtd 15/08/2025 പ്രകാരം നൽകിയ ഭരണാനുമതിയുടെ അടിസ്ഥാനത്തിൽ എന്തെല്ലാം തുടർനടപടികൾ സ്വീകരിച്ചിട്ടുണ്ടെന്ന് വ്യക്തമാക്കാമോ;

കൊടുവള്ളി നിയോജകമണ്ഡലത്തിൽ കൊടുവള്ളി കേന്ദ്രീകരിച്ച് പുതിയ ഫയർ സ്റ്റേഷൻ അനുവദിക്കുന്നതിന് നടപടി സ്വീകരിക്കുമോ?

അരൂര്‍ ഫയര്‍സ്റ്റേഷന്‍ നിര്‍മ്മാണവുമായി ബന്ധപ്പെട്ട് തീരദേശ പരിപാലന അതോറിറ്റിയുടെ എൻ.ഒ.സി. ലഭിക്കുന്നതിനായി അരൂര്‍ പഞ്ചായത്ത് സെക്രട്ടറി നല്‍കിയ അപേക്ഷയില്‍ തീരദേശ പരിപാലന അതോറിറ്റി (കെ.സി.ഇസഡ്.എം.എ.) സ്വീകരിച്ച നടപടികള്‍ വിശദമാക്കാമോ?

ടി.പി. വധക്കേസ് പ്രതി കൊടി സുനിയിൽ നിന്നും ഉൾപ്പെടെ ഹെഡ് ക്വാർട്ടേഴ്സ് ഡി.ഐ.ജി. എം.കെ. വിനോദ് കുമാർ ലക്ഷങ്ങൾ കൈക്കൂലി വാങ്ങിയത് സംബന്ധിച്ച കേസിൽ അന്വേഷണ റിപ്പോർട്ട് സമർപ്പിച്ചിട്ടുണ്ടോ; റിപ്പോർട്ടിലെ കണ്ടെത്തലുകൾ എന്തൊക്കെയാണ്; മേൽപ്പറഞ്ഞ ഉദ്യോഗസ്ഥനെതിരെ നാളിതുവരെ എന്തൊക്കെ നടപടികൾ സ്വീകരിച്ചിട്ടുണ്ട്; വ്യക്തമാക്കുമോ;

ഹെഡ് ക്വാർട്ടേഴ്സ് ഡി.ഐ.ജി.ക്ക് കൈക്കൂലി വാങ്ങുന്നതിന് എല്ലാ സഹായവും ചെയ്തു നൽകിയത് ജയിൽ മേധാവിയാണ് എന്ന് ഒരു മുൻ ജയിൽ വകുപ്പ് ഉദ്യോഗസ്ഥൻ വെളിപ്പെടുത്തിയത് സർക്കാർ ഗൗരവത്തോടെ കാണുന്നുണ്ടോ; ഇക്കാര്യത്തിൽ സർക്കാർ അന്വേഷണം നടത്തിയിട്ടുണ്ടോ; കണ്ടെത്തലുകൾ എന്തൊക്കെയാണ്; എന്തൊക്കെ തുടർനടപടികൾ സ്വീകരിച്ചു; വ്യക്തമാക്കാമോ;

ജയിൽ പുള്ളികൾക്ക് അനധികൃത സൗകര്യം ഒരുക്കുകയും അവരിൽ നിന്ന് അനധികൃതമായി ആനുകൂല്യങ്ങൾ കൈപ്പറ്റുകയും കൈക്കൂലി വാങ്ങുകയും ചെയ്തത് സംബന്ധിച്ച എത്ര സംഭവങ്ങൾ മുൻ സർക്കാരിന്റെ കാലം മുതൽ നാളിതുവരെ റിപ്പോർട്ട് ചെയ്തിട്ടുണ്ട്; എത്ര സംഭവങ്ങളിൽ കേസ് രജിസ്റ്റർ ചെയ്ത് അന്വേഷണം നടത്തിയിട്ടുണ്ട്; എത്ര സംഭവങ്ങളിൽ കുറ്റക്കാരെ ശിക്ഷിച്ചിട്ടുണ്ട്; കുറ്റക്കാരായ ഉദ്യോഗസ്ഥരുടെ പേരും തസ്തികയും ഉൾപ്പെടെ വിശദാംശങ്ങള്‍ നല്‍കാമോ?

ജയിലിനുളളിൽ സൗകര്യങ്ങൾ ഒരുക്കുന്നതിനും പരോൾ ലഭിക്കുന്നതിനും ജയിൽ വകുപ്പ് ഉദ്യോഗസ്ഥർ കൈക്കൂലി വാങ്ങുന്നതായ പരാതി ശ്രദ്ധയിൽപ്പെട്ടിട്ടുണ്ടോ; എങ്കിൽ പരിശോധിച്ചിട്ടുണ്ടോ;

പരാതിക്കാരായ ഉദ്യോഗസ്ഥർ ആരെല്ലാമാണെന്ന് കണ്ടെത്തിയിട്ടുണ്ടോ; എങ്കിൽ അവർക്കെതിരെ എന്തെല്ലാം നടപടികൾ സ്വീകരിച്ചു എന്നറിയിക്കാമോ;

കൊടും കുറ്റവാളികൾക്ക് പരോൾ അനുവദിക്കുന്നതിന് കൈക്കൂലി വാങ്ങിയ ഉദ്യോഗസ്ഥരെ സർവ്വീസിൽ നിന്നും നീക്കം ചെയ്യാൻ ഉദ്ദേശിക്കുന്നുണ്ടോ; വിശദമാക്കുമോ?

സംസ്ഥാനത്തെ ജയിലുകളില്‍ നിലവില്‍ ആകെ എത്ര അന്തേവാസികള്‍ ഉണ്ടെന്ന് വിശദമാക്കുമോ;

നിലവിലുളള അന്തേവാസികള്‍ക്ക് ആനുപാതികമായി ഇവരെ സംരക്ഷിക്കുന്നതിനുളള ഉദ്യോഗസ്ഥര്‍ ഉണ്ടോ; ഇല്ലെങ്കില്‍ ഇതിനാവശ്യമായ പുതിയ തസ്തികകള്‍ സൃഷ്ടിക്കുമോ; വിശദമാക്കുമോ?

സംസ്ഥാനത്തെ ജയിലെ തടവുകാരുടെ ദിവസവേതനം വർദ്ധിപ്പിച്ചതിന്റെ നിരക്കുകള്‍ സംബന്ധിച്ച വിശദാംശങ്ങൾ ലഭ്യമാക്കുമോ;

തടവുകാരുടെ വേതന വർദ്ധനവ് സംബന്ധിച്ച് ഏതെങ്കിലും തരത്തിലുള്ള ആധികാരിക പഠനങ്ങൾ നടത്തിയിട്ടുണ്ടോ; എങ്കിൽ ഏത് പഠന റിപ്പോര്‍ട്ടിന്റെ അടിസ്ഥാനത്തിലാണ് നിലവിലെ നിരക്ക് വർദ്ധനവ് വരുത്തിയിട്ടുള്ളത്;

തടവുകാരുടെ ദിവസവേതനം വർദ്ധിപ്പിക്കുന്നത് സംബന്ധിച്ച് ആരാണ് ശിപാര്‍ശ നല്‍കിയതെന്നും ഇതു സംബന്ധിച്ച് ജയിൽ വകുപ്പ് നൽകിയ ശിപാർശയിൽ ആവശ്യപ്പെട്ടിരുന്ന നിരക്കുകളുടെ ഇനം തിരിച്ചുമുള്ള വിശദാംശങ്ങളും ലഭ്യമാക്കുമോ;

ഇപ്പോൾ വരുത്തിയിട്ടുള്ള വരുമാന വർദ്ധനവ് സർക്കാരിന് ലഭിച്ച ശിപാർശയിലെ നിരക്കുകളേക്കാൾ അധികമാണോ; എങ്കിൽ ഈ അധിക വർദ്ധനവ് വരുത്താൻ ഇടയായ സാഹചര്യങ്ങൾ എന്തെല്ലാമാണെന്ന് വിശദമാക്കുമോ?

2021-22 മുതൽ 2025-26 വരെയുള്ള സാമ്പത്തിക വർഷങ്ങളിലായി കാസർഗോ‍‍ഡ് വികസന പാക്കേജിൽ ഉൾപ്പെടുത്തി നടപ്പിലാക്കുന്ന പദ്ധതികളുടെ വിശദവിവരം നിയോജകമണ്ഡലം തിരിച്ച് ലഭ്യമാക്കാമോ;

പ്രസ്തുത പദ്ധതികളുടെ വിശദ വിവരങ്ങളും ഓരോ പ്രവൃത്തിക്കും അനുവദിച്ച തുക, നിർവ്വഹണ ചുമതല നൽകിയിട്ടുള്ള വകുപ്പ്/ഏജൻസി, പ്രവൃത്തികളുടെ നിലവിലെ സ്ഥിതി എന്നിവയും വ്യക്തമാക്കാമോ;

ഇതിൽ പൂർത്തീകരിക്കാൻ കഴിയാത്ത പദ്ധതികളുടെ വിശദ വിവരങ്ങളും ആയതിന്റെ കാരണങ്ങളും വ്യക്തമാക്കാമോ?

മണലൂര്‍ മണ്ഡലത്തിലെ കണ്ടാണശ്ശേരി പഞ്ചായത്തിലെ കരിയാംപറമ്പില്‍ ഹൗസില്‍ സിനി ഗോപിയുടെ ഭര്‍ത്താവ് കാനറാ ബാങ്കിന്റെ അരികന്നിയൂര്‍ ശാഖയില്‍ നിന്നും എടുത്ത വായ്പ തിരിച്ചടവ് മുടങ്ങിയതിനെ തുടര്‍ന്നുണ്ടായ ജപ്തി നടപടികള്‍ നിര്‍ത്തിവെയ്ക്കണമെന്ന് അഭ്യര്‍ത്ഥിച്ച് സമര്‍പ്പിച്ച നിവേദനം ശ്രദ്ധയില്‍പ്പെട്ടിട്ടുണ്ടോ;

അപേക്ഷകയുടെ ഭര്‍ത്താവ് മരണപ്പെടുകയും ഓട്ടിസം ബാധിച്ച ഒരു മകളും, വിദ്യാര്‍ത്ഥിയായ ഒരു മകനും മാത്രമുള്ളതും സാമ്പത്തികമായി വളരെ ബുദ്ധിട്ടുള്ളതുമായ പ്രസ്തുത കുടുംബത്തെ സഹായിക്കുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; വിശദാംശം നല്‍കാമോ?

ത്രിതല പഞ്ചായത്തുകളിൽ ഡാറ്റാ മാനേജർ തസ്തിക, മെഡിക്കൽ വിദ്യാഭ്യാസ വകുപ്പിലും സാമൂഹ്യനീതി വകുപ്പിലും സ്റ്റാറ്റിസ്റ്റിക്കൽ സെല്ലുകൾ, റവന്യൂ താലൂക്കുകൾക്ക് ആനുപാതികമായി താലൂക്ക് സ്റ്റാറ്റിസ്റ്റിക്കൽ ഓഫീസുകൾ, സാസയെ മഹലനോബിസ് നാഷണൽ സ്റ്റാറ്റിസ്റ്റിക്കൽ റിസർച്ച് അക്കാദമി എന്ന പേരിൽ പുനർനാമകരണം ചെയ്യുക, 41 വകുപ്പുകളിലെ സ്റ്റാറ്റിസ്റ്റിക്കൽ സെല്ലുകളിലെ ജീവനക്കാരുടെ ചുമതലകളും ഉത്തരവാദിത്വങ്ങളും പുനക്രമീകരിക്കുക, സ്റ്റാറ്റിസ്റ്റിക്കൽ കമ്മീഷണർ എന്ന പേരിൽ IES/ISS/IAS കേഡറിലെ ഉദ്യോഗസ്ഥനെ വകുപ്പ് ഡയറക്ടറായി നിയമിക്കുക എന്നീ ആവശ്യങ്ങൾ മുൻനിർത്തി സ്റ്റാറ്റിസ്റ്റിക്കൽ കമ്മീഷൻ ചെയർമാന് 21/04/2025 ൽ നൽകിയ 143/2025/CRM കത്തിലെ വിഷയങ്ങൾ വർക്കിംഗ് ഗ്രൂപ്പിൽ ചർച്ച ചെയ്ത് പരിഹാരം കണ്ടിട്ടുണ്ടോ; വ്യക്തമാക്കാമോ?

കോവളം നിയോജകമണ്ഡലത്തിൽ 2021 മുതൽ നാളിതുവരെ മുഖ്യമന്ത്രിയുടെ കീഴിലുള്ള വിവിധ വകുപ്പുകളിൽനിന്നും പണം അനുവദിച്ചതും പണി തുടങ്ങിയതും പൂർത്തിയാക്കിയതുമായ പ്രവൃത്തികൾ ഏതൊക്കെയാണെന്നും എത്ര രൂപ വീതം അനുവദിച്ചുവെന്നും വ്യക്തമാക്കാമോ?

കാസർഗോഡ് വികസന പാക്കേജിൽ നാളിതുവരെ എത്ര തുകയുടെ വികസന പ്രവൃത്തികള്‍ നടപ്പിലാക്കുന്നതിനാണ് പ്രഭാകരൻ കമ്മീഷൻ ശിപാർശ ചെയ്തതെന്ന് വ്യക്തമാക്കാമോ;

ഇതിൽ എത്ര തുക ഇതുവരെ അനുവദിച്ചിട്ടുണ്ടെന്ന് അറിയിക്കാമോ;

എത്ര തുകയുടെ പ്രവൃത്തികൾ ഇതുവരെ നടപ്പിലാക്കിയിട്ടുണ്ടെന്ന് നിയോജകമണ്ഡലം, വർഷം എന്നിവ തിരിച്ച് കണക്ക് ലഭ്യമാക്കാമോ?

ഇടുക്കി ജില്ലയുടെ സമഗ്ര വികസനത്തിനുള്ള ഇടുക്കി പാക്കേജിന്റെ പുരോഗതി വ്യക്തമാക്കാമോ; നാളിതുവരെ എത്ര പ്രവൃത്തികള്‍ക്കാണ് ഭരണാനുമതി നല്‍കിയിട്ടുള്ളത്; ഭരണാനുമതി നല്‍കിയ പ്രവൃത്തികള്‍ ഏതൊക്കെയാണെന്ന് വിശദമാക്കാമോ;

ഇടുക്കി പാക്കേജില്‍ ഉള്‍പ്പെട്ടിട്ടുള്ള എത്ര പ്രവൃത്തികള്‍ പൂര്‍ത്തീകരിച്ചിട്ടുണ്ട്; പൂര്‍ത്തീകരിച്ചിട്ടുള്ള പ്രവൃത്തികളുടെ വിശദാംശം ലഭ്യമാക്കാമോ;

കഴിഞ്ഞ നാല് വര്‍ഷങ്ങളിലായി എത്ര നിര്‍മ്മാണ പ്രവൃത്തികള്‍ക്കാണ് അംഗീകാരം നല്‍കിയത്; വിശദാംശം ലഭ്യമാക്കാമോ;

നാളിതുവരെ പ്രസ്തുത പ്രവൃത്തികള്‍ക്ക് എത്ര തുക ചെലവഴിച്ചിട്ടുണ്ടെന്ന് വ്യക്തമാക്കാമോ?

ലക്ഷദ്വീപ്, ആന്‍ഡമാന്‍-നിക്കോബാര്‍ എന്നീ ദ്വീപുകളിലും മറ്റ് ചെറുദ്വീപുകളിലും പ്രത്യേക ഇന്‍ലാന്‍ഡ് കോസ്റ്റല്‍ റെഗുലേഷന്‍ സോണ്‍ വ്യവസ്ഥകള്‍ ബാധകമാക്കിയിട്ടുള്ളതുപോലെ വൈപ്പിന്‍കാര്‍ക്കും സമാനമായ ചട്ടങ്ങള്‍ ബാധകമാക്കിയിട്ടുണ്ടോ; ഇല്ലെങ്കില്‍ കാരണം വ്യക്തമാക്കാമോ?